غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 19-03-2010, 02:07 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


اقتباس:
المشاركة الأساسية كتبها دلوعة مرودي مشاهدة المشاركة
واو واو واو
بليز تراني تحمست كملي

تسلميييين على تلبية الدعوه

ان شاء الله ^_^

نورتــــــــي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 19-03-2010, 05:52 PM
صورة Xx مسافره بلا عنوان xX الرمزية
Xx مسافره بلا عنوان xX Xx مسافره بلا عنوان xX غير متصل
©؛°¨غرامي مشارك¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


السلااااااااااااااااام عليكم << بشويش لاتكسر ضروسك


كيف الحال
خيااااااااااااااال الروايه

والله لوماتكملين << معصـــبه

خخخخخخخخخ

انا متابعتس
الله يرجتس اعديتيني
بس خباااااال الروايه

بحفظ الرحمن

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 19-03-2010, 08:19 PM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


وينك طوالتي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 19-03-2010, 10:23 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


اقتباس:
المشاركة الأساسية كتبها XxهياxX مشاهدة المشاركة
السلااااااااااااااااام عليكم << بشويش لاتكسر ضروسك


كيف الحال
خيااااااااااااااال الروايه

والله لوماتكملين << معصـــبه

خخخخخخخخخ

انا متابعتس
الله يرجتس اعديتيني
بس خباااااال الروايه

بحفظ الرحمن

وعليييييييكم السلااااااااااااام

ههههههههههه يالخبله

الحمد الله ياعيني شخبارس انتي ^_<


لا ان شاء الله بكمل بكمل<<خآفت


نوووورتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 19-03-2010, 10:24 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


اقتباس:
المشاركة الأساسية كتبها محتآجكـ خفوقي ..} مشاهدة المشاركة
وينك طوالتي ..

آسفه فديتكم


الحييين الحييين بنزله بس بسووي له بعض التعديلات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 19-03-2010, 10:38 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


البارت الثاني



*.*.*



وقفه علشان اعرفكم على اهلي *_^



امي وابوي عادي نفس أي


ابوووين في الدنيا يخافون على عيالهم


ويحبونهم اكيد ^_^



آنا:اسمي مضاوي وعمري 18 وادرس


بثآلث ثانوي



اخوي الكبير باسم عمره 24 وخلص دراسه وتوظف


في شركة طيران


وماحبه ابدا ابدا *_^



والثاني معاذ عمره 14 في ثاني متوسط


دايم نرفع ظغطه *_^



وخواتي 3




اختي شيخه:عمرها 16 في اولى ثانوي



اختي غاده:عمرها 15 في ثالث متوسط


اختي اخر العنقود ريماس عمرها 9 سنوات


في ثالث ابتدائي




نبدا البارت



منيره:هيييه مرام وش رايس نروح بكره لبنات خالتو


مرام :ونااااااااااسه اقسم بالله انواع الفله هناك تعالي نزعج امي ليين توافق


منيره:يااااربيه بس هذي وهي اختها ماتروح لها الا بعد مانزعج اهل اهلها


مرام:مدري وش يحبون في هالبيوت والجدران


منيره:قومي نروح لها وخلينا من هالكلام


مرام:شميييييينا


منييره:هييييه لاتعكسين الكلام كم مره اقولس


مرام:مالس دخل امشي بس وانتي ساكته


منيره طقتها مع راسها وانحاشت


مرام:مب لاحقتس موتي قهر


منيره تستهبل:الحقيني تكفين تكفين


مرام:الله يشفيس بس


منيره:امييين وياس


مرام صارت تركض في الدرج وتنادي :يمه يمه يمه


ام يوسف بخوف:خير خير وش فيس


مرام ببرود:سلامتس بس بكره نبي نروح لخالتي


ام يوسف بعصبيه:وجع خوفتيني حسبت صايرلس شي


(وهدت نفسها وقالت):توكم الاسبوع اللي راح عندهم حلى هو


منيره:يمه وشو يعني؟ عادي يعني لو نروح لهم كل يوم!


ام يوسف:خلهم يجونكم هم


مرام:وش الفرق يعني؟


امهم سفهتهم وراحت


منيره:يلا اي شي يجونا ولا نروح لهم اهم شي نوسع صدورنا


مرام:اوك خلينا ندق عليهم و نشوف


منيره:اوتشيه


مرام:اسمها اوكيه


منيره:ابارك لس يعني ولا وشو


مرام:لا ارقصي لي


منيره:قومي قومي خلنا نرقص مليت من الطفش


مرام:جبتيهاآآآآ شمينا




هذووولي بنات خالتي



وقفه اعرفكم عليهم



خالتي وزوج خالتي


نفس امي وابوي مافيه فرق



يوسف ولدهم الكبير


عمره 26 ومتوظف مع اخوي بسيم




منيره عمرها 17 في ثاني ثانوي



مرام عمرها 15 في ثالث متوسط



وطارق عمره 14 في ثآني متوسط


وطبق الاصل من معاذ



امل: اخر العنقود هي وريماس واحد




نرجع لروايه ^_<




^.في جيـــآن ^.



انا و ماسكه العربيه :هيه انتو يالثلاثي اي قسم بتروحون


غاده:انا بروح للمجلات


شيخه:وانا العطورات


ريماس وماسكه عباية امي:انا بروح مع امي


انا:وععع ماعندكم ذوق في اختيار الأقسام وحولت نظري لـ ريماس وقلت:انتي هيه فكي عباية امي صايره كنس بزر


امي:وش عليس من بنتي خليها


ريماس تطلع لسانها تقهرني يعني


انا:جعله ينقطع ومشيت بالعربيه


امي:مويض و ين بتذلفين


انا أستهبل:بروح اغازل


امي بصدمه:وشو؟؟!


انا:ههههههههه وانا اقول بناتس من طالعين عليه اثرهم عليس


غاده:ليه وش فينا


شيخه:بعدين لنا الشرف إنا نطلع لأمي


أنا:وش فيكم بعد؟ مخفات


امي عصبت وفسخت(خلعت) نعلتها وذبتها(*رمتها*) علي :هين شغلس في البيت ياقليلة الأدب


غاده +شيخه انحاشوا من الفشله الناس قامت تطالع فينا



انا:ههههههههه يمه يكفي النعله و انحشت بعربيتي


امي ضحكت علي و مسكت ريماس وراحو يتمشون



..


غاده:ياربيه هذولي كفو احد يطلعهم


شيخه:مهبل


غاده:اسكتي لاتسمعس امي بس


شيخه:ههههههههه والله وجيه الناس تفطس ضحك


غاده:ههههههههه شفتي اللي جلس ع الارض وقعد يضحك


شيخه:ههههههههه ايه شفته الله يقطع بليسه


غاده:ماينلام بصراحه


شيخه:ههههههههه من جد يلا ياشاطره روحي لمجلاتس


غاده:اوتسي باي


يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 19-03-2010, 10:40 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


نرجع لي *_^



انا شفت ولد تقريبا عمره ١٤ وكان لابس بنطلون طيحني وحاط شعره كدش ومعبي سلته من كل الانواع والاشكال


حبيت انرفزه شوي مشيت بسرعه لعنده وصدمته وقلت وانا أمثل الخوف:اسفه اسفه اخوي مانتبهت لك


الولد تنرفز:كل هذا وماشفتيني عمياء


انا ماصدقت خبر وقلت بصوت عالي:ايه ماشفتك عندك شي انت وسروالك ذا الوسيع استغفر الله ارفعه بس فشلتنا ماتعرف تلبس


:هذي الموضه شكلك قرويه ماتعرفين شي


انا:هذي موضه مابقى الا تتفصخون انت وكشتك رح حلق بس


:روحي روحي تحظري واعرفي للموضه وبعدين تعالي حاكيني


انا بمونه قويه:خلنا من الموضه الحين وقولي ليش معبي سلتك كذا ماعندكم اكل في البيت


:انت وش دخلك؟؟


انا أأشر على باب جيان:شف شف شفت هذاك الباب انا داخله معه


:ناس فاضيه وراح عنها


انا:ههههههههه هبلت به يستاهل هو وسرواله هالمفصوخ


وبهالوقت رن جوالي


انا:هلا والله وغلا تو مانور البيت


منيره:ههههههههه وش بيته اسمعي بس تعالوا لنا بكره


انا:بشوف امي وارد لس


منيره:قلت لأمي بس عييت


أنا:اجل بزعج امي خلاص بكره ان شاء الله إنا عندكم


منيره:ان شاء الله وقفلت الخط بوجهي


انا:صدق انها ماتستحي هين اوريها وبديت أتمشى في جيان لين شفت عجوز جالسه على الأرض قربت عندها وتربعت قدامها وقلت:وش فيس جالسه هنا لايكون عيالس بس رامينس


العجوز عصبت:فالس ماقبلناه وبدت تهدي:لا بس رجيلاتي اوجعتني وجلست اريحهم


انا:بس مايصلح تجلسين هنا


العجوز:انتي موظفه فيذا


انا أسحب لي ليز من عربيتي وأفكه وأقول:لا والله انا وحده ملقوفه


العجوز تناظر فيني وتحمد ربي على نعمة العقل


انا وأكل من الليز:اجل وين اولادس خلني اتعرف عليهم


العجوز بصدمه:وشو ؟


انا ضحكت وقلت:اقصد يعني بناتس وينهم


العجوز:كلهن معرسات وتأشر على شخص وتقول :هذاك وليدي اللي جاي لمنا


انا ناظرت له وخقيت معه وقلت :ماتدورين له على عروس


العجوز:لا هو معرس مايحتاج


انا:يوووووه قهر


العجوز ارتفع ظغطها:الله يثبت علينا العقل والدين قومي روحي لاهلس الله يستر عليس بس


انا:خلينا جالسين يمكن يعجب فيني ولدس ولاشي


العجوز قامت عني


انا:اجلسي اجلسي وسعي صدرس


العجوز سفهتني وراحت


انا:هههههه


وقمت وحطيت الليز في العربيه ومسكتها وبديت أدف فيها


انا: رفعت ظغط هالعجيز مسيكينه ههههههههه


وش اسوي الحين لازم احلل هالطلعه وافلها ع الآخر


وبديت اناظر لناس حولي وشفت بنتين كاشخات اخر درجه ومتلثمات و يمشون بدلع وقررت أخرب عليهم *_^


قربت عندهم وخذت لي ببسي ورجيته وفتحته جنبهم مرآآآ


(وطبعا مايحتاج اقول وش يصير لما ترجون علبة الببسي)


انا ماسكه الضحكه غصب:اسفه اسفه معليش ماكآن قصدي


***بدلع:واآاآي انتي ايش سويتي الحين كيف بمشي وشكلي مره كذا فضيع


والبنت ثانيه اللي كانت معها جالسه تصيح


انا وماسكه نفسي غصب :معليش معليش وانحشت وبديت أضحك غصب عني:ههههههههههههههههه احسن قليلات الأدب ههههههههه


يفتشون احسن بدال هالزينه كلها الله لايبلانا بس


***:انتي مجنونه؟


انا اخترعت ولفيت لمصدر الصوت وقلت بنرفزه:خيييير


:انتي مجنونه؟


انا :لاء بس غيري يمكن وأشرت عليه


***يتميلح:طيب لاتكلمين نفسك مره ثانيه ياحلوه


انا:وانت وش دخلك وجعل ايامك ماتحلى يارب


***:حرام ليش تدعين ؟


أنا:الحين انت وش تبي


***:حبيت انبهك بس واخذ رقمك اذا مايزعجك


انا:تقلع الله يشفيك بس ومشيت عنه


غاده:هلا مويض وش عندس جايه عند المجلات هماس ماتحبينها


انا:بس كلتيني والله رجلي جابتني هنا


غاده:هاه وش اخر اخبار هبالس وش سويتي بخلق الله


انا مسويه بريئه:ماسويت شي امشي وحليلي مؤدبه بمكاني لا كلمت احد ولاجلست مع احد ولا خربت على احد امشي جنب الحيط


غاده:ايه واضح واضح


انا:اقول اسمعي بس ترأ بكره بنروح بيت خالتي


غاده:على كيفس تقررين انتي


انا:ايه عندس شي المهم خلنا نشتري اغراض لجمعتنا باتسر


غاده:اوكيك تعالي نأخذ شيخه و نشوف وش نشتري وش نحوس


انا بحماس:قداآاآاآاآاآم




مرت الساعتين سريعه علينا وطبعا


اكيد إنا البنات ماودنا نطلعا بس وش نسوي غصب عنا



قبل مانطلع



انا بصوت رجولي:آنا بحاسب

امي بملل المسكينه ملت من حركاتي ههههه):ومن غيرس الرجال هنا


غاده+شيخه+ريماس:هههههههههههههههههه


أنا:يمه كم مره اقولس لاتضحكيين علي العذال


امي:امشي بس ولايكثر وانا امس


آنا:آدعسس والله صرتي طبق الأصل من بنتس الله يخليها اللي هي أنا *__^


امي ضحكت وقالت:بتحاسبين ولا اروح انا


انا:يمه انا الرجال هنا اسمعي كلامي


امي خبطتني على كتفي وقالت:مابقى الا هي


أنا:يمه حرام عليس كسرتيني اليوم


امي و من ورأ قلبهاهع :احسن الساعه المباركه


انا:آفا يا....


ريماس قاطعتني:بس اسكتي وجع وش هاللسان عندس روحي بس حاسبي قبل مايعصب علينا بابا


انا:اسكتي يالبزره ودفيت العربيه اللي فيها اغراضنا ورحت عند اللي يحاسب وقفت وبديت أطلع الاغراض وأحطها على الشي اللي يتحرك <تراني ماعرف اسمه ههههه


المحاسب:هذا الليز انتو مأخذينه مفكوك ولا انتو فاكينه


انا:لا انا اللي فاكته


المحاسب:بس مايصير كذا ياأختي


انا:وليه ان شاء الله


:شلون تأكلين شي ماحاسبتي عليه


أنا:عادي بعدين بحاسب


:لا عاد تسوين كذا مره ثانيه


انا بعناد أبي أقهره:والله اذا جعت بأكل ولا علي منك


صار يناظرني بعصبيه و يحاول يخلص اغراضي بااسرع وقت


طبعا انا مستانسه انه عصب<خبله خخخخخ


حط الأغراض بالكيس وتقدمت بطلع وقبل ماأطلع سمعته يقول بحقد:روحه بلى رجعه


انا بصوت عالي ولاهمني احد:لعدووييني




وشلت الأكياس ومشيت عنه

وجو اهلي وخذو مني بعض الأكياس واتجهنا لسياره ومن ثما لبيتنا ^.^







تم آلبآرت الثاني




هل بتستمر حياتنا هاديه


وكلها هبال × هبال


او بتتغير ؟؟



توقعاتكم ^_^




ملاحظه



اللي مافهم بعض الكلماآت يقولي


اشرح لهـ لان فيه بعض الكلمات


نجديه بحته ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 19-03-2010, 10:49 PM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 19-03-2010, 10:50 PM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


اقتباس:
المشاركة الأساسية كتبها ~ مطب مصرقع ~ مشاهدة المشاركة
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه

الله يقطع شيطانك مت ضحك

هههههههههههههههههههههههههههههههههههههههههههههههههه هههههههههههههههههههههه

متى بتبطلي رجتك دي ههههههههههههههههههههههههههه شكله مافي امل صح ههههههههههههههههههههههه

يعطيك العافيه يا قمر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 19-03-2010, 11:25 PM
صورة أتعبني الرمزية
أتعبني أتعبني غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


وهــ بسس شكلها مررره حلوووه
عاد انا مثلتس احب الوناسه وتسذا
واعتبريني من متابيعنك^_^
ولي باك بكره بأذن الله اقرها
لان حدي دايخه وبنااام
فديتك
انطريني بكره

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1