غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 04-04-2010, 05:26 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي ][ الجــ‘ــزء الثـ,,آمــ,,ـن][


≈ ۝ اليـــومـ .. الـليـ .. بعـــــدهـ .. ۝ ≈
.

.
.
الصباح كانوا الحريم كلهم قايمين ويجهزون عشان يمشون .. كان رائد وماهر قايمين وجالسين بصالة شقتهم وفاتحين الباب .. ويتقهوون .. انفتح باب شقة البنات وطلعت نوره راسها من الباب وقامت تتلفت ورائد وماهر شافوها .. دخلت بعدين طلعت هي وولاء بدون عبايات راحوا يركضون لين شقة الحريم .. لقوها مقفله ورجعوا شقتهم .. ماهر ورائد ماتوا على اشكالهم من الضحك ..
ماهر : ههههههههههههه مو صاحيات ..
رائد : هههههههههههههههه طيب المهبل اوريك فيهم ..
ماهر : وش بتسوي ..
رائد : بفضحهم ..
ماهر : ههههههههه لا حراااام .. خل يوسعون صدورهم ..
رائد : افرض احد مر وشافهم .. فشيله والله ..
ماهر : لا تنسى بس حنا هنا بهالدور ..
رائد : مانسيت افرض احد كان بالمصعد وانفتح وهم يدورون كنهم خبول ..
ماهر : خلاص يا شيخ ما ابي افرض .. خل نروح نشوف خلصوا ولا لا ..
رائد : لا رح انت ..
ماهر : لا تعال معاي استحي اروح بلحالي ..
رائد : ههههههههه ياقلبوا يا نااااس اللي يستحوون ..
ماهر نزل راسه وسوى نفسه مستحي وقام يرمش بعيونه ..
رائد : ههههههههههههههههههههههههههههه ..
ماهر : ههههههههههههههههههههههه يمديك ..
رائد : ههههههههههههه لا والله ما يمديني .. وش هالحلاوه ..
ماهر : لا عاد ترى برجع استحي ..
رائد : هههههههههههه لا تكفى يرحم امك ..
ماهر : هههههههههههههههه ..
فهد : ما تحسون انكم ازعاج شوي ..
التفت عليه ماهر : هلا وغلا والله .. صباح الخيييييير ..
فهد : هلا بك .. صباح الورد ..
رائد : تعال تعال .. تبي اصب لك قهوه ..
فهد : ايه .. وش منقزكم من الصباح ..
ماهر : اللي نقزك نقزنا ..
فهد : انتم صحيتوني بضحككم ..
رائد : لا والله ..
فهد : ايه من زمان وانتم تضحكون ماعرتف انام زي العالم ..
ماهر : ايه صارت كم سالفه وضحكنا عادي ..
فهد : ابي اضحك طيب ..
رائد : اذا كبرت نعلمك ..
فهد : لا والله .. ماكني اكبر منك ..
رائد : الكبر بالعقل ..
ماهر : ههههههههههههههههههه قويه ..
فهد : الله يصبرني عليكم ..
طلع حمد من الغرفه : وش فيكم ..
فهد : ولا شي .. متى بتمشون .. ؟؟ ..
حمد : الحين بروح لهم اشوف اذا خلصوا ولا لا ..
فهد : اوكي ..
حمد : الله يعافيكم قوموا مشاري زين ..
فهد : ولا يهمك ..
حمد : فهد .. طلبتك .. انت ورائد ..
رائد وفهد : تـــــم ..
حمد : انتم الاثنين لا تقومونه .. مسكين ما ابيه يقوم مفجوع .. ماهر الله لا هينك يالنعوووم .. انت قومه ..
ماهر : ههههههههههههههههههه ابشر من عيوني ..
حمد : سالمه عيونك والله ..
فهد : اف قهر ..
رائد : من جد كنت ناويله على نيه ..
حمد : هههههههههههههه عارفكم ..
طلع حمد .. وراح ماهر يقوم مشاري ..
ماهر : مشاري .. مشاري .......... مشمش ..
مشاري : هممممممممم ..
ماهر : قم ياخي ..
مشاري : شوي الله يعافيك ..
ماهر : حمد موصيني عليك .. يلا قم الله يرضى عليك ..
مشاري : فديتك يا ماهر .. ليتك انت اللي دايم تقومني مو الصواعق فهد ورائد ..
ماهر : ههههههههههههههههه .. اجل حمد داري وش كانوا بيسوون فيك .. قالهم طلبتكم .. لا شعوري هم من الشهامه اللي فيهم قالوا تم .. قالهم لا تقومون مشاري ..
مشاري : ههههههههههههههه فديته حاس فيني ..
ماهر : يلا قم ..
مشاري وهو يقوم من السرير : اوكي .... متى ماشين ..
ماهر : اللهُ اعلم .. خل الحريم يخلصون ونشوف .. حمد راح لهم يشوفهم ..
مشاري وهو رايح الحمام : زين ان شاء الله نمشي بدري ..
دخل مشاري الحمام يتروش وماهر طلع ..
فهد : قام ..
ماهر : ايه ..
رائد : عساك طبطبت عليه وهمست بإذنه وقلت له حبيبي نور عيني قوم ..
ماهر : ايه مسحت على شعره وبسته على راسه وضميته وقومته ..
فهد : هههههههههههههههههههههه فقااااااااااااش ..
ماهر : هههههههههههههههههه مدري عنكم ..
رائد : هههههههههههه قهر ليتني انا اللي مقومه كان وريته شغله ..
فهد : ياخي فيك طاقه فرغها على الجحلط اللي نايمين ..
رائد : ايه صح باقي ريان ونايف وسلطان ..
ماهر : الله يعييييييينهم ..
فهد : خخخخخخخخخ من جد .. يلا قم ..
قاموا الاثنين وراحوا الغرفه الثانيه فتحوا اللمبات كلها وفتحوا الشباك وسكروا المكيف وسحبوا لحافاتهم وقاموا يطقون على التسريحه ويغنون وسوو انوااع الازعاج بالغرفه .. لين قام نايف وراح لغرفت حمد ومشاري .. دخل وقفل الباب وانسدح على سرير حمد وكمل نومته .. وريان راح الغرفه الثانيه بس لحقه رائد وسحب لحافه منه ودخله غصبن عليه الحمام وحط راسه تحت المغسله وروشه .. وفهد مسك سلطان مع رجوله وجلس يدغدغه وسلطان صار كنه ثعبان قام يتلوى .. لين سحبه فهد من رجوله وجلسه على السرير ..
فهد يحوس شعره : سلطان اصحى خلااااص ..
سلطان : بنام بنام ..
فهد : نم حبيبي .. نوم العوافي ..
تركه فهد وطلع راح المطبخ وجاب ثلج .. ورجع لسلطان وفتح بجامته مع ورى ودخل الثلج بظهره وضغط عليه .. سلطان قام مفزوووع وجلس ينطط على السرير ويصرخ وفهد ميت على شكله من الضحك .. دخل ماهر الغرفه ..
ماهر : شفيك ..
سلطان : ثلج ..
ماهر : هههههههههههه فهد حرام عليك ..
فهد : عيا يقوم ..
ماهر : ثلج عاد ..
فهد : والله لو حطيت اي شي له .. قنابل نوويه ماتقومه بس غريبه هالمره قام مع الثلج .. صاير مطيع فديته ..
ماهر : رح تروش سلطان يلا ..
نزل سلطان من السرير ومره من عند فهد وقاله اوريك عند ابوي .. ضحكوا عليه وعلى شكله .. راحوا وجلسوا بالصاله مع رائد .. طلع مشاري من الحمام وهو ينشف شعره ويغني ..
مشاري : حمد ..
نايف : . ......... .
راح مشاري وسحب اللحاف وشاف نايف ..
مشاري : نايف .. نايف قم .. وش منومك هنا ..
نايف : تكفى بنام شوي بس .. عيال عمانك يخلون احد ينام بسلام ..
مشاري : من رائد وفهد ..
نايف : وفيه غيرهم ..
مشاري : متى نايمين امس ..
نايف : قبل الفجر بربع ساعه ..
مشاري : زين بخليك ربع ساعه بس وبرجع اصحيك ..
نايف : تسوي فيني خير ..
مشاري : خلاص بقفل عليك الغرفه عشان ما يجونك ..
طلع مشاري وقفل الغرفه وراح جلس معهم ..
رائد : ليه قفلت الغرفه ..
مشاري : بس كذا ..
فهد : فيها شي مهم ..
مشاري : ايه ..
ماهر : وشو ؟.
مشاري : خلاص شي ... المهم حمد وينه ..
حمد : هذاني .. قمت ..
مشاري : ايه .. الله يوفقك وخليك لامك وابوك ويسهل لك طريقك وين ما رحت يارب ..
حمد : ههههههههههههه ليه كالدعوات ..
مشاري : اشوى اللي ما قوموني هالمهبل ولا كان انا بمستشفى شهار الحين ..
حمد : ههههههههههه شفت اني احبك واخاف على عقلك تروح فيها ..
مشاري : فديتك والله ..
فهد : يووووه .. ماهر المره الثانيه انت قومني زين ..
رائد يبتسم : وانا بعد ..
ماهر : ههههههههههههههههه ..
حمد : هههههههههه لا خلاص كل واحد يقوم بلحاله ..
مشاري : هاه خلصوا ..
حمد : ايه الحريم جاهزين .. انتم جاهزين ..
مشاري : ايه ماعندنا شي ..
ماهر : خلاص نشوف اذا البنات بعد خلصوا عشان نصلي الظهر ونمشي ..
حمد : زين .. انا دقيت وحجزت شاليه .. يالله يالله لقيت اثنين فاضيات ..
فهد : وناسه ..
رائد : خلاص يلا وش تحترون اجل ..
ماهر : استنوا .. دق ماهر على اميره وردت ..
اميره : هلا ..
ماهر : هلا اميره .. خلصتوا ..
اميره : ياحليلك من الحماس اللي فينا ولا وحده نامت الا لما جهزنا كل شي ..
ماهر : هههههههههههه زين ان شاء الله دايم تتحمسون كذا .. يلا اجل بنصلي الظهر بالحرم ونمشي زين .. بلغي اللي عندك ربع ساعه وكلهم تحت ..
اميره : اوكيي .. يلا فمان الله ..
ماهر : هلا .. " سكر " .. تقول من امس وحنا جاهزين ..
رائد : غريبه ..
ماهر : تقول من الحماس ..
مشاري : الله .. ان شاء الله دايم كذا فيهم حماس ..
حمد : اوكي يلا .. بننزل الحين نصلي الظهر ..
فهد : اوكي انا وماهر بنجلس وبنجيب البنات معنا وانتم روحوا مع الحريم ..
حمد : ايه لا تنسون العيال .. لا تقولون لين الحين نايمين ..
مشاري : يوووووووووووه نسيت ..
قام مشاري وراح الغرفه وقوم نايف وطلع ..
رائد : شفيك ..
مشاري : الشي المهم نسيته ..
فهد : ووينه ..
مشاري : اصبر شوي ..
طلع نايف وهو يبتسم : تسلم مشاري ما بنساهالك ..
مشاري : لا تخاف بطالبك فيها .. يلا رح تجهز وتوض بنروح الحرم ..
راح نايف ودخل الحمام يتروش ..
ماهر : هههههههههه الحين هذا الشي المهم اللي قفلت عليه الباب ..
مشاري : ايه فيه اهم منه .. اخو زوجة المستقبل ..
فهد : يالفاشل .. من الحين بديت تقردنه ..
مشاري : ايه اكيد ..
فهد : لا انا من قبل سنين وانا اقردن فيه ..
رائد : هههههههههه شكله ماراح ينفع التقردن معاه .. يلا حمد ..
طلع رائد وراح شقة الحريم ..
حمد : ههههههههههه لو بحلف انه داري باللي براسك يا فهد ..
مشاري : هو اساسا فاضح روحه بروحه .. ياخي اركد ..
ماهر : من جد ياخي اعقل شوي .. مو زين كذا ..
فهد : اجل لو تدرون وش سويت امس وش بتسوون فيني ..
ماهر : ما استبعد منك اي شي .. وش مسوي ..
حمد : الله يعيننا على طلعاتك يافهد .. وش مسوي بعد ..
فهد : قلت لها احبك ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 04-04-2010, 05:39 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي تـــــــآبع


مشاري : ههههههههههههههههههههههههههههههههههه .. ياقويك انا ما تجرأت اقولها ..
حمد : حسبي الله على بليسك يا خي ما تستحي انت ..

فهد : وش اسوي تهورت وقلتها خلاص اللي صار صار ..
ماهر : ههههههههههههههههه وش سوت ..
فهد : هههههههههه لو تدري بس وش صار فيها .. تخيل ضيعت مكان البنزين ما عرفت تمشي ..
الشباب : ههههههههههههههههههههههههههههه ..
حمد : فهد رجاءً لا تتهور مره ثانيه اظبط نفسك ..
فهد : الله يعيني ..
حمد قام : يلا مشمش ..
مشاري : يلا ..
قاموا ولحقوا رائد ونزلوا مع الحريم وراحوا الحرم .. وماهر وفهد جالسين يسولفون .. جاهم ريان ..
ريان : ماتبون تروحون ..
ماهر : الا يلا ..
فهد : سلطاااان .. رح طق على البنات قلهم مشينا ..
سلطان : ان شاء الله ..
فهد : يلا فديتك ..
راح سلطان وطق الباب فتحت له هيفا ووقفت معاه على الباب ..
هيفا : هلا ..
سلطان : يلا بنروح الحرم ..
هيفا : يلا جينا .. يلاااااا بناااااااااات ..
طلع نايف : الله يفضحك .. وش هالصوت ..
هيفا : اقول سقها ..
نايف : بعد ..
هيفا : يلا بناات ..
طلعوا ماهر وفهد وريان ..
فهد : منهي اللي تنابح هذي..
سكتت هيفا ودخلت ..
ريان : ههههههههه خافت ..
ماهر : يلا بنات مشينا ..
طلعوا البنات ونزلوا وراحوا الحرم .. بعد الصلاة رجعوا ونزلوا شناطهم وسلموا الشقق ..
حمد : يلا كل وحده تركب السياره اللي تبيها ..
ولاء : واااو والله انك فله يا حمد ..
حمد : ههههههههه ايه شفتي انا اذا حبيت ادلع ..
ولاء : الله يخلف ..
الشباب : ههههههههههههههههههه ..
ولاء : وين سيارتك بركب معاك ..
قبصتها لولو وضحكو ساره واميره ..
ماهر : مو الحين تضحكون اذا ركبتوا اضحكوا ..
ولاء : اي يعووووور ..
حمد : شفيك ..
ولاء : وحده منهم خايسه قبصتني ..
لولو : انتي الخايسه ..
راحت وركبت مع اختها ..
ولاء : شفيها معصبه ..
ساره : انتي راجعي كلامك وتعرفين ليه عصبت ..
اميره : ماقالت شي ..
ولاء : وهي صادقه ماقلت شي ..
ساره : يلا انتي وياها ..
ليلى : بنات يا كثر قرقكم امشوا اركبوا ..
اميره : بركب مع اخوي .. ماهر بركب معاك ..
ماهر : انا بآخذ الشباب الصغار ونوره وجواهر وولاء ..
ولاء : ومن قالك ابركب معاك ..
ماهر : لا حياتي بتركبين معاي يلا اشوف ..
ولاء : ايه خلاص بركب ..
راحت ولاء وركبت سيارة ماهر ..
فهد : بسم الله من متى صايره مطيعه ..
مشاري : لا عادي احس تجيها هفات .. كنها نوير اختي ..
نوره : اسمي نووووره نووووووووره ..
مشاري : اركبي يا نوووووووووره ..
راحوا جواهر ونوره وركبوا مع ولاء .. وقفلوا البيبان اللي ورى عشان العيال ما يركبون معهم ..
راح سلطان بيركب ولقا الباب مقفول ..
سلطان : مقفول الباب ..
طلع ماهر الريموت وفتح الباب ..
نوره : خير ..
مشاري : وشو خير خلي الولد يركب ..
نوره : مو عندنا ..
مشاري : لا والله .. ترى ابشرك بعد يا ريان يا نايف بيركب معكم بعد ..
نايف : مو انا .. انا بركب قدام ..
ريان : مو على كيفك .. انا دب ما يكفيني اركب ورا معهم .. انت نحيف عادي .. بعدين شفيك " غمز له وبصوت واطي " فرصه ياثور ..
نايف : طيب خلاص عشاني نحيف بركب ورى ..
رائد : هاااااااااا شعندكم ..
ريان : سلامتك .. بس جالس اقنعه ..
فهد : يلا طيب كل واحد يركب اخلصوا علينا ..
ركبوا الحريم مع حمد .. ومشاري يسوق ومعه فهد ورائد بسياره مع البنات .. بقت غيدا وبيان مالهم مكان ..
نزل رائد : شفيكم اركبوا ..
بيان : مافيه مكان ..
رائد : اممممممممم .. دقيقه .. "دق على حمد" .. هلا حمد !!!
حمد : هلا بك ..
رائد : عندكم مكان ..
حمد : لا زحمه .. ليه ..
رائد : باقي بيان وغيدا ماركبوا يقولون مافيه مكان ..
حمد : وش ذا الدلع يركبون بأي مكان .. ترى نوره وجواهر وولاء مو معكم وين مافيه مكان معه .. هذا وانتم معكم الجمس الكبير بعد ..
رائد : مدري عنهم .. بنات .. تراصوا شوي خل يركبون ..
ابرار : تعالي غيدا هنا جنبي فيه مكان ..
بيان : وانا ..
تهاني : تعالي ورى عندنا ..
بيان : افففف ابي اجلس جنب غيدا ما ابي ورى ..
فهد : بلا دلع اركبي كلها شوي مارح تطير بنفس السياره انتم ..
بيان : طيب لا تهاوشني لو سمحت ..
فهد : ماهاوشت واركبي نبي نمشي حرقتنا الشمس اخلصي يا بنت الحلال ..
بيان : اففففففففففف ..
مشاري : بعدين تأففي مو الحين ..
ركبت بيان ورى وبعدها ركبت غيدا جنب الباب ..
رائد يطالع فيها : هاه خلاص اسكر ..
غيدا : ايه ..
رائد : شيلي عبايتك .. يلا بسم الله ..
سكر الباب وركب ..
مشاري : ليلى ..
ليلى : سم ..
مشاري : زين .. تهاني ..
تهاني : هلا ..
مشاري : طيب .. اميره ..
اميره : هلااا ..
مشاري : ماشاء الله تصلحين مكرفون مسجد ..
الكل : ههههههههههههههههههههه ..
اميره : بسم الله علي لا اله الا الله محمد رسول الله ..
مشاري : ساره ..
ساره : موجوده ..
مشاري : طيب .. هيفا ..
هيفا : هلا ..
مشاري : شف الادب .. لولو ..
لولو : هلا ..
مشاري : زين .. جوري ..
جوري : هلا ..
مشاري : اوكي ... رغووود ..
رغد : انا هنا ..
فهد : فدييييييت هالصوت ياناااااس ..
رائد : اذني لو سمحت ..
مشاري : اوكي بيان وغيدا مو جودات .. وباقي الثلاثي مع ماهر .. ناقص احد ..
ابرار : احـــم احــــم ..
مشاري : اوووووووووو نسينا الدكتوره ابرار .. معليه حقك علينا .. دكتوره ابرار موجوده ..
ابرار : ايه ..
مشاري : زين اشوى .. يلا نمشي ..
فهد : حامت كبدي يلا امش ..
مشاري : ههههههههه طيب لاتطقني ..
مشوا ومسكوا طريق جده .. وصاروا يمشون مع بعض الثلاث سيارات ..
بسيارة ماهر .. كانوا مسوين له ازعااااااااااج ..
ماهر : خلااااااااااااااااااص خلاص تكفون مو قادر اركز اسكتوا شوي بس ..
ولاء : ياربيه نبي نستانس ..
ماهر : ازعجتوني وربي ..
نوره : وش نسوي نجلس طول الطريق ساكتين ..
ماهر : لا لاتسكتون .. بس تكلمو بشويش مو كذا الوحده تنادي الثانيه كنها بآخر الدنيا اعصابكم ..
جواهر : آسفين حقك علينا ..
ماهر : تسلمين يا بنت عبد الرحمن ..
جواهر : الله يسلمك ..
ولاء : شف الادب اللي نزل فجأه ..
ريان : نايف عطني ببسي ..
نايف : ماعندي .. عندك الكيس ..
ريان : لا مو هنا عندكم .. سلطان شفها تحتك ..... شكرا .. فيه جلكسي من حقه ..
ولاء : حقي ..
نايف : هاته بآكله ..
ريان يعطيه ويغمز له : خذ ..
ولاء : يقطع اوم البثاره يا ريان اقولك حقي تعطيه نايف ..
نايف : عادي انا مشتهيه .. انتي شكلك ما تبينه ..
ولاء : لو ما ابيه كان ما شريته .. عطنياه ..
نايف : لا ما ابي ابي آكل منه ..
ولاء : نايف لو سمحت ..
نايف بحركه تقهر : لاء ..
ولاء : يا سخفك ..
سلطان : افففففففففف وخري عني شوي فغصتيني ..
جواهر : تعال سلطان جنبي ..
قام سلطان ونط عندها وجلس جنب الباب .. وصارت ولاء جالسه جنب نايف ..
ولاء : اقولك هاته ..
نايف : شفيك يا بنت الناس اقولك ابيه .. تقولين هاته .. من وين جايبه هالغباء ..
ولاء : منك .. ماهر قله يعطيني اياه ..
ماهر : خذي حقي بس اسكتي ..
نايف : لا خلاص بعطيها 3 حبات وبآخذ 3 ..
ولاء : على كيفك هو .. عطنياه كله ..
نايف : شفيك طماعه اقولك ابي منه ..
ولاء : اففففففففففف .. طيب خلاص .. عطني انا بعطيك ..
نايف : لا انا اللي اعطيك ..
ولا : لا انا ..
نايف : لا انا ..
ماهر : يوووووووووووه .. خلاص يا اخي انت وياها .. هاته انا اللي بعطيكم ..
اخذه ماهر وقسمه نصين وعطى كل واحد 3 حبات ..
ماهر : خلاص كذا ممكن تسكتون ..
نايف : ايه خلاص .. التفت على ولاء وابتسم لها ..
ولاء : خير مضيع شي بوجهي ..
نايف بصوت واطي : مضيع القمر ولقيته ..
سكتت ولاء ولفت وجهها ولا نطقت بحرف .. مره تفاجأت من حركة نايف " ياجرئك .. هذا وانا اكبر منك يادلخ " .. نايف قدم ونغز ريان وضحك .. طالعه ريان وضحك ..
ريان : هههههه وناسه ..
نايف : وش تبي ..
ريان : بعدين اقولك ..
نايف : لا قل الحين ..
ريان : مايمديني ..
نايف : ارسله رسالة بلوتوث ..
ريان : اوكي ..
ارسله ريان ( وش قلت لها وجهها احمر )
نايف ( قالت خير مضيع بوجهي شي قلت مضيع القمر ولقيته )
ريان : ههههههههههههههههههههههه ..
ماهر : خير ..
نايف : فضيحه انت ..
ريان : يقطع اوووم البجاحه اللي فيك ..
نايف : غصب ياخي وش اسوي ..
ريان : اركد .. ولا اقولك تعال مكاني ..
نايف : لا انت دب ما يكفيك المكان ..
ريان ( عشاني دب ولا عشان ولاؤووه )
نايف ( احترم نفسك .. عشان الاثنين بس المشكله انها اكبر مني .. شفت القهر )
ريان ( باين .. ايه دايم انت نحيس كذا على مين طالع مدري .. المهم تكفى حاول تسوي معها مشكله .. تهاوشوا بأي طريقه تكفى )
نايف ( عليك طبعا .. لا ما اقدر ما يطاوعني قلبي )
ريان : اموت انا ياناس على ابو قلب ( اركد ويلا ولا ترى انا اللي بشبها )
نايف ( انت يبيلك رفسه لين تركد )
ريان : اي ..
نايف : عورتك ..
ريان : لا عادي .. كدمات خفيفه ..
نايف : كلمه ثانيه بتجيك اقوى ..
ماهر : شفيكم ..
ريان : سلامتك .. عادي ..
ماهر : تبون تسمعون شي ..
نايف : خالد عبد الرحمن ..
ولاء : يييييع ..
ريان التفت على نايف وغمز له : ايوه ..
نايف : يع انتي .. خالد عبد الرحمن هذا مو جواد ..
ولاء : يع انت وخالد عبد الرحمن وجواد بعد .. نبي راشد ..
جواهر : لا ابو خدود ما نبيه ..
ولاء : لو سمحتي كنك تسبيني ..
جواهر : اسب ذوقك مو انتي ..
ولاء : اللي يسب راشد كنه سابني ..
نايف : اجل .. وع يا رااااشد .. يا شييييييينك ..
ماهر وريان ونوره : هههههههههههههههههههههههههه ..
ولاء : شكرا ..
نايف : العفو .. تبين زياده ماعندي مانع ..
ولاء : يكفي اللي جاني .. بس صدقني مردوه ..
نايف : نشوف ..
ابتسم لها وخلاها تنقهر ورجعت لفت وجهها عنه .. لف عليها ريان وضحك ..
ريان : ههههههههههه شفيك ولاء .. خذيه على قد عقله ..
ولاء : ولد عمتك اذا ما سكتته بطب ببطنه ..
نايف : يلا اشوف جربي ..
ريان : ههههههههههههه خلاص عاد ما صارت .. امسحيها بوجهي ..
ولاء : اففففف ..
ماهر وقف على جنب ..
نايف : ليش وقفت ..
ماهر : ولاء .. انزلي بسرعه ..
ولاء : ليه .. !!!!!!!!!!!!! ..
ماهر : ريان انزل اركب ورى .. ولاء تعالي قدام بسرعه ..
ريان : لا ما ابي مبسوط هنا ..
ماهر : مو عشان افتك منكم لازم اسوي كذا .. صجيتوني وربي ..
ولاء : طيب بنزل .. تعال ريان ..
ريان : لا ما ابي ..
ولاء : اجل تحملوني كل الطريق بصجكم ..
ماهر : يلا ريان ..
ريان : اففففف يا لئيمه اوريك ..
نزل ريان .. والتفتت ولاء على نايف ..
ولاء : فككككه ..
نايف : منك ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 04-04-2010, 06:04 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي تـــــــآبع


دق جوال ماهر وكان مشاري : شفيك وقفت .؟.
ماهر : ولاء ونايف صجوني مو عارف اسوق كل شوي واحد منهم متهاوش مع الثاني .. قمت وجبت ولاء عندي وركبت ريان ورى ..

مشاري : كفو والله .. خلاص يلا .. الله يعينك عليهم ..
ماهر : امين ..
سكر منه ومشوا ..
بسيارة مشاري ..
فهد : شفيهم وقفوا ..
مشاري : ولاء ونايف يتهاوشون ..
فهد : ايوه ..
مشاري : قام وركب ولاء قدام عنده ورجع ريان ورى ..
رائد : زين يسوي ..
فهد : الله يعينه .. ماخذ ازعج عالم ..
رائد : لا باقي واحد ما اخذه ..
مشاري : من ..
رائد : من بعد فهد ..
فهد : لا والله احلف .. الحين انا صرت مزعج ..
مشاري : هههههههههههههههه حلوه حللللللللوه .. اقين اقين ..
فهد : هههههههه انبسطت عليها يعني ..
مشاري : هههههههههههههه مررررررره ..
رائد : ههههههههههههههههههههههههههه الحمد لله والشكر .. طالع طريقك لا نصدم بس ..
دق جوال وحده من البنات ..
فهد : ازعااااااج ..
ابرار : شوي بس ابكلم ..
فهد : بسرعه ..
ابرار : هلا .. هلا وغلا .. لا ياقلبي ما بعد وصلنا .. فديتك والله ان شاء الله .. لا جد .. وناسه .. هههههههه خلاص طيب .. ان شاء الله .. بالسياره الحين .. مدري والله كم بقي .. مشاري كم بقي ..
مشاري : باقي 15 كيلو ..
ابرار : باقي 15 .. هههههههههه من جد .. يويلك من بعض الناس .. هههههههههه بعلمها .. عادي .. اوكي خلاص مصيرك واللي بيجيك .. اوكي حياتي .. ولا يهمك .. يوصل فديتك .. اممممممم الساعه 4 كويس .. اوووووكي .. خلاص .. ان شاء الله .. هلا حبيبي .. فمان الله .. هلا والله باي ...... تسلم عليكم رنا كلللللللكم ..
مشاري يبتسم : الله يسلمك ويسلمها ..
فهد ورائد : هههههههههههههههههههههههه ..
ابرار : اقصد البنات ..
مشاري : انتي قلتي كلمكم .. يعني بنات وشباب .. عادي الله يسلمها .. ياحليلها والله ..
فهد ورائد : ههههههههههههههههههههه ..
ابرار : ليه تعرفها ..
مشاري : ايه مو هذي رنا بنت ابوها .. ايه خلاص هي ..
فهد : هههههههههههههه بالله عليك ..
مشاري : ههههههههههههههههه والله ..
ابرار : لولو ترى تقول بقولك سالفه ..
مشاري : وانا ماتبي تقولي سالفه ..
ابرار : وانت شعلييييييييييك ..؟؟..
مشاري : ههههههههههههههههههههههه خلاص لا تعصبين .. ترى السياره فيها بنزين اخاف تنفجر ..
رائد : هههههههههههههههههه ارحمني يا اخي بطني ..
ابرار : مره مبسوط ..
رائد : هههههههههههههه فوق ما تتصورين ..
ابتسمت ابرار : دوم ان شاء الله ..
رائد : تسلمين .. اجمعين ..
فهد : حتى انا مبسوط .
مشاري : وانا بعد ..
ابرار : اففففففففففففففففف ..
مشاري وفهد : هههههههههههههههههههههههههه ..
فهد : ارتفع ضغطها .. هههههههههههههههههه ..
ابرار : لو صار فيني شي لا تلومون الا انفسكم قسم بالله ..
فهد : بسألك سؤال وجيه .. بالله لين الحين ماجاك قولون ولا ضغط وسكر وقلب ..
ابرار : بسم الله علي الرحمن الرحيم لا تتفاول ..
فهد : والله مستغرب .. كل هالعصبيه اللي فيك .. يختي خفي على روحك شوي خلك مثل مشاري . كل الدنيا عنده مزح ولعب ..
مشاري : انا الدنيا عندي كلها مزح ولعب .. علم نفسك ..
فهد : لا انا جدي ..
مشاري : وانا جدتي ..
رائد ك ههههههههههه يقطع اوم الفضاوه اللي عايشينها ..
مشاري : طيب تبون تسمعون الطرب الاصيل ..
فهد : سمعنا ..
رائد : لا تشغل شي انت غني ..
مشاري : لا وين اغني بشغل لكم شريط ..
فهد : لا انت غن .. صوتك يخقق ..
مشاري : اغني بس بشرط ..
رائد وفهد : وشو ..
مشاري : اذا غنيت انتم بعد تغنون بعدي .. يعني كل واحد يغني شي ..
فهد : اوكي ان موافق ..
رائد : لا خلاص اجل لا تغني ..
فهد : يا بثرك .. لا بتغني غصبن عليك ..
اميره : ماعليكم بيغني .. يلا مشاري سم بالله وغن ..
مشاري : هههههههههه .. طيب ..
فهد : قبل لا يغني .. غن اغنيه واهدها لانسان زين ..
مشاري : اووكي .. امممممممممم .. ابغني اغنية راشد .. تمر ايام .. واهديها لانسان عارف نفسه زييييييييييييييييين ..
رائد : معنا بالسياره ..
مشاري : ايه ..
فهد : اكيد انا ..
مشاري : اقول سقها .. مو انت ..
رائد : انا عرفته يلا غنها احم احم ..
مشاري بدى يغني : على حبنا تمر ايام وانتي يا هنا فيني .. غرام كل ما مر عام احسه يكبر فعيني ..
كبرنا او بعدنا صغار تظل اشواقنا فينا .. مادام نحب بعض ونغار لبعض الله يخلينا ..
تضيق بصدري الانفاس اذا غبتي وغاب الضي .. واحس اني وسط هالناس مثل طفل يدور شي ..
هواك فمهجتي ساكن كثر هذا الفضا والكون .. ودونك عالمي ساكن بلا طعم وبليا لون ..
احبك موت انا واحيا كثر ما احب انا ذاتي .. ومن شر وبلا الدنيا عليكي كم انا احاتي ..
لانك قطعة مني ومايسواك عندي انسان .. انا لليوم احس اني هذاك المغرم الولهان ..
وسلامتكم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 04-04-2010, 06:13 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


قاموا يصفقون له ورائد وفهد يصفرون ..
فهد : عاااااش ولد سليمان عااااش ..

مشاري : عاشت ايامك ..
رائد : ما اقدر على هالحب انا .. اروح فيها ..
مشاري : ما يمديك .. يلا فهد دورك ..
فهد : اممممممممممممم .. ابغني لعبد المجيد زين ..
مشاري غمز له : ولمين تهديها ..؟..
فهد : اممممم .. سر مالكم شغل .. اخاف لو قلت انجلد ..
رائد : هههههههههه ماراح تنجلد قل لمين ..
فهد : لا والله احب روحي .. اهديها لقلبي وبس ..
مشاري : اوكي فهمنا .. يلا ..
فهد : احــم ..
فوق هذا الحب احبك .. او بعد اكثر كثير .. ياللي تدري ان قربك انا احتاجه كثير ..
يمكن اكثر من غلا روحي لروحي .. وانت من نساني بالدنيا جروحي ..
نساني نفسي وخلاني احبك .. هو صحيح اني قدرت اوصلك لاكن ..
ماني عارف وين ابوصل بالمحبه .. فوق هذا الحب احبك فوق هذا الحب احبك او بعد اكثر كثيييير ..
ياللي تدري ان قربك انا احتآآآآجه كثير ..
لقيتك بك عمري اللي راح ولقيت انا فيك الامان .. ولو بيدي يا حبيبي كان اعرفك من زمان ..
لحظة اللي تلتقيبي يبتسم حظي ونصيبي .. ومثل ما اقول اني احبك .. انت قول انك حبيبي ..
احم خلصت ..
مشاري : اذكرو الله .. وش هالصوووت وش هالاحساس .. فديتك والله اول مره ادري ان صوتك حلو ..
فهد : ايه ما تقدرون المواهب ..
مشاري : لا خلاص من الحين بسجلك بفرقة طقاقات ..
فهد : مخلي الفرقه لك ..
مشاري : ههههههههههههههه .. يلا رائد ..
رائد : لا انا ما اعرف اغني ..
فهد : فقاش كم مره اسمعك تغني وانت متحمس .. يلا غن ..
رائد : اقولك ما اعرف ..
مشاري : بلا دلع ..
رائد : اجل بغني اغنيه تصيح ..
فهد : فيك تشاؤم غير طبيعي ..
اميره : عادي عادي ..
رائد : ههههههههه مره متحمسه انتي ..
اميره : اذا مشاري وفهد .. اللي اصواتهم اذا تكلموا عااااااديييييييييه يومنهم غنوا اصواتهم رهيبه عاد شلون ...... سكتت ..
رائد : ايوه كملي ..
فهد : ايييييييييييه .. انا اكمل ..( يقلد اميره بطريقة كلامها ) عاد شلون انت .. اللي صوتك اذا تكلمت يخقق .. وشلون اذا غنيت اكيد بذوب .. صح اميره ..
اميره : لاعاد لا تبالغ ..
رائد : لا ما ابي ..
اميره : ياانت دلوووووووع ..
رائد : عشاني دلوع ماراح اغني ..
جوري : رائد عشاني ..
فهد : ايوا يا واسطه .. يلا اختك قالتلك غن يلا غن ..
جا رائد مسج فتحه وابتسم (( رائد بليز بس هالاغنيه .. اغنية محمد عبده .. احوال .. بليييز )) ..
فهد يطالع فرائد : يلا يا خي بعدين اقرى المسج ..
رائد : اوكي بس اغنيه وحده .. وخلاص غيرها لا تطلبون بلييييز ..
مشاري : بسم الله .. وش فيه المسج اللي جاك ..
رائد : سبحان الله فيكم عرق لقافه مدري من وين مآخذينه ..
مشاري : يلا طيب غن اغنية راشد تنحط عالجرح ..
رائد : لا بغني اغنية محمد عبده احوال ..
فهد : منتب طبيعي .. يلا غن يلا ..
سكر رائد عيونه وبدا يغني وبكل احساس .. الكل خق على صوته وسكت .. كان يغنيها من قلب ..
رائد : انا مقدر اقول اني حبيب في بعض احوال .. انا كلي اجي ولا اروح بعزتي كلي ..
خذاني لك سؤال في عيونك والجواب محال .. خذاني منك دمع في عيوني ما رضى ذلي ..
انا اخترت الفراق ومادريت ان الفراق وصال .. اقول اني نسيتك بس مدري كيف توصلي ..
تجيني في الاغاني في السوالف .. تجيني كل ما شميت عطرك ويتخيلي ..
رحلت انت وتركت لخاطري طيفك وصبرن طال .. غدت ذكراك شمس ما تغيب وصورتك ظلي ..
حكيت ومالقيت من الحكي الا الندم موال .. سكت ومت بالحسره ولا ادري وشهوا احسن لي ..
احبك كل ما فيني يحبك يا خلي البال .. تخيلتك دواي وصرت جرحي الصعب يا خلي ..
تعب ارحل من وجيه البشر بنساك بالترحال .. ولا ادري وش يجيبك في وجيه الناس واهلي ..
سكت وفتح عيونه .. شفيكم .. ؟؟ ..
مشاري : بسم الله عليك الرحمن الرحيم ..
فهد : ماشاء الله تبارك الله .. رؤووود .. وين هالصوت ما تغنيلي بالمكتب .. تغنيلي بصوت خااايس ..
رائد : ههههههههههه قل قسم بالله .. صار صوتي خايس الحين ..
مشاري : انا الحين مو مستوعب هذا انت يارائد ..
رائد : ههههههههههههههه لا قريني .. ايه انا ..
مشاري : طيب غنها مره ثانيه ..
رائد : هههههههههه لا تحاول ..
مشاري : طيب لمين تهديها ..
رائد : ككلمات .. مو لأحد .. كأغنيه .. اممممممممم لانسان وخلاص لا احد يدقق ..
فهد : انا قايل منتب طبيعي ..
ابتسم له رائد .. ورى عند البنات .. كانت غيدا مره منجنه على صوته اول مره تدري ان صوته حلو لهالدرجه ..
ابرار طقت لولو مع كتفها وبصوت واطي : البنت راحت فيها ..
لولو : اهجدي ... انا بغيت اخق .. صوته عذاااب ..
اميره : اللهم لا حسد ..
فهد : قلتي شي آنسه اميره ..
اميره : ايه قلت اللهم لا حسد .. رائد اقرى على نفسك ..
رائد : لا تبالغوون ..
ساره : ماشاء الله صوته مره خطير ..
رائد : يسلمو يا بنت العمه ..
لحظة صمت يقطعها صوت مسج وصل لغيدا .. فتحته غيدا وقرته وابتسمت وحضنت الجوال ورجعته بالشنطه .. (( وربي عشانك غنيت بس ولا ماكنت ابي اغني )) ..
مشاري : يلا باقي لنا شوي ونوصل ..
ليلى : كم بقى يعني ..
مشاري : امممممم يمكن باقي 5 كيلو تقريبا ..
فهد : اخييييرا ..
وصلوا لجده ودق مشاري على حمد واخذ منه وصف الشاليه وراحوا له .. كلهم .. وصلوا ونزلوا الاغراض كان مره كبير يوم شافوه الحريم قالوا حرام نستأجر 2 يكفينا واحد .. الغوا واحد منهم وكلهم صاروا بواحد .. كان فيه قسمين وفيه مسبح وحديقه كبيره ويطل على البحر .. والمنظر من فوق مره خيال .. دخلوا ورتبوا اغراضهم واجتمعوا بالصاله ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 04-04-2010, 06:23 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


البقيه تأتي لاحقا ..

و ش بيصير بالشاليه .. وش بيسوون .. ومواقف وحركات بس مو الحين بعدين ..

انتظر ردودكم ..


دمتمـ بحفظـ اللهـ ورعايتهـ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 05-04-2010, 07:53 PM
صورة ( كليــ حلاآ ) الرمزية
( كليــ حلاآ ) ( كليــ حلاآ ) غير متصل
©؛°¨غرامي مشارك¨°؛©
 
الافتراضي رد: تحملت كثير يا قلبي / ®جنون الشوق®


يسلمووو يالغلاآآ ع البارتـــ
وديـــ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 10-04-2010, 08:26 PM
صورة اذكر الله ياخفوقي الرمزية
اذكر الله ياخفوقي اذكر الله ياخفوقي غير متصل
©؛°¨غرامي مشارك¨°؛©
 
الافتراضي رد: تحملت كثير يا قلبي / ®جنون الشوق®


صرآآآآحه روايه رووووووووووووووعه
<لسى ماكملت البارتات الي نزلتيهم
بس بجد اعجبتني الي قريتها ربي يعطيك الف الف عاآآآفيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 10-04-2010, 10:14 PM
صورة ( كليــ حلاآ ) الرمزية
( كليــ حلاآ ) ( كليــ حلاآ ) غير متصل
©؛°¨غرامي مشارك¨°؛©
 
الافتراضي رد: تحملت كثير يا قلبي / ®جنون الشوق®


وينكـ يالغلاآآ
ننتظركـ بشوووق
ودي وخالص حبي ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 11-04-2010, 10:44 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


اقتباس:
المشاركة الأساسية كتبها ( كليــ حلاآ ) مشاهدة المشاركة
يسلمووو يالغلاآآ ع البارتـــ
وديـــ
الله يسلمك..~~

منورهـ..~~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 11-04-2010, 10:47 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


اقتباس:
المشاركة الأساسية كتبها اذكر الله ياخفوقي مشاهدة المشاركة
صرآآآآحه روايه رووووووووووووووعه
<لسى ماكملت البارتات الي نزلتيهم
بس بجد اعجبتني الي قريتها ربي يعطيك الف الف عاآآآفيه
وجوك في روايتي هو الرائع..~~

خذي رحتك حياتووو..~~

الله عافيييييييييك..~~

منورهــ..~~

الرد باقتباس
إضافة رد

تحملت كثير يا قلبي / ®جنون الشوق® ، كاملة

الوسوم
/®جنون , الشوق® , حرفآ , ـملْتٍ , قٌلْـبٍيٌـ? , كَثٌيًرْ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6827 08-09-2018 02:15 AM
تحملت العنا لأجلك يا ولد العم / كاملة ĤāŃōŎōĐą روايات كامله - يتم نقل الرواية هنا بعد اكتمالها 23 01-03-2011 09:46 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 10:22 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1