غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-02-2010, 10:05 AM
صورة يلهب جنوني الرمزية
يلهب جنوني يلهب جنوني غير متصل
©؛°¨غرامي جديد¨°؛©
 
رواية إنت صاحي و إلا مجنون ؟! / بقلمي


بسم الله الرحمن الرحيم ...

رواية ..:: انت صاحي و لا مجنون ؟!؟! .. شكلك ما جربت احد يمردغك .. تحبها و ما بطلت ترقيم بالبنات !!

رواية .. مظحكة ... للشباب اللي يغازلون ... بها مغامرات خمس شباب مع نص بنات الشرقية ...

حكاية خمس شباب –{سطام × فيصل + عبد الرحمن ÷ مطلق – لؤي }-

جمعهم = الصداقة × الترقيم بالبنات ÷ خفة الدم + العقل المهبول و المتهوّر =

حكاية شباب دائماً مجتمعين مع بعض و موتهم الترقيم بالبنات و ينحسدون على صداقتهم و مبتلشين بجمالهم اللي مطيح نص بنات الشرقية و دمعتهم صعب ما تنزل على خدهم و اذ نزلت صعب ما تطفا نار قلوبهم ... صداقة و لا احلى منها تقيدهم سلسلة مكونة من حب الاخوة لبعض و الصدق و الشجاعة و الاحترام و الكرم و الروح المرحة ...

اعرفكم عليهم اكيد كبروا في عينكم بعد هالمدح نبلش بــــ...

\\|| { سطام ... عمره 24 سنة .. احلى واحد بين هالشباب هو مسكسك و بشنبه و ابيض و شعره ناعم و شفايفه حمر على وردية عيونه فساح و عسلية و طويل و عريض و معضل فيه عضلات ... دايم ما يكشخ سواءً بثوب و لا ببدلة ... و وقت البداوة يكشخ بثوب و بوقت الممتع ببدلة و يحب لبس الجيشي و ما يعجبه اي بنت لازم فيها شي ما يعجبه ... و خشمه طويل و سيف بس مو كثير و كريم بس عند الضرورة و يفزع في بعض الاحيان و ما يرضا على خواته و لا على اصدقائه و دمه مرة مرة خفيف يسمونه المنكت و اكثر واحد البنات يقزونه ... } ||//

\\|| { فيصل ... عمره 24 سنة .. الاسمراني الطويل و ضعيف و خشمه طويل و عيونه كبيرة و فمه صغير و شعره ليس بناعم كيرلي و اشقر و عيونه سود و اللي يقز البنات و البنات ما يعطونه وجه .. فيه شوية قراوة ما يتخلى عن الثوب و المكسر و اي بنت يشوفها يقزها و ياكل كثير الله لا يعذبنا بس ما يسمن و يطق و لا احد يقدر يوقفه ... يحب اغاني رابح صقر ... و امه تبغا تزوجه بس هو يبغا يعيش عزوبيته لين ما يوصل الـ28 سنة }||//

\\|| { عبد الرحمن ... عمره 24 سنة و نص ... ابيض و خشمه صغير و شفايفه صغار و عيونه فساح و بنية و فيه كريشة صغيرة و طويل بس مو كثير و يفهم اللي يحكي له و يكتم الاسرار و اكثر واحد اصدقائه يشكوا له و كريم و مزوح و مو كثير يلبس ثوب بس يلبس لما يروح اعراس و يوجب الناس ابوه يعتمد عليه بكل شي لأن المدلع الوحيد عنده و بسرعة البنات يقصوا عليه و يحقد عليهم بس ما يبطل ترقيم فيهـــم ههههـ .............}||//

\\|| { مطلق ... عمره 25 سنة ... اقصر واحد بين الشباب و حنطي و شعره اسود و ليس بناعم و خشمه شوي كبير و شفايفه جيدين و عينه تميل للازرق و شعره كثيف و الشاب الداشر اللي ما يعرف يهتم بنفسه دايم الشماغ على كتفه و القحفيه و العقال براسه و عنده ددتسن بعد و يرقم بالبنات بس اذا ما عطته وجه عصب و لعن ابو خامسها و ما عنده فيها يضرب سواءً كانت بنت و لا ولد و يحب التفحيط حييييل و مزعج جداً مسوي معانا }||//

\\|| { لؤي ... عمره 23 سنة ... طويل و بيضاوي... و خشمه موبطويل بس زين.... و شفايفه صغار... و عينه عسلية مثل فيصل..... و يلبس نظارات طبية لأنه احول.. ما يشوف زين .... و شعره ناعم و كثيف..... و لتحت اذنه ...و بدون لحية ....و الشاب الهادي.... و الكشخة بالبدل يعني بالجنز و الاقمصة يكشخ..... و كل يوم له قصة بشعره و شوي عريض.... و معضل و اللي يحب يسمع للأغاني الاجنبية .... و شخص يحب يعتمد على نفسه .... و الكل يحبه على تفاهمه و هو اللي يصحح مشاكل اصدائه لما يغازلوا المسكين هههههه...........}||//

\\|||{{ 1 }}|||//

الشرطي يدف مطلق لبرا المجمع ...
مطلق يبغاه يتركه : اييييييه اتركني تركك عبد يلا ...
الشرطي : لا عاد اشوف رقعة وجهك هنا ألا لما تتهذب من التحرش بالبنات ...
مطلق يطالع بالبنات اللي تحرش بهم كيف يظحكون :: هاااا شوفهم الحمير كيف يظحكون ... و انت بعد شاايف نفسك علي روح لهم ذاكم يظحكوا عليك و يأشورا عليك شكلهم في فراسهم بلوة ..
الشرطي شك و راح للبنات و البنات انحاشوا لما شافوه معصب و شاب نار ...
جا سطام و عبد الرحمن و لؤي لمطلق ...
سطام حط يده على كتف مطلق : هااا يا بو الشباب حصلت لك رقم ..؟؟
مطلق كتف يدينه و مد بوزه شبرين لقدام : اسكت عني بغيت اذبحهم هالبنات على هذا شكل تحسبني بموت علييها الجيكرة خشم وش كبره وش يترقم فيها هذي العبدة ...
عبد الرحمن : زين يا رجال شوي شوي ع البنت اكلتها ما خليت شي ..!! حشاااا منك
اللي لقا احبابه
نسا اصحابه
يا دنيا يا غرابة ..
سطام طلع الجوال و رد : هلا فيصل ..
فيصل ياكل الاصياخ : الوووو ... سطييييم وينك فيه انت و الشباب ؟؟
سطام : انت اللي وينك فيه ندور عليك محنا محصلينك !!؟؟
فيصل : انا بكورنيش الدمام تعالوا يلا بسرعة اهلي مسويين شوي هنا .....
سطام : و انا اقول ليش منت بمعانا .. طلع عشان الاكل هااا يلا البالوعة يلا باي جاي لك يلا ...
فيصل : انقلع ..
و سكر سطام و ألتفت للشباب : شباب مشينا للبحر ..
لؤي : ليش ؟؟
سطام : فيصلو اهله مسويين شويي هناك .... هااا نمشي
مطلق : نمشي و ليش ما نمشي ع الاقل وفر علينا ثمن الاكل بالمطاعم ...
سطام : هههه الله يقطعك عقلك في جيبك .. امش يلا و بلا ثرثرة
و ركبوا الشباب سيارتهم ... سطام بسيارته المرسيدس ( الشبح ) و عبد الرحمن بسيارته الرينج روفر سبورت و مطلق بسيارته الددتسن ... و لؤي بسيارته الهوندا اكيديا
== بكورنيش الدمام ==
فيصل ماسك الصيخ و ياكل فيه و جا لعنده جابر اخوه : شوي شوي يا معود بتاكل الصيخ بكبره انت مع هالبوز ..
فيصل : خيييير عندك شي اكل من حلالك انا ...!!؟؟
سهرتنا الليلة خلووها صباحي ....
فيصل مد يده لجيبه و طلع الجوال و طلع بالشاشة لقا مكتوب " مشاعل " ..
فيصل بطفش : اااااااف هذي وش تبغا بعد ...؟؟؟ صدق لزقة ..
جابر يغمز : من المتصل ؟؟ بلا زغرة
فيصل دخل الجوال بجيبه : مالك خص ...
ام جابر تنادي : يا ولاد يا ولاد ...
جابر : نعم يماااا؟؟
ام جابر : تعالوا لأختكم سوسن ... تتهاوش
فيصل و جابر فزوا و قاموا و لقوا اختهم سوسن تتهاوش مع بنتين و تطقهم ...
فيصل : امش امش خلنا نفككهم ...
جابر : انا مانا برايح انت روح ..
فيصل طالع بجابر و هو قالب خشته و بسرعة راح يركض للبنات و يحاول يفككهم ..
فيصل : سوسن سوسن حبيبتي اتركيهم ...
سوسن متحلفة فيهم : و الله ما تركتهم الزبالات ... اجل يقولوا عن اخوي فيصل يلوع الكبد و اسكت ...
هنا فيصل فتح عيونه ع الاخير و طالع بالبنتين و هو ماسك سوسن : انا ألوع الكبد اجل .... انتو اصلاً ما شفتوا أشكالكم انتو بهالعباية كأنكم شحاتين .. صح شيفة
وحدة من البنتين عصبت و تأشر بيدها : انت وش فاكر نفسك مع هالوجه المقرف ... روحي ايات روحي نادي على خوالي خلهم يتفاهموا مع هالبغل ..
و راحت ايات و جت و معاها خوالها الست و معهم 3 اخوتهم ... يعني المجموع 8 شباب ...
واحد منهم الكبير : خيييير وش فيه انت تهاوش بنت اختي ...؟؟
فيصل : و الله أسألها ليش تهاوشنا معاها ... هي اللي بدت تغلط ...
البنت : لاء يا خالي هي اخته اللي بدت تضربنا انا و اختي لااا و جا اخوها و هزئنا بعد ....
خال البنت : وش هووو !!!..صحيح هالكلام ..؟؟
فيصل حط يدينه بجيبه و بجرأة : ايه صح ليش عندك شي ؟؟
اخ البنت عصب و تهجم على فيصل ببوكس : و لك عين تنطق بعد !!!
و في نفس الوقت جو الشباب = سطام و لؤي و عبد الرحمن و مطلق ...
سطام وقف السيارة و نزل بسرعة و وراه عبد الرحمن و مطلق و لؤي و بسرعة سطام لما شاف فيصل ينطق سحب عقاله و رفعاه و بدا يضرب في المتهجمين على فيصل و مطلق مثله فسخ عقاله و بدا يضرب في خوال البنت و بهبل و لؤي بوكس رايح و بوكس جاي و عبد الرحمن فسخ جزمته و يضرب صطارات بها و فيصل يصطر فيهم و يرفس ...
>>> اعطيكم الموجز للهواشة خخخخـ..
لؤي ماسك راس واحد منهم و ضرب راسه براس هذا الواحد ... مطلق يلوح بعقاله و يطق بخوال البنت في ظهورهم ..... سطام مسك واحد و حط العقال في رقبته مثل حركة المشنوق و بنفس الوقت يصطر باللي وراه .... فيصل يرفس في واحد منهم و يعطيه كم بوكس ..... عبد الرحمن ماسك جزمته و يضرب و ما يدري من يضرب ...
عبد الرحمن اللي كان رافع جزمته ضرب مطلق على راسه و هو ما يدري ...
مطلق ماسك راسه و يصارخ : آآآآآآآآآآآآآآيـ الله ياخذك ليش تضرب ... ضربك عبد قول امين ..!!
عبد الرحمن : مدري مدري جت على راسك بالغلط ...
مطلق بيكمل ضرب : و لا تعيدها ...
.............................................
سوسن مسكت البنت و صطرتها و طيحتها ع الارض و بعدين سحبتها من شعرها و وقفتها و عطتها الصطار الثاني و رفستها >>> خخخ ضربها مثل ضرب اخوها فيصل ...
و البنت فسخت جزمتها الكعب و ضربت سوسن بها على راسها و طاحت سوسن و طلع من راسها دم و سوسن رفست البنت على رجلها و طيحتها و كسرتها ...
سوسن ماسكة راسها و تتحلطم : آآ..يا المحششة .. ما باقي ألا انتي بعد ..!!!
البنت ماسكة رجلها و تصيح و تصارخ : آآآآآآآآآآآآآيـ رجلي ..يبااااااا خااااااااالي ...آآآآآآآآآيـ
و وقفوا الخوال ضرب و ألتفتوا للبنت و راحوا لها ركض و اما اخوان البنت ما زالوا يتهاوشون مع سطام و مطلق و عبد الرحمن و لؤي و فيصل ... و بعدين اثنين انحاشوا من اخوان البنت و بقا واحد أللي هو اللي ضرب فيصل بوكس ...
فيصل ماسك اخ البنت من دشداشته : شفت الهدية اللي عطيتني اياها قبل اشوي تعال و خذ اللي اغلى منها ..
و فيصل ضرب الرجال بوكس و أنرما الرجال على مطلق ...
مطلق ماسكه و يضرب على خده بخفيف : ألمناك ...؟؟!!.. ألم الضرب ..!!..اسفين .. افين .. حقك علينا ...
و مطلق ضرب الرجال بوكس و الرجال انرما على عبد الرحمن ..
عبد الرحمن ماسكه : مسوي فيها الدافور هااا انت و وجهك ... شكلك ما عرفت قدر نفسك للحين .. خذذذذذذ
و عبد الرحمن صطر الرجال و الرجال انرما على لؤي ..
لؤي حاط يده على جبهة الرجال : اوووووه ... شكلك مسخن ... الحرارة ضاربة عندك مليون ... شرايك اخففها لك ..؟؟؟
و لؤي ضرب راسه براس الرجال و انرما الرجال على سطام ...
سطام يهز راسه يمين و يسار و هو ماسك الرجال : تو تو تو .. سو باد يا مان ... سو باااد ..
و سطام اجتمعت قواه بيده اليمين و ضرب الرجال بوكس و طاح الرجال ع الارض و هو مليان لكمات و سطام نزل له و يحرك صبعه بتهديد و يقول : عشان تتعلم كيف تضرب فيصل .... و تلمس شعرة من هذولي الشباب الوافين الحين .. ضربة مني و القبر .. فاهههههههم ..... ( قام ) الحين احنا نستأذن .. و الله يكون بعونك ...
و مشا سطام مع فيصل و مطلق و عبد الرحمن و لؤي كلهم مع بعض ...
عبد الرحمن يصفر : ويوووووووو احلى تهديد يا سطام ..
فيصل : و نعم الصديق يا سطام ..
مطلق : و حنا .. ترى انا اللي سدحت كل خوالها الخكارا بعقالي
فيصل : هههـ...و انت بعد و كلكم افضل خويان صادفتهم ..
لؤي : صادفتهم !!! اعنبوك .. 15 سنة رفقة و صدفة تقول بعد !!!
عبد الرحمن حط يده على كتف لؤي : طيب بشويش لا تهاجم بسرعة ترى ما قال شي فيصل اكلته !!!
و بعد اشوي راحو الشباب ة جلسوا و جا جابر و معه حقيبة اسعافات اولية و قعد جنب اكثر واحد منصاب براسه اللي هم لؤي و الشباب كلهم يطالعوه بتعجب ..
عبد الرحمن : و احنا ما لنا رب يعني ..!! بس هو اللي منصاب حتى انا ايدي ..
مطلق : انت الحين مخلينا و رايح لهالدب القطبي ... ابو راس فاضي ..
سطام : كأنه بس هو اللي تهاوش حتى احنا ضربنا و انضربنا ..
جابر : بل بل بل كلكم تهجمتوا علي مرة وحدة ما تشوفوا الرجال اصابته كبيره .. و ما تتحمل الانتظار ...
فيصل : خلني انادي على حلوة اللبن الغالية امي ... يماااااااااااااااااااايا يماااااااااااااااااااااااااااااااااا ام فيصللللللللل
جت ام جابر : هلا يا ولدي ..؟؟
فيصل رافع يدينه : تعالي يا بعد عمري تعالي يا حياتي تعالي يا بعد هلي و طوايفي كلهم تعالي يا يما شوفي رجلي تألمني كثييييييييير اهئ اهئ ..( يتدلع )
ام جابر نقزت على فيصل : وين وين يألمك ؟؟؟ و عسا ما تألمك حيييل ؟؟
فيصل ماد البوز مثل البزر و يتدلع و يعرض لها رجله : اييييي يما مرة مرة تألمني داسوا عليها عيال الكلب اهئ اهئ اهئ انا مسكين
و راحت ام جابر تجيب شي لرجل فيصل ...
سطام : اعنبوك كل هالغزل عشان رجلك !! هذا لو جسمك كله وش كنت رح تسوي ؟؟!!؟؟
فيصل يحرك حواجبه بطيران : هذا يا يبا سر المهنا ... مهنة الترقيم .. هيهيهي
مطلق مطلع جواله : اوه صح نسيت الاهل بالمارينا مول ...
عبد الرحمن :و انا اقول هذا وش اللي دخله المجمع بروحه طلع وراك الاهل ...!!
مطلق عينه بجواله : خلني اتصل بهالحمار بابو ( السواق )
عبد الرحمن يثقل دمه : هاها لا جنمبو ...
سطام يأشر بالجزمة : انت ما جربت هالجزمة على مخك !!؟؟! بطل ثقالة دم ... رحت لنا اليابان اسبوع و صرت لنا مثلهم بس باقي الشكل و تطالق الجنسية ..
فيصل : ايه و الله هذا اللي يروح اليابان بدونا شوف وش يصير فيه ...
مطلق اتصل على بابو و هو يطالع بالسما و فاتح فمه ع الاخر مثل الهنود اذا تكلموا بالجوال : الوووووو ...آآآآآآآ...بابو ... الله ينعم عليك ... ألا و اللي لا يعافيك روح خذ الاهل من المارينا مول ..... ما تقصر ..........وشووووووووو؟؟؟... انطم يا حمار الشره مو عليك الشره على اللي اتصل فيك يا ثور انقلع لا بارك الله فيك و لا بالساعة اللي شفتك فيها يا نذل يا ناكر الجميل يا اسود الوجه يا العبد >>> يا سبحان الله ما خلا شي هه
و سكر مطلق معصب ...
سطام : خير يا بو الشباب اشفيك معصب ؟؟!!؟؟
مطلق : هالحمار بابو يقولي يا كَلب .. و الله ما اخليه العبد ....
عبد الرحمن يشبها : افااااا هندي لا راح و لا جا يقولك كلب لا ما اظن انك رح تسكت له يا مطلق ما اظن
مطلق زاد عصبية : آآآآ... الحقير انا اوريه
سطام : هو قالك يا كَلب ؟؟
مطلق : اييييي..
سطام انسدح و ماكس بطنه من الظحك : ههههههههههههه خخخخخخخخخخخخخخخخخخخخخخخخخخخخخخخ
عبد الرحمن رافع حاجب : اعوذ بالله من الشيطان الرجيم !!! شكله استخف الرجال ..!!
مطلق رفع حاجب مستغرب : الحين ليش الظحك انت مع وجهك ؟؟!!؟؟
سطام جلس : يا يبا .. الهندي المسكين يقولك يا قلب مو يا كلب صح ان مخك في الطابق السفلي ..
عبد الرحمن و لؤي و فيصل نقعوا ظحك .. طلع صديقهم غبي و ما يفهم للهجة الهنود ...
سطام ماسك ظحكته : الله يخلف عليك عقلك بس يا مطلق ...
عبد الرحمن : هههههههههـ... انت من وين جايب هالغباء يا مطيلق ؟؟!!؟؟
مطلق اخذ علبة الفاين و رماها على عبد الرحمن : انطم يا كلب ..
عبد الرحمن يتمسخر : مشكور يا كلبي ( قلبي )
سطام و لؤي و فيصل تسدحوا من الظحك .... و بعد اشوي ..
سطام يضرب فيصل على يده: فيصلو فيصلو ألحق في قمر طاح ...
فيصل يلتفت : وين ؟؟ وين ؟؟
سطام يأشر بعينه : هنااااااااااك
فيصل ألتفت لناحية الحجر و لقا في بنت قاعدة على الكرسي و عاطيتهم ظهرها ....
فيصل : اقوم انا و لا انت تقوم .. ترى شكلها قمر ما يتفوت ..
سطام ضربه على يده : لا انت انثبر محلك و انا بروح اجرب حظي معاها ..
و قام سطام و راح لعند البنت و وقف قدام البحر و الهوا يصطر فيه و يرجع شعره لورا و البنت انتبهت له و انهبلت على شكله و سطام طلع جواله و حط على نغمة رنين مسوي فيها الجوال يرن و حط الجوال بأذنه و سوا نفسه يتكلم مع واحد : الووو .. هلا .... كيف .... طيب تبيه مرة ثانية ؟؟... طيب سجل عندك رقمي مرة ثانية ... صفر خمسة ستة ****** .... ما حفظته !! طيب من جديد ... صفر خمسة ستة ******.. طيب باي ..
و سكر سطام و دخل الجوال بجيبه و لمح البنت اللي قاعدة كيف ماسكة جوالها و تنقل الرقم و سطام شلق الحلق من الابتسامة و بعدين لف و رفع يدينه و تثاوب : هاووووووووووووووووووخ.....
و هو رافع يدينه رما ورقة على البنت و عطاها نظرة و مشا للشباب ... و البنت فتحت الورقة و لقت مكتوب :
اتصلي بي دوم و لا تننغمين
انا في انتظارك يا غزال يمشي بين الاسود
لا يحرقنا الصبر في انتظار اتصالك
على فكرة اسمي {س}{م}.......
قعد سطام بنصر : آآآآآآهـ ضبطناها ...
فيصل : احلفففف .. عطتك وجه ؟؟؟
سطام يطالع فيصل باستهزاء : اكيد عطتني وجه و هي تقدر تقاوم جمالي .. انت اللي قول عن نفسك محد يعطيك وجه خخخخـ
فيصل : انطممم طمك عبد على قولة مطلق ..
ويو ويو ويو ويو ويو ويو ( صوت سيارات الشرطة )
سطام بدون اهتمام : شرفوا الاخوان ..
فيصل نقز : بل .. جوو!! الحين بيسحبونا معاهم ...
و جت اربع سيارات شرطة و نزلوا اربعة عساكر و قبضوا على اهل البنت اللي انطقوا و حطوهم بسيارتين شرطة و راحوا اربعة عساكر لشلة سطام و اخذوهم و هم يسحبوهم ألا و تجي سوسن و تمسك يد الضابط..
سوسن : وين ماخذين اخوي و ربعه ؟؟!!؟؟
الشرطي : حديقة الحيوان وين يعني .... الحجز ..
سوسن حطت يدينها على خصرها : خيــــر !!.. عللا جثتي يدخلوا الحجز .. الحين هذولي عيال الكلب يضربونا و تسحبونا معاهم ..
الشرطي : لأن يا انسة اخوك و ربعه زادوا الطين بله و تهاشوا و صارت السالفة في ضرب للطرفين ........
سوسن : برضواااا اخوي و ربعه ما يجيسون هالسيارات ... ما باقي ألا فيصل ولد فهد يدخل السجن ... لا تحلم انك تدخل اخوي ...
عبد الرحمن يهمس لأذن لؤي : و الله عاجبتني هالسوسن حرمة عن 100 رجال الله يحفظها ...
لؤي : لا تقز كثييييييير انت عاد حظك نحس في القز ...و الغزل و الترقيم
لؤي و عبد الرحمن انتبهوا لفيصل كيف يناظر بسوسن ....
عبد الرحمن : هيه انت وش فيك تناظر البنت كذا ؟؟!!؟؟
فيصل : اخاف و الله من هوشتها مع الضابط الضاابط يعصب و يزيد علينا الحجز .... ابي اروح اذبحها قبل لا يعصب ..
سوسن تصارخ : قلت ما تاخذهم يعني ما تاخذهم ...
الشرطي : اقوووووول اذلفي لا بقعد لك انا ...
سوسن : مهما تقول اخوي و ربعه ما يدخلوا هالسيارة لو وش ...اسوي لهم
الشرطي كتف يدينه : وش رح تسوي يعني ؟؟!!؟؟
سوسن ارتكبت : آآ... اقدر اوصل الخبر للوزارة ....
الشرطي فتح عيونه الثنيتن ع الاخير و خز سوسن و سوسن ارتكبت من نظراته و شوي و يقزها و سوسن راحت ما كانت متحملة نظراته اللي تخوف و كلها رجولية و بعدين العساكر سحبوا الشباب ...
عبد الرحمن يتنقز و ينادي على سوسن : سوسن سوسن .... تعالي و قولي شي ... لا تتركينا سوسن سوسنننننن

سوسن اللي كانت تمشي و تطالع بالشرطي بنظرات خوف و الشرطي يناظرها بنظرات تخوفها زيادة ....

ابوجابر : لا حول الله و لا قوة الا بالله العلي العظيم قلت له هالغبي اخوك لا يتهاوش شوف الحين وش صار سحبته الشرطة مثل الكلب ...
جابر : طيب يبا الحين انا رايح لمركز الشرطة و اشوف متى يطلعوهم هو و ربعه ...

== بمركز الشرطة ==

العسكري رما سطام و وراه مطلق و وراه عبد الرحمن و وراه لؤي و بعده فيصل و رماهم في غرفة الحجز ...
سطام : اوووووووووووف الحين احنا وش رح نسوي ..؟؟
عبد الرحمن : و الله مدري ... انا جوعان و ما اكلت شي ...
فيصل : و انت عقلك ببطنك انت مع هالوجه
مطلق حط راسه على فخذ لؤي و غطا وجهه بالقحفية : هااااااااااااوخ يلا ما صار شي كلها هوشة و صارت و حطونا بالحجز يعني هذي اول مرة يحطونا يمكن خامس مرة ...
سطام مريح و انسدح : ايه و الله انام هنا و لا انام بين خمس بنات في بيتنا ...
و ناموا الشباب وما اكلوا هم مدة الحجز اهم شي انهم يناموا و ريحوا بعد هالهوشة ...

==+ باليوم التالي +==

في بيت سطام

صقر ياخذ المحفظة و الجوال من على التلفزيون و هو يمشي و معصب على حد حده و جت اخته عليا ...
عليا تنادي : صقرررررررررر صقرررررررر
صقر ألتفت لها بعصبية : خييييييييييير ؟؟
عليا : وين رايح بالصبح ..؟؟
صقر بنظرات عصبية : و انت وش دخلككككككك
عليا : وش فيك زين زين انقلع اوووووف ما يتحاكا معاك انت
صقر هدا اشوي و اخذ نفس : اخوك سطام ..
عليا نقزت : وش فيه ؟؟؟؟
صقر : متهاوش في الكورنيش و بروح اطلع يا عسا تطلع روحه قولي امين
عليا : هههـ عادي ماهي بأول مرة يدخل و نطلعه
صقر : يلا انا رايح ...
و راح صقر و طلع و دخل سيارته و بدت السيارة تسخن ..و هو تسند بتعب و غمض عينه و يقول بقلبه : آآآآآه متى بس هالولد يعقل اي ولد رجال اطول مني ما بطل من مهايطه و لا من تصرفاته الطايشة اللي مدري رح توديها لوين صار عمره في الـ24 سنة و ما تاب من المطالع بالبنات و المغازل فيهم ... الله يرحمك يا يبا شوف وش خليت من بعدك فوق ظهري خمس بنات و اخو مهمل الله يعيني بس ..
و حرك صقر المفتاح و مشا للمركز....

بيت فيصل

جابر مو طايق حاله و بو جابر جالس ع القنفة و يتكلم بتهديد ..
ابو جابر : تجيبه الحين البيت ... تحطه قدامي ابغا اشفي غليلي فيه الحمار فشلنا الحين الناس وش رح يقولوا عني فيصل ولد فهد الـ(.........) يتجرجر بالمخافر .... و لا هذي مو اول مرة بعد كان في قبلها و لكن و الله و اللي اسمه الله .... ان ما وريته نجوم الظهر ما اكون فهد ...
جابر بقلبه : اوووف هذا متى يخلص من محاظرته الداعي ...
ابو جابر : يلا انت روح جيبه .. ليش واقف لي مثل الصنم يلا رووووووووووح ..
جابر يمشي : حاضر يبا ...
و راح جابر بعد ما سمع من ابوه الكلام اللي ينرفزه ...........

بمركز الشرطة

نزل صقر من السيارة و شاف قدامه نازل جابر ...

صقر : صباح الخير ..
جابر: اي صباح بس و هذولي خلوا فيها صباح لاجني الوالد يبيني اطلعهم عسا ربي يطلع رووحهم ...
صقر : بعد وش نسوي اطول مننا و اعقولهم مثل حبة البذرة .. يلا امش بس

و دخلوا لغرفة الضابط الاثنين ....
فيصل نقز : جااا الفرج ..
جابر ورا الفضبان يهدد فيصل : فرج اي فرج .. اللي يشوفك يتفاءل بفرج و الله لو ما ابوي كان خليتك تقطن بهالمكان ...
فيصل يحك راسه : افاااااا.... ليش .. معقولة تخلي اخوك الصغير يقعد هنا بهالمكان المعفن
جابر ضرب فيصل على راسه : معفن هااا .. و الله محد معفن غيرك يا ثووووووور

صقر : سطاااااااااام ..
قام سطام : هلا .. هلا صقر متى جيت ؟؟
صقر : قبل اشوي يلا امش نرجع البيت ...
سطام : و الشباب هذولي محد جا لهم ياخذهم ..؟؟
صقر : لاء ... عبد الرحمن وحيد و مطلق عنده ولاد اصغار و لؤي عنده بنات اصغار مافي احد ...
سطام : طيب نوصلهم معنا حرااااام يقعدوا كذا ..؟؟
صقر : طيب ...

فيصل يمد يده : جبوووور عطني المفاتيح حقت سيارتك ...
جابر : ليييييييش ؟؟
فيصل : بروح مع ربعي للستار بوكس عازمهم على فطور بعد هالهوشة ...
جابر : انت من جدك !!؟؟.. ابوي قالب عليك الدنيا يبغا يشوفك و انت تبغا تروح لي الستار بوكس اقول انطق محلك
فيصل : جبوووووووور عفياااااا عطني اياهم بس هالمرة ....
جابر : مافييييييييي ...
فيصل : يا دلوع حنان ( زوجة جابر حنان ) .. عطني المفاتيح و لا افضحك
جابر طلع المفاتيح و اعطاهم فيصل : خذذذذذذذذ و لكن رح تلقا لك زفا محترمة من عندي و عند ابوي لما ترجع ..
فيصل بدون اهتمام : طيب طيب ... يلا روح ..
جابر : كيف اروح و انت ماخذ سيارتي ...!!
صقر ألتفت له : انا بوديك معاي و خلي الشباب يطلعون بسيارتك ..
جابر : طيب ...
و سطام قوم الشباب اللي نايمين بسابع نومة مطلق رجله على راس عبد الرحمن و لؤي يده على خده كأن في احد صاطره و عبد الرحمن يدينه عند براطم مطلق و قعدهم سطام ...
سطام : هيييييييييييييييييييييييه انتوووووووووو قوموووووووووووووووووووووو
عبد الرحمن و مطلق و لؤي نقزوا : هااااااااااااااااااااااااااااااااااااااا
سطام : من قال ها سمع يلا قوموا بنطلع ...
لؤي قام : و اخيراً
و عبد الرحمن قام بنقزة : ما بغوووووو يفرجوا عن المتهمين ...
سطام انتبه لمطلق اللي مكمل نومه : مطيللللللللللللللللللللللللللللللللللللللللق اقعد
مطلق : يوووووووووووووووووه خلني انام حظرته عبد الرحمن يشخر و خلص الاكسجين اللي بالغرفة من خشمه
عبد الرحمن رفساه : يلا قوووووووووووووووووم يا العبد على قولتك
مطلق قام بزهق و هو ينفظ دراعته و مشوا سطام مع فيصل و عبد الرحمن و لؤي و مطلق .....

راح جابر مع صقر و سطام اخذ مفاتيح سيارة جابر و حرك .... و شغل المسجلة على اغنية اللي لقا احبابه
و الشباب اللي ورا يرقصون بهبل كأنهم مفرجين عنهم بعد سبع سنين ....

== ستار بوكس ==

قعدوا على طاولة جميع و طلبوا لهم قهوة تصحصحهم ...

عبد الرحمن ضرب مطلق على رجله : ألأحق يا شيخ لا يفوتك بس ..
مطلق : يا كلب رجلي ..... وش هو ؟؟
عبد الرحمن يغمز : يعني افهم ذاكو دخل دخل و الله جابه ...
مطلق بغباء غير مصطنع : وش هو طيب ؟؟
عبد الرحمن مسكر ضروسه : يا حمااااااار اللي دخل من الباب و قعد ع الطاولة اللي جنبنا ...
مطلق يتلفت حوالينه و لقا في شلة بنات قاعدين فهم قصد عبد الرحمن و لا عطاه وجه ...
مطلق : اهاااااااااااااااااااا
عبد الرحمن : الحمد لله انك فهمت هاااا حلوييييييييين ...
مطلق حاط عينه ع البنات و غمز لوحدة منهم و انتبهت له و عصبت و قامت و اخذت كوبها و توجهت لهم ...
مطلق : ألحقوااااااا كاهم جاييييييييين
و جت البنت و شافت الشباب كلهم يطالعوها ألا سطام مو عاطيها وجه و هي اعجبها سطام و حبت تلفت نظره بحركة و سوت نفسها متعرقلة و طاح الكوب على حظن سطام ........................ اكيد سطام رح يذبحها على هالحركة رح نشوف في الجزء الثاني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-02-2010, 10:24 AM
صورة يلهب جنوني الرمزية
يلهب جنوني يلهب جنوني غير متصل
©؛°¨غرامي جديد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


و هذي هدية مني لكم الجزء الثاني .........

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-02-2010, 10:25 AM
صورة يلهب جنوني الرمزية
يلهب جنوني يلهب جنوني غير متصل
©؛°¨غرامي جديد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


\\|||{{ 2 }}|||//

الشباب كلهم عايشين بصدمة من اللي سوته البنت الله يعين لا يسوي فيها شي سطام ...

سطام رفع عينه لها بنظرات تملاها الشر و صرخ عليها : انت ما تشوفيييييييييي .... عميااااااااا يا عساك العما يضربك ... صح خلفتك و نسيتك انتي مع هالوجه المزفت انقلعي عني لا يجيك هذاك الراشدي يطيرك لصحباتك .... يا الكلبة
و قام سطام و دخل السيارة و هو متضايق ...

فيصل حاط ايده على خده و يطالع بالبنت : يا ريتها كانت القهوة بي و لا تاخذ هالعيون كل هالتهزيئة من هالحمار
و راحت البنت و قعدت مع البنات ...
و عبد الرحمن قام : انا بروح اطمن على سطام
لؤي قام معه : و انا بروح معك ...
مطلق قام : و انا بعد ...
الكل قام ألا فيصل يطالع بالبنات و مطلق ضربه على راسه : هيييييييه فيصلوووووو
فيصل : هاااااااااااااه خير ؟؟
مطلق : قوم بنروح لسطام بدل لا تقعد هنا و ترقم .. يلا قوم
فيصل قام و راحوا لسطام و ركبوا السيارة ...
فيصل : هااا بو الشباب شخبار دشداشتك ؟؟؟
سطام يمسح ثوبه : ..................................... و لا رد
مطلق حط يده على كتف سطام : يا رجاااااااااال هونها و تهون كلها قهوة و انكبت على ثوبك خلاص ما صار شي ليش حقدت بسرعة .. لا تصير حساس ...
سطام نزل يدينه على فخذه بتعب و تنهد : أهـــــــ ... المشكلة انتو منتو بعارفين انا ليش حاقد ...
لؤي : لييييييييش ؟؟
سطام يطالع بالبنات : بنت خالي ميسم معاهم ... مع اني كنت متمني انها ما تكون مع هالزبالة ... بس .. آه
عبد الرحمن : اي وحدة فيهم بنت خالك ؟؟؟
سطام : و انت وش دخلك خلك في حالك ..
عبد الرحمن : افاااااااا ... طيب يا طسيييييم صح انك حمااااار الشره علي انا اللي كلمتك
مطلق : لا تكفا ما نبي ادموع ... بلا حساسية .. تكفاااااا ...
سطام : لا و بعد ما قلت لكم ..
فيصل : وش هو ؟؟
سطام : امي .. تبيني اتزوج بنت خالي ..
فيصل : لا .. مستحيل تتزوج لا تتركنا يا سطيم .. اوعدك اني ما رح اغزل اللي تغازلهم بس لا تتزوج
مطلق : او مااااااي غوووووود متزوج بيننا ... لا اتخيل .. لا تتهور يا سطام و فكر زين
سطام : لا انا مجنون اتزوجها .... انت ما تشوف كيف هي جالسة و كيف هي عبايتها .. انا الصراحة ابي زوجتي مرتبة مو مثل هذي مايعة ..
عبد الرحمن : الله عليك مدري من هذي اللي بتاخذها ... مدري من وين رح تحصلها ... !!!!!!
سطام يسخر و مد يده لعبد الرحمن : تسلفني بنت مثل هالاوصاف ...
عبد الرحمن : تسخر انت مع وجهك انت تدري ان ما عندي خوات تجرح شعوري ليش ..
سطام : خلااص خلااص اسفين حقك علينا و الله ما نعيدها ....
الشباب كلهم : هههههههههههههههههه
فيصل : ههههه شفت كيف اظحك للدنيا تظحك لك لا تصير عابس ..
سطام : امرك طال عمرك في شي ثاني بعد ..؟؟
لؤي : لا مافي و الحين يلا حرك خلنا نروح بيوتنا ...
سطام يحرك : طيب .. طلباتكم اوامر...

.....................

علياء حاطة يدها على خدها : ووووي فديتهم ذولي اللي مع ولد عمتك يهبلوا كل واحد احلى من الثااااني ..
ميسم : اصلاً سطام احلى واحد فيهم .. هم كلهم جياكر .. آآآآهـ .. حبيبي سطييييم يجنن
علياء : بدينا .. بدينا التغزل في هالحمار .. انا و لا مرة كلمتك ألا و جبتي لي طاري سطام و قعدتي تغازليه استحي على وجهك عاد ..
ميسم : مالك دخل في زوج المستقبل ..
علياء : ههههههه براحتك ...

بعد 5 ايام

= بيت سطلم =

سطام طلع من بيته و هو يكلم فيصل بالجوال ..
سطام : ايه الليلة تجون عندي .. عازمكم ع العشا من يدين خواتي ..
فيصل : اذا السالفة فيها اكل انا اول الواصلين لبيتكم .. خخخخ
سطام : ههههه يا البرميل .. تاكل و تاكل و ما يبين فيك ..
فيصل : وش اسوي بعد .. لازم الرشاقة ... تدري انت بعد .. ما باقي شي على العرس و لازم الفستان يدش و لا المعرس يطلقني ...
سطام فقع ظحك : ههههههههههههههههههه .... يا الاهبل يا التافه تتطنز انت مع خشتك ..
و مرت بنت من جنب بيت سطام و كانت فاتحة عبايتها و لابسة تنورة قصيرة و مبينة ركبتها و سطام شافها و بدا يرقم ...
سطام : لالالا مقدر انا على هالشغلات تذوبني .. لالالالا تكفى ابوس ايدك كافي هالعذاب
فيصل : !!! اي عذاب انت ؟؟؟!!!!!!!
سطام : و اللي يرحم لي والديك طالبك طلبة لا تردني ..
فيصل : وشووووووو ؟؟
سطام : تكفى لا تعذب احاسيسي و مشاعري .. ترى هذا مرة كبير علي و كثير علي ارحمني يرحمك الله ..
فيصل : اييييييييييييييش ؟؟؟!!!!!!!
سطام : فديت هالطول و هالعرض و هالجمال كله ... سلفني يا بعد حيي سلفني ذرة جمال منك تكفى ...
فيصل : لا اسف مو للبيع جمالي ...
سطام انتبه لفيصل : و انت وش دخلك ...
فيصل : انت ما تقصديني ..؟؟!!
سطام : يا غبي افهمها عاد انني اغازل .. المهم لا تنسى الليلة ..
فيصل : تم ... يلا باي بسكر
سطام : سكروا عليك باب العذاب ..
فيصل : وشووووووو ؟؟؟!!!
سطام : لالالا مو انت اللي اغازلها .. يلا باي
فيصل : اهبل .. باي
سطام : باي ..." هههههههه "
و سكر سطام الخط و راح لسيارته و ركبها و مشا ...

= بيت فيصل =

كان فيصل منسدح ع القنفة و يشاهد تلفزيون ألا و يدق الجوال و يطالع بالشاشة و يشوف اسم مشاعل ..
فيصل "اووووووف ام اللزقة يا شيخ "
و قام و رد ع التلفون : الووو
مشاعل : الو فيصل ..
فيصل : نعم خير اشتبين ؟؟
مشاعل : افا يا فيصل كذا صرت تكلمني ..!!!
فيصل : اي صرت و بصير و بكون و بظل ... فاهمة .. انتي اصلاً منتي بالكفو الواحد يكلمك و لا يعطيك وجه ...
مشاعل : طيب ليش هالكلام كله انا شسويت لك ..؟؟
فيصل : قولي وش ما سويتي .. تذكري وش سويتي تذكري .. تذكري بالخيانة اللي سويتها لي و مع من مع ولد عمي .. يا السافلة ..
مشاعل : بس انا مالي دخل هو اللي اخذ رقمي و بدا يكلمني ..
فيصل : و انتي ما صدقتي على الله و كلمتيه .. صحيح انك ......
مشاعل عصبت : اني ايش ... كمل ليش سكت
و سكر فيصل الخط بوجها ...

= بيت عبد الرحمن =

كان عبد الرحمن قاعد بغرفته و جالس ع اللابتوب و يدردش مع اصحابه اللي من الكويت و البحرين و لبنان و بلدان اخرى ..
و اندق الباب ..
عبد الرحمن : تفضل ..
دخل بو عبد الرحمن : السلام عليكم
عبد الرحمن : و عليكم السلام اهلين يبا .. شرفت اجلس تعال ..
بو عبد الرحمن جلس : اشقاعد تسوي يا ولدي ؟؟
عبد الرحمن : و لا شي يبا .. بس اكلم اصحابي بالايميل
بو عبد الرحمن : و من هم هذولي اصحابك ؟؟
عبد الرحمن : راكان اللي من الكويت و نايف اللي من البحرين و يحيى اللي من لبنان ...
بو عبد الرحمن : اهااا ... طيب يا ولدي بغيتك بموضوع ..
عبد الرحمن حط اللابتوب ع السرير : اشصاير يبا ؟؟
بو عبد الرحمن : سلامتك .. بس حبيت اسألك .. اشرايك ببيت عمك بو جلال ؟؟
عبد الرحمن : بيت عمي بو جلال ... بيت عمي ناس طيبين و حبوبين .. ليش تسأل يبا ؟؟
بو عبد الرحمن : لا بس .. افكر اخطب لك من بنت عمك ..
عبد رالحمن فتح عيونه ع الاخير : لالالالا لا يبا .. تكفى ألا هالسيرة .. لساتني صغير ..
بو عبد الرحمن : اي صغير .. الله يهديك يا ولدي .. عمرك 24 سنة و صغير ..
عبد الرحمن : عادي يبا في ناس يتزوجوا و هو بالثلاثين .. انا و الله صغير اجل هالسالفة لبعدين ..
بو عبد الرحمن : لمتى يعني لبعدين ؟؟
عبد الرحمن : يمكن لما اوصل تقريباً الــ 27 سنة .. هذا العمر زين
بو عبد الرحمن : طيب ... و لكن اذا خلفت ..
عبد الرحمن : لا يبا اكيد هالكلام ..
بو عبد الرحمن : طيب يا ولدي انا استأذنك بروح الشركة ..
عبد الرحمن : تروح و ترجع بالسلامة ... انا الليلة بروح لصديقي سطام و يمكن اتأخر فيعني حبيت اقولك من الحين عشان لا اقلقك بالليل ..
بو عبد الرحمن : زين انك قلت لي يا ولدي روح ربي يوفقك ان شا الله ..
عبد الرحمن : ان شا الله
و طلع بو عبد الرحمن من غرفة عبد الرحمن ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-02-2010, 10:31 AM
صورة يلهب جنوني الرمزية
يلهب جنوني يلهب جنوني غير متصل
©؛°¨غرامي جديد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


\\|||{{ 3 }}|||//


= بيت لؤي =

كان لؤي قاعد بالصالة و ماسك جواله و يحاوس به ..
جت لميس له : لؤي .. اؤي ...
لؤي : هلا حبيبتي
لميس : ثوف ثوبي الزديد اللي زابته امي من الثوق ( شوف ثوبي الجديد اللي جابته امي من السوق )
لؤي : اشوووف .. يهبل يجنن هنياالك حبيبتي ..
لميس : مثكوووووور
جو حور و نور ...
نور تبكي : اهئ اهئ .. لؤي لؤي ثوفها هذي اختك ضربتني ...
حور : لا هي اللي ضربتني على بوذي ( بوزي )
لؤي : لاء عييييب ... لا مرة ثانية استخبر انكن تهاوشتن مع بعض ... عيب .. لا مرة ثانية تتهاوشون..طيب
حور و نور : تييييب ... اااااف
لؤي : يلا الحين رووحوا ذاكروا .. ما عليكم واجبات ..؟؟
حور : ههههرى انا حليت الواجب بس اختك لاء ..
لؤي طالع بنور : نوووووور ... يلا الحين روحي حلي واجباتك .. و لا مرة ثانية تهملينهم كذا .. فاهمة ..
نور برطمت : فاهمة ..
حور : هههههه فشلوها ..
نور : اسكتي يا الحمارة اسكتي
حور : هههههههه
نور عصبت وو صارت تركض ورى حور و متحلفة فيها ..
و هم يركضوا كسروا مزهرية ..
لؤي طفش منهم : يوووووووووووووه ميري يا ميري تعالي لهذولي لا اجي ادوس ببطونهم تعاااااااالي ..

= بيت مطلق =

دخل مطلق المطبخ بيشرب ماي و يسمع صوت من الكبت اللي فيه الصابون و راح له و فتحه لقا اخوه ظرار ..
مطلق : ظرار .. انت شتسوي هنا ؟؟؟
ظرار : اووووص ... قصر حسك لا يسمعك اخوك احمدو بعدين يشنقني ..
مطلق : يشنقك و ليش ؟؟
ظرار : مسحت كل صور وضحى اللي بنمر بن عدوان ... مسحتهم من جواله و هو عصب ..
مطلق : خخخخ ... قوم قوم ما عليك منه قوم و اذا قرب لك لا اقص رجلينه و يدينه ..
ظرار طلع من الكبت : ايه تكفى يا خوي احميني منه ..
مطلق : لا تخاف على امانتي ..
و جا احمد : هاااا كشفتك يا الحمار تعال هنا ..
ظرار يهز مطلق من ثوبه : مطلق مطلق دافع عني .. دافع عني .. تكففففى
مطلق سحب ثوبه : و انا وش دخلني ادافع عنك احد قالك مسحهم .. تصطفل انت معاه انا مالي خص بينكم
و راح مطلق و هو حابس ظحكته ..
ظرار صرخ لمطلق : يا حقييييييييييييييييييييييييييييييييييييير
و احمد تهاوش مع ظرار و مطلق اللي قاعد و هو يشب فيهم عشان يتهاوشوا اكثر ..

= بيت سطام =

بالمجلس ...
سطام : يوووووه هذا ما جا مطيليق ...
لؤي : شكله شاف له بنت و نساك و نسا عزيمتك .. خخخخ
سطام : خخخخخ يسويها الخبل ..
و يتصل سطام بمطلق ..
عبد الرحمن : هااا وش صار معاك يا فيصل مع هذي مشاعل
فيصل : وش اقول يا خوي و وش اخلي .. هالكلبة تخونني و تكلمني قليلة حيا
عبد الرحمن : انا قلت لك من زمان بنات هالزمن مالهم امان ..
فيصل : و انت الصادق .. ألا ابوي لاجني عبد الرحمن احسن منك و احسن منك ليش انت وش مسوي عشان ابوي يمدحك كل هالمدح بالبيت ..
عبد الرحمن : وش مسوي يعني ؟؟؟!!!
فيصل : مدري .. صاير مدحهه لك هالايام كثران ... و دايم ما يقول اصلاً عبد الرحمن يساعد ابوه بالشغل اكثر منك و يتحمل المسؤولية اكثر منك و لاجني ..
سطام : هههه بعد انت يا فيصل يوم تروح لشركة ابوك و اسبوع ما تروح ما يصير كذا .
لؤي : انا الصراحة مرة عاجبني الدوام بشركة ابوك .. و انت مدري ليش مو عاجبك ..!!
فيصل : انا هالوظايف ما تعجبني و لا تناسبني .. قلت لابوي بصير محامي و هو ما رضا ..
سطام : اما انت تصير محامي ... انت هذاك اليوم اتذكر يوم كنا صغاربالابتدائي حطاك المدير الشاهد ع الهوشة اللي صارت و انت صرت تخربطت من عندك و المظلوم سويته ظالم و الظالم سويته مظلوم ... ههه اسكت بس اسكت
فيصل : بببببببل ماسكها علي من يوم كنا بابتدائي ... اعنبو ذي ذاكرة يا شيخ ..!!
سطام : قول ما شا الله قول ما شا الله ..
فيصل : تفووووو عليك من عين الحسد تفو عليك
سطام : ترجع لك هالتفلة يا حمار
فيصل : اقوووووول ابغى اروح الحمام ..
سطام : روح محد ماسكك
فيصل قام و طلع من المجلس بيروح الحمام ..
و صقع ...
ريم : ااااااااف انت ما تشوف .. يعني ما تعرف حتى تمشي مثل النا..................
فيصل نزل راسه بسرعة : آآآآ ... عفواً ما كنت اقصد .. كنت ... كنت ...
ريم : كنت ايش ؟؟؟
فيصل : كنت بروح ... بروح هناك ... بالباب ...
ريم رافعة حواجبها : اي باب .. و وين تبي تروح ؟؟؟؟؟؟!!! تكلم زيييين
فيصل : بروح الحمام .. الحماام ... لو ممكن ..
ريم : هاااا لالالا تفضل حياك انت صديق سطام اخوي ؟؟؟
فيصل لسه منزل راسه : ايه انا ... انا فيصلية .... فيثل.. قصدي .. فيصل " اشفيني انا بديت اخبص بالكلام .."
ريم : ايه فيصل ... تغيرت كثير عن الاول ...!!
فيصل لف بس لفة صغيرة لريم و نزل راسه بسرعة : ايه و انتي بعد ..تغيرتي كثير
ريم : هههه انت تعرفني عشان تقول تغيرت و ما تغيرت ..
فيصل احمر وجهه من الفشلة : المعذرة ما عرفتك ..على ما اظن انتي سرايا
ريم : لاء انا مب سرايا انا ريم ..
فيصل : اي ... ريم ... هلا و الله فيك ..
ريم : واقف ترحب فيني و انا ببيتنا !!!
فيصل تفشل مرة ثانية : أأ .. اسف .. طلعت بالغلط
ريم : لا عادي ... ايييه .. سوري اخرتك .. تفضل روح الحمام
فيصل رايح : شكراً
و انحاش فيصل للحمام ...
ريم " معقولة هذا فيصل ... صاير ثقيل هالاهبل صاير ثقيل .. من زمان لما كنا صغار كان خفيف و الحين مرة مرة تغير .. يا سبحان الله جمال مو طبيعي فيه ... هههه بس انا احلى منه خخخخ "
و دخلت ريم بيتهم بعد ما ظلت تفكر بفيصل و جماله ...
و فيصل بعد ظل يفكر بها ..

و بعد اسبوع

= بيت سطام =

سطام : اووووووووف يماا بعدين بعدين الحين انا مب فاضي لهم قولي لصقر يوديهم ...
ام صقر : و ليش انت مب اللي يوديهم .. يلالالا و لا يكثر و خذهم لبيت خالهم
سطام : اووووف طيب و امري لله يلااااا امشوااا ..
و مشا سطام و وراه خواته الخمس عليا و سرايا و سجايا و ريم و لميا .. ((( ما شا الله كلهم اخر شي ــيا

و طلعوا و راحوا ..

صقر : و الله انتي منتي بهينة يا يما خليته يروح لبيتهم بعد ..
ام صقر : ايه اكيد .. اجل يقعد كذا طول عمره بدون زواج ... و الله لا اخذها له يعني اخذها ..
صقر : عاد ما حصلتي ألا ميسم بنت اللبنانية ..
ام صقر : انت اسكت انت لو مكاني و شفتها كان غيرت رأيك ... ابنت مهذبة و مزيونة و مرررررة حلوة و جميلة ... يا ربي تكون من نصيب ولدي بس ..
صقر : هههههه انا لله و انا اليه راجعون

= بيت ميسم =

وصل سطام لهناك و نزلوا البنات و طلع معاذ اخ ميسم و شاف سطام قبل لا يروح ...
معاذ : هلاااااااااا بسطام ولد العمة ..
سطام * يووووه هذا مسكنا ااااف * : هلا معاذ ...
معاذ : اشفيك جالس بالسيارة انزل و ادخل المجلس و تأهوا ( تقهوا )
سطام * تأهواا !!! ام اللبنانية اللي اثرت فيكم خخخخخ و الله مسخرة * : اي .. بتأهوا ..
و نزل سطام مع معاذ و دخلوا المجلس ..

عند البنات
عليا : ووووي فديتك ميسم تهبلي طالعة هنياله اللي بياخذك ..
ميسم بحيا : ثينكس ..
ريم : غمزت لها : ويلكم ههه
ميسم : هههه
سجايا : ألآ يا ميسم شخبارك و شخبار دراستك و حياتك ؟؟؟ ان شا الله بخير بس ..
ميسم : الحمد لله انا بخير ..
سجايا : و دراستك .؟؟
ميسم : دراستي ممتازة و سنيتين و اتخرج مختبرات ..
سرايا : الله يوفقك ان شا الله
ميسم : ان شا الله ..
و بعد شوي
ميسم قامت : يلا انا استأذنكم ... في عندي شغلات للجامعة لازم اخلصها ..
البنات كلهم : الله معاك
و راحت ميسم لغرفتها و دخلت و سكرت الباب و بعدين سمعت صوت من تحت في الحوش ..
و راحت للبلكونة و فتحتها و طلعت منها و شافت سطام بيطلع ...
ميسم " سطااااااااام !!!!!!!!! " : سطاااااااااااااااااااااااااااااااااااااااااام ..
و ألتفت سطام لفوق و شافها تناديه ..
سطام " ميسم !!!!!!!!!!!"
ميسم : انتظرنييييييييي لحظظظظظظظظة طييييييييييييييب
و راحت ميسم تنزل لسطام و سطام اللي مو عارف وش يسوي و ظهرت له ميسم و هي لابسة بلوزة فوشية و سروال جينز و حاطة روج فوشي حلو على شفايفها و الكحل راسم عيونها الفساح ... و توجهت ميسم لسطام ..
ميسم : سطام ...
سطام ما شال عينه منها : ميسم ... هذي انتي ..
ميسم ابتسمت : ايه هذي انا .. وين رايح و انا ما قلت اللي عندي ..
سطام : ايش عندك ؟؟؟؟ تفضلي ....!.!
ميسم : حبيت اسألك اذا انت زعلان من حركة صديقتي هذاك اليوم بالستار بوكس ...
سطام تذكر : اييييييييه هذيك قليلة الحيا ... اشفيها ؟؟
ميسم : زعلان منها او من الموقف ..؟؟؟
سطام بنظرات ما تتفسر : اسمعي يا ميسم انا ما زعلت من لما صديقتك كبت علي القهوة بس زعلت من شي واحد .........
ميسم تايهة بعيونه : اييييييش ؟؟
سطام : زعلت لما شفتك جالسة معهم هذولي البنات الخربانين .. و ربي يشهد علي هذا اللي انا زعلت منه لا اكثر من كذا .. زين فهمت علي فبطلي الجلسة مع هذولي البنات لأن انا من يوم شفتهم جالسين معاك شكيت فيهم .. الصراحة ... و تقبليها مني ..
ميسم " من عيوني الثنتين انا كم سطام عندي .." : طيب تامر .. في شي بعد ..
سطان ابتسم علامة رضا : لاء .. سلامتك ..
ميسم استحت : الله يسلمك ان شا الله ..
و راح سطام و ميسم تطالع فيه و هي رايحة تعرقلت من جهة المسبح و طاحت ع المسبح و شافها سطام و توجه للمسبح و نزل للماي و حملها و طلع بها و هو حاملها من خصرها ..
و حطها ع الارض و هي بحظنه و يضرب على خدها بخفيف : ميسم .. ميسم اصحي يا ميسم .. ميسسسسسسسم ..
ميسم تفتح عيونها بصعوبة : امااااماما .. سط ... سط .. سطام ..
سطام : اشفيك ؟؟؟ وش اللي خلاك تنرمي ع المسبح ...
ميسم جلست زين : هااا لا بس تعرقلت من الهوز .. خلااص انت روح لا احد يشوفك كذا معاي ..
سطام : اول شي انتي بخير ..؟؟
ميسم : ايه انا بخير ... لا تخاف يلا روح
و تركها سطام و راح و هج و ميسم مو مصدقة اللي صار من هذاك الحين ..


بسيارة سطام
سطام ماسك جبينه : معقولة ... معقولة كذا حملتها من خصرها و بكل خفة بعد انا وش صار فيني تخرطبت من حملتها اخاف بس احد شافنا الله يستر ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-02-2010, 10:41 AM
صورة صمت والم الرمزية
صمت والم صمت والم غير متصل
©؛°¨غرامي مجتهد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


الله يعطيك العافيةبس ارجوس لاتتاخرين علينا بتنزيل البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-02-2010, 11:17 AM
صورة .Ǎℓ-Ż3έε₥ẩ«~ الرمزية
.Ǎℓ-Ż3έε₥ẩ«~ .Ǎℓ-Ż3έε₥ẩ«~ غير متصل
©؛°¨غرامي مجتهد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


بدآيه حلوهـ

يصلموووو

متابعه لتس

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-02-2010, 11:54 AM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


ههههههههههههههههههههههههههه

و الله انهم تحف بمضارباتهم

ذكروني باصحابي

حلوة الرواية

كمليها يا قمر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-02-2010, 11:59 AM
صورة !!sr al '3la!! الرمزية
!!sr al '3la!! !!sr al '3la!! غير متصل
©؛°¨غرامي فعال ¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


الروااااااااااايه كلمة خطيــــــره قليـــل عليـــها =)

بسررررررررعه كمليها قلبوووو d;

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-02-2010, 05:30 PM
صورة يلهب جنوني الرمزية
يلهب جنوني يلهب جنوني غير متصل
©؛°¨غرامي جديد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


يصلموووووووو ع الردود الحلوة ... جايكم التكملة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-02-2010, 05:33 PM
صورة يلهب جنوني الرمزية
يلهب جنوني يلهب جنوني غير متصل
©؛°¨غرامي جديد¨°؛©
 
الافتراضي رد: رواية انت صاحي و لا مجنون ؟!؟ رواية رووووووعة كوميدية رومنسية جريئة حصرياً بمنتديات غرام / بقلمــي


\\|||{{ 4 }}|||//

اليوم التالي – يوم الثلاثاء

= بيت لؤي =

لؤي رن جواله و رد ..
لؤي : الوووو
سطام : الو لؤي
لؤي : هلا سطام اشفيك ..؟؟
سطام : ما فيني شي .. بس يوم الخميس اشرايك نطلع ..
لؤي : وييييين ؟؟؟
فيصل بصراخ : البرررررررررر
لؤي : بسم الله ... هالعنز معاك جالس ..؟؟!!
سطام : هههههه ايه معاي بالبيت .. هااا شرايك بالروحة
لؤي : طيب اي بر ..؟؟
سطام : النعيرية .. هااا يلا قول اشرايك ؟؟
لؤي : ما عندي مانع بس كم يوم بتقعدوا ..؟؟
سطام : حوالي الثلاثة ..
لؤي : طيب و و انا معاكم
سطام : طيب يلا سيووووو
لؤي : مع السلامة .
و سكر لؤي الخط و رجع للابتوبه ..

= بيت مطلق =

بالمجلس كان مطلق قاعد و يفصفص حبْ و يشاهد مسرحية طارق العلي البيت بيتك ..
مطلق : ااهاهاهاهاهاهاهاهاهاهاهاهههههههههاهاهاهاهاهاها
ورن جواله : الوووووههههههههه
عبد الرحمن : ليش الظحك الحين قلت نكتة انا ...؟؟
مطلق : لا بس اشاهد مسرحية ... هااا رحيمووو اشتبغى ؟؟؟
عبد الرحمن : تعال الورشة ...
مطلق : الحين ؟؟؟
عبد الرحمن : ايه الحين و لا ترى يفوتك اللي رح نسويه انا و الشباب ..
مطلق : وش رح تسووا ؟؟
عبد الرحمن : تعال و بتشوف ..
مطلق بيكسر : طيب طيارة الحين جاي يلا باي
عبد الرحمن : يلا باي
و سكر مطلق و قام بروح للورشة ..

= الورشة ( عند محطة البنزين ) =

جا مطلق بسيارته الددتسن و نزل و توجه للشباب اللي منهم سطام و عبد الرحمن و لؤي ..
مطلق : هااا اشصاير ؟؟؟
لؤي : اقعد و شوف وش رح نسوي ..
مطلق : وش بتسواا ؟؟
سطام : مقلب ..
مطلق : مقلب ... طيب وينه فيصل اثاريه هو اللي يسووي المقالب مب انتو ..
عبد الرحمن بنص عين : ليش حنا محنا ماليين عينك يا الشين ..
سطام : هههه هالمرة مو هو اللي رح يسووي حنا اللي رح نسوي فيه ..
مطلق جلس بحماس : قول قسم ... عاد هو دلخ و يصدق بسرعة ... يلا يلا بسرعة سووا هذا مقلبكم ..
سطام ماسك الجوال : يلا الحين سايلنت بتصل ..
و يرن الخط ( طبعاً بجوال ثاني )
و رد فيصل بصوت نوم : الوو..وووو
سطام بصوت خشن : الووو
فيصل يحك راسه و رافع حاجب : خييييييييييير ؟؟؟ من انت ؟؟؟؟؟؟؟
سطام : معاك المباحث ...
فيصل وقف حك و فتح عيونه ع الاخير : هااااااااااااااااااا ؟؟؟!!!!!!! اشقيلت ؟؟؟
سطام بخشونة و بحدة : قلت معاك المباحث ... و الحين حنا قدام بيتك و الحين تطلع و بسرعة ..
فيصل معقد حواجبه بخوف : ال... ال ... الحين ؟؟
سطام بصرامة : ايه الحين
فيصل : طيب مع السلامة
سطام : مع السلامة
و سكر سطام و الشباب غارقانين ظحك و متسدحين يظحكون ...
عبد الرحمن منسدح على بطنه و يضرب ع الارض : ههههههههههههههههههههههههههههههههههههههههه بامووووووووووت ... هههههههههههههههههههههههااااي ... اهاهاهاهاهاههههاهاهاهاااااااااهااهاها
و رن جوال لؤي ...
لؤي يسكتهم : اشاشاشاا ... هذاكو اتصل ... سكتوا
و رد لؤي على فيصل : الووو
فيصل : الو لؤي ..
لؤي : هلا فيصل بغيت شي ؟؟
فيصل : انت وينك فيه الحين ...؟؟
لؤي : انا الحين بالورشة مع الشباب جالسين ..
فيصل : طيب لا تتحركوا من اماكنكم الحين انا جايكم..
لؤي حابس ظحكته : اهه .. ليش ؟؟؟
فيصل : قلت لك جاي لا تتحركوا
و سكر فيصل بوجه لؤي ..
مطلق : رح يجي هنا !!
لؤي : ايه مدري وش صار فيه ..

= بيت فيصل =

فيصل طلع للحوش و طلع من بيتهم من الباب الخلفي عشان ما تقبضه المباحث هذا عاد اذا في مباحث .. ههههههههههه
و ركب سيارته الهونداي السودة و راح للورشة ..

= الورشة =

وصل فيصل و كان مسرع حوالي 180 و وقف السيارة و نزل يركض و هو بثوبه النوم الحليبي و لابس فوقه جاكيت اسود ((( ام القراوة يا شيخ
و ركض للشباب و جلس ع الكرسي و هو ماسك جبينه و منزل راسه ..
فيصل بخوف : انا اشسويت ...؟؟ و الله ما حفطت و لا حتى غازلت .. اشسوييييييت يا ربي ؟؟ المشكلة بنص الليل متصلين علي يبغوني ... و مدام هم متصلين هالحزة اجل السالفة مرة كبيرة ...
عبد الرحمن ماسك ظحكته : من هم اللي اتصلوا عليك ؟؟
فيصل : المباحث ... انا اشسويت و قسم بالله و الله العظيم ما سويت شي ... حتى صار لي يومين مهاجر المجمعات و الترقم و التفحيط و ابد ما سويت شي ...
سطام فاطس ظحك : هههههههاي لا كثير عليك يومين ...ههههههههههه
فيصل طالعهم باستغراب كيف ميتين ظحك : و انتو الحين ليش قاعدين تظحكوا انا الحين طايح بورطة و انتو قالبينها ظحك ...
مطلق فاطس ظحك : هذا عاد اذا كنت طايح من جد بورطة ... ههههههههههههههههههااااي
فيصل : اشقصدك ؟؟؟؟!!!!
مطلق : قصدي تعرفه زين و انت اول واحد يعرفه بعد ...
فيصل بدا يطالعهم واحد واحد و كيف استوعب ان هو بلع المقلب من جد ..
فيصل قام معصب و مسك الكرسي اللي من بلاستك و يضرب الشباب به و هو مرة مررررة معصصب : يا كلاب يا حمير ... حتى نومتي ما تهنيت بها .. يا المزعجين .. يا الحثالة ... تفو عليكم .... يا الكلاااااااب

((( من جد خخخخخخخخخخخخخخخخخخخخخ المقلب جامد

يوم الاربعاء

= محل اخيام =

كانوا الشباب كلهم سطام و فيصل و مطلق و لؤي و عبد الرحمن يشترون لروحة البر و يشتروا الاغراض اللي يحتاجوها بالرحلة ..
سطام و فيصل يتهاوشون على اختيار الخيمة ...
سطام : قلت لك هذيك اكبر و احسن ...
فيصل : بس هذيك احلى منظرها حلو ...
سطام مصر على الخيمة الزرقة : لا تعصبني فيصلو قلت لك هذيك الزرقة احسن من الحمرة اللي انت مختارها ... اصلاً لا هي كبيرة و لا هي حلوة تلوع الكبد ..
فيصل : انت وش فهمك .. انت حدك قماش فوق قماش و هذي هي الخيمة ..
سطام : لا تعصبني و تجبرني ادوس ببطنك قدام هالعالم كلها ..
فيصل : جرب و شوف وش بيصير فيك ..
سطام : وش بتسوي يعني ..
عبد الرحمن : انتو اشفيكم ... بسكم خلاص .. رح ناخذ هذيك و لا واحد يتكلم ..
فيصل و سطام طالعوا بالخيمة اللي يأشر لها عبد الرحمن ..
سطام و فيصل مطلعين اللسنهم : ووووووووووووووووووعوووووووو
عبد الرحمن ضربهم : وعو .. بنص خشتكم يا حمير ..
مطلق يطالع بالبنت اللي بجنبهم و تختار هي و بنت..
لؤي : اصلاً و لا وحدة من اللي اختروتوهم حلوين هذيك حلوة ..
مطلق يرقم البنت اللي يطالعها : انتي اشرايك .. ناخذ اي وحدة ... سمعينا رايك الحلو ..
البنت ألتفتت له بلثمتها : خيييييير ؟؟؟؟!!!
مطلق : خير بوجهك بس اشرايك ناخذ اي وحدة ..؟؟
البنت : رايي انك تنطم و لا عاد توريني خشتك يا الشين ...
مطلق مبتسم : ما عليه مقبول منك .. بس لو تختاري لنا وحدة تكوني وفرتي علي التغزل في هالعين ..
البنت ألتفتت له بعصبية : انت ما تستحي ؟؟؟؟؟!!!
مطلق لسه ما يستحي : كيف استحي و انت قدامي ...
البنت مشت عنه : السربوووووت ... و لا عمرك شفت بنت بهالدنيا ما لقيت لك ألا انا ..
مطلق : مو انتي احلاهم ..
و ألتفت مطلق للشباب و هو يظحك عليها ..
سطام : ما شا الله عليك ... تصلح تاخذ دكتورا على الترقيم .. طالع محترف هالايام مع البنات
مطلق : وش اسوي مو طالع على خويي سطام ولد عقاب
سطام : ههههه يا التافه يلا بناخذ هذيك الزرقة و بلا ثرثرة يا فيصلو ..
فيصل : بس
عبد الرحمن : خلااااص انت وش فيك كلها خيمة يلا بناخذ ثنتين ...
فيصل منزل راسه مفتشل : ااااااف ... مالت عليكم

= هايبر بنده =

كانوا الشباب يشترون للبر اكل و شغلات يحتاجوها ..
عبد الرحمن حط همبرغر لحم و دجاج بالعربة ..
و لؤي شاله و رجعه للفريز ..
عبد الرحمن انتبه لحركته : الحين ليش ترجعه ..
لؤي : و انت ليش تحطه ؟؟
عبد الرحمن : حاطنه للرحلة .. !!
لؤي : وش قالوا لك بنفتح مطعم بالبر عشان تاخذ همبرغر ...؟!؟!؟
عبد الرحمن رجع الهمبرغر بالعربة : و انت وش دخلك .. اخذناه ولا ما اخذناه اقوول انطم بس
لؤي : و كيف رح تسوييه بالبر ان شا الله بالحطب و النار ..
عبد الرحمن : ههه ما تظحك ... يا الغبي هذا يشوونه ..
لؤي : لاء انا ما احب المشوي احب المقلي ..
عبد الرحمن : يا الغبي المشوي صحي اكثر من المقلي ... وانت هذي حياتك مقالي .. ولا بعد نشوفك تسمن دايم بهالجسم العصا
لؤي : اااااااااف خلاص خلاص اكلتني بقشوري يلا خذه انا مالي دخل .. و الله اصير ضعيف احسن من اني اصير مكرش مثلك ..
عبد الرحمن يكمل : غيراااان

و لؤي و عبد الرحمن و هم يمشون بالعربة سمعوا اصوات اصحابهم سطام و فيصل و ألتفتوا يمينهم لقوا فيصل قاعد ع العربة او بالاحرى منسدح و سطام يفحط به ..
سطام و فيصل : ويووووووووووووووووووووووووووووووووو لووووووول
و سطام و فيصل و هو يحفطوا صدموا بمطلق ..
مطلق : ايش هذا
و مطلق عصب و مسك غرشة الكاتشب الزجاج و يأشر بها لهم : انتو ما تهونوا عن هالحركات لا بغرشة الكتشب الحين ..
سطام : اشفيك ايزي ايزي يا مان ما صار شي ...
جا لؤي مع عبد الرحمن ...
عبد الرحمن طالع عربة فيصل و سطام : ايش هذا ؟؟!! للحين ما جبتوا شي و صار لكم ساعة ببنده و لا اشتريتوا شي .. بس شاطرين تفحطوا مثل المهابيل ..
سطام و فيصل اللي واقفين و منزلين روسهم و مادين شفايفهم اللي تحت مثل البزران ..
سطام بسخرية : طيب يا بابا و الله ما نعيدها بس اثتري لنا ثوكولاتة ..
فيصل : كل ثي و لا زألك (زعلك) يا بابا
عبد الرحمن صفعهم بكيس الشعيرية : تتطنزوا انتو مع هالشيفة يا الشيووووون
سطام بنص عين و حادة : مو احلى منك يا استاذ رحيييييييييييم
عبد الرحمن شايف نفسه : اي اكيد مو احلى مني انتو ..
سطام : ما اقول ألا الله يخلف .. امش يا فيصل بس نروح و نترك هالمغرور يغازل نفسه ..
فيصل ماشي مع سطام : ام الغرور اللي مقطع بعضه ...
و راحوا سطام مع فيصل و عند اخر الممر فجأة سطام و فيصل بدوا يصفقوا ..
سطام و فيصل بصفقة : سواهاااااااااااااااااااااااااااااااااااااا قلبببببببببببببببببببببببببببي
فيصل بهبل و يهز بخصره و هو يمشي : سواااااااااهااااااااااا
وو مشوا و هو يغنون بصوت عالي و حلو ..
لؤي : ههههههههههههههههههههااااي خباااال هالاثنين ..
عبد الرحمن : هههه يلا انتشروا ..
مطلق : حسناً يا سعادة النقيب .. يلا بروح اشتري اللي علي ..
و راح مطلق بجهة و لؤي و عبد الرحمن بجهة ..
و مطلق و هو ياخذ الصابون و هذي الحاجات و هو شايل الشامبو كان اخر واحد بالصفة و لما شال العلبة شاف عيون بنت و عيون زرقة و متكحلة و متلثمة و ميزها نفس البنت اللي شافها بمحل الاخيام ..
مطلق يرقم : فديت الصدف انا ..
البنت ألتفتت لمصدر الصوت و لقته يتمقل فيها ..
البنت : هذا انت ..!!!!!!

رواية إنت صاحي و إلا مجنون ؟! / بقلمي

الوسوم
أند , أطلق , سطام , عبد الرحمن , فيصل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية ورود الأمل برائحة الألم / بقلمي ، كاملة !.شموخ.! روايات كامله - يتم نقل الرواية هنا بعد اكتمالها 428 21-09-2017 06:08 AM
روايتي الأولى : لميس فواز ورهف وغسان rano0o cool أرشيف الروايات المغلقة - لعدم إكتمالها 56 25-05-2013 02:38 AM
رواية إذا غرورك يمنعك تعتذر لي تعال جنبي و إبتسم لي و أسامح / بقلمي ، كاملة |{ بنت كلآس }| روايات كامله - يتم نقل الرواية هنا بعد اكتمالها 273 24-06-2011 03:18 PM
رواية قدري أن أكون لك / بقلمي unknowen أرشيف الروايات المغلقة - لعدم إكتمالها 1110 22-09-2010 02:02 AM
دقني الزمن دقات قوية خلاني لخلان أضرب تحية / بقلمي ارجوان @ والقمر @ بان ... أرشيف الروايات المغلقة - لعدم إكتمالها 20 12-05-2010 05:56 AM

الساعة الآن +3: 11:48 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1