منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   رواية بنات%بنات / بقلمي (https://forums.graaam.com/297797.html)

مجنووونة almaha 10-04-2010 07:07 PM

رواية بنات%بنات / بقلمي
 
طبعاا انا عضو جديد
لي روايه باحد المنتديات نزلتها لي احدى صديقاتي
وانا حابه انزلها بهالمنتدى
بس ابي متابعه
لاني انا اللي برد عليكم




انا بنزل الن اول بارت
عشان تفهمون الروايه عن ايش تتكلم
بس لا تحرموني ردودكم

يهمني النقد البناء



بنات %بنات




ان شاء الله تعجبك
اتركك مع الروايه قراءه ممتعه




**بنات%بنات**



الكاتبه: مجنونة ألمها



......الجزء الاول......



ساره: والله يحبك والله يحبك
منى:الله يسعدك لاتعطيني امل ما اظن
ساره: اطلع من نفسي انا اطلع من نفسي انا



(لاتستغربون ساره ومنى في المدرسه الثانويه وهذا اسلوب ساره عربجيه كانها ولد )



منى سكتت تفكر معقول كلامها صح(منى عاشقه مساعد ابن جيرانهم)



في نفس الفصل لفت هند على علا : علا طالعي ارسلتلي رساله مادري كيف تحطهم بشنطتي
علا:والله خليني اشوف
هند عطتها الرساله وهي مو مصدقه حالها (هي بنت حلوه بس ماعندها ثقه بنفسها تتمنى البنات يحبوها لهسبب تحب تلفت انظار البنات بس ماحصلت اللي يعطيها وجه الا هالمره ومو مصدقه حالها)



نرجع لعلا اللي بدت تقرا الرساله مع نوره اللي دخلت معاهم عالخط وهي تقول لهند : من هذيك ماغيرها*_^
ضحكت هند وقالت : يس يس
رجعت نوره تقرا الرساله:



(ضمني ضمه حبيبي واروني من فيض حبك والحنان



ضمني ضمه عشيق وارحم احساسي بكل وقت وبأي مكان



ضمني ضمه تحسسني بأني موت احبك تخليني اعيش العمر بكل امان



حط يدك على يدي حط راسك على صدري
وبغني لك اكيد اني بغني لك اجمل احساس على عود وكمان



واذا نويت انك تروح وتثير الآلم وهموم وجروح وتترك القلب الي يحبك يبكي اوإنه ينوح



لا تضمني
لاتضمني




انا بضمك
بس ضمه ح.·°°·._.·°°·.ب

تخليني اعيش العمر كل العمرعلى دمعه

(دمعه حزن دمعه عشق)

باختصار دمعه معناها :
ان العمر من بعد حبك هو ضياع



¤إهداء خاص¤
لعيونك هنوده ...حياتي ديري بالك على روحك...)



طالعت علا بهند وقالت: قليله ادب وماعندها اخلاق مره كلامها قوي



ضحكت هند وقالت: عادي



نوره:طيب ماعرفتيها



هند: نو ماقالتلي من تكون بس انا شاكه بسته كلهم من اولى ثانوي



نوره وهي تضحك : شوي ويصورون فريق كوره



علا ماكانت تبي تتكلم خايفه تضحك



هند: هههههههه والله مامزح كل شوي وحده منهم فاتحه باب الفصل تطالع فيني وتقفل
ما انتبهتو...[وقبل مايجاوبوها اخذت الرساله ولفت على منى وساره تخبرهم بالرساله]



واول ما لفت نوره وعلا:
هههههههههههههههههههههههههههههههه
رجعت ناظرت فيهم هند عطتهم نظره قالت فيها ليش تضحكون
قالت هند تصرف: نوره ماتبطلين سوال..(قاطعهم صوت المدرسه : نوره علا من غير صوت)



سكتوا وبقلوبهم ماتركوا مسبه ما قالوها لابلا ناهد ابلا شايفه عمرها مع ان بينها وبين قبرها شخطه وماسكه بالوظيفه هذا حال الابلات القداما الوحده ماتتقاعد لين تموت ...



دخلت ابله سهى: سلام (من غير نفس)طالعت في البنات وقالت علا وهي مبتسمه اجمعي الدفاتر وطلعت



ساره شدت شعر علا وقالت: اقص يدي لو ماكانت تحبك



علا: وقفت تجمع الدفاتر ولما وصلت عند ساره ضربت رجلها وقالت: سامي(اسم ساره الشائع عند البنات) اترك سوالفك وبلا هبل



ساره: اي وجعتيني اصلا هذا كلام البنات كلهم لاتخجلي ياحيات..قاطعهم كمان صوت المدرسه: علا جمعي الدفاتر من دون كلام
حقرتها علا وكملت تجمع الدفاتر



.................................................. ......
استعفر الله..استغفر الله..
.................................................. ......



في ساحة المدرسه:



علا وساره ونوره:هههههههههههههههههههههههههههههههههههههههههههه هههههههههههه
علا: انا قلت لبنت خالتي تثقل العيار على هند بس مو كذا ضمني وضمني هههههههههههههه



ساره: والله بنت خالك زاحفه تستاهل هند الاخت عامله فيها جقل كل البنات يحبوها سخيفه



نوره: تخيلو منظرها لما تدري انه مقلب



ساره: الله هذا احلى فصل في المقلب وضحكة وهي تتخيل هند مصدومه مافي معجبه مقلب وهي تضحك لفت وياليتها مالفت




شافت بنت اسمها خالده (ناعمه مره وحلوه ودائما معاها بنتين ضخمات كأنهم بوديجارد )



رجعت لفت ساره ماتبي تشوفها لكن سمعت خالده تناديها:سامي ابيك شوي



حقرتها ساره وعطتها نظره قالت فيها اكرهك ياثقل دمك ضفي وجهك:مشغوله



نوره وعلا بعد حقروها وقالوا: يالله سامي وسحبوها وراحوا



خالده للبنات اللي معاها: بجيبها بجيبها
صاحباتها: انتي قدها



علا: لاتسمحين لها بكلمه حتى رد لاتردين عليها حقريها وامشي هي متحديه البنات انها بتخليك تحبينها



نوره:انا عندي الحل اللي بيربيها



ساره:وشهو؟!



نوره:بكرا بخبرك
.......... .......... .......... .......... ..........استغفر الله ..استغفر الله..
.......... ........................................



آنتهى الدوام
ركبت هند سيارة ابوها وقفلت الباب وهي معصبه
ابوها:انتظرتك كثير كل البنات طلعوا



هند: انا مو قايلتك اتأخر والاتبي البنات يشوفون سيارتك وتفشلني



ابو هند: انثبري ولاسمع صوتك



هند سكتت ماتقدر تقول شي



.......... .......... .......... .......... ..........
استغفر الله..استغفر الله..
..................................................



رجعت منى للبيت واول مادخلت غرفتها فتحت جوالها وضمت مخدتها وهي تغني قول الو الو ماتقولشي نو ......
اوف هذا المزعج مرسلي رساله



اختها نهى: والله هذا مامل ماطفش



منى:تصدقين تعودت على رسايله



نهى نطت على سرير اختها وناظرت بعيونها : لا نكون حبينا......



منى ناظرت بالسقف وكأنها راحت لدنيا غير دنيا مافيها غير منى ومساعد بعد كذا ناظرت بأختها وقالت : مستحييييل...... سامعه...... مستحييييل...... مافي قلبي غير مساعد فديته وفديت ضحكته



نهى: مالهم الا كم شهر من سكنوا جنبنا مسرع حبيتيه......!!



منى: اول ماشفته سحرني اكيد مسويلي عمل ههههههه



نهى: ماكلا عندهم شي ههههههه



منى:سامي قالتلي انه يحبني



نهى: ايش عرفها



منى: لما خبرتها شلون يطالعني



نهى: اها نامي نامي



منى: الحب عذاب
نامت من تعبها
(تدرون ثالث ثانوي وعلمي هم الدراسه وهم الحب الله يعينك يامنى ههههههه وبما انها نامت خلوني اوصفلكم شكلها هيا بنوته حلوه سمراويه لكن ملامحها جذابه عيونها واسعه قامتها طويله )



.................................................. ......
استغفر الله..استغفر الله..
.................................................. ....



نوره جالسه بغرفتها تبكي تسمع اغاني النكد وبكت اكثر لماسمعت مقطع من اغنية



حماده هلال دموع
(نسكت.. ونصبر روحنا.. تصرخ.. قوانا قروحنا..
دايما اوقات احزانا ..
اكثر من وقت فرحنا..
ماشين في طريقنا وسكتنا..
راضين بنصيبنا ...)
حستها جت على جرحها
صرخت جواها اسأله كثير
ليش يايبه؟ ليش ترميني ؟
ليش انا مو بنتك؟



حست براسها بينفجر
نامت وهي تتمنى ان اللي تعيشه حلم وبتصحى منه



.................................................. .................................................. ....




علا بهالوقت تذاكر المهم الحين الشهاده ...... الشهاده وبس
(علا بنت تحب الضحك والوناسه لكنها تخفي ورها هم ماينلم ابو قاسي وام ماتعرفها لان ابوها طلقها لانه طفش منها وحاب يغير عنده الحين اربع زوجات وهو في الحقيقه تزوج عشر لكن طلقهم)



(علا ملامحها قاسيه تعكس قساوة الحياه اللي عايشتها بس قساوة ملامحها عطت شكلها جمال موعند غيره)ا




.................................................. ......
استغفر الله..استغفر الله..
.................................................. ....



ساره كسرت الجوال دق على نوره بس من دون فايده فارسلت رساله لنوره



(الله يسخطك ياتراب ردي لاجيك الحين اصفقك ) ...تتوقعون بترد هههههه...



نوره بدنيا غير الدنيا ولماشافت المسج عرفت ان ساره وصلت معها فارسلتلها
(مافيني احاكيك) هذا اللي قدرت تكتبه



عرفت ساره ان نوره فيها شي قلقت عليها وتمنت يجي بكرا بسرعه عشان تشوفها وتفهم منها..........




.................................................. ......
استغفر الله .. استغفر الله..
.................................................. ....



يوم جديد
الجو حلو باقي الشتا مادخل
الهوا يلعب بشعر ساره القصير وهي جالسه على الدرج وتطالع في البوابه
تنتظر نوره بفارغ الصبر رفيقة دربها متضايقه ولازم تعرف اللي مضايقها عشان تساعدها ولو بكلمه(والله وطلعت شهم ياسامي ههههههه)



قعدت جنبها علا وهي تضحك : شفت منى اليوم طاحت بالشارع قدام سعودتها(دلع مساعد)هههه



قاطعتها ساره : ممكن تضفي وجهك لانها بالعربي قافله معي



علا: ماعندك مفتاح هههههه
صرخت ساره: علا



علا قالت: خلاص خلاص بروح



رن الجرس ونوره باقي ماجت اكيد غابت
.................................................. ......
استغفر الله..استغفر الله..
.................................................. ....



في الفصل



ساره: علا تهقين ليش غابت نوره.



علا: ما ادري



ساره: والله مشغول بالي عليها



علا: عادي مو اول مره تغيب ليش شاغله بالك



ساره هزت راسها وقالت صح مو اول مره تغيب



علا: تصدقين مسويه خرمه هههههه



(ساره مدفن اسرار صديقاتها يعني لو لنفسها ماتفشي السر طبيعتها العربجيه السبب فيها انها عايشه مع اخوانها السته فصارت عربجيه بالفطره ههههههه)



.................................................. ......
استغفر الله..استغفر الله..
................................................



في ساحة المدرسه......



ساره: اوف متى ينتهي الدوام مليت



مريم(زميلتهم بالفصل): وليش



علا: من دون نوروا المدرسه مالها داعي



مريم: نوره هههههه
نوره هههههه



ساره صرخت بوجها : انتي خير ان شاء الله تضحكين اذا ماسكتي اسكتك بكف على وجهك......(البنات متعودين على اسلوب ساره ومايزعلون منها)......



مريم: اعصابك سامي انا بس تخيلت شكل نوره وهي عروس ههههه



علامة استفهام كبيره على وجه علا وساره



مريم : اشفيكم ليش ماتدرون ماقالتلكم امس كانت ملكتها على واحد من جماعتنا......



ساره فهمت ايش اللي في صديقتها شاغلها المعرس..ابتسمت للفكره وانعدل مزاجها وقالت:بكره بفتح محضر مع المدام نوره هههههههه



جت خالده النكد ونادت ساره: حياتي سامي مابسمحلك تتهرب مني اليوم ضروري نحك..(قاطعها صوت الجرس)



ساره اشرت لها سمعت صوت الجرس وتركتها وراحت



خالده: ok‏



.................................................. .....
استغفر الله ..استغفر الله..
..................................................



اول ماوصلت ساره البيت مسكت جوالها ودقت على نوره ..مافيها صبر تنتظر لبكرا..



هديت نوره واول ماشافت اسم سامي ابو الشباب في شاشة جوالها ابتسمت وردت : الو



ساره..حست صوت صديقتها متغير
: الو بدري كان مارديتي



نوره: سامحيني بس كنت تعبانه



ساره: امحق تعبانه انا كنت خايفه احصل الخط انتظار بس قلت اكيد الحبيب يفهم مابيدق بالظهر



نوره اندهشت : حبي !!!! ب



ساره : استهبلي اقول استهبلي لا من جد بتزعليني انا آخر من يعلم



نوره تذكرت الكابوس اللي تبي تنساه او بالاحرى تتناساه لانها قريب بتعيش ليل ونهار
بكت ماقدرت تمسك نفسها



ساره سمعت صوت بكاها وفهمت ان الموضوع في سر : نوره حياتي اش فيك نوره اسمعيني حبيبتي احكيلي انا مو خويتك ياقلبي لاتخليني ابكي معك



نوره والبكي خانق صوتها : ابوي.....ابوي......



ساره: احكي ياقلبي اسمعك



نوره:.......



ساره: نوره وينك؟!



نوره: انا معك



ساره: طيب احكي ماعندك ثقه فيني



نوره ردة بسرعه :لا والله كلي ثقه



ساره: طيب ليش ماتحكي



نوره قررت انها تتكلم مابتلاقي مدفن لهمها احسن من ساره قالت والحزن مالي صوتها : ابوي يبي يزوجني ......قا......تل......



قاتل...هالكلمه خرمت اذن ساره وآلمت راسها ...شلون؟؟؟؟ وكيف؟؟؟



نوره والعبره خانقتها : كان بالسجن خمس سنوات قبل ما يعفوا عنه اهل المقتول ......



ساره كانت ساكته وهي تسمع الصدمه خدرتها...



كملت نوره: وزواجي بيكون بالعطله بعد ماينتهي هالترم...ورجعت تبكي......



ساره تبي تضحكها وتخلي الوضع هادي: افا يعني بتتزوجي وتتركينا خاينه مو انا قايله اول وحده بتزوج انا ......!



نوره ابتسمت في البدايه بس لما تخيلت منظر سامي وهي حاطه الطرحه ......وانفجرت بالضحك لما قالت ساره: واول وحده بتصير ام



نوره: سامي ح !؟ امل هههههه



ساره بقلبها (ايوه يازين هالضحكه فديتها ): اجل حلال عليك وحرام علينا......!



نوره: لاوالله مو حرام بس ماتركب



ساره ودها تغير الموضوع : اقولك اليوم الصمغ الامريكي (خالده) نطت بوجهي بس جرس الفسحه رحمني
......
نوره: اي والله صمغ امريكي ياشينها لما تناديك ..بنفس نبرة صوتها قالت..سامي



ساره: والدبره البنت هذي لازم تتربى مو انا اللي تاخذني تحدي



نوره: انا اقول انتي عطيها وجه



ساره بدهشه: ايش؟؟
انا اعطي وجه لصندوق الخوخ
المعفن......!!



نوره:هههههههههههه
انا ادري انك بتكرهين نفسك لانك معها وانتي موتعوده تتكلمين مع بنت تحبك وتحبينها..اقصد المفروض انك تحبينها......



ساره: لا ماودي اخاف تجي تسلم اعطيها كف يلف وجها ويعدل فمها الاعوج.......



نوره: انا ما اطيقها بس ابيك تسوين كذا وبعدين بتشوفين كيف بتردين كرامتك ..وتنتقمين



ساره سكتت......



نوره : انا بكون معك......



ساره باستسلام لانها واثقه ان نوره
مستحيل تفكر تضرها: اوكى والحين طسي ابي انام والرصيد على آخر نفس



نوره: ههههههه بايات



ساره : بشوفك باي..



.................................................. ......
استغفر الله..استغفر الله..
.................................................. ......




في المدرسه ساره تركض(ولد) للبوابه اول ماشافة نوره داخله المدرسه وقبل ماتشلح نوره عبايتها ضمتها......ضمت جروحها......ضمت آلامها......كان ودها تقول لها انا معك ......
طالعتهم خالده اللي تبي تنفجر من غيرتها لان تفكيرها دائما
شريف ههههههه ....
نوره : ساميوا اللي يشوفك يقول لك سنه مو شايفني...



علا وصلت متأخره : اهلين بالعروس



نوره ابتسمت ودها تخفي حزنها



علا: شلون تخلي سامي يضمك ماتخافي على سمعتك ههههههه



نوره طالعت بساره اللي ميته ضحك على كلام علا : سامي لازم تصلح غلطتك وتتزوجني هههههههه



ساره: كنت اتزوجك بس مغصوب على بنت عمي ههههههه



كملوا البنات استهبال وضحك حتى رن الجرس



.................................................. ......
استغفر الله..استغفر الله..
.................................................. ..



.................................................. ......
استغفر الله..استغفر الله..
.................لاتبخلوا علينا بالردود

Cookie Monster 10-04-2010 08:19 PM

رد: رواية بنات%بنات/ بقلمي
 
حلو البارت مرررررة.
و بانتظار البارت الجاي

لحظـة مـرح 10-04-2010 08:30 PM

رد: رواية بنات%بنات/ بقلمي
 
تسسسلمين يا هعسسسسلل
بانتظار البــآرت الثاني

رواية حلووة

مجنووونة almaha 10-04-2010 09:28 PM

رد: رواية بنات%بنات/ بقلمي
 
اقتباس:

المشاركة الأساسية كتبها swaer (المشاركة رقم 11004833)
حلو البارت مرررررة.
و بانتظار البارت الجاي

شاكره لك مرورك

مجنووونة almaha 10-04-2010 09:34 PM

رد: رواية بنات%بنات/ بقلمي
 
لحظة مرح شاكره لك مرورك
يعطيك العافيه
البارت قريب جدا

الزعيـ A.8K ـمه 11-04-2010 02:46 AM

رد: رواية بنات%بنات / بقلمي
 
,’



بسم الله


يعطيك العــافية
موفقة إن شـــاء الله


https://forums.graaam.com/238622.html


,’

مجنووونة almaha 12-04-2010 11:17 PM

رد: رواية بنات%بنات / بقلمي
 
الله يعافيك اختي

مجنووونة almaha 12-04-2010 11:18 PM

رد: رواية بنات%بنات / بقلمي
 
البااااااااااااارت بنزله بكرا

مجنووونة almaha 13-04-2010 02:34 AM

رد: رواية بنات%بنات / بقلمي
 
**الجزء الثاني**
في الفصل..

علا كانت تطلب من ساره تشرحلها مسأله بالرياضيات

ساره لفت ومسكت الدفتر وقالت اتخيليني ابلى سهى علشان تركزي هههههه

علا: لابفهي مابفهم شي هههههه

ساره: مسكتك يعني انتي تحبينها

علا: والله انك فاضيه انا احسها اختي وهي تعاملني باحترام سامعه احترام

ساره: أي يا ركبتي هههههه

علا: ان شاء الله لاصدقتي انا ماقدامي الحين الا الجامعه لازم ادرس

ساره:طب اطفال صح

علا بلمعة الم في عيونها: خلي ابوي يوافق ادخل الجامعه

ساره: ليش مايبيك تدرسين طب عشان الاختلاط

علا: لا طب ولا غيره بس اخوي وعدني يساعدني

ساره: كيف

علا: ماسألته اول انجح واجيب النسبه بس اكيد حتى لو دخلت اخوي مابيسجلني طب

ساره حست بالم صديقتها وقالت: ممكن تنتظريني اروح اخلي ابلا سهى تشرحلي المسأله و بعدين اشرحها لك
*_^

علا: لا خلي خوخه تشرحها لك
*_^

ساره: ولي يرحم والديك لا تجيبين سيرتها اخاف تطلعلي من الدفتر

علا: هههههه

ساره بدت تشرح المسأله (كم تتوقعون مسبه بتاكلها علا الين ماتفهم المسأله هههههه)

.................................................. ......
الحمد لله..الحمد لله..الحمد لله..
.........................................

بدا الدرس ( حصة ابلا ناهد العجوز تذكرتوها )

الابلى: هند اطلعي حلي المسأله

هند(ودها تلفت انتباه البنات):انا

الابلى: اجل انا

علا: لا انا

الابلى: علا اوقفي

علا:انا ماسويت شي ليش اوقف

الابلى: بعد تسألي اوقفي اشوف

علا: المضلوم للجنه ..وقفت

الابلى: يالله ياهند اطلعي

هند: مافي غيري بالفصل بس هند هند

الابلى: بلى كثرة كلام اطلعي

هند رفعت اصبعها: انا سكت لك كثير وعلى قولت حامد زيد احسن دوى للي يحاول يستفزك احقره

الفصل انفجر ضحك والابلى ابتلشت ومن دون ماتفكر انزلو عند المديره

ساره: انا اقول كل واحد يصلح سيارته

والبنات رجعوا يضحكوا

ساره علا هند لتحت

ساره: تحت والا فوق هههههه

(البنات كلهم ضغوط ومالقوا الا هالعجوز يفرغوا ضغطهم فيها)

البنات نازلين من الدرج
هند: يوه الحين اكيد بننضرب

ساره: اذا مو قد الحركه ليش تسوينها

هند عوجت فمها : هي كانت بتمشي من دون مديره بس انتي وخويتك ثقلتوها

ساره حطت يدها على كتف علا وقالت: انتي دبري عمرك احنا عندنا واسطه ابلى سهى مايهون عليها تشوف علا تنضرب

علا وساره مشوا ينزلوا وساره تدرب علا عالكلام اللي بتقوله : سوي نفسك مضلومه وحاولي تصيري ناعمه ادري مايركب عليك بس جربي وضبطي شكلك وطلعت عينة عطر من جيبتها وعطرتها وقالت :انا بكون معك عشان تدافع عني وعنك

علا(بنعومه) : ابلى انا ماسويت شي بس لان هند استهبلت عصبت ونزلت كل اللي واقفين..كذا اوكى..

ساره:يس خلي هند تتعلم كيف تعوج فمها لما تحاكيني

طبقوا الدور وانتهت العمليه بنجاح ابلى سهى كلمت المديره لانها ماتتعاطى مع ابلى ناهد وحلتها

ساره وعلا دخلوا يضحكوا
:فيتامين واو عمل شغله وهند انضربت لدرجة اني افكر افتح مخبز في المدرسه والفرن جاهز ..يديها..ههههه

.................................................. ......
الحمد لله..الحمد لله..الحمد لله..
............................................

ساره ماشيه مع نوره اللي ساده اذونها لان ساره تغني بصوت عالي ماهي شايفه احد
(ياصاحبي وش فيك ..قاعد لحالك..
ليكون متضايق .. ومشغول بالك..
دخلت معاهم عالخط منى وكملت الاغنيه
ياصاحبي ضاقت عليا الليالي..
واللي شغل فكري وبالي..

نوره: خلصنا من محمد عبده طلعلنا عبادي الجوهر

منى: لاخالد عبد الرحمن لو سمحتي هههههه

ساره سمعت اسم خالد عبد الرحمن الا جاها الطرب وسلطنت ( ودعت جرحك للاب.. ماتركتها نوره تكمل سدت فمها
اشرت لها ساره مابغني خلاص

منى ضحكت وقالت : سامي امس شفت مباراة الهلال

ساره: حركات من متى تسألين عن المباريات وهلاليه ابدا مارح نتفق

منى: اتابع المباراه بس علشان اشوف ياسر

نوره: يالخاينه وسعدون

منى: اولا اسمه مساعد

نوره: بدلعه مالقيت الا هالاسم

ساره: دلعيه سع سع هههه

منى: اصلا اسمه كله دلع
ثانيا انا اشوف ياسر لانه نسخته احس اني اشوف مساعد لما اطالع فيه

نوره: يا خطيره يشبه ياسر ياسر اللي رقمه عشرين لاتكوني مخربطه بخالد عزيز هههههه

ساره: اكيد ياسر والا البنت ماحبته وانهبلت لدرجة انها طاحت قدامه في الشارع

نوره فرطت ضحك
ومنى علامة استفهام كبيره على وجهها: مين خبرك

ساره : العصفوره هذيك شافتك وخبرتني واشرت بيدها للسما

منى: يعني مارح تخبريني

ساره: زين انك فهمتيها

منى: سامي نوره لاتخبروا احد والله اني للحين الم وجهي قدامه ومانلم

ساره: ماعندكم مكنسه ههههه

نوره: قوليلنا السالفه واحنا مانفضحك

منى باستسلام :بس عثرت بالعبايه

ساره: ليش عثرتي بالعبايه

نوره: اكيد كانت مفهيه

ساره: دوري لفظ اجمل مو مفهيه مثلا قولي مسطله

منى حست ان ساره ونوره مابيبطلوا استهبال تركتهم:سي يو

نوره وساره جلسوا تعبوا من المشي الوقت هذا حصة نشاط بس المديره طلعتهم الساحه

نوره: شوفي مين اللي جاي

ساره: لا سندوق الخوخ

نوره : مثل ماوصيتك

ساره: ما اقدر

نوره: اسمعي كلام..

قاطعتها خالده: هاي سامي

ساره وهي تحاول تضغط على نفسها: هاي

خالده: كيفك

ساره وهي ودها تعطيها كف يدورها شوارع الرياض كلها:تمام

خالده وهي مومصدقه ساره ترد عليها بعد ما كانت تحقرها وتمشي وبدون ماتحس : سامي

ساره بقلبها ( يلعن ام الهبل) بس ماردت بس عطتها نظرة قالتلها فيها وانا ويني

نوره ودها تضحك على ارتباك خالده

خالده انقلب وجهها احمر من الاحراج : كنت ابيك نحكي لوحدنا

ساره الحين عصبت وصرخت فيها: ماباقي الا تطردين خويتي

نوره ساكته تدري ان ساره مابتترك خالده تغلط وتسكتلها

خالده: انا قصدي بكرا فضي نفسك عشاني

ساره طالعت بنوره ضغطت على اعصابها ومن دون ماتطالع بخالده: اوكى

خالده ابتسمت ابتسامه عريضه وراحت لصاحباتها : بنات بكرا انا محضرتلكم مفاجأه بغ سوربرايز هههههه

بهالوقت ساره تعبت نوره بالاسئله شلون وليش وكيف

الموضوع مره صعب على ساره بس نوره معها

نوره: اتغزلي فيها في البدايه يعني شكلك حلو ..مفتحه.. وبعدين هي رح تفكر انك وقعتي بغرامها واكيد مابتتركك تتكلمين هههههه
قبل مانسى رقمك لاتوصلوا

ساره سكتت وهزت راسها اكيد

.................................................. ......
الحمد لله ..الحمد لله ..الحمد لله..
................................................

في الاستراحه ..


راشد مع فارس خويه

رن جوال فارس بنغمة نوكيا العاديه طالع بالجوال ولف على فارس : عن اذنك

فارس وهو مبتسم:خذ راحتك

راشد: الو هلا يبه

ابو راشد: هلا اسمع انا كلمت مدير الشركه وافق ينقلك لقسم ثاني

راشد: الله يعطيك العافيه

ابو راشد: يالله فمان الله

راشد: فمان الله

رجع راشد لفارس
فارس: كنت تحاكي زوجتك

راشد: يعني اهلها بيرضوا

فارس: عادي جدا

راشد: ماكنت ادري وبيني وبينك مابي اكلمها

فارس: ليه لازم عشان تفهمك وتفهمها

راشد ماوده يقول ان ابوه غاصبه على نوره بس هو رضى لانه مستحيل يتزوج الانسانه اللي يحبها لانه قاتل اخوها: مايهمني

فارس: والله زين رجعوك لوظيفتك

راشد: الامير طول الله عمره رجعني وابوي كلم المدير ونقلني عن القسم اللي كنت فيه

فارس: والله زين

راشد: اسعدني هالشي كثير ماقدر اكون في ذاك المكتب يذكرني ..بلعمة حزن..بالمرحوم

فارس فاهم ان صديقه غلط وحزن على صاحبه اللي قتله بيديه اكثر من اي احد وبقى معاه مع ان كل اصحاب راشد تركوه بعد اللي صار ...

.................................................. ......
الحمد لله..الحمد لله..الحمد لله..
...........................................


نوره نايمه..
امها دقت الباب..
(نوره..نوره قومي..يالله)

نوره : يمه وش تبين ابي انام

امها: افتحي اول

نوره حطت المخده على وجهها وبعدين رمتها بقرف : طيب

نوره فتحت الباب

امها: البسي بنروح السوق زواجك مابقى عليه شي

نوره: باقي شهر ونص

امها: ناسيه امتحناتك

نوره رمت نفسها على السرير : جيبوا اللي تجيبوه ماتفرق

امها: ...... خلاص بس لا ترجعين تقولين ماعجبني.....

نوره بابتسامه قهر: من متى قلت ماعجبني وأحد سمعني

امها فهمت على تلميحاتها ومن دون ماترد طلعت وقفلت الباب

.................................................. ......
الحمد لله..الحمد لله..الحمد لله..
......................................

منى جالسه بالصاله تقرا رساله جديده من المزعج ماغيره ..وتضحك.. ( انا واقف على حافة عمراتنا ياتردين يا انتحر )

دخل اخوها محمد : منى جهزي الشاي والقهوه المهايطي عندنا

منى وهي رايحه المطبخ : اي واحد فيهم ياكثر المهايطيه عندك

محمد: مساعد

منى دخلت المطبخ وابتسمت ابتسامه عريضه : قلبي بمجلسنا ياويل حالي بموت

نهى مرت من جنبها تدخل المطبخ : من اللي يبي يريحنا منك وبيموتك

منى دزت نهى: بدل ماتقولين بسم الله عليك.. وبدت تجهر الشاي والقهوه

نهى: ول ماتلقين مزح

منى : هههههه لا تلوميني متوتره حبيبي في بيتنا

نهى : حركات وش عنده

منى : ما ادري حاولي تسحبي من محمد كلام

نهى ضربت صدرها بيدها : انا لها

منى باست خد اخدتها : مشكوره حياتي

جهزت منى الشاي والقهوه وارسلتهم

في المجلس..
مساعد يسولف ويضحك مبسوط في بيت حبيبته

محمد مو مصدق متى يروح بس يتحمله ويجامله لانه ضيف عنده

بعد ماروح مساعد

دخل محمد الصاله وضم مخدة الكنب : اوف مابغى يروح

منى عصبت من كلام اخوها وطالعت بنهى
نهى فهمت عليها : ليش

محمد ماعجبه : مهايطي مع مرتبة الشرف رجني

نهى: مافي شي يستاهل على ايش شايف نفسه

محمد: مت من الضحك لما قال ان واحد سلم عليه وتصور معه مفكره ياسر

منى متابعه الحوار ..

نهى : هههههه لو ياسر بطوله كان صار حارس مرمى

محمد: ههههه انا بنام وجع راسي

نهى ناظرت بمنى وهي ميته ضحك

منى عصبت تركتها وراحت وهي تحاكي روحها : محمد مسوي فيها اصلا هو الكذاب ويفكر الناس مثله(تحب مساعد اكثر من اخوها.. أفا يامنى ههههه)

.................................................. ......
الحمد لله..الحمد لله..الحمد لله..
..........................................

هند معصبه واصله معاها من شماتة البنات فيها

(هند وحيده امها ومافي احد تشكيله همها حتى لو حكت لامها امها ماتفهمها هالشي كرها حياتي اللي تكرها من الفقر اللي عايشه فيه وتذكر امها وابوها فيه بكل وقت حلمها الزوج الغني المهم غني)

ام هند: هند تعالي العشا جهز

هند طالعت بالاكل : مابي

ام هند: تعالي بس

هند: هذا تسميه اكل

ام هند: احمدي ربك وتعالي

هند: اوف.. تركت امها وراحت وهي حاسه بالقرف من الفقر

.................................................. ......
الحمد لله..الحمد لله..الحمد لله..
.......................................

ساره وشلتها واقفين يسولفون
منى: في واحد سلم على مساعد يفكره ياسر (الحلوه صدقت هههه)

البنات ضحكوا وساره قالت علا شافته نسألها : علا يشبهه

علا: بالعيون بس

ساره: زين طلع فيه شبه تتهني بسعدونتك..قاطعتها خالده وهي تطالع فيها(خالده ماقدرت تصبر للفسحه جتها من الصباح)

نوره انتبهت قرصت ساره وهمست : روحيلها

ساره طالعت بنوره تشجعت وقفت وراحتلها

البنات كانوا شغالين تريقه على هند اللي عامله شعرها جل بس علا انتبهت لساره ومسكتها : لا تروحين طنشيها
..(خالده تنتظر وبقلبها تدعي على علا ليش توقف ساره)

ساره: انا بروح اسألي نوره هذا رايها

علا جلست جنب نوره: انتي قلتيلها تعطي الخوخ الفاسد وجه

نوره :ايه ولاتسأليني عن السبب بكرا بتشوفين شي يعجبك

علا سرحت بساره وهي تحاكي خالده ياترى شلي مخططين عليه

خالده بعد ماسلمت وكيفك اخبارك جت بتمسك يد ساره ساره سحبت يدها وهي قرفانه من خالده وضمت يديها وهي تمشي

ساره(ودها تسوي اللي وصتها عليه نوره): شعرك .. مفتحه

خالده والابتسامه شاقه وجهها
والغرور بعيونها:
البنات قالولي بس انا ماصدقت الا الحين لان حبيبي سامي قالي .. اسمع سامي لاعاد تقولي خالده كل البنات يدلعوني خوخه اوكى

ساره هزت راسها بأيوى

خالده: اليوم مره حلو ولاني معك احلى انتي اكيد حاسه نفسي ومبسوطه لاني معك

ساره(الله ياخذك): ايه

خالده لفت طالعت بصديقاتها ومسكت ساره من خصرها وهي مبتسمه

ساره الحين عصبت والود ودها تخنق خالده بس تمالكت نفسها وقالت: خيار..خوخه..برد وايدك بارده

خالده مدت يدها وقالت طيب دفيها

ساره طالعت فيها وبقلبها تصرخ(خييييييييير) بس طنشتها

خالده فهمت ان ساره مارح تسوي اللي تبيه فمشيت وهي تتكلم وماعطت ساره فرصه تتكلم مابطلت حكي عن نفسها وجمالها ونعومتها وحبهم ..طبعا هي حكمت ان ساره تحبها..

ساره بقلبها(ياحليلك يانوره كانك معنا فاهمه لهالاشكال)

ما تركتها خالده الا لما رن الجرس

.................................................. ......
الحمد لله ..الحمد لله..الحمد لله
......................

في الطابور نوره لساره: كيف الجو مع الخوخ

ساره وهي تفتح زر مريولها وحواجبها معقوده: غبار وحر شي يقرف

نوره: بتتعودي

ساره لفت وجهها على صوت ابلى نجلا: ساره قفلي زر المريول

ساره ودها تتمشكل طالعت بنوره: نوره قفلي زر مريولي..

نوره داست على رجلها وطالعت فيها ايش تسوي

ابلا نجلا ماسمعت ساره لانها طلبت منها تسكر زر مريولها وراحت

نوره : زين انها ماسمعتك

ساره طنشت

.................................................. ......
الحمد لله..الحمد لله..الحمد لله..
................................................


علا تذاكر في المطبخ لانه بهالوقت فاضي .. دخل اخوها فارس : مرحبا علوش

علا : اهلين بالقاطع
(فارس مهندس ساكن بشقه مع اصحابه)

فارس عقد حواجبه مسوي فيها زعلان : هذا استقبال

علا تطالع بالدفتر عتبانه على اخوها اللي ما يسأل عنها الا من فتره لفتره وهو اخوها الوحيد من امها وابوها

فارس اخذ الدفتر :لما احاكيك تردي

علا: والله نفسيتي زفت اتركني واللي يعافيك

فارس: اول مابتتخرجي باخذك ونسكن بشقه

علا: اسكن معك انبسط شهر.. شهرين.. سنه..وبعدين بتتزوج وزوجتك تزحلطني وترجعني لهالقبر

فارس: من هالناحيه ارتاحي ابوي مابيرتاح الا اذا زوجك يعني بتسبقيني ههههه

علا اخذت الدفتر وطالعت فيه:ممكن تدف عجلك وتخليني اذاكر

فارس: طيب شدي حيلك الجامعه (وهو فاتح يديه) تفتح لك ابوابها..
وطلع وبعدين رجع دخل حط لها على دفترها مبلغ وقالها : بصفقك اذا خلصتيهم امس ههههه ورجع طلع

علا ابتسمت وهي منزله راسها وبقلبها(الله لا يحرمني منك ياخوي)

.................................................. ......
الحمد لله ..الحمد لله..الحمد لله..
.................................................


ساره الضحكه شاقه وجهها وهي تربط لفة شعار الاتحاد على شنطتها وتغني
(منصور يالاتي ..وقايدك منصور..منصور يالاتي .. وقايدك منصور...)
...الاتحاد فاز بالدوري والدنيا ماهي سايعتها من الفرحه ...

حطت علبة الحلاوه بشنطتها
ودخلت لفه ثانيه تحطها على كتفها حركات عند البنات
.................................................. ......
الحمد لله..الحمد لله..الحمد لله
......................

وصلت ساره المدرسه شلحت عبايتها من هنا ومباركات البنات لها بدت من هنا (ساره كانت محبوبه في المدرسه)

ساره كانت تشكرهم وتضحك وتحليهم واول ماشافت نوره مكشره (نوره هلاليه لدرجة ان دمها ازرق ههههه) حطت لفة الاتحاد على راسها بطريقه نفس الشباب وراحتلها نوره: صباح محمد نور سوري صباح النور

نوره تضحك بتريقه هاها ها

ساره: وربي فارس عوض شاطح لما يقول( نايف ثابت والمرمى هو اللي هزازي هههههه)

لمصلحتك لاتحطي جوالك عالهزاز بيقلب عليك المواجع ههههه...

وطلعت الحلاوه من شنطتها حلي...!!

نوره طالعت فيها: ما ابي...

ساره بعد مانزلت اللفه من راسها وباست شعار الاتحاد : انصحك باللي كيسها مقلم اصفر واسود لذيذه بشكل..

وقفت نوره وهي معصبه: لو جايبتها من سويسرا حلاوة خسارة الهلال ماآكل ..وتركتها وراحت

ساره كانت مبتسمه ونوره تتكلم ولما راحت قالت تحاكي روحها: شكلنا مارح نتعاطى مع ذوات الدم الازرق اليوم ههههههههه...


.................................................. ......
الحمد لله..الحمد لله..الحمد لله..
.................................................. ..
وان شاء الله البارت الثالث قريب تنزيل
شاكره لكم تفاعلكم
[/size][/size]

مجنووونة almaha 14-04-2010 03:27 PM

رد: رواية بنات%بنات / بقلمي
 
مرحبااااااااااا

انا نزلت الروايه بمنتداكم


عشان اشوف منكم تشجيييع

وين الردود....

روايتي كاتبه منهااا انا 7 باراتاااااات

وجاري كتابة البقيه


ابي اشوف ردوووود

وبنزلهاااااااا تباااعااااااا



يهمني نقدكم>>>لا تحرموني اطلالتكم

اختكم>>>مجنووونة almaha


الساعة الآن +3: 06:43 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1