اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-03-2010, 09:34 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رواية فمان الله يا الغالي / للكاتبة : احساس ، كاملة


روايـــــــــــــــــــــــــــــــة:
o0oفمــــــانالله يالغـــــــــــاليo0o









للكـــــآتبه..



إح ــســــآس

فمان الله..كلمة وداع...قد تقال لأي شخص لكنها تكون من الصميم لشخص غالي لتصبح
[فمــــان الله يالغــــــــالي]

آملة ان تتميز هذه الروايه بردودكم..

ربما تكون قصتي خياليه..وربما هي افكارمراهقه لكنها بالطبع قريبه من الواقع إلى حد ما...وغرضي الأول من كتابتها طرح افكار في خيالي اتمنى من الجميع الإستمتاع بمشاركتها معي..


ما اجمل الحب...وما اروعه إذا كان صادقا طاهرا يتشاطره اثنان..لكن ليس هذا مايحدث دائما..حب من طرف واحد..وحب بطريقة خاطئه..وحب بعد عداوه..وحب لايتقبله المجتمع لسبب ما قد يكون مقنعا وقد لايكون..وحب يصل للجنون..وحب قد يتحول إلى عشق ..وحب يصل حد الثماله..ولكن غالبا النهايه واحده..وغالبا ماتكون النهايه...:


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-03-2010, 09:36 PM
صورة Ellgance_AH_ girl الرمزية
Ellgance_AH_ girl Ellgance_AH_ girl غير متصل
©؛°¨غرامي ماسي ¨°؛©
 
الافتراضي رد: رواية فمان الله يالغالي \ للكاتبة:احساس


مساك ورد خيوو

وموفق بنقل الروااايه
واكيد دامها نقلك حتكون ابداااااع

اتمنى لك الاستمرار بالتميز والابداع

|~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-03-2010, 09:56 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فمان الله يالغالي \ للكاتبة:احساس


مجرووح يعطيك العافيه

بالتوفيييييييييق يارب

ايش نوع الروايه قطريه ولا سعوديه ولا ايش بالزبط



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-03-2010, 10:10 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يالغالي \ للكاتبة:احساس


فمان الله يالغالي]

((1))
" العنـيدهـ.........."


لعّاب درجه أولى..أوبعنى ثاني((حريف))....مع إنه ما يحب البنات كثير ويفضل يسهر مع اصحابه على السهر مع بنت..إلا إنه بنفس الوقت ما يقدر يترك هالعاده...و

المشكله إنه مفهم كل وحده إنها الحب الوحيد وان علاقاته الباقيه مجرد صداقات...مع إنه أكثر إنسان ممكن ينقال عنه إنه لا يؤمن بالحب...ولا يعترف فيه...ويعتبر اللي يحب مريض....وموبس كذا..

مقتنع تمام الإقتناع إن الإنسان اللي يحب يبيله علاج...وفوق هذا..اكبر ممثل يقدر يقنعك بحبه..

طائش لأبعد درجه ومتهور..وفوق هذا ممكن بلحظه يملك عقل هالعالم كله...

جذاب...اكثر شي يجذب فيه..هدوءه واسلوبه في الكلام...هذا بس عند البنات وبالعالم الثاني أرج منه مافيه يموت عالفله والوناسه..

عنده أسلوب في الإقناع لدرجة إن الفكره المستحيله فنظرك يقدر يخليها بسيطه وممكنه بكم كلمه يقولها لك..

ماراح أطول عليكم بمواصفات هالإنسان اللي مانقدر نقول عنه مثالي لكن هو بطل قصتنا وراح تكتشفون هالإنسان مع الأحداث..




كالعاده جاء متأخر...دخل غرفته..رمى نفسه عالسرير وجلس يناظر السقف ويفكر...كان حييييييل متضايق والمشكله ما يعرف ليه..

جلس يفكر في حياته ..حس إنه ماله هدف وكل حياته راحت لعب..مغازل..بنات..سهر أخر الليل..والدراسه من على جنب..أهله ما يجلس معاهم...و...و..إلخ بعدها تذكر موبايله اللي له يومين مقفول لأن البطاريه فارغه..تنهد تنهيده طويله وقام من على سريره..


أخذ الشاحن ووصل الجوال فيه وتركه يشحن..

بعدها راح أخذ له دش وطلع وشغل موبايله..لقى34 مسج و20مكالمه لم يرد عليها..فتح أول مسج..قرأه كان مكتوب فيه

"بليز هالرقم تمسحه وتنسى صاحبته أنت أحقر من إنه يكون بيننا حتى صداقه"

تنهد للمره الثانيه لما تذكر موقف حصل له من كم يوم..مع جوري صديقة أخته ..

هو ماعمره اهتم لأحد وخصوصا البنات زعلوا ولا رضوا كله عنده واحد وماتفرق معاه..بس هوه كان يعتبرها صديقه لا أكثر ولها فقلبه معزه..

نسترجع الموقف..

بندر وسهى بمطعم من أفخم مطاعم [برايتون].. كعادة بندر يحب الفشخره عند خوياته

بندر:أقول سهى شخبار محمد معاك؟؟

سهى:اوووهوووه خلاص انحرق كرته ماصاربقلبي غيرك ياقلبي

بندر:من جد؟؟

سهى ومبوزه:والله اتكلم من جد ليه انت دايم ماتصدقني؟؟

بندرمسك يدها وبهدوء:لأن اللي يحب مايكره وانتي كنتي تحبي محمد شلون تنسينه بهالسهوله!!

سهى:ومن قال اني كنت احبه....تبي الصراحه أنا من بديت معاك حسيت اشلون الواحد المفروض يحب...فارس..أنا...............وسكتت

بندرناظرها وعيونه كلها حب:إش فيك ياروح فارس كملي

سهى وشبه معصبه:مو قبل ماتقلي منو هذيك؟؟

بندر:منو؟؟

سهى:هذيك اللي هناك بالطاوله اللي وراك...من دخلنا واهي تناظرك

بندر لف يبي يشوف منو......ناظرها وحس انها مالوفه بس ماقدر يتذكرها...لف على سهى اللي كان مبين انها معصبه وبهدوء:ماعليك منها ياقلبي
طنشي....أها

سهى:خلاص ماعاد بقول لأني بجـ..................وقطع عليهم صوت..

جوري بسخريه:بندر شنو جالس تسوي مع هذي...وتأشر على سهى..

وقف بندر متفاجئ من هالبنت اللي تعرف اسمه...:هلا منو الأخت؟؟

جوري:معقوله ماعرفتني ما مداك تنساني تونا من اسبوع شايفين بعض..بس قلي منو هذي؟؟

انتبه بندر على نظرات سهى اللي كانت من جد مصدومه...:معليش اكيد غلطانه لأن أنا فارس مو بندر هذا أولا ثانيا..أنا أول مره اشوفك

جوري:بندر....أصحى انا جوري!!

"لا هذي من جد ناويه تفضحني" بندر بعصبيه:يابنت الذين قلنا لك أنا فارس وبعدين أنا ما أعرف وحده بهالإسم.....والتفت لسهى...يالله سهى....ومشى....

جوري:بندر انتظر أنا ماكملت كلامي.......بندر!!......بندر!!

بس بندر ما التفت لها وطلع من المطعم...

ولما وصل لسيارته ناظر سهى:اش فيك.....اركبي يالله

سهى:منو هذي يافارس؟؟

بندر بنص عصبيه:لحووووووول قلت لك ما أعرفها

سهى:وليه تناديك بندر...

بندر عصب:انتي بتركبين ولا لا؟؟

سهى:فارس...انت جالس تكذب علي؟؟.......انت تعرفها؟.؟......صدق اسمك بندر مو فارس مثل ما قالت؟؟

بندر هنا مننننن جد وصل حده:انتي ما تفهمين ولا اش سالفتك؟؟....قلنالك وحده غلطانه...خلاص ليه هالتحقيق!!!!

سهى وتبكي:لا انت اكيد تعرفها نظراتكم لبعض تدل على كذا....(عاد بندر دينه ودين أهله البنات لما يبكون قدامه من
جد يعصب)

بندر:على راحتك ماتبين تصدقين براحتك ما راح أجبرك....بس عموما دوري لك على تاكسي يوصلك....لأنك
المفروض من هاللحظه تنسيني أوكي؟؟

وركب سيارته ومشى.......ولا كأنه سوى شي....كل اللي هامه هالجوري من وين طلعت وشلون عرفت اسمه
الحقيقي؟؟.......جوري...جوري.....قبل أسبوع....أهاااااااااا............هذي صديقة دانه اختي.....لحوووووووول
شنو اسوي معاها هذي....والله والبلشه


نرجع لبندر..
بعد هالمسج رجع وقفل الموبايل وتركه يشحن واخذ له بكت سجاير وجلس يدخن..كان طفشان وزهقان حيييييل فقرر يجلس على "اللاب توب" تبعه فتح الماسنجر اول ما فتحه جاته إضافه..ماناظر الإسم أو الإيميله لأنه ما يهمه...سوى قبول..وناظر..لقي مسجات من..
أنجلي"Hi..where are you Fares..I miss you too much.. when you will be connected!!?"

جواهر---"هلاااااا فارس إشلونك..في موضوع ضروووووري أبيك فيه بليييييييز أبي أكلمك"

مها.."فوفوحبيبي وينك فيه؟؟.. لي 3 أيام انتظر ردك عالموضوع اللي قلت لك عليه..بليز خبرني متى حتكون متصل لأني أشتقت لك موت وخاطري أسولف معاك"

سامي.."أقول أبو عزوز وينك يالبايع..أدق على موبايلك مغلق..عالعموم أول ما تفتحه عطني رنه أبيك ضروري"

ومسج من جوي ومن نوره ونهى وجوجو ونوف وربا وميري و15 مسج من عبير وهند تعاتب ودلال تشره وليندا تقول(I Love you fares) وحااااااااااااااااااااله..
صح إنه نص العالم تبيه ضروري بس هوه حس إنه ما في شي مهم إلا صاحبه ..فقرر يقفل ويدق على سامي بس قبل لا يخرج جاه مسج من شخص غريب إسمه(koka)<< يعني خوخه بس هو مافهمها... مكتوب فيه..

"هاي بندر..أنا احلام.. كويس إني لقيتك اون لاين ..لا تستغرب اخذت إيميلك من سماهر قبل اسبوع وحبيت اتكلم معاك بخصوصها..فاضي الحين..لا تطنش لان الموضوع ما يتأجل"

بندر استغرب"شنو سالفة هالبنات اليوم؟؟"!!
الإيميل غريب عليه(koka).. وسماهر.. واحلام.. وموضوع ..والمصيبه الكبرى(بندر) هو ما خبر أحد بإسمه الحقيقي لكل البنات اللي يعرفهم بس بنفس الوقت كان عنده فضول يعرف مين هالشخص واش سالفة البنات هالأيام ..لأنه متوقع إنه مقلب من واحد من الشباب: إيه فاضي..إش فيه؟؟ koka

خلود:ههههه..حلوهkoka تقدر تقلي أحلام
(أحلام إسمها الحقيقي خلود بس هي مو راعية حركات فما قالت إسمها الحقيقي)

بندر:أوك يا(أحلام)!!

خلود:اول إذا ماعندك مانع ابي افهم شنو صار أمس.؟؟...أبي تفسير...بليز

بندر باستهبال وهو موداري شالسالفه:ماصار شي


خلود عصبت"جد متخلف....لا ويستهبل بعد...غبيييي":لا تستهبل انت ووجهك..سماهر قالت لي عالكلام اللي دار بينكم أمس وحسيتها من طريقة كلامها إنها متضايقه حيل وتبي السالفه تنتهي

بندر حس إن السالفه جد مو مقلب بس كمل دام السالفه فيها بنات وبالمره يتأكد إنه مو مقلب فرد:طيب؟؟

كملت خلود:بصراحه ما عجبني حالها فقلت لها أنا بحل الموضوع وعطتني إيميلك عشان نتفاهم

بندر مازال يستهبل:ليه ما خذيتي رقمي؟؟؟

خلود طلعت عيونها"جد متخلف إش يبي هذا؟؟":خيييييييييييييييييير؟؟؟؟

بندر مسوي فيها جد:الخير بوجهك...المهم...المطلوب؟؟

خلود بدت تفقد أعصابها من أسلوبه البارد..فقالت: كل اللي عليك إنك تسيب البنت بحالها وتنساها برضاك أفضل لك ولها

بندر:لااا!!...والله تعرفين تهددين..زين وإذا ماتركتها؟؟

خلود من جد عصبت :الظاهر سماهر ما قالت لك وش سويت في اللي قبلك!!..بس ببساطه أقدر أرسل لك 3 يدوسونك ويعفسونك ويجيبون لي راسك بعد فااااااهم وإسأل عني وشوف <<< تخوف!!

بندر لما شاف السالفه فيها أرواح ومعارك ولما حسها معصبه..تأكد إنها غلطانه بس مابطل استهبال:طيب قبل أبي أعترف لك بشي

خلود:؟!!!<<يعني إيش

بندر بيفجر القنبله: أنا مو بندر

خلود:أجل أخوه الملقوف طلال

بندر: ولا طلال

خلود وبسرعه:أجل؟؟

بندر يلعب بأعصابها:أنا..........

خلود بقلة صبر:مييييييين؟؟

بندر حب يلعب بأعصابها شوي لأنه حس إنها معصبه فما رد:...........................

خلود:أنا بقلك مين...انت واحد متخلف وأهبل ووقح..<<الأخلاق عندها صفر

بندر ضحك على اسلوبها "هههه تعصب بسرعه":أنا فارس هذا اولاً.. ثانياً أنا ما أعرف أحد إسمه سماهر ولا بندر ولا طلال ولا حتى أحلام.. وخمنت إنك غلطانه

بعد فتره جاه الرد<<مصدومه:كييييييييييييييف؟؟

بندر:كأنك غلطانه(احلام) تاكدي من الإيميل زين

وبعد شوي راحت خلود تتأكد من الإيميل فاكتشفت إنها من جد غلطانه شرطه بسيطه غيرت مكانها من فوق لتحت قلبت كللل شي وودتها لشخص ثاني..ولما رجعت لقيت بندر مرسل

بندر:سلامااااااااات!!.....ما صدقتي؟؟

خلود تبي تعتذر:معليش أخوي من جد طلعت غلطانه بجد سوري عالأسلوب اللي كلمتك فيه..بس كان فيه تشابه أسماء..بليييييز اعذرني بس عندي سؤال؟؟...<<توها الاخلاق طلعت

بندر مسوي فيها اخلاق:حصل خير ..تفضلي اش تبين..<<بدأ يتميلح

خلود:دامك ما تعرف لا سماهر ولا احلام ليه سألت عن الموضوع وكملت..?????

بندر:أبد..توقعت واحد من الشباب مسوي مقلب..بس ما قلتي لي إنتي من وين

خلود"والله يا هذا يبي يتخفخ هو ووجهه مصدق حاله":وإنت وش دخلك؟؟

بندر:بس أسأل!!

خلود تبي تخلص:من الرياض

بندر:يعني سعوديه

خلود:لا مصريه..هاهاها

بندر:هاهاهاها

خلود اشتغلت عندها اللقافه:وإنت من فين؟؟

بندر:وإنتي وش دخلك؟؟<<يستهبل

خلود تكمل إستهبال:بس أسأل!!

بندر:من السعوديه بس ما أعرفها ولا رحت لها

خلود متفاجاه:جد!

بندر:لا عم..هاهاها..إي والله جد

خلود:كيف يعني؟؟

بندر:انا من عرفت نفسي ساكن ببريطانيا

خلود:بس ما شاء الله تعرف تحكي عربي

بندر:أصحابي كلهم عرب وخليجيين بعد..

خلود:والله؟؟.. انا بعد عيال عمي عندك ببريطانيا بس إنت بأي مدينه؟؟

بندر:برايتون

خلود: والله!! هم بعد في برايتون

بندر: طيب مين هم يمكن أعرفهم..(حلوم)

خلود عصبت"لا مصدق حاله يمون":أقول متى الميانه(حلوم) لااااااا صدق وقح عبالك بقلك إسم العيله..تراني مو غبيه وعلى فكره اسمي الحقيقي مو أحلام..

بندر:اجل!!

خلود:إش اللي اجل صدق إنك خبل..ما قلت لك إسم العيله بقولك إسمي

بندر:هيييييييييييييييييييي...هيييي....أقوووول بلاش نغلط على بعض

خلود ضحكت:آسفين بس جد أسئلتك سخيفه
انتبهت لعمرها:اوه سوري

بندر:والله ألفاظك رااااايحه فيها

خلود:هاهاها..يا شينك ياأخي..يالله انا مضطره أروح أتفاهم مع بندر(الحقيقي)

بندر:بس أكتبي الإيميل عدل هاه<<دقه

خلود:لا ما عليك يالله باي

بندر وناوي على شر:لحظه لحظه..

خلود في نفسها"إش يبي هذا بعد": هلا

بندر:هلا فيك بس بغيت طلب

خلود:آمر اخوي<< ما تدي فرصه

بندر:أبد بحكم إن الصدف جمعتنا مع بعض...

خلود ما انتظرته يكمل كتبت:اخلص الزبده بلا صدف بلاهم..

بندر بنفسه"لا هذي يبيلها شغل شكلها صعبه":أبد عادي احتفظ بإيميلك؟؟؟؟؟؟؟؟؟؟

بندر كان متوقع الرد على طول...وغمض عيونه عشان لا يشوف..

خلود بعد تفكير:إيه عادي


وبعد فتره فتح عيونه وناظر شاشة اللاب..وصرخ:يــــــــــــس!!!
بندر:اوكي نتقابل...

خلود استغربت"نتقابل؟؟":...باي

بندر:بااااااااااااي


وقفل الماسنجر وطنش الباقيين وكان حيل مبسوط ومستانس لانه لقي له وحده جديده يلعب عليها زماااااان ما استهبل على أحد جديد كل اللي عنده من زمااااان...بس هو ناوي يغير لأنه طفش كثير.. والظاهر إنها صعبه وهو يموت عالتحدي<<مع نفسه طبعا

أما خلود بعد ما قفلت الماسنجر سرحت بأفكارها وهي مستغربه ليه وافقت يحتفظ بإيميلها على قولته بس أقنعت نفسها بأن السبب إنها كانت طفشانه والسالفه تسليه وإنه حتى لو فكر يستهبل ويسوي حركات يمين وشمال فهي وقتها تعرف تتصرف معاه..وبالنهايه كذا ولا كذا كل الدعوه إيميل لا راح ولا جاء..
هذا اللي كانت خلود تقنع حالها فيه..
************************************************** ************************

احم أحم..
أعرفكم على بندر..
بندر:عمره(21) سنه ملامحه خوووقااااق وعليه ابتسامه عذاااب ..ماخذ الدنيا لعبه ومهزله..ماله إهتمامات محدده...طويل وجسمه مره جناااان عيونه وسيعه مع حواجب مرسومه رسم واللي تعطيه ملامحه حده وبنفس الوقت جاذبيه مع رموشه الكثيفه نظراته تعيشك بعاااالم انفه سلة سيف..له شنب خفييييف..مزااااجي درجه اولى

أما طبعه واخلاقه سبق وتكلمنا عنها

************************************************** ************************
قام بندر وفتح موبايله ودق على سامي خويه
..
بندر:ألووووووووو صاحب السمو<< بندر دايم يقله صاحب السمو

سامي:هلااااااااااااااااا بندر وينك يابو الشباب

بندر:والله بالبيت<<يستهبل

سامي:لا والله جد وينك وليه جوالك كلش مغلق

بندر:ابد البطاريه فارغه

سامي:يومين فارغه يالنصاب!!

بندر:إيه والله وتوي شحنت

سامي:عيل نعيماًً<<عيل بالكويتي=أجل بالسعودي

بندر:أنعم الله دنياك إلا شخبارك وشخبار الشباب

سامي:والله بخير ويسألون عنك قلت لاهي مع بناته..وانت اشلونك

بندر يضحك على كلمة بناته:الله يسلمك..إلا إش الموضوع اللي صجيتني فيه

سامي:إيه زييييين ذكرتني الله يذكرك بالشهاده بس ما يصير عالموبايل

بندر:طيب وين أشوفك فيه

سامي: براحتك إشرايك تمرني بالبيت

بندر:على خير إنشالله أبدل واجيك مسافة السكه بس

سامي:فمان الله

بندر:مع السلامه

سامي:هو صاحب بندر الروح بالروح من 6 سنوات وهوه كويتي بس أمه أجنبيه وساكن ببريطانيا عند أخواله.. ويحبون بعض كنهم أخوان وتقريبا يشبه بندر كثييير في كل شي بس يختلف عنه إنه مو راعي بنات وإنه راح للكويت قبل وتقريبا كل إجازه يروح لها..

************************************************** *******
لبس بندر ملابسه وأخذ جواله ونزل..لقي أمه وخواته بالصاله جالسين..

بندر بابتسامته المعتاده اللي تظهر غميزاته:هايوووووووو
أم فيصل:هاي بندر..وينك..ماصرت أشوفك..

بندر يضحك ويبوس راس امه:هههههههههه يمه الله يهديك ما عليك حي أرزق على وجه الكره الأرضيه..

عهود بدفاشه:إخخخس من وين جايبها ذي..حي أرزق

بندر:من مسلسل مدبلج يا أبو الشباب..

عهود:أقول أقول بالله طالع وجك بالمرايه وجه مسلسلات مدبلجه..

بندر:ليه وش فيه وجهي كاني أهبل والبنات كذا علي ..ويأشر بيده

عهود: أنا ما قلت تهبل ولا لا أنا أقول مو وجه مسلسلات مدبلجه

بندر:لا أنا مسلسلاتي المدبلجه تجي عالطبيعه كذا

عهود:إييييييييييه قول كذا من أول

بندر:شفتي إش لون!!..وبتريقه:إنتي هنا..تصدقي ما شفتك ويأشر على دانه

دانه:أشلونك بندر وشنو أخبارك وأخبار السياسه وياك.. وتغمز له <<السياسه يعني جوري

بندر:والله انا تمام بس السياسه هاليومين فيها خراب وأمور غلط وزي مانتي عارفه يعني

دانه:إييييييييه وصلتني الاخبار

عهود بخبث:لا والله احلف إنت وياها..إش سياسه وما سياسه إش السالفه..


بندر يصرف باستهبال:لا ياقلبو..هذي سواليف كبار لا كبرتي تفهمين طيب ياحبيبة ماما

عهود عصبت:هيييي إش تحسبني بزره تستهبل معاي

بندر:لاااااا حاشاك بس أحسبك بزره..هاهاها

عهود:هاهاها بايخه

بندر:اقول يمه أنا طالع احسن من مقابل وجه هالقرده<<يقصد عهود.. وانتي يادانه بعدين أبي اكلمك

دانه:أوكي

عهود ضغطها ارتفع:بندرووووووووه أنا القرده يالخنزير يالثور ..<<الأخلاق عندها مو شي

بندر ما رد عليها ووقف..طالعها بنظره وابتسم ولف:يالله ماما قود باي..سي يووو

أم فيصل:باي ..تيك كير بندر

بندر:أوكي

وجابيطلع وما حس إلا بضربه على راسه كانت بتفقده الذاكره..لف مفجوع لقي عهود وباين إنها واصله حدها وضغطها واصل الألف..مسك على راسه

وطلع وهو خايف:أييييييي حشى ماهي بنت هذي وحش..

فيصل كان توه راجع من الشركه و شاف أخوه وشكله طالع من حرب:سلامات بندور شالسالفه تصفقت..؟؟!! ويضحك

بندر:ابشرك..صراحه أكتشفت ان بالبيت وحوش

فيصل:ههههههههه أكيد عهود هي اللي مكفختك

بندر:إيه والله ياخوك ومن غيرها كنت بفقد الذاكر يمه منها تخوف

فيصل يضحك:إلا على وين أبو الشباب

بندر:رايح لسامي

فيصل:ياااااااااا هذا السامي يأخي ارحم هالولد كلش ناشب فيه خله يتنفس

بندر:أقول أقول عن اللقافه..بروح لخويي وإنت اش خصك؟!!

فيصل ويضحك: زين وصله سلامي

بندر:يوصل بس اش رايك أروح بسيارتك سيارتي يبيلها شغل ما أعرف إش فيها

فيصل:زين خذ المفتاح بس شوي شوي لا تسويلنا مصيبه..ولا تدخن فيها ما أبييصير ريحتها

بندر اخذ المفتاح وهو ماشي:لا توصي حريص

فيصل:الله يستر منك ما أخاف إلا لاقلت هالكلمه

ركب بندر السياره ومشى..
************************************************** *********
أعرفكم بعائلة أبو فيصل..
ابو فيصل عبد العزيز) رجل اعمال ناجح وله مكانه راقيه بالمجتمع يدير شركات العيله بالخارج عشان كذا هو ساكن هناك على طول حنون حيل و يحب البنات كثير بس مع الأولاد يكون شديد أحيانا..

ام فيصل(جواهر): جميله وجديه كمان وهي زوجة ابو فيصل...سعوديه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-03-2010, 05:54 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


فيصل:الولد الكبير بالعيلة يدرس بالجامعه آخر سنه قسم هندسه ويشتغل بعد الدوام مع أبوه بالشركه عمره(23)سنه مملوح وشخصيته مره حلوه بين الجديه والفله ويغلب عليه الهدوء..مرررره رومانسي..طويل شوي يعني أطول من بندر.. وملامحه هاديه تعطي إحساس بالراحه للي يشوفه لأول مره..عيون ناعسه مع رموش كثيفه وانف معتدل مع شنب خفيف وسكسوكه مرتبه معطيته جاذبيه

بندر:عرف سابقا<<هذي سارقتها

دانه:عمرها(20)سنه دلوعه وحلوه والدلع لايق عليها بالمره شعرها ناعم ولونه بني غامق جسمها نحيف وبشرتها بيضاء عيونها وسيعه مع رموش كثيفه وخدود متورده وناعمه...مرررره كيوت..

عهود:عمرها(18) سنه تشبه بندر كثييييييير حبوبه ودمها خفيف بس إنها رجه وفيها دفاشه أحيانا ..تحب تغامر وفيها فضول يذبحها بس تعصب بسرعه وإذا عصبت الله يعين..لون بشرتها زي دانه بس هي تتعمد تخليها سمراء أو برونزي...ماتحب أحد يدوس لها على طرف لو مهما يكون ووألزم ماعليها كرامتها..شكلها طبيعي كيوت

راكان:أصغر العيال ودلوع العيله ومع إنه أصغرهم إلا إنه أعقلهم وذكي بالمره وملامحه وأسلوبه في الكلام زي الكبار..عمره(16)سنه
************************************************** ***************
نرجع للعائله..

عهود:إلا دندونه حبيبتي إش كان يبي منك بندر..واش كان يقصد بالسياسه

دانه بأسلوب غريب:لا سلامتك ما يبي شي..

عهود بعفاشه:أقول بلا هبال وقولي

دانه وهي تشد على أسنانها:أقلك ما كان يبي شي...وناظرت أمها

عهود أخيرا فهمت إنه ما ينفع السالفه تنقال قدام امها:أهاااا..إيه طيب

سكتوا شوي..
أم فيصل:عهود متى يبدى الـexam تبعك

عهود:أوهووووووووه يا ماما باقي كثييييير يعني حول سكس ويكز

ام فيصل: أهااا..قود لاك

دانه:وانا ماما مالي رب..

أم فيصل: نو مو قصدي..بس أنتي ماينخاف عليك..أختك اللي آخر إهتماماتها الدراسه

عهود:ماما بقي بدري عالهم لا صرت بآخر سنه بشد حيلي

أم فيصل:الله يوفقكم....(وقفت) أنا رايحه أشوف إذا جهزت الأغراض فور تمورو

دانه:ليه إش فيه بكره..

ام فيصل:تمورو آي إنفايت ماي فريند هير..

عهود:إكككككككشخ..ياللي تعزم..غريبه بالعاده انتي تروحين لهم

أم فيصل:عشان كذا هالمره قلت العزيمه عندي

عهود:والله حركاااات أجل دام البيت بيكون مشغول بكره أنا بروح لوجود

دانه:وانا بروح السوق ناقصني شوية أغراض

أم فيصل:اللي يريحكم..يالله أنا بقوم......وقامت ام فيصل

انتظرت دانه لين دخلت أمها المطبخ..

دانه:الله يرجك يالخبله بغيتي تفضحينا عندماما

عهود بعصبيه:وأنا وش يدريني إن السالفه فيها إن

دانه:واضحه..من أول وبندر يتكلم بالألغاز عشان امي ما تفهم وبعد أستهبالك والتناكه اللي فيك أحس امي حست أن فيه شي بس ما تكلمت

عهود:إيه ما علينا الحين قولي لي إش السالفه..

دانه:طيب تعالي فوق بغرفتي وأحكيك

عهود:يالله..

ويوم جو بيطلعون إلا الباب ينفتح ودخل راكان

دانه :هلاااااااا راكان..

عهود:هلااااااااا أخوي كيفك واش أخبارك وينك؟؟

راكان:والله أنا موجود بس إنتم اللي ما تسألون عن أخوكم هو حي ميت..الله يسامحكم بس

عهود:يعينك إنت اللي متقطع عشاني

راكان:أنا الصغير..

عهود:وانا بنت..

راكان يستهبل:والله..تصدقين؟!..حسبالي واحد من الشباب

عهود:الظاهر إنك بتلحق أخوك..

دانه وهي تضحك:أقول راكان إلحق عمرك قبل لا يصير فيك اللي صار في بندر من شوي

راكان:إلا هو وينه؟

دانه:طلع من شوي

راكان:شوف النذل ..اليوم موصي علي يقول لا يجي المغرب إلا وانت هنا

دانه:ليه إش كان يبي منك..

راكان:يقول إنه اليوم ما عنده مشاوير ويبينا نختم شريط البلايستيشن الجديد

عهود:صدق إنكم فاضيين..لو أنا ولد كان ما تشوفوني بالبيت وانت جاي تختم شريط بلايستيشن

راكان ويرفع يده::الحمد لله إنك منتي ولد وإلا كان لندن عليها السلام..

عهود بعصبيه:شقصدك يعني؟؟

راكان وهو ماشي:أبد ما أقصد شي..أقول دانه قولي للخدامه تعطيني شي آكله ترى جوعان حدي

دانه:زين تامر أمر

راكان من بعيد:تسلمين يالغاليه..

عهود:أقول إمشي خليك من هالرومانسي وتعالي قولي لي عالسالفه

دانه وهي تضحك:يالله بس لا تعصبين..
بندر:سلاااااااااااااام

سامي:هلاااااااااااا وينك يا أخي مغبببببر زمان عليك

بندر:كح كح

سامي:سلمات تعبان؟؟

بندر:لا عندي ربو من الغبار

سامي بدلاخه:أي غبار

بندر:مو على أساس أنا مغبر؟؟

سامي:ههههههههه الله يحييك إلا اشلونك.. وجلسوا

بندر:توي مكلمك وقايلك بخير<<يحب الإحراجات

سامي:إيه ما علينا...خلني اقلك السالفه..
تخيل من كلمني..!!

بندر:إنت جاي تقولي سالفه وإلا خيال..مين؟؟

سامي:جوري

بندر بصدمه:جوري!!!!!!!!!

سامي:إيه جوري

بندر وهو بقي مصدوم:متى وكيف واش تبغى ومن وين جابت رقمك واش قالت لك واش قلت..

سامي:الحين على إيش أجاوب بالضبط..

بندر:عليهم كلهم

سامي: لهالدرجه تهمك!!..طيب ياعمي طبعا كلمتني قبل يومين وسألتني ليه موبايلك مغلق فقلت لها إني ما أعرف وإني أنا بعد أدق ومغلق ورقمي ماقالت من وين جايبته وسألتها إش تبي فقالت لي أول ما أقابلك أقلك:إنها اكتشفت إنها فاهمه السالفه غلط وتبي تعتذر عن المسج اللي ارسلته لك.. وعن اسلوبها معاك..

بندر:طيب ليه دقت عليك إنت بالذات..أقصد ليه ما دقت على دانه مثلا

سامي: أنا بعد سألتها نفس السؤال فقالت:إنها ما حبت يوصلها شي قبل ما تنحل السالفه..

بندر:طيب تتوقع كيف عرفت إنها غلطانه..

سامي:والله ما اعرف بس إنت دق وشوف..

بندر:خلها الحين لا رجعت البيت بدق..

سامي:طيب ليه مادقيت ولا سالت علي ياخي بالكذب حتى

بندر:والله مشغول مع الوالد بأمور الشركه يعني تعرف

سامي:الوالد وإلا......شوي إلا دق موبايل بندر

رد بندر:هلاااااااااا جسوم.إش لونك..

جاسم:والله بخير إشلونك انت

بندر:والله تمام..كيف الشباب

جاسم:بخير نحمد الله وينك يا أخي لنا يومين ماشفناك ولا حس ولا خبر..

بندر:أبد والله مشغول

جاسم:والحين وينك

بندر:الحين انا مع سامي

جاسم:وهو وشلونه

بندر:بخير ما عليه

جاسم:طيب حنا بشقة عبود متجمعين ويا الشباب إش رايك تجونا

بندر:أوكي بشوف سامي وأرد لك....خلك عالخط........أقول سامي الشباب مجتمعن عند عبود إش رايك نروح؟؟

سامي:نروح والله لهم وحشه

بندر:إيه خلاص الحين جايين مسافة الطريق بس..

جاسم:على خير

بندر:مع السلامه

ومشو عالشقه...

عبود هذا واحد من أخوياء بندر من السعوديه مالهم إلا 3شهور متعرفين عليه لأنه جاي يدرس وبيجلس عندهم 6 شهور بس بسرعه خذا عليهم وهمه كمان نفس الشي وصارت علاقتهم قويه جدا.. وهذا عبود أخلاقه مو شي بس بندر متعلق فيه لأنه فله ويفهم على بندر كثير واثنيناتهم حقين بنات

في غرفــــــــــــــــــــــــــــــة دانه

عهود:أجل بندر يحب جوري..

دانه:هههاااي بندر يحب؟؟...لااا..بندر ما يحبها بس مجرد صديقه بس الظاهر هي تحبه

عهود:وانتي كيف عرفتي..

دانه:أولا..واضح من كلامها عنه..ثانيا هي لو ما تحبه كان ما تغار من وحده بندر يكلمها ولا وتسوي زعل وتهزئ

عهود:طيب..هي كيف عرفت السالفه..

دانه:مني طبعا...هي دقت تشكي لي منه وانا فهمتها إن بندر يعرف كثير غيرها بس كلهم لعب.. ولا وحده يحبها وإنها هيه الوحيده اللي يحمل لها معزه وبس وسألتني ليه أنكر غنه يعرفها...فقلت لها ان بندر لما يتعرف على بنات مايقل لأي وحده فيهم اسمه الحقيقي عشان هالشي مايضره لو حب وحده عن جد.....وفهمتها انه ما تذكرها مع اني بجد مو عارفه ليه بندر انكر انه يعرفها

عهود:أهاااااااااااا..والله منت بسهل يابندر..هالولد شيطان...

دانه:إيه..عرفتي السالفه..خلاص أبي أنام

عهود:هذي طرده؟؟..

دانه:لااااا حاشاك..بس من جد تعبانه وبكره وراي جامعه

عهود:أوكي تصبحين على خير يالدافوره

دانه:وانتي من أهله بس سمي علي

عهود وهي طالعه:ما بسمي خليك تخفين على نفسك شوي

دانه وهي تضحك على كلام اختها:الله يهديك يا عهود
في سيـــــــــــــــــــــــــــــــارة بندر
سامي يسولف:إيه وأقولك........ورن موبايل بندر للمره العشرين

بندر برومانسيه مصطنعه:هلااااااااا والله وغلا بهالصوت

سامي:الله ياكثر ما تشلخ ياشيخ.<< تشلخ=تكذب

عبير:هلا فيك يابعد قلبي

بندر:إشلونك عبير

عبير:تمام وأنت اشلون فوفو اشتقت لك حيييييييييل ليه الطنش

بندر:أبد والله مشغول هاليومين

عبير:طيب على الأقل رد على مسجاتي

بندر:قلت لك مشغوووووووووول

عبير:طيب والحين..

بندر:حتى الحين مشغول...بس ولا يهمك اليوم قبل لا أنام بكلمك..

عبير:اوكي حبيبي انتظرك

بندر:اوكي..باي حبيبتي

عبير:باي ياقلبي

وقفلت وبندر يقلد صوتها"باي يا قلبي":ياخي هالبنات كرهوني بالرومانسيه ما يصلحون أبد للرومانسيه

سامي:يعينك يالرومانسي إنت..و دامهم كرهوك على قولتك بالرومانسيه إش اللي حادك على هالبنات....وبعدين هذي عاشر وحده تقلها بكلمك قبل لا أنام من بتكلم ومن بتخلي..

بندر:من قال إني بكلم أحد ولو بكلم يمكن جوري.. بس تبي الصراحه وناسه اللعب ومو كل يوم بتلاقي من يسليك ويسمعك كلام معسول ببلاش

سامي:إيه إش معنى جوري؟؟..لا يكون........

بندر يقاطعه:أقول لا يروح فكرك بعيد..بس عشان كنا متزاعلين والسياسه خربانه فما يصير..

سامي:إيه..بس تبي الصراحه..يوم كان جوالك مغلق أفضل..ياخي عالأقل أهلك يقدرون يسولفون معاك مو مثلي كل ما جيت ابابدأ يرن موبايلك..
وتراني....
وما مداه يكمل إلا يرن موبايل بندر بس لما حس إن سامي معصب حطه عالصامت..

وجلس سامي يناظر بندر وعيونه بتخرج من مكانها زي اللي حااااااااااقد

بندر وهو يضحك:خلاص ولا يهمك..أول ما نطلع من الشقه بمر اشتري رقم جديد عشانك وبخليه خاص لك وللشباب والأهل

سامي بقهر:إيه زين تسوي...بس قلي إنت متى بتبطل سجاير؟؟؟

بندر:لو بكيفي اليوم قبل باكر...بس مو بكيفي

سامي:اجل بكيف منو؟؟

بندر:ما اعرف والله بس انت شفت حالتي لما تركته أسبوع

سامي:إييييه هو انا أنسى هذاك الأسبوع...صاير كبريت بس احد يقلك كلمه قمت عليه أعوذ بالله

بندر:ههههههه زين إنك بقي فاكر

وجلسوا يسولفون لما وصلوا للشقه..

طبعا سهروا إثنيناتهم لما الساع بالليل وبعدها طلعوا لأن بندر ممنوع يتاخر عن البيت أكثر من هالوقت بسبب النظام الصارم اللي حاطه أبوه

عبد الله:على وين شباب

بندر:والله لازم نمشي أولا أنا تعبان وثانيا بكرا عندي دوام بالمعهد

سامي:وانا بعد هم عندي دوام

عبدالله:أجل نتقابل بكرا

بندر:امممم على حسب لو كنت فاضي مريتكم

عبدالله:أأووووكي

ورجع كل واحد على بيته
طبعا بندر أول ما رجع للبيت كالعاده فتح الماسنجر لقى خلود أون لاين "حلو داخله...هذي فرصتي"....أرسل لها:مساء الورد

خلود كانت حييييييييل طفشانه ومزاجها مقففففففل لأنها نامت كثير بعد مارجعت من المدرسه وماصحت إلا 11 فما جاها نوم ولما فتحت إيميلها ماكان فيه احد داخل فجلست تطقطق بالنت لما جاها مسج بندر وكأنها اللي ماصدقت تلقى حد تسولف معاه فأرسلت:هلا والله مساءالنور

بندر:كيف الحال

خلود:تمام انت شلونك

بندر:تمام...شكلك مشغوله مو؟؟..

خلود:لا بالعكس زهقااااااانه حيل ومو قادره انام....
خلود بنفسها بعد ما ارسلت المسج"شاللي خلاني أقله كذا صدق اني غبيه"

بندر بنفسه"حلو...زهقانه!!"
وارسل:وليه موقادره تنامي شاللي شاغلك

خلود:ولاشي بس لأني نايمه بالنهار

بندر:أهاااااااااا....طيب ماعندك دوام بكرا؟؟

خلود:وانت شدخلك عندي ولاماعندي موشغلك؟

بندر:يووووه منك ماتبين تسولفين؟؟

خلود:وانت هذي سواليفك صدق ممل!!

بندر عصصصب وقرر يوريها لأن محد قد قاله كذا:زين ياست الحسن ورينا سواليفك

خلود:غصبا عليك ست الحسن....

بندرهنا وصلت معاه:احد ضاربك على يدك وقايل لك سولفي معي!!

خلود:من زينك عاد أنا بس كنت زهقانه قلت اتسلى عليك انت ووجهك بس والله جاني نوم من سواليفك بروح انام...وطلعت حتى قبل لايرد عليها



بندرلما شافها طلعت جد:يؤيؤيؤ صدق ماهي سهله هالبنت سحبت علي وطلعت بس هييييييين اما طيحتك على وجهك يا أحلام ما اكون بندر
وراح ينام وكانت الساعه 3 الفجر
وطبعا ماراح المعهد لأن أخونا ماصحى من الأساس إلا العصر....(حشى كيس نوم يابندر)

أول ماصحى على صوت موبايله..كانت جوري..."اووووف شتبي هذي" ورد بصوت كله نوم:هلا

جوري بصوتها اللي كله نعومه:مساء الورد

بندر بأسلوب جاف:مساء النور

جوري:بندر أنا آسفه أدري انك لسا زعلان مني بس والله ما كنت ادري ان الموضوع كذا ولما فهمت الموضوع حاولت ادق عليك واعتذر بس موبايلك كان على طول مغلق فرحت ودقيت على سامي واتوقع قالك اش قلت له

بندر بنفس لاسلوب:إيه قال...والمطلوب؟؟

جوري:بندر تكفى ما احب تكلمني بهالاسلوب انا بس حبيت اعتذر لك عن اللي حصل..وياليت اللي بيننا يظل مثل ماهو

بندر:جوري اساسا مابيننا شي ..كل اللي يربطنا انك صديقة اختي دانه..و......

قاطعته جوري:بس أنا يابندر أحبك

بندربحنان مصطنع:وانا قلت اللي عندي...أنا ماعمري اعتبرتك إلا مثل دانه وإذا موأقل فمو أكثر واعتقد كلامي واضح...جوري أنا ما أبيك تحقدين على أو تنجرحين مني ولاتتوقعي بيوم اني كنت العب واتسلى معاك مثل بقية اللي اعرفهم كل السالفه اني اعتبرتك اخت وصديقه لا أكثر...وياليت تفهميني

جوري وكبر بعينها بندر أكثر:أنا ماعمري بحقد عليك أو أكرهك ولو ماحسيت بلحظه اني اعنيلك ولو شي بسيط ماسمحت لنفسي اني احبك((أبو الثقه ياجوري..)) بس ما أقول غير الله يهنيها اللي بتاخذك...

بندر يصرفها:طيب جوري انا الحين عندي موعد وما أبي أتأخر انتبهي لحالك زين ولو احتجتيني بيوم انا حاضر

جوري:مشكور يابندر وما تقصر الحين مابعطلك وانت كمان انتبه لحالك

بندر:مع السلامه

جوري:باي

بعد ماقفلت..بندر بنفسه:وهذي جوري خلصنا منها
وقام أخذ شاور وتكشخ ونزل عند أهله

بندر:مساء الورد لأحلى أم بالدنيا كلها وباس راسها

أم فيصل:هلابندر مساء النور

بندر للبنات:هايوووو بنات كيف الحال

دانه تمام

عهود من راس خشمها:أنا مو تمام

بندر:أفااااااااااااا عهوده مو تمام وليه؟؟

عهود:زهقانه وماما موراضيه نطلع انا ودانه

لف بندر على امه:صدق ماما؟؟

أم فيصل :يس.. بس من خوفي عليهم ماصرت اتطمن عليهم وخصوصا عهود إذا طلعت مارجعت حتى اموت من الخوف عليها

بندر:أفاااااااااااااا يالغاليه عهود بالعكس ماينخاف عليها هذي ينخاف منها بس دانه اللي جد ينخاف عليها

عهود بعصبيه:شقصدك؟؟

بندر يغمز لها:وانا صادق

عهود فهمت:إيه أكيد

دانه:شلون يعني عهود تطلع وانا لا؟؟

بندر:لا ان ما قلت كذا....بس أنا عندي اقتراح؟؟

أم فيصل:وإش اقتراحك يااستاذ!!

بندر:أبد الله يسلمك آخذ البنات وانا أطلعهم بنفسي

عهود:يــــــــس!!....أبو الأفكااااااااااار

أم فيصل: انت يبيلك من يطلع معاك... وخصوصا بعد ما صرت تكنسل دواماتك على كيفك!!

دانه وعهود:خخخخخخخخ

بندركشر:جد ماهقيتها منك يالغاليه بس تدرين؟؟(ابتسم)....زي العسل على قلبي

ام فيصل وتضحك:هههههههه فديت روحك يماما...أموت واعرف من وين تجيب هالكلام فمك يقطر عسل..

بندر:هههههههههههههههه...هذي الله يسلمك كورسات

دانه:وانا بعد ابي آخذ كورسات وتغمز لبندر

بندر طلعت عيونه:والله اذبحك!!

دانه وعهود:هههههههههههههههه

دانه:فديت اللي يغارون بس

بندر:هه مايحتاج تاخذين ماشالله طبيعي ماخذه

دانه انحرجت وتوردت خدودها

عهود بدفاشه:هاه شقلتي ماما نطلع ويا بندر؟؟

م فيصل وهي تقوم:إيه إذا بيحط باله منكم أوكي

بندر:أفا الغاليه لا توصيني هذولي بعيوني

دانه:تسلم عيونك بندوري

عهو:يلا يلا نتجهز

بندر:لحظه وين تبون تروحون

عهود:مو مشكله انشالله الصين أهم شي نطلع

بندر:هههههههه اوكي أنا انتظركم بسيارتي


راحوا البنات وتجهزوا وطلعوا ويا بندر وراحوا ملاهي وبعدها راحوا السينما وراحوا لأماكن أول مره يشوفونها مع بندر(ماشالله يابندر خبره!!..يحق لك)
رجعوا عالساع0 بالليل وهم منهد حيلهم ...

دخل بندر غرفته وشغل موبايله اللي مقفل من لما طلع مع أخواته(تدرون يخاف من الفضايح) لقى نص العالم كالعاده داقين عليه...

دق على سامي واعتذر منه لأنه ماقدر يقابله لا بالمعهد ولا برى المعهد وبعدها...دقت عليه سهى وتمت تعتذر وبندر يصد عنها لحد ماقفل بوجهها بالنهايه..وبعدها دقت عليه مريم اللي ماقفل منها حتى طيحها على وجهها مثل مايقول وسلوى اللي كسر غرورها بمكالمه وحده ولا نهى اللي رماها ببحره ونساها.....و............و.............إلخ من البنات اللي بندر بعالمهم وهم عنده ((صفرين عالشمال مثل مانقول أو تمشية حال))

كل البنات ألعاب بيده يوديهم ويجيبهم مثل مايبغى ومع كذا مايرضى أحد بس يناظر خواته...هذا هو [[ بنــــدر]]

عالساعه 1 ونص بالليل كان بندر توه مخلص مكالماته...وبس يترك جواله من هنا يمسك الماسنجر من هنا هذي حياته...
دخل لقى كثيرين متصلين بس هو داخل اوف لاين.. وكان بس منتظر خلود تدخل لأنها الوحيده اللي مامشت على هواه..وعلى قولته كان يبي يوريها طريقها عدل.......<<بلاك ماتعرفها عدل يابندر

بعد ساعه تشقق بندر من الوناسه لما شاف.."تم تسجيل دخول العنيده"

حول حالته على...اتصال..وما أرسل لها شي

خلود لما شافت مافي أحد من صديقاتها متصل.."أفففف....اش هذا القرف والله ملل...شنو اسوي الحين؟؟"

شوي إلا جاها:تم تسجيل دخول فارس

وبس شافته كذا قفلت إيميلها وراحت تنام

بندر بس طلعت خلود ارتفع ضغطه اول مره تجي له وحده ومايفهمها ولا يعرف شلون يتعامل معاها مع إن جاله أصعب منها بس بيومين قدر عليهم أما ذي غير

بندر بنفسه"هذي ماعندها احساس !!....شلون تشوفني متصل وماترسل شي..حتى لو ما أهمها...معقوله أنا ممل صدق لهالدرجه وسوالفي ممله مثل ماتقول!!....بس لا كم وحده أعرفها أنا ولا وحده قد قالت لي هالكلام..وبعدين حتى لو هذا شي طبيعي أنا ما أعرفها شنو تبيني أسولف فيه أذكر أول مره سولفنا فيها ماعطتني فرصه حتى أقلها حلوم..وإذا كنت محترم قالت سوالفي ممله...يووووه اش فيني مهتم بالموضوع بالطقاق مصيرها لي مثل غيرها"


بعدها جلس بندر يومين وهو كل مايفتح إيميله يلاقي خلود أو مثل مايسميها[العنيــــده]...مو متصله ويطلع على طول مايدري ليه ..كأنه بس يفتح إيميله عشانها مع إنها ترفع ضغطه بس كان يستانس نوعا ما لما تتحداه وماتعطيه وجه<< البس مايحب إلا خناقه

و هذيك الليله كانت خلود متفقه مع بنات عمها على اساس بالليل يفتحون إيميلاتهم..

وفعلا دخلوا سوا وظلوا يسولفون حوالي ساعتين..وبعدها كل وحده راحت تسوي شي..أما خلود كالعاده ماعندها شي محدد لأن اوضاعها مقلوبه ومتنام إلا لما اللي بالبيت يصحون وتصحى لما ينامون وتداوم مدرستها مواصله وحالتها حاااااااله...بعدماخلصت محادثاتها مع البنات جات بتقفل إيميلها لقت بندر متصل...قالت تشوف اخباره مو بالعاده يديها طنش كذا فأرسلت: سلاااااااااام

بندر كان من اول ينتظر خلود تعطيه وجه وكان متطمن لأنها أكيد شافته متصل بس هالمره ماطلعت وسحبت عليه مثل كل مره وبس شافها عبرته تشقق من الوناسه فرد وقلك ثقل:هلا

خلود ومستغربه من اسلوبه:كيف الحال؟

بندر:تمام وانتي؟

خلود بنفسها"لالالا الولد مو طبيعي": ماشي الحال اش مسوي شكل مالك خلق تسولف

بندر:لا مو كذا بس على اساس سواليفي ممله مو؟؟؟

خلود:والله أول اهون على قول المثل"العوش ولا العمى" سواليف ممله ولا هالبرود بالردود

بندر هنا بدا يدرس هالبنت...(1- ماتواطن البرود):لا أخاف تسبي وتلعني وتطلعي مثل المره الأولى..

خلود:أوووه لسى فاكر....سوري بجد وقتها كان مزاجي مقففففل أنا كذا لما اعصب

بندر وكمل استنتاجات(2- أخلاقها مو شي ---> معناها معصبه أو متضايقه) ورد:وليه تعصبي ترى مافي شي يستاهل تعصبي عشانه

خلود:على قولك مافي شي يستاهل..



وكملوا سواليف وكانت هالمره هي أول مره يسولفون كذا بس هالمحادثه أفادت بندر اكثر من اللي قبلها...ما..كمل معاها حتى عرف عنها أغلب طباعها وبدون ماتحس عرف إش الشي الي يقهرها وينرفزها والشي اللي يعجبها وكل كلمه كانت تقولها كان يحللها مزبووووط ويفهمها...<< مو أقلكم حريف


بعدها كانوا بندر وخلود تقريبا كل يوم يسولفون ويا بعض...بس لازال بندر مو قادر يوقع بخلود..ومازالت خلود ماتعطيه وجه...يعني كلللللل تحليلاته واستنتاجاته مافادته بشي وهذا اللي مخليه يتجنن مو لاقي طريق يوصل لهالأحلام...





بعد فتره...تقريبا أسبوعين..
كان بندر كالعاده طالع ويا سامي...ويسولفون...دق عليهم عبود
بندر:هلا والله أبو عبيد
عبود:هلافيك
بندر:كيفك وكيف الشباب
عبود:تمام كلهم يسلمون عليك وانت شلونك وشلون سامي خويك
بندر:تمام كاهو وياي وطالعين
عبود:يعني مو مشغول الليله
بندر:لاعادي ليه تامر بشي
عبود:أبد والله اشتقنالك وقلت اعزمك عند بالشقه اليوم بتجمع كللللنا وفيه كم واحد كمان يبون يقابلونك
بندر: يبون يقابلوني انا؟؟؟...منو؟؟
عبود:ماتعرفهم بس هم من أخوياي بالسعوديه ومن كثر ماتكلمت لهم عنك تحمسوا يشوفونك فقلت اشوف إذا تقدر تجينا
بندر:اوكي بشوف اوضاعي وبشوف سامي وبرد منك
عبود:أوكي بنتظرك
بندر بعد ماقفل من عبود يكلم سامي:ه>ا عبود داق يبينا نروح لهم بشقته
سامي:والله ياهالعبود أخلاقه ماتعجبني
بندر:لابالعكس أحسه يفهمني زين
سامي:أحم احم
بندر:لا عااااد صاحب السمو غير محد مثله
سامي:إيه أحسب
بندر:هههههه هاه إش قلت نروح لهم؟؟
سامي:نروح وامرنا لله
بندر:يالله أجل مشينا
ودق على عبود وقاله انهم جايين بالطريق



وصلو ونزلوا..وسلموا عالشباب وسهروا لما صبح اليوم الثاني سهره لا تخلو من الأفلام والبلوت والمسخره والخمر طبعا كل الشباب يشربون ويسكي ويشيشون إلا هو وسامي بس هالمره بندر شرب ولاول مره بحياته بس سامي لا..وبعدها رجع..للبيت بعد ما وصله سامي لأنه كان سكرااااان..



فـــــــــــــي بيت أبو فيــــــــــــــــصل
الكل جالس عالفطور نزلت عهود...

عهود: صباح الخير بابا كيفك..والله لك وحشه..

أبو فيصل وباين انه متضايق:هلا بنتي.. بخير الحمد لله..إنتي اشلونك

عهود:والله بخير

وراحت جلست جنب فيصل..:كيفك فصول شخبارك..

فيصل:بخير دامك بخير..

عهود:تسلم ياأخوي..

راكان:وأنا ما بتسأليني إش لونك..

عهود:لا...أعرف لونك بني محروق..هاهاها

راكان:هاهاها..طيب أوريك ياالفوشيه

في هالوقت نزلت دانه..

دانه:صباح الورد لأحلى عائله بالدنيا..شلونك بابا..

أبو فيصل:هلا والله بخير الحمد لله كيفك إنتي

دانه:بخير دامك بخير..شلونك فيصل!!...شلونك راكان.. شلونك ماما؟؟

فيصل وأمه:الحمد لله بخير

راكان: أنا بصير بخير لاانتهت المدرسه..

دانه:إلا وين بندر ما أشوفه..

دقتها عهود..إنه لا تسألين

فيصل يصرف ويكلم راكان:إلا قلي شخبار الدراسه..

راكان:ماشي شاد حيلي والله

أبو فيصل وهو معقد حواجبه وكأنه مهموم او تذكر شي مو زين:على طاري الدراسه..امس اتصل فيني المسؤول بالمعهد..

راكان أنأخذ عقله وجلس يتذكر إش مسوي من مصيبه بس ما حس إنه مسوي شي فتوقع إنه اتصل يمدح فيه

عهود بخبث وتناظر راكان:إيه يبه وإش كان يبي؟؟

فيصل:غريبه راكان موعادته يسوي شي

أبو فيصل: ومين قال إنه مسؤول معهد راكان

الكل باستغراب:اجل؟!!

أبو فيصل:بندر

راكان ارتاح بس مو مره لأن برضو بندر ماعليه كلام

فيصل:إش فيه بندر؟؟.

أبو فيصل:يقول إنخفض مستواه 180 درجه وإنه مو بندر الأول

فيصل: الله يهداك يبه وهذا اللي مضيق صدرك ..ماهي جديده على بندر

أبو فيصل:بس هو بآخر سنه ولازم يشد حيله وبعدين ماهو هذا اللي مكدر خاطري السالفه أكبر من كذا..بعدين بتعرفها

فيصل فهم إن ابوه ما يبغى يتكلم قدام أخوانه لأن الظاهر السالفه كبيره وخايف يطيح من عينهم..وشي ثاني لأن أبوه كان معصب ومايبي يتذكر السالفه..
أبو فيصل:إلا هو وينه..

دانه:مو بالبيت من أمس..

فيصل وعطى دانه نظره:أمس المغرب شفته طالع وقال بيروح حق سامي ومن بعدها ما شفته

أبو فيصل:طيب دق عليه..وشف وينه لحد الحين

فيصل:على أمرك..

وأخذ موبايله ودق على بندر..طبعا موبايله محطوط عالصامت عشان كذا ماسمعه..

فيصل:دقيت عليه مرتين بس ما يرد

أبو فيصل ما علق على كلام فيصل والظاهر إنه مصعصصصصب
بعد شوي عمت لحظات سكون قطعها صوت الباب ينفتح..

طبعا بندر كان سكران وكان متأخر عن البيت وشكله كان مايطمن والكل كان ساكت فدخل وجا بيطلع من الدرج وما انتبه إن فيه احد بالصاله وتفاجأ بصوت أبوه وهو معصصصصصب:بندر!!!!

بندر:.............................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-03-2010, 05:58 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


-2-
" اكابر بحبه لعن ابو حبه"
بعد شوي عمت لحظات سكون قطعها صوت الباب ينفتح..

طبعا بندر كان سكران وكان متأخر عن البيت وشكله كان مايطمن فدخل وجابيطلع من الدرج وما انتبه إن فيه احد بالصاله وتفاجأ بصوت أبوه وهو معصصصصصب:بندر!!!!
بندربكلمات ثقيله وكان متفاجئ:هلا يبه
أبو فيصل بنفس العصبيه:تعال هنا..
مشى بندر وكان واااااضح إنه سكران لما ماصار بينه وبين أبوه إلا مسافة متر واحد..
أبو فيصل بهدوء يخوف:وين كنت!!
بندر باستخفاف:هه...وين كنت يعني برى؟؟
أبو فيصل ومعقد حواجبه:انت شارب شي؟؟
بندر بنفس الهدوء:لا
أبوفيصل بصوت أعلى شوي:أعتقد إني سألت!!
بندر بصراخ:وانا أقولك لا ..انت ماتفهم!!
أبو فيصل بصراخ:إلا سكران ياقليل الأدب
وماحس بندر إلا بكف قوي على وجهه ومامداه يستوعب الكف الأول إلا الكف الثاني من الجهه الثانيه
الكل تفاجأ لأن ابو فيصل عمره ما مد يده على أحد لا وهو صغير ولا حتى كبير وفوق كذا حنيته ماليه الدنيا على عياله ولا عمره زعل أحد منهم..
أبو فيصل وهو يلقط أنفاسه من كثر مو معصب:الظاهر إني ما عرفت أربيك بس أنا أوريك إشلون تعرف ترفع صوتك عاللي أكبر منك..لا وغايب عن البيت من أمس وجاي بالصبح وفوق هذا كله سكران هذا غير المصيبه اللي مسويها أمس بالمعهد ..وأنا اللي مستأمنك عالبيت وعلى أمك وخواتك بغيابي بس الظاهر إنك منت بكفو ولا رجال..
بندر كان مصدووووم.."إش لون أبوه يمد إيده عليه..لا وهو بهذا السن وقدام أهله كلهم بعد" ومن الصدمه ما تكلم ولا كلمه وأبوه جلس يهزئ فيه..ولا حتى دافع عن نفسه ولما خلص أبوه..مشى وطلع من الدرج ودخل الغرفه وقفل باب الغرفه عليه..
وكانت الفله هدووووووووووء والكل ساكت..ولا أحد فطر ولا شي
أبو فيصل بصوت تعبان..: فيصل يبه..أنا تعبان وأبغى ارتاح ومابروح للشركه اليوم روح إنت ودير بالك عالشغل
فيصل:على أمرك يبه...تبي أوديك المستشفى
أبو فيصل:لا ما يحتاج مجرد إرهاق وبنام وإنشا الله بكون احسن..
فيصل:زين يبه..يمه ..أنا رايح توصون شي
أم فيصل:لا سلامتك..الله يوفقك وينور دربك
أبو فيصل:تسلم ياولدي..فمان الله
خرج فيصل وراح عالشركه..وراكان طلع على غرفته..وأبو فيصل وأم فيصل نفس الشي..

بعد ماطلعوا الكل..
عهود بهدوء غريب:دانه شفتي اللي أنا شفته من شوي
دانه بنفس الهدوء:إيه والله... مستغربه
عهود:انا مو قادره أستوعب اللي صار..
دانه:غريبه...بابا يمد إيده على أحد..ولا مو أي أحد بندر..
عهود:لا..والاغرب من هذا كله..بندر سكران..
دانه:ياربي إش اللي صاير فينا والله أول مره أشوف بابا بهالحاله..
عهود:إيه والله..
دانه:والله متقطع قلبي على بندر
عهود:بصراحه هو يستاهل بس والله حتى أنا.........إش رايك نروح له
دانه:لا خليه حتى ويهدى..أكيد هو الحين مولع..
عهود:إيه والله...جد

فـــــــي غـــــــــــــــــــــــــــــرفة بنـــــــــــــــــــــــــــــــــــــــــــدر
بندر جالس على طرف السرير وأرجوله عالأرض وحاط يده على راسه ومدنق مرررره مخنوق..ويبكي
"ليش تمد إيدك علي...كل الناس تغلط..وأكبر من أغلاطي..وهذا اللي فيني كله من سببك ..إنت اللي أهملتني وخليتني كذا..دايم تهتم بفيصل وتخليه يشتغل معك بالشركه وأنا فالتني ولا حتى تسأل علي..ولا عمرك..قلت:إش لونك يا بندر..إشلون دراستك..ماعمرك حسستني إنك أبوي وإني ولدك.. وماتبغاني أصير كذا..وتوك عرفت معنى الأبوه ويوم عرفته طلعت عارفه غلط..وطبقته فيني غلط..زين ليه انا بالذات اللي تمد يدك علي..طيب من حقك بس ليه قدام هلي..آآآآآآآآآآآآآآآآآآآآآآآه يبه آآآآآآآآآآآآآآآآآآآآآآه"
وحط راسه عالمخده ودموعه ما فارقت خدوده..كانت هذي أول مره يبكي فيها بندر..طبعا بحكم إنه ما نام له يومين..على طول استسلم للنوم..

الساعه 8 العشا
صحي بندر من النوم..وكان حاس بصداع فضيع...
قبل لا يغادر سريره جلس يتذكر أحداث الصباح وهو يتمنى من كل قلبه إنها تكون كابوس مو حقيقه..قام من فوق السرير ودخل الحمام الله يكرمكم..أخذله دش سريع وطلع والمنشفه على راسه شعره طايح على وجهه...جلس قدام المرايه..شال المنشفه وناظر نفسه بالمرايه..
كان وجهه حيييييييل متغير..من حول عيونه اسود وواضح بملامحه الهم والتعب..
\كانت نفسيته دماااااااار وماله خلق يطلع من البيت أو حتى من غرفته.. تذكر موبايله كان متأكد إن سامي داق عليه..
راح لقى15 مكالمه 6منها لسامي..
دق على سامي
وبصوت مبحوح:هلاسامي
سامي:هلااااااااااااا بندر..إشلونك..وينك ياخوي عجزت وأنا أدق عليك
بندر:ابد كنت نايم
سامي حس صوت بندر مو تمام:بندر فيك شي..صوتك موعايبني
بندر:لأني توي صاحي من النوم..
سامي:لا أنا أعرف صوتك لما تقوم من النوم إنت فيك شي ومتضايق من شي بعد...قلي ياخوك؟؟.
بندر انخنق لما تذكر الموقف وقال:لا ما فيني شي..بس دقيت أبا أقولك إني بطلع ويا الأهل اليوم ومابقدر أقابلك زين؟؟
سامي:أوكي براحتك بس أنا متأكد إن فيك شي..عالعموم دير بالك على حالك
بندر:زين مع السلامه
سامي:فمان الله..
بعد ما قفل سامي تنهد بندر تنهيد طويله....وأخذ لابتوبه...وكالعاده فتح إيميله ولقى مسجات بالهبل شاف إيميل خلود لقاها مو داخله أرسل لها مسج وجلس يسولف مع البنات بس كانت كلها سوالف بارده وممله بنفس الوقت وخصوصا إن كل وحد تحسب بندر ما عنده إلا هي وما تدري إنها آخر إهتماماته..
بعد ساعتين تقريبا دخلت خلود وقرأت مسج بندر.. فأرسلت:هلا فارس إشلونك..
أول ماقرا مسجها سفط عالكل وراح يسولف معاها:هلا فيك انا تمام انتي إشلونك
خلود:ماشي الحال
بندر: وشلون سماهر
خلود:وانت وش عليك منها
بندر:أبي أتعرف عليها بس
خلود:لاااااا هي بطلت تتعرف على أحد أبدا
بندر:وانتي؟؟
خلود:أنا ما عمري تعرفت على احد وما أحب هالسوالف ابدا..أنا بس أحل المشاكل لصديقاتي
بندر:يعني ما تعرفين شباب أبدا
خلود:هيييييييييي إش على بالك تراني بنت ناس..
بندر:ما أصدق..مستحيل فيه بنت ما تعرف أحد أو حتى ما تحب ولد
خلود:إلا فيه..أنا...وفيه غيري كثير
بندر:طيب وانا مو ولد
خلود:إلا أساسا إنت أول واحد إعرفه وبس لأني عرفتك بالصدفه وحسيتك فله وانا احب الناس الفله
بندر ومومصدق كلامها: الحين من جد..ما تعرفتي على شاب أبدا أبدا
خلود:واللي يفقدني أغلى شخص على قلبي لا بس إنت..وقلت لك السبب
بندر:طيب ليه؟؟
خلود:أقلك أخلاقي ماتسمح لي وحتى انت فتره وباتركك بس لأني هالأيام زهقانه
بندر:ليه لعبه أنا تتسلين فيني!!
خلود:لا حاشاك...بس يعني أحس عندي وقت فراغ كثير وماعندي احد أسولف معه إلا انت
بندر:ليه وين أهلك؟!
خلود كلهم موجودين بس كل واحد مشغول بحاله
بندر:أهاااااااااا..
خلود:إلا انت كم عمرك؟!!!
بندر:21 سنه..وانتي؟!
خلود:والله على بالي أصغر يعني توقعتك أصغر مني..انا(17)سنه<<كذبه
بندر:يعني مو قريبين من بعض..وأكيد ماراح نفهم على بعض!!
خلود:إيه بس إش جاب سالفة نفهم على بعض
بندر:بسالك سؤال..
خلود:تفضل
بندر:لو كنتي بمشكله كبيره ومجروحه من شخص تحبينه حيل ومالك خلق تقابلين احد أو تكلمين أحد شنو تسوين؟؟
خلود:بصراحه انا لي طقوس خاصه بهالحاله..يعني اروح أشغل أغاني غربي وأرفع الصوت عالآخر وأجلس أرقص وأطلع كل اللي فيني وما اعتقد هالطقوس تناسبك
بندر:طيب تخيلي إنك ولد..شو كنتي بتسوين
خلود:أمممم...بروح أفحط
بندر:تصدقين فكره؟!!
خلود:أقوووول تراني أمزح لا تروح تسويها بعدين أهلك يروحون فيها
بندر:طيب من جد إش اسوي؟!
خلود:سولف وبتنسى!!
بندر:مع منو؟!
خلود:معي
بندر:وإذا تعبت وأنا أكتب؟!
خلود تتريق:دق علي
بندر ما صدق خبر..:والله!!
خلود:لا والله أمزح
بندر حس إنه حل:تكفييييييييين والله خاطري أقلك إش صارلي اليوم وأبيك تساعديني
خلود:هييييييييي أقلك أنا مو راعية هالحركات..وبعدين ترى يصير تقلي كذا عالمسن
بندر:والله ماراح تفهميني
خلود:طيب جربني!!
بندر:أوكي...وجلس بندر يشرح لخلود السالفه وخلود طول الوقت: اها...طيب...وبعدين.....موفاهمه...كيف؟؟............ وبعد هذا كله مافهمت ولا شي
رجع بندر يحاول فيها((من ناحيه يبي حل بجد ومن ناحيه متشوق يسمع صوت هالبنت اللي مجننته))
بندر:والله أوعدك ما أتجاوز حدودي ولتكون آخر مره أكلمك فيها وإذا تبين حتى إيميلك ماعاد أرسل عليه..تكفين والله محتاجك..
عاد خلود كل شي إلا إن أحد يكون محتاج لها وما تساعده حتى لو كان شخص ماتعرفه..وبعد ما فكرت وفكرت وفكرت..:طيب وإش يضمن لي إنك عند وعدك..
بندر:الله يفقدني خويي سامي إذا ما نفذت وعدي..
خلود:وأنا إش يعرفني منو سامي هذا..!!
بندر:إنتي لو تعرفين منو سامي كان وافقتي لأني لو بفقده بفقد نفسي وراه؟!
خلود:أوب أوب لهدرجه غالي عليك؟؟
بندر:وأكثر!!
خلود بعد تفكير طويل:طيب أوكي..بس بشرط
بندر وهو متحمس:آمري
خلود:مانطول
بندر:ولا يهمك..
خلود: طيب دق على هذا الرقم(**********)
بندر أوكي خمس دقايق وأدق..
خلود:أوكي
وقفلت إيميلها..
خلود:"ياربيه أنا إش سويت....إش اللي خلاني أعطيه رقمي صدق اني غبيه...بس هو وعدني..طيب وإذا ماكان قد وعده..يوووه إشفيني أنا...تراني خلود والله لأنسيه من هو..وقطع عليها تفكيرها صوت موبايلها وبغت تروح فيها..
ردت وبنعومه:ألوووو
ولاء:هلا والله إش هالنعومه ياهوه
خلود انفجعت:مين؟!!
ولاء:لاااا بجد رايحه فيها إشفيك ما طالعتي الرقم أنا ولاء
خلود ارتاحت:إيييييييييييييه ولاااااااااااء
ولاء:سلامات إش صاير لك؟؟
خلود:لا بس...ماادري
ولاء:طيب فاضيه..
خلود:لا
ولاء مستغربه:طيب أول ما تفضين عطيني رنه إوكي؟؟
خلود:زين
ولاء:أوكي باي
خلود:باي
وأول ما قفلت خلود:أووووووووووووه أخذت عقلي..الحين إش فيني أنا خايفه يعني الولد ما راح ياكلني وبعدين هو وين وأنا وين

شوي إلا موبايلها يرن..طالعت الرقم إلا الرقم طويييييل وغريب فعرفت إنه بندر ترددت ترد ولا ما ترد وجلست فتره وبعديييييين قررت ترد ..وهي ميييييييته خوف
ردت وبنعومه:هلا فارس
بندرمرتبك ولأول مره بحياته:هلا فيك..إش لونك احلام
خلود:بخير وانت اشلونك..
بندر بصوته المبحوح:بخير الحمد لله..
خلود:تصدق ما توقعت صوتك كذا
بندر:اجل!!
خلود:يعني توقعته اخشن من كذا..
بندر يستهبل:حلو صح؟؟
خلود:لا..
بندر وهو يضحك:هههههه..الله يرجك مره الأسلوب عندك من جنب..
خلود وهي ميته على ضحكته:إيه إش تبيني..تراني ما أعرفك
بندر:......................
خلود:..................

خلود بعد ما وترها سكوتهم قطعت الصمت:إش فيك..إش صاير..وش الموضوع اللي تبي رايي فيه..تراني حاضره
بندر:مشكوره..بصراحه أحس مالي داعي يعني لا أنا أعرفك ولا أنتي تعرفيني فليه أقلك؟!!
خلود:وليه داق موعشان أساعدك
بندر:وقولتك بتقدرين؟!!
خلود:مو أقلك أنا بس أحل مشاكل صديقاتي أكيد بقدر لمشكلتك
بندر:مشكلتي ابوي
خلود:أش فيه أبوك!!
بندر:أوهووووووووه سالفه طويله بس عندك إستعداد تسمعين وتنغثين بعد؟؟
خلود:تفضل..
بندر: قبل أسبوع سرق واحد من الشباب مفتاح المعهد اللي ندرس فيه وقص نسخه ثانيه منه ورجعه وماحد انتبه..وأمس بعد ما انتهى الدوام رحنا أنا والشباب المعهد وفتحناه وكنا مواعدين بنات هناك..وجوا البنات.. كنا فالينها معهم وخصوصا إننا في مكان بعيد عن عيون الناس لأنه بحكم إننا خليجيين فالأنظار دوم تكون علينا وعشان ما تفهميني غلط ترى السالفه كانت مجرد كلام وما تجاوزنا حدودنا أبدا أعتقد انك فاهمتني زين وطبعا المعهد كان معين حارس ثاني يجي بعد نهاية الدوام ويحرس المعهد وحنا ما كنا ندري وانكشفنا وودانا للشرطه وطلعنا إبو واحد من اخوياي..وعدت السالفه على خير
خلود:بصراحه أنا مصدومه من اللي أسمعه..خليجيين وهذي تصرفاتكم أجل ما نلوم الغرب..وبعدين أنا لحد الحين ما عرفت إش دخل ابوك بالسالفه؟؟
بندر: تبين الصدق أحلام؟؟... حنا ماننلام اهالينا لاهيين بأشغالهم وحنا فالتين فأكيد هذي بتكون تصرفاتنا وترى أنا بالذات مو كذا وهذي اول مره اغلط فيها..وبالنسبه لأبوي الظاهر المدير أو واحد من المسؤلين وصله السالفه وكلم أبوي وقاله..وفوق هذا اليوم الصباح كنت مع أخوياي وسهرت معهم وشربت لأول مره برضو ولما رجعت البيت..............وكمل لها السالفه وطول ما خلود تسمع وهي متفاجأه ومره تحزن ومره تتريق وحاااله
بندر وهو متضايق:وهذي هي المشكله إشلون أرجع ثقة أبوي فيني..؟!!
خلود:والله إنت ما شاالله ما قصرت مابقيت مصيبه إلا سويتها وكلها بيوم واحد ويحق له يذبحك مو بس يمد إيده عليك وما بيكون سهل عليك ترجع زي أول إلا إذا سويت اللي بقولك عليه
بندر: اللي هو؟؟
خلود:ابوك الحين بالبيت؟؟
بندر:ما ادري والله بس ماأعتقد ليه.؟؟؟
خلود:إذا هو بالبيت روح له وحب راسه واعتذر له بعد وأوعده إنها ما تنعاد مره ثانيه وإنه مايشوف منك إلا اللي يرضيه..والأفضل يكون هذا كله قدام اخوانك كلهم..
بندر:بس صعب وأنا موعادتي أعتذر لأحد؟؟
صرخت فيه خلود:بس هذا ابوك يالخبل مو أي أحد؟؟
بندر بتردد:زين طيب وإذا مارضى
خلود:أنا متأكده إنه بيرضى بس لو مارضى..إجلس على راسه وحاول لما يرضى وبعدها روح لأمك وسو نفس اللي سويته لابوك
بندر:طيب بحاول..
خلود رجعت تصارخ:شنو يعني تحاول مو على كيفك أصلا!!
بندر وهو يصارخ:اجل على كيف منو؟!!..وبعدين لا تصارخين..
خلود بهدوء:طيب معليش..بس لازم تسوي اللي قلت لك عليه ولا ترى أبوك بيجلس زعلان عليك وترى ماهو أزين لك..
بندر بنفس الهدوء:اوكي ولا يهمك..وبجد ماراح أنساها لك ابدا
خلود:العفو ماسويت الا الواجب..وبعدين تكفى إنساها تراك وعدتني
بندريستهبل:إش وعدتك؟؟
خلود:أقول شكلك تبي تبدا........
بندر يستهبل ويكمل الاغنيه:معايه الخيانه..لا يا حبيبي هونك شوي هونك..<<صوته لما يغني عذااااب
خلود وهي تضحك:لا من جد نسيت؟؟
بندر وهو رايح فيها:لا والله مانسيت وابشري بالتنفيذ
خلود:مشكور أخ فارس..يالله مع السلامه
بندر:لحظه لحظه..
خلود تستهبل:نعم..بعد تبي تحتفظ في رقمي...؟؟؟
بندر يضحك:لا بس حبيت اقلك إن إسمي مو فارس انا اسمي بندر
خلود:أهاااااااا...مومهم بندر فارس المهم تسوي اللي قلت لك عليه وانشا الله امورك بتمشي تمام وطمني بعدين إش صار معاك بمسج هاه..وبعدها نفذ وعدك
بندر:ولا يهمك دعواتك بس..
خلود:أوكي.. مع السلامه اخ بندر
بندر:فمان الله..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-03-2010, 06:01 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


قفل بندر وهو مرتااااااااااااااااااااح ومبسوط بنفس الوقت..:والله وجبت راسها يابندر ولعبت فيها
"العب..شنو ألعب..طيب دامي العب ليه قلت لها إسمي الحقيقي..وليه قلت لها عالسالفه...وليه طلبت منها تساعدني
طيب ليه كنت ناوي من جد أنفذ وعدي لها....يمكن اكون......لا لا مستحيل..انا بس كلمتها أصلا ما يصير وأنا ما شفتها..بس انا بنفذ وعدي لأني مو ناكر للجميل وهي عطتني الحل ووافقت تكلمني مع إنها ما قد كلمت احد قبلي وسمعت لي وهي مو مجبوره وفوق هذا عطتني الحل ....وخلتني أضحك وأنا في عز ضيقتي...والله هالبنت غريبه!!..."
قطع عليه حبل أفكاره صوت الباب يندق
بنفس الصوت المبحوح:منو؟؟
عهود:انا بندر..بس أبي أقلك العشا جاهز..بتتعشى معنا؟؟
عهود كانت عارفه الرد بس تفاجأت لما سمعت بندر يقول:الحين جاي..
فحبت تتأكد:إش قلت؟؟
بندر:أقلك الحين جااااي
عهود:يالله نستناك..
بدل ملابسه وأخذ جواله ومفتاحه واهم شي بكت الدخان ونزل..
خلود بعد ما قفلت من بندر"يا ويلي على صوته يجنن والبحه اللي فيه عذااااااب..بس واضح من كلامه إنه حق لعب وبنات...معقوله؟؟...يحسبني مثل هالبنات؟؟...معقوله تكون هالسالفه كلها من تأليفه عشان يكلمني؟؟...لالالا..بس هو وعدني...إش الللي وعدني الناس اللي زي كذا ماتخاف من الله..والله لو يفكر يلف معاي ويدور..لأقلب بريطانيا كلها على راسه....يالله إنشا الله تكون السالفه جد وتعدي على خير والله كلامه يدل على إنه جاد وواضح بصوته إنه متضايق ومهموم.."

نزلت عهود..وجلست عالطاوله..طبعا محد سألها إش قال لأن الكل توقعوا مثل ما توقعت عهود..
وبعد شوي..
خرج بندر من غرفته وأخذ نفس عميق..
وقتها خلود كانت تقول:الله يوفقك يا فارس قصدي يا بندر الله يجعل ابوك يرضى عليك وتمشي أمورك تمام
المهم نزل بندر من الدرج والكل تفاجأ لما سمعوا صوت أحد نازل من الدرج..........
نزل بندر..
دخل الغرفه وبنفس الصوت اللي ما زال مبحوح:السلام عليكم
الكل كان متفاجئ لدرجة إنهم ما ردوا السلام..
بندر بجديه:ترى السلام لله
الكل بصدمه:وعليكم السلام ورحمة الله وبركاته..
بندر يحب راس أمه:وشلونك يمه
أم فيصل:بخير وعافيه وانت إش لونك..
بندر:أنا بكون بخير لو أبوي راضي عني
راح وحب راس أبوه:يبه أنا آسف تكفى يبه سامحني وأوعدك كل اللي حصل ما يتكرر مره ثانيه ولاتشوف مني إلا كل اللي يرضيك..
أبو فيصل:............................................. ...
نزل بندر على ركبه وأبوه جالس عالكرسي
أخذ يد أبوه وباسها:يبه طلبتك ترضى علي وتسامحني..أنا بلا رضاك علي وإش أكون..تكفى يبه والله لتشوف بندر واحد ثاني بندر اللي أنت تبيه بس تكفى سامحني طلبتك يبه..
أبو فيصل والجمود واضح على وجهه لأنه مازال متضايق من اللي صار و بنبره غريبه:بندر!!
بندر:آمر يبه..
أبو فيصل:اطلع برى بيتي...
الكل انصدم وما توقعوا إن أبو فيصل يقسى على بندر كذا وخصوصا بعد الكلام اللي قاله لأبوه..
بندر خنقته العبره:بس يبه أنا.........قاطعه أبوه:أقولك إطلع برى بيتي ولا صرت رجال وقتها تعال وبكون راضي عليك..
نزلت عليه هالكلمه مثل الصاعقه"يعني اشلون أنا مانا برجال..ليه كذا ليه؟؟"
فيصل:يبه الله يهداك..بندر رجال وتربيتك......
قاطعه أبوه:لا ماهو برجال ولاهو تربيتي هذا ربته الشوارع من وهو صغير..
ناظر أخوانه وخواته يبي نجده بس الكل ماكان يقدر يتكلم وخايفين إذا تكلموا يزيدون الطين بله..
بندر كان شبه داخل في غيبوبه وموقادر يستوعب اللي صار..ويحس اللي صار له كله حلم..قرر يطلع قبل لا تخونه عيونه وتفضحه..
ولما جاء بيطلع لف على أبوه:فمان الله يبه.. ((فمـــــــــــــــــــــــــــــان الله يالغـــــــــــــــــــــالي..))
أم فيصل نغزها قلبها:بندر!!...لاتروح أبوك مايقصد..
أبوفيصل قاطعها و بصوت عالي:إلا أقصد كل كلمه قلتها..

وبنبره تختلف حيل عن اللي قبلها بهدووووء:روح يابندر..ورد لي بندر الأول واتمنى ماتطول..
طلع بندر..ودموعه مغرقه خدوده..ركب سيارته ومشى مشى مشى..مايدري لفين بس جلس يمشي ويدور بشوارع برايتون ومشغل اغنية [ساعات] لراشد ورافع الصوت عالآخر..وبعد 4ساعات وهو يمشي بالسياه تذكر(أحلام) اللي هي خلود..خفض صوت المسجل ودق رقم خلود..
خلود شافت الرقم واستغربت ليه داق وهو وعدها معقوله صدقت واحد كذاب بكذبته..فما ردت
رجع يدق مره ثانيه..وثالثه وعاشره وفي الأخير ردت وهي معصصصصصبه:نعم..
بندر بصوت تعباااااااااان ويالله ينسمع:معليش إني دقيت بس..أنا تعبان حيل و ماقدرت أكتب مسج بس حبيت أقلك إن الأوضاع مره مو تمام وأرجع وأقول آسف إني دقيت....وقفل..وجلس يبكي مثل الأطفال
خلود جاها خوف مو صاحي...وما استوعبت الكلام اللي قاله "قال ..الأوضاع مره موتمام..صوته تعبان..وواضح إنه متضايق حييييل...ياربي إش صار.."
وجلست تقريبا نص ساعه وهي..تفكر في الكلام اللي قال وتتذكر صوته التعبان وجاها قلق مو صاحي..رجعت تدق بس هو كان رافع صوت المسجل وما سمع الموبايل..وجلست تقريبا ساعتين تدق..بس ما يرد..تلفت أعصابها..
"ياربي أنا إش دخلني فيه وليه مهتمه إذا كان متضايق..وإلا لا..أساسا أنا مأعرفه عشان يهمني.........طيب ليه ما يرد...لا يكون هالخبل سواها وراح يفحط؟!!..و.........................لا لايابندر تكفى لا تسويها والله لأجلس طول عمري وضميري يأنبني..الحين إش فيني أنا...لاهو أخوي ولا أبوي ولا ولد عمي ولا حبيبي......حبيبي!!..إلاوالله أعزه..وماأبي يصير له شي..الله يخليك يابندر لأهلك ولا يحرمهم منك"

في هاللحظه..بندر كان ماشي160 وشبه نايم من الإرهاق وتفاجأ بتريله قدامه وجا بيلف إلا فيه سياره بتتجاوز وفيها عايله..
لو لف بيصدم فيها ولو ما لف بيصدم بالتلريله فلما حس إنه ميت ميت..فضل يموت هو واللي في التريله ولا يصير لأحد من العيله شي...وكل هذا صار في ثواني معدوده..وصدم بالتريله........................


يوم الجمـــــــــــــــــــــــــــعه في الصبــــــــــــــــــــاح
وبالتحديد في بيت أبو فيصل..الكل كان جالس على طاولة الفطور ينتظرون فيصل وأبو فيصل..
فيصل:صباح الخير يمه.. ويبوس راس أمه
أم فيصل:صباح النور فيصل..هاو آر يو
فيصل:الحمد لله.. كيفكم يابنات..وشلونك راكان
دانه:بخير الحمدلله
راكان:تمام الحمد لله
عهود:............................
عهود كانت حيييييل متعلقه ببندر صح إنهم دوم يتهاوشون بس هذا كان أحسن شي بالنسبه لهم وكان كله مزح
فيصل:عهود إش فيك..عسى ماشر
عهود وهي تناظر الطاوله:مو قادره أتخيل البيت بدون بندر والله أحس أخوي فيه شي..
فيصل:لا إش دعوه إنشاالله ما فيه إلا العافيه
أم فيصل بنبرة حزن:بندر كلمك؟!!
فيصل:لا
أم فيصل:زين دق عليه شف هو وينه أكل شي ونام زين ووين نام..
فيصل:على أمرك يمه..الحين أخلص فطور وادق عليه
أم فيصل:بس أبوك لا يدري..
فيصل:لا توصين يمه..
نزل أبو فيصل:السلام عليكم
الكل:وعليكم السلام..
وبدأ أبو فيصل ياكل والكل ياكل ماعدا شخص واحد اللي هو عهود..
دانه تهمس لعهود:عهود كلي..شوفي أبوي اشلون يناظرك..أحسه شوي وبيسألك ليه ماتاكلين..
ومامداها تكمل إلا أبو فيصل:عهود..ليش ما تاكلين!!..
عهود:شبعانه بابا
أبو فيصل:ليه إش ماكله؟؟
عهود بعصبيه:ولا شي بس شبعانه.. وقامت من على الطاوله وجات بتروح غرفتها إلا سمعت فيصل:عهود!!!!!
لفت عهود:نعم
فيصل:لا عاد ترفعين صوتك على أبوي فاهمه..
عهود:زين.....آسفه يبه حقك علي..وطلعت غرفتها جري وجلست تبكي فغرفتها على بندر..
أبو فيصل: عشان بندر صح؟!!
فيصل:إشلون؟؟!!
أبو فيصل:هي ماكلت عشان بندر..
دانه ترقع:لا يبه هي بس تعبانه لأنها ما نامت زين
أبو فيصل بنبرة حزن:ما كلمك أخوك يافيصل؟!!
فيصل:لا يبه ماكلمني
أبو فيصل:زين دق عليه الحين وقله يرد للبيت الكل مشتاق له وإلا بس أنا
دانه وأم فيصل خنقتهم العبره:إلا والله كلنا مشتاقين له
راكان:وأنا بعد مشتاق له حيل امس محد لعب معاي بلايستيشن..<<صدق فاضي
فيصل جا بيطلع مو بايله إلا هو يدق.
طالع الرقم:بندر!!!!
الكل تفاجأ:بندر!!
فيصل بفرحه:إيه والله هو اللي داق
أبو فيصل:زين رد عليه وقله إني مسامحه وأبيه يجي البيت وإلا عطني وانا أكلمه..
فيصل:لا يبه انا بكلمه أخاف يوم يسمع صوتك ما يتكلم..
أم فيصل:فيصل معه حق خله يرد..
أبو فيصل ناظر فيصل يعني رد..
رد فيصل:هلااااااااا بندر إِشلــــ.......................
المتصل بلغه أجنبيه : هل أنت قريب صاحب هذا الجوال
فيصل:إيه أنا أخوه..
المتصل:حسنا أخوك حدث له حادث سيارة اليوم الساع الفجر وهو بمستشفى(.........) وحالته خطيره فأرجوا أن..............
فيصل قفل الخط..وعيونه مليانه دموع
أم فيصل:يمه فيصل أخوك فيه شي..
فيصل:.......................
دانه: إش فيه بندر يافيصل
أبو فيصل:رد..تحكى إش فيه أخوك
فيصل وكلامه مليان دموع والكلمات يالله تطلع:بندر.........سوى..حــ...حادث اليوم الفجر..
أبو فيصل إنصدم ودانه وأم فيصل يصارخون..ويبكون وراكان مره يبكي ومره يهدي أمه ودانه وفيصل وأبوه..
عهود سمعت صراخ وبكى....فنزلت من الدرج بسرعه..ولما شافتهم بهذيك الحاله..
عهود بهدوء:بندر صاير له شي صح؟؟؟ وخنقتها العبره
الكل ما زال يبكي ويصارخ
عهود صرخت فيهم:بندر وينه...إش فيه أخوي؟؟
فيصل وهو يبكي:بندر سوى حادث ياعهود..
عهود:جلست بمكانها:سوى حادث؟!!...............جات
بتبكي..ولما شافت حال أهلها..حست إنها لازم تكون قويه في هالموقف
وبصوت أوضح من الأول وصوت مسموع :وهو وينه الحين..
فيصل:بالمستشفى..وحالته....خطيره..
عهود:بالمستشفى؟؟.....وإنتو ليه جالسين هنا...أخونا بين الحياه والموت بالمستشفى وانتم جالسين هنا تبكون..وبصوت عالي..إش يفيده البكا..ادعوا له وخلونا نروح له..يمكن لا شافنا يصير بخير..
الكل كان مستغرب من عهود...هي اكثر وحده كانت متأثره بغياب بندر والحين هي أقوى وحده فيهم وتقلهم يروحون يتطمنون عليه
أبو فيصل وقف:يالله يا فيصل خلنا نروح لأخوك..
أم فيصل:آي ول قو وذ يو
أبو فيصل:لا إنتي ودانه خلوكم هنا وأحنا أول ما نشوفه بنطمنكم عليه..لانه لو شافكم بهالحاله يمكن يتعب زياده.....عهود!!.. تعالي معانا...
ركب فيصل وأبوه وعهود وراكان السياره وراحوا عالمستشفى....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-03-2010, 06:03 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية فمان الله يا الغالي / للكاتبة : احساس


في السعوديـــــــــــه
خلود كانت طول اليوم تدق عليه وكانت قلقانه عليه زي لو كان اخوها اللي كلمها فقررت تدق على صديقتها ولاء

خلود:سلام ولو كيفك
ولاء:هلاااا خوخه أنا تمام إنتي شلونك واش فيه صوتك كذا عسى ما شر.و...
خلود:تقاطعها:كافي كافي...سلامات علق الشريط؟؟!
ولاء:لا من جد إشفيك مو العاده
خلود:آآآآآآآآآآه يا ولاء متضايقه حيل وأحس نفسي أبكي وأصارخ بعد
ولاء:أفااااااااااااا وليه هذا كله
خلود:بندر يا ولاء بندر..
ولاء وألف علامة إستفهام على راسها:مين بندر وإش سالفته؟؟!!
خلود:أنا أقلك...وحكت خلود لولاء كل شي من طقطق لسلام عليكم..
ولاء:أهااااااا يعني وقعتي في الغرام؟!
خلود:مو بس وقعت إلا طبيت..
ولاء:طيب ما مداك يعني كلها كم مره سولفتوا فيها ومكالمه وحده..
خلود:أنا من أول ما سولفت معاه حسيت بس كنت اكذب نفسي
ولاء:طيب وهو..
خلود:أنا ما علي منه هو..أهم شي اتطمن عليه..
ولاء:الله يعينك..زين أبوي جا بكره أكلمك أوكي..
خلود:زين باي
ولاء:خلي بالك من نفسك ولا تفكرين فيه كثير ترى هالأولاد ما يستاهلون
خلود:زين باي
ولاء:باي
قفلت خلود وبحكم أنها ما نامت جلست تفكر ببندر لحد ما غلبها النوم ونامت

فـــــــــــــي المستشفـــــــــــــــــــــــــــــــــــــــــــ ــــــــــــــــــــى
الدكتور:حالته جدا خطيره وهو الحين بالعنايه المركزه
أبو فيصل:هو إش عنده بالضبط
الدكتور:عنده كسور بعظام اليد والرجل ورضوض في الوجه بس من حسن حظه إن الجمجمه عنده سليمه..لكن عنده ثقب في المعده ولازم نسويله عمليه بأقرب وقت بس محتاجين الموافقه...
أبو فيصل:زين سووها على طول..بس الحين أقدر اشوفه يا دكتور
الدكتور:أكيد بس قبل تعال معاي وقع عالموافقه.. وياليت محد يبكي عنده ولا أحد يضايقه لانه يحس فيكم
أبو فيصل:زين
فيصل:يبه أنا بروح أنا وعهود وراكان لبندر وانت وقع والحقنا
وراحوا الثلاثه لبندر..
عهود كانت قويه وصابره لحد ما شافت أخوها وما قدرت تتحمل اول ما شافته ممد عالسرير ووجهه كله رضوض...جلست عنده وكانت بتبكي بس تذكرت كلام الدكتور..
عهود وهي ماسكه يده واليد الثانيه على شعره:بندر حبيبي والله فقدتك والبيت من دونك مايسوى
أمي ودانه خايفين عليك وأبوي كمان وتراه مسامحك..وكلنا نبيك تقوم لنا بالسلامه..بندر..
أنا احبك كثير وما ابغى افقدك تكفى قوم لنا بالسلامه وطلعت لانه ما قدرت تتحمل أكثر
((على فكره عهود ما كانت تدري إن أبوها كان بيكلم بندر قبل ما يعرف بالحادث بس هي قالت هالكلام من عندها))
بعدها دخل فيصل:بندر ياخوي ..قوم ..والله إن أخوك بدونك بهالدنيا ما يسوى..
قم وخلنا نفرح فيك..والله ما أخلي احد يضايقك أبد..ترانا كلنا محتاجينك..
وترى ابوي وأمي قلقانين وخايفين عليك حييييييييل..وكلنا ما نستغني عنك
يالله يابندر شد حيلك وقوم ...يالله يالغالي
بعدها دخل راكان واول ما شاف اخوه بهالحاله تأثر بس ما بين وراح ليد أخوه وباسها:بندر الله يخليك لا تروح مننا ترانا كلنا مالنا غنى عنك..
قلي لو رحت منو بيلعب معاي بلايستيشن منو بيوديني للمدرسه ترى لو ما قمت بزعل عليك..كافي دلع وتغلي..والله إنك غالي ياخوك..
بعد ما وقع ابو فيصل عالعمليه دخل عند بندر وانصدم أول مره يشوف ولده وحول هالأجهزه كلها..
قرب منه ومسك يده وبهمس قال:بندر أنا أبوك..قوم ياولدي والله إنك رجال وإنك سيدهم كلهم..
والله إني مسامحك..قوم واوعدك ماعاد امد إيدي عليك ابد ولاازعلك بس تكفى ياوليدي لا تروح من يديني..
بندر الله لا يحرمنا منك ..ودمعت عين أبو فيصل..لأنه حاس بالذنب أكثر من أي شخص ثاني..
حط أبو فيصل راسه عالسرير ويده بيد بندر..
بندر زي ما قال الدكتور كان يحس فيهم ويسمع كل كلمه يقولونها..وماهانت عليه حالة أبوه..بس بنفس الوقت كان ما يقدر يتكلم فضغط على يد أبوه عشان يحسسه إنه تمام..وعلى طول رفع أبو فيصل راسه وناظر بندر لقاه مفتح عيونه.
إبتسم له إبو فيصل وقال:الله يسامحك ياولدي كذا تخوفنا عليك..
دمعت عين بندرلما حس بخوف أبوه عليه وتأكد بأن كل اللي حصل لأن أبوه كان في حالة غضب وكان شي طبيعي وكله من خوفه على مصلحة ولده.
أبو فيصل:ما عاش اللي ينزل هالدموع يابندر..
دخل الدكتور ومعاه الممرضين عشان ينقلون بندر لغرفة العمليات وفعلا نقلوه وكانوا أبو فيصل وعياله ينتظرون برى وجلس داخل ساعتين تقريبا ومرت هالساعتين ثقيله عالكل وخصوصا إن أم فيصل ودانه كل شوي داقين يتطمنون على بندر..

بعد ساعتين
خرج بندر من غرفة العمليات ونقلوه لغرفه عاديه خارج العنايه المركزه..
أبو فيصل:ها دكتور بشر كيف صحة بندر..
الدكتور:لا الحمد لله العمليه كانت ناجحه وسهله بس...
فيصل بخوف:إيش يا دكتور..؟؟
الدكتور:بندر نتيجه للحادث والحاله النفسيه قبل تعرض لضغط على القلب مما سبب له مرض القلب ولما جانا للمستشفى كان عنده ضعف شديد في ضربات القلب..وعشان كذا راح يحتاج بعد خروجه من المستشفى لعلاج عشان هالمشكله
فيصل:طيب يادكتور هالحاله ملازمه له على طول وإلا ممكن تختفي بالعلاج
الدكتور:هذا علمه عند الله وإحنا راح نعرف هالشي مع الوقت بس المهم ما يتعرض لصدمات أو أي ضغوط نفسيه بالمستقبل..
أبو فيصل:طيب متى راح نقدر نشوفه يا دكتور
الدكتور:أنا الحين مانع عنه الزياره وهو ما زال تحت تأثير البنج بس تقدرون تشوفونه بكره..
أبو فيصل:طيب مشكور دكتور
الدكتور:العفو هذا واجبي
رجع أبو فيصل للبيت لماحس إنه مامن قعدته بالمستشفى فايده وقرر يجي للمستشفى اليوم الثاني

اليـــــــــــــــــــــــــــــــــــــــــــــــ وم الثاني
خلود ىبانفعال لولاء:أقلك عجزت أدق عليه وإرسلت حتى مسج بس مايرد..
ولاء:طيب هدي... إش رايك أجرب أدق عليه.؟؟
خلود:أقوووووول سلااااااماااات؟؟
ولاء:بدينا نغار ياهوه ما مداك..
خلود:مو غيره بس..ليه تدقين؟؟
ولاء:يمكن هو وفي لوعوده بزياده عشان كذا ما يرد..
خلود: إيه والله ما فكرت من هالناحيه..
ولاء:طيب ماقلتي أدق ولا لا
خلود:طيب دقي بس مره وحده..رد كان بها ما رد خلاص
ولاء:زين
خلود:لحظه لحظه..إش بتقولين له
ولاء:إنتي خليه يرد بالأول وبعدين يصير خير..وترى ما بدق الحين لا طلع ابوي بدق
خلود:زين وطمنيني شيحصل معاك هاه
ولاء:اوكي باي
خلود:باي


كان يوم السبت والكل محد داوم عشان الكل راح لبندر بالمستشفى..
أول شخص دخل للغرفه كانت أم بندر وراحت تجري على ولدها..وكان هو صاحي ومبتسم..:هلاماما
أم فيصل وهي تصيح:إشلونك يابندر..اشلونك يا ماما
بندر بنفس الإبتسامه:بخير يالغاليه...لا تحاكين..
أم فيصل(ما زالت تبكي):كذا تسوي في أمك كذا تخوفها عليك يابندر..وجلست تسلم عليه:كيفك وإش هذ اللي بوجهك...الله يهديك ما كان لازم تطلع وتخلي ماما قلقانه عليك
أبو فيصل:إقول يأم فيصل تراه بخير وما فيه إلا العافيه..وبعدين خليني أسلم عليه تراه ولدي أنا بعد..
بعدت أم فيصل وسلم عليه أبو فيصل وأخوانه كلهم..
عهود:بندر يالخبل شنو سويت بنفسك؟!
بندر:والله مو انا هو صار
عهود ببلاهه:إش اللي هو صار؟!!
بندر:الحادث..قضاء وقدر..
عهود:لا زييييييين تعرف قضاء وقدر..
بندر:ليه شنو قالوا لك..
عهود:والله أنا توقعت أن كل معلوماتك بالسياسه وبس..
بندر جلس يضحك على تلميح عهود.. وجلست العيله عند بندر لما نهاية الزياره وكانت كلها ضحك وسواليف..ولما انتهت الزياره..طلع الكل..
أم فيصل وهي طالعه:بندر حبيبي تبي شي مشتهي شي اسويه لك
بندر:لا يالغاليه تسلمين
فيصل:بندر هذا موبايلك ما شا الله إنت تكسرت وهو ماصار فيه شي..عطانياه اللي شالك من مكان الحادث..والظاهر نص العالم داقه عليك
إبتسم بندر..لأنه فهم تلميح أخوه..وطلع الكل بعدها ناظر موبايله..ولقى23 مكالمه من خلود و10من سامي وعدد لا يحصى من الباقيين... ولقى مسج من خلود كاتبه فيه:"بندر تكفى رد وانسى وعودك كلها والله قلبي مو متطمن وأحس فيك شي وإذا ما تبي تكلمني ارسل مسج وطمني تكفى ترى عجزت أدق عليك.."
ناظر آخر مكالمه لخلود كانت أمس الفجر..
جلس يفكر يدق او لا..بس بالنهايه قرر يرسل لها مسج وكتب فيه..
"والله ما اعرف إش أقولك ..بس معليش إني مارديت وسببت لك كل هالقلق..أنا صار لي حادث سياره والحين بالمستشفى وتوي شفت الموبايل بس............وبهاللحظه دقت ولاء


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-03-2010, 07:14 PM
صورة ليل الغرباء الرمزية
ليل الغرباء ليل الغرباء غير متصل
©؛°¨غرامي مبدع¨°؛©
 
الافتراضي رد: رواية فمان الله يا الغالي / للكاتبة : احساس



الرواية راااائعه و تجذب من البداية

قريت البارت الأول و اعجبني تنقل الكاتبه بين المواقف و بعدها عن الحشو في الأحداث، صراااحه ابداع الرواية

موفق اخوي مجروح بالنقل


دمت بخير




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-03-2010, 07:47 PM
ټـڠ ـبٽ ٱڝبـڙ ټـڠ ـبٽ ٱڝبـڙ غير متصل
©؛°¨غرامي فعال ¨°؛©
 
الافتراضي رد: رواية فمان الله يا الغالي / للكاتبة : احساس


قريت كل اللي بصفحهـ الاولى
^.^
حلوه الروايهـ
امممممممـ
يقهروني اللي زي بندر ^_^
وان شاء الله
تكون نهايتهـ كما تدين تدان ^.^


الرد باقتباس
إضافة رد
الإشارات المرجعية

رواية فمان الله يا الغالي / للكاتبة : احساس ، كاملة

الوسوم
للكاتبة:احساس , الله , يالغالي , رواية , فمان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية الموت ما هو من الفرقى و طاريها .. الموت لا طاحت عيوني من عيوني / الكاتبة : أحلى بدوية ، كاملة رايقه بقوه روايات كامله - يتم نقل الرواية هنا بعد اكتمالها 264 14-02-2017 05:57 PM
رواية قلوب محطمة بأحضان المجهول / للكاتبة : غدير الحربي ، كاملة رووح الجوري روايات كامله - يتم نقل الرواية هنا بعد اكتمالها 1464 30-07-2016 12:03 PM
من يحبك كثر ما أحبك أنا / رواية للكاتبة : جنيه إن ذى قوطي ، كاملة ♫ معزوفة حنين ♫ روايات كامله - يتم نقل الرواية هنا بعد اكتمالها 95 25-04-2016 12:51 PM
دنياك دنياي / الكاتبة : لح ـظة وفا ، كاملة ↙ツ آًﻤـيـﯜﯢڒهےツ ↘ روايات كامله - يتم نقل الرواية هنا بعد اكتمالها 241 17-10-2015 04:47 PM
رواية أقول إنسى تمر ذكراي / للكاتبة : رحلة ألم ، كاملة العـــزوف روايات كامله - يتم نقل الرواية هنا بعد اكتمالها 88 13-04-2011 01:28 AM

الساعة الآن +3: 11:44 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1