غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 28-02-2010, 01:20 PM
مليت أحبك مليت أحبك غير متصل
©؛°¨غرامي مشارك¨°؛©
 
الافتراضي رد: رواية آه ياقرب المسافه بين عقلي والهبال


طررررررررررررراخ
رحت تحت قعدت ويا قوم ماماتيه وحرمة عمي العود
وأنا أدعي على هيونه شو اللي رقدّه فحجرتها هيونه تخبرني بكل شي جيه ما خبرتني
وأنا أقول فخاطري
أووووووووووووف
الحين ذياب ولا شهاب
أوقات أقول ذياب وأوقات شهاب
بس اليوم ذياب قال تخليك تذوب ما قال ذوبتني
يا ربيييييييييييييييه بتخبل من هالثنين
عقب الرياييل روحو المسيد
رحنا المطبخ ساعدت ماماتيه وعموه شوي
عقب هيّونوه نشّت يت صوبنا سلمت وقعدت وأنا حاقرتنها
وهدى يت شكلها مستانسة
أنا شكّيت انّه في علاقة بينها وبين مهند
شراتي
أنا وذياب
لالا
أنا وشهاب
بس أنا ما أرمسهم الا بالصدفة
حرمة عمي قالت شي خلتني استغرب
حرمة عمّي : أمسات هيا حاشرتنا تقول جيييييه عطيتو حجرتيه حق ذياب
هيا كانت مبوزة
حرمة عمي : فهمّتها هي ما تيي الا يومين مب كاملين بعد وتقول برد عندكم أقول لها بعد اربع سنوات بس عييت وأنا أفّهم بها
ماماتيه : جيه انزين غيرتو
حرمة عمي : حجرتها عودة ماشالله والحينه هي هب محتايتنها جان أغيّر
ماماتيه : زين سويتي وترا ها منكر البنات يومين يزعلن وباجر يوم السبت قبل لا ييي الباص تنط لج تلوي عليج
حرمة عمي : هههههههههه
فجأة أنا وهيونه وهدى ضحكنا
يوم وصلو الرياييل مرو من الصالة يو سلمو على ماماتيه وحرمة عمي
وعقب ذياب ياه وقف جريب عنّي قليل الأدب والله
شكلي بصير أمّه وبربيه
معنّه حرمة عمّي حرمة بيت ومربتنه ما أدري يمكن فينا عرج جذا مال قوم قليلين الأدب
هههههههههههههههههه
قاال بصوت واطي
ذياب : كسرتي باب حجرتيه
صديت وتميت أوزع ابتسامات لمهند وهدى حسيت انّي متأكدة من زمان مهندوه أقصد مهند يباها
ذياب : فيه عرب متخبلين عليج ............
ورووح
والرياييل بعد
وأنا محتاره شو هااااااااااااااااااا
يا ربييييييييييييييييه
شو يقصد فيه عرب
هو ولا شهاب منووووووووه
دام انّه قال عرب ما قال أنا أكيد شهاب
لا لا
فيه ناس يقولون عن عمارهم جذا والله ما أدري حاله هاي
ورحنا نحن الحريم صوب المطبخ تمينا أنا وهييونه نحط الغدا مالنا نحن الحريم
حرمة عمّي : هيا هيا
هيا : أمايه قاعدة أودي الغدا مالنا
حرمة عمّي : انزين مها حبيبتي عطي سلة الفواكه هاي حق واحد من الشباب يوم ييون أنا بنجب العيش
أنا ما قدرت أردها : انشالله عموه
تميت أتريا جان أسمع صوت كندورة
كجاك كجاك
ههههههههههههههههههههههه
........... : فيه شي ثاني
أنا ما رديت ما أدري ليش معني ما كنت سرحانه
........... : اللي ماخذ عقلج يتهنا به ( وابتسم ) يلا خلصينا
أنا طالعته باحتقار
أنا وبدفاشتي المعتادة : اندوك السلة مال الفواكه
ذياب : عطيني اياها
أنا : تروم تشلها
ذياب بخبث : اذا تبيني أخطف من حذالج ترا عادي
شفت روحي بالفعل سادة الدرب
جان أشل سلة الفواكه
أنا :وااااااااااااااااء ثجيلة
ذياب : هههه قلت لج أخطف حذالج
أنا : سخيف شل يلا بموت أنا .. ترا الرياييل شكلهم تغدو وخلصو والفواله بعدها
ذياب : ههههههه طول عمرج خبلة
أنا : طالعه عليك
شفته رد يرمس فالتلفون والسماعه فاذنه ما انتبهت
بس قال : اسمح لنا كنا نرمّس العرب .....هيه هههههههه
قلت فخاطري منو عالخط وها عادي يرمس وياه عنّي
يا ربييييييييييييييييييييييه
آه يا قرب المسافة بين عقلي والخبال
سمعت هيونه تقول
هيونه : أيــــــــــــــــــــــه تعالي ترا يعنا
سرت وتغدينا
عالمغرب جذا صلينا وظهرنا رحنا صوب القرية العاليمة
مهند لمّح لي أشل هيونه وندور
بس اللي اكتشفته
بالفعل مهند وهدى في بينهم شي أكييييييييييييد
رحنا أول شي صوب القرية السعودية
شفت من هالبراقع
أنا وهيونه لبسناه وقلنا حق وحدة تصورنا
طبعاً الكام مالنا
وخلاف شرينا ههههههههههههه
رحنا صوب الاماراتيه شرينا دخون وهالسوالف
وخلاف مرينا لمحت هدى ومهند من بعيد جنهم مندمجين فالسوالف الله يهنيهم
دشينا القرية الايرانيه
عاد رحنا صوب آيس كريمهم
أوننه عاد نحن نقع تنقيع نرمسه ايراني هناااااااك مييييييييييح ههههههههه
شرينا آيس كريم وكليناه ونحن نتمشى
خلاف رحنا صوب مال الصين
شرينا بدلهم
وخلاف رحنا صوب الهند
شرينا هالساري مالهم وحيولهم وااااااااااااو يسكت الصراحه
وحطيت شيلتهم عراسي ولبست الحيول خلّيت هيونه تصورني استهبال ههههههههههه
وعقب طلعتهم
رحنا وااااااااااااااااااايد قرى وشفنا هالعروض اللي فالماي
وآخر شي رحنا لعبنا لعبتين بس وحده كهربائية والثانيه نحصل فيها هديه
حصلت دبدوب أما هيونه طول عمرها فاشله
عقب لاحظنا شلّة شباب يلحقونا حقرناهم
وجان نروووح نشتري ماي
ورحنا قعدنا فصوب نشوف اللي رايحين واللي رادّين
أنا : اشتقت للجامعة
هيا : مي تو ..
أنا : ملاحظة شي غريب اليوم
هيا : لا ليش،،؟
أنا : ولا شي ولاشي ..؟ ما لاحظتي شي ..
هيا : مثل ..؟
أنا : أي شي
هيا باستغراب : لا
طول عمرج غبية والله غبية مووووووول ما تركز هيونوه ههههههههه
بس بعد فديتها أنا
حسينا ولدين يايين صوبنا
أميييييييييييييييييييييه الحقي علينا
حسينا قربو وااااااااايد
............ : سلاااااااام
هيا : وعليكم السلام
أنا استغربت شو هاي فيوزاتها ضاربه صدق بنات الجامعة مأثرين بها
صديت انصدمت
أنا : وعــ ,,,,ليكــ،،م الـــســ،،،لام
.......... : مفاجأة حلوه صح
هيا : وااايد ذيابوه أثرك خطير
ذياب : مها أنا خطير ..؟
أنا ابتسمت بسخرية
شهاب : لا أنا أخطر عنك هههههههههه
أنا فخاطري أنش
قبل كانت تحلالي القعدة معاهم أما الحين لا ونووي
ذياب : شو رايج مها فمفاجئتنا ..؟
استغربت ليش قال مفاجئتنا ما قال مفاجئتي شكله متعمد يحيرني
شهاب : شكلها هب عايبتنها المفاجأه ..
أنا : أبا جراجة
ذياب : هه جييييييييييييه
أنا : أبا أجرج عقلي شكله شفّر
هيا : هههههههههه
شهاب : شكلها مب مصدقة جايفتنا
أنا فخاطري هذا بعد بعد قال جايفتنا ما قال جايفتني متعمدين أكييييييييييييد
ذياب : تعالي سيارتي فيها جراجة
أنا : شكرا مابا
شهاب : عاد سيارتي
أنا : شكراً بعد مابا
كان شي كرسي جريب عنا مررررررررررة
قعدو عليه
أنا فخاطري أنش بس شوووه بيقولون أكيد أحب واحد منهم و أستحي.. أقعد عجبودهم أحسن لي
كان فيه شلّه بنات صايعات مارّين
ذياب وشهاب ويا بعض جنهم متعمدين
ذياب وشهاب : أووووووووووب أووووووووووب
شهاب : صوبنا يالحلو
ذياب : صوبنا
...........
قالوها جنها نشيد أكيد متعمدين ويبون يشوفون ردة فعلي
بس طنشت وقلت
أنا : يالحلوات شي وحدة تبا تنتحر وتاخذ واحد منهم
وحدة منهن : هههههه أنا شكلهم خبال
أنا فخاطري لهالدرجة ماشي مستحى فهالبنات وهالاثنين مستانسين
أنا : عاد اقربي المهر عليج ههههههههه
البنية : آفا عليكم حاضرين للطيبين وطالعت صوب ذياب وشهاب وهم مستانسين ورووحت
هم طالعوني جنهم منتصرين وأنا طالعتهم جنه عادي ما صار شي
عقب يو مهند وهدى يو وشلونا وروحنا
ترا ما شلونا شلونا ههههههههههههههه
لاحظت شي غريب دوم أحس مهند
يقول انه اسم هدى حلو وحلو أكيد يحبها
عقب ردينا البيت ونحن هلكانيين
وحياتنا ردت شرات قبل جامعه سكن نهاية الأسبوع نرد
واتحدد عرس هدى ومهند بعد شهر يعني شهر 1 تاريخ 7
يعني فالشتا
وبسرعه بسرعه تجهزنا أنا وهييونه نلبس شرات بعض
فستان أســـــــــــــــــود خخخخخخخخخ
عزا ههههههههه
لا لا بس هو لون يعطي شكل خبااااااااااااااااااااال
بس هدى تجهزت بسرعه شكّيت انّه هي ومهند متفقين ع شي يالله الله يوفقهم
ويوم العرس عاد أنا وهيونه
سرنا الصالون ويا بعض
طفرت بالحرمة كلّه أسبها وأقول ما يعيبني وما يعيبني
وعقب رحنا القاعة
بصراحة أنا وهيونوه شكلنا روعه
وكل وحده تسأل هاي بنت منو وهاي بنت منو
هههههههههه
هيونه قالت بتروح صوب هدى شوي
جان أروح أشوف عيوز فالسبعين تذكرتها
هي يدوه وديمة كانو ييرانا زمان وع ع ع شقايل أكره أحفادها دوم يضربوني زمان هههههه
رحت سلّمت عليها ما عرفتني لأني كبرت
قعدت وياها
يدوه وديمة : شهاللبس يا بنيتيه
أنا : يدتيه عادي تراه موضة
يدوه وديمة : محد مخربنكن يا بنيات هالايام غير هالفوضة
ياني ضحك ههههههههههه
أنا : يدووووووه حناج حلو وااااااااااااااااااايد
يدوه وديمة عيبتها السالفة
يدوه وديمة : هاي أم ثاني حنتنيه
أنا فخاطري اشدراني منوه هاي بعد ههههههههه
يدوه وديمه : وانتي حناج حلو بس هب هااااااااااااك الزود
شييييييييييييت متحنيه بــ 800 درهم وتقول هب حلو شو هاي الحينه بفلعها
أنا : هي أكيد مالكم أحلى
فخاطري قاصات عرواحكن تسووون هالدويرة وتقولن متحنيات هههههههه
أنا : يدوه عندج عيال
يدوه وديمة : هيه حمد 50 سنة وحميد 45 سنة و.,,.......
أنا : عرفتهم خالو عرفتهم
فخاطريه الحين لين باجر ما بتخلص ماشالله جيش عندهم ولا أقول فريق كرة قدم هههههه
يدوه وديمة : ولد ولديه يبون يزوجونه
أنا : شي طيب
يدوه وديمه : هيه اسمه سلطان عمره 26 يشتغل فالجيش
شكلها بتيوزني حقه هههههههههههه
هيونه يت ههههههههه
وسلمت عليها وهي مستغربة تأشر لي منو قلت لها ايلسي واسمعي
انا : زين يدوه يوزوه
يدوه وديمة : ما قلتي لي شسمج
قلت فخاطري لو أقول لها باجر ناطة عنّا تخطبني ههههههه
أنا : اسمي نانسي
يدوه وديمه : اشووووه
أنا : نانسي
يدوه وديمة : اشووه ناسيه بعد
أنا وهيونه بغينا نفطس من الضحك ههههههههههه
أنا : يدوه ترا أمايه سوريه
يدوه وديمه : محد مخرب عيال البلاد الا هالوافدين
أنا : هي صدقج حتى أمايه وياهم
خخخخخ أمحق خرط أعوذ بالله
يدوه وديمة : أشوفج بيضا
أنا فخاطريه صكتني بعين قل أعوذ برب الفلق
يدوه : شسمه أبوج
أنا : كومار
يدوه وديمه : ليكون أبوج سوري ومتجنس بعد ترا ما باخذج حق سليطين
منو قال اني باخذه ههههههههههه
أنا : يدوه ترا أم أبويه هنديه بس يديه أصل خخخخخ
يدوه وديمة : هي زين عاد برمّس أم سلطان عنج
أنا : تسويين خير تراني بعنس
وضحكنا أنا وهيونه وسلمنا عليها ورحنا فصوب ثاني ههههههههههههه
صوب آخر هب صوب أم ثاني ههههه
عالساعة 8 بدا الفسق
والأغاني ههههههههه
عاد أنا وهيونوه رقصنا
وأنا أونّي هاديه وقبل شوي مطفرة بالحرمة ههههههههه
كشخة بصراحة
فخاطريه أصييييييييح هنّود عرّس
ههههههههه
أقصد مهند خلاص غدا ريال
يا ربييييييييه بفتقده وايـــــــد
هههههه جيه بنية وأنا مادري
بصراحة مستانسة وايـــــــــــــــــد
استوب استوب
اشتغلت اغنيتي
يلا باي بسير برقص
معجبة مغرمة أنا بئى مش عايزه الا هوه
هههههههههه
عااااااااااااد رقصت هاك المصري اللي يسكت وووووووو...
كان فخاطريه أرقص على
درقن درقن اركب الحنتور هههههه بس هيونوه طلبت عن الدي جي ما يشغلون مصري
أوني عاد بفضحها ههههههههههه
استانسنا واااااااااااااااااااااايــــــــــــــــــــــــــ ـــــد
عقب زفّو هدى بصراحة تسكّت هالانسانة غيييييييييييير
طلعت ملااااااااااااااااك
كانت خسفة تراها ههههههههههههههوعقب ما سلمّو عليها الحريم
زفّو مهند
عاد كاااااااااااااااااااشخ الريال اش عليه معرس
حليو وايد
كان خسف سابقاً
حشا محد حلو فهالدنيا غيري
هههههههههههه
عقب ما زفوووه باباتيه وعميه
نحن لبسنا عبينا لأنه الشباب بيدشون
جــــــــــــان أقول هب متفيجه أجوف ذياب الهرم اللوتي المغازلجي
ههههههههههههه
جان أشل ويايه غشوة ماماتيه وأسير ورااااااا
صوب مدخل أهل العرس
لأنه الشباب بيدشون من الباب العود
رحت اهناكي
حطيت الغشوة عشري بحيث انها تخبي شعري وايدي احتياط
وقصتي أقصد كشتي برا هههههههههه
وقفت تميت أرمّس ميثاني وأعاتبها انها ما يت
هيوونه سووت شراتي يت صوبي
هيا : أخبرج بسير حجرة هدى أغراضها اهناكي برتبهم عالسريع
أنا : الحمدلله ما عندي خوات
هيا : عاد نشوف فـ عرسج منو بيرتب أغراضج
أنا : انتي طبعاً ههههههههه ولا أقول ريلي لووووووووول
هيا : بسير أحسن لي عن أستخف هههه وياج
تميت أرمس ميثاني
فجــــــــــــــــــــــــــــــأإأإأإأإأإأإأإأإأإ أإأإأإأإأإأإأإأإأإأإأإأإأإأإأإأإأإأإأإأإأإأإأإأإأإ أإأة
سمعت صوووووووووووت اثنين يرمسون
وتوني بشرد الا ودشّو
أأأأأأأأأأأأأأأأأأأأع ع ع
يا ربيييييييييه شسوي
بسرعة تغشيت
بس بعد فوات الأوان
على طول طلعت برا صوب مدخل أهل العرس
لأنه أكيد اهناك فاضي
سمعت صوت واحد
..........: مها يالمينونة دشّي عن البنغالي يسرقج
وااااااااااايد خفت يمكن صدق شي هنود اهني اوييييييييه شسوي
أنا : انت سير وأنا بدش
.......... : أنا ذياب دشّي لا تخافين
سمعت صوت خطوات قريبة عنّي
أنا خايفة : أمييييييييييييه في هندي افتح افتح
وجاااااان يفتح الباب
دشيت ما شفت صوبه بس اللي سمعته
::
...........:العرب بلاهم يستحون
حاولت أطالع صوبهم عسب أعرف منوووه
بس اللي عرفته انّي أعرف هالصوت عدل
هذا شهااااااااااب
ذياب : ههههههه مهاوي انتي خوّافة وبعد اليوم تستحين ما صدق
أنا : اجلب ويهك انت ويــــــــــــاه أحسن لكم
رحت صوب هيونه سمعتها تضحك سمعت الحديث اللي دار بينا فخاطريه أذبحها بس يودّت روحي
ويلسنا شوي عقب ردينا القاعة الشباب طلعو ساعدنا هدى ترتب فستانها يوم تقعد عقب قلت
أنا : مهند غيّر اسم حرمتك سمها نور
هدى طالعتني جنها تبا تذبحني
مهند : الناس يباركون
أنا : ههههههه سوري
سلمّت عليهم وعقب ما خلّص العرس ردينا البيت
يوم السبت ردينا الجامعة
ياني مسج
.......
///
صــــــبـــ الخير ــــاح يالوجه الصبوح
خيوط الفجر لك أحلى وشاح
صحيح الصبح بهجة كل روح
ولكن بسمتك أحلى صبـــــــــــــــاح
صــــبـــــ الورد ــــاح
أمسات كنتي طالعه قمر معني ما شفتج الا بالغشوه
///
دارت بي الدنيا شو هذا
شهاب وذياب شافوني بالغشوه اممممم بس هيونه شهدت عالموقف أكيد هيونوه أنا براويج
رديت عالمسج
///
من يومي قمر
أنا القمر اذا هل
وأنا الفجر اذا طل
وأنا الورد اللي شوفته ما تنمل
أمدح نفسي على كيفي
وأدلع نفسي بكيفي
الرصيد رصيدي
والرساله مني
وانت تقرا على حسابي يعني اقرا وانت ساكت هع
///
كالعاده هيونه مب قاعده وياي أكيد هي والمسجات توصلني منها
وطول هالأسبوع ملل نبا نرد الدار شو هاااا
فخاطريه أشوف مهند وهدى عقب العرس يا ربيييييييييييييه
بس غريبة يومياً قامو يتصلون بي الأهل وماماتيه وايد قامت ترمسني أكييييييييد حاسّه فيني فديتها
ردينا على نهاية الأسبوع
وبيت قوم أهل حرمة عمّي راشد مسووين عزيمة حق المعاريس
بنسير وأنا قلت بسير ما أدري ليش معني ما احب العزايم بس فخاطريه أشوف شهاب هع
عاد أنا وهيونه ذياب قال بيودينا بسيارته لأنه عمي وباباتيه وماماتيه بيروحون عالساعه 12 أما نحن البنات مال قوم اتيكيت بنروح وحدة هنتين ثلاث أذان العصر ع كيفنا
عاد عقب ما تجهزنا
ركبنا أنا وهييونه هيونه قعدت وياي ورا بس قعدتني ورا ذياب
وااااااااااااااع
كان كلّه يرمس فالفون أحسن عسب ما يفهم سوالفنا
عاد هيّونه كانت تعابل ففونها
وأنا أطالع صوب الشارع
وجــــــــــــــــــان
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V

يا بابا اسناني واوا
وديني عند الطبيب
هههههههههههههههههه خطيره أنا
بسرعه أبا أفتح الفون
رفعت راسي شفت شبه ابتسامه مرتسمه على ويه ذياب ويطالعني ما ادري ليش
وهييونه هالحزة حطّت فونها فالشنطة
فتحت المسج
///
ببقى معكـ لآخر نفس في حياتي !!
وببقى <أغليكـ> دامني حي بالأرض
ما " بــــــدلك " لو خيروني بحياتي
لو هم عطوني الكون بالطول والعرض
ما أبيع قلب(ن) عاش في وسط ذاتي
وأصبح (غــلاه) بداخلي ينفرض فرض
( خلاص حياتي قربنا نكون لبعض ... )
///
افترت بي الدنيا شو هاااااااا
سنترت بمكاني ياربيييييييييييييييييه شو ها ومنو اللي يسوي بي جذا
بس اللي صحاني من هواجيسي
صوت ذياب
ذياب : شو عايبتنج السياره
أنا : لا ما انتبهت
ذياب بغموض : اللي ماخذ عقلج يتهنا به
ما رديت عليييييييه سويت طاف شفت هيونه واقفه تترياني بغيت أربع صوبها خفت ينكتون علي
بس سمعت صوت شهاب
شهاب : هلاااااااااااا وينكم تأخرتو
ذياب : شي عرب أخرونا كانو يكشخون
ما صديت وراي دشيت بسرعه ويا هيّونه
فخاطري أصيييييييييح وأقطّع روحي من الصياح
ليش كلهم صارو غامضين ولا أنا اللي صرت غبية وما أفهم
تغدينا وعقب الغدا يلسنا حاولت اني ما أتحرك من مكاني عسب ما أشوف لا ذياب ولا شهاب
والله هالاثنين شرات اليناوه ذابحيني
بس لما تذكرت المسج
قربنا نكون لبعض
شكيت
هيونه كان وياها فونها بس المسج مب من رقمها يمكن غيّرت البطاقة
ذياب هي يمكن ابتسم لما ياني المسج ما ادري عالمسج ولا رنتي
شهاب اليوم نحن يايين بيتهم يمكن هوه عشان جيه قال نكون لبعض
منوووووووووووووووه يا ربيييييييييييييه منووووووووه
آه يا قرب المسافة بين عقلي والخبال
بتخبل خلاااااااااااااص خلاااااااااااااااااص
ماعاد فيني صبر الحقو علي يا عالم
شكلي بنتحر
قالو لي البنات يدوه وديمة اهني حاولت اتحاشاها عن تفضحني هههههههههه
أكيد سلطون ومادري منوه يايبينها
عقب ردينا البيت
وأنا كلّي حيره ليتني ما رحت هالعزيمة
ليتني ما شفت لا ذياب ولا شهاب
ولا عرفتهم فــ حياتي
ليتني وليتني
يا ربيييييييييييييه خلاص خلااااااااااص بتخبل
بس اللي فاجئني
أمي دقّت الباب ويت عندي سولفت وياي قالت لي كبرتي وكبرتي
هههههههه
جنيه عيوز الا 18 سنه وقالو كبرت
جان تيودني
وقالت في واحد يا وخطبج
دارت بي الدنيا
يا عاااااااااااااااالم مابا أعرّس بعدني صغيره
بس قلت أكيد اللي خطبني هو راعي المسجات وقاصد كلامه
خلااااااص استبعدت هيونوه من السالفة
بقو ذياب وشهاب
أنا : منو انزين أمايه
أمايه : ولد ناس وزين أنا ما بقول لج الحين منوه أخاف يوم تدرين على طول توافقين بنات هالأيام تغركن البيزات
أنا : أوكييييييييه بس هم من أهلنا
ماماتيه : هي من الأهل من بعيد
أكيد شهاب أكيد شهاب
أنا : خلاص خلاص بصلي استخاره وبرد لج
ماماتيه : انزين وفكري عدل ترا ولد ناس وما ينرد وقال يوم البنية ما تبا تعرّس الحين ترا عادي
طلعت أمايه
وأنا مستانسة شهاب خطبني شهاب خطبني يا ربييييييييييييييييه
اش كثر عذبتني يا شهاب
أكيد ذيابوه كان يوصّل له أخباري هههه فديت ولد عميه
طلع شهاب راعي المسجات وهو اللي يحبني
والله انّي أموت عليك شهاب
لحظة يمكن هب شهاب
بس يالله انشالله شهاب
عقب يومين قلت مابرد خبر الا يوم أعرف منو
بالغلط طرشت رسالة فاضيه على هييونه وفيها حرف s بس
جان ترد عليّه
///
من أولها الحبيب لاعب فـ عقلج حروف ما حروف ها صدق مال أول
///
على طول تأكدت انّه شهاب حرفه اس فديته علني فداااااااااه وربّي
جان أرد خبر على ماماتيه عقب 3 أيام انّي موافقه عليه
بس اللي حيرني
بعده شهاب يطّرش من رقم غريب مسجات معني أعرف رقمه
كلّه مسجات شوق
ما رديت عليه أخاف ياخذ فكرة الحين متأكدة هب هيّونه
بس ياني فضول
جان أكتب
///
منو ..؟
///
رد علي
///
ردّي وبتعرفين
///
قلت أرد اش علّي منّه
رديت وسمعت صوت شاعر يقول
///
والله اني كل ماقلتي لي بالهاتف ألو....ينتفض شريــان قلبي وترتعـــــــش كل العروق
وان حكيتي صرت اتساءل عسى إذني كفو...تستمـع لحروفك ولاحـــلى تعابيرك تذوق
ليت بس الغير من زينك ومن غنجك خذوا..كان مابالكون عانس ولابنــــــــت تعــــــوق
والعذارى بالعطر والعود و الطيب اسبحوا..ودهم يلقون شـــــــــيء مثل ريحك او يفوق
جيت احطك بالخفوق وغاروا عيوني وبكوا..قلت احطك في عيوني وغار وانهار الخفوق
من كثر ملحك نصوني عيني وقلبي وشكوا..وقلــــت يــوم اتذوق عيني ويوم قـــلبي يذوق
وكيف مع هذا بعدلاقـــــلتي بالهاتف الوووو..ماتبين يـفــز قـلـبي وترتـــعش كـــل العـروق
وعقب بنده فويهي
ارتعشت يا ربيييييييييييه بعده يبا يحيرني شو هالانسان غامض
شهاب طبعه جذا
علني فدااااااااااه ريلي هههههههههه
..............
عقب ردينا حياة الجامعة
سألت ماماتيه ماشي نظرة شرعيه
قالت الولد قال لأا
قلت أحسن وبعدين شهاب مل من كثر ما يشوفني
هههههه
حددو ملجتي شهر 6
باقي أربع شهور عالملجة
يااااااااي وأخيراً برّمس شهابوه ديت قلبه
وبعدين أحسن هالسنة أنا وهييونه بنتم ويا بعض
وعقب الملجه بأسابيع بنعرّس
يكون عمري 19 سنه يلا أحسن أكون كبرت شوي
وشهاب بيصير عمره 21 يا ربيييييييه صغير وايد
خلاص بقنعه نأجل العرس الين يصير عمره 24 وأنا 22 أكون خلّصت دراسه
فيوم سألت ماماتيه أونّي ما قلت أهل شهاب أستحي
قلت أهل المعرس ما ييون
قالت ييون فالأيام العاديه وخواته يعرفونج وأمه بعد
قلت فخاطري من أولها جذا ما ييون عاد عقب الله يعين بس يلا أنا بعيش ويا شهاب هب وياهم
ومرت الأيام والأسابيع والشهور بسرعه وأنا
أسبوعياً كل ما أنزل دبي أروح السوق أتجهز للملجه
حتى فـ يوم شفت شهاب وذياب بس ما يو صوبي بعد
هع يمكن شهاب يستحي
ويا يوم الملجة وأنا مستانسة بطير من الفرح خلاااااااااااص
شهاب لي أنا يا ناااااااااااااس
يوم يابو لي الدفتر أوقع عليه
شفت توقيع شهابووووووووه غـــــــــــاوي فديته
بس لما شفت قبيلته تخرعت
هاي مب قبيلته ولا قبيلتنا هاي قبيلة ثانية ما أعرفهم
شفت اسم الولد بالفعل حرف الاس بس هب شهاب ها حرف السين
والله اني غبية من فرحتي بالريل ما سألت بعد
بس هو شهاب ليش جيه
داااااااااااااااارت بي الدنيا
خلاص مابا أوقع مابا
صحاني من خيالي
صوت مهند
مهند : وقعي مها
قلت بوقّع خلاص يوم الملجة أقول ماباه
لا لا مستحيل بفضح أهلي جذا
صح كلام الناس ما يهمني بس هاي سمعه
توكلت على ربّي
ووقعت
عقب زفوني
بس ما كان فيه وايد ناس لأنه الملجه عائلية
بصراحة طالعه أينن بس أنا من قبل حلوه هب خسفه ههههههه
وقعدت الناس كانو يسلمون عليه
وأنا بالي مع شهاب عشان جذا ما قام يرمسني
بس
ذياب بعد ما قام يعبرني يمكن كان يباني
يا ربيييييييييه أنا بغبائي دوم أطيّر كل شي وأخربه
الحين شهاب يحبني ولا ذياب
لا شو هالكلام أنا صرت الحين ملك واحد ثاني حرام علّي
بس منو هذا
يا ربييييييييييييه
وايد فكّرت فـ ذياب وشهاب
بس آخر شي لا خذيت ها ولا ها
أويــــــــــــــــــــــــه أنا ما قريت اسم الولد اللي أحيده حرف الاس
ليكوووووون سلطون لا لا ماباه هذا
بس سمعت صوت وحده ما اعرفها عدل بس شفتها كم من مرة وقعدت ويانا
فالسكن جنها معانا
هيه تذكرتها هاي
سلامة الـ .........
ابتسمت لي وحده رديت لها الابتسامه
هاي كذا مرة كلمتني
لما كانت تيي عند سلامه
أظنيه أختها العوده
فسنة رابعة
ساره الـــ .........
عرفتهن
كذا مرة كانو يقعدون ويا شلتي وطول الوقت يمدحون فأخوهم
كيف راحت عن بالي يا ربييييييييييه
سمعت سارة تقول
سارة : سلامي قولي حق اللي يبا يتغطى يتغطى ترا سعود بيدش
قلت فخاطري الحين سعوّد ولا سعود حتى اسمه ما اعرفه
بس سمعت سلامه تقول
سعود
يعني اسمه سعود
يااااااااااااااي لو يطلع يشبه سعود الكعبي هع
لا لا الحين لازم أكون رزينه أودّر الخبال شوي
بس شهاب طول هالأشهر وأنا أفكر فيه
بس يلا الحمدلله انّي فحياتي ما حبيت كنت أشوف انه الحب ايي عقب الزواج
يمكن هالشي يسهّل حياتي مع .........
مع *_*
امممم
سعود لاااااااه
هههههههههههههه
وجان يدش ســـــــــــــعـــــــــــــود
اهئ اهئ شلوني بسرعه مابا أثتحي واااااااااااااااااااااء
دش ويا صوبي وقف وكلّه كان يبتسم
شكله مستعمل اليوم كرست ههههههههههههههه
ريلي ها عيب محد يضحك خخخخ
للأسف حاولت أشوفه لمحته ما يشبه سعود الكعبي
حليو بس مو هاك الزود ههههههههه
محد احلى عنيه
تعالو الحين سلامة وسارة من العين يعني سعود من العين
شييييييييييييييييييييت هو اللي كان يرسل لي مسجات
واااااافضيحتااااااااااااه
وكنت أرد عليه
شو بيقول عنيه الحين
لا لا يمكن هب هو يمكن شهاب ولا ذياب اللي كانو يرسلون لي
لأنه بعد الخطوبة بأسبوع المسجات وقفّت
لبسني الطقم
بس ماعرف يلبسني الحلق مالت عليه عورني
قلت
أنا : آي
سعود : سودانيه ههه
أنا شوي وأعطيه بكس
أنا : مالت
أح أح في وحدة تقول حق ريلها جذا
سعود : تمونين يالغاليه
سلامه : بس بس عقب تغزل بها الحين لبسها الطقم
لبسني الدبلة
عاد شوي ويعصر أصابعي
بيستوي
عصير دم مهاوي هههههه بتحصلونه عند راعي كافتيرتنا
يوم أبا البسه أنا الدبلة
نص بس هههههههههههه
ما دخلتها فاصبعه كامل
جان روحه يكمّل
وعقب ودونا نقعد فالصاله الصغيرة
وأونه تم يسولف وياي وأنا ساكته
سعود : أحيدج رمّيسه جيه اليوم ساكته
أنا : من متى تعرفني عسب تعرف صفاتي
عنبو دفشة ما أستحي ههههههههه
سعود : قبل ما تطلعين من بطن أمج
أنا : ضحكتني
سعود : مهاوي فديتج بلاج
اهني غمضني بغيت أصيح لازم أودّر خبالي خلاص انا مالجة الحين
أنا : ماشي بس ممكن طلب
سعود : آمري
أنا : موصح العرس بعد 3 أسابيع
سعود : هي تجهزتي
أنا : هي
سعود : تبين نأجله
أنا : برايك بس عندي طلب
سعود : آمري تدللي
أنا استحيت : ما يامر عليك عدو
بيني وبينكم أول مرة حد يرمسني جذا خخخخ طول عمري اهزب وانهزب ما دلعت حد فحياتي خخخخخ
دفشة تراني هااااااااااااااااع
أنا : مابا نرمس فالتلفون
سعود جنه تضايق : جيه
أنا : جذا ما احب
سعود : اوكيه برايج
أنا : لا تزعل ترا العرس جريب وبعدين لو تبا برمّسك عادي
سعود : لا خلاص برايج
أنا أوني مستحيه ابتسمت
وقبل ما يطلع
سعود : بس مسجات
أنا : اممم أوكي
سعود : أوكي حبّي مع السلامه
أنا استحييييت أع : مع السلامه
طلع وقبل ما يطلع من الباب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 28-02-2010, 01:21 PM
مليت أحبك مليت أحبك غير متصل
©؛°¨غرامي مشارك¨°؛©
 
الافتراضي رد: رواية آه ياقرب المسافه بين عقلي والهبال


طيّر لي فلاي كيس
استحيييييييييت شو هذا قليل أدب والله
صدق ماربّوه
خل نعرّس وأنا بربيه
بس أخاف يسويني قليلة أدب شراته
وايد فرحانه بروحي أونّي محترمه عاد هع
رحت حجرتيه استحيت أروح صوب الأهل هع هع
حدرت نور الامارات شفت يتومه
طرشت لها رساله انّي ملجت
وااااااااااااايد استانست
فديتها
وعقب رقدت
ويومياً أروح السوق أتزهب
خلال أسبوعين خلّصت من الزهبة
واتجهزت
هيونه ساعدتني يوم أروح حق الفستان
والعرس بيكون فـ دبي هذا طلبيه لأنه ربيعاتي من دبي ومال العين بييون دبي عادي
مرت الأيام بسرعه
وياه يوم العرس
وااااااااااااااء بصيح خلاص من اليوم ورايح تصرفاتي محسوبه أونّي كبرت
لاااااااااااااااع بعدني بيبي اهئ اهئ
سرنا الصالون هيونه وسلامة
سوو لي الميكب والتسريحه
عقب رحنا القاعة اهناكي لبست الفستان
وعاد طلعت غاويه
اللي بيشوفني يقول يا أرض احفظي ما عليكي
جني ملاك
لا لا أنا مها هب ملاك هع
خسارة سمعت صوت الأغاني بس ما اقدر أرقص
والاكل وااااااااااو لذيذ هع بس ميكبي بيخترب
ع طاري الاكل صح
مره سوسو ياه بيتنا
شو سوسو بعد جنه قطو خخخخ سعود
المهم
تغدا عقب الغدا انا سويت له جاي حمر بالغلط حطيت فيه بدال الشكر ملح
ههههههههه والله بالغلط لانه العلبه متشابهه
تم يضحك عليه هههههههههههه

وما اقدر أخرط عالعيايز
اهئ اهئ
عقب زفونّي
عاد أميره أنا لا لا مها
المهم أطالعهم جني شيخه
جم مرة أقول مها
عاد قعدت يو سلمّو علي وايد منهم ما عرفتهم
عقب عاد زفو
سعود
باباتيه وباباته وعمامي دشو
وياه
كان قمر ومبتسم
فـ خاطري اقول له البنات بيحسدونك هع
ياه وباسني على يبهتي
وسلمت على عمامي وبابا وعمي اللي هو ابو ريلي
وجان يطلعون تم سعود بس
جان يقولون عيال عمي وخواني بييون يسلمون علّيه
لبسوني الطرحة هييج اللي تستر
ويو باركو لي
بس اللي سمعته
ذياب يا وقال بدون نفس
مبروك يا عروس
وعقب صوت شهاب
مبروك يا عروس
اثنينهم بدون نفس شو ها والله حاله
فخاطري ارفع الغشوه واكفّخ كل واحد
تخيلو عاد بالفستان هع هع
أما خواني وعيال عمّي الباجين باركو لي عدل
وطلعو
عاد طلّعو ها اللي شوي وبختنق منّه
وشفت سعود يعني لمحته عالسريع
ما يستحي والله هع
شربنا العصير أونّه
عقب قطعنا الكيك
ووكلته ووكلاني
يت الكريمة علي
كان بيمسحه جان سلامي تسبقه
أحسن أحسن
قفطة ههههههههه
عقب رحنا الحجرة
جان أطرد سعود ههههههه
ما طردته بس قالو له يطلع عسب أبدل
عاد هيونه وسلامي ساعدوني طلعنا هالعله
الفستان أعوذ بالله جني شايلة فيل
ويوم خلصنا دش سعود ورحنا الفندق
عاد أنا على طول رحت أفتح التسريحة
سعود ياه أونه يساعدني
جان يسحب بين
وعورني
جان أضربه على ايده هههههههه
سعود : أعوذ بالله شريرة
أنا : زين روحك عرفت
سعود : من زمان أعرف
استغربت منّه
كيف يعرفني ومتى شافني شو هالانسان
عاد اليوم الثاني الصبح نشّيت تسبحت ولبست تجهزت بس باقي الميكب
جان أروح صوب جنطة الميكب بفتحها
سحبت الزرار ما فتح
جان أشده ما يفتح
شديته بكل قواي البدنية والعقلية ههههههههه
ما رضى يفتح
جان أعصب وأعطي الشنطة بكس
أنا : غبية حيوانه أووووووف
رحت صوب المنظرة أعدل قصتي
خلاص صارت قصتي ما صارت كشتي
لأني عرّست ههههههههه
وأنا أعدلها شفت سعود من المنظرة يطالعني مبتسم وماسك ضحكته
صديت ورا
أنا : متى نشّيت
سعود : الناس يقولون صح النوم
أنا : صح النوم متى نشيت
سعود نقع من الضحك : ههههههههههههه جيه تضربين الجنطة مسكينة مالها ذنب لا وتسبينها بعد
أنا كنت يمب القنفة
جان أسحب الفروحة
وأفرها عليه وضحكت وياه
رحت قعدت عالسرير
أنا : هههههههه مادري عنها ما تفتح وياي
سعود : أحسن
أنا : جيه انشالله
سعود : عسب أشوف جمالج الطبيعي
أنا : خسفة أنا لاااه ..؟
سعود : جب لافرج الحين من الدريشة ..
أنا : جيه انشالله رمست عن روحي أنا انت شيخصك
سعود : لانج روحي
أنا : تراني مب متعوده عالمدح
سعود : بعودج خلاص وبعدين اذا سمعت هالرمسة مرة ثانيه يا ويلج
أنا : جيه انشالله
سعود : لأني مت لما حصّلتج
استغربت شكله استخف الولد
أنا : تعال افتح الشنطة دخيلك تعال
وعقب رحنا صوب بيتنا بيتي سابقا سلمت على أهلي وماماتيه تصيح واااااااء فديتها
عقب رحت سلمّت على بيت عمّي شفت ذياب وشهاب كانو برا شهاب فالسيارة وذياب ساند عالباب ما سلمّت عليهم مالت عليهم زعلوني
عقب اتجهنا لدار الزين
واااااااااااااااااااااو بعيش هناك خلاص
ربّي استجاب دعائي لما دعيت انّي أسكن فـ دار الزين
عاد ركبنا السيارة والعين بعيدة كلّه سعود يسولف
أوننه يقول أنا البربرجيه ما يشوف روحه
أنا : أونك تقول أنا البربرجيه ما تشوف روحك
سعود : أهون عنج أرمّس حرمتيه العبيطة هب أسب الناس وأنا ماشي
أنا : امممم اش دراك اني أسب الناس
سعود : أختي خبرتني عن طبعج
أنا : أعوذ بالله هاي ما قالت تخبرك الا عن بلاويه
سعود : وأحلى بلاوي فالدنيا
أنا : سوق سوق عن ندعم
سعود : بتستانسين فالعين وايد
أنا : أدري أكيد
سعود : انتي شفتيني قبل ..؟
أنا : اممم لا ليش ..
سعود : أوقات كنت أمر خواتي قلت يمكن شفتيني ..
أنا : الحين أنا لما أتريا حد أشوف خوان البنات عبالك... ما أقول الا مالت
سعود : ههههههه
وصلنا العين
بصراحه بيتهم يسكّت رووووووووووعــــــــــهـ
أحلى عن بيتنا وايــــــــــــــــد
بيتنا صح انه فله
بس هاييل قصر
هع بنت فقر

سلمت على عمي وعمتيه وسلامي وسارونه
وسيفووووووه
حليوه اخوهم الصغير عمره 5 سنوات
عمي وايد طيب امبين عليه
حتى سلامي وساروه
عمتيه مبين عليها طيبه بس فيها حبة غرور
يحق لها والله مع هالجمال والمال
بس بعد من تواضع لله رفعه
أما سيفاني خييييييييييييييال يسكّت
أحلى عن سعود لو يسمعني بيذبحني هع
قعدنا أول شي وياهم فالصالة
جاان سيفاني يروح صوب الطاولة وزين ما كسر المزهرية
عمتي أم سعود : سيف قر مكانك
سيف خاف شوي ويصيح
سيف : ماما ما حبس
عمتي أم سعود : فاضحني هالولد
سيف ياه صوبي حضنني
سعود تم يطالع صوبي مستغرب
سيف : انتي اثتوي ماماتيييه انزين
عــــــــــاد أنا قفطت ويهي احمر
بصيح خلاص
سعود كان يطالع وفيه الضحكة
عموه ام سعود : بشرى بشرى تعالي شيلي سيفاني
يت بشرى وخذته
عموه أم سعود : اسمحي لنا دوم جذا سواف
أنا ما عرفت شو ارد
أنا : لا عادي عمّوه
رن تلفون سعود وظهر
جان ساروه وسلامي ييون يلصقون فيني وتمّو يسولفون وياي
رد سعود
سعود : خوزو عن حرمتيه بتاكلونها حشى
انا استحيييييييييت
ساره : حشى نحن ما ناكل لحوم بشريه
سلامي : هههههه ترا بخبرها عن بلاويك
جان اسكت عسب اسمع سلامي شو بتقول
سعود وقف : يلا مهاوي تعالي نسير الحجرة
جان اطالع صوب عموه وعمي والبنات
أنا : عن اذنكم
ورحنا
سعود دش قبلي وكان مبين عليه معصّب تخرعت
هذا أول يوم لنا بعد الزواج وهذا جذا معصب
بس اذا قال لي شي برد هب متعوده اسكت
دش تسبح وكان معصب
عقب أنا رحت غيّرت عسب نتغدا
يابو الغدا تغدينا
رحت لبست وكشخت لأنه أكيد العصر بييون ناس صوبهم
سعود كان قاعد يراقبني وحاط ايدينه صوب ويهه
أنا توترت عقب ما خلّصت
سعود : بلاج ..؟
أنا : ما بلاني شي
سعود : بلاج ساكته ما ترمسين
أنا : قلت لك ما بلاني شي انت اللي راد من بره معصب
سعود وقف وياه صوبي
سعود : مهاوي تبينا نسافر
أنا : اللي يريحك
سعود : آسف والله حجزت لنا اليوم بليل بغيت أسويها مفاجأه بس للأسف طلعت لي شغيلة وما قدرت
أنا : عشان جييييييه معصب الحين
سعود : شو يعني ما تبيني أعصب
أنا : يا ريال خل عنك عشان سفره زعلان جنك بنية أقول اجلب ويهك خلني أكمل ميكبي
سعود ضحك على تعليقي
سعود : يعني راضية أوعدج أول ما أحصل فجة شهر كامل بسفّرج
أنا : واذا ما سفرتني تراني بزعل ها
سعود ابتسم وقعد
شفته حسيته مب مقتنع فكلامي عباله اني شرات كل هالبنات اذا ما سافرت شهر عسل أزعل على طول
مر أسبوع على زواجنا
وأهلي زاروني هالأسبوع كانو عمي وعمتيه مسووين عزيمة عوده
وعقب ما راحو دشيت الحجرة هلكانة تسبحت ييت أبا أرقد
شفت سعود داش دخل يتسبح
حاولت ارقد ما ياني رقاد قلت اتريا سعود لما يظهر ونسولف
طلع سعود ياه قعد يمبي سولفنا شوي عن اليوم
أنا : سعود ممكن سؤال
سعود : أووووووووف بعدنا على ممكن اسألي
أنا : أحم أحم جم عمرك
سعود طالعني مستغرب
سعود : هاه
أنا : جم عمرك
سعود : 25 جيه
أنا : أويــــــــــــــــه وايد كبير
سعود ضحك
سعود : جيه لو تعرفين عمري ما بتاخذيني
أنا : لا لا بس عبالي عمرك 23 شي جذا
والله لو تدري اني حتى اسمك ما كنت أعرفه جااااااااان علوم
سعود : مهاوي انتي ما جد شفتيني فـ مكان
أنا أطالعه : لا
سعود : ركزي
أنا : لا مول
سعود : ولا فـ محل شي جذا
بحلقت زيادة
أنا : اممم شرات
سعود : واحة أدنوك
أنا دقيت راسي : هيييييييييييييييييييييييييييييييه تذكرت انت اللي قلت لك ولد شيوخ
سعود : هههههههه وأخيراً
أنا : أويه أنا ماخذه واحد مغازلجي
سعود : لا حشى والله القلب ما هوى غيرج
أنا : أحم أحم ما نروم نحن عالغزل خخخخ
سعود : هههه
أنا : سعود بتخليني أكمل
سعود : امم بشوف
أنا : لااااااا حرام الله يخليك الا دراستي
سعود : بخليج بس بغيّر سستمج وبنقلج
أنا : المهم أكمّل
سعود : بتكملين بتكملين
أنا : سعود انته شو تشتغل
سعود : بعد 3 أسابيع بتعرفين
أنا : يلا ارمس
سعود : اتريي انزين بتعرفين
أنا : أوكي
بعد مرور 3 اسابيع
أنا : احلف
سعود : والله ما اتمصخر
أنا : يااااااااااااي بنسير الغربيه عند قوم عمي
سعود : هيه
تجهزت وعدلت جنطتي سلمّت على أهل سعودي
سلمو علي سلام حااااااااار وايد جني بفارقهم
ركبنا السيارة وقبضنا خط الغربية
رقدت فالدرب
يوم وصلنا رحنا صوب قوم عمي تعشينا عندهم
عقب سعود اتصل بي قال لي يلا نطلع
استغربت
الغربية بعيدة وايد فيه حد يظهر منها نفس اليوم اللي يا
حتى عمّي ما قال لنا لا تظهرون هالحزة
بغيت أسأله ما رد علي
ركبنا السيارة
هيونه اتصلت بي و تمينا نرمس
عقب وقفنا يدام بيت
أنا : سعود وين يينا
سعود : انزلي ولا ترمسين
أنا خفت : سعود ما بنزل مادري يايبنا بيت منو بهالليل كنا نبات بيت عمي أحسن
سعود : انزلي وانتي ساكته
طالعت برا انتفضت من الخوف
ظلام وفيه شير
يخوف وااااااااااااااااايد
البيت ولا ليت منه شغال غير اللي عند باب الحوي
أنا صحت : سعود مابا يخوّف اهني
سعود معصب : مها مب ناقصنج يايين هالدرب كله وآخر شي تصيحين
أنا : سعود قلت لك ما بنزل
سعود : عاد تمي انا نازل نزل وراح داخل البيت
عاد أنا زغت زيادة
نزلت من السيارة ورحت أربع صوبه تمسّكت به عدل
لوا علي وفتح باب البيت
سعود : دشي بريلج اليمين
أنا أصيح : هي مب ناقصة وحش يي ياكلني
سعود شوي ويضحك دشينا شغّل الليتات
البيت روعــــــــــــــــه من داخل
سعود وداني الصالة وقعدنا
سعود : حبيبي مها سوري خوفتج
أنا لاصقه فيه خايفة
سعود : بلاج ها بيتي
أنا مستغربة : شووووووه
سعود : اقول لج بيتي
أنا : كيف هالمنطقة ما يعطون بيوت الا للي يشتغلون اهني
سعود : انزين وأنا أشتغل اهني
طالعت سعود مستغربة بس آخر شي استوعبت
مديت بوزي
سعود : عن يطيح البوز
أنا : ليش خرطت علّي خوفتني
سعود : يالجبانه
أنا : انته
سعود : هههههه ارقدي يلا بس ارقدي احسن لج
أنا : تعال وياي الحجرة اخاف لا تسير تييب الاغراض الا باجر الصبح
سعود : اوكي هههههه
عقب مرور ايام معدوده
سعود رن البيجر ماله عنده شفت اليوم
ياربييييييييه البيت يخوّف بليل
سعود قال يوديني بيت عمّي بس المشكله هم نازلين دبي
جان اقعد فالبيت روحي
جريب الساعة 4 الفير زاد خوفي ميته رعب
اتصلت فـ سعود ما رد علي خفت زياده
شفت فوني ياني مسج
شفت الرقم
آه
هالرقم اللي كان يطرش لي زمان مسجات بغيت أفتح المسج بس أنا خايفة
يمكن يهدد شي جيه
حاولت أتم متماسكه وأتريا سعود
اتصل به ما يرد
آخر شي ربي ستر ورقدت
ما حسيت بروحي الا عالساعة هنتين الظهر سعود يوعيني
سعود : حبيبي نشّي
أنا : سعود ييت
سعود : من زمان بس انتي راقده
أنا قعدت ولويت على سعود تميت أصيح
أنا : سعود لا تودرني
سعود : انشالله حبيبتي بس ظرف طارئ كان أمسات
نشيت لبست عقب تغدينا
ورحنا البحر عالعصر
سعود : مهاوي بحرنا ما يذكرج بشي
أنا : اممم عيال عمي والأهل
سعود : شي طيب بعد
أنا : لاأ
سعود : اوكي بروح بشتري أغراض تيين
أنا : لا بتم قاعده
رووح سعود تذكرت المسج
قلت افتحه عقب قلت لا بمسحه
وجييييييه و أنا أفكر وصل سعود
قعدنا نسولف سعود انسان خياااااااااااال روعه
درنا تذكرت كل موقف صار لي اهني
مع ذياب مع شهاب مع هييونه
حلوه حياة العزوبية
بس حياتي مع سعود أحلى
عقب ردينا البيت
سوييت عشا أونني عالسريع اللي أعرفه
تعشينا ورقدنا لأنه سعود وراه دوام الصبح
اليوم الثاني بعد ما رووح سعود الدوام عالساعة 7 حدرت نور الامارات
دشيت المحادثات شفت حلاتي بندرة وجودي ويتيمة زايد يسولفون
حلاتي بندرة وجودي : لا لا قالو بييون اليوم
يتيمة زايد : لأ باجر
حلاتي بندرة وجودي : أقول لج اليوم
يتيمة زايد : ما علينا المهم يلا سيري أوقفي يدام باب بيتكم
حلاتي بندرة وجودي : باص النادي ييي عالساعة 8
يتيمة زايد : احترقي عالشمس هههههه
حلاتي بندرة وجودي : يا حافظ
يتيمة زايد : المهم تراني بمركم اليوم
حلاتي بندرة وجودي : زين تسويين ترا عمّة سلامي وجالكسي والدنيا عكسي وشوق المشاعر وسوار بييونا
يتيمة زايد : ماشالله العايلة الكريمة كلها متيمعة اليوم
أنا دشيت عرض
أنا : هايو قايز
يتيمة زايد : هاياتو
أنا : اشحالكم
حلاتي بندرة وجودي : تمام
يتيمة زايد : مبروووووووك حبيبتي
أنا : الله يبارج فـ حياتج
حلاتي بندرة وجودي : ها حلوه دار الزين عمة سلامي وايد تمدحها
أنا : الله يخليج ييت الغربيه
يتيمة زايد : وااااااااااااو خبال الغربية أموت عليها
أنا : هههههههههه
حلاتي بندرة وجودي : أنا بظهر بروح بتجهز حق النادي
يتيمة زايد : تيييييييت
أنا : شو مسجلين فالنادي
يتيمة زايد : عنّا غيره فالصيفية هههههه
أنا : ههههههه
يتيمة زايد : عاد أنا بعد بظهر بروح بتجهز شكلي بشوف الغويلي اليوم
أنا : ربي يحفظج
يتيمة زايد : باي
أنا : بايات
...........
يوم ظهرو ظهرت كنت ملانه رحت صوب فوني
تذكرت المسج
قلت بفتحه
وتوني بفتحه من يوم ما قريته
الا وسعود يدش
عاد انشغلت وياه جهّزت الغدا
تغدينا وقلنا اليوم بنرد العين
جهزت أغراضي وأغراض سعود
قبضنا الخط
كالعادة
رقدـــــــــــــــــــــ ت هع
وصلنا صوب دار الزين
دشينا سلمت على عمي وعموه
البنات جنهم راحو العين مول
شفت سيفاني
يااااه يربع صوبي
شلته وبسته
تعود علي الفترة الأخيرة
عمو أم سعود : حبيبتي لا تشلينه ثجيل
أنا : عادي عموه متعوده
عموه تلمح لي : أول غير والحين غير
استحييييييت فهمت قصدها
سعود تم يطالعني
قعدنا شوي
عمي بو سعود : خلاص سعود خلها صوبنا انت أيام دوامك تم فالغربية والأيام العادية تعال صوبنا
سعود : هي مفكر جذا
ما علقت تميت أسمع سوالف عمي وسعود
الظاهر عمي بو سعود بعد فالغربية
يشتغل اهناكي
بس رتبته عاليه وايد لانه سنوات صار له
خلاف دشينا انا وسعود الحجرة
سعود : بلاج
أنا : ما بتم اهني بيي وياك
سعود : جيه
أنا : ما أحب أتم بدونك
سعود ياه صوبي
ولوى علي
سعود : فديتج أنا بس أنا دوامي شفتات وغير جذا بعاد عن الأهل لا سمح الله صار شي
أنا : مابا
سعود حاول وحاول لما أقنعني
وقال لو تميت فالغربية ماشي دراسة
لأنه ماشي جامعات الا داخل بوظبي
أما فالغربية مدارس وبس
ولو حملت الدرب خطر علّي
اقتنعت
عقب رقد سعود
رحت صوب ساروه وسلامي
شفتهن يقايسن البدل اللي شرنها
أنا : ماشالله شريتو السوق
سلامي : ههههههه تعالي اختاري لج
أنا : جيه مزاد هههه لا لا توني مع زهبتي شريت بدل العالم
ساره : هههههههه
سلامي : مافي شي فالدرب
أنا استحيت : لا
سلامي : اش دراج
سارونه : عن اللقافة سلامي
أنا : هههههه لا عادي بس أنا اجازة
سلامي : أشوف المناكير عمت عيوني هههههههه
أنا : ههههههه ساروه سلامي انتن هب مخطوبات
سلامي : جيه بتخطبينا حق حد ههههههههه
أنا : لا ما ببلش عيال الناس بج ههههه
سارونه : أنا مالجه
أنا : أهاا شي طيب
سلامي : وأنا عانس أتريا الفارس ايي مع الخيل ماله ويشلني هههههه
أنا : ههههههههه لو على سيكل صدقنا
سلامي : جييييييييييييه انشالله
أنا : بابو مال الدكان وايد زين هع
وعقب السوالف رحت صوب الحجرة شفت سعود راقد هلكان
رحت صوب الفون
بغيت افتح الرسالة
وبالفعل فتحتها
يا ترى شو مخبي لي هالرقم
من سنة تقريبا يطرش مسجات فترة وقّف والحين مرة ثانية يطرّش
فتحت الرسالة
انصدمت
*_*
///
حبّي بتأخر أنا لا تتصلين بي لأني ناسي فوني أوكي
///
استغربت هالمسج ياني يوم سعود متأخر
أكيد هو مطرشنه بس
بس
بس
يا ربييييييييه
كيييييييييف
وها رقم منوه مطرش لي منّه هالمسج
رقدت وأنا حاطّه فبالي باجر بنش وبسأل سعود
نشينا اليوم الثاني نزلنا نتريق
سعود : تجهزو ترا بنروح عقب الغدا جبل حفيت
ساره : لا نبا بوادي مول
سلامه : لا حديقة الجاهلي أحلى
سيفاني : العاب هيلي انتو اثكتو
سلامه : شو العابه انت بعد
سيفاني : خلاث خلاث مها تقول دبل حفيت زين
أنا ابتسمت له
عمتيه أم سعود : تعود عليج بسرعه
أنا : هي فديته
عمتيه بمزح : عاد ييبي له ربيع
استحيت
وسعود تم يطالع صوبي
عمي : انتو روحو بوادي مول هيلي المبزرة برايكم بس المهم باجر تتجهزون بنروح دبي
كلنا استغربنا
عمتيه أم سعود : ترا شهاب خطب بنت عمّج هيا
انصدمت واستغربت فنفس الوقت
أنا : أهاا شي طيب وأنا آخر من يعلم براويها هيونه
عمتيه : هههههه لا تزعلين ترا توهم علنو الخطوبة
أنا : حتى ولو لازم أنا أول من يعرف
عمتيه : هههههه خلاص انزين يوم سلامي انتي أول وحدة بتعرفين
سعود : أمايه ترا الحين بتلصق فـ سلامي
عمتيه أم سعود : زين يمكن تعلمها الرزانه شوي
سعود : عز الله الدنيا اختربت
أنا ابتسمت له بانتصار هع
ورحنا صوب جبل حفيت
وااااااااااااو
نحن فالقمة روعه بصراحه
تمينا نسولف وسيفاني كلّه قاعد فحضني يقول برد
فديته انشالله عيالي يطلعون شراته
وسعود اشترا لنا بارد وهالسوالف تمينا نسولف وكلّه نعلق على بعض
سعود راوانا فيديو فـ فونه يضحّك
سلامي قالت يرسل لها اياه
جان يبا يرسله
سعود : انتي بعده بلوتوثج ارسل لاكفخك ^_^
سلامي : أناا ..؟
سعود : لا مهاوي
أنا : امممم هي هههههه
سعود : غيريه ترا هب شي
أنا : بالعكس وايد يعيبني وبعدين اشدراك فبلوتوثي
سعود : استقبلي وبتعرفين
أنا : لحظه لحظه هاي هيا قاعدة تتصل
رحت فصوب تميت أرمسها وكلّه أهزبها
وبعد ما انهيت مكالمتي ياني فضول اعرف سالفة الرسالة
سعود ياه صوبي
وتمينا نسولف
أنا : سعود هاك اليوم بليل انت مطرش لي مسج
سعود : هيه جيه
أنا : من رقم منوه
سعود ضحك : ربيعي
أنا منصدمة : هاااااااه ربيعك
قلت بلحق ع روحي احسن لي
سعود : هي ربيعي
أنا : وتلفونك وين كان
سعود : فالبيت عالسايلنت
أنا : انزين سعود بقول لك شي
سعود : هلا
أنا : ترا كنت أتحرا هالرقم مال هيونه وتلعوزني كنت ارد ع المسجات
سعود حرج : هاه
أنا : والله ما يخصني فـ ربيعك ولا أعرفه و لاجد شفته ...
سعود ضحك : ههههههه لا عادي
أنا : بلاك
سعود : ترا رقميه أنا
أنا : هاااااااااااه
سعود : والله
اتصل بي ظهر لي الرقم
أنا : وقاعد تلعب فأعصابي وأنا أقول منو يعرفني
سعود : ههههه والله اني اباج من أول نظرة
أنا : عن المنكر الزايد بس
سعود : تعالي نروح السياره
أنا : أوكيك
رحنا صوب السياره
سعود : اسمعي ها اهداء لج
وشغّل المسجل
///
آه ياقرب المسافة بين عقلي والهبال
وقولي للعالم تجنن..جنــــنه صادق هواه
وآه يابعد المسافة بين صدق واحتمال
ماأحبك او أحبك والغلا واصــــــــل مداه
أتعب بقربك وبعدك وأسهرك كل الليال
أغرق بعينك بلحظة ولامعي طوق النجاة
انتي يابين الحنايا انتي يابنت الحلال
فيك عالم من مشاعر وجاك شاعر فيك تاه
أملك الدنيا بيمينى بس لاقلتي تعـــال
وغيرك اصلاً لابغاني قلبي اصـــلاً مابغاه
انتي في كفه لحالك وباقي خلق الله لحال
ويكفي إنك لاطلعتــــــي العمــــر عوّد وراه
ياعذاب القلب دونك ياعذاب بلا وصال
يا مكان انتي تـــــجينه تنقلب ارضه سماه
امطريني لين اسافر بين حلمي والخيال
اعشقينـــــــــي قد قلــــــــبك قد ما أعرف وفاه
انتي اتعبتي ورودك وتسألي نفس السؤال
ريـــحي قلبك أحـبــــــــك وانتي لي طعم الحياه
///
أنا : شكراً سعود
سعود ابتسم
أنا : انت وايد طيّب
سعود : أدري
أنا : عاد اجلب ويهك
سعود : محد يعطيج فيس
سعود : تبين نروح الغربية هالاسبوع
أنا : تصدق مرة حزة المغرب دعيت اني أسكن فالغربية والمرة اللي بعدها العين
ويوم رحنا العين حسيت دعائي استجاب ويوم رحنا الغربية بعد قلت دعائي استجاب
سعود : ههههههه
أنا : كنت أدعي لمليار أحسن
سعود : جييييه انا ما اسوا هالعالم كلّه
أنا : لا منو قال
سعود : مالت طول عمرج دفشة
أنا : هع عليك
سعود : والله بغيتي تخبلين بي
أنا : تدري دوم يوم كنت أقرا مسجاتك أقول آه يا قرب المسافة بين عقلي والهبال هههههه
سعود : يعني القلوب عن بعضها
أنا : لا لا بس التفكير غبي شوي ههههه
سعود : مهاوي صخّي عن أفرج من عاليبل
أنا : طرّش لي الفيديو يلا
سعود ابتسم مستانس
سعود : أوكي
أنا طالعت الشاشة مستغربة
أنا : سعود انت ,,,,,,,,,, انــــــــــ ،،،،،،،،، ـــــــــ ،،،،،،،،،ـــــــت انت هوه ..
سعود : هي هوه اللي شفتيه
أنا متخبله : سعود انت الوسمي مال البحر
سعود : أنا سعود أمييييييييه
أنا : هي هي بس اللي شفناك عالبحر
سعود : هي هو نفسه
أنا : وأمير الظلام مال الجمعيه
سعود : هههههههههه هيه بلاج تخبلتي
أنا : والله انّك شي سعود أحبك أحبك
سعود : استحي أعوذ بالله
أنا : هههههههه أونك وطول هالفترة بغيت تخبل بي
سعود : دقت براسي وطلّعتج من تحت الأرض
أنا : والله انّي نسيت السالفة وطول هالأيام ونحن نتلاقى
سعود : هي عند البحر وفالجمعية وفواحة أدنوك ويوم عرس أخوج شفتج طلعتي من باب أهل العرس ودشيتي هههههه
أنا : وطلعت انت راعي المسجات
سعود : هي بلاج
أنا : سعود شكلك تبا تخبلني
سعود : هههههه لا لا .. لازم أنا اللي بتخبل لمّا حصّلتج ارتحت
أنا : هههههه سعود والله انّك أهبل
سعود : محد أهبل غيرج يالهبلة هههههه صخّي خلاص
أنا : جيه ما خبرتني من أول
سعود : شكلج تبيني أفرج من عاليبل ( اخرب مخططاته )
أنا : لا لا خلاص بصخ هههههههه
...................
من بعد ما عرفت انّه سعود هو الشخص اللي مخبل بي
وخلاني أردد جملة
آه يا قرب المسافة بين عقلي والهبال
بغيت أخبل به بس للأسف اول مرة فحياتي حد يخبلني طول عمري وأنا اللي أخبّل الناس
بس هالمرة ياني حد يعرف دواي ههههههه
مرت الأيام والأسابيع والشهور والسنوات
بعد 5 سنوات
ويت ويت
أنا وعدتكم انّي بقول لكم عن أمنيتي
يوم ميلادي
يوم فريت السجينه وسوويت حركة المسيح هع
تمنيت
تمنيت
تمنيت
تمنيت
تمنيت
امممممممم
هع
لا لا خلاص بقول لكم
تمنيت أييب توم ولد وبنيه
أسميهم
فارس والجوري
على أسامي الأبطال فرواية همس صوتك
بس للأسف
أمنيتي ما تحققت
أقول لكم أنا لا تصدقون سوالف المسيح هاااااااع
يبت توم بس ولدين عمرهم الحين أربع سنوات
حملت عقب أربع شهور من سالفتي هههههه
سعود يومياً يلح علي احملي احملي
لمّا حملت ويبت هالتوم
سميتهم
تخيلو شو
ذيـــــــاب وشــــــــهاب
هع هع
طلعو مخبلين شرات ذياب وشهاب بس عن يحرمون وحدة الرقاد شراتي ههههههه
تخرجت هالسنة لأني وقّفت سنة كاملة بسبب هالحشاكل
المفاعيص
شنغل ومنغل
هع
سعود الحين فالغربية بينزل اليوم فديته
وعقب بسكن فاالغربية بس كل اسبوع بننزل العين
هع
دعائي استجاب حزة المغرب
اما
شهاب حرمته هيونه
ربّت يابت بنوتة حلوه
استغربت لأنه شهاب سماها ( مها )
تأكدت هالحزة شهاب كان يباني
بس خلاص كل شي نصيب
ربي يوفقه مع هييونه
وعقب أسبوع من ما ربّت هيونه
سلامي ربّت يابت بنية
وذياب اللي هو ريل سلامه
سمّا بنته ( مها )
اهني ردت شكوكي
وتلخبطت أفكاري ذياب بعد كان يباني
بس الله يوفقه مع سلامه
شهاب وذياب اثنينهم كانو يحبوني
بس أنا أحب سعود فديته
زين ما خذيت لا ذياب ولا شهاب
ولا جان صارت علوم وخلافات
وبعدين سوسو احلاهم
محد يسواااااااااااااه هذا حبّي عالي مستوااااااااااااه
يلا الحمدلله على كل حال
هدى ومهند يابو جييييييييييش عيال
أشك مستقبلها شرات يدوه وديمه
ههههههههه نسيت أقول لكم مرة يت صوبنا العين
يوم دشّت وسلمّت
جان تقول
يدوه وديمه : انتي ناسيه
الكل استغرب
أنا : لا لا أنا مها
يدوه وديمه : هي عبالي هذيج بعدني أدوّر عليها عسب ايوزها لواحد من احفادي بس هب محصلتنها
يتني ضحكة بغيت أنقع من الضحك هههههههه
قطع علي افكاري
...
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولا وابشر بعد بهبال حبٍ ما هو بهبالك
واذا قصدك تهين اسمي عشان تشمت العذال
حشى لا انته ولا غيرك ولا عشره من اشكالك
...
بعدني على هبالي بس الحين احط شعر هع
بس ها للمسجات اما الرنه غيرتها
سويتها رنة اسبيستونات بس ماشالله شهاب وذياب لعنو بو خامس التلفون عسب هالاغنيه
جان اغير الرنه

ياني مسج
من
بــــــلـسم جـــــــــــروحي
///
ياالمها قلبي فيك مغـرم ومذبـوح
قلبي عناوين الغلى لـك وضعهـا
ماتدري أنك ساكن ٍ مهجة الـروح
روحي وروحك رب الأنفس جمعها
///
سعود فديت قلبه
ياربيييييه اشتقت له متى يوصل
فديته ايي يومين فالاسبوع
يلا فرجت خلاص بنكون ويا بعض
خلصت دراسه
حسيت بايد على عيوني
........ : يا حلوه شتسوين
أنا أميز هالصوت من بين كل الأصوات
صديت ورا
أنا : فديتك ييييييت
سعود : هي ييييت
سعود : شتسوين
أنا : خلاص خلّصت الروايه وبنشرها على نور الإمارات
سعود : بعدج على هالمنتدى
أنا : طبعاً بعدني تباني أودّر ربيعاتي
سعود : ههههه خلصتي روايتج
أنا : هيه خلاص بس باجي أدق على أرسل المشاركة
سعود : عن شو روايتج
أنا : عنّي وعنك
سعود تووه بيسحب اللاب
دقيت على ارسال
وانتشرت الروايه
هع
وانفضحت سالفتنا
سعود : زين جيه
أنا : عادي ترا
سعود : بتخبل ويا هالحرمه أنا
أنا : انزين شوف اسم الرواية ( آه يا قرب المسافة بين عقلي والهبال )
سعود : صدق والله ههههههه
شهاب وذياب يو ركض
سعود : هلا والله هلا
شهاب : بابا
ذياب : مالي بابا
سعود طالع صوبي
سعود : زين عندنا بنتين عسب ما يتضاربون عليهن هههههه
أنا : هههههه صدقك مها ذياب ومها شهاب
سعود : مهاوي مالتي أحلى .....لأنها خبلة
.............................
هنا قد جف قلمي وطويت صفحات دفتري نقلت لكم احدى رواياتي الفكاهية
((اقصد اغلقت صفحة الوورد
وانجلعت ازرار الكيبورد
من زود الكتابة والخرط
وسماع أغاني العود))

أتمنى أنها قد نالت على اعجابكم
مزجت بها بين الواقع والخيال
مواقفها الفكاهية واقعية أغلبها حدثت في حياتي وحياة صديقاتي
أما الباقي فهو من خيالي الواسع
ودمتم بــــــــود
تحياتي
يتـيمة زايـــد
00000000000000000000000000000000000000000000000000 0000000000000000000000000000000000000000000000000
000000000000000000000000000000000000000
0000000000000000000000000000000
0000000000000000000000000
0000000000000000000
00000000000000
0000000000
000000
000
0
شو اكثر موقف ضحككم بصراحه ..؟
اذا فيه أي تعليق علقّو
هالشي واااااااايد بيفيدني ويطور كتابتي
..}^



يلا ابي ردود تبيض الوجه ههههه ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 24-05-2010, 12:15 AM
صورة احساس لم يفهمه احد الرمزية
احساس لم يفهمه احد احساس لم يفهمه احد غير متصل
©؛°¨غرامي مشارك¨°؛©
 
الافتراضي رد: رواية آه ياقرب المسافه بين عقلي والهبال


الروايه اتيييييييننننن درجة اولى

تسلمين حبيبتي على النقل الرااائع


تحيتي لك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 03-07-2011, 12:22 AM
صورة مانوليا الرمزية
مانوليا مانوليا غير متصل
©؛°¨غرامي فعال ¨°؛©
 
الافتراضي رد: رواية آه ياقرب المسافه بين عقلي والهبال


مشكورة على الرواية الرائعة وبصراحة روايات يتيمة زايد تحفة

انصح الكل بقراءتها

يسلمووووووووووو

رواية آه ياقرب المسافه بين عقلي والهبال

الوسوم
المسافه , تموووت , ياقرب , روايه , عقلي , والهبال , وفكاااهيه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
سألتك بالله جاوبني أمانة شالي غيرك ؟ / بقلمي Ms Zezo أرشيف الروايات المغلقة - لعدم إكتمالها 32 20-05-2013 04:23 PM
كتاب تحفة العروسين الصوت الحر الحياة الزوجية - الحمل - مشاكل الزواج - خاص بالمتزوجين 23 15-03-2010 08:10 PM
رواية سواد الليل , اول رواية اردينة جوهرة الأردن أرشيف الروايات المغلقة - لعدم إكتمالها 11 16-02-2010 08:17 PM
رواية بنات الرياض الصورة الكاملة رواية سعودية جديدة إنهيار ثلجي ارشيف غرام 2 02-01-2009 06:51 PM

الساعة الآن +3: 01:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1