غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-02-2010, 09:03 AM
{عاشقه شاروخان} {عاشقه شاروخان} غير متصل
©؛°¨غرامي مشارك¨°؛©
 
الافتراضي الجو بارد و أبي حبك يدفيني كلمة أحبك بهذا البرد تكفيني / بقلمي ، كاملة


السلام عليكم كيفكم
هذي اول روايه لي واتمني تروق لكم...
...................
علم غرورك عزتي.......
مالها حد ....
البارات الاول
/
\
/
\
.............فجرررر
فتحت باب غرفتها فجر وطلعت:امري خالتي
ام وليد:حضرتك جالسه بغرفتك والبيت قايم قاعد
فجر:الحين ارتبه
ام وليد:خلصينا اوف متى نفتك منك ومشت
ابتسمت بالم فجر وراحت للمطبخ وشافته حوسه والصحون والاكواب كلها بالمغسله والفرن مو نظيف والارض
رفعت ثوبها فوق وربطته ورفعت شعرها بمساكه
وفتحت الماي وجلست تغسل المواعين خلصتهم وجلست تنظف الفرن وشطفت الارض
وطفت ضوء المطبخ وطلعت ترتب الصاله وتمسح وكنست وبخرت البيت
بعدها طلعت لغرفتها ورمت نفسها على فراشها بالارض ومسكت ظهرها لانها تحس بالم ونزلت دموعها
ورجعت ذكرياتها لورا ايام ماامها وابوها عايشين وكيف كانو سعيدين شاءت اقدار الله وابوها جته جلطه وتوفي وامها ماتحملت فراق زواجها ودخلت بغيبوبه وجلست شهرين بعدها ماتت واخوها اللي ماتعرف اهو حي او ميت لانه من توفت امها اختفى ولاعاد يعرفون عنه شي
وعاشت فجر عند خالتها وخالتها مخليه شغل البيت كله عليها
ومخليتها تنام بالارض بدون سرير
مسحت دموعها فجر وطلعت لها بجامه وراحت اخذت دش واول ماطلعت بتدخل غرفتها سمعت صوت وليد
دخلت غرفتها بسرعه وسكرت الباب
ودموعها تنزل وشغلت الراديو بجوالها وكانت اغنيه رابح صقر
يعني انت تظلمني وانا ماتكلم
واذا انا اخطيت صارت جريمه
يعني تتألم وانا ماتالم
انا على فكره حياتي اليمه
وجلست تسمعها ودموعها ماوقفت وبشهاق وهي دافنه راسها بمخدتها:الله يسامحك ياوليد
ونامت ولم تجف دموعها
>>>>>>>>>>>
بجهه ثانيه
وليد قرب لغرفه فجر وحط ايده على الباب تردد يدق الباب او لا تنهد بضيق وراح غرفته انسدح بسريره ورجعت فيه ذكرياته من سنه
فجر:وليد انت تظلمني
وليد:انا اظلمج ياحقيره انا كنت غبي اني حبيتج وسلمتج قلبي وحسبتج مسكينه وان امي ظالمتج بس طلعت غلطان
فجر:بس كافي
وليدد شد ايدها:صدمتيني فيج
ورمى بوجهها الرسايل
وراح
تنهد لواقعه وليد:آآآه يافجر شكثر وحشتيني
وطلع صورتها اللي عنده ونام واهو يناظرها
>>>>>>>>>
بعرفكم على فجر
عمرها تسعه عشر
طويله نوعا ما ونحيفه يتيمه
جمالها عادي نعومه
شعرها لظهرها اسود وشفايفها صغار وعيونها عسليه ناعسه
تدرس ثالث ثانوي
........................
وليد عمره  اربعه وعشرين جسمه رياضي له عضلات لانه يشيل اثقال وخشمه سله سيف وحلو حييل
وابتسامته جذابه بقوه يشتغل بشركه
يحب فجر موت ثلاث سنين يحبها من كانت بثالث متوسط كان يعشقها ويعشق ترابها وكبر حبه لها بس قبل سنه امه كانت السبب بفراقهم وخلت وليد يترك فجر عقب ماكان كل شي لها عقب وفاه امها وابوها
>>>>>>>>>
على البحر
...........تدرين سجى مهدي غثني اقوله ابعد عني مايفهم يقول جيبي بنت خالتك لي وابعد
سجى:شنو هذا حقير ومنحط وانتي يامشاعل اكيد مابتسوينها
مشاعل:والله لو نشب لي واظطريت بسويها عشان افتك منه
سجى وقفت وبعصبيه:ايش قلتى مشاعل حرام عليج تراهي بنت خالتج حرام تسوين فيها جذيه
مشاعل:اوه فكينا
سجى:حرام اكون انا صديقه لوحده مثلج الحقد والكره مالي قلبها
ومشت
مشاعل ماهتمت وقامت تتمشي على البحر
....................
بعرفكم على مشاعل
المفروض بالجامعه عمرها واحد وعشرين سنه بس هي مع فجر وسجى بثالث ثانوي لانها تعيد
دبدوبه نوعا ما
شعرها لكتفها مو ناعم ولا خشن عاتى ومملوحه قلبها اسود وحقوده
وتكلم شباب وتطلع تقابلهم
وداجه وطلعت مره مع فجر البحر وفجر على نياتها قالت لها بتروح شوي وترجع وراحت تشوف مهدي ومن شاف فجر انجن عليها ويبيها طيب او غصب
......................
اما سجى صديقه مشاعل وتعرف فجر معرفه سطحيه طيوبه وحلوه شعرها لرقبتها قصير
ودايم تنصح مشاعل بس مشاعل ماترد عليها
............
ببيت ابو احمد
عم فجر جالس بمكتبه وماسك صوره لفجر وتنهد بضيق وقال:ياترى وش هو حالك الحين يابنت اخوي
اندق الباب
ابو احمد:تفضل ودخل الصوره بالدرج
احمد:مساءك الله بالخير يالغالي
ابو احمد:مساك الله بالنور هلا بولدي الغالي هلا بسندي
احمد وهو يجلس:هلا فيك يالغالي
ابو احمد:توك راجع من الشغل
احمد:ايه يبه وحدي تعبان ومتكسر بس جيت اقولك ان ام احمد رفضت ناكل بدونك
ابو احمد بضحكه:فديتها
احمد:كح كح ترانا هنا يابو احمد لسه ماطلعت
ابو احمد:ههههه اقول احمد
احمد:سم يبه
ابو احمد:الا اميره والعيال ليش ماجبتهم يتعشونا معانا
احمد:والله يبه مامداني طلعت من الشغل وجيت هنا
وسمع صوت رنيم :بابا متنا جوع
احمد:هههه تكلمت الملسونه
ابو احمد وهو يوقف:هههه يالله خلنا نطلع لهم لاتفضحنا اختك
احمد وقف وطلع
رنيم باست ابوها وحضنته:بابا احمدوه جلس يسولف معاك واحنا ننتظر
احمد:شف الملسونه بنت اخوك الكبير انا شنو احمدوه
رنيم طلعت لسانها
ضحك ابو احمد عليهم وراحو للعشاء
جلس ابو احمد جنبه ام احمد
احمد:هاه يام احمد جاء حبيب القلب ناكل والا
ابو احمد:احمد
مسك ملعقته احمد وجلس ياكل
تركي:صدق خواف
ابو احمد عطى تركي نظره وانثبر
احمد:من خاف سلم ياتروك
ديانا بصراخ:اسكتو نبي ناكل
ام احمد:قص لسان انشالله كم مره اقولك لاتصرخين
ديانا:ماما هم مايسكتو
ام احمد:حتى لو ماتصرخين
ديانا مدت بوز:انشالله
رنيم واشواق فرطين ضحك
ابو احمد ماقدر يمسك نفسه وضحك معاهم
ام احمد:بسكم
الكل جلس ياكل وهم ساكتين
بعد الاكل راحو ام احمد وابو احمد لغرفتهم
ورنيم دخلت غرفتها وحطت راسها ونوم
تركي جلس يلعب بلاستيشن هع
وديانا واشواق دخلو غرفتهم
انسدحت اشواق وتنهدت
ديانا انسدحت جنبها ودخلت ايدها تحت مخدتها وسحبت صوره وجلست تناظرها
قربت منها اشواق وقالت:اكيد تغيرت الحين وايد
ديانا :اكيد زمان احنا ماشفنا فجر ياترى مبسوطه
اشواق:شرايج نقول لامي تحاول تجيب رقمها ونكلمها
ديانا:فكره حلوه
اشواق تنهدت وعدلت سدحتها وجلسو يفكرون لين نامو
.........................
اعرفكم بعم فجر وبنات عمها
ابو احمد
طيب وحبوب ومافي احن منه من الطبقه المتوسطه هم وعمره تسعه واربعين
............
ام احمد طيبه حيل وحنونه
وتحب عيالها حيل ومشكلتها عصبيه شوي عمرها سبعه واربعين
............
احمد ولدهم الكبير عمره سبعه وعشرين سنه حليل وخفيف دم وحلو ولاهو نحيف ولادب متوسط الجسم^_~
ومتزوج له اربع سنين من بنت عمته
ويحبها موت وعندهم رائد واسماء
.................
تركي عمره ثنين وعشرين بيجنن
له سكسوكه وجسمه يهبل
ويدرس اداره اعمال وغامض وعسول ويحب الضحك وراعي بنات نوعا ما
............
ديانا عمرها تسعه عشر اخر سنه ثانوي كبر فجر تحب فجر حيل حلوه حيل لها غمزات ونحيفه جسمها مثل اجسام العرضات
وطويله
.............
اشواق
بثاني ثانوي عمرها سبعه عشروملامحها طفوليه سمراء عكس ديانا ورنوم وشيطونه وشعرها بويه ودبه
................
رنيم اصغرهم بثالث متوسط
عمرها اربعه عشر
هبله وملسونه ماحد يسلم منها
نعومه وعيونها وساع وشفايفها صغار وشعرها البني لنص ظهرها
>>>>>>>>>
عند احمد راح بيته
داخل وشاف اميره نايمه بثوب احمر قصير على الكنبه
ورائد واسماء يلعبون
ضحك وقرب لعياله
رائد راح يضحك لابوه:بابا
احمد شاله:هلاهلا عيون بابا
اسماء تسحب ثوب ابوها
ضحك احمد ونزل لها وجلس وحطها بحضنه هي ورائد
وجلس يلعب معاهم
صحت اميره على صوت احمد يضحك
رفعت راسها وببتسامه:احمد انت متى جيت
احمد:من زمان وانتي بسابع نومه
اميره:غريبه ماحسيت فيك
احمد:شكلك تعبانه عشان كذا ماحسيتي
اميره: ايه وقامت شالت اسماء لانها نامت وحطتها بغرفتها على السرير وطلعت
شالت رائد وغربلها لين نام
ودخلت الغرفه وشافت احمد منسدح ويفكر
قربت له وانسدحت جنبه
سحبها احمد لحضنه:وحشتيني
اميره بخجل:وانت بعد
باس خدها احمد بقوه واميره استحت وحطت راسها على صدره
وابتسم احمد ونامو
..........
اميره بنت عمته احمد
تحبه موت حلوه وانيقه ونحيفه
عمرها وطيبه حيل
>>>>>>>>>>
مشاعل رجعت البيت والوقت متاخر
وفتحت الباب بشويش ودخلت وتمشي بشويش وصدمت بالظلام بشي
جلست تلمس اللي جدامها وكانت بتصرخ:توك تشرفين
مشاعل تنهدت براحه:هذا انت ياوليد خرعتني
وليد:خلصيني من وين جايه هالوقت
مشاعل بربكه:كنت عند سجى
وماحست الا بكف على وجهها:جذابه
مشاعل حاطه ايدها على خدها:انت تمد ايدك علي
وليد بعصبيه:واكسر راسك
مشاعل بصراخ:تخسي انت مالك شغل فيني امي موجوده انت مالك دخل ودزته وراحت ركض لغرفتها
وليد ضرب برجله على الطاوله وانجرحت ومشي وماهتم ومر من عند غرفه فجر
وظل واقف فتره بعدها نزل راسه ومشي
وسمع فجر وهي تفتح غرفتها بس مالتفت خايف يضعف لها خايف شوقه يخونه وينسي انها.............
فجر طلعت عطشانه وتحك شعرها ناظرت شافت دم عند غرفتها لفت وشافت وليد بيدخل غرفته:وليد
وليدد وقف
قربت فجر وشافت رجله وشهقت بخوف:رجلك تنزف
وليد بدون لايناظرها:لامافي شي
فجر وقفت بسرعه:لاتروح لحظه بس
وركضت غرفتها وطلعت معقم وشاش وطلعت له بسرعه
وليد كان واقف بس ماناظرها
فجر:اجلس
وليد:شكرا مايحتاج
فجر:قلت لك اجلس بطل عناد
جلس وليد وجلست فجر وصارت تنظف جرحها وتعقمه
وليد ماقدر ورفع نظره لها
وفجر مو منتبهه له وشعرها نازل على كتفها: حلاك ونعومتك نفس ماهي يافجر
طول عمرك بتظلين طفلتي
وليد قلبه مو راضي يوقف عن الدق مشتاق لها موت مشتاق يحضنها مثل قبل
فجر لفت جرحه وناظرته:خلصنا وقفت وتحس بنظراته اللي موترتها ومدت ايدها عشان تسانده وليد سحب ايدها وطاحت عليه
رفعت راسها متفاجاه
وليد:اشتقت لك
فجر بدون شعور نزلت دموعها
وليد مد ايده ومسح دموعها بحنان وقرب
والتفتو كلهم على صوت
؟؟؟؟؟ماشاء الله
وانتهى البارات
والكثير من الشخصيات شتظهر بروايتي راح تعرفونه مو تتابع الاحداث
فجر ايش سبب كره خالتها لها؟
تتوقعون من الشخص اللي شاف فجر ووليد؟
مشاعل هل بتسلم مهدي فجر عشان تفتك منه؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-02-2010, 09:50 AM
صورة تؤام روحي تداوي جروحي الرمزية
تؤام روحي تداوي جروحي تؤام روحي تداوي جروحي غير متصل
©؛°¨غرامي مشارك¨°؛©
 
الافتراضي رد: علم غرورك عزتي مالها حد


بداية جميلة أخت أجهلك
أجل طالعة على غلاتي "خخخخ"
فديتك ربي يسعدك ويوفقك
يشرفني اكون اول من رد عليك
في الإنتظار
مديرة اعمال غلاتي: تؤام روحي تداوي جروحي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-02-2010, 10:45 AM
وينك بغيت انسااك..؟ وينك بغيت انسااك..؟ غير متصل
©؛°¨غرامي جديد¨°؛©
 
الافتراضي رد: علم غرورك عزتي مالها حد


اهلين وسهلين
بدايه جدا جميله وروعه واتمنى انج تستمرين
ويشرفني اني اكون من قراء روايتج
تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-02-2010, 10:56 AM
صورة .Ǎℓ-Ż3έε₥ẩ«~ الرمزية
.Ǎℓ-Ż3έε₥ẩ«~ .Ǎℓ-Ż3έε₥ẩ«~ غير متصل
©؛°¨غرامي مجتهد¨°؛©
 
الافتراضي رد: علم غرورك عزتي مالها حد


بدآيه حلوهـ

اتوقع اللي شافتهم مشاعل وراح تهددهم علشان يسكتون عنها

يعطيتس العافيه

متابعه لتس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-02-2010, 01:21 PM
صورة مايخونك قلب علمته الوفا الرمزية
مايخونك قلب علمته الوفا مايخونك قلب علمته الوفا غير متصل
©؛°¨غرامي فعال ¨°؛©
 
الافتراضي رد: علم غرورك عزتي مالها حد


بدايه روعه
اتمنى تكملينها لان من بدايتها حماس
ولسى فيها غموض كثير
اتوقع الي شافهم خالتها
ننتظر التكمله ياحلوه
متابعه لك
تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-02-2010, 01:24 AM
{عاشقه شاروخان} {عاشقه شاروخان} غير متصل
©؛°¨غرامي مشارك¨°؛©
 
الافتراضي رد: علم غرورك عزتي مالها حد


توم روحي
......
وينك بغيت انساك
.......
نانا
......
قمر مايوصله بشر
.....
فديتكم تسلمون عالمرور
لاخلا ولاعدم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-02-2010, 01:29 AM
{عاشقه شاروخان} {عاشقه شاروخان} غير متصل
©؛°¨غرامي مشارك¨°؛©
 
الافتراضي رد: علم غرورك عزتي مالها حد


البارااات الثاني
/
\
/
لفت فجر وشافت وليد بيدخل غرفته:وليد
وليد وقف
قربت فجر وشافت رجله وشهقت بخوف:رجلك تنزف
وليد بدون لايناظرها:لامافي شي
فجر وقفت بسرعه:لاتروح لحظه بس
وركضت غرفتها وطلعت معقم وشاش وطلعت له بسرعه
وليد كان واقف بس ماناظرها
فجر:اجلس
وليد:شكرا مايحتاج
فجر:قلت لك اجلس بطل عناد
جلس وليد وجلست فجر وصارت تنظف جرحها وتعقمه
وليد ماقدر ورفع نظره لها
وفجر مو منتبهه له وشعرها نازل على كتفها وبخاطره: حلاك ونعومتك نفس ماهي يافجر
طول عمرك بتظلين طفلتي
وليد قلبه مو راضي يوقف عن الدق مشتاق لها موت مشتاق يحضنها مثل قبل
فجر لفت جرحه وناظرته:خلصنا وقفت وتحس بنظراته اللي موترتها ومدت ايدها عشان تسانده وليد سحب ايدها وطاحت عليه
رفعت راسها متفاجاه
وليد:اشتقت لك
فجر بدون شعور نزلت دموعها
وليد مد ايده ومسح دموعها بحنان وقرب
والتفتو كلهم على صوت
؟؟؟؟؟ماشاء الله
قامت فجر عن وليد وقلبها يدق بخوف
وليد وقف:يمه
ام وليد:وصمه انشالله وناظرت بفجر:وانتي ياللي ماتستحين
وليد:يمه فجر كانت تلف رجلي بس مو اكثر اهي مالها دخل انا طلبت منها تعقم جرحي
ام وليد:ادخل غرفتك وبكرا اتفاهم معاك
وسحبت ايد فجر ودخلتها الغرفه ودخلت وردت الباب
فجر:خالتى انا
صفقتها كف ام وليد وسحبت شعرها
وفجر تحاول تكتم صوتها لاتصرخ من الوجع
ام وليد وهي تشد شعر فجر بقوه:انتي متى بتفهمين وتبعدين عن وليد متى انسي اني بخليك تاخذينه وابعدي عنه يافجر احسن لك
فجر ببكاء:انا ماقربت له خالتى انا
دزتها ام وليد على الطاوله وطلعت
فجر حطت ايدها على راسها وشافت دم براسها ناظرت بالمرايا
ومسحت دمها وحطت لزق
وانسدحت وهي تبكي
وتذكرات
من دخل ابوها المستشفي وجلست تبكي بخوف
يومين وطلع ابوها
وناداها ابوها
راحت ودقت الباب
ابو سلمان:ادخلي
دخلب فجر:هلابابا
ابو سلمان:هلا بفجورتي اجلسي
جلست فجر جنب ابوها:امر يبه
ابو سلمان يمسح على شعرها بحنان:فجر يابنتي ابيك لجاء يوم وماكنت انا وامك موجودين ابيك تكونين قويه ولاتخلين احد يظلمج ولاتنزل دموعج لاي شي ابي بنت فهد جبل مايهزها ريح
فجر جلست تبكي:ليش تقول كذا بابا
ابو سلمان يمسح دموعها:انا شقلت مابي دموعج تنزل
فجر:انشالله بس لاتقول هالكلام ثاني
ابو سلمان ابتسم وحضنها
رجعت للواقع وضمت مخدتها:ماقدرت اكون قويه يابابا ماقدرت
>>>>>>>>>>>
عند وليد منسدح على سريره يفكر بفجر
وانفتح الباب بقوه رفع راسه شاف امه
رجع راسه وهو يقول:يمه انا تعبان لاتبدين فيني
ام وليد:لا ببداء وش اللي شفته الظاهر انك نسيت انها خانتك
ترددت هالكلمه باذن وليد خانتك خانتك خانتك
وتذكر الصوره اللي لفجر شايلها تركي وسكر عيونه ودموعه نزلت وصد عن امه عشان لاتشوفه يبكي وبصوت مكتوم:يمه ابي ارتاح
ام وليد تنهدت وطلعت
>>>>>>>>>>
الصباح ببيت ابو احمد
بالرياض
جالسين الكل على الفطور بس رنيم
ديانا:ماما
ام احمد:هلا
ديانا:ماما ابي رقم فجر اشتقت لها
ابو احمد تغير وجهه وحط التوسته اللي كانت بيده وقام
ام احمد عصبت على ديانا:وانتي مالقيتي تتكلمين الا قدام ابوك
ديانا:نسيت انا
ام احمد:انثبري ولاحرف اسمعه منج
ديانا وقفت واهي ماده بوز:دايم انا بس تصرخون على وطلعت
شالت شنطتها اشواق ولبست عباتها وركضت وراء ديانا
ركبو مع السايق وحركو لمدرستهم
اشواق:ديانا امي ماتقصد
ديانا:عادي متعوده
وقف السايق عند المدرسه ونزلو
.............
اما عند ام احمد تضايقت انها طلعت ديانا وهي زعنانه
ورنيم توها صحت دخلت وجلست:صباحو ماما
ام احمد:ايه صباحو
ناظرت رنيم بتركي بمعني شفيها امي هز كتوفه تركي بمعني مادري
وشال كتبه وطلع
رنيم شربت حليب وشالت شنطتها وراحت
ركبت مع السايق وراحت مدرستها
ام احمد شالت اغراض الفطور وطلعت لابو احمد
>>>>>>>>
بيت ام وليد
فجر صحت من النوم ولبست وربطت شعرها ولبست شنطتها وطلعت حطت شنطتها بالصاله
وراحت جهزت الفطور
دخلت ام وليد وجلست على الطاوله:ليش متاخره بالفطور
فجر:ماتاخرت خالتى حتى لسه ماحد قام
ام وليد:ايه روحي صحى مشاعل
فجر وقفت فتره
ام وليد بصراخ:انتي وراء ماتتحركين
فجر حست بقهر كانها خادمه ودها تصرخ بوجهها وتقولها:انا مو خدامه لكم
بس ماقدرت تقول شي وراحت غرفه مشاعل ودقت الباب
ومشاعل ماردت رجعت دقت مره ثانيه
وفتحت مشاعل:خير
فجر:صباح الخير
مشاعل:جايه تدقين الباب عشان تقولين وتقلدها:صباح الخير
فجر:لا خالتى قالت
مشاعل تقاطعها:ضفي وجهك بس وسكرت الباب
انقهرت فجر وجلست تتحلطم:من جد سخافه اجلسها عشان دوامها وتقول ضفي وجهك
راحت شالت شنطتها وجات بتطلع نادتها خالتها:فجر
فجر بخاطرها:ياربيه بس :نعم
ام وليد:صحيتي مشاعل
فجر:ايه
وفتحت الباب وطلعت
شافت سياره وليد تنهدت بضيق
وركبت مع الباص وراحت مدرستها
اما مشاعل طلعت جلست مع امها
ام وليد:انتي مو مداومه
مشاعل:لا
ام وليد:ليش انشالله
مشاعل:تعبانه ومالي خلق
ام وليد:مو واضح انه فيج شي
مشاعل:اوف عاد بطلع اتمشي على البحر احسن لي
دخل وليد:طلعه مافيه
مشاعل:بحكم مين
وليد:انا
مشاعل:انت مالك حكم علي
ام وليد:التزم حدك ياوليد انا لسه مامت عشان تتحكم
وليد:انا ماقصدت يمه بس مشاعل بنت ومو يعني اننا باالكويت تاخذ حريتها والاعشان ابوي مو موجود اخذتو راحتكم
ام وليد عصبت:وليد وجع اي والله انت تكلم امك واي ابو تتكلم عنه اللي تزوج صديقتي ونسى ان عنده عيال
وليد:حتى ولو يمه
ام وليد سفهته
مشاعل:انا رايحه ماما اوك
وليدد:قلت طلعه مافيه
مشاعل:ماما شوفيه
ام وليد:اسمعي الكلام وروحي غرفتك
مشاعل انقهرت:اوف ياربي الله يفكني منك
وراحت غرفتها
وليد اخذ نفسه وطلع
ام وليد نزلت راسها على الطاوله
وجلست تتذكر زوجها
وصديقتها اللي غدرو فيها
كيف صديقتها
تغدر فيها وتاخذ زوجها
هالشي كسرها وتحاول تخفي انكساره بقسوه قلبها
...............
بغرفه مشاعل
اخذت جوالها واتصلت على مهدي:هلا وغلا
مشاعل بدلع:هلا فيك
مهدي:وينك ياقلبي طولتي وانا انتظرك
مشاعل:ماقدر اجي
مهدي:افا ليش
مشاعل:اخوي العله رفض
مهدي:اوه وش هالحظ انا حدي ولهان عليج
مشاعل:الجايات اكثر
مهدي:انشالله
مشاعل:اوك ماما تنادي باي
مهدي:باي
قفلت ورمت الجوال
اوف منه غثه
>>>>>>>
ببيت احمد
اميره
صحت اخذت دش ولبست وتعطرت
طلعت جهزت الفطور
ورائد واسماء باقي نايمين
راحت وصحت احمد
صحى واخذ دش وطلع شافها جالسه تنتظره على الفطور ابتسم وباس خدها:صباح الورد
اميره:صباح الشهد
جلس احمد وجلسو يفطرون
وصار في شوي مربي على شفايف اميره قام احمد وباس شفايفها
اميره استحت وجلست تحرك بالملعقه ضحك احمد على شكلها وهي مستحيه
واخذ شنطت الشغل وباس خدها وطلع
شالت الصحون اميره
وصحت رائد واسماء وفطرتهم وجلست تلعبهم
>>>>>>>
بالمدرسه
فجر جالسه وسرحانه
الاستاذه:فجر
فجر:............
الاستاذه:فجر
وقفت فجر:هلا استاذه
الاستاذه:عيدي الكلام اللي تو قلناه
نزلت راسها فجر
الاستاذه:شفيك يافجر انتي تعبانه
فجر:.............
الاستاذه:تبين تنزلين تحت
فجر:ايه استاذه
الاستاذه:طيب انزلي
مشت فجر
وسن وقفت:استاذه ممكن اروح معاها بس لين تحت وارجع
الاستاذه:اوك معاك خمس دقايق بس
وسن:انشالله
ولحقت فجر ونادتها:فجوره
التفتت فجر وابتسمت لصديقتها
وسن مسكت ايد فجر:شفيك فجور
فجر:ولاشي ياقلبي
وسن:تدرين استاذه نوره قالت لي معاك خمس دقايق هذا اذا شافتني
فجر:ههههه الله يرجك
وسن:فجر وش اللي جرح راسك
فجر:ولاشي طحت بس
وسن:طحتي
فجر:ايه
وسن:مو مصدقتج
فجر سكتت ماردت
وسن:مشاعلوه شعندها غايبه
فجر:مادري عنها
وسن:ماعلينا منها الا اخبار وليدوه
تنهد فجر:وليد
وسن:ايه لما الحين ماعرفتي ليش
فجر قاطعتها:ولاابي اعرف
وسن ماحبت تكثر حكي:اوكي امشي ندخل المصلي
فجر:يالله
>>>>>>>>
ببيت ابو احمد
رن التلفون
وردت ام احمد:الو
.............هلا ام احمد
ام احمد:اهلين هلا ام ناصر
ام ناصر:اخبارك
ام احمد:بخير عساك بخير
ام ناصر:بخير نحمد الله والله مشتاقين لكم والبنات صجوني عشان يشوفون بنات عمهم واحنا عزمينكم اليوم على العشاء
ام احمد:والله بشوف ياخيتي العيال كان يقدرون تعرفين الدراسه والوضع
ام ناصر:ايه عارفه وانا ناطره منك رد
ام احمد:انشالله فمان الله
ام ناصر:فمان الكريم
بعد ماقفلت ام احمد قالت لابو احمد وفرح ووافق
>>>>>>>
الظهر
عند فجر رجعت البيت
وبدلت وتحس بدوخه
دخلت خالتها عندها:يالله بسرعه عشان تسوين الغداء
فجر بتعب:انا تعبانه ياخالتي
ام وليد:اقول عن غنج البنات الزياد معاك دقيقتين واشوفك بالمطبخ
فجر:انشالله
راحت خالتها ومسكت راسها فجر وتنهد بتعب وطلعت
راحت المطبخ وجلست تسوي الغداء وسوت سلطه
وبعد ماخلصته طلعته على الطاوله
ووليد ومشاعل وخالتهاجالسين
بعد ماحطت كل شي بس باقي الماي
راحت جابته ومن جت تحطه على الطاوله جتها دوخه قويه وطاحت مغمى عليها
ام وليد فزت
ووليد شالها على طول:فجر حبيبتي فجر شفيك قومي فجر
ويضرب على خدها
ام وليد:شممها عطر
ركض غرفته وجاب عطره
وبخ منه وشممه
فجر كانت تهذي وهي تشم رايحه عطر وليد:وليد
وليد:قلب وليد
فتحت عيونها فجر وشافت نفسها بحضن وليد قامت وتحس بدوخه
مشاعل وهي تاكل:تمثل هذاهي قامت مابها بلاء
ام وليد وهي تجلس:اي والله دلع فاضي
نظرهم وليد بقهر ووقف فجر وودها عند غرفتها
فكت ايدها فجر وبدون لاتناظره:شكرا
ودخلت غرفتها
ووليد كان وده يدخل عندها ولايطلع الا لنامت بس هالشي مستحيل
اخذ نفس عميق وراح غرفته
اما فجر كانت تحس ببرد وتلحفت بلحافها وتلملم جسمها وهي ترجف من البرد
>>>>>>>
ببيت ابو احمد
الكل تغداء بس ديانا نامت على طول
ورنيم جالسه تتفرج
واشواق جالسه على النت
تركي جالس عندهم
دق جوالها
شاف الاسم *العله*
طنشها ومارد بس كل شوي يدق جواله
رنيم:رد ياهوه حبيبت القلب تدق
تركي:تخسي وانتي شدخلك ام لسانين
رنيم طلعت لسانها وبهبال:والله لسان مو لسانين
تركي رمى كرتون الفاين عليها:عن العياره
بعدها قرب لرنيم:رنومه حبيبتي
رنيم ناظرته بنص عين:خير
تركي:ممكن طلب
رنيم:شتبي
تركي مد لها الجوال:ردي على هالعله فكيني منها
رنيم:كم تعطيني
تركي:كم تبين
رنيم:ميتين
تركي:وجع بعينج
رنيم:كيفك عاد بدك بدك مابدك كيفك
تركي:اوكي امري لله بدي
رنيم:شوف انت تسوي نفسك حبيبي وتقول كلام حب وانا نفسك وبسوي مستحيه وانت تبوسني بحيث تسمع الصوت
تركي:وربي انك اكبر نذله اوك يالله
ضحكت رنيم وردت وخلت الجوال جنبها:تروكي حبيبي فونك يدق
تركي:قلب وعمر ودنيات تركي انتي خلي الفون يولي
رنيم:كل هذا عشاني
تركي:عمري كله لج وفديت الحياء بس وباسها من خدها وبصوت قوي>>طبعا نصب ماباس الا الهواء هع
رنيم:تروكي احبك
تركي:وانا اموت فيك والله يصبرني هالشهرين واتزوجك وارتاح
رنيم بدلع:تروكي
وناظرت بالفون وشافت البنت توها تقفل
فقعو ضحك تركي ورنيم
تركي:وربي رحت ملح عندك
رنيم:احم احم اعجبك يالله هات الفلوس
تركي:اوف ماتنسي وطلع بوكه
رنيم:حلمك انسي
تركي:خوذي
اخذت الفلوس رنيم ونطت من الوناصه
وراحت غرفتها
تركي تحمد ربه على نعمه العقل وطلع
>>>>>>>
نرجع لفجر
نامت من التعب وماحست الا باللي رفع عنها الحاف
فتحت عيونها شافتها خالتها
ام وليد:قومي رتبي المطبخ
فجر تكح:خالتي انا تعبانه
ام وليد شافت وجه فجر احمر
حطت ايدها على راسها شافتها مسخنه بس ماهتمت:خلصيني وبلاء دلع
وقفت فجر ودموعها تنزل من القهر والتعب
تحس بدوخه ولاقادره تركز طولها
بس تماسكت
ودخلت المطبخ وحست بغثيان وركضت للمغسله وجلست تستفرغ وحطت ايدها على بطنها ودموعها تنزل:آآآه ياماما تعبانه
وفتحت الماي وحطت صابون على الصحون وجلست تغسلهم
ام وليد كانت تناظرها
وتشوفها مو قادره تصلب طولها بس ماتقدر تحن عليها كره اختها لها خلها تكره بنتها
راحت ام وليد غرفتها
وانسدحت وصارت الذكريات ترجعلها
كره ام فجر لها كره اختها
وابتعادها عنها
واخذت حبيبها منها
ام وليد كانت تحب ابو فجر
بس انانيه اختها وحبها انها تاخذ كل شي من اختها خلتها تاخذ حبيبها وام وليد اخذت غير اللي حبته وصار كره ام وليد يكبر ويكبر وهالكره صار على فجر
................
فجر خلصت تنظيف
وراحت غرفتها ولفت نفسها باللحاف وشفايفها ترتجف من البرد وجلست تكح وتكح
ومسكت منديل وجلست تكح وناظرت بالفاين دم
خافت فجر وزادت كحتها وخوفها زاد لانه يطلع من فمها دم
شربت ماي ونامت
>>>>>>>>
ببيت ام احمد
البنات جالسات يتجهزون
عشان يروحون بيت عمهم
ديانا لبست جنز وبلوزه بيضاء وشعرها رفعته فوق ونزلت خصل وحطت روج بس وطلعت جلست عند امها وابوها
اما اشواق لبست تنوره قصيره وبلوزه بنيه وشعرها طبعا عاتي لانه بوي وتكحلت وحطت روج وجلست مع اهلها
ورنيم لبست فستان وردي قصير وفكت شعرها البني الطويل وسوت باف وحطت وروج وطلعت
وتروك لبس وكشخ وطلعو
والكل لبسو عبايتهم وطلعو
اول ماوصلو نزلو
وتركي جلس يسلم على عيال عمه
ودخلو
البنات اول مادخلو حضنو بعض من الفرح
رنيم حضنت امجاد:مجوده اشتقت لك
امجاد:هههه يابكاشه اليوم متقابلات بالمدرسه
رنيم:المدرسه غير وهنا غير يادبه
ديانا:حنونه شفيك ماتسلمين
حنين:ايه هلا
هيام بهمس:ديون خليها تولي بس
ديانا ضحكت وراحو داخل
اشواق دخلت مع العنود
ورنيم جلست تضبط الباف بالمرايا وامجاد معاها
.................قمرر وربي
التفت رنيم وكشرت:هذا انت يافهيد
فهد:اه بس ياحلو اسمي
رنيم:ضف وجهك بس لايجيك كف يعوفك حياتك
فهد:افا ليش
رنيم ناظرت بامجاد:امجاد شوفي اخوك
امجاد:فهد خلاص
فهد:خلاص من وشو احبك والله احبك افهمي وحسي فيني
رنيم بغرور حركت اصبعها:احس فيك انت سورى ومشت
امجاد ناظرت بفهد اللي تغير وجهه ولحقت رنيم
فهد تضايق وراح عند الرجال
رنيم دخلت وركضت حضنت عمتها مها:عمتو وحشتيني
العمه:وانت وحشتيني وجلست جنب عمتها
حنين:ماما وناظرت برنيم
العمه مها:هلا
حنين:لاخلاص ولاشي
امها فهمت عليها وسكتت
بعرفكم على عمته فجر والبنات وعمهم ابو ناصر
عيال ابو ناصر وبناته
ناصر الكبير وبامريكا يدرس عمره خمسه وعشرين
وضاري عمره ثنين وعشرين سنه ويدرس مع تركي حلو وفرفوش وجسمه
نفس جسم تركي ويدرس مع تركي اداره اعمال
فهد:واحد وعشرين سنه يحب رنيم مع انه صغيره لكنها ساكنه قلبه
وحلو حيل وجذاب وانيق وحنون مره ويدرس طب
هيام:عشرين داخله قسم اقتصاد وبتحول هندسه ديكور وطيوبه
وتشبه ديانا شوي شعرها
طويل شوي ونحيفه
العنود مع ديانا بنفس الصف
ومملوحه وحلوه وناعمه شعرها طويل نوعا ما وصقيقه اشواق حيل
امجاد مع رنيم ثالث متوسطه اربع عشر سنه هبلاء مثل رنيم وحلوه ملامحها هاديه وشعرها بني نفس رنيم بس قصير
..............
بنات العمه مها وعيالها
نواف متزوج عمره ثلاثين سنه حليل ومايحب كثره الكلام وكلمته
وحده مايثنيها
محمد عمره سته وعشرين مافيه اشر منه ومصادق شله فاسده وضايع وداج معاهم
اميره اربعه عشر زوجه احمد
حنين ثلاثه وعشرين سنه وجلسه بالبيت وتاركه الدراسه ومغروره
وحقوده وحلوه وهالشي زايد غرورها وصقيقه مشاعل لجتمعو اجتمع الشر
>>>>>>>>
العمه مها وام احمد وام ناصر جالسين سوا
والبنات سوا
رنيم:اقول حنين احنا بجلستنا مانبي رفعت خشوم
حنين:نعم اعتبرها طرده يارنيم
رنيم:اعتبريها كذا
حنين وقفت وبقهر:حطيتي راسك براسي يارنيم وتحملي اللي بيجيك
رنيم:ياماما خفت ضفي بس
نظرتها حنين بكره وراحت
ديانا:رنيم عيب اللي سويتيه
رنيم:بلا عيب بلا بطيخ تستاهل كذا واكثر
امجاد باست خد رنيم:فديتك انا
هيام:ماعلينا منها بس
ديانا:هيوم جبت رقم فجوره
هيام:جد حلفي
ديانا:والله
هيام:وناسه امشي نكلمها الحين
ديانا:مقفل جوالها
هيام :قهر
اشواق وقفت بضيق:بنات انا بطلع برا احد بيطلع معي
البنات:لا
بس العنود قامت معاها
طلعت اشواق والعنود
وجلسو على الارجوحه اللي بالحديقه
وجلست اشواق تبكي بدون سبب
تحس بضيقه وحابه تطلعها
وجلست تبكي فتره بعدها مسحت دموعهاوالعنود حستها محتاجه تبكي عشان ترتاح
قامو والتفتت اشواق وشافت شخص وشهقت
...............وحشتيني
اشواق صارت ترجع على وراء:محمد ابعد عني
محمد:ليش انتي لي ياشواق فاهمه
العنود ركضت داخل تقول لاهلها
اشواق:ابعد عني يامجنون انا مابكون لك
محمد قرب وسحبها وصار يضربها كفوف:قلت لج انتي لي فاهمه لي
واشواق تصرخ وتبكي:ابعد ماما لحقيني
الكل طلعو على الصراخ وتركي مسك محمد وعطاه بوقس وجلس يرفس فيه:ياحقير هذي بنت عمك كيف تمد ايدك عليها ومحمد قام وضرب تركي بوقس وراح يركض
واشواق حاضنه ديانا وتبكي
ابو احمد ارتفع ضغطه وام احمد مسكته ودخلوه داخل واخذ علاجه ودخلو اشواق داخل
حنين بصوت خافت:تستاهل
التفتت رنيم عليها ونظرتها من فوق لتحت وراحت
العمه مها:اسفه يابنت اخوي
اشواق تبكي بحراره
ديانا:عمتى ماله داعي الاعتذار انتي مالج دخل
العمه مها:فشلني ولدي الله يفشله
العنود تمسح على شعر اشواق:بسك ياقلبي
رنيم:ديانا تركي يبي يشوف اشواق
العنود وهيام تغطو وحنين ودخل تركي
وشافها تبكي قرب لها ومسح دموعها بحنان:شوقتي حبيبتي ليش كل هالبكاء انا اعرفج قويه
اشواق بشهاق:طقني تركي هذا مجنون
تركي:وانا اخذت حقج منه وامسحي دموعج يالله
اشواق مسحت دموعها بكفوفها وناظرت باخوها وحطت ايدها على شفايفه فيها جرح
تركي بضحكه:شفيج جرح عاتي
اشواق ابتسمت بتعب
دخلت امها وحضنتها
والكل تكدرت خواطرهم
ولبسو عبايتهم
سلمو على بعض البنات وطلعو
ركبو السياره
وابو احمد سلم على اخوه ابو ناصر وطلع وركب سيارته واتجهو لبيتهم
اول ماوصلو ابو احمد وام احمد دخلو غرفتهم وانسدحو
ام احمد:شفيك يابو احمد
ابو احمد:خايف من تشتت العيال
ام احمد:اي تشتت
ابو احمد:خايف بسبب هاللي صار تصير عدوات بين تركي ومحمد
ام احمد:انت تدري يابو احمد ان ولد اختك هذي مو اول مره يتعرض لاشواق واحنا نسكت
ابو احمد:شتبينا نسوي هذا ولد اختى
ام احمد:حط حد لولد اختك انا مابسكت كثير
تنهد ابو احمد ومارد
.............
بغرفه تركي
اتصل بضاري:الو
تركي:هلاضاري بغيك بخدمه
ضاري:امر عيوني لك
تركي:ابيك تجيب لي اجل محمد
ضاري بصدمه:وشوو
تركي:اللي سمعته
ضاري:بلاجنان ياتركي هذا ولد عمتنا
تركي شد على راسه:قهرني باختي ياضاري قهرني
ضاري:الله يهديه مو منه من السم اللي يتعطاه
تركي:حسبنا الله ونعم الوكيل على هالرفقه
ضاري:ايه والله
تركي:يالله تصبح على خير
ضاري:وانت من اهله
وقفل وجلس يفكر لين نام
................
بغرفه البنات
اشواق اخذت دش
وطلعت وجلست تناظر وجهها بالمرايا والزراق اللي بوجهها واثر اصابعه بخدها ونزلت دموعها
رنيم ناظرته وقربت وحضنتها
اشواق ابعدت وانسدحت جنب ديانا ورنيم انسدحت جنبهم ونامو
>>>>>>>
ببيت ابو ناصر
بغرفه البنات
امجاد:وجع بعينه والله
هيام:وربي يقهر الحقير
امجاد:اموت واعرف شيبي من اشواق هو
العنود:شكله يحبها
امجاد:حبه برص اي والله
العنود:بس اللي يحب مايسوي كذا بحبيبته
هيام:و يعني حتى اشواق مو من عمره
امجاد:انا حسيته مو طبيعي
هيام:وجهه يخوف والله
العنود:وسواد تحت عيونه
امجاد:هههه مثل انجل لتحول وصار مصاص دماء
هيام:ههه عليك تخيلات مادري شتبي
العنود:هههه اقول اخمدو ورانا دوام
امجاد:هههه يالله خلنا ننام من جد بكرا انام على الطاوله
هيام:تصبحون على خير
امجاد+العنود:وانتي من هله
...............
ضاري
جالس يفكر>>مو الحين اجهلك<<لاتخاف مابقول_<
فهد جالس يفكر برنيم
وحبه لها وينتظر هالثلاث سنين تمر بسرعه ويتخرج ويخطبها
>>>>>>>>
ببيت العمه مها
حنين نامت وهي تضحك من الفرح ان اخوها صفق اشواق بس باقي انتقامها من رنيم
اما مها>ام نواف
جالسه تنتظره يرجع وجلست للفجر
دخل محمد وصعد على الدرج وقفه صوت امه:محمد
التفت:نعم
ام نواف:نعامه ترفسك تكلم بادب
محمد:لاحول يمه انا تعبان
ام نواف عطته كف:فوق على نفسك فوق وشوف الاشياء اللي جالس تسويها
محمد:تضربيني يمه
ام نواف:واكسر راسك انقلع غرفتك ولااسمع حرف منك
محمد طلع غرفته وبركان بداخله
وام نواف جفاها النوم
>>>>>>>>
انتهى البارات
رايكم وتعليقاتكم
محمد شسالفته مع اشواق؟
وضاري من يحب ويفكر بمن؟
فهد وحبه لرنيم تتوقعون بيجي اليوم اللي تحبه فيه؟
ووفجر ايش فيها وايش سالفه الدم اللي يطلع منها ومعاناتها لمتى وشكثر بتتحمل؟
ووليد وفجر وحبهم لبعض وتفرقه ام وليد لهم؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-02-2010, 01:33 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: الجو بارد و أبي حبك يدفيني كلمة أحبك بهذا البرد تكفيني / بقلمي


,’


بسم الله
و عليكم السلام و الرحمــة


يعطيك العـــافية
موفقة إن شـــاء الله


https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-02-2010, 10:37 AM
{عاشقه شاروخان} {عاشقه شاروخان} غير متصل
©؛°¨غرامي مشارك¨°؛©
 
الافتراضي رد: الجو بارد و أبي حبك يدفيني كلمة أحبك بهذا البرد تكفيني / بقلمي


الله يعافيك الزعيمه
وتم الاطلاع..
...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-02-2010, 03:34 PM
صورة * أح ــآسيس طفله * الرمزية
* أح ــآسيس طفله * * أح ــآسيس طفله * غير متصل
©؛°¨غرامي فعال ¨°؛©
 
الافتراضي رد: الجو بارد و أبي حبك يدفيني كلمة أحبك بهذا البرد تكفيني / بقلمي


سلام
بدايه موفقه ان شاء الله
اتمنى اتكمله
تقبلي مروري

الرد باقتباس
إضافة رد

الجو بارد و أبي حبك يدفيني كلمة أحبك بهذا البرد تكفيني / بقلمي ، كاملة

الوسوم
مالها , غرورك , عصبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : خايف ياقلبي خايف / كاملة ماعدت اقوى على الجروح.. روايات كامله - يتم نقل الرواية هنا بعد اكتمالها 883 11-10-2018 05:21 AM
نزلة البرد ~ الأصيل ~ صحة - طب بديل - تغذية - أعشاب - ريجيم 18 07-03-2009 06:41 AM
برج إيفل ( Tour Eiffel ) Anderson DeCo سياحة و سفر 9 23-08-2008 02:25 PM
نزلات البرد عند الأطفال الورده الجوريه الطفل - الرضاعة - التربية 10 23-08-2008 03:45 AM

الساعة الآن +3: 10:38 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1