غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-03-2010, 10:01 PM
صورة KroOoP الرمزية
KroOoP KroOoP غير متصل
©؛°¨غرامي مشارك¨°؛©
 
كن الثواني في غيابك سكاكين / بقلمي



كن الثواني في غيابك سكاكين *** ليتك تذوق شلون طعم الثواني


:..مقدمة..:


ما أسامح ولا أحلل أي شخص ينقل روايتي وينسبها لنفسه
بأي صورة من صور النقل سواء نسخها ونقلها بين المنتديات بدون نسبها لي والله لايحلل ولايبيبح من انتسب افكاري ونسج خيالي لغيري فمن اراد نقلها فلينقلها بإسمي KroOoP



اولى روياتي بقلمي المتواضع بيــن ايديكم
متفائلة بان تنال اعجابكم



البـــــــارت الاول



دخلت البيت وهي حاسه بتعب فضييييييييييع من عقب غثا هالمدرسه يالله شهر ونفتك اول من كان في وجهها امها جلست جنبها بعد ماحبت راسها
ام طلال: هلا والـــلـه ببنيتي شخبارك يــمـه...
ريم: هه ياحليلك يمه أجلي السؤال بعد ما أقوم من النوم "كملت وهي تقوم" تآمرين شي يمه؟..
ام طلال: سلامتك حبيبتي بس ماتبين تغدين الغدى جاهز وابوك بالطريق..
ريم: لاوالله يمه مو مشتهيه شي يالله تمسين على خير..
ام طلال بنظرة امومه: وانتي من أهل الخير..

دخلت غرفتها وبدلت ملابسها لبست بيجامة نوم فوشيه بأبيض ورمت نفسها على السرير تعبت من هالمدرسه اللي تضيق الصدر سبع حصص كرف ولا حصة فراغ وكلها جلوس بالكرسي وانتبهي للشرح..إلــخ...


\\
نعرفكم على شخصيات القصه:
//
عائلة بدر
أبو طلال[بدر] مدير شركه بالرياض ومن تجار اهل الرياض واشهرهم وله شراكه بينه وبين أعــز ربعه وأخوه اللي ماولدته امه "سالم" أبو نايف..

أم طلال[مشاعل] ام حنونه وطيبه فيها من الحنيه مايوسع الكون كله..

طلال 26 سنــه بكر أمه وأبوه وذراع ابوه اليمنى كان دايم ويا ابوه بالشركه ويشتغل فيها طموحه عالي ومستقبله حيل واسع اي شي يتمنى يخطط له..

طارق23 سنه بآخر سنه له بالجامعه فرفوش وفللللللله والبيت من غيره مايسوى بس فيه عيب الا وهوالـغـــــرور..

رنا 20 سنه انسانه ناعمه وكلها احاسيس تدرس بجامعة الملك سعود بالمستوى الثاني تخصص التربيه الفنيـه والرســــم وكانت هذي موهبتها من صغرها..ومملكه من نايف ولد ســالم صديق ابوها ورفيق دربه رغم انهــــا تعتبره زي اخوها طلال بس عشان خاطر ابوها وافقت عليـه رغم انها مو مستعده للزواج بالوقت الحالي بس لما شافت فرحة ابوها وامها مابغت تكسرها برفضها..

ريـم 19 سنه بثـــالث ثــانوي شخصيتها حلوة فلللللله وخفيفة دم وفيها رجــه غير طبيعيه واي شي تبغاه لازم لازم ينفذ واذا ماتنفذ تقلب الكره الأرضيه بكبرها بس مع ذلك كانت تدخل القلب بسرعه..

سالم 14 سنه آخر العنقود وكان دلووووع ابوه ومسمى بإسم رفيق درب ابوه سالم ابونايف وكان داايم يغايض اخوانه لاجا يتدلع على ابوه...

*********

عائلة سالم:
أبو نايــف[ســالـم] كان حاله نفس حالة أبوطلال في عز وفي نعيم الله يديمه عليهم وكان سالم ابو نايف ساكن مقابل فلة ابوطلال الكبيرة او القصر الصغير في حجمه..

أم نايف [الجوهره] مررررررررره طيبه بس كلمتها ماتنكسر مهما كانت درجة طيبتها...

نايف 27سنه كان راعي سفرات وروحات وجيات ودايم ماينشاف في البيت كمل دراسته الجامعيه بلندن لما خلص الـ25 سنه والحين يشتغل مع ابوه بالشركه مملك على رنا اللي شافها ببيت ابوطلال وحس انها دخلت مزاجه..

عبير 26 سنه متزوجه بندر ولد عمها وعندها ولد عمره سنتين اسمه خالد..

عبدالله 25 سنه كان حيييل وسيم ومملوح شعره كثير واسود وعيونه سووداء
وبشرته سمراء فاتحه ونابته له سكسوكه خفيفه وكان يحب ريم بجنوووون وريم تدري بس معطيته طاف لأنها ماتؤمن بهالحب والخرافات اللي ماتشوفها الا بالمسلسلات والأفلام وعبدالله كان صوته حلو حيل ومشابه لصوت الفنان الكبير راشدالماجد..

سلطان 22سنه هذا شاب ماله أي هدف بالحياه اي شي براسه يسويه صح ولا خطأ مايهمه أهم شي ينفذ اللي براسه وعيبه راعي بنات..

منال 19 سنه صديقة ريم الروح بالروح ومعاها بالمدرسه وبالكلاس بعد وشخصيتها تفرق بكثييير عن ريم رغم ان فيها رجه وفللللله بس في اشياء فيها بتعرفونها من خلال أحداث القصه واللي يشوف هالثنتين ابداً ماراح يركبهم على بعض..

تهاني 15 سنه بإختصار دلووووووووعه ابوها...

فهد 13 سنه وهذا هو وسالم اخوان قبل لايكونون اصحاب..

*************

عائلة الجوهرة (أخت سالم)
ابو ساري [فهد] انسان محب للمال بشكل جنوني وبتتعرفون على شخصيته مع الأحداث

ام ساري [الجوهرة] فيها من بشاعة زوجها

ساري 31 سنة اعزب مو متزوج مدمن مخدرات..

ماجد 30 سنة متزوج وعنده ولدين بس حالته غريبة كل يوم مع بنت ورااااعي سفرات وروحات وجيات

سارة 28 سنة متزوجه [ناجي] صديق اخوها وعندها 3 اطفال

سطام 27 سنة حالته نفس حالات اخوانه بس انه اهدى شوي مو راعي مخدرات وخرابيط ويكرررررررررره محمد بشكل ماهو طبيعي

محمد 26 سنة انسان هاااااااادي وغموض في شخصيته وكتوم ونادر مايظهر في طبعه يتمنى يتزوج ويفتك من الحياة اللي عايشها بس كل الناس قفلوا البيبان بوجهه و8 بنات رفضوه وحده منهم وافقت ثم رفضت قبل الزواج ومن ضمنهم منال بنت خاله

سهام 21 سنة بنت عربجيه تطالع الحياة بمنظار غير فيها قلة ادب ماهي في احد الحيا نفسه متبري منها

سعد20 سنه اعقل اخوانه واركدهم رغم انه اصغرهم بس مايمنع من انه يورث بعض حركاتهم

نادية 19 سنة مغروووووووووووووووورة ودلوعة بشكل واللي براسها تنفذه لو يكون اللي يكون

***********
-----------
نرجع للروايه
----------

العصر على حدود المغرب الساعه 5:30..
صحت ريم على صوت تليفون غرفتها المزعج وكان جنب الكومودينا اللي جنب السرير مدت يدها بتثاقل وماهتمت تشوف الرقم وردت بصوت ملياااان نوم..
ريم: ألوووو
الطرف الثاني: فديييت هالألو ياناس..
فتحت عيونها على الأخير لما سمعت الصوت الرجولي مين هذا قليل الأدب اللي بيدق على تلفوني لا وتلفوني الخاص..!
طالعت الرقم وهي تفرك عيونها وكان رقم جوال...
ريم تحاول تركب الكلام على بعض: لو سمحت أخوي احترم نفسك ولا اشوف هالرقم على التلفون مره ثانيه..
الطرف الثاني: وإذا قلت اني ابغاك؟؟
ريم انصدمت وش يحس به هذا بس لحظه يمكنه غلطان:اقول يالأخو شكلك غلطان؟
الطرف الثاني: واذا قلت لك اني ابيك انتي...!
ريم اررررررررتفع الإمبير عندها عن جد قلييييييل ادب: انت وش تبي؟؟ وبعدين ترا عطيتك وجه ياولد الشوارع...
الطرف الثاني واللي شكله انصدم: انــــــا..انــا ولد شوراع ياريــــــم؟؟
هنا انكب على وجهها كاس مويه بااااارد وش السالفه؟..رجعت تطالع الرقم وابدا ماوصلها لأي أحد... معقول يكون أحد موزع رقمي لالا استحاله اصلا رقمي هذا ماعطيته الا منو وبنات خالاتي من بيصير؟؟
الطرف الثاني: مارديتي؟؟
ارعبها صوته حتى صوته قد سمعته بس الصدمه نستها الناس...
قالت برجفه في شفايفها:..أ.أ..نن أنت ..م مين؟؟
الطرف الثاني:أفاااا ماعرفتيني ماهقيتها منك ياريم"وكمل وهو كاتم ضحكته"يابنت بدر..
ريم ماتحملت وقالت بصراخ:بتقووول انت مين ياقليل الأدب ولا توكل وبعدين لعلمك انا مو راعية هالحركات لاصرت بنت شوراع حالي حالك يالحثاله بعدها فكر تدق علي...وطراااااااااخ سكرت السماعه بوجهه وهي تمسح العرق اللي تصبب من على راسها لاهذا وراه شي ويعرفني عز المعرفه من بيكون بالله!! صحصحي يارييم اكيد هذا اختبار لاتبيعين نفسك لحثالاات امثال هالأشكال رمت نفسها بقوةعلى المخده وتنهدت بقووة وهي تقول:.. الله ياخذه قومني من أحلــى نومــه..
تررررررررن ترررررررررررن..
افففففففف رجع يدق ابي افهم مين بيكون والله لو يحط راسه براسي لايلوم الا نفسه رفعت السماعه من غير لاتتكلم
الطرف الثاني:أحب اشكرك على كلامك الحلو اللي قلتيه من شوي بس حبيبتي اعرفك على نفسي ولا تزعلين انا عبدالله..عبدالله ولد سالم..
صارت يدها ترتجف من اللي قاله..عبدالــــلــه؟؟
ريم: أي عبـ .د.عبدال..الـله؟؟
عبدالله:هههههههه ليه تعرفين عبدالله غيري؟
عصبت وسكتت للحين ماهضمت الصدمه وهو سكت مثلها بعدها قالت...
ريم: وبأي حق تدق على تلفوني وتكلمني بهالطريقه...
عبدالله اللي كان مبتسم: لأنك صديقة اختي..
ريم: مايشرفني والله..
عبدالله:شنوووووووووو؟..
ريم: اللي سمعت...
عبدالله:مايشرفك ايش؟
ريم: مايشرفني اني اكلمك واسمع صوتك كنت اللي كنت ماتشرف بمعرفتك...
عبدالله: ومن قال اني داق اتعرف؟؟
ريم رفعت من نبرة صوتها: والكلام الماصخ اللي قلته شتسميه..
عبدالله: كنت اختبرك...
ريم: انا لااعرفك ولاتعرفني مو ابوي ولا امي ولا اخوي تختبرني وحتى لو اخوي يسويها مارضيت فتجي انت"كملت بإستهزاء"تختبرني؟؟ بصفتك مين؟؟
عبدالله غاض منها: ليـــه تظنين انــي راعــي هالحركات؟؟؟
ريم ببساطه: ليش لاء اذا كان اخوك اللي اصغر منك مشبك مع بنات الحي كله فكيف انت..
عبدالله رفع صوته وحس انها جرحته بقوه:انا ماكلمتك اغازل انا مكلمك أبـ..."وفجاءة سكت"......
ريم بإهتمام حاولت ماتوضحه:شنو؟؟
مارد عليها وسمعت تنهديته وبعدها سكر الخط !!!!!!
طالعت السماعه بإستغراب..
ريم:قفل الخط؟؟؟
مدت بوزها بحيره ورجعت تسكر السماعه هذا شيبي؟؟شسالفته أدري انه يحبني بس مو توصل المواصيل ويدق على تلفوني بس في خاطره كلام يبي يقوله بس ماعطيته فرصه معقول بيعترف بحبه لي؟
ترررررررن ترررررررررررن
على طول فزت من مكانها وطالعت الرقم وكانت منال وخاب ظنها بس لحظه يمكن تزودني بمعلومات...
ريــــم:هلا وغلاااااااا.. الييييييين بكرررررررره...
منال:هههههههههههههه هلا بتس بس عاد الين بكره كثرتي..
ريم: مالت احمدي ربك اني هليت بك هع هع...
منال:هععععععع ..
ريم: الا شعندك داقه علي بهالوقت اخبرك نايمه بمثل هالوقت
منال: ابد كنت نايمه من جيت من المطرسه بس قمت قبل شوي وحسيت اني شبعانه نوم..
ريم: آهااا طيب وش اللي ذكرك فيني؟؟؟؟؟؟؟
منال: شفت عبود"ريم فتحت عيونها بإهتمام" طالع من غرفته ومعصصصصصب وضايق خللللللللقه وواصله معه وقتها تذكرتك..
ريم حست انها زودتها معه فعلا كلامها كان يسم البدن وشلون هو وهو يحمل لها كل مشاعر الحب؟؟
منال:هيييييييييييي لي ساعه اتكلم وينك ياحماره..
ريم: معك..
منال: افاااااااا لايكون ياأختاه وقعتي في شباك الحب؟؟..؟؟
ريم:نععععععععععم فال الله ولا فالك وعععععع وش حب وخرابيط..!!
منال:ههههههه يمه كلتيني ماقلت الا كلمتين رديتي بعشر خلاص يوبا خلاص ماتسوى كلمه قلناها..
ريم: وبعدين اخوك ذا خلصوا البنات يحبني انا...
منال: وع من زينك المشكله انك مصدقه انه يحبك...
ريم: ياسلآآآآآآآآآآآم ومن اللي دايم يقول ريم عبيدوه متيم بحبك حرام عليك عطيه وجه..
منال: كان وكان فعل ماضي..
ريم: ياشيييييييخه اقول قفليها من سيرة ترا ما اواطنها...
منال بجديه: الا صدق ريم عبدالله رجال ولا كل الرجال الف بنت وبنت تتمناه جمال ودين وأخلاق مو عشانه أخوي بس الحق حق ليش انتي عايفته
ريم: ياسلام يعني شتبيني اسوي...اخذ رقمه وادق عليه واغازله واطلع معه واسافر وياه لجزر الهاواي ولا ماليزيا عشان ترتاحين واريحه...
منال انفجرت ضحك: ههههههههههههههه غربل الله بليسك مو قصدي كذا بس لاتعيفينه...
ريم: اجل شنو احبه اعشقه اموت فيه..
منال: ايه...
ريم:لاااااااااااا والف لااااا خرابيط الحب هذي شيليها من راسك انا مستحيل افكر مثل هالأفكار وبعدين اخوك مع الوقت بينساني...
منال:ما اتوقع بالسهوله بينساك المهم يالدوبا بما ان اليوم اربعاء و baba my and you baba بشركتهم وامهاتنا منشغلات بمعازيمهم شرايك تجيني ونفلها ونطلع مع السواق للسوق شرايك؟؟؟؟
ريم: اممممممممم مب شينه بس بعد ما اكمل نومتي دقي الساعه 10or11وبعدها يصير خير..
منال:وووووووووووجع يوووووووجعك كل ذا نووووم والله لو ماتقومين الحين وتلبسين وتجيني ياوييييييييييلك لك مده ربع ساعه واذا ماجيتي لاتلومين الانفسك ساااامعه؟؟؟
طراااااااااااخ سكرت السماعه...
ريم:آآآآآآآآخ ياإذني وجع فجرت طبلتي ياشينك يامنيل دايم تسخدمين معي ذا الأسلوب افففففف والله مالي الا اروح شكوى لله"تثاوبت"آآآآآآآآآآآآآآه اعوذ بالله من الشيطان الرجيم ولا رجعت انشاءالله نمت ولانمت عندهم..
قامت من مكانها ودخلت الحمام وانتم بكرامه وغسلت وجهها وطلعت لبست لها بنطلون ابيض واسع موديله وبلوزة زرقاء مزممه من الصدر واكمامها قصيره وموديلها حلو حطت قلوس فوشي خفيف وميك اب خفيف ومو باين وكحلت عيونها ورفعت شعرها الأسود الطويل وحطت الغره بوف بفونكه سماويه ولبست صندل واطي فضي وتعطرت وخذت عبايتها الكتف اللي مزركشه بأحمر وتبرقعت وسوته بورقع ملكي طالع عليها روووعه خصوصاً بعيونها الناعسه خذت شنطتها البيضاء الصغيره وحطت فيها بوكها وجوالها وعطرها واشياء شخصيه لها وطلعت من الغرفه وصدمت في صدر واحد قبالها كان بيدخل غرفتها...
طارق: يممممممممممه تصدقين ماعرفتك...!!
ريم تطالعه من فوق لتحت:لا وش شايف جني ولابعبع؟؟
طارق: وحده منها خخخخخخخ ^_* ..
ريم:هيهيهي بايخه ماتضحك...
طارق: تكفين قلت لك اضحكي من زين ضحكتك الحين..
ريم:طوييييييرق وشتبي؟؟
طارق يقرب اذنه: نعم عيديها ماسمعت؟؟
ريم بصراخ في اذنه: طويرررررررررررررررررررق
طارق بعد عنها: وووووووجع انفجرت طبلتي الا انخفست طبلة اذني الثانيه حشا مو بلسان ذا اطول منك 7 مرات...
ريم: احسن عشان تعرف مره ثانيه ماتستخف دمك علي..
طارق:الاماقلتي لي ياست الحسن والدلال رايحه وين؟؟
ريم: يعني وين؟ لبيت عمي سالم..
طارق: اي عم ماخبر لأبوي اخو اسمه سالم...
ريم: خوييه ربيعه صديقه..
طارق:آهااا وليه؟؟
ريم: وش لقفك؟
طارق: لا بس أسال...
ريم: تحقيق يعني...قل وش عندك اخلص؟؟
طارق: في سي دي لفيروز بدرج مكتبي وينه؟
ريم تصغر عيونها: صدق انك جوحا تقولي بدرج مكتبي ثم تقول وينه..!
طارق:خخخخخ بايخه...
ريم تمشي وبإستهزاء: انا ماني فاضيت لك بس لارجعت عطيتك لرابح ولا طلال مداح احسن من فيروز..*_^
طارق: مااااالت اروح لرنو ابرك لي من مقابل خشتك...
ريم وهي تنزل: واحسن من مقابل فيسك....
نزلت ريم وبالصاله مالقت أحد تبي تعطي امها خبر قبل لاتروح بس امها مش موجوده راحت لمجلس الحريم وكانت مولعه انواره وسمعت اصوات انثويه ماقدرت تميز من بينها الا صوت امها يوووه الوالده عازمه حريم بس لحظه اشدراها منيو؟؟
فكت برقعها وحطته بشنطتها وطالعت المرايه اللي جنبها على الجدار معلقه حلو ماخرب شي كلش عدل دخلت وهي تلقي تحية الإسلام بصوت مرتفع هع هع.. لاحظت ان المجلس مليان حريم سلمت عليهم وحده وحده وتفاجئت بإم نايف مع الحاضرين وتصب قهوه مع امها هذي الجوهره من عرفتها وهي سنعه سلمت عليها واشرت لأمها بعيونها وجت امها وراها..
ام طلال: اشفيك يمه وين رايحه؟؟
ريم: بروح لمنو عازمتني واحتمال نروح للسوق وبنوم عندها الليله انشاءالله...
ام طلال: بسلامتك بس هاه يمه لاتتأخرون وانتم بالسوق وخلي عليك طرحتك وانتي ببيتهم يمكن يصير في واحد من عيالهم..
ريم: ابشري من عيوني بس وصلي الخبر لأبوي..
ام طلال: انشاءالله ..
ريم: الا يمه شهالحريم اللي انتي عازمه على كبر المجلس وهذا كثرهم ماكافاهم مشاءالله
ام طلال بضحك: ههههههههههه الله يهديك اسكتي لايسمعونك هذي دورية الجيران اليوم علي..
ريم:آهااا وانا اشوف خالتي ام نايف تصب القهوه وتدور بهالحلويات..
ام طلال: اي والله ماقصرت الجوهره الله يجزاها عني الف خير....
ام نايف من وراها: هاااه كني اسمع الجوهره وام نايف كشفتكم تحشون....
ريم :هههههههههههههههه افا ياخالتي محشومه كلش الا انتي احش في امي ولا احش فيك..
ام طلال: نعععععععم؟؟..
ريم تغمز لأم نايف: تكفين خالتي توسطي لي اخاف ترفض الطلعات والجيات ونتي تعرفيني مالي غنا عنها..
ام طلال+ام نايف:ههههههههههههههههههههههههه....
ام طلال:آخ منك يالعيارة انا الحين ارفض طلعاتك وجياتك الله يسامحك بس...
ريم وهي تتبرقع بسرررعه: يوووووووووووه نسيت منيوووو قالت لي ربع ساعه اذا ماجيتي ياويلك الله يعيني..
ام نايف: انتبهي لنفسك يمه ولا تركضين بالشارع عشان منال ترا العجله مو زينه..
ريم:انشاءالله يالله سلآآآآم..
ابتسموا لها ابتسامة امومه وطالعوا بعض وهم مبتسمين ورجعوا للمجلس...

-------

وصلت ريم لفلة ابونايف أخيراً وراحت من يم باب الحريم رنت الجرس وعلى طول سمعت صوت منال
منال اللي تطالعها مع كاميرا الباب وقالت بتغايضها لأنها تأخرت: ميييييييييييين؟
ريم تتلفت:منيو وصمخ بشويش سمعتي الجيران هذا انا ريم افتحي الباب لا اصفقك...
منال تستهبل: ميييين شنوووو ما اسمع الووووووووو
ريم تقرب من الجرس:ريييييم انا ريم افتحي..
منال: مييين منى مانعرف احد بهالإسم اي اي صح صح تذكرت طرارة الحي...
ريم حمرررر وجها من العصبيه وفوق كذا صوت منال عالي وفي شباب قريبين منها ورجال مارين كلهم لفوا عليها..
منال تكمل وهي كامته ضحكتها لما شافتها تغمض عيونها بقوة وتأشر على الكاميرا انها بتذبحها: والله معليش اليوم انا مطفره ياليت تجين بيوم ثاني والله يعطينا ويعطيك ياخاله والله كان ودي اعطـ..
ريم صرخت: مناااااااااااال ياحماااااااااااااااره واللله لو ماتفتحين لأرجع لبيتنا افتحييييييييي...
منال:هاااه ياخاااااااله ااااررررررررفعي صووووتك ماسمع ...
الشباب اللي كانو قريبين وكانوا بيروحون للمسجد لأنه اذن المغرب حسوا انه مقلب وقاموا يضحكوووون
وريم بجد مفتشششششششششششله لو رجعت بيقولون فعلاً هذي طراره و منال الحماره مو ناويه تفتح وبنفس الوقت مو قادره تسوي شي...
ومنال سكرت السماعه وفطست من الضحك ورجعت رفعتها وشافت دموع ريم بعيونها وهنا حست انها بردت حرتها وضغطت الزر الكهربائي وانفتح الباب وهجت لغرفتها وريم كانت عارفه انه مفتوح بالزر الكهربائي دفت الباب ودخلت وسكرته بقوووووووووووووووووة طالعت مكان المواقف وكان مافي الا سيارة السواق يعني مافي احد من العيال فكت البرقع واتجهت للباب كانت المسافه طويله بين الباب الخارجي والباب الداخلي بس مع العصبيه حست انها مشتها خطوة وحده دخلت وكان مقابلها الشغاله المصريه...
فتحيه:أهلاً بالستي ازيكي عامله ايه لالا كده البيت منور...
ريم عطتها طاف وراحت للدرج وهي ماتشوف طريقها وراحت لغرفة منال وكان الباب مسكر فصخت صندلها بس قالت لاوالله ماتستاهل اكسر صندلي الجديد عشان خشتها رجعت تلبس صندلها وطقت الباب بالقوة..
ريم: منييييييييييل افتحي اذا قد حركتك السامجه افتحي..
منال من ورا الباب وهي تضحك:قولي والله ماتطقيني؟؟
ريم:افتحيييييييييي قلت افتحححي لاتخليني اكسر الباب..
منال: مانيب فاتحه الا لين تحلفين انك ماتطقين..
ريم: لاااه بالله ياشيخه لا افتحي ببوس راسك ماراح اطقك..
منال تترجاها: ريمووووه بلا مسخره عاااد..
ريم: منيل افتحي ولا برجع...
منال: لااااا رويم تكفيـ..
ريم تقاطعها:مع السلامه...
وسكتت وبعدت عن الباب وبسرعه تلقائيه فتحت منال الباب بتطلع وهي تركض ومسكتها ريم بقوة وعنف..
ريم: تعاااالي يالحمااااره انا الحيــن طراره ولا من زين الأسامي منى هااا..؟
منال:لالالا تكفين تووووووبه اتوووب اتوب..
ريم طالعتها من فوق لتحت:هالمره بسكت لك المره الجايه والله لأمسح بك الأرض...
منال مبتسمه: بس تمسحين بي الأرض لالا جد انتي مره طيبه..
ريم تدخل غرفة منال: منييل اعقلي ترا مافيني هواش..
منال:الا ماقلتي لي شصار اسمع أصوات ضحك بس ماشفت شي..
ريم انسدحت على السرير بعد مارمت عبايتها على كرسي المذاكره حق منال..
ريم وهي تتذكر:آآآخ بس الله يقطع بليسك بجد فشلتيني الناس رايحين يصلون وانتي لسانك هذا طوله وكل اللي بالشارع سمعوا..
منال:أمـــانـــه ياقهرررر فاتني..
ريم: نععععععععععم؟؟
منال: لا ولا شي اسلمي..
ريم تناظرها بطرف عين وبنظره مستحقره: الله لايسلم عدوك..ابد بس رجال يضحكون وماصار شي..
منال تسلك:آهااا ماصار شي اجل..
ريم:منااااال على شينة نفسك قواااة عينك!!
منال مدت بوزها:آآآسفين آسفين..
ريم: الا يالحماره وش مقعدك بالبيت لحالك؟؟..
منال:فيه فتحيه الله يفتح عليها امي الثانيه هع هع..
ريم:هههههههههههه آمين"وكملت بسخريه" ويقوزك عطيه ابنها ههههههههه ائولي آمين؟؟
منال:آمين فعينك خلصوا بشر بني آآآدم على عطية ولد هالمصريه اللي تحت..
ريم: احمدي ربك ده راقل ولا كل الرقاله زي اموه عن عشرة رقاله ماشاءالله تبارك الله اللهم زد وبارك
منال:هههههههههههههههههه في هذي صدقتي فتحيه عن عشرة رقاله تصدقين قبل امس رحت انا وسلطان للسوق وفي المحل ملييان شباب وسليطين مو يمي وقتها كنت خااااايفه وكانت فتحيه بالحمامات ولما رجعت بصراحه بصراحه حسيت بالأمان هههههههههه
ريم: هههههههههههههههه صدقتي

وتموا يسولفون ولا كأن شي صار...


----------


بالكوفي عند الشباب كانوا يلعبون بلياردو..
طارق:صدقني أهزمك اليوم..
راشد:حبيبي ماراح أقول شي الميدان ياحميدان بس على ايش..
طارق يستهبل:امممممممممم كل واحد له ريال..
راشد: بخييييييييييييييييييل..
عبدالعزيز:لأنه عارف انه بينهزم..
راشد: اي والله صدقت على كذا ماراح العب اتعب عمري على طفسه..
سلطان: خلاص ولا يهمكم انا اباري طروق واللي ينهزم العشاء عليه شرايكم شباب؟؟
عبدالعزيز: يالله اسمعوا من يتكلم اللي يشوفك يقول بتفوز..
سلطان:غاير يالدوووب انت ماهمك الا هالكرشه تجي بهالكوفي وفي المنافسات تشجع عشان تملي كرشتك ولاخشتك مو خشة واحد يلعب بلياردو..
عبدالعزيز:ياخي شتبيني اسوي ابي اسممممن عجزت قالوا لي كل حبوب خميرة تنفش كلت 10 حبات في اليوم الواحد وماصار شي..
راشد: من الحين عظم الله أجرك هههههههههههههه
طارق: أقول سليطين لاتغير الموضوع تبي الوقت يروح لحد مايجيك اتصال وبعدها"يقلد صوته" عن اذنكم شباب الأهل يبوني..
عبدالعزيز: تصدق عاد توني ادري ان فيه احد يغازل أهله ههههههههههههه..
طارق:ههههههههههههههههههههه شفت شلون يالدنيا كل شي تغير الحين ههههههههه
سلطان: اقول يالله لايكثر وابدا انت..
شوي ودخل عليهم ماجد ومعاه علي...
ماجد+علي: سلآآآآآآآآآآم
الكل: وعليكم السلام
وسلموا على بعض..
راشد: وينكم شباب معد لكم شوفه لايكون تخططون من ورانا..
علي:ههههههه لالا ماعاش من يخفي عليكم..بس تخبرالدنيا وهمومها...
ماجد يطالع سلطان: هاه لحد الحين تتحدون على عشا سليطين..
عبدالعزيز: اي والله هالمغثه هو وعشاه دايم يطق الصدر وتاليتها خرطي..
سلطان بصدمه: خرطي؟؟ انااوريك وش الخرطي..
وسحب عصا البلياردو وطقه بقوة من غيظه وكلهم حسوا انه هالمره جاد وماراح يخسر..
وطارق هيهات ما يخسر وبالذات من سلطان يطق الكوره بمهاره وخبره ويصوبها في هدفها قبل لايطق..
ماجد وهو يجلس على الكرسي ويطالعهم بحماس: يااصديييق وااااحد كوب نسكافه..
عبدالعزيز: عز الله سمنت..
ماجد والشباب:هههههههههههههه
-------

بالشركه وبالتحديد في مكتب نايف وكان عنده طلال وعبدالله..
طلال وهو يمد على طاولة نايف ورقة طويله مطويه وعليها رسمة مخطط لمشروع: وهذا المشروع اللي فكرت اسويه شرايكم فيه..
نايف انبهر لما طالع التصميم: مشاااااء الله حلو التصميم طيب موقعه وين؟؟
طلال: العشاء انشاء الله نروح له واوريكم اياه...
عبدالله: زين بس مو ملاحظ انك مكبره مره ياطلال؟؟
طلال: واللـه مدري بس عندي إحساس يقول انه بينجح هالوقف الخيري...
نايف: والوالد وعمي يدرون؟؟
طلال: لاء.. مايدري الا انتم انا مسويه كذا من غير علم أحد لحد ماينجح انشاءالله وبعدها بنشر هالخبر..
عبدالله: بس بيكلفك كثير ياطلال فكر قبل لاتخسر..
طلال:اي والله هذا اللي انا خايف منه وانا جايكم ابيكم تساعدوني..
نايف: طيب في حل بيرضيك انشاءالله...
طلال: وشو؟؟؟
نايف: انت للحين مابنيت شي بس هذا المخطط صح؟؟
طلال: ايه..
نايف: والمساحه كيفها؟؟
طلال: ماعليها واسعه..
نايف: خلاص اجل تسوي مخطط اصغر من هذا بس يكون تصميمه حلو ومايكون مره ضيق ومانكلف انفسنا عليه واذا نجح وسعناه شرايكم؟؟
طلال: والـله عدل مافكرت فيها شرايك عبدالله؟؟
عبدالله: شوركم وهداية الله...
نايف: خلاص أجل يروح واحد منا للي متخصصين في التخطيط ويجيب لنا التخطيط...
طلال يحط رجل على رجل:أصغر القوم خادمهم..
عبدالله صغر عيونه: وهذا اللي انتم فالحين فيه..
طلال ونايف: ههههههههههههههه
نايف: لاتخاف كلنا بهالمشروع كل واحد بيجيه دوره...
عبدالله ابتسم وقام: على بركة الله..
طلال: اذا احترت في أي تصميم وعجبك شي ارسله لنا بالفاكس ولا تاخذا اي تصميم الا بعد ماترسله ونتشاور ونرد لك خبر اوكي؟؟
عبدالله: اووكي يالله سلام..
بعد ماطلع عبدالله من عندهم التفت نايف لطلال..
نايف: الا شخبارهم الأهل؟؟
طلال يخزه: الأهل واجدين حدد..
نايف:هههههههه آخ منك يالعيار فاهمها طيب دامك فاهم شخبارها؟؟
طلال:بخير...
نايف بنص عيون: احلف عاد..
طلال:ههههههههههههههه طيب من أي ناحيه شخبارها؟
نايف: كل شي
طلال: لااااه أثاريك مستعجل على العرس يالأخو..
نايف: طويليل..
طلال: طويليل فعينك انا كم مره قلت لك لاتناديني بهالأسم..
نايف:طيب جاوب على قد السؤال ولاتلف وتدور..
طلال: الحمدالله ماعليها بخير تبي تشوفها الباب مفتوح لك بأي وقت..
تنهد نايف:ماعليك زود الا هاليومين سلوم يلمح لي نطلع للقنص هاليومين طلعة شباب..
طلال:اي والله من زمااااااااااااااااااان عن هالطلعات نفتك من هالأشغال نرفه عن أنفسنا شوي..
نايف: وتكون طلعة شباب شرايك؟؟
طلال: عن نفسي انا موافق وطويرق وسليطين وعبيد بيجيبون ربعهم و بكذا بنصير أمة محمد..
نايف: هههههههههه لالا ما اتوقع سلطون وطروق ربعهم سوا نفسهم ولايقلون عن 5 على ما اعتقد اما عبيّد ماتوقع ينادي الا ناصر ووبس ماتوقع بنكثر عن 15 شخص وبعدين بالعكس بيصير أحلى لاصرنا كثار آآآآآآآآآخ ياحياة البراري اشتقت للقنص والله..
طلال: عرق بدوي وانا اخوك..
نايف:هههههههههههههههههههههههه..


-------------


عــــنــد ريـــم ومنـــال
كانوا يتشاورون وين يروحون لأي سوق..
منال: ياختي ليش راسك يابس صحارى وربي رووووووعه..
ريم:وععععععععععع انا قلت الفيصيليه ولا الرياض قاليري...
منال: اففففففففففففففف ياختي الفيصيله وع مليان شباب وكله مغازل ودجه والرياض قاليري كبيييييييييير وتضيعين فيه ووع بعد..
ريم بصراخ: لااااه محشوم صحارى ابد متروس شباب الهيئه مافيه لامغازل وبضاعته لاإلـــه إلا الــله ينكبون الناس عليها من حلاتها..
منال: اوووووه خلاص انطقي سوق ومافيه..
ريم:أحسن من الخسران انا ولاانتي..
منال تتنفس بقوة من الغيض:جدتــي..
ريم بإستهزاء: الله يرحمها..
منال:روووووووووووووووووويم...
ريم:خيييييييييييييييييييييييييييييييييييييييير...
منال:بتعقلين ولالا..
ريم: والله انا عاقله بس انتي المنهبله..
منال: طيب في حل بيرضي الطرفين..
ريم: شنوو؟؟
منال:نروح للمملكه..
ريم: اممممممممممممممم مب شينه بس المملكه أخاف منها وماأروح الا ومعي طلول ولا طروق مااروح مع شغاله وسواق..
منال: يإختي معانا فتحيه الله يفتح لها أبواب رحمته هذي عن عشرة رقاله ومو اي رقاله الأكشن هعععععععع
ريم:ههههههههههههههههههههه خلاص موافقين يالله قومي..
منال وهي تقوم:آآه يالله حسن الخاتمه
ريم:ههههههههههههههههه عجزتي وانا اختس..
منال: ههههههههههههههههه اقول سقيها بس..


-----------


:.وفـــــــــــي المملكــــه.:
كــــــــانوا فــــــــــي محـــــــل عطورات ومليــــــــآن شبـــــــــاب..
منـــال بصوت خايف: رويموووه تكفيييين خل نطلع المحل يروووووع امشي ..
ريم بدون اهتمام وهي تعدل لثمتها: وش تبيني أسوي فيــك إذا انتي خوافه مشكلتك..
منال: اففففففف طيب ليش تعيين تنزل معنا فتحيه..
ريم تصرخ في وجهها : يآسلآم تبين تفشلنا قدام خلق الله بخلآقينها وكرشتها ؟؟
منال بخوف: ريييم تكفييييين طيب غطي عيووونك والله مو نآقصين عيون هاللي مآ يستحون.
ريم بتأفف: اففففففففف انا مدري ليش ربي بلآني بوحده رخمه مثلك..{{ رخمه = خوافه + جبانه + تيسه + سبيكه }}
منال: روويموووه ترى والله أروح وأخليك قلت لك تبرقعي مآنفع فيك ليش تطلعين نص وجهك كذا..؟
ريم بدون نفس: والله عاد مآسويت مثل هالمهبل اللي يطلعون كل خششهم ومليانه وجيهم مكياج وكنهم سابحين في كيس طحين اما انا "قالتها بغرور" بسم الله علي ماحطيت إلآ خط كحل و....
منال وهي تنفخ:خط كحل ومطلع عيوووون هالبآيخين ..
ريم بغرور: عاد وش ذنبي اذا عيوني حلوووة..

يتـــبع ~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-03-2010, 10:03 PM
صورة KroOoP الرمزية
KroOoP KroOoP غير متصل
©؛°¨غرامي مشارك¨°؛©
 
الافتراضي رد: كن الثواني في غايبك سكاكين | بقلمي المتوآضع .."


ريم لآحظت وآحــــد من ورى منال وبعيد عنها وكآن يطالــــعها بإعجاب إلآ يقزها قز غير طبيعي ...
استحت ريم من نظراته واستحت اكثر من جمآآآآلــــه كآن فعلا يخققققققق نزلت عيونها وهي تهمس لمنال..
ريم بهمس : منووول يآآآآي شوووفي اللي وراك يطــالعني وااااي يامحلآآآآه طـــالعيه ..
منال اخذت نفس بقووووووووة ياربيه احر ماعندي ابرد ماعندها بنت اللذين لفت تطالع الشاب اللي تقوله ريـــم وكآدت ان تطلع عيونها من محلها من الصدمة مستحيييييييييييييل لالالالا وش جآبــــه ذا مانقصنا إلآ هـــو لفت على ريم وسحبتها وطلعتها من المحل غصصصب ..
ريم وهي تفك يدها من منال: يووووووة انتي وبعدين معك فشلتينا قدام هالطعععس مالت علييييييييييييك..
منال: ووجع يوووجعك ماتستحين انتي ووجهك تطالعينه كذا استحي شوي يا بنت النآآآآس بتسوووين لنا فضيييييييحه عنده..
ريم بدون اهتمام: اففففففف ومن هو ذا ..
منال تقلد صوتها: الطعععس اللي انتي فرحـــآنـــه فيـــه ..
ريم طالعتها بإستغرآآب:ليـــ؟؟ــه
منال: يآبقررة انتي عارفه هذا ميين ياتنحه؟؟
ريم بملل: افففففففففف انتي ليش تتكلمين بالقطاره كذا تكلمي زززييين قووولي من هو اخلصي علي ..
منال : محمد ..!
ريم بصدمه : محمد؟؟؟؟ أي محمد ....؟
منال: محمد ولد عمتي أول وآحـــد خطبني يومي بثآني ثنوي ورفضته تذكرينه ..
ريم وواضحه علآمآت الدهشـــه في صوتها: هذا اللي خطب قبلك 7 بنآت ورفضووه؟؟
منال هزت راسها بإلإيجآب..
ريم:مهبووووووووووووووله لييييييييييييش ليش رفضتيه ياتنححححه أحد يجيه مثل هالملآك ويرفضه يانآآآآآآآآس ربي بلآآآآني بصديقه تنحه × تنحه..!!
منال بعصبيه: على تبن بلآك مآتدرين وش سآلفته وووش ورآه..!
ريم تتكتف: ووش وراه ؟
منال: مو شغلك يلآ قدآمــــي ..
ريم: اففففففف يلآ..

-------

الســــاعه 11 ونــــص
في فيلآ بنـــدر & عبيــــر..
بندر كان جالس في الصاله ويطالع الأخبار وعبير كانت بالغرفه وتنوم خالد ونزلت لبندر وشافته يطالع التلفزيون..
عبير وهي توقف في وجهه تمنعه من انه يطالع..
بندر: ولييييييييه عبوووور خليني أشووف شوي بس ..
عبير تعاند: لآ شوي ولآ كثير يلآ قدآمي..
بندر يطالعها : ويين؟
عبير : للبقآلـــه يعني وييين ..
تقدمت ومسكـــت يـــده وقومتــه ابتــســم وفهمها وحط يده ورا ظهرها وشآلها ..
عبير بصراخ: مآآقلت شلني نززززلني يادوووب نزلنيييييي..
بندر بتوعد :أنا أووريك من الدوووب..
ودخلها الغرفة ورماها على السرير وتوه بينط على السرير وتنط هي وتنحآش من البآب اللي كان مفتوووح!!
بندر لحقها: انا اوووووريك..
ونزلت الدررج بسرررعة جنونية وهو وراها ..
بس كان هو الأسررع ومسكها..
بندر بضحك:لآلآ لاتحاولين تهربين مني ..
عبير تحاول تطلع من بين ذراعينه:بندررر خالد يصيح..
بندر يطالعها بنضرة محرجه:حلاله عنده الشغالة..
عبير حكت راسها من غباءها وقالت مافي مفر هالمره بندر راح يفوووز لكن توعدت بنفسها ان بكرة هي اللي راح تفوز..

-------

عند الشباب وكانت المباراة الثالثة واللي تحسم درجة التعادل..
ماكان على الطاولة الخضراء الا 5 كور فقط..كان الواضح..بهالمباراة ان طارق مستواه ارررفع بكثير عن سلطان وهو اللي ممكن وقرررب يكون الفايز..
وفي النهاية كالعاده فاز طارق اللي ابتسم ابتسامة جانبية وهو يمسح العرق عن جبينه..
سلطان بروح رياضيه:طيب ياطويريق للمرة الاخيرة اقولك مبروك ولا المره الجاية بكسر هالعصا على راسك"وكمل بتذمر" نعن ابوك عييت افوز عليك
طارق:هههههههههههههههههههههههه
ماجد: اقول سليطين لا يكثر ويلا للمطعم
سلطان باسى:امري لله يلا اركبوا

-------

على طاولات المطعم طلبوا عشا وجلسوا ينتظرون الطلب يوصل ..
ريم حطت يدها على خدها: اوقسم بالله يامنال بحياتي ماشفت اغبى منك..
منال طالعتها من فوق لتحت وحطت الاكياس جنبها:الا انا شفت
ريم بنص عيون: ميـــن؟
منال بقهر: انتي
ريم شهقت : ياويلي ويلاااااااه انا تسميني غبيه ؟ ما الغبي الا انتي احد يجيه مثل هالجمال ويرفضه لا اله الا اللله انا مادري من وين تشوفين يمين ولا يسار ولا فوق ولا تحت..
منال بغيض: ريم يامهبوله افهمي انا مارفضته الا عشان اسباااااااااااااااب كثيرة من اهمها واولها ليش رفضوه 7 بنات؟ مو معقوله ماله نصيب في هالسبعه ولا له حظ فيهم الا قولي هالرجال فيه شي عابه عن هالبنات السبع وانا وش ناقصني اخذ واحد معيوب..
ريم تقلدها بطنازه:وانا وش ناقصني اخذ واحد معيوب..(تعدل صوتها بتذمر)..تدرين وش ناقصك ناقصك عقل ياسبيكه هذا مو منطق ولا هو عذر انك ترفضينه لهالسبب وهالاعتقاد التافه وانتـ....
انقطع كلامها لما شافت الشخص نفسه اللي يتكلمون فيه ورا منال ويطالعها بابتسامه حست ان الدنيا تدور فيها ياويلي ويلاه لايكون سمعنا..
منال استغربت: هيــــــــه شفيك سكتي ولا عجـ..
محمد من ورا منال وعيونه على عيون ريم: خليها .. خليها تاخذ راحتها شعليك منها..؟
منال تلعثمت ولفت تطالع وراها وانصدمممممت لما شافت محمد وراها ولا ويطالع ريم بهالنظرات لفت تطالع ريم ياويلي ويلااااااااااه المحششه معلقه عيونها على عيونه!!!!!!!!!!!!!!!
منال عصصصصبت ووقفت ولفت عليه
منال: انت وش تبي وش لك هنا؟؟؟؟؟؟؟ لا نعرفك ولا تعرفنا ولا لك كلام علينا ياليت تخلي الناس في حالها وتروح لشغلك ..
محمد بقهر:غطي عيونك.
ريم استغربت كلمته ووقفت تطالع وش بيصير؟
منال: هــه اغطي عيوني ؟ من انت اغطيها عشانه

محمد عصصصصب: اسمعي يابنت الخال اللي سويتيه لايمكن اغفره لك واتغاضى عنه والايام بيننا تشهد وراح تعرفين ليش المخفات السبعه اللي مثلك رفضوني..
ومشى عنها وهو يتنفس بقوة من الغيض والقهر..
منال بلعت ريقها و تنهدت وقعدت وهي متجاهله عيون ريم اللي شوي وتطلع من مكانها..
ريم: هيه وش صاير وش قاعد يخربط هذا ولد عمتك وش سالفته؟؟؟
منال اكتفت بكلمة:مدري..
لاحظت ريم ان منال متلخبطه شوي ومنفعله لالا اكيد ذولا بينهم شي منيل مخفيه عني ياترى وش سالفتهم طيب يامنالوووه بس يهدى الوضع وراح اعرف السالفة كلــــــــها،
/
..
\
..:
طلعت شمس الصبح من دون خجل او استئذان ...و بكل حب وعطاء نشرت أشعتها على أرجاء المعمورة .. سطع نورها وضيائها على بساط السماء ..
وفي الحديقة الكبيرة والواسعه كانت تهاني جالسه على كرسي ريفي قريب من النافورة والمسبح ومعها كوب كابتشينو تشرب منه على هالصبح برواقه وكان الجوء هااااااادي ومهيئ لهالرواقه والنعومه اللي كانت فيها تهاني
وفجاءة سمعت صرخة مدوية وراها خلتها تكره عمرها من الرعب اللي جاها ولما التفت تتفقد الامر واذا بريم ميته من الضحك وراها ولا بسه بيجامة نوم حمرا وعليها جلال اسود صغير بحكم انها نايمه عندهم .. وتخاف بالصدفه يشوفها واحد من العيال فاخذت هالجلال للحذر والحيطه
تهاني تمسح رغوة الكابتشينو اللي جت بوجهها:هيهههههيي مافي شي يضحك انتي ووجهك ..
نطت من ورا وطبت على الكرسي بطريقة دفشه وجلست جنب تهاني..
ريم: الــــــــلــــــــه شكلك توووووووووووووحفه كان ناقصني كاميرا ديجتال اصورك..
تهاني: مالت ثم مالت ثم مااااااااااااااالت، ابي افهم شي واحد بس انتي بنت ولا ولد؟
ريم: وحده منهم ياشيخه مافي تغشيش؟
تهاني:ههههههههه لا للأسف جاوبي وعيونك على ورقتك..
ريم:يرحم امك سكتي مافيني على هالصبح اختبار وخرابيط
تهاني: احسن عشان تعقلين شوي الا تعاااالي، وينكم امس ماشفتكم انتي ومنالوه؟
ريم :كنا بالموووول بالمملكه ليش ماجيتي معنا؟
تهاني: لا ياعمري مافيني على حركاتكم توي صغيرة!
ريم:هههههههههههه درجه مثل اختك فااااتك ياتوني نص عمرررك شفنا ذاك الطعس اللي يطيح الطير من السما..
تهاني وهي تشرب كوبها: لا الحمدالله باقي لي عمر مافاتني شي الطعوووس عند ليلى خويتي امس رحت لها كل عيال عمانها فيه عندهم سوينا مغامره ولا احلى
ريم : ليلى؟؟ مااالت عليك وليش ماعلمتينا بجد من زمااان عنها
تهاني: لا وازودك من الشعر بيت اخوها جايب عيال الحارة كلهم بالملحق ومطبخهم له بابين باب داخلي وباب خارجي اللي يطلع على الملحق واحنا بالمطبخ ومشغلين المسجل على اغاني تخيلي قعدوا يرقصووون ههههههه
تهاني تتكلم و ريم كانت سرحاااانه فكرها بعيييييييد وكل بالها مع محمد قاطعت تهاني بسؤالها..
ريم:تهاني شرايك بـ محمد ولد عمتك؟
تهاني سكتت فجاءة مستغربه وبين غمضة عين انفجرت من الضحك
تهاني:حاطه عينك عليه ياوصخه؟
ريم غاضت: وصخه في عينك اصلا ما اعرفه بس سمعت انه خطب منال اختك ومدري رفضت اتوقع
تهاني تنهدت: محمد بصراحه احسن عيال عماني كلهم
ريم ركزت على كل كلمة تقولها تهاني غريبة عكس كلام منال بالضبط!
تهاني تكمل:تصدقين في حياتي ماقد شفته مع واحد من العيال اللي بكبره دايم بالغالب يكون مع امه ولا معنا احنا البنات.
ريم باستغراب: ليش اخوانك مايجلسون معه؟
تهاني:لا ولا حتى يكلمونه اللهم سلام وبس .. بس معنا بصراحه فلللله وطيب وش حلاااااته
ريم توها بتتكلم الا وتطيح عينها على ورقه بيضاء نازله من فوق !
رفعت راسها تشوف وين مصدرها وشافت دريشه عبدالله مفتوحه ولمحت طيف عبدالله يختفي!!!!!!!!!!!
بلعت ريقها بقووووة وعلى طووول تذكرت مكالمة امس انتابها فضوووول تعرف وش مكتوب في الورقه لفت على تهاني اللي تتكلم عن محمد ياربي وشلون بصرف هذي!
ريم:طيب تهاني جوعتيني صراحه وانا يوم اجي سمعت صوت واحد من اخوانك بالمطبخ روحي قولي للشغالة تجيب فطورنا..
تهاني بعباطه:عادي عليك جلال
ريم بصدمه: لا واللله مجنونه انتي تبينه يشوفني ببجامتي وخلاقيني..
تهاني:اممممممممم طيب مع اني ما اواطن اقوم اجيب لحد عنده رجلين بس لخاطر عيونك..
ضحكت ريم وابتسمت وهي تطالعها تقوم وتبتعد
اخيرا راحت تهاني ودخلت الفله رفعت راسها تشوف ومالمحت ولا حتى طيف عبدالله نطت من مكانها وراحت ركض للورقة فتحتها وقرت المكتوب عليها وفتحت عيونها على الاخير من الصدمة!!!!!

:اعصااااااااااااابك شايفه بعبع؟


نهاية البارت تحياتي للجميع مع خالص امنياتي ان ينال اعجابكم البارت


يلا ابي ردووووود عشـــان أكمــــل


تحياتي للجميع

دمتــم بوود


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-03-2010, 10:31 PM
صورة }{!Karisa!}{ الرمزية
}{!Karisa!}{ }{!Karisa!}{ غير متصل
©؛°¨غرامي مجتهد¨°؛©
 
الافتراضي رد: كن الثواني في غيابك سكاكين | بقلمي المتوآضع .."


اكثـر شيء جذبني العـنوان مـره ناايس ^_^

و لما قريت القصـه عجبتني كثــير في انتظار البقيه لا تطولين ^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-03-2010, 11:42 PM
صورة KroOoP الرمزية
KroOoP KroOoP غير متصل
©؛°¨غرامي مشارك¨°؛©
 
الافتراضي رد: كن الثواني في غيابك سكاكين | بقلمي المتوآضع .."


اقتباس:
المشاركة الأساسية كتبها اوركيد الشتاء مشاهدة المشاركة
اكثـر شيء جذبني العـنوان مـره ناايس ^_^

و لما قريت القصـه عجبتني كثــير في انتظار البقيه لا تطولين ^^

يـــ ع ــطيــكـِ الــ ع ــآفيـــه

لـــي طــلـــه كـــل أربـــ ع ــــإأء..

يسسلمو ع المــــرور فرحتينــي والله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-03-2010, 12:07 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: كن الثواني في غيابك سكاكين / بقلمي


,’


بسم الله


يعطيك العـــافية
موفقة إن شــاء الله


https://forums.graaam.com/238622.html


,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-03-2010, 12:56 AM
صورة KroOoP الرمزية
KroOoP KroOoP غير متصل
©؛°¨غرامي مشارك¨°؛©
 
الافتراضي رد: كن الثواني في غيابك سكاكين / بقلمي


اقتباس:
المشاركة الأساسية كتبها الزعيـ a.8k ـمه مشاهدة المشاركة
,’


بسم الله


يعطيك العـــافية
موفقة إن شــاء الله


https://forums.graaam.com/238622.html



,’
يعافيك ربي
مشكورة ع المجهود

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-03-2010, 06:18 PM
صورة ج ــاســيــكــا الرمزية
ج ــاســيــكــا ج ــاســيــكــا غير متصل
©؛°¨غرامي متألق ¨°؛©
 
الافتراضي رد: كن الثواني في غيابك سكاكين / بقلمي


" krooop " ..

الروآيه بدآيتهآ إبدآآآع × إبدآآآع ..

إنشآلله كل آربعآء تشوفيني رآزه فيسي عندك ..

ودي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-03-2010, 06:27 PM
صورة KroOoP الرمزية
KroOoP KroOoP غير متصل
©؛°¨غرامي مشارك¨°؛©
 
الافتراضي رد: كن الثواني في غيابك سكاكين / بقلمي


اقتباس:
المشاركة الأساسية كتبها ج ــاســيــكــا مشاهدة المشاركة
" krooop " ..

الروآيه بدآيتهآ إبدآآآع × إبدآآآع ..

إنشآلله كل آربعآء تشوفيني رآزه فيسي عندك ..

ودي ..

يسسسلمووو فرح ـــتيني بردك يالغــــلا

فديت فيسك بس تسلمين من ذوقك

دمتي بود

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-03-2010, 06:32 PM
صورة مفحَطَطَه بسكَوتر } الرمزية
مفحَطَطَه بسكَوتر } مفحَطَطَه بسكَوتر } غير متصل
©؛°¨غرامي فعال ¨°؛©
 
الافتراضي رد: كن الثواني في غيابك سكاكين / بقلمي


آه طوييلة هلكت .. ~~

حووبي آرسليين طلب صدآآقة ( للتعآآرف )

..

اعطييني ايمييلتس عالخااص .. ّّّ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-03-2010, 06:41 PM
صورة KroOoP الرمزية
KroOoP KroOoP غير متصل
©؛°¨غرامي مشارك¨°؛©
 
الافتراضي رد: كن الثواني في غيابك سكاكين / بقلمي


اقتباس:
المشاركة الأساسية كتبها مفحَطَطَه بسكَوتر } مشاهدة المشاركة
آه طوييلة هلكت .. ~~

حووبي آرسليين طلب صدآآقة ( للتعآآرف )

..

اعطييني ايمييلتس عالخااص .. ّّّ
تسلميـــن يالغلا

أتمنى يكون البـــارت عجبــك

كن الثواني في غيابك سكاكين / بقلمي

الوسوم
بقلمي،الثواني،في غيابك،سكاكين , رواية سعودية طويلة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
في غيابك ماذا أكون ! غلاي إنت ارشيف غرام 1181 28-04-2010 10:15 PM
غيابك |{ سيـــ الغـنج ــدة }| خواطر - نثر - عذب الكلام 12 03-02-2010 02:40 AM
أول روايه بقلمي .. غيابك ماقدرت استوعبه بنت شيوخ ومن شافها يدوخ ! أرشيف الروايات المغلقة - لعدم إكتمالها 15 23-02-2009 02:43 PM
أحبك رغم غيابك s زهـ اللوتس ـرة s خواطر - نثر - عذب الكلام 3 03-10-2008 03:38 AM
~*¤®§(*§ إلى متى سيطول غيابك §*)§®¤*~ˆ° معانــد جروحه خواطر - نثر - عذب الكلام 10 02-05-2006 12:35 AM

الساعة الآن +3: 07:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1