غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 03-04-2010, 05:09 PM
صورة oOo. 3'roOor Mesh .oOo الرمزية
oOo. 3'roOor Mesh .oOo oOo. 3'roOor Mesh .oOo غير متصل
©؛°¨غرامي مشارك¨°؛©
 
الافتراضي رد: رواية ما خنته تبلاني / بقلمي


معليييش بس انا ما اقدر اكمل الرواايه إذا مافي ردوود وحماااس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 03-04-2010, 05:49 PM
صورة مياده الرمزية
مياده مياده غير متصل
~²؛؛²~ (جالسةأحتريـكـ بين الـثلـوجـ) ~²؛؛³~
 
الافتراضي رد: رواية ما خنته تبلاني / بقلمي


يسلمــــــــــــــــــــو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 03-04-2010, 05:51 PM
صورة مياده الرمزية
مياده مياده غير متصل
~²؛؛²~ (جالسةأحتريـكـ بين الـثلـوجـ) ~²؛؛³~
 
الافتراضي رد: رواية ما خنته تبلاني / بقلمي


يسلمو يداك من كل شر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 04-04-2010, 06:28 PM
صورة oOo. 3'roOor Mesh .oOo الرمزية
oOo. 3'roOor Mesh .oOo oOo. 3'roOor Mesh .oOo غير متصل
©؛°¨غرامي مشارك¨°؛©
 
الافتراضي رد: رواية ما خنته تبلاني / بقلمي


اقتباس:
المشاركة الأساسية كتبها مياده مشاهدة المشاركة
يسلمو يداك من كل شر

مشششكوووره ميااده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 06-04-2010, 08:49 PM
صورة oOo. 3'roOor Mesh .oOo الرمزية
oOo. 3'roOor Mesh .oOo oOo. 3'roOor Mesh .oOo غير متصل
©؛°¨غرامي مشارك¨°؛©
 
الافتراضي رد: رواية ما خنته تبلاني / بقلمي


×
×
×
×
مشاعل / قعدت فمكانها منصدمه : طارق يحبني ..؟! / ورجعت بذكرياتها للماضي ،، وهي تتذكر ايامها الحللوه مع طاارق ..!
.. وعند الحرييم ..
غاده / معصبه وساكته ..
ساره / خايفه وساكته ..
اما نوف ما كانت تدري عن السالفه ونستها وقاعده تتكلم وتضحك ،، هي وليان وشادن اللي ما دروا عن سالفة طارق ..!
وفي الزفه ..
خرجت مشاعل على شعر ..
وخرج تركي من الجهة الثانيه ..
مسكوا ايادي بعض ،، ومشوا خطوتين ،، وقعدوا يرمون ورود للحريم من فووق ..
وكل الحرييييم يصارخوون ،، طبعاً مشاعل عرفتهم كلهم ،، وتركي مره مستغرب كل الحريييم يصارخون ويناقزون كنهم ما شافوا خير .. بس الفله عن كل شي ..!
ونزلوا للدرج على ميوزيك يمشي مع خطواتهم البطيئه ،، ولما وصلوا للكوشه بدت الزغاريط وكل النااس يزغرطون لهم ..
مشاعل / نست طااارق وذااابت مع تركي وكشخته ..
تركي / كان على اعصابه ،، ينتظر يرجع البيييت ،، ويبدا ليلة عمره صح ..!!
كان تركي ماسك يد مشاعل ويكلمها وهي بس تضحك بحيا وتذووبه ..
اما هي كاانت من جد مستحييييييه .. من نظراات النااس ومنه بس يحرجها ..
ولما دخلوا .. ابو صالح وابو تركي وابو عادل وابو ماجد وعادل ومشعل ..
راحوا كل الحرييم يتعشوون ،، وباقي البناات بس ..!
ليان وشادن راحوا للرجال ،، وسلموا عليهم ..
عادل : يا زيييييينك يا مشااااااعل ،، آه بس متى يجي زواجي ..
ليان / دفته : لا بدري على زواجنا .. / قداام عمانها ;p ..
عادل : لا وش بدري ،، بااقي شهرين بسسس ..!
ليان : يعني لساا باقي زواج شادن وماجد بعدين حنا بعدهم ..
عادل : بعدهم على طووووول لو سمحتي ..
ليان : لا ما يصييير ،، ابي شادن تحضر زواجي ..
عادل : مو مشكله يأخروون شهر العسل ..
شادن : إيي صادق ..
تركي : ما ودكم ترووحوون ،، الناس كلهم راحوا إلا انتم ..!
شادن وعادل / راحوا ..
ليان / حضضضضضنت اخوووووها بقوووووه وهي تصيييييح .. : رح توحشني والله ..
تركي : ترى مو اول مره ..!
ليان : بس هالمره لما ترجع ما رح اشووفك زي اوول ،، بس ما اوصييك على مشااعل ..
تركي / وهو يناظر فمشاعل : ما توصييين حرييص .. مشااعل بعيووني ..
مشاعل / نزلت راسها على طووووول ..
ليان / طلعت من حضن تركي الكبيييير وهي حرانه وراحت لحضن اصغر منه بكثيييير بس كان فيه شوية دفا ;p : وانتي بعد ميشششششوو ما تعوودنا على فراااقك .. بتووحشينا والله
مشاعل : وإنتي بعددد ليوووون بتووحشيني أكثثثثثر والله ..
ليان / وهي تهمسلها : لا تفرطيين بتركي ،، تراه اخوو كوويس ،، كيف عاد لو صار زووج ;) ..
مشاعل / دفتها : ليووووون ..
ليان : ههههههههههـ ،، يللا انتبهوا لنفسكم ..
تركي : قوولي لأبووي ما نبي زفة بالسيارات ،، بنرووح بيتنا على طووول ..
ليان : ايييييي صح نسييييييت .. ابقوول لأبووي علييها ..
تركي : لااااااااا ،، ياليتني ما تكلمت ..!!
.. ولما طلعوا تركي ومشاعل من القصر ,، كانت وراهم سيارة عادل فيها شادن وليان ،، وسياره مهند اللي راح بالغصب معاه ساره ونووف ،، وسيارة طارق فيها غاده بدر ومشعل وسعود ..
وكان الطرييق كله صرااخ ،، ليان وشادن مطلعين روسهم من الفتحه ونفس الحركه نوف وساره ،، ويصارخوووون ومشاعل جووا السيااره مظلله وما درت عنهم ..
اما بالنسبة لسياره طارق ،، كان بدر قداام عنده وغااده منجنه علييه ،، بس يتكلم تسكت ولما يسكت تتذكر صووته ،، وتسأله أو تقوول شي يقدر يعلق عليه عشان يرجع يتكلم ..
ولما وصلوا بيتهم .. راحوا مهند وساره ونوف بعد ما سلموا عليهم ،،
مشعل وسعوود أخذوا البيييت ملاااهي ،، ينااقزوون ويلعبوون < هذي طريقتهم في التعبير عن فرحتهم ..
طارق وبدر وغاده سلموا على تركي ومشاعل ،، وبعين طارق نظرات خبيثه ،، محد انتبه إلا مشاعل طبعاً ..
وبعد ربع ساعه كلهم طلعوا ..
بس بقى عادل واللي معاه لسا ماراحوا ..!
قعدوا بالصاله ،، وتركي وده يطردهم من البيت ،، وهذا مبين من نظراته المنقهرة ..
وهم يدرون بس كذاا عنااااااد ..!
عادل : والله ماشاء الله بيتكم حلوو ،، إن شاااء الله بيتي يصير زيه ..
مشاعل : إن شاء الله يكوون احللللللى بعد ..
عادل : آمييييين يارب ،، وتسلميييين يا احلى ميشش ..
تركي / مره معصب من غير شي ،، خربوا عليه ليلته ،، المفرووض يكونون نايمين .. : يووه تأخرنا الساعه 3 ،، الطياره الساعه 9 ..
عادل : لا لسا بدري ..!
تركي : عدووووول بقوولك إياها بالعربي واللي معك ،، ممكن تتفضلون ،، تطلعوون بالعااامي بتنقلعوون ..؟!
عادل : لا والله ماودي بولا شي من اللي قلتهم .. تعالوا تعالوا نشووف غرفة النووم ..
تركي / خلاااااااااااااااااااااص ..!
مشاعل / ضحكت على شكله ،، وطلعت معهم عشاان غرفة النووم كانت في الدوور الثاني ..
عادل وليان وشادن / انجنوووووو على غرفة النوووم ..
مشاعل / اللي ما كانت تدري ،، استحت وحمر وجهها ..
كان مكتووب على السريير : احبــــــــــك (( وجنبه قلب صغيير )) ..
تركي / طلع وراهم : خربتووووووا المفاااااجأه الله يقلعكم ،، يللا برااااااااااااااااااا ..
طلعوا كلهم ركض ،، وتركي تابعهم لما يطلعوون ولما سكروا الباب التفت على مشاعل : يللا حبيبي ..
مشاعل : بسس ابي اغييييير ملا... ..
تركي / قاطعها : شدعووه ،، وين رحت انا ..؟! .. / قرب منها اكثر شي ..
وبعدين (((مشششششششششششفر ..!!))) :p
.. وفالقصر ..
كل الحرييييم طلعوا ،، وانتهى الزوااج على خييير ولله الحمد ..
.. وفقصر ابو عادل ..
ام عادل : ياا ويييييلي علييه عادل تأخر ..
شادن : قال إنه بيووصل لياان ..!
ام عادل : طييب لييش ما وصلتوها بعدين جيتو مع بعض ..
شادن : لاا هوو اصلاً مبين علييه انه يبي يقولها شي أو يقعد معها ..
ام عادل : الله يوفقهم إن شاااء الله ..
شادن : آمييييييييييييين / وتبعد عننا انا وماجد ..
.. وعند عادل وليان ..
عادل : ليووووون بلييييييز ،، ترى والله مارح ارجعك بيتكم ..
ليان : خيييييييير ،، انته اللي بلييييز ،، عدوول معلييييش ..
عادل : وش اللي معلييش اللي يسمع يقوول طالب الجنه ..!!
ليان : ههههـ ،، الجنه اهون صدقني ..
عادل : وش كلهاا بووسه ،، مارح يضرك شي ..
ليان : إلاا بيضرني ..
عادل : وش اللي بيضرك ..؟!
ليان / بدلع ،، يقالها بتقهره : اخاااف الرووج يخترب ..
عادل : بـــــــــعـــــــــد ..!!!!!!!! / وطب عندهااا ورا ..
.. طبعاً كانوا بالسياره ،، وهي ورا وهو قداام ..! < بعد ما نزلت شادن ،، ليان حلفت إنها ما رح تركب قداام ..
.. وفقصر زياد ابو ماجد ..
غاده / نست سالفة طارق : طروووق ليييش رجعتنا بدري ..؟! ،، كان خليتنا مستانسيين ،، شف عادل وليان وشادن تلقاهم للحين متجمعين ..
طارق : دقي على مشااعل وإسأليها ..
غاده / تذكرت : إيي صح ،، قبل الزفة لما كنا فووق عند مشاعل ،، وش قلتلها ..؟!
طارق / اللي الكذب على طرف لسانه : قلت مبرووك ..!
غاده : طيب لييش البنت تشنجت بعد ما قلتلها ..؟!
طارق : مدري عنها ،، يمكن عشاني مسكتها ..
غاده : وإنت بعد ملصق فيها ،، / وبدون قصد : يا خي خلاااص مشاعل تزوجت ،، الدنيا كذا ،، دوورلك وحده ثاانيه ترى بنات الحلال كثيير ،، وجيبلي معاها بعد واحد تحسسه كذا من نفس طينتي ..
طارق / وهو يقووم : حسسسييت إني جالس مع عجووز ،، تصبحيين على خيير ..
غاده / بحزن : تلااقي الخيير ،، بسهر مع نفسي كالعاده ../ وقعدت على التلفزيون تقلب بالقنواات ،، لما طفشت ونامت ع الكنبه ..
.. والساعه 7 ونص الصبااح ..
تركي / منسدح ع السرير ولاصق بمشاعل اللي منسدحه جنبه : يللا حبيبتي ننام ..؟!
مشاعل / ووجهها احمممممممر : لا .. ممماا يــ..مدي ..
تركي / يقرب منها : وشفييك ..؟!
مشاعل / بعدت شوووي : ترركي خلااااص ..
تركي / عنااد لها ضمها : ما ابييك تستحين مني شوووشه .. اوكي ..؟!
مشاعل : مووب على كيفي ..
تركي : إلا على كيفك ،، عطيني بووسه يللا ..
مشاعل / باسته بخده ..
تركي : لا وش اتفقنا ..؟!
مشاعل / رجعت باسته بخده بووسه كبييره ..
تركي : الله تجننننن ،، بس مو هذا اتفاقنا ،، تسكتيني ..؟!
مشاعل : لا والله حبيبي ،، وشووو اتفاقنا ..؟!
تركي : هذا هووو / وباسها بشفايفها ..
مشاعل / وجهها تلووون مره ثاانيه : اووكي عرفته ..
تركي : يللا نجرب ..
مشاعل : مووب الحيين ،، يللا نتجهز ،، ما بقى إلا سااعه ونص على الإقلاااع ..
تركي / اللي كاان ناااسي : إييييييه صح ،، يللا مشيينا .. / راح الحماام يآخذ شاور ..
ومشاعل / لبست قميصها على طووول وقعدت تنااظر بشكلها ..: من عذره يقووول لا تستحين ،، وجهــي احممر مررره .. وشكلي بايييخ >< ..
.. طلع تركي من الحماام ،، وهي راحت بسسسسرعه ،، وما اعطته فرصه حتى يناظرها ..
طوووووولت بالحماام مرررررره ..
.. تركي خاف لايكون صار فيها شي ،، دق عليها الباب ..
مشاعل : هلا هلا ..
تركي : وشفيييك تأخرتي مره ..؟!
مشاعل : لا الحيين طالعه ..
5 دقايق رتبت شكلها وطلعت ..
تركي : يا زييييينك تهبلييين ..
مشاعل : تركي مو وقته يللا البس ..
تركي : من عنووووووووووني ..
مشاعل / لبست تيشيرت أخضر فاقع ،، وسكيني اسوود وكعب نفس لوون التيشيرت ,, وحطت ميك آب خفيف ..
تركي / لبس تيشيرت احمر وبنطلون جينز وجزمته كونفرس ..
وراحوا ع المطار ..
وفي الطياره ..
تركي : مارح تنامين ..؟!
مشاعل : لااا ..
تركي : انا بنااام ،، تصبحين على خيير ..
مشاعل : تلاقي الخيير ..
.. وفقصر ناصر ابو عادل ..
كان الكل نايمين إلا ام عادل .. تحاتي بنتها ،، ما عمرها سافرت بلحالها بدونهم ،، اكييد بتخاااف عليها ..
ابو عادل : يا بنت الحلاال ناامي ..
ام عادل : والله ما فيني نووم ..
ابو عادل / بعصبيه : إلى متى يعني ..؟!
ام عادل : لما اطمن عليهم وانهم وصلو للبيت وارتاحو ..
ابو عادل : الله يعينك على نفسسك ..
ام عادل : آمييين ويخليك تخااف على بنتك ..
ابو عادل : يعني لما اخااف عليها لازم ما اناام واقعد مقابل الجدران ولا في إيديني شي ..!
ام عادل : انتظر منها شي طيب ..؟!
ابو عادل : إذا جاء مسج ولا اتصال منها بقووم من النووم ،، حاط الجواال تحت راسي وش تبين بعد ..؟!
ام عادل : ناام بس ناام ..
.. وبالطياره ..
تركي / كان نايم ..
مشاعل / طفششت ،، وقررت تقووم ،، داييم بالسفرات الطويلة اللي تكون لبرا ،، تكون معاها اختها ولا بنات عمها يونسونها ،، اما الحين ما عندها إلا ذا الناايم ،، ششششكله خطيييييييير ،، ابصووره :D ..
وقعدت تصووره ،، جاتها بنت تقريباً كبرها ..
البنت : ههههههههههـ ،، حرااام علييك خليه ناايم ..
مشاعل : ههههههههـ ،، طيب لعيونك بخلييه ..
البنت / بدت تمشي مع مشاعل بالطياره : شكله اخووك تحبين تهبلين فيه ..
مشاعل : لا لا زووجي ..
البنت : ماشاء الله شكلك صغييره ما يجي متزووجه ..
مشاعل : لا امس زواجي ورايحين شهر العسل ..
البنت : الله يوفقك إن شاء الله ..
مشاعل : آمييين ،، وياااك ..
البنت : ما تعرفت عليك ..؟!
مشاعل : هههه ،، اسمي مشاعل .. وإنتي ..؟!
البنت : عااشت الاساامي مشاعل ،، انا اسمي افناان ..
مشاعل : عااشت الاسامي ..
افنان : عاشت اياامك ..
مشاعل : إنتو جايين هنا تمشيه ..؟!
افنان : لا انا جايه بلحالي ،، / وبحزن : جايه ازوور امي واعزيهااا بوفاة زوجها ..
مشاعل : طيب لييش زعلااانه ..؟!
افنان : امي مسيحيه مطلقها ابوي وتزوجت وتسكن هنا هي وزوجها الله يرحمه ..
مشاعل : وإنتي مسلمه ..؟!
افنان : إيي انا وابوي سعوديين مسلمين ..
مشاعل : الله يعيينك ..
افنان : آمييين ..
مشاعل : عن اذنك برووح اشووف زوجي .. وهذا رقمي إذا تبين مساعده / طلعت من شنطتها روقة وقلم وكتبت رقمها واعطتها إياه ..
افنان : مشكووره حبيبتي ..
مشاعل / راحت لتركي اللي قاعد يقرا كتاب .. : وش عندك مثقف نفسسك هالايام ..
تركي : إيي خلااص انا متزووج لازم اكوون مثقف ..
مشاعل : هههههههههههـ ،، فاهم الزوااج غلط ..!
تركي : إيي في الزوااج لازم نكووون مثقفين ..
مشاعل : المهم .. طفششششت ..
تركي : مامرت إلا ساعتين ..!
مشاعل : طيب ابي اناام ..!
تركي : تعاالي ناامي يا قلبي ..
مشاعل / حطت مخدتها ،، ورمت نفسها بالطوول ،، وراااااااحت عليها نوومه ..
تركي : يللا ميشششوو وصلنا ..
مشاعل : قمت قمت ..
مسكت شنطتها ونزلت من الطياره .. راحوا مع التاكسسي لبيتهم اللي فـكندا ..
تركي / انسسسدح في الكنبه اللي بالصاله بعد ما دخل الاغراض هو والعامل اللي يشتغل عندهم ،، كان لما احد يسافر كندا ويسكن بالبيت يجي كل اسبووع ينظفها ..
مشاعل : تركي .. تركي قوووم ..
تركي : خلااااص خلوووني انااام ..
مشاعل : تركي يللا قووم الكنبه مو مريحه ..
تركي : في سواااق لييش تصحووني ،، بعديين بدري ع الزوااج تقضوون من الحييين ..
مشاعل / ههههههـ ،، حرااام شكله متعقد : تركي انا ميشششوو امس خلص زواجنا ..
تركي / قااام على طوول : وشووو ،، / استوعب دقيقتين : هههههههههـ ،، والله إني مخررف معليييش ..
مشاعل : لا عاادي ،، يللا رووح ناام ع السريير تعب علييك ..
تركي : اووكي .. / وراح ينام على السرير ..
مشاعل / قعدت بالصاله 5 دقايق بس حست بأحد يجلس جنبها ..
مشاعل : ما نمت ..؟!
تركي : لا ..
مشاعل : اممممم ،، ندق على اهلنا ..؟!
تركي : لا مو الحيين ..!
مشاعل : أجل ..؟!
تركي : خلينا نرتاح شوي ..
مشاعل : اوكي ..
.. وفقصر ابو مهند ..
ام مهند : وانتي يالفالحه مين قالك تعزمين على كيفك ..؟!
نوف : يماا ، فرصه وجتك لحدك ،، هذا بدال ما تشكريني ..
ام مهند : مشكوووره يا ست نووف ،، ومره ثانيه لا تسوين شي على كيفك ..
نوف / بحزن مصطنع : العفوو .. / ويدخل مهند متحمس ..
مهند / وهو طاير من الفرح : صددددق يما بتخطبين لي ساره اليوم ..؟!
ام مهند / وهي مبسووطه لفرحه ولدها : إيي ان شاء الله ..
مهند / من الفرحه شال نوف ،، وهي ما صدقت صارت تصارخ وتضحك بصووت عالي ..
وكان في احد متنح فيهااا وخااااق بقوووووه وحتى نسى يسلم على خالته اللي كانت تناظره وتضحك .. لووووول اكيد عرفتوه ..
خالد / استوعب هو وين وكيف المفروض يكوون ..: السلام عليكم
ام مهند / وهي مو قادره تمسك ضحكتها : ههه وعليكم السلام خويلد كيفك ..؟!
خالد : الحمدلله ،، كيفكم انتم ..؟!
ام مهند : والله كلنا تماااام .. تبي اناديلك مهند ..؟!
خالد : إيي الله يخليك ..
ام مهند / تمشي وتهتز من الضحك .. وخالد لاحظ : الله ياخذني وش احس وانا انااظرهااا ،، بس والله معلييييييش هذي ملااااك وشلوون مهند عااايش !!
مهند : خااالد جا ..؟!
ام مهند : إيي وش اقوولك من الصبح ..!
مهند : غرييبه جاااي بدري ..
ام مهند / تكذب ،، تبي تكلم نوف : يللا ترااه مستعجل ..
مهند : طيب طيب ..
نوف / التفتت على امها اللي حست انها بتقول شي ..
ام مهند : نووف ..
نوف : عنوون نووف ..
ام مهند / حضنتها : مبرووووك يا بنتي مقدماً ..
نوف / ما تدري وش السالفه : وشووو .. على إيييش ..؟!
ام مهند : إن شاء الله خالد ولد عمك حيكوون لكي ..
نوف : والله ..؟!
ام مهند : إيي والله ما شفتي شكله وهو يناظرك ..
نوف / بحيا : شافني ..؟!
ام مهند : إيي ،، عااد ابي اشوفك اليوم بالعزيمه مره مرتبه وحلوه ..
نوف / تناظرها بنص عين : وش قصدك يعني انا مو مرتبه وحلوه دايم ..؟!
ام مهند : لا يابنتي والله انك دوووم حلوه ،، بس ابيك تزودينها اليوووم حبتين ..
نوف : ههههههههههههـ ،، اووكي يا احلى ام ..
..
وفقصر ابو عادل ..
في طاولة الطعام الساعه 6:30 المغرب الكل موجود يتغدا إلا مشاعل طبعاً !!
ابو عادل : هاا طمنتك مشاعل .. ؟!
ام عادل : إيي قالت وصلنا لكندا وهم في البيت هناااك ..
عادل : يماا كلمتيها ولا علمتينا ..؟!
ام عادل : لا ما كلمتني ارسلت لي مسج وقالت انها بترتاح ولما تقووم بتتصل ..
شادن : الله يووفقها لهاا وحشششه ..
ام عادل : إيي والله ..
وبعد ما خلصووا اكل وقعدوا بالصاله يتقهوون اتصلت مشاعل على امها ..
مشاعل : هلاااا يمااا كيفك ..؟!
ام عادل : هلااا والله ببنيتي العروووس .. وحشتييييييييينااااااا ..
مشاعل : والله انتووو اكثثثر ..
ام عادل : هااا بشرييني عنك ..؟!
مشاعل : الحمدلله .. وانتوو ..؟!
ام عادل : والله تمااام .. وكيف تركي ..؟!
مشاعل : يسسسسلم علييك .. هذا هو يبي يكلمك ..
تركي : هلاا والله خالتي ..
ام عادل : هلاا يا وليدي شخبارك ..؟!
تركي : الحمدلله يا خالتي .. كيف عمي وعادل ..؟!
ام عادل : والله بخيييير .. بشرووني عنكم مبسووطين ..؟!
تركي : الحمدلله .. خالتي مشااعل تبيك ..
مشاعل : مااامي ابي شااااااادن بسسسرعه ..
ام عادل : اصبري يا بنتي وينكم ..؟!
مشاعل : بالبيت لييش ..؟!
ام عادل : هاا وش صااار بليلة امس ،، اعطيني كل شي بالتفصييل ..
مشاعل : مااماا ما اقدددر .. / وبهمس : تركي جنبي ..!
ام عادل : يعني ..؟!
مشاعل / بحيا : اي ..
ام عادل : طيب ...
مشاعل : يماا خلاااص مو الحيين ..
ام عادل : لا والله تقووولين ..
مشاعل : طيب ........ .
مشاعل / قفلت من امها وهي وجهها احمممر .. مارضت تقفل إلا لما تعرف كل شي بالتفصيل .. وطبعاً الملقوووف اللي بجنبها ما فووت شي ..
مشاعل : ويين بنرووح اليووم ..؟!
تركي : اللي تبين حبيبتي ..
مشاعل : اووكي ابي ارووح لملاااهي ..
تركي : من جدك ..؟!
مشاعل : ايي ..
تركي : اووكي بنروووح .. بس بالليل مو الحيين ..
مشاعل : يااااااي وناااااااااااااسه .. / ويدق جوال مشاعل رقم غريب
تركي : ردي ..!
مشاعل : رقم غريب ..
تركي : اووكي اعطيني برد ..
مشاعل / اعطته جوالها ..
تركي / رد وما تكلم
افناان : الوووووو مييييييشووو ..
تركي / بعّد الجوال عن اذنه ،، وش ذا النشااز : شكلها صديقتك خذي .. / وعطاها الجوال ..
مشاعل : الوو ..
افنان : ميششوو وينك ..؟!
مشاعل : فبيتي ..
افنان / شهقت : هئ رجعتي الرياض ..؟!
مشاعل : لا لا انا فبيتي فكندا ..!
افنان : اهاا ،، ميشوو طلبتك ..
مشاعل : عيووني لك آمري ..
افنان : تقدريين تجيني الحين ..؟!
مشاعل : اووكي ،، بس اعطيني الوصف وانا عندك ..
افنان : اووكي ......... .
مشاعل / قفلت من افنان .. واتجهت لتركي اللي كان بالحمام ..
تركي / يناظر بالمراية ويغني ..
مشاعل : هههههههههههههههـ ،، كنك بنت ..
تركي : ليييش ،، ما يناظر بالمراية إلا البناات ..؟!
مشاعل : لااا بس .... المهم تركي صديقتي طلبتني اجي عندها ،، بليييز وديني ..
تركي / قرب منها : اووكي ..
مشاعل : منننن جد ..؟!
تركي / باسها بخدها : كم مييشوو عندي انا ..؟!
مشاعل / استحت ولا ردت ..
تركي : يللا تبين تروحين الحيين ..؟!
مشاعل : إييي ..
تركي : طييب ..
مشاعل / لبست فستاان اسووود على الركبه < بحكم انها رايحه لعزا ،، وحطت كحل خفيف وقلووس ..
تركي : يللا ..
مشاعل : يللا ..
مشاعل / كانت توصف لتركي وكل شووي تلخبط ،، اما هوو عصب منها بس لما يشوووف شكلها كأنها بزر لما تتذكر يضحك من قلبه ..
ولما وصلوو ..
تركي : واخيييييييراً ..
مشاعل : من جد ..
تركي : شوفي يا إن صديقتك ما تعرف توصف يا إنتي ما سمعتي زين ..
مشاعل : هههههههـ ،، لا انااا ..
تركي : الله يعيني علييك ..
مشاعل : لييش وش شايفني ..؟!
تركي / باس شفايفها : قممممممر بسم الله علييك ،، الله يحفظك لي ولا يحرمني منك قوولي آميين ..
مشاعل / بحيا : آميين ،، / وبجديه : بعديين تركي لا تبووسني كذا قداام النااس ..
تركي / يلتفت حوله : ما اشووف احد ،، / ويقرب منها مره : ما اشووف إلا انتي وبس ..
مشاعل / تدفه بقوووووه : يللا انا تأخرت / وترميله بوسه : بااي تووتي ..
تركي : بااي قلببببي ..
مشاعل/ شافت افناان واقفه عند الباااب .. : اهللن ..
افنان : الللللله ميشششششوو زوووجك مره رومنسسسي وحلوو ..
مشاعل : ههههههههههههـ ،، الله لا يحرمني منه ..
افنان : آمييييين ..
ودخلوا لبيت ام افنان ،، اللي كان متواضع شوي ..
افنان : ميششوو بعرفك على ماما ..
.. وراحوا بالصاله ..
ام افنان / كانت لابسه فستاان فووشي قصيير وحاطه كل انوااع الـ Make-up في وجهها وتضحك ولا كأن زوجها مييت قبل كم يووم ..
مشاعل / انصصصصدمت منهاا ،، هذاا وزوجها مييت ...
ام افناان : hello ..
افنان / تهمس بإذن امها : هذي البنت سعوديه زيي ..
ام افنان / كانت تتكلم عربي بس شوي مكسر : اهلاان وسهلاان .. ايش اسمك ..؟!
مشاعل : اسميي مشاعل خاالتي .. الله يرحم زوجك / وتذكرت انه كاافر : إن شاء الله ..
ام افنان : شوكران يا بنتي ..
افنان : مييششوو تعاالي غرفتي ..
مشاعل : اووكي ،، عن اذنك خالتي ..
ام افنان / ما عرفت وش ترد ،، فإبتسمت ..

.. نهـــــــــآية الجــزء الخــآمس ..

×
×
×
×

وأتمنـى ألقـى ردوود



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 06-04-2010, 10:01 PM
فخر الإمارات فخر الإمارات غير متصل
©؛°¨غرامي جديد¨°؛©
 
الافتراضي رد: رواية ما خنته تبلاني / بقلمي


روايه جميله
ومشوقه:)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 10-04-2010, 06:52 PM
صورة oOo. 3'roOor Mesh .oOo الرمزية
oOo. 3'roOor Mesh .oOo oOo. 3'roOor Mesh .oOo غير متصل
©؛°¨غرامي مشارك¨°؛©
 
الافتراضي رد: رواية ما خنته تبلاني / بقلمي


اقتباس:
المشاركة الأساسية كتبها فخر الإمارات مشاهدة المشاركة
روايه جميله
ومشوقه:)

تسلميين فخر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 23-05-2010, 04:56 PM
ضحكتي ماركهـ ضحكتي ماركهـ غير متصل
©؛°¨غرامي جديد¨°؛©
 
الافتراضي رد: رواية ما خنته تبلاني / بقلمي


يالله انـآ تراني امتظر --<~ تبي بارت


اهم شيء اني متابعه جديده...^

يعني الله الله بالبارتات..*_*


بالإنتظار


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 14-06-2010, 07:37 PM
صورة oOo. 3'roOor Mesh .oOo الرمزية
oOo. 3'roOor Mesh .oOo oOo. 3'roOor Mesh .oOo غير متصل
©؛°¨غرامي مشارك¨°؛©
 
الافتراضي رد: رواية ما خنته تبلاني / بقلمي


بكملها لعيوووون المتااابعيين ولفخر وضحكتي ماركه

.:. الجـــــــــــزء الســآدس .:.

.. وفقصر ابو ماجد .. الساعه 9:30 م ..
ماجد : غااده تعااالي ..
غاده : اووكي جايه .. / ودخلت غرفته : يوووه غرفتك بررد ..
ماجد / بتردد : اسمعي ابستشيررك في شي ..
غاده / تحمست : وش عندك مجووود تستشيرني انا ..!!!!!!!
ماجد : دقيت على شادن وقلتلها بعززمك على العشااا اليووم .. وقالتلي اووكي .. وبعدين لما درريت ان عندي شغل دقيت عليها واعتذرت ومبين إنها زعلت .. ابي ارااضيها وش اسووي ..؟!
غاده : يا اهببببببل يا معففففن وش سويييت ،، الحيين الشغل اللي عندك اهم ولا حبيبة القلب ..؟!
ماجد : شادن اكيييد ،، بس وش اسوووي إذا اخرت الشغل بيتراكم وإذا تراكم ....
غاده / قاطعته : وش عليينا الحيين من الشغل ،، الحييين تدق على شادن وتقولها تجهزي ابي امررك نتعشاا ،، يللا الحيين قداامي .. / كبر راسها;p ..
ماجد : بسس غدووو ..
غاده : اقووول لا تبسبس وتقووول شغل وما شغل ،، طووول عمرك تهتم بالشغل ،، الحيين انته متزوج المفروض شووي تخف على نفسسك ،، مو عشاانك عشاان زووجتك شدووون ..
ماجد : طيب وش اقوولها ..
غاده : قوولها شاادن حبيبتي تجهزي الحيين انا بمرك نتعشى ..
ماجد : وإذا ردتها لي وقالت مشغووله ..
غاده : لا شدوون انا اعرفها طييبه ..
ماجد : اووكي ابدق عليها الحين ..
غاده : يللا ..
ماجد / دق على شادن وما ردت ..: ماردت ..!
غاده : دق مره ثاانيه اكييد زعلانه ..
ماجد : اووكي / ودق وردت ..
شادن : الوو ..
ماجد : هلاا حبيبتي ..
شادن : اهليين ماجد ..
ماجد : قلبي الحين ابيك تتجهزيين بمرك الحييين ..
شادن / بزعل : على ويين بعد ..؟!
ماجد : لا يا قلبي لا تزعلييين .. انا الحيين بعشييك بأحلى مطعم تبينه ..
شادن / بضيق : والشغل ..؟!
ماجد : أأجل الشغل لعيووونك .. كم شدوون عندي أنا ..؟!
شادن / ابتسمت بحياا : وحده وبس ..
ماجد : يا قلبي انا يللا بسرعه تجهزي انا بالطريق ..
شادن : لا مارح يمديني اعطيني نص سااعه ..
ماجد : اووكي حبيبتي ..
شادن : يللا باي ..
ماجد : باي ..
غاده : ياااااااي مجووووود والله وانك رومنسسي ..
ماجد : هههههههههـ ،، يا حليلها رضت ..
غاده : اي اقووولك شدوون ترضى بسرعه ..
ماجد : الله لا يحرمني منها ومن طيبتها ..
غاده : يللا مارح تتجهز ..؟!
ماجد : إي صح / وبنبرته اللي تعودت عليها قبل لا يحب : يللا براااااااااا ..
غاده : بسم الله شوي شوي .. والله لا أعلم شاادن ..
ماجد : علمييها مستحييييل تصدقك ..
غاده : إيي مدري وشلووون تغييير مووودك ،، بس مو مشكله مع الايام بنصير سواسيه ،، محد يقدر علييك ..
ماجد : يللا اشووف معطييك وجه ..
غاده / وهي تطلع : سلملي عليها ..
ماجد / وهو يدخل الحمام ،، ومنشفته بيده : يووصل ..
.. وفقصر سليمان ابو مهند .. الساعه : 11:00 م
عايلة ابو خالد ،، توهم يوصلون لقصر ابو مهند ..
ام مهند : يا هلااا والله توو ما نوور البيت ..
ام خالد : منوووور بأهله والله ..
ام مهند : تفضلووا ،، حيااكم الله ..
ام خالد : الله يحييك ..
نوف : سويييييير تعااالي ..
ساره / وهي تفصخ عبايتها : طيب ثوواني ..
نوف : بسسسسسرعه والله خبر بيطير عقلك ..
ساره / تحمست ،، بس ما بين عليها : طيب طيب جايه .. / وراحت عند نوف الصاله الثانيه ..
نوف : تدرين ليه انا عازمتكم ..؟!
ساره : لييه ..؟!
نوف : مهنند بيخطبك ..
ساره / شهقت ،، بعدين ضحكت : خبري انتوا اللي تجوونا عشاان تخطبوون مووب العكس ..
نوف : والله مدري وشلوون جت ،، بس امي عطتني تهزيئه ..
ساره : احسسن تستاهلين ..
وفمجلس الرجال ..
ابو خالد : والله يا ابو سلطان الشوور شوور البنت ،، ولا مهند ما ينعااب ومليوون بنت تتمناه ..
مهند : تسسلم عممي ..
خالد : مييين قدك اليووم ..؟!
مهند / تنهد : انت سمعته يقول الشور شور البنت ،، يعني للحين ولا شي ..
خالد : لا صدقني ساره بتوافق والله ..
مهند : الله يسمع منك ..
.. وفقصر ابو عادل ..
شادن / دق جوالها : هذا مااجد ،، يللا ماما مع السلاامه ..
ام عادل : الله معك يا بنتي .. / ولما طلعت شادن : الله يوفقهم ..
ماجد : اهليييين وسهليييين ..
شادن / بحيا : هلا فيك ..
ماجد / مسك يدها ،، وباسها : شخبباارك ..؟!
شادن : كوويسه ,, وانته ..؟!
ماجد : تماااااام بشووفتك ..
شادن : دوووم يارب ..
ماجد : حبيبتي ..
شادن : هلا ..
ماجد : وين تبين نتعشى ..؟!
شادن : على كيفك ..
ماجد : اووكي بودييك على تشيليز ،، غدوو تقوول إنك تحبين الحار ..
شادن / لا يكون قالتله بعد احب الاكل الهندي ،، ونزلت راسها بحيا ..
ماجد / وهو يضحك ،، فهم عليها : والهندي بعد ..
.. وفكندا .. الساعه 2:30 الفجر .. تركي ومشاعل بعد ما رجعوا من الملااهي مستانسيين .. كانوا منسدحين على السرير ..
مشاعل / وهي مسرحه : الله يعينها فنوو ..
تركي / يلتفت عليها : فنوو ..؟!
مشاعل / التفتت عليه : ههه ،، افنان صديقتي ..
تركي / بتردد : مدري ليش ما حبيتها ..
مشاعل : ههههه ،، ليش عشاان امها داشره ..؟!
تركي : لا كذا نظراتها ما تعجبني ،،/ وهو يقرب منها ويضمها : المهم قلبي وش نظاامك الحين ...؟!
مشاعل / فهمت عليه ،، والتفت لجهه الثانيه : ابنااااام ..
تركي : لا لا وش هالنظاام ،، انا عندي نظاام احلى وش رايك / وهمس بإذنها ..
مشاعل / ولع وجهها : تررررركي ابي اناااام بلييييييز ..
تركي : قوليها مره ثانيه ..
مشاعل / التفتت له وبإستغراب : وش هي ..؟!
تركي / يقلدها : بلييييييز ..
مشاعل : ههههه ،، بلييييز ..
تركي : لا لا انا مصّر اني اغيرلك نظاامك اليوووم ..
مشاعل / ابتسمت بحياا : حلاااالك حبيبي ..
.. وبنفس الوقت عند ماجد وشادن .. الساعه 11:30
ماجد : حبيبي ..
شادن : عيونها ..
ماجد : وش تبين تحليين ..؟!
شادن : الحمدلله ماااجد ما ابي شي ..
ماجد : عشاااني وش تبيين ..؟!
شادن : والله احسس اني بسمن .. وزواجنا ما بقاله شي ..
ماجد : بالعكس احلى ابييك مربربه ..
شادن / استحت وسكتت ..
ماجد : يللا مشيينا ..
شادن : يللا ..
.. وفقصر ابو خالد ..
ابو خالد : فكري يا بنتي واعطيني جواابك متى ما تبين ،، انا ما ابي اضغط علييك ابداً ..
ساره : تسلمم يباا .. عن اذنك ..
ابو خالد : اذنك معك ،، ولاتنسين تستخيرين ..
ساره : إن شاء الله .. / وراحت غرفتها على طوول ..
خالد / دخل عليها وهو متردد ..: ساره / ولما شاف وجهها ما يساعد انها تسمع منه شي .. : خلاص ولا شي .. / وطلع هو متردد وخايف من شعوره اللي دووم يحاول يخفيه ..
.. وفقصر ابو مهند ..
نوف / بغرفتها وتفكر بنفسها : لييش يا خااالد تعلقني فييك وانته ما فكرت فيني ،، شكلها ماما تتخيل لما قالتلي انه بيخطبني ،، يمكن اعجااب لا اكثر ولا حس إني تغيرت عشان صار له مده ما شافني الله يعييني بس ..
مهند / بغرفته وبفكر بنفسه : ياااارب توااافق ،، ويارب إذا ما وافقت ابوها يغصبها علي لإني ولد عمها ،، ياربيي انا وش فيني افكر كذا ،، انا قايلها من قبل إنها لي .. وعاادي ما قالت شي ،، يمكن مو موافقه ،، وانا وش فيني افكر كذا ،، آه بس يارب ما ترفضني ..
وفي اليوووم الثاني ،، فكندا ..
الساعه : 11:00 الظهر ..
مشاعل : توووتي بيبي قوووم يللا قووم ..
تركي / يفتح عيونه شوي شوي : همممم وش فييك ناامي والله بدري ..
مشاعل : ههههه ،، الساعه 11 الظهر نمنا كثيير ..
تركي : افففف رايقه ،، تعااالي بس ناامي ..
مشاعل : يللا بليييييز .. < نقطة ضعفه
تركي : طيب طيب قااايم ..
مشاعل / طلعت للصاله وهي تزين فستانها ..
تركي / اخذ شاور وطلع للصاله : الله الله وش هالزيين ..؟!
مشاعل / بحياا : لك حبيبي ..
تركي / لف وجهها علييه : وين تبين نفطر ..؟!
مشاعل / وهي تناظر بشكله ،، وااااااااااو مره يخقق ،، شعره مبلل ووجهه كماان وعيوونه اللي تذبح ،، ونظرته اللي تدووووووخ ..: هااه ..؟!
تركي / عرف انها خقت عليه ،، تركها وهو ينفض شعره < ينشفه .. : اقوولك وين تبين نفطر ..؟!
مشاعل / قعدت على الكنبه : عاادي اي مكاان ..
تركي : اووكي يللا امششي بنفطر على اقرب مطعم وبووديك على سوبر ماركت ..
مشاعل : ياااي ابي حلوويات ..
تركي : تؤ تؤ مافييه ..
مشاعل / بزعل : لييييييه ..؟!
تركي : صااايره دوووبا ،، سمنتي من كثر الاكل ..!!
مشاعل : إيي ماشاء الله علييك بس تأكلني هاليومين فطور وغداء وعشاء وأكل نص الليل بعد ..
تركي : وانتي ما تقصرين ..
مشاعل / تذكرت : تووتي من جد انا سمناانه ..؟!
تركي / وهو مايناظر بشكلها عشان ما يضحك : اييييه ..
مشاعل : اجل ما ابي افطر ..
تركي : لا لا لا امزززح معككك والله جسسسسمك رووووعه رهييييب ..
مشاعل : هههههههههـ ،، اووكي يللا لا نتأخر ..
تركي : يللا ..
.. وفقصر ابو عادل .. الساعه 8:00 ص ..
ام عادل : ناصر إن شاء الله اليووم بيجونا اهل عمك راشد ..
ابو عادل / وهو يقرا الجريده : الله يحييهم ..
مشعل : يماا بيجي سعوود ..؟!
ام عادل : ايييه ..
مشعل : هيييي فللللله ..
ام عادل : بس لا تسوون شقااوه ترى والله لأعااقب ..
مشعل : لا بنطلع محنا بقاعدين ..
ام عادل : إيي ازيين .. بس لا تهجولون بالشوارع بعد ،، ذييك المره بنت الجيران قالتلي وش سويتوا / طبعاً بنت الجيران كذبه ..
مشعل / بخوووف مبين بس يحاول يخفيه : وش سوينا ما نسوي شي اصلاً احنا ..
ام عادل / تمثل : مدري عنكم ..
مشعل : طيب يماا وش قالتلك عشان اقولك كذابه ولا لأ ..
ام عادل : لا لا مو كذابه هي ما تكذب ،، عشان بنت الجيران الثانيه كذبت وودوها عند واحد حط في فمها ليمووون / لووووول عشان مشعل يكره الليمون ..
مشعل : خلااص يماا والله مانسوي شي مره ثانيه ،، يللا انا برووح اكلم سعوود بقووله يجيب السكيتنج حقته ..
ام عادل : بس انتبهووا على نفسكم لا تطيحوون هنااك ..
مشعل : إن شاء الله ..
.. وفكندا الساعه : 4:15 العصر ..
مشاعل / تطلع فووق صخره كانت فوسط الحديقه : توووتي تعااال صورني هناا ..
تركي : واااااااااو شكلك خطيييير ،، بس حطي يدك على خصرك ..
مشاعل / تحط يدها على خصرها وتميل شوي : كذاا ..؟!
تركي : إيوووا لا تتحركين .. / ويصورها ..
مشاعل / وهي تنزل : يللا دوورك ..
تركي : لالا ما ابي ..
مشاعل : يللا ترى للحين عندك 20 صوره بس .. وكلها وانت مكشر .. يللا هذي بس ابتسم ..
تركي : لا شكلي بايخ اليوم ..
مشاعل : لا والله تخقق تسطططل يللا ..
تركي : هههه ،، طيب ..
مشاعل : تشيييييييز ..
تركي / بدون نفس ابتسم : اوكي ..
مشاعل : لا ابتسم زيين ..
تركي / يبتسم ابتسامته اللي تخقق : كذا ..؟!
مشاعل : ايووووووا .. / وتصور ..
تركي / وهو ينزل : وريني ..!
مشاعل / توريه : لا على آخر شي كششششرت ..
تركي : هههههههـ ،، احسسن .. / ويسمعوون صووت وراهم : مييشوو ..
مشاعل / لفت ،، وشافت البنت : فنوووووووو وش جايبك هناا ..؟!
تركي / يالييييييل ..
افنان : جااايه مع ماما نغيير جو ..
مشاعل / تأشر لتركي يعني سلم ..
تركي : اهليين افنان ،، كيفك ..؟!
افنان / انتبهت لخقتها : اهليين تركي انا بخيير ،، انته شخبارك ..؟!
تركي : الحمدلله ،، مشاعل ترى امك دقت بتكلمينها ..
مشاعل : إيي وحشتني ،، يللا فنووو اشووفك إن شاء الله ..
افنان : اووكي ،، باي ..
مشاعل : باي / وتلتفت على تركي : دقت على جوالك ..؟!
تركي : لا ما دقت بس كنت بصرف ذييك ..
مشاعل : حرااااام عليك تركي ..!
تركي : وش اللي حرااام ،، اففف سامجه ،، يللا امششي ..
مشاعل : طيب .. / وهم بيطلعووون من الحديقه جا لمشاعل مسج من افنان .. (( اقدر اجييك اليوم لبيتك ..؟!! )) ..
مشاعل / ارسلتلها (( اكييد )) ..
وهم يمشوون للبيت لإنه قريب من الحديقه مره ..
مشاعل : ترى فنوو بتجيني اليووم ..!
تركي : ميين فنوو ..؟!
مشاعل : افناان ..!!
تركي : ما تحسين إنها نشبه ..؟!
مشاعل : لا عااادي بالعكس ..
تركي : حياها الله ،، وانا برووح اصرف نفسي ..
مشاعل : لا اقععد بالبيت بغرفة النووم وانا وياها بالصاله ..
تركي : لا ما ابي ..
مشاعل : تركي بلا دلع ،، يللا بليييييز اقعد ..
تركي : اقوولك ..
مشاعل : قوول ..
تركي : ابناام ..
مشاعل : اووكي تصبح على خيير ،، وانا برتب الاشياء اللي جبناها ..
تركي : تحتاجين مساعده ..؟!
مشاعل : لا شكرن انته ارتااح ..
تركي : اووكي / وباسها : لماا ترووح قوميني
مشاعل : اووكي تصبح على خيير ..
تركي : تلااقين الخيير حووبي ..
..والساعه 5:30 م كانت افنان عند مشاعل ..
مشاعل : توو ما نوور البيت ..
افنان / تناظر البيت الفخم .. : منووور فييك حبيبتي ..
مشاعل : وشفييك ،، تعالي تفضلي ..
افنان : اووكي ..
مشاعل : وش تشربيين ..؟!
افنان : عصير برتقال ..
مشاعل / نادت الشغالة وقالتها تجيب العصيرات ..
افنان : وين زوجك ..؟!
مشاعل : ناايم يا حبيله ..
افنان : لا يكوون ثقلت عليكم ..
مشاعل : لا بالعكس كنت اطفش بلحالي وانتي جيتي وونستيني ..
افنان : الله يخليييك والله ..
.. وفقصر ابو عادل ..8:30 الليل ..
ام عادل : يللا شاادن حبيبتي البسسي ..
شادن : اووكي ماما ..
ام عادل : وانته يا عادل حبيبي اليووم بتشوف لياان ،، تكشخ لا اوصييك ..
عادل : احم ،، لا توصين حرييص يماا ..
و ع الساعه 10:15 كان في صالة الحرييم الواااسعه ..
ام عادل وام تركي .. وليان وشادن ..
مشعل / يبوس راس امه : يللا يماا مع السلاامه سعوود ينتظرني براا تامرينا شي ..؟!
ام عادل : انتبهوا لنفسكم ..
مشعل : إن شاء الله ..
ليان : شدووون وش فييك ضايق صدرك ..؟!
شادن : والله مدري وش فيني ،، كل ما يقرب الزواج احس إني بمووت ..
ليان / هذا وزوجك ماجد اجل لو صار عادل وش بتقولين : هههههههـ ،، على بالي عندك سالفه ،، عادي شوفي مشاعل تزوجت ولا صار لها شي .. مستاااانسه مرره حتى لقتلها صديقه جديده هنااك ..
شادن : من جد فاااالتها ميششوو ياحليلها وحشتني ..
ليان : وحشتنا كلنا والله ،، ترى دقت علي غاده وقالتلي إنها بتجي دامنا متجمعين وهي طفشانه ..
شادن : حتى غاده من سافرت ميشششو لها فقده ..
ليان : إيي حتى انا لا سافرتي بيقولون نفس الكلاام ..
شادن / ضمتها : الله لا يحرمني منك قوولي آميين ..
ليان : آميين ..
.. اما عند الباب ..
غاده توها نازله من السياره ..: اسمع يا كومار الساعه 2 تكووون هناا فاااااهم ..؟!
سواقها : فاهييم يا قاااده والله فااهيم ..
غاده : وشو وشو وشوو .. وش غااده انت ووجهك اسمي مدام غاده غير كذا والله لأسفرك مفلس وتعب الـ7 شهور هذي بيروح كذا ولا تقوول غاده ماقالت ..
سواقها اللي ما فهم شي ،، : اوكي اوكي ..
غاده / وهي تنزل : والله سواقين آخر زمن قال إيش قال قاده / وماتحس بنفسها إلا وهي طايحه على الارض بفعل الباب اللي صقعت فيه على ما تظن وشنطتها كانت مفتووحه وكل شي طااح منها .. : الله يآخذك من باب .. وانا بعد حووله كيف ما شفته ..
بدر / انحرج : تحتاجين مساعده ..؟!
غاده / شهقت ،، هذا اخر شي توقعته تشوف بدر ،، هي جايه هنا هي تدري إنه موجود بس ما توقعت تشووفه : آسففه والله احسبك الباب ..
بدر : انا اللي آسف ما انتبهت لك ..
غاده : لا عادي / ولمت اغراضها ودخلت القصر على طوووووول ..
.. وفقصر أبو مهند ..
نوف / تدق على مهند باب غرفته ..
مهند / بملل : وشوو ..؟!
نوف : مبروووووووك / وضمته : ساااره وافقت ..
مهند : جد ..؟!
نوف : ايييييه ..
مهند : طيب لييش تأخروا غصبوها علي ..؟!
نوف : لااا بس ساااره الخوااافه تقول استحي اقوول لأبوي إيه قداامه قلتلها ارسليله مسج واكتبي فيه موافقه وسوتها ..
مهند : يا حبيييلها .. طيب متى الملكه ..؟!
نوف : هم يقررون ..
مهند : يارب بكره ..
نوف : هييييه لا تستعجل ترى مو كويس ..
مهند : بكيييفه اهم شي إنها وافقت ..
.. وفقصر ابو عادل ..
ليان : وش فييك غدوو كذا مرجوجه ..؟!
غاده : صدمت بأخوك وانا داخله والله ما علي شرهه ماشاء الله طوول بعرض ..
ليان : ههههه ،، ماشاء الله ..
شادن : بدر ..؟!
غاده : لييه عندها غييره هنا ،، على فكره ترى ميشششوو مره لها فقده مررررره ..
ليان : إيي والله تونا نحش فيهم ..
غاده : كم باقي ويرجعوون ..؟!
ليان : تقريباً 3 اسابيع ..
غاده : يؤ كثييييييير ..!
.. وبعد شهر ..
يوم رجوع تركي ومشاعل من فرنسا اللي سافرو لها بآخر أسبووع كذا فجأه ..!
الساعه : 10:00 م بتوقيت السعوديه
عادل / كان ينتظرهم بالمطار .. اول ما شاف مشاعل ضمها على طووول : ميششششووو وحشتيييييناا ..
مشاعل : والله إنتتتووو أكثر ..
تركي : احم احم ..
عادل : هلااا والله بالعرييس ..
تركي : يا هلا فييك .. يللا عن الكلاام اللي ماله دااعي ترانا تعبااانيين ..
عادل : اوووكي الحين بووصلكم على بيتكم ..
وركبوا مع عادل بسيارته .. ووداهم على بيتهم .. بعد ما قالهم إن بكره الفطوور فقصر جدهم صالح ..
×
×
×
×
بليييييييييز قولولي إذا عجبكم البااارت عشششان اكمممل



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 25-06-2010, 02:55 PM
صورة A7LA T0o0FY الرمزية
A7LA T0o0FY A7LA T0o0FY غير متصل
©؛°¨غرامي نشيط¨°؛©
 
الافتراضي رد: رواية ما خنته تبلاني / بقلمي


مششششششكوووره على البارت مررره يجنن

وبلييييييييزز كمللللي مرررررره متحمسسسه


الرد باقتباس
إضافة رد

رواية ما خنته تبلاني / بقلمي؛كاملة

الوسوم
اتمنى من كل قلبي تعجبكم , تبلآني , جنبه , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34088 الأمس 12:15 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM

الساعة الآن +3: 05:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1