غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 01-04-2010, 11:29 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي



[ الحلقة التآسعه ]

ع السآعه 6 بدوآ رولا وعبير يتجهزون
لبسوآ ثيآبهم بعد ما استحموآ
وبم ان عبير ما كملت دراستها ، فكانت مآخذه لها كورس فـ دورة تجميل
عشان كذا هي اللي ضبطت نفسها وضبطت رولا وصآروآ نفس الشئ بكل حاجه كأنهم توينز اللهم إن عبير شعرها مرآ طويل ماشالله وبيضآ ورولا العكس ض1
ع السآعه 8 جا بدر
بدر ينادي – رولا رولا .!
رولا طلّت من الدرج ~ إيوه خالوآ
بدر ~ ليه ماتنزلين ترى واحد من أصحآبي توه مكلمني عشان أوصف له البيت وترى معاه زوجته بسرعه انزلوآ
رولا ~ طيب طيب .
عبييييييييير الناس بدوا يجون واحنا ما خلصنا وصرخت
بدر بابتسامه ~ وربي انهم ملاحيس
راحت رولا بسرعه للغرفه وساروا زي المهبولات بس يركضون اللي تدور صندلها واللي تزين شعرها ، مره مره حوسه
عبير ~ رولا كيف شكلي زين ؟
رولا بانبهار ~ وآآو مآشآآلله تبارك الله ، تعالي أتفل عليك
اخخخم تف اخخم تف
عبير ~ لآ تفلي صح وش أخم تف
رولا ~ هههههههههههه قربي طيب
عبير ~ اقول روحي صدقتي .
رولا + عبير ~ ههههههههههههههههه
يلا يلا خل ننزل
نزلوآ البنات وخذت عبير من الخدامه المبخره وقعدت تبخر الصآله
رولا ~ عبورتي أديني المبخر خل أبخّر خالو
عبير ~ تفزلي يا حبيبتشي
رولا ~ يسلمو ياحبيبتشي انتي
وضحكوآ
بعدين راحت رولا وبخرت خالها
،
رولا ~ عقبآل مآأبخرك معرس
بدر رفع يدينه ~ آآمييين
رولا ~ ههههههههه يعني ناوي
بدر ~ يعني هه هه

" رن الجرس "
رولا شهقت ~ الناس جو يمامي تصدق خالوا أول مره أستقبل ناس فبيتي أحس برهبه
بدر ~ حلوه رهبه خخخخخخخ أقول روحي لا تتأخرين ع العالم
رولا ~ طيب رحت ، ( ونآدت ) عبيييييييييير
،
راح بدر ودخّل صآحبه
ورولا دخلت الحرمه

وشوي شوي إلآ والجماعه كلها وصلوآ
تقههوآ وتحلّوو وسولفوآ .
وعلى السآعه 10 جهز البوفيه وكل شئ
وقلطو عبير ورولا الحريم عليه
وبعد 3 سآعات و شوي
راحوآ الحريم والرجال ومابقي إلآ [ عم رولا وأهله ، وعمتها وعيالها ،وعبير وأمها وأخوها يوسف ]
رولا كانت ف الحديقه تتمشى هي وعبير ورشا
شوي وجت نجود لهم
نجود ~ الله وأكبر ليش هالفخفخه والهوليله اللي سوتيها يا رولا كل هذا عشان خالك رجع والله لو إنو الوزير أو إنه ...
رولا قاطعتها ~ خالو يسوى ألف وزير فاهمه ، بعدين أنآ ما طلبت رايك ولا جيت
وقلت لك : نجود بليز بلييييز تعالي حفلة خالوآ ، الحفله مابتكتمل إلآ بوجودك (و كانت مقربه من عند نجود ومربطه يدينها ببعض وتمثل كنها تترجى )،
نجود ~ ادري انك ما طلبتيني لكن نوآفي هو اللي طلبني أجي لحفلتك الكريهه
رولا كأنوآ أحد صب مويه بآرده عليها يوم جابت نجود طآري نواف
# مهمآ يكون رولا عندها مشاعر ، ومشاعر الحب مو بالسهوله تموت ممكن تذبل لكن أي ذكرى ترجع تحركها من جديد حتى لو إيش مآكآن . #
نجود قآمت تقول كلام مال أمه داعي بس تتفشخر :
نجود والابتسامه بتوصل لمخيخها ~ بنات أنآ ونوآف أمس رحنا نختار ثوب للملكه وصراحه لقيت وآحد يآخذ العقل عجبني مره مره مره وشرآه لي حبيبي نواف صحيح إنو كان بـ 10000 بس نواف قآلي فداك الفلوس و صآحب الفلوس
رشا ~ كآنت بس تنآظر رولا ، شآفت تغيرآت وجهها وكيف كانت قآبضه ع يدها بقوه
رشا تبي تلطف الجو ~ نجودوه ترى منتي أول وحده تنخطب بعدين وش بلاك متحمسه مره
نجود ~ وش أسوي يآرشا من فرحتي ( بعدين قآمت تدور ) تصدقين إني مني مصدقه إنو بعيش مع نوآف اللي يحبني ويموت فيني تصدقين بعمري مآتخيلت إن فيه أحد يحبني قد مايحبني نواف
رولا ~ الله يهنيك
بنات امشوآ نروح نقعد حول النافوره
ولآ أقول يلا اتحدى وحده تسبقني
رشا ~ أنآ بعِدْ 1 .. 2 .. 3
وتسابقوآ للنافوره

أومآ نجود كانت بتموت من القهر ناظرتهم بعدين دخلت للفلة لأنهم خلوها لحالها
رشا ~ يلآ رولا خل ندخل
عبير تحرك يدينها قدام وجه رولا ~ يآهووه وين وصل القمر ؟!
رولا ~ هاه وشو .!
رشا ~ يلا احنا بندخل
رولا ~ ادخلوآ انتوا وانا بلحقكم .
البنات ~ Ok .
دخلوا البنات ورولا قعدت تلعب بالمويه
.!.
رولا قالت هالبيتن بعد تنهيده طويله ~
+ كل ماقلت للفرح حيآك ودعني
وكل ماقلت بنسى جروحي القديمه جاني من يفتحها +
" ربآ "
.!.

شوي ورجعت رولا للفله .
و أول مادخلت
أحلآم ~ ماشالله راعية البيت والعزيمه تركت ضيوفها وطلعت تتمشى ف الحديقه
رولا ابتسمت تسليكه بس
رولا قعدت ~ هآه عساكم انبسطتوآ اليوم
عبير ~ وربي أونس يوم بحيآتي ياليتك يارشا كنتي معنا يوم استهبلنا انا ورولي أمس
ولّا الخبصه اليوم يوم تأخرنا ف النومه
،
رشا بحمآس ~ أي أي وش بعد سويتوا ؟
وعبير قامت تحكي لرشا ومتحمسه الاشد الحماس
أمآ رولا دخلت عالم ثاني كانت منزله راسها وتفكر تحس بنار جواتها تغلي بدرجه أعلى من درجة الغليان
نار جواتها تذوب الصخر فكيف بقلبها الحزين المكسور من أيآم وسنين
أم عبير راحت عند رولا
فاطمه ~ رولا حبيبي فيك شئ
رولا ~ هاه لا أبد ياحياتي مافيني شئ
فاطمه بشك ~ الحمدلله
إيه صح الله يكثر خيرك ع عشا اليوم وربي اول مره أذوق زي طعم ونظافة هالعشا
رولا ~ تسلمين ياعمري

***************************

بعد ثلآث شهور .
اليوم من صبآحه مثل نار انحطت رولا بوسطها
اليوم زواج نواف ونجود
رولا كانت قاعده بغرفتها
وكانت تكلم نفسها ~ اكيد انهم اليوم شاكين بأني أروح زواج نواف بعد اللي سواه فيني
لكن والله لا أكشخ واروح
رح أثبت للكل إني رولا اللي مايهزها شئ
* أنآ تكيفت ع حياتي من دون ماما وبابا ورح أتكيف عليها من دون نواف
وبعدين منهو نواف عشان أضيع عمري واعيش بـ بِرْكة من الحزن عشان جمله قالها عني ، ولا عشان حب كان له جواتي
رح اروح الحين اشتري لي فستان واشتري هديه لنواف ونجود مهما كان هم عيال عمي وعمتي ودمعت عيونها

ع الساعه ثلآثه ونص العصر نزلت للسوق
شرت لها فستان
بعدين راحت اشترت لها اكسسوارات شعر وصندل واشياء ثانيه
بعدين راحت لمحل الذهب وشرت طقم ذهب ناعم وحلو مره لنجود
بعدين راحت واشترت ساعه فخمه وتهبل لنواف
وخلصت بعد المغرب
راحت للمشغل وسوت تسريحه وماكياج ناعم ولبست فستانها وكل شئ بالمشغل لأنو مايمديها أبدن ترجع البيت وتبدل ع السآعه 10 ونص طلعت رولا من المشغل راحت للصرآف وصرفت لها ألفين ريال وراحت للقاعه
؛/
وصلت ع الساعه 11
دخلت القآعه وقعدت ع طاوله لوحدها .
........
" جا وقت زفت نجود "
كانت نجود حاطه عرض داتاشو "بروجكتر"
وكان فيها عرض لها هي ونواف من يوم يقطعون الكيكه الين ماتنزف
رولا أول ما شافت نواف حست جواتها سكين تقطع قلبها
كانت تبي تصيح بس حاولت تتماسك .
وأول ما وصلت نجود للكوشه وسلموا عليها الحريم وخفّت زحمتهم راحت رولا عندها وع وجهها ابتسامه زيفها الحزن المنعكس عليها
رولا ~ مبروك يانجود
نجود ~ الله يبآرك فيك وعقبآلك يآحلوه
رولا ~ تفضلي هذي هديتك واعذريني ع القصور
نجود ~ مشكوره .
بعدين راحت رولا عند عمتها أحلآم وسلمت عليها وعطتها ألف
وراحت سلمت ع عمتها فاديه وعطتها كمان ألف وهدية نواف .

بعدين طلعت ع طول حتى ماسلمت ع رشا ومي .
وأول ماركبت السيآره كانت تحس بشئ يعصرها شعور يألمها مره
كانت تبي تفضفض لأحد ، كانت تحس لورجعت البيت يمكن تموت من الشعور اللي جواها ،

فمالقت الا عبـير
..
كانت تدق ع عبير بس ماترد
بعدين دقت ع أم عبير .

رولا أول ماسمعت صوت أم عبير بكت
فاطمه ~ بسم الله عليك يآحيآتي وش فيك ؟!
رولا ~ خالتي وين عبير
فاطمه ~ بغرفتها
رولا ~ خالتي عادي لو جيتكم الحين ؟!
فاطمه ~ حيآك يآحبيبتي .
رولا ~ يلا مع السلامه
فاطمه ~ الله يسلمك
::
بعد 5 دقايق وصلت رولا لبيت عبير .
دقت الجرس رد عليها يوسف
يوسف ~ إيوه مين ؟!
رولا بصوت مبحوح ~ أنا رولا
يوسف راح يفتح الباب
دخلت رولا الفله وطلعت ع طول لغرفة عبير فتحت الباب ووقفت عنده كانت
عبير قاعده ع سريرها تقرا مجله
وأول ماشافت رولا ابتسمت لكن اختفت ابتسامتها يوم شافت دموع رولا
ركضت رولا لعبير و طاحت بحضنها تبكي .
عبير ~ رولا ليه تصيحين ؟!
رولا ~ عبير تعبت خلاص وربي تعبت أبي أموت وارتااااح
عبير دمعت عيونها ~ رولا وش فيك لآ تقولين كذااا وبكت معها
بعد ماهدت رولا شوي
عبير ~ رولا صآرحيني من يومين وأنآ ملاحظه فيك شئ وتخفينه عني .
رولا بدت تفضفض لعبير علها ترتاح ويرتاح قلبها تعبت من كثر ماهي تكتم احزانها بقلبها
رولا ~ نوآآف تزوج اليوم
عبير ~ مين نواف ؟!
رولا ~ ولد عمي اللي كان كل شئ لي بها الدنيا
عبير استغربت بس ماعلقت بولا كلمه تركت رولا تتكلم براحتها .
رولا ~ نواف طعني ياعبير مرتين مره يوم سبني قدام امه وقال انه مايبغاني وانه يحب نجود ويموت فيها
والمره الثآنيه اليوم يوم تزوج نجود
ورجعت تبكي
عبير ~ خلاص رولا بتموتين من كثر الصياح
قومي يلا غسلي وجهك وغيري ملابسك
رولا ~ رح أرجع لبيتي
عبير ~ والله ماأخليك ترجعين وانتي بهالحاله
رولا ~ وش فيني مافيني شئ
عبير ناظرت رولا نظره ~ مافيك شئ
قولي لا اله الا الله و قومي غسلي وجهك
رولا ~ بصوت متقطع ~ لآ .. إله إلآ .. الله
وختمتها بتنهيده تحسينها طالعه من صميم قلبها
دخلت رولا الحمام غسلت وجهها ولبست من ملابس عبير
طلعت رولا
وقعدت ع السرير
تنهدت يوم تذكرت كل شئ يتعلق بنواف ودمعت عيونها
عبير ~ رولآ بليز خلااااص
شوي ودق باب الغرفه
كانت ام عبير " فاطمه "
فاطمه ~ حبيبتي رولا وش فيها تبكي ليه الدموع ليه ليه ؟
رولا ~ كان جوابها ع فاطمه بالدموع ،
قعدت فاطمه ع سرير عبير وقالت لها تروح تجيب لرولا عصير ولا مويه
راحت عبير تجيب شيئ لـ رولآ
وفاطمه جلست تهدي رولا
نزلت عبير تحت
لقت يوسف قاعد بغرفة الطعام
راحت له عبير
عبير ~ جوزيف وش فيك ؟!
يوسف ~ ولا شئ ، إلآ وش فيها رولا ؟! ، جيت هنا عشان مآأسمع صوت بكاها قطعت قلبي وربي
عبير ~ ياقلبي انت وانا أقول مو من عوايد جوزيف يقعد هنا ، أقول لا تشيل هم وروح نام تأخر الوقت وانت وراك دوام بكره
راح يووسف لغرفته وانسدح ع سريره وظل يتذكر الكلام اللي سمعه من رولا يوم تكلم عبير < أخونا فـ الله كان يتلصص
يوسف ~ ودي أعرف منهو هالنواف الغبي اللي يسب وحده مثل هالملاك ويجرحها ولاتكون بعايلته ولا يفكر ياخذها ، إيه صح ودي أعرف هي ليه ماتغطي وجهها لما تطلع حرام هالألماسه تظل مكشوفه لناس ما يستاهلون يناظرون لها
، اففففف استغفر الله ياربي انا وش قاعد أخربط خلني أنآم أبرك لي .
طبعا عبير لما طلعت بالعصير لقت رولا نايمه وفاطمه لما جت عبير راحت لغرفتها تنام

[ يآترى إيش سر بكآء رولا وحزنها ؟!
معقوله حب نواف باقي متشبت بقلبها بالرغم من وجهت نظره عنها ؟
ولآ أيش ؟؟!
تآبعوآ الحلقة الجآيه والقبل الأخ ـيره ]


" ربا "

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 03-04-2010, 04:48 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: رواية فتاة تهوى القمر / للكاتبة : رباوي


الباررررت روووعـــــه

يسلمووو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 11-04-2010, 11:18 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


[ الحلقة العاشرة ]

السآعه 5 الفجر كان يوسف توه راجع من المسجد وراح يقوم أخته
يوسف يدق ع الباب ~ عبير .. عبير .. عبييير .. عبييييير
عبير بصوت كله نوم ~ إيووه .
يوسف ~ يلآ قومي لصلاة الفجر .
عبير ~ يلآ قمت .
عبير ~ رولا .. وتهزها ، رولا .. رولي
رولا ~ نعم
عبير ~ يلآ قومي لصلآه الفجر قومي يلآ
رولا ~ طيب بس شويه
عبير سحبت الفراش من رولا .
عبير ~ يلآ قومي قبل تشرق الشمس
رولا ~ وشو ؟!
عبير ~ رولا وش فيك صلآة الفجر
قآمت رولا بتكاسل ~ يلا صحيت
دخلت عبير الحمام توضت
طلعت لقت رولا قاعده ع السرير
عبير ~ يلآ رولا ادخلي توضي
رولا ~ هاه أوضي ، إيه يلآ
دخلت رولا للحمام ووقفت مقابل المغسله غسلت وجهها ويدينها
عبير صلت الفجر والنافله ورولا مابعد طلعت من الحمام
راحت لها عبير
عبير ~ رولا وش فيك ؟!
رولا نزلت راسها .
قربت لها عبير
رولا ~ عبير انتي اختي صح
عبير ~ أفآ عليك
رولا والدموع بعيونها ~ الصراحه يآعبير ما أعرف ترتيب الوضوء كيف نسيت
عبير كانت متوقعه لأنها من يوم صاحبت رولا ماشافتها تصلي واذا سألتها ترد عليها بتردد إيه إيه صليت .
صحيح انها تفاجأت بس حاولت تخبي شوي
بعدين بدت تعلمها

،

بعد اسبوع
" ف جنآح نوآف "
نواف ~ طيب وش فيه بيت أهلي ؟!
نجود ~ مافيه شئ بس أنآ أبغى أكون ببيت لحالي أبغى آخذ راحت راحتي
نواف ~ يصير خير ان شالله ، لا عاد تفكرين بهالموضوع احنا بشهر عسلنا لا تخربين على نفسك عشان بيت
وبعد هالشهر ابشري باللي يسرك
نجود بوجه عابس ~ نشوف
نواف ~ حيآتي اليوم نفسها وين تروح ؟!
نجود ~ عند وحده من صاحباتها اليوم عيد ميلادها وحبيبتك تبيك توديها تشتري هديه لصآحبتها وبعدين توديها المشغل
نواف باستنكار ~ نجود من صدقك
نجود ~ ليه ياحبيبي قالوآ لك كذابه
نواف ~ لا حشا ماقلت كذا بس كنت أبغى أطلع أنا وياك ...!
نجود ~ وش اسوي صاحباتي من قبل الزواج ماقعدت معهم يعني صآر لي أسبوعين ونص ، واليوم عيد ميلاد اغلى وحده بحياتي شلون مااروح
نواف ~ اوكي حبيبتي مايصير خاطرك الا طيب بعد العصر جهزي حالك
***********************
نهى ~ رشا ... رشاا ... رشآآآ
رشا بعصبيه ~ وش تبين ؟
نهى ~ وش هآلآخلآق الزفت ، خلآص مآأبي شئ " ورآحت "
رشا ~ نهوو تعالي تعالي حبيبتي وش كتني بتقولين ؟
نهى بعفويه ~ مآأفتقدتي شخصاً ما ؟!

رشا ~ زي مين يعني ؟
نهى ~ رولا
رشا ~ إلآ والله من قبل زواج نواف ماشفتها
نهى ~ وش رايك نطب عليها اليوم
رشا ~ والله أشوف نآس قآطين عمرهم
نهى ~ رشو أنآ كبرت إنتي ليه ماتفهميني ؟
رشا ~ نهى تكفين ريحيني روحي العبي مع خالد انا بروح أدق ع رولا أشوف وينها
طلعت نهى من غرفة رشا وراحت لغرفتها وفتحت الاب توب وقعدت تلعب لعبها المفضله " ألعآب قص شعر وطبخ " < يالله أجمل شئ بالحياة صراحه ، أسألوني أنآ ‘ إدمااان من يوم إني بالمتوسط

بعد نص ساعه اتصلت نهى ع صآحبتها تهاني
نهى ~ أهلييين توت
تهآني ~ أهلينآت نهووو ، أخبآرك ؟!
نهى ~ بخيرآت الحمدلله وإنتي طمنيني عنك
تهاني ~ الحمدلله بصحه وسهاله
نهى ~ دوم يآرب
وظلوآ يسولفون

نروح لغرفة رولا :~
كانت تكلم رشا بالـ msn
صَآحَبْت حِزْنِي : أهنن رشو ق1
RshoOo ~ ||| : أهنينآت ض2 ق4
صَآحَبْت حِزْنِي: إزيــك ؟!
RshoOo ~ ||| : مشتآٌقه .
صَآحَبْت حِزْنِي : لمين ؟ ( أيقونه ترفع حواجبها )
RshoOo ~ ||| : لك يآكمخه .
صَآحَبْت حِزْنِي : شكرن غ3
RshoOo ~ ||| : أقولك
صَآحَبْت حِزْنِي : هلا
RshoOo ~ ||| : فآضيه اليوم ؟!
صَآحَبْت حِزْنِي : اليوم لآ والله
RshoOo ~ ||| : حسافه
صَآحَبْت حِزْنِي : إي صح نسيت ماأقولك
RshoOo ~ ||| : وشو وشو
صَآحَبْت حِزْنِي : اليوم بنروح أنآ وعمة ماما نخطب لخالوا بدر ق9
RshoOo ~ ||| : والله ( أيقونه عيونها تلمع وتلمع ) ، أخيراً مآبغى
صَآحَبْت حِزْنِي : إي والله ، إي شوشو شوري علي وش ألبس جينز ولا تنوره ؟
RshoOo ~ ||| : اللي يريحك البسيه
صَآحَبْت حِزْنِي ْ: طيب شعري وش اسوي فيه
RshoOo ~ ||| : شعرك غبي ناعم مايتسوى فيه شئ مالك الا تحطين كلبزات ولا طوق
صَآحَبْت حِزْنِي : خخخخخخخخ غ3
RshoOo ~ ||| : رولي بروح أدبر عمري مع وحده من البنات أطلع معها اليوم
صَآحَبْت حِزْنِي : ميَسره ض1
RshoOo ~ ||| : يلآ سي يو
صَآحَبْت حِزْنِي : سي يو سوون ق1

قفلت رولا المسن
بعدين راحت تشوف وش تلبس
شوي ودق جوالها
> تيته مريم يتصل بك <
تعريف بالجده ~> هذي هي عمة أمها الله يرحمها .
رولا ~ هلا بالغاليه
الجده ~ هلا بك يآبنيتي
رولآ ~ أخبآرك تيته ؟
الجد ~ بخير الحمدلله إلآ يآرولا متى بتمريني ؟؟!
رولا ~ بعد المغرب ان شالله
الجده ~ مطوله يعني
رولا ~ لآ إن شالله كلها ساعه ولا ساعه ونص واحنا عندك أنآ وخالوآ .
الجده ~ أستنآكم يلا مع السلامه
رولا ~ الله يسلمك يآحبيبتي
وقفلوآ .

دخلت رولا الحمام وانتوا بكرامه استحمت ولبست روبها وطلعت
راحت لدولابها وطلعت لها تنورة جينز ميدي
وقميص أبيض وبم انه برد لبست فوقه بلوزه صوفيه سوداء و وصندل أبيض وكمان الـ Bag hand بيضآ
وشعرها مسكته ع جنب وحطت فيه كلبزه بيضآ ونزلت غره خفيفه وقصيره
وحطت قلوس وردي فاتح وطالع مره حلو مع لون بشرتها ومسكرا وكحله سوداء وبلوشر طبعا
( يآنآس طآلعه كيووووووت تهببببل ~> كنك شفتيها عاد <~ خخخخ لا بس حصل وتخيلتها ض1)

شوي ودق عليها خالها وقالها تطلع
طبعا تأخرت عليه خمس دقايق لأنه جا وهي لسه مابعد كملت حوستها
طلعت له وحصلت تهزيئه محترمه بين ارتباك خالها ض1
راحوا يمرون العمه
ويوم وصلوا نزلت رولا وركبت ورا وجت العمه وركبت ومشوآ لبيت الخطيبه المنتظره
[ مين تتوقعون الخطيبه هل أنآ ذاكرتها بالقصه ولا ماتعرفونها
مابقول تابعوا الحلقه الجايه بقولكم كملوا قرايه > يآكثرك ]

****************************
نجود ~ خلآص حطني بالمشغل وروح لأي مكان وارجع لي بعد ساعه ونص
نواف ~ نجود حرام عليك حسسيني إني زوجك انتي محسستني كأني سوآق عندك أو خادم ، عمرك ..
نجود تقاطعه ~ نواف طفشتني خلاص .
نواف بعصبيه ~ خلآص انزلي
نزلت نجود حتى ماقآلت بآي
نوآف حز فـ خآطره ، وين الحب اللي كانت مغرقته فيه قبل زواجهم
نوآف يبغى يبرر موقفها ~ أكيد في عندها عذر مو معقوله نجود تتعمد تسوي فيني كذا .
****************************
رشآ ~ نونو فآضيه اليوم
نهاد ~ فآضيه كبري
رشآ بحماس ~ يعني تقدرين تطلعين معي اليوم
نهاد ~ وين ؟!
رشآ ~ لأي مكان
نهاد ~ خلآص وش رايك نتقآبل ف المول
رشآ ~ حلو
نهاد ~ أجل يلآ يآحيآتي بروح أستأذن من مامي وأرد لك
رشآ ~ أوكي
نهاد ~ مع السلآمه








رشا ~ الله يسلمك يآبعدي

يتبع ..



" بــ ع ــد ثلآث شهور "
أمس كان زواج بدر من ...
من مين أتحدآكم تعرفون .. البطلـ/ـه اللي عرفـ/ـت له/ـآ هالورده :rose:
كآن زواجه من عبير صآحبة رولا
واليوم كانوا مسوين عزيمه كبيره بمزرعة أهل عبير
وماكانوآ عآزيمن إلآ معارفهم .
عزموا محمد وعياله وأحلآم وعيالها وطبعا جو نواف ونجود وعزمت أم عبير أخواتها أكيـد وبعض جيرانهم

رشا ~ رولا إحنآ بنجي ناخذك .
رولا ~ لآ يآحيآتي تسلمون بجي مع بدر وعبير
رشا ~ وي فشله توهم معرسين وانتي قاطه وجهك عندهم
رولا ~ مدري عنهم حلفوآ علي أجي معهم
رشا ~ دآمهم حالفين عليك قضينا روحي معهم
رولا ~ أي هذا اللي بسويه
***************************
كانت عبير توها راجعه من المشغل وصلوآ للفندق عشان تلبس هي وقوزها ض1
//
عبير كانت شايله فستانين ورايحه لبدر
عبير باحراج ~ بدر وش رايك ألبس الموف ولا النيلي
بدر بعد تفكير وتدقيق ض1 ~ الموف امممم ولا اقول البسي النيلي
عبير ابتسمت لبدر ودخلت تبدل وتجهز نفسها
أول شئ حطت مكياجها بعدين
لبست الفستان النيلي كان تصميمه مره حلو
و قصير لـ نص السآق
بعدين فكت شعرها من البنس اللي كانت ماليته لها الكوافيره
انسدل شعرها الطويل اللي يوصل لأخر ظهرهـآ وعطاها منظر روعه روعه
قررت إنها تحط فيه من قدام ربطه حريريه لونها فضي

وحطت جزء من شعرها ع كتفها

لبست الكعب الفضي بعدين نادت لبدر
عبير ~ بدر .. بـدر
بدر ~ إيوه حياتي
عبير ~ متى رح تلبس الناس مشوآ واحنا لسه
بدر ~ جيت جيت
أول مآشآفها بللمم وسقط فآه الى ان صقع بالارض > مبالغ ف الوصف
عبير انصبغ فيسها بعدة ألوآن الأصفر ثم الأحمر ثم الأزرق وكاد ان يصل للأسود لولا أن الله ستر > كملي بس
عبير بخجل ~ بدر ماودك تخلص ترانا تأخرنا ع رولا
بدر ~ هآه ، إيه والله ، يلآ بروح أستحم
عبير و وجهها طماطه ~ طيب ، تراني أستناك لا تتأخر .
بدر ابتسم ~ لآ مني متأخر ان شالله .
دخل بدر يستحم وعبير راحت تطلع له ملابسه
وراحت ولعت المبخره الكهربائيه ( عرفتوها ) عشان تبخر ملابسه

نروح لرولا .
كانت جالسه بالحديقه تستنى خالها وحرمه المصون يمرونها
بعد نص ساعه وصلوا لفلة رولا وانطلقوا للمزرعه طبعا خذولهم ساعه الا ربع عشان يوصلوا
أول ماوصلت عبير استقبلوها بزغروته جماعيه


قعدوا الحريم يسولفون ويتقهون .
وبالنسبه للرجال
كانت فله ع أصولها كان عندهم ملعب كره طايره وكمان فيه غرفه بطرف المزرعه كانت مستودع وما يحتاجونه تقاطوا يوسف وعيال عمه وزينوها حطوا فيها بليآردو وفريرا واكيد ف جمعة كل شباب لازم يكون فيه بلايستيشن
كانوا الفله من جد فبعد ما تقههوا وسولفوا الرجال
راح ـوا الشبآب [ يوسف & احمد و طلال ( عيال عم يوسف ) & بدر & نواف & منصور ( ولد أحلآم عمة رولا ) ]
وقعدوا بهالغرفه .
#
رولا ~ بنات وش رايكم نروح نتمشى ؟!
البنات ~ يلآ
عبير ~ لحظه بنات بتصل ع بدر بستأذن منه
رشا ~ أٌقول ريحينا بيعيي
عبير ~ لآ والله أخآف إنهم برآ وانكشف ويزعل بدر
رولا ~ لحق يبين لك انه غيور نمبر ون
عبير ~ يآلبآه هو وغيرته
مي ~ يآعيني .
رشا ~ أقول عبور كلميه بسرعه خل نتمشى
عبير ~ أوكي

دقت عبير ع بدر
طبعا باليالله وافق ان البنات يطلعون لحالهم يخاف عليهم من عمال المزرعه
سكرت عبير منه //

عبير ~ أشوه وآفق
البنات ~ يآآآآس


لبسوآ البنات عبيهم ولفوآ شيآلهم وطلعوآ
مي ~ نجود ، تعالي أبيك .
نجود ~ وش تبين بسرعه أبي أروح مع البنات .
خذت مي نجود وراحوا يتمشون بالجهه الثانيه

نرجع للشباب
نواف ~ أستأذنكم شباب أنآ طالع أتمشى
يوسف ~ اذهب حفِظك الله
نواف ابتسم وطلع .
كان متضآيق مرررره من أسلوب نجود وكيف قلبت180 0ْ
عقب الزواج !!

جلس نواف تحت شجرة وجلس يفكر بـ حيآته .
وبين ماهو غارق بدوامات تفكيره إلآ ويقطع عليه صوت بنتين
نجود ~ أنآ ما أطييييقه يآربي ليه ماتفهموني
مي ~ كآنك ماتطيقينه ليه وافقتي عليه
نجود وبدت ملامحها تتحول لملامح حاده وتخوف وكانت تتكلم بكل حقد وعصبيه
وقآلت : لأني أكره رولا وكمان نواف
مي ~ تكرهين رولا ؟ طيب شدخل نواف بكرهك لرولا يآمجنونه ، نواف انتي اخترتيه بكامل قناعتك وماحد اجبرك عليه ؟!
نجود ~ من يوم إني صغيره وأنآ كنت أسمع الكل يقول رولا لنواف ونواف لرولا
كنت أشوف الحب بينهم واضح ، رسايل وهدايا
نار جواي كانت تشتعل ما أعرف ليه / صرت أكره نواف لأنه ماكان يعاملني زي رولا
حقدت عليهم اثنينهم حقد كبر هالدنيا
ويوم كبرت
الحقد والكره اللي جواي كبروا معاي
كنت كل ما أشوف جمال رولا يزيد ، وتعلق نواف فيها كل ماله يكبر ويكبر ، تزيد النار اللي جواي واحاول انتقم بأي طريقه كانت ..
كنت كل ما أسمع المدح الموجه لرولا والعز اللي هي فيه ، والدلال اللي يعطيه لها كل من حولها بحكم انها يتيمه أموت من القهر
ويوم سافر نواف جتني فكره وقررت اني اسويها لو ايش ماكان
اتصلت ع نواف وقلت له ان رولا تكلم شاب وتحبه وقلت له : ان أمي اكتشفتها يوم جت عندنا مره من المرات
( مي كانت تطالع اختها وهي مبلمممه و مصدومه ، هي تدري ان اختها لئيمه بس ماكانت متوقعه انها لهالدرجه )
نجود تكمل كلامها والحقد والعصبيه عندها كل مالها تزيد ~ طبعا اول مره سكر الخط بوجهي وثاني مره كمان
ثآلث مره سمعني للنهايه
قلت له انهم يظنون انها كانت تطلع معاه وانها خانت حبه لها
كنت دايما اقوله : رولا ماتستاهلك يانواف ، رولا وانت ماكملت سنتين بعيد عنها حبت غيرك
ومع الايام كره نواف رولا كره موصاحي وبالغصب خليته يحبني ويتعلق فيني ...
" وقفها عن كلامها كف كان من اختها مي "
مي ~ بس يآلئيمة .. بس .. بس .. بس ، انتي بشر قولي لي ؟ مااتوقع صراحه !
وراحت وتركتها
نواف طبعا سمع كل الكلام اللي انقال
وكأنوآ أنصبت عليه مويه بارده ، شوي إلآ وحس بتعب وخمول فضيع بجسمه يمكن لان ضغطه ارتفع من اللي سمعه ، مشا بخطا ثقيله الين وصل للرجال
وقعد ع أقرب مكان لباب المجلس " قعدة الرجال " .
أبو نواف ~ نواف وش فيك مسحوب لونك ؟
نواف ~ لا يبه ولا شئ بس يمكن من اللعب
ابو نواف صب لولده فنجان قهوه وخذا صحن تمر وحطه عند ولده
محمد ~ اشرب وتتمر يمكن تتنشط شوي
ابتسم نواف لأبوه

بعد صلاة العشا وع الساعه 9 حضروا العشا
وتعشوا الرجال والحريم .

نواف ~ أكرمكم الله
يوسف ~ مامداك وانا أخوك
نواف يمسك بطنه ~ الحمدلله كثر الله خيركم والله يجعله مبروك عليكم زواج اختك من الحبيب ويناظر بدر
يوسف ~ تسلم يالغالي .

تعشوا البنات بسرعه بعدين قعدوا يلعبون شوي مطاردات وخذوا كوره من عند الرجال
وقعدوا يلعبون فيها ض1 ، شوي ويدق جوال عبير
عبير ~ بنات اشش بدر دق
وتكمل : أهلين بدر
بدر ~ هلا حياتي ، أخبآرك ؟!
عبير ~ مره مستانسه ،
بدر ~ دوم يارب
عبير ~ عساك تعشيت زين ؟
بدر ~ الحمدلله ، وإنتي
عبير ~ الحمدلله
بدر ~ عبير انا استناك عند ملعب الطايره ابي اتمشى انا وياك ف المزرعه
عبير ~ Ok


***************************
نواف ~ الو نجود
نجود ~ أهلين حبيبي
نواف ~ بلآ حبيبي بلا بطيخ بعد ربع ساعه تطلعين لي فاهمه
نجود وخرت من البنات
نجود ~ خير ان شالله توني ماشبعت من امي
نواف ~ بتشبعين منها لا تخافين بس بعد ربع ساعه تكونين بالسياره
نجود ~ انا بنآم عندهم اليوم انا وعدت مامي
نواف صرخ عليها ~ لما اقول شئ تقولين حاضر فاهمه ولو ماجيتي السياره بعد ربع ساعه وربي لا تحصلين شئ مايسرك
" وقفل الخط بوجهها "
نجود ~ والله مآ أطلع يانوافوه وتشوف ، تقفل الخط بوجهي انا ،
لا وبعد يهددني دلوع امه يهبى هو واشكاله
،
نواف استنى نجود ربع ساعه ، نص ساعه .. ولا طلعت
شغل سيارته ومشا بسرررعه جنونيه لبيتهم
وصل البيت
ودق ع نجود
نواف ~ سويتي اللي براسك هاه
نجود ~ إيه عندك مانع
نواف ~ يعني بتباتين عند امك
نجود بعناد ~ إيه
نواف ~ طيب تهني يآروح ماما
وكمان قفل الخط بوجهها
،
راح لجناحهم
خذا كل الشنط حقت نجود
وصار يرمي الاغراض اللي تخصها بالشنط بهستيريا
ويصآرخ ومعصصصب
الين ما بقى ولا قطعه تخصها ببيته
سكر الشنط ونادى الخدامه ونزل الشنط هو وياها
رماها بسيارته وشخط لبيت عمته
وهو واقف عند باب بيت عمته ارسل لعمته رساله وقال فيها : ابغى اشوف نجود ف المجلس وابيها هي لوحدها وخلي الخدامه تفتح لي الباب .
طبعا العمه تحسب انه اشتاق لنجود > من زود الثقه
فسوت اللي طلبه منها

دخّل نواف الشنط بالحوش ودخل الفله
لقى نجود قاعده ف المجلس وتناظر تلفزيون ولا هي مهتمه

مشى نواف للتلفزيون وطفاه وراح لنجود
نوآف بعصبيه ~ اليوم سمعت كلام مايسر أبد
نجود بتملل ~ وش عندك خلصني !
تحولت ملامحه لوحش وبعصبيه مسك شعر نجود وقال : ايش الكلام اللي سمعته اليوم
نجود ~ أي كلام آآآآآآآي فكني نواف تعورني
نواف ~ ليت هالعوار يوصل لعواري يوم طعنتي قلبي بكذبتك
نجود ~ نواف وش تخرف انت فكني فكنييي
نواف وهو يصر ع اسنانه ~ أنآ سمعت كلامك مع مي بالصدفه ربي حبيبي هو اللي كشفكي ياكذآبــــة ,
رماها بكل قوته ع الارض ..
وطلع للحوش بسرعه وسحب شنطها دخلها للمجلس ورماها قدامها بعصبيييييه
ورجع بيطلع
نجود ودموعها 10 / 10 ~ نواف ارجع .. نوااااف مين اللي مخرف عليك هالكلام
أكيد انها رولا غارت مني وتبي تخرب بيني وبينك وحشت مخك بكلام ما انقال

نواف ~ رولا تفكيرها أطهر من تفكيرك ، رولا أطهر منك يآ .. وش أقول بس آآخخخخ كل الكلام مايعبر عن وقاحتك ولئآمتك
دمرتيني ودمرتي كل شئ حلو بحياتي كرهتيني بـ حياتي بسبة كذبه
جلست أعآني شهور يانجود كله من قلبك الحقود الأسود


نجود ..... إنتي .. إنتي طـــآلق

نجود طاحت ع الأرض وجلست تبكي
ونواف طلع من الفله مسرع ركب سيارته ورجع لبيته .
*
يآواثق الخطوه ترى منت بملك
ولا تظن شرواك يالخاين مليك
انت منهو ما يعرفك يجهلك
من سمع هرجك نطق
" مآفض فوك "
احتويتك صآدقٍ من منهلك
واتضح لي عكس ماكنت اهتويك
ياخسآآآآآره
خنت منهو دللك

يآخسآآآرهـ
بعت قلبـٍ مشتريك

من عرف مصدر نجاته ما هلك
وراحتي فرقآك يرحم لي أبـيكـ .
.:.
:
[ أشكر صآحبـ/ـة هالخاطره ]

.

رولا ~ هلآ والله بنوف نوَّر البيت وقسم
نوف ~ بوجودك يآعسل .
قعدوآ يتقهوون .
رولا ~ نوف وش بلآك مكتمه ومتضآيقه
نوف ~ اففف يارولا خايفه خايفه
رولا ~ بسم الله عليك وش فيك ؟!
نوف ~ اليوم رحت المستشفى وقالوآ لي اني حآمل
رولا صرخت ~ احلفي " وضمت نوف "
مبروك ، مبروك يآدبه
نوف ~ وش مبروكه إنتي فرحانه وانا بموت من الخوف
رولا وهي بعالم ثاني ~ اللـ~ــــه أخيرآ بصير خاله لابنة صديكتي
نوف ~ رولااا انتي بوادي وانا بوادي
رولا ~ نوف استغفري ربك وقولي الحمدلله غيرك يتمنون يحملون وانتي معترضه
نوف ~ وش أسوي يآرولا خايفه قسم بالله
رولا ~ اذكري الله وتعوذي من ابليس وافرحي ترى هذا أول حمل لك عيشيه بكل ثانيه
نوف قعدت تضحك ع كلام رولا .
رولا ~ نوف أبشرك
نوف ~ بشري
رولا والابتسامه والبهجه مالين وجهها ~ من فتره صرت أصلي وما أسمع أغآني ..
نوف والفرحه مو شالتنها ~ قولي والله
رولا دمعت عيونها ~ والله ، وربي يآنوف عمري ماحسيت بسعاده وراحه إلآ عقب مابديت أصلي
عبير هذي دخلت ع حيآتي بالصدفه وملتها فرح وراحه الله يفرحها ويهنيها ويجعل ربي يسخر لها خالي
هي اللي خلتني اتخطا مشكلتي مع نواف ، خلتني اتحجب واتغطى عن كل رجال غريب عني ، خلتني أترك الأغآني وخلتني بعد فضل الله أصلي ،
مآأقول الا الله يثبتني قولي آمين يآنوف .
نوف ~ آآميــن يآرب العالمين .

فمكآن ثآني كان الحزن مسوي غيمه عليه .
نواف كان يدور له لبس يبي يطلع يغير جو البيت ، لقى صندوق خشبي كبير شوي
طلعه من الخزانه وحطه ع السرير
فز قلبه بمجرد انه فتحه
هالصندوق كان يحتوي حبه هو ورولا .
كان فيه صور لهم ورسايل يوم كانوا صغار طبعا
وكمان كل ألعآبهم اللي كانوا يلعبونها سوا
طلع رساله من الصندوق
تذكر اليوم اللي اعطته رولا هالرساله .
ومناسبته انها كانت بتسافر مع امها وابوها آخر سفره لها معهم ( لمكه )
ابتسم لما شاف خطها المكسر لصغر سنها
كانت كاتبه //
صديقي نواف ،
انا اليوم رح اسافر لمكه مع مامي وبابي
تصدق نوني ( نواف ابتسم يوم تذكرها وهي تدلع اسمه ) اول مره اروح للعمره ،
رح ادعيلك زي ماقلت لي
بشتاق لكم مره مره

سلملي ع رشوو وقل لها اني أموت فيها .

أحبكم
رولا

سكر الظرف ومسك راسه وقآل : يارب سامحني ويارب رولا تسامحني يآآرب .
يآرب انا كنت ضحية كذبه من وحده ماتخافك يارب
يآرب ساعدني لأني تعبت .. تعبت

رتب الأغراض ورجعها للصندوق
وحط الصندوق تحت سريره .

راح فتح الاب توب وقعد عليه
شوي الا ويدق باب غرفته

نواف ~ ادخل .
فاديه ~ السلام عليكم
وقف نواف لامه وباس راسها ~هلا يمه حياك .
قعدت الام ع سرير نواف .
وبعد فترة صمت بسيطه
فاديه ~ نواف ماودك ترجِّع بنت عمتك
نواف ~ ..........
فاديه ~ نوآف
نواف ~ تخسى ارجعها انا مايشرفني أعيش مع وحده مثلها " سكت بعدين كمل " كذآبة .
فاديه ~ مايشرفك !!!
نواف هذي الانسانه اللي زعلت الكل عشان تتزوجها ايش اللي غيرك ؟!
نواف ~ يمه خلاص تكفين يكفيني عذابي يايمه ، أنآ مآابيها عفتها خلاص " ومسك راسه "
فاديه ~ طيب وش اقول لعمتك وش ابرر لها السبب
نواف ~ قولي لها تسأل بنتها واذا جاوبت زين مع اني متأكد انها مارح تقدر تنطق بكلمه عن سبب خلافنا
فاديه ~ لآ حول ولا قوة الا بالله وطلعت من غرفة ولدها .

مرت سنه
وأيآم نواف كل مالها تزداد سوء
تعبت نفسيته لأبعد درجه
صار نحيف مره ويخوف .

قبل 9 شهور خطب رولا مره ثانيه ولا ردت عليه
وقبل اسبوعين خطبها ورفضت .

نواف يكلم نفسه ~ مالي الا رشا .
طلع نواف من غرفته اللي صار ملازمها 24 ساعه ومايطلع الا للصلاة ولا اذا غصبوه اهله يقعد معهم
*
نواف ~ رشا تكفين بغلاتي عندك يارشا سوي اللي طلبته منك
رشا ~ نواف افهم افهم ، انت جرحت رولا وهي مستحيل تسامحك انت تعرف عزةْ نفس رولا وشموخها مايسمح لها تنكسر مره ثانيه وتوافق ع الانسان اللي اهانها وعذبها .
نواف ~ وانا بعد يارشا وربي تعبت أيآم وشهور وسنين
انت تدرين بالحقيقه وتدرين بكذبة نجود ،
رشا ~ بحاول اقول لها
نواف ~ تكفين يارشا ، أبيك تقولين لها اليوم يارشا انا معد فيني اتحمل اكثر من كذا
رشا ~ ابشر بس انت اهدى ،
الرجال مو أي شي يصير له يكسرهـ قوّ قلبك .
طلع نواف من غرفة رشا وراح للبحر .
بعد ساعتين دقت عليه رشا وقالت له : إنها ماتقدر تقول لها صعبه ، لكن اتفقت معاه ع شئ .

//

بعد يومين جت رولا عند رشا
رشا ~ الله يارولا أول مره اشوفك بدراعه تهبلين بسم الله عليك
رولا ~ تسلمين حياتي
طلعوا البنات بعد فتره للحديقه وقعدوا يتصفحون النت بلاب توب رشا .
رشا ~ رولا بروح اجيب العصيرات انتظريني هنا وحملي لي المسن الجديد
رولا ~ ابشري .
دخلت رشا الفله .

وبين ما رولا كانت متحمسه تدور لرشا طلبها الا وصوت يناديها .
.... ~ رولآآ
هالصوت هو صوت نواف !!
صوت الانسان اللي حبته واللي بيوم جرحها وحرق قلبها .
بسرعه خذت رولا الشال الصوفي حق رشا و حطته ع راسها وغطت وجهها .
جت تبي تقوم وتهرب من صاحب الصوت
نواف برجا ~ رولا ارجوك اقعدي ابيك تسمعيني بس ارجووك
رولا بحزم ~ معد بيني وبينك كلام .
نواف ~ رولا تكفييين اسمعيني ما باخذ من وقتك كثير بس ابي ارتاح انا تعبت
رولا حن قلبها له وجلست .
نواف قعد ع الكرسي اللي قدامها وقام يتكلم ورولا خلته يقول اللي بباله
"
نواف ~ رولا وربي اني داري وحاس بكبر الكلام اللي قلته عنك هذاك اليوم والجرح اللي سببته لك
لكن والله غصب عني
وربي يارولا كانت مكيده من انسان يكرهنا
اتصل علي وقالي انك ...
نواف ~ رولا انا داري انك اشرف الشريفات ومايطلع منك هاللي انقال لي عنك
لكن هالانسان تفنن بهالكذبه وحبكها صح ومن رداتي صدقته .

رولا بجفا ~ بسرعه نواف انا ابغى اروح بيتي
نواف ~ قالي انك .. وبتردد كمل كلامه
كنتي تكلمين شاب وانك تحبينه وماادري ايش
أنآ جن جنوني يارولا .
كنت رح اموت من القهر
" رولا طلعت عيونها من العجب "
كمل نوآف : تخيلي كنت أحس اني بموت قهر كل ما اتخيل انك تحبين احد غيري ينقلب حالي ،
تردى مستواي ذيك السنه مره
والكل لاحظ تغيري .
،
لكن هالانسان بدى / او بالأصح هالانسانه بدت تتقرب مني كانت تهتم فيني ، كل يوم لازم تتصل علي وتتطمن ع احوالي
بعد سنه ونص من محاولاتها الخايسه والكاذبه ف اني احبها حبيتها
وتعلقت فيها يمكن لأنها هي اللي وقفت معاي بهذاك الموقف
وخففت عني آلآمي اللي سببتها كذبتها .
" رولا كانت عيونها تنطق باللي ماينطقه لسانها "
رولا تكفين سامحيني , قولي كلمه ،
او حتى قولي كل اللي بخاطرك قولي اللي تقولين بس ابي اسمع منك رد
رولا اذا مو مصدقتني والله لاجيبها لك واخليها تعترف بنفسها
رولا ~ ممكن تقولي من هي ؟!
نواف سكت
رولا ~ نواف مين أنآ أعرفها ؟!
نوآف بتردد ~ نجود
رولا تفاجأت مره يوم درت انها نجود كانت تدري ان نجود تكرهها بس ماكانت متصوره انها تكون بهالحقد .

رولا تكلمت ودموعها شقت طريقها ع خدها
رولا ~ نواف انت جرحتني
نواف ~ " نزل راسه ما يدري بإيش يرد "
رولا ~ نواف انت قاعد تعذب نفسك وتعذبني معاك .
نواف ، انا انكسر هذا بسببك " وتأشر ع قلبها "
اللي قلته عني مو هين
قلت عني مومتربيه وقلت عني وقلت وقلت وقلت عشان تتزوج نجود ،
نجود اللي كانت سبب فاللي احنا فيه كله
نواف بترجي ~ طيب يارولا سامحيني
رولا نطقت بعد صمت ~ سامحتك
نواف بغى يطير من الفرحه بس نقصت فرحته يوم كملت قولها
رولا ~ بس .. بس خلاص ارجوك ابعد عني
خلاص انا تعودت ع حياتي من دونك
نواف ~ وأنآ يآ رولا
انا لاعاد ليلي ليل ولا نهاري نهار
رولا ارجوك أنآ أبيك يآرولا والله لا أعوضك عن كل آلآمك اللي سببتها لك لآخر يوم بحياتي وربي يارولا وربي
رولا بكت وراحت ركض للفله ونواف طلع من البيت ع طول
خذت رولا عبايتها ورجعت لبيتها .

[ نواف وهو بسيارته قرر قرار .
ياترى وش هالقرار ؟!
تابعوآ البارت الجاي والأخير بإذن الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 11-04-2010, 11:19 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


وهدية مني راح احط البارت الاخير الحين

وعذراً ع التأخير


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 11-04-2010, 11:21 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


[ الحلقة 11 والأخيره ]

وصلت رولا لغرفتها كانت كل كلمه قالها نواف تدور وتحوس بمخها
كل ماتتذكر لمعة الدمعه بعين نواف وهو يكلمها تنزل منها عشر دموع

رولا ~ والله اني أحبك يآنواف والله والله
بس فيه شئ جواتي يمنعني أوآفق عليك
شئ انت زرعته بيديك يآنواف
وجلست تبكي ع سريرها لين مانامت كالعاده .

اما نواف قعد يدور بالشوارع بسيارته وبعدين قرر انه يروح يقعد بكوفي شوب
جلس نواف وطلب له هوت شوكلت
بعدين ظل يفكر
نواف يكلم نفسه ~ أنآ لآزم ابعد ، وربي لو قعدت اكثر هنا بيجيني شئ .
يآربييييييه ومسك راسه
#: تفضل ( وحط الطلب ع الطاوله ) بالهنا
نواف ~ مشكور
#: العفو

مسك نواف جواله ودق ع الخطوط وقالهم يدبرون له اقرب رحله للإمارات

بعد ساعه رجع لبيته
رشا كانت قاعده ف القعده اللي برا تستنى نواف ونامت وهو باقي مارجع
نواف ~ رشا .. قومي يابنت برد عليك
رشا ~ هاه .. نواف
وقفت وقالت له بخوف : ليه ماترد على موبايلك وربي مت خوف عليك
نواف ~ الله يهديك يآرشا ادخلي الفله الحين برد الله يستر لا تتعبين عليها

ف اليوم الثاني اتصلت رشا ع رولا
واتفقوآ انهم يطلعون سوا للسوق

دقت رولا ع نوف وقالت لها تجي وهي وولدها
وعبير هي وكرشتها ( حملت الله يتمم لها ع خير )

بعد العصر طلعوآ







نوف ابثرها ولدها " عمر " كل شوي يصيح وما ارتاحت الا لما نام من غير شر عليه
اختارت له كم من طقم واحد بذوق رولا والباقي هيه .
وعبير شرت لها كم من ( جلابية بيت قطنيه )عشان يوم تولد وتكون ف المستشفى وشرت لها شنطه صغيره
كمان عشان المستشفى ، وشرت لبس لمولودتها القديده .
رشا كانت تتمشى معهم وهي مو معهم
رولا لاحظت عليها هالشئ وانها متضآيقه وطفشانه
بس ماكلمتها الا يوم وصّلوا عبير ونوف لبيوتهم
رولا ~ رشا وش فيك ؟!
رشا ~ ولا شئ
رولا ~ رشا انا اعرفك بالله تقولين لي وش فيك ؟
رشا ~ نواف بكره بيسافر وضآيق صدري ع أمي لأنها مره حزنانه عليه .
رولا حست انها السبب بكل الحزن اللي صآير ببيت عمها .
رولا ~ رشا انا آسفه بس وش أسوي قولي لي
رشا ~ ولا شئ يارولا انتي مالك ذنب .
رولا ~ رشا لا تشيلين هم ان شالله مو صآير الا الخير يآحيآتي
رشا ~ يلآ رولي خذتنا السوالف وصار لنا ساعه واقفين عند بيتي يلآ بآي
رولا ~ بآي وزَي ماوصيتك لا تضيقين صدرك طيب
رشا ~ أبشري
سلموا ع بعض ونزلت رشا لبيتها
مرت رولا السوبر ماركت وشرت بعض الاشياء الناقصه
ورجعت للبيت
كانت الساعه 10 ونص
راحت استحمت ولبست بجامتها وقعدت تفكر وش تسوي
~ لقت فكره .
صلت رولا ركعتين استخارت فيهم ربي ع اللي فكرت فيه .
ومالقت نفسها الا وهي تسوي اللي خططت له .
" أرسلت رسآله لنوآف "
وبصعوبه لقت رقمه بجهازها من رساله ارسلها لها قبل فتره
كتبت ف الرساله .
" معقوله يآنوآف ،
معقوله تترك أمك اللي مآأمداها تفرح برجعتك سآلم لها وتسافر مره ثانيه
وتترك أبوك المحتاج لك توقف معاه وتساعده ف شركته
معقوله تخلي أخوآنك وكل اللي يحبونك "

ونزلت سطرين وكتبت


{ وتخليني }


.:.
:

:


" مآبـ عْ ـد النهآيه "
رولا ~ نواف ممكن تمسك فهد وهند بس ساعتين ابي اروح السوق
نواف ~ رولا انتي امهم احسن يكونون معاكي
رولا ~ لا نواف مآأقدر ، رشا عيت الا اجي معها السوق عشان اشوف فستان زواجها زين عليها ولا لا وانا ابي اكون رايقه ما الاحق آحد
نواف ~ رولا يآحيآتي خذيهم معاك مابيضرك شئ
رولا ~ يآربييه يآنواف خلاص مني رايحه ، وراحت للمطبخ

" لحقها نواف "
نوآف بغى ينهبل يوم حس ان رولا زعلت منه ~ رولي زعلتي ؟
رولا ماردت عليه
نواف ~ رولا والله آسف خلاص روحي مع رشا وانا بودي العيال عند أمي وابوي مشتاقين لهم
رولا بفرحه ~ والله الله لا يحرمني منك
نواف بحب ~ ولآ منك يآروح نوآف

*

::

والحين رح أتكلم عن كل واحد بقصتي
رولا & نواف ~ مثآل للتضحيه من أجل مسمى الحب
ربي رزقهم بتوينز ولد وبنوته زي القمر وسموهم فهد وهند ع أم رولا وأبوها الله يرحمهم
عبير & بدر ~ زوجين متفآهمين ومتعاونين بتربية أطفالهم الثلآثه
رغد 4 سنوات ، شهد 3 سنين و ماجد توهم فرحوا فيه قبل اسبوع .
نوف ~ بآقيه صدآقتها هي ورولا وان شالله دوم
عندها ولد واحد ( عمر ) وماجابت بعده لأنه شقي وتبيه يكبر شوي عساه يهدى
عمره الحين 5 سنوات .
رشا ~ كملت دراسات عليا وقريب ان شالله بيفرحون فيها عروسه من يوسف أخو عبير .
مي ~ راحت هي واخوها وامها قبل سنه لبعثه خارجيه تكمل دراستها
نجود ~ ربي رد لها كل اللي سوته برولا ونواف
تزوجت واحد جننها ف أول حياتها معه
ذبحها بس يشك فيها
لكنه عقل بعد ما لقى تهزيئه من أهل نجود ومشى صح
عندها منه بنتين سمر وسهام .

*

الى هنا انتهت ابعاد قصتي
نهاية أتمنى ان تكون قد أرضتكم
كما ارضتني .

//

أتمنى ان لآ أكون قد قصرت عليكم بحلقه من الحلقآت وان كان هنالك قصور فأتمنى أن تعذروني .
اشكر كل قرأ قصتي الى النهايه
واشكر كل من قدم لي نقد ع حدث من أحدآثها
وكمآن أشكر مآي توينز وأقول لها : سوري رودي لأني تعبتك معي
وداريه إني أبثرتك بقوهـ لأني صراحتن كنت مآأقدر أكمل حلقه جديده الا لازم تكوني قريتي اللي قبلها ض1

مره ثآنيه أشكر كل من قرا قصتي
وأهديه هذي الورده المتوازعه :rose:

ولي كلمه أخ ـيره .
ارجوا ممن يريد نقل قصتي لمنتدى آخر
ان يكتب اسمي " ربا " تحت كل بآرت .
لاني والله قضيت ساعات طويله عليها ، وغيرت النهايه والاحداث اللي ف الأجزاء الأخ ـيره اكثر من مره وصراحه اتمنى ان تكون بمستوى تعبي وهذا اللي بتحكمه ردودكم حبايبي وآرآئكم .

...
أح ـببت هذي الروآيه مره لانها أول روايه تكمل لي .
~ تعلقت برولا ، وحبيت حبها لنواف
~ كرهت سذاجة نواف ، وكمان كرهت حقد نجود ونذالتها
~ عشقت طيبة عبير و بدر
~ هويت حنية رشا ، وبرآءة أخ ـوآنها

وف لختآم ..
انتظروآ روآيتي الجآيه باذن الله يـآ حبآيبيني

تمت
الساعه 01: 3 صباحا ، =]
15/9/1430هـ



" ربــآ "




---------------------------
أتمنى النقل يكوون أعجبكم

تحيتي :
" البطة السوداء"

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 11-04-2010, 11:25 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رد: رواية فتاة تهوى القمر / للكاتبة : رباوي


اقتباس:
المشاركة الأساسية كتبها وَرْدَةْ آلحُبْ مشاهدة المشاركة
الباررررت روووعـــــه

يسلمووو


يسسسلمو علـاـى متابعتك ياعسسسل ..~
ماننحرم من طلتك ..}

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 15-04-2010, 08:06 AM
صورة قلوب في حقل الاشواك الرمزية
قلوب في حقل الاشواك قلوب في حقل الاشواك غير متصل
©؛°¨غرامي فعال ¨°؛©
 
رد: رواية فتاة تهوى القمر / للكاتبة : رباوي


هااااااااااااااااااااااااااااااااااااي رباوي
انتي وروايتك اروع من بعض
روايتك من اروع ما قرأت
تحياتي لك واتمنى الك التوفيق


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 15-03-2011, 04:04 PM
فؤاد الطير فؤاد الطير غير متصل
©؛°¨غرامي جديد¨°؛©
 
الافتراضي رد: رواية فتاة تهوى القمر / للكاتبة : رباوي


تسلمين ميمي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 15-03-2011, 04:06 PM
فؤاد الطير فؤاد الطير غير متصل
©؛°¨غرامي جديد¨°؛©
 
الافتراضي رد: رواية فتاة تهوى القمر / للكاتبة : رباوي


روايه روعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 15-03-2011, 04:07 PM
فؤاد الطير فؤاد الطير غير متصل
©؛°¨غرامي جديد¨°؛©
 
الافتراضي رد: رواية فتاة تهوى القمر / للكاتبة : رباوي


فديتك رباوي

رواية فتاة تهوى القمر / للكاتبة : رباوي

الوسوم
فتاة تهوى القمر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رجفة قلوب أسود الصحراء / الكاتبة : وديمه العطا ، كاملة همسة غــــرام روايات كامله - يتم نقل الرواية هنا بعد اكتمالها 379 10-10-2018 12:18 AM
رواية يخلي خوتك ليه / الكاتبة : وردة بلادي , كاملة نبض السعودية روايات كامله - يتم نقل الرواية هنا بعد اكتمالها 52 28-05-2012 08:26 AM
رواية إحساس مجروح / الكاتبة : غيم بلا مطر خد العروس أرشيف الروايات المغلقة - لعدم إكتمالها 18 09-02-2011 02:36 AM
تكملة .... رواية علمتني قسوتة ان اكون للكاتبة دانة الحمادي للجروح مملكة ارشيف غرام 1 15-04-2009 02:56 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 03:08 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1