غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 01-04-2010, 09:07 AM
صورة الجـَـنــluluـَـــَــوب الرمزية
الجـَـنــluluـَـــَــوب الجـَـنــluluـَـــَــوب غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


البـــــــارت الثـــــــالث

تعلمت احبس الدمعة
وأدور للبكاء .....}أوقات

.........}أوقات
.........}أوقات

حسيت جوالي يهز في جيب تنورتي الخلفي ...طلعته عشان اشوف مين..... رجعتلي الرجفه وبغى قلبي يوقف وانا اشوف الرقم اللي على شاشة جوالي.....عرفت صاحب الرقم على طول...هذا ياسر الزفت ....انا ما ادري من وين جاب رقمي....اكيد داق يبغى يعرف ليه انا ما داومت امس واليوم...اعطيته مشغول وقفلت الجوال ...
ودخلت المطبخ لقيت امي وخواتي حايسين علشان العزيمة حسيت اني مشتاقة لامي حيل........من بعد السالفة امس وانا ماشفتها ....رحت لها وضميتها من ورى وقلت بدلع:مامي اشتقت لك.
امي بسخرية:ايه باين الشوق .....وكملت وهي تبعدني عنها :ليلى وخري عني ماني فاضيه لدلعك ورايه شغل .
انا بحزن :ماما ليش تقولين كذا؟
انفجرت امي في وجهي وقالت بغضب:تسأليني ليش اسوي كذا .....اسألي نفسك ..يابنت عبد العزيز بن محمد الـــــــــ.......
ماهان على حضرتك تتنازلين وتقولين لنا وش صار معك لما رحتي مع اهلك.....ابوكي اللي مانام قلقان عليكي ..اخر شي تقولين له في الصباح نتكلم ... .....وانا ماهان عليكي تطلين علي ...تقولين تصبحين على خير يمه.......تدرين ان ابوكي قعد يستناك طول الصباح على امل انك تتعطفين وتتكرمين وتنزلين له وتطمنينه وتقولين وش صار معك....
.........بس انتي كبرتي المخدة ونمتي .....وكمان قافلة عليكي باب الغرفة...... ايش تقصدين بهذي الحركة...هاه
"انا كنت مذهووووووووووووووله من هجوم امي علي .....اهي ألحين ليش معصبة كذا......"
رديت بحزن وغصة:يمه انا مالي غنى عنكم.
امي بنفس الاسلوب :ايه واضح.
تدخلت اختي مدى بهدوء:خلاص يمه ....لاتفضحونا من الناس ...... قفلوا على الموضوع ......على الاقل ألين مايروحون الضيوف.
طالعت في امي شفتها رجعت لقدورها وطبخها .......اما انا اخذت عمري وطلعت من المطبخ....وعلى غرفتي ........ماني طايقه اشوف وجه احد...قفلت على نفسي ...وانسدحت على السرير و انخرطت ابكي بمرارة......ليش امي كذا قاسية ..ليش احس انها تدور اسباب تافهه بس عشان تثور وتعصب علي....يعني البارح كنت حيل متضايقة وما ابغى اتكلم مع احد ........وهي تجي اليوم وتزيد علي .......كنه ناقصني هم......موكفاية انها مجمعه امة محمد تحت .....موكفاية كلام اختها اللي زي السم ....... هذا بدل ماتخفف علي وتاخذني بحضنها وتهديني ....
واصلاً من متى وامي حنونة معي وألا تسأل علي وتاخذ اللي في خاطري .......آآآآآآآآآآآآآآآآآآآآه بس خلاص بقول لابوي(ابوفراس) بعد بكره بأسافرمعه وبريحها مني ........
تذكرت امي مناير وكيف هي حنونة ومشتاقة لشوفتي ........نفسي اكلمها الحين .....احس اني برتاح اذا كلمتها ...بس انا ما اعرف رقمها ......وخايفة ادق على فراس ....يرد علي العلة اللي اسمه فيصل.....




الله ياكبر الألم ...لوجاك من .../سهم الغريب
وشلون لاجاك السهم من شخص .../ عديته قريب




سمعت دق على الباب وصوت ندى :ليلى افتحي الباب ضروري.
رحت وفتحت لها وكنها انصدمت من شكلي .....دخلت وقفلت الباب وراها
قالت وهي تقعدني على السرير:ايش اللي صار
قلت وانا امسح اثار الدموع : شكل امي خلاص ماعاد تبغاني ...انا بكرة بداوم اودع صاحباتي واقدم استقالتي ...وبعد بكره بأسافرمع اهلي .
ندى بغصة :وإحنا مو اهلك
ليلى :امي ماتبغاني
ندى :مافي ام ماتبغى عيالها
انا ضحكت بألم :هذا انتي قلتيها .. مافي ام ماتبغى عيالها....وانا مو من عيالها .
ندى بقهر :انتي يبغى لك كف عشان تفوقين ....ليلى انا اول مرة اشوفك ضعيفة كذا.
ليلى:اللي امر فيه موهين ...فوق طاقتي ياندى ...والله فوق احتمالي ....ما اقدر ..مااقدر ..........ومحد حاسس فيني .
ضمتني ندى بكل قوتها وكأنها تبين لي انها حاسه فيني :والله حاسه فيكي ياليلى .
ظليت بحضنها فترة طويلة ابكي وهي تبكي ...
سحبت نفسي من حضنها وانا اقول: شكل ابوي زعلان مني عشان مانزلت له الصباح اقوله وش صار معي .
ندى بحب : تعرفين ابوي عمره مازعل منا ...بس هوكان قلقان عليك ويبغى يتطمن انك بخير.
تنهدة بضيق وحبيت اغير الموضوع فقلت:تدرين من قابلت امس؟
ندى :مين
ليلى بعبط :واحد ماتعرفينه.
ندى :اقول شكلك من زمان ماتكفختي ....قولي بسرعه مين.
ليلى : واحد من عيال عمي....اسمه فيصل ..قابلناه بالفندق.
ندى وكنها تتذكر :ايوه اول يوم جاء ابوكي وفراس شفنا واحد غريب واقف معهم.
انتفضت وانا اتذكر نظراته .......وصوته ...بس وقفتني كلمت ندى (شفنا)

ليلى بأستغراب :شفنا .......ليش من اللي كان يناظر غيرك
ندى بتريقه :ابوكي يالغيرة ...يعني خلاص ولد عمك ممنوع احد يشوفه ........."وشهقت فجأه وكملت "...إلا لايكون حبيــ ـ ـ ـ ـ
ماخليتها تكمل جملتها ....وكفختها بالمخدة اللي جنبي هذا اللي ناقصني ..احبه ....
ندى :تبغين تعرفين مين اللي قز ولد عمك المزيون .
"حسيت انها تبغى تقهرني ...عشان كذا طنشتها
بس هي كملت"
ندى بخبث:يالله البنات بغوا ينهبلون عليه.....طول وعرض ورزه وهيبه ورجوله .
قلت اتريق عليها :خلاص بنخطبه لك.
شهقت :ماهو متزوج .
رديت بلامباة:ماادري.
قطع علينا صوت الباب يندق.......وكانت شذى تبغانا ننزل للغدا....
خرجت ندى معها .....اما انا قعدت اعدل شكلي اللي تخرب من البكاء
اضطريت اني اغسل وجهي وامسح كل الميكاب .........واسوي من جديد
سرحت بفكري في فيصل .......معقولة يكون متزوج ...يمكن يكون متزوج وعنده عيال بعد ...إلا واحد في سنه مو معقولة مايكون متزوج...
وانا ايش دخلني فيه متزوج والا لا ......اصلاً اللي مثله ماهو وجه زواج ....ماهو فاضي الا للمغازل وقلة الحيا ....





خلصت شغلي ونزلت تحت عشان الغدا
لقيتهم تحت متجمعين سلمت وجلست جنب ندى على السفرة
وطاحت عيني بعين امي ...بس هي صدت عني للجهه الثانية........اثرت فيني هذي الحركة مرة.......
قعدت اكل بهدوء .........وطبعاً اشتغلوا عماتي وخالاتي وبناتهم اسئلة ......






>>>>>بعد العصر
رحوا كل اللضيوف بعد الغدا ......اما انا ماصدقت متى الناس تروح والبيت يفضى رحت على طول للمجلس .....استنى ابوي يرجع من الصلاة ....عشان اطمنه عني واعتذر
دخل علي فجأة وتعلقت عيوني بعيونه
.
...
.....
.......
ليه ساكت !
وداخلك زحمة حكي !
ليه تضحك وفيك عبرات وبكي !!
ماتعبت وقوف...... } ليه ماتتكي

........... } ليه ماتتكي
........... } ليه ماتتكي.
..
.....
تقدم مني وعلى وجهه ابتسامه غامضه :طولتي علي ياليلى .
حضنته وقلت : اسفة والله ماكان قصدي ...بس كنت تعبانة حيل بعد الصلاة فحطيتها نومة الى الظهر .
قال بحنان تعودت عليه :انا مو زعلان منك .... بس كنت ابطمن عليكي.
كمل وهو يمسح على راسي :كيفك الحين ؟
"بغيت اقوله تعبااااااااااااااااااانه بس الحمد لله مسكت نفسي في اللحظة الاخيرة ......ما ابغى ابوي يتضايق "
رديت بابتسامة اطمنه فيها:انا بخير ...دامك راضي علي .
وكملت بحماس :تدري اني امس كلمت امي مناير .....
ابوي بحب :يعني انبسطتي امس .
رديت بصدق :مررررررررررة.
قال بتردد: ابو فراس يبغى تسافرون خلال هالاسبوع لان عنده شغل مستعجل .
حطيت راسي على صدره :يبه اذا ماعجبتني العيشه هناك راح ارد لكم .
ابوي بحنان: بيتي مفتوح لك طول العمر.......صح بغيت انسى ابو فراس بيجي ياخذك الساعة خمسة .
"طالعت في الساعة لقيتها اربعة ونص يعني باقي نص ساعة "
ليلى بأستغراب :ليش؟
ابوي بعتب:ليلى....وشو اللي ليش ..... ابوكي يبغاكي تتعودين عليه ....انتي ياليلى بتروحين تعيشين معهم يعني لازم تتعودين عليهم.
ليلى باحترام:انشاء الله.

رحت لغرفتي عشان اتجهز للطلعه .....لبست عبايتي وقعدت على طرف السرير ......فكرت اروح اكلم امي قبل مااطلع ....بس غيرت رايي.....امي مو من النوع اللي يرضى بسرعة واكيد راح تقول لي كلام يغث .....
دخل علي حمني بسرعة:ليلى ابوك الجديد جاء ...
ضحكت على كلامه :هههههههههههههههههه
رحت له وحطيت ذراعي على كتوفه وقربته مني :ابوي الجديد ....من وين جبتها ذي.
قال ببراءه:علي اللي يقوله ..
وكمل:وين بيتروحين هذا ماهو وقت غدا ولاوقت عشا.
قلت بضحك وحنا نازلين مع الدرج:والله مدري عن ابوي الجديد.......يمكن عازمني على كوفي.

خرجنا للحوش ولقينا ابوي (ابوفراس) واقف في وسط الحوش ويلعب بجواله ....انتبه لي انا وحمني ....تقدم مني وعلى وجهه ابتسامه صادقه .......سلم على جبيني وبعدين حضني وهو يقول:وشلونك اليوم بخير؟
سلمت على راسه وقلت:الحمد لله بخير ...انت طمني عنك
ابوي بفرح: بخير يوم شفتك
انتبه لحمني وقال له:ايش رايك يابطل تروح معنا؟
قال حمني باحترام :لا والله روحوا انتوا ....انا وراي مذاكرة.
رد عليه :الله يوفقك.
انا وحمني :آمين .
ابوفراس:يالله ليلى....تأخرنا على فراس وفيصل ...قاعدين في السيارة يستنونا.
بغيت انجلط يوم قال ابوي انه في السيارة ....بالله ايش اللي جابه.....اللحين بيقعد يراقبني ويراقب كل حركه اسويها ......
خرجنا وطاحت عيني بعينه وشفت نفس النظرات اللي تخوفني منه ونفس الابتسامه مرسومه على وجهه.
ركبنا انا وابوي ورى وانا ايدي في ايده
انا وابوي :السلام عليكم
فراس وفيصل: وعليكم السلام.
فراس بتريقه:اخبارك يااحلى بنت في العالم.
عرفت انه يتريق فقلت بدلع:تمام يااحلى فراس في العالم.
فيصل بأبتسامة: شلونك ليلى.
ليلى :الحمد لله بخير.
رفعت عيني للمرايه لقيت فيصل يناظرني .....انا ليش اخاف من نظراته ....انا بنت عمه ولايمكن انه يضرني...بس غصب عني اخاف ....واحس برجفه ماهي طبيعيه
ابوي بأستغراب وبصوت واطي :ايش فيكي ترجفين!!
"مادري ايش اقوله ....اقوله ولد اخوك مسبب لي رعب"
ليلى بكذب:بردانة
ابوي يكلم فراس:فراس خفض من المكيف اختك بردانه.
فراس مستغرب :بردانة !!!
ليلى بأرتباك :ايه... شوي...
بعد فتره
وقف فراس السيارة وقال:وصلنا
طالعت مع الشباك شفت المكان اللي وقفنا فيه .....كان مول كبير .....شفت ابوي ينزل فنزلت وراه ومسكت بأيده وحسيته استانس من حركتي ... دخلنا المول ...ورحنا نجلس في كوفي
فراس :ايش تشربون ؟
ابوي : شاي اخضر
فراس يسأل فيصل :وانت ايش تبغى.....اه اكيد قهوه مره.
فيصل : لا.......ابغى عصير كوكتيل .
فراس :غربية ....من متى ذا التغيير.
فيصل وهو يناظرني : من اليوم .
فراس :الله يديم التفاؤل........." التفت علي وكمل" اما ليول بتجي معي .

ماصدقت خبر قمت على طول ابغى اهرب من نظرات فيصل ...مسك فراس بأيدي وهو يسولف ويعلق على الناس اللي حولنا ...اما انا ماكنت معاه كنت افكر في فيصل وكلامه اللي قبل شوي ...ايش يقصد بكلامه ...وفراس ليش استغرب من تغيير القهوة بعصير كوكتيل ....وليش قال له الله يديم التفاؤل ...يعني فيصل كان متشائم
فراس :ليلى ايش فيك ..
ليلى : هاه......مافيني شي.
فراس :من اول اسئلك ايش تبغين ...وانتي ماتردين .
ليلى بحرج :سوري .....سرحت شوي.
فراس بضحك: شوي ....الا قصدك كثير........هاه ايش تشربين.
ليلى :عصير فراولة.
فراس بعد ماطلب ..قال: احس اليوم مرة زحمة
ليلى :طبيعي زحمة.......اليوم تنزل رواتب الموظفين.
اخذنا الطلب ورجعنا لابوي وفيصل
ابوي: إلا ماقلتيلي ياليلى متى تبغينا نسافر ..... ترى يابنتي مااقدر اتأخر ....لازم نرد لان اخوك يزيد لوحده ماسك الشغل .
ليلى بحزن:خلاص عطني يومين ....وبعدها متى ماحجزتم انا راح اكون جاهزه
ابوي:خلاص انشاء الله راح نحجز بعد بكره
تنهدت وقلت :انشاء الله .
فراس :ايش رايكم نلف على كم محل .
ابوي بتأييد :يالله
قمنا كلنا لفينا كذا محل طبعاً اغلبها محلات عطور اوجولات
.........كنت امشي معهم وانا ساكته .....
دخلنا محل عطورات مرة فخم
وشدتني ديكورات المحل وطريقة ترتيب العطور ....مشيت ألين مجموعة عطور كان شكلها مره مميز اخذت اشم من العينات ....كانت ريحتها جنان ...

.بعد فتره انتبهت اني لحالي...تلفت حولي مالقيت لا ابوي ولا فراس ....
:على مين تدورين
شهقت بقوة من الفجعة ...
فيصل بضحك : ههههه خفتي ........سوري ما كان قصدي ...بس شفتك تتلفتين قلت اكيد تدورينا.
ليلى بخوف :وين ابوي وفراس
فيصل : عند الكاونتر هناك ......"واشر لي على مكانهم" .
"جيت ابروح لابوي وفراس بس وقفني صوته"
فيصل بتردد :ليلى
التفت عليه بدون مااتكلم ....
فيصل: ممكن تساعديني ......ابغى اشتري عطر نسائي بس مااعرف .
ههههههههههه ضحكت في خاطري ...اذا انت ماتعرف اجل من اللي مايعرف....
ليلى : ايه ...عادي
فيصل :يالله
شفته يروح جنب مجموعة عطور ويكلم العامل اللي هناك ...قعدت اتأمله فتره ...وحركة المسبحة اللي في ايده ..وخاتمه ..وساعته .....انتفضت لما التفت لي وكأنه عرف اني اتأمله ..اشر لي اجي له ...
فيصل :هذي اخر العطور اللي نزلت في السوق .
اخذت اشم في العطور واحد واحد..... في بعضها عجبني....بس فيه اثنين عجبتني ريحتهم مرة...كنت احس بعيونه تراقبني بدقه في كل حركة اسويها...
ليلى:هذول الاثنين احسن شي ....
فيصل :خلاص بشتري الاثنين .
فراس من ورانا : وينكم
فيصل :موجودين ...انت اللي وينك .
فراس :كنت مع ابوي .......ايش اشتريتوا .
فيصل وهويناظرني : ليلى ساعدتني ..وشريت عطر لامي .
فراس يناظر العطر ويضحك : هههههه متأكد انه مناسب لعمتي حصة .
ليلى باستغراب :ليش ماهو مناسب لها .
فراس :يعني كان شريتوا لها عود ..بخور ..ههههههههه موهذا .
فيصل بضحك : هههههههه ياشيخ خلها تغير العودة والبخور ....زي ماغيرت انا قهوتي .
حسيتهم يتريقون علي بس بطريقة غير مباشرة .....انا وش دراني ان العطر لامه ....لو ادري كان قلت له يشتري لها شي يناسب عمرها.......طنشتهم وجيت ابروح .
فراس :وين رايحه
ليلى بنبره بان فيها انها متضايقه: لابوي
فراس :لا يكون زعلتي
ليلى ببرود:لا عادي ...ليش ازعل
فراس :طيب انتي ماعجبك شي ....
ليلى:لا
خرجنا من المحل ولقينا ابوي برى يكلم بالجوال ..مشى معنا وهويكلم .....جلسنا على الطاولة ......... وهو وقف بعيد يكلم
فراس :صح اليوم دقيت عليك بس مارديتي .
"رفعت عيني لفيصل وانا اتذكر سالفة الجوال"
قلت : كنت نايمة .
فراس :ترى امي ...دقت بعد .
ليلى : ايه دق اليوم رقم غريب قبل ماتدق .
فراس :ايه اكيد هذا رقمها .
دق جوال فراس ...قام وهو يقول : هذي فاديا....."وراح بعيد يكلمها ".
كنت افرك يديني بتوتر ....وانا مقهوره من ابوي وفراس ...
عشان تركوني بلحالي معه.
فيصل :بشويش على ايدك ..شوفي كيف صارت حمرا.
طالعت فيه مستغربة .....
فيصل :ايش فيك ؟..
ليلى ببرود: مافيني شي .
فيصل :اليوم لما قابلت ابوكي "طالعته فكمل "ابوعلي ارتحت له.. باين انه رجال طيب .
ليلى بحماس :ابوي اطيب انسان في الكون ...عمري ماشفت انسان بطيبته .قلبه طاهر مايعرف الحقد والحسد .
فيصل :لانك بنته .
ليلى بحسرة :بس بالرضاع .
فيصل :ترى عمي عبد العزيز يشبه لشخصية ابوك (ابو علي).....وراح يجي اليوم اللي تفتخري فيه انك بنته......وحزتها بذكرك.

فضلت السكوت وماعرفت بشنو ارد عليه .....بعد فترة
جلسوا شلة بنات جنبنا وقاعدين يأشرون على فيصل ...وفيه وحدة كانت تأشر على الجوال .....شكلها تبغى ترقم
.... اما انا سويت نفسي اني ماانتبهت لهم
فيصل :ليلى ممكن نغير الطاولة .
ليلى :أيه عادي .
لما وقفنا بنروح ...تكلمت وحدة منهم
البنت :لذا الدرجة خايفه منها
حسيتها تبغى تستفزه .......>>>شكلها تحسبني زوجته وخايف مني
فيصل :الشرهه ماهي عليك ...الشرهه على اهلك اللي ماعرفوا يربونك .
البنت :ما اسمحلك تغلط على اهلي .
فيصل ببرود يبغى يقهرها:لو ان اهلك يهمونك ..وماتسمحين لاحد يغلط عليهم ...ماكان سويتي كذا.
حسيت ان الناس تناظرنا......فتدخلت عشان انهي السالفة :خلاص خلنا نمشي .
سمع كلامي ومشينا لطاولة بعيدة عن طاولتهم.
استغربت من ردة فعله .......يمكن يبغى يسوي نفسه محترم قدامي ........ويمكن انا ظالمته ...
شفته ينادي لفراس وابوي يعلمهم بمكانا الجديد
ابوي وهو يقعد:ليش غيرتم الطاولة .
فراس :هههههههههههههههههه اكيد عشان البنات اللي هناك .
ابوي :ههههههههههههههههه وهزئتهم .
فيصل بغيض: والله مابغيت اهزئهم......احتراماً لبنت عمي ......بس استفزتني وحدة منهم ....فأعطيتهم ذيك التهزيئه المحترمة...
ابوي وهويطالع ساعته:انا لازم ارجع الفندق عندي اوراق شغل لازم اخلصها.








راح ابوي ...اما احنا طلعنا فوق جهة المطاعم ....وتعشينا
....خلصنا على الساعه تسع..ورجعوني البيت
.......اول مادخلت لقيت اخواني وابوي قاعدين يستنون الفيلم اللي بينعرض التلفزيون .....
:السلام عليكم
الكل :وعليكم السلام.
رحت وسلمت على راس ابوي :وين امي
ابوي :قاعدة فوق بالغرفة .
قلت وانا اقوم :ابطلع لها .
طلعت الدرج رايحه لغرفة امي ..دقيت الباب ..ودخلت لقيتها توها مخلصة من صلاتها...بس قاعدة على سجادتها وتسبح بالمسبحة......رحت وحطيت راسي على رجولها :رضاكي بالدنيا يالغالية .
امي وهي تمسح على شعري :متأكدة ياليلى.
ليلى بغصة:يمه ليش تقولين كذا .
امي :ابوك قالي انك امس كلمتي امك ...وبعد كم يوم بتروحين لها .....وبتنسين امك اللي ربتكي ....انا اللي اربي واتعب وتجي هي بكل بساطه تاخذك مني .....
ليلى :انسى روحي ولا انساك.. انتي امي....محد يقدر ياخذني منك.......بياخذون الجسد ....بس الروح بتبقى عندك ..
طاحت على خدي دموع امي ...رفعت راسي وقربت اكثر منها لاول مره اشوف دموع امي ....فرحت ....ايه فرحت من كل قلبي ..امي القوية اللي عمر دموعها مانزلت ..نزلت على فراقي.......يعني تحبني...نزلت دموعي وقلت:لذا الدرجة انا غالية عندك.
امي :انا عارفة انك تحسبيني ما احبك...لاني شديدة معك...
"كملت بحزن" تدرين ان ابوكي رمى علي الخبر بدون مايحسب حساب لمشاعري ...كان يبغى يوصل لك الخبر بدون ماتنصدمين...وفكر هو واخوانك في ردة فعلك ...اما انا مااحد اهتم لصدمتي بالخبر ولالردة فعلي ....اصعب شئ على الام لما ياخذون منها ضناها ...ليلى انتي قطعة مني ......
"مسحت دموعها بيديني " وقلت:لا تبكين يمه... ترى والله اني مااستاهل دموعك.
حضنتني بقوة ...حضنتني بتملك ...حضنتي بحب
حسيت اني ابغى اظل طول العمر في حضنها
فكتني بهدوء وقلت :راح اكلمك بالجوال كل يوم ....وبجي في الاجازات .....
دخل علينا ابوي وهويقول :خلاص طاح الحطب .
انا وامي بصوت واحد :طاح
ضحكنا كلنا :هههههههههههههههههههههههههه
وخرجت من عندهم مبسووووطة وصلت غرفتي وبدلت ملابسي من اول ماحطيت راسي على المخدة رحت بسابع نومه.
ناس كنت افهم نصايحهم /..غلط
شرهم مع طيبهم فيني /..اختلط
اكتشفت ألحين انهم طيبين
آه يكبر السما .... }وكبر الحنين

.......... }وكبر الحنين
......... }وكبر الحنين







>>>>>>اليوم الثاني ..مستشفى الـــــــ

دخلت المستشفى وانا نص مبسوطة ونص حزينه ...... .....مبسوطة اني بفارق العلة ياسر و حزينة لاني بفارق اعز صديقة عندي ألين * _^
دخلت القسم وانا احس بضيقة ....سلمت على زميلاتي الممرضات اللي معانا بالقسم ......دعيت من كل قلبي ان ياسر اليوم مايداوم .....ماابغى اشوفه عشان مايغثني ........سئلت عن ألين قالوا لي بغرفة الممرضات ...رحت على طول يالله قد ايش راح افتقدها .....

تبقى رفيقي مثل ماكنت أناديك
وتبقى حروف اسمك بقلبي
// معاني//
ليلى بصرخة :ألين .
ألين وهي تحضني:ليلى.....وينك ....ليش غايبه يومين ...فيكي شي؟
قعدت وقلت:سالفة طويلة يا ألين ....يبغى لها قعدة ....انا الى ألحين ماني مصدقه.....
قعدت جنبي وهي تقول :يالله قولي ايش سالفتك.
بدأت احكي لها السالفة كلها بالتفصيل...... ما خبيت عنها شئ ........انا وألين مع بعض من ايام الدراسه ودخلنا التمريض مع بعض وتوظفنا مع بعض..... يعني موعشرة يوم اويومين ....(عشرة عمر)
من الحماس والاندماج في السالفة مانتبهنا للي كانت واقفة تتسمع ....بعد ماخلصت تنهدت وانا استنى تعليق ألين على اللي صار خلال يومين .....بس انتبهت لعايشه اللي واقفه تناظرني مستغربة من اللي قلته........عايشه هذي الجاسوس حق ياسر
يعني ألحين بتروح تقوله على كل اللي سمعته .....طالعتني ألين بس شافتني اطالع وراها...ألتفتت عشان تشوف انا بأيش اطالع وانصدمت من وجود عايشه
ألين :عايشه من متى وانتي هنا
عايشه وابتسامه النصر على وجهها :من زمان
انا انقهرت منها فقلت:الناس تدخل تسلم ....مو تتسحب زي الحراميه عشان تتسمع .
طنشتنا وطلعت ...تبغى توصل الاخبار لياسر
ليلى بخوف:بتروح تقوله ياألين.
ألين بقوة:وانتي ليش خايفة ...هذا اخر يوم لك هنا ...يعني مابتشوفينه ......"وكملت بغصة"بشتاق لك يادوبا.
"بكيت وحضنتني ألين وجلسنا نبكي ونسيت ياسر وعايشه..."


.بعدها راحت ألين لشغلها ....اما انا قلت بودي الاستقاله للمدير وبرجع لألين اودعها
وانا في الممر حسيت واحد يمشي وراي ....ألتفت بس مالقيت احد....كملت مشي وصلت لمكتب المدير ودخلني السكرتير...قدمت استقالتي ...والمدير ماناقشني وقعها كنه ماصدق ...قالي خذي ملفك وشهادة الخبرة ....بعد اسبوع ....قلت ابوي انشاء الله يجي وياخذها
خرجت من عنده .....وكنت ابرجع لألين اقعد معها شوي وبعدين اودعها......ماحسيت الا بذيك اليد اللي تمسك يدي و تسحبني بقوة لغرفة مظلمة
شهقت بقوة: انت

اجيهم
نيتي بيضا..
ويجوني في...} شكل اشباح

......} شكل اشباح
......} شكل اشباح
نهــــــــ البارت الثالث ــــــــاية


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 01-04-2010, 11:23 AM
!_! !_! غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


تجننن الرواايه ^^
من متابعينك ان شاء الله
بس وقفتك غللللط :|
حماااااس
اكيد انه ياسر
اببذبحه للو سووا شي ><
مدري ليش بس احس فيصل بيدخل خخخ

ننتظر البارت الجاي
اي يوم ؟ ^^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 01-04-2010, 01:44 PM
صورة الجـَـنــluluـَـــَــوب الرمزية
الجـَـنــluluـَـــَــوب الجـَـنــluluـَـــَــوب غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


اقتباس:
المشاركة الأساسية كتبها [ميكان] مشاهدة المشاركة
تجننن الرواايه ^^
من متابعينك ان شاء الله
بس وقفتك غللللط :|
حماااااس
اكيد انه ياسر
اببذبحه للو سووا شي ><
مدري ليش بس احس فيصل بيدخل خخخ

ننتظر البارت الجاي
اي يوم ؟ ^^


ميكان منوره ياقمر
ويسعدني انك تكونين من متابعين روايتي
واذا على الوقفه احسن عشان تتحمسون للبارت الجاي
وراح يكون البارت يوم الاثنين


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 01-04-2010, 02:24 PM
وقار الصمت وقار الصمت غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


لالالالالالالالالالالالالالالالالالا ماريد كذا نظام
خلي نزول البارت ثلاث ايام بلاسبوع

اتوقع اللي مسكها فيصل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 01-04-2010, 02:34 PM
عالي سماي عالي سماي غير متصل
©؛°¨غرامي جديد¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


بــارت روعه
تسلم الآيـادي

الي أخذهـا أكيد ياسر
بس شيبي منها !
خلها في حالهاا

وفيصل ..
شكله مب من النوع الي كانت تظنه ليلى



يسلموو
وبإنتظارج
: )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 01-04-2010, 03:54 PM
صورة audii الرمزية
audii audii غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


السلام عليكم
الروايه بكل معنى الكلمه روووووووووووووووووووووووووووووووووووووووعه
اهنيك روعه بجد
بس والله حرام عليك قطعتي علي كنت متحمسه ومتشوقه ومندمجه
بنتظارك قلبو
لا تتاخرين علينا متشوقه جداااااااااااااااااااااااااااااااااااااااااااااااا ااااااااااااااااااا
بنتظارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 01-04-2010, 08:53 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


بارررت رووعــــه

والله يحمى ليلى من حقارة وخسه ياسر الكلب

بانتظار البارت القااادم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 01-04-2010, 09:02 PM
صورة الجـَـنــluluـَـــَــوب الرمزية
الجـَـنــluluـَـــَــوب الجـَـنــluluـَـــَــوب غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


اقتباس:
المشاركة الأساسية كتبها وقار الصمت مشاهدة المشاركة
لالالالالالالالالالالالالالالالالالا ماريد كذا نظام
خلي نزول البارت ثلاث ايام بلاسبوع

اتوقع اللي مسكها فيصل






هلا وغلا وقار
اذا خليت نزول البارت ثلاث ايام في الاسبوع بيكون في ضغط علي.
انتظريني الاثنين


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 01-04-2010, 09:14 PM
صورة الجـَـنــluluـَـــَــوب الرمزية
الجـَـنــluluـَـــَــوب الجـَـنــluluـَـــَــوب غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


اقتباس:
المشاركة الأساسية كتبها عالي سماي مشاهدة المشاركة
بــارت روعه
تسلم الآيـادي

الي أخذهـا أكيد ياسر
بس شيبي منها !
خلها في حالهاا

وفيصل ..
شكله مب من النوع الي كانت تظنه ليلى



يسلموو
وبإنتظارج
: )



عالي سماي ياحبني لك ولتوقعاتك
فديتك منوره



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 01-04-2010, 09:24 PM
صورة الجـَـنــluluـَـــَــوب الرمزية
الجـَـنــluluـَـــَــوب الجـَـنــluluـَـــَــوب غير متصل
©؛°¨غرامي مشارك¨°؛©
 
الافتراضي رد: أمسح بمنديل الأمل دمعة الياس .. و أسخر من أحداث الزمن بإبتسامة / بقلمي


اقتباس:
المشاركة الأساسية كتبها audii مشاهدة المشاركة
السلام عليكم
الروايه بكل معنى الكلمه روووووووووووووووووووووووووووووووووووووووعه
اهنيك روعه بجد
بس والله حرام عليك قطعتي علي كنت متحمسه ومتشوقه ومندمجه
بنتظارك قلبو
لا تتاخرين علينا متشوقه جداااااااااااااااااااااااااااااااااااااااااااااااا ااااااااااااااااااا
بنتظارك
وعليكم السلام
تسلمين وانتي الاروع يا قلبو
دمتي بود


أمسح بمنديل الأمل دمعة الياس .. و أسخر من أحداث الزمن بإبتسامة / بقلمي

الوسوم
*البارت 15 صــ 112 , البارت الثالث ص7 , البارت الثالث عشر 92 , البارت الثامن ص40 , البارت التاسع ص58 , البارت الثاني ص 3 , البارت الثاني عشر 83 , البارت الخامس ص19 , البارت الحادي عشر صـ69 , البارت الرابع ص14 , البارت الرابع عشر ص 102 , البارت السابع ص31 , البارت السادس ص24 , البارت العاشر ص64 , الجـَـنــluluـَـــَــوب , امسح بمنديل الامل دمعه الياس واسخر من احداث الزمن بأبتسامه , تكملة البارت الثالث عشر 97 , روايه خطيييييييييييييره وجوناااااااااااااااااااااااااان , روايه رروووووووووووعه وه بس جنآن قليله فيهآ يامبدعه ق1
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
السفر عبر الزمن إمبراطورة الشتاء مواضيع عامة - غرام 10 08-01-2016 05:52 PM
عظام عضلات مفاصل أوتار أربطة آلنٌهَى صحة - طب بديل - تغذية - أعشاب - ريجيم 49 16-03-2008 07:57 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
الحياة أمل فـ الخفـاء ـارس مواضيع إسلامية - فقه - عقيدة 16 12-05-2006 01:44 AM
الحزن الألم الياس الأمل زهرة القمر مواضيع عامة - غرام 11 28-02-2005 08:53 PM

الساعة الآن +3: 03:47 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1