اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 05-04-2010, 02:48 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


وقاموا الشباب وهمه مطرررررررطعيييييين..
محمد:أنا ما أعرف إش بروسهم هالبنات..
ماجد:وانت الصادق مدري عمي إشلون وافق لهم على هالهبال..
بندر وهو يضحك:إنتو إشفيكم معصبين..عادي وإذا البنات ركبوا دبابات وبعدين عمي قال..دامهم مسترين خلاص..
محمد:بس يابندر..هنا بالسعوديه الوضع ما يسمح
بندر:الحين مو أعمامي هم اللي مربينهم.؟؟
ماجد ومحمد:إلا
بندر:خلاص..أكيد عمي ما وافق إلا هو واثق من تربيته لهم..وانشالله هم قد الثقه..
محمد:ياخي إنت عندك اسلوب أبو كلب..ماشالله كلامك يقنع اللي ما يقتنع..
بندر:مشكوووور..
ماجد:بس انا بقي ما اقتنعت وحتى لو اقتنعنا حنا البقيه ما راح يقتنعون..
بندر:زين إش رايكم..نقترح على عمي..إننا نركب مع البنات يعني كل واحد واخته بدباب منها نستانس ومنها نتطمن على خواتنا..
ماجد:تصدق فكره!!
وراحوا الشباب وجابوا..عدد هااااااااائل من الدبابات..
والبنات أول ما شافوها تحمسوا..
اقترحوا الشباب على أبو سلطان إقتراح بندر..فعجبته الفكره ووافق عليها بس أكيد طبعا البنات ما عجبهم الوضع..
خلود:والله مالي شغل..ما صارت وناسه إذا الشباب بيركبون معانا..
لميس:لا بالعكس والله وناسه..
البنات صرخوا على لميس
لميس:إسم الله علي..طيب هذا رأيي
فرح: والله مو شي
مرام:بقوه مو شي
عهود:طيب إش رايكم نقول لهم إنه حنا اللي بنسوق؟؟
الهنوف:هاهاها..إشبهم بيوافقون لو قلتي..
عهود:وإذا ما وافقوا نعترض بشده
الهنوف:والله لو تعترضون لما الصبح ما بيأثر فيهم..
سمر:حره...أنا ما معاي إلا أخو واحد وبيركب أكيد مع جمانه وأنا بركب لوحدي..!!
جمانه:لا حبيبتي..بيركب معاك ولا مع رهف..
رهف:لا لا لا..مستحيل..خلوه مع ديما..
ديما:لا ياقلبي إنتي وياها..نو وي
خلود:خلاص إنتي وهيه..لا تتضاربون ترى محنا ناقصين.<< معصبه

راحوا البنات عند الشباب..
مرام بعربجيه وصوت عالي:إسمعوني زين إنت وياه..بتركبون معانا اهلا وسهلا..بس يكون بعلمكم..ما بيسوق غيرنا يالبنات..
البنات:يا هووووووووووووه
مرام:شكرا...شكرا
ماجد:لا ياقلبو..إنتوا بنات...تبونا نسلم أنفسنا لكم..لا ياحبيبي..وبعدين..حنا أولى وأساسا..هذي لعبة أولاد مو بنات..
الشباب:إيواااااااااااااااااا يامااااااااااجد
ماجد:إحم إحم
فراس:أقول..انتوا يالبنات..ترى قويه إن إنتم اللي تسوقون..والله فشله قدام العالم..بنت تسوق ولد..ولا وبدباب
لميس:هيييييييييييي هييييي..إنت وياه ولا قويه ولا شي..تبون حياكم الله ما تبون ضفو وجيهكم وحنا بنطعس
عبد الله:أقول يا أبو الشباب..ورى ما تكفخينا احسن...وترى بإمكاننا ناخذ الدبابات ونسحب عليكم..
الهنوف تحمست ودخلت بالهوشه:زين سووها..وشوفوا..
قرب عبد الله منها وبإبتسامه:وشنو بتسوين..؟؟
الهنوف خافت وما تكلمت..
شذا:هييييييييي..تبون كذا ولا بكيفكم
آلاء:إيه زي ما قالت شذا..تبون ولا ورونا عرض أكتافكم
دانه:إيه والله مو شي تركبون معانا خلونا نتحرر
الشباب كل واحد بدأ يصارخ من جهه والبنات نفس الشي وشوي وبتنشب حرب..او بتصير كارثه
خلود:ممكن هدوووووووووووووووء..
بس محد سمعها..
بدر:خلااااااااااااااااااااااص
الكل سكت..
بدر ويصارخ:أنتوا اطفال عشان تسوون هالحركات؟؟ خلاص..ترى لو جلستوا كذا محد بيركب..وانتو يالبنات تصارخون وماخليتوا شي للاولاد حشى وين الأنوثه؟؟..جالس اناظركم ابي واحد عاقل فيكم سواء ولد ولا بنت ما فيه كلكم أعوذ بالله..
نواف:وهو صادق والله..
رهف بجرأه:خلاص موافقين..بس بشرط
الشباب ناظروها يعني شنو؟؟ فخافت وبصوت أخفض من اللي قبل شوي:نركب حنا يالبنات اول لوحدنا وبعدها نبدل وتركبون بعدنا.وخلاص
نواف:ياعييييييييييييني عالعقل والله..إيه هذا الحل ولا بلاش!!
رهف استحت من جرأة نواف
البنات:اوكي بس حنا أول
الشباب:طيب يالله

وركبو البنات الدبابات..ولما جوا بيمشون..
ماجد:اقول لميس موبايلك معاك..
لميس:إيه..ليه؟؟
ماجد:زين..المكان مليان شباب فأذا حد ضايقك ولا ضايق اي وحده من بنات عمي بس عطيني رنه وبنجي على طول..
لميس بابتسامه:احلااااا يالحريص ...ولا يهمك..
ومشوا البنات وراحوا يفحطون ويطعسون وسووا سباق..وكان ونااااااااسه..بس فيه إثنين شباب بدباباتهم كانوا يمشون ورى..البنات
لميس:بنــــــــــــات!!...سيفووووووووووووون<<يعني طنشوهم
الشباب:احلى يالعاقله..
واحد منهم:اموووووت أنا عالعقل كله..
لميس عصبت:احسن لك إنت وياه..ضف وجهك..
الشباب:أولا ..مع هالعيون ما نقدر حتى لو كنا نبي..ثانيا لو ما رحنا شنو بتسوين..
لميس:بتتصفقون أكيد
الشباب:ياشيخه حنا فداااااااك
لميس:مـــــــــرام!!...عهـــــــــود!!...جمـــــــ ــانه!!
وجو البنات..
الشباب:ول ول والله نادت الشله..
لميس:هاه بتروحون ولا إشلون..
الشباب:لا اشلون..
لميس:هاهاها..ياشين القرد لااستخف دمه
الشباب:حللللللللوه منك..واحد منهم:زي العسل على قلبي..
لميس بجد عصصصصصبت:هيييين!!..أنا أوريكم!! ......وأعطت ما جد رنه..

ماجد اول ما شاف الرنه دق..:هاه لميس إش فيه؟؟
لميس وتناظرهم:لا أبد بس فيه اثنين هنا الظاهر يبون يبيتون بالمستشفى الليله..
ماجد:عز الطلب الحين جاي بس وينكم..
لميس:عند الكشك اللي على يمين سيارة عمي أبو عادل بس بعيد شوي ما بتشوفنا من مكانك..تعال بسرعه

ماجد ما صدق:شباب..فيه ناس يضايقون خواتنا
محمد:شنو؟؟
ماجد:لميس توها داقه علي تقول فيه اثنين ناشبين لهم
فراس:أختي هناك؟؟
محمد عصب:يعني ما بتجي إلا إذا أختك هناك؟؟
نواف:البنات كلهم هناك حتى خواتي..

راح عادل لسلطان:سلطان..البنات يقولون فيه كم واحد يضايقهم..
سلطان عصب :أنا قايل لا يروحون وحدهم...طيييييب انا أتصرف ...
فارس:أفاااا ماعاش اللي يضايق بنات أخواني..قول للشباب وتعالوا خلونا نوريهم..
الشباب كلهم متحمسين: يالله
وراحوا الشباب كلهم اللي هم: سلطان وفراس وعبد الله ووعادل ونواف ومهند وماجد وبدر ومحمد وبندر وفيصل وخالد وفهد وباسل وراكان.. وعلى راسهم العم فارس..(الزعيم)

لميس:الحين تشوف إنت وياه شنو بيصير فيكم
الشاب الأول:والله لو تنادين لي دراكولا دامك هنا..مستحيل اخاف
مرام:هاهاها..احنا اللي معنا ولا يجي ربعهم دراكولا..
الشباب:ياااااي خوفتونا..
فرح:هي إنت وياه ما ودكم تلحقون على أعماركم وتروحون..
دانه:نصيييييييييحه من مسلمه إلى مسلم..روحوا..
خلود:لا لا خلوهم..والله من زمان نفسي اشوف احد يتصفق<<متوحشه
جمانه:إيه والله وأنا بعد..
الشباب:الحين حسبالكم صدقنا إن احد بيجي..ما أشوف اأحد جا..
مرام تهمس للميس:إشفيهم الشباب..لا يكون يحسبونا نستهبل عليهم وما يجون..
لميس بنفس الهمس:لالا فال الله ولا فالك انا لما كلمت ماجد كان جاد.
مرام:والله ياخوفي..
وشوي إلا جا أحد وكانوا متوقعين البنات إنهم الشباب لأن المكان كان ظلمه بس ما ظهر غير فارس..
فارس:خير انشالله إش فيكم على البنات إنت وياه..

الشباب:ههههههههههه الحين هذا اللي ما يجي ربعه دراكولا...لا صراحه من جد خفنا..جايبين لنا همتارو ويبونا نخاف...
فارس:همتارو مو جاي وحده..لا جايب معه نادي الهامستر كلهم..وشوي إلا الشباب طلعوا..
سلطان: والله يانتم تبون تتكفخوووون اليوم..
عادل:وانت الصادق
مهند:إيه والله ..وحنا بعد نبي نكفخ..
خالد:اقول شباب شنو رايكم نبدا فيهم..
طلع واحد من الشباب اللي كانوا يعاكسون موبايله ودق:ألو...زياد تعال إنت والشباب..
سلطان:لا وعندك بعد وقت تدق..
الولد:كله يرخص عشان هالعيون وياشر على رهف
نواف:ياكلب..ياواطي..ومسك نواف واحد منهم..وبدا يكفخ فيه وبندر مسك الثاني والباقيين يساعدون..ولطشوهم وشوي إلا جمس..جاي وملياااان شباب
يمكن حوالي10..ونزلوا..
وبدأوا يتضاربون


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 05-04-2010, 07:19 AM
صورة ليل الغرباء الرمزية
ليل الغرباء ليل الغرباء غير متصل
©؛°¨غرامي مبدع¨°؛©
 
الافتراضي رد: رواية فمان الله يا الغالي / للكاتبة : احساس



مشكوور ع البارت
برحلة البر اتوقع بندر بيعرف خلود وإنها نفسها اللي يكلمها




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 05-04-2010, 09:49 AM
صورة :غرتكـ دنياكـ: الرمزية
:غرتكـ دنياكـ: :غرتكـ دنياكـ: غير متصل
©؛°¨غرامي مشارك¨°؛©
 
الافتراضي رد: رواية فمان الله يا الغالي / للكاتبة : احساس


باارتـ روعا,,,
,,,
بندر: اتوقع انا برضو زي ليل الغرباء راح يدري انو خلود نفسها اللي يحاكيها بأي طريقه
اتوقع تكون تحاكي صديقتها وتفضفض لها ويمشي ويسمعها تحكي او شيء هيك بس راح يدري قريبـ
..
نوافـ & رهف:
مشبوهين صراحه اتـوقع يحبو بعض او اعجاب,,ِ~
..
تسلم يدينكـ ع البارت
بس سـؤال الروايه منقوله ولا انتـ كاتبها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 05-04-2010, 12:54 PM
صورة - مرآم الرمزية
- مرآم - مرآم غير متصل
©؛°¨غرامي نشيط¨°؛©
 
الافتراضي رد: رواية فمان الله يا الغالي / للكاتبة : احساس


/


وااااااااو حمااااااااااس


عسسى هالبقر اللي يعاكسون يتكسرون و يجيهم الطاعون ع الضرب يلي اخذوه من الششباب


قهروني جد ويستاهلون الضرب يلي جاهم واكثر شي قهرني :

اقتباس:
ألو...زياد تعال إنت والشباب..
هذي اكثر كلمه نرفزتني و استفزتني


بندر هذا اهبل ولا اخبل ولا شنو , اجل معقول ماعرف صوت خلود وهذا وهو عشره معاها ولسى ماعرف صوتها !


بس مع الأيـام بيظهر الحق وبيعرف خلووووود


بس راودني احساس انو ماراح يكونوا لبعض , ليش مدري ~< عاادو لاتنسسوا راودني *_^


هع وبااين اصلا انو رهف ل نواف و نواف ل رهف هع


وبس


بليييز ماتطول كآيد مره متحمسه وكان حلو لو تنزل البارت اليوم


وششششكرآ ~


/

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 05-04-2010, 06:08 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


اقتباس:
المشاركة الأساسية كتبها :غرتكـ دنياكـ: مشاهدة المشاركة
باارتـ روعا,,,

,,,
بندر: اتوقع انا برضو زي ليل الغرباء راح يدري انو خلود نفسها اللي يحاكيها بأي طريقه
اتوقع تكون تحاكي صديقتها وتفضفض لها ويمشي ويسمعها تحكي او شيء هيك بس راح يدري قريبـ
..
نوافـ & رهف:
مشبوهين صراحه اتـوقع يحبو بعض او اعجاب,,ِ~
..
تسلم يدينكـ ع البارت

بس سـؤال الروايه منقوله ولا انتـ كاتبها




ياهلا وغلا


انا ناقل الرواية وهي حق الكاتبة احساس


مشكورها ع الطالة والتوقعات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 05-04-2010, 06:10 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


اقتباس:
المشاركة الأساسية كتبها ليل الغرباء مشاهدة المشاركة
مشكوور ع البارت
برحلة البر اتوقع بندر بيعرف خلود وإنها نفسها اللي يكلمها



ياهلا وغلا


منورة يالغلا


كل شي ممكن يصار




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 05-04-2010, 06:11 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


اقتباس:
المشاركة الأساسية كتبها .. غروومه .. مشاهدة المشاركة
/


وااااااااو حمااااااااااس


عسسى هالبقر اللي يعاكسون يتكسرون و يجيهم الطاعون ع الضرب يلي اخذوه من الششباب


قهروني جد ويستاهلون الضرب يلي جاهم واكثر شي قهرني :



هذي اكثر كلمه نرفزتني و استفزتني


بندر هذا اهبل ولا اخبل ولا شنو , اجل معقول ماعرف صوت خلود وهذا وهو عشره معاها ولسى ماعرف صوتها !


بس مع الأيـام بيظهر الحق وبيعرف خلووووود


بس راودني احساس انو ماراح يكونوا لبعض , ليش مدري ~< عاادو لاتنسسوا راودني *_^


هع وبااين اصلا انو رهف ل نواف و نواف ل رهف هع


وبس


بليييز ماتطول كآيد مره متحمسه وكان حلو لو تنزل البارت اليوم


وششششكرآ ~


/




ياهلا وغلا


هههههههههههههه حلوة الدعوة



ان شاء الله بنزل بكرة بارتين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 06-04-2010, 03:02 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


-7-
"خايف عليك
ومنك بالحيل أنا خايف..
عزي لقلبي يجمع الحب والخوف"



وصارت مضاربه كبيره..والبنات في البدايه جلسوا يشجعون بندر ونواف بس لما جوا شباب الفزعه وصارت هوشه كبييييير جلسوا يصارخون ويبكون..

فهد تصفق مزبوووط هو وباسل وبندر... بس بندر جته ضربه على صدره أثرت عالقلب عنده..

وجو الرجال..وحاولوا يوقفون الضرب بس بدون فايده فقالوا للبنات يروحون

راحوا البنات..

لميس وهي تبكي:إنا السبب..ماكان المفروض أقل ماجد عاللي حصل..

فرح:لا يالميس ماجد كان لازم يعرف عشان يوقفهم عند حدهم..

مرام:لميس حنا حاولنا نوقفهم بأنفسنا بس ما نفع معاهم..

حلا:بنات!!..أحد شاف باسل؟؟..وبهاللحظه بكت..ضربوووووووه!!

ألاء:حلا حبيبتي الحين بيردون وبتشوفينه..

حلا ومازالت تبكي ومنهاره:بس هم ضربوه..والله شفتهم ضربوه..

ألاء:طيب انتي اهدي الحين وصدقيني ما فيه الا العافيه..الحين أنا بدق عليهم وباخذ الاخبار..

وراحت آلاء ودقت على خالد بس مايرد ونواف نفس الشي وفهد جواله مغلق..


شذا:آلاء..إش فيك كنك محتاسه!!

آلاء:مو شايفه حالة أختي اشلون كنت أبي أدق على أخواني
احد يطمنا على باسل عشان حلا تهدا..بس اللي مايرد واللي جواله مغلق..وحاله..

شذا:طيب خليني اجرب أدق على عادل..

آلاء:يالله..موبايلك وينه..

شذا:بالسياره الحين بروح أجيبه.

آلاء:انتظري لحظه..انتي حافظه رقم اخوك..

شذا:إيه ليه؟؟

آلاء:خلاص دقي من موبايلي..مشوار على بال ما تجيبي موبايلك..

أخذت شذا موبايل آلاء ودقت على عادل..


عادل ومستغرب من الرقم:هلا..

شذا:اهلين عادل أنا شذا..

عادل:هلا شذا اشفيكم صاير شي؟؟..وبعدين منو هذا رقمه؟؟

شذا:لا اتطمن كلنا بخير..وهذا موبايل آلاء..

عادل..من سمع اسم آلاء عوره قلبه..هو يحبها من وهي صغيره
ولما قبل ما يتغطون على بعض وهو يحاول يبين لها بس هي ما كانت تنتبه..

شذا:عادل..انت معي..

عادل:إيه معاك...معاك..

شذا:زين خذ كلمها..

عادل بنفسه"منو هذي":أوكي

ألاء:هلا عادل اشلونك!!

عادل: بخير الحمد لله..منو آلاء؟؟

آلاء:إيه..

عادل:شلونك آلاء.

آلاء:تمام ماشي..إنتو وينكم الحين..

عادل:خلاص حنا جايين..

آلاء:زين بسألك باسل بخير

عادل بشوي عصبيه ما بينت كثير:وليه تسألين عن باسل!!

آلاء ومستغربه من عصبيته اللي مالها مبرر:عشان حلا..

عادل تذكر"ياغبائي انا اشلون نسيت ان اختها تحبه" فقال وكأنه ارتاح:لا ماعليك طمنيها انه بخير والحين بنجي وبتشوفه..

آلاء:زين وانت بخير..؟؟

عادل وهو مو مصدق:إيه بخير بس تصفقت شوي..

آلاء:ههههه زين سلامتك وما تشوف شر..

عادل:الله يسلمك..

آلاء:اوكي..معليش عالإزعاج..باي

عادل:لا ولا ازعاج ولا شي..مع السلامه..

وقفلوا الخط وعادل طايرمن الفرح والدنيا مو سايعته من
الفرحه..


ملاحظه:
باسل يعشق حلا وحلا نفس الشي من وهمه صغار والكل عارف هالشي بس حبهم مره حلو وبرئ يجمع بين العقل وبراءة الأطفال..

بعد فتره جات الشرطه و وقفت المضاربه..

أخذت الشرطه الإثنين اللي بدأوا وودوهم المركز طبعا بعد ما عرفوا السالفه..


عنــــــــد البنات

جمانه:بنـــــــــات..شوفوا..!!

سمر: هذا فارس ويحمل احد بين يدينه..

الهنوف:هذا واحد من الاولاد..

البنات جلسوا يراقبون فارس وهويجري بسرعه وبين يدينه
هالشخص اللي محد يعرف منو..وفيصل وعبد الله وسلطان
ومحمد يمشون وراه..

ولما قرب العم فارس شوي..

صرخت عهود:بنـــــــــــــــدر!!

أم فيصل:إش فيه بندر؟؟

عهود كانت منهاره وتبكي والبنات نفس الشي..أم فيصل حالتها حاله..والحريم يهدونها والجده شيخه..نفس الشي بس تبكي..

راحت عهود عند سلطان:إش فيه بندر..؟؟

بس سلطان كان مشغول وما انتبه لها.. ركب السياره وركب فيصل ومعاه أبو سلطان وبندر.. ومشوا...

راحت عند محمد..:إش فيه بندر!!

ونفس الشي..مشى وما انتبه لها..فصرخت وهي

تبكي:فــــــــــــــارس!!...إش فيه بندر؟؟

فارس انتبه لها: منو إنتي..؟؟

عهود وهي تبكي:انا عهود أخته..إش فيه بندر؟؟..

فارس:هدي ياعهود..ما فيه إلا العافيه..

عهود:زين وين بيودونه..دام ما فيه إلا العافيه؟؟

فارس:فيصل يقول إن عنده القلب وتعب شوي..وبيروح

المستشفى وانشالله بيطمنوننا عليه..

عهود:أنهارت مكانها وجلست على ركبتها عالرمل وهي تبكي

نزل فارس لمستواها ورفع راسها..وبهدوء:لا تبكين يا
عهود..إنشاالله إنه بخير..

عهود انهارت زياده لما تذكرت الحادث حق بندر وحطت يدينها على عيونها وجلست تبكي..مسك فارس يدينها وشالهم عن عيونها وكانت يدينها باااارده

مسك فارس يدين عهود البارده بيدينه الدافيه وبحنان قال:يالله عهود شدي حيلك وخليك قويه ووعد أول ما يصير بخير بخليك تكلمينه.. بس تكفين لا تبكين

شوي جات مرام وفرح:عهـــــــود..إشفيها؟؟

فارس:خذوها هناك..هي بس قلقانه على أخوها..

أخذوها البنات هناك وكان التوتر والقلق يعم العيله كلها بس فيه شخص كان بعييييييييد عن هذا كله..وحالته أصعب منهم كلهم..((خلود))


حلا أول ما شافت الشباب جايين جلست تدور عن باسل بس ما شافته راحت تمشي وتدور عليه وهي ما شيه سمعت زي صوته..لفت ولقته يتكلم مع أحد..بس ماقدرت تميز مين الشخص لأن المكان كان ظلمه..قربت منهم..:باسل!!

لف باسل على طول:اهلين حلا..

حلا وهي تبكي:باسل انت بخير؟؟؟..

باسل وهو مبتسم لأن شكلها كان طفولي وهي تبكي:إيه بخير كاني قدامك وما فيني إلا العافيه..

حلا ومازالت تبكي:زين شنو هذا اللي بوجهك؟؟

باسل ويبي يلطف الجو:أبد والله أنا صفقت اللي قدامي زين فحقد علي وطلع كل قوته فيني..

حلا ببراءه:زين يعورك الحين..

باسل بنفس البراءه:لا.

حلا:يعني ما يعورك شي؟؟

باسل:لا ابدا

وما مداه يكمل كلامه إلا هذاك الكف على وجهه..باسل انفتحت عينه على الآآآآخر من الصدمه..

حلا وهي تبكي:إنت اشلون تروح تضارب معهم..اشلون تضارب
ناس أكبر منك...لو صار فيك شي أنا شنو اسوي..وتصارخ..قلي..!!...شنو أسوي..والله مت عليك من الخوف وتخيلت لو رحت مني شنو بسوي من بعدك..وبعد المضاربه قلبت الدنيا عليك..ومن خوفي مابقيت مكان ما دورت فيه وبالنهايه اجي وألاقيك مع هذي..!!

وتأشر على ريماس اللي كانت جنب باسل..

باسل طول ماهي تتكلم وهو مصدوم بس لما قالت آخر جمله عرف إن الدعوه غيره لا أقل ولا أكثر عشان كذا عذرها..

قرب باسل من حلا اللي كانت منهاره تبكي..ومسكها من كتفها وضمها لصدره..

وبعد هالموقف صارت حلا متمسكه بباسل بأقوى شي عندها..وتبكي بصوت عالي..

باسل كان محوط بيد على كتفها واليد الثانيه كانت على شعرها..:خلاص..حلوي..خلاص..هدي بس..والله محد يجي بمكانك يالغاليه..

كل هذا وريماس تراقب ونار الغيره تحرق قلبها..ريماس تحب باسل بس هو ما درى عن هوى دارها..وهي بعد ما أعترفت له..بس حلا كانت حاسه بكل شي..وكانت خايفه إن ريماس تاخذ مكانها عند باسل..عشان كذا ما تحملت تشوفها واقفه مع باسل وتحاكيه..

ريماس:باسل!!..ماجاوبتني على سؤالي؟؟

بعدت حلا عن حضن باسل وناظرت ريماس وعيونها تطلع
شرار..باسل:أي سؤال..

ريماس:الظاهر نسيت..ما مداك!!..عالعموم الحين ما نقدر نتكلم..بس بعدين راح اجيك وأقلك..أوكي

باسل:اوكي..

وراحت ريماس...حلا:إش الي اوكي..

باسل:ما سمعتيها؟؟

حلا:إلا بس من جد بعدين بتكلمك..!!

باسل:حلا لا تسوين حركات بزران تراها بزره وخذيها على قد عقلها..

حلا وتصارخ:لا هذي مو بزره هذي تفكيرها أكبر مني ومنك..وبعدين لأني ما أبيها تكلمك تقول علي حركات بزران..

باسل وبدأ يعصب:الحين من جد صارت حركاتك حركات بزران..شنو اكلمها وما أكلمها..تراها بالنهايه بنت عمتي..وتصير لي..

حلا وعيونها ملياااانه دموع وبكلمات يالله تنسمع:مشكور ياباسل..الحين انا صرت البزره وهي العاقله عندك؟!!..الله يهنيكم ببعض..من جد ماتقصر..ومشت وخلته..

باسل مزاجه قفل:لا حووووووووول الحين أنا اش قلت..هذا وقته
ياحلا!!

وبعيييييد مره عن كل الأجواء و بالتحديد في سيارة ابوسلطان وبالمقعده الوسطى كانت جالسه هناك خلود وفاتحه الشباك..منهااااااااره ومو مصدقه..هي جتها مثل هالحاله قبل لما عرفت بحادث بندر بس هالمره شافت بندر وهو طايح بعيونها..

أصلا هي من سمعت إسم بندر..كأن صاعقه جات على عقلها..من الصدمه.. جلست تبكي بسيارة ابوها عشان ما تفضح دموعها هالحب الكبير اللي بقلبها..

جلست خلود حوالي ساعتين وهي تبكي بنفس المكان واللي برى السياره حالتهم مثلها بس على أهون..

خلود من كثر البكي غلبها النوم واستسلمت له..

عنـــد الحريم..

فارس: شذا

شذا:هلا فارس..

فارس:طمني الأهل إن بندر بخير وما فيه إلا العافيه والحين بيرد مع الشباب وبنكمل الرحله عادي..

شذا بفرح:والله؟؟ الله يبشرك بالخير..

فارس:يالله طمني ام فيصل اهم شي ونادي عهود..

شذا:مين؟؟؟

فارس:إش فيك ماتسمعين..أقلك عهود..

شذا بابتسامه: انشالله..

وراحت طمنت الحريم على بندر وقالت لعهود إن فارس يبيها..

راحت عهود لفارس:هلا فارس..

فارس:انا وعدتك اول ما يصير بندر تمام أخليك تكلميه عشان كذا
خليك هنا بدق عليه وبعطيك الموبايل تكلميه..ودق :سلااااام...سلاماااااااات ياخي كذا تخوفنا عليك...إيه..كيفك الحين؟؟..والله؟؟...زين هنا فيه شخص أقلقنا وخااااايف عليك بالمره ويبي يكلمك..يالله خذه معك..

عهود والبكوه على طرف:ألو بندر..

بندر بصوت باين فيه التعب:هلا عهود..إش لونك؟؟

عهود ودموعها تنزل:إنت اللي شلونك..والله موت قلبي خوف..

بندر:سلامة قلبك..ياقلبي..

عهود:بندر إنت بخير؟؟

بندر:إيه بخير..ماعليك الحين بجي وبتشوفيني...كاني جاي بالطريق..

عهود:زين اول ما تجي أبي أشوفك..

بندر:ولا يهمك..بس اشلون امي...

عهود:خايفه عليك والكل هنا خايف عليك..

بندر:يالله طمنيهم إني بخير..

عهود:زين يالله باي

بندر:مع السلامه..

عهود بعد ماقفلت:مشكور فارس..

فارس:لا اش دعوه ماسوينا شي..

وبعد نص ساعه تقريبا وصل بندر..

وطلب من الحريم يتغطون عشان يروح لأمه..

وتغطوا البنات..واول ما دخل راح لأمه اللي ضمته بقوه وجلست تبكي وهو مبتسم ويطمنها عليه..

وبعدها جو خواته ونفس الشي..

وتحمدوا له الحريم بالسلامه وبنات عمه كمان..ولاحظ إن خلود
مو موجوده..فتوقع انها ما زالت زعلانه عليه من الموقف اللي صار..

لميس فقدت خلود..:بنات وين خلود..

الهنوف:إيه والله وينها من لما رجعنا من المضاربه ما شفناها..

لميس أنا بقوم أشوف لها..

وجلست لميس تدور لها وشافت سيارة عمها أبو سلطان والشباك الخلفي مفتوح ..راحت تشوف إذا كانت خلود او لا..
خلود بهاللحظه كانت توها قايمه من النوم ومستغربه من المكان اللي هي فيه

بعدين تذكرت المضاربه وبندر ورجعت تبكي..وتكلم نفسها بصوت مسموع:بندر..تكفى يابندرلا تروح والله إنك أغلى من روحي..وتبكي

سمعتها لميس وقربت منها..:خلــــــــــــــود!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 06-04-2010, 03:06 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


لفت خلود وعيونها مليانه دموع..:لميس؟؟

لميس:خلود إش فيك؟؟


فتحت خلود باب السياره ونزلت ورمت نفسها بحضن لميس وجلست تبكي..

لميس:خوخه إشفيك حبيبتي؟؟

خلود وهي تبكي:آآآآه يالميس..بندر..بندر بيروووووح!!

لميس:كل هذا خوف على بندر؟؟...زين وإذا قلت لك إنه رجع
والحين جالس مع الشباب..

بعدت خلود عن حضن لميس ووقفت بكي..:صدق والله؟؟

لميس وهي مبتسمه:والله وإذا مو مصدقتني تعالي وأوريك إياه..

خلود:أبي اشوفه..

لميس: طيب تعالي..

وراحوا لميس وخلود عند الرجال..وجلسوا يمشون بهدوووووء لما قربوا من مكان جلوس الرجال..وطلوا من ورى السياره جهة الرجال

خلود بابتسامه مليانه دموع:إيه والله كاهو هناك!!

لميس:شفتي ما قلت لك..

خلود:شوفيه يضحك..فدييته والله جعلني مابكيه

وتفاجاوا بصوت رجولي من وراهم:منو هذا اللي من اليوم تتفدين فيه؟؟


لفوا خلود ولميس وهم ميتين من الخوف..:محمــــــــد!!

محمد:إيه محمد..منو سعيد الحظ اللي لك ساعتين تتفدين فيه..

خلود:وانت وش دخلك..

محمد:مجرد فضول..

لميس ترقع:هذا...هذا..أسامه!!

خلود:إيه أسامه!!

محمد:اسامه؟؟.ياكبرها عند الله يالميس..عيني بعينك أشوف

لميس بس حط محمد عينه بعينها..راااااحت فيهااااا..ومحمد نفس الشي

وقفت خلود تناظرهم:هي هي إنت وياها تراني هنا...

محمد:هاهاها أفكرك هناك..

خلود:هاهاها بااااااايخه

محمد:زيك..

خلود:طيب؟؟..أي خدمه؟؟

محمد:لا مشكوره

خلود:زين ضف وجهك..

محمد:إذا قالتها لي لميس وعد ما عاد تشوفوني..

خلود وتناظر لميس:قوليها له يالميس خليه يورينا عرض أكتافه..

لميس:..................

خلود:هو لميس إش فيك؟؟

محمد:ماني برايح حتى تقولها..

لميس:خلاص محمد روح!!

محمد:قوليها أول..

لميس:إش اللي أقولها؟؟

محمد بهمس:أحبك..

عصبت لميس:شنو؟؟

محمد ومعاه ضحكه:قولي ضف وجهك!!

لميس:إيه أحسب...زين حمود..ممكن تضف وجهك..

محمد:لا مو كذا كنك تستأذنين..

لميس عصصصبت:محمد ضف وجهك!!

محمدضحك يموت عليها لما تعصب:ههههه إيه كذا أبيها..يالله(see you)!! وراح

خلود:أوووووف هالولد نشبه!!

لميس بعفويه:لا حرااااام عليك بالعكس..

خلود:هييييييييي سلامات؟؟

لميس:يعني قصدي أنه....

قطع عليهم صوت شخص بس هالشخص صوته مختلف عن الصوت السابق<<حلوه السابق خخخخخخ....:منو هنا؟؟

خافوا البنات..

خلود:أنا خلود ومعاي لميس..

جا بدر ومعاه بندر ونواف..:زين خلود..روحي إسألي الحريم شنو يبون عشا؟؟

خلود ووجود بندر مربكها:زين..

خلود وهي رايحه سمعت بدر يقول:نواف تعال أنا وانت نروح ا
السياره وانت يابندر شف الحريم اش يبون والحقنا..

راحت خلود للحريم وسألتهم..

رجعت لبندر ولقته يسولف مع لميس وارتفع ضغطها وبعصبيه

قالت:الحريم يقولون على راحتكم..

بندر حب يحرجها:خلــــــــــود ما بتتحمدين لي بالسلامه؟؟

خلود انحرجت :معليش نسيت الحمد لله عالسلامه ياولد العم..

بندرابتسم :الله يسلمك..وحب يسولف: تقولين الحريم شنو يقولون..؟؟

خلود بعصبيه وبحده:يقولون على راحتكم..!!

بندر بهدوء ابتسامه تذوب:زين اشفيك معصبه؟؟

خلود حست بحالها ورجعت طبيعيه:هاه؟؟..منو قال إني
معصبه..

بندر وهو مازال مبتسم:زين قولي لهم يبون نجيب شي مع العشا ولا ناقصهم شي؟؟<<يبي يسولف

راحت خلود ورجعت لقت بندر ما زال يسولف مع لميس وهي معصصصصصبه:استاذ بندر..يقولون سلامتك..سمعت ولا اعيد!!

بندر يستهبل:لا عيدي..

خلود عصصصصصصبت ووصل ضغطها ترليون..ومشت وخلته مع لميس..بس جلست تراقبهم من بعيد..وشوي راح بندر السياره وجات لميس..

لميس تهمس لخلود:خلوده بندر يقلك..لا تعصبين..ما تسوى عليه

خلود وهي تشد على اسنانها:لميس واللي يعافيك اتركيني بحالي لأقلب الدنيا على راسك انتي وياه..

لميس:الله الله..لا ولا تقلبينها ولا شي..خلاص بروح..

وقامت وبعد نص ساعه راحت خلود وجلست جنب لميس..:اقول لولي..شنو كنتي تقولين انتي وبندر من شوي..

لميس:إيه من شوي بتقلبين الدنيا على راسي والحين لولي

خلود:خلاص خلاص لاتقولي

لميس:لا والله لأقول.. ابد كان يسألني عن دراستي وكم عمري و إذا الحياه بالسعوديه عاجبتني ولا لا..وقال انشالله بيقول لبابا يودينا عندهم بلندن..

عصبت خلود وبتريقه:زين ما سال عن نسبك.. وصفاتك ولون بشرتك وشعرك..

لميس تبي ترفع ضغطها:أتوقع لو عنده وقت كان بيسأل..

خلود:الحمد لله إن ما عنده وقت

لميس:بس تصدقين خلود..والله أنه يجنن..شكلي بحط عيني عليه..واااااي مره يهبل ووسييييييم..

خلود:لا والله؟؟..يالله الله يهنيك معاه..

لميس وتغمز لخلود:من قلبك..؟؟

خلود:ومن الصميم بعد..

لميس:زين ليه كنتي تبكين وكنتي خايفه عليه..

خلود:..................................

لميس:إيه قولي إنك تحبينه عادي اعترفي..بس من متى احس مامداك؟؟

خلود وبصوتها نبرة حزن وتناظر الأرض:من زماااان من قبل ما
أشوفه..من قبل ما يجي للسعوديه حتى..

لميس:الله أكبر..شلون تجي هذي؟؟

خلود:تجي يالميس..معاي انا بالذات جت

لميس والفضول ذابحها:إشلون؟؟؟

خلود:انا أقلك.....وقالت لها السالف من طقطق لسلام عليكم..

لميس:الللللللللله يرجك..وهو الحين مايدري إن انتي هي نفسها اللي يكلمها..

خلود:لا ما يدري..ولا أبيه يدري لأن بندر اللي أكلمه بتركه قريب انشالله وبمحيه من حياتي

لميس:بس هذا يترتب عليه..أنك تنسين حبك له..

خلود:وخير ياطير أنساه عااادي

لميس:لا ياخلود والله اللي ينزل كل ذيك الدموع مو عادي ينسى سببها..

خلود وبإصرار:بنساه يالميس..انشاالله قريب

لميس:زين خوخه ليش ما تقولين له؟؟

خلود:مستحيييييل..إش تبينه يقول عني..

لميس:طيب اللي فهمته من كلامك إنه يحبك..صح؟؟

خلود:ما اعرف بس اسلوبه معاي يدل على كذا بس هو ماصرح بهالشي..وهذا اللي مشجعني أنهي كل شي..

لميس:بس حرام والله حرام...خلود لا تتسرعين بعدين تندمين..

خلود:أنا خلاص حطيت الفكره ببالي وراح أنفذها واليوم بعد..

لميس:اليوم؟؟

خلود:إيه اليوم!!...لأنه اكيد بيدق علي لما نرجع..

لميس:زين ارسلي له مسج الحين وقولي له إنك تبينه بموضوع ضروري..

خلود:تصدقين فكره؟؟
وأرسلت خلود لبندر هالمسج..((بندر..إذا فاضي الحين أبيك بموضوع ضروري)) مع إنها كانت عارفه إنه مو فاضي

جاها الرد: ((لا والله أنا الحين طالع مع الأهل رحله بس اول ما أرد البيت بدق عليك لأني أنا بعد أبيك بموضوع))

خلود: ((أوكي))

خلود:لميس شنو تتوقعين يبي..مني؟؟

لميس:لا يكون عرف إنك خلود؟؟


وقطع عليهم صوت دانه..:خلود لميس..اش فيكم جالسين هنا..ليه ماتجون معانا هناك..

خلود:ابد كان معانا سالفه..

دانه:معليش..أزعجتكم..بس كنت ابيكم تلعبون معانا

خلود:لا عادي اصلا خلصنا والحين جايين

دانه:اوكي بنستناكم

وراحت دانه للبنات..

خلود:أقول لميس..بلييييييز ما أبي السالف تطلع..أبيها تبقى بيني وبينك

لميس بعربجيه:أفا عليك..سرك في بير..

خلود:كفو والله بنت العم..يالله تعالي نروح للبنات..

وراحوا عند البنات..وجلسوا يلعبون أونو..

فرح:والله مالي..كل شوي تحط لي ستوب..

جمانه:حبيبتي هذي قوانين!!

فرح:بس مو كذا!!

رهف:اقول انتي وهيه بسرعه العبوا..

ديما:اونو!!

مرام:الللللله أكبر..أونتي يالنتفه..

ديما:نتفه بعينك يالبويه.

مرام:أنا بويه ياالصعلوكه

ديما: مو بويه إلا بويتين..

مرام عصصصبت:ديمووووه..امسكي لسانك..احسن لك!!

ديما:ياي خفت بصراحه..أقول أقول..روحي العبي كوره مع الشباب مو أونو!!

مرام قامت على اساس تكفخ ديما<<تخوف!!...مسكوها البنات

ومرام ظلت تصارخ:سيبوني عليها..خلوني اوريها منو أنا..خلوني اوريها البويه شنو تسوي

ديما:سيبوها خلونا نشوف شنو بتسوي..

مرام:طييييييب..فكوني..أبي أقتلها..أبي اذبحها

صرخت جمانه:ديموه خلاص عاد احترمي خالاتي وأمي شيخه عالأقل!!

بس البنات(لا حياة لمن تنادي) جلسوا يصارخون على بعض وكل شوي تعلا أصواتهم

شوي إلا سكتهم صوت رجولي ومعصب: اش فيكم انتو ما تستحون!!

وعم الهدوء المكان للحظات..

مرام وتصارخ:هي اللي بدت

ديما:لا والله هي..

مرام:أنا؟؟

مهند:خلاص انتي وهيه....ديما..حتى لو هي اللي بدأت فهي أكبر منك ولازم تحترميها وتحترمي عالأقل وجود خالاتي..وانتي يامرام المفروض تكبرين عقلك مو تحطين عقلك بعقل ديما

ديما:ليه اش فيه عقلي..

مرام:صغيييييير هاهاها

ديما:انا عقلي صغير..يالبزره؟؟

عادل:خلااااااص..!! انتو متى بتعقلون صدق الحريم عقولهم ناقصه!!

سلطان جاي ومعصب:إش فيه اش هالأصوات كلها؟؟

مهند:هذيلا البنات شابين نار ويا بعض!!

طبعا الكل بوجود سلطان كان هدووووووء..

سلطان ويناظر خلود: شنو صار؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 06-04-2010, 03:07 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


قالت خلود لاخوها اللي صار بالتفصيل..

سلطان:لا بصراحه سبب تتخانقون عليه..الحين انتو أهل

وتسوون كذا اجل لو انكم أغراب شنو بتسوون..؟؟..

الكل كان خايف من اسلوب سلطان فمحد علق..وبعد لحظات هدوء ما طولت..

سلطان: انتوا كبار للدرجه اللي تقدروا تحلون مشاكلكم بأنفسكم عشان كذا حنا ما راح نتدخل بس حطوا ببالكم لو أسمع أصواتكم تعل مره ثانيها ما راح يحصل خير..ومشى ويا الشباب وراحوا..

لحظات هدوء زي اللي قبل شوي..بس هالمره ما تخلو من نظرات متبادله بين البنات..

ديما:مرومه قلبي أنا آسفه عالكلام اللي قلته من شوي

مرام ومازالت معصبه:بعد شنو بعد ما غسلتي شراعي قدام الكل..

ديما:يالله عاد مرومه لا تصيرين قاسيه..كاني أعتذر لك قدام الكل..

مرام ما تحب أحد يعتذر لها..:خلاص لا تكثرين حكي..

ديما:صافي يالبن؟؟

مرام:إيه..<< لسا معصبه

ديما:شنو إيه..قولي..حليب يا إشطه

مرام:اقول عن الهبال وخلونا نلعب..

البنات:ياهوووووووووه


وبعد شوي رجع سلطان..

سلطان:جمانه!!

جمانه تفااااجأت وخافت بنفس الوقت"ليه يناديني؟؟"..وبخوف:نعم؟؟

سلطان:مهند يقلك..يبي البوك حقه..الظاهر عندك ولا..??

جمانه:هاه..لا مو عندي<<من الخوف...إلا عندي..لا ما أدري بشوف..

بهاللحظه ابتسم سلطان ابتسامه تدوخ وقرب من جمانه:وانتي ليه خايفه كذا؟؟...لهالدرجه أخوف أنا؟؟

وهنا جمانه دوروها ما تلاقونها من الإحراج.. وبصوت يالله ينسمع:لحظه الحين بجيبه..

وراحت تجيب البوك وبعد شوي رجعت لسلطان:تفضل ومدت يدها..

سلطان:مشكوره..بس معليش أبي منك خدمه..

جمانه ولا زالت خايفه:آمر..

سلطان:خذي أسومي ولبسيه زين أخاف يبرد..أنا قلت لهنوفه من أول بس الظاهر نسيت..إذا ما عليك أمر طبعا

جمانه وهي مبتسمه لحنية سلطان عالأطفال: لا إش دعوه مو مشكله بس خل راكان ولا باسل يجيبه..

سلطان:تسلمين ومعليش بتعبك

هنا اكتفت جمانه بابتسامه خلتها ما تغيب عن بال سلطان...
"يالله ياهالبنت..فيها برائه فضيعه(ههه براءه؟؟ وين ياعمي)..الحين من جد أنا أخوف!!..يمكن لأني مو مثل الشباب بس يتريقون ويضحكون..ولا يمكن من اللي حصل والله ما اعرف بس من جد هالبنت فيهاشي حلو استغفر الله اش جالس اقول انا"

نادى سلطان على راكان وقله ياخذ أسامه ويوديه لجمانه عشان تلبسه.. وأول ما رجعت جمانه..

فتحوا البنات لجمانه محضر تحقيق:إش كان يبي وليه ناداك إنتي بالذات..وكان معصب ولا لا..وإش قال لك وإش ما قال..وحاااااااااااااله بالغصب قدرت تطلع جمانه منها..

أخذت جمانه أسامه من راكان وجالسه تلبسه


"يالله ياهالسلطان..على كثر ما يخوف إذا عصب وعلى كثر ماهو جدي وحازم..إلا إنه حنون وبنفس الوقت أحسه رجال ويعتمد عليه...لا وكله كوم وابتسامته شي ثاني الله يرجه أول مره أشوفه يبتسم.. بس شكلي والله تحفه وأنا خايفه منه يعني إش بيسوي لي بياكلني مثلا..حتى الولد لاحظ والله فشششششله...هههههههههه"

سمر وتصارخ لان لها ساعتين تنادي على جمانه:جمانه وصمخ!!

جمانه:وجعععع إنشالله إش فيك تراني جنبك!!

سمر:باين جنبي لي ساعتين أنادي عليك وانتي مو معاي..غير
ما اقول:إلا اللي ماخذ عقلك يتهنى به

جمانه:ومن غيرك ما خذ عقلي يا أحلى أخت بالدنيا..

سمر وآلاف علامات التعجب فوق راسها..قربت من جمانه ومسكتها من جبهتها وبخوف:جمانه حبيبتي فيك شي؟؟

جمانه بهاللحظه فقعت ضحك على شكل أختها:هههههههههههههههههههههههههههه

سمر:لا انتي فيك شي..ما يبي لها كلام!!

جمانه:ههههه لا ماعليك ههههههه بس ههههه بس إش كنتي تبين ههههه

سمر وما زالت متعجبه بشده:أبد بس مهند ينادي عليك..

جمانه:هههههه طيب طيب الحين بروح..

وكملت لبس أسامه وقامت لمهند وهي تمسح دموعها اللي نزلت من كثرة الضحك..:هلا مهند تبي شي..

مهند ويتصنع العصبيه:أبي أكفخك..!!

جمانه باستغراب:ليه؟؟

مهند:الحين أنا إش أبي ببوكك؟؟

جمانه ما قدرت تمسك نفسها:ههههههههههههههههههه أنا عطيتك بوكي؟؟؟ ههههههههااااااي..

مهند ما قدر يقاوم شكل اخته وهي تضحك قدامه فابتسم
وقال:زين عجلي أبي بوكي..

جمانه وما زالت تضحك:ههههه طيب الحين بجيبه..ههههههههه<<اسم الله علينا جاتها الحاله..

وراحت جمانه وجابت بوك مهند..وعطته..وراحت تجلس لان بطنها عورها من الضحك..


وجلسوا البنات يلعبون وما بقوا ولا لعبه على وجه الارض إلا ولعبوها.. وبعدها شغلوا لاب توب الهنوف وجلسوا يرقصون

واستااااااااااااانسوا حيييييل...

عهود كانت جالسه مع مرام وآلاء..ويسولفون..على جنب

عهود:أقول مرام ماتعرفين هذيك سيارة مين؟؟.....شكلها مررررره خطير!!

مرام بعربجيه:أحم أحم هذي سيارة اخوي..طال عمرك

عهود:والله...اخوك منو؟؟

مرام:فراس..

عهود من سمعت اسمه تذكرت أول مره شافته بالمطار..:طيب انا متحمممممسه و أبي أشوفها من داخل ممكن؟؟

مرام:ما اعتقد لأن فراس ما يحب احد يركبها إلا وهو موجود..

عهود:ترى قلنا بنشوفها ما بنسوقها

مرام: حتى لو ما راح يوافق

عهود:وإذا شفناها وهو ما يدري؟؟

مرام:إش لون؟؟

عهود:نسرق المفتاح وأشوفها

مرام:تصدقي ماهي شينه؟؟ بس اشلوووون؟؟

آلاء:خلوها علي!!

وراحت آلاء ونادت فهد..

فهد:هلا والله وغلا..

آلاء:فهودي حبيبي أبي منك خدمه

فهد:انا من سمعت(ويقلد صوتها) فهودي حبيبي عرفت إن السالفه فيها خدمات

آلاء:يعني اشلون اطلب ولا لا؟؟

فهد:لا

آلاء:فهووووووووووود

فهد:لا

آلاء:بلييييييييز ولك اللي تبي

فهد تحمس:والله إللي أبي؟؟

آلاء:إيه

فهد:طيب تعالي قربي اذنك وأقلك إش أبي

وهنا شهقت آلاء:شنو شنو شنو؟؟؟

فهد:أششششششششش فضحتينا لعن أبو بليسك

آلاء:لا من جد شنو هالطلب...لا يكون؟؟؟؟

هز فهد كتوفه:يمكن؟؟ بس والله استانس كثييييير


آلاء:أوكي انت تامر بس..

فهد:يس!!.....طيب وشنو طلبك؟؟

آلاء:نبيك تسرق لنا مفتاح سيارة فراس

فهد:ومنو انتم اللي تبون؟؟

عهود:انا ومرام!!

فهد:خلاص اعتبريه وصل..

آلاء:مشكووووووور
فهد:روحي روحي بس مصالح

آلاء:وانت يعني وغمزت له..

ابتسم فهد وراح ينفذ اللي قالت عليه آلاء..وعلى غفله من
فراس سحب المفتاح وراح وعطاهم..

آلاء:ترى اللي قلت لي عليه بتلاقيه ورا سيارة عمي ابو سلطان
ابتسم فهد ومشى..

أخذوا البنات المفتاح وراحوا للسياره وفتحوها جلست مرام مكان السايق وعهود جنبها..وآلاء ورى

عهود:الله مررررررره خطيره السياره..

مرام:انا بعد تعجبني وأحب أركب فيها

عهود:اساسا شكلها يجنن وريحتها مره جنااااان شكل أخوك مره يهتم فيها

مرام:إيه ويحبها بعد..إش رايكم تبون تسمعون شي؟؟

آلاء:والله ياليت بس اش عندك؟؟

مرام:فيه الماجد والمهندس ونوال ورويدا وديانا وياراوعبد المجيد ومحمدو...و...إلخ

عهود:الله شكل اخوك مدمن اغاني..

مرام:بقووووووه...خذي اختاري اللي تبين وأنا بروح اجيب لنا شي نشربه..

وراحت مرام وعهود ظلت بالسياره..وكل شوي تجرب شريط..وبالنهايه استقرت على اغنية صدفه..

وجلست تحوس في بقية الاشرطه..وآلاء ورى وبيدها مجله ومررررره اندمجت تقرأ

وسمعت صوت الباب اللي جهة السايق ينفتح؟؟

عهود وهي مازالت تحوس في الاشرطه وتغني مع الاغنيه:بالله شنو هالاشرطه كلللللها حشى مقبره.. شكل أخوك كلش مسنتر بالإستديوهات..إلا قولي لي ماعند اخوك شي لتامر والله السياره خطيييييييره بس ناقصها لمسة تامر..

الشخص اللي فتح الباب كان مفهييييييييي...وخااااق عاللي قدامه..البشره سمراء برونزي..الشعر أسود مايل لبني الغامق..ومرفوع بفيونكه على فوق ومنزل عالوجه كم خصله مخليه وجهها جناااان..الصوت يدووووخ وكله كوم وجالسه بسيارته كوم ثاني..

عهود:مرام إشفيــــ...............................وهنا رفعت راسها وانصدمت باللي قدامها

إنسان جذااااااااب وكااااشخ وهذا مو جديد عليها بس الجديد عيونه..ماكانت تدري إنها كذا..جلست تناظره فتره وهي مو مستوعبه الموقف..وبكل هدوء

قال:منو الاخت؟؟

آلاء رفعت راسها وما تكلمت لأنه مو شايفها

عهود هنا استوعبت إنها بسيارته ومو لابسه حجابها ولا متستره ولا وجالسه تحوس باشرطته وتتأمر وتطلب..بهاللحظه تمنت من قلب إن الارض تنشق وتبلعها..ويالله قدرت تتكلم وبصوت مليااااان خوف:أنـــ....أنا..بس كنت....ابــ...أبـــي..اشوف..السياره من داخل..

فراس تم يناظرها فتره بنظرات ماتتفسر وبعدين قفل الباب ومشى..

عهود وهي بتبكي:ياويل حالي انا اش سويت...

آلاء:الحمد لله إنه ما شافني

وشوي إلا الباب انفتح..مرام وهي يالله تتنفس لأنها كانت تجري.:بنات إش صار؟؟

عهود وعيونها مليانه دموع:إنتي وينك..اخوك جا وشافني وأنا بسيارته وما انتبهت له وكلمته لاني كنت أحسبه إنتي ولما قلت له إني بس ابي اشوف السياره من داخل ناظرني نظره غريبه وسكر الباب ومشى والله كنت بموت من الخوف ليه رحتي؟؟..وجلست تبكي بشكل يقطع القلب..

راحت مرام للباب اللي جهتها وفتحته وهنا رمت عهود نفسها بحضن مرام..وجلست تبكي ومرام وآلاء يهدونها لما هديت
وبعدين رجعوا للبنات

فراس رجع للشباب وهو بعالم ثاااااااااااني ومررررره مفهي..ويفكر بالبنت اللي شافها من شوي..

"الله شكثر حلوه..ما شاالله اول مره اشوف وحده بجمالها بس ياترى منو هذي واشلون دخلت سيارتي..أنا لااااااازم اعرف من هي من مرام"


نروح لفهد

طبعا بعد ماعطى آلاء المفتاح..راح ورى سيارة عمه لقيها هناك وكأنها جالسه تدور على شي..

فهد:سمر!!...شنو تسوين

سمر خافت:منو؟؟(لأنها ما كانت شايفته زين)

فهد:انا فهد!!

سمر:هلا فهود اشلونك

استانس فهد من قلب:بخير الحمد لله..انتي شلونك؟؟؟
ٍ
سمر:تمام ماشي..

فهد:ما قلتي لي شنو تسوين هنا بلحالك..

سمر:ابد والله ضيعت سلسال..وجالسه ادور عليه..

فهد:هو ضاع عليك هنا؟؟

سمر:لا بس آلاء تقول إنها شافته هنا

فهد: زين كيف شكله؟؟

وصفت سمر لفهد شكل السلسال..

دخل فهد يده بجيبه وطلع سلسال منه:هذا هو؟؟

رفعت سمر راسها وشافت اللي بيده:إيه هذا هو وين كان؟؟

فهد:لقيته طايح جنب سيارة مهند..

سمر:إيييييه صح أكيد لما رحت أجيب الأغراض من السياره طاح
علي..بجد مشكور..(كل هذا صار وهي بقي ما طالعته)

فهد بهدوء يذبح معاه ابتسامه:تحت امرك..يالغلا

وهنا رفعت سمر راسها والتقت عينها بعينه...وجلسوا فتره يناظرون بعض

ولما طولوا على هالحاله انحرجت...سمر:يالله بالإذن ومشت

مسكها فهد من يدها:لحظه

لفت عليه وهو تم ماسكها.. وهنا التقت عيونهم مره ثانيه..
فهد:سمر..أنا..........وسكت

سمر ببراءه:إنت شنو؟؟
ن
اظرها شوي وبعدين نزل راسه وناظر الارض و ترك يدها ومشى..

مشت سمر وهي مستغربه من حركاته وما تدري إش وراها..ولا فاهمه قصده


بعد فتره جا العشا..وتعشوا كل العوائل وجلسوا حوالي الساعه بعد العشا ورجعوا كل واحد لبيته.. وكانت الساعه 3 الفجر







نهآآآآآآآآآآآآآآآية البآآآآآآآآآآآآآآآآآرت

انشالله يكون عجبكم هالبآآرت..

ابي توقعآآتكم وردودكم الحلوه..~~

خلود..
مشآآعرها بدأت تفضحها..وردود فعلها عطت لميس فرصه تعرف بالسالفه،،


هل هي قد كلمتها وراح تمحي بندر من حيآآتها؟؟ وشلون؟


بندر شنو موقفه لو فتحت خلود معاه السالفه وشنو الموضوع اللي يبيها فيه؟؟


معقوله يكون مثل ماقالت لميس انه عرف ان خلود هي نفسها بنت عمه؟؟ ولو فعلا هذا اللي يقصده شنو بيصير؟؟


عهود وموقفها مع فرآآآس..شنو ردة فعله وهل هذي البدايه بينهم؟؟


فهد شيقصد بحركاته مع سمر..وليه تهمه مع انها اكبر منه..له هدف ويبي يوصله ولا السالفه مشأعر يحملها لها؟؟


باسل وحلا وحبهم البرئ....شالنهآآيه معاهم؟؟


الرد باقتباس
إضافة رد
الإشارات المرجعية

رواية فمان الله يا الغالي / للكاتبة : احساس ، كاملة

الوسوم
للكاتبة:احساس , الله , يالغالي , رواية , فمان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية الموت ما هو من الفرقى و طاريها .. الموت لا طاحت عيوني من عيوني / الكاتبة : أحلى بدوية ، كاملة رايقه بقوه روايات كامله - يتم نقل الرواية هنا بعد اكتمالها 264 14-02-2017 05:57 PM
رواية قلوب محطمة بأحضان المجهول / للكاتبة : غدير الحربي ، كاملة رووح الجوري روايات كامله - يتم نقل الرواية هنا بعد اكتمالها 1464 30-07-2016 12:03 PM
من يحبك كثر ما أحبك أنا / رواية للكاتبة : جنيه إن ذى قوطي ، كاملة ♫ معزوفة حنين ♫ روايات كامله - يتم نقل الرواية هنا بعد اكتمالها 95 25-04-2016 12:51 PM
دنياك دنياي / الكاتبة : لح ـظة وفا ، كاملة ↙ツ آًﻤـيـﯜﯢڒهےツ ↘ روايات كامله - يتم نقل الرواية هنا بعد اكتمالها 241 17-10-2015 04:47 PM
رواية أقول إنسى تمر ذكراي / للكاتبة : رحلة ألم ، كاملة العـــزوف روايات كامله - يتم نقل الرواية هنا بعد اكتمالها 88 13-04-2011 01:28 AM

الساعة الآن +3: 07:49 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1