غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات إدارية - يُمنع طرح اقتراحات > ارشيف غرام
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-03-2010, 02:35 PM
اسطوره ! اسطوره ! غير متصل
©؛°¨غرامي ماسي ¨°؛©
 
قلوب(ن) في هوى الحب ذابت


السلام عليكم و رحمة الله و بركاته
هذي رواية لقيتها بمنتدى وعجبتني عنوانها وحبيت أنقلها هنا و إن شاء الله تعجبكم بس للأمانه ما أعرف إسم كاتبتها و هذى هي الرواية


نعيش في عالم لا نعرف ما الذي سيجله لنــا من ‏السعاده الدائمه الحب . الوفاء . الراحه . ‏الانسجام .. لهذا علاقـه بهذه الروايــه ...‏
كم من الرائع ان نعيش مشاعر الحب واجواءه ‏دون أي معوقات .. ولكــن زماننا يقلب سعادتنا ‏دائما ً الى حـزن واهــات ... هاهي روايتي ‏الاولى بين ايديكم لتعيشوا في اجوائها وتتأثروا ‏بمحتواها ‏
وهاهي تجربتي الاولى في عالم الكتابه قصه ‏من نســج الخيــال المختلط بالواقــع تحاكــي ‏واقعــي بشكل كبيــر ... فأرجو الا تخيبوا ظني ‏بكم في اهمالها ..‏
كما انني اتقبل النقد بكل شفافيه وكل ما ‏يجول في خاطركم اطرحوه فأنا لا اهمل أي ‏رأي يزيد من روعه القصه .. اليكم الروايه ‏فأرجو ان تقبلوها :..‏

‏ ‏
‏ --- الجزء الاول –‏-

العوائل والشخصيات ..‏

عائله ابو عبد الرحمن ( حمد ):‏
‏-‏ ابو عبد الرحمن ( حمد ) : رجل اعمال ‏شهير في الرياض دايم مشغول ومسافر ‏يعني بالعربي ما يقعد في الديره الا ما ‏ندر رجال طيب ما يقصر على عايلته ‏بشي واهم شي عنده سعادتهم ‏
‏-‏ ام عبد الرحمن ( سعاد ) : حرمه طيبه ‏واخلاقها عاليه ما تحب تزعل احد من ‏عيالها ولا تغلط على احد ومع انهم ‏اغنياء الا ان هالشي ما خلاها تتكبر ‏على الناس
‏-‏ عبد الرحمن : شاب خلوق وهادئ ‏عمره 26 ابيض جسمه رياضي ملامحه ‏جدية بس انه جذاب واهم شي عنده ‏رضى ابوه وامه وعازب يشتغل في ‏الشرقيه في شركه ارامكو ‏
‏-‏ تركي : شاب توه في مقتبل العمر راعي ‏كشتات وطلعات وجيات عمره 20 ‏وعيونه عسليه ما يشتغل ولا يدرس ابيض ‏ومرره وسيم جسمه حلو وطوله عادي له ‏غمازات وفيه شوية غرور بس احسن شي ‏انه مو راعي بنات يعني ما يعطيهم وجه ‏ابد ومع ان اخوياه عكسه ‏
‏-‏ ‏ وتجي اخر العنقود غرام : بنوته حلوه ‏وملامحها طفوليه بيضا وجسمها زي ‏عارضات الازياء شعرها لنص ظهرها لونه ‏بني ونااعم بنت طيبه وحبوبه وتدخل ‏القلب وحساسه لاتفه سبب عمرها 18 ‏سنه ثانويه عامه ‏

عائله ابو سعود ( احمد ) ‏
‏-‏ ام سعود ( مريم ) : حرمه تحب الطلعات ‏والجيات ولاهيه في العزايم بس مع ‏ذلك عيالها تحطهم فعيونها صحيح انها ‏قويه عين ما تسكت اذا احد غلط عليها ‏بس مع ذلك قلبها طيب واحيانا تشد ‏على عيالها بعد ما توفى زوجها ابو سعود ‏ووضعهم المادي ممتاز ..‏
‏-‏ يجي سعود : عمره 26 في عمر عبد ‏الرحمن يشتغل في شركه سابك ويحب ‏يعتمد على نفسه خصوصا بعد ما ابوه ‏ترك له مسؤوليه البيت شاب حنطي ‏البشره وجسمه حلو وهو مملوح واذا ‏ابتسم له غمازات حنون بمعنى الكلمه ‏وراح تشوفون باقي الشخصيه مع ‏الاحداث ..‏
‏-‏ بعده الجوري : بنت حلوة ودلوعه ‏حنطيه زي اخوها عمرها 18 سنه ‏شعرهاطويل واسود وناعم تحب ولد ‏عمها وهو ما يدري عنها وبنشوف نهايه ‏الحب هل بيستمر ولا لأ ‏
‏-‏ تجي اخر العنقود حلا : فعلا اسم على ‏مسمى بياض وجمال لا اله الا الله ‏عمرها 17 سنه بس مع اختها ثانويه ‏عامه داخله بدري شعرها لحد كتوفها ‏وهي عكس اختها تماما يعني حقانيه ‏ومغروره بس حبيبه وتدش القلب وما ‏تؤمن بشي اسمه الحب وتقول عن ‏اختها متخلفه لانها تحب ^_^‏

تجي اخر العوائل واكثرهم عيال عائله ابو يزيد
‏-‏ ابو يزيد ( سطام ) : رجل راعي تجاره ‏على قولته بس مدري وشهي رجل ‏عصبي وكلمته مسموعه حتى على ‏اخوانه جاد في كل شي واذا مزح ‏يكون اليوم عيد وشديد على عياله اما ‏البنات مدلعهم << يا حظهم خخخ‏
‏-‏ ام يزيد ( سلوى ) : اخذت العصبيه من ‏صفات زوجها حرمه ما تبي احد احسن ‏منها تبي تكون الافضل في كل شي ‏وسليطه اللسان بس هي تبي تعكس ‏شخصيتها يعني هي في الحقيقه عكس ‏كذا بس تمثل هالدور عشان محد ياخذ ‏حقها على قولتها وما ترتاح الا مع ام ‏سعود وعبد الرحمن ومع الاحداث ‏بتلاحظونها ..‏
‏-‏ عندها دلال : عكس امها تماما ما تحب ‏تأذي احد وفي حالها وجمالها عادي ‏عمرها 27 تشتغل مدرسه ومتزوجه ولد ‏خالها سعد وعندها وعد عمرها 2 ونص ‏وفهد عمره 5 سنوات وعايشين احلى ‏عيشه ..‏
‏-‏ بعدها يجي يزيد : عمره 20 خوي ‏تركي الروح بالروح وماخذ نفس اطباعه ‏الا انه راعي مغازل وبنات يلعب على ‏ذي ويواعد هذيك شاب وسيم ولا ‏شغله ولا مشغله بس عطوني فلوس ‏وهايت في الشوارع ماخذ البيت كنه ‏فندق ..‏
‏-‏ بعد تجي دلع : بنت حلوة وروماانسيه ‏وتتأثر بأي شي طيبه وحنونه ومتواضعه ‏وتحب الخير للجميع وهي وبنات ‏عمانها مرره خواات عمرها 19 سنه ‏ثانويه عامه بس متأخره وتحب ولد عمها ‏سعود ‏
‏-‏ بعدها ولـع : عمرها 17 سنه كبر حلا ‏بنت جمالها عادي بس انها جذابه ‏شعرها لحد كتوفها وناعم واخلاقها ‏كويسه مرجوجه لابعد حد ‏
‏-‏ ويجي بعدها زياد : عمره 15 سنه ومحد ‏كبره من العايله عشان كذا دايم اذا ‏اجتمعوا يقعد مع الرجاجيل لين صار ‏يعتمد عليه مرره حلو وابيضاني ‏

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


في بيت ابو سعود ..‏
دخل سعود البيت ولقى اخته الجوري ‏تتابع مسلسل وتصيح ‏
الجوري وتسمح دموعها ما انتبهت لسعود : ‏والله حرام عليك يالنذل تراها تحبك الله ‏لا يبارك فيك جعلها تشوف فيك يوم ‏
جا عندها سعود وهو يضحك : هههههه ‏الحين من جدك انتي .؟
الجوري ما ناظرته : اجل وش رايك تركها ‏عشان ذيك الشيفه وما تبيني اصيح ‏
سعود وهو قايم يهز راسه : هههه الحمد لله ‏والشكر بس ورقا لغرفته ‏
شوي ينفتح باب الشارع وتدخل حلا وهي ‏تغني : اجيه ويشكي ظروفه ولا شكيت من ‏خوفه كلامه ماهو عاجبني شكله شايفن ‏شوفه ..‏
راحت عند اختها : من جد ما يعرف نعمه ‏العقل الا المجانين ‏
الجوري معصبه : يالله انقلعي عني انتي ‏المجنونه ‏
حلا تناظرها وتضحك : اهل العقول ‏فراحه
وراحت تركض غرفتها لان الجوري قامت ‏بتضربها ...‏

الجوري : والله لا اوريك خليك تجين مره ‏ثانيه (بصوت عالي) تخرررربين علي ‏المسلسل .. وقعدت تكمل ..‏

في بيت ابو عبد الرحمن ‏

ام عبد الرحمن تكلم ام يزيد :يالله عاد ‏وش رايك والله بيطلع وناسه ‏
ام يزيد : امم والله مدري احس اني ‏ابطفش ‏
ام عبد الرحمن : وش تطفشين منه انا ‏الحين بكلم ام سعود وبتوافق بالعكس ‏البنات والعيال بيستانسون واذا الرجاجيل ‏ما بيجون براحتهم ‏
ام يزيد بتفكير : طيب و اذا عيا علي ابو ‏يزيد ‏
ام عبد الرحمن : لا ما راح يعيي اذا عرف ‏اننا كلنا مع بعض المهم ردي علي بدري ‏عشان اخلي ولدي يشوف لنا استراحه قبل ‏الخميس
ام يزيد : على خير ان شاء انا بكلم ابو ‏يزيد الليله وان شاء الله خير ‏
ام عبد الرحمن : خلاص ورديلي خبر ‏يالله في امان الله .‏
ام يزيد : ان شاء الله يالله مع السلامه ‏وسكرو ..‏

ـــــــــــــــــــــــــــــــ

نطت ولع عند امها : هااااي مااامي
جات دلع : هلا يمه شلونك ‏
ام يزيد : وجع ان شاء الله كذا الواحد ‏يسلم طيحتي قلبي روحي تعلمي من ‏اختك ‏
ولع تسوي نفسها زعلانه : طيب خلاص ما ‏رح اسلم عليك ‏
دلع تضحك : يااشين زعلك زي خشتك ‏
ولع : يمه شوفيها خليها تسكت
دلع : منيب ... ولع : غصب عنك ‏
دلع : منيب .. ولع : الا ‏
ام يزيد طفشت منهم وقامت : الله يكبر ‏عقولكم بس وطلعت غرفتها ‏

دلع وولع ضحكوا : ههههههههههههه ‏
ولع :ياهي شي وهي معصبه ‏

وطلعـــوا لغرفهـــم ‏في بيت ابو عبد الرحمن ‏

تركي في الصاله يتفرج على ‏tv ‎‏ دخلت ‏عليه غرام : اوووهووو غريبه الشمس من ‏وين طالعه اليوم ‏
تركي ناظرها نظره يعني اسكتي ‏
غرام : وانا اقوول الصاله منووره ليش اثر ‏ترووكي فيها ‏
تركي ابتسم : يا حليلك دايم تكبرين ‏راسي ..‏
غرام تجي لمه : وش اسوي حكم الاوي ‏
تركي : ورا ما تضفين وجهك وتطلعين ‏غرفتك ‏
غرام وهي تقوم : اعووذ بالله هذا سلامك ‏ارقا احسن من اني اتهزء ‏

شوي الا يدق تلفون الصاله بعد اصرار ‏المتصل على الاتصاال
تركي : اووووف وش ذا القلق في الظهريه ‏ويزعجون العالم راح لعند التلفون ورد ‏
تركي : الو ... حلا مستغربه : نعم ‏
تركي بقهر : وش نعم وش تبين انتي
حلا عصبت : طيب ياخي اعصابك لا يطق ‏فيك عرق ‏
تركي مستغرب منها : بعد تدقين على ‏الناس وتنافخين عليهم ‏
حلا : والله اللي ما يحترم الناس الناس ما ‏يحترموه وسكرت السماعه ‏

تركي يناظر السماعه مستغرب ومقهور : ‏الحين ذي داقه تعطيني درس في ‏الاحترام وراح يكمل المسلسل ‏

ـــــــــــــــــــ
اما عند حلا مرره مقهوره لانها تدق على ‏جوال غرام ولا ترد : وجع الحين ذي ‏وين طاسه ومن ذا اللي رد علي اكيد ‏اخوها الخبل امممم والله مدري خلني ‏اجرب حظي ..‏
ورجعت تدق ثاني ثواني ويرد تركي ‏
تركي : لك وجه تدقين مره ثانيه ‏
حلا بقهر بس مسكت اعصابها : وين غرام
تركي استحى : اوه اسف احسبك ‏تستهبلين ..‏
حلا ( ومن متى المعرفه ) : طيب عطني ‏غرام ..‏
تركي : مين اقولها ..؟ حلا : قولها وحده ‏
تركي : ادري انك وحده اجل ثنتين ‏طيب وش اسمك ..؟
حلا فقت خشتها : قولها بنت عمهااا ‏وخلاص تراك طفشتني ‏
تركي يهلي : يا هلا ببنت العم ما عرفتيني ‏
‏ حلا تبي تقهره : وهل يخفى الخبل ‏عطني غرام وخلصني ‏
تركي انقهر : انتظري وراح ينادي على ‏غرام ..‏

تركي : غراااااااااااام غرااااااااام ووجعه ‏تعالي بسرعه ‏
غرام خافت : ها نعم خير وش صاير ..؟
تركي : روحي كلمي ام لسانين على ‏التلفون ‏
غرام رافعه حاجب : ام لسانين .؟
تركي بقله صبر : ايه بنت عمك المصون ‏روحي يالله وراح وخلاها ..‏

غرام تركض للسماعه : الوو
حلا : لا عسا ما صباح خير
غرام ببرود : وش فيك معصبه ..؟
حلا انقهرت منها : من سنه وانا ادق على ‏جوالك اللي مطلعته زينه ولا تردين ويجي ‏اخوك ويرفعلي ضغطي وتقولين وش فيك ‏معصبه .. غرام تضحك : ههههه ااخر مررره ‏المهم اخبارك .. ,, وكملوا سواليفهم ..‏
ــــــــــــــــــــ

ابو يزيد : ومتى بتروحون ..؟
ام يزيد : والله اذا وافقت بنروح الخميس ‏هذا تعرف العيال يبون يغيرون جو ومره ‏وحده تجتمع العايله مع بعض قبل ما ‏تنشغلون انتو بعد ‏
ابو يزيد : طيب انا ما عندي مشكله بشوف ‏اخوي ولازم يجون امي وابوي ‏
ام يزيد : ايه خلاص انت شوف ابو عبد ‏الرحمن وانا بكلم ام سعود وام عبد ‏الرحمن وان شاء الله خير ‏
ابو يزيد : يصير خير ‏
طلعت ام يزيد تكلم ام سعود ‏
ام سعود : يا هلا والله وغلا ‏
ام يزيد : يا هلا فيك كيفك وكيف العيال
ام سعود : والله الحمد لله بخير انتي وش ‏مسويه وين الناس
ام يزيد : والله انشغلنا شوي الا ابقولك ام ‏سعود ‏
ام سعود : خير ان شاء الله ‏
ام يزيد : كل الخير بس نبي نجمتع كلنا ‏مع بعض مثل اول تعرفين لنا فتره ما شفنا ‏بعض ولا رجاجيلنا قعدوا مع بعض فقلنا ‏نبي نستأجر استراحه هالخميس ونوسع ‏صدورنا وبنياتنا المساكين يستانسون مع ‏بعض ‏
ام سعود : والله انا ما عندي مانع انتواا ‏عزموا وحنا مستعدين والله اذا علمت ‏البنات بيستانسون ‏
ام يزيد : على خير ان شاء الله ..‏
ــــــــــــــــــــــــــــــــــــــــــــ

واتفقت العايله انهم يروحون الاستراحه ‏يوم الخميس وحجزوها كانت في ‏المزاحميه استراحه مره كبيره وحلووه ‏
وكلن مشغول بالتجهيز والترتيب ‏

ـــــــــــــــــــــــــــــــــــــ
ولع راحت عند اختها : دلع دلعلع سمعتي ‏اخر خبر ..؟
دلع : دلعلع بعينك خربتي اسمي لا ما ‏سمعته ولا ابي اسمعه ومره ثانيه استأذني ‏قبل تدخلين والحين ضفي وجهك ‏وانقلعي ‏
ولع وهي رايحه : بكيفك بس كنت ‏بقولك اننا بنروح الاستراحه كل العايله ‏الكريمه ويمكن تشوفين حبيب الالب ‏سعود ‏
دلع من سمعت طاريه طارت عند اختها : ‏والله جد ولع تتكلمين جد ‏
ولع : لا وين اللي تو تهزئني وبعدين انا ما ‏امزح معك في هالامور فأكيد اتكلم جد
دلع تبوس اختها : انتي احسن وحده ‏والله احبك ‏
ولع تمسح خدودها : خلاص بللتيني بس ‏كنت بقولك وش رايك نطلع بنيو لوك ‏جديد << وهي شاقه الحلق‏
دلع بتفكير : امممم والله فكره يمكن ‏يشوفني سعود
ولع وهي طالعه : هذا اللي هامك يالله انا ‏بروح اكلم بنت عموو واتفق معها احسن ‏من مقابل هالخشه ورااحت لغرفتها ‏
وخلت دلع غاارقه فأحلامها الورديه...‏

ــــــــــــــــــــــــــــــــــــــــــــ
اليوم كان اربعاء والكل يفكر بطلعه بكرا ‏ويخطط لها وبالاخص البنوتاات ‏

اما في شارع التحليه وعند صدى التحليه ‏بالتحديد ..‏
يزيد : والله شفتلكم وحده اووووف انما ‏ايه صاااروووخ ‏
فيصل : احلف .. اهم شي تكون صدتها
يزيد : افا عليك انا تفوتني هالصيده
تركي لاهي عنهم ويطقطق بالجوال ‏
محمد : والله انكم حوموتوا كبودنا ‏بهالبنات كل يوم والثاني بنت يعني ما ‏مليتوا
تركي اخيرا تكلم : والله انه صادق اذا انا ‏اللي بس اسمع طفشت اجل كيف انتوا
يزيد : انتوا ناااس معقـ .. قطع كلامه صوت ‏جواله رد وهو يبتسم : هلا وغلا بالزين كله ‏هلا بشيخه البنات ‏
سحر بخجل : هذا كله لي ..‏
يزيد : اكيد لو ما قلته لك بقوله لمين ‏
تركي ومحمد فاقين خششهم عليه اسلوب ‏يطيح الولد ابن اللذينا ‏
اما فيصل قاعد يضحك عليه ‏
سحر : تسلملي حبيبي انت وينك فيه ‏الحين ‏
يزيد : يوووه وش قلتي عيدي ما سمعت ‏
سحر : قلت وينك فيه الحين ..؟
يزيد : لا اللي قبلها ما سمعتها زين
سحر بغنج زايد : يزييييييد لا تحرجني
يزيد : اموووت انا على اسمي يا حلاته من ‏لسانك .. بس لا تصرفين عيديها
سحر مستحيه : قلت تسلملي حبيبي ‏
يزيد : الله يا زينها من كلمه انا حبيبك ‏وقام يستهبل ياانااس انا حبيب سحوورتي ‏
سحر بخجل : اووص يزيد بلا فضايح
يزيد : خل العالم كلها تعرف اني حبيبك ‏
شوي اللي جاله خط ثاني ‏
يزيد : سحورتي حياتي لحظه شوي
سحر : خذ راحتك ‏
الخط الثاني : الو ‏
يزيد : هلا بالحلا كله هلا باللي من اسمع ‏صوتها يرجف قلبي من حلاه ‏
ساره : الله يا زين حكيك يرد فيني الروح
يزيد انتي اللي صوتك يرد الروح اخبارك ‏عمري ..‏
ساره : من سمعت صوتك وانا بخير ‏
يزيد وهو يسولف ولاهي عنهم ..‏
تركي : والله مدري متى بيعقل هالادمي ‏
فيصل : اذا حجت البقره على قرونها ‏
محمد : وانت مثله لا تنسى نفسك ‏
فيصل : على الاقل انا جرعه وحده باليوم ‏مو زي يزيد ثلاث اربع جرعات باليوم
تركي : اوووص اووص لا تفضحنا الحين ‏الناس يحسبونكم تتعاطون شي ‏
محمد : هههههههههه الله يرجك صدقت
شوي الا يدق جوال تركي ‏
وطلعت اخته طبعا هو متعود يدلعها ‏ويكلمها كلام حلو رد : يا هلا بالغاليه
غرام : هلا تروكي كيفك ‏
تركي : الحين انا بخير تصدقين وحشتيني
غرام : ههههههههه لو كنت قدامك كان ‏رفستني لغرفتي ..‏
تركي : هههههههه ايه بس اذا كنتي بعيده ‏عني اشتاقلك كم غرروومه عندي انا ‏
محمد وفيصل يناظرون بعض ومستغربين ‏من تركي على بالهم يكلم وحده تعرف ‏عليها ..‏
غرام : تروكي انت بتجي معنا بكرا ‏الاستراحه ..؟
تركي : اكيد الطلعه ما تتفوت فبكون اول ‏واحد الكل بيروح صح ‏
غرام : أي ان شاء الله يالله تروكي انا ‏بسكر الحين تبي شي ..؟
تركي : لا سلامت قلبك انتي اذا تبين ‏شي كلميني
خلص يزيد من مكالماته وجلس : وش فيه ‏ذا يكلم مين .؟
محمد : علمي علمك بس الظاهر انكم ‏عديتوه ..‏
فيصل : من جد طاااح من عيني
يزيد : هههههههه لا تتسرع انا اعرف يكلم ‏مين ..‏
محمد وفيصل برجه : ميــن ‏
يزيد ناظرهم بنص عين : مالكم دخــل .‏
سكر تركي وقعد يناظرهم مستغرب : وش ‏فيكم ..‏
يزيد يضحك : هههههههه مستغربين يقولون ‏تكلم مين ..‏
محمد : من جد متى تعرفت عليها ‏
فيصل : ولا تقولنا هذا وحنا ربعك ‏
تركي استغرب : وش فيكم كنت اكلم ‏
يزيــد بسررعه : بنت عموو يعني اخته
محمد وفيصل : من جدك تكلمها كذا كنها ‏حبيبتك ‏
تركي : طيب وهي حبيبتي وين المشكله ‏
يزيد : لا تستغربون رح تتعودون اخته ‏الوحيده لازم يدلعه

نهاية الجزء الأول

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-03-2010, 02:37 PM
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: قلوب(ن) في هوى الحب ذابت للكاتبة منولة العسولة لمني في محجر عينيك سابقا


... الجـــزء الثـانــي ...‏
‏ ‏
اليوم الخميس الساعه 2 ونص الظهر البنات ‏كلهم قايمين ومرتبشات وكل شوي وحده تدق ‏على الثانيه وكل من ام عبد الرحمن وام سعود ‏وام يزيد مشغولين في المطبخ ‏
اما العيال مو جايبين خبر عادي عندهم ‏
ـــــــــــــــــــــــــــــــــــــــــــ
حلا : ايه ولع تكفين وش البس معها الاحمر ولا ‏الزهر
ولع وهي تاكل : بكيفك اللي يعجبك ‏
حلا : يووووه ما لقيت الا انتي عطيني دلع ‏
ولع : دلوووعه تعالي خذي بنت عمك ‏
جات دلع : هلا بحلا خير وش عندك ‏
حلا : مااش الاخلاق خربانه المهم وش البس ‏الاحمر ولا الزهر مع البــدي هذااك ‏
دلع : اممم انا اقو ل الاحمر بيطلع عليك يهبل ‏بس شوفي اللبس المناسب لك لازم تكشخين ‏يمكن احد عيال عمك يطيح فغرامك ‏
حلا : صدق وحده فااضيه لا غرام ولا الجوري ‏حتى يالله ضفي وجهك باي ‏
دلع : مو منك من اللي يعطيك رأيه يالله باي
وعلى الساااعه 3 العصر الكل رااح يجهز لانهم ‏بيحركون على الاستراحه الساعه 5 علبال ما ‏يوصلون وعلبال ما يوقفون عند المحطه ‏وحوستهم ‏

كل وحده من البنات راحت تتسبح وتتجهز ‏بالنسبه لغرام لبست تنوره لتحت الركبه بشوي ‏لونها اسود ولبست بدي سيور ابيض وعليها ‏اكسسوريز ورفعت شعرها بطريقه عشوائيه ‏بحيث الباقي نازل على ظهرها وجعدته ونزلت ‏خصل وحطت ميك اب خفيف ولبست بوت ‏اسود كعب عالي ابيض طلعت مررره تهبل ....‏

اما عند دلع وولع .. دلع لبست بعد تنورة ‏قصيره لونها فيروزي ولها حزام عريض ذهبي ‏يلمع ولبست بدي بدرجات الفيروزي وعلى ‏الرقبه ويطلع البدي ضيق من عند الخصر ‏ومنكوت من النص وكت وحطت فيدها من ‏فوق اسوره ذهبيه تلمع ولبست اكسسوريز ‏ذهبي وكعب فيروزي عليه لمعه ذهبي وخلت ‏شعرها سايح على جنب وحطت طوق فخم ‏ذهبي وطلعت رووعه ‏
اما اختها ولع لبست برمودا لو ويست ذهبي ‏وفيه خيوط متدليه وعليه بدي احمر حرير ‏مفصل جسمها طبعا سيور واكسسوريز ذهبي ‏ولبست صندل احمر << ما تحب الكعب . اما ‏شعرها فلأنه قصير سوته قرنين بطريقه مبهذله ‏مع الغره طلعت حلووة وجذابه ‏
ــــــــــــــــــــــــــــــــــــــــــــــــــ ـ
نروح في بيت ابو سعود عند الجوري وحلا ‏
الجوري لبست تنورة قصيره حمرا منتفشه من ‏تحت وبدي اسود حرير ينربط كله من ورا ‏ويبان شوي من ظهرها ولبست اكسسورز حمرا ‏وبوت اسود ‏
وشعرها رفعته لبست طوق احمر ونفخه والباقي ‏كله سايح ومسويته بيرم صارت اكثر حلاوة ‏
اما حلا فحتارت وش تلبس يوم شافت اختها ‏لابسه الاحمر ما تبي تكون زي احد فحبت ‏تكون غير عن الكل لبست فستان حرير اسوود ‏لحد الركبه وسيقانها طالعه طريقه الفستان من ‏ورا حبال حطت بدالها شرايط فضي لميع طبعا ‏الفستان مافيه كتوف اخذت معها زي الجاكيت ‏شفاف وبلمعه عشان تلبسه لا راحت هناك ‏وعندها تاج صغير فضي لبسته بعد ما جعدت ‏شعرها القصير وطلعت ملاااك بخت شعرها ‏بخاخ لمعه ولبست اكسسورز فضي وكعب فضي ‏وقرت على نفسها << موسوسه خخخخخ‏

ــــــــــــــــــــــــــــــــــــــــــــ

على بال ماخلص الجميع كانت الساعه 4 ونص ‏
‏ طلعوا بيت ابو سعود اول ناس لانهم اتفقوا ‏يوقفون عند محطه معينه عشان يكملون بعدين ‏سوا ‏
وبعدين بيت ابو عبد الرحمن اما في بيت ابو ‏يزيد ‏
ولع تركض لاختها : وين شنطتي اللي عطيتك ‏هي ذاك اليوم ‏
وزياد يصرخ عليهم : يالله يا بناات ترى يزيد ‏بيروح وابوي معصب بسرعه
دلع : ايه طيب لحظة تعالى اشوفها اووف منك ‏انتي ما تجين الا في الوقت الضايع ‏
زياد : دلووعه دلال ما رح تجي ‏
دلع : الا اتوقع تجي مووب وقتك يالله رح ‏للسياره ‏
وخذوا اغراضهم وراحوا زياد مع امه وابوه ‏ويزيد خذ البنات وراح ‏
في سياره سعوود ...‏
سعود : ها بنات اشوفكم مستانين ‏
حلا : اكيد بنستانس من زمان ما شفنا بنات ‏عمي
ام سعود : ههههه وهي الصادقه خلهم يوسعون ‏صدورهم ..‏
الجوري : ايه والله نوسعها وبس
حلا : عند أي خيــاط ههههه‏
‏ سعود : ورا ما تنقطينا بسكوتك ... ‏
ــــــــــ
اما عند يزيد ... ولع : شغله الحين
يزيد : يا سلام قومي طقيني احسن ‏
دلع : يزيد شغله خلها تسكت تراها غثتني ‏
شغل يزيد المسجل على اغنيه سواها قلبي ‏
ولع تغني : سواها قلبي يا حبيبي وحبك مـا ..‏
يقاطعها يزيد : الحين بتسكتين ولا اسكر ‏المسجل ‏
ولع بصوت واطي : اعوذ بالله .. خلاص سكتنا ‏

وبعد مرور سااعه ونص الكل كان عند المحطه ‏اللي عبا بنزين واللي نزل البقاله ...عند سعود ‏حلا تصاصر اختها : وش رايك نروح عند يزيد ‏
الجوري وقلبها بدا يدق : ها لا لا خلنا هنا ‏احسن ‏
حلا : يا خبله عشان تشوفيه تاخذين راحتك ‏
الجوري : سعود بيعيي بعدين مين بيقعد في ‏السياره
‏ حلا : لا ما بيعيي انا بروح مع غرام وباخذ ولع ‏وانتي مع دلع ‏
الجوري : طيب كلميه وشوفي ‏
وكلمت حلا اخوها ووافق بعد وشو وكلموا ‏البنات بعض نزلت حلا من السياره هي واختها ‏ونزلت ولع من عند اخوها وسلموا على بعض ‏
دلع : يالله بتجين عندي ادري انو مو عشااني ‏وهي تلوي بوزها ‏
الجوري : بالله عليك وش ابي فييك ‏
راحوا حلا وولع سياره تركي مع الجوري ‏
مع العلم كانت خمس سيارات سياره تركي ‏ويزيد وابوه وابو تركي وسعود ‏
عند يزيد ركبت الجوري وهي مستحيه ‏
دلع : هيه انتي ما في احد بالسياره ليش الحيا ‏
الجوري : اوه الحمد لله احسبه موجود ‏
دلع : بالله عليك خلك ساكته ابي اشوفه وش ‏يقول ‏
الجوري : اووكي ‏
اما في سيااره تركي ركبت ولع : السلااااااام ‏عليكم ‏
غرام وتركي : وعليكم السلام والرحمه ‏
ودخلت حلا : هااااي ع الجميع ‏
غرام : اسمها السلام عليكم مو هاااي
حلا : وش اسوي اذا لساني ما نطقها مو بكيفي
تركي : وعليكم الهااي وحرك تركي سيارته لان ‏الباقيين تحركوا ...‏
حلا تصاصر ولع : ودي اذبحه ما اطيقه ‏هالادمي
ولع : ايه والله وانتي الصادقه يا مصله مصلاااه ‏
تركي : اخباركم بنات وش مسوين مع المدرسه ‏
ولع : تمام عال العال .. غرام: وانتي حلاو وش ‏مسويه ..‏
حلا بقهر : اولا اسمي حلا موب حلاو ثانيا ‏المدرسه انتي اخبر نحمدوو
تركي ( ياهي مغروره ) : نحمدوو يالمصريه ‏
حلا : انا كلمت غرام ما كلمتك يعني لا ‏تحاكيني ‏
تركي بنفس الاسلوب: وانا اكلم غرام ما ‏اكلمك يعني اسكتي ولا تحاكيني وتراك ‏فسيارتي يعني لو ابي ‏
حلا تقاطعه : ايه وش بتسوي مستر ولد عمي ‏
تركي ( الله يرجها ): وش بسوي بقولك ضفي ‏وجهك ‏
حلا بقهر : طيب وقفني هنا وانا بنزل من غير ‏ما تقول لان سيارتك تجيب الغلقه اذا محد ‏قالك
تركي : تدرين ان لسانك طويل ويبيله احد ‏يقصه لك ‏
حلا ارتفع ضغطها : انت الل ..‏
قاطعتها غرام : خلااص استهدوا بالله اسكتوا ‏طفشتونا
ولع : وهي الصادقه تتهاوشون كنكم بزارين ‏
سكتوا كلهم وعم السياره الهدوء ‏

اما عند يزيد ... دلع : ما شريت شي يسلي ‏
يزيد : الا الكيس مليان ولا تبين شي ثاني ‏
دلع : اممم ما اقول لا ‏
يزيد : بعد والله طرار ويتشرط اقول هذي ‏وتخب عليك بعد ‏
الجوري ودها تضحك بس ماسكه نفسها
يزيد يكلم دلع : الا وش فيها ولاعه ساكته ولا ‏الاط اكل لسانها ‏
دلع : مدري عنها الظاهر انها نايمه ‏
يزيد : نايمه هذي تنوم في السيارة ولا عمرها ‏سوتها ‏
ويكلم الجوري : ها ولاعه غريبه ما رديتي علي ‏
دلع : ولع مع تركي فسيارته ‏
يزيد مستغرب : اما ولا تقولي التبنه اجل من ‏هذي ‏
دلع : من بتكون اكيد بنت عمك ‏
يزيد يناظر الجوري من المرايه : يا هلا والله ‏بنت العم اخبارك ‏
الجوري بصوت يالله ينسمع : الحمد لله ‏
يزيد : وش دعوى عااد ارفعي صوتك تراني ‏منيب اسمع زين ..‏
الجوري : الحمد لله بخير .. و و وش اخبارك ‏انت ‏
يزيد : تمامو عاال العاال ‏
يزيد : امممم الا أي وحده من بنات العم ‏
دلع : بما انك ما تعرف بنات عمك فما رح ‏تعرفها
يزيد : انتي اسكتي محد حاكاك ويرجع يكلم ‏الجوري : ما قلتيلي ‏
الجوري : ا ا انا بنت عمك احمد ‏
يزيد : ايوه اكيد انتي جواري صح ‏
الجوري ذاابت ( ويدلعني بعد ) : ايه انا ‏الجوري ‏

اما في باقي السيارات فكانت هدووء سعود ‏يسولف مع امه لين غفت ... ابو عبد الرحمن ‏مع زوجته وتصبله القهوه وحااله وكل شوي ‏يدق جواله الله يالبزنس هع .. اما عند ابو يزيد ‏
زياد : يبه بيجوون ناس وااجد ‏
ام يزيد : وانت وش عليك بتحطهم فوق راسك
ابو يزيد يضحك : ههههههههه ايه يبه بيجون ‏ناس وااجد ليش تسأل
زياد بطفش : اووف اجل الله يعيني حتى فهد ‏الغثه بيجي
ام يزيد : انت وش تبي منه بيقعد فوق راسك ‏
زياد : لا بس بينشب لــي ذا البزر
ابو يزيد: انت خاله خلك قدووة له خلك ‏رجاال
زياد ينتفخ : لوو منيب رجال كان ما صبيت ‏القهوة ‏
ضحكوا عليه امه وابوه لانه هو اللي يضيف ‏الرجاجيل يعني سنع من جد ..‏
اما فسياره تركي حااله ثاانيه ‏
ولع : لا ميب حلوة ذي الاغنيه صدق ما عندك ‏ذوق
غرام : اقول طسي بس والله كلماتها مرره ‏روماانسيه اسمعيها انتي وشوفي ‏
حلا : ياااااي جاتكم الثانيه قال ايش رومانسيه ‏اقول لا انتي ولا هي انا اللي بختار ‏
غرام وولع : وشووو ضفي وجهك بس ‏
تركي بطفش : يا جماعه الخير خلاص لا انتي ‏ولا هي انا بحط اغنيه على مزااجي اسكتوا ‏انتوا بس ‏
شغل تركي المسجل وحط اغنيه عزاه لراشد ‏الفارس لانه يحبها ..‏
حلا استانست وبرجه : ايواا هذاا الذووق ولا ‏بلااش انت اكووس شخص والله ‏
كلهم ضحكوا على الكلمه اللي قالتها ‏
تركي : اجل اعجبتك ..؟ ‏
‏ غرام : اكيد هذي من اغانيها المفضله ‏
ولع : اجل اتلم المتعوس على خايب الرجا ‏‏<<( مثل مصري ) ‏
حلا ناظرتها نظره .. ولع : خلاص سكتنا اعوذ ‏بالله ‏
ـــــــــــــــــــــــــــــــ

وعلى الساعه 7 ونص وصلوا للاستراحه نزلوا ‏البنات والحريم وراحوا الشغالات يجيبون ‏الاغراض ‏
والرجاجيل في بيت الشعر ومعهم العيال ‏
عند الحريم يسلمون على بعض وحالتهم حاله
والبنات خذولهم غرفه مستقله كبيره شوي ‏
الجوري : هااا ابفصخ عبايتي والكل يغمض ‏
ولع : الحكايه بالدور ورا ما نفصخ مع بعض ‏اصرف
غرام : ايه جبتيها احسن شي ‏
وبالفعل فصخوا عباياتهم وكل وحده مبهوره ‏بالثانيه
دلع : واااااو ماشاء الله تجننين يا حلا وانتي ‏يالجوري ماشاء الله عيني عليكم باارده
حلا : ادري اني اجنن شوفوا غراام انتم ماشاء ‏الله ‏
الجوري : تسلمين وولع اووهووو تطورات والله ‏وصرنا حلوين بعد ‏
ولع : عاالم فااضيه وجات بتطلع
غراام : على وين ياا حلو
ولع تستهبل: ابروح اتلزق عند اميمتس يمكن ‏تخطبلي واحد من اخوانك ‏
كلهم ضحكوا عليهااا ‏
راحوا البنات عند الحريم اول ما دخلوا
ام سعود تناظر دلع : ماشاء الله لا اله الا الله ‏عيني عليك بارده طالعه قمر ‏
وام يزيد : ايه والله ماشاء الله عليهم حلوين ‏
ام عبد الرحمن بإعجاب : اقروا على نفسكم يا ‏بنياتي عن العين ‏
البنات يضحكون عليهم وراحوا يتمشون في ‏الحوش .. الاستراحه كانت كبيره جدا جدا ‏وفيها مزرعه يعني اللي ما يدل يضيع فيها طلعوا ‏البنات وكان فيه زي الحديقه فيها مراجيح ‏وكذا قعدو في الارض على العشب يسولفون ‏
حلا : وش ذا علبالكم الحين كبار وقاعدين يالله ‏قوموا نلعب ‏
ولع : وانتي الصادقه يالله قمنا ‏
‏ غرام : والله انكم بزارين ‏
الجوري : الشرهه على اللي يدخلكم مدرسه ‏بدري ولا انتوا وجيه ثالث لا ومعنا بعد ‏
دلع : اااخ بس صاروا يقارنونا مع بزارين ‏
حلا : يا شينكم لا تفلسفتوا وراحت هي وولع ‏يتمرجون ..‏
اما في الخيمه ابو عبد الرحمن : يااا تركي رح ‏جيب القهوه ‏
تركي يتمنذل : يبه هذاهو زياد حالف انه ‏يجيبها
زياد لف عليه بقووه وطير عيونه: انــا ما قلتا ‏عمي تراه ينصب عليك
ابو يزيــد : قم يا زياد انت احسن منه قم الله ‏يوفقك
انقهر زيااد وقام يتوعد تركي وهو يضحك عليه ‏‏: على امرك يبــه
سعود بنذاله : زيااد تعاال اجلس هذاهو تركي ‏بيقووم يقولك استريح استانس زياد وجلس اما ‏تركي قام غصب عنــه لانه ابوه وعمه يسمعون ‏خاف لا يهزؤونه بعد هو الكبير
اما يزيد جاله اتصال واستأذن منهم ‏
ــــــــــــــــــــــــــــ
‏ عند البنات حلا وقفت : بناااات من يقوم معي ‏
ولع : على وين سرى الليل ‏
حلا بابتسامه : ابروووح اسوي استكشاف ‏
البنات كل وحده : روحي لحالك .. ما عفنا ‏اعمارنا .. اللي يسمعتس تدلين الاستراحه
حلا لفت على ولع : وانتي بتجين ‏
ولع : مع السلامه والالب داعيلك ‏
راحت حلا تتمشى تحب المغامرة والاستكشاف ‏راح تلف لحالها مشت مساافه كان فيه انوار ‏بس خافته شوي الا تسمع احد يتكلم ‏
يزيد : قلتلك يا عمري بعدين الحين مقدر
سحر بزعل : طيب خلاص بعدين ‏
يزيد : لا ما اتفقنا على كذا اذا بتزعلين ماراح ‏اسكر لين ترضين ‏

حلا تسمـع وهي متفاجئه معقوله هذا واحد من ‏عيال عمي خلني اشوف مين ‏
مشت حلا لين صار ما بينها وبينه الا شجره هو ‏كان وراها ومع الخرفشه سمع يزيد ‏
يزيد : اقول عمري اكلمك بعدين الظاهر ان ‏احد جا .. وسكر منها حلا حست انه بيسكر ‏فقالت انفذ بجلدي وجات بترووح الا تسمع ‏صوته : على وين
حلا خاافت : ا ا ابب ابروح للبنات عن اذنك ‏
يزيد : اول اعرف من انتي وراح تقدم لها
حلا كانت منزله راسها وخايفه جا يزيد وقف ‏قدامها
حلا رفعت راسها وناظرته ‏
يزيد ذاااب وش ذا الحلا وش ذا الجمال قمر ‏ونزل للمزرعه : انتي ملاك ولا انسانه ‏
حلا بقهر من وقاحته : صدق انك وقح وجات ‏بتروح
يزيد قرب : لا لا امزح معك الا انتي وش ‏تقربيلي ؟
حلا ( وش ذا التخلف ) : بنت عمك ‏
يزيد : اجل عندي بنات عم كذا ولا انتبه صدق ‏مالت علي ..‏
حلا عصبت: انت واحد قليل ادب ولا عنده ‏احترام لبنات عمه فاحسن لك روح عني قبل ‏لا اناديلك اخوي يتفاهم معك ‏
يزيد بابتسامه : كل شي منك حلو يا حلو طيب ‏وش اسمك ..؟
حلا بقهر : للاسف اختي ما عرفت تختار يوم ‏حبت رح للي كنت قاعد تحاكيها وراحت عنه ‏حلا وهي معصبه على الاخر ‏
اما يزيد وقف مكانه منصدم ( اختي ما عرفت ‏تختار يوم حبت ) ‏
‏: اختها مين اختها وحبت حبتني انا وانا ويني ‏توني اعرف بس مصيري اعرف من هي وراح ‏يزيد للخيمه وكلامها شاغله ‏
حلا يوم راحت ما قدرت تروح عند البنات ‏حاسه بخوف ورجفه وريقها نشف راحت ‏المطبخ من ورا عشان لا يشوفونها البنات ‏دخلت المطبخ وكان في الشغالات ‏
حلا بسرعه حاطه يديها على قلبها : ا ا ابي ‏مويه .. ‏
غمضت عيونها : هني جيبيلي مويه لو سمحتي ‏
تركي كان عند الثلاجه تفاجئ بالصوت و ‏التفت ‏
قال فنفسه اقطع يالزيـــن وش ذا الجمال لا اله ‏الا الله من هذي ووش فيها كذا ..‏
هني : مسز هلا هدا مويه تفزل ‏
تركي جات الاجابه لحد عنده هذي حلا اللي ‏كنت اتهاوش معها مساع والله كبرت واحلوت ‏
حلا فتحت عيونها وهي تشرب الا تشوف تركي ‏قدامها حطت الكاس ووقفت مكانها مصدومه ‏
تركي حس على نفسه ونزل راسه ‏
حلا بصدمه وخوف : انت وش جابك هنا ..؟
تركي : انا هنا قبلك انتي اللي وش جابك ‏
حلا ما تكلمت وطلعت على طول من المطبخ ‏
وطلع تركي وراها على طول ‏
تركي : حلا .. حلا وقفت وهي معطيته ظهرها ‏
تركي : اسف على لقافتي بس وش فيك كذا ‏مرتبكه وخايفه ..؟
حلا ( اقوله ولا ما اقوله طيب هو وش دخله ‏فيني هو صديقه ولازم اقوله ) لفت عليه : ‏شوف انا بقولك بس مو لاني مهتمه لا .. انا ‏بقولك لانه خويك واذا ما وقف عند حده له ‏حساب ثاني ‏
تركي بقهر : منهو ذا ..؟
حلا تقولها بقرف : ولد عمك اللي اسمه يزيد ‏ابيك توصله هالكلمتين يحطها حلق فإذنه ‏قوله تقولك بنت عمك هالوقاحه وقله الادب ‏مو علي انا ‏
‏( خنقتها العبره ) تحسب ان ابوي متوفي يعني ‏ما وراي ظهر لا يا بابا عندي اخوي سعود يقدر ‏يوديه ورا الشمس ويكون في علمه انا اذا ‏سكت ابسكت بمزاجي لكن والله ان كررها ‏مره ثانيه له حساب ثاني معي ودقتله تحيه ‏بيدها سلااام وراحت
اما تركي منصدم من كلامها تتكلم بقوه عين ‏وبثقه بعد اما انت ياليزيد حسابك عندي يا ‏الخسيس وراح بعد ما خذ القهوه ‏

عند الحريم .. ‏
ام عبد الرحمن : الا دريتوا من بيجي اليوم
ام يزيد باهتمام : مين ..؟
ام عبد الرحمن : بيجي ابو محمد اللي ساكن ‏ببريطانيا بيجون هنا يستقرون ‏
ام سعود : عز الله جوا بمشاكلهم ‏
ام يزيد : والله انك صادقه حنا ناقصينهم بعد ‏ولا بيستقرون بعد
ام عبد الرحمن : الله يعين بس ‏
ام سعود : الا متى بتجي يمه منيره << ام ‏رجلها ينادونها يمه ‏
ام يزيــد : الظاهر انهم بالطريــق ‏

‏ ‏
في الحديقه ..‏
غرام : يا شيخه قهرتني وتقولها بكل ثقه ممكن ‏نصير اصحاب ..‏
دلع : هالنوعيات موجوده بكثره في المدرسه ‏
الجوري : بس تبون الصدق يخوفون ‏
ولع تقاطعهم: الا وينها حلا وحشتني ‏
غرام : بسم الله ما امداك توها راحت ‏
ولع بحزن مصطنع : بلاكم ما تحسون راحت ‏من زماان ‏
الجوري : خلك منها الحين تنط ما تعرفونها ‏قطو ‏
وعلى جية حلا الكل قااعد يضحك ‏
حلا : هاااو وش بلاكم لايكون تحشون فيني ‏
ولع : ايه توها جواري حشت فيك الا انتي ‏جيتي ‏
حلا : ايه جواري تموون وخيتي وقعدوا ‏سواليف ‏

ـــــــــــــــــــــــــــــــــــــــــــــ
في الخيمـــه ..‏
يزيد : يوو مسرع ما وصلك الخبر امداها
تركي : انت ما تحترم نفسك وهذي بنت عمك ‏والله لو اخوها يدري يدفنك بالحيا ‏
يزيد بغير اهتمام : انا ما قلت الا الصدق ولا ‏وش رايك انت بذمتك مو قمر ‏
تركي يهز راسه : عمرك ما تتوب انت ‏
جاهم سعود : هااا وش تحشون فيه انتم ‏
يزيد خاف : ها لا ابد سلامتك بس نحش ‏فواحد من الربع ياهو كريــه ما ينبزى ‏
سعود : وانتوا هذي سواليفكم صرتوا كنتكم ‏حريم فلان وعلان ‏
تركي :: هههههههه وش نسوي عدوى ‏

ابو يزيد : يا عيااال انتو معنا ‏
سعود : سم عمي ‏
ابو عبد الرحمن : سم الله عودك يا ولدي ‏تدرون من بيجي اليوم ..؟
يزيد : مين يا عمي ‏
ابو عبد الرحمن : بيجي عمكم عبد الله ‏
اعتفس وجه تركي : وش يجيبه ذا بعد ‏
ابو يزيد : تريك احترم نفسك هذا عمك ووش ‏بيجيبه هنا جااي يستقر ‏
سعود بصوت واطي : ويستقر بعد عز الله انها ‏كملت ‏
‏ ابو عبد الرحمن : قلت شي يا ولدي
سعود : لا ابد اقول الله يحيه ‏
يزيد : اوووه الله يستر منهم بس عيال عمي ‏منيب احبهم ‏
تركي : مو بس انت كلنا ما نطيقهم ‏
سعود : بس لازم نتحملهم يمكنهم تغيروا
الا يدخل عليهم جدهم عبد العزيز : السلام ‏عليم والرحمه ‏
كلهم قاموا : وعليكم السلام والرحمه ورحوا ‏يسلمون عليه ‏
اما عند البنات دخلوا داخل يسلمون على ‏جدتهم ‏
الجده : يا هلا ببنياتي والله وكبرتن وصرتن ‏عرايس ‏
ولع : تسلمين يا يمه كيفك انتي ‏
ام حمد : نحمد الله بخير الله مير يسلمتس ‏
وقاموا يسولفون والبنات تسحبوا لين طلعوا ‏للحوش ‏
على الساعه 11 وصلت سيارتين للاستراحه ‏وكل سياره اكشخ من الثانيه ....‏

يا ترى من اللي وصــل ...؟؟؟!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-03-2010, 02:42 PM
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: قلوب(ن) في هوى الحب ذابت للكاتبة منولة العسولة لمني في محجر عينيك سابقا


... الجــــــزء الثــالـــث ... ‏

اول شي نبي نعرف بعايله ابو محمد ‏
ابو محمد ( عبد الله ) : اصغر اخوانه سافر برا ‏لتجارته من سنوات ولا يدري عن اخوانه ‏شخص متسلط وما يحب الا نفسه قرر انه يستقر ‏في الرياض بعد ما خلص تجارته بالخارج وكان ‏ماخذ اهله معه
ام محمد ( حصه ) : انسانه متكبره وشايفه نفسها ‏وتبي الناس دايم اقل منها حقوده وما تحب ‏اخوان زوجها ولا حريمهم ..‏
محمد : شاب عمره 23 سنه حلو حلو بمعنى ‏الكلمه ابيض وما يستغل توه مخلص دراسته ‏ماجستير طب اسنان اخلاقه لا بأس بها الصفه ‏الحلوة اللي فيه متواضع بس جرريء بحكم ‏دراسته بالخارج ..‏
بعده طلال : شاب عمره 19 سنه وسيم طبعا ما ‏كمل دراسته الثانويه وعااطل انسان مستهتر ‏وصايع يعني عيال عمه احسن منه مغرور ودايم ‏رافع خشمه هل بيتغيـر الله اعلم‏
بعده تجي غرور : بنت اسم على مسمى مغروره ‏جمالها هاادئ بس مع الميك اب تطلع توب ‏عمرها 20 سنه انسانه تاخذ من صفات امها ‏الكثير ما تحب الا نفسها بحكم دراستها بالخارج ‏فكل يوم مع واحد انسانه متحرره وبعيد عن ‏العادات والتقاليد كل البعد ‏
واخر العنقود سرور: بنت عمرها 18 سنه ‏جذااابه بمعنى الكلمه هي ابد مو زي اهلها ‏عادي عندها تصاحب أي احد تحب السواليف ‏والضحك يعني بالعربي وسيعه صدر ومالها دخل ‏باللي حواليها ‏
ــــــــــــــــــــــــــــــــــــــــــــــــــ ـــــــــــــــــــــــــــــــ
على الساعه 11 وصلت سيارتين للاستراحه ‏وكل سياره اكشخ من الثانيه ....‏
راحوا الشباب يستقبلون عمهم والبنات جالسين ‏بالحديقه يراقبوون من بعيد لبعيد
نزل ابو محمد ومحمد من السياره ومعهم ‏طلال ‏
‏ سعود بابتسامه : يا هلا والله وغلا حيا الله من ‏جانا ‏
جاهم ابو محمد نافخ نفسه : الله يحيك هلا ‏بولد المرحوم ‏
سعود حز بخاطره كلمه عمه : هلا بك عمي ‏
تركي انقهر ( هذي اولها ) : لا يا عمي سعود ‏اخوي وابوي ابوه هلا عمي ‏
استانس سعود من ولد عمه وتمنى ساعتها يحب ‏راسه ‏
يزيد : صدق تركي هلا بك انت وعيالك اقلطو ‏اقلطوا حياكم ودخلوا الخيمه سلام ودنيا ‏
اما ام محمد وبناتها ما عجبهم الوضع ...‏
ام محمد : وش ذا الله يعينا عليهم بس ‏
غرور : من جد هذا استراحه احد يستأجر فيها ‏
سرور: وش فيها والله تهبل ‏
غرور تناظر اختها : خلك على جنب بس ‏
ام محمد : حتى محد جا منهم استقبلنا ‏
‏ سرور وهي تمشي: بكيفهم انا بدخل يالله يمه ‏
دخلوا وسلموا على بعض الحريم ‏
ام سعود : هلا والله زارتنا البركه وش اخبارك ‏ام محمد ‏
ام محمد : يا هلا فيك والله يبارك فيك ‏
ام محمد : وش اخباركم انتوا ‏
ام يزيد : بخير نحمد الله عايشين بنعمه ‏
ام عبد الرحمن : وش اخباركم بنات .؟
سرور بابتسامه : الحمد لله خالتي شلونك انتي ‏وشلون الرياض معكم
ام عبد الرحمن ارتاحت لسرور : والله بخير ‏والرياض هذاهي تسأل عنكم ‏
غرور : الا وين البنات ما اشوف احد ‏
ام سعود : تلقينهم برا في الحديقه ‏
سرور وهي تقوم : انا بروحلهم عن اذنكم ‏
طلعت سرور للحديقه عند البنات ‏
حلا : هذي الاولى الله يعين بس ‏
الجوري : اسكتي فضحتينا ‏
دلع : اسكتوا بس وقوموا سلموا ‏
جات سرور عندهم : هلا والله ببنات عمي ‏
البنات : يا هلا فيك .. وسلموا على بعض ‏
غرام : وش اخبارك وش مسويه ‏
سرور: تمام الحمد لله انتوا اخباركم وش ‏الدنيا بكم
حلا بغرور ملحوظ : هذانا عايشين الحمد لله ‏
سروربمرح : الا ما عرفتوني على اسمائكم مع ‏انكم بنات عمي بس اعذرووني ‏
ولع : اوكي انا بقولك ووقفت تعرفها عليهم ‏
اولا وتأشر على نفسها : معك ولع ويدلعوني ‏ولاعه ‏
سرور تضحك وهذي تأشر على اختها اختي ‏دلع وادلعها دلوعه وهذي بنت عمي حمد ‏واسمها غرام وهذولا بنات عمي احمد ‏الجوري وحلا ‏
سرور : يا هلا بكم عاشت الاسامي ماشاء الله ‏كل وحده فيكم اسم على مسمى وانا سرور ‏
الجوري : اهلين والله عاشت الاسامي ‏
دلع : ها وشلون بريطانيا ‏
سرور : تبون الصدق والله انها ممله وتجيب ‏المرض
حلا : وش دعوى عاد كلن يمدحها ‏
سرور : ادري بس العيشه فيها موب حلوه ابد ‏
دلع : وانتي درستي هناك ‏
سرور : ايه درست الابتدائي والمتوسط واولى ‏و ثاني ثانوي اما ثالث بدرسها هنا ‏
حلا : اجل ابشررك كلنااااا ثااااااالث ‏
سرور تفاجأت : ههههههه ماشاء الله عليكم ‏
شوي الا تجي غرور : هاي ‏girls
‏ البنات : هلا وعليكم السلام ‏
تفشلت غرور : اهلين كيفكم ‏
الجوري : الحمد لله بخير ‏
وتأشر عليها وكنه مو عاجبها : انتوا بنات عمي ‏
حلا : ايه ولا منب عاجبينك
غرور بغرور : لا عادي تنفعون ‏
ولع : وش ننفع له حنا بنات عمك يعني شويه ‏احترام وابتسمت ‏
غرور طنشت : الا وين عيال عمي ما شفتهم ‏
البنات يناظرون بعض مستغربين منها ‏
سرور : روحيلهم في الخيمه
حلا بانفعال: وش تروحلهم هيه انتي ترانا ‏بالرياض موب بريطانيا
غرور : ‏so what ?‎
ولع : يعني مارح تشوفينهم ‏in your drems
غرور : لا رح اشوفهم الوضع عادي ( وبسخريه ) ‏ولا بتقولون بعد انكم تتغطون
الجوري : لا ما نتغطى من اخوننا بس جلسات ‏مع بعض ما تجي الا في النادر يعني
غرور : ايووا بس رح اشوفهم وتشوفون وقامت ‏عنهم
غرام : صدق خبله من جدها ذي ‏
سرور : هههههه وسعي صدرك اختي فري ع ‏الاخر
ـــــــــــــــــــــ


عند الرجاجيل بعد ما تشاوفوا ‏
يزيد : الا وش تدرس يا محمد ‏
محمد : انا خلصت دراسه ماجستير طب ‏
سعود : ماشاء الله عليك وما توظفت
محمد : تو الناس على الوظيفه ‏
تركي : أي تو الناس المفروض الحين انت ‏تشتغل
محمد : والله اذا بغيت اشتغلت بس انا الحين ‏ما ابي باخذلي فتره راحه ‏
طلال يتهزء : وانتوا وش تشتغلون ..؟
تركي : والله الى الان ما نشتغل ‏
يزيد : ما لقينا وظايف سنعه ‏
طلال : ولا رح تلقون اصلا ‏
سعود يبي يقهره : انا اشتغل بسابك وان شاء ‏الله قريب بيجون معي عيال عماني ونشتغل ‏سوا
تركي استانس هو ويزيد اما طلال فانقهر ‏
يزيد : وانت يا طلال وش تشتغل ‏
طلال : ما اشتغل انا ابي اخذ رست شوي الا ‏دق جوال طلال وكانت غرور ‏
طلال : ها نعم وش تبين ‏
غرور : ابي اشوف عيال عمي ‏
طلال : طيب تعالي الخيمه ‏
غرور : لأ ابيك انت تجي وتجيبهم عشان ‏تشوفون بنات عمانك كل وحده احلى من ‏الثانيه لاني بصراحه مالي خلق عماني وجدي ‏بعد ‏
طلال استانس : من جدك تتكلمين صواريخ ‏يعني
غرور : والله جد تراهم قاعدين في القاردن ‏
طلال : اوكي انا بجي بلحالي واذا ما يبون ‏بكيفهم
غرور : ‏‎ ‎‏ ‏ok deal ‎‏ ... وسكــرت
محمد : وش تبي اختك ..؟
طلال : تبينا نسلم على بنات عماني ‏
تركي ويزيد وسعود : ها .. وشو ‏
طلال : نسلم على بنات عماني وش فيكم
يزيد : هيه يابو تراك بالرياض منتب فيذااك
طلال : طيب عادي يالله قمنا ‏
سعود يكلم تركي : من جده ذا يبينا نروح ‏للبنات
محمد : ايه عادي وش فيها كلها سلام يالله ‏وقاموا طلال ومحمد ..اما تركي والباقيين ‏قاعدين ‏
سعود : اقول هذولا ماحد يضمنهم خلنا نقوم ‏معهم
تركي : أي والله وانت الصادق قاموا كلهم ‏وراحوا بعد ما استأذنو من الشياب ‏
في الحديقه جات غرور وجلست معهم ‏
حلا : هاا عساك سلمتي عليهم ‏
غرور رافعه خشمها : ما بعد شوي واسلم ‏
الا ويجي طلال ومحمد ووراهم تركي وسعود ‏ويزيد ‏
البنات كلهم خافوا ووقفوا مع بعض باستثناء ‏غرور وسرور الوضع عادي عندهم ‏
طلال : هلا والله بهالطله هلا ببنات العم ‏
البنات :............ نو انسر ‏
محمد : وش بلاكم كذا تكلموا ‏
تركي : خلاص شفتوهم يالله مع السلامه ‏
طلال : وش مع السلامه تونا جينا ‏
حلا : وش قله الادب هذي تراك في الرياض ‏اذا كنت ناسي ‏
طلال : في الرياض في الرياض عرفنا واذا في ‏الرياض وخير يا طير بنات عمي وابي اجلس ‏معهم ‏
سعود محتر بس ما تكلم ويزيد يناظر في حلا ‏ويفكر في اللي قالته تركي الوحيد اللي يتكلم ‏
دلع ميب قادره تتحمل قلبها يرجف طبول ‏سعود قدامها راحت ركض لداخل ووراها ‏الجوري وغرام وبعدها ولع واخر وحده حلا ‏وهي تمشي بثقه مرت من جنب طلال لسانها ‏متبري منها : يا سبحان الله قبل ما تجون كنا ‏وش حلاتنا ما فيه احلى مننا من يوم جيتوا ‏جبتوا العواصف معكم ‏
طلال عصب وقف : اقول احترمي نفسك ولا ‏تكثرين حكي ..‏
حلا تناظره بقرف : انا محترمه نفسي من قبل ‏اشوف وجهك ..‏
غرور بلقافه : تراني ما اسمحلك اخوي
حلا تناظرهم : تسمحين ما تسمحين مشكلتك ‏انا ابسكت بس مو لسواد عيونكم ابسكت ‏احتراماً لاخوي وعيال عمي تركي ويزيد ولا ‏انتم موب وجهه احترام ودخلت للبنات ‏
‏ لحظــه صمت مررت ع الجميـــع ‏
تركي فداخله مستانس منها وده يحب راسها ‏ويزيد كذلك اما سعود فرح من اخته الصغيره ‏عجبته طووله لسانها في الوقت المناسب‏
محمد يضحك : هههههه والله انها ام لسانين ‏صلخت جلودنا صلخ ‏
غرور ما تحملت تتفشل قدام عيال عمها خذت ‏اختها ودخلت ..‏
طلال : تخسي الا هي تهزئني ‏
سعود : اقول لا تتعدى حدودك لو سمحت ‏وراحوا للخيمه ...‏
ـــــــــــــــــــــــــــــــــــــــ
عند الحريم .....‏
ام محمد : ها يابنات شفتوا عيال عمانكم ‏
غرور : ايه يمه شفناهم مره عسل ‏
ام عبد الرحمن ويزيد وسعود استغربوا
ام سعود : وين شفتوهم فيه
غرور : وين بعد برا في الحديقه ‏
‏ البنات راحوا للغرفه اللي فيها اغراضهم بعد ما ‏دخلت عليهم حلا ‏
الجوري : ها حلو وش صار وراك ابطيتي ‏
غرام : والله صدق قليلين ادب كذا من الباب ‏للطاقه جو عندنا ‏
دلع : لا ويبون يسولفون معنا بعد المشكله ياليت ‏نعرفهم من قبل ‏
حلا : والله ما نقصنا غير القهوة الشاهي ‏
ولع : المهم وش سويتي فيهم ‏
حلا بابتسامه وسيعه : اعجبكم انا لعنت خاامس ‏خاامس والديهم
الجوري تصفق : هذي اختي اللي اعرفها ‏
دخلت عليهم سرور : ممكن اقعد معكم ‏
البنات : تفضلي حياك
‏ سرور غير عن اختها واحيانا تستحي من ‏تصرفاتها بس ما باليد حيله ‏
سرور : معليش والله اسفه على اللي سوته اختي ‏بس هي كذا طبعها تحملوها ‏
الجوري : ولا يهمك حصل خير ‏
دلع اللي كل فكرها مع سعود قامت عنهم : ‏بنات انا استأذن ‏
حلا : على وين يا بعد تسبدي ‏
دلع تبتسم : ودي اروح اتمشى شوي
حلا : طيب عادي احد يجي معك ‏
دلع : ههههههههههه تبين تجين تعالي ( ولفت ع ‏البنات) : ها فيه احد بجي ‏
البنات : بسلامتكم روحوا .. طلعوا البنات ‏
غرام تصارخ : هييه انتي تعالي سكري الباب ‏خلي الغرفه تبرد يالدبــه
دلال : منيب مسكره وش بتسوين يعنــي ‏
البنات كلهم : دلووول جيتي وقاموا يسلموون ‏عليهــا
ولع : وينه بعد دنيتي وينــه
دلال : مع ابوه عند الرجاجيــل ‏
الجوري تكلم وعد: والحلو ليش مستحي ‏
وعد دااخله فأمها دلال : وعوده يحاكونك ‏ردي
ولع : كيفك وعوده عرفتيني << سؤاال غبي
وعد : اييه انتي هالتي ثح يوم ازي ذاك اليوم ‏وتعطيني حواواه مللله كتيل ثح ( ايه انتي ‏خالتي صح يوم اجي ذاك اليوم وتعطيني ‏حلاوة مره كثير )‏
ولع تكش عليها : يا شينس طالعه على امس ما ‏يهمها الا بطنها ‏
دلال : وجع يوجعك يالتبنه هذي الضيافه

وكملوا سواليـــــف في حال ان البنتين ..‏
‏ راحت دلع وحلا يتمشون طول الوقت ‏ساكتين حلا تمشي وتناظر الارض : وبعدين ‏يعني متى بتعترفين بحبك لسعود ‏
وقفت دلع وناظرت حلا بصدمه ( لهالدرجه انا ‏مفضوحه ) : ها ومن قال اني احبه ا انا بس ‏انتي وش تخربطين
ابتسمت حلا : يا دلع انا حلا ما يمشي علي ‏هالكلام انا اعرف الشخص اللي قدامي وش ‏فيه من عيونه من عيوونه ولا نسيتي ‏
دلع : لا ما نسيت بس امانتك محد يدري
حلا : افا عليك انا ما سمعت شي
دلع ارتاحت نسبيا : وش اقولك يا حلا انا ‏امووت فيه والله امووت فيه بس ما ادري وش ‏نهايه هالحب
حلا :ان شاء الله خير اخوي عمره ما حب ‏يمكن اذا شافك يروق قلبه وتغمزلها ‏
دلع : ههههه الله يسمع منك وراحوا للمسبح ‏
ـــــــــــــــــــــــــــــ ‏

في الخيمـــه ‏
ابو عبد الرحمن : يا هلا والله بسعد وشلونك ‏
سعد : والله بخير يا عمي وشلونكم انتوا ‏والرياض معكم ‏
ابو عبد الرحمن : يسررك الحال ويكلم زياد : ‏زياد صب القهوه لرجل اختك
اما زيااد قام بطفش : ان شاء الله عمــي وقام ‏يصبلهم بما انهم بيعلموه المرجله من الصغر ‏ورااح للشباب يمد الفنجال : سم يا سعوود
سعود يبتسم : سم الله عدووك تسلــم ‏
يزيد : يالله صب لا اعلم جدي ‏
زياد بقهر : علمه وش بيسويلي يعني ‏
يزيد : يبــه التسبير << يستهبل ‏
الجــد : نعم يا يزيد وش عندك ‏
زياد خااف : خلاص امسك امسسك وصبله ‏ينكفي شره ‏
فهد : هههههه ليش تخاف من جدي يا خوواف
زياد : اقول ورا ما تسك لا اصكك بهالدله افقع ‏وجهك
فهد رااح يصيــح لابوووه
قام سعود عنهم: عن اذنكم .. يزيد : على وين ‏
سعود: ودي اتمشى شوي .. ‏
تركي : عادي اجي معك ‏
يزيد : وانا بعد .. سعود : بكيفكم بس تخلون ‏عيال عمي .. سعد : طسوا بس انا معهم اصلا ‏هذاهو جدك نشب لهم يستاهلوون ‏
قام يزيد : انا بجي تريك خلك بعدين عندي له ‏كلمه راس ‏
تركي : الله يالكلمه اشوا انك مشغول بذا ‏الجوال مع ( ويستهبل ) : اعلــم
يزيد يناظره : لا تكفى ابوس ايديك ‏
سعد : والله مارح تعقلون لو تشيبون حتى
تركي : ههههههههههههههه وهو كذلك
طلع يزيد مــع سعوود
ــــــــــــــــــــ ‏
عند المسبح
البنات قاعدين يسولفون شوي الا يجيهم يزيد ‏وسعود ‏
سعود : هلا والله بالحلوين ‏
دلع من سمعت صوته قلبها قام يدق طبول ‏
حلا ابتسمت لاخوها : هلا والله بسعوودي ‏
سعود : سعوودي منهو ذا اصغر عيالك ‏
يزيد : هههههه نيو لك حتى بالاسامي
‏ حلا ناظرته بحقد ولفت على دلع شافتها ‏مستحيه ومحمره ‏
حلا :اقول سعود ما ودك تسلم على بنت عمك ‏
سعود : اكيد هذي تاج راسي هلا والله دلع ‏وشلونك ..‏
دلع ( وااي عرفني من غير ما يشوفني << ‏حالتهم صعبه ) : هـ هلا سعود بخير انت كيفك ‏
سعود : بخير يا وجه الخير .. ولف على يزيد :‏
يزيد خلك هنا انا بروح انادي تركي واجلس ‏مع القلق اللي هناك ‏
يزيد ( فرصتي ) : اوكي انا استناك لا تتأخر علي ‏‏..‏
راح سعود وخلاهم بلحالهم ‏
دلع راح الحيا : والله يا عليك عيال عم يجيبون ‏المرض ..‏
يزيد : من تقصدين سعود
دلع بعجله: لا وش سعوده بالعكس سعود ينحط ‏ع الجرح يبرى سكتت تستوعب اللي قالته ‏
حلا كاتمه ضحكتها وباين عليها ‏
يزيد ( يغمز ) : اجل ينحط ع الجرح وضحك ‏هو وحلا ..‏
دلع قامت بسرعه : اووف منكم بس ‏
حلا قامت وراها بسرعه : يالخبله وين بتتركيني ‏
جات بتروح وقفها يزيد ‏
حلا : عندك كلام ثاني وما قلته ‏
يزيد : ايه انا بس كنت بقولك والله اسف بس ‏انا كذا متعود لازم اتغزل في اللي قدامي بس ‏ممكن اسئلك سؤال
حلا بقله صبر : تفضل اسئل ‏
يزيد : انتي حلا ولا انا غلطان ‏
حلا ناظرته : لا انا حلا وش عندك ‏
يزيد : طيب وش تقصدين يوم قلتي اختي ما ‏عرفت تختار يوم حبت ‏
حلا ارتبكت بتفضح اختها : ما اقصد شي ابد ‏
يزيد : حلا تكفين قولي الصدق جواري تحبني ‏صـح ؟
حلا ما لقت الا انها تقول الصدق : ايه تحبك ‏وش تبي بعد ‏
يزيد ( وانا ويني ) : من متى طيب ..؟
حلا : وشهو تحقيق .. يزيد بجديه: جاوبيني ‏
حلا : والله يمكن من يوم ما امي ولدتها ‏
يزيد : وليش ما قالتلي .. حلا : انت واحد ‏فاضي ومرره فرري وش تقولك وعلى فكره انا ‏الحين بقولها بسواياك عشان تفتح عينها عدل ( ‏وبتهديد )وان حاولت تلعب بمشاعرها يا يزيد ما ‏تلوم الا نفسك راحت عنه وقعد يزيد على ‏الكرسي يفكر ‏
تركي يمشي لحد المسبح بعد ما ناداه سعود ‏الا تجي حلا مقلعه و طرااااخ تصقع فيه ..‏
حلا : ااااي وش ذا جدار ولا ادمي وجع ما ‏تشوف
تركي : قولي لا اله الا الله لا تنظليني وبعدين ‏انتي اللي جايه مقلعه موب انا ‏
حلا : طيب انا اتأسف من سيادتك يا مستر بن ‏غفله
تركي : هههه من ذا بعد ‏
حلا : انت هذا اسمك الجديد المهم يالله ‏سلام ما لي خلقكم يا عيال عمي من جد ‏تجيبون الغلقه
تركي يرفع حاجب : لا تجمعين انا مو منهم
حلا : وانت اولهم بعد ولا تزعل ‏
ضحك تركي لين بانت غمازاته مع عيونه ‏العسليه طلع يذبح
حلا تناظره ومفهيه ( والله ولد عمي يخقق ‏يااحلاته والله ) ..‏
‏ تركي استغرب : حلا وش فيك ‏
حلا انتبهت : شوف ابقولك شي بس انا بقوله ‏لاني انا ابي اقوله مو لانك عاجبني ترا حلوه ‏ضحكتك لانها تبين غمازاتك وعيونك العسليه ‏مره تطلع رهيب ‏
تركي متنح ومستغرب من صراحتها : ها وش ‏قلتي ‏
حلا تناظره بغرور : كلام الشيوخ ما ينعاد وجات ‏بتروح .. تركي : حلو ممكن اشكرك ‏
حلا : اولا انا اسمي حلا ومحد يدلعني الا اللي ‏احبهم وبعدين تشكرني على وشو ‏
تركي : بسم الله علي منك وش فيك تطيرين ‏في الواحد كذا وثانيا ليش اللي تحبينهم انا مو ‏من ضمنهم يعني ..؟
حلا بطحتها فوجهه : لا مو من ضمنهم ولا رح ‏تكون انت مجرد ولد عم لا راح ولا جا ‏
تركي ( يا قوتك بس ) : وتعرفين تفشلين بعد ‏المهم انا ابشكرك على اللي سويتيه في عيال ‏عمك الجدد مرره اعجبتيني بصراحه
حلا ضحكت يوم قال الجدد وبانت غمازتها ‏هي بعد .. تركي فقلبه فديت هالضحكه انا ‏
حلا : ايه الجدد هذولا ما بزيتهم ولا دخلوا ‏مزاجي وناويه عليهم نيتن قشرا بس اصبر علي ‏شوي ترا اللي سويته لهم اليوم ولا شي ‏
تركي : كل ذا وولا شي والله مساكين احسهم ‏تفشلوا لانك سكتيهم خصوصا هاللي اسمه ‏طلال ‏
حلا : يستاهلون يحسبون بجيتهم بيخربون ‏حياتنا والله يخسون انا حلا بنت احمد مو أي ‏شي ‏
تركي : والله انك مغروره ‏
حلا : يحقلي انغر دام الكل يحبني ويعتبروني ‏احم احم قدوتهم .. المهم فرصه سعيده ورح ‏لولد عمك شكله انفقع من كثر ما يحتريك ‏وانت لاهي مع شيخه البنات وابتسمت ‏
تركي : يا شين الثقه الحين باكل تهزيء منه ‏يالله سي يو قريبا ‏
حلا : ‏I,don’t wont to see you that’s engfh‏ ( ما ابي اشوفك هذا يكفــي ) ‏وراحت عنـــه
‏ تركي فنفسه : هذي بيجيها اللي يكسر خشمها ‏‏..


اما عند الحريم ...‏
ام يزيد : اجل يا ام محمد بتستقرون هنا ‏
ام محمد : اكيد هذي ديرتنا مالنا غناة عنها ‏ورح نسكن ان شاء الله في منطقه قريبه منكم ‏
ام عبد الرحمن ( ياذا النشبه الله يعين بس ) : ‏والله هذي الساعه المباركه ‏
ام محمد بتكبر : سااعتك ابرك ( وتوجه كلامها ‏لام سعود بقصد التجريح ) : الا يام سعود ‏وشلون حياتكم بعد المرحوم يعني من يصرف ‏عليكم وزي كذا ‏
الجده تتدخل : وانتي وش اللي حارقن رزتس ‏كثر الله من الخير ‏
ام محمد ( يالقفك ) : لا والله بس اسئل .؟
ام سعود عرفت مقصدها : الحمد لله الخير ‏واجد وسعود مو مقصر علينا بشي ‏
وغرور قاعده تناظر فيهم وهي ساكته وبالها ‏فمكان ثاني ..‏
وعد بلاقافه تكلم غرور : هيه انتي هنا كلهم ‏عزايز ليث ما تلوحين للبنات هناك ( هيه انتي ‏هنا كلهم عجايز ليش ما تروحين للبنات هناك )‏
غرور تفشلت وابتسمت لهــا
ام يزيد مستانسه : يالبى بنت بنتي وبعد تعرف ‏العجايز
الجده وكنها تنافخ : وهي الصادقه غرور ورا ما ‏تروحين تجلسين مع البنات بدال جلستس مع ‏الحريم مالها داعي
غرور تقوم من غير نفس : طيب هذاني رحت ‏
دخلت على البنات اللي كانوا يسولفون ‏ومندمجين بالسواليف ‏
غرور واقفه ومتركيه على الباب : وش تسوون ..؟
دلال : نحش فخلق الله
غرام : شوفة عينك قاعدين نسولف
سرور بفرح : غرور تعالي معنا والله السواليف ‏معهم ما تنمل تعاالي ‏
غرور تدخل وتجلس على الكنب : سرور متى ‏بنروح البيت ‏
حلا : ليش يا عيوني الجلسه ما اعجبتك ولا ( ‏وتقولها باستهزاء ) محنا من مستوااك ‏
غرور : لا بس تعرفين سفر وحوسه اكيد الواحد ‏بيتعب
ولع : الله يعز الغرف اللي موجوده خوذيلك ‏غرفه ونامي ..‏
غرور طقت كبدها منهم : من غير ما تقولين ‏وقاامت .. ‏
دلال : وش فيها اختك كذا شوي وتشب فينا ‏
سرور : والله هي كذا شايفه نفسها على الفاضي

ــــــــــــــــــــــــــــــــــــــــــــ
‏ في الخيمـــه‏
ابو محمد : مالي نيه ارجع مره ثانيه اسافر ‏ماعاد لي مصلحه هناك
الجد : مالك مصلحه ولا فليساتك قضن ‏
ابو محمد يمسك اعصابه : يبه قلتلك انا فنعمه ‏الحمد لله بس سفر مارح اسافر
ابو عبد الرحمن : يبه خله براحته يسوي اللي ‏يبيه ‏
الجد : انا ما قلت الا الصدز بعد حتى الحتسي ‏محسوب علي وانا ابوك ‏
ابو يزيد : لا حشاك يبه ابو عبد الرحمن ما يقصد ‏

جهــــة العياال ..‏
محمد : الا اقول سعود انت عندك خواات
سعود : وليش تسأل ..؟ محمد : مو من حقي ‏اعرف بنات عمي
سعود بقله صبر : ايه عندي خوات عندي ثنتين ‏ويزيد ثنتين وتركي وحده ارتحت الحين
طلال يتدخل :طيب من فيهم خواتك ‏
سعود : اعتقد الى هنا وكاافي اسئله ‏
محمد بغرور : بصراحه عقليتاكم متخلفه مع ‏احترامي ‏
سعود ( وانت خليت فيها احترام ) : الحمد لله ‏هذي شهاده نعتز فيها ويوجه كلامه لسعد : ابو ‏فهد وش مسوي في الشغـل ما تشوف ولد عمي ‏
سعد : افاا عليك صرنا اخويا بعد اذا ما جا ‏للدوام تصدق اجلس اصيح
سعود : ههههههه الله يرجك انت متى بتعقل
سعد : اذا صررت ابو ان شااء الله
محمد : وانت وشو ام ‏
سعد : يااخي استهبل انتم وش بلاكم ويكلم ‏زياد : زيوود ورا ما تلعب مع فهد شوف وشلون ‏مسيكين طفشان قاعد بلحاله ‏
زياد : وشوو تبيني العب مع بزر
طلال بسخريه : عااد من كبرك الحين
زياد بفخر : صحيح اني صغيــر بس على الاقل ‏اعرف علووم الرجاجيل موب مثلك حتى ‏الفنجال ما تعرف تمسكه ‏
طلال بقهر : اقوول ورا ما تذلف
سعد : ههههههههههه ايووا احسنت وانا ولد ‏اختك ‏
سعود : ههههههه رح بس الله يصلحك ‏
زيااد : الحين كلمه الحق تسوي كذا وراح وهو ‏يتحلطم يحسبوني بزر عندهم الحين من ‏كبرهم كل ابوهم ابو عشرين سنــه
طلال : الا وين العيال وين راحوا له ‏
سعود : الظاهر انهم يتمشوف في الاستراحه
ــــــــــــــــــــــــــــــــــــــــــــــــــ ــــــــ
يزيد : عســى ما بدري << مدري وش تبي ‏الكلمه ‏
تركي : والله عليك بنت عم ياخي تفطسك ‏ضحك
يزيد : ايه هذي ام لسانين حلا ‏
تركي : تهزئ وتفشل وتلعن سلسبيلك واخر شي ‏تقول فرصه سعيده صدق بنات ‏
يزيد كنه مهموم : ما عليك منها ... تركي
تركي : وش عندك .. يزيد : تركي اليوم ‏اكتشفت شي .. تركي : وش اكتشفت يا نيوتن
يزيد : والله اتكلم جد تركي بنت عمي احمد ‏تحبني .. تركي فق خشته : لا يكوون حلا
يزيد : لا ميب حلا جواري
تركي ارتاح: طيب وش المطلوب مني ..؟
يزيد وهو جاد : تركي انا ما رح اضيع حبها ‏
تركي : بس انت يا يزيد منتب قد الحب ‏
يزيد منفعل : وليش وش زودني عن الباقيين ‏الحمد لله حلو والكل يشهد ..‏
تركي : بس الوسامه موب كل شي وانت اخبر
يزيد فهم عليه : تركي انت عارفني زين صحيح ‏اني اكلم بنات وان حصل نتقابل بس عمري ‏ما سويت شي اكبر عمري ما غلط مع وحده ‏فيهم ‏
تركي : ووش تبي توصله مع جواري
يزيد : جواري والنعم فيها جمااال اخلاق كامله ‏والكامل الله انا بإذن الله ابفتح صفحه جديده ‏مع الكل .. الا ويرن جوالــه ‏
سحر : الو .. يزيد : ياازين هالالو منك يا بعد ‏دنيتي انتي ‏
تركي يناظره ( ما منك فايده ) وقف : قال ‏صفحه جديده قال خلي القديمه تقضى بعدين ‏قول جديده ورااح عنه ..‏

غررو طلعت تبي تشم هوووواا على قولتها ‏مكتوومه بس في بالها شي وراحت للمطبخ ‏
في هالوقت راح تركي وسير على المطبخ ‏يشوفله شي يبرد عليه وقبل يدخل سمع ‏
غرور : ههههههه مشتااقتلك ‏
سعد : يالبى قلبك وانا اكثر يا عمري
غرور بدلع ماصخ : سعوودي متى رح اشوفك ‏
اما تركي فانقهر وراح يشوف من من بنات عمه ‏دخل وهو معصب حتى ما تنحنح كانت غرور ‏معطيته ظهرها والثلاجه قدامها فبالعاني راح ‏عند الثلاجه وهو معصب غرور يوم شافته ‏ارتبكت وما عرفت وش تسوي : اقول ساره ‏اكلمك بعدين ‏
سعد : احد عندك ..؟
غرور : ايه ايه يالله بعدين باي وسكررت ‏
اما تركي فاتجرأ وسئل : من تكلميــن ‏
غرور بارتباك : ما ما اقصد هذي صديقتي ‏
تركي بعصبيه : وصديقتك كذا تكركرين معها ‏ومشتاقتلك وذا الدلع اللي ماله داعي ‏
غرور مشت عنه : والله عاد صدقت اهلا وسهلا ‏ما صدقت تراك ما هميتني وطلعت بسرعه ‏لداخل وهي تحمد ربها انها جت سليمه
تركي : بعد والله شين وقوي عين صدق ما ‏تربت هــذي ورااح للرجاجيل ‏
‏ ‏

هاليوم مررر حلو على ناااس ونكد على نااااس ‏وزعل وكل شي طبعاً بعد العشاء << مووب ‏العشـاء ايييه ... راحوا الشياب وحريمهم ‏يناامون كلن بغرفه اما البناات فقلبوها صباحي ‏هم والشباب بس طبعا ً كلن على حيدا ‏



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-03-2010, 02:44 PM
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: قلوب(ن) في هوى الحب ذابت للكاتبة منولة العسولة لمني في محجر عينيك سابقا


الساعه 3 ونص الفجر غرفه البنات ..‏

كانت الغرفه فيها سرير كبير وتسريحه ودالوب ‏يعني غرفه كاامله وفيها تلفزيون طبعاً حاال ‏البناات طبعا بعد ما لبسوا بجايمهم ‏
ولع متبطحه على الفرشه اللي في الارض ‏ووغرام منسدحه عليها ودلا حاطه وعد على ‏رجلها وتقشم حب وعلى السرير حلا منسدحه ‏وجنبها دلع تسولف معها وكان فيه كرااسي ‏قعدت عليها الجوري وسرور يسولفون اما غرور ‏فما كانت معهم

قاامت الجوري : صبايا من بدو اشي من ‏المطبخ لاني بصراحه جعت كتير كتير ‏
دلال : بالله ليك جيبيلي ببسي من فتره ‏مشتهيته
ولع تلتفت : جيبيلي أي شي حلو ‏
حلا : وانا ابي بعد شوكلت ‏
دلع وغرام : وحنا بعد ‏
سرور معهم : لا تنسين العصيراات ‏

الجوري ويدها على خصرها : ياسلااام وانتوا ‏محد يقولكم تبون شي الا كسرتوا ظهره ‏بالطلبات ‏
دلال : انا الكبيره اسمعي كلمتي يالله ولا ‏تتأخرين
الجوري : احلفي انتي بس تحسبني شغاله ‏ابووها
غرام : هيه انتي تراك منتب رايحه البقاله ‏المطبخ تحتك ..‏
حلا تلف على غرام : والله ما تعرفينها عجااازة ‏اشك ان بها عرق سوداني ورجعت تسولف مع ‏دلع..‏
الجوري : وتحسبونه داخل تراه في الحوش ‏
سرور : ما عليك منهم روحي وجيبي اللي ‏طلبنا
الجوري : طيب قومي معاااي ‏
سرور : وهي تروح لولع وغرام ايه الا تقولون ‏الفيلم حلو ...‏
الجوري نزلت وهي تتحلطم عليهم .. الجوري ‏كانت لابسه بيجاامه حرير وردي مع ابيض ‏عباره عن برمودا وزي التيشيرت ماسك عليها ‏وشعرها رافعنه بشباصه وطايحه منه خصل ‏مخليها مرره نعوومه ..‏
راحت وفتحت باب الفيلا وطلعت وهي خاايفه ‏تقابل احد من العواويل ‏

عند الشبااااب ‏
يزيــد : اوونوو اخررررت كررررت اووب
سعود : والله احس انك تغش من بعيد
‏ سعد يقلب في القنوات : الا هذا اكبر غشاش ‏بس انتم مفهيين
محمد :الا والله من اليوم يناظر اوراق تركي ‏
طلال يناظر تركي : يالله غش ما غش خلنا ‏نكمل لعبنا تركي ولااهوب معنا اصلا ‏
يزيد يضحك : هههههههه هذا لانكم دلووخ ما ‏انتبهتوا حتى ‏
تركي : وتعترف بعد انت وخشتك اللي تقل ‏مقفا صومالي .. الكل ضحك حتى طلال ‏ومحمد اللي حسوا انهم استانسوا ‏
يزيد وهو يقوم : يااشين اللي غيراانين الحمد ‏لله واثق من نفسي ‏
سعود : وهذا اللي مضيعك ثقتك اللي ما ‏اكتسبتها الا بكلمتين لعبوا فيها الناس عليك ‏
يزيد : اقوول لا يكثر انت ويااه تبون شي من ‏المطبخ ‏
محمد : الموجود جبه والله يااني جوعاان ‏
سعد : اما جوعان كثر منهــا تووك متعشي استح ‏على وجهك
محمد : وانت وش علييك مني خلني براحتك
سعد : انصحك تروح لدكتور اتوقع فيك دودة ‏القز او مدري شيسمونها اللي فكرشك ‏
نااظره محمد بقهــرر ولف عنه‏
تركي : اهم شي الببيسي كان فيه جيب ‏الكرتون ‏
يزيد وهو راايح : طراره ويتشرطون وطلع عنهم ‏

ــــــــــــــــــــــــــــــــــــــــــــــــــ
في المطبخ الجوري تفتح الثلاجه وتطلع منها ‏طلبات الهوانم وهي تغني : حبيبي النهارده ‏لازم تعرف حبك عاملي جنااان ‏

اما يزيد شاف لمبه المطبخ تشتغل بس ما اهتم ‏ويوم وقف عند الباب تفاجأ بها ‏
اما الجوري للحين معطيه ظهرها للباب ولاهي ‏جااايبه خبر : انا بحبك بحبك حب ما ‏حبوووش انساان والله احبك بس وين اللي ‏يحس اااه بس ‏
يزيد للحين مكانه طربان بصوتها و يستوعب ‏اللي قالته ‏
الجوري لفت على الطاوله الا تشوف ظل عند ‏الباب رفعت عيونهاشهقت : ايييييهههههههئءء ‏
يزيد انتبه عليها ويوم شافها انخبــل عليها وش ‏هالجمال والنعومه والدلع اجل كل العايله ‏متورثه الوسامه ‏
الجوري مصدوومه ( عسى ما يكون سمعني لا ما ‏اتوقع ) : يـ ي يزيييد ‏
يزيد : لا الجني الازرق اكيد يزيد ودخل ‏داخل ‏
الجوري استحت من لبسها وجات بتطلع ‏
يزيد : جوواااري .. الجوري وقفت مكانها ولا ‏التفتت . يزيد : طيب على الاقل نااظريني ولا ‏منيب قد المقام ..‏
الجوري ( الا قده وتتعدى حده بعد ) لفت عليه ‏وهي سااكته وتناظر الارض ‏
يزيد قرب عندها : جوااري صحيح اللي سمعته
الجوري وقلبها يدق بقووه : و وش اللي سمعته
يزيد يرفع راسها ويناظرها بحنان لاول مره : ‏انتي تحبيني ..؟ ‏
الجوري تمنت الارض تنشق وتبلعها ولا تنحط ‏بهالموقف ولا مع من مع يزيد :................ ‏لا رد‏
يزيد : الجوري جاوبيني صحيح هالحكي ‏
الجوري تجرأت ما تقدر تكتم اكثر من كذا ‏ودموعها نزلت غصب : ا ا انا ا نا ايه اقصد
يزيد حس فيها : طيب ليه الدموع تراها غاليه ‏علي
الجوري فرحت من الخاطر بس ما قدرت ‏توقف دموعها ..‏
يزيد وهو يناظر فيها : جواري انا لا يمكن افرط ‏فيك انتي جوهرة بالنسبه لي انتي عزيزة وغاليه ‏علي حيل وبإذن الله رح تكونين حبيبتي ‏
الجوري الارض مو سايعتها من الونااسه :...... ‏ما تكلمت ..
يزيد : انتي تنحطين وسط العين ‏وزي ما قلتلك انتي لي لي انا وبــس وبلاش ‏هالدموع وجا بيروح لف عليها : جوواري ‏
الجوري بدون ما تحس : لبيـــه ‏
يزيد ابتسم : تدرين انك احلى بنت شفتها ‏بحياتي وخصوصاً بالبجامه غمزلها وطلع ‏
الجوري معد قدرت توقف قعدت على الكرسي ‏تستوعب اللي صار .. ياربيه انا احلم ولا من جد ‏هذا يزيد ولا واحد ثااني هذا اللي حبيته اهو ‏يحبني يعني حبي ما راح هدر اااه يا يزيد ‏احبك وررربي احبك موووت ‏

اما يزيد يوم طلع ما يدري اللي سوه صح ولا ‏غلط بس هو يوم قال هالكلام حس انه صاادق ‏وطلع من قلبه رااح للشباب وهو خالي اليدين ‏مليء المشااعر ‏

حلا قلقت على اختها : وش فيها ذي ابطت ‏هي ووجهها ‏
‏ دلع : الحين تجي وين بتروح يعني ‏
حلا وهي تقوم : لا ابروح اشوفها هذي جواري ‏مو أي احد ورااحت تشووف اختها
نزلت بقميصهاالاحمر الطوويل وشبشبها اللي ‏فيه ريش احمر وشعرها المفلول بطريقه مبعثره ‏طلعت من الفيلا : ياااربيه ذا البنت لازم ‏تقلقني وتسوي اشياء مثل وجهها عشان الواحد ‏يخاف عليها ‏

‏ :من هي ذي اللي خايفه عليها ..؟
حلا خاافت ولفت بشويش ويوم شافته عصبت : ‏انت وش دخلك ووش جايبك هنا مكانكم ‏هناك مو عندنا هنا ‏
محمد انفجع : طيب شوي شوي اعصابك ‏وراك شراره ‏
حلا : انا مدري وش موقفني معك هنا وراحت ‏بسرعه للمطبخ ‏
اما محمد وش ذي ما عندك احد تنافخ علي ‏تحسبني اشتغل عندها مدري على وشو شايفه ‏بس الحق ينقال رهيبـــه ‏

في المطبـــخ ‏
حلا يوم شافت اختها جالسه ‏
حلا تصارخ : انتي هناا وانا قاعده احتريك ‏احسب صارلك شي وانتي مو هنا لا هنااك ‏مدري مين اللي شاغل تفكيرك لا وعلى ايه ‏اكيد زووويد ذا هو فيه غيره هبل بك وللحين ‏تفكرين فيه ترااه سربووووت سربووووت كانك ‏ما تعرفين انتي اصلاً الكلام معك ضاايع انا ‏وراه احرق اعصاابي وانتي ما تسمعين سوي ‏اللي تبين بس بعدين مو تقولين حلا وش ‏اسوي وحلا وحلا تراني منيب مصلحه ‏اجتماعيه

هي تبربر والجوري سرحاااانه فعاالم ثاني ‏
‏ حلا : الحين كل بربرتي ذي ولا انتي معي ‏يعني تعبت بلاعيمي على الفااضي وراحت ‏تهزها : عاالمك الوردي مو عندي اكلمك انا ‏هنا ناظريني
الجوري انتبهت: هيه هيه انتي وش بلاك شوي ‏شوي علي
حلا : لا هذا اللي ربي قدرك عليه ليش تأخرتي
الجوري وهي تتنهد : ااااه يا حلا اااه منه احبه ‏واموت فيه ‏
حلا : لا بالله توني ادري تصدقين احسبك ‏تحبينه ‏
الجوري تناظرها : ايه احبه وش فيك معصبه
حلا بطفش ومنقهره من برود اختها : اقوول ‏كلي تبن بس .. ورااحت وخلتها ...‏

ـــــــــــــــــــــــــــــــــــــــــ
تركي يوم شاف يزيد مقبل : هذا وحناا ‏موصينك وراك راجع فااضي ‏
يزيد سرحان : ما لقيت شي البنات قضو عليهم ‏وراح جلس بعيد عنهم
سعد : لاا هذاا فعاالم اخــر اعترررف اكيد شفت ‏حبيبه قلبك سوونيا صح
يزيد نااظره بطرف عين ‏
سعد : يمــه وش فيكم امزح بس لا تصيحون ‏علينا كل ما قلنا شي وجهتا هالنظرات اللهم ‏ياكافي
تركي لاحظ يزيد وقال للعيال : كملوا لحالكم ‏حامت كبدي وقاام ‏
طلال : والله مالك دااعي ياااخي
سعد : بالعكس خليه ينقلع طلعوا اللي يغشون ‏الحين نلعب بطهااره هههههه
سعود : مو منك حنا اللي نلعبك يامال الوجع ‏
وكملوا لعبهم .. وتركي راح ليزيد جلس جنبه ‏
يزيد : ااه مدري اللي سويته صح ولا خطأ ‏
تركي : وش اللي سويته ..؟ ‏
يزيد لف عليه : كلمت الجوري وماهانت علي ‏اشوفها تتعذب قلتلها مارح تكونين لاحد غيري
تركي :الله يقلع ابليس انت وش سويت الحين ‏تخلي البنت تتعلق فيك اكثر يايزيد اذا الواحد ‏ماكان قد اللي يسويه لا يسويه احسن له ‏
يزيد بصدق : بس والله يا تركي اني انا صاادق ‏ابي اتغير اصير انسان ثاني طفشت من حياتي ‏واللي اسويه فيها مالي أي داعي اني اعيش‏
تركي : استغفر ربك واانا ما قلت شي اتغير بس ‏اتمنى انك بعد التغير ما ترجع مثل قبل ‏
يزيد : لا ان شاء الله الله معااي الله معااي ‏
تركي ابتسم : يالله الحين نرجع نلعب ورح ‏اشوف يزيد ثااني بإذن الله ‏
يزيد ابتسم : ياحبني لك والله اوكي يالله ‏وراحوا يكملون لعب ..‏
ـــــــــــــــــــــــــــــــــــ
عند البنات دخلت حلا وهي معصبه فتحت ‏الباب بقووه كل البنات نقزوا ‏
ولع : وجع ان شاء الله وش ذا الدفاشه ‏
دلال : يمه لوفيه شي فبطني طيحتيه الله ‏ياخذتس
سرور : روعتينا حسبي الله على ابليسك ‏
غرام يوم شافتها معصبه: اللهم سكنهم في ‏مساكنهم ‏
دخلت حلا وسكرت الباب وراحت لعند دلع ‏
دلع : وش فيك انتي وين الانوثه ولا تختفي ‏عند الغضب
حلا : بالله عليك اسكتي مالي خلقك ‏
‏ دلع حساسه بزياده : ولا يهمك ابسكت ولفت ‏وجهها وتبي تنام ‏
حلا ماهانت عليها : دلوعه حبيبتي اسفه والله ‏بس انتي تعرفيني اذا كنت معصبه ما اعرف ‏احد
دلع من تحت البطانيه : سوي اللي تبينه ‏بكيفك انا ما زعلت ‏
حلا : لا والله طيب عيني فعينك ‏
لفت عليها دلع وناظرتها شوي : ‏ههههههههههههههههههههههههههههههه ضحكوا ‏الثنتين على دخله الجوري
البنات التفتوا .. غرام : الحمد لله والشكر ‏
ولع : صدق مهبــل الله يحفظنا
الجوري : وش بلاهم شاربين شي ‏
سرور : الظاهر مزودين الجرعه حبتين ‏
حلا تكلم الجوري : وانتي حسابك معـي في ‏البيت اصبري علي بس‏
مرر هاليوم عليهم حلو ومن بكرا ضفوا عفشهم ‏وكلن ســرى على بيتـــه وطبعا سعد ودلال ‏رجعوا للشرقيــه وهم ادوارهم في القصه ‏سطحيه بعض الشـــيء ..‏

• يا ترى هل يزيد صادق مع الجوري ؟
• عيال عمهم هل بيتغيرون في معاملتهم ‏للاحسن ولا بيظلون مثل ما هم ؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-03-2010, 03:20 PM
رِمْشْ الْغَ‘ـلآ رِمْشْ الْغَ‘ـلآ غير متصل
©؛°¨غرامي مجتهد¨°؛©
 
الافتراضي رد: قلوب(ن) في هوى الحب ذابت للكاتبة منولة العسولة لمني في محجر عينيك سابقا


:)


أهلين حبوبه
الروآية مكرره هنا
https://forums.graaam.com/91407.html

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-03-2010, 03:35 PM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: قلوب(ن) في هوى الحب ذابت للكاتبة منولة العسولة لمني في محجر عينيك سابقا


,’



يعطيكن العــافية ^_^




,’


الرد باقتباس
إضافة رد

قلوب(ن) في هوى الحب ذابت

الوسوم
لأني , للكاتبة , محير , منومة , الحب , العسولة , ذابت , سابقا , عينيك , قلوب(ن)
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تجديد / رابطة مشجعي نادي القرن الآسيوي إعلامي ومخرج كووره عربية 2001 17-01-2010 05:11 PM
قلوب(ن) في هوى الحب ذابت ..روايه رومنسيه وسعوديه خطيره الجوهرة بأخلاقي ارشيف غرام 2 02-04-2009 11:47 AM
يجمع قلوبن علمها بين اياديه اسيرالغربة شعر - قصائد - قصايد - همس القوافي 10 26-11-2006 09:30 PM

الساعة الآن +3: 01:57 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1