غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 17-02-2010, 03:47 PM
صورة ●» خَوْاطِر ~ الرمزية
●» خَوْاطِر ~ ●» خَوْاطِر ~ غير متصل
©؛°¨غرامي متألق ¨°؛©
 
الافتراضي رد: اضحك وانا في داخلي مجروح


.................................................. ...............
المكان : سياره احمد
الساعه : 9ونص
احمد
.................................................. ...............
توني مار ع حميد بسير وياه الحلاق نتحلق حق العيد باجر
سرنا نتحلق ونحنا طالعين
حميد : احمد اذا ماعليك امر مر صوب الدووبي بخذ كناديري
احمد : اوكي اي دووبي ؟
حميد : الي صوب......
احمد : هيييه عرفته انا بعد مودي كناديري هناك
حميد :زين عيل مره وحده بنييبهم
احمد: الا بتخبرك شحال سعيد ....
حميد: بخيرر الله يسلمك من زمان مارمسته مادري وينه
احمد: هيييه زين باجر بتصل فيه عسب العيد
حميد: خلوووف وين دااره ؟
احمد : مادري عنه من سبوع ماله حس مايتصل وايد
حميد : هههه حليله اتصل فيه جوفه وين
احمد : اوكي
اتصلت فيه مارد عليه
احمد: مايرد مادري وينه
عقب سرنا خذنا كناديرنا ورديته البيت وانا رديت البيت ارقد عسب باجر انش من وقت
.................................................. ..............
المكان :بيت بو حميد
الساعه : 10 فليل
مـيـرهـ..
.................................................. ...............
بندت الاب وسرت فتحت كبتي طلعت ثيابي مال باجر وعبااتي وحطييتهم ع السرير وسرت لبقت الدخون ويييت دخنتهم وعقب رديت غرفتي بدلة ثيااابي ورقدت عسب انش من وقت ..
.................................................. ...............
المكان : بيت بو احمد
الساعه : 7 الصبح
امل
.................................................. ...............
فتحت عيني بكسل ع صوت المنبه ييت بسكره جان اذكـر اوي اليوم العيد نشيت بسرعه وبندت المنبه وسرت خذتلي شور وعقب لبست ثياابي وطلعت برع جفت ابويه توه ياي من صلاه العيد سرت سلمت عليه
: عيدك مباااارك ابويه
بو احمد : الله يباارك فيج عسااج من العايدين والسالمين
وعقب دشت امي سرت سلمت عليها وباركتلها بالعيد ونزلت تحت جفت احمد بعد سلمت عليه وسرت غرفه ريمو جفتها توها طالعه من الحمام
الريم : واو امووول كششخه المخور عليج
امل : احم احمـ يسلمؤ من ذوووقج يلا انتي بعد لبسي بجوف كيف شكلج
الريم : اوكي
وعقب طلعت عنها وسرت غرفتي سشورت شعري وعدلته ولبست الاكسسورات وتعطرت ونزلت تحت سمعت الجرس يرن شكله في يهال يااين ياخذون عيديه طرشت الخدامه تجوف طلعت قوم يرانا ياايين يسلمون دخلت الحرمه وسلمت عليها وسرت زقرت امي وريمو ويييت يلست وياها وعقب شويه سارت انا سرت فوق سوييييت دخوون ودخنت البيت وخلصت كل اشغالي سرت تجحلت وحطييت شدوو خفييف وحطيت قلووس ..
.................................................. ............
المكان : سياره احمد
الساعه : 9 الصبح
..................ٍ............................... ...............
طلعت من البيت قلت بسير اسلم ع عمامي وابويه وياايه سرنا بيت عمي بو حميد وسلمنا عليه وع عياله وعقب سرنا بيت بو خليفه وسلمنا عليه وردينا البيت بنااخذ البنات وبنسير بيت يدي ابو امايه وعقب سرنا بيت يدوه
.................................................. ...............
المكان :بيت بو احمد
الساعه : 10
الريمـ
.................................................. ...............
شليت بسرعه شنطتي واغراضي ولبست عباتي ونزلت تحت اركـض بسرعه ركبت السيااره وسكرت البااب حطيت الاغراض حذالي ويلست احمد سار بسيارته ونحنا بسياره ابويه سرنا بيت يدي سلمنا عليه وسرنا عقب بيت يدووه كلنا نتيمع هناك سرت سلمت على بناات عمي وحريم عمامي يدووه مستانسه علينا اونه هيه جي اباكم هب تلبسون هالبناطلين خلكم جي عقب روحنا نحنا البنات ميلس الحريم ويلسنا هناك نسولف ونتصور وجـي ...
.................................................. ...............
المكان : بيت يدوه
الساعه : 12 ونص
مـيـره..
.................................................. ...............
يالسه ومندمجه ويا بنات عمـي بالسوالف
: اقول اليوم بتمون هنييه صحـ
امل : هيييه نحنا البنات بنتم وانتو ؟
هند : هيه حتى انا بتم حتى مجهزه اغراضي
الريم : زين زين عيل ....
وعقب يلسنا نسوولف وفتحنا التلفزيون
وعقب فتحت الاب توب فتحت المسن وطرشت حق محمد شعـر حق العيد فيهـ اسمهـ ... وعقب امل بنت عمي قالتلي تبا شويه تحدر النت عطيتها اياه ويلست اسووولف ويا البناات وعقب سرنا صوب يدوه وسولفنا وياها وعقب ردينا الميلس لان يدووه قالت بترقد شويه وطلعنا عنها
.................................................. ...............
المكان : بيت يدوه
الساعه : 4 العصـر
الـريـم
.................................................. ...............طلعت من الميلس كنت بسير ايييب ليش قلاص ماي طلعت من المطبخ سرت صوب الفله دشيت داخل وانا يالسه امشي جفت باب ميلس الريااييل ملايم وسمعت صوت التلفزيون قلت يمكن نسوه مفتووح لان محد فالميلس كلهم راحـو كان التفزيون ع طرف الميلس سرت هناك وانا ماجوف شي ويالسه اغني
الريم: مجرم احبك انا حبك ويلي من حبك هناني بكاني خلاني اعشق
توني بكمل صديت الصوب الثااني بطلع من الميلس جفت حمـيد يألس يـطآألعني تميت فاجه عيني دقيقه جان استوعب ان ماعليه شيله شرردت برع اركض ع طوول سرت ميلس الحريم بس قبل لاادخل عدلت شكلي وسويت عمري عاديه مع ان قلبي ليين الحين يدق
.................................................. ...............
المكان : بيت يدوه
الساعه : 4
حمـــيد ..
.................................................. ..............
ييت بيت يدوه الحين بسلم عليها لاني ادري عقب كله عندها حـريم يت اسلم عليها المهم دخلت الميلس وقلت حق الخدامه تزقرها ... يلست افـكر فيها .. هممم خاطري اجووفها اليوم ياليت اجوفها ولو بالغلط .ماتوقعت ان امنيتي تتحقق بهسرعه جفتها دشت الميلس شكلها مانتبهت اني موجوود بغيت اخوز عيني عنها ماقدرت كنت ابا انبها اني موجود بس احس اني مااقدر اقول شـي شويه انتبهت اني موجود شكلها انصدمت طاحت عيني ف عينها حسيت ان الدنيا تلف بي اخ ياويل حالي عليها تميت مبهت لين ما يت الخدامه تقولي ان يدوه رااقد لفيت راسي ادورها جفتها ساارت طلعت برع وسرت ركبت سيارتي وطلعت
.................................................. ..............
المكان : بيت يدوه
الساعه : 4 وشي
امل
.................................................. ...............
كنت يالسه ويا البناات بس ماكنت اشاركهم السوالف لان عقلي ف مكان ثاني عند ميـرهـ .. الصراحه لين الحين مب مستوعبه شو السالفه ... معقووله .. بس اكييد في شي ... ماعرف الصرااحهـ..... تبوون تعرفون شو السالفه ... اليوم يوم خذت من ميره الاب كنت يايه بسويه حق شي كووبي وطلعلي كلام او بالاحرى شعر عنـ العيد المهم ماستغربت قلت عادي مطرشه حق وحده من ربيعاتها توني بي امسحه واسوي كووبي حق الي اباه شدت انتباهي اسمـ ...ومب اي اسمـ اسمـ ولـد .. محمد هالاسم الي جفته بصراحه استغربت منو محمد .... محد من اخوانها اسمه محمد ..معقوله ميره تكون من هالنووع الصراحه مـآآكنتـ اتوقع ... بس اكـيد ريمو تعرف شي ع الساالفه بحـآول اسألها ... نفضت افكاري ع صووت هند تزقرني
: هلا هند
هند : اقولج بتغيرين ثيابج ولا بتميين بالمخور
امل : انتو بتغيروون ؟
الريم : انا هييه
ميره : امم انا بعد
امل : اوكي عيل يلا قومو نتجهـز
هند : اوكي
قمنا وكل وحده سارت تجهز اغراضها انا طلعت لبسي وسرت صوب الحمـآم وغير ثياابي فتحت شعري ومشطته عسب تبين خصته عدل وطلعت من الحمام
ميره : وااو نايس الاصفر عليج امول
امل : تسلمييين حبي
هند : الله الله بنت عمي وصلاويه
امل : لا فديييتج شرجاويه حتى االنخاع هع
كنت لابسه بنطلون اسود سكيني بدي اصفر كت وفوقه قميص اصفـر مشدود ليت نص الفخذ ولبست حزام ف النص وسلسه ع ايدي ورقبتي وكواشي صفره وشعري حطيت مقابض صـفر
سرت اجوف شكلي ف المنظره عيبني وعقب سرت رسمت عيني بالجحال اول مره اسويها وعقب حطييت بلشر خفيف وقلوس وردي ولبست نعال كعب اسود وتعطرت ويلست اجوف بنات عمي وهم يتجهزون الريم كانت لابسه بنطلون تركواز سكيني ووبدي يت الركبه تركواز مرباعت شوي غامج وشويه فااتح ورافعه شعرها بطريقه حلوه ومتجحله بجحال ازرق ولابسه اككسورات وتعطرت ولبست نعالي صندل
ومـيره: كانت لابسه بنطول اسود واخر البنطلون من فوق حزام احمر فيه فيونكه وبدي اسود وعليه جاكييت احمـر <<امل عندها نفس البدله بعد ....وعقب لبست اككسسوارتها ونعال كعب احمر وحطت غلوس احمر واتجحلت باسود وربطت شعرها ذيل حصان ولفته بشريطه حـمرهـ ...
وهنـد : كانت لابسه فستان اصـفر لين الركبه وتحت الصدر فيه حزام ع شكل فيوونك اسود وتحت مقطع وكانت صابغه شعرها كستنائي وكانت راسمه عيونها وحاطه شدو خفيف وقلوس خفيف وردي ولابسه بوت اسود يغطي ريولها ونهايه البوت فيه فيونكه صفـره ولبست اكسسوارتها وتعطرت
اشكالهم الصرااحهـ كاانت واآآآآو كشـخهـ ...
عقب سارو الصاله جافو يدتهم يالسه هناك يلسو يسولفون وياها لـين عقب كلهم يو يلسو يسولفوون وجي وكلهم تمدحو البنات وكشختهمـ.... وفليل كل واحد رد بيته وهم تعباانين يدوروون الفراش
.................................................. .............
المكان : بيت بو احمد
الساعه : 9 ونص الصـبح
ريـم..
.................................................. ...............
نشيت ع صوت امايه فديتها توعيني تقولي اتجهز لان بنسير راس الخيييمه نشيت وسرت الحمام وخذتلي شور وطلعت وانا احس بشاااط سرت نشفت شعـري وطلعت من غرفتي سرت صوب الصاله الي تحت جفت الريوق ميلس سرت جفت شو مسوين جفتهم مسوين بلاليط حطيتلي شويه ف الصحن وكلت وعقب سرت غرفت امول كانت تنشف شعرها بالسشوار ويوم خلصت قلتلها
: امول اليوم شو بتلبسين ؟
امل : نحنا وين بنسير بيت اميه ولابيت خالوه
الريم : اتوقع بيت قوم خالو لان كل عـيد نسـير هناك
امل : واع الصراحه ماودي اسير هناك
الريم : ليش
امل : ماداني نظرات هزااعوو ولدها افف يـقهـر مول مايحشم
الريم: هيه ادرييبه اجووفه شقا يطالع ولاجنه بنات خالته يقهرني والله
امل : اوكي شو نلبس بتلبسين بنطلون ولا مخوره
الريم : دام بنسير هناك شرايج نلبس مخوره احسن هناك هزاعو احس عيب نلبس بنطلوون
امل: امممممـ اوكيه
طلعت من عندها وسرت غرفتي اتلبس لبست وخلصت اتجحلت وحطيت قلووس وبلشر ورفعت شعري بتووكه وتعطرت ع الخفيف ..
.................................................. .............
المكان : بيت بو احمد
الساعه : 10 ونـص
احمـد
.................................................. ...............
توني ناش من الرقاد قمت ودخلت اسبح وطلعت لبست ثيااابي وطلعت برع جفت الصاله فاضيه سرت صوب حجره امل
دقيت الباب
امل : ادخل احمد
احمد :شدراج اني احمد
امل : اعرفك يوم ادق ع الباب كيف
احمد : اها انزين شو تسوين
امل : ماشي اسوي شعري
احمد : اهاا متى بنسير ؟
امل : الحين بتحرك
احمد : اوكي انا بسير اتلبس
امل : اوكي ترانا بنسير وياك
احمد : اوكي
طلعت عنها وسرت غرفتي تلبست وتعطرت وسرت تحت جفت امول والريم يالسين يتريوون
احمد :وين قوم امي؟
الريم : توهم قبل شويه طـلعوؤ
احمد : اوكي عيل يلا اركبوو السياره
لبست نظارتي الشمسيه وركبت السياره
.................................................. ..............
المكان : سياره احمد
الساعه : 11
امــل
.................................................. ...............
ركبت السياره ويلست ورا هالمره وشغلت المسجل ع اغنيه راشد منك منقهـر وطولت عليها
احمد : لا والله ع كييفج
امل : هييه
الريم : ههههه الي يقول سيارتها
امل : عادي انا واخوي واحد هب جي حمود
احمد : لا والله
امل : المهم احمد طلبتك
احمد : همممم عطيييتج
امل : الله يخليييييك مر المحطه
احمد :لــيييش ؟
امل : الله يخييك عادي هييه الحيين فااظيه الصبح
الريم : هيييه احمد الله يخليييك ؟
احمد : كسرتووو خااطري اوكي
خخخ استاانست يوم وافق يلست عدل وطلعت المنظره من شنطتي عدلت شيلتي ولبست نظارتي الشمسيه وعقب شويه وصلنا ونزلنا انا وريمو المحطه واحمد قال بيصب بتروول
دخلنا المحطه سرت اشتريتلي ديو وجلكسي وجبساات وماخليت شي ف خاطري انا وريموو واشتريت حق احمدوو رد بول وعقب حاسبنا وطلعنا سرنا صوب السياره وركبنا السيـآره
امل : هاه احمـد تأخرنـآ عـلـيك ؟
احمد: لا عـآدي
الريم: احمد تبا كروسون جبن
احمد: اوكي عطييني .
عطته ريمو كروسون وانا بعد عطيته الرد بول وطوول الدرب ونحنا نسوولف لين وصلنا بيت قوم خالو دخلنا نحنا داخل واحمد سار صوب ميلس الريااايل دخلنا داخل جفنا امايه ويدوه وخالو مهره وخالو فاطمه سلمنا ويلسنا شويه ويت خولوو وسلمت ويلست ...
.................................................. .............
المكان : بيت بو هزاع
السااعه : 12 ونص الظهـٍر
احمد ..
.................................................. ...............
قمنا عسب نسيـر نـصلي ف المـسيد وعقب يوم ردينا دخلنا داخل جفنا قوم اميه ف الصاله والبنات دخلنا وسلمنا انا وهزااع ويلسنا انسولف وياهم شويه
.................................................. ...............
المكان:بيت بو هزاع
الساعه : 1
امل
.................................................. ...............
كنـت شويه وبنجلط من القـهر افف يقهر هالهزاع افف يعني موول مايحشمـ .... توه قهرتني حركته ياي يسلم ع خاالو مهااري انا يالسه عند خالو خالو كانت يالسه ماوقفله ف طبيعي ينزل يسلم عليها سمعت يهمس بهمس انا الوحيده الي فهمته اونه قمر قمر .. فعيينه اففف ولا الحيين ولا يشل عيونه عني اففف يقهرني شو ها مايحشم موول سحبت خوله والريم وسرنا فوق حجره خـولـه
.................................................. ...............
المكان : بيت بو هزاع
الساعه : 1 وربع
الـريـم ..
.................................................. ...............
حسييت انا بحركت هزااع لانه من يلست واموول موول مفوله عليه عفان الله مادري ع منوو طاالع انتبهت ع صوت خوله تقول : يمكن مريووم بنت عمو تي اليوم
الصراحه تضاايجت هالانسانه مول مارتاحلها افف بس مانروم نقوول شي ابتسمتلها : حيالله من مزمان ماجفناها
يلسنا انسوولف لين مازقروونا ع الغدى ونزلنا تحـت
..< عقب الغدا يلسنا كلنا ف الصااله نسولف لين اذن العـصر ركبنا غرفه خوله نصـلي ... صليت ويلست اعدل عمري فالمنظره عدلت جحالي وتعطرت وحطيت قلووس ويلست وعقب يلسنا نسولف شويه ودخلت مريووم
مريوم : هااي اافري بدي
خوله : هاياات
امل : شحالج مريووم ؟
مريوم : بخير لله يسلمج
سلمنا عليها وخذنا اخبارها وعقب يلسنا نسوولف وياها شويه موووول مانزلتلي من زوور احسها خقاااقه كل سوالفها سويت وسرت اشتريت وماعرف شو ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 18-02-2010, 09:07 PM
صورة ●» خَوْاطِر ~ الرمزية
●» خَوْاطِر ~ ●» خَوْاطِر ~ غير متصل
©؛°¨غرامي متألق ¨°؛©
 
الافتراضي رد: اضحك وانا في داخلي مجروح


افـآأ‘ ولآ رد؟ّ!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 21-02-2010, 02:08 PM
غلا قلبي_a غلا قلبي_a غير متصل
©؛°¨غرامي جديد¨°؛©
 
الافتراضي رد: اضحك وانا في داخلي مجروح


جناااااااااااان فديييتج

يسلموووووووووو و الله يعطيج العافيه

و ننتظر البارت الياي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 21-02-2010, 03:18 PM
صورة ●» خَوْاطِر ~ الرمزية
●» خَوْاطِر ~ ●» خَوْاطِر ~ غير متصل
©؛°¨غرامي متألق ¨°؛©
 
الافتراضي رد: اضحك وانا في داخلي مجروح


ربي يسلمج غلاايه ..

وبنزل بارت لعيوونج ^^.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 21-02-2010, 04:53 PM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: اضحك وانا في داخلي مجروح





عوآإفـي يالغـلآ ..

كمللي فيه لك متآبعيـن ولو كآنـوآ من خلف الكوآليسس ..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 22-02-2010, 04:37 PM
صورة ●» خَوْاطِر ~ الرمزية
●» خَوْاطِر ~ ●» خَوْاطِر ~ غير متصل
©؛°¨غرامي متألق ¨°؛©
 
الافتراضي رد: اضحك وانا في داخلي مجروح


احييــم بنزل بارت لعيون غلا ومعزووفه


بداـأيـه البآرت
.................................................. ...............
المكان : سياره حميد
الساعه : 4 ونص العصر
ميره
.................................................. ...............
تونا طالعين من البيت بنسير صوب بيت يدي الي ف الذيد يدي ماعنده غيير امايه والبااجيين كلهم اولاد 2 واحد معرس وعنده ولد عمره 4 سنوات وبنت عمرها 6 شهوور وبـس ...
سرنا هنااك ويلسنا نسولف وكلهم حاطيين عليه اونه ماتيين صووبنا وماعرف شو بالله عليكم اسير هناك عند منو كله يهال وماعندي حد كبري يعني شو اي اسوي وبعد تراني اي اسلم عليهم كل فتره عــقب تمييت ملااانه شويه الا اسولف ويا مره خـالي اففف تمنيييييييت اني ياايبه الاب توب المهم عقب طلعت وسرت برع اتصلت حق ربيعااتي قلت اباركلهن بالعيد ومره اتسلى ...
.................................................. ...........
المكان : سياره حميد
الساعه : 9 ونص
حمـيد
.................................................. ...........
توه طالع من بيت يدي وعـقب ميروووه اذتني اون ابا اسير مااك وديييتها ماك الي ف شارع الامارات كان اجربلنا سرت اشتريتلها مااك ورديينا البيت سرت غرفتي وانا ملان فتحت فوني ويلست اسمع اغااني وعقب بندتهم ورقـدت ...
.................................................. .........
المكان : بيت بو احمد
السااعه: 12 فليل
امـل
.................................................. .........
ردينا من رااك وانا هلكاااااانه ادور الفرااش سرت اتسبحت ولبست بجاااااامتي ورقـدت
الصــبح نـشيت ع صووت ريموو تقوولي قووومي اليوم بنسيـٍر صحارى بنتم هناك لين فليل قمت واتغسلت ولبست نفس بدلت ميروه عصر العيد حطييت جحال خفيف وقلوس ولبست عبااتي وسكارف ونزلت تحـت طلعنا من البيت سرنا وكانوو هناك بعد عماامي الباااقيييين
.................................................. ...............
المكان: صحـآرى
الساعه : 4 ونص العـصر
ميـٍره
.................................................. ...............
توني طلعت من مسيدد الحـريم الي ف صحارى شليت وياايه الريم وسرنا صوب لايف ستايل دخلت وشتريت ميداليات ودفااتر وخرابيط طلعت ويلسنا ندور شويه وعقب سرنا فوق صوب الالعااب جفت قوم هند واموول يلعبوون قيطار الموت عاد امول ياحبها حق هالالعاب يلست اترياهم ويوم خلصو خذت امول وركبنا مره ثانيه القيطاار لانه ريمو تخااف من هالالعااب
لعبنا واناا يالسه اصاارخ وعاد امول محتشره اونه سكتي يالسه تباغميين ف الموول عيييييييييييب .... ماشاء الله عليها متعووده شكلها يالسه اتسووولف هع وعقب نزلنا سرت طلبنا اسكريم ويلسنا نااكل وعقب سرنا تحت نتمشى ونسوولف فجأه امول يالسه اتقوولنا
امل : بسرعه بسرعه اتغشن
عاد نحنا كلنا اتغشينا
الريم: بلاج شو السالفه؟؟
امل : لفي ع وراا وبتعرفيين
عاد نحنا كلنا لفيناا نجوف جان ريمو تشهق
الريم: اوييييي هاذا شو ياابه هني
ميره : شو السالفه منو ؟
امل : هاذا الي لابس كندووره بيضه ومتسفر بسفره بيضه
هند : هيه بلاه
الريم : ولد خالو هزاع
ميره : انزيين شو يعني
امل : وااع مادانيه ماباه يجوفنا بسرعه تعالو فوق بنسير صوب الحريم عن يجووفنا
هند : اوكي يلا
وسرنا فوق ويلسناا صوب الحريم ويسنا نسولف وياهم وعقب صلاه المغرب ظهرنا من المول وسرنا بيت يدوه بنيلس شويه وعقب ردينا البيت
.................................................. ...............
المكان : سياره حميد
الساعه :10
حمـيد
.................................................. ..............
كنت طاالع ويا خلييفه واحمد عياال عمـي
حميد :وينك خلوووف من زمان ماجفنااك
خليفه : والله ياحمييد مشااغل
احمد : مشااغل يالهرم ولا منشغل بالمغازل
خليفه : هههههههههه لا لا افا عليك
حميد : هع طلعت مب هيين تغاازل
خليفه: تضيييع وقت
حميد : بس حرام تلعب ع بنات الوقت يمكن انت تضيع وقت بس هم جادات
خليفه : محد قالهم بعدين انا ماوعدهم بشي بس اضيع وقتي
احمد : الله يهدييك
خليفه : الله يهدي اليميع
وعقب يلسنا نسولف شويه ونتحووط وتعشينا وردييتهم صوب سياايييرهمـ ..
.................................................. ...........
المكان : بيت بو احمد
الساعه : 12 ونص
احمـد
.................................................. ...........
توني يآي من بـرع دخلت البيييت هدوؤوء واناا طاايف صوب
حجره ريمو سمعت صووت فيهاآآ دخلت جفتها طاايحه ع السرير وحاطه الايبوود وتغنـي يوم جافتني زاغت
الريم : احمدووو ليش مادق الباب يوم تدخل
احمد : عادي انزيين الا انتي اختي
الريم: لا والله افرض اني يالسه ابدل ثيابي
احمد : والله محد قالج ماتقفلين الباب وبعدين عندج الدرسنغ والحماام بدلي فـيهم ..
الريم : ويافيسك
احمد : احم احم فديت فيسي
الريم : الحمدالله والشكر حد يتفدا عمـرهـ
احمد : هيه انا .. ويلا انا بسـير اآرقد
الريم: تصبح ع خـير حبيبي
احمد : وانتي من اهله الغلا وشلي هالاغاني من اذنج هب زيـن ..
الريم: ان شاء الله
طلعت عنها وسرت غرفتي وانا منقهر باجر دوااام املووو مفتكه اونه مابداوم اول يوم ربيعتي عندها عـرس يالييت والله نرجع ايام المدرسه ...
.................................................. ...............
المكان : جامعه الشاارجه’
الساعه :12 ونص
مـيره
.................................................. ..............
طلعت من الكلاس وانا مقهوووره من المس اليوم هزبتني لاني تأخرت عن المحاظره بخمس دقاايق انزين شو يعني افف ويالله يالله دخلتني سـرت يـلست ف الكفتيريآأ اتريا ربيعتي مهرووه تأخرت مسكت مباايلي واتصلت فيها
مهره : مرحبا الساع
ميره : هلا انتي وين؟
مهره: انا توني طالعه من المحاظره ؟
ميره : يلا تعالي انا ف الكفيريا
مهره : اوكي ثواني
ميره :باي
بندت عنها ويلست اتريا ثواني ويت يلست جدامي
مهره : هلا والله شحالج ؟
ميره : اهلين تمام وانتي
مهره: بخير بلاج معصبه؟
ميره : والله هاي المـــس قاهرتني
مهره: جي شو سوت
ميره: هزبتني وبغت تطردني اونه ليش متأخره
مهره : اي مس هاي
ميره : مس """""
مهره: اهاااا هاي ادريبها واايد تقهر وداايم يقولون انها ناس ونااس
ميره: هييه ادري تعرفين علياا ...
مهره : هيه عرفتها
ميره : تراها وياي ف نفس الاكلاس الاسبوع الي طااف متاخره عشر دقاايق ولاقالتها شي
مهره: هييه ادريبها ها المس انا يقهروني المسات الي جي
وعقب يلست اسووولف وياها لين ماخلص البرييك ووسرت كلااسي
.................................................. .........
المكان : بيت بو احمد
الساعه : 3 ونص
الريم
.................................................. ..........
رجعت من الكووولج وانا تعبااانه من الخااطر يااحيها امول والله راااقده هـ‘ع سـٍرت صووبها دشيت الحجره جفتها رااقده بسلام وامآآن << الله ع التعبير ... المهم سـرت بندت المكيف وبطلت اللييت
امل : اي ريمووو ليش جي اسويين خليني رااقده
الريم: محد قالج تسهرين لين الساعه 6 الصبح
امل : انزييين اظهري ابا ارقـد
الريم :يلا نشي باجـٍر وراج مدرسه متى بترقديين ؟
امل: اوكي اوكي خـلآص بـقووم
قاامت وسارت الحمام سـرت غرفتيه وتسبحت وظهرت من الغرفه جفت امول يالسه عند التلفزيون
الريم : شو تجوفين؟
امل : ماشي ابدل ف هالقنواات
الريم: هييه خلصتي اغراض السكول
امل : هييه خلصت كل شي بس باقلي دفاتر واقلام وهاالسواالف
الريم : انا بعد ابا اخذلي كم فايل من المكتبه متى بتسيرين؟
امل: بااجر عشان اعرف الابلوات شو يبون من الاغراض
الريم : اهااا
امل : مايندرى وين فرووني ف صف نوف ولا
الريم : ههههههههه
امل : ليش تضحكيين؟
الريم: يالهبله نسيتي انج انتي ونوف علمي وبنات علمي كلهم ف صف واحد
امل : اوييي هههههه نسيت تعودت احاتي الكلاسات هع
الريم : زين بعد انا بنش اصلي اذن العصر
امل : انا بعد
وسرت غرفتي اصلي العـصر وعـقب نزلت تحت جفت امايه يالسه ف الصاله ترمس ف الفون يلست اتسمع سوالفها وعقب سرت فووق يلست احل واجباتي واجيك ع الايميل
.................................................. .............
المكان : بيت بو احمد
الساعه : 4 ونص
احمد
.................................................. ..............
دخلت البيت راجع من صلااه العـصر سرت فوق دخلت غرفتي
بدلت وطحت ابا ارقد تميت اجلب ماياني رقاد ظهرت فوني اتصلت ع اليازيه
احمد : هلا وغلا
اليازيه: اهلين وسهلين
احمد : شحالج ؟ ربج الا بخـير
اليازيه : يسرك الحال فديتك ومن صوبك ؟
احمد : والله تماامو
اليازيه : الغالي انت ف البيت ؟
احمد :هيه ف البيت فديتج..
اليازيه : اهااا انزين وشومسوي بعد
احمد : ماشي حد عندج .
اليازيه : لا برووحي
عقب يلست اسولف وياها
.................................................. .........
المكان :بيت بو حميد
الساعه : 5 العـصر
مـيره
.................................................. ..............
شليت الاب وفوني ونزلت تحت جفت الصااله فاضيه شليت فون البيت واتصلت ف اماايه
امايه :الو
ميره : السلام عليكمـ
امآيه :عليكم السلام
ميره : شحالج مامي
امايه : تمام
ميره :انتي وينج ؟
امايه : بيت يدتج
ميره : اها منوو هناك
امايه :محد انا ويدتج
ميره : اوكي عيل باي
بندت عن امايه واتصلت ف الدكان
ميره : الو السلام عليكم دكان
راع الدكان : عليكم سلام ايوا دوكان
ميره : دكاان جيب واحد شيتوس ورد بول وجيب جلكسي ولبان اكسترا مال بطيخ
راع دكاان :ايواا اوكي مايريد شي تاني ؟
ميره :لا بيت رقم30
راع الدكان: اوكي
ميره : بسرعه لا تتاأخر
راع الدكان : اوكي باي
ميره: باي
بندت عنه وسرت عطيييت الخدامه بيزااات الدكان وسرت يلست ف الصاله بطلت التلفزيوون ويلست شغلت الاب وشبكت ع النت وفتحت المسن جـفت محمد اون لاين انا كنت اوف لاين اممم سرت غيرت النك وحطيييت .
..رغم جفاف الندى ما تيبس أزهارك يا حب وصدق ووفـا وحشتـني أخبارك...
وهو كان نكه ..
شيدتلك ف القلب بنياان وقصور محد وطاها

مارمسته ترييته هوه يرمسني نفس كل مـره:
مرحبا ...
رغم جفاف الندى ما تيبس أزهارك يا حب وصدق ووفـا وحشتـني أخبارك...: مراحب
شيدتلك ف القلب بنياان وقصور محد وطاها:
شحالج الغلاآ؟
رغم جفاف الندى ما تيبس أزهارك يا حب وصدق ووفـا وحشتـني أخبارك...: تمام وانت شحالك ؟
شيدتلك ف القلب بنياان وقصور محد وطاها :
بخير دامج بخير
رغم جفاف الندى ما تيبس أزهارك يا حب وصدق ووفـا وحشتـني أخبارك...:
دوم
وعقب سولفت وياه شويه ويأ راع الدكان بندت عنه ويلست تاكل وتتطالع التلفزيوووون ...
.................................................. ..........
المـكان : بيت بو احمد
الساعه: 6
امـل
.................................................. ..........
كنت يالسه ف غرفتي ملانه سرت شليت الفون واتصلت ف شمو ربيعتي
شما: هلاا والله
امل : اهلين وسهلين شحااالج؟
شما: تماام وانتي شحاالج وشو مسويه؟
امل : ماشي ملانه الا بتخبرج اليوم داومتي ولآ
شما: لا ماداومت بس ربيعتي نورو داومت تقوول محد يااي عشان اول يوووم
امل : وزعوو الكتب ولا؟
شما: هيه اظني وزعوو
امل : اوكي عيل باجر انا بداوم انتي بتين ؟
شما : هييه نوف ماداومت ؟
امل : لا هندهم عـرس
يلست اسولف وياهاا يمكن نص سااعه وعقب بندت عنها سرت اصلي المغرب سرت طلعت ثيابي مال المدرسه وجهزتهم وعقب شلييت الاب وسرت تحت جفت امي يالسه ف الصاله وياها ريموووووووو
امل : السلام على من اتبع الهدى
: عـليـكمـ السـلام ...
امايه : امول باجر انتي بتسيرين المدرسه ؟
امل : هييه امي باجر بسير المدرسه
امايه : انزيين منو بيودييج
امل : ماااعرف يمكن احمد ولا ابويه
امايه : ابوج يطلع من الفجر بقول حق احمد
الريم : امايه بعدد باجر نبا نسير المكتبه
امايه : متى ؟
امل : العـصر
امايه : انزيين
وعقب شغلت االاب توب وحدرت المسن
اماايه : امول مب زين تحطيينه ع ريييلج حطي موسده ولا شي تحته
كانت حذالي موسده مال الغنفه حطييتها تحتي ..
.................................................. .............
المكان :سياره حمـيد
الساعه:7 ونص
حمـيد
.................................................. .............
كنت اتحوط ف الشوارع ماشي شغل ولامشغله شغلت الاف ام يت اغنيه عييضه ليت تجي حسيته ع العوووق اآه ... حسيت الحين بمعانات الي يحبوون مع اني كنت احس انها سخافه بس الحين لاآ . اه يالريـم ...
خرب عليه افكاااري صوت الفوون يرن ردييت كان سعود ربيعي
حميد : الو
سعود: هلا والله
حميد : اهلين
سعود : شحالك؟ ربك الا بخـير
حميد : بخير الله يسلمك وانت شحالك
سعود : الحمدالله انت وين.؟
حميد : ماشي الا اتمشى برووحي
سعود : اوكي تعال صوب الكوفي ..
حميد : منو هناك
سعود: انا بروحي يالس محد يأ لين الحين
حميد : اوكي انا جريب خمس دقاايق وبكون عندك
سعود : اوكي بآي
حميد : باي
بندت عنه وسرت صوبه شويه ووصلت نزلت عنده
سلمت عليه وخذت اخباااره
سعود : شو فيك حميد ؟
حميد : ماشي عادي لييش؟
سعود : لا بس احس فيك شي مب طبيعي
حميد : لا لا عاآدي
سعود : اها شحال احمد وخليفه
حميد : تـمآم
يلست اسولف وياه شـويه ويآه وعقب رديت البيت من وقت لاني تعباان برقد حق الدوام

.................................................. ...............
المكان : بيت بو احمد ..
الساعه : 2 ونص الفجر
امـل
.................................................. ...............
يلست ع السرير وانا اتأفف مايااني رقااد بطلت الابجوره وتساندت ع السرير ويلست افكر ... افكر ف كل شي ف حيااتي ف سالفه ميره وف ريموو وف احمد وفـ خالد الله يرحمه ...
ف حركاات هزاع السبال .. فـكل شـي اخر شـي طحت ع السرير وتلحفت وبندت اللييت ويلست اتجلب وشويه وغصت ف عـآآلم الاحلام
الصبح نـشيت وانا فييني رقااد خذتلي شور عسب اصحصح ولبست مريوولي وعدلت شعري وتجحلت ع الخفيف وحطيت عطر ولبست جوتي وسرت تحت جفت امي يالسه واحمد والريم يتريقون
امل : صباآح الخـير
: صباح النور
امايه: تعالي تريقي فديتج
امل : لا ماابا بس ابا حليب
صبيتلي كوب حليب ويلست وعقب سرت وداني احمد وقلتله برجع ف الباص
دخلت المدرسه جفت وايد بنات اعرفهم سلمت عليهم وسرت صوب صفي ودشيت جفت نووف
امل : صبااح الخـير
نوف : صباح النوووووووووووور امول فدييتج محلووه
امل : احم احم عنونج الحلوه الغلا
وعقب سولفت وياها شويه ورن الجرس يت الابله وف الفسحه سرت خذتلي كتب ودرسنا لين نهاايه الدوام
.................................................. ...........
المكان : بيت بو احمد
الساعه : 3 الظهر
الريم
.................................................. ...........
دشيت البيت وانا مهدوود حيلي من التعب سرت صوب الصاله الي فوق جفت امول يالسه
الريم : هاه امول شو سويتي اول يوم
امل : ماشي كله درااسه
الريم : ههههه شدي حيلج هالسنه نبا نسبه
امل : افاا عليج
الريم : غريبه مارقدتي
امل : عسب ارقد من وقت حق باجر
الريم : هههههههههههههههههههه والله اشك انج هبله ولاغبيه
امل : بسم الله عليج جي انا شو قلت
الريم : باجر الجمعه يالهبله
امل : احـلفيييي اويييه عاد الحين مابقى شي مابرقد ؟
الريم : هيه بعد اليوم بنسير بيت يدووه تعـرفين
امل : هيييييـه ادري
الريم : اوكي عيل بسير ابدل ورتاح شويه
نهايه البـآرت

توقعاتكم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 22-02-2010, 05:28 PM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: اضحك وانا في داخلي مجروح





تسسسلمين عالبآرت قلب ..
بقرآه وبعللللق عليه آن شـآإء الله ..
~
بس سؤآل الروآإيه عندك كآملله .. ولآ لسسه تكتبي فيهآ ..!؟




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 22-02-2010, 05:35 PM
صورة ●» خَوْاطِر ~ الرمزية
●» خَوْاطِر ~ ●» خَوْاطِر ~ غير متصل
©؛°¨غرامي متألق ¨°؛©
 
الافتراضي رد: اضحك وانا في داخلي مجروح


اقتباس:
المشاركة الأساسية كتبها ♫ معزوفة حنين ♫ مشاهدة المشاركة



تسسسلمين عالبآرت قلب ..
بقرآه وبعللللق عليه آن شـآإء الله ..
~
بس سؤآل الروآإيه عندك كآملله .. ولآ لسسه تكتبي فيهآ ..!؟




اتريااااج

الروايه كامله عندي ع الووورد ^.^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 24-02-2010, 03:19 PM
صورة ●» خَوْاطِر ~ الرمزية
●» خَوْاطِر ~ ●» خَوْاطِر ~ غير متصل
©؛°¨غرامي متألق ¨°؛©
 
الافتراضي رد: اضحك وانا في داخلي مجروح


احيــم وويينج معزووفه ^^

اتريا ردج عسب انزل البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 24-02-2010, 04:04 PM
غلا قلبي_a غلا قلبي_a غير متصل
©؛°¨غرامي جديد¨°؛©
 
الافتراضي رد: اضحك وانا في داخلي مجروح


وااااااااااو شي باارت يسلمووووووووووووو غناتي

برب

الرد باقتباس
إضافة رد

أضحك و أنا في داخلي مجروح / كاملة

الوسوم
مــجــرؤوح , أنـآإ , اضـٍــ , دآأخــلي , حـــٍڪ , فـــٍـي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الصعود للأسفل / للكاتبة : سامية المقام ، كاملة روح زايــــد روايات كامله - يتم نقل الرواية هنا بعد اكتمالها 94 21-01-2017 06:00 AM
ليت الخلايق تنقلب كلها انت واصير اشوفك كل ما شفت مخلوق Al3rbjeeah أرشيف الروايات المغلقة - لعدم إكتمالها 56 11-02-2013 03:41 PM
متنفس : أجامل ، وأبتسم وأضحك وأنا في داخلي مقهور °•°هــــــيآم°•° ديوانية الاعضاء - متنفس للجميع 27 29-07-2010 01:13 PM
متنفس : أحاول ، أخفي دموعي وأنا في داخلي مجروح °•°هــــــيآم°•° ارشيف غرام 1 26-01-2010 01:26 AM
رساله لقلب مجروح عهد خواطر - نثر - عذب الكلام 6 19-02-2005 08:47 PM

الساعة الآن +3: 08:25 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1