منتديات غرام أدبيات غرام منقولات أدبية ابيك انتي ولا غيرك على موتك تعزيني
ღ ملكة في عز جروحي ღ ©؛°¨غرامي فعال ¨°؛©

قصيدة كتبها شاب عمل حادث سيارة و والدته كانت معاه وكان مسرعا

نتيجة هذا الحادث

الوالدة توفت نتيجة الاصابات الخطيرة

و هو إصابته كانت خفيفة

و هذي الأبيات قالها للي يواسونه



يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني


م ن ق و ل


’TAG ©؛°¨غرامي فضي¨°؛©

أنتقاء عذب

راق لــي النص

يعطيك العافيهـ بإنتظار جديدك ..~




/



ღ ملكة في عز جروحي ღ ©؛°¨غرامي فعال ¨°؛©

شاكرهـ لك مرورك الرائع

لاتحرميني من هالطلة

دمتي بود


~ الأصيل ~ ©؛°¨غرامي مبدع¨°؛©

الله يعطيك العافية

اختيار رائع

ننتظر قادمك الجميل

الاصيل

عـ البنات ـز ©؛°¨غرامي مشارك¨°؛©

ابيات مؤثرة وحزينة



يسلموووو ع النقل

راق لي اختيارك

عناق المطر أبتسـم وتوكل على الله

آنتقآء رآئع
ربي يعطيك العاافيه

/


ღ ملكة في عز جروحي ღ ©؛°¨غرامي فعال ¨°؛©

شاكرهـ لك مرورك يالغلا

دمتي بووود وباقة من الورد


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1