غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 251
قديم(ـة) 05-07-2011, 12:43 AM
صورة جورية الدوحه الرمزية
جورية الدوحه جورية الدوحه غير متصل
©؛°¨غرامي فعال ¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


السلام عليكم ورحمة الله وبركاته

اخباركم يا قرائي الاعزاء??


انا ما راح اعتذر كاالعاده لان ماراح اوفيكم حقكم بالاعتذار .. ولا راح اوفي حقكم بتقصيري الدايم .. بس انا السنه هاذي كنت اول ثنوي .. والدراسه عندنا في المدرسه صعبه وكانت تتطلب مني مجهود كبير .. وانا من جي كنت مقصره معاكم في تنزيل البارتات .. واحنا خلصنا امتحاناتنا 20-6 وعلى طول انا سافرت 21-6 في الليل وكنت حدي مشغوله .. حاليا انا مسافره .. بس في هاليومين فاضيه شوي فقلت لازم اجوف روايتي الي اهملتها من شهور .. وارجع احتويها وانزل لقرائي بارت .. وعلى طول قررت اكتب لكم واشرح لكم ضرفي الي خلتني اقصر في حقكم .. وانتوا ما تستاهلون هالتقصير لانكم دايما معي في بارتاتي وتشجعوني ومب مقصرين ابدا في حقي .. وانشالله تسامحوني وتعذروني على اي تقصير طلع مني .. وانشالله البارت الحين انا بادية فيه وراح اخلصه يا بكره او الي بعده وبنزله على طول واتمنى اجوف ردودكم الي تحفزني والي تعودت دايما اجوفها منوره صفحتي ..!!


تحياتي لكم يا حبايبي
اختكم

{جــوريـــة الــدوحــه}


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 252
قديم(ـة) 26-07-2011, 01:10 AM
صورة جورية الدوحه الرمزية
جورية الدوحه جورية الدوحه غير متصل
©؛°¨غرامي فعال ¨°؛©
 
01302798240 رد: رواية وش هو أغلى من الوفاء في زمن برد و جفاء / بقلمي


السلام عليكم ورحمة الله وبركاته

اخباركم يا حلوين .. انشالله تكونون بالف صحه وعافيه .. اتمنى انكم قريتوا الكلام الي قبل البارت وشرحي للضروف الي صادفتني في هالسنه وخلتني اقصر معاكم .. وبعدين انا تاخرت عن الكلام الي قلته لاني رديت انشغلت في السفره ورحنا دوله ثانيه وما قدرت انزل وبعدها بكم يوم حاولت وما كان يفتح الموقع اضن في ضغط وتوني الجمعه الفجر رجعت من السفر وما فضيت لان صار عندنا عزيمه والسبت حفله ويوم الاحد اخترب الانتر نت وبس اليوم قدرت انزله لكم وانشالله هالبارت يعجبكم ويحوز على رضاكم

بس بغيت اقول لكم شي .. اشكر اختي (انفاس قطر) على طريقتها في الكتابه .. هي مب متواجده اضن في هالمنتدى بس اكيد الكل يعرفها ويعرف كتاباتها الرائعه .. وانا احياناً اقتبص شويه من طريقتها في الكتابه مثلا الوقت والتاريخ وطريقة اني اكتب لكم شنو راح يكون متواجد في البارت من احداث لان هالطريقه تخلي القارء ينجذب ويتحمس اكثر واكثر للقرائه والمتابعه وانشالله تعجبكم هالطريقه مثل ما عجبتني وحمستني اني اطرحها في روايتي

كنت بس بقولكم ان في شخصيتين بتتغير .. يعني بدال مريوم بتكون ريم وبدال ريم بتكون مريووم وانشالله ماتتخربطون في هالتغير ويوضح معاكم
يعني مريم بتاخذ دور ريم .. وريم بتاخذ دورها وراح اغغير شوية اشياء من البارتات الي قبل


خلاصة الجزء الحادي عشر :

بعد شهر واسبوعين .. كان باقي اسبوع على رمضان .. بعض البنات قالو بيرجعون الدوحه في هالاسبوع .. وبعضهم قالو بيتمون .. لان ما بيكون في وقت يروحون عند اهلهم ويرجعون في اسبوع

مريم طلعت من المستشفى بسلامه ورجعت حياتها مثل قبل مع البنات بس كان جاسم دايما على بالها بس هو مختفي ومحد يعرف مكانه وهذا الشي منرفز الكل

موزه ومحمد تصالحو بعد الي صار في برج ايفيل .. وعرفت موزه ان هاذي جمانه كذابه وفي وحده دازتها عشان تخرب بينها وبين محمد .. بس ما تعرف من هاذي البنت الي دازه جمانه لها ..

رهف واحمد للحين على حالهم يوم متراضين وعشره متزاعلين لاكن تغير كبير صار في تصرفات احمد معاها .. لكن كانت تصر انها تعرف شالسالفه بس مب قادره تعرف للحين .. لكن في بعض الاشياء الي تصير معاهم تحس انها بتوصلها للشي الي يخلي احمد يسوي معاها هالتصرفات

شوق بدت تقتنع في كلام نايف .. وكل ما تتذكره وتتذكر تصرفاته الذربه والمحترمه معاها تحاول ان تغير من تصرفاتها وشكلها .. بدت في نفسها من الداخل .. وشوي من الخارج

ريم (بدال مرييوم) للحين منصدمه من سالفة انها مملوج عليها .. يعني متزوجه .. تحاول تكلم امها بس دايما امها تتهرب او تضيع السالفه .. كلمت بنت عمها لان اختها اصغر منها وما تعرف شالسالفه بس كانت دايما تقولها ان مافي شي .. وهي مصره تعرف شالسالفه بس تنتظر رمضان يخلص وترجع في العيد وبتخليهم يفهمونها كل شي

وضحى عايشه بسلامع تركي .. وحبهم الصادق الظاهر الي مستحيل احد يقدر يخرب هالحب الي بينهم

منيره وفيصل للحين تصير بينهم هوشات صغيره كل ما جافو بعض كانهم فار وقطو

هند صارت علاقتها مع ربعها الجداد قويه اكثر من قبل وكل يوم تطلع معاهم وشوي شوي بدت تنسى ربعها الي كانو معاها السنين الي طافت

جواهر ولولوه ومرييوم وشيخه وعليا انشغلو في الدراسه .. والغربه

....................................

في هالبارت ثلاث عقود زواج
ثنين انتو متوقعينهم من قبل والثالث غير متوقعه الموافقه ابدا
في هالبارت راح تبرز شخصيات معينه فقط لاهمية دورها وانشالله الباقي راح ياخذون دورهم في البروز في البارتات الجايه
بعد هالبارت راح تبتدي مرحله جديده لشخصيتين في هالروايه راح تغير حياتهم تغير جذري يعني من الالف الى الياء

.
.
.

الجزء \ الـــثـــانـــي عــــشـــر

.
.
.
.

لــا الــه الــا الله .. مــحــمــد رســول الله

.
.
.
.


5-11-1999
الجمعة
بيت جبر بن علي


تصرخ بأعلى صوتها وهي تحترق من داخل وتحس انها بتموت من القهر
"لا لا مستحييييييييييل مستحييييل اتزوجه"
ما تصورت الا كف يجيها على وجها خلى توازنها يختل وطاحت وضرب راسها في الطاوله
: ياااويلي اشسويت انا شلون ظربتها
الابو والعم انفجعو من الضربه القويه الي جاتها
دخلت الام وهي تركض من الخوف لما سمعت صوت بنتها .. دخلت وانفجعت من المنضر الي قدامها .. بنتها طايحه على الارض .. والدم يحاوطها من كل مكان .. تمت تصرخ فيهم عشان يشلونها ..اخوها على طول شلها بين يدينه .. وخذها المستشفى .. دخلوها غرفة العمليات .. وبعد ساعه طلع الدكتور ووجهه ما يبشر بخير


: مين والد الآنسه مريم

: انا .. ليش يا دكتور .. اشفيها بنتي

الدكتور : بنتك نزفت كتير .. وعوزه نئل دم .. وكمان لو ملئيناش دم بسرعه .. مومكن منئدرش نلحئه .. واحنا شكين انو عندها ارتقاق في الموخ

بدا يصارخ ويهدد : نعم انت تستهبل شنو يعني ما تلحقها مب على كيفك .. انت دكتور وانت لازم تتصرف

: يا بو علي هد نفسك .. هالامور ما تنأخذ بالعصبيه .. والصراخ

ابو علي : شاسوي فيه يا اخوي يا بو فهد .. هاذي بنتي الوحيده .. اشلون ما اخاف عليها .. وهاذا .. يقول ان ما يقدر ينقذها ..
بدى صوته يعلى وهو يهدد الدكتور : اسمعني يادكتور والله والله لو صار في بنتي شي .. ما تلوم نفسك فاهم

الدكتور وعلامات الخوف ضهرت على وجهه : لاءه انشاء الله حتبئه كويسه .. بس انا محتاق دم .. مين حيتبرع لها ؟؟

ابو فهد : انا فصيلة دمي نفسها بتبرع لها


راح ابو فهد مع الدكتور وسحبو منه دم .. ونقلو حق مريم .. طلعوها من غرفة العمليات .. وحطوها في الغرفه بس منعو أي احد ان يدخل عليها .. مرت ساعات وقامت من البنج .. ودقت على النرس عشان تنادي اهلها لها


ام علي : الحمدالله على السلامه يا بنيتي

مريم بصوت ماليه الارهاق : الله يسلمج يمه

ام علي بحنان : شنو الي خلاج تسوين هالشي يا يمه .. لو انج محافظه على نفسج مب احسن لج .. من هالضرب والتبهدل الي صار لج

مريم بصياح : والله مو مني والله مو بيدي الي صار

وبدت تقول حق امها كل شي عن علاقتها في جاسم وهي مرتميه في حضنها وتصيح كان قلب امها يتقطع عليها .. بس ما تقدر تعيد الزمن .. وتسوي شي .. تمت تهديها .. لين ما هدت ونامت في حضن امها


\
/
\
/


7-11-1999
بعد يومين
في مجلس بيت ابو فهد

كان قاعد يتقهوى دخل عليه ولده وهو متخرع ويركض
اول مره ابوه يناديه في المجلس بروحه ويقوله ان في شي مهم


فهد : السلام عليكم .. هلا يبا شبغيت .. آمرني

ابو فهد بحزم : وعليكم السلام .. اقعد اول شي .. وبعدين يوصلك العلم

فهد قعد على الكرسي جنب ابوه وهو متوتر من طريقته في الكلام الحازمه جداً

ابو فهد لف على ولده وتنهد : بطلب منك يا ابوك طلب .. وما ابيك تفشلني .. وتصغرني .. انا عطيت الرجال كلمه

فهد وهو يقاطع ابوه ويتكلم بحزم غريب شوي على شخصيته : افا يبه .. ما عاش الي يفشلك ويصغرك .. آمرني يالغالي ورقبتي سداده

ابو فهد بتنهيده ثانيه بس ما طلعت مع حزم صوته : اليوم تجي معاي بيت عمك ونخطب لك مريم .. وتسون الملكه قبل ما ترجع فرنسا وفي العيد يكون العرس

فهد باستغراب وجزع بسيط : نعم .. ليش يبه العجله وبعدين انا ما ابي اتزوج .. لو تامرني باي شي غيره اسويه برسم الخدمه لاكن زواج لا يبه ماني بتحمل المسؤليه اسمحلي ما اقدر

ابو فهد بغضب وبدا صوته يعلى : نعم يا ولد .. انا تردني وتعصي امري وتقولي لاء .. وانا معطي عمك كلمه .. انت تبي تصغرني قدامه

فهد : لا يبا افا بس يبا انا مب قد المسؤوليه ...انت فاجاتني بطلبك حتى ما قلت لي من قبل عشان افكر فالموضوع .. جيت على طول وقلت اليوم بتزوجني ياها

ابو فهد بحزم وغضب بالغ : اقطع الكلام يا ولد .. قوم بدل ثيابك والحين بنروح حق عمك بتخطبها .. وفالليل بنجيب الشيخ وتملجون .. وبنسوي عزيمه كبيره عندنا في المجلس .. واول ما ترجع في العيد تسوي العرس

فهد بقهر وعصبيه : خلاص انشالله يبه .. الحين بروح ابدل واكلم الشيخ مره وحده بعد ليش نسويها مشوارين


\
/
\
/


في فرنسا
تحديدا شقة البنات
في غرفة رهف
قاعده مع شوق يسولفون


شوق بخجل : رهوف عادي اطلب منج طلب .. بس ما تحرجيني و تضحكين

رهف و هي تبتسم : شهالذرابه من متى .. ما عرفتج صراحه شوق

شوق ويهها صار احمر :رهوف عاد عن السخافه .. بتخليني اقول ولا اروح اقول حق احد ثاني ؟

رهف : لا لا خلاص بسكت .. يلا قولي

شوق منزله راسها : رهوف عندج فستان حلو قدي ؟؟

رهف حابسه الضحكه : ليش شوقي شتبين فيه

شوق و هي منحرجه : رهفو عاااااد بتعطيني و لا شلون

رهف و هي تضحك : هههههه لا لا خلاص بعطيج بس اول قوليلي ليش تبينه .. لازم اعرف وين بتلبسينه ومع من ؟؟؟

شوق بعصبيه : افففف تحرين ابي اطلع مع نايف و ماعندي شي البسه .. يعني اروح معاه وانا لابسه قميص وبنطلون .. وهو موديني نتعشى برع

رهف : شدعوه وين راحت ثيابج .. يعني ما عندج غير بناطلين وقمصان ؟

شوق : عن الاستهبال .. تدرين ان ما عندي .. لو ادري جان رحت شريت ولا منتج يالدبه

رهف : خلاص خلاص .. عن الحنه .. بعطيج فستان عندي كبير لونه وردي .. كنت شاريته وطلع المقاس غلط

شوق : زين عادي بعد تعلميني شلون يحطون لون هني (وهي تاشر على عينها )

هني رهف ما قدرت تمسك نفسها و انفجرت من الضحك : ههههههههههههههه خلاص بعد بعلمج شلون يحطون هاي
و تقلدها وتاشر على عينها مث ما سوت شوق

شوق معصبه : جب جب خلاص مابي منج شي بطلع
وهي تقوم من على السرير وتسوي فنسها بتطلع

رهف سحبتها و قعدتتها : خلاص شفيج زعلتي .. الحين بييبلج الفستان و احط لج ميك اب و باجر بعلمج شلون تحطين بروحج اوك

شوق : مشكوووووووووووره احبببببج احمج
و قامت تبوسها

رهف باستهبال : اخييي وخري عني لوعتي جبدي كله تفافيل

شوق تكمل على استهبال رهف : لا داعي لا داعي ادري عسسسسل


\
/
\
/


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 253
قديم(ـة) 26-07-2011, 01:17 AM
صورة جورية الدوحه الرمزية
جورية الدوحه جورية الدوحه غير متصل
©؛°¨غرامي فعال ¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


\
/
\
/


في غرفه مرتبه جزئيا
كانت تحب الترتيب بس مب واجد .. يعني اذا فضت ترتب بس اذا انشغلت ما تهتم
اشعة الشمس تضرب في انحاء الغرفه تعكس لونها الهادي
توها طالعه من الحمام و لافه الفوطه على شعرها
سمعت صوت جوالها يرن
راحت تركض عشان ترد بس ما لحقت
جافت 4 مس كول من بنت عمها
اتصلت عليها عشان تعرف شتبي منها



..: السلام عليكم .. هلا و الله

..: وعليكم السلام .. اهلين . اخبارج ؟؟

..: تماام الحمدالله انتي شخبارج و شخبار امي وابوي وخالتي والاهل كلهم

..:و الله الحمدالله كلنا بخيير و ما نسال الا عنج

..: حبايبي و الله .. شفيج متصلتلي 4 مرات خرعتيني

..: لا مافيني شي بس كنت ابي اتطمن عليج

.. : اها

...: الا ريمو بقولج لا تستغربين لين في رمضان يالج شسمه
وبعدها قطعت الكلام الي كانت بتقوله وهي تتذكر ان بنت عمها ما تعرف شي عن السالفه
: و لا خلاص خلاص ما في شي

ريم و فضولها المعتاد : تكفين فطوم قولي من من ؟

فاطمه بهدوء : لا لا خلاص مب لازم كل شي بوقته حلو


\
/
\
/


في مكان هادئ و مظلم شوي و صوت الموسيقى الهاديه محليه الجو
كان في اثنين قاعدين


البنت منحرجه و منزله راسها :نااااايف ترا احرجتني

نايف حده مستانس : انزين قولي عااد موافقه ولا لا ؟

البنت : نايف خلاص بقولك بعدين اوك

نايف : شوقي انا ابي اعرف الحين شلون يعني

شوق : خلاص عااااد

نايف : شوق بتوافقين و لا اخطفج و اتزوجج

شوق : لا لا خلاص

و نزلت راسها و صوتها بدت فيه بحة احراج : موافقه

نايف و هو مستانس : يا لبيه الي مستحيه

شوق منحرجه ووجها صار احمر : نايف متى نرد الشقه ؟

نايف يضحك : ههههههههه يلا يلا قومي


\
/
\
/


" ياخوي يا عزوتي .. يا ضحكتي وبكاي .. يا من على فزعتي .. يمينه في يمناي .. يا خوي .. من لي سواك الي على كتافه ارتمي .. لي ضاق بي الوقت "


في غرفه مظلمه و باااارده
و يسكنها الهدووء
كانت متكمكمه باللحاف
و الدموع تنزل على خدها على الي صار

و تقول في نفسها : انا ليش ما صدقت رهف و جواهر في الي قالوه و كذبتهم و كنت مصره على انه طيب وانه ما راح ياذيني ويحبني كله منه هو الي عمى عيني بس و الله لا ادفعه الثمن غالي بس خل يصبر شوي

و هي سرحانه في افكارها سمعت صوت الباب ينطق بس ما ردت كانت نفسيتها تعبانه وما تبي تسمع عتب من اي احد الحين رجعت تصيح و ماردت على الباب

و الي كان يطق الباب دخل بدون ما يسمع ردها ووقف على راسها وهو يحس باحاسيس متشابكه قهر وعصبيه وندم وحنان



هو بحزم : مريم قومي .. الملاج تحت ويبون توقيعج بسرعه يلا

مريم بصوت يمليه الحزن وهي تبكي :علي الله يخليك مابي اتزوج فهد الله يخليك

علي بحزن على حال اخته بس ما طلع مع حزم صوته : مريم يلا بسرعه الشيخ ينطر .. مب فاضي حق دلعج

مريم وزايد صوت صياحها :علي حرام عليك انا اختك الوحيده ليش تسوي فيني جي ؟

علي : خلاص مانبي نعيد ونزيد في السالفه .. مريم انتي الي سويتي هالشي بنفسج .. محد حدج على الغلط .. احنا كنا مأمنين عليج وخليناج تسافرين .. بس انتي الي خنتي ثقتنا وكسرتينا .. احمدي ربج ان محد درى بالسالفه .. المهم الحين وقعي و انتي ساكته لانه هذا الخيار الوحيد

مريم وهي تصيح قامت و وقعت وهي ترجف و عطت اخوها الكتاب و لما كانت بترد السرير اخوها مسكها و قال : مريم

مريم بالم وصوت فيه بحت حزن : لبيه

علي حس بالم من نبرتها المنكسره الحزينه بس ما يقدر يسوي شي : انا اسف مريم .. بس ااكد لج ان فهد رجال مافي مثله .. وراح يصونج ويعزج باذن الله

مريم : ادري ان فهد رجال وما عليه عيب .. بس انا ما استاهله .. انا بلحق فيه العيب .. لو احد درى عن الشي االي انا سويته .. ويمكن فهد ما يقدر يصبر على هالسر ويمل مني ويقول للكل عن ماضيي

علي بعصبيه : شنو ما تستاهلينه .. اصلا يحصله ولد عمج ان ياخذج .. يكون له الشرف .. مهما صار يا وخيتي ما تذلين نفسج .. ولا تستهينين بنفسج عنده .. لانه بيركب على راسج .. وهذا الشي انا ما راح ارضى فيه ابدا .. لو عرفت انه ضايقج او ذلج في شي وانتي ما قلتي لي

مريم بالم : صج انا شخصيتي ضعيفه .. بس بعد الي صار لي تعلمت .. اني ما اذل نفسي حق احد حتى لو اموت عليه

علي : هاذي اختي الي اعرفها .. ما ترضى على نفسها مهما يكون السبب .. يلا حبيبتي مبروك (قرب منها وباسها على راسها وطلع)


\
/
\
/


بعد يومين
9-11-1999
الساعه
8:00 العصر
بالنسبه لدول اوربا
اول يوم رمضان
في شقة البنات


مريوووم تصرخ باعلى صوتها وهي في المطبخ : بناااااااااااات شتبون تاكلون .. غير المجبوس

شوق تصرخ عليها من الغرفه : نبي ثريد (اكله قطريه قديمه اكثر شي نسويها في رمضان)

مريوم : جب انتي اخر وحده تطلبين .. نبي انسوي لج رجيم .. ما تستحين على ويهج شمتنج .. جنج درام .. احترمي نفسج واحترمي الرجال الي خاطبج .. يمكن هو اضعف منج

شوق تصرخ : مااااااااااالج خص ياحماره .. سوي وانتي ساكته .. وبعدين هو عاجبه .. انتي ليش محتره

مريوم تضحك على عصبيه شوق من هالموضوع : ههههههه .. خلاص اوك اوك .. بسويلج .. بس بليز بلا هالعصبيه .. لا ينط لج عرج .. وانتي تصرخين بس

شوق وهي رايحه حق مريوم المطبخ .. اقعدت على الطاوله وبدت تسولف : بلا سخافه .. بس انتو تدرون اني ما اداني هالسالفه .. وتدرينتبعد اني من يوم انخطبت واهلي وافقو وانا متخرعه .. ومتعقده من جسمي .. بروحه ما بقى شي على العرس وانا ما ضعفت الا كم كيلو

مريوم محتاسه مع الطباخ : اولا بتصصير ريحتج اكل .. ثانيا ماله خص انتي جسمج مب وايد سيء بس يبيلج تضعفين شوي وتصيرين بيرفكت

شوق بضحك : هههه مب طالعه عادي عندي .. ولا ما تبيني اتعلم شلون اطبخ .. عشان لين عرست اطبخ حق نايف .

تغيرت نبرة صوتها من الضحك للخوف : واااي مريوم حدي متخرعه .. احس اني مب قد المسؤليه

مريووم بضحك وشوية جديه : هههه لا لا عادي ابيج تتعلمين .. بس ما ابي نايف المسكين يتسمم .. ولا تخافين ولا شي .. عادي الموضوع .. بس لو تخفين من هالاستهبال شوي بتصيرين خوش زوجه وام
(وقامت تطلع لها لسانها وتلعب بحواجبها)

شوق : ههههههه .. من الي يخف من الاستهبال شوق .. صراحه ما اقدر هاي الشي يسري في دمي .. بعدين هي انتي عن قلت الادب .. شنو ام عيب الكلام

مريووم : ههههههه والله انج تضحكين .. اكيد بتصيرين ام .. ولازم تربينهم عدل مب ام مستهتره وهبله .. مادري شلون بيطلعون عيالج

شوق : ههههه .. يصير خير .. لين عرست عقب قولي لي هالنصايح .. بعدين يحصلهم عيالي اني اكونا مهم .. ترا فله ام هبله وعبيطه

مريووم : هههههه والله مب صاحيه .. بتمنين عليهم ان انتي امهم .. اقول يلا يلا برع شغلتيني .. خليني اكمل طباخي احسن لي من مجابل ويهج

شوق : ههه ضحكتيني يا شف مريم وايد جايفه نفسج انج الي تعرفين تطبخين .. جب جب .. اصلا انا من قبل ما اتقولين لي كنت بروح الصاله احسن لي ويهج الودر

مريووم : لا والله حلفي عااد


ورفعت الملاس بتضرب شوق
بس على طول ركضت وصكرت الباب وراها
تمت مريوم تضحك عليها وعلى خبالها
وتتخيل لو صار عندها عيال هالبنت شلون بتتصرف معاهم



\
/
\
/



بعد ساعتين
10:00
في شقة البنات
كلهم قاعدين على الطاوله ومتراصين
ينطرون الاذان واول ما اذن انقضو على الاكل
كانهم من سنين ما كلو


لولو : يا ويل حالي هاي الاكل ولا بلاش

شوق وحلجها كله اككل : أي والله .. فديت مرييوم .. صراحه ابدعتي

موزه باستهبال : وع وع شوووووق .. ياحماره صكري حلجج لوعتي جبدنا .. حلجج مليان اكل

شوق وهي مندمجه في الاكل وتضحك : ههههه عادي عادي هاي من كثر الحماس


وتمو البنات على حالهم يضحكون ويسولفون خلصوا كلهم وخسلو وبدلو وقالو بيطلعون راحو يتمشون في الشانزليزي وبعدها رجعو متاخر الشقه ونامو وقبل الفجر بساعه قامو سوو لهم سخور وسخنو بعض الاكل الي شروه يوم طلعوا وتسحروا وصلوا الفجر ونامو واكنو يحمدون ربهم ان هالفصل ساعاتهم شويه ومتاخره يعني دوامهم الساعه تسع وبعضهم عشر



\
/
\
/



ثاني اسبوع من رمضان
22-11-1999
الساعه
5:30
في الجمعيه



الاولى كانت ماسكه جاري مليان اغراض
وللحين تترسه
جاتها الثانيه والجاري فيه اغراض بس مب متعبي حده
وقامت تحط الاغراض نصها عندها
عشان تخفف من الاغراض الي عند الاولى
لان صار القاري مايندز من كثر الاشياء الي فيه


الثانيه : يا بنيه ترستي القاري اغراض خلاص عاد

الاولى : ههههههههه شاسوي اخاف من مريوم .. تقول ان البنات ما ياكلون وهي الي ترست القاري .. وخلتني متعبله فيه وراحت .. وي وي كاهي جات

مريوم : سمعت اسمي شالسالفه

الثانيه : كنت اقولها انج معبله نفسج مع البنات

مريوم : حرام عليج مساكين .. والله انهم ما صارو ياكلون عدل .. وضعفانين واجد

الثانيه : هههههه والله تضحكين .. جنج امنا .. شعليج منهم كل واحد يعرف مصلحة نفسه

الاولى : هههههه أي والله انج صاجه .. احسها امي الثانيه

مريوم : هههه انا جي احب اهتم فيكم .. احسكم عيالي .. لا والله علوي للحين بعضكم ما يعرفون مصلحة نفسهم .. حتى الاكل مايتذكرون ياكلونه الا لما احد يقولكم

عليا: ههههه والله انتي الصاجه .. وبعدين مع الامتحانات هالايام البنات مب عارفين يدرسون .. ولا ياكلون

مريوم : أي والله صج تبهدلنا مع الامتحانات .. لانجينا وعلى طول خذنا كورس صيفي وما ارتحنا بعد امتنحانات المدرسه والصيفي حده ضغط .. ريمو روحي جيبي جلي حق البنات وتعالي

ريم (الاولى) : اووووف خلاااااص مللتيني عاد .. كل شوي اجيب شي

مريوم : جب ويلا روحي جيبي الجلي .. وجيبي كل النكهات .. ولاتتاخرين سامعه

ريم معصبه : اوهوووووو زييين .. لاتصرخين .. مستقويه بس لانج تطبخين لنا يعني

مريم تسوي نفسها معصب بس في داخلها ودها تضحك على ريم وكلامها الي كانها ياهل :أي لاني اطبخ لكم .. ويلا اقوووول روحي جيبي الاغراض وانتي ساكته

عليا : ويييييك هاوشوهاااا

مريم : جب انتي الثانيع يلا روحي جيبي باقي الاغرا وعلى الكاشير .. وانتي ريمو ياويلج اذا تاخرتي اعرفج لازم تدورين


.
.
.
.



راحت عند قسم الحلويات وكانت مستعجله لان مريوم مهددتها اذا تاخرت بتهاوشها .. كانت تدور بين الرفوف خذت اكثر من نوع .. وكانت تبي الفراوله .. مدت يدها للرف وما حست الا بيد قويه تكبس عليها .. حست بالم وكان اصابعها بتتكسر .. لفت وجها جهت راعي اليد .. جافت ولد في اواخر العشرينات تقريبا .. اسمراني شوي يعني يبين خليجي .. استغربت شلون تجرء ومسك يدها .. عصبت وطالعته بنضره .. نزل يدها من على الرف وتم ماسكها .. حست من نضراته انه بياكله .. او بيحرقها .. ولا بيضربها .. كانت عينه شابه عصبيه ونضراته تخرع .. خافت بس سوت نفسها مب مهتمه .. وللحين معصبه ان شلون متجرء عليها بهالنضرات والمسكة اليد



هو بعصبيه وصراخ شوي ويضربها : انتي وش فيش ما تستحين على وجهش .. ما في وجهش سحا

هي : نعم .. خير انشالله .. من انت عشان تصرخ علي بهالطريقه .. وتقلل من احترامي .. لو سمحت احترم نفسك

هو وصوته مليان غضب ولو عليه كان ضربها كف على وجها : الخير بوجهش .. يا مدام يا محترمه .. ولو انتي محترمه نفسش الناس بتحترمش .. وحده بمنضرش .. مطلعه شعرها ولابسه قميص قصير ومطلع مفاتنها والبنطلون مترصرص عليها .. هذا منضر وحده محترمه .. وتبي الناس تحترمها

هي وصلت اقصى درجات عصبيتها واحد يجرح في احترامها وحشمتها وهي .. مع انها في بلاد غربه .. صج انها فاصخه شيلتها لاكن ما كانت تتفصخ ولا تلبس قصير كانت دايمن تشم نفسها مع انا مب لابس شيله .. بس انقهرت منه انه قاعد يهزئها ويزفها .. صرخت عليه : اولا يا محترم اترك يدي .. مالك حق تلمسني .. وبهاذا الشي طلع من فينا قليل الادب ومن المحترم .. ثانيا من انت عشان تقول لي شلون البس .. وبعدين انا كيفي .. واصلا القميص توه بس انفتح بالغلط لما تحركت
وقامت تصكره بسرعه وعصبيه

وبصوت اعلى شوي وعي منقهره منه : اففففف اصلا من انت عشان اشرح لك .. لو سمحت اتركني


هو صج كسرت خاطره لان اول ما ترك يدها على طول عدلت القميص وطلع محترم .. يعني يوصل لين نص فخذها .. بس هو منقهر منها ..ان ما لابسه شيله ومخليه الكل يشوف شعرها وكانه شي حلالا .. وان اشلون ما انتبهت على هالشي قبل ما ترفع يدها لزم تكون حريصه اول شي على نفسها .. وبعدين تنتبه حق الشي اليهي تبي : وهاذي يدج وتراكناها .. وبعدين اخر مره ترفعين صوتش علي .. السانش يا مره بقصه .. صوتش ما يرتفع على صوتي .. وبعدين انا لي كل الحق اني امسكش .. او اضربش .. اسوي الي ابيه سمعتيني .. محد يقدر يمنعني

هي بقهر وعصبيه متزايده : لا والله احلف عاد عشان اصدقك .. برفع وبرفع صوتي .. من انت عشان احترمك واخفض صوتي .. ياخي ما تفهم انا ما اعرفك حتى عشان اسمح لك تسوي هالشي كله .. ممكن توخر عن طريجي .. ابي اروح


هو عصب زياده من كلامها
هاذي وش فيها تستهبل .. تسوي نفسها ماتعرفني ولا ويش
: انتي وش فيش .. انا رجلش يامره .. انتي صاحيه ولا فيش شي .. ليش يوم الملكه .. ما وروش صورتي




\
/
\
/


~جـــوريـــة الـــدوحـــه~


\
/
\
/


انتهى البارت
وانشالله عجبكم

هذا الي قدرت عليه لاني صج تعبانه من السفر
وانشالله ما تخربطتو في التغير الي صار في الاحداث
انا قصدت اغير بين ريم ومرييوم لسبب انشالله بتعرفونه في البارتات الجايه

وانشالله بعد راح اعدل البارتات القديمه لاني كنت مغلطه في بعض الاشياء

اتمنا اجوف توقعاتكم الحلوه لانه صج بعد الفتره الطويله
وحشتني التوقعات
واتمنى من بعض البنات ان ما يكتبون لي بع الجمل الي ما يكون لها داعي

مثلا "نسينا الي صار"
او " جاري الانتضار "
او "تاخرتي علينا "
واسمحولي على القصور
واذا زعلت احد فيكم فانا اعتذر له
بس الان هالشي بيخلي حماسي للقصه يقل

\
/

~ جـــوريـــة الـــدوحـــه ~

\
/

لــا الــه الــا الله .. مــحــمــد رســول الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 254
قديم(ـة) 26-07-2011, 08:40 PM
صورة هويتگ ، الرمزية
هويتگ ، هويتگ ، غير متصل
شموخ بنتک يَ' آبوي ' مَ آنخلقٌ منَ يہزھٓ ..
 
الافتراضي رد: رواية وش هو أغلى من الوفاء في زمن برد و جفاء / بقلمي










||

روووووعهـ..~

تسلمين ي الغلااا...~


خااالص ودي..~


||















سبحآن الله وبحمده ،♡
سبحإن الله العظيم ♡


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 255
قديم(ـة) 27-07-2011, 01:38 PM
صورة ۝√امل الحياه√۝ الرمزية
۝√امل الحياه√۝ ۝√امل الحياه√۝ غير متصل
©؛°¨غرامي ذهبي¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


البارت رووووووووعه
اتوقع ماتدري انه زوجها لانها ماشافته
تسلم يدك ي عسسسل


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 256
قديم(ـة) 27-07-2011, 10:09 PM
صورة ..الغلا كله.. الرمزية
..الغلا كله.. ..الغلا كله.. غير متصل
©؛°¨غرامي مشارك¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


مرحبااا غنااتي
شلوونج ان شاء الله تمااموو؟
وكييف العطله معااج؟؟
والله اشتقت لج يالغلا

البااااااارت روووعه قممه في الرووعه
تسلم النامل الحلووه اللي كتبت لناا هالبااارت الحلوو

اممممم اتووقع ريييم صج ماتدري ومااشاافت صوورته بالملكه
واااااي المووقف محرررج بجد احراااااج ههههههههه
مووقف لاا تحسد علييه
واتووقع بيخلييها تتحجب وتغطي شعرهاا الله يعيينههاا بجد لانه رااح تتعب معااه ههههههههه
بس هوو احس انه طيووب وحللييل

واحلاا شوااقه تغيررت 180 درجه ههههه عكس اووول
وصح صعب الانساان يترك اطبااعه بسهووووله عااتي حلووو استهباالهاا هههه

وبانتظاار الباارت الجااااي بشوووق وعلى احر من الجمر
بلييز نبي باارت والله متشووقه لهووشاات منييره وفييصل شي هههههه
ياالييت تكتببين عنهم
ومااطولل علييج

مع تحياااتي وودي لج يالغلاا:

..الــــــــغـــــلا كـــــلـــه.. ^_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 257
قديم(ـة) 28-07-2011, 01:13 AM
صورة يضيع العمر الرمزية
يضيع العمر يضيع العمر غير متصل
©؛°¨غرامي فعال ¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


مشكوره على البارت مقدما
وبرجع عقب ماقرا البارت
(:

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 258
قديم(ـة) 28-07-2011, 02:07 AM
صورة يضيع العمر الرمزية
يضيع العمر يضيع العمر غير متصل
©؛°¨غرامي فعال ¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


شال البارت الزين الله يعطيج العافيه ماقصرتي
كفيتي وفيتي
شوق عجيبه لانه عرباويه ويحليلها صارت انثى
وريم الله اعينها بس شكله طيب

وننتظر البارت الجاي ومشكوره مره ثانيه
(:

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 259
قديم(ـة) 30-07-2011, 12:20 AM
صورة شموخ انثى .. الرمزية
شموخ انثى .. شموخ انثى .. غير متصل
©؛°¨غرامي فضي¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


يعطيكي الف عااافيه

وربي رووعه


يسلمووو

انتظر البارت الجاااي :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 260
قديم(ـة) 30-07-2011, 11:41 AM
صورة ×× فـيصـل ×× الرمزية
×× فـيصـل ×× ×× فـيصـل ×× غير متصل
©؛°¨غرامي نشيط¨°؛©
 
الافتراضي رد: رواية وش هو أغلى من الوفاء في زمن برد و جفاء / بقلمي


تسلم ايديك على هالمجهود الاكثر من رائع
حلوه كمليها
وموفقه يارب

رواية وش هو أغلى من الوفاء في زمن برد و جفاء / بقلمي

الوسوم
الوفاء , اغلا , رواية , \بقلمي , ودفاء
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية تعلمت أزين ضحكتي و القلوب أسرار على إني بخير بعين من يجهل أحزاني / بقلمي مشاعر حاكاها الزمان أرشيف الروايات المغلقة - لعدم إكتمالها 95 03-03-2013 11:32 PM
رواية يا نعيش مع بعض حبيبي .. يا نموت إحنا الإتنين / بقلمي JoDa ^_^ أرشيف الروايات المغلقة - لعدم إكتمالها 23 22-12-2012 02:10 AM
رواية صدفة حبيتك / رواية الحب المستحيل والتضحية ، بقلمي أسافر في بحر عينك أرشيف الروايات المغلقة - لعدم إكتمالها 591 17-01-2011 10:14 AM
رواية بنات فلة مسوين شلة / بقلمي » نمڵــۃ ڵاٻــسھـ ڪعب « أرشيف الروايات المغلقة - لعدم إكتمالها 2472 29-09-2010 01:16 AM
كتاب تحفة العروسين الصوت الحر الحياة الزوجية - الحمل - مشاكل الزواج - خاص بالمتزوجين 23 15-03-2010 08:10 PM

الساعة الآن +3: 07:06 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1