اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 01-04-2010, 01:29 AM
صورة yA30mRy الرمزية
yA30mRy yA30mRy غير متصل
©؛°¨غرامي مجتهد¨°؛©
 
الافتراضي رد: رواية فمان الله يا الغالي / للكاتبة : احساس


هالبارت كله كان عن خلود وبندر وتطور علاقتهم وإن شالله يرجع للسعوديه عشان يزيد الحماس ويسلموووو عالبارت وبانتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 01-04-2010, 08:14 AM
صورة ليل الغرباء الرمزية
ليل الغرباء ليل الغرباء غير متصل
©؛°¨غرامي مبدع¨°؛©
 
الافتراضي رد: رواية فمان الله يا الغالي / للكاتبة : احساس



يا زين الروايه زينااااه<<أحاول اوصل اعجابي
بندر و خلود
علاقتهم صح مبنيه على غلط بس عندي توقع بعييييد المدى وهو إن بندر يطلع ولد عم خلود،وراح تكون الأحداث الجايه افضع من البارتين السابقين




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 02-04-2010, 01:44 AM
صورة .Ǎℓ-Ż3έε₥ẩ«~ الرمزية
.Ǎℓ-Ż3έε₥ẩ«~ .Ǎℓ-Ż3έε₥ẩ«~ غير متصل
©؛°¨غرامي مجتهد¨°؛©
 
الافتراضي رد: رواية فمان الله يا الغالي / للكاتبة : احساس


رووووووووووووووووووووووووووووووووووعه

يعطيك العافيه مجرووووح

متابعه لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 02-04-2010, 06:49 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


""كل ليل دون صوتك ينقضي قهر وظلام
مثل طفل ضايع وسط الملا يصرخ كسير ""


بعــــــــــــــد أسبــــــــــــــوع

بندر توه راجع من سهره كالعاااااااااده..بس هالمره مزاجه مو شي لأنه تخانق مع عبود وشلته..دق موبايله..ناظر الرقم..تأفف..
بندر:أوووووف هذي شنو تبي..
ورد:أهلين
حنان:مسااااااااء الورد
بندر بصوت مبحوح وبدون نفس:مساء الخير..كح..كح
حنان ومبين في صوتها الخوف:فوفو قلبي شنو فيك..؟؟ متضايق..تعبان..ولا شنو؟؟
بندر وصوته تعبان:لاحوووووول إنتي بس تفاولين علي؟؟
حنان:لا مو قصدي بس صوتك مو تمام..
بندر وواضح إن ماله خلق:إيه تعبان..
حنان:زين ليه شنو فيك؟؟
بندر:لا والله والنشبه...أبد بس كثرت سقاير اليوم..كح كح<<الأخلاق عنده صفر
حنان:أنا كم مره حذرتك..وقلت لك هذي مامنها فايده..
بندر:وانتي شدخلك فيني..انا حر..أشرب ما أشرب شي يخصني..ومالك شغل فيني...كيفي فاهمه؟؟
حنان وهالمره بكت من اسلوب بندر معاها:أنا شنو سويت لك عشان تعاملني كذا؟؟..الفتره اللي فاتت كنا تمام شنو اللي غيرك؟؟..وبعدين ما اقول هالكلام إلا من خوفي عليك..فارس..انت تدري لو صار فيك شي..بيصير فيني بعدك..وصارت تبكي بشكل يحزن..
بندر عاد دينه ودين أهله دلع البنات وإنه أحد يبكي قدامه عشان كذا رحمها:خلاص مو قصدي بس انتي جالسه تحققين معي ساعتين..وانا توي راجع ومتخانق مع واحد من الشباب ومالي خلق حق هالكلام..
حنان وكانها هديت:خلاص ما صار شي بس مره ثانيه لاصرت كذا لا ترد علي وارسل لي مسج وقلي إن مالك خلق مو ترد وتحط حرتك فيني

بندر:زين...انا الحين تعبان وبنام..
حنان:يالله حبيبي نوم العوافي
بندر:..مع السلامه
حنان:باي..
وقفل.............."تنهد تنهيده طويله....انا متى بخلص من هالبنات..مليت وتعبت..كلللل يوم وحده داقه وكلللل يوم وحده تغثني ووحده تزعل ووحده تبي تشوفني ومايمديني أطلع لي رقم إلا الكل يعرفه...والله غثى!!!!!!"
وشوي ويجي له مسج..
((هاي بندر...اشلونك..يصير اكلمك...خاطري أقلك شي))
بندر بس شاف المسج ويبوس شاشة الجوال...."آآآآآآه فديت الساعه اللي عرفتك فيها...من جد هالإنسانه غير..ذوق..وأخلاق..وكل أنوثة العالم فيها<<لاوالله والأنوثه..."
واخذ موباليه ودق رقمها..
ردت :أهلين بندر
بندر وهو مستاااانس:هلا خلود شلونك؟؟
خلود بخوف:شفيه صوتك؟؟...مو كأنك تعبان؟؟
بندر:لا مو تعبان ولا شي..كح كح
خلود:لا واضح..جد والله بندر اشفيك؟؟
بندر:أبد والله كنت أدخن ويا الشباب والظاهر كثرت الجرعه اليوم؟؟
خلود عصبت:برضو تدخن؟؟...بندر ليه كذا...ليه تضر حالك؟؟
بندر:هو بكيفي..أنـــ......
قاطعته بعصبيه:إيه بكيفك!!
بندر بهدوء:زين هدي!!
خلود منفعله:اشلون اهدي مو سامع صوتك شلون صاير...انت تعبان..تدري شنو يعني تعبان؟؟
بندرببرود:وإذا؟؟
خلود وهالمره من جد عصبت عشان بروده:شنو وإذا...يعني ممكن يصير فيك شي بسبة هالدخان..تفهم؟؟
بندر:طيب هدي ترى السالفه ماتستاهل..كح كح
خلودبصراخ:والله!!!....الحين تبي تقتل نفسك وتقول ماتستاهل؟؟
بندر عصب:إيه ماتستاهل كل هالتعصيبه.. وبعدين انتي شدخلك منو اللي بيموت أنا ولا انتي...أقتل نفسي ولا ما أقتل نفسي..هذا شي راجع لي ومحد له شغل فيني انتو بس تحبون تتدخلون باللي ما يعنيكم؟؟ أووووف!!
خلود بهدوء ومنصدمه من اسلوب بندر معاها:كذا يعني؟؟....أوكي..مشكور...
بندر استوعب اللي سواه وكان يبي يعتذر:خلود أنـ............طوووووووووووووووووووط....قفلت قبل لا يتكلم..

رجع بندر يدق وهي ماترد...ودق أكثر من 10 مرات..
ولما فقد الأمل إنها ترد أرس لها مسج:
(خلود..والله مو قصدي أزعلك وما أقصد الكلام اللي قلته..أنا بس ما أحب احد يصارخ علي..وبعدين تخانقت ويا واحد من أخوياي ومزاجي من وقتها مو شي عشان كذا انفعلت وما مسكت نفسي..تكفين ردي..أبي أكلمك..)
وبعد فتره جاه الرد( شلون يعني مو قصد؟؟...رجاءا انتبه على كلامك قبل لا تقوله لي..ومو أنا اللي يرفع أحد صوته علي...وبعدين كل اللي سويته لأني كنت أبي مصلحتك..بس هذا وعد مني ماعاد اتدخل في شي يخصك..ومسألة أرد وتكلمني...لاتركت التدخين...دق علي وصدقني برد وبنسى كل اللي حصل)
بندر(خلاص أوعدك بتركه قريب بس ردي)
خلود(أنا قلت اللي عندي)
دق بندرعليها لقى جوالها مقفل..تنهد...وتزفتت نفسيته على ماهي متزفته..ونفس الشي قفل موبايله..
حس بألم بصدره تذكر الدوا حق القلب ما أخذه..راح لغرفة عهود..دق الباب..
عهود من جوى الغرفه:منو؟؟
بصوت منهد:أنا عهوده...بندر
خافت عهود على اخوها وفتحت الباب:أهلين بندر...شفيك؟؟
ابتسم بندر:لا ما فيني بس نسيت الدوا حق القلب ما أخذته اليوم...خلي الخدامه تجيبه مع كاس مويه..
عهود بشك:بندر..انت دخنت اليوم صح؟؟
بندر:إيه
عهود:زين ليه؟؟...ومو ناوي تتركه؟؟
بندر:من بكره انشالله..
عهود بفرح: والله؟؟
بندر:إيه انشالله.........يالله قولي للخدامه تعجل..انا بروح غرفتي..
عهود ومبسوطه:أوكي..

خلود بس قفلت موبايلها وترمي نفسها عالسرير وتجلس تبكي..."كنت محتاجتك وكنت ابي افضفض لك لأول مره بحياتي يابندر بس انت خربتها..خربتها بغباء...ليه تبي تقتل نفسك وتقتلني معاك بسبة سجاير...ما ألومك في اللي قلته!!...لأنك ماتدري شنو انت بالنسبه لي..ماتدري إنت شنو تعني لي...ووجودك بهالحياه قد إيه يهمني...ماتدري لو فقدتك لحظه إش ممكن يصير فيني عشان كذا أنا مألومك..ماألومك!!"
فعلا اليوم الثاني بندر بدأ بأول خطوه في ترك التدخين وعطى سامي خبر عشان يقدر يساعده..في البدايه سامي ماصدقه وتفاجأ بالإصرار اللي كان فعيون بندر..والجديه اللي ماخذ فيها الموضوع..واللي خلاه يتفاجأ زياده..إن كل هذا عشان خلود..فقرر إنه يساعد بندر قد مايقدر..خصوصا انه ناوي يبعد عن عبود وشلته..بعد مضاربة أمس...والهوشه اللي صارت..وهالشي حمس سامي كثير..
مر شهر كامل وبندر ماسمع صوت خلود مع إنه كان دائما يدق عليها بس كالعاده ماترد عليه ويرسل مسجات ونفس الشي..نفسيته طول هالشهر كانت زفت...وبس أحد يكلمه يولع ويقلب السالفه هوشه..
من ناحيه تعبه عشان محاولة ترك التدخين ومن ناحيه كثرالجفا اللي من خلود..وهالفتره مرت على بندر كأصعب فتره في حياته..وتعب فيها تعب فضييييع وكل هذا في النهايه لعيون خلود على قولته...طبعا أهله كلهم عرفوا انه ترك التدخين وكلهم استانسوا من قلب عالخبر..وساعدوه كثير..
في الأسابيع الأولى تعب بندر تعب مو صاحي..كان أغلب وقته بالبيت أو بالأصح عالسرير كان يحس حيله منهد ويحس إنه مكسر ومو قادر يسوي أي شي.....
بندر يكلم سامي: أقلك ما أقدر..!!
سامي:شنو ماتقدر لمتى وانت مسنتر بهالغرفه ما مليت..
بندر:مو بس مليت ياشيخ كرهت حالي..بس ما أقدر أقوم من هالسرير أحس حيلي منهد
سامي:زين حاول وأنا بساعدك.. بس بنطلع ندرج بالسياره!!
بندر:يالله...أمري لله..
وجا سامي يساعد بندر عشان يطلعون..
وبس وقف بندر على رجوله..:أقول سامي..انت روح شغل السياره وانا ببدل وبالحقك
سامي:لا ياحبيبي أخاف يوم تشوف السرير ما تقدر تقاوم وترقد ونهايتها تلطعني تحت..يالله بنتظرك هنا عند باب الغرفه وانت بدل بسرعه..
بندر ومبتسم ابتسامه كلها تعب:زين!!
خرج سامي ووقف عند باب الغرفه..
وبندر جلس يبدل ملابسه..

عنـــــــد باب الغرفه..
راكان:لالالا مو معقول صاحب السمو هنا ولا بوسط بيتنا بعد ما أصدق!!
سامي: عادي ياخي ازور خويي فيها شي؟؟
راكان:لا حياك البيت بيتك
سامي:الله يسلمك..أخبار أبو عبود؟؟
راكان:أخباري زينه..انت شلونك؟؟
سامي:تماااام التمام...بس اخوك هذا حاله مو عايبني..(عاجبني)
راكان:إيه والله كلش مولع بس تقوله كلمه يقوم عليك تقول ذابح أمه
سامي:هههههه لا الأخو مجرب!!
راكان:اووووووووه بقوه بعد..أمس كنت أسولف وياه وبس دق موبايله حطه سايلنت وكل مايدق يحطه سايلنت وكالعاده ترززت وجلس اعلق واستهبل معاه كان يقوم علي ويسب ويلعن كذا فجأه..كأنه كبريت
سامي:ههههههههه معليش صبروا عليه شوي..تعرف اللي يالس يسويه مب هين
راكان:وحنا شنو مصبرنا غير كذا
وهنا خرج بندر:تحشون فيني؟؟
راكان:لا نحش فيك!!
بندر:هاهاها ياسخفك روح بس روح
سامي:هدي يأبو الشباب
بندر:أقول رح شغل بس لايكثر
سامي|:زين زين..
راكان وهو يمشي بعيد عنهم:مع السلامه...يا....يا....وبعد شوي...يامسطره...وحط رجله
بندر:أنا مسطره يالنتفه!!
سامي:ههههههههه
بندرومعصب:وانت شفيك تضحك؟؟

سامي:لا ولاشي...
بندر:أنا مسطره هاه؟؟
سامي:لا حاشاك ههههههه
بندر:شايف شلون يتريقون علي؟؟
سامي:يحق لهم يتطنزون...ياعمي ماناظرت شكلك بالمرايه..مو شايف شلون صار جسمك...مررررره نحفان..
بندر:شنو اسوي..والله اني آكل..بس مايبين..
سامي:باين من هالأحزمه...كنت تلبسها كشخه والحين تلبسها محتاجها..
سكت بندر ومارد
سامي:أمووووت واعرف شنو مسويه فيك هالخلود وخلتك تترك التدخين وأنا من بديت تدخن وأنا أحاول فيك وعجزت..لا أقنعك
بندر:آآآآآآه ياسامي آآه...أنا نفسي ما أعرف وتبيني اجاوبك؟؟
سامي:الله يكون بعونك!!

خلود حالها كان أسوأ من حال بندر بكثير..مسألة إن بندر يدق عليها وتقاوم نفسها عشان ماترد..هذا الشي كان متعبها كثير..واللي متعبها أكثر مسجات بندر اللي كان مبين فيها اش كثر هو محتاج لها..وتعرفون حال خلود لما تعرف ان فيه شخص محتاج لها وماتقدر تساعده..
كانت كثير مرات تمسك موبايلها وتكتب مسج على أساس ترسله بس باللحظه الأخيره تكنسل..مرت هالفتره صعبه عالإثنين..بس المهم مرت..
ومره كان بندر طالع مع سامي..كالعاده عشان ينشغل وينسى اللي هو فيه..ورجع متأخر وتعبااااان ومررررهق...وأول ما دخل غرفته رمى نفسه عالسرير..
وبس غمض عيونه..ويدق موبايله..
حبيبي النهار ده لازم تعرف..
حبك عامل لي جناااااان.
أنا بحبك بحبك..حب ماحبووووش إنسااااااان
وآآآآآآه ياحبيبي....
هنا بندر سمع النغمه وجلس يكلم نفسه"هذي نغمة خلود...معقوله خلود داقه علي!!!!..لالالا أكيد جالس أحلم أنا...لا شنو أحلم الموبايل يدق..."وأخذ موبايله وناظر الإسم((غلاي))"لالالا هذي خلود مايبيلها كلام..إنشالله مايكون حلم بس"
ورد بعدماملت خلود وهي تدق..وبصوت متغيييييير وتعباااان حيييييل:هلا والله وغلا
خلودوقلبها متقطع على صوته:أهلين..
بندر بنبرة عتاب:أخيرا تكرمتي ياسمو الأميره وعطيتينا وجه!!
خلود:شلونك بندر.؟؟
بندر:بخير الحمد لله
خلود:والله بخير؟؟
بندر:آآآآآآآآه ياخلود..خليها على ربك بس!!
خلود وكل حزن العالم فيها:بندر بجد معليش عاللي حصل قبل شهر..بس أنــ.....
قاطعها:لا تعتذري ياخلود...أنا اللي المفروض اعتذر...أنا اللي غلطت وبجد آسف...
هنا خلود مو مصدقه بندر اللي مايعتذر لأحد قال لها"آسف"!! مستحيل..
بندر:خلود انتي معاي؟؟
خلود:إيه بندر معاك...معاك..
بندر:ماقلتي لي أخبارك؟؟
خلود:تمام....انت شخبارك؟؟
بندر:أهم أخباري اني تركت التدخين..
خلود بفرح:والله؟؟
بندر:إيه تركته..مو أنا وعدتك؟؟....
خلود:متى تركته؟؟
بندر:نفس اليوم اللي وعدتك فيه
خلود ومن جد استانست:الحممممد لله...ماتصدق اش كثر فرحني هالخبر..

بندر:إنشالله دوم فرحانه..لا وكمان تركت عبود اللي حكيتك عنه وشلته والبنات اللي كنت أكلمهم كلللللهم تركتهم..
خلود:بندر..أنا من جد مبسوطه عشان اللي انت سويته..
بندر:بس أنا ما اضمن لك إني ما أرجع
خلود:لا انشالله... بندر أنا أثق فيك واعرف إنك مستحيل تسويها
وكملوا سوالف مع بعض...ورجعوا مثل أول وأحسن بعد..ونفسياتهم اثنيناتهم تحسنت كثير..


بعد فتره فـــي بيت أبـــــــــــــــــــــــو فيصــــــــــــــــــــل
كانوا العائله مجتمعين بالصالون.. ويسولفون
بندر:أقول يبه...شرايك نقضي الصيفيه هذي برى لندن
عهود بحماس:إيه والله يبه..كلام بندر صح
دانه بنفس الحماس: والله فكره..
أبو فيصل بس أنا أغلبية هالصيفيه بكون مسافر برى ومشغول
أم فيصل:زين خذنا معك
أبو فيصل: أٌقلك إنا بسافر عشان الشغل يعني رحلة عمل..
فيصل:زين يبه شنو رايك دام إنك ما بتكون موجود هالصيف أخذ الأهل ونسافر..
أبو فيصل:وين تسافرون؟؟
بندر وعهود بنفس الوقت:السعوديه
دانه:إيه يبه السعوديه نبي نشوف عيال عمي وأخوالي ونتعرف على أهلنا
أم فيصل:العيال معاهم حق يابو فيصل..لمتى وهم ما يعرفون أهلهم
أبو فيصل:......................زين خلوني أفكر بالموضوع وبعدها أقرر.
بندر:ومتى بتقرر..يبه
ابو فيصل:ما أعرف بس إذا قررت بقلكم..
فيصل:خلاص يبه أنت فكر زين واحنا بنتقبل القرار سواء كنت موافق أو لا..
راح ابو فيصل وفيصل للشركه وأم فيصل كالعاده طلعت بسهره عند صديقاتها

راكان:والله؟؟؟..ابوي قال كذا
عهود:إيه والله..بس تتوقعون بيوافق أبوي أو لا
دانه:ما اعقد يرفض..وخصوصا إننا مع فيصل
راكان:بس اشلون نروح مع فيصل وابوي يحتاجه بالشغل
دانه:مو هذا اللي مخلي أبوي ياخذ الموضوع بهداوه ويفكر فيه
عهود:والله وناااااااسه يصير عندي بنات عم ويصير عندي أهل..
راكان:والحماس أكثر اننا بنشوف السعوديه أخيرا
دانه:وانت الصادق..سعوديين وما نعرف بلدنا.. والله حاله
بعدين انتبهوا لبندر اللي جالس معاهم ومنشغل بموبايله
راكان:أقول بندر ليه ما تشاركنا..
بندر وعينه بموبايله:في شنو؟؟
راكان:في الحوار
بندر:أنا مشغول
راكان بخبث:وشنو هالشي اللي اهم من اهلك؟.
بندر:وانت اش دخلك؟؟
راكان:لا بس فضول..
بندر ما رد على راكان..وراحوا راكان وعهود يلعبون بلاي ستيشن ودانه طلعت تكلم صديقتها أما بندر ما زال يمسج لخلود..
"أقلك مفاجأه كيف تصير مفاجأه إذا قلتها.."
خلود:"طيب هي حلو ولا لا"
بندر:"أكيد حلو وحلوه ونص بعد واتوقع تعجبك"
خلود:"زين متى بتقول؟؟"
بندر::"الفتره الجايه أنشا الله"
خلود:"أوكي..بندوري..انا الحين مشغوله اول ما اصير فاضيه بعطيك رنه"
بندر:اوكي"
بندر يكلم نفسه...:ياحلاة اسمي من هالبنت ولابعد الدلع شي ثاني..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 02-04-2010, 06:50 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


بـــــــــــــــعد أسبـــــــــــوع
دخل أبو فيصل وفيصل وتوهم راجعين من الشركه..وكانوا كل العائله جالسين بالصاله..

فيصل بإبتسامه:شباب هات البشاره..
عهود:بشارة شنو؟؟
بندر:اكيد أبوي وافق على سفرة السعوديه
أبو فيصل:أنا أقول هالولد ذكي طالع لأبوه..
عهود ودانه:أمااااااااانه تحكي من جدك؟؟
فيصل:إيه والله إبوي وافق وكاهو قدامك واسألوه..
ناظروا البنات أبوهم لقوه مبتسم ابتسامه تأكد كلام فيصل..
فيصل:لا وبعد فيه شي ثاني
الكل بحماس:شنو؟؟
فيصل:أبوي بعد شهر بيلحق علينا
أم فيصل:طيب متى بنمشي وكم راح نجلس هناك؟
أبو فيصل:انا قلت لفيصل يحجز برحله عالأسبوع الجاي أما كم بتجلسون إذا تبون الصيفيه كلها هناك..
عهود من الفرحه صرخت ودانه وراكان راحوا يجهزون اغراض السفره من زود الحماس وام فيصل راحت تدق على اختها عشان تبشرها وبندر على طول طلع غرفته عشان يكلم خلود..

خلود:هيااااا بندر كافي حرقة أعصاب..
بندر: طيب عندي مفاجأتين وما أعرف أي وحده فيهم أقول..أول
خلود:مو كلهم حلوين؟؟
بندر:أكيد
خلود:خلاص قول أي شي!!
بندر:طيب نتيجتي طلعت..
خلود بحماس:من جدك؟؟..طيب بشر كيف؟؟
بندر:ترى أنتي أول وحده تعرفين حتى اهلي ما قلت لهم..النتيجه تمام
خلود:يعني كم نسبتك؟؟
بندر:حنا هنا ما عندنا نسب زي عندكم
خلود:اجل..
بندر: والله هذي يبيلها شرح طويييل بس أعرف كيف أطلع النسبه وطلعتها..
خلود:طيب كم؟؟
بندر:توقعي..
خلود:أأأأأأأأأأ...89؟؟
بندر:لا
خلود:أقل ولا أكثر
بندر:لا أكثر
خلود:مستحيل أكثر من 93
بندر:لا
خلود:بندوري تكفى قووووووول
بندر وهو دايخ على الدلع:زين.......
خلود بقلة صبر:يالله.
بندر:97..
خلود بفرحه:والللله يعني زيي ألف ألف ألف مبروك عقبال الدكتوراه والماجستير بعد..بس ياخي شلون جبتها ذي احسك ما تذاكر..
بندر:الله يبارك فيك سمي علي بس الحين تديني عين أروح فيها.. وبعدين..ليه إنتي استلمتي؟؟
خلود:إيه قبل اسبوعين..ونسبتي مثلك97
بندر:طيب ما سالتي شنو المفاجأه الثانيه..
خلود بحماس أكثر:إيه شنو؟؟؟؟
بندر:العائله بيجون السعوديه..
خلود من الفرحه صرخت بقووووه..وبندر جلس يضحك ومن صرختها دخل عليها اخوها..:خلود سلامات شصاير..؟؟
خلودبربكه:لا بس صديقتي نجحت..
أخوها:كل هذا عشان صديقتك انجحت..
خلود:إيه..معليش ما قدرت أمسك نفسي..إيه [بنده] وكم نسبتك..
طلع اخوها من الغرفه..خلود:أووووووووه كنت بروح فيها..
بندر يضحك:الله يرجك ما تعرفين تصرفين..
خلود تذكرت:اللللللللللله ونااااااسه..أكيد مبسوطين اهلك
بندر عاد بدأ عنده الإستهبال:إيه والله كلهم بإستثنائي أنا
خلود بخوف:ليه مو مبسوط إنك بتجي؟؟
بندر:ومن قال إني بجي معاهم
خلود:يعني ما راح تجي؟؟؟
بندر:لا بروح الكويت مع سامي..
خلود تحطططططمت:..................
بندر:خوخه اش فيك ساكته لا تسكتين اللي فيني كافيني ترى
خلود:والله قهر..
بندر:ما عاش من يقهرك افا عليك انا اخلي اهلي يجون عندك بالسعوديه وما أجي معاهم..
خلود بفرح:يعني بتجي؟؟
بندر:أكيييييييييد خبل أنا أفوت هالفرصه؟؟
خلود:وااااااااااااااااااااااه حماااااس الله يرجك ما تعقل عن الإستهبال علي..
بندر:بس كنت ابي أعرف ردة فعلك..
خلود:زين عند منو بتجون يعني بأي مدينه..؟؟
بندر:أعمامي وأخوالي كلهم عندكم بالرياض
خلود:والله؟؟؟..ونااااسه.. وتستهبل:بتعرف على خواتك أجل
بندر يكمل استهبال:إيه والله خلاص أجل اتفقنا..
المهم جلسوا يسولفون ويستهبلون وبعدين قفلوا عشان بندر كان مواعد سامي..
************************************************** *******
بعد اسبوع..
الكل يجهز للسفر ومبسوط والفرحه مو سايعتهم..
دانه وراكان طبعا مجهزين اغراضهم من أسبوع وبندر وفيصل الخدامه جهزت اغراضهم..وعهود نفس الشي..
ويوم السفر الكل توجه للمطاربدري عشان الرحله ما تفوتهم.. بس بندر تأخر شوي لأنه كان يودع سامي بس وصل بالوقت


في بيت أبوسلــــــــــــــطان
أبو سلطان:تخيلوا ياعيال مين بيجينا
محمد: من غيرهم عماتي بدور وموضي وعمي محمد بعياله زي كل بداية صيفيه..
أبو سلطان:إيه بهذي معاك حق بس فيه ناس كمان..
الكل استغرب: منو؟؟
أبو سلطان:عيال عمكم أبو فيصل جايين واليوم ماشيين من لندن وبيوصلون بكره
أم سلطان:والله هذي الساعه المباركه اللي اشوف فيها عيال سلفي واتعرف عليهم..
الهنوف:والله..من جد وناسه وأخيرا بشوف عيال عمي عبد العزيز..
خلود:حماااااااس والله وبنفسها تقول"اكيد جايين بنفس رحلة بندر"
باسل:يبه هو عنده عيال بسني..
أبو سلطان:إيه أعتقد عنده ولد...واسمه راكان
باسل:أجل فله بيكون
سلطان:طيب يبه بيجلسون عندنا ولا بيستأجرون ولا اشلون..
أبو سلطان والله ما اعرف بس مااتوقع بيرضون يجلسون عندنا
سلطان:بس يبه ما يصير يروحون يستأجرون وحنا مو جودين والبيت إش كبره ويكفي كل اعمامي بعد..والدور الثالث والرابع فاضيين هذا غير غرف
الضيوف اللي بالدور الثاني..
أبو سلطان:إيه والله معاك حق ياولدي.. بس انت خلهم يوصلون بالسلامه وبعدها نشوف..
دخلت الجده شيخه
راح لها إبو سلطان وحب راسها ويدها والعيال كلهم نفس الشي..ولما جات خلود بتحب راس جدتها..صدتها
خلود:هو يمه شيخه إش فيك ما تبيني أحب راسك.؟؟
الجده بزعل:لا انتي بالذات لا..
خلود بابتسامه:أفاااااااا ياشيخه تزعلين مني انا
الجده:وجع انشا الله شيخه في عينك اصغر عيالك انا!!
خلود:ما عاش اللي يزعلك يمه..وحبت راس جدتها..
الجده:إسم الله عليك ..بس ماعاد نشوفك..صرت أشك أنك بالبيت معانا
خلود تصرف:إيه يمه مو الدراسه شاغلتني..
الجده:والله اللي أعرفه ان الدراسه مخلصه لها شهر وزود..بس والله ان عاد تكررت لأحش رجولك حش وياويلك نجتمع مره ولا شوفك معانا
خلود بنفس الإبتسامه اللي ما فارقتها:تامرين أمر يالغاليه..يعني مو زعلانه.؟؟
الجده:وأنا أقدر ازعل على عيال سلطان..
العيال:ياهووووووووووه ..
وجلسوا العائله كلها يسولفون ..بإستثناء خلود اللي غابت عنهم شوي عشان تمسج لبندر..
جا أبو سلطان بيقول لأمه على عيال أخوه أنهم جايين بس باسل أشر له إنه أنا اللي بتكلم
باسل:أقول:يمه شيخه..
الجده:نعم إش عندك..؟؟
باسل:جهزي البشاره..
الجده بحماس:ليه..نجحت..؟؟
الكل يضحك على تفكير الجده..
باسل:الله يهداك يمه الحين توك تقولين الدراسه مخلصه من شهر وزود وأنا من زمان قايل لك إني نجحت..
الجده:إجل البشاره على شنو؟؟
باسل:فيه شخص غالي على قلبك بتشوفينه قريب..
الجده:منو..
باسل:عمي أبو فيصل..عياله جايين بكره من بريطانيا
الجده وهي تبكي:الله يبشرك بالخير..كنت خايفه يجي يومي وأنا ماشفت عياله...
أبو سلطان:بعد عمر طويل يمه..الله يحفظك ويخليك لعيالك..
************************************************** ************************
خلوني اتكلم عن عائلة أبو سلطان شوي
أبو سلطان(عبد الله):هو اكبر أخوانه(50) سنه من اكبر رجال الأعمال..يدير شركات العيله اللي بالسعوديه وهو أب حنووووون ويحب البنات كثييييير ومن ناحية الحاله الماديه ممتااااازه
أم سلطان:هي زوجة ابو سلطان اسمها نوره (45) سنه حنونه وطيبه بس جديه مره وتخاف على عيالها كثير
سلطان:الولد الكبيرعمره(25) سنه الساعد الايمن لابوه وأقرب عياله له متخرج من الجامعه قسم(إدارة أعمال)شخصيته قويه وحازمه بس حنون ويحب الأطفال كثير ومن ناحية الجمال فهو جميل ما عليه كلام من هالناحيه...إذا عصب يخووووف مره ومايهدى على سيره بس مايعصب إلا نادرا وعلى شي يستاهل
محمد:عمره(22) سنه متخرج من الجامعه قسم (هندسة كيمياء)طويل وبشرته حنطيه..ملامحه جذابه.. ولما يتكلم ويبتسم شكله خطييير وعنده نظره تخلي الشخص اللي قدامه يفههههي... فلاااااوي مررررره خصوصا لاجتمع مع اللي بسنه
الهنوف:عمرها(20) سنه حلوه وهاديه بشرتها بيضاء شعرها طويل واسود مايل على بني ملامحها هاديه وتدخلك جووووو خصوصا مع نظراتها الهاديه والواثقه بنفس الوقت ..جسمها معتدل من ناحية الطول والعرض تدرس بالجامعه قسم (هندسة ديكور) حبوبه ودمها خفيف..
خلود:عمرها(19- 18) سنه بثالث ثانوي ....مزاجيه ومزاجها متقلب مرررره..ملامحها جنااااااااااااااان وتدوخ وتعتبر من أجمل بنات العيله..شعرها لنص ظهرها كيرلي ناعم..انفها طويل ومتناسق مع عيونها العسليه الوسيعه مع الرموش الكثيفه..يعني العيون لوحدها عالم فمها صغير وليان وشفايفها ورديه بلون التوت طولها متوسط وجسمها مررره خطير ..عندها كبرياااء فضييييع وتكابر كثير
باسل:اصغر من خلود بسنه عمره(17) بثاني ثانوي وهو اقرب واحد لخلود جميييل جدا وشفايفه شي عذاااب وهي ببساطه أجمل شي فيه..يمووون على كل البنات وتصرفاته وتفكيره مو على سنه..
أسامه:اصغر العيله وآخر العنقود عمرسنوات..ينأكل أكل
الجده (شيخه):جدة العائله كلها وملح البيت..حبوبه وطيبه وحنونه وأغلىشي عندها عيالها..أما عيال عيالها..قاسيه عليهم شوي بس من داخلها تحزن عليهم دائما..كل شي يمشي على شورها وأولادها شايلينها شيل..
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
نرجع لخلــــــــــــــــــــــــود
خلود على طول طلعت بغرفتها عشان ترسل لبندر مسج لقته مرسل لها:خوخه أنا بعد نص ساعه بركب الطائره وانشا الله كلها يوم أو يومين واكون عندك بالسعوديه "
خلود بس قرأت كلمة يوم او يومين عورها بطنها وحست بخوف من قربه والفرحه بنفس الوقت مو سايعتها فأرسلت:
بندر..عيال عمي كمان جايين اليوم بنفس رحلتك..وانا حيييييل مستانسه..بس تكفى لا تنسى دعاء السفر وانتبه لحالك زين واول ما توصل طمني عليك..أوكي؟؟"
قرا بندر المسج وابتسم وبعدها قفل جواله وركب الطائره هو وأهله والكل طااااااااير فرح..
وبندر طووووووووول الطريق بس يناظر الناس ويدور على عيال عم خلود ولا تسألون اشلون لان هو نفسه مايدري..
بس الحب يسوي أكثر من كذا..
بندر وهو بالطائره"ياترى بشوف خلود في هذي السفره أو لا .....والله وناااااااسه لو أشوفها الفضول ذابحني لأبي أعرف إش لون شكلها..حلوه ولا عاديه ولا شينه...لا لا أكييييد حلوه..أساسا صوتها لوحده يدوخ وأكيد شكلها نفس الشي....."
فيصل:هيييييييييييي....بندر...وبصوت عالي...بندر!!
بندر انفجع:هاه....نعم وجع انشا الله تراني جنبك لا تصارخ..
فيصل:إيه واضح جنبي..بس جسمك اللي جنبي واللي ماخذ عقلك يتهنا به,,
بندر بنفسه"والله مو ماخذ عقلي غيرها"
فيصل:رديناااا...إنت شنو فيك بالضبط كل ما أكلمك تسرح لهالدرجه تفكر فيني؟؟؟
بندر:إنت؟!!!...والله إنك آآآخر واحد أفكر فيه
فيصل:إيه أدري الاولويات لغيري!!<<يلمح..
بندر:زين إنك تعرف..بس إش تبي ما قلت أخلص..
فيصل:ياخي إنت مررررره ماعندك وقت..طيب أنا أكبر منك احترمني عالأقل..
بندر ومسوي نفسه مؤدب:طيب ياخوي..ياحبيبي..امر تدلل..شتبي
فيصل:وعععععع..مرررره مو لايقه عليك الأخلاق..
بندر وبدا يعصب:فيصلووووووه اخلص لأتوطا فبطنك..
فيصل:ههههه ياخي شكلك خطير وانت معصب..
عطاه بندر نظره
فيصل:خلاص خلاص بقول...عند منو من أعمامي نروح..؟؟
بندر:الحين مسويلي سالفه ومفقع راسي بهالصوت وبالنهايه..ويقلد صوته-"عند منو من أعمامي بنروح"..بس تصدق ما فكرت فيها؟؟...بس أكيد عند الكبير منهم..
فيصل:حتى انا أقول كذا بس أخاف نروح ويكون البيت مايكفي..
بندر:زين..نستأجر..
فيصل:بس انا ما أعرف أي مكان بالرياض..
بندر:عادي نسأل عمي..
فيصل:وقولتك بيخلينا نستأجر..
بندر:ياخي خلها لوقتها ونشوف..
فيصل:طيب..كم تبون نقعد..؟؟
بندر:إسأل أمي وخواتي..
فيصل:خلاص لا وصلنا هناك قررنا..
بندر:أي أوامر ثانيه..استاذ فيصل..
فيصل:لا مشكور..ولا أقول إيه..أبيك تسولف معي
بندر:حسبالك ما عندي غيرك..
فيصل بخبث:ليه شعندك؟؟
بندر:اخطط للمستقبل..
فيصل:يعيييينك قال إيش يخطط للمستقبل..هههههه
وجلسوا فيصل وبندر طوووول الطريق مره يسولفون ومره يتناقرون ومره يسرح بندر بعاااالمه..
ولما قربت الطائره من مطار السعوديه..قاموا البنات ولبسوا العبايات ولفوا الطرح وسووها رميه ومررره ما كانوا عارفين بس مشوا أوضاعهم..
************************************************** *******
اليوم الثاني بالليل..
الكل اجتمع ببيت أبو سلطان..وهم..عائلة أبو سلطان طبعا+عائلة العمه أم عادل+عائلة العمه أم خالد +عائلة العم أبوعبد الله.. بالإضافه لبنت خالتهم..أم مهند وعيالها(أخت أم فيصل)..+الجده شيخه والعم فارس..راح تتعرفون عليهم كلهم بالأحداث الجايه..

الساعه9:30 توجه أبو سلطان وأولاده محمد وسلطان وعيال عمهم.. عبد الله وماجد بالإضافه إلى خالد وفراس..
************************************************** ***************
في بيـــــــــــــــــــت أبو سلطــــــــــــــــــــــــان
الهنوف:بنات اشلون تتوقعون بنات عمي عبد العزيز؟؟
خلود:احسهم فللللله
الهنوف:اشلون حسيتي انهم فله وانتي ماشفتيهم يالخبله؟؟
خلود:خبله في خشمك..يعني بحكم انهم عايشين برى أكيد إنهم متفتحين وفله..
فرح:أحس اني مستااااانسه عشان بشوفهم..
لميس:بنات إش رايكم بلبسي..أحسه مو مره؟؟
آلاء:والله يافرح اختك بعالم والناس بعالم...الحين جالسين نتكلم عن عيال عمي ودخلت عرض ب(وتقلد صوتها) "بنات إش رايكم بلبسي أحسه مو مره"...
لميس:أقول سكتي لأتوطا ببطنك..
مرام:تبين أساعدك..
آلاء تتريق:يمه..اجتمعوا الشباب..بصراحه خفت..
لميس ومرام ناظروا بعض وابتسموا أبتسامة نذاله وبعدها طالعوا آلاء..راحت مرام ورى آلاء ومسكتها من يداتها وآلاء تصرخ وقربت منها لميس.:الشباب هاه؟؟...أنا الحين أوريك إش يسوون الشباب..
آلاء وتصارخ:يمـــــــــــــــــــــــــه لحقي علي..يمـــــــــــــه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 02-04-2010, 06:56 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


دخلت أم سلطان:خير انشا الله ليه كل هالصراخ صدق ما تستحون على وجيهكم..وانتي شفيك كن احد ذابحك..
طبعا لميس ومرام اول ما شافوا ام سلطان تركو آلاء..
آلاء:خالتي شوفي لميس ومراموه يبون يضربوني..
أم سلطان ناظرت البنات وهي تهز راسها:ما تعقلون أنتوا ياهالبنات..مادري شلون بتتزوجون..حنا زمان اول البنت وهي بسنكم كنها وحده بالثلاثين من عقلها ومتزوجه وعندها عيال وجالسه مع الحريم مو مثلكم يا بنات هالجيل الوحده ما صارعندها حيا..وكنها جاهل(طفل)و...........و............و......إلخ
وعطتهم محاظره طوييييييييييله عرييييييييضه..
وبعد ما طلعت ام سلطان.. الكل التفت على آلاء
آلاء بخوف:خير
فرح:زين كذا؟؟....خليتونا نتهزأ ونضطر نسمع هالمحاضر من خالتي..؟؟
شذا:بصراحه خالتي صادقه فيكم..
الهنوف:والله أنكم على قولة امي أطفال..
حلا:ما احب أحد يهزئني..كذه..وأنا مالي ذنب
شذا:لا هذي التهزئيه خاصه في الثلاثي المرح
مرام ولميس فطسوا ضحك لأن الكل انقر من آلاء وهزأها<< طبعا هم اعتبروا التهزيئه لآلاء مو لهم...
شوي جو التوأم ريماس وأسيل ويصرخون:خالتي (زهور) جات!!<<أم مهند
بعدهم:دخلت جمانه:سلااااااااام بنات كيفكم؟؟..
الكل قام يسلم على جمانه وسمر ورهف وديما بنات ام مهند..
وجلسوا كل البنات بغرفة الهنوف..ويسولفون..والحريم كانوا بالصالون ونفس الشي يسولفون والرجال والشباب بالمجلس مع بعض..
جا لخلود مسج من بندر:خوخه..انا بندر وهذا رقمي توني شاريه... وصلت السعوديه وماتتصورين اش كثر مستاااانس وخاطري اكلمك بس والله تعبااااان من الطريق معليش اعذريني"
فردت خلود:"الحمد لله على سلامتك بندر..وانشا الله دوم مستانس ومبسوط اول ما توصل بيت عمك نام وارتاح ولما تصحى عطني رنه"
علي.."







نهآآآآآآآآآآآآآآآآآآآآىية البآآآآآآآآآآآآآرت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 02-04-2010, 09:16 AM
صورة ليل الغرباء الرمزية
ليل الغرباء ليل الغرباء غير متصل
©؛°¨غرامي مبدع¨°؛©
 
الافتراضي رد: رواية فمان الله يا الغالي / للكاتبة : احساس



البارت مشوووق
بليييز مجروح نزل اليوم بعد بارت ثاني متحمسه أعرف وش راح يصير بين بندر و خلود؟
بلييييز




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 02-04-2010, 12:00 PM
صورة - مرآم الرمزية
- مرآم - مرآم غير متصل
©؛°¨غرامي نشيط¨°؛©
 
الافتراضي رد: رواية فمان الله يا الغالي / للكاتبة : احساس


/



روآيـه فِـي قمــة الروعـه


اعجبتـني كثيـر ~


سـجلني متآآبعه معآكـ مجروحـ


لحد آلحين وصلـت لَصفحـه 4


متآبـعه معآكم للنهآيـه بإذن الله


بس بليــز أتمنى فـي البآرت القآدم يكـون الـخط أكبر من هذآ مثل يلي كــآن بآلصفحآت الأولـى


وشكرآ~



/

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 02-04-2010, 06:11 PM
صورة - مرآم الرمزية
- مرآم - مرآم غير متصل
©؛°¨غرامي نشيط¨°؛©
 
الافتراضي رد: رواية فمان الله يا الغالي / للكاتبة : احساس


/

..


وهـ توي مخلصـه من قرآءة البآرتــآت


واااو فيني حمآس آعرف شعور خلود و بندر لما يعرفون انهم عيآل هم واااو موقف مآيتفوفت


متحمسـه مرررهـ بليز ما تطول كثيـر


يعطيكـ العافيه على هالقصــه الرآئعه

بآلآنتظآر ~


/

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 02-04-2010, 06:24 PM
صورة مياده الرمزية
مياده مياده غير متصل
~²؛؛²~ (جالسةأحتريـكـ بين الـثلـوجـ) ~²؛؛³~
 
الافتراضي رد: رواية فمان الله يا الغالي / للكاتبة : احساس


يسلمــــــــو البي

الرد باقتباس
إضافة رد
الإشارات المرجعية

رواية فمان الله يا الغالي / للكاتبة : احساس ، كاملة

الوسوم
للكاتبة:احساس , الله , يالغالي , رواية , فمان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية الموت ما هو من الفرقى و طاريها .. الموت لا طاحت عيوني من عيوني / الكاتبة : أحلى بدوية ، كاملة رايقه بقوه روايات كامله - يتم نقل الرواية هنا بعد اكتمالها 264 14-02-2017 05:57 PM
رواية قلوب محطمة بأحضان المجهول / للكاتبة : غدير الحربي ، كاملة رووح الجوري روايات كامله - يتم نقل الرواية هنا بعد اكتمالها 1464 30-07-2016 12:03 PM
من يحبك كثر ما أحبك أنا / رواية للكاتبة : جنيه إن ذى قوطي ، كاملة ♫ معزوفة حنين ♫ روايات كامله - يتم نقل الرواية هنا بعد اكتمالها 95 25-04-2016 12:51 PM
دنياك دنياي / الكاتبة : لح ـظة وفا ، كاملة ↙ツ آًﻤـيـﯜﯢڒهےツ ↘ روايات كامله - يتم نقل الرواية هنا بعد اكتمالها 241 17-10-2015 04:47 PM
رواية أقول إنسى تمر ذكراي / للكاتبة : رحلة ألم ، كاملة العـــزوف روايات كامله - يتم نقل الرواية هنا بعد اكتمالها 88 13-04-2011 01:28 AM

الساعة الآن +3: 07:46 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1