غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-03-2010, 03:32 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
رواية فتاة تهوى القمر / للكاتبة : رباوي


فتآة تهوى القمــر
للكآتبـه المبدعه / ربـآوي

بقلم الكاتبه :

هذي قصه ج ـديده ومتوآضعه من كتآبتي أتمنى تعجبكم .!

يلآ بسم الله نبدأ .

{ الأربعاء ، الموآفق ~ 15/ 7 / 1430هـ }


،

فتآةٌ هوت القمـر ،

هوت البعــيــد البعيييـــد .!

تجدُ في رسمه أشدّ الذّه

وفي ربطه بحب قلبها متعه

تجد فـِ مخاطبته أنساً كبيراً

تحبه كحب من أحبت

وتهوآه كمـآ هوتْه

ترآه فيه ، تحس أنه هو

ربما لبعده أو لأنه فـِ الغربة وحيد كمآ القمر وحيد

أيعقل أن يكون بين فتآةٍ وقمرٍ عشقاً ؟!!





تآبعوآ أحدآث قصتي " فتآة تهوى القمر "


..

[ الحلقة الأولى ]


رولا ~ طيب أي ملآهي بتروحون ؟!

رشا ~ لملاهي [......] ..

رولا ~ حلو .. ع الساعه 8 وانا عندكم ان شالله ..

رشا ~ اوكي نستناك ..

( رولا :- عمرها 18 سنه من عايله غنيه جدا ، فقدت أمها وأبوها بحآدث قبل 6 سنوات، بنت متهوره ، عنيده ماتحب احد يفرض رايه عليها ، كتومه بشكل فضيع وغامضه كمان ، تعيش ببيت أهلها وما طلعت منه حتى بعد ما ماتو ، وما تحب تختلط بالناس كثير ، حساسه كثير و دمعتها بطرف عينها ، هوايتها الرسم وأكثر شئ تحب ترسمه " القمر "

مآ بقآ لها عقب موت أهلهآ إلآ أخو أمهآ الوحيد " بدر 25س "

" وعمها محمد 48 ، وعمتها أحلام 44 " .. )

رح أصف لكم شكلها ~ عيونها متوسطه و تدوخ ع قولتهم ض1 - شعرها بني وناعم قصير لنص رقبتها ، دقنها بارز وصغير ، سمرا وسمآرها يهبل - نحيفه وطويله .

( رشا :- بنت عمها محمد عمرها 20 هي ورولا زي الصآحبآت ، طيبه و قلبها أبيض ،

تدرس بثآني جامعه قسم رياض اطفال ، مملوحه وتاخذ من رولا رسمة الوجه والانف ض1، أخوآنها هم / نواف 24 س – و نهى 13 س و خالد 10س

أمها اسمها فاديه 43 س )




//



دخلت " رولا " الفلة لآنها كانت برآ تتمشى بحديقتها ،

اول مادخلت نادت على الخدامه وقالت لها :

رولا ~ " ملار " قولي للسواق يجهز السياره لأني بطلع بعد نص ساعه..

ملار ~ اوكي مس رولا ..

طلعت " رولا " لغرفتها قعدت تدور بخزانتها وش تلبس

طلعت لها بنطلون جينز و تي شيرت أسود كت عليه كتابات ورسوم بالابيض و الرصاصي

واختارت لها شوز ، و شنطه .

//

بعدين خذت لها شور سريع

::



لبست بعدين جففت شعرها ونفشته بيديها

وحطت من قدام ربطه

"

فتحت رولا محفظتها قبل ماتطلع من الغرفه عشان تتأكد ان الفلوس اللي فيها تكفيها ولا تاخذ زود ..

بعدين حطتها بشنطتها ، ولبست عبايتها ونزلت تحت ..



ركبت بسيارة السواق ومشوآ للملاهي ..

قبل ماتنزل ..

رولا ~ رُسلي

رسلي ~ نأآآم "نعم"

رولا ~ لاتروح خلك عند الباب لأني ماجبت جوالي

رسلي ~ أوكي ..



نزلت رولا للملاهي بعدين قصت لها تذكرة دخول ورآحت تدور ع رشا

لقتهم قآعدين ع طاوله كانوا ثلآث بنات والرابعه رشا عشان كذآ رولا ما عجبها الوضع ..

سلمت ع البنات بعدين استأذنتهم وراحت اشترت لها كولا ورجعت

قعدت شوي ويوم سكتوا البنات (خلصت سوالفهم) استأذنتهم مره ثانيه وراحت تتمشى لوحدها



يوم راحت ..

جمانه ~ رشا وش فيها بنت عمك شكلنا ما عجبناها

رشا ~ لآ وين بس هي ماتحب تظل جالسة طويل

جمانه ~ آهآآ

رشا ~ استأذن بنات بروح أجيب لي مشروب مين تبي أجيب لها معي ؟!

هيفاء ~ رشوو أنآ هاتي لي بيبسي

رشا ~ أوكي من عيوني

هيفاء ~ تسلم عيونك يآقلبي

رآحت رشا تدور على رولا ..

ف الاخير لقتها واقفه قدام لعبة مره مرعبه وتناظر البنات اللي راكبين فيها ..

راحت لها ..

رشا ~ رولي ..

رولا ~ شوفي شوفي والله خطيره هاللعبه بروح أجيب لي تذكره وألعبها

رشا ~ يمآمي والله مره تخوف انتي شلون ماتخافين ..

رولا ~ هُوّه رولا تخاف

رشا ضحكت ~ أكيد لآ ..

رولا بعتب ~ الحين ليش ماقلتي لي ان كل هالبنات بيجون !!

رشا ~ كلهم 3 بنات الله وأكبر

رولا ~ تعرفين ما أحب أقعد مع ناس مآ أعرفهم

رشا ~ آهآآ هذآ يفسر قومتك من عند البنات

رولا ~ أقول بروح أقص لي تذكره متحمسه أبي ألعب هاللعبة

رشا ~ عاشت مصرفة ..

رولا ~ ابتسمت ابتسامه خفيفه ومشت لمكان التذاكر خذت لها مجموعة تذاكر ورجعت لرشا

رشا ~ رولا بليز لا تركبينها الين أجي بروح للبنات تأخرت عليهم ، قلت لهم بروح أشتري مشروب وجيت لك

رولا ~ أحسن عشان تعرفين تكذبين مره ثآنيه ، وترى اول ما توقف بركب ماعلي منك

رشا ~ طيب انا بروح بسرعه سي يو

رولا ~ سي يو

راحت رشا وشرت 2 بيبسي ورجعت للبنات

نهاد ~ هلا بالقمر

رشا ~ هلا بك

جمانه ~ كل ذا ع هالقوطيين

رشا ~ لا رحت أشوف رولا لقيت هالمتهوره تبي تركب لعبه مرره تِرْعب تعالو نشوفها

البنات ~ يلآ ..

راحوآ كلهم لقوآ اللعبه توها مابدت بس قاعدين يربطون البنات > هع

رولا ~ يوم سهو البنات عنها ناظرت لرشا بنظره وكلمتها بس بحركة شفآهآ بدون صوت وقالت : " حركتك تآآفهه "

رشا ~ خخخخخخخخخخ

أقول تمسكي لآ تطيرين

ماردت عليها رولا ..

بدت اللعبه كانت من جد سريعه ، إلآ قليله عليها كلمة سريعه وكانت تقلب بقوه وبحركه عشوآئيه وماتشوفين من البنات إلآ شعورهم ..







هيفاء ~ خايفه على رولا تطلع دايخه

رشا ~ لآ ، لآ تخافين بسم الله عليها الوضع عندها عادي

هيفاء مبققه عيونها ~ والله .. ماشالله عليها لوأنآ ، دخت مع أول لفه

البنات ~ هههههههه



بعد ثلآث دقايق وقفت اللعبه نزلت رولا وكانت تنآظر للبنات وع وجهها ابتسآمه تترك طابع مره روعه ع وجهها

رشا ~ هاه كيف ؟!

رولا ~ والله مرره تجنن صحيح تدوخ شوي بس مره حلوه ..

جمانه ~ ماخفتي ..

رولا ~ لآ ليه كلها لعبة !

نهاد توشوش لرشا ~ ما شالله بنت عمك ابتسآمتها تذوّب .

رشا ~ تراها ماتطلع الا بالصدفه بس اذا استحت

نهاد ~ ليه ؟!

رشا ~ كذا طبعها .

رولا ~ وين تبغون تروحون الحين ؟!

هيفاء ~ أنآ أبغا هذيك اللعبه المائيه اللي نركب زي مركب دائري وهي تمشي فينا

رشا ~ ايه فهمت اللي تقصدينها يلا ..

راحوآ البنات لهاللعبه ركبوها إلآ رولا لآنها ماتحبها ..

وع بال مايخلصون البنات راحت تتمشى ..

كانت تسمع تعليقآت ع ستآيلها

وحده تقول : كيف دخلوا هالولد لألعاب البنات عجيب صراحه ،

والثآنيه : أقولك هالبنت مره مره عاجبتني خل نحتك تكفين خلود تعالي معي لا ترديني

خلود ~ اف منك يلآ ..

وظلوا هالثنتين يلآحقوا رولا ..

رولا كانت تبي تلف عليهم وتهزئهم لكنها كانت تعرف نفسها لو فلتت عليهم يمكن تقطعهم على تعليقاتهم السآمجه

بعد دقايق ~ تمآدوا فسمآجتهم وبدو يقلّون أدبهم بزود

رولا تكلم نفسها ~ يآربي من وين جوني ذولآ .. أنآ خلاص مني سآكته لهم والله ليشوفون لو زادوا كلمه وحده وربي للف عليهم وأشوف ايش يبيلهم هالثنتين ..

البنت تكلم صديقتهآ وبقصدها يعني يآ رولا اسمعيني ~ أقول خلود شكل الحلو الأسمراني اللي قدامنا مو راضي يعبرنا

× هنا رولا خلاص طفررررت ..

لفت عليهم بملامح حاده

وراحت لهم وهي معصصبه ، عاد رولا لَا عصبت وخروا عنها بس

::

دفت رولا البنت اللي تتكلم من كتوفها

وقالت لها : ايش قلة الأدب هذي ..

ردت البنت ~ كلٍ يرى الناس بعين طبعه

رولا بصرآخ ~ انتي ايش تبغي بالضبط هآه ،،

البنت بسماجه زايده ~ أبي ريآل ..

رولا طفررت لان البنت تستخف دمهآ ~ أقولك ابعدي من قدام وجهي لآتشوفين شئ مايسرك ..

البنت ~ مني مبعده واذآ قد كلمتك وريني يلا وش بتسوين

رولا ماتحملت هياط هالبنت مسكتها من تيشيرتها ودفتها بأقوى ما عطاها ربي

حتى من قوة دفتها طاحت البنت ع الأرض طيحه جامده بعدين

راحت لها رولا وهي طايحه وقومتها مع شعرها وبدت تضرب فيها

وصديقتها الجبانه ماحركت سآكن بس تطالع

شوي الا وجو السيكيورتيات وفكوا البنت من يدين رولا

كانوا سكيورتين ماسكين رولا ، ووحده ماسكه البنت المهايطه ذيك ..

رولا تكلم السيكيورتات وتصارخ ~ انتي وياها فكوني .. فكووووووني

****************

رشا بخوف ~ بنات اسمع صوت رولا .! ورربي صوتها !!
وراحت تركض اتجاه الصوت شافت رولا تصارخ ووجهها أحمر من كثر ماهي معصبه ومقهوره

رشا بصوت عالي ( تكلم السيكيورتات ) ~ فكوها هييييه !!

وقربت رشا عندهم وتصارخ فكوها فكوها وتبعدهم عن رولا

سحبت رشآ رولا من يدينهم

والبنت هذيك تصارخ و تقول : انا بشتكيك عند الشرطه وتبكي وحاله

رولا ~ روحي بس يلآ ..

رشآ يآحليلها تبي تشكيني عنند الشرطه ،



أقول روحي منآك يآمآمآ شكلك ما تعرفين مين أنآ ..

رشا ~ رولا امشي بس .. امشيي

سحبت رشا رولا وقعدتها ع الكراسي

رولا كانت تتنفس بقوه من كثر ماهي معصبة

نهاد راحت جابت لرولا عصيرعشان تهدي

//

رشآ ~ وش فيك تضآربتي مع المخلوقه

رولا ~ ............

رشا ~ ردي علي

رولا ~ خليني بحالي واذا تبغين تعرفين روحي اسأليها

وقامت رولا وقالت : أنآ ماشيه

طبعا رشا خلتها لأن رولا اذا قالت شئ لا يمكن أحد يردها

خذت رولا عبايتها من طاولة البنات

وراحت بسررعه للبوابه لبست وطلعت

ركبت بسيارة السواق ومشوا

::

::

وصلوا البيت بعد 10 دقايق ..

دخلت رولا الفله وطلعت ع طول لغرفتها

استحمَّت عشان تروق .. ولبست بيجامه ونزلت تحت تطالع التلفزيون

ظلت تقلِّب بالقنوات بعدين لقت فلم على mbc maX عجبها وظلت تتابعه

::

شوي وجابت لها الخدامه عشا خفيف " كلوب ساندوتش وكولا "

طبعا رولا ماتعيش من غير كولا J

وبين ما هي تتعشا

انفتح باب الفله ، دخل بدر " خال رولا "

وسلم ع رولا

وقعدوا هي وياه سوالف ..

رولا ~ عن اذنك خالوا شوي وجايه

بدر ~ اذني براسي خخخخخخ أقول بلا هالرسميات يابنت

رولا ~ خخخخ طيب

راحت رولا ووصّت الخدامه تسوي شاي

ورجعت للصاله ..

بعد دقايق جابت الخدامه شاي ومكسرات وبسكويت

::

شربوا الشاي بعدين قعدوا يكملون الفيلم وتابعوا واحد بعده

الين ما جت الساعه 1 ونص

بدر ~ أقول رولا فيك حيل تسهرين

رولا ~ ايه ماعليك متعوده

بدر ~ أجل وش رايك نروح نتمشى اول ما يخلص هالفيلم

رولا ~ والله .. طيب انت فآضي ؟!

بدر ~ لو كنت مشغول أفضي نفسي عشانك هو كم رولا عندي ؟!

رولا ~ وحده

بدر + رولا ~ هههههههههههههههه

بعد ربع ساعه طلعت رولا بدلت بجامتها وخذت عبايتها ونزلت تحت

ويوم جت الساعه 2 خلص الفيلم اللي كان خالها يتابعه

::

بدر ~ يلآ رلّو

رولا ~ يلا ..

توجهوا للسياره ،

رولا ~ خالو تكفى خلني أطلع السيآره من الفله بلييييز

بدر ~ امممممم يلآ وش المانع !!

رولا ~ ييييييآآه

ركبت رولا مكان السواق وخالها مكان الراكب

بدر ~ اقول انتي مين معلمك السواقه ؟!



رولا ~ وبلا فخر أنآ ..

بدر ~ خخخخ صراحه طلعتي سويقه

يلا يلا بدلي طلعنا من الفله ترى

رولا ~ يوء ماانتبهت ‘ يلآ ، شكرن خالو ..

بدر ~ العفوو خالو ..

ظلو يتمشون الين ما أذن الفجر راحوا صلو

بعدين كملوا تمشايتهم الين الساعه 6

بدر ~ أقول ماجعتي ؟

رولا ~ الا والله ..

بدر ~ وش رايك أجيب فول وتميس وجبنه ؟

رولا ~ لا خالي خلنا نرجع البيت والخدامه تسوي فطور نظيف ومن اللي نبيه

بدر ~ شورك وهداية الله

رجعوا للبيت

وافطروا بعدين راح بدر لبيته ورولا راحت غرفتها

جلست رولا ع النت

وما حست بنفسها الا والساعه 1 الظهر

كانت تعباانه مرره صار لها يومين مانامت أبدا

فراحت تنام ،

وما صحت الا ع صوت جوالها ..

رولا بصوت كله نوم ~ آلوو ..

محمد " عم رولا " ~ رولا

رولا قاعده تستذكر الصوت ~ أوووه عمو محمد أهلين .. كيفك ..

محمد ~ تمام . انتي كيفك عساك مرتاحه

رولا ~ الحمدلله بخير يالغالي ..

محمد ~ شوفي رولا انا كلمتك وبطلبك طلب وما بيك ترديني !

رولا ~ آمر يالغالي ..

محمد ~ اليوم فيه عزيمه لولدي نواف ولازم لازم تجين مو زي كل مره

رولا جلست ~ نواف رجع ؟ ، الحمدلله ع سلآمته

محمد ~ الله يسلمك .. شوفي لو ماجيتي يآويلك ..

رولا ~ ههههه لآ أبشر يالغالي بجي

محمد ~ تراني بستناك عند الباب لوماجيتي بجي أنآ أخذك

رولا ~ هههههههههههه لآ والله بجي بجي أفآ عليك ، عمو هو عازمني وأرده .

محمد ~ ايوه كذا تعجبيني . هاه تآمريني ع شئ يالغاليه ؟!

رولا ~ سلآمتك

محمد ~ مع السلآمه

رولا ~ الله يسلمك

أول ماسكرت رولا ..

رولا ~ " يآآآآآآآآآآآس رمت الجوال وجلست تنط وتنط ع السرير ، وطاحت ع نفس السرير وجلست تضحك تضحك الين دمعت عيونها ..

مسحت دموعها ووقفت مره ثآنيه وقالت بصوت عالي : نواف اشتقت لك .. اشتقت لشوفتك والله والله والله "

وقفت ونطت من السرير ..

فتحت الخزانه وبحماسه ممزوجه بجيره ~ وش ألبس ؟ وش ألبس ؟

طلعت أول شئ تنوره سوداء ميدي وماسك وفوقها بلوزه سودا جبنيز وعليها حزام أبيض و شنطه و صندل بنفس لون الحزام

بعدين فكرت مع نفسها ~ ماله داعي ألبس أسود خلني أغيره

بعدين طلعت لها فستان أحمر كمان قصير تحت الركبه بشوي وشنطه وصندل من نفس لون الخرز اللي بالفستان

فكرت مره ثآنيه مع نفسها ~ أووح .. نسيت عمي ؛ أذبح عمري ولا أطلع له كذآ =)

يآربيييي وش فيني أنآ ..

خلاص بلبس هذآ أنسب شئ ..

طلعت لها بلوزه طويله موف ومرسوم عليها زخارف بالفضي وماسكه ع الجسم و جينز سكيني أبيض ..

و صندل موف ..

دخلت رولا الحمام وخذت لها شور سريع .. بعدين دقت ع السواق وقالت له يجهز السياره ..

::

لبست جينز وتي شيرت وبوت بعدين لبست العبايه وخذت الشنطه الخاصه بالمشغل وشنطتها اليد ونزلت من الدرج تنقز

كانت بتطير من الفرحه ..

رجْعَتْ نواف حب طفولتها تسوى عندها الدنيا كلها ..

ركبت السياره وتوجهوا للمشغل ..

غيرت من لوكّهآ :-

اول شئ ضبّطت قصّتها وزادت تدريجة شعرها لانه كان قطعه وحده ، وسشورته وسوت فيه بف صغيره بحكم قصر شعرها ..

بعدين سوت مكيآج خفيف " رسم عيون وظل بلون موف فآآتح " ..

اول ما خلصت بسرعه لبست عبايتها وخذت أغراضها وطلعت ..

::

وصلوآ للبيت ..

كانت السآعه 7 تقريبا ، دخلت الفله وركض ع فوق ..

وصلت غرفتها ورمت نفسها ع السرير

رولا ~ أوف تعبت ..

يوء لا يكون خربت كشتي

::

وقامت بسرعه ع المرايه ..

ناظرت شكلها وشعرها ..

رولا ~ أشوه ،،

اللـ~ـه صرت كيوت صار لي زمااان ماحطيت ميك أب غير الكحل ، ..

باب غرفة رولا اندق .

رولا ~ مين ؟!

سعديه " مرافقة رولا " ~ أنآ يآرولا جبت لك ملابسك

راحت رولا وفتحت الباب .





رولا ~ خليني أشوف لا تكون ميريوه ماكوتها زين

سعديه بابتسامه ~ لآ تخافين حبيبتي أنآ شيكت عليها

" سعديه كانت مره مبسوطه لفرحة رولا اللي من كم من سنه مابينت عليها قد هاليوم "

رولا ~ سوسو الله يخليك روحي طلعي لي عبايتي المزخرفه بالموف وخلي ميري تكويها

سعديه ~ من عيوني

راحت سعديه لخزانة رولا طلعت العبايه

،

طلعت سعديه ورولا بدت تلبس .. ويوم جت للبلوزه توهقت شوي .. لكن الحمدلله عدى الأمر ..

لبست صندلها بعدين راحت حطت ف شنطتها مناديل وعطر وقلوس وبلوشر

بعدين جلست تدور ف درجها كلبزه شرتها قبل يومين ع شكل ورده صغيره لونها موف

وف الاخير لقتها ..

خذت جزء من غرتها الي ع وجهها ومسكتها ع جنب وثبتت الكلبزه وخلت باقي الغره منتثر ع وجهها

كان شكلها غاية ف الجمال .. صراحه كانت كلمة حلوه قليله عليها ..

اتصلت ع السواق وقالت له يجهز السياره ..

//

بعدين نزلت للصاله وقعدت ع الكنبه تنتظر السواق

رولا وهي تفكر ~ مو معقوله أروح كذآ وايدي فآضيه ..

وش اجيب يآربي اف محتاره أبي أجيب من أحسن مكان هذآ نواف مو أي أحد " وابتسمت " ؟!

ضرب السواق البوري بمعنى انه اطلعي يا رولا السياره جاهزه J

لبست رولا عباتها وطلعت

وهم ف الطريق ..

رولا ~ رسلي روح لباتشي تعرفه

رسلي ~ أوف كورس مدام الهين روه

توجههوآ لباتشي ..

::



نزلت رولا ~ وبم انو الوقت مايسمح لها تنقي هي من ذوقها فقالت تآخذ صحن جاهز أحسن ..

رولا ~ لو سمحت أبغآ هذآك الصحن الكبير ..

# : ده ..

رولا ~ لآ لآ اللي جنبه . . !

# : أيوه ، عاوزآ شئ تاني آنِسَآه

رولا ~ بغيت أسألك من متى وهو معروض هنا .؟

# : اليوم واللهِ يآ آنسه

رولا ~ زين .. خلاص هآتلي ياه

وطلبت منه بطاقه ..

كتبت فيهآ : " الحمدلله ع سلآمة نوآف يالغوالي وكتبت اسمها "

حاسبت ..

بعدين طلعت ونادت رسلي عشان يشيل صحن التشوكلت

ركبت السياره

وبعد ثواني رجع السواق شآيل صحن التشوكلت ..

ركب رسلي وحطه ف المقعد اللي جنبه ، ومشوا لبيت أبو نواف ..

بعد نص ساعه وصلوآ ..

كانت السآعه 8 ونص ..



أول ما وصلت لقت عمها واقف عند الباب وكان معاه نواف ..

رولا يوم شآفت نواف حست الدموع تتجمع بعيونها

رولا تكلم نفسها " لآ لآتبكين يآرولا يخرب مكيآجك وتتشوهين "

مسحت دموعها اللي داخل عيونها بطرف المنديل ..

ويوم وقف السواق ..

نزلت وجا عمها وسلم عليها

ودخلها لحوش الفلة ..

رولا ~ عمو ممكن لو تقول لرسلي ينزل صحن الشوكلت

محمد ~ يالله منك .. ليه متعبه نفسك بس ؟

رولا ~ مافيه تعب ولا حاجه و حقكم وربي أكثر من كذآ .. بس سآمحوني ع القصور

محمد ~ لآ قصور ولا شئ يالغاليه ..

وأبشري الحين أخلي نواف يقول له ..

محمد بصوت عالي ~ نوآآآف

نواف ~ ســم يبآآه ..

رولا تكلم نفسها ~ " فديت هالحس "

محمد ~ قول للسواق يدخل الشوكلت اللي بالسياره جوا الفلة

نواف ~ ابشر

//:://

دخل العم ورولا الفله ..

رشا أول ماشافت رولا صرّخت ..

رشا ~ رولا عندنا مآصدق ماصدق وضمت بنت عمها ..

رولا ابتسمت ~ لا صدقي هذاني قدامك

رشا ~ نور البيت والله

رولا ~ بوجودكم يالغالين

بعدين سلمت ع خالتها ام نواف " فاديه " اللي كانت مبسوطه من جيت رولا كثيييير

وبعدين سلمت ع نهى و خالد

بعد السلام راحوا يقعدوا ف الصاله

فاديه ~ رشا قولي للخدامه تجيب القهوه عيب عليك بنت عمك عندك ولا تقهوينها

رشا ~ أوبس نسيت

رولا ~ لا يا خالتي لاتجيبونها الحين

فاديه ~ لييييه ؟؟

رولا ~ ليه تعبون أنفسكم تجيبون الحين واذا جو الضيوف تجيبون مره ثآنيه لآ أحسن خلوها مره وحده

فاديه ~ اللي يريحك ..

فآديه تكلم نفسها ~ والله إنك ذوق يآرولا يآجعل ربي يكتبك من نصيب نوآف ..

//:://

رولا تكلم رشا بصوت واطي ~ رشو مين بيجي لا تقولين ناس كثير ؟!

رشا ~ مابكذب عليك واقولك قليل لانهم كثار والله

رولا ~ يآربييييه ، والله إني مآجيت إلآ عشان خآطر عمي ( و ببآلها " وعشان نوآف " )

رشا ~ يالبا قلبك ... بعدين انتي وش ذا الطبع اللي فيك ..

رولا تصرف ~ اي صح رشآ تصدقين ؟!

رشا ~ ايش

رولا ~ أول مره أشوفك حلوه كذآ

رشا ~ خخخخخ قولي والله

رولا ~ أمزح بسم الله عليك دومك قمر بس خآني التعبير

رشا ~ هههههههه مهبوله

رولا ~ شكرن ..

رشا ~ خخخخخخ حتى انتي يآحيوانه تجننين والله طالعه كيوت بالموف

طفشتيني بالاسود والرمادي أخيرا غيرتي

رولا ~ خخخخخخخ شكرن مرتن أخرى

( شهقت رولا ) نسيت أحط قلوس وبلوشر

رشا ~ أوه .. ايه والله خخخخخخ .. أنآ دخت ع عيونك ونسيت الباقي

رولا ~ ههههههههه تسلمين

طلعت رولا مرايتها وحطت قلوس وبلوشر خلصت و دخلت أغرآضها وكملت سوالف هي والباقين

قطع سوالفهم دخلت عمتهم أحلآم وبناتها نجود ومي

وقفوا وسلموا عليهم ..

نجود يوم وصلت عند رولا ~ سلمت عليها بأطرآف اصآبعها ويوم فكتها مسحت ايدها بالمنديل اللي معها وكانها تقززت من رولا ..

رولا انقهرت مرره من حركتها .. " خير هذي وش تبي تسوي ذا الحركه "

رولا ~ كان ما سلمتي أحسن يابنت العم ، تراني ماتقطعت ع سلآمك

نجود ~ تكلميني ؟!

رولا ~ تشوفيني أطالعك أكيد اني أكلمك .. بس يختلف الوضع اذا كنتي حولا مثلا وتحسبيني أكلم غيرك . . !!

نجود طااااح وجهها .. وراحت قعدت وهي منطمه ..

يوم خلصوا سلام وقعدوا شوي

رشا ~ رولا تعالي ..

رولا ~ راحت مع رشا للمطبخ

رشا ~ وش فيك انتي ونجود ؟

رولا ~ ولا شئ !!

رشا ~ بس عيوني شافت شئ

رولا ~ رشا بليز ما أبي أخرب روقآني ، سكري الموضوع ..

شصّبت رولا مكانها

وكانت تطالع ع الباب وفجأه نطت ورا ظهر رشا

يوم لفت رشا لقت نواف واقف عند الباب وميبس خخخخ

رشا ~ أووه نواف اطلع رولا هنا ..

نواف اختبص ~ هاه ايه صح يلآ انا طلعت

نواف يكلم نفسه ~ وه يآقلبي وش ذا القمر اللي شفته تو ..

أشوا انها تخبت ورا رشا ولا كان بقيت بمكاني

والله وكبرتي يآرولا ..



* يا غبيي الحين وش أنآ اقول اللي سوته رولا فيني موقليل وانا اقول عنها كذا ..

استغفر الله ياربي بس خلني أروح اترزز عند الرجال ..

رولا و وجهها احمـــر ~ وي يآقلبي بغيت أموت من الخوف

رشا ~ بسم الله عليك ترى كله نواف لا راح ولا جا

رولا ~ خخخخخ امشي يلآ خل نروح عند الحريم ترانا طولنا عليهم

رشا ~ يووه ايه والله

راحوا رشا ورولا عند الحريم لقوهم جو كلهم مره وحده وامتلت الصاله

سلموا على الحريم وقعدوا سوالف وضحك وقهوه .. الخ



نواف وهو رايح للمجلس قابل نجود ..

نجود بدلع متصنع ~ نوآفي ..

نواف " بشوق "– ايه نوافك يآروح نواف

نجود بعتب ~ معقوله اسبوعين تصبر ماتكلمني يالقاطع

نواف ~ السموحه يآ غلآي بس انشغلت بالمذاكره والاختبارات

نجود ~ مسموح حبيبي ..

نواف ~ محلوه يابنت

نجود مسكت وجهها ~ والله ..

نواف ~ والله

نجود ~ عيونك الحلوه ياحياتي

نواف ~ تسلمين ياقلبي ..

نجود ~ يلآ نوافي بروح للحريم الحين ،

نواف ~ اقعدي ماشبعت منك ..

نجود ~ مره ثآنيه أوكي .. يلآ بآي

نواف ~ باي بس ترى اليوم بالليل بينآ كول أوكي

نجود ~ اوكي يآٌقلبي ،

راح نواف للمجلس ونجود رجعت للصاله ..

//

أحلآم ~ وآخيرآ ظهر القمر كم صآر لنا عنك يآ رولا وش ذا القطعه لاتزورينا ولا شئ

رولا بابتسآمه ~ وش أسوي يآعمتي والله إني مآأحب أروح لأحد بدون مايعزمني أخآف يكون مشغول أو شئ

أحلآم ~ حتى ولو .. فيه تلفون دقي وقولي بجيكم اليوم . . !

رولا تبي تسكت عمتها ~ السموحه عمتي حقك علي ..

فآديه ~ خلونا من العتب الحين وش بنستفيد وانتي يا رشا يلا قومي شغليلنا طق خل نرقص وننبسط

رشا بابتسآمه ~ يلا

( راحت رشا وشغلت المسجل كانت اغنية " وش جآه محبوبي "

رولا ~ اللـــ~ــه " صحيح انها قديمه شويات بس رولا تحبببها " ..

رشا ~ اللـ~ـه ، أجل يلآ تعالي

مي ~ يلا رولا قومي

رولا ~ لا لا ، كني استحيت

رشا ~ أقول يلا بس مآفي أحد غريب ..

رولا ~ هآه .. طيب يلا ..

عادت رشا الأغنيه وبدت رولا ترقص كآن عليها هز مع الدقة اللي بالأغنية خطييييررر

والكل انهبل عليها ..

نجود احترقت مكانها وهي تسمع الحريم يمدحون بـ رولا وجمالها و.. و..

خلصت الأغنيه وقعدت رولا

رولا ~ وه تعبت رشووه والله لو عاد توهقيني

رشا ~ والله عليك رقص ياحيوانه خنفشاااري من جد

رولا ~ خنفشاري ، أقول صبي لي قهوه بس

رشا ~ ههههه أبشري من عيوني

رولا ~ تسلم عيونك يآقلبي

كملوا السهر يوم جت الساعه 11 ونص قلطوا الحريم والرجال للعشا

كان بوفيهين واحد للحريم ف الحديقه اللي برا وبوفيه للرجال ف غرفة الطعام

طبعا ف الحديقه اللي برا جابوا طاولات وكراسي لاجل يتعشون عليها الحريم

خلصوا رشا ورولا اختيار طبقهم وراحوا قعدوا ع طاولة كانوا قاعدين عليها

فاديه + مي + نهى

جلسوا معهم وتعشوا

كانت رولا مختآره " شوي حمص + تبوله " لأنها مكانت مشتهيه تاكل أصلآ بس رشا غصبتها J

ورشا اختارت " كباب وبطاطس مقليه "

فاديه ~ رشا حبيبتي خلصي عشاك بسرعه عشان تروحين تشيكين ع الخدامات

وشوفيهم سووآ الشآهي ولا ولا ؟

رشا ~ ابشري يالغاليه ..

::

خلصوا الحريم والرجال عشاهم وشربوا الشآي

وبدوا يروحون لبيوتهم ..

ع الساعه 2

راحوا كل المعزومين مابقي إلآ أحلآم وبناتها ورولا ..

عشان كذا جا أبو نواف وقعد مع أخته وأهله

//



وقفت رولا ~ يلآ يالغوالي أستأذنكم الحين

فاديه ~ وين وين تو الناس ؟!

رولا ~ والله اني تعباانه من يومين مانمت زي الناس

محمد ~ مافيه روحه مع السواق بها الوقت

رولا ~ عادي عمي تراه رسلي معنا من يوم عمري 4 سنين

محمد ~ حتى لو ، ماهو من محارمك ، اليوم مافي طلعه من بيتنا ماصدقنا تجين تطلعين بسهوله لا لا لا

رولا ~ عمو بليييز ملابسي هناك وماعندي شئ هنا

رشا ~ عادي وين رحت أنآ

نجود ~ خلوها ع راحتها ماتبيكم ليه تغصبونها

رولا خزت نجود بنظره ~ أنآ قلت : مآأبيهم بالعكس والله بس صعبه اليوم ما هيأت نفسي .

محمد ~ خلاص أنآ بوديك بس ترضين عمك التعبان اللي من المغرب وهو واقف يطلع بآخر الليول

ترضين ؟!

رولا ضحكت لأن عمها كان بآين إنو يتمسكن ~ ههههههه لآ مآأرضى

محمد ~ أجل بتقعدين !

رولا ~ ابشر خلاص رولا نايمه عندكم يعني نايمه ..

رشا ~ يسسسس أخيرا اخيرا

رولا ~ طيب يلآ طلعيني غرفتك أبي أنآم تعبآآنه

رشا ~ يلآ يلآ

نجود بغت تموت من القهر كانت تبي رشا لها لوحدها ماتبي أحد يكون معها غيرها

وماكانت تبي رولا تبقى ف بيت عمها ونواف موجود .. يقالها تغِير ..

رولا راحت سلمت ع عمها محمد وخالتها فاديه وعمتها أحلآم

رولا ~ يلآ تصبحون ع خيـر

الكل ~ وانتي من أهله فأمآن الله

طلعوا رشا ورولا لغرفة رشا ..

رولا ~ هذي غرفتك انتي ونهى ؟!

رشا ~ لآ هذيك غرفة نهى صرفتها مآبي بزران عندي بالغرفه

رولا ~ هههههههههه يالئمك .. أنآ الحين أتمنى عندي أخت تنآم معي وتقوم معي وانتي تطردين الضعيفه من عندك

رشا ~ أنآ أختك .. ولّآ نسيتي

رولا ~ أي أختي مره ماشالله , عندي بالبيت 24 سآعه

رشا ~ ههههههههههههههه سكتيني

رشا + رولا ~ ههههههههههههههههههههههه

وصلوا للغرفه طلعت رشا مفتاح غرفتها من جيبها وفتحت الباب وولعت اللمبه ودخلت رولا

رولا ~ اللــ~ـــه غرفتك كيوووووت ماشالله

رشا ~ عجبتك ؟!

رولا ~ مررررره ، ذوقك ماشالله شئ

رشا ~ مو ذوقي بس اني أموت فيها لانها من ذوق نوافي

رولا فز قلبها يوم سمعت اسم نواف ..

رولا ~ ماشالله عليه ذويق الله يخليه لكم

رشا ~ آمين ..

تصدقين مشتاقه له الدب ..

من جا بس سلم علي وراح للرجال تخيلي يعني ماشبعت منه

رولا ~ خلاص انا طلعت الحين عشان تقعدون معه وتشبعون منه

رشا ~ خيييييير ، طيب ليه تقولين فيني نوم آثآريك عشان نواف

رولا ~ لا والله تعبانه يومين مانمت غير 4 ساعات عاد تعرفيني ان مانمت اكثر من 8 سآعات ماكون رولا ..

رشا ~ خخخخ نوم العوافي امشي أطلع لك بجامه

فتحت رشا الخزانه ، واختارت رولا بيجامه برمودا بينك و بلوزه كت مرسوم ميمي ماوس

نزلت رشا تحت ورولا دخلت دورة المياه مسحت وجهها بمزيل المكياج وبعدين خذت لها شور

خلصت لبست بجامتها ، وطلعت ياحياتي ماكنت تشوف غير المخده والسرير عيونها شوي وتسكر من النوم ..

نطت ع السرير ضمت الدبدوب الموجود جنبها بعدين تغطت ونآآآآآآمتــْ ..

//

::

//

[ وش رح يكون بكره لرولا رح ترتاح ببيت عمها ولآ لآ ؟

انتظروا الحلقه الجايه ]


فتـآة تهوى القمر للكاتبه "ربـآ"


وحابه اقول ان الروايه مو لي علشان ماتزعل مني الكاتبه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-03-2010, 03:46 PM
صورة }{!Karisa!}{ الرمزية
}{!Karisa!}{ }{!Karisa!}{ غير متصل
©؛°¨غرامي مجتهد¨°؛©
 
الافتراضي رد: فتاة تهوى القمر \ كامله روعه غموض اثارة بقلم رباوي


ياليت تكملين الروااايه
لان بصـراحه الرواية حلوة
باايؤؤ انتظر ردك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-03-2010, 04:17 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: فتاة تهوى القمر \ كامله روعه غموض اثارة بقلم رباوي


بداااية موفقة

باانتظار البارت القااادم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-03-2010, 04:33 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: فتاة تهوى القمر \ كامله روعه غموض اثارة بقلم رباوي


,’


بسم الله


يعطيك العــافية
موفقة بـ نقلك إن شــاء الله


https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-03-2010, 04:45 PM
صورة متعطره بأنفاس حبيبها الرمزية
متعطره بأنفاس حبيبها متعطره بأنفاس حبيبها غير متصل
©؛°¨غرامي متألق ¨°؛©
 
الافتراضي رد: فتاة تهوى القمر \ كامله روعه غموض اثارة بقلم رباوي


مدري شكلها حلو بس ما رح اقراها لما تنزلي كذا بارت واظمن انك مستمره في الروايه
بالتوفيق


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-03-2010, 04:57 PM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


أوركيد الشتآء ~
وردة الحب ~
الزعيمــه ~
متعطرة باأنفـآس حبيبها ~

يعطيكم العافيه على التشجيع والروايه كامله وانا كل يوم أن شاء الله راح احط بـآرت .~
مشكورين..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-03-2010, 11:45 AM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


السلآم عليكــم

هذا البارت الثاني

((قرآءه ممتعه))


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-03-2010, 11:48 AM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


[ الحلقة الثآنيه ]



قآمت رولا السآعه 8 ونص تقريبا ..
كانت بتموت من الجوع ..
دخلت الحمام وانتو بكرامه وغسلت وجهها وطلعت فتحت خزانة رشا طلعت لها لبس ، لبسته بعدين
نزلت تحت ~ ماكان صاحي ف البيت غير الخدم اللي تنظف واللي تكنس واللي تمسح
راحت قعدت بالصآله شغلت التلفزيون وقعدت تتابع اعادة فيلم
بعد ساعه حست ان الجوع رجع لها من جديد
راحت المطبخ وقالت للخدامه تسوي لها شاندوتش جبن وتجيب لها معه شآهي
بعدين رجعت للصآله ..
5 دقآيق والخدامه جايه حطت الاكل ع طاوله صغيره قدام رولا ..
رولا ~ ثآنكس ..
الخدامه ~ ولكم ..
راحت الخدامه ورولا جلست تاكل
::
رولا تسأل الخدامه اللي جت تشيل الاكل من قدامها ..
رولا ~ متى خالتي فاديه تقوم ؟
الخدامه ~ سآعه 10 نص ولا 11 كلُّوا قوم بابا ماما نهى وخالد ..
رولا ~ حتى لو ناموا متأخر ؟!
الخدامه ~ ايوه مدام نوم تأخر نوم بكير دايم قوم ساعه 10 نوص ولا 11
رولا ~ ورشا
الخدامه ~ رشا قوم ساعه 2 ولا 3 مافي وقت محدد
رولا عجبتها كلمة وقت محدد خخخخ
رولا ~ اوكي شكرا
الخدامه ~ ولكم ولكم ..
وراحت للمطبخ ورولا كملت الفيلم اللي كانت تتابعه
ع السآعه 10 قررت رولا تطلع فوق خافت نواف يصحى وهي بالصاله مو حلوه صراحه ..
طلعت فوق وراحت غرفة نهى ودخلت عليها
كانت غرفتها مرررره كيوت وشيك
غرفة بنوته من جد ..
كان لونها بينك فاتح والأثآث أبيض × أبيض
واللحاف والديكورات كلها كمان باللون البينك
رولا تكلم نفسها شكلي بسمي نهى ميس بينك خخخخ
قربت لسريرها لقتها نايمه ومتعمقه ف النومه .. باستها
بعدين رجعت لغرفة رشا ..
::
فتحت الاب توب حق رشا ..
وقعدت ع ايميلها تقرا الايميلات
وتفتح المنتدى شوي
الين ماجت الساعه 2 ونص ..
طفشت رولا ، وماكانت تبي تنزل تحت بدون رشا
فقالت مالي إلآ اني أقوم خيشة النوم هذي ..
نطت رولا ع السرير وانسدحت جنب رشا ووجهها قريب من وجهها
رولا ~ رشا .. رشا .. رشووو .. رش رش
قومي بلا سماجه مخليتني لوحدي يالدبه يلآ قومي
رشا ~ وشووووو
رولا ~ رشا قومي انا طفشانه لوحدي
رشا ~ رولا بليز خليني أنآم
رولا ~ خلاص بخليك بس مو مره ثانيه تقولين لي نامي عندي أوكي
رشا بصوت كله نوم ~ لآآ لآ خلاآآص قمممت قممت ..
نزلت رولا من السرير
رولا ~ رشّو استحليت ملابسك " وتأشر ع لبسها "
رشا ~ فداك الملابس وراعية الملابس
رولا ~ ياقلبي انتي ..
...
راح ـت رشا توضت وصلت الظهر لانها مصلية الفجر ويوم خلصت صلاة
رشا ~ رولا صليتي
رولا ~ هاه .. ايه ايه
رشا ~ الله يوفقك طيب يلا ننزل ..
لبست رولا عبايتها وشيلتها ونزلوا تحت ..
رولا ~ رشا لو نواف موجود بطلع فوق
رشا ~ ليه خير هذاك لابسه عباتك ولافه شيلتك
يوم تطلعين مو صح بها الشكل ..
رولا ~ ايه بس اخاف احرج نواف
رشا سحبتها من يدها ~ أقول امشي وش جاك ع نواف تراه عادي دايم يقعد مع نجود وطق حنك سوا
رولا حست ان قلبها نط يوم قالت انه يقعد مع نجود كانت تحس بشئ جواتها ماتدري وشو هو قهر ولا غيره ..
نزلوا تحت وسلموا البنات ع محمد وفاديه
وقعدوا يطالعون تلفزيون ..
::
بعد شوي ..
جت الخدامه ..
مدام غدا خلاص
فاديه ~ اوكي الحين بنجي ..
الخدامه ~ اوكي
فاديه ~ يلا حيآكم الغدى جاهز ..
قام الكل وراحوا يتغدون ..
وبعد ما صلُّوا العصر شربوا الشاي ف الحديقه تحت العريشه ..
كانت قعده مره حلووه وتطل ع المسبح
بصراحه كان المكان ولآ أروع يعني الواحد من جد تنفتح نفسه يشرب شاي خخ
كانت رولا تسولف
وبين مارولا متحمسه بالسالفه مع رشا .
//
طرآآآخ ..
" نهى كانت تمشي وماانتبهت للطاوله اللي قدامها صقعتها وطاحت الطاوله وكان عليها بيآلآت أمهآ وابوها "
فاديه ~ بسم الله انكسر الشر ان شالله ..
محمد بنظره حاده ~ نهى ـآآآآ
نهى بخوف ~ ايوه بابا
محمد ~ قد هالحركه اللي سويتيها
نهى بغت تصيح من الروعه ~ آسفه بآبي والله ماشفته
محمد قآم من مكانه وراح لنهى وقعد يدغدها ويقول : مآأقبل أسفك ، مآ أٌقبل أسفك
ونهى كانت تضحك وتصآرخ ~ بابا خلاص أي تعورني ههههههههههههه
الكل ~ كان يضحك ع نهى ومحمد
فلتت نهى من يدين أبوها ورآحت تركض الين وصلت للنآفوره اللي قدام البوابه
وصآرت تدور حولها وأبوها ورآهآ
نهى تصآرخ ~ بآبآ خلآآآآص والله ماعيدها
مآآآآآآمآآآآآآ سآعديني
وركضت ركضت الين وصلت عند المسبح
محمد ~ لآ يآبنت
نهى طبت ف المسبح ولآ اهتمت
نهى بتحدي ~ يلآ تقدر تدغدغني وأنآ هنآ ..
مآتقدر بيتوصخ ثوبك وانت الحين بتروح الاجتمآع همممممهمممم
محمد ~ يالدبه هين ..
فسخ محمد ثوبه ونط ف المسبح
نهى ~ آآآآ لآآآآآآآآآ اهئ اهئ
كلهم اجتمعوا حول المسبح
رولا كانت ماسكه بطنها من الضحك ..
ضحكت ع شكل عمها وبنت عمها الين ماحست ان بطنها بيتقطع
رشا ~ الحين ليه تضحكين ؟!
رولا ~ والله ان عمو تحفه
رشا ~ ترى مو أول مره يسوي لها هالحركه
رولا وهي تضحك ~ قولي والله
رشا ~ قسم بالله ، الاسبوع اللي فات سووها بس مو الطاولة اللي طاحت
نهى اللي عكرفت لبآبآ ..
رولا ~ هههههههههههه يوء ،
وكملت ضحك ههههههههههههههههههه
رشا قآمت تضحك ع ضحك بنت عمها
رشا ~ لولي وش رايك ننط معهم
رولا ~ لا لا ويين ..
ماأمدآهآ تكمل كلمتها الا ورشا سحبتها من بيدينها ونطت هي ويآها
ف المسبح
رولا ~ هوووووه هوووه يآلئيمه وتمسح المويه عن وجهها
رشا ~ ههههههههههههههه
خالد يصارخ ~ لقد أتيييييييييييييييييت
وطراااخ طب معهم ..
محمد سبح عندهم ومسك رولا وقآم يكعش شعرها
رولا ~ عمو هههههههههههه
بعدين راح عند رشا وقآم يغرقها بس طبعا مو بعنف خخخخ
وسبح مره ثآنيه الين نهى مسكها وقعد يطيرها فوووق ومايمسكها مره ثآنيه ، يعني يخليها
تطيح ف المويه ويسوي نفس الشئ لخالد
رشا ورولا قعدوا ينطشون ع بعض مويه
ومستانسين مره ..
~ بعد نص ساعه ~
محمد ~ يلآ حبآيبيني استأذنكم بروح البس ورآي اجتماع يقول : محمد تراني استنآك
نهى ~ بآبآ اقعد معنا تكفى كل يوم اجتماع اجتمااع
محمد ~ وش أسوي يآبآبآ ،، خلاص بكره ان شالله نلعب زي كذآ من بعد العشآ الين ماتبغون اوكي
نهى وخالد ~ يسسسسس
محمد ~ يلآ بآي
الكل ~ بآي
طلع محمد وخذا المنشفه من فاديه نشّف نفسه بعدين دخل جوا بدل ملابسه وطلع لاجتماعه .
رشآ ~ رولا أومآ عليك شكل وانتي تسبحين بالعبآيه فكيها ..
رولا ~ يوه هههههههه والله من الوناسه نسيت ..
فكت رولا عبايتها وقعدوا يسبحون الين أذن المغرب
::

جتهم الخدامه ..


الخدامه ~ ميس رشا .. ماما قول : خلاص اطلعوا من مسبح عسان أزآن مقريب
( ماما تقول : اطلعوا من المسبح عشان أذن المغرب )
رشا ~ أوكي .. بس هاتي لنا منآشف ..
الخدامه ~ اوكي ..
راحت الخدامه وجابت لهم المناشف ..
::
خذوها منها .. وطلع كل واحد لغرفته خذاله شور ولبس ..
وبعد ما خلصوآ ~
خالد ونهى قعدوا يلعبون بلاي ستيشن ..
وفاديه كانت فآتحه الاب توب وقاعده عليه هي والبنات ..
رشا ~ يمه دخت دختت
رولا ~ الحين خالتي وش اللي تبينه بالضبط =] ؟؟
فاديه ~ مدري وحده من خوياتي قالت لي افتحي هالمنتدى ودوري فيه
عندهم وحده تعلمك تحطين المكيآج .. وكنك داخله دوره تدريبيه ..
رشا ~ الهك يهديك يمه حوستي بنا افتحي قسم جمال حواء وتلقينه ان ماخاب ظني
فاديه ~ وين القاه الحين ؟
رولا ~ هاتي خالتي ..
فاديه ~ خذي .
خذت رولا اللاب توب وفتحت القسم وطلعت لها الموضوع اللي هي تبيه
رولا ~ تفضلي خالتي هذا اللي تبين
فاديه ~ أي أي هو ، الله يوفقك يآبعدي ..
رولا ~ وياك يآلغاليه
قعدوا يناظرون شوي مع فاديه .
{"}
رولا ~ رشا امشي نروح الحديقه ..
رشا ~ يلآ ..
طلعوآ رولا ورشا للحديقه .. كانت رشاشات المويه كلها مشغله
راحت رولا تركض وتلعب حول رشاشات المويه وتقرب منها وتحط وجهها قريب من المويه ويتعبا وجهها
رشا ~ رولا تعالي ترى بتمرضين
رولا ~ لا بسم الله علي
رشآ تعالي والله وناسه
رشا ~ " وش وراي خلني أروح أسليها أحس في شئ مكدرها "
رشا ~ يلآ جآيتك مآأقدر أقولك لآ يالدبه
رولا ~ ههههه شكرن
وراحت مع بنت عمها
قعدوا يلعبون ويلعبون
ويضحكون ع أشكآل بعض ..
إلين ماطاحوا ع الأرض من التعب ’
رشا ~ يلآ قومي نكمل لعب
رولا ابتسمت ~ لآ تعبت .. اسمعي ،، شكلي بروح لبيتي
رشا ~ لييييه .. رولووووه ، " وعطتها نظره " =] ..
رولا ~ وشو .!
رشا ~ بابا قال اليوم يمكن نشوي ، وأنآ أبيك تكونين معي
رولا ~ مره ثآنيه يآحيآتي .. خلكم اليوم تقعدون مع نواف أنآ حآشرته مسكين
رشا ~ رولا .. لآ تكفييين اففف ..
رولآ ~ طيب خلاص إذآ ماكان ازعاج عليكم بكره ان شالله أجيب ملابسي وآنآم عندكم بقد ماتبين بس اليوم أبي أروح البيت هاه وش رآيك بالعرض ؟!
رشا ~ حلوو
بعدين تعالي من وين يجي الازعاج وانتي فيه أمي وأبوي يتمنون انك تتمين عندنا طول عمرك
رولا ~ هههههههههه
أقول يلا شكلنا بنقعد نسولف وأنسى عن نفسي ويجي عمي ويمسكني
رشا ~ يعني تبين تهربين قبل يجي بابا
رولا ~ خخخخخخ الصراحة إي
رشا ~ ههههههههه
//:://
طلعوا فوق لغرفة رشا .. رولا لبست ملابسها اللي جت فيها
وخذت شنطتها وعبايتها ونزلت هي ورشا تحت
" دخلوا الصآله "
رولا ~ يلآ خالتي أستأذن الحين
فآديه ~ وين وين رآيحه يآيمه ماشبعنا منك
رولا ~ مره ثانيه ان شالله
رشا ~ ماما ، اتقفت أنآ ويآها اتفآق خطير
وهو انها بكره بتجيب ملابسها وتنام عندنا لين مآ أحدد أنآ " وتنآظر رولا وترفع حوآجبها "
رولا ضحكت ع شكل رشا ~ حدك أسبوع عاد مو توهقيني .!
يلآ خالتي مع السلآمه
فاديه ~ بأمآن الله يالغاليه وسلمت ع رولا
وصلت رشا رولا لين البوابه طبعا بتروح مع سواق عمها
سلموا البنات ع بعض .. وطلعت رولا
بعد 10 دقآيق وصلت بيتها
//
أول مآدخلت البيت
رولا ~ اشتقت لك يآ هالبيت ، يالله كني شهر غايبه عنك
طلعت لغرفتها ..
فتحت بلكونتها عشان يدخل الهوا لغرفتها ..
بعدين راحت لبست بجامه ولمت شعرها القصير وربطته بربطه طلع شكله كيووت
" ذيل حصان سعنطووط " =]
بعدين راحت لمكتبها وطلعت كراستها ومقلمتها ..
نزلت تحت وكعادتها قعدت ع الكرسي اللي فحديقتها
كانت قعدتها تضحك مو قاعدة زي الناس ،
كانت حاطه رجليها ع تكاية اليد وظهرها ع التكايه الثانيه
والشبشب اللي كانت لابسته صآر معلق بآطراف رجليها
كان شكلها عفوي ونآآيس
طلعت قلمها الفحم
وبدت وكعادتها ترسم ( القمر )
كانت تحس وهي ترسم القمر انها تدخل عالم ثاني
رسمت نص القمر والنص الثاني كتبت اسم نواف بس ع شكل نص دائره
وظللت الرسمه و ف الأخير خذت القلم الأحمر وكتبت رمزها يسآر القمر من تحت < هع
صراحة طلعت الرسمه خطييييييره صحيح ان عناصرها قليلة جدا لكن التظليل عطاها طله غيييير
سكرت كراستها ونزلت من الكرسي حست بشئ يعورها من ورا الركبه رفعت البنطلون وطالعت لقت تكاية الكرسي مسويه أثر ع رجلها وطالعه حمرا
حكَّتها بعدين دخلت الفله
جلست تطالع التلفزيون الين الساعه 4 الفجر
بعدين طلعت لغرفتها ونامت .

[ وش رح يصير لرولا بكره ؟
وشلون رح تكون جمعتها مع رشا ؟
انتظروا الحلقه الثالثه قريب بإذن الله ..!
]

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-03-2010, 11:51 AM
صورة البطه السوداء الرمزية
البطه السوداء البطه السوداء غير متصل
©؛°¨غرامي مشارك¨°؛©
 
الافتراضي رد : رواية فتاة تهوى القمر / للكاتبة : رباوي


حطيت لكم هذا البارت علشانه قصير ولاهو بارت لحاله..

قراءه ممتعه



[ الحلـقــة الثآلـثـة ]

قامت رولا الساعه 6 المغرب
فتحت جوالها لقت 13 اتصال من رشا
و5 رسايل كلها ( ردي ردي . . ! ، وسب وتهديد ض1 )
قامت رولا وغسلت وجهها ورجعت دقت ع رشا
رشا ~ ألو ليه ماتردين هاه ..
رولا ~ بسم الله خرعتيني ..
رشا ~ وين اللي قالت بجي
رولا ~ سوري رشا راحت عليه نومه
رشا ~ مالي دخل الحين تجيييبين الحييييين
رولا ~ الحين !! وش رايك أجيك من بكره الصبح ؟!
رشا ~ لآلآلآء لآلآلآ
رولا ~ هههه بسم الله عليك هدّي بس أبدل وآخذ لي غيآرآت وأجي
رشا ~ أشوآ
رولا ~ يلا باي
رشا ~ بااي
سكرت رولا بعدين وقفت وتمططت
رولا ~ آآآآه
فتحت دولابها وطلعت شنطه صغيره
حطت فيها غيآرآت لها
وطبعا مانست كراستها ومقلمتها ..


بعدين دخلت الحمام تروشت
//::://
طلعت وفتحت دولابها طلعت لها بنطلون جينز رصاصي وتي شيرت أسود
ـ راحت للتسريحه وحطت جل بشعرها واختارت كلبزتين رصاصيات
مسكت غرتها وقسمتها نصين برمت الجزء الاول وحطت فيه الكلبزه وكمان الجزء الثاني
بعدين نفشت شعرها ولبست عبايتها وطلعت
راحت بيت عمها
مرّت ع السوبر مآركت ونزلت شرت شيبس وحلويات و2 كاكولا
حاسبت بعدين رجعت السياره وكملوا طريقهم
وصلوا لبيت محمد .. لقت رولا البوآبة مفتوحة ..
دخلت الفله ولقت الخدامه تسقي الزرع
نادتها وعطتها شنطتها والأغراض اللي معها وقالت لها طلعيها لغرفة رشا
دخلت رولا الفله ويوم جت تبي تدخل غرفة لجلوس سمعت صوت نواف وقفت تستنى رشا تجي لأنها استحت تمر ونواف بالصاله ..
فقعدت ع الكرسي اللي جنب التلفون كان بعيد شوي عن الصاله ..
،
شوي وبدى صوت نواف يعلى ويعلى وفاديه صوتها أكثر
فاديه ~ الحين وش فيها رولا هاه قولي ، جمال ماعمري شفته بأحد و ذوق وأدب
رولا يوم سمعت اسمها قلبها فز
نواف ~ يمه هالبنت مآبيها تعرفين وش يعني مابيها
فاديه ~ الحين وش زود نجود عن رولا قولي أبيك تقنعني
نواف ~ نجود أحبها أحبها ولا أبي وحده غيرها فهمتيني يمه
فاديه ~ طيب أبيك تقنعني !!
نواف ~ يمه شلون رولا تربي عيالنا لآ جو ، وهي يحتاج لها من يربيها هاه
رولا حطت يدها ع فمها وطاحت دمعه حاره ع خدها
نواف ~ اولا عايشه ببيت لحالها مامعها الا الخدامات ولآ تدرون وش تسوي من ورانا
ثانيا شوفيها لمَّا ...
قطع نقآشهم صوت رولا المبحوح من بكاها وهي تقول : خلاص يآنواف خلاص
أكلت لحمي وقطعت قلبي يكفي يكفي
نواف صنّنّم ~ رولا
رولا ~ إيه رولا يآنواف رولا
فاديه كانت مرره مرتبكه ~ حبيبتي رولا انتي هنا
رولا ~ ويآليتني مت قبل مآأوصل هنا
فاديه ~ بسم الله عليك لآتقولين هالكلام يآبنتي تعالي أنآديلك رشا
رشآ .. رشآآ
رولا ~ لآ يآعمتي معليش اسمحي لي انا رايحه .. استسمحي لي من رشا
وراحت تبي تطلع من الفلة مشت خطوتين بعدين لفت ع نواف ..
رولا كانت تشهق وهي تكلم نواف ~ بعدين يآولد العم أنآ متربيه وغصبن عنك عرفت
وطلعت تركض
وفاديه كانت تناديها بس هي ماترد عليها
كانت رايحه للبوابه ركض
لقت سواقها يسولف مع سواق عمها
رولا كان الصوت باليآلله يطلع منها ~ رسلي
رسلي ~ ايوا رولا
رولا ~ امش يلآ ودني
رسلي ~ أوكي ميس
ركبوا السياره
*************************
رولا من بين شهقاتها ~ رسلي ودني البحر بعدين روح ساعه وارجع
رسلي ~ اوكي اوكي
//:://
بعد خمس دقايق وصلوا للبحر
ما امدى السياره توقف الا و رولا فتحت الباب ونزلت تركض رايحه للبحر
وكأنهآ مكتومه ومارح تتنفس الا إذآ وصلته ،
السوواق بعد مانزلها مشى راجع للبيت ..
أمآ رولا :-
وقفت قدام البحر وكانت منزله راسها لتحت وتبكي بحرقة
شوي إلآ وطاحت ع الارض
رولا ~ كل هذا بقلبك علَي يآنوآف .. كل هذا
بعدين ضمت رجولها لصدرها ودفنت راسها بين رجليها
وظلت تصيح تصيح وتشاهق بصوت مسموع وتكح من كثر البكا
شوي إلآ وأحد جا وحط ايده ع ظهرها
رولا شهقت ونطت من مكانها .. خافت مره

[ من الشخص اللي حط ايده ع ظهر رولا ؟
وايش رح يصير لحب رولا لنواف هل بيظل ولا بيموت ؟
هذا بتعرفونه بالحلقة الجايه ان شالله ..!
]


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-03-2010, 03:46 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: رواية فتاة تهوى القمر / للكاتبة : رباوي


مسكينة رولا رحمتها مررره

الله لا يوفقك يا نواف على اللى عملته برولا

بااانتظار البارت القااادم

رواية فتاة تهوى القمر / للكاتبة : رباوي

الوسوم
فتاة تهوى القمر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رجفة قلوب أسود الصحراء / الكاتبة : وديمه العطا ، كاملة همسة غــــرام روايات كامله - يتم نقل الرواية هنا بعد اكتمالها 379 10-10-2018 12:18 AM
رواية يخلي خوتك ليه / الكاتبة : وردة بلادي , كاملة نبض السعودية روايات كامله - يتم نقل الرواية هنا بعد اكتمالها 52 28-05-2012 08:26 AM
رواية إحساس مجروح / الكاتبة : غيم بلا مطر خد العروس أرشيف الروايات المغلقة - لعدم إكتمالها 18 09-02-2011 02:36 AM
تكملة .... رواية علمتني قسوتة ان اكون للكاتبة دانة الحمادي للجروح مملكة ارشيف غرام 1 15-04-2009 02:56 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 04:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1