غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-03-2010, 11:35 PM
صورة فلسطين 88 الرمزية
فلسطين 88 فلسطين 88 غير متصل
©؛°¨غرامي مشارك¨°؛©
 
B9 كثر ما كرهته عشقته / بقلمي ,كامله


كثر ما كرهته .........عشقته )



هذي تجربتي الاولى في الكتابه و ان شاء الله اتنال اعجابكم


كل منه ممكن يعيش قصة حب ، مو شرط هل حب يتكلل بالزواج يمكن يحصل تفارق بين الاحبه .
يمكن ظروف الحياه الي تجبرهم او مثل مانقول النصيب ، وكل شخص منه مايعرف وين نصيبه و شنو مكتوب له في هل حياه .
يمكن مع الي عشقناه ويمكن لا .....






أحبــك مستحيل أنســـاك .. لا تجبرني أنا أنســـاك بالقـوهـ
عشقتك والعشق هــلاك .. لا تذبحني تعال واقصر الخطوهـ

أنا ماقدر على فرقــاك .. ولا أظني بدونك دنيتي حلوهـ


حبيبي والذي ســـواك .. مجنني وسالب عقليه عنوهـ
تعيش بداخلي ذكـــراك .. تعيشني وكني عايـشٍ تـوهـ

أنا ماقدر على فرقــاك .. ولا أظني بدونك دنيتي حلوهـ


غرامي تذبحه بجفـاك .. وإذا عني غرامك داخلي جوهـ
مدام إني عشقتك هاك .. اخذ مني حياتي كلها رضوهـ

أنا ماقدر على فرقــاك .. ولا أظني بدونك دنيتي حلوهـ


يا أغلى من سكن في راك .. ويسكني بحب الطيب والقوهـ
أحبك مستحيل أنســـاك .. لا تحبرني أنا أنســـاك بالقوهـ

أنا ماقدر على فرقــاك .. ولا أظني بدونك دنيتي حلوهـ.




آههه من هل زمن وآه من غدره ... آه يا قلبي .. يبه ليش سويت فيني جذي ؟؟! يبه ليش حرمتني من اعز ناسي .. حرام عليك والله حرااااااام .. راح فكر شذى بعيد الى ذاك اليوم الي بالنسبه لها مشئوم .
شذى بصياح : يبه انا مو موافقه عليه يبه ماابيه حرام عليك يبه تكفى ماابيه لاتزوجني اياه ..
ابوها : تاخذينه تاخذينه مافي رجعه في كلامي وعن الكلام الفاضي.
شذى : يبه بس ... و اهي منزله راسها وتحس بالانكسار
ابوها : بس شنو ؟! ... لاتقولين لي السبب ذاك الي مايتسمه ؟ جوفي نجوم السمى اجرب لج من انج تاخذينه .
شذى : يبه انا احبه ولا اقدر اعيش من دونه .
ابوها خلاص نفذ صبره و وصل اشد مراحل العصبيه ورفع يده و كان بصفعها بس في اللحظه الاخيره نزل يده : جوفي انا مامديت يدي قبل ولا بمدها احين سمعي بتتزوجينه رضيتي او انرضيتي ..
شذى واهي ترجع للعالم الي اهي احين فيه : آآآآآآآآآآآه ليش زوجتني يبه واحد لا اطيقه ولا اطيق اعيش وياه دقيقه وحده وبعدتني عن حب حياتي وحرمتني منه .. انا شنو سويت في دنيتي عشان يصير فيني جي لا عمري ضريت حد ولا زعلت احد ولا جرحت .


وفي هل لحظه اسمعت ضرب على الباب ...

منار : شذوي .. شذى ... وينج فجي الباب فديتج .. شذوي حبيبتي وينج .
قامت شذى من محلها لين الباب و فجت لها : هلا منور
منار واهي مبتسمه : شذى تدرين اني اموت فيج واحبج
شذى واهي رافعه حاجب لها :اقول خلصيني و قولي اشعندج
منار انا ولا شي .. بس قلت اجوف مرت اخوي و صديقتي العزيزه .
شذى بنظرة شك : اهاا يعني ماتبين مني شي ؟؟
منار بكل برائه : بصراحه ... بصراحه ابي منج طلب صغيرون واهي تاثر باصابعها .
شذى : شنو ؟؟؟؟؟
منار : ممكن تقولين حق امي تخلينه نروح السوق .
شذى : افاا يعني كل هل كلام الحلو ويايتني مو عشاني عشان السوق .
منار : شذوي قومي وياي خل نروح مليت من هل بيت وقعدته تره الي تسوينه في روحج مابنفعج
شذى : ايشقصدج ؟؟
منار : عبالج مااعرفج ولا ادري فيج تصيحين ليل ونهار
شذى بعيون مدمعه : غصب عني انتي تعرفيني وتعرفين كل شي والله غصب عني مااقدر مااقدر و اجتاحتها نوبت بكى
منار تحضنها : شذى حبيبتي لاتصيحين حرام عليج تقطعين قلبي عليج ، يا الغلا احين انتي متزوجه وعلى ذمة ريال
شذى : اقول سكتي عني ولاتذكريني .
منار : اقول خلاص احين يرجع اخوي من الدوام ويجوفج جي بعصب علينه بقول صيحتو مرتي واهي عروس .
شذى : اي صح من زود مو هامته حتى مايدري عن هوى داري .
بوزت منار : حرام عليج اخوي حليو وحبوب .


قطعهم صوت جانيت تقول لهم ان ام مشاري تناديهم وتطلب منهم ينزلون ويقعدون ويتقهون وياها
منار : قومي غسلي ويهج اوكي و ابتسمت لها ردت لها شذى الابتسامه ....


شخصيات القصه
ابومشاري ( احمد ) متزوج بنت خاله ام مشاري (مريم ) من 31 سنه ..
ابو مشاري متوفي من خمس سنوات بسبب انه كان مدمن على السجاير وبسببها مرض بالقلب و صاده تصلب في الشرايين عضلة القلب و قام باجراء عمليه و بعدها تعب وايد و ماتحمل و توفه.
وعندهم من العيال
مشاري البكر وعمره 30 سنه متزوج من رهف 26 سنه وعنده منها أحمد 7 سنوات و محمد 5 سنوات و اسيل سنتين ونص
مشعل ومشاعل التوم 24
مشاعل متزوجه ولد عمتها طلال 27 وعندها بنوته حلوه اسمها جنان عمرها سنه ونص واهي دلوعه خالها مشعل
مشعل : شاب وسيم .. طويل 189 .. جسمه رياضي لانه مديم على لعب الرياضه..عينه حاده لونها سواد الليل و ابيض البشره و خشمه حد السيف وشعره اسود سواد الليل و ناعم .
و اخر العنقود اهي منار 19 سنه بنوته كيوت وملامحها حلوه و بريئه و دلوعة الماما و الكل واهي الي تسبب الازعاج في البيت .



عايلة ابو خالد
ابو خالد (عبدالله ) متزوج من ام خالد ( شيماء ) متزوجين من 35 سنه بس الله مارزقهم عيال الا بعد 10 سنوات من زواجهم
البكر شوق : 25 سنه متزوجه من سامي 28 سنه وعندها خالد 4 سنوات و قيس سنتين
خالد المفروض يكون 24 بس توفه لما كان عمره 19 سنه بحادث سياره
شذى : عمرها 20 سنه بنوته حبوبه و دلوعه وحنونه
حنطاويه البشره عيونها عسليه شفافهو خشمها صغيرون يناسب ويها الدائري و فمها لونه وردي و شعرها حريري يوصل لين الجتف لونه كستنائي ويصير لونه ذهبي في الشمس ضعيفونه بزياده عن اللزوم وطولها 160


وباقي الشخصيات بنتعرف عليها في القصه ..





نروح حق مشعل الي طالع من شغله و اهو تعبان من الاجتماعات
رنة تلفونه بنغمة يعشقني رفع التلفون ومكتوب على الشاشه غلا روحي .
مشعل : هلا وغلا هلا بروحي وقلبي
مرام : هلا بدون نفس
مشعل : افا يا الغلا شفيج ؟
مرام : مافيني شي
مشعل : متاكده
مرام بصياح مصطنع: شلون تبي حالي وانته متزوج المقروده
مشعل : غصب عني يا قلبي ماحبيت ازعل امي واكسر بخاطرها بس والله اني ماادري عنها
مرام : اهاا انزين وغيرت الموضوع امم مشعل بطلب طلب بس مستحيه
مشعل : امري يا قلبي
مرام : مشعل انا محتاجه فلوس
مشعل غالي والطلب ارخيص انتي تامرين وتتدللين جم مرام عندي
مرام : اذا تقدر تييبهم الليله
مشعل اوكي يا قلبي
مرام : اقول باي امي تناديني وصكته بدون ماتنتظر منه اجابه
مشعل شغل اغنيه نبض القلوب حق محمد عبده
(( مرام 23سنه بنت وايد جميله جسمها مثل عارضات الازياء عيونها لونها خضر و شعرها اشقر ماخذها هل صفات من صوب اهل امها لانهم عجم بس اهي تعيش مع ابوها لانه ابوها مطلق امها من يوم عمرها 16 سنه لاكن مرام بنت انانيه و مصلحجيه لابعد الحدود وماديه))

نرجع حق شذى و منار الي يتقهوون ويا ام مشاري

ام مشاري : شذى متى ناويين تروحون شهر العسل مايصير جذي يابنتي
شذى : خالتي مشعل مشغول احين بعدين بعدين لاحقين
ام مشاري : بس يابنتي مايصير ويرن التلفون فقامت شذى عشان تشرد عن الرد تجاوب على التلفون
شذى : الووو سلام
.....: وعليكم السلام هلا ببنيتي حبيبتي وينج يا القاطعه بس عرستي ونسيتي انه لج بيت واهله
حتى سؤال ماتسالين
شذى : يمه وحشتيني وانا اسفه انشغلت شوي وماقدرت اتصل لج
ام خالد : وهذي انتي في الديره وجذي لو رحتي برع شنو بتسوين
شذى سامحيني يمه على القصور بس ظروفي يات جي
ام خالد: الا خالتج وينها ؟؟ شذى : خالتي امي تبيج
و قامت ام مشاري تكلم صديقة عمرها
و في هل لحظه وصل مشعل للبيت و دخل السياره في الباركات ونزل وحمل وياه اللاب توب ماله والاوراق
دخل البيت وراح حجرة المعيشه لانه متعود يروح يقعد ويا امه شوي ويتقهوى ويروح غرفته يكمل اشغاله اذا عنده
مشعل : سلام عليكم
الكل رد ماعدا شذى : وعليكم السلام
منار جافت شذى تضايقت دش مشعل و راح باس راس امه وقعد يمها و طلب من اخته تصب له قهوه و اهو ولا معبر وجود شذى بينهم ولا كانه موجود شخص ثالث وياهم
لما خلصت اهمه من التلفون
ام مشاري : ها يمه شخبارك ؟ ان شاء الله بخير و الله يعطيك القوه والعافيه
يمه ليش ماتاخذ اجازه وترتاح العمر يخلص والشغل مايخلص وروح ويا امرتك شهر عسل حرام البنت عروس وانته مو قاعد وياها كله في هل شغل ويا هل اوراق
مشعل : يمه شسوي مشغول حدي ومااقدر اسافر احين ماعندي مجال بس يصير عندي ولا يصير خاطرج الا طيب
منار تهمس حق شذى : شذوي شفيج من دش وانتي صاخه .. شذى مافيني شي سلامتج اقول انا بروح قوف لانه حاس روحي مخنوقه
منار : احين اخوي يخليج تختنقين ..شذى ماردت عليها وقامت : عن اذنكم بروح غرفتي
ام مشاري : يمه وين بتروحين .. شذى : يمه انا تعبانه وبروح ارتاح شوي وراحت عنهم
ام مشاري : مشعل يمه قوم ويا امرتك وداري خاطري يمكن زعلانه
مشعل : ولا هامه الامر يرد بلامباله : الي بزعل بيرضى واهي لازم تقدر شغلي واني مااقدر على السفر و دلاعتها احين وماني فاضي .
ام مشاري : الله يهديك يا ولدي
مشعل قام وباس راس امه وركب فوق عشان يروح جناحه دش الجناح وراح الحجره وبطل الباب بقوه وقام يصارخ على شذى : هي انتي شي سخافه والتصرف البايخ لازم تحسسين هلي ان فيه شي سمعي عاد ماابي احد يدري الي بينه ولا تتدلعين جدامه تره مااتلومين الا نفسج سمعتي .. مصدقه عمرج قال تبين تروحين شهر عسل انتي وحده ماتستاهل لا شهر عسل ولا شي ثاني .
شذى مبطله عينها على الاخر و اهي مو مستوعبه شي من اللي قاله بس بدت عيونها تدمع و تصيح
مشعل : افففففففففف بس هذي الي فالحه فيه هل صياح مللتيني و لوعتي جبدي فيهم الله لا يبارك فيج ولا في الساعه اللي خذتج فيها حمدي ربج اني مخليج على ذمتي ليحين انا مخليج مو عشانج عشان ابوج وعشان العشره اللي بينه وبين ابوي بس انتي ماتستاهلين ولا شي .
و مشى عنها عشان يروح الدار الثانيه اللي اهو ينام فيها .
شذى تصيح وتحس روحها مخنوقه : آآآآآآه ليش ليييييييش اشذنبي انا اني حبيت مالت عليك الي مسوي روحك شريف مكه اكرهك اكرهك ...

مشعل قاعد على السرير : آه انا ماادري اللي اسويه عدل او لا احين انا اظلمها معاي واهي مالها ذنب كان المفروض اعارض واقول حق امي ويرد عليه صوت الشيطاني لاانته ماغلط اهي تستاهل هل تعامل لانها بروحها اعترفت انها كانت تكلم وتحب واحد يعني تستاهل بس انابعد مو احسن منها مثلها رد عليه صوت الشيطاني انته ريال و ماعليك اي كلام بس اهي بنت ويصير عليها الكلام : اوه نفض الافكار من راسه وقام يتصل على مرام رن التلفون جم مره ومحد شاله الين انقطه و عاود الاتصال اكثر من 5 مرات ونفس الشي : اففففف ويها ذي بعد و حذف التلفون و انسدح على السرير ماهي الا دقايق حتى راح في سابع نومه .

شذى واهي في حجرتها سمعت اذان المغرب و قامت وتوضت وصلت صلاة المغرب و قعدت تدعي ربها عشان يخفف عليها مصيبتها و قامت و بدلت ملابسها عشان انها بتطلع مع منار وبروحون يتعشون برع
.............
.........
.......
......
...

ان شاء الله تنال اعجابكم

وابي تعليقاتكم و نصايحكم

و قولولي عشان اكمل ولا لا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-03-2010, 12:24 AM
صورة زهر ابيض الرمزية
زهر ابيض زهر ابيض غير متصل
©؛°¨غرامي متألق ¨°؛©
 
الافتراضي رد: كثر ما كرهته عشقته


السلام عليكم
بداية حلوة
بس عندي ملاحظات اولا وغلاتي او الحلف بغير الله حرام
ثانيا ما نحط الاسباب والمصائب على الزمن لان هذا قضاء وقدر
وان شاء الله اكون من المتابعين معاك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-03-2010, 01:26 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: كثر ما كرهته عشقته / بقلمي


,’



بسم الله


يعطيك العــافية
بداية حلوة
و مثل ما قالت لك زهور ‘ لا يجوز الحلف بـ غير الله
تم التعديل و أتمنــى تصححينهــا عندك

موفقة إن شـــاء الله


https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-03-2010, 01:32 AM
صورة فلسطين 88 الرمزية
فلسطين 88 فلسطين 88 غير متصل
©؛°¨غرامي مشارك¨°؛©
 
الافتراضي رد: كثر ما كرهته عشقته / بقلمي


اقتباس:
المشاركة الأساسية كتبها الزعيـ a.8k ـمه مشاهدة المشاركة
,’



بسم الله


يعطيك العــافية
بداية حلوة
و مثل ما قالت لك زهور ‘ لا يجوز الحلف بـ غير الله
تم التعديل و أتمنــى تصححينهــا عندك

موفقة إن شـــاء الله


https://forums.graaam.com/238622.html



,’
ان شاء الله وشكرا على الوضيح


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-03-2010, 01:34 AM
صورة فلسطين 88 الرمزية
فلسطين 88 فلسطين 88 غير متصل
©؛°¨غرامي مشارك¨°؛©
 
الافتراضي رد: كثر ما كرهته عشقته


اقتباس:
المشاركة الأساسية كتبها zohor مشاهدة المشاركة
السلام عليكم
بداية حلوة
بس عندي ملاحظات اولا وغلاتي او الحلف بغير الله حرام
ثانيا ما نحط الاسباب والمصائب على الزمن لان هذا قضاء وقدر
وان شاء الله اكون من المتابعين معاك
شكرا لك غلاتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-03-2010, 01:41 AM
صورة زهر ابيض الرمزية
زهر ابيض زهر ابيض غير متصل
©؛°¨غرامي متألق ¨°؛©
 
الافتراضي رد: كثر ما كرهته عشقته / بقلمي


ما قلتي لنا موعد تنزيل البارتات وهل الرواية كامله؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-03-2010, 01:43 AM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: كثر ما كرهته عشقته / بقلمي


شكلها حلوة

كمليها

يعطيك العافيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-03-2010, 01:56 AM
صورة فلسطين 88 الرمزية
فلسطين 88 فلسطين 88 غير متصل
©؛°¨غرامي مشارك¨°؛©
 
الافتراضي رد: كثر ما كرهته عشقته / بقلمي


والله حسب الوقت لأني بكون مشغوله في بعض الأحيان ان شاء الله يوم بعد يوم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-03-2010, 11:27 PM
صورة فلسطين 88 الرمزية
فلسطين 88 فلسطين 88 غير متصل
©؛°¨غرامي مشارك¨°؛©
 
الافتراضي رد: كثر ما كرهته عشقته / بقلمي


جزء ثاني


طلعت من الحجره وجافت مشعل دش الجناح تمت متردده ماتدري تكلمه وتقول بتروح ولا تروح بدون ماتحاجيه
شذى : مشعل التفت مشعل عليها : اشتبين خلصيني ماني رايق لج
شذى : بطلع مع منار اذا ممكن
مشعل : انتي بتطلعين كيفج في الطقاق بس اختي ما تطلعينها وياج بعدين تعمينها على سواد الويه
شذى : اشقصدك تراك مو احسن مني سمعت على الاقل انا انهيت كل شي لاكن انت مازلت
مشعل جرب منها و عيونه كلها شراي : اشتقصدين في كلامج واهو ميود يدها بالقوه شذى حست اصابعها بتنكسر في يده : انته اخبر سمعت هدني سمعت لا اصارخ احين واخلي خالتي اتييك
مشعل : جربي انتي بس والله لاذبحج هني سمعتي
شذى : صاح و انهارت حرام عليك ليش تعاملني جي انته تحب لازم تحس فيني وانته اكثر شخص لازم يعرف ويحس ليش تسوي فيني جذي ليش انا شنو سويت فيك وانته دامك تحب ليش خذتني دام ماتبيني ليش ليش ؟؟
مشعل تركها و راح بدون مايجاوب عليها

دخل حجرته و اهو يحس بالضيق من الي سواه وياها يعرف انه غلطان مثل مااهي غلطانه بس غلطه اكبر لانه لحد احين مواصل في الغلط
مشعل في فكره آه ياريتني مارضيت على كلام امي بس انا مااقدر على زعلها ولا اقدر اخون حبي آآآآآآآآآآآه شسوي احس روحي ضايع و تناول التلفون عشان يتصل بصديق عمره عيسى 24 سنه
مشعل : الو هلا عيسى شخبارك ؟
عيسى و توه صاحي من النوم : هلا هلا مشيعيل شتبي ؟
مشعل : اففف انته كل راقد
عيسى: لا توني صاحي امرني شفيك شكل مالك نفس كلش
مشعل : اي وانا اخوك حدي ضايق خلقيب ومو عارف شسوي آآآآآآآآآه احترت وموعارف شنو الحل
عيسى : لاتقول نفس السالفه تراك مللتني فيها قلت لك رايي الي خذتها بنت ناس و ماعليها كلام و مرامو هذي هدها وخلها تولي عنك تراك متزوج وهذي خيانه اما اذا ماتبي تبتعد فطلق احسن لك لانك تظلم بنت الناس وياك ( طبعا عيسى يعرف كل شي عن مشعل كل كبيره وصغيره في حياته )
مشعل : ماادري ماادري احس روحي ضايع بين رضى امي وبين
قاطعه عيسى : اقول جب جب انته ماتعرف مرام عدل هذي مصلحجي لابعد الحدود
مشعل معصب : اقول اسكت انا الغلطان متصل فيك بس انته مو كفو اتصل و اكلمك بعد واسمع تغلط على الكل وعلي بس لاتجرب صوب مرام سمعت و صك التلفون في ويه عيسى
عيسى : واهو يجوف التلفون ا: الله يهديك و يعين عليك بنت الناس مسكينه والله .


شذى قامت من محلها وراحت حجرتها ورمت نفسها على السرير وطلقت العنان لفنسها في البكى و عقب خطر في بالها شخص وتمت مده تقول اتصل ولا لا واذا اتصلت شاقول آآآآآآآآآآه ياربي ساعدني قامت تدق الارقام التلفون واهي حافظه الرقم عدل عن ظهر قلب تم يرن وتحولت الرنه خارجيه و تم يدق قلبها بسرعه كانها في سباق
.....: الووو
شذى :.................
............ : الوووووووووووووووووو الوووووووو
شذى : ساكته بس تصيح بصمت بسبب سماع الصوت الي تموت فيه وكانت متعوده تسمعه على طول
.....: لاخر مره اقول الو بتردون زين مابتردون
شذى : هلا عبدالرحمن شخبارك و شلونك و انتابتها نبوة بكى
عبدالرحمن تم ساكت فتره عشان يستوعب الي متصل فهل صوت اخر مره اسمه قبل شهر تقريبا لما زف له الخبر الي كانه خبر اعدامه
شذى : الووووو حماني وينك واهي تصيح
عبدالرحمن بجفى : خييييير شنو تبين اشتبين بعد تبين تذبحيني اكثر من ماانا مذبوح
شذى : انا محتاجه لك
عبدالرحمن : اظن الي بينه انتهى بعد ليش متصله انا قايل الرقم ذي بغيره
شذى : الله يخليك لاتعذبني اكثر باسلوبك انته عمرك ماكنت جي قاسي في الكلام
عبدالرحمن معوره قلبه عليها بس مايقدر يسوي شي الا هل طريقه لانه مايرضيه انها تكلمه واهي على ذمة ريال
عبدالرحمن : اقول يا بنت الناس الي بينه انتهى و خلاص لاعاد تتصلين و رقمي بغيره
شذى تسمعه و مو مصدقه ان الي يكلمها اهو الي حبته و عشقته
عبد الرحمن قام صك التلفون و يحس بالالم عشان الي سواه بس هذي لمصلحتهم اهم الاثنين
شذى تمت مده لين تستوعب الي صار و انهارت وتمت تصيح و اسمعت اذان العشى و قامت تتوضى و صلت و اهي تبكي وتدعي ربها يصبرها ويخفف عنها

(( عبدالرحمن 24 كان صديق خالد اخوها وكانت دايم تجوفه فيبيتهم واهي صغيره لين اكبرت و كان يصير بينهم حوار دايم وضحك و اهي تحبه من يوم ماكانت صغيره وتتمنى تاخذه واهي يبادلها نفس الشعور اهو شاب وسيم واسمر البشره طويل وضعيف ويلبس نظاره طبيه بس ممو دايم على حسب مزاجه و حنون لابعد الحدود ومايحب يجرح احد طبعا اهو كان يكلمها بدون علم اهلها و تقدم لها اكثر من مره بس ابوها ارفضه بسبب انه يلومه على موت خالد لانه كان ويا خالد في الحادث و وكان اهو الي يسوق تعرفون طيش الشباب وكانو يمشون السياره بسرعه و انفجر التاير و انقلبت فيهم السياره اكثر من مره و ادعمت السياره العمود و الي تعور اكثر خالد وصاده نزيف وماقدرو ينقذونه ))

ام مشاري : منور .. منارو منااااارو وصمخ
منار ويدها الجبس و تطالع فلم : ها يمه شنو تبين ومن دون ان تلفت عليها
ام مشاري تحذف عليها علبة الكلينس يا بنت جم مره قلت لج لاتقولين لي ها انا امج واذا احاجيج تطالعيني
منار مبوزه : يممممممه خليني اطالع عاد كفايه ماخلتوني اطلع برع بعد مااطالع
ام مشاري : صمه تصم العدو قومي نادي مرت اخوج خلها تقد ويانه بدال هل حبه في هل دار
منار : اذا تبي بتنزل بروحها
ام مشاري : منارو ويعه اذا قلت لج شي سمعي الكلام
منار : اففف انزييييين هذاني قايمه بس نطري لين يحطون دعايه
ام مشاري قامت وطفت التلفزيون
منار : يمممممه حرام عليج تقطعينه علي احلى لحظه
امها معصبه عليها قوميييي روحي سوي الي قلته لج وعقب مافي قعده عند التلفزيون سمعتيني زين
منار : ان شاء الله واهي رايحه صوب المصعد عشان تروح حق مرت اخوها واهي تتحلطم على امها و اهي راكبه جافت اخوها نازل
منار : ها انت على وين ان شاء الله واهي متخصره له
مشعل : اقول قلبي ويهج احسن لج لا ايي احين اغير ملامحه لج
منار : بل بل ماكل فلفل هل ايام ما تتحاجه مالت عليك زين مني احين اسئلك واهتم فيك وانته مو كفو
مشعل راح صوبها و يود يدها : شقلتي
منار بخوف من اخوها : ماقلت شي قلت بروح فوق انادي شذى .
مشى الخوها عنها وراحت فوق ودخلت الجناح واراحت الحجره الي فيها شذى اطق الباب : شذى امي تبيج تحت تقول لج تعالي قعدي ويانه
شذى : مالي نفس اروح محل ولا اجوف احد اعتذري لها وقولي راقده
منار حست ان فيها شي وقامت بطلت الباب وجافت شذى على السرير وحاظنه المخده وتصيح راحت لها و الخوف باين عليها : شفيج ؟؟؟؟؟؟
شذى : مافيني شي روحي عني قلت ابي اتم بروحي
منار : شفيج ؟؟؟ لا تقولين اخوي سوه شي
شذى : عبدالرحمن يكرهني ومايبي يعرف عني اي شي و تمت تصيح
منار مبطله عينها على الاخر : شذوي لا تقولين سويتي الي في بالي
شذى : اي اي اتصلت له وكمان شكله مسافر و صك التلفون في ويهي و قال لي كلشي انتهى
منار واهي تهز شذى : انتي مينونه لا شكلج استخفيتي انتي تعرفين شنو سويتي
شذى : ساكته ولا ردت عليها
منار : تعرفين انه غلط خلاص الي بينكم انتهى وانتي على ذمة ريال
شذى بعصبيه : اوهو فيكني مللتيني على هل سيره انا ماابيه و عندي الساعه الي يطلقني يوم الهنى وانتي لو سمحتي طلعي بره ماابي احد ابي اتم بروحي
منار انصدمت من صديقة عمرها انها تطردها واهي كانت وياها في كل صغيره وكبيره في حياتها قامت من محلها بطلع بس شذى مسكت اذراعها
: منور انا اسفه بس بس واهي تصيح مااقدر اضبط نفسي حاسه روحي في دوامه ومااقدر اسيطر على مشاعري انتي صديقتي و اختي وكل شي الله يخليج لا تزعلين
منار ابتسمت لها : افا عليج ازعل من الدنيا ولا ازعل من اختي عاد يالله عشان خاطري وخاطر امي غسلي هل ويه و قومي يلسي ويانه احسن لج
شذى وبين الدموع ابتسمت لصديقتها : ان شاء الله ولا يهمج انتي بس نطريني شوي بغسل ويهي وبرد لجعشان ننزل تحت


--------------------------------------------------------------------------------


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-03-2010, 11:04 PM
صورة فلسطين 88 الرمزية
فلسطين 88 فلسطين 88 غير متصل
©؛°¨غرامي مشارك¨°؛©
 
الافتراضي رد: كثر ما كرهته عشقته / بقلمي


الجزء
الثالث

مشعل في الدرب عشان بروح محل الكوفي الي دايم يتواعد فيه مع مرام
رن تلفونه و جاف الي متصل اهو صديق عمره رد عليه بدون نفس : الووووو
عيسى : احلى الو اسمعها في حياتي اشفي الحلو معصب علينه افا اشدعوه تعصب علي وانا الي احبك واموت فيك انا حبيبتك و زوجتك
مشعل ابتسم لاكن سو روحه ان معصب : خير اشتبي وعن الثقالة الدم
عيسى : افاا انا ثقيل دم احين صرت ثقيل دم خلاص ماابيك طلقني
مشعل : هههههههههههههههههه الله يعقل عليك من يوم يومك خبل
عيسى : احم احم ادري خبل ومرتبت الشرف بعد جنك في السياتره على وين ؟؟
مشعل : اي طالع عندي مشوار بس اخلصه ابي اجوفك اوكي
عيسى : اوكي تم على الساعه 10 ونص تعال لي الدوانيه عند الشباب
مشعل : خلاص تم


في بيت بو خالد

ام خالد : شوق يمه ماحاجيتي اختج اتجوفينها وتسالين عن اخبارها يابنيتي حاسه انه البنت مو مرتاحه وانتي جفتيها شلون قبل الزواج عايفه كل شي
شوق : والله يمه مااتصلت واخر مره جفتها من بعد الزواج لاني وايد انشغلت ويا اليهال لانه كان قيس وايد مريض و قعدت اعابله
في هل لحظه دخل عليهم ابوخالد ومعاه سامي : سلام عليكم
شوق وام خالد : وعليكم السلام ورحمة اللله وبركاته
قامت شوق تحب راس ابوها : يبه كيف حالك واخبارك عساك تكون مرتاح وبخير
ابوخالد : بخير يا بنيتي وانا بكون بصحه دام بناتي بخير
ابتسمة له شوق وفي هل اثناء يه خالد يركض و يطيح على يده
شوق : شوي شوي لاتتعور وتعور بابا عود
ابوها : خليه يا بنتي والله اني مشتاق له
خالد : بابا ابي الوح الحديكه ماما ماتخليني الوح كله تدلو عقب عقب ( بابا ابي اروح الحديقه مام ماتخليني اروح كله تقول عقب )
بوخالد : ولا يهمك باجر اوديك الحديقه ولا تزعل جم خالد عندي
خالد : بث انا
ام خالد تقوم : شوق قومي وياي نروح نبرز العشى حق ابوج وريلج
قامت شوق : يمه لاتعبين روحج الخدم بجهزون كل شي وانا بوقف على راسهم انتي استريحي
سامي : شواقه عيل وين قيس
شوق : راقد فوق في الحجره وخليت الخدامه وياه تباريه
سامي : حبيبتي اذا ماعليج امر ابي كاس ماي
شوق : ان شاء الله من عيوني الثنتين


نرجع حق مشعل الي وصل حق محل الكوفي وراح على المحل الي دايم يقعدون فيه و حصل مرام قاعده هناك
مشعل : مساء الورد وعطر الشوق مساء الحب مساء مايليق يتمسى به الا الاحباب
مرام مبتسمه له : مساء النور قلبي
مشعل قعد وتم يتاملها : قمر قمر
مرام مسوي عمرها تستحي
مشعل : آخ ياقلبي مااقدر على الي يستحون
مرام : حبي انا مستعيله ممكن تعطيني الي اتفقنه عليه
مشعل طلع بوكه وعطاها الي اطلبته مرام : مشكور حبيبي يا الله باي مااقدر اتاخر على البيت ومشت عنه
مشعل : تحملي بروحج واذا وصلتي البيت طرشي لي مسج او اتصلي اوكي غناتي
مرام : من عيوني

قام مشعل وطلع من محل الكوفي عشان يروح حق عيسى و يقعد سوي ويا الشباب
واهو في الدرب شغل اف ام وكانت اغنيه عيضه القوس قوسك


------
القوس قوسك والسهام سهامك ... مالي على رمش(ن) تسله قوه ...
انا اسيرك واقف(ن) قدامك ... واللي تبا تسويه فيه سوه ...

وثقت في قلبك وطيب انسامك .. ماظن تظلم وانت فيك امروة ...
قلبي رهيف ولا يروم هيامك ... توه تعلم كيف يعشق توه ...

قلب(ن) قطفته لا ترص احكامك ... خفف على قلب(ن) حتمت بجوه ...
يفداك لكنه يشيل احلامك ... ملكك ولا لي منه غير انخوه ...

بك زين من راسك يـ لين ابهامك ... والليل ياخذ من صباحك ظوه ...
ما يحجب الويه الصبوح الثامك ... طلتك دايم يالحلى محلوة ...

وصل الدوانيه بعد ربع ساعه وطالع ساعته كانت تشير على 10 الا ربع
مشعل : سلام عليكم
ردو الموجودين : وعليكم السلام
راح حق عيسى الي قاعد ويا مجموعه من الشباب
عيسى : الا مجدم توقعت تتاخر
مشعل : بسرعه خلصت المشوار
عيسى : ها تلعب كوت بو اربعه
مشعل : اكيييييييد وهذي فيها كلام
قعدو يلعبون كوت
على الساعه 11 ونص انسحبو مشعل و عيسى كانو مغلوبين 3 واحد ومسكين مشعل اهو الي طول الوقت كانت في يده البته ( الورقه)
عيسى : ههههههههه وعليه اكثر واحد نقعت في يدك البته(الورقه)
مشعل : جب جب انته مافيك خير تشتري على الاقل بخمسه
عيسى : ماتعطيني شي عدل اقول اليوم خل المدام تسوي لك مساج لانه يمكن يدك طاحت من كثر ما تخبصها
مشعل : اقول انطم وياالله اقلب ويهك وروح بيتكم
عيسى : هههههههههههههههههههه واذا مارحت شنو بتسوي واهو يحرك حواجبه
مشعل رفع النعال وبلحقه لاكن عيسى راح يركض بسرعه و مشعل وقف محل : ههههههههههههههههههههههههههه الله يعقل عليك صج صج خيخه
عيسى : خيخه ولا شجاع اهم شي ما احصل تبزخ ( طراقات )
مشعل : يا الله فمان الله بروح البيت وراي دوام باجر
عيسى كان صوب سيارته : فمان الله تحمل بروحك
كلن ركب سيارته

شذى : منور ....... منوووووووور
منار ولا ماعطتها ويه ومندمجه في الفلم و تاكل جبس
شذى : هههههههه الاخت وايد متاثره
منار : اصصصصصصصصصصص ولا كلمه
شذى خذت المخده و رمتها على منار
منار : ويعه انتي شفيج (و احذفت المخده عليها) ماتخليني احد يطالع وه عنبوه شل اوادم محد يخلي الواحد يطالع
شذى قامت بسرعه وخذت جهاز التحكم و غيرة القناة و حطته على اغنيه انا ولا عارف حق تامر حسني
منار : وعييييييي فريها ماابيها
شذى قامت تقلد وحده وياهم اهي بويه ومعجبه في منار وكل ماتجوفها تغنيها لها قبل منار تحب الاغنيه بس من يوم ماقامت البويه تغنيها اكرتها
شذى : منور حبيبتي انا احبج واموت فيج انا ولا عارف انا مالي والي جرالي بحبك
منار قامت تلحق شذى عشان اطقها فقامت شذى تركض ومنار تلحقها في هل لحظه اصتدمت شذى بجسم صلب و رفعة راسها

مشعل : عمييييييه ماتجوفين
شذى منصدمه ولا ردت عليه
ويتاهم منار : بسم الله انته متى يييت
مشعل : انتوا شل ازعاج صوتكم واصل لين برع عبالكم يهال انتوا ولا بعد ماحصلتو الا هل حزه حق ينونكم ابي اعرف هل ازعاج عشان شنو
منار وشذى تمو ساكتين ويسمعونه
مشعل : هي انتوا احاجيكم انا ردو
شذى ومنار ساكتين
مشعل : حشى لو الطوفه ردت وحست على دمها ومشى عنهم
شذى ومنار : ههههههههههههههههههههههههه بل بل حريجه
منار :: توج تدرين هههههههه
ارجعو عند التلفزيون وقعدو يطالعون فلم ثاني لين الساعه 2 وكل وحده اركب وراحت حجرتها تنام

على اذان الفير قامت شذى تصلي وعقب ماصلت راحت المطبخ تشرب ماي سمعت باب الجناح يتبطل ودخل مشعل وراح غرفته و اهي ارجعت ونامت لين الساعه 11 ونص وقامت تتسبح و تتلبس لانه اليوم الخميس
وكل خميس يتيمعون مشاري وزوجته ومشاعل وزوجها و في بعض الاحيان ايون بنات عمهم


بعد ماطلعت من الحمام كانت لافه شعرها وتمت جدام الكبت مده عشان تختار لها شي اخر شي طلعت تنوره بيضه توصل لين نص الساق و تي شرت لونه اصفر فيه رسمت قلوب بلون وردي ولبست صندل ( وانتوا بالكرامه ) لونه ابيض وفيه ورود صفره و لبست حلق بلون ابيض و استشورت شعرها و سوت بعض الخصلات كرلي و خط عينها بقلم الكحل و حطت مسكرا و شدو لون اصفر و قلوس لون فوشي بلمعه وتعطرت

وانزلت وفي طريقها جافت معشل الي كان لابس جينز ازرق و حزام على رسمة تنين و تي شرت لونه اسود ومن الخلف رسمة تنين بلون فضي و التي شرت كان ضيج يبين عضلات جسمه ولابس جزمه( وانتو بالكرام) لونه اسود

تجاهلته و كملت دربها نزلت جافت ام مشاري تحط البخور وتبخر البيت
شذى : صباح الخير يمه كيف اصبحتي وراحت تبوس راسها
ام مشاري : صباح النور هلا يمه انا بخير وانتي كيف اصبحتي
شذى : بخير دامج بخير يمه تبين مساعه مني
ام مشاري : لا يا بنتي استريحي الخدم بسوون كل شي
شذى : يمه وين منار
ام مشاري : اكيد بتحصلينها فوق ولا راقده كل عاده
شذى : عن اذنج بروح لها
و في هل لحظه وصلت مشاعل مع زوجها طلال
مشاعل : اففففففففففف واي تعبت خلاص يا الدبه نزلي ذبحتيني واهي تكلم بنتها ونزلتها على الارض بنتها عيت تنزل وتبي امها تشيلها وتمت تصيح
مشاعل : يمه يمه وينج
ام مشاري : هلا يمه يتو
مشاعل : اي تونه
وراحت تسلم على امها وتحب راسها و مدت جنان يدها حق يدتها عشان تشيلها
ام مشاري : هلا بغلا روحي هلا بريحة هلي وطوايفهم
مشاعل : الا وين البنات
ام مشاري : اكيد بتحصلينهم فوق
مشاعل فصخت العبايه و نادت جانيت عشان تعلقها
وعدل ثيابها كانت لابسه بنطلون جينز ازرق وتي شرت حفره اسود وفوقه شيفون اصفر و لابسه حلق لونه اصفر واسود وصندل ( وانتو بكرامه ) باللون الاصفر والاسود و قاصه شعرها على طوله


في المجلس عند الرجال كان في المجلس مشعل ومعاه طلال و ياهم عم مشعل جمال ( بو طارق )
بو طارق : شخبار معرسنه ؟؟ شرايك بالزواج حلو صح
مشعل : والله تمام يسرك الحال اهو مو بس حلو الا راحه نفسيه واستقرار و طبعا احصل دلع وفي نفسه ( حلو طل الا هم وغم )
طلال : الا شنو اخر اخبار الشغل وياكم انا هل ايام عندي مشاكل وايد في الورشه بسبب العمال
مشعل : انا كل شي تمام وانته يا عمي
بو جمال : والله تمام والحمدالله على كل حال
وتم يسولفون عن الاشغال ومشاكلها


( بو طارق ( جمال ) متزوج من ام طارق ( حنان ) متزوجين من 15 سنه وعندهم طارق 12 و عثمان 10 و فاطمه 7 )


عند النسوان البنات نزلو وانظمو الي ام مشاري و ام طارق
بعد ماسلمو قعدو البنات بروحهم في صوب وام مشاري وام طارق في صوب
ام طارق : ها ياخويتي شخبار العروسه وياكم
ام مشاري : والله عسل البنت وادب واخلاق وماعليها كلام ولا تنسين اهي بنت صديق المرحوم الله يرحمه و نعرفها من يوم ماانولدت
ام طارق : الله يوفقهم في حياتهم

عند البنات
مشاعل : اخ يا شذوي انتي ماتدرين تره ريلج اخ منه كان ماتتم بنت الا يطقها وبعد ابوي على طول يهاوشه و يطقه وبعد مايتوب كان شيطان ومشكلجي كان كله يطق فيني وفي منور
منار : اي والله كان شراني ولا بعد اذكر مره لما كان عمره 14 كان يتسلق الشجره و قاعد يلقط لوز ماوعينه الا الغصن انكسر وطاح وانكسرت يده في ذاك اليوم ابوي عصب عليه وطقه
ويسوي له انته ريال وتسوي جي اشخليت حق اليهال
مشاعل : هذي ولا شي من الي يسويه اذكر مره كان عندي لعبه اهو عصب علي وخذاها فلتها عن الكلب الي كان عندنه تميت اصيح وكان يقول لي اذا تبينها لحقيها
شذى كانت ساكته وتسمعهم
مشاعل وكانها تتذكر موقف : ايي بعد تذكرون لما شذوي كنتي هني و يهد عليج الديج (ديك) ههههههههههههههه واي الي يجوف ويهج ذاك اليوم يقول جايفه يني هههههههه اتذكر تميتي تراكضين وتصيحين و تصارخين
شذى عصب : جب جب مااحب احد اييب هل طاري
مشاعل ومنار :هههههههههههههههههههه
منار : ولا بعد عقب لما يود مشاري الديج راحت عطت مشعل كف على ويهه ههههههه اتذكر عصب كان يبي يكفخها بس مشاري امنعه
شذى كانت تكره هل سيره قامت عنهم وراحت اقعدت مع فاطمه تمت تسولف وياها وتلعب معها في الالعاب
على الساعه وحده وربع وصل مشاري ومع زوجته وعياله
رهف : السلام عليكم
الكل : وعليكم السلام
دشو احمد ومحمد وسلمو على الكل و على طول راحو يلعبون ويا اليهال وكانت اسيل تمشي مع امها وماتبي احد يلمسها
منار : شفيها ست الحسن ماتبي احد يلمسها
رهف : بنتي ماتبي سبلان يجيسونها
منار : افاااااااا احين انا سباله
رهف : لالا مو انتي
منار : عيل
رهف : محد اسوله حبيبتي روحي سلمي على يدوه
اسيل : مابي
ياتهم شذى و اهي حامله جنان : اسوله حبيبتي تعالي وياي بعطيج حلاوه
راحت لها اسيل وباستها
شذى : جفتي تحبني واتييني
منار : مو عشان سواد عيونج مصلحه
شذى : مو يايبته من ابعيد واهي تطالع منار
منار : مالت عليج خلني اروح حق حمودي حبيبي و اوديه الالعاب واهي تعيب عليهم
مشاعل : اقول بعد لاتردين تمي وياهم احنه مانبي يهال ويانه سمعتي
منار : مالت عليكم كلكم
رهف : ها عروستنه شخبارج محلوه اليوم واهي تغمز لها
شذى استحت ونزلت راسها : عيونج الاحلى

رهف كانت لابسه جلابيه راقيه بلون وردي ويتخلله اللون الاخضر وكانت جنان فيها
رهف بيضه وحلوه وجسمها مليان و متوسط الطول

ام مشاري و ام طارق راحو يباشرون على الغدى ورتو كل شي و على الساعه ثنتين الا جهزو كل شي ونادو البنات وحطو حق الشباب في غرفة الطعام الخارجيه و البنات في الغرفه الداخليه
بعد الغدى البنات اطلعو في الحديقه عشان يراقبون اليهال واهم يلعبون و يسولفون اما ام مشاري وام طلال قعدو في قعده في الحديقه مكن الحصير


عند الشباب قاعدين يلعبون كوت بو اربعه
كان مشعل و مشاري فريق
و طلال وبوطارق في فريق
مشعل : اليوم مابنقوم الا واحنه غالبين
طلال : حريمتكم
مشاري : اقول عن الهذره ولعبون وبتجوفون في الاخير من بفوز اكيد احنه


مشاري ( انسان هادئ و في حاله و مايحب المشاكل و انسان متفهم وايد بس فيه ربشه بس على المزاج يعني الينون مايطلع الا نادر يعني وقت يكونون في المزرعه )

مشاري : انا بروحي بسبعه
مشعل : جوف لاتروح والا انته واثقه ترها بتييني عقب
مشاري : لاتخاف اثق فيني
بو طارق : اقول شرايكم بعد كل واحد يقول اوراقه حق الثاني
مشاري : هههههه والله ياعمي ودي بس الهوى ضدي

رن تلفون مشاري وكانت رهف متصله
مشاري : عن اذنكم لحظه وبرد
طلال : اقول مرتك هني وياك وانته مجابلها 24 ساعه انثبر محلك احسن لك اذا رجعت البيت كلمها
مشاري : ياشين اللقافه اقول اذا انته اتصلت الحكومه لاترد اوكي
طلال : ايي عشان تبيتني برع البيت انت ماتعرف اختك
مشاري هههههه بس خلاص عيل وراح بعيد شوي ورد : هلا روحي امري تدللي
رهف : هلا قلبي مايامر عليك عدو بالصراحه ماابي شي
مشاري : عيل ليش متصله ادري اكيد وحشتج و مشتاقه لي
رهف تكابر : لالا انا متصله بس عشان اسئلك لين متى بنتم
مشاري : يعني عشان بس جذي متصله ولا شي ثاني
رهف : بصوت مو مسموع عشانك واحشني موت
مشاري : اخخخخ ياقلبي ويلوموني في حبج
رهف : مشارييييي
مشاري : عيونه
رهف : اقول باي بروح حق البنات
مشاري : قولي تبين تشردين
رهف : هههههه اي ابي اشرد باي احبك
مشاري : وانا امووووت فيج و باس التلفون آه ياقلبي احبها

مشعل يه من وراه تحب من تخرع مشاري
مشاري عصب عليه : وانت حضرتك شتبي
مشعل ببرائه : جفت طولت وقلت اجوفك
مشاري : وحضرتك من متى واقف
مشعل : بس توني من هلا روحي امري تدللي
مشاري : بطل عينه لا صج احلف ويوده من اذنه عيب استح على ويهك قول لي شسوي فيك
مشعل مسوي روحه مثل اليهال : بابا انا اثف اخل مله

قطعهم طلال : ها انتوا شنو تسوون
مشاري هد اخوه
وراح حق عم يقعد وياه
طلال مسك يد مشعل : انته مرتاح في حياتك
مشعل : اي ليش
طلال : انته تركت مرام
ظل مشعل ساكت ومارد
طلال : مشعل سكتوك يدل على انك ماتركتها يا اخوي مايصير حرام تظلم البنت وياك وانته تعرف عدل انك هل بنت امك مابترضى عليها ولا احد من الاهل وخل البنت تروح في طريجها ولا تعلقها
مشعل : طلال الله يخليك لا تتدخل في حياتي وانا اعرف اشلون امشيها
طلال : كيفك بس انا حبيت اقول لك
مشعل : مشكور وماقصرت


البنات راحو غرفة منار وشغلو لهم شريط اغاني وتمو يرقصون و يسون لهم جو والي تمثل على الاغنيه يزعم اهي الي تغني ولا بطله الي يغني عليها المغني
بعد صلاة المغرب كلن راح بيته وتمو منار وشذى بروحهم
وام مشاري بعد طلعت راحت بيت الجيران عشان اليوم في محاظره اسلاميه واهي تحب تروح
قالت للبنات يروحون يواها بس منار عارضت وقالت لا نبي نتم في البيت وهناك قعدة حريم واحنه بنتملل
منار : شرايج نروح برع الحديقه و نطلب لنه شي وناكل صوب حمام السباحه
شذى : لا جوفي شي احسن
منار : هذي احلى شي الصراحه
شذى : اوكي نروح نسبح ونستانس عقب نطلب لنه شي ناكله


بدلو ولبسو ملابس السباحه
وراحو عند الحمام السباحه و خذو معاهم مسجله وشرط اغاني
عشان يسبحون ويرقصون

وفي نفس المكان كان معاهم شخص ثالث
كان مشعل يتمشى في الحديقه ويفكر في حياته وفي كل شي وسمع اصوات

راح صوب الحمام السباحه بس ماكان يبين
وجاف شذى واخته قاعدين يرقصون و عقب شذى اقعد و تمت تصفر حق منار
شذى : عاشوو ايوه وتصفق لها
عقب قامت شذى مره وحده ودزت منار في الماي
منار : ياالبايخه يا السخيفه
شذى : هههههههههههههه
منار : تعالي ساعدين
شذى : ماابي واهي تطلع السانها
منار : يالله تعالي ساعدين راحت لها شذى و اسحبتها منار وياها
شذى : حرام عليج
منار : عشان هل مره تعرفين شلون تدزيني

وتمو على هيلتهم لين الساعه 12
طبعا تم مشعل يراقبهم ويفكر في شذى (( اهي بنت طيبه وحبوبه بس اهي خانت ابوها وحب واحد يعني ممكن تخوني و انا بعد مو احسن منها انا قاعد اخونها بس ماادري شسوي
مااقدر اتخلى عن مرام افففففف انا ليش اتعب عمري في التفكير دام اهي ساكته خلها اذا تكلمت يصير خير )
وراح فوق عشان ينام


و بعد اسبوع في يوم الخميس كانو متفقين على روحة المزرعه
طول هل اسبوع ماصار اي احتاك بين مشعل وشذى اهي وقت الي يكون في البيت او في الجناح قاعد اهي تروح ويا منار او خالتها ام مشاري وبعض الايام تروح بيتهم و باتت ليلتين هناك


شذى تحب الخيول وايد بعكس منار الي تخاف منهم
طبعا راحو يوم الاربعه بالليل وباتو في المزرعه و اضطرت شذى تنام اهي ومشعل بغرفه بروحهم مشعل نام على الكرسي واهي على السرير
شذى قامت من الصبح لانها تحب اجواء المزرعه فتسبحت ولبست برمودا لونه وردي وفيه لون الجيوب رصاصي ضيج و لبست بوت طويل باللون الاسود وتي شرت لونه اسود مفتوح من الظهر و تحته لبست تي شرت وردي بحماه على الصدر وفي التي شرت رصاصيه قريبه من اللون الاسود من جدام رسمت بنوته على شكل ملاك بالون الوردي ومكتوب sweet angel ولبست حلق دائري و و حزام باللون الفضي و شعرها خلته مفتوح ولبست قبعه لونها وردي وفيها كتابه بالرصاصي وحطة كحل ومسكرا و شدو خفيف لونه وردي و قلوس باللون الوردي
اما منار لبست بنطلون جينز برمودا اسود ضيج و لبست تي شرت حفره بحمالات خفيفه لون بني و حزام بلون بني و لبست بوت ( وانتو بالكرامه) بني و خلت شعرها مفتوح وحطت بس كحل وقلوس ولبست نظارات عن الشمس
وكانو اول الواصلين بيت بو عادل الي اهو عم مشعل الثاني ومعاهم الجد محمد

بوعادل ( جاسم ) متزوج من ام عادل (امينه) وعندهم
عادل 29 متزوج سناء 27 وعندهم ايمان 8 و امينه 4 سنوات
محمد 20 شاب وسيم واخلاقه عاليه ومعجب في بنت عمه منار ويتمنى يتزوجها
و ريم 17 سنه

و بعدهم وصل مشاري و زوجته وعيلته و عقبهم بشوي وصلت مشاعل وزوجها طلال وكان معاهم عمتها ام طلال (خلود ) زوجها متوفي من 11 سنه و اخت طلال الوحيده الاء 16 سنه و عنده يوسف 20 و اخر العنقود حسن 14

الريايل راحو القسم المخصص لهم والنسوان قعدو في الصله الداخليه والبنات في الخارجيه


ريم : واخيرا جفناج يا شذى منار وايد تسولف عنج وتقول انج ربشه بالصراحه في العرس ماقدرنه نتعرف عليج عدل
شذى : انا بعد كان خاطري اجوفج لانه منور وايد تسولف عنج
ريم : صج احم احم صرت مشهوره الكل يسولف عني
الاء : طالع ذي مصدقه روحها وايد
شذى : هههههههه خليها تصدق روحها عادي تره
مشاعل : بنات شرايكم نروح صوب الخيول
منار : لالالا مانبي خلنه محلنه
شذى : ايييييييييي تكفو خاطري اروح هناك واهي تلتفت على منار بلييييييييييييز عاد
منار : مابي سمعتي قلت ماابي
الاء : خليها تلولي الخوافه
قامو البنات كلهم ماعدى منار الي قعدت محلها
رجعت لها رهف : منور حبيبتي قومي ويانه محد بخلي الخيل ايي صوبج
منار : لا ماابي
رهف : عشان خاطري
منار بتفكير : عشانج بس بيي وياكم بس بتم بعيد
الاء : ريمو ماقلتي لي شخبار قعدت البيت
ريم : افف ملل هل عطله حدها ممله ابي اسافر بس ابوي يقول ماني فاضي لكم
الاء: شذى بتكملين الدراسه ولا بتمين في البيت
شذى : اكييد بكلم قعدت البيت تملل
الاء تحرك حواجبها : اكيد تملل دام حبيب القلب في الشغل بتمللين
شذى سوت روحها مااسامعت
شذى : مشاعل الا ماجفت جنان وينها
مشاعل : مع ابوها تبي مشعل اهي وايد تحبه ومتعلقه فيه واهو بعد يحبها
شذى : اهااا ودي اجوفها وحشتني
مشاعل : اتصلي في القلب و خليه اييج و جوفيها بالمره اتجوفينه واهي تحرك حواجبها
شذى حست بارتباك : ها لا بس عقب اذا وقت الغدى اكيد بيبونها لج بجوفها
مشاعل : ليش خايفه يجوفج القلب ويتخبل عليج ولا يخليج تردين لنه
شذى فكرت في اول جذبه : اي بالصراحه اخاف يجوفني و لا يخليني ارد

عند الشباب
مشاري : شرايكم بعد الغدى نروح عند الخيول نسوي سباق او نلعب كوره قدم فريقين تحدي
طلال : نبي نلعب كوره
مشاري : عمي بو عادل تلعب ويانه
بو عادل : لا وانا ابوك ويني وين اللعب وانت جمال بتلعب وياهم
بو طارق : اكيد بلعب فيها كلام
مشاري : جوفو طلال و عمي جمال و يوسف ومحمد فريق
و الفريق الثاني مشعل و عادل و طارق

طلال : وحضرتك مو لاعب
مشاري : حبيبي انا الحكم
الجد محمد : يابوك واحنه الشيبان شنسوي
طلال يهمس في اذن مشعل : حتى يدي يبي يلعب اهو خل يقوم اول ولا يسمع بدال لايسجل في المرمه مال الفريق الثاني بسجل على فريقه
مشعل : ههههههه لو يسمعك تتطنز عليه بيكسر العصى على راسك
الجد محمد : وانتوا اشقاعدين تخربطون سمعونه الي تقولون ماتعرفون ان عيب تتساسرون وياكم ناس
مشعل : هههههه يدي انا مالي خص هذي طلال يقول شرايك انعرس يدي اندور له جي على مره حلوه وانعرسه
الجد محمد يمد عصاه ويضرب مشعل بالعدال : يا جليل الحيا بتعرسني عقب المرحومه ولا استح على ويهك احين انا يدك تقول لي جي
مشعل : يدي مو انا هذي طلالو اهو الي يقول
طلال :ههههههههه يدي والله خوش فكره نعرسك ونفتك مكن احنه
الي في المجلس اضحكو عليهم لان اليد وايد يحن عليهم في كل شي يعني اذا اخرو الاكل ولا ارقدو وقت متاخر << خبركم الشياب شلون
مشاري : يدي شرايك بعك نعرسك على انجليزيه تره بناتهم حلوين جي شقره
الجد محمد : اخر عمري تبي تعرسني على ياهل ولا عنقريزيه بعدين تقعد تخربط علي بلغتهم
بو عادل : يبه خوش فكره و شرايك بعد نعرس انا وانته في يوم واحد
محمد : يبه بقول حق امي
بو عادل : قول حق امك
يوسف : ههههه عمي الليله بتنام برع البيت
بو عادل : يبه اليوم برز ليس محل بييك
الجد محمد : ماعندي محل ولا ابي احد اييني في بيتي يزعجني
بوعادل : افا يبه تطردني
طلال يساسر مشعل : هههههه يدي عجيب مايبي احد وان احد راح له بوو الله يعينه مايسكت كله يحن و لا بعد يبي يسولف وانته اسمع وانت ساكت لا تقول بروح مني ولا مناك ياويلك تقوم عليك القيامه اقول لاتجرب تبات عنده ترقد في الشارع احسن
مشعل : ههههههههههههههههه ولا تذكر العام لما رحنه نبات يزعم انونسه ههههه يوم خلانه جنه في معسكر لا رقده مثل الاوادم رقدنه ولا سهر و ناكل مثل مايبي ونشرب حليب و مثل ماياكل ههههههه حلفت اني ماابات عنده
الجمد محمد : مشعل
مشعل : ها
الجد محمد : اضربه بالعصى استح على ويهك انا يدك تقول لي ها
مشعل : نعم امرني
طلال يضحك عليه قام اضربه بجتفه
مشعل : جب انت
الجد محمد : شخبارك مع بنت بو خالد
مشعل اعتفس ويه : بخير بخير يسرك الحال
الجد محمد : ان شاء الله مديم ها شد حيلك ونبي نجوف عيالك
مشاري : يدي توه معرس و تبي تجوف عياله خله شوي يستانس ويا المره
الجد محمد : اقول متى بحطون الغدى تراني متريق من فير الله قمت حق الصلاه وتريقت وماكلت شي

مشاري : ان شاء الله احين اخليهم يحطونه لك انته تامر
و اتصل حق امه عشان يحطون الغدى

ام مشاري : عيل وين البنات عشان ايون يتعذون لانه بعد شوي بنحطه
رهف : خالتي البنات راحو صوب الخيول وعقب قامو يتمشون في المزرعه
ام مشاري : رهف يمه اتصلي لهم عشان ايون
رهف : ان شاء الله
و اتصلت على مشاعل
رهف : الو شعول تقول لج خالتي تعالو عشان تتغدون
مشاعل : اوكي احين بنرجع
و صكت التلفون عنهم
مشاعل : بنات خل نرجع وعقب نكمل دوارتنه
و في هل لحظه اتصل طلال مشاعل : الوووو
طلال : احلى الو في هل عالم
مشاعل : طلالو مو احين انا ويا البنات
طلال : موااااح
مشاعل : طلول
طلال : عيونه اي حبيبي بعدين على العصر بنلعب كورة قدم ونبيكم اتيون وتشجعونه
مشاعل : افا عليك ولا يهمك اوك باي حبيبي اجوفك بعدين
طلال : باي تحملي بروحج

بعد الغدى الشباب بدلو ثيابهم وعلى الساعه 3 ونص
جي ابتدو عشان اللعبون مبارات وكانو البناات والنسوان وياهم عشان يطالعون وكل وحده تشجع فريق


شذى : بنات خل وحده اتيي وياي ابي اروح حق الخيول
منار : ليش ماتبين اتابعين المباره
شذى : لا مااحب كره القدم ولا تهمني
منار : كيفج
شذى : شعول بتيين وياي
مشاعل : اي بس لحظه بطمن على بنتي من الصبح ماادري عنها وبنروح انتي جدمي وانا بلحقج

شذى راحت حق الخيول و ركبت السرج و امتطت ظهر الحصان واهي تفتر شوي ياتها مشاعل تتمشى

شذى تتمشى على الحصان ومشاعل تتمشى صوبها
شذى : شرايج تركبين على حصان
مشاعل : لا مالي في هل سوالف بس تدرين القلب يحب الخيول
شذى : اي قلب ؟؟
مشاعل : يعني ماتدرين من اكو غيره مشعل
شذى : اهاا
مشاعل : بس تدرين كان يحب الخيل لانه ابوي يشجعه واهو دايم اذا يركب الخيل مع ابوي بس بعد وفاة ابوي ترك الفروسيه
شذى تمت ساكته ولا علقت لانه بالنسبه لها مو مهم هل شي
في هل لحظه ياتهم منار تركض و اهي تصارخ
منار واهي تلهث : لحقو لحقو اخوي مشعل ....




اتمنى ينال اعجابكم البارت

قرائه ممتعه
ابي تعليقاتكم وردودكم الي تشجع


الرد باقتباس
إضافة رد

كثر ما كرهته عشقته / بقلمي ,كامله

الوسوم
عشقته , كرهته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1736 25-03-2020 07:12 AM
بنينا بالفرح أمال دخيلك يالحزن لا تهدها / بقلمي ,كامله مكاويه 20 روايات كامله - يتم نقل الرواية هنا بعد اكتمالها 31 29-07-2013 11:02 PM
رواية وش تمنى ؟ أبي تبقى معاي و فيك أنا أتهنى / بقلمي ,كامله وشاء الهواء روايات كامله - يتم نقل الرواية هنا بعد اكتمالها 52 22-05-2013 03:06 PM
بوقت من البطا و بليل تتراقص شياطينه بعد شفت الضيا ينزع من ثياب المساء ثلثين / بقلمي ,كامله همسات منتثره روايات كامله - يتم نقل الرواية هنا بعد اكتمالها 66 13-05-2011 04:47 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 06:00 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1