منتديات غرام روايات غرام أرشيف الروايات المغلقة - لعدم إكتمالها شها العيون اللي من شفتها ضاعت علومي و نسيت الدنيا / بقلمي
متلثمة بشماغه ©؛°¨غرامي فعال ¨°؛©

السلام عليكم



هذي روايتي ابي رايكم فيها وانتقاداتكم
طبعا الرواية من خيالي بعض المواقف راح تكون واقعية
وارجو من اللي حابين ينقلو الرواية ينقلوها باسمي
...متلثمة بشماغه....أو...أميرة الحب...أو...أميرة بكلمتي...



البارت الاول








كانت قاعدة تشاهد مسلسل....اخر صفقة حب...
جا واخذ الريموت وغير حط فلم رعب
.....:خلود وجع ليش غيرت هذي الحلقة الاخيرة
خالد:هذا الفلم عيال اعمامي يمدحونه
هي ضاق خلقها من هالسيرة وقامت
خالد:اميرة شفيك؟
أميرة: مافيني شي
خالد:مو مصدقك
أميرة وهي تصيح: لمتى راح اظل كذا؟
خالد قام وضمها لصدره:ياحبيبتي راح يجي الوقت المناسب
أميرة: متى يعني؟
خالد: قريب ان شاء الله
ورن جواله....آه منك منقهر ....
خالد:هلا
.....:أهلين كيفك؟
خالد:الحمدلله
.....:تراك صيفت علينا يلا تعال ننتظرك
خالد:هههه يلا جاي
......:يلا بسرعة باي
خالد:باي..........وسكر الخط
أميرة:منو؟
خالد:وليد ولد عمي فهد
أميرة: بتطلع؟
خالد:ايه
اميرة: متى بترجع؟
خالد:12
أميرة:يلا روح لاتتاخر عليهم
وطلع وجلست ع الكنبة :آآآآآه لمتى راح يظل حالي كذا؟
وع طول شهقت: بتروح علي حلقة المسلسل
*******************
خالد راح لعيال اعمامه
خالد: السلام
الكل: وعليكم السلام
وليد: خلود ليش تاخرت؟
خالد:راحت علي نومة وقعدت اخذت لي شور ع السريع وجيت
وليد:يلا بنمشيها لك مع اني مو مصدقك
عبدالله:خالد طول عمره كذاب ...اخلص وين كنت؟
زياد:ايوا وين كنت؟ لاتقول كنت رايح ترقم ولاعزمتني ترى ازعل؟
خالد:شوي شوي علي وين كنت يعني بالبيت نمت ما قعدت الا ع اتصالك
وليد:قلنا لك تعال اسكن مع جدي ما بقول لك لا
خالد:بيتي احسن لي
دخل ابو زياد: السلام عليكم
الكل: وعليكم السلام
ابو زياد:خالد تعال ابيك شوي
خالد:انشاء الله
طلع خالد مع ابو زياد
*****************
في مكان ثاني
ريما:بنات ملانة
جود:كلنا ملانين
أحلام:عندي لكم فكرة
ريم :شنو؟
أحلام:شرايكم ناخذ السيارة ونسوقها بدون محد يدري
ريماس:والله فكرة يلا ننفذها
ريما: لكن كيف ناخذ المفتاح؟
ريم:ولا يهمك خليها علي
جود:يلا نشوف
وراحت ريم تاخذ المفتاح قامت احلام تلبس ثوب اخوها وليد ولبسته وتلثمت بشماغه
ولما جات ريم اخذت المفتاح احلام منها وتسللو عشان محد يشوفهم وطلعو من الباب الخلفي عشان ياخذوا السيارة
أحلام: تحركوا بدون لحد يدري عنكم
الكل:اوك
وهم راحين سمعوا صوت الشباب ووقفوا شوي
جود: لحظة عندي فكرة بروح لهم واذا مشوا تحركوا بسرعة
الكل بهمس:أوك
*****************
عند الشباب
وليد: زياد تتوقع ابوك شنو يبي من خالد؟
زياد:مدري لكن الوضع محيرني
قطع كلامهم
جود: شباب جدي يبيكم ضروري
عبدالله: شنو يبي؟
جود:مدري قال لي اناديكم
عبدالله: وينه؟
جود: في الديوانية
وقامو الشباب وجود اشرت للبنات يعبروا بسرعة قبل لا يكشف الشباب انها تكذب عليهم وركضوا وركبوا السيارة بسرعة
أحلام: وين تبو تروحو؟
ريماس:نبي نروح................
***************
.........:حور
حور: نعم يمه
........: وين اختك ريماس؟
حور: مدري
.........:ياربي بتجلطني هالبنت
.........:الله يهداك يا ام زياد وين بتكون اكيد مع البنات فوق
أم زياد:مدري يا ام وليد احس انها مسوي شي مثل كل مرة
أم وليد:هههه خليهم ع راحتهم بعدهم صغار ع الجد
دخل الجد ومعه اولاده وخالد
توه ابو وليد بيقول شيء
الشباب: السلام
الكل: وعليكم السلام
وليد: خير جدي شنو بغيت؟
الجد:مابي شي
عبد الله: الا جود جات وقالت انك تبينا ضروري
زياد: ايه ياجدي وقالت انك بالديوانية ورحنا وما لقيناك
الجد: هالبنات مايعقلوا
حور شهقت والكل التفت لها
ابو زياد:شفيك؟
حور:مافيني شيء.... وطلعت<<<<<<<<<<طبعا كانت متخبية ورا الكنبة لان ما عندها جلال
اخذت جوالها واتصلت ع ريماس
ريماس:هلا
حور: وينكم قاعدين يدورون عليكن
ريماس:يلا جايين لاتقولي لاحد
حور:شنو المقابل؟
ريماس:اللي تبي
حور:اوك
لما سكرت جاء زياد: وين ريماس؟
حور: فوق مع البنات
زياد: روحي ناديها
حور ارتبكت: ليش؟
زياد:بس كذا روحي ناديها
وركبت فوق لما ركبت شافت واحد متلثم توها بتصرخ مسك فمها ودخلها الغرفة
************************************************** ********************
آرائكم وتوقعاتك
وين راحوا البنات؟
وشنو يبي زياد من ريماس؟ وهل هو عرف انهم برا البيت؟
ومنو اللي دخل حور الغرفة؟
وش قصة أميرة وخالد؟


انتظر ردودكم

نار الانتقام ©؛°¨غرامي فعال ¨°؛©


الســـــــــــــلام عليكـــــــم

الروايه فيها وايد حماس شوقتيني اعرف شنوا بيصير ؟؟؟؟!

توقعاتي.......

البنات راحوا ياخذون لفه بالسياره او يمكن المجمع


ليش زياد ناده على ريماس اتوقع كشفوهم أو شاكين فيهم أو موضوع يخص خالد

منو جر حور يمكن البنات ردوا بسرعه

اتوقع خالد متزرج بالسر من اميره

و بس

ننتظـــــــرك ســـــــــــلام


نــــــــــــــــــــــــــــا الانـــــتـــــــقــــــــــــــــــــــام


لبى قلبتس ©؛°¨غرامي جديد¨°؛©

أمممممم..
تحمست مع حور مين خذاها

ومممم
وخالد شدني موضوعه هو وأميرة..بس شتقرب له

أممممم والبنات بيتهزأوون..


تقبلي

الزعيـ A.8K ـمه ©؛°¨غرامي ماسي ¨°؛©

,’



بسم الله


يعطيك العـــافية
موفقة إن شـــاء الله


https://forums.graaam.com/238622.html


,’


s.a.k ©؛°¨غرامي مشارك¨°؛©

بدايه مشوقه
ننتظرك مع البارت الجاي
مع تحيات s.a.k

s.a.k ©؛°¨غرامي مشارك¨°؛©

يسلمووووووووووووو

حمااااااااااااس وربي

s.a.k ©؛°¨غرامي مشارك¨°؛©

متى بتنزلي الباااارت قلبو؟؟؟؟

متلثمة بشماغه ©؛°¨غرامي فعال ¨°؛©

هلا

أخباركم؟؟؟؟

انا توقعت انكم بتحمسوني اكثر من كذا بس قلت انا حتى لو بس وحدة ترد علي راح انزل بااارت عشانها





...اسفة ع التاخير ما قدرت انزل بااااارت امس لاني كنت مشغولة...


--------------------------------------------------------------------------------------------------------------

وركبت فوق لما ركبت شافت واحد متلثم توها بتصرخ مسك فمها ودخلها الغرفة
وفك اللثمة
حور:احلامووووه وجع خرعتيني
أحلام:اسفة بس عشان لاتصرخين وتفضحينا
حور :طيب راح اعديها هالمرة بس......ريماس
ريماس:هلا شنو تبين؟
حور:زياد يبيك تنزلي له
ريماس:شنو يبي؟ لا يكون قلتي له عنا ان احنا مو في البيت؟
حور:مادري شنو يبي وقالوا لك مجنونة اقول عشان يذبحني معاكم
ريماس:طيب ترحموا عليي هههههه
ونزلت وهي خايفة ودخلت
ريماس:السلام عليكم
الكل:وعليكم السلام
ريماس:زياد حور قالت لي انك تبيني شنو بغيت؟
زياد:وين كنتي؟
ريماس ارتبكت:هاه فوق يعني وين باكون
زياد بعدم تصديق:طيب
****************************
في ايطاليا
......:نجد حجزت لنا عشان نرجع السعودية
نجد: من جد طلال؟!
طلال:اكذب عليك مثلا ايه جد
نجد:فديت اخوي انا وهـ بس.أهم شيء ما خبرت احد
طلال:اكيد ماراح اخبر احد اخليها لهم سبرايز
************************
في مكان ثاني بعيد عن بيت الجد شوي
كانت تركض وهو يلحقها
.......:وين رايحة تعالي خليني امسكك وشوفي ويش يصير لك؟
......:تروووك حبيبي توبة والله توبة
تركي:شنو تروووك اصغر عيالك انا تقولي ليي كذا
......:اسفة تركي خلاص والله اوبة اوبة
تركي:جوري اذا ماتوقفي باقتلك
الجوري:ماراح اوقف شنو راح تسوي؟
ابو تركي:بزارن انتم ؟!
الجوري:بابا شوف تركي يبي يضربني
تركي:يبى مجلستني من النوم وهي تصارخ
ابو تركي:خلااااااص بسكم انتوا كبرتوا مو بزران ع اقل شيء تضاربتوا
الجوري وتركي وهم يبوسوا راسه: السموحة يبى
ابو تركي ابتسم وفي نفسه"وينك يا ام تركي تشوفي عيالك كبروا"
تركي:يبى انا طالع مع الشباب تامر ع شي يالغالي؟
ابو تركي:سلامتك يولدي لاتتاخر
تركي:انشا الله يبى
وطلع من البيت
********************************
نرجع بيت الجد
كانت جالسة تسولف معاهم شوي وقامت جلست جمب الجد وقالت له شيء في اذنه الجد ابتسم
وقال:خالد
خالد:آمر يبه!!
الجد:وانا ابوك مايصير تجلس في البيت بروحك...
خالد قاطعه:انا قابل اجي اسكن عندكم يبه
الجد ابتسم
خالد:لكن بشرط
الكل استغرب هذا قاعد يتشرط ع جده وين قاعد
الجد:آمر يولدي
خالد تقرب منه وباس راسه:جدي انت عارف شرطي ياكثر ما قلته لك وانت رفضته
الجد:لاااااااااااااا مافي
خالد عصب:اجل خلااااص انسووا ان عندكم ولد اسمه خالد ....وطلع بسرعة من البيت
وليد:جدي شنو شرطه؟
الجد تنهد :اساله وهو يقول لك
*****************************
في بيت خالد
خالد دخل البيت معصب وشافها تبكي وتشاهق
خالد: أميرة شفيك؟
أميرة:اليوم جو بنات اعمامك وقالوا انهم راح يقولوا للجد يخليك تسكن عنده
خالد:شاافوك؟
أميرة:لااا تخبيت
خالد:ياحبيبتي تدري ان انا مستحيل اخليك بروحك ولاتخافين قلت له ماراح اسكن عنده الا بالشرط اللي انتي عافته
أميرة:جد!!
خالد:ايه جد يلا مسحي دموعك وقومي سوي لي عشا
أميرة:من عيوني.
وقامت خالد في نفسه"انا لازم القى حل لهالمشكلة اوف ياربي لمتى يعني راح تبقى كذا اي احد يجي تتخبا عشان محد يشوفها آآآه" قطع عليه تفكيره جواله اللي صار له فترة يرن
خالد:هلا وليد
وليد:اهلين خلود...ترى انا مو بروحي معاي الشباب نبي نعرف شرطك
رائد:وياليت ياخالد تجي ترى جدي خايف عليك
خالد:والله اذا تبو تعرفوا شرطي اسالوا جدي هذا اول شيء اما ثاني شيء لوهو خايف علي مثل ماتقولون كان مارفض شرطي
وليد:طيب جدي قال لنا نسالك
خالد:لا قولوا له هو يقول لكم بنفسه
جات اميرة واشرت لخالد انها حطت العشا ومشت
خالد:يلا انا بروح اتعشى باي
وليد:باي
سكروا وقام خالد يتعشى
أميرة: منو كنت تكلم؟
خالد:عيال اعمامي يكلموني بجوال وليد
أميرة: ايوا
***********************
عند الشباب
وليد:الحين شلون خالد بيقوم يتعشى ومافي احد في بيته يطبخ له
عبدالله:صحيح.ليكون متزوج بالسر
زياد:يمكن طالب له من مطعم
رائد:لا كان قال انا بروح المطعم بتعشى تجو معاي
زايد اللي كان معاهم بس ما تكلم :لازم نعرف السالفة<<<<<قريب وتعرفوا قصته
وليد:عندي فكرة
عبدالله:شنو هي؟
وليد:نقول لجدي نبي نروح الشاليه ونقول لخالد يجي معانا
زايد:وكيف نعرف ياغبي من يطبخ له
وليد:اسمع انت اول نقول له منو اللي سوا لك العشا بيقول الخدامة بنقول له ان احنا بنروح الشاليه ياخذها معاه لانه يحتاج تنظيف وطبعا هو مابيعترض عشان لانفضحه شرايكم الحين؟
رائد:والله فكرة
شوي ورن جوال زايد
زايد:هلا.....الحمدلله انت اخبارك؟....شنو انت عند الباب..... ههه طيب يلا الحين راح اجي افتحه لك......ان شاء الله باي
زياد:شباب تركي صاحبي ع الباب بروح افتح له الباب وبرجع
الكل:اوك
ومشى زايد
رائد:منو تركي؟
عبدالله:ماسمعته يقول صاحبه
زياد:ندري انه صابحه ياغبي بس اللي اعرفه عن زايد انه ماعنده اصحاب غيرنا
عبدالله:يمكن هو يعرف واحنا ماندري المهم اللحين بجي وتشوفونه
زايد وتركي:السلام عليكم
الكل: وعليكم السلام
تركي:شلونكم شباب؟
وليد وهو يسلم عليه:احمر ههههه وانت؟
تركي:ابيض خخخخ انت وليد صح؟
وليد: ايه تعرفني يعني؟
تركي:قال لي زايد عنكم
عبدالله:حيا الله تروووك
تركي:اصغر عيالك تروووك اسمي تركي
عبدالله :ولا يهمك تركي شخبارك؟
تركي:الحمدلله وانت؟
عبدالله:تمام
تركي ناظر رائد وزياد:انتو اخوان زايد صح؟
زياد ورائد:ايه
تركي: شخباركم؟
رائد وزياد:الحمدلله
زايد:اجلس تركي ليش واقف؟
تركي:طيب الحين بجلس
وليد:تركي شرايك تجي معانا انت واهلك الشاليه
تركي:مدري والله بشوف الوالد
ورن جوال تركي:هلا.....شنو تبين......ههههلايشيخة اقول تلايطي انا مع اصحابي مو فاضي لك.... باي
زايد:افا تخاوي من ورانا
تركي:ههههه لاهذي اختي
***************************
نروح للبنات
ريماس دخلت وهي تبكي
ريما:ريماس شفيك؟
ريماس تشاهق:خــا...لـــد...ما... رضى... يس... يسكن ...جدي
ريم:ليش؟
ريماس:ما...ما...أد...ري.. قا...ل...لــ...جدو...را...ح يس...كن ...عن ...ده بش...رط...وجدو...مارضى....وطلع ..خالد...من...البي...ت ...وقال...ما...بيرجع اهئ اهئ اهئ
احلام:شنو شرطه؟
ريماس:م...ا...اد...ري...هو...قال...لجدو...ان...ت.. عار...ف شر..طي..وجدو...قا...ل...لاا...ما...فيه
وكملت صياح بنفسها"شلون يخالد تتركنا ع الاقل كان قلت شرطك مو تطلع كذا بدون سبب آآآآه"
طبعا كل البنات يبكو لان خالد مثل اخوهم
وكل وحدة تفكر في شيء
ريم بنفسها"شنو شرطه شكله في شيء صاير عشان كا جدو رفض"
أحلام "ليش يخالد ؟ طيب قول لنا شرطك احنا نقنع جدو ع الاقل كان قلت لريماس هي تعرف تقنع جدو"
ريما"شنو هذا اكيد في شيء لان خالد مابسوي كذا الا اذا في شيء الله يستر"
جود"احنا لما رحنا بيت خالد حسيت انه عايش مرتاح وحسيت ان فيه احد في البيت معاه لان مستحيل خالد راح يرتب المكان بهذي الطريقة"
حور"يعني هم راحوا بيت خالد مفروض ماتسرعوا وقالوا لجدو مفروض يقولوا لخالد ع الاقل راح نقدر نعرف السبب اووووف"
***************
في بيت ابو تركي
الجوري:باباكلمني تركي ويقول ان اصحابه قالوا له يبونا نروح معاهم الشاليه مع عائلتهم
ابو تركي:منو اصحابه؟
الجوري:بيت أبو محمد الــــــ.........
ابوتركي:والنعم فيهم اذا ودك تروحين معاهم روحي
الجوري:وانت بابا؟
ابوتركي:انا ماابي اروح
الجوري:حتى انا مابروح اذا ما بتروح انت
ابو تركي:طيب بروح عن الدلع
الجوري:فديت بابا انا
*************************
ارائكم وتوقعاتكم
شنو شرط خالد؟
وشنو راح يصير في الشاليه؟
وهل خالد راح يروح معاهم ولا بيرفض؟
واذا رضي خالد يروح معاهم هل اميرة بتروح ولا ترفض؟
ومنو هم طلال ونجد؟هل هم من العائلة ولالا؟
كل هالاحداث في البارت الجاي

متلثمة بشماغه ©؛°¨غرامي فعال ¨°؛©

اللي عنده اي اقتراح يرسل لي ع الخاص

الليل الفوشي ©؛°¨غرامي فعال ¨°؛©

رواية حلوه متلثمة و شكلها ختيره و شكله بيصير مشاكل

اعتقد شرط خالد يتعلق بأميرة

خالد يمكن يروح معاهم

اعتقد الحقيقة (أميرة) بتبان عند سالفة الشاليه

طلال و نجد يمكن من العائلة من بعيد شوي

متى اوقات البارت؟

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1