احبه ومابي اقول ©؛°¨غرامي جديد¨°؛©


السلام عليكم ورحمة الله وبركاته

انا اليوم جايبتلكم رواية جديدة وهي اول كتابة لنا في عالم الروايات واذا سمحتوا اي احد بينقد
ينقد نقد بناء وبلا تجريح واذا لقيت تفاعل راح اكمل الرواية

رواية سكرت من انفــــــــــاسك وماودي افوق
بقلم شلة(مهما اختلفنا نبقى حبايب)

ليت الذي خلق العيون السودا خلق القلوب الخافقات حديدا
لولا نواعسها ولولا سحرها ماود مالـك لـــــــــو صـيدا
عوذ فؤادك من نبــال لحاظهـا او مت كما شاءالغرام شهيدا
ان انت ابصرت الجمال ولم تهم كنت امرءا خشن الطباع بليدا
نظرة عرضت فصارت في الحشا نـــارا وصار لها الفؤاد وقودا

السااعه 11 باليل البنات متجمعين كـ العاده
شهد: يوووووووووه تخيلي بقي ع الدراسه اسبوع بانتحر
ريما: لالالالالالالالالالالالا لاتذكريني _وهي تصرخ_ اهيئ اهيئ
رزان : عاادي اسحبوو عليها اول اسبوع
ريما :والله لو عليا اسحب ع السنه كلها
شهد: يلا من جد وانا معك
مايا : تسونها يالمهبل
مها : اصلا الصيف ذا ممل كان نفسي نروح جنيف بس قهر...
ريما وشهد :لا وربي ....
ريما : والله دبي الصيف ذا جنااان انا شهووده فلينا ابووها
شهد: أي والله ...ااااااااااه الله يعيدها من ايام
ساره: لا ان شاء الله الصيف الجاي جنيف
رزان :هههه والله الي يشوفكم يقول بكره الصيف الجاي
مايا :ههههه من جد والله تحززنو
شجن نازله من الدرج مسرعه وتصرخ: بنااااااااااااااااااااااات بناااااااااااااااااااات
مهااا: الله ياخذك صمختينا
ريما :هيه انتي لا تدعي على اختي
رزان : هاا شجوونه اش عندك
شجن: هااااا نسيت ......... ايوووه جهاد بكرره جاي من امريكا
البنات ما عدا مايا: وااااااااااااااااااااااااااااااااااااااااااااااااا اااو
ريما : يناااااااس على جهووود والله وحشني
سااره: والله حتى انا يا حبيلي له
مها اعطت اختها نظره خلتها تسكت
مايا: يالله فرحانين على ايش؟؟
شجن: هذا جهاااد يا دووبه
دق جوال مايا وقمت من عندهم .........مايا:عن اذنكم
البنات مشغوولين يفكرون ايش يعملو بكره:..........................
مايا:وربي انكم ....

في المشغل
مدام ناهد: اانا ااسفه اسيل لكن انا كنت متامله ان العامله تقدم استقالتها لكن مددت العقد
اسيل بضيق: اممممممممممم اوك حصل خير مهي اول وظيفه اخسرها
مدام ناهد: الله يعين ان شاء الله في اقرب فرصه احصلك وظيفه وانا اسفه مرره ثاانيه
اسيل"سمعت الكلام ذا كثير بس " :لالا عادي ...._وهي تحاول تتصنع الابتسامه الي ما حست بطعمها من يوم ما مرضت عمتها الي بمكانة امها _
مدام ناهد : على العمووم فرصه سعيده اني التقيت بك وان شاء الله اشوفك على خير
اسيل : امم ان شاء الله ..يلا مع السلامه
مدام ناهد : مع السلامه

في امريكا
ركاان : ها متى طيارتك ؟؟
جهاااد: بعد نص ساعه اعتقد
ركان: يعني يمدي نرووح نتعشى
جهاد : لا انت روح انا مالي خلق
ركان : الله الله كل هذا شوق وحنين للوطن
جهااد : ايه كثر منها بالذات هذي شوق وحنين ....انت اكثر واحد عارف انا رايح ليش
ركاان :لو تسمع كلامي ونرجع سوا بعد اسبوعين ولا ثلاث
جهاد : ايه عشان جدي يحولني اعدام ... خلها كذا احسن انت عارف لي اكثر من شهرين اماطله في الجيه
ركان : هههههه والله مدري ايش يبي يشوف في خشتك
جهاد : ههههههههه شايف كيف انك في نعمه عظيمه اربع وعشرين ساعه في وجهك بينما ناس تتمنى تشوف خشتي لو ساعه
ركان : تكفى يالواثق
جهاد : الا انت ما وحشتك الهنوووف
راكاان : اااااااااااه يا لبى قلب الهنوف ,....... الا والله وحشتني
جهاد : اجل يلا تخاويني
راكان : لا يا شيخ قلتلك كلها مده واجي واشووف حبي..كمل بضيق : بس خلني افتك من البلوه الي هنا ويسير خير
جهاد : تنحل ياشيخ بس انت لا تشيل هم
بعد الترجمه
الرجاااء من ركاب الرحله 878 التوجه الي ------------
ركان : نادو على رحلتك
جهاد بدون نفس :ايه سامع
ركان وهو يحظن جهاد : توصل بالسلامه
جهاد : الله يسلمك .... يلا اشوفك على خير
نتعرف على جهاد
نتعرف ع جهاد (عمره 24سنه عيونه وساع وكحيله وشعره اسود وكثييف وجسمه رياضي بشرة بين البياض والسمار لكن للبياض اقرب >>يعني خقااق... ذكي,جريء؛هادي نوعا ما ومرجوج في بعض الاحيان )
وذا صديقه الروح بالروح راكان
راكان ( شاب مملوح ملامحه خليجية ورزة اسمراني بس سمرة جذااااااااااااااااااااااابه طيب ؛مرجووج ويحب بنت خاله الهنوف الي راح نتعرف عليها بعدين )


في مكان يملئه الحب والسكينه والود >بيت ابو ود >عالقافية ههههه

وافي يكلم ود _كام_ : ود اقولك البسي الفستان الفوشي اللي فيه اسود
ود وهي معصبه:وافي اسكت عني من بيلبس انا ولا انت ماابغاه
وافي :و ربي ماعندك ذوق قلتلك اللبس الثاني مو حلو
ود:ضف وجهك من حلاة ذوقك
وافي بزعل :طييب انا اسف مو من حقي اتدخل في خصوصياتك يلا مع السلامه
ود: واااافي تعال لا تزعل
وافي ومازال يتصنع الزعل : خييير مو انا اضف وجهي .....هذا وانا حبيك
ود: مو بس حبيبي الا روحي وعمري وقلبي وكل دنيتي بعد
وافي يمثل الحيا : وه وه وه بس يابت خلاص استحيت ............بنات اخر زمن الرجال يستحي وهم لا
ود ووجهها يطبخ عرفت انه يبي يحرجها :انطم
وافي:ههههههههههههههههههههههه...فديتك قليلة ادب بس احبببببببك
ود وهي ميته احراج:طيب يلا مع السلامه
واافي وهو يضحك:مع السلامه ..
ود بعد ماقفلت من حبيبها"وهـ يناااس احببه يا الله من يصدق انو واحد اتعرف عليه في القروب وااحبه واعشقه بالشكل ذاا ..عارفه انه خطاء بس انا واثقه من وافي واني بتزوجه...بس هوا لمن يعرض علي يرسل اهله يخطبووني اردهـ .. ايه انا ابى اكمل دراستي في الجامعه وبعدين افضى للزواج ومسؤليته" –قطع تفكيرها صوت امها
ام ود :ود يا ود
ود : هااا يمه حااضر هالحين جايه
نتعرف على ود ووافي
ود (بنوووته حللوه وملامحها مرره بريئه يعني وجه طفولي نعوومه تدرس ادب فرنسي في الجامعه جسمها مرره حلونحيفه لكن لابق لها)

وااافي (عمره 22 وسييم لابعد الحدوود هادي وحبووب ويحب وود ومقرر يخطبها اول ماتخلص دراستها)

في الاستراحه

فيصل :يااحبي ليش ماتبيني اشوفك ...والله مو عذر .....انا ماني قادر انام الليل من كثر ماانا افكر فيك _وهو كاتم ضحكته_
سعوود:ههههههههههههههههههه ابوك يالبكش
فيصل ياشر له بيده اسكت
سعوود:ههههه تعال عندي اليوم عشان انومك
فيصل ماقدر يكتم ضحكته :ههههههههههه....لا ياروحي مافي شي ..اسمعي اكلمك اليوم باليل
سعود: ايوه لمن ماتقدر تنام
فيصل بعد ماقفل :انت حماار فشلتني عند البنت
سعود:تكفى عاد يعني تهمك ذحين؟
فيصل :لا والله انها ماتسوى ذا _وهو ياشر على جزمته – الله يكرم السامع
سعود: ابفهم اجل ليش تكلم ؟
فيصل: هذي الهبله بالذات هي الي جات وادتني رقمها بنفسها ...غير كذا زيها زي الي قبلها باخذ منها الي ابي واسحب عليها
سعوود: هههه والله انك داااهيه
فيصل : اقول بس يلا مشينا ..ماعندك دوام بكره ؟
سعوود :الا والله ..الحمد لله جيت جهادبكره راح تريحني كثير ويشيل معي حمل الشركه مو مثل اللحين كل شي علي
فيصل :اهاااااااااااااا زيييين
نتعرف ع سعود
(سعود27 سنه وسيم لابعد الحدود عيونه كحيله وجذابه وخشمه حاد وطويل هادي >لكن ينطبق عليه مثل ياما تحت السواهي دواهي> مغروور ,لكن قلبه طيب)
فيصل(وسيم عيونه وسااع ابيضاني خشمه سلت سيف جسمه حلوو ,جريء ,ومغازلجي ,وعنده حب للتملك بشع )


في بيت الجوهره
مها : مادرتي مين جاي بكره ؟؟
الجوهره بدون نفس: لالا ماحصلي الشرف
مها : جهااد ولد عمي عبدالله
الجوهره بصدمه : جهاااد؟؟
مها تهز راسها بالايجاب
الجوهره الي تجدد عندها الحقد والكراهيه لجهاد وامه :جعله مايجي سالم
ساره الي ماعجبتها الكلمه : اسم الله عليه يمه لا تفاولين
الجوهره زادت عصبيتها: تعرفين تنكتمين
ساااره بدلعها المعتاد :يووووه
مها تبي تنرفز اختها : ويكويك ويك
ساره ادتها نظره وطلعت غرفتها
ناخذ نبذه عن عيلة الجوهر (الجوهره شخصيه متسلطه وحقووده عندها مها وساره ...مها:مملوحه وجسمها حلوو لكنها مغرووره بالحيل وشايفه نفسها ...ساره: بنوته حلوه وملامحها بريئه نفس حركاتها معجبه بولد عمها جهااد لكن هوا مو مديها وجه لانه ماتعجبه حركاتها الجريئيه بعض الاحيان والي تدل على عقلها الصغير..)


راكان يدق على الهنوف
الهنوف :الوووو
راكان:فديت الالوو وصااحبته
الهنوف بخجل :هههههه
راكان:كيفك ياحبي
الهنووف:تماااااام انت كيفك؟
راكان :بخير دامي سمعت صوتك
الهنوف :غريبه دااق في ذا الوقت العاده تكون ممع جهااد
ركاان: افاااااااااادايما انتي على بالي بس احب ادق عليكي على روقان غير كذا جهااد تووه سافر
الهنوف:وين؟
راكان:عندكم
الهنووف :وليش ان شاء الله ماجيت معه
راكان يبي يغير الهرجه: ليش وحشتك ؟
الهنووف بصوت اقرب للهمس:موووووووووووت
راكان :ياحبي لك وانا اكثر بس ان شاء الله كلها اسبوعين زمان واجي
الهنووف بفرح:احلف
راكان:ههههه وربي ...االا خالتي كيفها؟
الهنوف:الحمدالله بخير
راكان دخل معاه خط : نوفه حبيبتي اكلمك بعدين معي خط
الهنوف:اووكي قلبو باااي
راكان:باااي..انتبهي على نفسك
الهنوف:ان شاءالله ..وانت بعد..يلا قود نايت
راكان :قود نايت
نتعرف ع الهنوف( 20 سنه بنت حلووه وجذاابه ملامحها مرره هااديه وشخصيتها نفس الشي لكن الي يميزها طيبة قلبها العجيب تحب راكان ولد خالتها وبينهم خطبه رسميه )

راكان رد على الرقم :( بعد الترجمه) نعم
........:مرحبا
راكان عرف الصوت : الم اقل لكي لاتتصلي بي مرره اخرى
....:ههههه حسنا لكن ماذا فعلت في امر ...
قاطعها راكان بعصبيه :لاشأن لي بهذا
..........: كيف لا شان لك بهذا اليسـ..
قاطعها راكان: اذا عودتي الاتصال مرره اخرى سوف اتصرف بطريقتي
راكان قفل في وجه المتصل


اليوم موعد وصول جهاد الكل مجتمع عشان يستقبل جهااد والشباب راحو يستقبلونه بالمطار
شهد : يالله والله مررره متحمسه اشووف جهاد
ريما : أي واللله حتى انا تتوقعين احلوا كثر
شهد : اماااا يحلوو اكثر من كذا عذاااااااااااااااااااااااب _وهي تمثل الدوخه –
ريما : ليكون تحبينه
شهد صقعت ريما على راسها : انتي عارفه اني اعده مثل اخوي عشان كذا متحمسه
ريما : هههههههههههههههههه المشكله اخوي رازه وجهك ابعرف ليش؟؟
ساره جايه بسرعه بعبايتها : ها بنات ليكون وصل
ريما : لالا تخافي لسى ما وصل
سااره وهي تتنفس الصعداء : اوووووووووووووه الحمد لله خفت اكوون تأخرت

مايا : هههههه ...... تصدقي حمستني اشوفه
شجن : ليش ما قد شفتيه ؟
مايا وهي تهز راسها : لا.......... امممممممممم امكن شفته وانا صغيره
شجن متفاجئه: والله غريبه ....... يلا شوي تشوفينه ....بس اخاف تخقين عنده
مايا :لا ياشيخه احلفي بس وش قالولك مخفه ........بس تعالي هنا هوا من جد مره وسيم لذي الدرجه
رزان : انا اشوفه مررره وسيم
مايا:اممممممممممم قلتيلي مررره

سلطان دخل :السلام عليكم
الكل :وعليكم السلام
سلطان : ماوصلو العيال
العنوود : لا للحين ما وصلو
الجووهره : والله مدري على وشو متحمسين ......... هذا كله عشان ولد الفاجره
الجد بعصبيه : الجووهره –بصراخ- لو اسمعك تقولين هالحكي مرره ثانيه على ولد اخوك قصيت لسانك
الجووهره بزعل: هذا وهو لسى ماوصل خربك علينا اجل لا وصل وش بتسوي
صالح الي مايعجبه اسلوب الجوهره : الجوووهره خلاص
بييييييب بيب ببببيب بيببي بيب بي بيبيبيبيبيبيبي >>>اصوات البواري الي جايه من الشارع >>طبعا الشباب عملوله مسيره حتى اصحابه ايام دراسة الجامعه في امريكا
ريما تصارخ : واو شكلهم وصلو
البنات ماعدا مايا :واااااااااااااااااااااااااااااااااااااااااااو كلوووووووووووووووووش
(طلع اعمامهم مع جدهم يستقبلووون جهااااااد الي ماشافوووه الا من قبل 5سنوات لمن جاء فترة الثنوي عشان يتعرف على اهل ابوه وجلس تقريبا مدة سنتين ورجع سافر لانه ما اعجبه جوالسعوديه ولا ارتاح فيها)
الجد راشد : الحمد لله ع السلامه هلا والله مابغيت نشوفك
جهاد وهو يبوس راس جده : الله يسلمك
سلم جهااد على اعمامه ودخل يسلمو ع الباقي
نعرفك باختصار على بعض شخصيات قصتنا المهمين
الجد راشد شخصية مهمه جدا جدا بالمجتمع وله4عيال 3بناات سلطان ،صالح,،عبدالله،محمد,الجوهره،وحصه, والعنود
وله منهم عدة احفاد نتعرف عليهم لاحقا
جهاد: السلام علـ....
البنات : واااااااااااااااااااااااااااو _يصرخون_
العنود : هلا والله بالغالي ولد الغالي الحمد لله ع السلامه ياقلب عمه _عبدالله كان اقرب اخوانها لها عشان كذا ولده له معزه خاصه _
جهاد : الله يسلمك يالغاليه
ريما نطت على جهادوضمته: هلا والله ومرحبا بخوي جهوود ح...
شهد قاطعتها :يا هلا والله ومرحبا اسفرت وانورت واستهلت وامطرت بولد عمي العزيز
جهاااد : هههههه بس بس هذا كله ترحيب ......... هلا فيكم وحشتوي يالدبب
ريما :والله وانت اكثر يا جهوود ....._لفت على شهد _ذحين مني ماليه عينك يالدبه منتي شايفتني قاعده اسلم عليه
جهاد عرف انهم حيتضاربون كالعاده زي مايسون ع المسن تركهم
رزان : الحمد لله ع السلامه
جهاااد : الله يسلمك
شجن ضمته : الحمد لله ع السلامه وحشتني *(على فكره شجن وريما وجهاد اخوان بالرضاعه عشان كذا هي واختهاا ريما مطيحين الميانه)
جهاااد : الله يسلمك وانتي اكثر
الجوهره : هلا بولد امريكا
جهاد تنرفز واداها نظره خلتها تسكت وما رد عليها
ساااره : ياهلا والله بالغالي
جهاد بدون نفس من موقف امها : اهلين
مايا: الحمد لله ع السلامه
جهاد : الله يسلمك _من دون ما يدقق مين الي سلم عليه _
مايا:"هذا من ذحين شايف نفسه ...الله يعين "
نطت ريما عندهم : طبعا انت اكيد ما عرفتها .. هذي ميمي بنت عمو فيصل
جهاد انتبه انه ما يعرفها لانها كانت متلثمه .....وابتسم.:اهااااااا اهلين ام سووري ما انتبهت _جهاد تفاجء اول مرره يعرف انه عند عمه فيصل بنت -
مايا ردت له الابتسامه : اهلين فيك تشرفنا والله
شهد : جهاد جدوو يبيك يقول ابطيت عند البنات
جهاد: هااا طيب هاللحين جاي
دخل جهاااد المجلس وجلس مع جده واعمامه وعيالهم وكان بالنسبه له يووم متعب تعشى وطلع جناحه الي مجهز له وناام والكل بعد سهره طويله رجع لبيته ....


اليوم الثاني الساعه4 العصر

الهنووف : ها اسوله كيف مامتك ؟
اسيل بضق : والله على حطت ايدك
الهنووف : امممممممم الله يشيفها ويرفع عنها
اسيل : امين يارب
الهنوف : الا انتي ما حصلتي وظيفه ؟؟
اسيل : لا والله الى الان ..حتى الوظيفه الي تاملت فيها في المشغل راحت علي
الهنووف : الله يعين ...سار الواحد عشان يحصل وظيفه تطلع روحه
اسيل : من جد ...... اقول بس غيري الهرجه اكتأـبت ... الا حبيب القلب ركان كيفه؟
الهنووف بهيام : وووه يا حبي له ...يا قلبي عليه زعلان صديقه الروح بالروح جهاد امس سافر
اسيل كاتمه ضحكتها : امممممممم الله يعينه ¬¬¬
الهنوف : تتريقي انت ووجهك
اسيل :ههههههههههه لا والله بس اقول الله يخليكم لبعض ولا يفرق بينكم
الهنوف : اامين يارب....الا اسووله ابغاكي تجي معي السوق اليوم
اسيل: ليش؟اايش عندك؟
الهنوف :لا بس ملكة بنت عمي الاسبوع الجاي وبروح اشوفلي فستان نعووم وابيكي معي
اسيل :اهاااااااا ماشاءالله ...اجل خلاص موعدنا اليوم باليل
الهنوف: اوك...يسير امرك ونروح
اسيل : اوك
ام اسيل تناديها : اسييل كح كح كح اسيل يمه كح كح
اسيل : اقول نوفه اكلمك بعدين امي تناديني
الهنوف : اوك يلا باي
اسيل : باي
اسيل راحت تشوف امها الي تعودت على حالها : هلا يمه بغيتي شي ؟
ام اسيل :كح كح اعطني كاست مويه عشان باخذ الدوا
اسيل : حاضر .........تفضلي – اخذت ام اسيل الدوا وعلى طول استسلمت للنوم _
اسيل تحب راس امها : الله يحفظك لي "ان شاء الله ربي يعيني وااوفر فلوس العمليه"
نتعرف على اسيل (بنت حلوه موووت وتجتمع فيها ملامح الانوثه من عيونها الوساع وخشمها الحاد وشفايفها الورديه وجسمها الي اشبه بعود الريان)


في بيت الجوهره

مهاا: لا ياحبيبي ما اقدر اشوفك اليوم
سامر: ليش ياروحي
مها"ياذا الغثى مو راضي يفهم اني بصرفه" :والله اليوم مرره مشغووله
سامر: اجل بكره موعدنا
مها بنرفزه: خلاص من هنا الى بكره حياه ومووت ...يلا ذحين بقفل معي خط
سامر :اوك ياعسل بس اقدر اعرف مين ؟
مها طرطعت:لالالا لانه مو من خصوصياتك
سامر خاف انها ترفض عرضه لخرجت بكره:طيب طيب خلاص لا تعصبي ماصار سؤال
مها :مع السلامه ...وقفلت بدون ماتسمع رده
سامر: "ووقحه"
مها ردت ع الخط الثاني
مها:الوو
ياسر :ياناس ع هـ الصوت والله
مها "ليتني طالعت في الرقم ":هههه تسلم
ياسر : كيفك ياا قمر
مها:تمام وانت كيفك ؟
ياسر : عال العال
مها :امممممممم
ياسر : الا ياقلبي خارجه اليوم
مها:ليش؟
ياسر :لا بس ابي اشوفك اليوم
مها "ايش الحكايه اليوم يوزعون اكل مجاني ولا ايش":لالا اليوم مرره مشغوو له
سااره:مهااااا مهااا
مها :باي باي اختي تبيني
ياسر :باي



في الشركه
السكرتير : طال عمرك السنه ذي 3 من احسن المحاسبين عندنا قدموو استقالاتهم
سعوود: ليش ؟؟
السكرتير: والله مدري طال عمرك لكن اعتقد انهم حصلو وظيفه في شرككه ثانيه
سعوود: "الثلاثه كلهم مرره وحده غرريبه" ...ماعليك المنه عليهم اصلا وين يحصلوون وظيفه براتب خيالي زي الي نعطيهم اياه ....المهم احتمال جدي السبت او الاحد جااي مع ولد عمي ابى الشغل يكوون على احسن شكل
السكرتير :عندنا علم طال عمرك ...والمكتب الي وصانا فيه الشيخ راشد جهزناه له
سعوود:"حركات موصي له مكتب من بدري الله ...مو من عادة جدي يثق باحد بسرعه ويسلمه الشغل": طيب يعطيكم العافيه....ولا تنسى تنزل وظايف طلب محاسبين
السكرتير:صاار طال عمرك عن اذنك

سعوود جاه اتصال:
فيصل :الوو
سعود : هلا والله
فيصل : هلا فيك ...اخبارك؟
سعود:تمام ..وانت؟
فيصل : زيك ...عندك شي اليوم
سعود :متى؟
فيصل: باليل...
سعود:لا ليش؟
فيصل: تخاويني الموول
سعود:شكلك رايح تقز
فيصل :شيء من هذا القبيل
سعوود:هههه اوك
فيصل : اجل يلا اشوفك انشاء اليوم

في بيت ابو ود

ود: ماما وين رايحين اليوم .؟
ام ود:عند عمك ابو فيصل
ود:يوووووه مالي خلق ...ماابي اروح
ابو ود سمع بنته:اقوول تروحين غصبن عنتس
ود:يبه والله ماله داعي ارووح
ابو ود بعصبيته المعتاده: قلت تروحين يعني تروحين
ود بزعل :يا ربييييييييييه ...يبه انت كل شي عندك بالغصب
ابو ود بصراخ: ايييييييييييييييش
ود خافت :هااااا لا ولاشي
ابو ود: اقلبي وجهتس ورحي تجهزي
ود: حااضر
ود" يا ربيه عليك يا يبه كل شي عندك بالغصب الخرجه بالغصب والاكل بالغصب والنووم بالغصب والله مني بزرر...اوووه يا وافي بس متى نتزوج واخلص من القرف ذا"

الساعه 8 باليل
جهاد قاعد مع جده وعمته العنود
الجد: الا يا جهاد ما قررت متى بتداوم في الشركه
العنوود: هووو يا يبه توه ماله يوم جاي على طول بتشغله
جهااد: عاادي متى ما تحب
العنود:تاشر لجها د :هذا وانا ادافع عنك تقوله متى ما تحب
جهااد: ههههههههههههه
الجد: لالا جهااد شكله راح يبداء بحماس ويبيض وجهي
جهاد:ان شاء اللله اكون عند حسن ظنك"والله احس اني عامل جاي عشان اكرف "
قاطع هرجهم دخلت...
مايا:السلام عليكم
الكل :وعليكم السلام _انتبهت لجهاد الي ماتعودت وجوده في بيت جدها وعدلت حجابها_
الجد:هلا والله مايا تعالي وانا جدك اجلسي**

مايا ابتسمت ابتسامة خجل تذوب وجلست
جهاد حب يتعرف عليها بما انه ثاني مره يقابلها من جاء:كيفك مايا
مايا :تمام الحمدالله انت كيفك ؟
جهاد:انا بخير و...
قطع كلامه صوت الجوال
جهاد:عن اذنكم ...الووو
تركي: هلا والله .. :وينك يابو الشباب لا يكون نسيت العزيمه؟
جهاد توه تذكر ان تركي اتفق معاه في المطار يجي يتعشى معهم في المزرعه بس بين انه مانسي:هاااا لالا مانسيت بس اللحين وقت عشا
تركي :لالا في طقطقه ونااااسه للفجر
جهااد:اهااااااااااا قول كذا من اول تبون تخربون اخلاقي
تركي:ههههههه تعال انت بس اخلاقك خربانه خلقه ولا نسيت ايام امريكا
جهادتذكر ايام البار والصياعه خصوصا مع تركي: هههههههه
تركي : المهم يلا لا تبطي ترى نستناك
جهاد:اووك يلا سلام
تركي :سلام
***( تعرفنا على بعض من شخصياتنا في البارت الاول وتعريف الشخصيات الباقيه جاي في البارت الثاني)**

قفل من تركي كان جده على حاله يتفرج الاخبار ومايا والعنود مندمجين في السوالف
جها د وقف :يلا عن اذنكم يا جماعه
الجد:وين على الله
جهااد:والله الشباب مسوين عشا _
الجد: يعني بمناسبة انك رجعت؟
جهاد: ايه
الجد: والله فشله المفروض حنا نسوي لك العشا ...بس الوقت ماسمح وانت ما تبي
جهاد :لالا عادي يا جدي ..اصلا مالها داعي
الجد:شلون مالها داعي ....لالا زم نسوي العشا على الاسبوع الجاي
جهاد مافيه يطول مع جده اكثر من كذا :على راحتك ...يلا مع السلامه
الكل :مع السلامه
العنود:انتبه لنفسك وانت تسوق
جهاد وهو عند الباب :ان شاء الله

في المووووول
الهنووف :اسووله شوفي ذا الموديل مو جناان
اسيل : اممممم مرره حلو.... بس خلاص اشتريتي
الهنوف: عادي ... المناسبات ما تخلص
اسيل تناظر صحبتها الي تشتري بدون اهتما م وسرف : طيب يلا بسرعه حاسبي ترى اتاخرنا
الهنوف: يووه يا اسوله ماصارت تونا داخلين
اسيل فاتحه عيونها ع الاخر : لنا 3 ساعات في السوق تقولي تونا داخلين
الهنوف: من جد توني انتبه هههههه
اسيل بقل صبر : يلا خلصينا
الهنوف واقفه عن الكاشير تحاسب وجنبها اسيل
الكاشير:1500 $
الهنوف طلعت الكارد
اسيل تسحبه منها : مجنونه انتي تشتري فستان مايسوى بـ1500
الكاشير ابتسم "اشبها ذي اول مرره تدخل سووق "
اسيل بعصبيه من اسراف صحبتها الي ما هي حاسه بقيمة الفلوس: تضحك على ايش انت ووجهك..على اسعاركم ولا على ..
الكاشير سكت
الهنووف قاطعتها بهمس:خلاص اسيل _ورمت الفستان ع الكونتر ومشيت _ يلا
اسيل وهي تلحق الهنوف: نوفه لا يكون زعلتي
الهنوف بضيق:لالا عادي على فستان؟
اسيل حست ان صحبتها كان نفسها بالفستان بس ما اخذته عشان حركتها مع الكاشير :اممممممممم طيب مرره ثانيه انا مني رايحه معك مكان مدام افشلك
الهنوف انصدمت من صحبتها الي فهمتها غلط : لالا ياقلبي والله ما قصدي كذا
اسيل :خلاص طيب بس يلا خلينا نمشي تاخرت على امي
الهنوف:اوك
اسيل وهي تمشي مسرعه لانها تاخرت على امها فجأاه ............

أميرتهم كلهم ©؛°¨غرامي متألق ¨°؛©

روووووووووووووووعه البارت كملي ياقلبي

عما نتظر البارت الجاي بحماس

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله
و عليكم الســلام و رحمة الله



يعطيك العــــافية
موفقة إن شـــاء الله


http://forums.graaam.com/238622.html



,’

احبه ومابي اقول ©؛°¨غرامي جديد¨°؛©

مشكورين حبايبي ع المرور

احبه ومابي اقول ©؛°¨غرامي جديد¨°؛©

البارت الثاني

*ابغرق في عذابك لا رحلت ويصبح المنتوج
*قصيدة في حياتي سلوتي وان مت يرثيني
*احبك حسبي الله ليت مالك في سماي بروج
*ولا لك في البسيطة كود شين بينك وبيني


اسيل وهي تمشي مسرعه لانها تاخرت على امها فجأاه ............
طااااااااااااااااااااااااااااخ
اسيل: ووجع انشاء الله ماتشوف
سعود: يوجعك الا انت العميه
اسيل وهي معصبة : هيه انت ياغبي ابعد عن طريقي
سعود اعطاها نظره : مين الغبي
اسيل وصوتها بداء يعلى:انت يعني في غيرك
سعود: هيييه انتي عارفه تكلمي مين ؟؟
اسيل باستهزاء:لا مين يعني
سعود : تاج رأسك
اسيل : تخسي والله
سعوود وكان شوي ويتوطى في بطنها لكن مسكه فيصل
فيصل : سعود يلا نمشي وامسحها بوجهي
سعود: سامع ايش تقول ذي
اسيل :ذي في عينك ....يلا اسمع كلام خويك احسن لك
الهنوف: اسيل خلاااااااااااااااص
فيصل: وهو ينقل نظراته مابين اسيل والهنوف بخبث : سعود خلي البنت في حالها لا تنزل مستواك اكثر من كذا
سعوود: والله انك صادق
اسيل بستهزاء:لا والله خفت
الهنوف بعد ماخافت من نضراته : اسيل يلا "وسحبتها"
سعود بعد ماراح اسيل : طيب ياحقيرة والله لاندمك
فيصل : ماعليك منها ....ااااه عليها جمال يذبببببببببح اش فم اش عيون اش بياض ويلللللللللي بس شرسه اما صحبتها ويييلي علي عيونها بس قهر مو باين غيرها
سعود : هيا انا في ايش وانت في ايش ...يلا انا رايح
فيصل وهو يتنهد : آآآآآه يلا جميع



في السيارة
الهنووف : اسيل ايش حكايتك اليوم ما خليتي احد الا واتضاربتي معه
اسيل وهي ميته قهر : اناا اوريه الحقير ما كان ناقص الا يضربني
الهنووف:لا بالله وانت قلك سكتي له
اسيل: نوفه تكفين مالي خلقك انا اليومين ذي مزاجي معكر
هنوف:براحتك
الشباب في المول نفسه
مؤيد:شوف لك هذيك تجنن
نواف:أي والله انها صااروخ
اياد:والله انكم فاضين وحده زي هاذي ماتستاهل احد يناظر فيها
البنت تاشر لاياد ع الجوال "والله يناسو عليه مرره حلوو
صحبتها: ايوه صح احلى واحد من التلاته دول كلهم >>تتكلم جداوي
نواف ومؤيد:ههههههههههه
نواف : البنت حبتك
اياد طالع فيها بنظرة استحقار واشرلها على جزمته - يكرم السامع-
_ البنتن كلمة متبرجات قليله فيهم كانو حاطين ميك اوفر والعبايه مفتوووحه ومهم لابسين طرح_
مؤيد: وااااااااااااو قوويه ههههههه
نواف:لو اني مكانك ما اطب السوق ذا مرره ثانيه
البنت شمقت لهم وكشت في وجهههم :هبل
الشباب : ههههههههههههههههههههههههههههههههه
مؤيد يقلد تشميقتها وصوتها الي يقرف من كثر مهي منعمته : كششش على وجهك انتا وهواا
اياد ونايف:هههههههههه


عند سعوود رجع وهو منرفز من الموقف الي حصل اليوم
سعود" بنت تهين سعود سلطان ال والله لأربيها مابقي الا هي واشكالها "

في بيت ابو فيصل
ود: خالتي عندك بندوول ؟
ام فيصل : ليش سلامات حبيبتي مصدعه ؟
ود : أي والله صداع فضيع
ام فيصل: سلامتك ..شوفي امكن تحصلينه في غرفة فيصل
ود :اوك
فيصل واقف قدام البيت استغرب السيارات الي فيه تذكر ان ابوه اليوم مسوي عشا
دخل من باب المطبخ وطلع غرفته
صك باب غرفته بقوه وفك بسرعه قميصه لانه كان بينااام
ود طلعت من غرفة الملابس و انصدمت من .....

جهاد والشباب في الاستراحه يلعبون بلوت

فواز:والله غش يالامريكي
جهااد:هههههه امريكي في عينك انت الي تغش
فواز بمزح :اقولك الامريكان غشاشين وشكلهم علمووك الغش
تركي: عمر انت وماجد بلا غشش
عمر: والله ما اغش
جهاااد:لاااااااااا شكل الشله كلها غش في غش
فهد: ماعليك كمل بس متعودين بالذات هذوول >>وهو ياشر على عمر وماجد
جهااد:هههههههههه هههههههه ....يلا بس خلونا نخلص ذا الشوط وكل واحد على بيته
تركي: لسى يابو الشباب تو الناس الساعه 3
جهاد: خلها وقت ثاني مررره تعبت وبكره بعد بروح مع جدي الشركه
تركي :ههههه الله يعنك من اولها كررف
ماجد : يلا ياهو خلصونا طيب عشان نكمل لعب .....على فكره ركان متى جاي؟
جهاد : امكن نهاية الاسبوع الجاي او الي بعده
ماجد :يعني قريب
جهاد:يس
عمر:حلوووو وتكمل الشله


بيت ابو فيصل :

فيصل لف على صوت شهقتها ....مو مصدق الي واقفه قدامه صيده وجات لحد عنده
كانت ود لابسه برمووده جينز على تيشيرت ابيض مرسوم عليه قلوب بالاحمر
فيصل: هلا واااااالله
ود خافت من نضراته الخبيث وحست انه ناوي على شر :اممم سوري
فيصل نط عندها: له له له ماله داعي سووري بين عيال العم _وحط يده ع كتفها_
ود بعصبيه وخرت يده : ابعد عني
وخرجت بسررعه وتركت ورراها شخص مو قادر ينام من الي شافه
فيصل"مي معقووله ذي ود بنت عمي والله حليانه الملعو## ...ههههههههه بس حلو الموقف الله يكثر من امثاله"
ود"الله ياخذه عسى يده الكسر الحقير ماصدق خبر وحده داخله غرفته"
ورجعت عند خالته وجلست معهم وشوي وتجي اخت فيصل رهف
رهف : هلا والله بود
ود : هلا والله فيك وينك؟؟توك تجين ؟
رهف : اعذريني ياقلبي بس توه خلص الفر ح
ود : اها ماشاء الله ...المهم الا كيفك ؟اخبارك؟ علومك؟
رهف : هههه اجاوب على ذا كله
ود: هههههه
وبعد السؤال عن الحال والاحوال عدت سهرتهم بسرعه وكل رجع لبيته
**اول يوووم في الدراااسه **
صباح السبت الكل رايح لدوامه جهاد مع جده للشركه ومايا للجامعه والعنود للمؤسسه
مايا حطت اخر لمسات الميك اب الي عباره عن كحل وقلووس وبلاشر وعملت استشوار مع قصتها الايمو مرره حلوو:
مايا: سرياتي وين الشووز لاسود
سرياتي طلعتو لها :تيك
مايا: ثانكس
---------------------------------------
في بيت راشد
جهاد : جدي يلا انا استناك في السياره - جهاد رايح مع جده للشركه عشان يتعرف على طبيعة الشغل لانه راح يمسك الشغل مع سعود
راشد وهو ع السفره يفطر : طيب يلا اللحين انا جاي
العنود : حبيبي جهاد تعال افطر
جهاد : لا عمه مالي نفس
العنود : مايسير تخرج على لحم بطنك
جهااد: لالا عادي انا اساسا متعود ما افطر ......
العنود باستسلام : طيب على راحتك
جهاد : يلا طيب توصين على شي
العنود : سلامتك

بيت ابو سعود
موووضي : ريما يلا قومي تأخرتي ع المدرسه .....اليوم اول يوم الناس تروح بدري
ريما تصرخ :يااربي ايش القرف ذا ما عرفو يقدمون المدارس اسبوع كمان
مووضي : يلا بس بلا كثرة حكي وقومي
ريما : طيب طيب قايمه وامري لله ......لله ياخذ الدراسه يوووووو اهئي اهئي
&&&&&&&&&&&&&&&&
بيت ابو مشعل
نوير : شهووده يمه تعالي افطري
شهد قايمه من بدري تجهز اغراضها: طيب طيب جااايه بس بدق على ريومه اشوف اش سوت
نوير:اللحين صاحيه من بدري ليش ماكلمتيها من اول
شهد:يوووه يمه كنت مشغوله
نوير : ايه مشغووله تدويريلي حلقان ومناكير نفس اللون
ابو مشعل: خلي البنت على راحتها
نوير :ايه دلوعة ابوها لازم اخليها على راحتها
رزان بالبجامه ووجها كله نووم: تصبحون على خير
الكل: هههههههههههههههههههههههههههههههههههههه
رزان ناظرتهم باستغراب بس مافيها تهرج
مشعل: وانتي من اهله
رزان :تستهبل انت بذا الوجه الناس تقول صباح النور مو وانتي من اهله _وهي تقلد اسلوبه_
مشعل:علمي نفسك انتي جايه تقولين تصبحون على خير
رزان بكل برووود:اهاااااااااااا
مشعل :والله بتجلطيني ببرودك
عيلة ابو مشعل >صالح +نوير
مشعل: 25 سنه يدرس في الطب هاادي وحبووب ودااافوور لكنه وسيم
رزان:21 سنه حلووه هااديه ونعوومه تحب الرسم ؛وباااارده
شهد : 18سنه ثالث ثنوي صحبة ريما الروح بالروح ولكنها انعم بكثيرر ملامحها حلووه ونعومه زيها جسمها مرره حلو و مهتمه بنفسها كثير

&&&&&&&&&&&&
شهد:الو
ريما وصوتها كانها في حلبة مصارعه:الووو
شهد:اصبحنا واصبح الملك لله ايش النفس هذي
ريما:تجنن صح ؟؟يعني اول يوم دراسه ايش تبيني اسوي ؟حفله؟
شهد:اعووذ بالله سديتي نفسي ....المهم اخلصي يلا شوي وامرك
ريما : مخلصه لي ساعه
شهد: ماشاء الله ايش السرعه ذي ؟ شكلك مجهزه اشياءك من بدري
ريما :ههههههههههه "والله لو تدري اني مني حاطه شي ماتمشي جنبي" ايه ايه مجهزتها من زماااان
شهد:شطوووره طيب يلا باي
ريما :باي
ابو سعود قاعد ع طاولة الطعام يفطر وشاف ريما الي نازله بيدها الجوال
ابو سعود :يالله صباح خير من اولها جواال ...تكلمين مين من صباحية ربنا؟؟
ريما : مين غيرها يبه شهد تقول انها بتمر علي
موضي :وليه تمر عليك والسواق وين راح منت محتااجه احد يمرك
ريما: يوووه يمه حنا خوات اليوم تمر علي بكره امر عليها ...صح يبه؟؟
سلطان :عين الصح انتو خواات ....الا يا موضي وين العيال
موضي: سعود راح الشركه جده اليوم جاي مع جهاد واياد ومؤيد ما هم رايحين وشجن
شجن تسحب الكرسي والابتسامه تشق الحلق:صباح الخير
الكل :صباح النور
موووضي: عمرك طويل حبيبتي توه ابوك يسأل عنك
ريما وكانها تذكرت شي : يمممممه التؤام المختلف ليش مهم رايحين
سلطان:صح والله ليش مهم راحين
مووضي : حررام حزنوني مانامو الا متأخر وما عندهم شي اليوم
سلطان: والله بتخربينهم بدلعك
ريما بزعل: ايووه يوم انا قلتلك بغيب قلتي لا وهما على طوول طيب
شجن : يالله صباح خير الناس تفطر وهي مروقه وانتم تتخانقون
نعرفكم على عيلة ابو سعوود >سلطان>موضي

سعود: 27 سنه عرفنا مواصفاته الشكليه في البارت الاول
اياد ومؤيد : تؤام مرجج فلاويه متهورين عمرهم 22 يدرسون اداره واقتصاد جميلين لابعد درجه >>>يهبلووون >>>ملاحظه اياد ومؤيد يشبهون بعض لدرجه كبيره مايفرق بينهم الا ناس قليل لكن شخصياتهم تختلف وراح نكتشفها بعدين
شجن :24 سنه مرررره كيووت وهاديه جسمها مررره حلوو تحضر ماجستير في هندسة الحاسب
ريما :18 سنه ثالث ثنوي مررره بنوووته كوول شعرهاكيرلي ملامحها ناعمه عكس تصرفاتها فلله وتحب المغامرات ومرجوجه زي اخوانها واهم شي عربجيييه

جهاد عند سيارته الفراري يفتح الباب
مايا جايه مسرعه والعبايه من تحت طايره والنظارات مغطيه نص وجهها والنص الثاني اللثمه مغطيته ورايحه جهت السياره الي جمب سيارة جها د
مايا من دون ما تناظر فيه :بنجور
جهاد بنفس البرود:"ما ادري ذي البنت شايفه حالها على ايش":بنجور
وقفت مايا عند باب السياره تسكر ازرار عبايتها السفليه
(ابو مايا بيته الي عباره عن قصر مصغر ملاصق لقصر ا ابوه وتجمعهم حديقه وحده وسور واحد )
سعدون فتح الباب :تفضلي طال عمرك
مايا:شكرا
نتعرف ع مايا (عمرها 23 بنوووته كيووت كلها انووثه جمالها ملفت والملفت اكثر عيوونها الرماديه وجسمها المرسوم وبياض بشرتها وشعرها الكستنائي نعوومه مرره كل شي فيها نعوم حتى صوتها , طيوبه مرره ,ومرجووجه )
خرجوو بسيارتهم ووراهم سيارت جهاد ومعاه جده
الجد راشد: هذي مو كنها مايا بنت فيصل ؟؟
جهااد:ايه ....بس تصدق يا جدي اول مرره اعرف انه عنده بنت لا وكبرنا بعد
راشد: مو لانك الفتره الي جيت فيها كانت عند امها بلبنان
جهااد:لبنان؟؟؟
راشد : ايه مو امها لبنانيه ...ولا هذي كمان ما تعرفها
جهاد:لا والله توني ادري ....بس حركات عندي قرايب بلبنان "اثاري العيون الي تذبح لبنانيه"
الجد:الله لا يعودهم من قرايب
جهااد بكل فضول :ليش؟؟
الجد بربكه:: هااا اقوول سوق وانت ساكت
جهاد استغرب ربكة جده ..وليش كذا شايل على اهل امها ...لكنه طنش

في الشركه
سعوود يكلم مدير مكتبه : صلاح اليوم ابي الشغل يكون تمام احسن من العاده
صلاح :حاضر طال عمرك لاتوصي حريص
سعود وكانه تذكر:الا تعال هنا ايش صار ع الوظايف الي نزلتوها
صلاح : تقدمو الى الان اربعه وحيكون موعد المقابله الشخصيه نهاية الاسبوع ان شاء الله
سعود :اهااااااااا كويس ..._ناظر الاوراق الي بيد فواز _ هذي يبيلها توقيع
صلاح : ايه تفضل ...... طال عمرك عندي سؤال اذا ماعندك مانع
سعود من دون مايناظر فيه زي عادته وعينه ع الاوراق : تفضل
صلاح:الاستاذ جهااد راح يستلم الاداره معك؟؟؟
سعود لف عليه: ايه بس طبعا بعد مايتعلم اصول الشغل
صلاح :اهااااااااا"الله يستر مايطلع زيك شايف نفسه"
سعود: بس لا تشيل هم هوو جدا متعاون وخلووق
صلاح"بسم الله هذا يقرى افكاري": فيك الخير والبركه طال عمرك



في المدرسه
شهد: ريما الله يفشلك هذا شكل وحده اول يوم لها بالمدرسه ؟
ريما : لا شكلك انتي تقولي رايحه زواج مو سكوول
كانت شهد حاطه رووج فووشي صارخ ومناكير نفس الدرجه ورافعه شعرها بطريقه حلوه
اما ريما فكانت رافعه شعرها وما تحتاج كحل لان عيونها مكحله خلقه وحاطه حلقان صغيره في الخرمين وطبعا اسوارتها الي ما تفصخا الي فيها شعار الاتحاد
شهد: احلفي بالله ....غبيه
ريما : شكلك ناويتها مضاربه
شهد خافت على تسريحتها الي جلست ساعه تزبطها: اقوول اهجدي
مروووه : هااااي بنات
ريم وشهد : هاااايات
مرووه وهي تكلم شهد : اختي غلطانه قاعة الافراح في الجهه الثانيه
ريماااا: ههههههههههههههه....شفتي
شهد بعد ما شكت في نفسها انها حاطه ميك اووفر _وهي تتصنع الثقه: صحبااات ما عليكم شررهه
ريما ومروه :ههههههههههههههه
شهد راحت لصحباتها الي نفس الطخه>>اهم شي الشكل ..وطنشتهم
ريما وهي تناظر وحده علامات الرجوله باينه فيها اكثر من الانوثه: البويه ذي ما تخرجت من سنه اولى وانا اشوفها
مرووه : هههه عايده السنه يا قلبي
ريما : الله ...كم مرره ؟
مروه : 3 مرااات ..بس ذي المرره غير راح تكوون معانا
ريمابتحدي : اللللللللله يستر
مروه : من جد
شهد وهي تناظر نفس البنت: يوووه ذي لسى ما تخرجت >>>بنااات عم
فااديه : لالا شكلها مطووله هنا
شهد:وربي انها هبله الواحد مو مصدق متى يخلص ثنوي وينتقل جامعه وهذي فاضيه تعيد
فاديه:هههههه ما وراها شغله غير ملاحقة البنات
شهد بخوف:وااااااااو الله يستر –نفس عبارة ريما لكن كل وحده قالتها بطريقه
الهنوف وهي تكلم اسيل ع الجوال: بالله من جدك ماقدرتي تنامي ؟؟ والله انا نسيت الهرجه مرره
اسيل : ايه يحقلك الي ياكل الضرب مو زي الي يعده...احس اني كنت حونشيه
الهنوف: هههههههههههه تقريبا
اسيل معصبه: ضحكتي من غير ضروس بلا
الهنوف : ما علينا طنشي ياشخه
اسيل : والله مدرري طول الليل وانا افكر فيه
الهنوف : عاادي هذا لانك الحين فاضيه بس تتوظفي راح تنشغلي
اسيل بفرح : ايوه صح على طاري التوظيف ما قلتلك
الهنوف : ايييش؟
اسيل: قدمت على وظيفه في شركه معرروفه وأهلوني للمقابله الشخصيه الي راح تكوون امكن نهاية الاسبوع ذا
الهنوف: واااااااو ..مبرووك مقدما
اسيل : ايشبك لسى ماصار شي ..امكن ما انقبل بعد المقابله
الهنوف: لالا ان شاء الله تفاؤلو بالخير تجدووه ...ربي يسهلك وتنقبلي
اسيل: اامين يارب
الهنوف : اوووك قلبو يلا توصين على شي
اسيل: سلامك
الهنو : الله يسلمك ...يلا باي
اسيل : باااي

______________-
في الجامعه
سديم وهي تحضن مايا : وووحشتيني يا دبا اسبوعين او اكثر ماا اشوفك
مايا:ههههههه طيب خنقتيني
سديم بعد ما فكتها : ليش ما جيتي حفلة الاربعاء؟
مايا: والله يا قلبو ما مداني لان ولد عمي عبدالله جهاد جاء من امريكا
سديم : مين ولد عمك ؟ اول مرره اعرف ان عندك ولد عم اسمه جهااد
مايا: me toانا اول مرره اشوفه لكن كنت اسمع البنات يتكلمو عنه
سديم باهتمام: هااا بشري كيف حلوو ؟
مايا:هههههههههههه....اامممم مو بطال
سديم : يعني حلو مدام مو بطال بالنسبه لكي
مايا: اصلا ما دققت فيه ..
سديم علينا اااااااااا ما دققتي فيه شك...
قطعتها دخلت لين : مين هووا الي ما دققت فيه
مايا: اعووذ بالله الناس تسلم بالاول
لين: ايه صح السلام عليكم
ماياوسديم : وعليكم السلام
مايا تبي تضيع الموضوع قبل لا يتذكرونه : بناااات انا عازمتكم ع الفطوور
سديم: وااااااو انا موافقه
لين: مو قبل ما تقوليلي مين الي ما دققتي فيه
مايا"يالله ": خلاص سحبت العزومه
لين لالالا وين عني ما عرفت
مايا: ايوه كذا تعجبيني
البنات:هههههههههههههههههه



في الشركه
بعد ما عرف سعود جهاد على كل اقسام الشركه وطبيعة الشغل فيها اتفقو يروحو يفطرو برا بينما جدهم قرريقعد يكمل له كم شغله في الشركه
سعوود : جهاد افطرت؟
جهاد: لا ليش؟
سعود : اجل يلا عازمك ع الفطوور
جهاااد: حركاااات ايش الكرم هذا....اذكرك قحروطي
سعوود:ههههههههه لالاما دريت سارو مايفرقو بيني وبين حاتم الطائي
جهاااااد: ههههههههه والدليل تبي تضيع العزيمه بهرجك
سعوود: لاو الله حراام عليك ....يلا مشينا
جهاد:يلا
وهم في الكوفي سعود راح يجيب غرض له من السياره دق جوال جهاد
خالد: الوو
جهاد: اهلين
خالد: الحمدلله ع السلامه
جهاد: الله يسلمك ..بس انا اسف ما عرفتك
خالد :افااااااا ماعرفتني وانا ولد عمتك
جهاد : ااي عمه ؟
خالد: لالا شكلك خرفت ..عمتك حصه ام خالد
جهااد: اهااااااااا ...وانت اكيد خالد
خالد : عليك لمبه
جهااد انحرج من موقفه : ههههههه والله ساامحني بس زي منت عاارف مني مثبت العيله تمام
خالد: هههههه حلوه منت مثبتهم تمام ...المهم كيفك ؟اخبارك؟
جهااد: والله الحمدالله بخير انت كيفك ووافي كيفه ؟وافي صح ؟
خالد: ههههه ايه صح ..والله الحمدالله كلنا بخير ..وانا اسف اني ماقدرت اجي استقلبك لاني ماحصلت حجز وكان عندي كم شغله بالمستشفى
جهاد: لالالا عادي يابو الشباب حصل خير مابيننا حنا اهل الا عمتي كيفها ؟واختك دعاء؟
خالد: والله كلهم الحمدالله بخير دعاء تزوجت وصار عندها بنوووته زي القمر
جهاد: ماشاء الله وانت ما عرست ؟
خالد:اووووه خبرك عتيق تزوجت عندي حموودي عمره 4 سنوات
جهااد بصدمه : ماشاء الله يعني ابو محمد ؟
خالد : ايه
سعود جاء وجلس ياشر لجهاد مين ؟ جهاد مارد عليه
جهاد : تصدق يا ابو محمد حسستني ان لي عشرين سنه عنكم ما كنها 5 سنوات
خالد: ههههههه شايف كيف...
جهاد: عمتي عندك ابغى اسلم عليها
خالد:لا والله انا اكلمك من المستشفى ...بس اتوقع على الاسبوع الجاي بتنزل جده
جهااد: اهااااااااااا
خالد: على العمو م انا حبيت اني اتحمد لك بالسلامه واعتذر منك ع التقصير لاني ما جيت استقبلك مع الشباب
جههاد: يعطيك العافيه ما منك قصوور
خالد: الله يسعدك ..يلا طيب فمان الله
جهاد : فمان الكريم
قفل جهاد من خالد
سعود : من كنت تكلم ؟
جهاد :خالد ولد عمتي حصه
سعود: اهااااا ماشاء الله
جهاد:والله دنيا ماشاء الله عليه تزوج واخته تزوجت وصار عندهم عيال
سعود : هههههه من زماان انت الي منت داري عن الدنيا
جهاد : على قولتك

في السياره ريما وشهد راجعين من المدرسه
شهد : والله لو تسوي زي حركتك اليوم وما تحطي شي في وجهك راح اتبرى منك
ريما : افااااا تخونين العشره على مكيااج
شهد: اقوول لاتسوين فيها ..تراكي بنت يعني لازم تحطي ع القليل روج
ريما بسذاجه :طيب انا احط روج
شهد بعدم تصديق: ايه مرره تحطيلي شويه قوولس وتقولي روج ....الا صح شفتي البويه ؟
ريما : ايه اشبها
شهد : يماما تخوف تخيلي في فصلي
ريما : امااااااااااا
شهد : وربي
ريمااا: ههههههههههه
شهد : على ايش تضحكين انتي ووجهك ؟
ريما : اتخيل شكلك وانتي معاها في الفصل والله ماتقومين من مكانك
شهد: هههههه وهذا الي صار
ريما:هههه قلتلك بنت عمي واعرفك
شهد : اقوول لايكثر بس يلا وصلنا توذلفي بيتك
ريما تتصنع الغنج : الله يسامحك ...هذا وانا جايه معك اونسك
شهد : وااععععععععععععععععععععععععع الله يقرفك لالا تتغنجين مايلبق
ريما نزلت وهي ميته ضحك :هههههههههههه باي
شهد : بااي

مايا قاعده ع سريرها تتغدى وتكلم امها بالجوال
روز: ايه ماما كيف الجامعه اليوم
مايا : امممممم ماشي حالا
روز :كم مرره ألتلك تعي ادرسي عنا هوون بلبنان بس ما بترضي راسك يابس
مايا : ماما بيكفي خلاص ...اساسا جدو ما حيرضا اني اكمل الجامعه هونيك بيكفي الثانويه العامه(مايا تتكلم مع امها وكل قرايبها هناك لبناني)
روز:ع راحتك انتي وجدك مابعرف هوا جدك ولا بيك بيتحكم بكل شي
مايا: هههههههه ...ماما هوا هيك طبعوو
روز: بعرف بتعلميني عليه؟ بيك متى اخر مرره شفتيه ؟
مايا بضيق: اخرر مرره شفتتوو قبل اسبوعين
مايا وخلاص غلبها النعاس : اممممممممم ماما انا بدي نام بكلمك بعدين
روز :امممم اوك نوم العوافي ...باي
مايا:باي
في مكان عصافير الحب المعتادين
وافي: احببببببببببببببببببببببببببببببببببببببببببك
ود بحياء: وافي خلاص
وافي: ود وربي احس انك مو عارفة قد ايش احبك لو الناس بكفه وانتي بكفه لرجحت كفتك
ود: لذي الدرجة تحبني
وافي: اكيد مو انتي رفيقة الدرب وحبيبة الملاين
ود: هههههههههه ايش ؟ كيف يعني؟!
وافي: يعني ياقلب وافي رفيقة الدرب لاني اتمنى انك ترافقيني لا خر دربي
وتكوني اخر وجه اقابله في ذا الدنيا وحبيبة الملايين لان الناس من كثرحبي لك غصب عنهم يحبوك
ود وهي مدمعه عيونها : الله لايحرمني منك....جعل يومي قبل يومك
وافي : اسم الله عليك .... ياقلبي ياود وش بلاك تصيحين
ود : ولا شيء يلا اكلمك بعدين
وافي : طيب اضحكي قبل لاقفل
ود وهي تضحك : العقل نعمه مع السلامة
وافي وهو يضحك : مع السلامة

بعد كم يوم مرو مثل بعضها الكل مشغول في حاله

عند باب الاصنصير
اسيل وهي شايلة اوراق كثيرة وتضغط زر الاصنصيروالحمل عليها ثقيل طاحة الاوراق
اسيل: يا لله طيحتين في اسبوع
سعود وهو مسند ظهره ع الجدر ويناظر المشهد بكل كبر : انت اللي مو منتبه
اسيل: انت وش دخلك وتلف انـــــــــــت
سعود بخبث : هلاااااااا والله هذا انتي
اسيل" افففف ذا اش يسوي هنا الله يستر
اسيل: بالله ابعد عن وجهي ودخلت الاصنصير
سعوود وهو مطرطع من العصبية : انا اوريك يابنت الكـ # # "الا
هي وش جابها هنا ماعليه انا اربيها"

البناااااااااات جالسين في غرفة مايا
شهد: اقوول ريووم نفسي اروح الملاهي
ريما : ومن سمعك
رزان:وربي انكم بزارين
مايا :هيا قولي ماتحبين الملاهي ؟
رزان :ايووه ما احبها من يووم انا صغيره
ريما :غررريبه شكله مررض
شهد :ما عليك منها كائن غرريب محسووب على كوكب الارض غلط ...زي منتي محسوبه على البنات غلط
ريما : والله مافيني حيل اسيب الكوفي ولا كان دست في بطنك
شهد رمت عليها المخده وانكب شوي من الكوفي على ريما :تخسين
ريما بصراااخ : اناااااااااااا اخسى _نطت فوقها وطاحت فيها تكفيخ_
مايا:هييييه انتي وياها كسرتو سريري _وقامت تفارع بينهم _
رزان انتبهت لشجن الي سرحانه وقاعده تعد بيدها :شوجي اشبك
شجن :......_اشرت لها بيدها استني _
رزان : ايش عندك ؟؟
فـــجــأه
صرخت شجن صرخه خلت الكل يلف عليها :بناااااااااااااااااااااااات عيد ميلادي بعد اسبوع يعني الخميس الجاي
رزان :الله ياخذ شيطاانك خرعتيني
مايا بكل برود: طيب عااارفين
شهد الي مندسه ورا مايا وبهمس لمايا:كذااابه انا ما اعرف
شجن :ميمي يعني انتي عاررفه ؟
مايا : يب يب
شجن : وليش ماقلتيلي ؟
مايا : سبرااايز
شجن نطت عند مايا تحضنها : يااروحي عليكي والله انك احسن من بعض نااس الي ما افتكرو اختهم>>تقصد ريما
ريما بثقة مصطنعه: اصلا انا كنت عاارفه
شجن : وليش ماقلتيلي
ريما : انا كنت بقولك يووم الجمعه عشان تنقهررري
رزان: وربي انك نذلللله
شجن بزعل : هذا وانا اختك
ريما راحت لاختها ضمتها:صدقتي انتي ووجهك توني اليوم دريت >>>البنت عربجيييه
البنات ابتسمو على منظرهم وهم حاظنين بعض كان منظر اخووي
راحت شهد ضمت اختها رزان
ريما :ياشين الغيره
مايا :واناااااااااااا ما عندي اخت تضمني؟؟ _ بزعل مصطنع من الخارج لكن بداخلها حزن حقيقي على وحدتها لاام لا اخت واب مشغول عنها_
راحو البنات عندها ضموها كلهم
رزان : احنا خوواتك
ماياوعيونها بتدمع :الله يخليكم لي
ريما الي ما تحب اجواء الحزن : يعني الاسبوع الجاي الحفله ؟؟
شجن : ان شاء الله
شهد: واااووناااسه
الشركة
صلاح وهو يمد الأوراق: ممكن يا استاذ توقع على هذي الأوراق
سعوداخذ منه الاوراق وجلس يوقعها
صلاح : طال عمرك بخصوص المحاسبين الي تقدمو وعملنالهم المقابله وظفنا
جزء كبير منهم
سعود رفع راسه باهتمام لكلام صلاح لاول مرره "موظفين جدد؟؟...اهاااا اجل شكلها وحده منهم ...الا والله ايش الي يمنع " : صلاح عندك اسمائهم
صلاح : ايه نعم عندي كل الأسماء
سعود: أعطينيها
صلاح:دقيقة ( دور بين الأوراق) تفضل
سعود: أقرأ لي الأسماء
صلاح : هند محمد ال منى سعيد ال
محمد خالد ال عمر سعد ال
أسيل احمد ال
سعود: ايش ؟؟....عيد لي اخر اسم
صلاح:اسيل احمد ال
سعود"هههههههه جيتي والله جابك يا أسول ههه"
سلطان : فيك شئ استاذ
سعود: هااا لا خلاص في اوراق ثانية
صلاح: لا
سعود: تقدر تتفضل
وتركه صلاح وهو يفكر كيف يربي اسيل على قولته

احبه ومابي اقول ©؛°¨غرامي جديد¨°؛©

بس حبيت اقول للامانه الرواية مي لي انا ناقلتها بس عندي ضروف وماعد بكملها واذا احد يبيها يلاقيها في منتديات ثانيه هم ثلاث اللي ينزلون (مهما اختلفنا نبقى حبايب - وحده من الشله - جروحي الم روحي ) هذي تبيكاتهم

وشكرا

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1