غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-03-2010, 04:43 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي هل يعود ؟! / الكاتبة : وجه النهار ، كاملة


سلام الله عليكم
اخباركم غراميات وغراميين
عساكم بخ ــــير
في رواية انا قرأتها من فترة...
ومكتملة وحبيت انكم تقرأونها
واتمنى تعجبكم مثل مااعجبتني....
للكاتبة

وجـه النهآر }~

ابدعت بجد

لاتحرموني مروركم الكريم
وترك بصمة حضوركم


{! هـــــــــل يعود !~



:




هل يعود من بعيد ..





لينتشلني من ما انا فيه ..





هل يعود





فيغرقني بحبه ..





فانسى واتناسى ما حدث جرآء الرحيـل ..







،،







هل يـعود





بـعد سنين الغياب ..





ولحضات العذآب ..





وآمـل السراب ,,





هل يعود ..!!









هـل ..هل .. هل ..!!!؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-03-2010, 04:45 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هـــــــــل يعود ؟!* /الكاتبة وجه النار


هــــل يـــــع ـــود ؟؟!
البآرت الآولـ..~*
فتحت شعري وانا اشوف شكلي بالصبغه اليديده .. كشـخه .. قمـر .. مشطته على السريع وبعد ما خليت المكياج على ويهي ورسمت عيوني .. لبست عباتي المفتوحه على البنطلون الجينز الي محدد جسمي .. والقميص الاحمر الفاقـع الي يشد الانتباه .. وقفت جدام المرايا .. فتحت اول ثـلاث ازرار من القميص .. وابتسمت بخبث .. اليوم موعدي ويا فـهد .. تعطرت بنص غرشه العطر .. وزدت لون الروج الي شرات القميص.. شليت شنطتي الي لها نفس اللون ... وطلعت .. وانا انزل من الدري .. سمعت صوتها النشآز
: سآره .. وين رايحه فديتج ؟
تآففت : ما يخصج
قالت وهيه تبتسم : يا بنتي .. اليوم اجازه السبت .. يعني ما عندج دوام فالجامعه
اشرت بايدي بلامبالاه .. وضربت بالباب وانا اسمعها وهيه تقول : لا تتاخرين عن الساعه 7 فالليـل ..
آآوف صـدق ان الامهات مغثه .. ركبت السياره .. حركتها بسـرعه .. صوب الشقه الي قال لي عنها فـهد .. كل مره التقي فيه بمكان عام اما المره بـعد اصرار منـه .. بلتقي فيه فشقته بس هو وعدني ما يتقرب مني.. واصـلا ما يروم يتقرب .. هو يعرفني اني قويـه ..
عمـر
مرت ثـلاث شهور على وفاه امـل زوجتي .. الوضـع على حآله .. احسني بعدت عن الكـل .. وصرت عصبي اكثر من ما انا عليه..طلعت من غرفتي .. الجو برد ..خصوصا في هالفتره في بريطآنيآآ .. اووف .. هذا مآيد ما يودر عنه الاغاني .. يآليت بعد شي زين .. شو هالفسق .. فتحت باب غرفته .. وشفته ماسك مكرفون ويرقص شرات الاجانب مغني الراب .. ولابس لبسهم .. التفت لي
:
What’s roung with you?
طالعته بعصبيـه .. : شو هالازعآج .. ابويه تعبان وانته هذي حالتك ..
قال ولهجته مكسره بين العربي والانجليزي : اووف .. وت ايا كان دو .. انته تصـرف ..
طالعته بعتب وطلعت ... ولا يقول هذا عمره 20... طول حياته عاشها هنيه خصوصا بعد ما استلم ابويه السفآره ..واشتغـل هنيه ونسى البـلاد .. .. دقيت الباب على الوالد .. ابتسمت وانا اشوف العامله التي تشتغل عندنا فالبيت ..
قلت لها : شخبار الوالد الحين ؟؟
قالت :.. ابوك تعبان .. يريد يرجـع الامارات ..
استغربت .. من يوم انا عمري 5 سنين .. والوالد طلع من البـلاد وما رجع لها ابدا .. حتى بعد ماترك شغل السفآره .. شو السـر ما آعرف ... ليش يهرب من البـلاد ما آدري.. والحين بسهوله يبا يرجع .. على الاقـل انا على السنتين اروح الامارات .. اشوف البـلاد .. عندي ربع هناك ..وخصوصا اهل امـل .. التي تعرفت عليها وهيه تدرس هنيه .. وحبيتها وتزوجنا .. بس تركتني وراحت .. علقتني فالامارات ...... وخلتني احب البـلاد .. واروح لها بين فترات ..مايد مستحيل يرجع الامارات .. احسه فالحر عادي يموت .. خخخخخخخخ .. متعود على جو بريطآنيآ ...
تركت العامله.. ودخلت الغرفه .. بسآل ابويه على شو نآوي ؟؟
فـهد
كنت مخلي على قناه ريآضيه واتابع المباراه ... طالعت السآعه .. متى بتوصـل هذي .. تآخرت ...لايكون تراجعت .. مستحيل .. سآره قويه .. وكلمتها ما تتغير ... طالعت الساعه مره ثآنيه ..
سمعت جرس الشقـه .. وصلت ... قمت وانا فرحآن .. فتحت الباب وعلى ويهي ابتسآمـه .. ابتسمت هيه وقامت النظاره الي على ويها .. مسكتها من ايدها ودخلتها وانا اطآلعه من فوق لتحت .. هالبنت غيـــــــــــــر عن كل البنات الي عرفتهن .. جمالها يخبـل .. يلست على الكنبه وهي عدآلـي .. فتحت شيلتها .. ضحكت هيه بصوت عالي .. قلت لها : مغيره لونه ؟؟
وقفت وهيه تفر عباتها على اقرب كرسـي : شو رايك ؟؟ حلو
قمت .. تقربت منها وخليت ايدي على خصـرها وقربتها مني اكثر.. : اي شي عليج حلو
ابتسمت بدلـع ... قالت : فهود .. وين بتعشيني اليوم ؟؟
قلت : بعده وقت على العشا يا قلب فـهد .. خليني اشبـع منج قبـل ..
قالـت : فهد انته وعدتني ...
قاطعته وخليت ايدي على شفايفها ... : لا تخافين .. عمري ما اغدر فيـج ..
قالت بغرور : ومنو قالك اني خيفانه ...انا ما آخآف
ضحكت بصوت عالي .. وقلت وانا العب بخصله شعرها : متاكد انا من هالشـي ..
التفت على تلفوني الي يرن .. ابتعدت هيه عني بعصبيه ..وصآرخت : ليش ما تخليه مغلق
قلت لها بعصبيه : نسيت
تقربت مني .. وضربتني على جتفي بدلع .. : تتريا اتصال من زوجتك .. ما تقدر تفارقها
تلعثمت بالكـلام .. .. يآربي ما اقدر اشوفها متضايجه .. تقربت منها : هيه ما تسوى شي عندي وانتي تعرفين ..
شفت التلفون يرن مره ثآنيه وبعدها وصـل مسـج .. التفت صوب التلفون .. بس هيه خلت اصابعها على ويهي .. وخلتني اشوفها ..
ابتسمت ونستني كل الي حولي ..
: فـهد .. يوعآآنه
ضحكت .. شكلها ياآهـل ... نسيت زوجتي وطوايفها .. وطلعنا نتعشى ..
حصـه
خليت ايدي على خد فآرس .. الله يهديك يا فهد الولد بيروح فيها وينك.. ما قدرت استحمل وانا اشوفه يهذي من الحراره .. مسكت التلفون وارسلت له مسج
(( فهد دخيلك انسى خلافاتنا الحين .... فآرس بيروح من بين ايدينا .. دخيلك بس وصله المستشفى ))
مرت ربع سآعه وما رد عليـه .. والله افتشلت من اخواني ومن كثر ما اتصـل لهم تآلي الليـل .. مسكت التلفون بتردد وانا اتذكر اخر مره كيف احتشـر حمـد .. يآربـي .. شوا سوي الحيـن ... حسيت تنفس فآرس بدا يتغير .. ما قدرت استحمل اكثر .. مسكت التلفون ودقيت على يرانا .. وارسلوا لي دريولهم .. لبست عباتي ودموعي على ويهي .. الله يسآمحك يا فـهد .. حراام عليك الي تسويه فيني وفولدك ...لبست شيلتي بسـرعه شليت فآرس بين ايديه وطلعت اركض وانا اسمع صوت السيآره .. شفت الشفقه على ويه السآيـق .. يآآرب .. يآآرب مالي في هالدنيا الا فآرس . خله لي .. يآآرب ..
فـي الفيـــلاآ
آم سآره ..رايحه راده .. واطآلع سآعتها .. السآعه 10 وصلت وللحين سآره ما رجعت ..الخوف مسيطر عليها .. مسكت التلفون بارتبآك .. ما ترد .. الخدم واقفات وهن مشفقات على ام سآره كل يوم على هالحآل .. ليش جيه تتصـرف سآره ويا امها .. تعاملها بفوقيه .. ما ادانيها .. وكل تصآرخ عليها ... ماعدا ان ام سآره اطيب انسآنه والخدم يحبونها .. البيت الوسيـع المليى بالخدم .. بس فآضـي ....الا من صوت مشاحنات سآره وامها .. وصوت بكاء امها كل ليله على حال بنتها الي ما يسـر لا عدو ولا حبيب ... الفلوس . يالليت تغير هالحال .. بتدفع فلوسها كلها وسآره تتغيـر وترجع هذيج الطفـله البريئـه .. يلست على الكنبه بعد ما انهد حيلها من الروحه والرده ..
فـهد
وصلتها لبيتها .. كنت اتبعها ابا اطمن عليها ... ابتسمت وانا اشوفها تنزل من السياره وتدخل البيت .. حركت سيارتي .. تعباآآآن فيني النوم .. بروح ما برمس حصـه ما فيني على الصدعه نص الليـل ...نزلت من السياره.. فتحت باب البيت .. الساعه 1 فالليـل ... رحت بسرعه صوب الغرفه بنآم ... فتحت الباب .. كنت بدخل بس قلت بروح اطل عليها هيه وفارس ... لو اني ما اطيقها بس فآرس ولدي .. فتحت باب غرفته .. هيه تنام وياه لاني طردتها من غرفتي .. ما احب المغثه .. فتحت عيوني على آلاخـر .. محد ... وين راحت الحقـ,,,, ... اكيد هايته على نص الليل .. بس وين فارس .. لو كانت راحت بيت اهلها.. كان حمد دق علي ... حسيت بتخبـل .. يوم بشوفها بضربها ضرب اعلمها فيه كيف تطلع من البيت من غير لا تقولي ... رحت صوب تلفوني .. واتصلت لها.. ياني صوتها
صآرخت : وينج يااااااااااااااامدام يا محترمــــــــــــــــــــــــــــــــــه
ياكرهي لصوتها : فهد الحق علي .. فارس تعبان فالمستشفى
صآرخت: وانتي منو سمحلج تطلعين من البيت ؟؟؟
قالت : انا دقيت ...
قاطعتها : جـــــــب ولا كلمـــــــــــــه حسآآآبج عندي .. منو وصـلج المستشفى .. هاه قولي اعترفي ؟؟
صآحت : دريول اليران ..
قلت : علي انا هالكلام .. ههههههههههههه .. على العموم الحين انا بيي صوبج .. بس عشان فارس والا انتي ما تهمين .. تراج ما تسوين شـي ...
سكرت التلفون .. الله يغربلها عسآآها العذاب مثل ما معذبتني .. دريول اليران هاه .. على منو تخدع .. على انا فهد .. صدق انها حقيره .. ضربت ايدي على السكان وطرت للمستشفى ..
سآره
دخلت البيت وانا اغني .. انته الوحيد الي كلامك اواآآمـــر .. لالا .. ضحكت وانا اتذكر فهد وهو يدلعني ..تاففت وانا اشوف امايه واقفه لي فالصآلـه .. اووووووووووووف ..
قالت : سآره الساعه 1
قلت : وخير يا طيـــــــــــر ..
ابتسمت : فديتج شو بيقولون اليران يوم ....
قآطعتها : انتي اخر وحده تتكلمين عن كلام النآآس .. وبعدين انا يايه مبسوطه لا تضايجين فيني ...روحي نااامي .. عساه اخـر يوم .. يلاآآآآآآآآآآآآآآآآآآآآ ...
دخلت الغرفه .. خذت لي اقرب بيجامه .. وشور سريع .. طلعت واناا انشف شـعري .. طويل .. شكلي بقصه مره ثآنيه .. ههههههههههه .. فـهد ما يخليني اقصـه .. فريت عمري على الكنبه المريحـه ..فتحت تلفوني الثآني ومثل ماتوقعت مسجات وآآيد
فيصـل : سآره فديتج تولهت عليج .. ابا اشوفج قريب ..
اووف هذا غثه
حامد: لا تتغلين علي ..
ضحكت .. اشتقت لنكته البايخه .. ههههههههههههههههههه
اووف ودرت المسجآت .. ورحت صوب البلكونه .. تقريبا الفير الحين .. وقفت بلا شيله كنت لابسه بيجامه قطنيه للركبه.. والايد عاريه .. محد موجود الكل نايمين .. تنفست الصعداء .. ولعبت بشعري .. اكرهم كلهم .. فـهد وفيصل وحامد .. والخ .. كلهم .. كذآآبيـن .. دخلت وانا احس بضيجه نمت على الٍسـرير وانا اردد ..هم كلهم لعبه في ايدي .. كلـــــــــــــهم .. ادري يتحسبون عمارهم يخدعون علي .. بس انا الي قآعده اخدع عليهم .. .. غفيت بعد عنآء متوآصـل ..
مآيـد
كنت اكلم صديقتي
My girl friend
اندق الباب .. هذا اكيد عمر .. قمت بعد ما سكرت التلفون .. تآففت وانا اشوفه
what ?
طالعني وقال : بنرجع الامارات
حسيت بصدمه كبيره .. هذا اكيد يخربط .. :
No way
قآل بحزم : الوالد جيـه يبا .. وانا ما اقدر اقوله لا وهو تعبان
قلت بعصبيه :
I will stay here, you can go with hem
قآل : لا .. كلنا بنرجع البـلاد .. عندك اسبوع تخلص التزاماتك .. منو بيصرف عليك هنيه ... تراك عطالي .. من الجامعه للبيت ومن البيت للجآمـعه ..
قلت
It’s not your business
قال : لا يخصني فيك وغصبنا عنك بـعد .. " اشر بايده " عندك اسبوع هب اكثـر .. سآآمع
ضربت بالباب .. شغلت الموسيقى العاليه .. .. .. هذا الي كان نآقصني ارد البلاد .. انا ما اعيش الا هنيه .. .. بس شكل الامر جدي .. ومافيه مفر ... .. .. وقفت جدام المرايا .. شفت شكلي .. بنطلون لو ويست .. لونه زيتي .. وكاب لونه اسود .. وقميص اسود مرسوم عليه جماجم .. وسلسله نازله على صدري العاري .. لاني فاتح ازرار القميص ... بشكل جمجمه .. شعري طويـل متناثر باهمال جدام ويهي ..طالعت الحلق الي فاذني .. الوالد احتشر اول ما شافني مخلنه.. بس احسـه مناسبني .. شغلت الموسيقى وبديت ارقـص.. ..
حصـه
شفته ياي صوبي .. دقات قلبي زادت .. لالا لاتتحسبوني احبـه.. ابدا .. هذا من الخوف .. اخاف منه .. ما اضمن له اي تصـرف .... مسكني من ايدي بقو .. حسيت ايدي بتنكسر انحرجت الناس تشوف وهو ولا هامنه ..
قال : وين فارس
ما ادري كيف مسكت دموعي .. وكيف طلع صوتي الي حسيت اني اجآهد انه يظهر ..
قلت :في هالغرفه وياا الدكتور
ودرني ودخل .. وتناثرت دموعي على خدي..آآه يا حضي العاثر .. ليش .. ليش انا ؟؟!!!
استغفرت وتبعته .. ابا اسمع الدكتور شو يقول . . اهم شي فآرس هذا حيآتي .. ..
الدكتور : الحين نزلت الحراره .. تقدرون تطلعون
تنفست الصعداء .. الحمد الله .. شفت فـهد يآخذ فارس ولا فيه اي ملامح شفقه ولا عطف .. اتقي الله هذا ولدك الوحيد .. حرام عليك .. قآل : يـلا ,,,
تبعته وهو شآل فارس .. ركبنا السياره.. فره علي بقو . .حسيت بفارس يتحرك بضيقه .. بس من المنوم ما وعى .. يلست امسح على راسه .. كان مسرع وااايد .. ومشغل اغاني .. خاطري اقوله اقصر على الاقل .. بس اعرفه بيحتشر وبيسويها سآلفه .. اول ما دخلت البيت.. نزلت .. حتى ما ساعدني .. ماشل فارس عني وهو يشوفني تعبانه .. شو اتريا منه اصـلا .. هذا هو من يوم تزوجته .. ما يتغير .. دخلت البيت .. تقرب مني وقال : هاتي فارس
عطيته بسرعه .. وقلت: خله في سريره ..
خذ فارس وراح .. استغربت .. زين يوم فيه قلب يحس .. فريت عمري على الكنبه .. غمضت عيني .. فتحتها وهو مجابلني .. سحبني من ايدي .. كنت ما مصدقه .. هذا شو يسوي .. ما استوعبت.. لحد ما حسيت فيه وهو يضربني .. ضربني بعنف .. كنت احس عظامي تتكسر .. خليت ايدي جدام ويهي .. صحت بصوت عالي .. ماقدرت اكتم دموعي .. فرني على الارض رفسني وظهر
: عشآآآآآآآآآآن مره ثآآآآآآآنيه ما تطلعين من غير لا تقوليييييييييييين فاااااااااااااااااااااهمه
بغيت اتخبل لما سمعته قفل الباب .. لا فارس محتاي ادويته .. قمت وانا اسحب نفسي دقيت الباب بتعب ..: فـ...ــهــ..ــد افتـــ....ح الـ..بــاب .. فآآرس
قال من ورى الباب : جــــــــب لا ادخل واذبحج اليوووووووم .. والي سويتيه بالباجر فجمعه العايله عند عمـي وبنشوف شو رايه في بنته الي تطلع نص الليل مع ناس ما نعرفهم .. والله اعلم طالعه ويا منوه
ابا اصارخ واقول تخســـــــــــي .. بس ما قدرت .. ما قدرت .. حضنت نفسي وكملت صيآآآآآآآآح
نهآيه البارت ..~*
سآكون في انتظآر ردودكـم فلا تبخلو علي ..
نلتقي ومثـل ما تعودنا انا ما اتآخر بين البارتات .. كل يوم بارت او بارتين ..
واذا لقيت تشجيع .. اوعدكم بالاكثـر ..
دمتم بخيـر ..
وجه النهار .!*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-03-2010, 04:48 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هـــــــــل يعود ؟!* /الكاتبة وجه النار


منذو رحيـله وأنآ اُردد .. سيـعود ؟!
هل يعوـووود ؟؟!
\
/
\
البارت الثآنـــي ~*




دخلت والكل التفت صوبها ... كانت كآشخه .. عيونها وسااع لونهن لون البحر .. هادي يجذب الي يشوفها .. شفايفها ورديه من غير اي روج .. شعرها مبين انه اشقر .. ونآعمه لابعد الحدود ... مظهرها الجريي .. مايعني ان شخصيتها جريئه .. انسانه خجولـه ,, التفت لما حست بايد على كتفها ,,


نور


التفت وانا احس بايد على جتفي .. توقعتها سآره .. اتصلت لها وقالت بتوصل الحين الجامعه .. بس انحرجت وانا اشوف فيصل واقف جدامي
قال : صبآح الخير
قلت : هلا صباح النور..
نزلت راسي .. قال : غايبه الاسبوع الماضي .. كنت احاتيج ...
ابتسمت وقلت : كنت شوي تعبانه .. تسـلم
التفت على ساره الي دخلت وكالعاده شكله متنرفزه .. ما تحب كلاسات الصبح .. تركت فيصل ورحت صوبها احبها وااايد ..
قلت : سارونه صباحج ورد
ابتسمت وقالت : هلا .. صباحج قشطه .
ضحكت .. مدت ايدها وخلتها على خدي : ياربي .. على الخدود الحمر انا ..
يانا صوت فيصل .. تقرب من ساره مد ايده وسلم عليها .. كم مره قلت لها لا تسلمين على شباب الجامعه الناس يفهمون غلط .. بس ماشي فايده تقول ما يهمني حد .. تقرب منها ..كل مره الشباب ينظرون لها كجسد بس .. ولا كانها عندها مشاعر .. لانها فري .. كلهم يتوقعون انها عادي عندها اي شي وكل شي .. ماعدا ان امايه اجنبيه .. الا اني مستحيل اطبع الا بطباع ابويه .. .. نظراته لها تخليني انقهر .. لا تتوقعون اغار.. لا .. بس احسه فيه خبث .. وانا اخاف على ساره .. وااايد .. مالي غيرها صديقه...





فيصل




كنا فالمحاظره ...مسكت تلفوني .. وارسلت لها مسج ..
(( سآره .. قلبي يعورني.. احبها وهيه هب حاسه .. .. قلتي بتضبطينها لي .. وللحين ما صار شي ))
ردت بعد دقايق
(( اصبر الصبر زين .. بس لاتاآذيـها .. نور ما تستحمل ))
قلت لها :
(( انزين ارسلي صورتها ))
ضحكت في خآطري .. ما اعرف شو من نوع الاصدقاء سآره .. وليش تضر نور بهالطريقه ... بس انا ما يهمني الا اني اوصل لنور ... ثواني وصلني مسج .. خذت التلفون .. وفتحت المسج ..
شفت صوره نور يالسه تتمريح وشعرها اشقر طويـل مفتوح وهيه تضحك لابسه تنوره قصيره .. ابتسمت .. ما بتكون لغيري لو ليله بس .. وسآره هيه الي بتساعدني ...



فهد



فتحت عليها الباب بقو.. قامت مرعوبه ..
قلت : تجهزي .. غدانا في بيت ابوج ..
قالت بضعف : ان شاء الله
شفتها بسرعه تروح صوب غرفه فارس .. اذاني طول الليل يصيح .. اخر شي ودرته ونمت .. ومن التعب اكيد هو نام .. يلست على الكنبه وابتسمت على تفكيري .. بعلمج الادب يا حصـه ...
يلست اترياها .. مرت نص ساعه.. انا كنت اراسل فيها سآره فديتها .. كانت ترد على مسجاتي من المحاظره .. انتبهت على صوتها ...
: انا خلصت
طالعتها من فوق لتحت .. هذي مصدقه عمرها .. اونها كاشخه .. .. اليوم ماخذ اجازه .. والكل موجود في بيت عمي على الغدا .. يالله ما فيني على الغثه اخوها حمد .. خاطري اذبحـه .. مشيت وهيه مشت ورايه .. ركبت السياره وطرنا صوب بيت عمي... اول ما دخلت الميلس .. مسكت حصـه من ايدها وفريتها جدام ابوها ... صرخ فارس . وعمي وابويه يطالعوني .. ابويه هو الي عصب .. حمد قام واقف .. قلت بصريخ
: عمي .. بنتك انا هب قادر احويها .. امس طالعه نص الليل دون شوري ...
طالعها عمي بعصبيه وهيه بدت تصيح كالعاده .. وقفت وطالعت حمد وهو يطالع حصه بحزن .. والله اخته تستاهل اكثر من جيـه ...
عمي : حصـه صدق هالكــــــــــــــلام ؟!!!!!!!!
هزت راسها .. وركضت برع الميلس وصوت شهقاتها ماليه المكان .. ربع حمد وخذ فارس من الارض وطلـع .. وابويه معصب علي .. ما يهمني
عمي يلس يتعذر من تصرفات بنته .... وانا احس عمري شيخ .. اصـلا انا متكرم عليهم وخذتها ... والله ،،



حصـه



ما ادري وين كنت رايحه بس كنت اركض ابا اظهر من الموقف الي كنت فيه .. وقفت عند المسبح خليت ايدي على شفايفي اكتم شهقاتي .. بس ماشي فايده .. حسيت الاكسجين خلص من كثر ما اشاهق .. عشان جيه يايبني هنيه ... اكرهه .. اكرهه .. مسحت دموعي .. وانا اسمع خطوات ورايه .. خفت انها تكون امايه اذا شافتني جيه بتتعب ..
: لين متى بتصبرين عليـــــــــه ؟؟
مسحت بقايا دموعي .. والتفت وشفت يوسف جدامي .. نزلت راسي وقلت : زوجي .. لازم اصبر عليه ..
قال : لا هب لازم .. هذا زوج بالله عليج .. هذا جهنم
قلت : انا راضيــه
قال : لا .. انتي ضعيفه ..
قلت بتوتر : لا انا هب ضعيفه
قال : لا انتي ضعيفه ..
غطيت على ويهي وصحت .. سمعت حمد : يوسف انته واخوك بس تعذبونها ... خلها في حالها لو سمحت
ركضت صوب حمد وحضنته ويلست اصيح .. قلت له بصوت خفيف : الموت اهون لي من اني استمر ويا فـهد .. دخيلك قول لـ ابوي ..
قال : ما اقدر .. ما اقدر ..
يوسف : والله محد بيآدب هالفـهد غيري ..
شهقت وانا اشوف يوسف رايح صوب الميلس هذا اكيد تخبـل .. ركض وراه حمد ..وانا تميت واقفه .. وين فآرس اكيد عند امايه .. رسمت ابتسامه على ويهي ورحت صوب المطبـــــــخ ..



عمـر



دخلت على ابويه اطمنه اني قصيت التذاكر .. والسفره بتكون خـلال هالاسبوع .. تقربت من ابوي .. شفته نايم .. كنت بظهر .. بس يآني صوته
: حجزت ؟؟
قلت : هيه الاسبوع الياي ..
قال : وشغلك ؟؟
قلت : سمعتي فالطب بتخليني القى مكان لي في بـلادي ..
ابوي : ومآيـد
قلت : مآيد فاشل هنيه .. راسب كورسين .. خله يبدا من يديد هنآك .. هنيه همه البنات بس ..
ابتسم ابوي : ما اعرف على منوه طالع عينه زآيـغه ..
ضحكت ورحت صوبه : يعني بتقنعني .. انه هالصفه هب بالوراثه منك يا الوآلـد ..
ضحك ابوي : طول عمرك غيـر يا عمر .. فيه شي مختلف فيك
رديت : مختلف .. يمكن لاني ولدك .. والا بالتآكيد لاني ولدك يا الغالي ..
رد : فيه سـر فالبـلاد .. لازم ارجع له .. ضميري يآنبني ..
فتحت عيوني على وسعها .. ورمشت اكثر من مره .. شو مخبي الوالد .....قلبي ناغزنـي ..



سآره



اوووف شو هالدكتور الغثه .. الكلاس خلص.. شليت شنطتي وانا اشوفه يطلع .. روحه بلا رده ان شاء الله .. قرف ... مسكتني من ايدي نور .. التفت لها وابتسمت ..
: شو رايج نتغدى ويا فيصل والشله
كشرت .. وقالت بدلعها ونعومتهآ : لا .. ابا اتغدى ويا خالوه .. فديتها تولهت عليها
عرفت انها تبا تتغدى وياامايه .. التفت على فيصل الي شكله نرفز .. روووح لاه .. شوا سوي لك اذا البنت هب بالعتنك ..
طالعتها ..: عشان خآطري ..
طالعتني وقالت : باجر نتغدى عند امج ؟؟
قلت : اوكيه .. خلاص باجر عند امايه ...
مسكت تلفوني وارسلت لفيصل وانا اشوف نور تتناقش ويا جاسم في البروجكت ....التفت على صوت المسج ..
(( فضي لي الجو .. ربع ساعه وروحي))
ابتسمت وارسلت (( انتـه تآمـر يا قلـبي .. من عيوني... ))
قلت: يلا نور
التفت هيه وابتسآمتها مرتسمه والغميزات واضحه .. وطلعنا بسيارتي .. هيه ما تسوق .. تقول .. اذا فيه سايق ليش اسوق .. متخلفه في كـل شي ..شو فيها لو كان لها ربيع .. يفهمها.. وما بيآذيها مثل فهيدان ...





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-03-2010, 04:49 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هـــــــــل يعود ؟!* /الكاتبة وجه النار


حمد



طلع فهد وتبعه يوسـف .. وانا اغلي من دآآخـلي .. تقربت من ابوي ..
قلت : ابويه .. انا هب قادر اسكت على تصرفات ولد آخوك ..تراه زودها وااايد
رد ابوي : حمد .. اختك مالها الا ريلها انته نسيت ان بينهم ولـد ..
قلت : بس هو ..
قاطعني : حمد .. فهد مصيره يتغير ويندم على الي يسويه ...
قلت بعصبيه : متى ؟؟
رد : حمد ما عندي بنااات يطلقن .. فآآآآهم
تاففت في خآطري .. بس لو يهدوني على هذا الحقير الي اسمه فهد.. والله لـ اكسر عظآمـه ..
واخليه يعرف منو هو حمد .. آآخ بس ...
يوسف
جابلته في الحديقه وتحت المظلات بالتحديد ...
قلت له : فـهد لمتى بتكون جيـه .. حمد سكت لك وآيـد .. يآخي هذي بنت عمك..
طالعني وقال وهو يسحب نفس زقآيـر : هب قآدر .. افهمني يآ يوسف ..انته اخوي .. حس بالنآر الي فقلبـي ..
قلت له بعصبيه : انته اكيد تخبلت .. تتكلم في شي مآضـي .. وهيه مالها...
قاطعني .: تراك انته متهني ويا زوجتك ..
رديت وانا خانقتني العبره : سبحان الله الواحد ما يحس بالنعمه الي عنده .. من 5 شهور ضآع ولدي جدام عيني .. ومن يومها وانا اشوفـه بينا .. احس مهره عافت الحياه من راح الولد .. وانته تتكلم في شي فآضـي ..
قمت بسرعه .. ما ابا اضعف اكثــر جدام اخوي الي اصغر مني .. طلعت وشفت حمد ..
قالي : غثك في كـلامه ..
قلت : من يوم يومه يغثني .. مالي غيرك يا حمـد ..
حمد ابتسم ..: طول بآآلك يا ابو سآلم .. وما بعد الضيج الا الفرج
قلت : ان شاء الله .. اسمح لي ..
ودرته ورحت صوب المطآبـخ .. ادري مهـره تموت فالطبخ والتفنن .. دقيت الباب ..
هود ..
سمعت صوت عيايزنا : دخل يوسف. هداااا
ابتسمت وانا افتح الباب.. ما شفتها .. وين مهره غريبه ..
امايه : ادور عن حرمتك ؟؟
قلت : هيه وينها ..
قالت : ما ادري بها ... اضني ترقـد فآرس ...
تآلمت ...لانها هيه الحين تتآلم .. للحين كل اغراض سآلم وغرفته على حآلها .. من يومها وهيه رافضـه تحمـل .. متوله على صوت يآهل .. ادري .. لازم اقدر ضروفها .. بس انا بعد تعبت ... ابا يآهل .. اخوي الي اصغر مني عنده ولـد .. ابوي بدا يطالبني .. ويقولي انته بكري .. ولازم اشوف عيآلك .. وهيه هب حآسـه بالي انا فيه ...
التفت على صوت حرمه عمي : يوسـف بلاك واقف يا ولدي .. آدخل خذ لك شي من هالاكل الموقـع .. اطآعم وعطنا رايك .. الشواب ما يرضون باي شي ..
ضحكت.. دوم ابويه وعمي يحتشرون على عيايزنا ,, مزوده الملح .. مزوده البهار .. رحت صوب القدور .. وخذت لي مغرفه .. واطاعمت ..
: يآلله شو هالطبآخ .. .. هالطبآخ والا بـلاش
ضحكن امايه وحرمه عمي .. طالعتهن مسـتغرب .. امايه : اكيد زوجتك طآبخه ..
ما كنت ابا ايبون سيرتها.. لاني انجرح ... ابتسمت وقلت .. انا بروح ..
طلعت .... رحت صوب المضله الي كنآ يالسين تحتها انا وفـهد قعدت وسرحت بافكآري .. رجعت للوآقـع على ريحه عطرهآ الي تغلغلت فيني .. غمضت عيني .. هب وقتها ابدا ..
بصوتها النآعم : يوسف بغيتني في شـي ..
خلت ايدها على جتفي .. ابدا هب وقتها .. دخيلج يا مهره لا تخليني اتصرف تصرف يآذيـج .. قمت وقفت وجابلتها ..طالعت عيونها ..
قالت وهي تخلي اصابعها على ويهي ..: شو فيك يوسف شي يعورك ..
رن تلفوني .. رفعته وانا ابعد نظراتي عنهآ.. حمد .. رديت
: تعال خلوا الغدا .. الشواب يتريونك وانته واقف ويا زوجتك ساعه
ابتسمت بالم : ان شاء الله
طالعتها وقلت : بروح اتغدى
سمعت صوتها وهيه تناديني بس ودرتها ورحت ..
دخلت الميلس وانا مضآيج .. تغديت وانا احس بنظرات حمد علي .. بعد ما خلصنا من الغدا .. يلست عدال ابوي .. قالي بهمس :
هآه .. ويهك ما يبشر بخيـر ..!!
قلت : مهره وآحوالهآ .. تعبت يا ابويه ..
قالي : زوجتك ما بتتغير لحد ما تتزوج عليها
حسيت حد صب علي ماي بآرد .. انآ .. انا اتزوج على مهره .. ما رجعت على الواقع الا على صوت ابويه وهو يقولي بهمس :
بنت عمك .. حور .. ما شاء الله ادب واخلاق
حور اخت حصـه ..هذي الياهـل .. اكيد ابوي تخبـل .. الفرق بيني وبينها 12 سنه .. انا 32 وهيه 20 .... هالحل مرفوض ..
هل يا ترى مرفوض .. والا رده فعل وبعدها بيتغير كل شي مع استمرار حاله مهره
!!
:
:



مهره




دخلت على حصـه وهيه يالسه تتآمل فآرس .. كنت متضآيجه من يوسف وتصرفآته ويايه ..
قالت : بلاج ؟
قلت : يوسف متغير ..
قالت : مهره .. انتي الي متغيره
لفيت عنها وقفت عند زجاج البلكونه اشوف صوب الميلس ياترى بشو تفكر يا يوسـف ..بشوه ؟!!
انفتح باب الغرفه ودشت اخت حصـه.. اسمها حور .. حلوه اسمائهم ..كلهم حرف الحاء ..( حصـه ..حمد ..حور ) حور الاصـغر .. ما ادري ليش احسها ما اطيقني ..احاول اكلمها بس هي مغروره وااايد .. حصـه غيـر ...يوسف ما عنده خوآت.. هو وفـهد بس .. طالعته وابتسمت .. لفت صوب حصـه وشعرها يتمايل وياها : تعالو غدا
طالعتها حصـه وقالت : يـلا الحين بننزل
نزلنا وتغدينا .. رن تلفوني : طلعي
هالكلمه الي سمعتها من يوسـف .. لبست عباتي بسرعه وطلعت .. ركبت السياره الجو هآدي ..سآكت..ويفكر .. قلبي ناغزني .. شو السالفه ؟!!



سآره



دخلنا المطعم .. التفت صوبي نور
: وين جاسم ..والبآقين ..؟!
قلت : مشغولين بس فيصـل
تاففت نور : حرام عليج هالانسان انا ما اطيـقه..لو حامد موجود يمكن .. كله مزح وسوالف ...واحسه اخوي
طالعتها .. محد اخو حد يا الهبله .. ابتسمت : يتريانا فيصـل .
رحنا صوبه .. المكان خاص .. والله انك هب هين يا فصيل ...طالعته ابتسم لي وقال ..
: نور بلاج متغير ويهج ؟
قالت برقـه : ما فيني شي ..
رن تلفوني هذا فـهد .. طالعت نور .. وقلت لها : برجع ..
طالعتني منصدمه تبا تقولي يلسي بس انا ما عطيتها مجآل .. ركبت سيارتي ورحت
وتركتها ويا فيصـل .. ابتسمت .. عادي تصيح نور ..ههههههههههههههههههههههههههههههههه
رديت : هلا فهود
قالي : متوله ..
قلت : بس انا مشغوله ..
تافف ..قلت : لا تيلس تنافخ
قال بصوت حنوون : فآرس تعبان
حسيت قلبي يحترق .. يحاتي ولده .. كان خآطري اصفعه كف على ويهه .. هذا الي ناقص يكلمني عن ولده بـعد..لازم اخليه ينسى عايلته .. بيته .. وزوجته وكل شي ..
قلت : فـهد .. لو كنت قربك الحين .. كنت بعضك ..
ضحك : ههههههههههههههههههههههههههههه ليش ؟؟
قلت : آغااااااااااااااااااار .. اغآآآآآآآآآآر عليك
قال : تحبيني .؟؟
قلت : هيه اموت فيك .. وانته ما تحس فيني ...



حصـه



شليت فارس وبطانيته في ايدي ..بعد مالبست عباتي وشيلتي عطيته امآيـه تمسكه لحد ما اشوف فهد بنروح والا لا .....شفت فـهد تحت المضله يسولف فالتلفون .. رحت صوبه .. وقفت... الا يبست مكاني وانا اسمع كلامه .. كلام ولا عمره سمعني اياه ..آدري انه ما يحبني ولا يطيقني .. بس يخوني ..ما توقعتها منه .. كنت بركض وبروح .. بس قلت لا .. انا ما سويت شي غلط .. هو الي لازم يستحي ..
قلت : فـهد
:
صـــدمـ،ـه ..
لحضـه سكوـوووت ..
تلآشـت كـل عوآآطـفي .. الا الألــــم...
احتضننـﮯ ..فـ سقطتُ بين يديـه بآآآكيـــــــــــــه ..~
:
نهآآيـه البآرت الثآنـﮯ ..
اتمنى انكم استمتعتم بالقرآآآءه ..
آآنتظر تعليقآتكم بفآرغ الصبـر ..
دمتم احبتـﮯ..~*
:
وجـه النهآر }~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-03-2010, 07:05 PM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
الافتراضي رد: هل يعود ؟! / الكاتبة : وجه النار


السلام

مشكوره على نقل الروايه الحلوه

ساره وايد كرهتها ودي احد يعطيها كف يعدلها
مادري اعتقد يمكن صارلها موقف غيرها مع اني اشك

اما فهد هذا حطوه تحت سياره ودوسا عليه لحد ما يموت وايد حيوان
يظن الناس كلها نفسه

حصه يا عيني على حصه كاسره خاطري لو تصير شوي قويه

مرسي في انتظارك

نار الانتقام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-03-2010, 07:18 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هل يعود ؟! / الكاتبة : وجه النار


••• ܓܨ•••
يسلموو ع التواجد
لاعدمت طلتك وتواجدتس العطر•


•وانا برضو بالبداية كرهت سارة وتصرفاتها واسلوبها مع امها المسكينة...مير بعدين مع الاجزاء بيوضح لتس السبب
وبترحمينها بالبارتات الجاية ^_^

وبرضوو فهد...هو يتصرف كذا بسبب ع انو مقهور وبعتقاده انهم غشووهـ..؟؟؟ ماراح احرق لك القصة هههه

مع الاجزاء بتعرفين الاجابة
فديتس

منورة




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-03-2010, 03:13 AM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هل يعود ؟! / الكاتبة : وجه النار


••• ܓܨ•••


اتمنى احصل تفااعل فديتكم

^__^

••• ܓܨ•••


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 14-03-2010, 03:42 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: هل يعود ؟! / الكاتبة : وجه النار


ياهلا وغلا


روعة الرواية ارجوك نزلي بارتين الحين اروجوك لاتكسرين باخطري بليزززززززززززز


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-03-2010, 03:43 AM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هل يعود ؟! / الكاتبة : وجه النار


••• ܓܨ•••


جاااك

ماطلبت شي
ابشششر بعزك

••• ܓܨ•••


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 14-03-2010, 03:45 AM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: هل يعود ؟! / الكاتبة : وجه النار


آشتآق اليها .. لذكريآآآتي معها .. لكل زآآآويه جمعتنا..
الا انها رحلت .. ولن تعود ...!!
:
آشتآق للمطـر .. فـ هي كـ عطآءه ..
امطرت على قلبي .. بمشآعر احتضنتنـﮯ بها ..
ولكنـﮯ فقدتها .. فهل تعود تلك المشآعـر ..؟!
:
البآرت الثآلث ..~
برحيلهـــآآآ رحــــــــلت}..
لف صوبي .. طالعني من فوق لتحت .. وكآنه يقولي ادري انج هنيه .. .. طالعته وخليت عمري ما سمعت شي : بنروح ؟
هز راسه ورد عطآني ظهره .. هزيت راسي ..لاحول ولا قوه الا بالله .. يارب صبـرني ...رجعت صوب امايه الي واقفه وماسكه فارس .. وقفت اطالع تحت النخلـه ورجعت الذاكره لايام اول ..
{
كنت يالسه اخلي مآنكير فوشي على اظآفـري ..ومركزه .. كنت لابسه بنطلون جينز .. وقميص بيج .. مر شهر على ملجتي انا وفـهد.. ما كان وااايد يمر بيتنا..لانه مشغول بدراسته .. رفعت راسي على صوت ريال
: السلام عليكم
شهقت.. وقلبي بغا يطلع من مكانه .. الله يغربل ابليسي حد يطلع بلا شيله .. ما رفعت راسي لحد ما سمعته يضحك .. شفته كان فـهد لابس كندوره بنيه وكآب وشعره طآلع من تحت الكاب .. استحيت .. نزل وقعد عدالي .. تقرب مني وقال : شحالج ؟!
قلت : بخيـر الحمد الله
مسك ايدي ويلس يطالع اظآفـري .. كنت ابا اسحب ايدي بس هو ما خلاني .. قال : شو تسوين ؟
تميت ساكته .. شو اسوي يعني ..سحـب ايدي صوب شفايفه وحبها .. شهقت انا بارتباك وقمت .. كنت ابا اهرب باي طريقه . مسكني من ايدي وقال : لا تعطيني ظهرج
خفت من نظراته .. ابتسم وقال : تعرفين يوم الملجه .. كنت ابا اسولف وياج .. بس النذل يوسف ..يدق على تلفوني .. وهذا حمد اخوج يدقدق الباب علينا .
ضحكت وانا اذكره يوم نرفز .. كنت خيفانه يومها .. قال : حصـه .. تحبيني ؟!
ابتسمت بدلع .. ورفعت عيني وشفت حمد ياي من بعيد ...قال : هاه قوليها ...
ضحكت واشرت على حمد الي يا صوبي وغمز .. : فـــــــــــــهــــــــــد
حسيت فـهد انصعق من صوت حمد .. طالعني وتقرب مني وهمس في اذني : دواج عندي
شهقت وانا اشوف حمد يسحب فـهد : بلاك شو تسوي ويا اختي ؟؟
قاله فـهد : ما عليه .. بعدك بتملج
ضحك : ههههههههههههههههه انا ما بخذ من الاهل ...
}
رجعت للواقع على صوت فـهد وهو يقولي .. : اترياج في السياره ..
:
كنت اشوفك شي ثآنـﮯ ..
شي غير بهالوجود..
شي غير لي كيآنـ..
وكسر قيود وحدود ..
:
كانت الكلمات مناسبه لحالتي .. كان فـهد في حياتي .. شي كبير .. وصآر ولا شي .. التفت له .. شموخ ملامحه يجذب اي وحده .. مشتاقه له .. ادري غبيه .. بس احس بوله غير طبيعي صوبـه .. بس كرامتي ما تسمح لي اعبر وهو يصدني .. بس لما اكتشفت انه يخوني .. حسيت بطعنه قويه في قلبـي .. احس ابا اصيح بس دموعي نشفت من كثـر البكآء .. رعشه ايدي مستمره .. مررت ايدي على خد فارس .. يشبهه وااايد .. ابا انزل من السياره .. ريحه عطره تتغلغل فيني تخليني ابا اخلي راسي على كتفه واصيح اشتكي منه .. وله هو .. سندت راسي على السيت بتعب .. خلاص ما اقدر استحمـل كل هذا منك يا فـهد ما اقدر ...
يوسـف
دخلت عليها الغرفه .. شفتها مبدله ملابسها ومنسدحه على الكرفآيـه وتفكر .. هذا حالها من ذيج الليله المشؤمـه .. احسها قربت تتخبل من التفكيـر .. حالتها صعبه وااايد .. تقربت ويلست على ركبتي جدامها.. قلت لها
: ممكن نتكلم ؟؟!
اعتدلت في يلستها .. كان شعرها مفتوح لكتفها ناعم مثـل الحرير .. مررت ايدي فيه .. خايف من رده فعلها تجاه الي بقوله ,, تقربت منها ويلست عدالها وانا احضن ايدها ...
قلت : مهره.. انتي تعرفين اني متشوق لصوت ياهل ..
امتلت عيونها دموع.. قلبي عورني ..
قلت : شيلي اللولب
قامت كانها لادغتنها حيه .. وقفت جدامي وهيه منهاره وتصيح وتصارخ :انته اكيد تخبلت.. تبا عيااااااااااااال بعد سالم .. شكلك نسيته ..
كانت تهرب مني تبا تودرني .. بس مسكتها من ذراعها وسحبتها صوبي اباها تهدى .. بس الي صار العكس .. ضربتني على صدري وشمختني وهيه تصارخ : اباااااااا سااااااااااااالم دخيلك رجعه لي يا يوسف حرام عليك حرااااااااااااااام انته السبب ...
خلاص انا الي تعبت .. صرخت : مهـــــــــــــــــــــــــــره
رفعت راسها وهيه تمسح دموعها .. طالعتني وشهقاتها مستمره.. ابتعدت عنها وطلعت .. ما اقدر اشوفها جيـه .. ولا اقدر اسمع كلامها .. طلعت من البيت ... واقرب مكان البحـر ..
سآره
كنت في سيارتي رآجعه صوب البيت .. بس خوفي على نور بدا يتزايد .. ما ادري شو الي خلاني اتصرف هالتصرف .. لازم ارجع .. غيرت طريجي ورجعت صوب المطعم ... الي اعرفه ان هذا مطعم ابو فيصل والمطعم شبه فاضي الا من العاملين وحتى لو حاول يسوي شي ..نور ضعيفه وااايد .. سرعت .. ولا عمري سقت بهالسـرعه .. فيصل نذل وانا عارفه هالشي .. وقفت عند المطعم ودخلت وانا اركض .. سمعت صوت صرآخ نور .. وقف قلبي .. الله يغربلني على الي سويته...دخلت وانا احس بتانيب الضميـر .. دخلت بسرعه .. شفت نور صاير ويها احمر .. وتصيـح وقامت حضنتني وفيصل متضايج من وجودي ..
قلت له : هيه انته شو سويت فيهااااااااااااااا ؟؟؟!!!!!!!
قال : ما سويت شي ..
نور كانت منهاره.. خفت انه تعدى حدوده .. رصيت عليها.. بخوف .. انا السبب .. انااا .. بعدتها عني ورحت له وقفت جدامه ..
قلت : اذا اذيتها بمحيك من على الارض .. سآآآآآآآآآآآآآآمع
ضحك : الي يسمعج ما يقول انج انتي الي مرتبه كل شي يا سااااااااره .. يا ربيعه نور ..
شهقت .. وانا اشوف نور اطالعني بصدمه .. ركضت بتطلع من المطعم .. ركضت وراها وانا اسمعه يضحك .. الله يغربلك ..
صارخت : نووووور نووووووور صبري دخيلج ..
اول مره احس بدموعي تبلل ويهي .. الا نور .. ربيعتي الوحيـده .... مستحيل تسامحني مستحيـل ..
فيصـل
يلست على الكرسي بتافف .. هذي وقتها تدخل .. الله يغربلج يا ساره .. من وين طلع فيج ضمير وتحسين.. رجعت للذاكره للخلف .. للحضات الي تقربت فيهن من نور .. بتخبل عليها .. دآخـله رآسـي ..
{
طالعتني بتوتر : وينها ساره تآخرت ؟؟
قلت لها وانا اطالع جسمها المنحوت .. وهيه تلف شيلتها على راسها .. وخصلات منه بانت بلونها الاشقـر .. الي يغريني .. هذا غير شفايفها وهيه تاكل بكل نعومه .. خاطري اتقرب منها .. وجسمها يكون لي .. ملكي .. ليله وحده .. بس
قمت من مكاني وانا تحت تآثيـر جمالها الي يذبحني من الوريد للوريـد.. طالعتني هيه مستغربه
وقالت ببرائـه : شبعت فيصـل ..؟!
هيه غير عن كل البنات .. لانها بريئه .. البنات غيرها يفرن عمارهن تحت ريلي من غير لا المح لهن .. وهيه تعبت من كثر ما اركض وراها ..
يلست عدالها .. طالعتني بخوف : فيه شي ؟!
قلت لها : هيه فيـه ... صوتج يذبحني .. عيونج .. خجلج .. تقربت منها وانا ماهامني الخوف في عيونها .. حضنت ايدها بايدي .. وخليت ايدي الثانيه على خصرها وقربتها منـي .. وهيه تقول لي : ودرني فيصل لا اصاآآآآآآآآآرخ .. ودرني ..
ما قدرت .. تقربت منها وهيه ترفسني.. بس هيه مهما كان ضعيفه ..ما قدرت اقاومها .. تقربت منها وما ابتعدت الا وهي تدفعني بقو .. مسحت بكل تقزز على شفايفها وقامت وهيه تصارخ والدموع بللت خدهآآآآ
: انته قليل ادب ..
وقفت .. بس انا شديتها من ايدها : انتي قد هالكلمه .. ؟!
صآحت ودخلت علينا ساره .. كنت بكمل مهمتي .. بس كله من ساره .. كله منها ..
الحقيـره .. بطلعه منها .. بس نور ما بتفلت من ايدي مهما سوت .. ما بتفلت ..
مهره
قعدت على الكرسي بعد ما ظهر يوسـف .. ما قادره اسيطر على عوآآطـفي ولا احساسي .. احس ان لـ يوسـف دخل بالي صآآر .. احسه هو السبب .. في جزء مني غاآآآضب عليه .. خاطري اقوله انته ما حميت ولدنا .. وفي نفس الوقت.. اشوف حالته .. اشفق عليه .. هو مستحملني ... قمت بسـرعه وفجيت باب غرفه سآلم .. وقعدت اشم ريحه ملابسه .. حبيبي .. بيرجع لي انا متآآكـده ... احس فيه .. تتوقعوني خبـله بس انا بتخبل اذا ما رجع ولدي .. صحت وانا اتذكره .. كيـف مشآآغب.. طول وقته وياي انا وعليا ... ما اخليه بروووحه .. عليا تحبـه ... محتايه لها .. محتايه اقولها الي فـي خآآطـري .. قعدت اشوف سريره .. انسدحت على الارض .. وقعدت اردد اغآآني الاطفآل الي كنت اغنيها لـه .. وما حسيت بعدها بـ شي ..



الرد باقتباس
إضافة رد

هل يعود ؟! / الكاتبة : وجه النهار ، كاملة

الوسوم
/الكاتبة , النار , يعني , هـــــــــل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM
التفاح صيدلية كاملة قائمة بذاتها *ريما* صحة - طب بديل - تغذية - أعشاب - ريجيم 4 12-09-2006 09:48 PM
اسماء ساعات النهار عند العرب ابوووو محمد مواضيع عامة - غرام 3 19-11-2005 11:53 PM

الساعة الآن +3: 09:53 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1