غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-05-2010, 03:01 AM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
رواية عيني يوم قابلت عينه عجزت يا ناس أنزلها / بقلمي


عندمــآ يسكب القلم حبره ليعلن ماكان قد خبأه ..
يقرأه الملايين من النآس ولكن يبقى الشيء الوحيــد ..
هل سيجف ذالك القـلمـ
حيث النآس تعلن اشواقها / حبهاا : كرهها / خيانتها : وفاءهاا / فراقهاا " حضورهاا
يتعذب من هم لاآ يستحقووون ..
قلمي بدأ ينزف دمآه الاحـمر فووق تلك الاوراق يعلن ماقد كان يخبأه
الحب دوامات ولكن لاتنتهي
هل ستنتهي مع تلك الاشخآص الذين عااآنــو ..



من هنــــــــــآ سنبدـآ مرحله نزف قلمي الذي يتمنى من يقرأه
يعبره بكلمــه ...









/




السسسسساعه 9 بأكبــر الشششركآت ...
ضرب المكتب بيده ووقف : شتقول
بو حمد : ايه ياسيد ..
عطاه ظهره وطالع النافذه : فهمني والحل
بو حمد : والله حنـآ ماتوقعنا سيدي يصير كذا بالاخت فايزه واللحين لازمنا شخص ينظم ديزاين الحفله
التفت ابو طلال بقهر: طيب ترخص
بو حمد بيأس وماسرره ابد حال مديره : طيب ..
طلع وسكر الباب وراه
ابو طلال جلس ع الكنبه وهو مقهور شلوون ومن بيلاقي شخص يثق فيه وينظم له حفلة نجاح مشروع كبير
يحضرها اشخاص مهمين عرب واجانب مين
اخذ مفاتيح سيااارته من ع المكتب ونزل باللفت ووراه ثنين لابسين ملابس سودا وبنظاره واجسامهم قويه
واحد فتح له باب سيارته وركب قدام والثاني ورا
وسسساق السيااره
وكان هدوووء
دخل البيت مهموم جلس ع الكنبه وقدامه التلفزيون مطفي ويفكر من يابو طلال من تذكر من ...
سمع فتحت الباب الرئيسي بضحكات عاليه وهي تكلم بالجوال وطق الكعب على الارض
تقدمت جنب ابوها : هههههه يس افكورس ... هلأ وصلت البيت بسكر بجلس مع احلى بابا ...
ههههههههه اكيد اكيد اشوفك بعدين ياقلبي << سكرت ..
هاااااي بابا
ابو طلال يناظر الاكياس: هااي وانتي كلا بالمول؟
****: شسوي بابا اتونس مع صاحباتي نفطر ونتسووق سوى
ابو طلال : وافري دي هالشيء ؟
**** بشهقه : هههههههه نو افكوورس بس تعرف بنتك تحب تجدد
ابو طلال بتسم على هبال بنته : فديتك طالعه لبوك
****: لعيونك بابا شو اليوم اشوفك راجع بكير ...؟
ابو طلال : ولا شيء بس شووي قلت اريح وانتي يالوليا غريبه راجعه بدري
لوليا : شسوي بابا
ابو طلال بتنهيده : الله يصبرني عليك
لوليا وهي تحووس بأظافيرهااا : يلا اتركك بابا بقوم اريح
ابو طلال : طيب وانا بعد قايم انام ارتاح
لوليا ناظرت ابوها رفعت كتوفها بمعنى شصاير سحبت الاكياس ومشت تصعد فوق
ابو طلال وقف ومشى صعد فوووق طاح بجسمه على سريره الكبير وتنهد شيسوي ماقد طاح بهالموقف من قبل وهو مايثق الا بفايزة ...


,

الضهــر ..
نزلت تكلم بالجوال : هههههههههههههه فديتك شوقوووه ..
شوق : ههههههههههه طيب وافقي
لوليا : طيب موافقه على السسساعه 4 اكون عندك وماشيين بس ايش بتشترين من المول بالاساس
شوق : هههههههههه مدري ودي اشتري كم فستان جديد
لوليا: مو مشكله
شوق : طيب لولا باي على الموعد
لوليا : اوكي سي يااا ..
سكرت وجلست على طاوله الطعام : شخبارك يبه ..
ابو طلال : هلا لوليا
لوليا : يبه شفيك اليوم مو ع بعضك
ابو طلال : ولا شيء .. انتي ليه كل مارزت وحده فيسها بالمول رحتي معاها
لوليا بغرور : هههههههههههههههههههههههههههههههههه ... شسوي يبه عشان اعطيهم رايي بالي يشتروه
ابو طلال رفع حاجب : اوه لهالحد بنتي عندهااا ذووووق
لوليا بزعل : ليش بابا مو واثق من ذوقي
ابو طلال ناظر شكلها ولبسها جد كاشخه حتى بالبيت وذووق جته فكرى : امبلى بس مثل ماهم واثقين بذوقك خليني اثق بذوقك
لوليا وهي تاكل : شلون يبه
ابو طلال : سمعي عندي حفله مشروع نجح والحفله يحضروها ناس مهمين وابي انظم القاعه
بديزاين غيرر والمختصه بهالشيء عندها ظروف .. اقدر اعتمد علييك ...
لوليا بلا مباله : عادي يبه ولا يهمك اعتمد
ابو طلال : طيب نشووف بكرى الساعه 7 تعالي لي الشركه وراح يعطيك التعليمات واحد من الموظفين كذا زين ؟
لوليا : ايه يبه زين
ابو طلال : كفوو يبه ..
لوليا ابتسمت وتاكل

(( ناخذ بريك ........... ))
...( لوليا بنت جميله وجذابه شعرها اسود وطوله لنص ضهرها عيونهااا زرقاء مثل لون امواج البحر كل من شافها غرق في بحرهااا
خشمها طويل واشافيها ناعمه نعومة البزران لونها الطبيعي وردي فاتــح وهي بيضا وجسسسمها جسم عارضات ازياء كل شيء متناسق فيه
عمرها 19 سنه تحب الكشخه والتجديد بكل شيء بس عنيده وفيها صفه الغرور احيانا , صاحباتها يثقووو دووم بذوقها ومحبوووبه بينهم )...
...( ابو طلال رجل اعمال لمشاريع وشركه كبييـره عمره 52.. ملامحه حلووووه اسمر وخشمه طوويل عواينها سودا مو مثل لوليا
شكله شكل شخص ب30 مهتم لصحته كثير ...... عنده بنت وحده لوليا .. مرتـه توفت ولا جابت له ولد يعني ماعنده طلال بس الناس
تسميه هالاسسسم ... يمووت بشيء اسمه لوليا يعاملها كأصغر المخلوقات مايرضى احد يأذيها او يضايقها همه الوحيد يشوفها سعيده
وعاطيها الحريه بكل شيء ودوووم يطمح تكون بنته ) ...


تغذت وخلصت جلست تناظر التلفزيون شوي وملت وابووهاا طلع رايح يشووف اوضاع الشششركـه ..
صعدت فووق بدلت ثيابها
لبست لها تنوره سودا قصيره عند الركبه مع بلوزة بدون اكمام سودا فيها كلمه بالابيض بالانجلش any time
لبست لها اكسسوارات خفيفه مع البوووت الاسوود رفعت شعرهاا بأهماال اخذت عباتها الكتف وشيلتها ومشت
نزلت لتحت شافت سونيا
لوليا : سونيا انا طالعه اللحين اوكيه
سونيا : اوكيه مااماا بجي في اتعشى ؟
لوليا ناظرتها : مدري < لفت شيلتها بعبث < .. يلا بااي ..
طلعت برى لسياره اللكززس البيضا ركبت قدااام
لوليا : ها وينك شوووووق
شوق : بالبيت اكييد
لولياا : اني جايه يلا تجهزي
شوق : اوكي ثواني تصلي كمان لبقيه الشله
لوليا : اوكي سيا ...
تصلت لوليا لراما : هااي راما وينك فيه
راما : هينا قريب برى البيت
لولياا : اجل لاترجعين هههههههه روحي *** مول
راما : طييييب تفقنا بتمري على شوق
لولياا : اكيييد يلا سيي يووو ..
راما : سي يوو
لوليا ناظرت السواق : على بيت شووق
السايق : اوكي مدام
لوليا تصلت كمان على ألين
لوليا : هاي الين نايمه
ألين : لا بس نعسسسانه
لوليا : طيب رايحين المول تجي معانا ؟
الين : اكيييد بس ستنوو علي نص ساعه اسبح ونروح
لوليا : خير خير .. لا عيني اقول سبحي وخلي اخوك فهيدان يجيبك
الين : اووووف طيب وين انتوو
لوليا : اللحين بالطريق لشووق
الين : طيب باي
لوليا : باي ..
السايق :مدام لوليا وصلنا
لوليا دقت لشوق تطلع لها دقاايق ونزلت شووق
ومششووو للمول
نزلت لوليا مع شووق ودخلوو المول
شوق كانت لافه لفتها بأحكام عكس لوليا مو مهتمه
دخلووو المول وكانوو يمشوووووو بكل هدوء بس طقة الكعب تبع بوت لوليا ههه مطلع صوت
كانت تمشيء وتسسسولف
شووق : خلنا نوقف ندخل هيينا
دخلووو شوق طبعا كانت البرقع اما لوليا كاشفه الاخت مو هامها هع ..
شوق : شرايك ذا الفستان حلوو صح يصلح حتى لحفله ولد خالتي بعد سبوعين
لوليا ناظرته : ممممـ حلو بس اللون الابيض منه اظن احلى بدل الاحمر
شوق : اوكييه اللحين نشوف
نادوو على الي واقف يسألو بكم السعر
اخذت شوق مقاسها بلون الابيض وطلعووو
لوليا خلينا نصعد فووق ع الطاولات على ماتكمل المجموعه ونكمل شوبينغ
صعدوو فوق اخذوو لهم ببسي وجلسوو ع الطاولات هي وشووق يسولوو ويضحكوو
جاهم ثنين من بعيد يرقمووون
لوليا وهي مو مهتمه بالها وبال الجوال تبيهم يبعدو
*****: عطييينا وجه ياحلو
لوليا بسأم : اووف شتبي
*****2: ول ول اخووك مبين رح تاكلنا
لوليا : والاخير تبوو شيء ؟
****: نبي سلامتك ياعوومري اموااااااه اروح لك فدى تتعرفين علي ؟
لوليا : اوووووووووف اووووووف شهالناااس نقلع
*****2 : اقول شوف الثانيه اما ان عواينها تذذذذذذبح
شوق ساكته ماتحب حركات الشباب دي
لوليا : والحل بتنقلعو لو لا
******: اذا هذي عواينها تذبح شووف الي معصبه شلون عواينها بحر
لوليا رفعت الببسي وكبته عليه : يلا نقلع
*****2 بخوف : من سمح لك تكتينه على صاحبي
لوليا : لالااه ياشيخ مسوي فيها دفااع وربي لو مابتعدت ارويك
*****: مايلوق عليك معصبه وربي حلاك تضحكين تكفين خذي الرقم ولا فكرتي دقي علي باي وقت
لوليا اخذت الكرت الي حطاه على الطاوله ومزعته بوجهه ورمته بالارض وداست عليه : كذا زين صح
شووق : لوليا خلينا نمشي
***** يصوفر : ينعل شكلك لوليا ايه والله لوليا تجنني وبالقوة
لوليا ناظرت شوق بقهر : امشي بسرعه
اخذت شوق شنطتها والكيس ومشت ورا لوليا الي تمشي بسرعه
صدمت لوليا بـواحد : آسف
لوليا : اوفففففف بعد عني
ناظرها ونقهر شهالناس اقول اسف تقول بعد عني مدري ليش رافعه خشمها هين .. < ومشى ..
شوق : شفيك معصبه خلااص مو اول مره يغازلوك بعدين تغطي وصدقيني ماراح يقربون لك ويزعلوك
لوليا لتفت لها بعصبيه : خير شوق اني اتغطى عشانهم لا والله يخسووون اني عاجبني شكلي كذا ياختي مزاج
جتهم راما : هاي بنااااااااااااااااااات
لوليا وشوق: هاي
راما : شفيييكم كذا ؟؟
شوق : كالعاده يغازلون لولا وتعصب
راما : هههههههههههههههههههه ياعمري عليك من جمالك يحق لهم يغازلوو طوايفك مشي روقي حببتي لاتخليهم يخربوو مزاجك
لوليا ناظرت راما وبتسمت ومشت معاهم
لين بعد اكثر من ساعه وصلتهم الين وهي تسب
راما : ياربيه شهاليوم لاتعصبوو ياناااس وربي الدنيا ماتسسسوى قولي شفيك الوونه
الين : النذل فهد رفع ضغطي على مايجيبني هنا ليش وووش بتسوي وليش ووش بتشتري ياخييييييي يحل عني
لوليا : هدّي الين .. مشوو نرتااح ونروق الاخت الين ونقووم نتمشى
راما وشوق : اوكيه
راحووو وجلسوو
شوق : شفيك لوليا اليوم احسسسك طفشانه
لوليا : وبالقوووة بعد ..
الين : من حقها تتطفش هع
راما تشرب ببسي : كلي تبن
لوليا بعدم اهتمام : بكرى رح اروح شركة ابوي
شوق شهقت : لييييييييش
لوليا : بصمم له حفله نجاح مشرووع
راما: الله يالولا احلى احلى يعني التصميم بكون منك انتي
لوليا : اي
الين : هالله هالله عاااد ههههههههههههه عزمييينا
لوليا : ههههههههههههههههههههههههههههههه مجانين .. ولا يهمكم معزومين انتووو
راما: وااااااااااااو يمكن اشوف فارس احلامي هنيك
لوليا ضربتها بخفيف وبغرور : لو سمحتي لاتفشلينااا
راما : مالت ...



...


اليييوم الثاني السسساعه 7 صحت وهي نعسسسانه تبي تنام بس هي مانست انها وعدت ابوها قامت ترووشت
ولبست لها فسسستان ناعم سماوي مع اكسسوارات باللون الازرق السماوي اخذت شنطه كبيره زرقاء
وتكحلت بالازرق وغلوس وردي فاااتح وماسكرا وحطت لها ورده زرقاء بشعرها وطلعت اخذت عباتها الكتف
ونزلت تحت لبست شيلتها وعباتها وكالعاده لبستهم بأهمال < مدري متى تعقل البنت ..؟
لبست الشيله والعباه كانت مفتوحه مع ان فستانها قصير بس مو مهتمه طلعت صعدت السسياره الكزس ركبتها وهي متوجهة الشركه
دخلت الشركه وهي تمشي فيها وعباتهاا الهوى يلعب بها وشيلتها تقدري تقول نص مرتبه ونص مو مرتبه
سألت عن ابوها وقالوو لها ينتظرهاا
صعدت فووق بالممر تمشي مافيه احد كلن لاهي بشغله وهي قريب توصل للمكتب فسخت شيلتها وخلت الهوى يتنفس شعرها طلع شخص من المكتب وبيده اوراق
كانت بينهم مسافه ناظرها بكل احتقار وهو من داخله شهالبنت كلمه تجنن قليله عيونها زرقاء وتلبس ازرق شفيهاا ذي جد مو طبيعيه طالعه خق عليها وبقوة
لوليا : خير شتطلع ؟
*****تذكرها هذي الي صدمته بالمول امس : ابد ولا شيء
لوليا ناظرته : وقـــح
****: حترمي لو سمحتي
لوليا تقلده : حترمي لو سمحتي
وصلت الباب فتحته ودخلت
وهو مقهور من ذي ولا ماتستحي داخله شركه تبي تشوه سمعتها بهالعباه المفتوحه وقصير بعد
مشى وهو مو متهم بس باله مشغول شلون المدير بيقابل بنت مثل كذا مو محترمه ابببببببببببد ...
دخلت على ابوها : هااااااااااااااااي بابا
ابوها نقهر من داخله انها شايله شيلتها من على راسها : ليش يبه شيلتك شلتيها
لوليا : يبه حرااااااااانه واني ماشيه ماشفت احد قلت افسخها
ابو طلال : وعسى ماشافك احد
لوليا تذكرته " وع ": لا يبه ماشافني احد
ابو طلال : تمام يلا لفي شيلتك عشان اروح اياك مع العامل يعلمك التفاصيل وهالله هالله خلصيها بأسرع ماتقدرين لان ورا بكرى الحفله وماعندنا اي وقت
لوليا: شفيك يبه ذبحتنا وربي بسوي الي تبيييه ورح تنذهل كمان بس عندي طلب
ابو طلال : ايش هو ...؟
لوليا : ممممممــ .. صاحباتي يبوو يحضرو الحفله احم .. هي حفله كبيره اكيد صح ؟ تكفى يبه
ابو طلال : هههههه طيب ولا يهمك يحضرو ليش لا بس هاا مو تتهوري بالعباه
لوليا : شدعوه يبه ولا يهمك تامر
ابو طلال : يلا تحجبي يابنت صيري بنت سنعه
لوليا بزعل : يبه
ابو طلال : عيون ابوك يلا بسس ..
لوليا لفت شيلتها وابو طلال اخذها ووداها عند العامل وجلس يعلمها التفااصيـــل ...
لوليييا : طيب ممكن ترويني القاااعه
العامل : اكييد مدام
لوليا : اوكي ثانكس وقفت ووقف وراها العامل مشى قبلها ومشت وراه نزلوو تحت
بالسرداب الي فيه قاعه كبيره طاولات ومكان القااء
لولياا : مممممــ طيب شتقترح اي لون
العامل : اسف مدام هذا انتي تختاريه
لوليا ناظرته بغرور : كنت امزح معك ومشت وهي تتفحصهم ..
خلااص راح تجيب لي كتلووج لـ ورد منسق لان راح نحط على كل طاوله فيهاا مزهريه وورود
وكمـان كتلووج لشموع راح نملي حواف الي هنا شمووع وممممم وكمان كتلوج لأقمشه طاولات راح نغيرهم وايش ياربي
وهي تناظر القاعه ..
طيب روح اللحين جيبهم لي يلا عشان نشتغل من اللحين وابيك تجيب لي كتلوجات لاأفخمهم
العامل : طيب
راح ورجع لها بعد 10 دقايق
فتحت كتلوجين للاقمشه تصفحتهم لين عجبها اللون البني الي مطرز بحوافه ذهبي عجبتها درجة اللون وحتى طريقه التنسيق بالكراسي بكتلوج ثالث
وقررت يكون هذا لون البني والذهبي فتحت كتلوج الشمووع وختارت شموع بنيه وفيها شرايط ذهبيه
وعند الورود ختارت يكون الورد الاصفر وتفقت يكون على كل طاوله ورد مجفف مبعثر عليها وتفقو على البقيه من اكل وشرب وغيره ..........


وباليوم الثاني ...
كتملت القااعه وطلع شكلها رهيب من بعد ماكان يمليها اللون الابيض
حتى العامل شاف التنسيق كثر منيح كل التنسيقات الي قبل كان فقط تغيير الاقمشه واكل وشرب بدون شموع ورد وغيره
دخل ابوها بعد ماخلصوو العمال شغلهم بانت بوجهة ابتسامه عريضه : جد اختيارك رهيب لولا
لوليا : ولوو باباا .. ^_^
ابو طلال : جد ماتوقعت كذا
لوليا : اكيييد اني لولا مو اي وحده
ابو طلال : هههههههههههههههههه بدأ الغرور يشتغل عندك يابنت ابوك
لوليا حركت خصل شعرها بغرور : اكيد ..


اليوم الثالث يوم الحفله
كل البنااات تجهزووو ولبسووو وطبعا شددت عليها لولياا ان يلبسوو الكتف ...
شوق : لبست تنوره ورديه لنص الركبه وبلوزة ورديه فخمه تناسب الحفلات < عشانها مارح تفسخ العباه ماتبي تضايق نفسها بفستان ..
مع الكحله والماسكراا والقلووس الوردي الفاتح طالع شكلها رهيب ولاننسى الاكسسوارات مع البوووت كمان وخلت شعرها براحته فيه فيونكه ورديه ..

راما : لبست نفس لبس شوق بس تنوره سماويه والبلوزة كمان سماويه ونفس ستايل شوق بالضبط .. بس هي سماوي .. < متفقه مع شووق ..
ألين : لبست ليها فستان نااااعم مره برتقاالي فيه ورده عند الخصـر وحطت ليهااا اكسسوارات خفيفه مع الكحله والماسكراا والقلووس البرتقالي الفااتح
طلع شكلها قمه البراءه وشعرهااا خلته كمان على كتووفهاا ..

لوليــآ < بعدين نعرف ايش لبست ^_*
طبعــآ جى المسااء الساعه 8 وربع .. الحفله تبدأ من 9
لولياا كانت بالقااعه تشوف ايش الناقص وتقوم ببعض التعديلات
وكانت لوحدها فسخت العباااه وجلست تدور على نفسها من الوناسه صار نفسها تروح عرس< اقولكم البنت مدري متى تعقل ...
لوليا راحت عند الشمووع عدلت شمعتين كانووو قريب رح يطيحووو .. وبعدين مشت على طاوله طاوله تشووف اذا التعديلات موجوده او لا او ناقص شيء
نتبهت لطاوله موضوع عليها وردتين صفرا تعجبت وبقيه الطاولات كلهم ورده وحده .. أخذتها وحطتها تحت اذوونها
دقت على ألين : هااي الين وين انتووووو
الين : هييينا والله مجتمعات في بيت شووقه شوي ونجي ..
لولياا : اوكيه مو تطولو وتخلوني لوحدي
الين : ههههههههههه طيب طيب ..
لوليا : باي
الين :بايااااااااات .....


/

شووق : شرايكم فيني اجنن صح ؟؟
الين : ايه تهبلين وبالقوة والله بس حسسافه مدري ليش ابو طلال متشدد ههههههه نبي نفلها ونفسخ العبي
شوق : تأدبي الين مو تتهوري
الين : ههههههههه طيب بس ماقلتيلي شرايك فيني
شوق : من يوم يومك تجنني بالبررتقالي
راما بغرور : ماظنها تجنن اكثر مني
شوق ناظرت الين متعودين هم على غرور راما الي مايخلص : ههههههه مو مشكله اصلا كل الشله حلوين ويجننو طالعين علي
راما وهي تحط المناكير بأظافيرها خلصت : مممـ ماظن يمكن حلوين لاني معاكم بسسس
الين تنهدت : ماقلت لكم
شوق : ايشش
الين : ههههههههههه بابا يمكن يسفرنا هالاجازة الى باريس
شوق : واااااااااو جد والله ؟؟
الين : ايه .. حياكم ..
راما تغير السالفه : يحيك البااري .. بنات متى بتروحو الحفله مليييت ..
شوق : بعد شوي ستني شنسوي نروح من اللحين
راما : مممـ مو مشكله كمان ... شرايكم بأظافيري
الين : تهبل زي راعيتها
راما : تسلمين قلبي ..


/

ابو طلال وهو يمشي بالممرات شاف واحد من الموظفين : فيصل
لتفت فيصل : نعم طال عمرك
ابو طلال : وعمرك يارب .. روح لي القااعه وقول لـ لولا القاعه جاهزة لو لا
فيصل " من لولاااا هذي ؟؟ " : طيب بس اخلص هذوول
ابو طلال : ماعليك خلي مشااري يكملهم عنك روح اللحين اخاف ناقص شيء
فيصل: طيب تامر شيء ثاني
ابو طلال ببتسامه : ابد الله يسلمك ..
مشى فيصل وهو يرد لمديره الابتسامه رايح القاعه ..
مشششى وهو يفكر من لولا يمكن موظفه جديده .. دخل القاعه وهو يشوف لون البني ينعكس على الارضيه من اللمعان ..
شاف بنت عاطيته ظهره بنهايه القاعه وهي تشييل الورده تحطها بأذونها : احم احم ..
لوليا بدون ماتلفت : خير ؟
فيصل وع مبين مغروره : انسه لولا
لوليا منقهره من جالس يدلع اسمها لتفت وطاحت عيونها عليه : خييير قلت
فيصل شافها خق " وع اللحين انا جاي اسال وحده مثل ذي " تكلم بغرور يستهزأ : الرئيس يقولك خلصتي ؟ مع اني ماظن لان مبين عليك
لاهيه بدل ماتشوفي شغلك
لوليا تقربت ليه وتكلمت بثقه : عندك شيء ثاني
فيصل بقهر : لا ابد والله بس قلت تراك مزودتها داخله شركه مين تحسبي انتي مع هاللبس تبي تخربي سمعتها !؟
لوليا تقربت ومشت وصار وراها ولتفت له : تدري تكلم من ؟
فيصل بستهزاء :اكلم لولا الوقحه
لوليا بعصبيه : لاتغلط فاهم
فيصل : اوه نسيت الناس الي مثلك تسمح لنفسها تقول لناس وقحين بس ماتسمح لحد يقولها صح
لوليا تقربت له بكل جراءه من القهر ناظرته تحس انفاسها بتنقطع وقفته واثقه عيونه ذبحتها وجسسسمه رياضي ماقدرت تطلع فيه اكثر : سمع زييين لو صدقني ماعدلت اسلوبك رح تنطرد تفهم
فيصل : ومن انتي تطرديني
لوليا : من ؟ طييييييييييب ستنى شبسوي
راحت تجيب جوالها من على الطاوله
فيصل حب يعرف ايش رح تسوي عيونها تدل فيها ثقه مو طبيعيه امواج ثابته : اسمي فيصل فيصل سمعتي ؟ فيصل
لوليا دقت عليه وبعصبيه وهي تناظره : هلا
ابو طلال : هلا لولا هااا شصار معك ومع فيصل ناقص شيء ؟
لوليا بعصبيه < اذا عصبت تنسى احد اسمه بابا : هذا الي انت جايبه وربي اذا ماتأدبه مالي جلسسسسه هنا
ابو طلال لما شافها معصبه خاف مايحب احد يعصبها او يزعلها:قوليلي قلبي شمسوي لك

فيصل ناظرها يبي يعرف تكلم من ؟؟؟؟؟ وهل هي تكلم صدق لو تتلعب بس شكلها مره جااده
ابو طلال : قولي لولا شفييييك ياحياه ابوك انتي
لوليا : هذا الوق اقصد الي جايبه وربي يبه اسلوبه وقح تفهم تعامله اياي يقهر ترضاها لي يقول اني بخرب سمعة الشركه

فيصل ناظرها وبوجهه الف علامه استفاهم من اي ابوو !
ابو طلال : طيب هدّي وخليه يجيني
لوليا : طييييب .. باي
سكرت وناظرت فيصل رمت الجوال وببتسامه فيها انتصار : يلا تقدر تروح لمكتب المدير؟
فيصل مو مستوعب : كيف ؟
لوليا : قلت لك روح مكتب المديــر لو حاب اوديك بنفسسسسي
فيصل: وليش؟
لوليا : انت نويت ع عمرك نقلع يلا
فيصل ببتسامه: اوكي باي يا لوولا
لوليا : باي

طلع فيصل متوجه لمكتب المدييير منقهر بس مو مبين عليه
دخل مكتب المدير بعد مادق الباب وهو يشوف المدير عاطيه ظهره يناظر برى من الزجاج
ابو طلال : اجلس
جلس فيصل
لتفت له ابو طلال : شمسووي مع بنتي لوليا ؟
فيصل بصدمه " بنتـــــــــــــــــك " ؟؟: !!!!!!!!!
ابو طلال : فييييصل
فيصل : ايوا طال عمرك .. مدري انها بنتك ولما شفتهاا هناك قلت لها بتخربي سمعة الشركه مو قاصد اي شيء صدقني ..
ابو طلال : وليش قلت هالكلام ماسمح لك يافييصل
فيصل: بنتك كانت فاسخه العباااه
ابو طلال نقهر بقووة معقوله شافها بدون عبااه : الخطا منك شلون تدخل وماتدق الباب هااااااه
فيصل " الله ينتقم منك يالوليا ع حركتك هيييين ماتركك بحالك " : اسف وربي اسسسف قلتلك ماكنت اقصصد ..
ابو طلال تنهد : حركتك ذي ماتنعاد انا ماراح اطردك ولا اي شيء بس هذا انذار لك يافيصل مفهوووم لانك موظف ممتاز ولك مكانتك الغاليه واتمنى
كل التمني انك ماتعيد هالحركه
فيصل : ان شاء الله طال عمرك
ابو طلال : تقدر تترخص ..
فيصل وقف وطلع وهو مقهور معقوله هذي بنت المديييـر الي مدلعها مبين عليها الغرور راكبها من عاليها لواطيهاا نقـهــر وبقووة بعد ..
قرر يروح القااعــه من جديد < شكله ناويهاا طرده اخونا فيصل ..
دخل القااعه وهي تعدل بالورود : شكراا
دق قلبها وبقووووة تحس بيطلع قلبها من دقااته لتفت له ماحطت عيونها بعيونه : مممـ تمام العفوو بالخدمـــه حنــآ
فيصل تعجب ليش ماتناظره ؟ راح ووقف جنب الطاوله الي هو واقفه فيهااا : تدري
لوليا بتمشي : مابي ادري ..
فيصل مسك ايدها وجرها لعنده وبهمس : حركتك دي ماراح انسااها وتذكري كما تدين تداان
لوليا مو قادره تتنفس تحس بتختنق منه وبكلمات متقطعه : بع بعد عن عني
كانت تحس من شوي انها اقوى ماخلق ربهااا بوقفتهاا انها تستهزأ بس اللحين بعد ماشتكت تحس انها ضعفت قوتها استهلكت ..
فيصل ناظرهاا : مممـ قبل ماتقوليلي ليش ؟
لوليا بعصبيه : اقولك بعد عني تقولي ليششششش ؟
فيصل :هههههههههههههههههههه ايه ليش ابي اعرف لي حق اظن ؟
لوليا رفعت راسهااا شاف وجهها من قرب لانها صايره قريبه بالاساس واجد : انت مالك حق تمسك يدي تفهم
ناظر ايده الي فوق يدهاا ويحسهاا نار تغلي من الحراره شال يده وشااف كيف اصابيعه نطبعت باللون الاحمر على بشرتها البيضا
تنهدت وبعدت شوي : تبي شيء
فيصل ناظر عيونها وشال الورده من على اذونهاا باسها ورجعها : ابد ولا شيء قلت لك ابي اشكرك واللحين طالـع
مشى وجى بيطلع حب يقهرها عشان لاتقول لبووها: هههههههههههههههه اذا بتقولي لبوك مثل البزران اني بعد مسكت يدك ترى ماتفرق معااي بااي ياعسسسسسسل ..
رمت الورده بالارض وبصوت عالي : اكـــــــــــرهـــــــــــــك
صرخ ليها : وانا بعـــــــــد ..










  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-05-2010, 03:53 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية محتاج أنا لذرة أمل في سنيني / بقلمي


,’




بسم الله



يعطيك العـــافية
موفقة إن شـــاء الله


https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-05-2010, 05:07 AM
صورة مشاغب بس مؤدب الرمزية
مشاغب بس مؤدب مشاغب بس مؤدب غير متصل
©؛°¨غرامي جديد¨°؛©
 
الافتراضي رد: رواية محتاج أنا لذرة أمل في سنيني / بقلمي


يعطيك العافيه انا ماقريت الروايه لأن عيوني ذبحتني من المنتدى ومن كثر ما اقرأ وتقبلي مروري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-05-2010, 12:00 PM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
الافتراضي رد: رواية محتاج أنا لذرة أمل في سنيني / بقلمي


يسسسلــموو ع المرور ..

أتمنى الاقي لو شووية تفاعل عشان اكملها واذا ماحبيتووها خلااص .. ^^ ... رح اقول بيباي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-05-2010, 04:19 AM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
الافتراضي رد: رواية محتاج أنا لذرة أمل في سنيني / بقلمي


يعني خلالالااص مافيه آمل اكملهاا !! =(

مو مشششكله ....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-05-2010, 09:26 AM
صورة مني شاعره بس ازلزل مشاعره الرمزية
مني شاعره بس ازلزل مشاعره مني شاعره بس ازلزل مشاعره غير متصل
©؛°¨غرامي مشارك¨°؛©
 
الافتراضي رد: رواية محتاج أنا لذرة أمل في سنيني / بقلمي


لا لا قهر كمليها
والله حماسيه بقووووووه
اتمنى تكملي ولاماكفي متابعه>>فيس يبي يصيح>>تتمسكن ههههههههههههه
لا جد روايه حلوه ومع الايام بتلاقين الردود
بس انتي واصلي وانا بكون معك ان شاء الله متابعه واعتبري ردي ورى كل بارت
تقبلي طلتي
ماني شاعره بس ازلزل مشاعره

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-06-2010, 05:11 PM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
رد: رواية محتاج أنا لذرة أمل في سنيني / بقلمي


الجزززء الثآني .........










طلع فيصل وهو منقهر: صدق قوايه عيووون .. نااس ماتجي الا بالعيوون الخضرا مو الحمراا =(
راح مكتبه
فيصل : هاا يامششاري خلصت الاووراق ؟
مشااري : ايه .. وين كنت فييه كل هالوقت طوّلت ؟
فيصل رمى نفسه على الكرسي : ابد ولا شيء هههههه تقدر تقول رحت اتمشى
مششاري بنفعال : خييييييييير ؟ تتمشى وانا اسوي شغلك تمزح انت
فيصل جلس مزبوط من صوت مشاري العالي : هدّي ماحد يمزح معااك وخير يعني لو شتغلت عني انا صاحبك وزميلك بالعمل وفووق ذا
اذكرك لما طلعت الاسبوع الي فات من قام بشغلك ها قلي مين ؟
مشاري بفشله : كح مو مهم بس جد وين كنت فيه
فيصل بنذاله : لالا قول قول تبي تغير الموضوع .. هذا انت يامشاري ماتغيرت طول عمرك ناكر للي اسويه لو ابلط لك
البر سرميك قلت ماسويت لك شيء
مشاري : يؤ فيصل لاتزعل والله امزح معاك
فيصل بتمثيل : لا ماتمزح ادري فييك انت اناني
مشاري بضيقه: فيصل وربي كنت امزح
فيصل ضرب كتف مشاري وبمزح : بلاك ماتقوم تجيب لي كافي
مشاري : نعم ؟
فيصل: الي سمعته
مشاري: ههههههههههه صدق نذل وانا الاهبل اصدق واحد مثلك
فيصل : بتقوم لو ايش
مشاري : هههههههههههههه قايم قايمـ بس راجع لك تحسب بتركك اليوم
فيصل بتنهيده : اقول روح جيب لي كافي وانت ساكت
مشاري ضرب فيصل بملف وطلع
فيصل : صدق نذل ..
دخل تركي المكتب بسرعه بعد ماكان يركض : فيصلووووووووووووه الحق
فيصل : بسم الله ياترك ايش فيك
تركي ياخذ نفس : اه اه .. وه .. خلني اخذ نفس
فييصل: خذ نفس خذ .. شفيك خلصناا ..
تركي : تخيييييل
فيصل بنفاذ صبــر : ايششششششش تركي وبعدين معاك
تركي : بنت المديــــــر هنـــآ
فيصل " وع " : توك تدري ؟
تركي : لا يانذل بس لو تشووفها تنسحر
فيصل بعدم اهتمام ويقلب بأوراق الملف : ليش شفيها عن باقي خلق الله
تركي : مافيها شيء بس شكلها عذااب تفهـم امهــآ يقولون اصلها مو سعودي ...
فيصل " وبعدين ؟ "
تركي : هيييي وين سرحت
فيصل: لالا معك بس يعني اشوفك تغازل
تركي : هههههههههههههههه لا ماأغازل بس بنت المدير الي اسمها لوليييا آه عذاب
فيصل : تعرف اسمها اشوف لايكون تحبهاا
تركي : هههههههههههههه اهو في احد مايعرفهااا المدير عنده لولياا اذا تمر الريح جنبها فزز من الخوف عليها
فيصل : وبعدين
تركي جلس ع الكرسي : بقولك مره هي جاايه الشركه تقريبا قبل لاا انت تتوظف بالشركه .. جت اقوولك كذا سياحه
تتطلع على احوال الشرركه .. ظلوو الموظفين سبووع يتمنوو لو ترجع من جديد
فيصل عدل جلسته : وال كل ذل
تركي : عندهاا اسلووب يجذب الي حواليهاا وجمال يافيصل شتبي بعد غير كذا ؟
فيصل : اي اسلوب تتكلم عنه كلها على بعضها اصلا دفتر كشكول يخربشوو به البزران
تركي : اووف بس لاتحكم عليهاا اول شوفها واااي
فيصل تسند : شفيك صاير لي مثل البنات تغازل شوي شوي بس روح قلها تجنني وفكني من هالكلام وبعدين انا شفتها
تركي فزت عيونه : إحلــــــــــــــــــف بقوة خلني اصدق مستحيل انت شفتها ؟
فيصل: ياربي عليك والله شفتها
تركي : والله انك خطير هههههههههههه بس قولي غازلتها ^_*
فيصل : وع .. وبعدين فكنا من هالسيره وربي لوعتني فيهااا
تركي : بكيييييييييييفك
دخل مشاري : اووه الترررك هييينا .
تركي بتسفيق : مششششششششاري تعال تعال بسسسس بقولك سالفتن خطيره
مشاري حط كوب الكافيه وجلس ع الطاوله من الحماس : ايشششششششششششش خلص بسرعه
تركي : تخييييييييييل مشاري بنت المدير
فيصل كمل كلام تركي بدون نفس : هيينا
مشاري يضرب يده بالطاوله : لااااااااااااه حلف ؟
تركي : وربي
فيصل بصراخ :فكووووووووووونا من هالسيره ياناس وربي اكرهها تفهمووو ماحبها يعني بالمعنى العام لاتجيبوو سيرتها وانا موجود فاهمييييييييين
مشاري مندهش من نبره فيصل الي كلها صراخ ممزوجه بعصبيه : طيب هدّي خلص ..
فيصل ترك الكوب وطلع برى
مشاري : مشششكل شفيه ذا جنّ .. اقول ياترك خلص خلص قولي من وين تدري انها هييينـآ
تركي : ههههههه والله احد الموظفين قالي انها صار ليها يومين تجي وماحد ينتبه لهاا ..
مشااري : وي اخيرا بشوف الي ذبحتنا فيها
تركي : ايه ههههههههههههه بس هاا تكفى عاد بلاها مغازل
مشاري : افا عليك ههههههههههههههههه من اول مادخلت الشركه انا وفيصل تتكلم لي عنها والله صار لي سبوع اتخيلها
تركي غمز لمشاري : ههههههههههههه ع عمري انت والله ولا يهمك اليوم تشوفها فيس تو فيس ...



برب شوي ..
"مشااري زميل فيصل بالشغل .. عمره 25 .. موظف بالششـركه .. شاب وسسيـمـ عيونه عسليه ووساع
جسمه جسم رياضي بس الرشاقه موجوده فيه ^^ ... بشرته قريبه للسماره .. خشمه طويل شعره اسووود يهب هب من كثر ماقول حرير
.. هه ويحب المغازل < تقدرو تقولو هوايته .. "
" فيصل عمره 25 سنه شاب جمييييل كلمة جميل قليله عليه جد الجد ملامحه سعوديه اصليه
اسمــر عيونه سودا وسسساع ورمووشه طوال فيه غمازات خشمه سله سيف شعره الكستنائي على الاسود معطيه شكل خيالي بطوله الناعم


جسمه جسم رياضي .. "
بس ماخبي عليكم تراه مغازلجي حاله من حال مشاري وتروك بس ثقته وبروده تخرب عليه "

" تركي ... عمره 26 .. عواينه سودا وومتوسطه لا هي واسعه ولا صغيره .. بشرته سمرا خشمه طويل جسمه حليووو ويتمتع بالقوة ..


يحلــمــ يحب بالقوة حب قووي يحس انه له روحين بجسد حاله حال اي انسسآن اي بنت يشوفها ينهبببببببـل .. ^^ ..








/








طلع فييصل ولاقى الشركه فاضيه يعني الموظفين مو كثثار ومعظم المكاتب مغلقه .. انتبه يعني اللحين بدأت الناس تيجي ...


مرت جنبه العميله منى ضربته بخفه من ورا : ايشش فصيل اشوفك وااقف هييينا ^_*


فيصل لتفت وبتسم ليها : هلا منووي شخبارك


منى بخجل : بخير والله انت اخبارك


فيصل : والله بخير بشوفتك ^^


منى : مو ناوي تتروح القاعه


فيصل : لا


منى : اني بعد ..


فيصل :شرايك نروح قاعه الاستراحه نجلس شووياا ونسوولف


منى ببتسامه : طيب الي تشووفه


فيصل : يلا اجل نرروح


مشت معاه وراحووو



" منى ... موظفه بالشركه .. ""تحب فييصل ودوم تتمنى قربه لكن تجهل اذا كان فيصل يحبها او لا "" ..


عمرها 23 سنه .. فتاه مهمته بحجابها ولبسها ومحترمه بين الموظفين ..


بيضا عواينها عسليه خشمها طويل فيها حبة خال تحت اشافيها وجسمها يتمتع بالرشااقه ... "




دخلوو الاستراحه فيصل اخذ له ببسي


وكمان منى اخذت لها نفس فيصل ببسي


جلسوو ع الطاولات


فيصل: ها منى خبريني شخباارك بالشغل


منى : والله بخيير ^^ كل شيء بخير دامك معاي ..


فيصل : دوم ياقلبي ..


منى بخجل : يدوومك للكل


فيصل بضحكه بانت غمازاته : يخليني لك قولي يارب


منى بهمس : يارب ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-06-2010, 05:13 PM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
الافتراضي رد: رواية محتاج أنا لذرة أمل في سنيني / بقلمي


----->




/







وصلوو البنات الششركه متلثمات وعليهم الكتف .. وكان شكلهم كيووت وناعـــمـ


دخلوو القاعه وهم يشوفون الموظفين من بنات وشباب .. وتشووف رجال الاعمال يدخلوو ^^


راحوو يمشوو 3 . . راما / شوق / ألين ...


ألين : هيييييي بنات هذي هي لوليا الي لابسه الكتف ولافه بس لفتها تكلم شخصين


راما : هههههه اوه شكلها شافت فارس الاحلام ..


ألين :ههههههه تأدبوو يلا خلنا نروح نسلم عليها نحااسه


شوق: هههههه مجانين ..


راحوو إلهاا ..


شوق : هاااي لووولا


لوليا ابتسمت : هلا شوووق هلا راما هلا الين


الين وراما : هلا فيك ^_*


لوليا التفت وبتسمت لمشاري : اعرفكـم موظف بالشركه اسمه مشااري وهذا تركي


ألين طاحت عيونها بعيون تركي وبتسم ليها تركي : هلا والله ..


الين وشوق وراما : هلا


لوليا تكلمهم : اعرفكم .. صاحباتي شوق الين راما ..


مشاري وهو خاق على لولياا : يجننو والله زيك


ضربه تركي من ورا


لوليا ابتسمت له : تسلم


تركي : طيب نتركك تجلسين مع صاحباتك


لوليا : هههههه لا عادي ترى جلسوو اذا ماعندكم شيء..


مشاري : لا لا ماعندنا شيء رح نجلس


تركي ناظر مشاري : لا والله رح نتركك يالغاليه وتسلمي عالدعووه جلسي مع صاحباتك حنا راح نشووف المعازيم


.. سحب مشاري ومشىى


شوق : ههههههههههههههههههههههههههههههههههههههههههه من اول ماجيت احس هالمشاري بيموت عليك


لوليا بغرور : هههههههههههههه يحق له


الين : بس بس .. هههههههه


لولييآ: يلا جلسسسو حبايبي فديتكم والله ...


راما : لولا


لوليا: نعم راما ؟


راما: بلاك والله ماشوف ناس حلووين اليوم .. ماطلع الا واني لاقيه فارس احلامي مفهوم


لوليا : هههههههههههههههههه طيب ولا يهمك ستني شووي واكيد الناس رح تيجي .. بالله شرايكم بالاصفر


الين : وين


لوليا : ههههه وين بالله يعني عليي


راما: ماعندك سالفه شلون نشووف وانتي لابسه الكتف


لوليا : امزح معكم بعدين ههههههه ارويكم شكلي


شوق : القاعه تهبل لوليا مثلك


لوليا: فديتك والله انتي الي تهبلين







/







تركي : فشلتنا الله يفششلك


مشاري : شسوي وربي تجنن ههههههههههه شفتها شلون تضحك ياربيييييييه عليها بمووت تجننن


جى المديــــر : مشاري


مشاري بخوف فز : نعم


المدير : ينعم عليك ووين فيصل


مشاري يلتفت برتباك خاف ان سمع كلامه : والله مدري


المديربنرفزه: روح شوفه لي انا مابي اي موظف يغيب عن هنا فاهمييييييـن روح بسرعه وان ماجى رح تشوفون الي مايسركم


وانت ياتركي شوفلي منى والعميل وسالم كمان مو هنا وانا قلت لهم يجوو قبل الموعد الناس جت وهم لسى


مشاري: طيب هدّي طال عمرك والله رح يجوو


المدير مشى عنهم : روح بسرعه


مشاري تنهد : وه قلبي رح يطلع إمش نشووف الاخ فيصل دا مدري وين اختفي


تركي : اقولك شيء


مشاري: ايش


تركي: تلاقيه مع منى


مشاري: هههههههه زي ماقلت تلاقيه مع منى


تركي : يلا اجل امش نشووف وبعدين نشوف سلووم


راحوو طلعو برى عشان يروحو الشششركه ...


دخلوو الشركه


مشاري : إسمع بنسأل الي بالرسبشن اكيد يدري ..


تركي : يلا


راحوو له


مشاري : هييييي خالد


خالد لتفت: اوه مشاري اشوفك هينا


مشاري: ايه والله , المدير معصب وين فيصل


خالد : اظن شفته مع منى بس وين مدري


تركي يناظر مشاري : ماقلت لك مع منى


مشاري : زين خلوود وين تظن


خالد : دقيقه بشووفلك بكاميرا المراقبه


مشاري : يلا بسسسرعه


خالد يناظر الشاشه ويحووس : وين .. اييييييييييييه يامشاري فيصل هنا طالع لنا انا يمشي رايح للاستراحه


مشاري: ويين


خالد: في الاستراحه ماتسمع انت


تركي : يلا اجل بسرعه


مشاري وتركي مشوو بسرعه دخلو الاستراحه وهم يشوفون فيصل يضحك مع منى


تركي : الله يغربل بليسكم انتو الاثنين فاهمين


مشاري : قوموو الله يغربلكم قومو


فيصل : شفييييييييييييكم داخلين انتوو وين ؟ .. مثل الهيئه شصاير


مشاري: المديييـر معصب واصل حده قووم بسرعه


منى بخوف : يمــه قوم فيصل قووم


فيصل : اووف .. زين ..


وقفوو وراحوو للقاعه بسرعه ...


دخلوو القااعه


المدير شافهم وهم يدخلوو


مشاري راح للمدير مع فيصل :


المدير : وانت فيصل وين كنت


فيصل : آآ كنت بدورات الميااه بطني شوي يألمني


المدير بعصبيه : زييين ومنى وينها


مشاري : هيييناك تستقبل الي يدخلوو


المدير : روحوو زين .. خلااص


مشاري سحب فيصل


فيصل: حششى كل ذا عشان التأخير


مشاري: انت تعرف المدير يحب كل شيء منظم


فيصل ومشاري يمشوو


مشاري : هذا سلوووم زين شفناه ملان اروح ادوره


فيصل : هههههههههه عجبتني ملان


مشاري وفيصل وهم يمشوو مر على طاوله لوليا بتسم لوليا


انتبهت له لوليا وردت الابتسامه


فيصل: شفيك تتبسم


مشاري : ها ولا شيء


/



راما نتبهت لفيصل خقت عليه : هيييييييييييييييييييييي انتي قولي له يجي تكفي
لوليا مو فاهمه لان مانتبهت له : زين ..
لوليا بصراخ : مشششاري
مشاري فز وهو يسمع صوتها سحب يد فيصل الي عاطي الطاوله ظهره وهو يكلم احد الواقفين
: نعم طال عمرك
لوليا نتبهت لفيصل " قطع " : ابد ولا شيء
راما شافت فيصل وخقت بتموووووووووت راما: ههه قصدها جلسسسو
مشاري : لالالا بنمشي
راما : لا مايصير جلسو
لوليا مستغربه ليش راماا مصره بس ماحبت تكسر كلمتها : جلسوو شفيكم
جلس مشاري وجنبه فيصل يناظر السقف وماله نفس
لوليا : عن اذنكم
مشاري وهو يشوف لوليا تقوم : وين
لوليا بتبرير : ابد شوي واجي رايحه الباث ^_*
راحت لولياا ...
راما : من ذا يامشاري
مشاري: نسيت اعرفكم فيييصل
فيصل ناظرهم متثلمين عكس لوليييا .. : هلا فييـكمـ
مشاري وهو منقهر ليش قامت لولياا : =)
فيصل : مم طيب انا فيصل انتو شأساميكم
رامابسرعه: انا راما
فيصل ببتسامه وهو يحسها ههههه بتفز : هلا راما
شوق ببرود : انا شوق
فيصل بتسم لصوتها الناعم : هلا فيك شووق
ألين توها بتتكلم الا بجية تركي
تركي :هيييييييييي اشوفكم جلستوووو قومو بس قومو
مشاري حمد ربه لجية تركي : ايه صحيح خلنا نقووم فصوول نترك البنات يسوولفوو ع راحتهم
فيصل ببتسامه : بس قبل ماعرف اسم البنوته الثالثه
تركي ابتسم : قصدك مين
فيصل اشر على الين
تركي : هههههههههه قصدك لينا
الين : لا مو لينا
تركي ناظرها : كيف ؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-06-2010, 05:20 PM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
الافتراضي رد: رواية محتاج أنا لذرة أمل في سنيني / بقلمي


الين : انا الين مو لينا
راما الي منقهره شلون الين تسولف ... وشوق تراقب الوضع بصمت
فيصل ضرب تركي : هههههههههههه شحقه تخرب اسم البنت هااااا
تركي : هههههههه انت بالله شدخلك انا وياها بكيفي خلني ادلعها
فيصل : خييييييييييييييييييير هو انا الي سألت انا الي وياها بكيفي انت ملقووف تفهم
الين : هههههههه
تركي : يلا بسس نمشششي ..
فيصل : الييين اقصد لينا هههههههههههههه على كلام ترووووكي
الين فيها ضحكه وبقوة كتمتها : نعم
فيصل : قومي لصاحبتكم هذيك الي قامت تيجي عيب خلها تجلس معكم ^_* لانها طوّلت
راما: قصدك لولييي
فيصل : ايوه لوليك هع
مشاري ناظر فيصل ليش يكره لوليا ..
الييين : ههههه طيب
تركي يأس سحب مشاري وفيصل : يلا باااااااي بنوتات نشوفكم مره تانيه
رراما : باياااات ..
شووق : اقوول برووح لـ لوليييا انتظرووني هينا زيين
راما والين ... طيب
مشت شووق متجهة لدورات الميااه دخلت لقت لوليا جالسه على الكرسي بقهر وهي تحرك اصابيعها بطفش
جت جنبها شوق : لوليييييا
لتفت لوليا : اووه شوق ؟ ! شجابك هينا !؟
شوق : هههههههه الجلسه من دونك ماتسسسوى قومي وش قعدك هنا
لوليا : ماني
شوق : شفيييك قومي ليش جالسه هينا ؟
لوليا بدون نفس : ابد ولا شيء الوضع زهق هيناك
شوق بتفاهم : اها ههههه يعني نطلع ؟
لوليا : نطلع ! وين ؟
شوق : مدري
لوليا : ههههههههههه اقولكم شيء
شوق : ايش
لوليا : مشوو على قاعه الاستراحه اظنها فاضيه امشوو نهيص
شوق : شلون
لوليا سحبت يد شوق : مشي مشي ماعليك ...
وطلعووووو ...
لوليا اشرت لـرآما والين يجوو .. جو ألها
الين :: شفيك ؟
لوليا : هههههههه الوضع يزهق مشوو نطلع
راما بنفعال : كيف ؟ وليش
لوليا : هههههههههه نقولك زهقانين تقولين ليش ؟ ... " بلهجة سريعه " بنطلع من القاعه وبنلف ندخل الشركه ووووش على الاستراحه
راما : بس مو سبب تكونو زهقانين نطلع
لوليا بنرفزه ماتحب احد يعارضها : اووف ااذا ماتبي جلسي هييينا يلا الوناا ..
الين اخذت شنطتها ماحبت تجلس بدون لوليا وشوق : اوكيـه
لوليا سحبت شوق ومششت وجنبها الين تناظر راما بعواينها بمعنى خلنا نروح
راما ستسلمت اخذت الشنطه والجوال من على الطاوله ومشت معاهم ..
كانت عيون تراقبهم وهم طالعين ماهتم لهم ...
منى : حبيبي تناظر وين ؟
لتفت فيصل : هههههههههههه ابد ولا شيء ماأناظر بأحد
منى : هههههه يعني سرحان
فيصل: ايه ياعيوني اكيد سرحان
منى : افاا بمن
فيصل: هههههههه بناس ..
منى : شلون
فيصل: هههههههه عيب مايعلمووو
منى صار وجهه احمر : طيب قولي مييين
فيصل : هههههههههههههه ياعمري عليك والله منوووه ..
تركي بصوته العالي من بعيد : منــــــــــى تعالي قدمي العصير مع البقيه اليوم بنستلمك ع عمري تحملي
منى لتفت له : هههههه جايه .. .." ناظرت فيصل وتكلمت بسرعه " بااااااااي قلبووو
فيصل : بااااي حياتوووه ...




/


المدير : قلتلك لاتفتح معي هالسيره فاهــمـ
العم صالح : بكيفك بس بتندم صدقني .. اقولك تزوج بنت اخوي .. لو بعد عمر طويل من عمرك مين بيبقى لبنتك ؟
المدير بنرفزه : سمعني زييين ياصالح انت عارف زييين ان بنتي مو محتاجه لمرت اب
العم صالح : ادري مو محتاجه بس محتاجه لأخوووو يداريها ويحميها
المدير بنفعال وصراخ : صالــح سك الساالفه تفهم لاتعكر مزاجي وسط هالحضور
جى رئيس لشركه يبارك للمديــر : مبرووووووك ماي فرند
المدير : الله يبارك فيك والله نورتتتــنــآ يابوو محمد
ابو محمد : النور نورك والله ^_*
العم صالح : عن اذنكم ....
المدير : اذنك معك
جلس ابو محمد يسوولف مع المديررر ...
العم صالح راح بسرعه لمشاري الي نتبه له : مشااري
مشاري لتفت بس تمنى مالتفت .. ببتسامه مصطنعه : هلا صاالح
صالح : اهليين وسهلين احم تعرفلي بنت المديييييير؟
مشاري مو عارف ليش هو يسأل : اي ليش تسأل
صالح : انا سمعت انها هي هينا .. حضرت الحفل موو
مشاري بدون نفس: اممم اي
صالح : طيب ماتدري وينها !
مشاري مارتاح لسؤال صالح وهو يحسه غريب وثقيل دم ولا ينطاق : لا مادري
صالح : طييييب .. مو مشكله < ومشى
فيصل جى جنب مشاري: ايش يبي منك العقرب
مشاري : والله مدري عنه يسأل عن لوليا
فيصل بقهر : ايه اكيد رح يسأل عنها مو هي جميله لازم الكل يسأل عنها اووف من هالناس والله
اذا كل كلمه لوليا ولوليا تقول ملاك نازل من السماء ماصارت جميله في ناس اجمل منها
مشاري حط يده على فم فيصل: اووش بس بس انت شفيك اليوم وربي ذبحتنا اذا ماتحبها مو لهالحد تذمها شوي وتكفخنا
فيصل بعدّ يد مشاري عن فمه : اووف بسس ..خلااص واانت حاطينك دفاع اشوف؟ ماصارت بنت الكل مهتم لهاا
مشاري بمسخره : دفاع لو حارس مرمى
فيصل: خخخخ حلف مو وقت مسخرتك
مشاري يتكلم بجديه : وين راحو
فيصل: من
مشاري : من يعني اوووف
فيصل بقهر : اوه صح تقصد شلة القطه الصفراء
مشاري ناظره : خخخخ حلو اللقب بس احس مايلوق
فيصل بقلبه " خخخ مع فستانها الاصفر وعيونها الزرقاء يقلي مايلووق ماعنده سالفه "
مشاري : تدري
فيصل : وش
مشاري : صالح
فيصل : شفييه هالصالح العله
مشاري : احس ناوي على شيء عند لوليا
فيصل بدون اهتمام : لييش؟ شصاير
مشاري : جاي يسأل عنهاا عشانه سمع انها هنا وانا متأكد يافصييل ماسأل عنها الا يبي شيء
انت عارفه واناا عارفه زيين حفظنااا حركاته البايخه بس هالمره ابصم لك وراه شيء
فيصل : اقوول لاتهتم ولاتشغل بالك .. وش يعني بسووي .. وانتووو لاتصيرولي بزران كأن ماعمركم شفتوو بنات
مشاري : عدال بس يافصيييل اقوول كنك ماتجلس مع منى
فيصل : مم منى زماله لا اكثر وتقدر تقول مستحيل احبها
مشاري : اجل اقول قلل من الاحتكاك فيها اليوم وان هي ااحتكت ابتعد
فيصل : ليش تطلب هيك
مشاري : احسسسك احيانا غبي المدييـر ركب كاميررا مراقبه عشان يعرف يطمئن على بنته
وانت نسيت ان صحيح الحفل بين عمال الشركه وفيها رجل وبنات لكن انت عارف المدير ملتزم انت مو شايف شلون دخلو
صاحباتها متلثمات هي صحيح فاتحه هذاك الوجه بس اكيد ماحد يرضى على بنته .. يعني بالمعنى العام يافصيل انت مرااقب دام الكامرا شغاله
والمدير اذا شااف الكامرا واحتكاكك مع منى بزياده راح يعصب وانت عارف شلون اذا جتك الاسئله منه ماراح تخلص

فيصل فكر في كلام مشااري المعقول ولا ينسى المدير هزأه هذا اليوم
مشاري : اناا قلت لك والباقي عليك
جى تركي : اووووووف تعب تعب تعب هلاآآك ..
مشاري : هههههههههه .. تصدق احسن لك تجلس شوي مثل مانت شايف
فيصل : لا تخليه يجلس خله يتعب هذا ماوراه غير الراحه
مشاري : هههههههههههه
تركي : اقولك نعسسسسسان حدي ابي كافي يصحيني
مشاري : هههههههههههه حلللوة .. خذ لك بريك وعلى الاستراحه ياشييييييخ ..
تركي : والله جبتها يامشااري
مشاري : يلا روح قبل لايحتاجك المدير وان سال عنك بقوله راح يشرب كافي يحس بالتعب ماراح يقول شيء
تركي : طيييييب سلام وانت فيصلووه بعدّ عن طريقي
فيصل : خير ان شاء الله سلامات ؟ ماتشوفني جالس
تركي : هههههههههههههههههه اخلااق بس اخلااق
مشاري : ههههههههههههه ايه
مشى تركي طالع لبرى ..



/


دخلوو القاعه الي اول ماتدخلي بوجهاا غرفة خاصه للأكل والاطعمه ولما تمشي بالممر المتوسط الحجم الي بين الضيق ومو ضيق بتشوفين القاعه
الكبيره الي فيها طاولات وكراسي وعلى النهايه مسسسرح فيه ميكروفون عشان اذا العاامل يبي اي شخص يروح يوقف ويطلب منه اني ثينغ
لوليا : يلا بس وراييي
الين : ههههههههه طيب
مشوووو لين دخلو القاعه الكبيره
شوق : وااااااو يصلح ليي اتنطط مو
لوليا : هههههههههههه وترقصين بعد
راما : ههههههه مشوو بفسخ عباتي جتني حراره قلبيه
لوليا : حلوة ههههههههه ..
فسخوو العبي وجلسوو على الكراسي عدى لوليا الي تعدل شعرها وهي جالسه على الطاوله
قامت من على الطاوله ودارت على نفسها شرايكم
شوق : اووووووووووه يام الاصفر اماااااااا انك رهييييييييييييييبه
راما : ههههههههه سويتيها يادووبه ولبستي هالفستان طالع جد عليك جنان
لوليا : كح كح
الين :ههههههههه بلاها غررور طالعه تهبلين
لوليا : بما انك اخر من قالي اني اهبل ههههههههههههه قومي طلبي لنا شيء ناكله
الين : من عيوني بس لحظة الموظفين بنات صح
لوليا : يسسسسسسس يلا روحي
الين : بس شتبوو ؟
لوليا : ههههههه ببسي شيبسات عصيرات اي شيء يششوفه قلبك جيبيه
الين : طيب
مشت ناظروها وهي تختفي تمشي بالممر وصلت للغرفه دخلت : هااي
العامله : بأدب مرحبا
الين راحت وحطت يدها على الطاوله تشووف ورقة الاطعمه شعندهم : تصدقي هههههههههههه نفسي ببيتزا
العامله : ههههه
الين : دام فيه بيتزا .. ابي 4 صحون متوسطه الحجم كفايه عليهم ههههههههههههههه مايصلح لهم صحن كبير
العامله : ههههه انتي اول مره اشوفك تيجي هينا
الين : هههههههه جيت مع صاحباتي
العامله : ممم
الين : لاتخافي وتفكرينا حرامييه جينااا على موافقة المدير
العامله : جد والله .. شتقربين له
الين : ههههههههههههههههههههه صاحبة بنته
العامله : تتكلمين جد
الين : اي والله جد
العامله : حلوو والله نورتوو الشركه
الين : منور بوجودك .. سمعي .. ابي عصير برتقال و3 ببسي زين ؟
ووش كمان
لتفتوو على شخص يتكلم من قبل لايدخل الغرفه : أمـــــــــــل بليييييييييييييييز كافي
الين لتفت بخوف طاحت منها الورقه : من ذا
العامله ناظرتها ماعليها عباه : بسرعه تخبي هينا
الين ركضت بسرعه وجلست ورا طاولة
دخل تركي شافها تناظر بالارض وهي تقول : لاتخافي ..
تركي : تكلمي مين
العامله : ابد ولا شيء .. شتبي قلت ؟
تركي : كاااااافي كافي نعسسسسسسسسسان انا نعسسسسسسسان
وراح جلس عند نهايه على الكرسي : يلا راح استناك بليز لاتطولي اخاف المدير يحتاجني
العامله : ولا يهمك
الين تناظر العامله بخوف وتأشر لها متى بيطلع
العامله : اشرت لها بيدها من تحت بعدين
الين : اووف
تركي : شفيك تتأفأفيين
امل : ها ولاشي
تركي : تماام يلا اخلصي
امل : اوكيييه ستنى عليي شفيك
تركي : املوووه ماقلت لك
امل : قلي امل مو املووه حاف شايفني بنت عمك ورح تقط الميانه وياي
تركي : هههههههههه طيب امل ..
امل : شتبي قول
تركي : ههههههههههههههه ابد نسيت شكنت بقول
امل : الله يعييين ..
تركي حط راسه على الطاولة الي قدامه
امل : والله مبين انك نعساان
ماخلصت الكافي الا وهو وووووووش غمضت عينه < تركته على الطاوله الكافي
امل بصوت واضح : يابنت وووش يابنت
الين نتبهت ليها ولما شافتها تنادي بسرعه وقفت : وه الحمدلله ماورى طلع
رفع راسه بشويش وهو يشوفها ظنه بحلم هالبنت خيال وربي خيال بنسبه ليه يحسها ملاك ملاك
امل : اااا
التفت وهي تنفض ثيابها تخاف فيها غبار : خلصتي
امل : يابن
تركي : ........


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-06-2010, 01:40 AM
صورة غروري ذبح عزوزي الرمزية
غروري ذبح عزوزي غروري ذبح عزوزي غير متصل
©؛°¨غرامي مشارك¨°؛©
 
الافتراضي رد: رواية محتاج أنا لذرة أمل في سنيني / بقلمي


اتمنى الاقي تفاعل بهالبارت
والي بتقراأه قراءه ممتعه يارب ..&_& ...


رواية عيني يوم قابلت عينه عجزت يا ناس أنزلها / بقلمي

الوسوم
لولياا - فيصل , البارت 1 ص 1 + البارت 2 ص 2 + البارت 3 ص 3 + البارت 4 ص 4 + البارت 5 ص 5 , البارت 11 ص 12 + البارت 12 ص 14 + بــ 13ص16 + بــ14 ص 18 + بــ15+ 16 ص 20 , البارت 17 ص 22 +بــ 18 + 19 ص 27 + بــ 20 ص30 + بــ 21 ص 32 + بــ 22 ص 34 , البارت 23 ص 37 + بــ 24 ص 39 + بـ 25 ص 41+ بــ 26 ص 45 + بــ 27 ص 46 , البارت 6 ص 6 + البارت 7 ص 7 + البارت 8 ص 8 + البارت 9 + 10 ص 10 , الحب كلمة قصيرة ولكن معناها كبير , الكرهه كلمة اليمه ولكن قولها يعني انتهاء كل لحظة سعيدة , روايتك مررررررررررررررره خوقاقيه انتظرررك , عبدالعزيز - الهنوف وريف نزاع بين الحب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية دنيا الاقدار/ بقلمي t3abt ashky أرشيف الروايات المغلقة - لعدم إكتمالها 43 10-05-2013 12:20 AM
رواية يا نعيش مع بعض حبيبي .. يا نموت إحنا الإتنين / بقلمي JoDa ^_^ أرشيف الروايات المغلقة - لعدم إكتمالها 23 22-12-2012 02:10 AM
رواية يرحم أمك يا ضيقه الصدر طسي لغيري / بقلمي ڪبرياء الغواليـﮯ أرشيف الروايات المغلقة - لعدم إكتمالها 453 30-04-2012 06:45 PM
رواية الباحثات عن الحرية / بقلمي s00000 s00000 أرشيف الروايات المغلقة - لعدم إكتمالها 44 25-12-2011 12:05 PM
رواية بنات فلة مسوين شلة / بقلمي » نمڵــۃ ڵاٻــسھـ ڪعب « أرشيف الروايات المغلقة - لعدم إكتمالها 2472 29-09-2010 01:16 AM

الساعة الآن +3: 12:53 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1