مجنووونة almaha ©؛°¨غرامي جديد¨°؛©

*الجزء الثالث**
مني حاطه راسها على الطاوله وتطالع بنوره: مليت..

نوره: من ايش؟!

منى :طفشت..

نوره:اوف من ايش؟!

منى: مزعج طفرني كل يوم مرسل رساله اوداق مع اني ولا مره رديت!!!!

نوره: والله انك فاضيه(ذكرتني نوره بصديقتي اسيرة الذكريات امس قالتلي هالكلمه اسمحولي ارسلها بوسه ههههه)

منى: بس عليه اسلوب...

نوره: حوليه علي انا اعرف اتعامل معه *_^

منى: مايهون علي..

نوره: اوه القلب صاير اوتيل وكم عدد الغرف بالله ؟!

منى : مو كذا بس!

نوره: انتي وحده كذابه..

منى رفعت راسها عن الطاوله: وليش

نوره: مايهون عليك واحد ماتعرفينه ولا تعرفين شكله وكلنا ندري انك او هذا كلامك تحبين مساعد ايش اللي غيرك؟!

منى: انا احب مساعد وربي مافي قلبي غيره مساعد وبس والمزعج اكرهه واشتاق لراسايله بس رسايله
مستحيل احب شخص ما اعرفه

نوره: تصير ما سمعتي المثل اللي يقول الاذن تعشق قبل العين احيانا

منى بدلع :ابدا ابدا ابدا مستحيل اصلا حتى صوته ماسمعته ايش قلت لك انا..؟

نوره : خلاص خلاص دريت انك ولا مره كلمتيه وماعندك غير مساعد وتبينه مع اني ما اشوفك تحاولين توصلين له بس كلام احبه واحبه

منى وهي حاسه بعجز: طيب شسوي؟

نوره: هو ماعنده خوات ..؟

منى : الا

نوره : اشبكي مع وحده منهم

منى : هههههههه بس خواته بالابتدائي

نوره لفت وجهها: انا كنت بساعدك..


.................................................. ......
الله اكبر ..الله اكبر..الله اكبر..
.................................................. ....


هند : انخطبت ؟!

ام هند : اي انخطبتي طلال اليوم جانا مع ابوه وطلب يتزوجك

هند بقلبها ( اسمه حلو هههه): يمه ايش يشتغل

ام هند : ما ادري بس ابوك يقول عنده خير وشكله زين

هند بقلبها ( وهذا المهم اخيرا جاني الزوج اللي احلم فيه) ..باست راس امها :ادعيلي

ام هند : يعني موافقه

راحت هند (عامله فيها خجلانه هههه) وبقلبها تقول مايبغالها سؤال هههه

ام هند وهي تضحك : الله يوفقك

..هند مارح تقول لصاحباتها لان عندها فوبيا من الحسد حتى على اتفه الاشياء شلون عاد عريس الغفله ههههه..


.................................................. ......
الله اكبر..الله اكبر..الله اكبر..
.................................................. ..


الظهر.. الجو كان حار..

مساعد منسدح على السرير ويحاكي وحده من حبيباته: لا ياحياتي ابيع الدنيا علشانك

البنت بدلع مو لايق عليها : بس الدنيا بخيييييل ..

مساعد ( ياثقل دمك ) : انا بخيل الدنيا مو كبيره وفيها جبال وبحار واوادم ..بقلبه (السخيف يبغاله سخافه)

البنت: طيب انا وين اروح؟

مساعد: خذي يمين بتلاقي دخله مو الاولى الثانيه بتحصلي نفسك بنص قلبي

البنت: ههههه انا ما اقدر اعيش بقلبك

مساعد: ليش يالغلا ترى الهوا فيه يرد الروح كثير دوروه ومالقوه..

البنت: طيب بشرط

مساعد: واحد بس

البنت: لا انا مو طماعه

مساعد: لا اطمعي ههههه

البنت : تسلملي ابيك انت توصلني لقلبك هههههه

مساعد: فديت ضحكتك

البنت: حبيبي اسمع صوت اخوي اكلمك بعدين بس ماعندي كول مي حتى

مساعد(بدينا بالشحاته).: اشحنلك

البنت: امواه وصلت

مساعد(ياقليله الادب): ماوصلت عيديها..

البنت : ياطماع باي

مساعد: بايات

..مساعد بعد ماقفل الجوال: قابليني ان شحنت لك ياثقل دمك..

طالع بالساعه وقتها قام من السرير وفتح الشباك : طلعوا البنات من المدرسه خليني انزل اشوف الحلوين

لبس بسرعه نزل وهو يعدل الكاب
وقف مع شباب الحار

جت منى بتمر من جنبهم.. مساعد كان يميزها من بين البنات.. بغت تطيح بس ربها رحمها من الفشيله ماقدرت جت عينها بعينه
( غمز..اي والله غمز..وش هالغباء ..لاغمز..ياربي غمز..طيب ليه اكيد يفكرني غبيه..لا يبي يقولي احبك..
عاجبتني ..بس هو غمز)
هذا حكي منى لروحها الين مادخلت البيت

.................................................. ......
الله اكبر.. الله اكبر.. الله اكبر..
.................................................. ..

في البيت..

منى اول مادخلت رمت الشنطه : نهى
(بغت تقولها بس ترددت خافت تضحك عليها)

جت عندها نهى: ايش فيه

منى وهي تغسل وجهها: ولا شي

نهى: اجل ليش تناديني

منى: خلص قلتلك ولا شي

نهى: غبيه

منى ما اهتمت طالعت بالمرايه وهي تغسل وجهها وتقلد غمزته وبقلبها(كذا .. لاكذا هههههه ياحلو عيونه)

.................................................. ......
الله اكبر ..الله اكبر..الله اكبر..
.................................................. ..

في المدرسه:

خالده: سامي تعال معي

ساره(يالنشبه): وين

خالده: دورة المياه

ساره( الله يسخطك): روحي لوحدك

خالده: ابيك معى انت تعال بس لايروح فكرك بعيد بعدل شكلي

ساره(والله اخلاقك اللي يبيلها تعديل): ماتحتاجي

خالده بغرور: هههه ادري حياتي

..ساره تطالع في شكلها بالمرايه الا وتشوف سيجاره بوجهها..

خالده: خذي روحي

ساره( يالملعونه حتى دخان تدخني )حقرتها: ما ادخن

خالده وهي تشعل السيجار: عيشي حياتك سيجاره بس

ساره وهي تطلع: دخني لوحدك

خالده رمت السيجاره وداست عليها:اوف

(خالده مقهوره تبغى تعيش جوها ههههه)

.................................................. ......
الله اكبر..الله اكبر..الله اكبر..
.................................................. ..

ساره رجعت لنوره والشرار طالع من عيونها : نوره ما بسوي اللي تبينه

نوره: ايش اللي ابيه

ساره: مع الزفت ..التراب ..البقره.....(ساره ماتركت مسبه ماقالتها منها ما هو مشفر ههههه)

نوره: ليش معصبه ايش سوت

ساره: ما سوت شي بس عطتني سيجار وبكل وقاحه دخني روحي راحت روحها

نوره: يخرب مطنكي( مسبة حصريه لرحاب خويتي سارقتها منها ههههه)
بس

ساره وكانها قبله شوي تنفجر : بس

نوره: المهم ماتغتصبك هههههه

ساره رفعت ايديها على راسها : يابرودك ياشيخه

نوره: انا ادري ان هالشي بيصير وهي مادخلت السيجاره بفمك غصب

ساره: هذا اللي ناقص

نوره:شوفي اذا ما عندك ثقه فيني لا تعذبي نفسك وتسمعي كلامي

ساره سكتت ماتقدر تقول شي تركتها وراحت

نوره مسكت يد ساره قبل لاتتركها: والله ابيلك الخير

.................................................. ......
الله اكبر..الله اكبر ..الله اكبر..
.................................................. ..

علا: سامي

ساره: عيونه

علا: تسلم عيونه ليش جالس لحالك

ساره: انتظر الباص

علا: والله جد اش فيك

ساره: بس مالي خلق احد

علا وهي مبتسمه وعامله فيها ناعمه: حتى انا

ساره: لاتذكريني بنعومة البقره

علا : اي وحده فيهم ياكثرهم

ساره رفعت عيونها بوجه علا: ابلى سهى

علا: لا لا ما اسمحلك (حطت يدها على قلبها) تجرحي قلبي اهي اهي اهي

ساره: هههههه كله ولا قلبك

جلست علا جنبها وحطت يدها على كتفها : ياحلو ضحكتك

ساره: ادري هههههه

علا: هههههه

.................................................. ......
الله اكبر..الله اكبر..الله اكبر..
.................................................. ..
.................................................. ......
الله اكبر ..الله اكبر.. الله اكبر
.................................................. .....

دمتوا بود


لا تحرموني ردودكم

آلرفيـ.ــف ©؛°¨غرامي جديد¨°؛©

https://forums.graaam.com/298796.html
حبيبتي
أرجو أن تدخلي الرابط أعلاه
آلرفيــف^^


مجنووونة almaha ©؛°¨غرامي جديد¨°؛©

المشاركة الأساسية كتبها آلرفيـ.ــف اقتباس :
https://forums.graaam.com/298796.html
حبيبتي
أرجو أن تدخلي الرابط أعلاه
آلرفيــف^^
شكرااا اختي الرفيف

مجنووونة almaha ©؛°¨غرامي جديد¨°؛©

( **الجزء الرابع**)

فارس: الو..

علا: الو اهلين..

فارس: شخبارك؟!

علا: تمام..

فارس: عندك مذاكره..؟!

علا: لا الخميس ما اذاكر..

فارس: حلو عندك خبر ان الخميس يوم الدجه عند السعودين..

علا: والمعنى!

فارس: وش رايك يعني..؟

علا: ما ادري عنك..!

فارس: خساره أختي طلعت غبيه..!

علا: انا افهمها على الطاير مو غبيه بتطلع مكان وتقهرني صح...؟

فارس: للاسف مايهون علي..!

علا: فارس اللي عندك قوله..

فارس: اسمعي خيتوا الشتا قرب وانا خايف على اختي تموت من البرد قلت اوديها السوق ...

علا: لا مابي..

فارس: ليييييييش؟!

علا: انت شلون تفكر واللي معي في البيت شسوي معهم اذا شافوني داخله والاكياس بيدي...؟

فارس: بسيطه..

علا: كل شي عندك بسيط..!

فارس: اي بسيطه نشتريلهم اي شي..

علا: اذا انت رجال دفيع اوكى..

فارس: افا عليك ..

علا: بس ما ابيك تفر معي..

فارس: لاوالله رجلي على رجلك..

علا: لا انا بشوف صديقتي سامي اوه قصدي ساره تروح معي ..

فارس: وأنا..!

علا: دبر عمرك

فارس: اوكى بوصلك وبروح واذا خلصتوا شوبنغ دقو اوكيشن

علا: تمام تعال الحين علشان يمدينا

فارس: خمسا دقيقه ماما..ههههه

علا: هههههه فمان الله

فارس: فمان الله..

.................................................. ......
لا اله الا الله ..لا اله الا الله..
.................................................. ......

ساره منسدحه على بطنها عالسرير وماسكه الاب توب وتشوف صدى الملاعب فاتتها الحلقه بالليل

رن جوالها
( ويلاه..ضاق الصدر
وماذكر يسأل علي..ويلاه..)

ساره من دون ماتطالع بالجوال عرفت انها علا: غريبه القاطعه دقت وردت

ساره: الو

علا:الو هلا سموي

ساره: هلا علوش من دون مقدمات قولي اش تبين

علا: اوف بدل ماتقولين اخبارك حياتي شلونك

ساره: اصلا انتي ماتقدين الا اذا صار زلزال او انفجر بركان

علا: انا ادق حرام عليك

ساره: طيب وبعدين

علا: انتي فاضيه

ساره ودها تخسرها رصيد :لا مليانه ههههه

علا: احاكيك جد

ساره: وانا بعد جد

علا شافت ان ساره مابتبطل استهبال: انا ابيك تروحين معي السوق موافقه

ساره ( والله هذا وقت السوق بس لازم تخسر رصيد): السوق السوق اها قلتيلي تبيني اروح السوق

علا: ساره بسرعه ماعندي رصيد جاوبيني

ساره ما اهتمت لكلام علا: طيب ليش انا من بين البنات ليش ماحكيتي مع نوره مثلا

علا: ذوقك حلو ويالله الرصيد بيقفل

ساره حنت عليها: اوكي بس اي مجمع

علا: غرناطه وبكلمك لاوصلت
باي

ساره: باي

ساره بعد ماقفلت انا ما ادري مع هالبخل اش تبي تشتري من السوق ههههههه

طالعت بالاب توب: حبيبي صطيف شكل مالي نصيب اشوف هالحلقه هههههه

.................................................. ......
لا اله الا الله..لا اله الا الله..
.................................................. ....


هند واقفه قدام المرايه المكسوره
تمشط شعرها وتغني :
شيلي الطرحه عن الوجه السموح...
واملكي.. ههههه وناسه
(هند بتنجن من وناستها..هههه)

قربت من المرايه معقول اعجبك ياطلال ..الا باعجبه

قاطعتها امها : بتعجبينه يابنيتي وين بيلاقي وحده بزينك

هند انحرجت لان امها سمعتها وجت بتروح
قال: خذي هديه في الصاله مرسلها لك طلال

هند سمعت كلمة هديه من هنا وجمدت بمكانها من هنا وهي تحاول تستوعب هي ايش سمعت

مرت ثانيه ثانيتين خمس وهند جامده مكانها

ماتدري شلون وصلت عند الهديه فتحتها وهي تحس حالها تحلم وخايفه بحركه تصحى من هالحلم

الهديه كانت جوال n73

هند حست حالها ابتلشت : ياربي كيف اشغله ما اعرف مالي الا بنت جيرانا عبير تعلمني اشغله
طالعت بالجوال: الله ياحلو شكله جنان ...


.................................................. ......
لا اله الا الله..لا اله الا الله..
.................................................. ....

في السوق..

ساره: انثبري ..

علا: طيب مو عاجبني

ساره: لاتصيرين دقه قديمه اسمعيني والا بتركك بالسوق لوحدك

علا : مو بكيفك وبعدين غالي حرام فلوس اخوي

ساره : بجد انتي تطفشي الله يعين اللي يروح معك

علا حطت يدها على خصرها ولفت وجهها: ماضربتك على ايدك ..
وبعد ماخلصت كلامها رجعت لفة على ساره : وينها وين راحت هالمجنونه هذيك هي

نادتها : سامي سامي وجع وقفي الناس تطالع سامي عاد

ساره بعد ماوقفت: ايش تبين

علا : ابيك معي بضيع لوحدي

ساره: ارجع معك بشروطي

علا(انا ايش ورطني فيك):
وشهي

ساره: رايي ينسمع انا مو بوديجارد معك

علا: خلاص بس تحركي فشلتينا


يتبع

مجنووونة almaha ©؛°¨غرامي جديد¨°؛©

تابع البارت الرابع
ساره: انا باقي ماخلصت شروطي

علا : اشرطي ذليتينا

ساره: حضرتك ماسكتني تفرفر من العصر وانا مت من الجوع متى بتعشيني بيصيدني فقر دم بسبتك...

علا: اول نخلص بعدين نتعشا...

ساره: نو نو نو العبيها على غيري ما اتحرك من هنا الا عالمطعم سيييييده..سامعه عالمطعم

علا : طيب يالله تحركي عالمطعم عالمطعم ..وجت بتمشي..

ساره مسكت يدها: المطاعم من هنا هههههههه...


.................................................. ......
لا اله الا الله..لا اله الا الله..
.................................................. ....

نهى ميته ضحك : منى منى

منى كانت سرحانه (تتوقعون فمين هههههه)

نهى تحرك يدها بوجه منى : ياهوه اللي ماخذ عقلك

منى نزلت يدها : شعندك

نهى : بس رساله من المزعج

منى: ايش اللي مرسله

نهى : ( ردي والا بطلقك )

منى : هههههه وش ذا الحظ تزوجتك وبطلق وانا مادري

نهى : احس انه يعرفنا ودي ارد

منى بتهديد : نهى جوالي ماينرد فيه على شباب

نهى : انا قلت ودي ماقلت برد اوف وطلعت

منى طالعت بجوالها : وربي اهبل

.................................................. ......
لا اله الا الله..لا اله الا الله..
.................................................. ......


رمت علا الاكياس بالسياره وركبت : اوف

فارس : هذيك خويتك

علا : اي هذيك

فارس : حلوه سيارتهم وشغل سيارته

علا وهي معصبه : وحده ابوها دكتور اكيد بتركب سياره كشخه

فارس: وتدرس معك بمدرسه عامه بثالث ثانوي

علا: مايهمها المهم تكون مع صديقاتها ولاعاد تسألي ترى واصله معي

فارس ببرود : ليش

علا : لا ولاشي

فارس بقى ساكت لين ماوصلها

عند باب البيت علا : صح نسيت

فارس : وشو

بدأت علا تفتح بالاكياس: دقيقه

فارس يطالع : شي تدوري

علا : اخيرا لقيتها خذ

فارس : ساعه الله مره حلوه
ما كنت ادري انك ذوق وتذكرتيني

علا: غصب عنك ذوق عجبت خويتي وقالت ليه ماتاخذينها لاخوك

فارس: يعني مو منك

علا: ايوى بصراحه انت عطيتني الفلوس لي مو لك بس انغصبت عليها

فارس: هههههه اشكريها عني وقوليلها مره ذوق..

علا : لو قلت لها كذا بتضحك علي وتمسكني تريقه اناغلطانه اخذتها معي هي بنت رابيه عالصرف متعوده تتذكر اخوانها لما تتسوق ...وهي تاخذ اكياسها..فلا تصدق نفسك..وراحت

فارس يحاكي روحه : ياليتها اختي ههههه
وش اختي بركي صار نصيب ههههههه..


.................................................. ......
لا اله الا الله..لا اله الا الله..
..................................................


هند نامت وهي ضامه جوالها (البنت مو شايفه خير ههههه)

ماهي مصدقه متى اليوم الثاني يجي ..

بالعصر...

هند : سلام..

عبير : اهلين تفضلي..

هند : لاوالله مستعجله ما ابي اجلس..!

عبير: بغيتي شي؟

هند: شريت جوال وابيك تشغلينه لي..

عبير: هذي يبيله جلسه اجلسي مسويه حلا وبذوقك منه..

هند: طيب اوكى..

عبير : شوي واجي..

هند بعد ما تقهوت : وين امك؟!

عبير: زايره وين جوالك..؟

هند طلعت جوالها : شغليه وعلميني استخدمه....

عبير : الله حلو جوالك من جابه لك خطيبك ..؟

هند(الاخبار في هالحاره تنتشر بسرعة الصاروخ زين انها مي بمدرستي): .....

عبير : هند اشفيك..؟

هند : ها..

عبير : لاتنحرجي حنى خوات الا هو ايش اسمه...

هند(بدينا بالتحقيق الصحفي): طلال شغلي الجوال انا مستعجله...

عبير : جوالك في شريحه

هند: والله مدري

عبير : الا هذي هي شكل اللي ارسلك الجوال مجهزه من جميعو حتى البطاريه مشحونه

هند (ياعيني بدينا بالحسد الله لايحرمني منك ياطلال): ...

وبدت عبير تشرحلها وهي فرحانه لها اما هند بقلبها (الله يلعن الفقر اللي يخلي عبير تسوي فيها فهمانه علي)...هذا آخر المعروف ههههههههه


.................................................. ......
لا اله الا الله..لا اله الا الله..
.........................................

يتبع

مجنووونة almaha ©؛°¨غرامي جديد¨°؛©

اتمنى اشووووف ردود وانزل بقيه البارت

هادئه بس بالاساس داهيه ©؛°¨غرامي جديد¨°؛©

iهااااااااااااااااااااااااي

كيفك

بصرررررررررااااحه الروايه روووووووووووووووووووعه

بنتظار البارت غلاتو

مجنووونة almaha ©؛°¨غرامي جديد¨°؛©

المشاركة الأساسية كتبها هادئه بس بالاساس داهيه اقتباس :
iهااااااااااااااااااااااااي

كيفك

بصرررررررررااااحه الروايه روووووووووووووووووووعه

بنتظار البارت غلاتو
انتي الاروع


شاااكره مروووورك

واطلالتك


البنت الذي كويسة ©؛°¨غرامي نشيط¨°؛©

روايتك جميلة

واتمنى تستمري

لانك بتلاقين متابعين خلف الكواليس عجزانين يردون

انا بانتظارك

مجنووونة almaha ©؛°¨غرامي جديد¨°؛©

المشاركة الأساسية كتبها البنت الذي كويسة اقتباس :
روايتك جميلة

واتمنى تستمري

لانك بتلاقين متابعين خلف الكواليس عجزانين يردون

انا بانتظارك
مشكووووووووووره ع المروووووووووور

سعيده بمتابعتك

بنشر اشاعه واقووول خلص العرض عشااان اللي خلف الكواليس يظهروووووووووا >>وش رايك


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1