منتديات غرام روايات غرام أرشيف الروايات المغلقة - لعدم إكتمالها رواية سهيت بصفحة كتابي لقيتك بأول الأوراق / تأليفنا
همسـ الخفوقـ,,, ©؛°¨غرامي مشارك¨°؛©

السلام عليكم والرحمه

انا اليوم جايبه لكم روايها من تأليفي انا وصديقاتي وان شاء الله تعجبكم

بسم الله الرحمن الرحيم



**المقدمه***



في مجتمع تتراوح مشاعرهـ بين الجد واللعبــ,, تترابط مشاعر فتيات هذا المجتمع وهو مجتمع المراهقهــ العام

وهو مركز تجمع فيه اجمل مشاعر للفتيات مرحله المتوسطه هي ماتركز حديثي عنهــ

شخصيات الروايهــ(( اسرار-تالا- فجر -تولين-لجين-هديل-سلمى))

خلونا نتعرف على الشخصيات:

اسرار: هادئه جداً بس مو دايم يعني بالعربي من تحت لتحت ورومنسيه عشقها الاغاني لان صوتها حلو<<<يعني مزعجه

الكل دايم وهي تغني. مواصفاتها:طولها وسط شعرها قصير وناعمـ بشرتها حنطيه عمرها (15 سنه)بثالث متوسط
تموووت بشي اسمه تامر حسني

تالا:شبهـ هادئه جريئه مرره ورومنسيه لأبعد الحدود عمرها(16سنه) بثالث متوسط .مواصفاتها: قصيره بعض الشي

شعرها طويل ملامحها حلوه بشرتها بيضا

فجر: ام الشبااااب يعني العربجه ماخذه محلها عندها تموت في المغامره. مواصفاتها: طولها وسط شعرها قصير وناعم

بشرتها بيضا وملامحها حلوه عشقها الطق والرقص عمرها(16سنه) بثالث متوسط

تولين : بنوته نعومه ورايقه .مواصفاتها: طولها وسط شعرها قطير عيونها واسعه مودها غربي عمرها(15سنه)ثالث متوسط

سلمى:اغاني وطق ورقص ورابح صقر اكيد نتكلم عن سلمى المشهوره بسوسو .مواصفاتها:طوييييله سمرا شعرها قصير

عمرها(15سنه) بثالث متوسط

هديل: نحيفه شعرها شبه كيرلي اكثر الاوقات تجيها ام العبيد عمرها(14 سنه) بثاني متوسط

لجين:لون بشرتها حنطيه نعومه لون عيونها بني فاتح شعرها طويل لآخر ظهرها لونه كاكاوي وتموت بشي اسمه كليرز

وتامر حسني عمرها (15سنه) ثالث متوسط




((((البااااارت الأول))))


الساعه 6:30 الصباحـ : فجر باليالله شالت راسها من السرير

امها تقومها وتقول::يالله يافجر تراك متأخره على المدرسه يالله قومي

فجر صوتاه كله نوم :همممممممممم طيب طيب يالله قمت

ورجعت نااامت

امها عصبت عليها وقالت لها :: ترى اذا ماقمتي بكب عليك مويا

فجر فزت ::خلااااص خلاااص والله قمت

وقامت وراحت الحمام((الله يكرمكم))

ونزلت بسرعه لبست عبايتها عالسريع وما امداها حتى تفطر وراحت المدرسه وصلت متأخره واكلت تهزيئه من المديرهــ

وهم معطينها استدعاء ولية امر علشان غيابها كثيييير وقالت لأختها تجي ماقالت لأمها

لو انها قالت لامها كان المدرسااات بيطلعون كل فضايحها

عدا اليوم عادييييي

بالحصه السادسه كان عليهم انجليزي وفجر طاقتها سوالف الا ودخلت بنت قالت:: استاذه ممكن فجر

المدرسه : لا بعد الحصهــ الحين فيهـ درس

فجر فزت تبي تطلع بأي طريقه قالتـ::ليش تبغوني

والتفتت للمدرسه وقالــ:: ابي اطلع

البنت قالتــ:: والله ما ادري بس المرشده الطلابيه تبيك
فجر خافت قالت:: وش تبي
البنت : ما ادري بس تقول تبيك ضاروري
المدرسه قالت:: لالالا بعد الحصه

فجر كانت خايفهـ طووول الحصه يوووم صفرت ما صدقت على الله
وطيرااااان عند المرشدهـ

فجر اذا خافت يصير وجهها احمررر

كاانـ وجهها احمر من الخوف ودخلت عند المرشدهـ وسوت نفسها مو مهتمهـ قالت:: نعم بغيتي شي

المرشده : ايه تعالي يافجر

فجر كانت واقفه عند الباب ودخلت وقالت: نعم ؟؟

المرشده عيونها طالعه من العصبيه وقالت بصراخ :وين امك ليش ماجت؟؟

فجر فهت:هاااه...........ماجت اختي هي قالت لي بجي؟؟!!!

المرشده:: احنا نبيي امك ما نبي اختك
فجر : امي تعبانهــ
المرشده:طيب ليش ماجت اختك
فجر: ما أدري عنها انا خلاااص بكرا تجي
المرشده: طيب اذا ماجت راح اتصرف تصرف مايعجبك

فجر خافت تسوي شي قالت: خلاااص بكرا تجي

طلعت فجر من المرشدهـ ونستـ كل شي وراحت عند البنااات :هااااااااااااااي شباااااب

تالا من اللقافه الزايده:: وش تبي فيك المرشده
فجر جلست :: ولا شي بس علشان اختي سحر ماجت اليوم
اسرار:اهاا طيب ليش ماجت؟؟؟
فجر معصبه على اختها : الله ياخذ بليسها ماجت اكييد بتقول ( تقلد صوت اختها) والله راحت علي نومه

البنااات: ههههههههههههههههههههه
تولين: خلاااص طيب بكرا تجي
فجر : اجل غصب عليها تجي اذا ماجت والله لاشرشحها شرشحه

كملو البنات سوااالف وضحك

ترررررررررررررررررررررررن<<< اهم شي هع

صفرت الحين الطلعه
تولين: يوووووهـ مالي خلق اروح البيت والله طفشـ
هديلـ: ايه والله طفش بالبيت
فجر: ايه والله انكم صادقين انا اول ما اروح البيت بمسك الاب توب

سكتت شوي وبعدين قالت:: وش رايكمـ نتقابل بالمسن

قالت تالا: لا والله انا فيني نوومـ اذا رحت بنااااااااااااااام

هديل : وانا بعد بنااام
تولين: مي تو
اسرار: انا والله ودي بس الاب توب خربان
قالت فجر بطفش :: والله انكم سخيفااات....... االا صح وين ابو سلووم ولجين ؟؟؟

البنااات : والله ماندري

(((( وكل واحده راحت لبيتها )))
( على فكره فجر تطقها كعابي يعني تروح مشي لبيتهم لانه قريب من المدرسه )

وعدا اليوم عادي على كل البناااات

((( انتهى البارت ))
ان شاء الله تعجبكم


الليل الفوشي ©؛°¨غرامي فعال ¨°؛©

ان شاء الله من المتابعين اختي و شكلها حلوه و هبال و عربجه

انتظر التكملة أخيه

همسـ الخفوقـ,,, ©؛°¨غرامي مشارك¨°؛©

يسلمووووو
وان شاء الله بكملها بس ابغا لشوف ارائهم

همسـ الخفوقـ,,, ©؛°¨غرامي مشارك¨°؛©

وينكم ابغى ارائكم
بلييييييييييييييز

ღܔ..ٳسـﻤـﺤـلــــﮯ..ܔღ ©؛°¨غرامي جديد¨°؛©

بدايه موفقه خيووو

ننتظرك بالبارت الثاني

والله يعطيك العافيه


سهم الصداقة ©؛°¨غرامي فعال ¨°؛©

بدااية موفقه انشااء الله
ويعطيكم العاافيه يااارب

مفاهيـ(م)الخـ(ج)ـل ©؛°¨غرامي مشارك¨°؛©

بدايه حلوووه مرررره يالغلاء وجذبتني حييل
بنتظارك

الزعيـ A.8K ـمه ©؛°¨غرامي ماسي ¨°؛©

,’



بسم الله
و عليكم الســلام و رحمة الله



يعطيكن العـــافية
موفقـــات إن شـــاء الله


https://forums.graaam.com/238622.html


,’


همسـ الخفوقـ,,, ©؛°¨غرامي مشارك¨°؛©

وعليكم السلام ورحمه الله وبركاته

مشكوورييييين وان شاء الله بأقرب وقت راح اكتبها لكم

وتسلمووووون

اختكم:
همسـ الخفوقــ,,,

همسـ الخفوقـ,,, ©؛°¨غرامي مشارك¨°؛©


هذا البارت الثاني ان شاء الله يعجبكم

((( البارت الثاني )))

يوم الثلثاء الساعه 9:30 ليلاً

كان الجو في بيت اسرار رايق على صوت فيروز اغنيه (انا لحبيبي) كان الكل يسمع وهو مسرح
اسرار تفكر بفيصل<<< يعني لو سألتوها وش قالت فيروز بتقول هلا والله
شوي الا ويدق جوال اسرار إلا هو فيصل<<واحد تعرفت عليه وصارت بينهم علاقه شبه رسميه

اسرار: الو
فيصل:خير إن شاء الله مسكره الجوال
اسرار:ليه معصب وبعدين الناس تقول السلام عليكم اول
فيصل: احر ماعندي ابرد ماعندها من وين جايبه برودك الحين تجاوبيني من دون ترقيع
اسرار:لحظه بس على اي سؤال اجاوبك؟
فيصل معصب: انتي تبين تجلطيني؟؟
اسرار خافت عليه وبسرعه قالت: بسم الله عليك
فيصل طار من الفرحه وقال:نعم نعم وش قلتي عيدي
اسرار استحت واسكتت
فيصل: الو الو اسرار انتي هنا
اسرار:ايوه
فيصل: وين رحتي
اسرار: مع فيروز لحظه علشان لا تقول سألت ولا جاوبتني
وكملت وقالت:جوالي كان مسكر لأني بريح اذني من المكالمات اريج كل شوي داقه
( اريج بنت خاله اسرار)
فيصل: هندي انا عن ابوك
اسرار من دون نفس: هاهاهاها ليش وش قلت انا؟؟
فيصل:لا بس رقعتي السالفه شوي المهم انا بمشيها هالمره لان مالي خلق هواش
اسرار وصوتها كله نوم :لا والله اقولك شي وانا مالي خلقك تسكر والا تسمع صوت القطار<<يعني تصكر السماعه بوجهه
فيصل: لا اصكر بكرامتي احسن لي
اسرار: واحسن والا اقولك وش رايك تغني لي قبل لاتسكر
(فيصل صوته حلو مثل اسرار)
فيصل: يازينك وانتي ذربه(سنعه)
اسرار: غصبن عنك
فيصل: الاغنيه المعتاده
اسرار: اكيد
فيصل بدى يغني بصوته العذاب:
ياحبيبي من حبي فيك لاهتكلم ولا غنيلك من اليوم ده حبك
حب قديد يخيليني حبيبي ادعيلك
الله يبارك لي فيك يا اغلــــــــى من عينيــــــــــــا
الله يخليني ليك واقبلك الدنيا ديا
الله الله يحميك حبييبي ياعمري ياغالي ويخليك ليااااا
فيصل : الوووووو
اسرارم مسرحه :هآآآآآآه
قال فيصل بغرور:لا حوول ياربي كل هذا خاقه على صوتي
اسرار تقول في نفسها: ايه والله اني خاقه عليك كلك علا بعضك
بس قالت :وعععع لا طبعا تامر صوته احلى( تموت على شي اسمه تامر)
اسرار كملت : يالله يا اخينا وش رايك تسكر لاني ابي اناااااام
فيصل: مادريتي بآخر خبر
اسرار بصوت نعسان: لا
فيصل: انا عطيت الدجاج اجازه انهم ماينامون بدري
اسرار: وجع لا تخليني اسكر بوجهك
فيصل : شدعوه خلاص باي بس والله وحشتيني جدك ماراحت من عندكم علشان اقدر اجيكم
اسرار: لالاتخاف مطوله عندنا خلاص باي
فيصل : باي

سكرو العشاق المراهقين من بعض راحت اسرار لغرفتها اللي لونها احمر واسود وابيض<< ناس رايقه
مالحقت تحط راسها وتنام والا وتدق اريج
اسرار تصارخ:ياربي الواحد مايقدر ينام اخذت الجوال وردت
اسرار: الو
اريج: ليه مسكره الجوال؟؟
اسرار:يوه توني قلت لفيصل مالي خلق اعيد الكلام
اريج: طيب باي بس ابغى اتطمن مدامك مطنقره باي
اسرار: انقلعي ولاعاد تدقين حتى لو قالو لك ضاعت لا تسألين عني وسكرت

وناااااااامت

((يوم الاربعاء في المدرسه بالفسحه))

تولين:والله طفش بكرا ماعندي مكان اروح له
فجر: ايه حتى انا
لجين : وش رايكم نتقابل بمكان
تالا:ايوه شرايكم
اسرار:طيب لقيت فكره
فجر:نورينا
اسرار:شرايكم تجون عندي بكرا
البنات ساكتين يفكرون باللي قالته لهم اسرار
إلا وجت سلمى
سلمى:هااااااااااااااااي
البنات: اهلين
سلمى:وش فيكم ساكتين
اسرار: انا اقول وش رايكم تجون بكرا عندي بالبيت
سلمى :اوكي اشوف امي
فجر: وش رايكم نروح بكرا
البنات :اوكي نشوف امهاتنا
وكملو سوالف لمين راحت كل وحده راحت لبيتها





ادري انه قصير بس سامحوني والله اني مشغوووله


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1