جرح دمعه ©؛°¨غرامي جديد¨°؛©

بسم الله الرحمن الرحيم
السلام عليكم



ساضع بين ايديكم تجربتي الاولى مع الروايات والتي امنى ان تنال اعجابكم
واتمنى منكم ابداء رايكم ونقدكم وتشجيعكم ان كانت تستحق وان كانت غير ذلك فاخبروني كي لا اكمل

الليل هو الشاهد الوحيد على قلوب سكنها الحب وسهرت من اجله
وهو الشاهد على قلوب تنزف من جروح احبتها وسهرت من انين جراحها
وهو الشاهد على قلوب ملئت حقدا وغلا وسهرت تخطط للتخريب
لذلك حملت روايتي (صمت الليالي)
بنزل جزء منها وعلى حسب التفاعل بكمل
ودمتم بخير
جــــــ دمعه ـــــرح

toma Muhammad أبيـﮧ يـζـس بـﭼـنونـي . . /

في انتظآرك ي ــآ حلوـه


بتوفقيك

جرح دمعه ©؛°¨غرامي جديد¨°؛©

البارت الاول

كلنا مجروح من دنياه

جالس على سريره ينتظر والابتوب بحضنه 00دقايق واستهلت تباشير وجهه00
أيـــ احبه ــه:السلام عليكم

عمـــ جرحي ــيق:وعليكم السلام

أيـــ احبه ــه:اخبارك

عمـــ جرحي ــيق:بخير

أيـــ احبه ــه:وينك

عمـــ جرحي ــيق: بالدنيا

أيـــ احبه ــه:وشفيك ممكن اعرف

عمـــ جرحي ــيق:مافيني شىء

أيـــ احبه ــه:على راحتك المنتدى ينتظرك ياحلو

عمـــ جرحي ــيق:نـــــعععم وش قلنا وش ذي ياحلو

أيـــ احبه ــه:اسف زلة يد

عمـــ جرحي ــيق:سلام بطلع قبل لاتكثر زلت يدك

أيـــ احبه ــه:خلاص قلنا اسفين بدري

عمـــ جرحي ــيق:لا بطلع وراي مذاكره

أيـــ احبه ــه:اوكي موفقه سلام
عمـــ جرحي ــيق:سلام

سكرت جهازها وراحت فتحت دفترها الوردي وكتبت

(الى متى اظل سجينة احزاني00الى متى تظل دموعي تجرح وجنتاي 00الى متى اظل مثقله بالجراح00والى متى تظل تلك الجراح تنزف00ر باه ان عبدك قد ضاقت به الارض بما رحبت فارحمه برحمتك ياارحم الراحمين)(بقايا روح)

سكرت الدفتر واخذت كتابها تقرا

أيـــ احبه ــه (فيصل الراشد)28سنه دكتور

عمـــ جرحي ــيق(لمياء الصالح)19سنه اولى جامعه
0000000000000000000000000000000000000000
كذا الدنيا تعطي وتاخذ

دخل بيته وجلس على اقرب كرسي00وكلمة الدكتور ترن في اذنه00غمض عيونه

الدكتور :للاسف الفحوصات اثبتت انه معك سرطان

:00000

:والموضوع خارج سيطرتنا لانو انتشر بالدم

:0000من قوة الصدمه ماقدر ينطق وبالعافيه قدر يقوم 00قام وهو شبه يسمع لكلام الدكتور اللي ينصحه ويذكره بربه

قطع عليه حبل ذاكرته ايد تهز كتوفه المه قلبه يعرف صاحبها كيف مايعرف وهو عمره روحه ولادمعته

:شفيك حبيبي تعبان

فتح عيونه رسم على وجهه ابتسامه صفراء:مافيني شيء قلبي

ورد :لاتكذب علي تراني اعرفك اكثر من روحي

سلطان:فـــــديتهم اللي يعرفوني ياناس

استحت ورد :ماتبي غداء

سلطان:الا والله ميت من جوعي

ورد :يهبي الجوع ياروحي يالله روح بدل وانا بجهز الغداء

سلطان :اوكي

راحت وهو يراقبه بعيونه ونزف قلبه يزيد

(سلطان الهاشم)29سنه محامي مشهور

(ورد الصالح)24سنه مخلصة الجامعه

الدنيا حلوه بس وين اللي يفهم

طلعت من غرفتها وهي معصبه حدها 00فتحت الباب بقوه وراحت للمسجل اللي كان مسوي ضجه بالبيت طفته

:ليه طفيتيه

:سوير انا كم مره قايله لك اذا اخذتي شي من اغراضي رجعيه

ساره:وش اغراضه

مها:بعد00 شنطتي البيج والتيور البني وينهن

ساره:ايه ياخويتي ياحبيبتي ليه معصبه اغراضك بالحفظ والصون روحي للدرجي وخوذيهن

راحت مها خذت اغراضها وصفقت الباب وراها وهي مرتفع ضغطها من برودة اختها

ساره: الله يعينه هالباب دوم ياكلها00خلني اروح اكلم جوجو اقولها تجي

(مها العاصي)24 سنه اخر سنه بالجامعه

(ساره العاصي)19 سنه اولى جامعه
0000000000000000000000000000000000
دع العقل وتمتع بالجنون

رؤى:يالله ميشو ياقلبي وربي ضروري

مشاري:اف اف خلاص ذبحتيني قلت لا

رؤى:وربي مانطول ناقصني اغراض للجامعه

مشاري:لا

رؤى:بس مكتبة جرير والله

مشاري:ياكثر ماتحنين يالله تجهزي خمس دقايق ولابروح عنك

رؤى:مشكور يااحلى اخو في العالم 00وركضت لغرفتها تتجهز00دخلت عليها اختها فجاءة بدون استأذان

رؤى:بسم الله خوفتيني ماتعرفين تطقين الباب

نهى:لالا والله ماقد مر علي المهم على وين العزم

رؤى: بروح لجرير

نهى:اجل بروح البس وطلعت ركض 000

(مشاري الجاسم)27سنه مهندس في احد شركات الرياض الكبرى

(رؤى الجاسم)22سنه تدرس في الجامعه

(نهى الجاسم)19سنه اولى جامعه
00000000000000000000000000000000000
قلب جارح و قلب مجروح

ملك:ملاكوه هاتي الريموت احسلك

ملاك:ابـي اشوف البرنامج احلمي

ملك:يعني ماتبين تعطيني

ملاك:أيــــــــــــه

ملك وهي ترفع اكمام بجامتها:طيب طيب وتبدأ الحرب بينهن

قطع عليهن صوت التيلفون وراحن يتسابقن كلن تبي تردويرفعن السماعه مع بعض

ملك :ملوك انتي وشفيك اليوم

ملاك:انتي اللي شفيك

ملك:هدي انا برد

ملاك:لاياعمري انا اللي برد

ملك:لالا اليوم انتي ناويه تنذبحين

ملاك:وي اسم الله علي شكلك انتي اللي تنذبحين

ملك:ملوك ابعدي لاتجنين على نفسك

ملاك:وش بتسوين يعني

ملك:بكره لاوقفتك ابلة الرياضيات لاتقولين ليه00وترفع حواجبها بانتصار

ملاك:لالاخلاص خذي

ملك ايه خلك كذا بنات مايجون الا بالعين الحمراء00واخذت السماعه

ملك:الووووووووووو

:زيــــن رديتوا كان كملتوا اهواش احسن

ملك:هلا والله بسارونه وينك يابنت

سارا:والله انا في هالديره انتي اللي وينك ماتسألين

ملك:يابنت الحلال انتي اعرف بالحال هالمدرسه مجننتني

سارا:ههه المهم ماعلينا وش رايك تجون عندنا

ملك:والله فكوه حلوه بقول لامي ونجي

سارا:وخبري لمياء

ملك:انا بقولها وماظنتي تجي

سارا:طيب يالله لاتتأخرون

ملك:مع السلامه

سارا:مع السلامه

(ملك وملاك الصالح)19سنه تؤام ثالث ثانوي علمي

جرح دمعه ©؛°¨غرامي جديد¨°؛©

البارت الثاني

الدنيا 00صدف

دخلوا المكتبة مشاري ورؤى راحوا في جهة ونهى في راحت لقسم الروايات

واخذت تقرا اسماء الروايات الجديدة واخذت اللي عجبوها واسرعت في خطواتها

لانها تاخرت ومشاري منبهها00وماحست بنفسها الا وهي صادمه بحاجز بشري وتناثرت منها الروايات

رفعت راسها :اعمى ماتشوف

الشاب:لاوالله انتي العمياء جايه تركضين كنك ورع واتهاوش بعد

نهى:الورع انت واشكالك وخر عني بمر

الشاب :احلمي تمرين قبل ماتعتذرين لي

نهى:حاضر بعتذر لك 00وطرااااااااخ على وجهه

نهى :هذا اعتذاري 00وراحت ركض لاخوها

وصلت للمحاسبه ولقت اخوانها

مشاري :وينك كان نمتي احسن

نهى :عند الروايات

مشاري : مااشوف معك شي

نهى :ماحصلت اللي ابيه انا بنتظركم بسياره 00مشت قبل لاتسمع رد اخوها

اما عند الشاب حط يده مكان الكف00 طيب ان ماوريتك انا بنت تمد يدها علي بدفعك ثمنه غالي ولم الروايات

ونزل وراها 00لكن هيهات هي طلعت من المكان بكبره 00ماشي مصير الحي بيتلاقى وحاسب على الروايات وطلع

في سيارة مشاري

مشاري :اقول رؤى شرايك بعشاء بااحلى مطعم

رؤى :فكره حلوه موافقه

مشاري :بس بشرط

رؤى: امر ياقلبي

مشاري:ماتجبين ناس حشريين امثال نهى

نهى:000

رؤى: اكيد ماراح اجيبهم احد يجيب الغثا لنفسه ههه

نهى:000

مشاري مستغرب سكوتها بالعاده تاكلهم بلسانها:نهى

نهى:000

مشاري استغرب اكثر : نهى 00نهى

نهى اخيرا انتبهت: هلا مشاري

مشاري:فيك شي

نهى: لاسلامتك

مشاري ناظر رؤى بمعنى وش فيها رؤى هزت كتوفها ماتدري وكملوا سوالف ونهى ابحرت بتفكيرها

00000000000000

الحب خنجر بين الضلوع

فتحت المنتدى ونزلت خاطرتها الجديده

هواء عليل00وليل يقتل سكونه00ونجم لامع00

وآخر مظلم00واوراق متناثرة00وأقلام جف

حبرها00وآهات مل صاحبها ترديدها00لانه

ينطق بها فلا يسمع الا صداها يتكرر على مسامعه

يرددها فلا يشعر بأنينه أحد 00يرددها حتى ملت

الاهات من ترديده لهـــــــــا

بكى قلمي حزنا فتوقف عن الكتابه

فتحت الايميل لقته متصل وفتحت صفحه المحادثه

أيـــ احبه ــه:السلام

عمـــ جرحي ــيق:وعليكم السلام

أيـــ احبه ــه:اخبارك

عمـــ جرحي ــيق:تمام

عمـــ جرحي ــيق:000

أيـــ احبه ــه:وانا الحمدلله

عمـــ جرحي ــيق:ههه احد سألك

أيـــ احبه ــه:قلت مااحد سألني اجاوب بنفسي

عمـــ جرحي ــيق:0000

أيـــ احبه ــه:خاطرتك حلوه ليه ماكملتيها

عمـــ جرحي ــيق:عجزت اكملها خلها مفتوحه احلى بعدين بكملها

أيـــ احبه ــه:على راحتك

عمـــ جرحي ــيق:سلام

أيـــ احبه ــه:سلام

فيصل(يالله احس هالبنت لها سالفه وغامضه فضولي ذابحني ودي اكتشفها)قطع عليه حبل افكاره صوت جواله

وابتسم لما شاف المتصل:هلا وغلا

راكان:هلا بك اخبارك

فيصل:تمام انت علومك

راكان:الحمد لله اقول تراي حدي طفشان وشرايك نطلع

فيصل:اوكي مومشكله بس بشرط تعشيني

راكان: صدق انك بطيني تامر امر

فيصل:ههه اكيد اهم شي املى بطني

راكان :يالله تجهز بمرك

فيصل:ابشر مع السلامه

راكان:مع السلامه

(راكان الصالح)28سنه صاحب احد شركات الرياض الكبرى
000000000000000000000000000000
الدنيا00ضحكتيــــــــــن

:يمه يمه يمــــــــــــــــــــــــــــــــــــــــــــــه

ام فهد:وصمه تراني جنبك موعند الجيران

سارة:تصدقين توني انتبهه

ام فهد:سوير عن اهبالج الحين شتبين

ساره:اوه الاخلاق قافله منو مزعل ام فهد ليكون ابو فهد

:وش به ابو فهد

سارا وهي تقوم تحب راس ابوها : كله حلى بوفهد مير الله يسلمك ام فهد زعلانه و00

ام فهد تقاطعها :والله انتي ادرى باللي مزعلني

ساره ضاقت ملامحها:ردينا على نفس الموضوع

ام فهد:بنرد مرة واثنين وثلاثه

ساره:يمه انا قلتلك رايي بالموضوع رجاء سكريه وراحت ركض لغرفتها

ام فهد بعصبيه:مومسكرته ياسوير

بو فهد يقاطعها:يام فهد تركي البنت على راحتها

ام فهد:مو مكبر راسها غير دلعك لها

ابوفهد:خلينا في المهم ابيك بكرى تروحين تتفقين مع ام ناصر على لوازم الملكه

ام فهد استهلت تباشيرها من الفرحه :خلاص خطبت البنت

ابوفهد:ايه كلمت ابوها اليوم تدرين من هم صغار لبعض فماله داعي الرسميات وحددنا الملكه الخميس الجاي

ام فهد :مايمدي الله يسلمك

ابوفهد:الايمدي وبعدين الملكه عائليه

ام فهد :على خير ان شاء الله
0000000000000000000000000000000
الدنيــــــــا ماتسوى00

تجهزت ولبست وزينت اغراضها ولبست عباتها وطلعت من جناحها00سمعت اصواتهم وقفت ماكان قصدها تتصنت عليهم لكن كلامهم جذبها

:ها حبيبتي وش رايك

جنان:على شنو يبه

ابوناصر:على خطبت فهد لك انتي تدرين انكم لبعض منكم صغار لكن اذا ماتبين بكيفك هاذي حياتك

مااجبرك

جنان :اللي تشوفه يبه

ابوناصر:يعني موافقه

جنان بحياء:ايه

ابتسم ابوناصر:مبروك ياقلب ابوك

لمياءغمضت عيونها بقهر كلامه كان ملح على جروحها اللي حاولت تنساهن جت تمشي الا ابوناصر طلع من الغرفه وشافها بوجهه

ابوناصر:باركتي لجنان

لمياء بابتسامه ساخره وبكل برود:مبروك 00ياللـــــه ماندي تأخرنا

ماندي :حاضر برنسيسه

ونزلت وانظار ابوناصر وجنان اللي منقهره منها تراقبها

جنان:قهرتني ودي بذبحتها

:من هاذي

جنان بعصبيه:من غيرها لميوه

ملك وملاك:ههههههه

ابوناصر ناظرهن ومشى وتركهن

جنان :والا الثانيه مانديوه حاضر برنسيسه

ملك:ههههه خلاص ياقلبي خلينا نفرح فيك

ملاك:وهي صادقه ياعروستنا

جنان استحت وقعدن خواتها يعلقن عليها ويخططن للملكه
00000000000000000000000000
دووم 000احباب

رنيم:يالله نجيل اليوم اربعاء

نجلاء باستهبال:واذااااا

رنيم بقهر:نجـــــــــلاء

نجلاء:طيب بجي بس بشرط تجبين جـ0000

رنيم تقاطعها:ادري جالكسي جبت كرتون بس تعالي

نجلاء:اجل جايه فتحي الباب وبنام عندكم دام الجالكسي موجود

رنيم: يالله انتظرك

نجلاء:سلالالام

رنيم:سلالام

نجلاء تنادي الشغاله:ماري ماري

ماري:نعم

نجلاء :جيب عباتي وشنطتي من فوق بسرعه

على دخلت اختها ياسمين:على وين العزم

نجلاء:بروح لرنيم

ياسمين تناظرها من فوق لتحت:انتي متى تكبرين وتتركين ذا البزر

نجلاء:وش بزره تراي اكبر منها بسنه ماتفرق

ياسمين:ولو انتي بالجامعه واهي لسى بالثانوي

نجلاء:ماعلينا لاجت امي قولي لها اني ببات عندها 00لبست عبايتها واخذت شنطتها من ماري ولفت

على اختها وقالت :تدرين عاد العمر مايفرق المهم العقل ياما ناس اعمارهم كبيرة لكن اعقولهم صغيره

ياسمين:وش تقصدين

نجلاءوهي تمشي:اللي على راسه بطحه يحسس عليها سلامم وطلعت

نجلاء ركبت السياره وجلست تفكر في اختها(يالله عليك ياياسمين انتي طيوبه لكن مشكلتك تشوفين الناس من فوق)

وصلت لبيت عمها واستقبلتها رنيم احلى استقبال

(ياسمين الصالح)22سنه بالجامعه

(نجلاء الصالح)19سنه اولى جامعه

(رنيم الصالح)18سنه ثالث ثانوي ادبي

جرح دمعه ©؛°¨غرامي جديد¨°؛©

ويــــــــــــــن الردود اكمل ولالا؟

الزعيـ A.8K ـمه δЯέαмş
مستشــ¸.·* غرام *·.¸ـــاري

,’


بسم الله
و عليكم السلام و الرحمــة


يعطيك العــافية
موفقة إن شـــاء الله


http://forums.graaam.com/238622.html


,’

امرأه من طابقين ©؛°¨غرامي جديد¨°؛©

السلام عليكم ورحمة الله وبركاته
الروايه حلوه واسلوبك سلس وحلوووو مع ان فيها غموض لحد الحين
كملي وانا وياج ان شاء الله
بالتوفيق

مع تحياتي: أسيل

جرح دمعه ©؛°¨غرامي جديد¨°؛©

وعليكم السلام
لعيونج اسوووله بكمل على الرغم اني ماكنت ناويه لان ماكو ردود وهذا البارت الثالث وانتظر توقعاتك
في منتهى الرقه مشكوره ع التقييم
تحياتي :جرح دمعه

جرح دمعه ©؛°¨غرامي جديد¨°؛©

البارت الثالث

ظهرت الشمس معلنة بزوغ يوم جديد على ابطالي

وتوالت بعدها الايام

حتى يوم الاربعاء

الابتسامه00ثم الابتسامه

في مدرسة ملك وملاك

ملك:أي عاد لازم تجين

ساميه:بقول لامي الا ماقلتيلي متى تبدا الحفله

ملك:يمكن ثمان او تسع لحظه

ملك بصوت عالي والمدرسه تشرح:ملاكوه الحفله متى تبدا تسع اوثمان

البنات:ههههههههههههههههههههه

المدرسه بعصبيه:ملك بدينا قلنا عقلتي

ملك:ماسويت شي بس سالت عن الحفله تراك معزومه

البنات:ههههههههههههههههههههههه

المدرسه:لالا الحفله تنتظرك تحت عند المديره

ملك:يوه ليه ماقالت لي كان حسبت حسابي

البنات:ههههههههههههههه

المدرسه:بــــــــــــــــرررررى

ملك:جت من الله وتمشي وقفت عند الباب ولفت للمدرسه:مايصير اخذ ملاك معي تونسني ادري بها اختي حامت كبدها من المعلومات

المدرسه وارتفع ضغطها:برى ولاتحضرين عندي برى

ملك صكت الباب وجلست تمشى في المدرسه

:خير انسه ملك من طاردك هالمره

ملك:من غير ابله منوه كالعاده

ابله نوف:وش مسويه هالمره

ملك:ماسويت شي غير اني سالت سوال شفتي اني مظلومه

ابله نوف:ايه وبقوة مظلومه امشي قدامي على المكتب ونشوف اخرتها معك

دخلن المكتب

ابله نوف:ملك وبعدين لك اسبوع عقلانه اش صار

ملك:ابد والله ملكة اختي هالخميس وانا فرحانه لها تراك معزومه

ابله نوف:والفرحان يفرح الخلق مويطفشهم

ملك(اف شكلها مالها نيه تخلص):افى ماهقيتها منك صراحه صدمتيني(تضيع السالفه

ابله نوف:وشو

ملك :اقولك اختي تبي تملك وماتقولين مبروك

ابله نوف بابتسامه:مبروك بس يالله وقعي على تعهد

ملك:الله يبارك فيك وقعت ومشت لصفها



وحشتني 00وربي

هناك في عالم غير 00وجو خارج اجواء السعوديه 00اناس تحمل اشتياقا في قلوبهم

هناك 00في اسبانيا00تحديدا في مدريد

:وربي وحشتني

عمر :ايه والله يابوك ان لها وحشه

الكسندر:كله من ابوها

عمر: خلاص لاتذكرني كل مااتذكر وش سوى فيها ودي بذبحته

الكسندر: الذبح قليل عليه لعب بنفسيتها وهي بعمر الزهور

عمر:كرهها بالعالم وو00قطع عليهم صوت جوال الكسندرناظر الشاشه(البرنسيسه يتصل بك)

الكسندر ابتسم من قلب :اوووووووووووووووووووولا(هلا)

ماريا:اولا كومستاس (اخبارك)

الكسندر:مو بيين (بخير)

ماريا:الحمدلله خلاص اهرج عربي تراك ماتكلم اسبانيه

الكسندر:لالا انا اكلم ملكة اسبانيا بس عشانها بهرج هندي لو تبي

ماريا:هههههههه تسلم البو

الكسندر:تسلمين اخبارك انتي

ماريا بضيقه :الحمدلله عايشه

الكسندر:خير وشفيك مضايقينك

ماريا:لالا مافي شي

الكسندر:تبين اجيك

ماريا:لالا مافي داعي تسلملي يالله بسكر تبي شي

الكسندر :سلامتك

ماريا:يالله سلم على عموره

الكسندر:هههه واحد من اخوياك عموره

ماريا:كيفي يالله تي كيرو(احبك)

الكسندر:تي كيرو

سكر جواله وحسرة قلبه تزيد عليها ويفكر في حالها

عمر :من المتصل

الكسندر:ماريا

عمر:ليه ماعطيتني اكلمها

الكسندر: مره ثانيه ترى تسلم عليك

عمر: الله يسلمك ويسلمها

(الكسندر)27سنه مهندس

(عمر)45سنه ابو الكسندر رجل اعمال

ذابحهم 00غروري

في جامعة الملك سعود

فرح:اقول ياسمين

ياسمين:هلا

فرح:شوفي كيف سميره تناظرك

ياسمين تلف وتشوف سميرة تبتسم لها ناظرتها بغرور واحتقارولفت لفرح:ناس سخيفه

فرح:هههه يمكن معجبه عطيها وجه

ياسمين:وااي مابقى هالاشكال اعطيها وجه

فرح:المهم وش رايك تجين عندي

ياسمين:مدري

فرح:وش مدري بتجين لك مده ماجيتي

ياسمين:كنت مشغوله

فرح:كنتي مشغوله ولامستحيه من بعض الناس

ياسمين بخجل:من تقصدين

فرح:انتي اخبر

ياسمين بحياء:فرح

فرح:وين فارس بس ويجي يشوف شكلك

ياسمين:فرح خلاص

فرح:خلاص سكتنا قومي محاضرتنا بتبدأ

ياسمين:يالله

وقاموا ولما وصلو للكلاس شافوا الدكتوره تكلم ماريا

الدكتوره:خلاص ياماريا اعتبري الموضوع منتهي

ماريا: غراسيايس=( شكرا)

الدكتوره:على اني مش فهمه بس وصلي سلامي لدكتور صالح

ماريا :ههه يوصل وتمشي وتمر من ياسمين وفرح

ياسمين:على شنو شايفه نفسها منو هي اصلا

فرح:يحقلها على هالجمال والاناقه

ياسمين بقهر:وااع ماعندك ذوق

فرح: حرام عليــــ00قطع علي صوت الدكتوره

الدكتورة:فرح وياسمين عاوزين تدخلوا ولا ايه

فرح وياسمين :لا بندخل

دخلوا محاضرتهم وبعدها رجعوا لبيت فرح مع بعض

فرح الصالح 22سنه بالجامعه

ضيـــــــــــــــــــــــاااع



ياسر:اقول طلال انا باقي نص ساعه ويخلص دوامي وشرايك نروح نتغدى في مطعم يحبه قلبك

طلال:اكيد بتغدين ويمكن بعد تعشين ثمن تصليح الجهاز

ياسر :ابشر

طلال :اقول ماتمل من هالوظيفه احسها طفش

ياسر:يا شيخ ما باقي الا هالاسبوع ونقولها باي

طلال:ليه انتهت فترة العقوبه

ياسر:ايه يقال موظفني عشان اعقل واترك الخرابيطى واعرف قيمة الريال عليهم طلعات ذا الشبان

طلال:انت تستاهل وصدقني احسن لك و0000و قطع عليهم صوت التلفون

ياسر:الو مرحبا

فرح:السلام عليكم

ياسر:وعليكم السلام

فرح:اخوي لو سمحت بغيت رقم مطعم(000)لتوصيل الطلبات

ياسر:حاضر اختي سجلي عندك*******05

طلال:انصدم لما سمع الرقم 00000

فرح:مشكور ياخوي

ياسر:ولو العفو في الخدمه و سكر

طلال:يا مجنون لمن عطيت رقمي

ياسر:لبنت هذه هديتي لك

طلال:انت تدري اني ما احب هالسوالف

ياسر:اصلن ما صبرني على هالوظيفه الا ان فيها بنات

طلال:مانت صاحي

ياسر:ياشيخ روح تراها تدق عليك على اساس انك مطعم

طلال:اشهد انك ما انت صاحي قوم غدنيي وبشوف وش نهايتها معك وطلعوا

ياسر 27 سنه مخلص جامعه اداره اعمال

طلال الصالح 27سنه مخلص جامعه هندسه كمبيوتر وعنده محل اجهزه

***********************************************

نسيم 00الحب00

(اصعب انواع الحب الحب من طرف واحد)

:وربي احبها ياراكان

راكان:ادري والله تراك ذبحتني كل ماجلسنا هاذي سالفتنا

فيصل: احلى سالفه على قلبي

راكان:وربي منت صاحي

فيصل:ايه والله مجنون فيها

راكان :فيصل انت مضيع عقلك كيف تحب وحده ماتدري هل هي بنت او ولد كل اللي تعرفه لقبها بس

فيصل:لا بنت كل شي يدل انها بنت

راكان:ولنفرض انها بنت انت ضامن انها ماتكلم مليون غيرك

فيصل:لالا ياراكان هي مو هالنوع اذا انا اضافتني بالزور ماتعطي وجه ابد وحتى لما اكلمها بالمسن حاطه حدود وحواجز كبيره في علاقتنا

راكان:والله انا من رايي انك تتركها احسن لك

فيصل:مااقدر وربي احــ000

راكان يقاطعه:ادري تحبها خلاص

فيصل:ههههههههههههه

راكان :اقول قم قم خلنا نمر العيال في الاستراحه

فيصل :يالله مشينا

ركبوا السيارة وتوجهوا للاستراحه

في الاستراحه000

ياللــــــــــــه ابي رايكم

امرأه من طابقين ©؛°¨غرامي جديد¨°؛©

السلام عليكم

أول شي احب اقولج ان الروايه روووعه وحلوه مع انها للحين بالبدايه
مو معناته ان مافي ردود عالروايه انها مو حلوه بالعكس بس هذا لان بالبدايه
كملي وشوفي وصدقيني بتلقين قراء واااااايد ومشجعين بعد
وانا معاج للآخر ان شاء الله ولا انا مو مكفيتج<< طيحت الميانه
بالتوفيق
مع تحياتي: أسيل

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1