غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-04-2010, 03:58 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
تحملت كثير يا قلبي / ®جنون الشوق® ، كاملة


بسم الله الرحمن الرحيم ..


اول شي .. كيفكم .. شخباركم .. انشاء الله كلكم طيبين ..
طيب الحمد لله .. .. الصراحه .. حبيت انزل لكم قصه من تأليفي ,, هذي اول مره اكتب قصه وانزلها .. مع اني سبق وقد كتبت .. بس هذي اول وحده تنزل .. ..
القصه مكتوبه باللهجه السعوديه العاميه .. احداثها كلها تدور في المملكه وبالتحديد في منطقة الرياض .. .. اترككم مع القصه ..
7
7
7
*(( تِـ حُ ـملْتٍ كَثٌيًرْ يٌـآ قٌلْـبٍيٌـ? ))*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-04-2010, 04:00 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
رد: تِـ حُ ـملْتٍ كَثٌيًرْ يٌـآ قٌلْـبٍيٌـ?


حمد (ابو عبد العزيز)
لولو (ام عبد العزيز )

عائلتهم مكونه من 8 اخوان وخوات .. الاخوان والخوات بينهم شركه كبيره ومعروفه .. يديرونها الاخوان الاربعه اما ازواج خواتهم فتاركين حلال زوجاتهم على اخوانهم يديرونه مع حلالهم .. اسره مترابطه ومتكاتفه .. يجمعهم الحب والاحترام والاخوه .. ابوهم وامهم لازالو عايشين بس يسكنون فبيتهم بلحالهم .. حاولو فيهم عيالهم يجون يسكنون كل مره عند احد بس هم ما طاعوا .. يقولون ما نبي نثقل على احد ..
نجلس فبيتنا ابرك لنا ..

(عبد العزيز وزوجته هدى .. عيالهم .. حمد وفهد وسلطان ورغد )
(سليمان وزوجته خلود .. عيالهم .. مشاري وليلى ونوره )
(ابراهيم وزوجته فوزيه .. عيالهم .. ساره وبيان وولاء )
(عايشه وزوجها عبد الله .. عيالهم .. تهاني وهيفا ونايف )
(شيخه وزوجها عبد الرحمن .. وعيالهم .. ابرار ولولو وجواهر )
( فارس وزوجته امل .. عيالهم .. رائد وجوري وريان )
(حصه وزوجها محمد .. عيالهم .. ماهر واميره )
(مشاعل وزوجها فيصل .. بنتهم وحيدتهم .. غيدا )

الشخصيات بالتفصيل :

عبد العزيز : اكبر اخوانه .. رجال محترم متفهم .. له هيبته وكلمته ..
هدى : انسانه حبوبه وطيوبه .. تحب عيالها بشكل فضيع ما ترضى عليهم الغلط .. امنيتها في الحياه تشوف عيالها بخير وعافيه وسعيدين فحياتهم ..

حمد : 27 سنه .. يشتغل مع ابوه فشركة العايله .. انسان حبوب وحركه .. يحب ولد عمه سليمان مشاري وهم اكثر من الاخوان .. طويل ابيضاني مملوح خشمه عادي عيونه رسمتهم حلوه حيل .. شعره ناعم وكثيف بس ما يحب يطوله .. هادي بعض الاوقات .. يشبه ابوه كثييييييييييييييير ..

فهد : 26 سنه هو بعد يشتغل بشركة العايله بس يشتغل في الفرع الثاني .. انسان فضييييييع .. اعجوبه .. حبوب وفرفوش وطيب ورووووووووومنسي بقوه .. يموت فبنت عمه << بعدين تعرفون مين *_^ .. رهيب بقووووووووه .. عليه حركات تجنن .. جسمه فضيع جسم رياضي بس على عرض شوي .. مو طويل ولا قصير .. حمد اخوه اطول منه .. اسمر من حمد بشوي .. خشمه سلة سيف عنده غمازه وحده بخده اليمين .. اصابعه طويله ونااااعمه كنها اصابع بنت .. عيونه عسليه غامقه شوي بس تذبح ..

سلطان : 14 سنه .. يدرس بثاني متوسط .. مجنن المدرسين .. ابيض اخوانه يسمونه السوري .. مربوع .. شوي سمين .. خدوده وردييييييييه .. ماخذ من حركات فهد شوي .. دايم مشاكله مع اخته الصغيره رغد .. تحححححفه ..

رغد : 11 سنه .. تدرس بخامس ابتدائي .. نعومه وحليوه .. دبدوبه وقصيره شوي وبشرتها مو سمرا ولا بيضا .. عقدتها سلطان ..

----------------------------------------------
سليمان : الاخ الثاني .. حبوب وطيب مع الكل .. بس اذا قال شي لازم يصير ولا احد يقدر يغير كلمته عنيد بدرجه غير طبيعيه ..
خلود : الام الصغيره .. تزوجت سليمان يوم كان عمرها 17سنه وجابت مشاري بعد
زواجها بسنه ..

مشاري : 27 سنه .. يشتغل مع ابوه فشركة العايله .. بنفس الفرع اللي فيه حمد .. اول شي عمانهم ما رضوا يشتغلون مع بعض لانهم لو اشتغلو مع بعض بينسون الشغل وبيقعدون مع بعض مشاري رفض انه يشتغل الا هو وحمد مع بعض وحمد نفس الشي .. بعدين حطوهم مع بعض بس كل واحد فقسم .. يقولون مو مهم اهم شي اننا بنفس المكان .. << مثل الاخوان .. خاصه ان مشاري ما عنده اخوان .. انسان وسيييييييييييم بقوه .. حنطاوي على امه .. عيونه عسليه .. شعره بني غاااااامق .. خشمه فنان .. عنده غمازات على اي حركه فوجهه تطلع .. مجنن حمد فيهم .. جسمه خطييييييير طويل ومعضل ومشيته رزه .. << شيخ .. يحب تهاني بنت عمته عايشه .. عكس حمد .. خرشه وفله ..

ليلى : 21 سنه .. تدرس 3 جامعه قسم حاسب آلي .. حبوبه وحلوووووووووه .. بيضا وخدودها ورديه جسمها فناااااان .. مربوعه .. شعرها طويل ونااااااااااااااااعم كنه حرير واسوود .. فرفوشه بس مو زي باقي البنات يعني على خفيف ..

نوره : 18 سنه ثانويه عامه .. قسم ادبي .. الشاذه بالعايله .. كل العايله داخلين قسم علمي الا هي قسم ادبي تقول كل واحد حر .. وانا ميولي ادبي ليه اكرف عمري وادخل علمي .. وآخرتها اجيب نسبه غبيه بعدين ادخل قسم ادبي .. اختصر الطريق من الاول وادخل ادبي ابرك .. << وجهة نظر .. اطول من اختها ليلى .. بس ليلى احلى منها وابيض هي شوي سمرا ونحيييييييييييفه.. عيونها عاديه بس رسمتهم حلوه ومكحله خلقه .. رهيبه خاصه لما تجتمع مع البنات ..

----------------------------------------------
ابراهيم : الاخ الثالث .. ماعنده عيال بس بنات .. يهمه مصلحتهم ولا عمره غصبهم على شي .. بس الغلط غلط والصح صح .. شديد شوي .. بس احيانا فري بس على خفيف ..
فوزيه : ام حنون .. بس ما ترضى بالغلط ولا اللعب .. متشدده شوي كلمتها تمشي في كل الاحوال على زوجها وبناتها .. بس غالبا ما ترخي لهم الحبل بس على الخفيف تقول مو حلو التشدد ولا الرخا مع البنات ..

ساره : 20 سنه .. 2 جامعه قسم تغذيه .. قصيره ودبدوبه وحلللللللللللوه .. بيضا وعيونها كبار وسودا مايله على الرمادي طالعه على خوالها .. شعرها لين تحت اذنها بشوي مدرج بطريقه رهيبه مطلعه كثيييييير .. حبوبه وهاديه .. وطيبه مره .. تضحي بأشياء المفروض تكون لها ومن حقها بس انها تقدم مصلحة غيرها على مصلحتها ..

بيان : 19 سنه .. اول جامعه .. انسانه قمه في الغرور واللي زايد غرورها جمالها .. مايهمها غير نفسها ومصلحتها عكس اختها ساره تماما .. اطول خواتها واحلاهم .. جسمها فضيع .. نحيفه وخصرها يجنن .. نااااااعمه .. شعرها اسفل ظهرها .. تموت فغيدا بنت عمتها مشاعل .. هم الثنتين مثل الخوات .. احيانا يلبسون نفس اللبس .. ماتعجبها اختها ولاء ابدا .. دايم مشاكل معها .. مسوين حرب في البيت ..

ولاء : 18 سنه .. ثانويه عامه .. مع نوره في المدرسه بس هي غير عن نوره وااااااااجد .. هي انسانه اجتماعيه حبوبه فرفوشه مجنونه .. عربجيييه بقوه .. هي الولد بالبيت ..<<حركات بس .. عندها ذوق عجييب .. مربوعه .. جسمها عادي .. لونها فاتح .. بشرتها لايقه عليها مرررررررره .. عندها غمازه وحده بخدها اليسار .. وفيه حفره بدقنها .. تموت فيها اميره << في الحفره طبعا ..
تدرس مع نوره بنفس المدرسه بس كل وحده بفصل لانها علمي ونوره ادبي .. امها تموت فيها ولاتتخيل بيتها بدونها لانها على قولتها شمعة البيت وكهربه .. .. ودايم تغاير بيان .. تقولها " انا آخر العنقود .. سكر معقود .. طبلون البيت .. ماتعيشون بدوني .. انا نيارة البيت" ..

----------------------------------------------
عايشه : الاخت الرابعه .. متفهمه .. طيبه بس شوي عصبيه .. تجننها بنتها هيفا .. بس تموت فيها .. تقول ما اتخيل بيتي بدون هيوف .. مدري وش اسوي لا تزوجت ..
عبد الله : رجل اعمال غني .. عنده شركات مختلفه في المجالات .. معيش بناته احلى عيشه .. ومو مقصر عنهم بشي .. لو يطلبون اللي يبونه يلقونه ..

تهاني : 21 سنه .. 3 جامعه مع ساره قسم تغذيه .. مزيووونه .. جسمها عادي مو طويله ولا قصيره .. مو نحيفه ولا سمينه .. برونزيه فاتح .. حلو جاي اللون عليها مناسب .. عيونها شوي ناعسات وكبار .. خشمها واقف .. شعرها طويل يوصل لين آخر ظهرها .. كثيييييييير مره ومدرج من اذنها الين اخر ظهرها .. طالع خطييييييييييييييييير .. كستنائي مموج .. يعجبها شكلها مره .. طيبه وسنعه ..وتحب مشاري زي ماهو يموت فيها .. شخصيتها حلوه فيها من شخصية ابوها شوي ..

هيفا : 19 سنه .. اول جامعه .. دلوعة امها وابوها .. وحبيبة الكل .. احلى من اختها تهاني بكثير .. ابيض منها واطول منها بتكه .. جسم تقول جسم عارضة ازياء .. عيونها وساااع وكبار .. سوداااااا وتكحلها تطلع شي .. شعرها اسود الين نص ظهرها وصابغته خصل بني فاتح .. توءم روحها وحبيبتها وغلاها ~((جوري))~ ..فرفوووووووووشه بقووووه .. داجه ومرحه ومرجوووووجه..وعربجه.. بإختصار فله وفضيعه .. اللي بقلبها على لسانها وهذا اللي يميزها عن بنات خوالها .. ان اللي يغلط عليها تبقى الكلمه بقلبها لو ما ردت عليه الحين يجيها يوم وترد عليه .. مو حقود ولا شريره بس ما تحب احد يهينها ويدوس كرامتها .. تعشق شي اسمه كتكات .. مسويه ازمه معاه .. تكره عمتها مشاعل وبنتها .. تقول ما ابلعهم .. جريئه مع الكل مع شباب العايله ورجال خلاتها .. مايهمها شي .. تحب المغامره ..

نايف : 17 سنه ثانيه ثانوي .. قسم علمي .. دافوووووووووووووور العايله .. يسمونه المصري .. دايم يطلع من الثلاثه الاوائل .. ونظيف بقوه .. مزيون .. ياخذ من اخته تهاني كثير .. طوله عادي .. جسمه عادي بقوه .. العيون نفس العيون .. نفس اللون بس على اغمق .. <<اربع وعشرين ساعه بالشمس .. الخشم .. تبارك الله .. والشعر بني غامق .. عليه خدود فضييييييعه .. كنها سفنج على قولة اميره .. ..

----------------------------------------------
شيخه : الاخت الخامسه .. حنووووونه وطييبه .. وكلمتها دايم اللي تمشي مع انها مو الكبيره بس حكيمه ..
عبد الرحمن : مثال للابو المثالي . الحنون الطيب المتفهم .. رجل اعمال عنده كم شركة استيراد وتصدير . وعنده محل اثاث فخم .. ومصنع سجاد .. مو مخلي على بناته قاصر ابد ..

ابرار : اكبر بنات العايله .. 24 سنه .. مو متزوجه .. فكلية الطب بتتخصص اعصاب .. هاديه وحبوبه تآخذ من طباع ابوها كثير .. حلوه ملامحها وهاااديه .. بيضا وطويله جسمها فنان .. عليها عيون .. تبارك الرحمن .. اطول شعر بالعايله بس انه خفيف شوي .. مايجي الا ربع شعر ساره..

لولو : 22 سنه .. آخر سنه بالجامعه قسم لغات وترجمه .. مزيونه .. اسمر من ابرار وطولها .. اسمن منها شوي .. شعرها الين كتوفها قاصته الفراوله .. شوي هاديه .. اخذت من ابوها صفات كثيره .. ومن امها حنانها وطيبتها .. جدتها تموت فيها .. ما تسميها الا بنتي لولو .. اذا عصبت من بناتها .. تقول ما عندي بنت غير لولو سميتي .. مع العلم انها حفيدتها ..

جواهر : 18 سنه .. ثانويه عامه .. انسانه ضايعه بالطوشه .. زي ما يقولون .. مع الخيل يا شقرا .. بس فيها حقا .. خواااااااااااااااااافه .. من اي شي تخاف .. ابيض من لولو واسمر من ابرار يعني بين الثنتين .. مربوعه .. شوي دبدوبه .. بس حلو عليها .. خدودها فنانه .. شعرها غزييييييير .. واسوووووود .. جاي طوله واحد الين نص ظهرها .. بس طالع خيال .. كثير تجلس مع نوره وولاء .. مع ذالك ما قدرة وحده منهم تغيرها .. وهي معاهم بنفس المدرسه وبنفس فصل ولاء ..

----------------------------------------------
فارس : الاخ السادس .. اصغر اخوانه الرجال .. حبوب وطيوب فيه حركات شباب .. يحبونه عيال اخوانه وخواته .. يموت فبنته وحيدته جوري ..
امل : اطيب وحده فيهم .. حلوه موت .. وناعمه .. هي اللي دايم تجمع البنات عندها وتسوي لهم حفلات .. يحبونها البنات مره .. جدتهم تحبها مره .. اللي هي ام فارس ..

رائد : 25 سنه .. يشتغل مع ابوه وعمامه .. مع فهد بنفس الفرع هم الاثنين ثانئي روعه .. صديق ابوه .. مزيون بقوه .. ابيض وطويل وجسمه فضييييييييييع يخقق .. عيونه روعه تخقق .. شعره ناعم .. يشبه امه بس على خفيف ياخذ من ابوه اكثر .. فيه صفات الرجوله .. بس صوته عذاب لما يتكلم ولما يغني .. فيه حبوب على خدوده بس مو كثير .. محليته زياده .. فيه غمازات .. شخصيته غريبه شوي .. مرات طيب ومرات عصبي .. مرات حنون .. ومرات قاسي .. مافيه شخصيه ثابته مع ذالك يحبونه ..

(جوري) :19 سنه .. اول جامعه .. احلى بنات العايله .. بيضا ورديه .. هذا الشي كثير يحرجها مع الناس .. يحسبون فيها عرق اجنبي .. عيونها عذااااااااااب كبار ومكحله وتسحر .. شعرها الين آخر ظهرها مدرج اسود .. صابغته خصل ملونه وصغيره .. بني فاتح وبيج واحمر واحمر فاتح .. طالع جنان .. مع الغره اللي قاصتها على جنب صابغتها اسود وغجري .. طالعه فنانه .. تآخذ من امها شبه كبيييييييييييير .. فرفوشه بس على خفيف .. فيها دلع .. توءم روحها .. ~((هيفا))~ اللي يشوفهم مع بعض دايم يقول خوات مع انه ما فيه شبه بينهم غير الدم .. تحب واحد من عيال عمانها وكل البنات يعرفون .. مأذينها ..

ريان : 17 سنه ثانيه ثانوي .. قسم علمي .. دافور بس ما يجي زي نايف .. هو ونايف بمدرسه وحده مسوين ثنائي خطير .. حركاتهم على المدرسين نحشاتهم .. كل شي مع بعض .. واللي مجنن المدرسين انهم بفصل واحد .. حنطاوي .. دبدووب .. عيونه مثل عيون رائد تخقق .. شعره اخشن شوي من شعر رائد .. بإختصار يشبه ابوه .. عليه حركات نص كم << كلام مشاري .. طيووووووووووووب مره ..

----------------------------------------------
حصه : الاخت القبل الاخيره (السابعه) .. عاديه .. تحب جمعات الحريم وجمعات الضحى ..
محمد : عنده شركة استيراد وتصدير اغذيه .. وعنده محل اجهزه الكترونيه كبير .. رجل متفهم بس احيانا يكون شوي عصبي ..

ماهر : 25 سنه .. متخرج ويشتغل في الشرطه .. انسان فله بس فيه شوي غرور وشوفة نفس .. يحب البر والطلعات .. مزيون .. اسمراني شوي .. طويل ونحيف .. بس حلو نحفه على جسمه .. اصابعه تخقق .. عيونه مكحله .. وناعسه .. فيه حركات ..

اميره : 20 سنه .. ثانيه جامعه .. قسم تغذيه مع ساره وتهاني .. مسوين هالثلاثه .. قروب من 10 بنات كل وحده اجن من الثانيه .. عاد القائده اميره .. مع انها اصغر منهم تقريبا ما فيه كبرها غير 3 والباقي 3 او 4 جامعه .. بس احلى شله .. انسانه فرفوووووووووووووشه ما تحلى جلسة البنات الا لما تكون موجوده .. اقلهم جمال لاكن انعمهم ملامح .. عيونها ناعمه ومرسومه .. شعرها موذاك الطول لين اخر كتوفها .. خدودها تفاحات .. طولها حلو وجسمها سمينه شوي تعتبر الاسمن بينهم .. دايم تقول اسمنكم احلاكم .. ماتهتم بالكلام اللي ينقال من وراها .. ولا تضيق صدرها على اشياء تافهه على قولتها .. ما تبي تضيع وقت على الفاضي .. مرحه بقوه .. شوي فيها جراءه مثل هيفا .. تحب تشوف كل من حولها يضحك ما تحب الحزن ابد .. تحاول بقد ما تقدر تسعد كل من حولها حتى لو كانت مالها نفس تحاول تجامل .. فيها دفاشه شوي .. بس لايقه عليها وعلى شخصيتها الحلوه .. تموت فآيس كريم التوفي .. عشقها الاول والاخير على قولتها ..

----------------------------------------------
مشاعل : اصغر اخت في العايله (الاخيره) .. تزوجة وجلسة 7 سنوات ما عندها عيال .. آخر شي حملت وجابت غيدا .. غيدا تسوى عيونها على قولتها .. ما تبي احد يتكلم على بنتها ولا يقول لها شي .. تدلعها بشكل فضيع <<مو وحيدتها كيفها .. فيها شوي حركات يعني شوي لسانها سليط .. تقط كلام احيانا يجرح .. بس غالبا اللي حولها ما يهتم لانهم يدرون هذي طبيعتها .. تحب جمعات الحريم ونقل كلام الجيران واخبارهم .. ما تقصر في الاشاعات طبعا ..
فيصل : كان متزوج قبل مشاعل وحده وعنده منها ولد .. وتوفت .. بعدين تزوج مشاعل اللي تصير بنت عمه .. كان يتمنى ان لغيدا اخت بس الله ما كتب .. الله منعم عليه عنده حلال واجد .. عنده عماير ومأجرهم وعنده شركة خزانات .. (فيبر قلاس) ..

غيدا : 19 سنه .. اول جامعه .. اصغر من بيان بـ 4 شهور .. كنهم خوات .. ناعمه بس جذآآآآآآآآبه .. هاديه .. وطيووووووبه .. وحبووووبه .. حساسه بدرجه كبيره بس ما تشيل بقلبها .. تبي تعرف ليش هيفا ماتحبها .. ملاحظه هالشي بس ساكته .. ما تبي تخرب هالعلاقه البسيطه اللي بينهم .. كانت تتمنى عندها اخت ولا اخو .. لان اخوها مسافر برا يدرس هندسه .. كانت تكلمه على المسن كثير وتشوفه بالكاميرا ..

----------------------------------------------

طولت عليكم بالشخصيات .. هذي الشخصيات بالتفصيل كل واحد بمواصفاته عشان تقدرون تتخيلونهم .. <<خخخخخخخ ..

----------------------------------------------



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-04-2010, 04:03 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
رد: تحملت كثير يا قلبي /لـ كاتبه ®جنون الشوق®


Ҳ۝۩۩۝. ـالبـــ‘ــدايــــهـ .۝۩۩۝Ҳ

!ੂ۩ٍஜ۝√ فبيتـ فارس ( ابو رائد ) √۝ஜ۩ੂ
الساعه 9 الصباح ..

تررررررن .. تررررررن .. تررررررن ..

ريان : الووو ..
هيفا : الوووووووو ..
ريان : هلااااااا ..
هيفا : هلا وغلا .. كيفك ريانوه ..
ريان : لا ما ادري يمكن انا اصغر عيالك عشان تقولين لي ريانوه ..؟؟؟..
هيفا : هههههههههههه عادي قلبي تعود ..
ريان : طيب .. ايوه وش تبين ..؟..
هيفا : صدق ما تستحي .. اقولك قلبي تقول وش تبين .. والله قلة ذوق .. وين جوري يله ..
ريان :هههههه طيب لا تعصبين .. دقايق ..
هيفا : اوكيشن ..
راح ريان ونادى جوري ..
جوري : الوووو .. هلا وغلا ..
هيفا : وغلا وغلا ومسهلا .. ياربيه قلبي ..
جوري : هههههههههههه وشو ..
هيفا : بخق الحين خلاص .. ما اقدر ما اقدر ..
جوري : هههههههههههههههه وش فيك ..
هيفا : جوري صوتك صوتك عذآآآآآآآآب .. قولي الوووو ..
جوري : هههههههههههههههههههههه .. اعقلي ..
هيفا : هههههههههههه طيب .. كيفك عيوني ..
جوري : تمامو انتي شوعامله ..
هيفا : بخير يا حياتي .. المهم ..
جوري : ايوه ..
هيفا : دبري لنا جمعه .. ولا قولي لخالتي اموله نطلع اليوم .. تهاني بتطلع مع ساره وابرار ..
جوري : ما ادري .. بس وين بيروحون ..
هيفا : احتمال يروحون حياة مول .. الصيع ..
جوري : هههههههههه . طيب ابقول لامي نطلع ..
هيفا : اوكيشن قلبووو .. استناك لاتطولين لانهم بيطلعون بعد صلاة العصر على طووووووول ..
جوري : طيب صار الحين بقولها ..
هيفا : اوكيشن .. فمان الله ..
جوري : هلا والله .. فحفظ الرحمن ..
قفلت جوري من هيفا وراحت لامها اللي كانت جالسه بالصاله مع ريان ورائد ..
جوري : يمه ..
امل : ............ << تتفرج على التلفزيون ..
جوري : يماااه ..
امل : ............ << نفس الحاله ما انتبهة ..
قربت منها جوري وفإذنها : يماااااااااااه ..
امل : هاه نعم .. وشو فقعتي طبلتي ..
جوري : لي ساعه اناديك وانت مو هنا ..
امل : نعم حبيبتي وش تبين ..
جوري بدلع : ماما ..
رائد : دام فيها ماما الله يعين ..
امل تطالع رائد وترجع تطالع جوري : عيونها ..
جوري : يمه اليوم البنات بيطلعون حياة مول ابي اروح معاهم ..
رائد : ليش ؟؟؟..
جوري : وشو ليش بيروحون السوق ودي اروح معاهم ..
رائد : مو لازم ..
جوري : انا مو جالسه اكلمك اكلم امي ..
رائد : وانا اخوك الكبير اقولك لا ..
جوري : يمااااااااااااااااااه شوفيه ..
امل تطالع رائد : وليه ماتروح ..؟؟..
رائد بلعانه : ما ودي ..
جوري : بس هم بيروحون وانا ودي اروح معهم ..
رائد : وانا ما ودي تروحين معهم ..
جوري : يمه شوفيه قوليله ..
امل : ما اقدر اقول شي اخوك الكبير ..
جوري : وش ذا والله ظلم ما يصير .. ليه هو دايم يتحكم فيني ..
رائد : ماعليك ..
جوري : وشو ما عليك .. لا انا حره ..
رائد : لا مو حره .. وراك رجاجيل ترى ..
جوري : ومن اللي قايل لك اني بروح اصيع يعني ..
رائد : لا تزيدين كلام .. روحه مافيه ..
قامت جوري وطلعت غرفتها وهي تصيح .. ريان طالع رائد بحقد "قسم بالله حيوان"
ريان : طيب ابروح معها ..
رائد : نو وي ..
ريان : اففففففف ما يصير خلها تروح ..
رائد : مو اليوم ..
قام ريان وراح لجوري .. رائد طلع وراح الدوام .. امل قامت للمطبخ ..
ريان : خلاص لاتصيحين ..
جوري : والله ظلم .. رائد اذا قال شي بالبيت كلهم يسمعونه .. وهو دايم يتشرط ويتأمر علي والله ما يصير .. حرااام .. "وزادت صياحها"..
ريان : ياربيييييييييييه ..
قام ريان وراح غرفته ودق على رائد ..
رائد : هلا ريان ..
ريان : هلا وينك ..
رائد : الحين برجع البيت .. نسيت ارواق ..
ريان : طيب انا بنتظرك ابي اكلمك ..
رائد : اوكي دقايق بس ..
سكر ريان ونزل يستنى رائد بالمدخل على الدرج من برى .. دخل رائد البيت وشافه جالس بالشمس ..
رائد : من زينك ومن زين راسك جالس لي بالشمس ..
ريان : ابي اكلمك ..
رائد : طيب تعرف تنتظرني جوا البيت على ما اظن ..
ريان : ما ابي احد يسمع ..
رائد : طيب تعال ..
اخذه رائد وجلسوا بالحديقه قدام المسبح تحت المظله ..
رائد : آآمر بغيت شي ..
ريان : ايه .. جوري ..
رائد : وش فيها ..
ريان : ترى بحركاتك هذي بتكرها فيك غصب .. مايصير كل ما بغت شي ولا بغت تطلع تقول لها لا .. قسم بالله بيجيها عقده منك ..
رائد : لاتحاول اليوم مافيه طلعه ..
ريان : ياخي وش فيك انت .. ماعندك ثقه فيها ..
رائد : بالعكس حاط ثقتي كلها فيها ..
ريان : اوكي وش اللي يمنع ..
رائد : مولازم اليوم ..
ريان : اوكي طيب رح لها راضها وربي تصيح ..
رائد : -----------------
ريان : وش فيك ..؟؟..
رائد : توني اكتشف انك اخوي ..
ريان بإستعباط : قل والله .. اجل من ولده انا طول هالوقت ..
رائد : هههههههههههههههه لا اقصد .. انك طالع علي حنين ..
ريان : ههههههههههههه لا باين .. طالع عليك اجل ..
رائد : انقلع بس .. غصب عليك طالع علي ..
ريان : طيب طيب خلاص لاتصفقني .. طالع عليك .. طيب شرايك تروح تراضيها ..
رائد : شورك وهدايت الله .. شرايك اقول لامي تكلم عماتي وحريم عمي تعزمهم عندنا يوم الاربعاء الجاي ..
ريان : وااااو فله .. عليك افكار ..
رائد ويضربه على راسه بمزح : عشان تعرف مين رائد ..
ريان : عااااارف والله عااااااااارف ..
قام رائد وطلع فوق غرفة جوري .. طق ..
جوري : مين ..؟؟..
رائد : انا رائد ..
راحت جوري للباب وهي تمسح دموعها فتحت الباب ومشت داخل الغرفه ..
رائد : افا يالغلا تفتحين لي الباب وتعطيني ظهرك وتروحين ..
جوري :--------------------
رائد قرب منها وباسها على راسها : والله آآآسف مو قصدي انرفزك بس قهرتيني ..
جوري : ----------------
رائد : شكلك لين الحين زعلانه مني ..
التفتت عليه وهي مبتسمه : لا ..
ابتسم لها ابتسامه تذوب : وشو لا ..
جوري : مو زعلانه ..
رائد : اكيد ..
هزت راسها ونزلت منها دمعه : اكيد ..
مسكها رائد وضمها : ما ابي اشوف دمعتك زين ..
جوري وهي تمسح دموعها : زين ..
ابتسم لها : اوكي .. شرايك تعزمين البنات كلللللللهم عندنا يوم الاربعاء ..
جوري : والله فكره .. على الاقل بدال الروحه اللي خربتها ..
رائد : خلاص عاد ..
جوري : ههههههههههه اوكي .. بقول لامي ..
رائد : ترى مو بس البنات .. العايله كلها ..
جوري : احلا واحلا ..
رائد : يلا انا بمشي تبين شي ..
جوري : سلامتك ..
رائد : يلا فمان الله .. لاتنسين تقولين لامي .. اوكي ..
جوري : اوكيشن ..
رائد : ياويلك من هيفا كلمتها ..
ضحكت جوري .. طلع رائد وراح غرفته .. اخذ اوراق وراح الدوام .. نزلت جوري وقالت لامها اللي استانست حيل .. وطلعت غرفتها بتدق على هيفا تقول لها ..
جوري : الووو ..
نايف : اهلين ..
جوري : هلا نيوفي .. شخبارك ..
نايف : هلا وغلا .. تمام انتي شلونك ..؟؟..
جوري : انا تمام يالغالي .. وين هيفا ..
نايف : اعصابك ليه مستعجله .. دقايق ..
جوري : هههههه اوكي استنا ..
..........
هيفا : الووووووووو .. بشري ..
جوري : رائد عيا ..
هفا : اففففففففففففففف .. وجع .. سخيف .. لئييييييييييييم ..
جوري : يوجع العدو لا تدعين على اخوي ..
هيفا : بالله .. يعني هو دايم يخرب عليك وعلينا ولا تبيني اسبه يعني ..
جوري : مهما كان اخوي ..
هيفا : يا ويلي يالحنونه .. قلق ..
جوري : ايه صح .. بقولك ..
هيفا : غردي ..
جوري : تتطنزين هاه ..
هيفا : هههههههههه لا والله بس من الاحبااااااااط ..
جوري : قالي رائد اليوم لا تروحين السوق ..
هيفا : ادري غيرها ..
جوري : قسم بالله فيك عرق ....... منب قايله .. مستعجله دايم خليني اكمل كلامي .. يوه ..
هيفا : آآآآآسفه عمتي جوري .. كملي ..
جوري : ههههههه .. ايه بعد .. احم احم ..
هيفا : هي انتي لا تاخذين راحتك .. تكلمي ..
جوري : هههههههههههههه طيب .. يووووه نسيييييت.. ايه صح صح ذكرت .. امممممممم .. قالي لا تروحين السوق .. بس خلينا نعزم العايله كلها عندنا يوم الاربعاء .. شرايك ..
هيفا بصرخه : قولي والله ..
جوري : ههههههههه والله شفيك ..
هيفا : رائد اخوك هذا يبيله بوسه على الراس ونااااااااااسه ..
جوري : مو توه سخيف ولئيم ..
هيفا : لا حشا من قال ..
جوري : ههههههههههههه اوكي .. روحي قولي لماماتك .. طيب وانا بخلي ماي ماذر تقول لعماتي وحريم عمي .. زين ..
هيفا : اوكيييييييشن ..
جوري : ايه تعالي على طاري اوكيشن .. تو قلتها عند رائد .. قال ياويلك من هيفا كلمتها ..
هيفا : وهو صادق يالسراقه .. ليه تقولينها هذي لي بلحالي ..
جوري : سوري سورري .. يلا باي ..
قفلت هيفا من جوري وراحت قالت لأمها ..

!ੂ۩ٍஜ۝√ فبيتـ مشاعل (ام غيدا ) √۝ஜ۩ੂ

غيدا كانت توها قايمه .. الساعه ½و10 : ص .. جلست بغرفتها شوي .. بعدين نزلت تحت وهي نازله بالدرج سمعت اصوات حريم ورجعت طلعت فوق ..
غيدا : اففففففففففف .. حتى اليوم .. ياربيه وش بسوي فوق بلحالي ..
اخذت جوالها ودقت على بيان .. بيان طبعا هالوقت ما ترد لان العمه ناااااايمه .. طفشت ما تدري وش تسوي .. قامت وفتحت النت وجلست على المسن تسولف مع صديقاتها اللي نصهم لين الحين مواصلين طبعا عطله اكيد بيواصلون .. جلست نص ساعه وطفشت وقامت عنه بس تركت المسن مفتوح .. قامت فتحت التلفزيون جلست تطالع مافيه شي .. سكرته ورمت الريموت ..
غيدا : ياربيييييييييييييه يعني لو عندي اخت ولااخو يونسوني مو كان احسن .. والله مليت .. غرفه شكبرها مافيها غيري .. اففففففففففف ..
مسكت التلفون ودقت على المطبخ وردت خدامتهم ..
غيدا : الو تينا ..
تينا : نأم ..
غيدا : فيه حرمه تحت ..
تينا : ايه فيه ..
غيدا : طيب طلعي لي فطوري فوق ..
تينا : جين ..
سكرت : افففففففف .. الله يصبرني على هالحاله يارب ..
جلست شوي بعدها دق جوالها .. استانست لما شافت رقم جوري ..
غيدا : هلا والله ..
جوري : اهلين غيدا ..
غيدا : هلا عيوني .. كيفك ..
جوري : الحمد لله انا بخير انتي بشري عنك .. انشاء الله تمام ..
غيدا : الحمد لله ماشي الحال .. بخير ..
جوري : شفيييييييك ..؟؟..
غيدا : مافيني شي .. طفشانه ..
جوري : بس ..
غيدا : ايه والله بس .. امي عندها حريم الجيران تحت وانا جالسه بلحالي ما عندي احد .. طفش ..
جوري : شرايك تجين عندي ..
غيدا : ههههههههه متى الحين ..
جوري بجديه : ايه الحين ..
غيدا : لا ياقلبي والله ما ينفع .. مره ثانيه ..
جوري : انا ما عندي احد بعد ..تعالي وسعي صدري واوسع صدرك ..
غيدا : فديتك والله مره ثانيه ..
جوري : اللي تشوفينه .. اسمعي .. انا تو دقيت وردت علي خدامتكم كنت ابكلم عمتي مشاعل .. بس قالت لي ان عندها حريم وسكرت .. ودقيت عليك ..
غيدا : خير صاير شي ..
جوري : ههههههه لا مو صاير شي .. ليه مرتاعه ..
غيدا : ههه مو مرتاعه .. بس سأل ..
جوري : لا والله عادي بس حنا عازمين العايله كلها عندنا يوم الاربعا عاد تعالو كلكم طيب ..
غيدا : والله ..
جوري : ايه ..
غيدا : ونااااسه .. اوكي انا بقنع امي ..
جوري : اوكي خلاص .. يلا تبين شي ..
غيدا : لا سلامتك يا قلبي ..
جوري : هلا والله ..
سكرت منها .. طقت الباب الخدامه ودخلت لها الفطور ..
غيدا : تينا ..
تينا : سمي ..
غيدا : اذا راحوا الحريم دقي علي ابنزل تحت ..
تينا : جين ..
طلعت الخدامه وجلست غيدا تفطر بلحالها مثل كل يوم .. نادرا ما تفطر مع امها وابوها ..
بعد ربع ساعه دقت عليها الخدامه وقالت ان الحريم راحوا .. نزلت غيدا تحت وجلست تدور امها ولا لقتها ودقت على جوالها ..
مشاعل : هلا غيدا ..
غيدا : هلا يمه .. وينك ..
مشاعل : انا طلعت مع ام منصور نزور ام عبد الله جايبه بنت شوي واجي ..
غيدا : يمه وش ذا الحاله انا نازله بجلس معاك وانتي تطلعين ..
مشاعل : خلاص حبيبتي شوي واجي .. تبين شي وانا جايه ..
غيدا بزعل : لا خلاص .. انتي تعالي بس ..
مشاعل : زين يلا مع السلامه ..
سكرت غيدا من امها وهي خانقتها العبره ..
" ياربيه يعني لا امي عندي ولا ابوي عندي ولا اخوي ولا احد ياربيه انا من اجلس معاه من اسولف معاه والله طفشت من هالحاله قسم بالله ملل متى تبدا الدوامات على الاقل الهى شوي بشي احسن من مقابل الجدران .. والله حاله ياربي .."
مسكت الجوال ودقت على ابوها ..
فيصل : الو ..
غيدا : هلا يبه ..
فيصل : هلا غيدا حبيبتي فيك شي ..
غيدا : لا يبه ما فيني شي بس ولهانه عليك لى يوم كامل ما شفتك ..
فيصل : ههههههههه كثير ..
غيدا : باباتي انت تعرف بنتك لو مر يوم ماشافتك وش يصير فيها ترى والله اموت ..
فيصل : بسم الله عليك .. فديت بنتي انا ..
غيدا : باباتي انا طفشانه وش اسوي ..
فيصل : افتحي التلفزيون ولا النت ولا كلمي حبيبت قلبك بيان ..
غيدا : النت مليت منه والتلفزيون طفش ما فيه شي .. وبيان نايمه .. ماتقولي وش اسوي ..
فيصل : تعالي عندي المكتب ..
غيدا : والله ..
فيصل : ههههههههه لا امزح معاك .. امك وينها عنك ..
غيدا : امي رايحه للجيران .. ام عبد الله والده راحت تزورها ..
فيصل : لا حول ولا قوة الا بالله .. هذي ما تقعد بالبيت ..
غيدا : باباتي ابي اطلع الحين ..
فيصل : السواق عندك خليه يشغل السياره وروحي وين ما تبين ..
غيدا : اوكي بروح لجدتي لولو ..
فيصل : زين والله روحي لها وسعي صدرها ..
غيدا : خلاص .. يلا تبي شي يالغالي ..
فيصل : لا حبيبتي انتبهي لنفسك بس ..
غيدا : ان شاء الله ..
سكرت من ابوها وطلعت غرفتها ولبست ودقت على السواق يجهز السياره .. نزلت نادت الخدامه ..
غيدا : تينا..
تينا : نأم ..
غيدا : اذا جت ماما قوليلها ان غيدا راحت عند ماما كبير .. طيب .. ونادي انيسه تروح معاي ..
راحت الخدامه المطبخ ونادت انيسه الخدامه الثانيه وطلعت غيدا والخدامه رايحين بيت جدتها ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-04-2010, 04:05 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


ੂ۩ٍஜ۝√ فبيتـ ابو عبد العزيز √۝ஜ۩ੂ

كان ابو عبد العزيز فارش له هو والعجوز برى بالحوش وجالسين وقبالهم حديقه كبيره فيها شجر ونخل وورود ومن جهه ثانيه فيها مراجيح .. كانوا فارشين ويتقهوون وكل واحد يقط نغزه على الثاني ..
الجده : ايه والله توني شباب ..
الجد : لو انك توك شباب ليه تشكين من ركبك .. الشباب ما تشكي من ركبها ..
الجده : وش فيك انت .. ركبك وركبك .. ماتشوف نفس كل ما جيت تقوم تمسك لك بشي تخاف تطيح .. والله . تحسبني ما اشوف يعني ..
الجد : انا ما انكر اني كبرت بس منب شايب مثلك يالعجوز ..
الجده : عجوز هاه .. زين كان فيك شده قم خلنا نتسابق بالحوش .. شرط اني بسبقك ..
الجد : ههههههههههههههه وين تسابقين فيه يا مره .. اقعدي بس .. انا شايب وانتي شباب زين ..
الجده : ايه عدل كلامك .. قال عجوز قال .. هـه والله حاله هالشياب لاقامو يخرفون .. مصيبه ..
شوي الا دخلت عليهم غيدا ..
غيدا : السلام عليكم يا اغلى الغوالي ..
الجده : هلا والله وغلا .. غيدا ..
غيدا وهي تنحني تسلم على راس جدتها وتبوس يدها : ايه يالغاليه غيدا ..
الجد : يالله ان تحييها ..
غيدا وهي تسلم على جدها : الله يحييك ويخليك يبه ..
الجده : وينها امك ..
غيدا : ماجت جيت بلحالي ..
الجده تضربها بخفيف بالعصا مع رجلها : جيتي بلحالك مع السواق ..
غيدا وهي تجلس : ههههههههههه لا يمه جيت انا والخدامه ..
الجده : ايه اشوى ..
الجد وهو يقوم : زين جيتي وفكيتيني منها ..
الجده : اللي يسمعك يقول قاعده على قلبك انا ..
الجد : لا بالله عسل على قلبي .. بس اسكتي عني خلني اشوف نخلي ..
الجده : ايه بعد بعد ..
ضحكت عليهم غيدا وعلى سوالفهم .. وجلست معاها يسولفون وتقص لها الجده عنهم ايام اول وكيف كانوا وغيدا طبعا مستانسه لقت احد يعطيها وجه ويسولف معها .. << ارحمها ..

!ੂ۩ٍஜ۝√ فبيتـ شيخه (ام ابرار) √۝ஜ۩ੂ

لولو كانت جالسه تشرب شاهي هي وامها .. وابرار كانت بالمستشفى<< دكتوره .. وكالعاده جواهر بساااااابع نومه ..
شيخه : والله ودي اروح لامي لي كم يوم ما شفتها .. احسها زعلانه ..
لولو : طيب خلينا نروح نتغدى عندها بكرى ولانتعشى عندها اليوم ..
شيخه : والله مهب شينه .. خليني ادق عليها الحين .. وانتي روحي قومي اختك خاست وهي نايمه الساعه الحين 12 الا ربع وهي لين الحين منخمده ..
لولو : هههههههه ان شاء الله ..
طلعت لولو فوق وقومت جواهر اللي يالله يالله قامت .. ونزلت لامها ..
شيخه : زين وش قلتي .. تجيني ولا انا اجيك انا وبناتي ..
الجده : والله بكيفكم .. اللي بيجيني حياه الله .. ولا انا منب متحركه من مكاني ..
شيخه : طيب تعالي عندي اجلسي كم يوم غيري جو ...
الجده : لا يا بعدي .. منت تاركه الشويب يقعد يتشره علي بعدين .. لا والله انتم اللي تعالو ..
شيخه : زين تبينا نجي اليوم ولا بكرى ..
الجده : لا والله تعالو اليوم تعشوا ..
شيخه : زين ..
الجده : الا تعالي .. ام عمار توفى ابوها الله يرحمه ..
شيخه : مسيكينه .. الله يرحمه .. متى ..
الجده : والله اني مدري اضنه امس او هو اليوم الفجر .. ماعلينا ابيك انتي وخواتك تجوني نروح نعزيها ..
شيخه : ان شاء الله بس متى تبينا نروح ..
الجده : ما يصلح اليوم ..
شيخه : ههههههههههههههه وش فيك يمه .. كل شي تبينه اليوم .. ليه مستعجله ..
الجده : منب مستعجله بس والله ودي اوجب المره ما تقصر معي لاهي ولا بناتها ..
شيخه : زين زين اكلم خواتي واشوف ..
الجده : طيب يلا روحي زيني غداكم ..
شيخه : هههههههههههههه يمه تبين الفكه ..
الجده : لا والله بس ما ابي عبد الرحمن يجي ولا يلقى شي سنع يآكله بعد عمري ..
شيخه : اللي يسمعك يقول هو ولدك ..
الجده : ايه كنه ولدي ..
شيخه : طيب خلاص يالغاليه ولا تزعلين .. سلمي على ابوي واللي عندك ..
الجده : ان شاء الله .. وانتي سلمي على بناتك وقوليلهم تراني زعلانه عليهم ..
شيخه : افا ليه ..
الجده : وش فيك انتي خلينا نتدلع عليهم ..
شيخه : هههههههههههههههههههههههههه ان شاء الله خلاص ..
سكرت شيخه من امها وهي تضحك .. لولو تطالعها وتبتسم ..
لولو : خير يمه .. ضحكيني معاك ..
شيخه : امي الله يهديها .. عليها سوالف تموت ضحك .. غيدا بنت خالتك عندها ..
لولو : من متى ..
شيخه : والله اني ما ادري .. بس هي اللي ردت علي ..
نزلت جواهر من فوق وهي فيها النووووووم .. ماشبعت ..
جواهر : صباح الخير ..
شيخه : اي صباح الخير .. ليه توك تقومين .. حشى كل هذا نوم .. اعوذ بالله .. لو مانقومك كان كملتيها لين بكرى .. حشى ما عندك اهل تقولين اقوم اجلس معهم .. صايره كنك خفاش ماتقومين الا بالليل وماتنامين الا بالنهار ..
جواهر : يمه عطله بعدين كل العالم كذا ..
شيخه : واذا عطله .. نقلب فطرة الله .. لا ياعمري الناس ينامون بالليل ويقومون النهار وانتي اعوذ بالله عكس الخلق ..
جواهر : يمه وش اسوي طيب ..
شيخه : قومي الصبح مثلك مثل خواتك .. وش فرقك عنهم ..
جواهر : والله انا ما احب قومة الصبح .. بعدين ابرار عندها دوام .. ولولو خلقه تقوم الصباح بدري .. انا ما احب ..
شيخه : وليه ما تحبين فديتك .. كله من هالنت اللي انتي مرتزه عنده اربع وعشرين ساعه .. ان شاء الله اني لا اخلي ابوك يفصله ..
جواهر : لا يمه وشو يفصله .. لولو تكلمي ..
لولو تهز كتوفها وتبتسم : مالي شغل انتي اللي جبتيه لنفسك ..
جواهر تقرب من امها وتجلس تحت عند رجلينها : يمه خلاص ..
شيخه : لا مو خلاص اذا ما شفت نومك تعدل وتقومين معنا وتنامين معنا .. يصير خير بعدين ..
جواهر : خلاص يمه الله يعافيك .. ابعدل نومي .. بس تكفين لا تفصلونه ..
شيخه : انا ودي اعرف وش تشوفون فيه ويخليكم تنفتنون فيه ..
جواهر : كل شي كل شي .. اعلمك عليه ..
شيخه : قولي والله انتي بس .. اقول قومي عني بروح اشوف الغدا ..
جواهر تمسك يد امها : لاتقولين لابوي يفصله ..
شيخه : ما اقول له بس بشرط ..
جواهر : تم ..
شيخه : النت والكمبيوتر كله ما ينفتح بعد الساعه 12 بالليل .. من الساعه 12 الظهر الين 3 العصر .. ومن 9 الين 11 بالليل .. زين ..
جواهر : يماااااااااااااه ..
شيخه : مالي شغل فيك انتي قلتي تم .. وهذا لولو شاهده .. وتراني معطيتك الثقه يا جواهر لا تفتحينه بالاوقات اللي امنعك فيهم عشان ما اسحب ثقتي فيك واسحب منك الكمبيوتر والاب توب مره وحده .. زين ..
جواهر بإحباط : زين .. ان شاء الله ..
راحت شيخه المطبخ تشوف غداهم .. جلست جواهر على الارض بكل احباااااااط ..
جواهر : والله ظلم ..
لولو : ليه ظلم .. لا ياعمري انتي اللي تبينه لنفسك .. ما احد قالك قابليه اربع وعشرين ساعه لين امي سوت اللي سوته .. بعدين الكمبيوتر مو كل شي ..
جواهر : طيب وش اسوي .. هو التسليه الوحيده عندي ..
لولو : لا حبيبتي .. فيه تلفزيون .. فيه مسجل .. فيه تلفون .. فيه حوش وش كبره اطلعي امشي فيه شوي خففي يالدبه .. تاكلين وعلى النت متنتي اكثر من اول ..
جواهر : لا حقين جايتنا الدراسه والكراف بنحف لين اختفي ..
لولو : كيفك انا قلت لك .. تدرين ان غيدا عند امي لولو ..
جواهر : ايه مسكينه امس بالليل يوم اكلمها على المسن .. تقول ما عندي احد اوسع صدري معاه بس جالسه بلحالي .. وخالتي مشاعل اللي يستر عليها .. اربع وعشرين ساعه عباتها بيدها ما تجلس معاها ابد ..
لولو : وانتي الصادقه .. والله ارحمها هالبنت .. احسها طيووووووبه ..
جواهر : شويه طيوبه .. بس اللي ما يخليني آخذ واعطي معاها انها تجلس مع بيانوه ..
لولو : انتم شفيكم على بيان والله حبوبه ..
جواهر : لا ياعمتي مع وين حبوبه .. مغرووووووووووووره ..
لولو : ما قلت شي مغروره .. بس والله عندها سواليف حلوه ..
جواهر : لا الله يعافيك انا ما احب اللي يسولفون . شريت وشريت وسويت وفعلت وقلت .. اففففففففففف فيها الأنا الاأعلى ..
لولو : هههههههههههههههه لا عاد مو لهالدرجه .. صح مغروره وتتكلم عن نفسها كثير .. بس طيوبه ..
جواهر : طيب طيب ..
تررررررررررن .. تررررررررررن .. تررررررررررن ..
لولو : ردي ..
جواهر : ما ودي انتي ردي .. مالي خلق ..
قامت لولو للتلفون وردت ..
لولو : الوووو..
امل : هلا .. السلام عليكم ..
لولو : اهلين . وعليكم السلام ورحمة الله .. هلا خالتي اموله ..
امل : هلا وغلا .. لولي ..
لولو : ههههههههههه ايه ..
امل : فديتك حياتي وين امك ..
لولو : دقايق اناديها .. يمااااااااااه .. يماااااااااااه ..
جت شيخه وجلست تكلم امل .. وجواهر تأشر للولو انها تقول لامها تزود المده ..
شيخه عقب ما سكرت : وش عندك انتي وياها ..
لولو : ماعندنا شي يالغاليه .. وش تبي ..
شيخه : ما تبي شي .. بس تبي تعزمنا عندهم يوم الاربعاء على العشا ..
جواهر تنقز من مكانها : قولي والله ..
شيخه : لا امزح معاك ..
جواهر : يمااااه ..
شيخه : ايه والله .. تلتفت على لولو .. ماعليك منها خبلا .. المهم كلمي اختك شوفي متى بتجي .. ابوك بيجي الحين ..
لولو : ان شاء الله ..
اخذت التلفون ودقت على ابرار .. وجواهر جلست تستهبل على امها ..

!ੂ۩ٍஜ۝√ فبيتـ عبد العزيز (ابو حمد) √۝ஜ۩ੂ

الساعه ½و2 بعد الغدا .. جلس حمد وفهد يشربون الشاهي .. وعبد العزيز وزوجته طلعوا يقيلون بعد الغدا .. وسلطان يلعب سوني .. ورغد بالحديقه مع قطاوتها اللي جاب لها اياهم حمد من لبنان يوم يسافر ..
حمد : انا قايل لك خل عنك المعاند ماراح ينفعك ..
فهد : قسم بالله رفع ضغطي اقوله يمين يروح يسار اقوله يسار يروح يمين طفشني .. قلت خلني اأدبه ..
حمد : بكيييييفك .. انت عنيد واسامه حقك اعند منك .. ماعلينا .. فيه عزيمه يوم الاربعاء الجاي ..
فهد : بعد بكرى يعني ..
حمد : ايه ..
فهد : وين ؟؟..
حمد وهو يرفع وينزل حواجبه بطريقه تضحك : ببيت الحبيب ..
فهد : وين ..؟؟..
حمد : عند القلب هناك ..
فهد : ببيت عمي فارس ..
حمد : يس ..
فهد : قل قسم بالله ..
حمد : ههههههههههههههههه الحمد لله والشكر ..
فهد : والله ياني مشتاااااااااااااق ..
حمد : شكلك .. اعوذ بالله يالحب وش يسوي ..
فهد : اسكت انت بس وشعرفك .. انت حب اول بعدين تعال تكلم ..
حمد : اعوذ بالله .. انا احب .. الله لا يقوله .. كش برى وبعيد ..
فهد : انت لما تجربه .. بتقول ويني عنها من زمان هذي ..
حمد : ومنهي سعيدة الحظ اللي بحبها وتحبني .. مع اني اشك ..
فهد : مدري والله عنك الحين انا اعلمك من تحب .. تدري من اتوقعك تحب اخر عمرك ..
حمد وهو يشرب الشاهي وبلا مبالاة : مين ..
فهد : اتوقع سونيا ..
حمد شرق بالشاهي : كح كح كح كح كح .. يععععععععععععععععععععععععع ..
فهد مات عليه من الضحك : هههههههههههههههههههههههه اعصابك ..
حمد : الله يقرفك يالغبي .. مالقيت الاهالتكرونيه عاد .. يعععع الله يخسك ..
فهد : هههههههههههههه لا ناتالي احلاهم بعد ..
حمد : بعد ..
فهد : يبيلي ادور لك وحده من تكارين الحرم تحبها .. ولا من هذولا اللي بجده اللي عند الكرنيش اللي يبسطون ويبيعون .. هذولاك اللي يقولون .. طراطييع طرااطييع .. على عشره على عشرين .. قرب ياولد قرب .. هههههههههههههههههههههههههههه ..
حمد : يييييييييييييييييععععععععععععععععع .. والله انك حمار اللي بتخليني احب عبده .. يالتيس ..
فهد : هههههههههههههههههههه ولا اللي بالطايف عند الردّف اللي شايله بقشتها وتدور .. علك لوبان .. قمصان شراشف كنبات فرش اسنان كفرات سياره علب ببسي خربانه مفكات صلصه ..
حمد :ههههههههههههههههههههههههههههههههههه .. وش جاب لجاب ..
فهد : ههههههههههههههه ياخي قسم بالله لو تفتح هاللي تشيله فوق راسها ماتدور شي الا تلقاه عندها تقول ابو ريالين ..
حمد : هههههههههههههههههه .. حرام عليك .. هههههههههههههههه .. خلااااااص آآآآآآآآهـ تعبت .. ههههههههههههههههههههههههه ..
فهد : والله فن قسم بالله .. وشرايك ببساطات العويس حلوات .. هههههههههههههههههههه ..
حمد : هههههههههههههه يععععععععععععع الله يقرفك .. اللي يسمعك على هالسب يقول حاب ملكة جمال العالم ..
فهد : فديتها .. وش تجي ملكة جمال العالم عندها .. ولا ظفرها توصله ..
حمد : ايه هين عاد ..
فهد : لا تنكر انها احلى بنات العايله ..
حمد : لا ما انكر .. بس عاد لا تستبطر ..
فهد : آآآآآآآآآآآآآآهـ ياقلبي بس ..
حمد : ياخي فكنا ..
فهد : نشوف بعدين ان شاء الله ..
حمد : وش قصدك ..
فهد : لا خيو ولا شي .. سلامتك اشرب وانت ساكت ..
حمد : زين صب لي شاهي ..
جلسوا الاثنين على هالحاله كل واحد يعلق على الثاني ولا حش بعيال خلق الله وكل شوي جايينهم رغد وسلطان متهاوشين .. لين اذن العصر ونزل ابوهم وراحوا كلهم يصلون معاه ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-04-2010, 04:08 AM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


!ੂ۩ٍஜ۝√ فبيتـ حصه ( ام ماهر ) √۝ஜ۩ੂ

كانت جالسه هي وامها وابوها بالحوش يتقهوون ..
اميره : يمااااااااااااااه .. تكفين خليني اقولهم يمروني ..
حصه : انتي وبعدين معاك ماتفهمين قلت لك لا .. وبعدين يعني ..
اميره : يمه يمه يمه .. انا صار لي اسبوع ما رحت السوووووووق وش ذا الحاله ..
حصه : يعني لازم ما يمر اسبوع الا وانتي تناقزين من سوق لسوق .. اعوذ بالله ..
اميره : يبه تكفىىىىىىىىىىى قلّها ..
محمد : والله انتي وامك بكيفكم ..
اميره : يمه .. تكفيييييييييييين تكفييييييييييين .. يمه ..
حصه : اميره يالحنانه قلت لك لا ..
جاهم ماهر : السلام عليكم ..
الكل : وعليكم السلام ..
ماهر : شفيها الاميره ماده خشتها ..
اميره : امي الله يهديها ابي اروح السوق مع بنات خوالي عيت علي ..
ماهر : مين اللي بيروح فيهم ..
اميره : سويره وابراروه وتهيّن ..
ماهر : ههههههههههه وليه تقولين اسماءهم بدون نفس ..
اميره : كله من امي مظطهدتني ..
حصه : وشو .. وش مسويه فيك ..
اميره بقهر : ايه ..
ماهر وابوه : ههههههههههههههههههههههه ..
ماهر : يمه خليها تروح على شاني ..
حصه : مايصيييييير ..
اميره : يمه ابي اشتري لبس للعزيمه طيب ..
ماهر : اي عزيمه ..
اميره : عزيمة خالي فارس ..
ماهر : متى ؟؟..
اميره : بعد بكرى .. يوووووووووه .. يماااااااااااااااااااااه ..
حصه : ومصمه وش تبين بعد .؟؟.
اميره : ابروح ..
حصه :والله انك ما تسمعين من اول كلمه .. قومي جيبي الكيك من المطبخ بسرعه ..
قامت اميره وهي تتأفف ..
ماهر : خليها تروح يمه ليه مانعتها ..
محمد : ايه انا ما بغيت اكسر كلمتك عندها .. بس خليها تروح مايصير ..
ماهر : واذا على انك ماتبينها تروح مع السواق انا اوديها ..
حصه : مو على السواق بس خلاص يكفي مكسره عتب الاسواق .. ماخلت سوق ولا بقاله الا ودخلتها خلاص يكفي عاد ..
ماهر : ماعليك يمه .. عشان العزيمه .. خليها تروح .. وانا اللي بوديها ..
حصه : وانت ماتبي ترتاح بعد الدوام ..
ماهر : لايمه عادي .. مايفرق اصلا اليوم ما اشتغلت كثير ابروح معها ..
حصه : بكيفكم .. ما اقدر عليكم انا ..
قام لها وحب راسها وطلع غرفته يبدل ملابسه .. جت اميره وحطت الكيك وهي متضااااايقه ومبوزه ..
نزل ماهر وهو على آآآآآآخر كشخه .. لابس ثوب وغتره ونظاره بيضا عاكس .. مع الصندل الابيض والساعه البيضا والسبحه البيضا والعطر اللي ملا المكان ..
ماهر : هه اميروه ليش قاعده ..
اميره : وين اروح بالله اطلع بالشارع ..
ماهر : ههههههههههههه لا حبيبتي .. قومي البسي عباتك بوديك السوق عند رفيقاتك ..
قامت اميره بفرحه وباسته وطلعت تلبس عبايتها ونزلت له .. وراحوا ..
محمد : الله لا يحرمني منه الحنين ..
حصه : ايه والله .. الله لا يخليني منهم .. هم كل دنيتي ..
محمد : افا يا ام ماهر .. وانا وين رحت ..
حصه : عاد انت غيييييييييييير .. انت بالقلب والعين ..

!ੂ۩ٍஜ۝√ فبيتـ ابراهيم (ابو ساره) √۝ஜ۩ੂ

ساره : لا يعني لا .. خلاص ابعدي ابرار عند الباب .. اف ..
ولاء : تكفييييييييييييييين بروووح ..
ساره : اقول ابعدي بس ..
طلعت ساره وركبت مع ابرار وراحوا ياخذون تهاني ..
ولاء : اففف .. ياربييييه طفش .. يمه يماااااااااااااااه ..
فوزيه : وجع ان شاء الله بالعدو ..وش هالصوت ..
ولاء : يمه شوفي بنتك عيت تاخذني معها السوق ..
فوزيه : وش تبين تروحين معها رازه وجهك بتروح مع كبار ..
ولاء : اللي يسمعك يقول انا بالتمهيدي .. تراني 18 سنه انا موبنت الاربع سنين ..
فوزيه : ولاؤووه ترى ان ما سكتي عني لا احرمك من الشي اللي تحبينه ..
ولاء : انا احب السوق وهذاني محرومه منه .. وش تبين تحرميني منه بعد ..
فوزيه : انتي لسانك متبري منك .. اعوذ بالله .. ابعدي عن وجهي بس ..
ولاء : يمه ..
فوزيه : هاه ..
ولاء :متى بنروح بيت عمي ..
فوزيه : بعد بكرى ..
ولاء : قولي والله .. ادري بعد بكرى اجل امس .. لا اقصد اي وقت بنروح ..
فوزيه : ولاء ورا ماتذلفين .. تعلمي شلون تكلمين امك وتعالي حاكيني ..
ولاء قامت تبوسها على راسها وامها تبعدها : ابعدي ما ابي بوساتك ..
ولاء : هههههههههه وراك عصبتي يالغاليه ..
فوزيه : من طريقة كلامك..
ولاء : ولا يهمك يا بعدي .. اميمتي متى بنروح بيت عمي ..
فوزيه : بعد المغرب ..
ولاء : يووووووووووووووه متأخر ..
فوزيه : ليه متأخر .. تراه عشا مو غدا ..
ولاء : انا بروح بدري ..
فوزيه : لا بنروح مع بعض ..
ولاء : اجل بنام عندهم ..
فوزيه : لاء ..
ولاء : يمه وش ذا لاسوق ولا بيت عمي ..
فوزيه : عشان تعرفين ..
ولاء : يمه ..
فوزيه : هــاهـ ..
ولاء وفيها الضحكه : قدها ..
طالعتها امها بنظره .. هنا ولاء انفجرت ضحك .. وقامت وضمت امها .. ضمتها امها وهي تضحك ..
فوزيه : يمه ولاء متى بتعقلين ..
ولاء : تخيلي اعقل .. يعععععع .. انا عاجبتني شخصيتي ماودي اتغير ..
فوزيه : لاحول ولا قوة الا بالله ..
قامت امها وراحت تكلم اختها .. قامت ولاء وراحت لبيان بغرفتها طقت الباب ..
بيان : مييييييين ؟؟..
ولاء : انا ولاء الحلوه ..
بيان تكلم اللي معها بالجوال : اففففففف العله ولاء .. شوي حياتي رهف وادق .. زين ..
سكرت منها وراحت تفتح الباب ..
بيان : نعم خييييييير ..
ولاء : بسم الله الرحمن الرحيم .. ابقولك شي وبروح منب ماكله شي من حلالك ..
بيان : وش تبين اخلصي ..
بعدتها ولاء عن الباب ودخلت جوا الغرفه .. وجلست على الكرسي الدوار وحطت رجل على رجل ..
ولاء : طيب انتي اصبري علي شوي بس اتعدل ..
بيان : ولاؤووه ..
ولاء بإستخفاف : عيوووووووونها ..
بيان : ولاء لا تستعبطين علي .. تكلمي وش تبين ..
ولاء : انتي ليه مستعجله طيب .. احم احم ..
بيان : ايوه ..
ولاء : بعد بكرى حنا معزومين عند عمي فارس ..
بيان : قديمه غيرها ..
ولاء : ومن اللي قالك ..
بيان : غيدا ..
ولاء : ماشآآآآآء الله امداها توصل لك الخبر السعيد ..
بيان : غيره ..
ولاء : اممممممممممم .. هذا خبر قديم .. اقدم من العزيمه ..
بيان : وشو ..؟؟..
ولاء : اممممممم .. ساره الخاينه .. راحت مع تهاني وابرار السوق ..
بيان : قولي والله ..
ولاء : والله .. ليه ما تدرين ..
بيان : لا ما ادري ليه ماقالت ..
ولاء : والله توها طالعه ..
بيان : وليه ما قالت .. والله ما يصير يبيلي اشتري اغراض ..
ولاء : مالي شغل ماعلى الرسول الا البلاغ ..
بيان : ومن اللي قايل لك علميني ..؟؟؟؟؟؟؟؟؟..
ولاء باتسامه بريئه : ولا احد .. بس اقول كذا ..
بيان : طيب ممكن تطلعين برا ..
ولاء : لييييييييييييييييييييش ..
بيان : بكلم صديقتي ..
ولاء : مايصير .. والله جالسه بلحالي اجلسي معاي شوي ..
بيان : موفاضيه لك .. بعدين ما ابي اجلس معاك ..
ولاء تقوم : من زينك ومن زين جلستك عاد .. نكديه ..
بيان : صدق ما تستحين ..
ولاء : الحمد لله ماني مثلك ..
طلعت ولاء وصفقت بالباب .. وراحت غرفتها ..

!ੂ۩ٍஜ۝√ فبيتـ عايشه (ام نايف) √۝ஜ۩ੂ

تهاني : يعني ماراح تروحين ..
هيفا : لا جوجو ماراح تروح ليه اروح ..
تهاني : تعالي وسعي صدرك شوي ..
هيفا : لا مالي خلق .. انتي اذا شفتي شي حلو يلبق لي انا هيوفه القموره جيبيه ولا تترددين ..
تهاني : حتى لو شي شين ..
هيفا : لا انا اعرفك انتي ما تجيبين الا الزين ..
تهاني : ههههههههههه تقردنيني ..
هيفا : لازم ..
ضحكوا الثنتين .. بعدها دق جوال تهاني وطلعت لهم برى وراحت معاهم ..
نايف : خبلا ليه ما رحتي ..
هيفا : ليه اروح ..
نايف : غبيه لو اني منك كان رحت ..
هيفا : لا ما ابي .. الا تعال ماماتي وين ..
نايف : وش دراني .. انا بطلع اغير ملابسي وبروح لريان ..
هيفا : اففففف يلا انقلع ..
نايف : وش تبيييييييييييييين ..
هيفا : ههههههههههههههه خلاص رح تكفى ..
طلع نايف غرفته يتروش .. وهيفا راحت لامها بالمطبخ ..
هيفا : يماااااااااه ..
عايشه : هاه ..
هيفا تقلد امها : هاه .. وش دعوى يالغلا ..
عايشه : اسوي مثلك .. داخله علي بصراخ ..
هيفا : الله يهدك اكيد ابصرخ مع صوت هالخلاطه اللي فاتحتها .. وش تسوين ..
عايشه : اسوي عصير ..
هيفا : ابو موز وشمام ومدري ايش ..
عايشه : ايه ليه ..
هيفا : يععععععععععع .. استغفر الله ياربي .. وشلون تشربونه انتم ..
عايشه : والله عاد ابوك يحبه وانا احبه واخوانك يحبونه انتي الوحيده اللي ما تحبينه ..
هيفا : اجل عصير يحطون فيه .. ربع شمامه .. وبيضه .. وزبدة لوز .. وحلاوه طحينيه .. وموزه .. وملعقتين عسل .. وحليب .. يععععععععععععععععع .. يعور البطن ..
عايشه : كله اشياء مفيده .. طازج .. احسن من هالي تشترونهم .. كلها بودره مصبوب عليها مويه ..
هيفا : بس اطعم ..
عايشه : لا هذي انفع ..
هيفا : يمه نايف بيروح بيت عمي فارس ..
عايشه: يوه ذكرتيني ..
هيفا : وشو ..
عايشه : فيه اغراض ابعطيها امل ..
هيفا : ابروح معاه ..
عايشه : روحي وودي الاغراض..
هيفا بفرح : واااااااااااو .. بروح اقول لنايف يستناني ..
طلعت تركض من المطبخ وطلعت فوق فتحت الباب على نايف وهو كان يمشط شعره ..
نايف : بسم الله الرحمن الرحيم ..
هيفا : نايف لاتروح بيت عمي فارس بروح معاك انتظرني ..
نايف : يووووووووووووووه .. ريان توه داق يستعجلني ..
هيفا : الله يعافيك .. دقايق بس ماراح اطول .. البس واجيك .. بعدين انت رح شف امي وخذ منها اغراض خالتي امل .. بعدين انتظرني انا اكبر منك يوه ..
طلعت عنه وهو يضحك عليها .. نزل واخذ الاغراض وجلس يستناها .. نزلت تركض مع الدرج عبايتها مفتوحه ماسكرتها وجالسه تسكر الشنطه ..
هيفا : يلا ..
نايف : ههههههههههههههههههه .. شوي شوي ..
هيفا : وش اسوي خفت تروح عني ..
نايف : توك تقولين لي اختك الكبيره لازم انتظرك ..
هيفا :ايه صح .. يلا قدامي ..
طلعوا وحركوا السياره وراحوا بيت خالهم فارس .. اول ما وقف السياره كان ريان ينتظره سلمت عليه هيفا .. ودخلت جوا وهم راحوا .. دخلت لقت امل بلحالها بالصاله جالسه .. سلمت عليها وعطتها الاغراض وقالتها امل تطلع لجوري فوق اكيد بتستانس .. طلعت هيفا فوق الدرج وهي تركض ومنزله راسها تسكر سوارتها اللي انفكت .. صقعت بشي كبير بغت تطيح ومسكها .. رفعت راسها وابتسمت ابتسامه كبييييييييييره ..
هيفا : هلا وغلا .. شكرا والله بغيت اطيح ..
فارس : هههههههههههه انتبهي مره ثانيه ..
هيفا : ماشاء الله خالي متكشخ اليوم ..
فارس : دايم انا كشخه ..
هيفا : ايه والله احيانا اقول انك انت ورائد اخوان ما افرق احسبه ابوك ..
فارس : هههههههههههههههههههه لا عاد ..
هيفا تغمز له : لا تدقق ..
فارس : شلون امك وابوك ..
هيفا : بخير ياخالي يسلمون عليك ..
نزل فارس تحت وهيفا طلعت فوق غرفة جوري .. طقت الباب وفتحته بقوه .. مالقت احد دخلت وسكرة الباب .. سمعت صوت بغرفة الملابس راحت وتغبت ورا الكنبه .. طلعت جوري وهي تغني ومبسوطه .. هيفا لفت لقت الريموت حق التلفزيون .. شغلته وعلت على الصوت مره .. جوري لفت على التلفزيون ..
جوري : بسم الله الرحمن الرحيم .. شفيه هذا خرف ..
راحت له وطفته ولا انتبهت لهيفا .. قامت هيفا وولعته مره ثانيه هنا جوري تجمدت .. خافت .. هيفا بتموت من الضحك جالسه تشوف شكلها بالمرايه العاكسه حقت الدولاب .. قامت غيرت القناة عاد كانت اغنيه بصوت مره مره عالي جوري صرخة وهيفا نفس الشي .. هيفا من الخرعه طاحت وبينت عبايتها جوري تطالع طرف العبايه بتشوف من وين جت الصرخه الثانيه .. راحت ولقت هيفا منسدحه على الارض مييته ضحك .. شافتها وهي تضحك وجلست معها على الارض وصاروا كل الثنتين يضحكون بطريقه هستيريه ..
بعد خمس دقايق ضحك .. قامت هيفا وجوري وراحوا جلسوا على السرير ..
جوري : حسبي الله عليك خوفتيني ..
هيفا : هههههههههههههههههه كنت ابهبل فيك . جت هالاغنيه الغبيه وخربت .. انا اللي انهبلت ..
الثنتين ضحكوا .. وهم يضحكون دخل عليهم رائد .. هيفا بسرعه عدلت طرحتها وتحجبت زين ..
رائد وهو منصدم من وجود هيفا ."متى جت هذي " : شفيكم تصرخون ..
جوري طالعت هيفا وصارو يضحكون .. ابتسم رائد على اشكالهم ..
رائد : لهالدرجه يضحك يعني ..
جوري : ههههههههههههه مره يضحك ..
رائد : طيب .. شلونك هيفا ..
هيفا بعد ما سكتت شوي من الضحك : الحمد لله انا بخير انت كيفك .. ؟؟ ..
رائد : دوم ان شاء الله شخبار عمتي عايشه ..
هيفا : كلهم بخير الحمد لله ..
رائد : زين دوم ان شاء الله .. "يطالع جوري " تبين شي ..؟؟..
جوري : لا سلامتك ..
طلع وسكر الباب ..
هيفا : فشيييييييييييله ..
جوري : غريبه هيفا تقول فشيله ..
هيفا : ليه وجهي مغسول بمرق ما تفشل ..
جوري : هههههههههههههههه لا حبيبتي لا تعصبين .. شلون جيتي ..
هيفا : وشو شلون جيت .. جيت بالهيلا كوبتر حقتي ..
جوري : ام خط فسفوري ..
هيفا : هههههههههههههه ايه ..
( هيفا دايم كل ما قالها احد تعالي عندي ولا شي زي كذا .. قالت افتحوا الباب .. بجي بالهيلاكوبتر حقتي .. البرتقاليه فاقعه وفيها خط فسفوري .. )..
جلسوا يسولفون ويضحكون وكل شي سووه ..

≈ فــيـ .. السوقـ .. ≈

كانت اميره توها داخله هي وماهر .. دقت على ساره وقالت لها انها موجوده بـ السواني .. وراحوا لهم .. دخلوا المحل .. كانوا فيه وراهم بنتين من اول ما دخلوا السوق وهم وراهم .. ماهر ملاحظ بس ساكت .. اميره ما انتبهت لهم الا بعدين .. اميره منقهره منهم .. شافت ابرار وعرفتها من شنطتها الورديه النااااااعمه .. وراحت لها وماهر وقت ما يدري وين يروح ..
اميره وهي تقرب من ابرار وتهمس لها .. ابرار ما انتبهت لها كانت تطالع الملابس ..
اميره : ابراااااااااااار ..
ابرار : بسم الله الرحمن الرحيم .. هلا والله جيتي ..
اميره : ايه جيت ..
ابرار : طالعي طالعي هالبدي .. فناااااااااان ..
اميره : لا لونه موحلو شوفي هاللون احلا بيطلع عليك ..
ابرار : اوكي .. يصلح مع هالبنطلون ..
اميره : خطيييييييير ..
ابرار وهي تلتفت : هذا مو ماهر اخوك ..
اميره : يوووووووووه نسيته ..
ابرار : ههههههه الله يهديك .. طالعي الثنتين اللي وراه يبون يرقمونه ..
اميره : والله ما اخليهم ..
مسكتها ابرار : لا تسوين مشكله اعقلي ..
اميره : لا والله يغازلون اخوي واسكت .. اصبري انتي بس ..
راحت اميره لماهر وبكل دلع : حياتي وينك ..
ابتسم لها ماهر : موجود قلبي وشو ..
اميره : تعالي حبي بوريك شي هناك ..
ماهر : وين ..
وحده من البنات : من زينها عاد رايح معها القمر ..
الثانيه : ايه والله الله يخلف بس ..
اميره سمعتهم والتفتت عليهم : خير انتي وياها ملاحقيننا وين ما نروح ..
الاولى : ومن قالك ملاحقينكم وبعدين السوق مكتوب بإسمك وانا مدري ..
الثانيه : وش تبي هذي .. روحي روحي ..
اميره : الحمد لله والشكر .. اقول هي انتي عدلي لثمتك وتعالي تكلمي .. اللي يشوفك يقول من تكرونيات جده ما تعرف تتلثم ..
الي جنبهم سمعوا وضحكوا لان صوتها كان عالي شوي .. مسكها ماهر وطلعها برى المحل ..
ماهر : ههههههههههه منتب صاحيه .. وش فيك ..
اميره : قهروني بياكلونك بعيونهم ..
ماهر : اللي يسمعك يقول زوجتي .. وش عليك منهم انتي ..
اميره : واذا يعني .. اخوي ما ابي احد يطالعه .. بعد .. تراك وحيدي ما عندي غيرك ..
ماهر : ههههههههههههه الله يخليك لي .. بس لا تسوين كذا عيب عند العالم ..
اميره : طيب .. ابرجع ..
ماهر : لا خلينا نروح محل ثاني ..
اميره : بس ابي آخذ من المحل اشياء ..
ماهر : مافيه غير هالمحل بالسوق .. السوق مليان ..
اميره : طيب بروح مع البنات ..
ماهر : اذا طلعوا انتي روحي معهم وانا بطلع متى ما خلصتي دقي علي ..
اميره : طيب تعال ..
راحوا المحل اللي جنبه .. دق جوال ماهر كان واحد من اصدقاه شافه ..
ماهر : اميره اسمعي .. انتي روحي مع البنات وانا بروح مع محمد صديقي .. طيب ..
اميره : ووينه هالمحمد ..
ماهر : عند المطاعم ..
اميره : خلاص .. اذا خلصت بدق عليك ..
راح ماهر ودقت اميره على البنات وتلاقوا وراحوا يمشون مع بعض ..



هذا كان الجزء الاول ..

اتمنى انها تعجبكم ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-04-2010, 04:49 PM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


هذا الجزء الثاني .. انشاء الله يعجبكم ..


!ੂ۩ٍஜ۝√ فبيتـ سليمان (ابومشاري) √۝ஜ۩ੂ

الساعه ½و5 العصر ..
ليلى كانت توها صاحيه من النوم .. نزلت تحت لقت اهلها كلهم جالسين ..
ليلى : مساء الخير ..
الكل : مساء النور ..
سليمان : ليلى الله يهديك كل هذا نوم .
ليلى : يبه وش اسوي احس اني تعبااااااانه ..
خلود : بسم الله عليك الرحمن الرحيم .. وش فيك ..
ليلى : مدري احس نفسي مسخنه شوي ..
مشاري : آآآفــآآآ يعني مافيه روحه لبيت عمي فارس ..
ليلى : الا بروح منقالك اني منب رايحه ..
مشاري : انتي تقولين مسخنه ..
ليلى : لاعاد مو لهالدرجه عاد ..
خلود : تعالي ..
راحت ليلى لامها ولمست حرارتها كانت شوي مرتفعه ..
خلود : مشاري قم ود اختك المستوصف يشوفون وش فيها ..
مشاري : الله يهديك يمه كلها حراره شوي وتروح ..
خلود : ولو .. شف شكلها شلون .. شف خدودها محمره من الحراره ..
مشاري : الله يهديك يمه خلقه خدودها مورده وقفت على الحراره يعني ..
خلود : ياخي شفيك انت ما تبي توديها يعنيي ..
مشاري : لا خلاص بوديها .. قومي البسي عبايتك ..
راحت ليلى تلبس عبايتها ..
نوره : بروح معكم ..
مشاري : اللي يسمعك يقول بنروح رحله .. بنروح المستشفى حنا ..
نوره : حتى لو بروح . يمكن تدوخ ولا يغمى عليها .. عاد امسكها انا ..
خلود : بسم الله عليها ..
نوره : انا اقول لو ..
مشاري : لو تفتح عمل الشيطان .. اقعدي بس مافيه روحه ..
نوره : يبه بروح ..
سليمان : وش يوديك ..
نوره : ودي اطلع ..
مشاري : ترى غلطان اللي قالك بنروح الحديقه ولا الملاهي ..
نوره : ودي اطلع طيب .. حتى لو اجلس بالسياره . ودي اشوف الشارع ..
مشاري : اللي يسمعك يقول حابسينك قرن كامل ما طلعتي .. واذا على الشارع .. هذي كاميرة الباب افتحيها وشوفي الشارع ..
نوره : لا يع ابيض واسود ..
خلود : روحي ساعدي اختك ..
قامت بسرعه ولبست .. جت ليلى وطلعوا .. عند المستوصف ..
مشاري : نوير اجلسي بالسياره لاتنزلين تفشلينا ..
نوره : لا والله وش فيني افشل ..
مشاري : مدري اللي يشوف هالعيون يقول اندونيسيه ..
نوره : قل والله .. والله عيوني احلى من عيونك .. عيوني مكحله ..
مشاري : طالعي .. واذا مكحله .. انا عسليه عيوني ع س ل ي ه ..
ليلى : خلاص انت وياها ..
مشاري : ياربيه نسيتك انتي الثانيه .. انزلي انزلي .. يلا نوير ..
نزلوا كلهم .. دخلت ليلى عند الدكتوره ومشاري ونوره واقفين لها برى .. مشاري كل شوي رفع ضغط نوره ويسوي لها حركات بعيونه .. يغايرها .. لان عيونه احلى من عيونها .. طلعت ليلى .. وكانت الدكتوره معطيتها خافض حراره ومضاد وفيتامينات ومقويات .. اخذ مشاري الوصفه وجابها من الصيدليه اللي جنب المستوصف وخواته بالسياره ..
نوره : ليلى قوليله يودينا بنده ..
ليلى : مالي خلق ..
نوره : تكفين .. بس شوي ..
ليلى : ما لي خلق اقولك ..
نوره : مو توك تقولين انك احسن شوي .. الله يعافيك ماراح نطول ..
ليلى : يصير خير ..
نوره : هذا هو جا قوليله ..
ركب مشاري وعطا ليلى الادويه : اعوذ بالله وش هالادويه عطوك كل الصيدليه .. حشى مو حراره ..
ليلى : تقول فيتامينات ومنشطات ومضاد ..
مشاري : يلا طهور انشاء الله .. ماتشوفين شر ..
ليلى : الشر مايجيك .. اقول مشاري ..
مشاري : هاهـ ..
ليلى : خلنا نروح بنده شوي ..
مشاري : مو تعبانه ..
ليلى : الا بس عادي شوي مانطول ..
مشاري : بكيفك ..
شغل السياره وتحركوا لبنده .. دخلو وراح مشاري بجهه ونوره وليلى بجهه ..
نوره : ابي شبسات ..
ليلى : نوير خلاص خلينا نطلع ..
جاهم مشاري من وراهم وبصوت خشن : يابعد حيي يالبيضا يا عسل يا ام عيون عذآآب ..
التفتت ليلى عليه وبالشنطه مع كتفه .. طالعها مشاري منصدم ..
مشاري : آي ..
نوره ماتت ضحك على شكله .. ليلى طالعته وضحكت ..
مشاري : ليلوه يعور .. وش حاطه فالشنطه انتي لايكون بلك ..
ليلى : خوفتني ..... ياغبي ..
مشاري : هههههههههههههههه وناسه صوتي يروع يعني ..
نوره : بقووووه ..
مشاري : زين يلا نمشي ..
ليلى : يلا ..
نوره : لا شوي ..
مشاري : نوروه وش ماخذه انتي بتصيرين برميل زباله ..
نوره : لاااا ..
مشاري : بكيفك انتي حره .. عشان بعدين ما يجي احد يتزوجك ..
نوره : ومن قالك ابي اتزوج ..
مشاري : امشي بس .. تقولين قدامي كذا ولا وراي تتحرقصين على الرجل لين يجي .. كل البنات كذا ..
ليلى : لا تعم ..
مشاري : يلا امشو ..
راحوا حطوا الاغراض البنات ركبوا ومشاري يحاسب .
مشاري عقب ما ركب : نوروه توبه اجيبك يالمكنسه ..
نوره : ليه ..
مشاري : 100 وشوي على ايش ..
نوره : مو بس انا ..
مشاري : ايه هين ..
وصلو البيت حطهم مشاري .. وراح يصلي المغرب .. عقب الصلاة راح مر حمد يتمشون وبعدها بيطلعون السوق ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-04-2010, 04:52 PM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


≈ فــيـ .. السيارهـ .. ≈

الساعه 8 ..

حمد يلعب بالمسجل : ياخي ماعندك شريط صاحي .. وش ذا الذوق التعبان ..
مشاري : ياخي مدري وين اشرطتي كل ما ركبوا خواتي معي يسرقون منها .. انا اشتري وهم ياخذون يقهروني .. خاصه نوير ..
حمد : طيب ابي شريط زين .. ماعندك نوال ..
مشاري : الا عندي ..
طلع مشاري الشريط وشغله على انت طيب ..
حمد : وين رايحين اي سوق ..
مشاري : مدري .. مافيه شي محدد بس مانقدر ندخل كله عوائل ..
حمد : قلق ..
مشاري : عادي عندي فكره ..
حمد : وشو ..
مشاري : الحين تشوف ..
راحوا السوق ودخلوا مع ابواب الطوارئ .. وعلى المطاعم على طول ..
حمد : يقطع بليسك .. حركه ..
مشاري : عشان تعرف من مشاري .. يلا تعال ابشتري نعال من aldo ..
حمد : يلا ..
راحوا واشترو .. طلعوا وهم يمشون بكل وثوق .. حمد كان لابس ثوب ابيض وشماغ ابيض ومرسم .. مع السكسوه الملكي طالع جنان .. اما مشاري كان لابس ثوب وشوي مخصر عليه .. وشماغ احمر ومليان نشى ومرسم .. ومع مشيته الملكيه طالع فن .. يدوخ .. وهم يمشون ويعلقون على بنات خلق الله ويضحكون بس بثقل ..
البنات كانوا يمشون .. شافتهم ساره من بعيد ..
ساره : بنات بنات ..
ابرار : هاه ..
ساره : طالعي طالعي .. حمد ومشاري ..
تهاني : وين وين ..
اميره : ايه قالت مشاري قالت وين ..
ابرار : هههههههههه وش عليك منها تحبه ..
اميره : طيب .. ياهووووووه شوفوا شكل حمد خطيييييير ..
ساره : لا لا شكل مشاري .. احلى ..
تهاني : هي انتي استحي على وجهك ..
ابرار : ههههههههههههه بالله عليك هذا اللي قدرتي عليه تغازل حبيبك وانتي تقولين لها استحي على وجهك والله حاااااااااله .. لو انا منك كان صكيتها بالشنطه مع خشتها .. هذا اللي ناقص ..
ساره : ايه انتي شبيها بيننا ..
ابرار : ههههههههههههههه ..
راحوا البنات وجلسوا بالمطاعم .. كان ماهر ومحمد صديقه جالسين بالمطاعم .. بس بعيد شوي ..
كل وحده طلبت لها من مكان ..
ابرار طلبت من هرفي .. ساره طلبت سندوتشات ايطاليه .. اميره طلبت اكل صيني .. تهاني طلبت من ماكدونالدز ..
ابرار : امي هاوشتني اليوم ..
تهاني : ليه ..؟؟..
ابرار : كلهم رايحين عند جدتي يتعشون وانا احوم بهالسوقه على قول جدتي ..
ساره : انتي كنتي داريه انهم بيروحون ..
ابرار : لا والله يوم كنا بكمايوا دقت علي وقالت لي ..
ساره : عيشي حياتك ياشيخه بس ..
اميره : ياناس قرف ما اعرف آكل ..
ساره : ولا انا ما آخذ راحتي .. يع ابي افتش ..
تهاني : لا تكفين .. عيال خوالي كلهم هنا اليوم ..
ابرار : اللي يسمعك على كلهم .. بيقول كل الثمان موجودين .. ترى كلهم الثلاثه .. حمد ومشاري وماهر ..
تهاني : ولو ..
ساره : مانقصهم غير رائد وفهد ..
ابرار : على طاري رائد .. امس وانا بالمستشفى بقسم العيادات الخارجيه .. شفته مع وحده ..
اميره : يمكن امل ولا جوري ..
ابرار : غبيه انا ما اعرف اميز بينهم .. لا وحده ثانيه .. وحده شوي قصيره .. دبدوبه وبيضا ..
ساره : مين .. يمكن خويته ..
تهاني : هههههههههههههه خويته .. آخر واحد يفكر يخاوي بنات هو رائد ..
اميره : ليه لا تستبعدين ..
ساره : ايه والله لاتستبعدين ..
اميره : ابرار .. شفتي شكلها .. حلوه ..
ابرار : ايه حلوه ..
تهاني : قهر ودي اشوفها ..
ابرار : وين تشوفينها انتي ووجهك ..
اميره :طيب ما لحقتيهم شفتي الملف بإسمها ولا شي ..
ابرار : ياحليلك لحقته وشفت الملف وعرفت اسمها بعد ..
ساره : وس اسمها طيب ..؟؟..
اميره : من بنته ..؟؟..
تهاني : وش عايلتها وكم عمرها ..؟؟..
ابرار : اعصابكم .. طلعت خالته ايمان ..
تهاني تضربها مع يدها : سخيفه شككتينا بالرجال ..
اميره : لازم اقوله يحللني .. ظنيت فيه ظن السوء ..
ساره : استغفر الله ياربي .. كله منك ..
ابرار : هههههههههههههه وش اسوي فيكم شكاكات اعوذ بالله .. على طول خويته ..
تهاني : آآآآهـ شبعت ..
اميره : حتى انا ..
ابرار : حتى انا .. خلاص ما اقدر اخاف يخرب جسمي ..
اميره : تكفيييييييييييييييين ..
ابرار : احسن منك يالدبا ..
اميره : احلاكم اسمنكم ..
ابرار : يعععععععععععع ..
اميره : بالله ساره .. مو اسمنك ماحلاكم ..
ساره : والله من ناحية السمنه .. فالسمينه بقوه مو حلو ..
اميره : انا مو سمينه عاد مره .. والله حرام عليكم بتعقدوني ..
تهاني : فديت اللي يتعقدون ياربي .. لا انتي ارشق سمينه ..
كلهم : هههههههههههههههههههههه ..
اميره : الله يجبر بخاطرك مثل ما جبرتي بخاطري .. بس ابي استفسر ..
تهاني : تفضلي ..
اميره : وشلون تجي وبأي قاموس هذي .. ارشق سمينه ..
تهاني : هذي بقاموس اختي هيفا ..
اميره : آآآآهـــــآآآآآ .. ايه مادامه قاموس هيوف فمضمونه صحة الكلمه ..
تهاني : تتريقين حضرتك ..
اميره :هههههههههههه لا حشى ..
ابرار : يلا بنات خلونا نمشي .. الساعه الحين 11 وانا بروح البيت مانمت من عقب ما رجعت من المستشفى ..
تهاني : ايه والله حتى ابوي قالي لا تتأخرين ..
اميره : انا مابعد شريت زين .. ابدور انا وماهر لين يسكر السوق وبعدين نطلع ..
ابرار : حرام اميره .. مو تقولين انه جا من الدوام على طول جابك السوق ..
اميره : ايه ..
ساره : خلاص حرام عليك شكله يبي ينام .. روحوا البيت ..
اميره : خلاص ..
دقت اميره على ماهر وراحوا .. وابرار دقت على سواقهم يجي عند البوابه .. وهم طالعين .. شافوا مشاري واقف يكلم السواق ..
مشاري : ووينهم ماطلعوا لين الحين ..
نجيب : ماما ابرار كلام جيب سياره عند الباب ..
مشاري يكلم حمد : الله يهديها لين الحين بالسوق ..
حمد : يمكن عندها شغلات ضروريه ماتدري عن البنت ..
تقدموا البنات للسياره .. مشاري شافهم ودز حمد ..
مشاري بهمس : تهاني معها هي وساره ..
حمد : امش خلنا نروح بس ..
مشاري : هاهـ طلعتوا ..
ابرار : ايـه طلعنا ..
مشاري : ماشاء الله .. كان قفلتوا المحلات معهم ..
ابرار : والله كنا جالسين نتعشى عقب ما اخذنا اغراضنا وبعدين على طول طلعنا ..
حمد : بلحالكم طبعا ..
ساره : لا كانت معنا اميره واخوها ماهر ..
مشاري : وينهم ما اشوفهم ..
ابرار : يعني نكذب عليك حنا ..
حمد : لا حشى مو قصده .. بس مايصير بنات وتوكم تطلعون من السوق ومع سواق بلحالكم ..
ابرار : حنا مستأذنين من اهلنا وقايلين لهم .. وهم راضين ..
مشاري : طيب لا يكثر .. اركبوا وروحوا كل وحده على بيتها .. طوالي ..
ابرار : زين ..
ركبت ابرار وهي معصبه .. وبعدها ساره ..
مشاري : تهاني ..
تهاني : هلا ..
مشاري : لا خلاص .. روحي ..
ركبت .. ومشى السواق ..
حمد : اعصابك وراك عصبت ..
مشاري : قهرتني طريقتها بالكلام تستفز الواحد ..
حمد : ما اخبرك عصبي لهالدرجه ..
مشاري : اركب بسرعه بنلحقهم ..
حمد : الله يستر منك ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-04-2010, 04:54 PM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


ركبوا السياره ولحقوهم ..

≈ فــيـ .. سيارة البناتـ .. ≈

ابرار كانت شابه ضو من مشاري منقهره منه .. ساره ساكته .. وتهاني مانطقت بولا كلمه ..
ساره : هدي اعصابك ماصار شي ..
ابرار : ابوي ماحاكاني بالطريقه اللي هو حاكاني فيها .. خير انشاء الله شايفني صايعه انا ..
ساره : يمكن مو قصده بعدين انتي طريقتك معه كانت جافه شوي اكيد بيعصب ..
ابرار : ومن يكون هو يحاسبني .. ابوي سمحلي هو ايش عشان يحاسبني ..
ساره : خلاص ما يسوى ..
ابرار : افففففففففففف .. المشكله يقولي لا يكثر .. قهررررررررررني ..
ساره : خلاص هدي ..
نجيب : مدام فيه سياره رجال ورا يلحق ..
التفتو كلهم ..
ابرار : لا ولاحقنا بعد ..
ساره : عادي ..
ابرار : ساره .. لاتقهريني انتي الثانيه بعد ..
ساره : وشو ولد خالك يبي يتطمن ان كل وحده منا وصلت بيتها . لا تنسين الوقت متأخر الحين .. شوي وتصير الساعه 12 ..
ابرار : زين اسكتي بس الله يعافيك .. لا ترفعين ضغطي يا شيخه ..
ساره : انا ودي اعرف شلون صرتي طبيبت اعصاب وانتي اعصابك على طووووووول شابه نار ..
ابرار : ههههههههههههههه مالي خلق اضحك ..
التفتت ساره على تهاني اللي كانت منزله راسها وتطالع يدينها .. ورجعت تكلم ابرار وبهمس ..
ساره : طالعي تهاني ..
التفتت عليها ابرار : تهاني شتسوين ..
تهاني : هاهـ ما اسوي شي ..
ابرار : اعصاااااااااابك يدينك حمرت من كثر ما تفركين فيها ..
ساره : ههههههههههههههههههههه ..
تهاني : وش يضحك ..
ساره : شكلك تحفه .. كل هذا عشان ابرار سبة مشاري ..
ابرار : انا ماسبيته ..
تهاني : لا مو عشان كذا ..
ساره و ابرار : اجل عشان ايش ..؟؟..
تهاني : كان بيقولي شي ..
ساره : وشو ؟..
تهاني : ما ادري ..
ابرار : عادي .. طنشي ..
تهاني : كان شكله معصصصب ..
ابرار : ولا يهمك .. بنسويها مره ثانيه وكلنا بعد ..
ساره : كلنا مين يعني ..
ابرار : انا .. وانتي .. وهذي المحمممممره .. وليلى واميره ولولو و هيفا وجوري وبيان وغيدا وولاء ونوره ..
تهاني : تخيلي ..
ابرار : لا واخلي خالتي امول تجي معنا بعد ..
ساره : واااااااااااو وناسه .. نسوي اكشن ..
تهاني : بس المره الجايه على قولتك ماراح نروح حياة بنروح المملكه ..
ابرار : ايه مملكة المرأه ..
ساره : ايه والله اجل تبينا نسحب الجيش معنا بالفيصليه ولا صحارى ولاغرناطه .. والله اللي بيشوفنا بيقول وش هالقراوه ..
تهاني : ههههههههههههههه عادي ..
وقفوا عند بيت تهاني وسيارة مشاري كانت واقفه وراهم ..
ابرار : يلا مع السلامه ..
تهاني : حلوه الطرده والله ..
ساره : وش نسوي فيك .. نبي نروح بيوتنا ..
تهاني : طيب خلاص بروح لا تدفون .. يوه ..
ابرار وساره : سلمي على امك وهيفا ..
نزلت تهاني والتفتت على سيارة مشاري ودخلت البيت ,’, حركو وراحوا .. وصلوا بيت ساره نزلت .. مشت السياره .. وراحت بيت شيخه . نزلت ابرار وشافت سيارة مشاري .. راحت لها .. مشاري يوم شافها جايه ..
مشاري : وش تبي هذي ..
حمد : ههههههههههههه انت اللي جايبه لنفسك ..
فتح مشاري الشباك ..
ابرار : مشكور على التوصيله .. تقدر تروح بيتكم ..
مشاري : العفو .. اي خدمه انا جاهز ..
ابرار : لا مشكور ما نبي منك شي .. مع السلامه ..
حمد ملتفت على الجهه الثانيه ويضحك بس بدون صوت ..
مشاري وفيه الضحكه لانه باين انها معصبه : هلا والله سلمي على الاهل ..
راحت ابرار وتركته .. دخلت وسكرت الباب بقوه ..
اول ما دخلت انفجروا الاثنين ضحك ..
حمد : ههههههههههههههههههههههههه حرام عليك .. بتكرها فيك ..
مشاري : عشان مره ثانيه تعرف تكلمني بطريقه خايسه .. انا مشاري والاقر على الله ..
حمد : ههههههههههههه الله الله .. حرك حرك خلنا نروح الاستراحه ..
مشاري : تهقى ماتفرقوا ..
حمد : لا وين الساعه 12 وخمس تونا بدري ..
.. حرك مشاري وراحوا للاستراحه .. على الساعه 3 الفجر رجعوا كل واحد بيته ..



≈ ۝ اليـــومـ .. الـليـ .. بعـــــدهـ .. ۝ ≈
.
.
.

!ੂ۩ٍஜ۝√ فبيتـ شيخه (ام ابرار) √۝ஜ۩ੂ

الساعه 8 :ص ,,

ابرار وهي نازله الدرج وشايله شنطتها والبالطو حق الدوام وتسكر ازارير عبايتها .
ابرار : السلام عليكم ..
الكل : وعليكم السلام ورحمة الله ..
ابرار : صباح الخير ..
ابوها عبد الرحمن : صباح النور والسرور .. هاه على الدوام ..
ابرار : ايه يبه ماعندي غيره هالحزه ..
عبد الرحمن : زين اجل .. خليني اوصلك ..
ابرار : ماله داعي يبه انا قايله للسواق يشغل السياره ..
عبد الرحمن : عادي السياره ونطفيها .. ولا كان ماتبيني اوديك .. عاد هذا شي ثاني ..
ابرار بابتسامه وهي تبعد عنها كوب الحليب : لا يبه وش دعوى عاد .. (التفتت على جواهر) هاه جواهر قايمه بدري اليوم ..
جواهر : وش اسوي حكم الوالده طويلة العمر ..
ابرار : زين تسوين فيها يمه ..
شيخه : ذبحتني ..
ابرار : احسن ..
عبد الرحمن : يلا ابرار ..
ابرار : يلا ..
طلعت ابرار مع ابوها .. وراحوا .. بالسياره ..
عبد الرحمن : انشاء الله مرتاحه بالشغل ..
ابرار : الحمد لله .. كل شي تمام ..
عبد الرحمن : مافيه احد مضايقك ولا مأذيك ..
ابرار : لا يبه الحمد الله ..
عبد الرحمن : اسمعيني يا ابرار .. على ما اظن جا الوقت اللي تفكرين فيه بمستقبلك .. الحين عمرك 24 يعني جا وقت انك تكونين زوجه وام .. ولا انا غلطان ..
ابرار : لا مو غلطان يبه بس مو وقته ..
عبد الرحمن : متى وقته اجل .. انا وامك ماراح ندوم لكم يا ابرار ..
ابرار : الله يخليكم لنا يبه ..
عبد الرحمن : آمين بس ولو .. وترى اللي خاطبك رجال ونعم فيه وفأهله ..
ابرار : منهو ..؟؟..
عبد الرحمن : اسمه الدكتور سعود ..
ابرار منصدمه : الدكتور سعوووود .. معاي في المستشفى ..
عبد الرحمن : ادري هو قالي هالكلام .. والصراحه قالي كلام عنك .. رفعتي راسي .. بس اقولها لك نصيحه يا بنتي .. هالرجال مايتعوض .. وكل ما كبرت البنت قلت فرصتها للزواج .. لين متى وانتي ترفضين كل من جا يخطبك ..
ابرار وتأثير الصدمه عليها : يصير خير يبه خلني افكر ..
عبد الرحمن : اللي تشوفينه ..
وصلو المستشفى ونزلت ابرار وابوها راح لدوامه ..
دخلت غرقتها فصخت العبايه ولبست البالطو اللي تحته تنوره طويله سودا مع صندل شوي عالي ابيض مع اسود .. عدلت النقاب وطلعت لغرفة الدكتوره رنا صديقتها ..
( رنا صديقت ابرار من يوم كانوا برابع ابتدائي .. كانوا مثل الخوات .. مراييلهم مثل بعض وشناطهم مثل بعض وجزماتهم {عزكم الله} حتى احيانا ربطات الشعر .. رنا حجازيه من جده .. امها لبنانيه .. وابوها سعودي .. تحبها اكثر من خواتها .. كل ماصار لها شي راحت قالت لها ونفس الشي ابرار .. كل وحده اسرارها عند الثانيه .. متوسط .. ثانويه ..مع بعض حتى الجامعه دخلو نفس القسم .. ونسبهم بالثنويه نفس الشي .. ابرار 99,88 ورنا 99,87 .. دخلو مع بعض وتخرجوا مع بعض وتوضفوا بنفس المستشفى .. اللي وضفهم ابو رنا لان عنده واسطه قويه .. )
ابرار : رنا وش اسوي ..
رنا : بسم الله الرحمن الرحيم ..اش بك فجعتيني ..
ابرار : رنا .. تصدقين جايني عريس ..
رنا : طيب ايش المشكله .. كل مره يجيكي عريس وانتي ترفضيه ..
ابرار : بس هالمره غير ..
رنا : لاتقولي انو مشاري اللي امس اتخانقتي معاه خطبك .. ماعليه حبيبتي اتحمليه ..
ابرار : يالييييييييييييت ياليت ..
رنا : اجل مين ..
ابرار : الدكتور سعود ..
رنا : الدكتور سعود ماغيرو ..
ابرار : ايه ما غيره ..
رنا : طيب اش رديتي ..
ابرار : توه ابوي كلمني بالسياره ..
رنا : جايه مع ابوكي ..
ابرار : ايه ..
رنا : ايواااااااا ياحركه .. ابوها موصلها اليوم .. ايوه ياكشخه مين قدك ..
ابرار : رنوووه انا منب بحالك .. وش اسوي ..
رنا : الصراحه .. اذا تبغي رأيي .. وافقي ..
ابرار : من جدك انتي ..
رنا : وليه ترفضي اصلا .. الرجال ما تعيبو حاجه ..
ابرار : بالله عليك هذا كلامك امس ..وين اللي تقول انه انسان متكبر وماتهمه غير مصلحته ومدري ايش ..
رنا : اسمعي حبيبتي .. انا معاك .. هو صحيح متكبر .. وماتهمو غير مصلحتو .. بس انتي ادا وافقي عليه راح تكوني زوجتو .. راح يتغير كتيير معاكي .. واكيد راح يحبك ..
ابرار : اي حب واي بطيخ .. هذا احسه لما يشوفني يركبه مية جني .. شلون تقولين يحبك ..
رنا : ايش يدريكي .. يمكن انو لما يشوفك قلبو يلعب .. "وتغمز لها"
ابرار : ههههههههه اي يلعب يا بنت الحلال .. قسم بالله مالي خلق اضحك ..
رنا : ابرار حيات قلبي انتي .. والله احسكم لايقين على بعض .. والقرار الاول والاخير ليكي انتي طبعا ..
ابرار : طيب انتي لو جا يخطبك بتوافقين ..
رنا : والله الرجال مايترد ..
ابرار : يعني اوافق ..
رنا : انا اقول وافقي وربي يهنيكي ..
ابرار : والله متردده ..
دخلت عليهم النرس ونادت رنا عندها حاله بالطوارئ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-04-2010, 04:57 PM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


≈ فــيـ .. الشركهـ .. ≈

عند فهد ورائد اللي جالسين ومهملين الشغل .. فهد جالس بمكتب رائد ورافع رجلينه على الطاوله الصغيره ويغني .. ورائد يقلب مسجات جواله ..
فهد : قلبي يحبك ياغالي .. يشتاق لك كل ليله .. فراقك اثر بحالي .. ياويل قلبي يا ويله ..
رائد : فهود احس راشد بيعتزل الغناء ..
فهد : من زين صوتك انت يالدلخ .. اصلا ماتعرف الفن ..
رائد : اذا ما كان صوت .. رؤدي احلى وأوسم شاب عربي وسعودي .. حلو اجل صوت مين ..
فهد : طبعا انا .. بعدين لو سمحت لا تسرق شعاري ..
رائد : ههههههههههههههه بالله الحين من اللي ماخذه من الثاني ..
فهد : انت اللي مآخذه مني ..
رائد : شف الفقااااااش ..
فهد : اركد بس اركد .. ايه وين تبينا نصيع فيه اليوم ..
رائد : مشتهي اروح العب بلياردو اكسر راسك ..
فهد : هاهاهااااااااااي .. ايه هين ..
رائد : وشو ايه هين اهجد بس ..
فهد : اقول ياعمي روووووح قال اكسر راسك قال ..
رائد : بالله فهد .. آخر مره لعبنا بلياردو من اللي فاز .. انا ..
فهد : ايه انت اللي فزت .. لانه كان اصبعي يعورني ما عرفت امسك العصا زين ..
رائد : هههههههههههههههههه ايه الحين حطها بإصبعك ..
دخل عليهم ابراهيم عمهم .. رائد تعدل بسرعه وجلس زين حط جوال بالدرج ووقف .. فهد خاف ونزل رجلينه وجلس عدال بعدين وقف ..
ابراهيم : ماشاء الله تبارك الله .. تاركين اشغالكم وجالسين هنا انت وياه تقرقون كنكم حريم .. ما وراك شغل انت وياه .. ورا ماتقابلون اشغالكم .. بدل الحكي والقرق اللي ماله سنع ..
رائد وفهد ماتكلموا ولا قالو ولا كلمه ..
ابراهيم : هاه اشوف ولا واحد منكم تكلم ..
فهد : انشاء الله عمي ..
ابراهيم : وشو انشاء الله .. يلا انت وياه كل واحد على شغله وما ابي اشوف اي اهمال منكم انتم يالاثنين .. وتعال انت يا رائد .. مو قايل لك تسلمني التقرير باسرع وقت .. ماشفت جاني شي .. ولا فالح بالسوالف والضحك وطق الحنك ..
رائد : انشاء الله اجيبه لك شوي بس ..
ابراهيم : يلا اشوف بسرعه .. ويلا انت الثاني على مكتبك اشوف ..
فهد وهو منزل راسه ويمشي شوي شوي : انشاء الله ..
ابراهيم وهو طالع : بسرعه اشوف ..
طلع ابراهيم وسكر الباب .. جلس رائد على الكرسي بقوه .. وفهد رجع جلس على الكنبه .. دخل عليهم مره ثانيه ابراهيم .. قاموا الاثنين بسرعه ووقفوا ..
ابراهيم : هــاهـ اشوفكم رجعتوا تجلسون .. قم انت وياه اشتغلو ..
رائد + فهد : انشاء الله .. انشاء الله ..
طلع ابراهيم وسكر الباب وهو يبتسم : الله يخليكم لبعض ولا يفرقكم ..
ابراهيم كل ماشف عيال اخوانه ولا خواته مع بعض تمنى انه يكون عنده ولد يشيل اسمه بس الله ما كتب .. راح ودخل مكتبه وجلس يستنى رائد يجيب له التقرير ماصار الا عشر دقايق الا ورائد فوق راسه ..
ابراهيم : كفو .. ايه هذا الشغل ..
رائد : الله يسلمك ياعمي ..
ابراهيم : يلا عاد الحين رح كمل شغلك ..
رائد : انشاء الله تآمر بشي ثاني ..
ابراهيم : لا مايامر عليك عدو ..
راح رائد وهو بيطلع مع الباب ناداه عمه .. التفت له ..
رائد : سم ..
ابراهيم وهو مبتسم : قل لفهد جزماته حلوه من وين ..؟؟..
ضحك ابراهيم ورائد طلع برى بعدين ضحك .. راح لمكتبه ودق على فهد على طول ..
فهد : لاتقول هزإك ..
رائد : هههههههههههههههه لا يقول قل لفهد جزماته حلوه من وين ..
فهد : ههههههههههههههههههه احلف ..
رائد : هههههههههههههههههه والله .. اقول سكر سكر لا يدخل علينا الحين عمي سليمان ومن جد نروح فيها ..
فهد : هههههههههههههه حشى رعب مو عمان ..
رائد : ههههههههههههههههههههه يلا يلا فمان الله ..
سكرو من بعض وكل واحد لهى بشغله ..


≈ فــيـ .. الشركهـ .. الفرعـ .. الثانيـ .. ≈

حمد كان توه مخلص شغله بيوديه لابوه .. الا دخل عليه مشاري ..
مشاري : وين وين ..
حمد : انتظرني بودي الملف لابوي واجي لا تتحرك ..
مشاري : لا تطول ابيك ..
حمد : زين .. اقول هي انت ..
مشاري : وشو ..؟؟..
حمد : لا تقعد تحووس علي .. خلك عاقل يابابا طيييب ..
ضحك حمد على شكل مشاري وطلع .. ودا ملف لابوه وجلس عمه فارس يكلمه حوالي نص ساعه .. بعدين رجع المكتب ولا لقى مشاري قام ودق عليه ..
حمد : وينك مو قلت لك لا تتحرك ..
مشاري : ياخي طفشتني .. شهر عشان تودي اوراق ..
حمد : ياخي والله مو بيدي .. عمي فارس مسكني وجلس يكلمني ماقدرت ..
مشاري : اوكي يلا بجي ..
طلع مشاري من مكتبه وراح لحمد .. دخل وجلس على الكنبه وطلع جواله ورماه على مكتب حمد ..
مشاري : خذه ما ابيه ..
حمد : وليه انشاء الله ..
مشاري : ياخي قلق هالجوال ..
حمد : ليه وش اللي صاير ..
مشاري : ياخي وحده تدق علي لها يومين .. يوم صار قبل شوي ودقت علي قالت لي انت مشاري ولد سليمان الـ......... تشتغل بشركه وعمرك 26 وحيد ماعندك اخوان شباب وقالت لي برنت كامل عني الصراحه خفت وسويت نفسي عادي قلت تعلميني بنفسي وبعدين .. قالت ابي اتعرف عليك ..
حمد : ههههههههههههه قل والله عقب كل هذا بتتعرف بعد وش اللي بقى ماعرفته .. عسى ما عرفت بس وش لابس ..
مشاري : اسكت الله يعافيك لا تقعد تتطنز ..
دق الجوال : هه دقت ..
حمد : رد ..
مشاري : مستحيل ..
حمد : عطني انا برد ..
اخذ حمد الجوال ورد : الووو ..
البنت : الوووووو ..
حمد : هلا ..
البنت : مرحبا ..
حمد : مرحبتين ..
البنت : ممكن اكلم مشاري لوسمحت ..
حمد : من مشاري ..
البنت : حمد عطني مشاري لو سمحت ..
حمد رمى الجوال على مشاري : بسم الله الرحمن الرحيم ..
مشاري : وشو ..
حمد : تقول حمد عطني مشاري لو سمحت ..
مشاري : بسم الله لا يكون مخاويه بس ..
ضحك حمد : كلمها ..
مشاري بعصبيه مصطنعه : نعم ..
البنت بصوت نعووووومي : نعم الله عليك .. تقول امي متى بتجي على الغدا ..
مشاري : ومن انتي عشان اجي اتغدا عندكم بعد ..
البنت : هههههههههههه انا حبك الاول والاخير ..
مشاري : وجع وش هالضحكه يالمصريه ..
البنت : عادي حياتي كل شي منك مقبول ..
مشاري : وش تبين بالضبط ..
البنت : ابيك انت وبس ما ابي من الدنيا غيرك انت وبس ..
مشاري : آسف انا مرتبط ..
البنت : ماقالو لي ..
مشاري : والله عاد اسرار شخصيه هذي ..
البنت : وش اسم زوجتك طيب ..
مشاري : وش تبين فزوجتي الله لا يبيك ..
البنت : افا حياتي انت تسبني ..
مشاري : اقول هي انتي احترمي نفسك ..
البنت : هههههههههههه والله محترمه نفسي ..
مشاري : من اللي عطاك رقمي وهالمعلومات عني ..
البنت : انا جبتها من مصدر موثوق بالحيل .. ولو تبي اعلمك وش فطورك امس اقولك ..
مشاري : يلا يافالحه وش افطرت امس ..
البنت : افطرت كرسون ساده مع كوب عصير فواكه مشكله ..
مشاري مفتح عيونه على الاخر : وش دراك .. أأأأأ اقصد لا ما افطرت انا امس ..
البنت : ههههههههههههههههه ياعمي العب على غيري ..
حمد يطالع فمشاري وميت من الضحك ..
مشاري : طيب وش تبين مني الحين ..
البنت : ابي اشوفك مع اني كل يوم اشوفك طفشت منك بس لو اشوفك على انفراد بأي كوفي يكون احلى..
مشاري : تخسين .. مابقى الا هي اطلع اقابلك بكوفي .. هذا اللي ناقص ..
البنت : يؤ يؤ يؤ ليه عصبت ياروحي وش فيك ارتفع ضغطك ..
مشاري : ماعصبت .. وش تبين اخلصي ..
البنت : انت وبعدين معك ياخي عدل اسلوبك ابي احاكيك يوه ..
مشاري : لا تعالي طقيني احسن .. لا لا تعالي ..
البنت : هههههههههههههههههههههه ..
مشاري : وجع .. " يهمس لحمد " ضحكتها تدوخ ..
حمد : توك تقول ضحكة مصريه ..
مشاري : اضيع السالفه .
البنت : وين رحت ..
مشاري : معك اخلصي علي وراي دوام ..
البنت : ياليت معاك كان اكون اسعد انسانه بالكون ..
مشاري : اقولك مرتبط .. ماتفهمين ..
البنت : طيب طيب .. لا والله جد تقول امي متى بتجي انت وابوك على الغدا ..
مشاري : وش تخربطين انتي ..
البنت : ياخي اخلص ..
مشاري : وش تبييييييييييييييييين ..
البنت بصوتها الطبيعي : تقول امي متى بتجون لاتسوون لنا مثل امس تتأخرون ويبرد الغدا ..
مشاري : ياحماره ياكلبه ياغبيه ..
حمد يطالعه : خير انت ..
مشاري : ليلووه يا غبيييييييييييييه ..
ليلى : ههههههههههههههههههههههههه يالرخمه ..
مشاري : من وين لك الرقم ..
ليلى : هههههههههههههههه ماتذكره هذا رقمي الاول اللي طلعته لي بعدين ضاعت الشريحه وطلعت بدالها ..
مشاري : خوفتيني ..
ليلى : منهي سعيدة الحظ زوجتك ..
مشاري : ههههههههههههههه لاتستهبلين ..
حمد فهم انها ليلى وجلس يضحك ..
مشاري : لحظه انتي شوي .. ( يكلم حمد ) .. تضحك انت ووجهك بعد ..
حمد : والله حاااااااله احد ما يعرف صوت اخته ..
مشاري : منعمه صوتها البقره ..
ليلى : هي احترم نفسك ..
مشاري : هذي التعبانه ..
ليلى : بسم الله علي .. الحين احسن من امس ..
مشاري : طيب يلا يلا الخلا ..
ليلى : المهم تعالو بدري اليوم عشان امي .
مشاري : زين يلا ضفي وجهك ..
سكر منها وجلس يسولف هو وحمد ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 01-04-2010, 05:00 PM
صورة hajer_7015 الرمزية
hajer_7015 hajer_7015 غير متصل
©؛°¨غرامي متألق ¨°؛©
 
الافتراضي رد: تحملت كثير يا قلبي / ®جنون الشوق®


*(( .. الساعه [1] الظهر الكل رجع من دوامه .. ))*



!ੂ۩ٍஜ۝√ فبيتـ فارس (ابو رائد) √۝ஜ۩ੂ

دخل فارس البيت وقال لهم يحطون الغدا وطلع يبدل ملابسه .. وهو نازل من الدرج ورائد يدخل البيت وهو يكلم فهد ويضحك ..
رائد : هههههههههههههههه زين وبعدين .. ههههههههههههههه حسبي الله على بليسك .. وش سوى .. لا عاد .. انا قاااااااااااايل .. هههههههههههههههههه .. فااااااضي بقوه .. اوكي اوكي .. ههههههههههه احسن منك .. طيب .. اوكي .. لالا ولا يهمك .. زين .. يلاهلا حبيبي .. فمان الله .. الله معاك ..
سكر من فهد ورفع راسه لقا ابوه نازل ..
رائد : هلا وغلا ..
فارس : اهلين بالزين .. رح بدل ملابسك وتعال يلا ..
رائد : انشاء الله ..
طلع رائد فوق .. بدل ملابسه ونزل ولقاهم كلهم جالسين ..
رائد : السلام عليكم ..
الكل : وعليكم السلام ..
جلس جنب جوري واخذ صحن وقال لامه تحط له سلطه ..
امل : بس ..
رائد : ايه ..
ريان : يسوي رجيم يمه ..
رائد : وش دراك ..
ريان : ايه هين ..
رائد : هههههههههه ياحبيبي .. انا رشيق منب دب زيك ..
ريان : لا لا مقطعتك الرشاقه ياشيخ ..
رائد : غيران هاه اعترف ..
ريان : الحمد لله والشكر .. لو بغيت اخفف خففت بس ما ابي ..
رائد : ايه طيب ..
فارس : خلاص انت وياه خلونا نتغدى زين ..
رائد : انشاء الله ..
فارس : اقول رائد ..!!!!!..
رائد : سم ..
فارس : وش مسوي انت وفهد اليوم بالشركه ..
رائد بلع لقمته : احم .. وش مسويين ماسوينا شي ..
فارس : ما ادري بس يوم دقيت على عمك ابراهيم قالي انكم مجننينه انتم الاثنين ..
رائد : لا يبه ماسوينا شي ..
فارس : اكييييييييييد ..
رائد : لا ..
فارس : ههههههههه تكلم طيب ..
رائد : مافيه شي يسوى اقوله بس .. كنا جالسين ودخل علينا وهزأنا ..
فارس : وشلون كنتم جالسين ..؟؟..
رائد : ماقالك ؟؟؟؟؟؟؟..
فارس : الا قالي بس ابيك انت تقوله ..
رائد : ماله داعي يبه ..
ريان : الا ..
رائد : مالك شغل انت اركد ..
فارس : قله شلون جالسين ..
رائد : يبااااااه ..
فارس : ههههههههههههه الله يهديكم .. شكلنا بنفرقكم ..
رائد : لايبه تكفى ..
امل : وش دعوى ..
رائد : ما ابي .. لو نقلتوه ولا نقلتوني ماراح اداوم ..
ريان : تكفى داوم ..
رائد : ريانوه .. وبعدين معاك ..
فارس : ريان ابوي خلاص ..
سكت ريان وفيه ضحكه على شكل رائد .. جوري تطالع فرائد " تحبه يارائد .. حبه بس مستحيل يكون حبك له كثر حبي له "
امل : جوري كلي ..
جوري : هذاني آكل يمه ..
ريان : وانا يمه قولي لي كل ..
امل : لا حبيبي انت من المستحسن انك ماتاكل ..
ريان : آآفـــآآآآ .. ليه عاد ..
امل : شف شكلك متنت ..
ريان : يمه ورانا شقى ثاني ثانوي ..
امل : واذا ..
ريان : تراكمي يمه تراكمي ..
جوري : شلون تراكمي ..
ريان : يعني ياخذون نسبتك ثاني ثانوي ونسبتك فثالث ويقسمونها على اثنين ..
جوري : يؤ ليه التعقيد طيب ..
ريان : مدري يبونا نوقف ماندرس ..
رائد : تخيل ما تدرس ..
ريان : والله ودي ..
فارس : وليه طيب ..
ريان : يبه غثى ..
فارس : ماراح انفعك لا انا ولا اخوك ولا احد .. ماراح ينفعك غير شهادتك ..
ريان : الله يعين ..
كملوا اكلهم .. وبعدها طلع فارس وامل يقيلون ورائد جالس يقرى جرايد .. وريان جالس يطالع فلم اعاده .. وجوري حاطه يدها على خدها وتطالع مره التلفزيون ومره تطالع رائد ولا ريان .. دق التلفون وشاله رائد لانه كان جنبه ..
رائد : الوووو ..
.....: الووووو ..
رائد : الوووووووو ..
ولاء بصوت خفيف : خخخخخخخخ ... احم احم .. السلام عليكم ..
رائد : وعليكم السلام ورحمة الله ..
ولاء : كيف الحال ..
رائد : الحمد لله بخير .. من معاي ..
ولاء : احم احم .. انا ..
رائد : ومن انتي ..
ولاء : انا انا ..
رائد عصب : لاحوووووووووول ..من انتي طيب ..
ولاء : ههههههه انا انا ماعرفتني ..
رائد : لا والله ماحصلي الشرف ..
ولاء : ولايهمك انا اخليه يحصل .. انا ولاء بنت امي وابوي ..
رائد : ههههههههههه هلا والله .. معليييش ماعرفتك ..
ولاء : لاعادي ..
رائد : كيف الحال .. انشاء الله بخير ..
ولاء : الحمد لله تمام التمام ..
رائد : ابسألك .. انتي لين الحين خرشه ماعقلتي ..
طالعته جوري مستغربه من يكلم .. لايكون هيفا .. تعرفها جريئه ..
ولاء : وش اسوي طيب ..
رائد : لا خليك كذا حلو لابق عليك ..
ولاء : قل قصم ..
رائد : هههههههههههه ..
ولاء : امممممممممم ..
رائد : تبين جوري ..
ولاء : ياليت يعني .. اذا سمحت ..
رائد : لا ولووووو .. جوري .. التلفون ..
جوري : مين ؟؟..
رائد : ولاء ..!!!!..
جوري : فديييييييتها .. الووووووو ..
ولاء : هلا وغلا ومرحبا ومسهلا .. يالبى صووووووووتها ..
جوري : هههههههههه كيفك يالدبا ...
ولاء : تمامو .. انتي شوعاملي ..
جوري : انا منيحه ..
ولاء : فديت اللبنانيه ياربي ..
جوري : هي بنت اعقلي ..
ولاء : طفشاااااااااااانه ..
جوري : حتى انا .. وش اسوي ..
ولاء : احسن بكرى بجي عندكم ..
جوري : وبتنامين ..
ولاء : اذا تبيني ..
جوري : اكييييد ابيك هذي فيها كلام ..
ولاء : خلاص بنام ..
جوري : اخاف عمي يقول لا .. ولا امك تعيي ..
ولاء : لاماعليك .. اخذت الموافقه امس ..
جوري : ههههههههههه يعني مخططه ..
ولاء : هههههههههه اكييييييييد .. بس احتريك تقولين .. اقولك بجيب بجامتي ..
جوري : لا لا انا بعطيك ..
ولاء : كيفك لاكن اذا اعجبتني ترى بآخذها ماعلي منك ..
جوري : حلاااااالك ياشيخه تفداك بجاماتي كلهم ..
ولاء : لا لا خلاص ماعاد اقدر .. يربيه وش اسوي .. جوري ترى بيجيني سكر ..
جوري : ههههههههههههه ياحبيلك يانااااس ..
ولاء : لحظه لحظه .. ميييييييين .. تعالي .. خخخخ جتني ساره ..
جوري : سلمي عليها ..
ولاء : سوير تسلم عليك جوري ..
ساره : ياحبيلها سلميلي عليها ..
ولاء : تقولك الله يسلمك ..
جوري : كذابه ..
ولاء : هههههههههه ادري .. بقولك تسلم عليك بتقولين الله يسلمها .. وبعدين يعني .. كل يوم نفس الاسطوانه ..
جوري : ههههههههههه طيب خلاص آآسفه ..
ولاء : طيب خلاص سامحتك ..
ساره : ولاء امي تبيك ..
ولاء : طيب .. اقول جوري .. امي تبيني اشوفك بكرى ولا اليوم على المسن ..
جوري : ايه صح تعالي .. جواهر ليه ماصارت تدخل ..
ولاء : خخخخخخخخ عمتي شيخه مانعتها تفتح النت بعد الساعه 12 ..
جوري : ياحياتي .. بس تصدقين تستاهل اربع وعشرين ساعه عنده ماتطفش ..
ولاء : ياشيخه .. وش تسوي طيب ..
جوري : مدري .. المهم انتي شوفي امك .. زين وسلميلي عليها ..
ولاء : اوكي يلا فمان الله .
جوري : ههههههههه حشى رجال فمان الله .. يقولون مع السلامه ..
ولاء : زين زين مع السلامه ..
سكرت منها وجلست ..
رائد : وش عندها ..
جوري : ماعندها شي .. تستهبل ..
رائد : خبلا هالانسانه ..
جوري : ياحبيلها ..


!ੂ۩ٍஜ۝√ فبيتـ ابو عبد العزيز √۝ஜ۩ੂ


كانوا جالسين العصر بالحوش .. ام عبد العزيز معها الراديو وتسمع وابو عبد العزيز عند النخل ..
الجده : سااااالي .. سااااااااليي .. سااااااااالييي ..
الجد من بعيد : شوي شوي .. حبالك الصوتيه ..
الجده : ماعليك ..
الجد : بكيفك .. ( رجع يكمل النخل )
سالي : نأم نأم ..
الجده : ماتسمعين ..
سالي : انا فيه كلام سمي انتي مافيه يسمع انا وشو يسوي ..
الجده : لاترفعين صوتك انتي بعد .. يلا اشوف جيبي التمر اللي عند الشايب وغسليه وعطيني اذوقه ..
سالي : جين جين .. انتي ليه كلو فيه هاوش ..
الجده : اقول روحي ..
راحت وجابت التمر وغسلته .. دخلو عليهم مشاري وحمد وراحوا سلموا على جدتهم وجلسوا معها ..
مشاري : هذانا جيناك طيب ..
الجده : وش عقبه ..
حمد : يعني ماتبينا الحين نروح ..
الجده : لا انا ماصدقت تجوني تروحون عاد ..
مشاري : تبينا ننام هنا طيب ..
الجده : ياليت ..
مشاري : لا اليوم مانقدر ..
الجده تضربه بالعصا : اجل ليه تقولي تبينا ننام ..
مشاري : ههههههههههههه اي .. ابشوف وش تقولين ..
حمد : ماعليك منه يمه .. وش عنده ابوي حمد ..
الجده : هالشايب من يصبح الين يمسي وهو متعلق بهالنخل مدري وش يسوي ..
حمد : هههههههههه وش تبين فيه يمه خليه براحته ..
الجده : وانا من يجلس معاي .. اجلس بلحالي ..
مشاري : حنا مانكفي طيب ..
الجده : انتم شوي وتروحون ..
حمد : طيب شرايك تجون عندنا وتلقين اللي يجلس معاك ويوسع صدرك ..
مشاري : ايه يمه والله جد تعالو ياعندنا ولا عند عمي عبد العزيز ..
الجده : لا منب تاركين بيتنا ..
مشاري : اجل لاتشتكين وتقولين محد يجلس معاك ..
حمد : ايه والله يمه ترى عماني كلهم مو عاجبتهم جلستكم بهالبيت الكبير بلحالكم ..
الجده : وانتم احد قالكم اننا نبي نطلع .. اذا بغينا نطلع جيناكم .. زين .. اها بس سكرو الموضوع ..
مشاري : انشاء الله ..
حمد : يمه انا بوديكم بيت عمي فارس بكرى ..
الجده : ايه والله اني ماودي اركب مع هالسواق .. اخاف يخطفني ولا يسوي فيني بلا ..
مشاري : هههههههههههههههههههههههه والله حاله .. معليش يمه .. بس وش يبي فيك .. لو بيخطف كان خطف وحده اصغر ..
الجده تضربه بعصاها : ايا قليل الحيا .. يعني انا عجوز الحين ..
حمد : هههههههههههههههه .. ابلش ..
مشاري : ههههههههههههههههههه لا من قال ..
الجده : اشوى بعد ..
جلسوا الاثنين يسولفون مع جدتهم وبعدين جاهم ابو عبد العزيز وجلس معهم يسولف .. وبعدها طلعوا هم الثلاثه يصلون المغرب .. بعدها رجعوا وحمد ومشاري كل واحد راح بيتهم ..

!ੂ۩ٍஜ۝√ فبيتـ سليمان (ابو مشاري) √۝ஜ۩ੂ


بعد الصلاة كان جالس مع زوجته وليلى .. دخل عليهم مشاري يغني ..
مشاري : احبه حب نساني .. شي اسمه راحت البال .. وحبه عامل بقلبي .. عمايل مو طبيعيه .. خلاص اليوم بتكلم .. معاه واشكيله الحال .. ولازم يفهم انه بقلبي حبه ماهو شويه .. غلاته وشوقه نسوني .. شي اسمه راحت البال .. وحبه عامل بقلبي عامايل مو طبيعييه ..
ليلى : اعصابك ياشيخ ..
مشاري : السلااااااااااام عليكم ياعرب ..
الكل : وعليكم السلام ..
مشاري : كيفكم ..
الكل : الحمد لله ..
سليمان : وينك انت ليه ماجيت عالغدا ..
مشاري : ابد يالغالي .. طلعت انا وحمد نتغدى برى .. وبعدها مرينا العجيز جلسنا عندها وتونا جايين منها ..
سليمان : زين مريتو امي ..
مشاري : ايه مريناها .. يقول ابوي حمد التمر حقكم برسله مع السواق ..
سليمان : وليه ماجبته معاك ..
مشاري : يوم جيت اباخذه .. قالي لاتاخذه الحين بغيره بحط لكم ثاني .. وحمد اخذ حقهم وراح ..
سليمان : ليه وش فيه ..
مشاري : مدري بس شكله عطى واحد من جيرانهم كرتوننا وكرتونهم لنا .. يعني لخبط ..
سليمان : زين شخبار امي .. شلون رجلينها ..
مشاري : الحمد لله .. تخيل يبه .. هههههههههه تقول ماودي اروح مع السواق اخاف يخطفني ..
الكل : هههههههههههههههههه ..
ليلى : وش يخطف فيها ..
مشاري : قلت لها .. طقتني بعصاها .. وتقول منب عجوز بعد .. والله حاله ..
سليمان : هي انتي وياه تراها جدتكم ..
مشاري : عادي يبه ..
سليمان : اسكت بس ..
مشاري يبوس راس ابوه : خخخخخخخ ماترضى على عجوزكم ..
سليمان : وبعدين يعني ..
مشاري : خلاص توبه .. مو عجوز ..
سليمان : هههههههههه ..
رفع مشاري راسه .. ونوره كانت نازله ..
مشاري يطق على الطاوله : هلا هلا هلا .. هلا نوير هلا .. الله يزين اللي حظرت غطت على كل الحظور ..
ليلى كانت تصفق معاه : عاشااااااااااو هلا .. هلا ..
نوره كانت تنزل وترقص بشعرها .. ومشاري يطق ويغني .. وليلى تصفق مستانسين ومسوين جو ..
امهم ابوهم يضحكون عليهم .. خبلان .. قربت نوره .. سكت مشاري فجأهـ وصار يطالع فيها بجمود ..
مشاري : هي انتي عيب عليك .. اركدي ..
ضحكت ليلى عليه .. نوره انصدمت ..
نوره : خير ..
مشاري : اركدي ليه ترقصين .. تحسبين نفسك بعرس يعني تراك بالبيت ياماما اصحي ..
نوره : الحين انا اللي قلت لكم طقو وصفقوا ..
مشاري : مالك شغل حنا نطق ونصفق انتي لا ترقصين ..
نوره : طيب افف ..
مشاري : هههههههههههههههههه خواااافاااااااه .. هههههههههههههه ..
ليلى : ههههههههههههه حرام عليك خوفتها ..
مشاري : دللللللللللخه ..
نوره : طالعه عليك يابعدي ..
مشاري : لك الشرف .. هين عاد ..
نوره : من زينك عاد .. قال لي الشرف قال ..
مشاري : ايه حبيبتي لك الشرف .. انا مشاري انا .. من غيري انا .. البي اللي ابتلا بعيون حلوين ..
ليلى : ههههههههههههههههه يععععععععععع خربت الاغنيه ..
مشاري : ماعليك .. انا ابيها كذا ..
جلسوا يسولفون ويضحكون .. جلستهم مره حلوه .. اذن العشا وراحوا يصلون ..


الرد باقتباس
إضافة رد

تحملت كثير يا قلبي / ®جنون الشوق® ، كاملة

الوسوم
/®جنون , الشوق® , حرفآ , ـملْتٍ , قٌلْـبٍيٌـ? , كَثٌيًرْ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6827 08-09-2018 02:15 AM
تحملت العنا لأجلك يا ولد العم / كاملة ĤāŃōŎōĐą روايات كامله - يتم نقل الرواية هنا بعد اكتمالها 23 01-03-2011 09:46 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 06:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1