غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-03-2010, 11:15 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي ، كاملة


اليوم اتيت لكي اطرح بين ايديكم روايتي الاولى
في فن الكوميديآ

التي تنتظر منكم الاطلاله و تطلب منكم النقد قبل المديح

روايتي تعتبر لمحبين الوناسه والهبال والصرقعه مثلي يعني
<<طسي *_^

آتمنى الآقي منكم التفآعل وان شاء الله تستمتعون بقراءة احرف
روايتي مثل مااستمعت وانا اكتبها *_^

وبث احس اني طولتها وهي قصيره

البارت الاولى بين ايديكم اتمنى يرووق لكم

طبعا واكيد مابيكم تبخلون علي بآارائكم
توقعاتكم افكاركم اي شي يعجبكم
حطووه لاتستحون


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-03-2010, 11:21 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


((لآ جيت بعقل يضحك الطيش بدري وأنا اقوله لاتصدق ترآني أتسذب عليك ))

بـــــــــقــــــلـــــــــــم

كـــل شـــي ألـأ صلـــعة آبــــــــوي



¤"البارت الأول~+



أنا بطفش:ياربيه طفش×طفش
وش هالحياه استغفرالله ملل اوف اوف مليت متى اصير ولد متى؟
غاده :الحمدالله والشكر وش فيس استخفيتي ولا وش صار لس بالظبط
أنا بنرفزه:اكيد بستخف وبنجن يعني وحده جالسه ٢٤ ساعه مع الجدران ماتبينها تنجن وتستخف وتنهبل وكلش
غاده:الا بسألس ذاك اليوم ليش جالسه قدام الجدار وتضحكين
أنا بخوفها:ههههه ايه كنت جالسه اكلمه
غاده:يمه يمه في احد في العالم يكلم جدار
انا:ايه انا
غاده بخوف:طيب يعني هو كلمس
انا وابي أخوفها اكثر:ايه كلمني ماتشوفيني اضحك له
غاده مطيره عيونها وتقول وهي ترتجف من الخوف:يعني هو هـــ و هو تــ تــ تكلم الجدار كلمس
انا وماسكه الضحكه غصب:ايه كلمني اسمعي بقولس وش صار
انا سألته قلته مامليت من وجهي تكفى جاوب بصراحه؟
هو قال الا مليت و دي انحاش من هالبيت اللي الوجيه فيه لو انهد عليهم ماتتغير!
عاد انا قلت احمد ربك انك عندنا هو قالي من زينكم ولا من زين بيتكم وانا قلت له... انا توني بكمل الا تطلع الضحكه اللي ماسكتها غصب عني :هههههههههههههههههه آه يابطني
ههههههههه صدق انس مخفه و يلعب عليس بسرعه ههههههههه
(طبعا كان شكل غاده مضحك جدا خلني اوصف لكم كيف كان)
كانت تصيح وترتجف من الخوف ومطيره عيونها في الجدار وتتكلم معه وترجع على ورا وتقول برعب:انا بطلع من البيت واوعدك انك ماتشوف وجهي ابدا بس تكفى الله يخليك لاتتكلم الله يخليك وتكمل صياح
انا طبعا مب قادره أمسك نفسي عن الضحك و ابي اقولها اني العب عليها بس مب قادره حاولت اهدي نفسي وقلت بالغصب:هههههههههههههههههه تراني هههههههههههههههههه العب عليس يالهبله الله يكملس
هههههههههههههههههه بعقلس
ههههههههههههههههههآآآآي بطني بطني مب قادره لحقوا علي
هههههههههههههههههه
غاده قربت عندي بعصبيه وبدت تطق فيني ومن كل قلبها بقوه وقهر و انا أضحك لا انا قادره أبعدها عني ولا قادره أوقف ضحك فخليتها تطق فيني لين تشبع و صرت أضحك ضحك مب طبيعي
غاده انقهرت وتركتني وبدت تدعي علي:الله ياخذ غبائس و هبالس اللي هبلبي ياجعلس تأخذين لس واحد يطلع الشيب من راسس يالعجوز
أنا أمسح دموعي من الضحك:اذا عقلس قوطي وش اسوي لس انا ههه هههههاأآأآأآي
غاده:تموتين جعل عدوس الموت
أنا:امين يارب آه وربي وخرتي الطفش عني آه يابطني وناسه تكفين خلنا نعيدها
غاده:انقلعي جعلس الصمرقع
أنا:ايه ادعي لي انا مب عاجبه نفسي ابي انهبل اكثر واكثر هههههههههههه
غاده:جعلس الهبال قولي آمين
أنا:امين هههههههههههههههههه
غاده:يارب ترحم حال اختي يارب
انا ورجع لي الطفش:ياربي ابي اعيش مغامره مليت من الهدوء والروتين الممل ياشين العطله وانتي جالسه تحرسين الرياض اوف متى تجي الدراسه اشتقت لهبالي وه وه بص
غاده بتنجن:انتي هيه اثبتي على شي مره اشتقتي لدراسه ومره تكرهينها
أنا:ايه اكرهها شي اكيد بس علشان الهبال اللي فيها احبها فهمتي
غاده:تكلمي زين يالهنديه
أنا:اذا فهمت وش قلت فهمتس
غاده:يارب صبرني عليها يارب
انا اتجهت للباب
غاده:وين رايحه
انا:اختس اللي خامده من امس ماودها تقوم؟ ولا وش علتها؟
غاده:وش عليس منها خليها تخمد بعدين البنت نايمه الظهر مب من امس
انا أتخصر:قولي والله ترآها كبرت خلاص لازم تقوم تصلي تجمع كل الاوقات مع بعض ماتخاف من الله
غاده:خلاص دام انها علشان الصلاة اجل خذيني معس
انا وغاده طلعنا واتجهنا لغرفة "ريماس+شيخه"
أنا:طيب شلون بنقومها ماعندس خطه تضحك
غاده:لا كل الخطط عندس انتي و هالمخ اللي شغال طوال الحياه هب عليس
انا مسكت راسي وقلت بالمصري<يعني فقدت الذاكره هههههه:أدا انا فين ومين انتي يابت وقايبيني هنا ليه فين ماما وبابا من قابني هنا انتي مين انتي مين؟
غاده:ههههههههههههههههههه امشي امشي بس لايكثر لاتخافين عيني بارده
انا:واضح والله راسي عورني جعل عينس الفقع
غاده تقرب لراس اختها وتتفل:تف تف تف اسم الله على راسس تف تف تف
انا بقرف:جعلس القرف يالوسخه وععع وتوني بتتفل على غاده
بس غاده انحاشت ودخلت غرفة خواتي وطبعا شالت الباب معها مافتحته وصعق بالجدار صقعه اقوى شي في الدنيا<لحد يعلق هههههههه
وطلع صوت مثل صوت الانفجارات
وعلطول ريماس قامت و نطت بشكل سريع وعيونها في جبهتها من الخوف والرعب وتتكلم بسرعه :وشو وشو حرب هاه صار فينا مثل العراق وفلسطين "وبحسره قالت"انا قايلته ان امريكا بتحاربنا احسن هذا جزاء العرب ليش ماتكاتفوا وصاروا يد وحده ضد العدو آه ياحسرتي على شبابي ياويلي و يلآه حرام ماتهنيت في عمري حسبي الله عليك يابوش و ياابوما <ماتنلام قايمه و نايمه بنفس الوقت
طبعا انا+غاده +شيخه فاقعين ضحك الا ميتين ضحك عليها وعلى كلامها اللي مدري وش يبي في الحياه
أنا:هههههههههههههههههه آه بطني ناوين تموتوني اليوم ياخواتي اكيد
هههههههههههههههههه
شيخه: هههههههههههههههههه البزارين مشكله يصدقون بسرعه ياليتني مالعبت عليها قبل ماتخمد
هههههههههههههههههه
غاده:هههههههههههههههههه
هههههههههههههههههه شوفوها رجعت تنام
أنا:صدق انها مخرفه
هههههههههههههههههه
شيخه تحاول تسكت:خلاص اسكتوا بطني تقطع آه ياقلبي
هههههههههههههههههه
انا امسح دموعي من الضحك:شويخه وش انس قايله للمخفه الثانيه
شيخه:قلت لها بكره بتقوم الحرب العالميه ٤
غاده:وش رابعته انتي بعد
هههههههههههههههههه
انا:هههههههههههههههههه حرام خليتي البنت توسوس
شيخه:احسن ازعجتني تقولي ليه العرب مايتفقون و يذبحون امريكا وانا وش علي يتفقون ولا يقعدون عليها افكار مدري وين تجيبها
غاده:طيب اللحين وش وجه الشبهه بين الحرب الرابعه اللي مخترعتها انتي و كلام اختس المخرفه في عز الطفوله
شيخه:والله كنت على النت ومب رايقه لها و تسألني اسئله مالها دخل في ام الحياه فقلت لها علشان الحرب العالميه ٤ بتقوم بكره وراحت انسدحت على سريرها و مادريت الا هي في سابع خمده ههههه
انا:هههههههههههههههههه وش هالعائله اللي كلها مخفات الله لايبلاني بس
غاده:اقول انطمي هين شغلس عندي
انا أكش بيدي على غاده وأقول:كش وكش ومالت عليس مالت وقربت عند ريماس وجلست أقومها
ريماس وهي نايمه تتكلم:وخري عني مابي اقوم خلي الحرب تخلص اول مابي
انا:قومي صلي وش حربه وانتي تصدقين اي شي ينقالس
ريماس تدفن راسها في السرير وتصارخ:مابي مابي
انا حمدت وشكرت ربي على نعمة العقل
شيخه:اقول تعالوا خلنا ننزل عند امي مسكينه بلحالها
انا ابتسمت بخبث وقلت:اوكيشن وبديت اقلد مشيت العساكر:الى الاماآآآم سر
وصارنا نتراكض لين الدرج على بالنا مسوين سباق يعني و طبعا اللي يسمع صوت رجلينا وركضنا يقول سباق هجن مو سباق بنات
غاده:وجع وش هالرجلين عليس
أنا:قولي مشاء الله شكل اليوم مب معدي على خير من عيونس
غاده:احسن جعلس تطيحين
انا وأنط اخر درج قلت: وصلت هييهه ماامداني كملت جملتي الا وانا طايحه على خشتي طراآاآآاآاآخ
شيخه+غاده:ههههههههههههههه
غاده:الحمدالله شفت فيس يوم قبل مأموت احسن تستاهلين عساس من هالحال واردى
انا و ماسكه رجلي:آي رجلي وجع تكفين لاعاد تتسابقين معي صكيتيني بعين جعلس الهبال
غاده:شكرا خلي الهبال لس واتجهت للصاله
وانا وشيخه وراها
انا بصوت مزعج جدا جدا:السلاآاآاآم علييييكم
امي:وجع جعلس الصمخ نسمع ترى مناب صمخان
انا:ردي السلام يمه اول
امي:الله يصلحس من بنت هاه وعليكم السلام
غاده:روقي يالغاليه ترى جاين نجلس معس
شيخه:ونونس و نوسع صدرس
انا:الا وين ابو باسم يازوجته
امي:راح يصلي العشاء
انا:خساره قهر قهر
امي:خير وش عندس
انا:كنت ابيه بشغله
امي:وش هي؟
انا و أبي أرفع ظغط امي:يمه سر مايصلح تعرفينه
امي:جعلس السر اللي يسرك قولي آمين
أنا:يمه وش ذا الدعاء العجيب الغريب
امي:مدري عنه طلع وبس
انا بمونه قويه:يمه تكفين لاعاد تدعين
امي ارتفع ظغطها:قومي عن وجهي ياقليلة الحياء اذا الكبيره كذا اجل الصغار وشو
شيخه:يمه ماعليس منها اسفهيها
انا وأحب راس امي:يمه بقولس شي
امي:قولي يابنتي الكبيره
انا:يمه خلنا نطلع تكفين تكفين
امي حطت يدها على مخباها وقالت بااستهزاء:اصبري خلني اطلع مفتاح السياره
انا صدقت:يمه صار عندس سياره وإنا ماندري
امي بسخريه:ايه امس ابوس شاريها لي
انا:ياحبي له ابوي فديته يدري اني من زمان ابي اسوق سياره وجابها ماحب يكسر بخاطري<مصدقه نفسي
امي تتهزأ:الله يكملس بعقلس اسم الله عليس اسم الله عليس
و بهاللحظه دخل ابوي علينا
أنا نطيت عنده وقفت قباله وقلت:هلا هلا هلا وسهلا تو مانور البيت قوموا بنات جيبوا لابوي البخور
غاده:وش تبين بالبخور
انا:مدري روحي جيبيه وانتي ساكته
ابوي مب مستوعب:خير وش فيس يابنت ابو باسم انهبلتي مرتن وحده وتقدم عنها وراح جلس على ارض الصاله
انا فرحانه:مشكور ياحلى اب على السياره
ابوي:وش سيارته
امي+غاده+شيخه:
ههههههههههههههههههههههههههه
انا:خير تضحكون
شيخه:انتي ليه غبيه كذا ههههههههه
امي:انتي خذيها بالعقل يعني ابوس بيشتري لي سياره
انا توني استوعب:ههههههههه صدق اني فاهيه
غاده:من زمان ههههههههه
انا:انطمي يالخوافه
يمه لاعاد تلعبين علي وتخليني طنازه للعذال
امي:اقول ابو باسم مضاوي تبي تتطلع
ابوي:اركبوا وين تبين مضاوي
انا:ابوي خلنا نروح لجيان تكفى تكفى
ابوي:طيب بس لكم ساعتين بكره وراي دوام
غاده:طيب بنروح نصلي و نقوم ريماسوه و نطلع
وراحنا نتراكض فوق
انا و غاده راحنا نصلي
و شيخه راحت تقوم ريماس

يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-03-2010, 11:27 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


ريماس تصارخ:مابي اقوم مابي اقوم
شيخه بملل:خلاص الحرب خلصت قومي يله ترى بنروح عنس
ريماس جلست على حيلها:وين بتروحون
شيخه :من ساعه وش قاعده اقولس وقربت عند اذنها وقالت بصراخ جيااآاآااآاااآااآان جيااآاآااآاااآااآان جيااآاآااآاااآااآااآاآااآاااآااآان
ريماس:وجع جعل احبالس الصوتيه القطع فجرتي اذني
شيخه وهي تلف الجلال استعداد لصلاة :قومي بسرعه ترى مافيه وقت
ريماس:اووهوه ازعجتنا
شيخه سفهتها وكبرت لصلاه
وريماس اتجهت للحمام تتوضى

خلصنا خلال نص ساعه ولبسنا عبايتنا واتجهنا تحت طبعا واكيد مسوين سباق الهجن حقنا
ابو باسم:انتم بنات متأكدات
غاده:هل في ذالك شك؟
ابوي:شكآت اجل احد ينزل الدرج كذا
انا:آيه بناتك الأمورآت
ابوي قام وهو متجه لسياره :يلا بس اركبوا

عدلنا عبايتنا والبراقع وامي لبست عبايتها وطلعنا

في السياره

ريماس ركبت قدام جيت انا طيرتها لورأ
ريماس تصيح:وجع جعل يديس الكسر
أنا:هذا مكاني معروف ليش تجلسين فيه
ريماس تمسح دموعها وتناظرني بااستحقار
انا:مالت عليس وعلى عيونس الخايسه
امي كانت ورأ المرتبه اللي كنت فيها مدت يدها وقبصتني قبصه قويه
انا صرخت وقالت:آآه اييي يمه ليش تقبصين؟
امي:علشان تهجدين جعلس الهجده
انا:وع يمه بعدين تعيشون ملل قاتل لازم شوي من الهبال والصرقعه
امي:اسكتي اوجعتي راسي من ركبتي وانتي تبربرين
انا:طيب واذا طاب راسس قولي لي
امي:وليه؟
انا:علشان اتكلم لاني ماقدر اجلس ساكته
ابوي:وين معاذ ماشفته اليوم
شيخه:اكيد ياأبي العزيز انه بالشارع
انا أتهزاء:صح يالفصحى هههههههآااآاآاآي
شيخه:احسن منس
امي:يقول مسوين عزيمه ربعه ورايح لهم
أنا:مشاء الله انا ابي اروح لربعي مثله
امي:اسكتي بس
انا:ياربيه يمه مليت وانا ساكته
غاده:اصلا انتي سكتي يالهنديه

ابوي شغل قران وسكتنا غصب عنا مسكين اوجعه راسه منا هههههه

*.*.*

وقفه علشان اعرفكم على اهلي *_^



تم الباآرت الاول


ماحبيت اطوله

حبيت اول اعرف رايكم بالبدايه

وان شاء الله بكمل لين شفت تفاعلكم

معي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-03-2010, 11:35 PM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه


و الله انك تحفه

الله يبسطك زي ما ضحكتيني

كملي الروايه و انا معاك

يعطيك العافيه

تسلم يمينك






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-03-2010, 01:20 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


,’



بسم الله


يعطيك العـــافية
موفقة إن شـــاء الله


https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-03-2010, 02:20 AM
صورة .Ǎℓ-Ż3έε₥ẩ«~ الرمزية
.Ǎℓ-Ż3έε₥ẩ«~ .Ǎℓ-Ż3έε₥ẩ«~ غير متصل
©؛°¨غرامي مجتهد¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


ههههههههههههههههههههههههههههههههههههه

الله يجازيك خير بجد انبسطت معاك

متابعه لتس يابعدي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-03-2010, 03:21 AM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


اقتباس:
المشاركة الأساسية كتبها ~ مطب مصرقع ~ مشاهدة المشاركة
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه


و الله انك تحفه

الله يبسطك زي ما ضحكتيني

كملي الروايه و انا معاك

يعطيك العافيه

تسلم يمينك





دوووووووووووومز ياااااااااااارب الضحكه والبسطه


ان شاء الله بكملها ^_<


يعافيييك ربي ويسلمك


منوووووووووووووور اكييييييييييييد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-03-2010, 07:40 AM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


اقتباس:
المشاركة الأساسية كتبها الزعيـ a.8k ـمه مشاهدة المشاركة
,’



بسم الله


يعطيك العـــافية
موفقة إن شـــاء الله


https://forums.graaam.com/238622.html



,’

يعافييك ربي


آن شآء الله بآاطلع على القوانين ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-03-2010, 07:42 AM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


اقتباس:
المشاركة الأساسية كتبها **nana** مشاهدة المشاركة
ههههههههههههههههههههههههههههههههههههه

الله يجازيك خير بجد انبسطت معاك

متابعه لتس يابعدي

دووووووووومز يارب هالضحكه والبسطه يارب

اتشرف بووجودك حبي ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-03-2010, 04:08 PM
صورة كل شي آلا صلعة ابوي الرمزية
كل شي آلا صلعة ابوي كل شي آلا صلعة ابوي غير متصل
©؛°¨غرامي متألق ¨°؛©
 
الافتراضي رد: لاجيت بعقل يضحك الطيش بدري و أنا أقول له لا تصدق تراني أتسذب عليك / بقلمي


وين الباقي ^_<

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1