آكتفآء ©؛°¨غرامي ماسي ¨°؛©




سأسكب اليوم حروفي ولأول مرة
سأنثر بين يديكم كلماتي وكلي أمل أن تحظى بإعجابكم
هذي أول رواية لي ويشرفني أن أتركها بين يديكم
ويسعدني من كل من يشرفني هنا أن ينقدني اذا استحقت النقد
فبين يديكم سأترك طفلتي الأولى< لقيت روحي بعد ماأنا لقيتك>


لحظات فرح.... تتخللها لحظات من الحزن... وليس منا من لايحزن
نسعى دوما لنحقق حلمنا رغم بساطته ... نتعب .... نكافح ... لكن نأبى بالخسارة

حبي لك أكبر من كل شيء فلاتظنني أنني لن أقبل التحدي مع قلبك
لاتظن بأنني سوف أتنازل عن حقي بقلبك طالما أنت من سكن فؤادي
سأعلمك كيف تحبني.. وتعشقني أكثر مما أعشقك ...فأنا من استحق حبك...

قبل لأعرفك...لم أعرف الحياة,,, ولم أذوق طعم سعادة الحب...
حبك غيرني ... أثار شجوني ... فأتيت إليك ويملأ قلبي عشقك

أعدك ...بأني سأهديك حبا ضعف أضعاف حبك.....

فحين يربطنا بالماضي رباط... سينزع حبنا ذلك الرباط..
وسندفن اليوم أحزان الماضي وآلامه
سنكون يدا واحدة تحمل في طياتها كل الحب


انتظروني

آكتفآء ©؛°¨غرامي ماسي ¨°؛©

البـــــــــــ(1)ـــارت

الأحداث
فهد: صباح الخير
أبو حمد: كان ماصحيت أبرك ... أنت متى راح يتعدل حالك
أم حمد: اشوي اشوي ع وليدي مو كذا وش سوا الولد من صباح الله خير
صباح الخير يمه اجلس افطر ياوليدي وياي
فهد: لايمه تسلمين .. انا الحين بروح الجامعة تآمريني ع شيء يالغالية
أبوحمد: زين والله تذكرت ان عندك جامعة روح لابارك الله فيك كل حياتك سهر وطلعات وحياتك صياعة بدل ماتجي تقابل حلالك
فهد: الله يسامحك يبا تدري فيني مأحب أروح الشركة وبعدين ماشاءالله حمد وسعد قايمين بالشركة وزود
أبوحمد:أنت عمرك ماراح تصير رجال حسبي الله عليك من ولد
أم حمد: خلاص ياوليدي روح الحين الله يوفقك
فهد يحب رأس أمه: مع السلامة يمه
أم حمد: وأنت لمتى بظل حالك ع الولد مو كافي مكرهه حياته أبي أعرف وش سوالك هالولد عشان تسوي فيه كذا
أبوحمد: والله ماخربه غير دلالك له وولدك لو ماعقل لأكون مزوجه من بكرة... أنا الحين طالع الشركة مع السلامة
أم حمد: مع السلامة
( ياحسرتي عليك ياوليدي لو سوى اللي في باله وزوجك هالعلة نورة)
وتدخل وعد : صبحك الله بخير يمه
أم حمد: هلا بنيتي احطلك تفطرين
وعد: ايه يمه ,,, يمه سمعت أبوي يصارخ خير وش صار
أم حمد: وأنتي ماتعرفي صراخه الدايم مع أخوك فهد
وعد: والله حرام فهد مايستاهل كل هذا بس من يقنع أبوي أنه ظالمه
أم حمد: وأبوك من يسمع كلامه في البيت غير كلامك
وعد: والله يمه كلمته بس مو مقتنع وقالي أنه راح يزوجه يمكن الزواج يعقلهبس أنا عارفة فهد لو يموت مايتزوج بذي الطريقة
أم حمد: الله يعين بس كل خوفي يزوجه نورة بنت عمك
وعد: لاحرام فهد يآخذ نورة والله حرام
أم حمد: الله لايكتب يارب .. أنا رايحة المطبخ أجهز الغدا
وعد: يمه أنا بفطر وبروح عند سمر
أم حمد: وأنتي ماتجلسي في البيت وش عندك كل يوم مطيحة عند سمر
وعد شهقت: هاااه ولاشيء بس بروح أشوف جسوووم وحشني
أم حمد: وماوحشك غير جسوم ليه ماوحشتك وعد هذا وانتي اللي مسميتها
وعد: يمه وعد صارت كبيرة وجسوم الصغير
أم حمد: خلاص صجيتي رآسي روحي بس لاتتأخري
وعد( الحمد لله عدت ع خير يارب أشوفك ياسالم وارتاح من الشوق اللي معذبني)

في الشركة
أبوحمد: أقول يابو ناصر وش رايك نطلع نهاية الأسبوع المزرعة
أبو ناصر: والله فكرة ومنها نرتاح من الشغل شوي
أبوحمد: خلاص أنا أخلي حمد يرتب لنا كل شيء... إلا أقول وش أخباره سالم؟
أبو ناصر: والله هالولد من زمان ماشفته كله لاهي بدراسته بس الله يوفقه
أبو حمد: الله يوفقه يارب خلاص بلغه يجي المزرعة وبدون أعذار وأنا بكلم أم نورة
أبو ناصر: اتفقنا

في البيت أم نورة

نورة ترد ع التلفون : الوو
أبو حمد: هلا ببنيتي الغالية أخبارك
نورة ( اووف وش هالنشبة) هلا عمي أنا بخير أنت كيفك وكيف مرة عمي والعيال والشركة
أبوحمد: هههههههه شوي شوي علي كل الدنيا بخير وش أخبارك وأخبار أمك والمدرسة
نورة( والله ماعندك سالفة) تمام عمي أنت كيف صحتك
أبو حمد: الحمد لله نحمده الا أقول يابنيتي قولي لأمك أنا طالعين المزرعة نهاية الأسبوع
نورة: من جد عمي
أبو حمد: كل هذا وحشناك يابنيتي
نورة( والله ماوحشني غير فهود: أكيد عمي وبالمرة أغير جو
بوحمد: أن شاءالله تستانسي واذا احتجي أي شيء كلميني وأنا عمك
نورة: مشكور عمي خيرك سابق
أبو حمد: مع السلامة
نورة( والله ماتدري ياعمي ع وش ناوية بنت أخوك وأنت جبتها لي ع طبق من ذهب

في بيت سالم

توه راد من الجامعة الا والتلفون يرن
سالم: الوو
أبو ناصر: أنت وين كنت لي ساعة أدق
سالم: العفو منك خالي كنت بالجامعة وتوني راد وش أخبارك خالي عاش من سمع صوتك لك وحشة يالغالي
بو ناصر: ايه باين لو ماسألت أنا كان أنت ماسألت
سالم: السموحة ياخالي بس أنت داري بالدراسة وأشغال الدنيا
أبو ناصر: ايه بس لاتكون وزير وأنا آخر من يعلم
سالم: هههههههههه عن قريب بتسمع هالشيء
أبو ناصر: طيب يالمشغول أبيك تجي المزرعة نهاية الأسبوع
سالم: من عيوني ياخالي كم خال أنا عندي
أبو ناصر: عندك اثنين لايكثر ومو تتأخر علينا
سالم: تآمريني أمر يالغالي
أبو ناصر: الله يحفظك ياوليدي يلا فمان الله
سالم: فمان الكريم
سالم( وأخيرا جات الفرصة لشوفتك يالوعــــــــــد)
أتمنى تعجبكم وتشجعوني
تحياتي

البنت الذي كويسة ©؛°¨غرامي نشيط¨°؛©

..السلام عليكم والرحمة
الله حي خيتا...منورة
وياهلابك بوكبه غرام للروايات...
..وبداية موفقة واهنيك ع مولودتك الاولى
وبجيب المقص..وبقص الشريط وبسوي افتتاحية هعهعهعهههع
..وعائلة ابو حمد
..ابوحمد...اللي استشفيته من شخصيته انه رجل متسلط
وكلمته مايثنيها...وحاط دوبه على ولده فهد...والسبب اظن لحد الان مجهول...وكيف يبغى ولدة يمسك الشغل والحلال
وهو لحد الان طالب جامعي...ع الاقل
اذا تخرج..ذيك الساعة يرص ويضغط ع فهد..موب الان
ماله حق بصراحة عندة اولاده (حمد وسعد)..
وتوقعت بيطلع هالشيبه حكيم..وماعرف يختار
لولد زوجه صالحة وكويسة...ماادري ايش شاف
بنوير ...عشان يحط عينه فيها...
هذي خبيثة..وباين راعية مشاكل الله يستر
منها ومن اللي بتهببه بالمزرعة
عندي احساس
انها بتسوي شي...وممكن تلزق النهمة بفهد انه
حاول يعتدي عليها...او شي من هالقبيل
وثمن ينجبر يتزوجها...هذي عقرب رمل
والله قلبي قارصني..منها
..الله لايوفقها
..بس شكلها صدق بتتزوج فهد...

وعد...الله يعين سالم شكلة
يحب وعد جد..مهوب راعي لعب وتسليه

...موفقة خيتا
وتحرم يدك ع مانثرة ونزفة قلمك من ابداع
وعساك ع القوة
نلتقي بالبارت الثاني
بإذن المولى
..عوافي..

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله


يعطيك العـــافية
موفقة إن شـــاء الله


http://forums.graaam.com/238622.html


,’

® αŝεέℓ ♣♠ ƒḓёёτ λήƒλ5ψ

رووووعهـ يالغلا ..
رحمت فهد مررهـ ..
ننتظرك يا قلبي ..

زيزوالملك ©؛°¨غرامي فعال ¨°؛©

بداية اكثر من جميلة اتمنى لك الموفقية وبانتظار القادم تقبلى مرورى

رااما ©؛°¨غرامي فضي¨°؛©

بدايه موفقه يااقمر

بس عرفينا ع الشخصيااات

في انتظارك

FloOora ©؛°¨غرامي متألق ¨°؛©

بـدآيـة مـوفـقـة ..
أعـجـبـتـني الـبـدآيـة ..
فهد : كسر خاطري ..
ابو حمد : ما حبيته أحسه رح يظلم ولده ..
ام حمد : طيوبة ..
وعد : عجبتني كثير ..
سالم : كمان عجبني ..
بس للحين ما توضحت الشخًصيات ..
ننتظر البارت الجآي ..

خخ و رر ©؛°¨غرامي فعال ¨°؛©

مرهـ رووعهـ
فهد:آبوك يآلتطنيشش والسسحبهـ على آبو حمد
حمد + سعد : نو كومنت لآنك مآجبتي طآريهم هع
وعد:آحسسهآ تزنن
آبو حمد:كرهته من بدآية الروآيهـ ~> آمدآ xD
آم حمد:طيوبهـ وعلى نيآتهآ
..
نورة:آحسسهآ آبو النذآله وآكيد بتسوي شي بـآلمزرعه
..
سآلم :حسسيته يحب وعد ويمكن وعد بعد تحبه ^^
وبسس .. بدآيهـ موفقهـ خيتو
ننتضر البآرت ^^

آكتفآء ©؛°¨غرامي ماسي ¨°؛©

المشاركة الأساسية كتبها البنت الذي كويسة اقتباس :
..السلام عليكم والرحمة
الله حي خيتا...منورة
وياهلابك بوكبه غرام للروايات...
..وبداية موفقة واهنيك ع مولودتك الاولى
وبجيب المقص..وبقص الشريط وبسوي افتتاحية هعهعهعهههع
..وعائلة ابو حمد
..ابوحمد...اللي استشفيته من شخصيته انه رجل متسلط
وكلمته مايثنيها...وحاط دوبه على ولده فهد...والسبب اظن لحد الان مجهول...وكيف يبغى ولدة يمسك الشغل والحلال
وهو لحد الان طالب جامعي...ع الاقل
اذا تخرج..ذيك الساعة يرص ويضغط ع فهد..موب الان
ماله حق بصراحة عندة اولاده (حمد وسعد)..
وتوقعت بيطلع هالشيبه حكيم..وماعرف يختار
لولد زوجه صالحة وكويسة...ماادري ايش شاف
بنوير ...عشان يحط عينه فيها...
هذي خبيثة..وباين راعية مشاكل الله يستر
منها ومن اللي بتهببه بالمزرعة
عندي احساس
انها بتسوي شي...وممكن تلزق النهمة بفهد انه
حاول يعتدي عليها...او شي من هالقبيل
وثمن ينجبر يتزوجها...هذي عقرب رمل
والله قلبي قارصني..منها
..الله لايوفقها
..بس شكلها صدق بتتزوج فهد...

وعد...الله يعين سالم شكلة
يحب وعد جد..مهوب راعي لعب وتسليه

...موفقة خيتا
وتحرم يدك ع مانثرة ونزفة قلمك من ابداع
وعساك ع القوة
نلتقي بالبارت الثاني
بإذن المولى
..عوافي..

يسلمووووو حبيبتي ع هالترحيب
من جد احرجتيني
الله لايحرمني منك

وصراحة توقعاتك مرررة حلووووة
بس انتظريني بالبارت الجاي
ومابيك تتعلقي بالشخصيات
لان راح تتغير

يسلموووو حبيبتي ع الرد
منوووورة قلبووووووووو

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1