غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 15-05-2010, 12:40 AM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


•.°.• البارات الرابع•.°.•


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•



فالجامعة عند راكان
سلطان يسولف بالجوال وماسك كوب القهوة
وهو ماشي صدم براكان وانصب القهوة على بلوزة سلطان
سلطان:ما تشوف
راكان معصب:أنت الغلطان مو أنا
وتبدأ الخناق وماخلصت الا يوم يفكونهم الشباب
واحد من ربع راكان:خله عنك هذا واحد شايف نفسه ومايحب يعتذر
راكان:أعوذ بالله من الشيطان الرجيم
ــــــــــــــــ:يلا خلنا نروح المحاضرة
راكان:يلا


ّّــــــــــــــــــــــــــــــــــــــــــــــــ ـــــــّّّ

عبدالله وهو راجع من العمل
أم عبدالله:ياولدي متى تريحني وترتاح وتتزوج
عبدالله:توالناس يايمه
أم عبدالله:عمرك 27وتقول توالناس
عبدالله:الله كريم وهوماشي
أم عبدالله:الله يهديك ياولدي بس
عبدالله:الله كريم وهوماشي
أم عبدالله:الله يهديك ياولدي بس
عبدالله على الدرج:أمين,الله يسمع منك..وراح
دخل بوعبدالله:السلام عليكم
أم عبدالله:وعليكم السلام
بوعبدالله:جاء عبدالله
أم عبدالله:أي توا رايح لغرفته
بوعبدالله:أنا رايح له
بوعبدالله جنب الباب:عبدالله
عبدالله:تفضل
بوعبدالله يدخل:زاد فضلك
عبدالله:أمر أبوي
بوعبدالله:أنا الصراحه أحس بألأم في جنبي
عبدالله:خلاص يبه تعال لي بكره المستشفى ونتفاهم
بوعبدالله:يا ولدي مافي شيء يخوف أكشف لي أحين
عبدالله:لاخلاص تعال لي المستشفى
طلع بوعبدالله وشاف في وجها عبدالعزيز
عبد العزيز:"أكيد الحين بتجيء لي تهزئه"
بوعبدالله معصب:وين كنت
عبد العزيز:اااااا....كنت في الاستراحه
بوعبدالله:أنا كم مره قلت لك تجيء مبكر للبيت
عبدالعزيز:أنا مو صغير,عشان اجي مبكراَ,عندي أشغال
بوعبدالله:هذا أخوك يجيء مبكر,قلنا عنه صغير
عبد العزيز:وبس في أي شيء قارنو توني بعبدالله
بوعبدالله:أيه لان هو أحسن منك,يلا جيب شعره منه وسوي مثله
عبد العزيزبصراخ:لمتى تفضلونه علي,أحنا أخووون ولانسيتوا
بوعبدالله بأستغراب:لامانسينا,بس أنت غير وهو غير
عبد العزيز:شنو اللي غير,ولا...لان هوحامل أسمك وصاير دكتور وأنا............... وراح بسرعة لغرفته
أم عبدالله:أيش صاير أصوتكم نازله لتحت
بوعبدالله:سألي ولدك,طويل اللسان
أم عبدالله:أي واحد
بوعبدالله:عبدالعزيز عسى مافي عزيز غيره
أم عبدالله:وأنت ايش فيك عليه
بوعبدالله راح ولا رد عليها
أم عبدالله:الله يهديك بس.خلني أروح أشوف هالولد
أم عبدالله جنب باب عزيز
عبدالعزيز:نعم
أم عبدالله دخلت وشافت عبد العزيز جالس ومنزل رأسه
عبدالعزيز:هلا يمه
أم عبدالله:شفيك مع أبوك
عبدالعزيز:كالعاده تهزىء من أبوي
أم عبدالله:معليه يا ولدي تحمله
عبد العزيز:تحملته لما فيه الكفايه,يعني لمتى يستحقرني كــذا
أم عبدالله:تمسح على رأسه,أستحمله على شأني بس
عبد العزيز:بس عشانك هذااي المرة لو عاده مره ثانية بترك البيت وبطلع
أم عبدالله:الله يهديك بس
وطلعت من الغرفة وراحت تتطمن على عبدالله


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•



راكان مع نور في السوبر ماركت...
نور في قسم العصير وراكان في قسم الحلويات
ــــــــــ:ياحلو عطنا وجه ....,,يقصد نور بس نورموعايطتها وجه
راكان وهو جاي:يلا خلاصتي
نور ألتفت عليه شافته يطالع وراه وهو منترفز
نور:يلا مشينا
راكان وقف جنب المحاسب
نور:شفيك مساعه
راكان:اذا طلعنا اقولك
نور:طيب
راكان يركب السيارة........
نور:ايوا أشفيك متنرفز مساعه
راكان:لا شفت واحد معي في الجامعة
نور:وإذا
راكان:اللي كان واقف جنبك بشوي
نور:أي شفيه
راكان قال لها عن اللي صار<<<<

ّّــــــــــــــــــــــــــــــــــــــــــــــــ ــّّّ

أم عبدالله راحات تتطمن على عبدالله توه بتفتح الباب الاسمعت
عبدالله:ابي أشوفك
شوق:ـــــــــــــــــــ
عبدالله:يلا عاد ياقلبي
شوق:ـــــــــــــــــــــــ
عبدالله:صار لي مده ماشفتك
عبدالله بزعل:طيب,, يلا باااي وسكر إلا دخلت أمه


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


سعود دخل البيت طبعاً كالعاده هدوء أمه وأبوه ينامون بدري.
سعود دخل غرفته:"مافيا لا اجلس ع المسن"
محمد:هلا والله بالزعيم
سعود:هلا بيك
محمد:كيف الحال
سعود:تمام,,,وأنت؟
محمد:الحمدالله
سعود:المهم تروح بكره معناً...رايحين نقدم
محمد:وين
سعود:البطحاء
محمد:لا ياشيخ بعيدة
سعود:بس شغل ترتيب
محمد:لا,أنا مقدم في الدمام وأنتظر رد
سعود:طيب,بس روح ونسناً
محمد:أوكي..كم الساعه
سعود:6تكون أنت جاهز
محمد:طيب
سعود:يلا أنا بروح أنام
محمد:تصبح على خير
سعود:وأنت من أهل الخير..يلا باااي
محمد:باااااااااي


ّّ ـــــــــــــــــــــــــــــــــــ ّّّ


أم عبدالله فتحت الباب غرفة عبدالله
أم عبدالله:ماتوقعت منك ياعبدالله
عبدالله:يمه دقيقه,سمعيني
أم عبدالله مشت ولا ردت عليه
عبدالله:"الحين مافي فايده .... أكلمها بعد ماتهئدا
وأنا غلطان كلمتها في غرفتي"
أم عبدالله في غرفتها:ماتوقعتك كذا ياعبدالله
بوعبدالله:شفيك تتحلطمين بعد أنتي؟
أم عبدالله:ـــــــــــــــــــــــــــــــــ
بوعبدالله:إنا لله وإنا إليه لارجعون
عبدالله طلع في وجه أبوه
عبدالله:"أكيد أمي قالت له"هلا يبه
بوعبدالله بدون نفس:هلا
عبدالله بتردد:شفيك يبه؟
بوعبدالله:شوف أمك أكلمها ماترد علي!
عبدالله:"الحمدلله ماكلمته عني"طيب
عبدالله يطق باب الغرفه
أم عبدالله:ــــــــــــــــــــ
عبدالله دخل:يمه سمعيني وبفهمك الموضوع
أم عبدالله:شنو أسمع سواد وجهك....ها
عبدالله:بس يمه
أم عبدالله تقاطعهوبصرخ:شنووو بس
عبدالله:ــــــــــــــــــــــــــــــــ
أم عبدالله:أطلع بره ما أبي أشوف وجهك
طلع عبدالله من عنده أمه وهو متضايق وراح لغرفته...



.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


ـــــــــ في الصباح ــــــــــ
سعود بعد ماتروش نزل لتحت
أم سعود:هلا يمه
سعود:ــــــــــــــــ,,يمه بروح للبطحاء
أم سعود:أحين
سعود:أاايه
أم سعود:من بتروح معه
سعود:عبدالعزيز ومحمد
أم سعود:الله يحفظك يا ولدي ويوفقك وأنتبهو للطريق,سوق بشويش ولا تقفل الجوال عشان أطمئان عليك.
سعوديبؤس رأس أمه:يلا مع السلامه
أم سعود:الله يسلمك ويحفظك
رن جوال سعود
سعود:وين أنت بره
عبدالعزيز:ــــــــــــــــــ
سعود:يلا بدق على محمد وبطلع وسكر وطلع
ّّ ـــــــــــــــــــــــــــــــــــــــــّّّ
عند محمد الجوال يرن ومحمد رايح في سابع نومه
سعود وهو راكب السيارة
عبدالعزيز:وينه حموود
سعود:مايرفع
عبدالعزيز:دق عليه مره ثانيه
سعود:طيب
محمد يرفع:يلا يلا دقاايق وأنا عندكم
سعود:طيب,أحنا بره نتظرك وسكر
عبدالعزيز:شنو يقوول
سعود:دقااايق و بيطلع
محمد طلع بعد نص ساعة:آسف على التأخير
عبدالعزيز:اركب بلا هذره..... تأخران
محمد:وين صباح الخير
عبدالعزيزوسعود:يؤ حموود ماتجوز عن سوالفك
محمد:يلا سكتنا


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•



عبدالله صحى متأخر ونزل المطبخ وشاف أمه تطبخ الغداء
عبدالله:صباح الخير يمه
أم عبدالله:ـــــــــــــــــــ
عبدالله سرحان:"أحين شنو أقول لها"
عبدالله بتردد:يمه أنا كنـــــــــت أكلم شوق
أم عبدالله بصدمة:مين شوق
عبدالله:بنت خالتي
أم عبدالله للحين منصدمة بتتكلم لكن تكلم قبلها
عبدالله:أنا أكلمها وهي طول الوقت ساكتها وماترد إلا إذا سألتها وأنا الصراحة أنعجبت فيها وأبقي أتزوجه.
أم عبدالله:بس هذا غلط أنك تكلمها,كذا هي بتفكر انك مكلم غيرها
عبدالله منزل رأسه:أهم شيء رضيتي
أم عبدالله:ــــــــــــــــــــــــــــــــــ
طلع عبدالله من البيت بيروح للعمل
عبدالل:"أشتقت حق صوتها,معناً هي ماتتكلم بس الرد قليل يطفي شوقي"
وصل للمستشفى
السكرتير:هلا دـ كبدالله
دـ عبدالله:هلا والله,كيف الحال؟
السكرتير:نحمده,متأخر اليوم سلامات!
دـ عبدالله:ولاشيء جالس متأخر
السكرتير:اهااا
دـ عبدالله:عن أذنك
السكرتير:أذنك مع دـ عبدالله
عبدالله دخل مكتبه وهو جالس:اااااوووو نسيت أنا أبوي بجيء يكشف عندي
الممرضه تدخل:السلام عليكم دـ عبدالله
دـ عبدالله:وعليكم السلام... في مرضى
الممرضه:أي
دـ عبدالله:يلا دخلي لي أول واحد
الممرضه:طيب
بوعبدالله يدخل:توالناس ليه متأخر؟
عبدالله:جالس متأخر,تفضل على السرير
كشف عبدالله عليه مع كم سؤال وطلعت نتيجة التحليل
دـ عبدالله بتردد:فيييك فشل كلوي
بوعبدالله:ــــــــــــــــــــــــــــــ
دـ عبدالله:لازام بأسرع وقت نشوف متبرع لك
بوعبدالله:طيب
رن جوال عبدالله
دـ عبدالله:هلا عزوز
عبد العزيز:...................
دـ عبدالله بحزن:أبوي في فشل كلوي ونبقي له متبرع؟
عبد العزيز:..................
دـ عبدالله بأستفهام:أنت بتتبرع!
بوعبدالله:"توني أمس متخانق معه,واليوم بيتبرع لي"
دـ عبدالله:خلاص أنت تعال عشان نشوف إ كليتيك تطابق ولا.لا,,,يبه عبدالعزيز بيتبرع لك
بوعبدالله:ما أبقي عبدالعزيز يتبرع
دـ عبدالله:ليــه!!!
بوعبدالله:بعدين يمن علي"اهو قلبه تعبان وأحين يبقى يتبرع"
دـ عبدالله:يبه ليه أنت كذا!
بوعبدالله:قلت لك خلاص أنا ما ابقيه يتبرع لي وأنتهت السالفه ...... يلا أنا بروح
دـ عبدالله:"أحين شنو أقول لعزووز"
عبد العزيز على الباب:ممكن أدخل
دـ عبدالله:أاكيد تفضل
عبدالعزيز يجلس:يلا جاهز للتحليل
دـ عبدالله:بسسس....أبوي مايبقيك تتبرع له
عبد العزيز بعد تفكير:عادي أتبرع له بدون مايدري وإذا سأل قول له فاعل خير
دـ عبدالله:متأكد
عبدالعزيز:أي
دـ عبدالله:على راحتك
طلعت نتجية التحليل وطلع تطابق
دـ عبدالله:خلاص بقول لأبوي بأقرب فرصة يعمل العملية
عبد العزيز:أوكي
قال عبدالله لابوه أن بعد 3 أيام يسوي العمليه
بوعبدالله:لقيت واحد يتبرع غير عبدالعزيز
دـ عبدالله:أي لقيت
بوعبدالله:يصير خير
ـــ طبعاً العائله كلها تدري أنهم عبدالعزيز هو اللي بيتبرع لابوه
ـــــــــــ جاء يوم العملية ــــــــــــــ
بوعبدالله وعزيز جهزو للعمليه
دـ عبدالله:ها جاهز
بوعبدالله:أيه,بس أبقي أشوف فاعل الخير
دـ عبدالله توهق:هو منوم من مساعه
بوعبدالله:طيب بعد العملية إذا راد الله إصحى أشوفه
دـ عبدالله:"إن شاء الله بعد العملية تكون نسيت السالفه"

ّّ ــــــــــــــــــــــــــــــــــــــــــــــــّّ ّ
.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•



في البطحاء سعود وعبد العزيز ومحمد راكبين السيارة بيرجعون رن جوال سعود
سعود:هلا يمه
أم سعود:.........................................
سعود:الحمدالله,لا... ناقصني سلامتك بس
أم سعود:................
سعود:المغرب إحنا عندكم
أم سعود:....................
سعود:الله يسلمك
أم سعود:............................
سعود:مع السلامة
محمد:هذااي الوالدة
سعود:أيه
عبد العزيز:لازام أم سعود تتطمن
سعود:إيش عندك
عبدالعزيز:لا.إبد ماعندي شيء,ولاأيش تقول يامحمد
محمد:ـــــــــــــــــــــــــــــ
سعود:خلك منه هو مومعنا^الولد سرحان^
عبد العزيز:ههههه
سعود يصرخ:حموووووووود
محمد:هلا
عبد العزيز:تو الناس صار لنا ساعة نكلمك وأنت مو فيه
محمد:ــــــــــــــــــــــ
سعود:لا حموود رايح فيه
عبد العزيز هذا اللي أقول
محمد ماعرف إيش يقول:إلا أنويتوا تدومون الاسبوع الجاي
عبدالعزيز:أي طوف السالفه
سعود يضحك:لا أن شاء الله نداوم الشهر الجاي على خير
محمد:الله يوفقكم
عبد العزيز وسعود:أجمعين

ّّ ــــــــــــــــــــــــــــــــــــــ ّّّ

بعد العملية
في بيت بوعبدالله ـــــــــــــــــــــــــ
أم عبدالله في البيت قلبها مو مرتاح ابدأ على ولده وعلى زوجه
أم عبدالله:يارب تطلعهم بالسلامه يارب
أمل:يمه أرتاحي أحين عبدالله يطمننأ عليهم
أم عبدالله:أللهم أجعله خير

•.°.•أنتهى البارات •.°.•


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 15-05-2010, 12:42 AM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


أن شاء الله البارات يعجبكم
وأتمنى أشووف التفاعل
وبنزل كل أربعاء وخميس بارات أن شاءالله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 17-05-2010, 02:24 PM
صورة أميرتهم كلهم الرمزية
أميرتهم كلهم أميرتهم كلهم غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


يسلمو روعه البار تات

اها يالخاين حموداثريك تحب جوووووووووووري ولاتقول لي بعلم عليك امك اصبر علي

اوه والاخ سلطان شايف حاله لله يعينه الي بيتاخذه
اوووووووه مبروك مقدمن ندووووووووووووووش على الخطبه وعقبال الملكه

ومبروك فهود...............................كلووووووووووووو ووووووووويش

عسى ماشر ابو عبد الله على عزوز ..............ههههههههههههههههههه

تراني مارضى تزعله يابوعبود

مسكين سعود كاسر خاطري

نتظر البارت الجاي بحماس وروح وطني

صاير هذره تتحملين يالكاتبه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 17-05-2010, 07:40 PM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


اقتباس:
المشاركة الأساسية كتبها أميرتهم كلهم مشاهدة المشاركة
يسلمو روعه البار تات

اها يالخاين حموداثريك تحب جوووووووووووري ولاتقول لي بعلم عليك امك اصبر علي

اوه والاخ سلطان شايف حاله لله يعينه الي بيتاخذه
اوووووووه مبروك مقدمن ندووووووووووووووش على الخطبه وعقبال الملكه

ومبروك فهود...............................كلووووووووووووو ووووووووويش

عسى ماشر ابو عبد الله على عزوز ..............ههههههههههههههههههه

تراني مارضى تزعله يابوعبود

مسكين سعود كاسر خاطري

نتظر البارت الجاي بحماس وروح وطني

صاير هذره تتحملين يالكاتبه


أميرتهم كلهم ..~
يسلمووو ع تافعلك في البارآت..~
والاروع وجودك..ونورتي صفحتي..~
لاأااكيد أتحملك وكل البارآت أنتظر هذره جديده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 17-05-2010, 09:32 PM
صورة غَدق ْ الرمزية
غَدق ْ غَدق ْ غير متصل
✽ | тнєzєєяу
 
الافتراضي رد: دخيل الله شكثر حبه / بقلمي


مررررـا حلووو البارت تثلم ايدينك

ترا انا مو من النوع الي احط توقعات سوووري ياقلبي ^_^

ننتظر الجاااي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 18-05-2010, 12:49 PM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


ربي يسلمك يالغلا..~
وتأخرتي كثييير في الرد..~
ويسلمووو ع وجودك..~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 19-05-2010, 10:30 PM
صورة النمله المتمرده الرمزية
النمله المتمرده النمله المتمرده غير متصل
©؛°¨غرامي مجتهد¨°؛©
 
الافتراضي رد: دخيل الله شكثر حبه / بقلمي


الروايه شكلها رووووووعه
تسلمين خيتو
الله يعطيج العافيه
في الانتظار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 20-05-2010, 03:12 AM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


نمله متمرده الاروع وجودك..~
ربي يسلمك ويعافيك..~
ويسلموو ع ـلى التفاعل..~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 21-05-2010, 03:33 AM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


هذا البآرات من تأليفي أنــا


•.°.• البارات الخامس •.°.•

.•.°.•?•\missDooDooay\.•.°.•?•

ــــــــــــــــــــــــــــــــــ في المستشفى ـــــــــــــــــــــــــــــــ
د ـ عبدالله يطلع من غرفة العمليات
الممرضة تنأدي:د ـ عبدالله
د ـ عبدالله:نعم
الممرضة:المريض عبد العزيز ضربات قلبه ضعيفه
د ـ عبدالله:تعالي معي بسرعه

ّّــــــــــــــــــــــــــــــــــــــــــــــــ ــــــــــــــــــــــــّّّ
أم عبدالله:أنا قلبي يقول أنا صاير شيء لخوك
أمل:لايمه...تفاءلي بالخير
أم عبدالله:لالا,أجل ليه مادق
ندى:يمه أنتي بس أرتاحي وأنا بقوم أدق
ندى تأخذ جواله أشوي إلا حطتها على الطوله
ندى:جواله مقفل
أم عبدالله بتوتر:شفتي أقولكم صاير له شيء بس مايبقي يقول
أمل تهدي أمه:لا هو إذا عنده عمليه يقفل جواله
أم عبدالله:ندى قومي دقي على المستشفى
ندى:طيب
ندى تأخذ التلفون:ألووو
الاستقبال:............
ندى:السلام عليكم,أخوي لوسمحت بقيت د ـ عبدالله
الاستقبال:..................
ندى:يعني هو لسا في غرفة العمليات
الاستقبال:...............................
ندى:أوكي,بس اذا خلص خليه يطمنأ
الاستقبال:....................
ندى صكت
أم عبدالله:ها إيش يقولون؟
ندى:يقولون لسا في غرفة العمليات مايقدرون يكلمونه الا إذا طلع
أم عبدالله:ربي يطلعكم بالسلامه
ندى:يمه أرتاحي أنتي
ّّّــــــــــــــــــــــــــــــــــــــــــــــّ ّّ
د ـ عبدالله:سستر كمان هير
سستر:يس د ـ عبدالله
د ـ عبدالله:جهزي غرفة العنايه المركزه للمريض عبدالعزيز
سستر:دقايق وتكون جاهزة
طلع الدكتور عبدالله من غرفة العمليات
الاستقبال:د ـ عبدالله
د ـ عبدالله بتعب:هلا
الاستقبال:من كم دقيقه داقين أهلك يسألون عنك ويقولون
يليت لو خلصت تعطيهم خبر
د ـ عبدالله:وهو ماشي طيب طيب
دخل مكتبه وأخذ الجوال وفتحه:اووف مكالمات من أمي
ومن أمل وندى,خليني أطمنهم بس شنو أقول لهم عن عبدالعزيز
د ـ عبدالله:ألووو هلا ندى
ندى:هلا عبود طمنأ على عبدالعزيزوش أخباره أن شاء الله زين
د ـ عبدالله:لاتطمنوأ الحمدالله بخير
ندى:الحمدلله على كل حال
د ـ عبدالله:وأمي شخباره؟
ندى:هذاهي من مساعه وهي على أعصابها
د ـ عبدالله:أنتبهو لها
ندى تبعد عن أمه:عبود قول الصراحه عبدالعزيز فيه شيء
د ـ عبدالله:ــــــــــــــــــــــــــــــــــــــــ
ندى:عبود شفيك؟
د ـ عبدالله:بعدتي عن أمي
ندى:أي ,ليه صاير شيء حق عبدالعزيز
د ـ عبدالله:هدئي ... هو أحين في غرفة العنايه
ندى دمعت عينه:طيب ..كيف وضعه أحين؟
د ـ عبدالله:لابس نبضات قلبه ضعيفه ولاتخافون
لحظه وتعدي,بس أدعو له
ندى:أن شاء الله
د ـ عبدالله:يلا روحي جنب أمي لاتحس بشيء
ندى:يلا مع السلامه ,,,وصكت


.•.°.•?•\missDooDooay\.•.°.•?•

د ـ عبدالله:تفضل
سعود:السلام عليكم
د ـ عبدالله:هلا والله
سعود:ها شخبار عزوز
د ـ عبدالله:يطلب منكم الدعاء
سعود:شصار!!
د ـ عبدالله:هو في العنايه المركزه احين
سعود:الله يطلعه بالسلامه يارب
د ـ عبدالله:أمين...
سعود:أقدر أشوفها
د ـ عبدالله:والله ماتقدر,بس لانك عزيزعلي وعلى عبدالعزيز
بخليك تشوفه
ّّــــــــــــــــــــــــــــــــــــــــــــّّ
أمل تقرأ على أمه
ندى:صارت أحسن أحين
أمل:ايه...شنو قال عبود
ندى:يقول الحمدلله زين
أمل:الحمدلله
ندى:بروح غرفتي


.•.°.•?•\missDooDooay\.•.°.•?•
رن جوال سعود
سعود:هلا يمه
أم سعود:وينك فيه
سعود:في المستشفى عند عبدالعزيز
أم سعود:شخباره أحين
سعود:حاله مايطمن والله
أم سعود:خير وش فيه؟
سعود:هو أحين في العنايه
أم سعود:وأم عبدالله عرفت
سعود:لاماأعتقد
أم سعود:يلا أخليك معه
سعود:يلا مع السلامه
ّّــــــــــــــــــــــــــــــــــــــــــــــّّ
في غرفة ندى,,,رن جواله
ندى ترفع:هلا ريوم
ريم:هلابيك,,شخبارأبوك مع عبدالعزيز
ندى:الحمدلله بس عبدالعزيز
ريم:شنو فيه!
ندى:هوفي العنايه
ريم:وخالتي عرفت
ندى:لا, للحين
ريم:وكيفه أحين
ندى:لو أقولك بخير أكذب عليك
ريم:طيب ليه موأنتي جنبه
ندى:أمل جنبه
ريم:يلا دقايق وأحناعندكم
ندى:طيب
ريم:يلاروحي جلسي جنب خالتي
ندى:يلامع السلامة
ريم صكت ونزلت رأسه تحت
نور تدخل:ريوم شفيك
ريم:خالتي تعبانه
نور:صار شيء حق عزيز ولا زوجه
ريم:لا..الله لايقول
نور:أجل
ريم:ندى تقول عبدالعزيزفي العنايه
نور:وخالتي درت
ريم:لا.ماقالوا له
نور:الله يكون في عونه
ريم:أمي وين؟
نور:جالسه تحت مع راكان
ريم:أنابروح أقول له
نور:روحي يلا
ريم تنزل من على الدرج
أم راكان:ياولدي كان رحت تتطمن على ولد خالتك مع أبوه
راكان:دقيت على عبود جواله مقفل
أم راكان:الله يستر بس
ريم:يمه خلنا نروح حق خالتي أحين
أم راكان:ليه أختي فيه شيء
ريم:لابس تقول ندى تعبانه أشوي
أم راكان:روحي شوفي أبوك وينه خليه يودينا
توء ريم بتروح إلا راكان قام:خلاص روحوا جهزوا أنا بوديكم
ريم:يلا بروح أقول لأخوني
أم راكان:يلا دقايق ونطلع لك
ــــــــــــــــــــــــــ في السياره ــــــــــــــــــــــــ
راكان:هما في المستشفى ولا في البيت
ريم:لافي البيت
أم راكان:ماراح يرحون المستشفى
ريم:إلا أكيد بيرحون
أم راكان:أجل ياولدي أستنى يمكن توصلنا معاك
راكان:طيب
ّّــــــــــــــــــــــــــــــــــــــــــــــــ ّّ
ندى على الدرج
أمل:ندوي وينك فيها من مساعه
ندى:أكلم ريم بنت خالتي
أمل:آهااا
ندى:أهما جأين أحين
أمل:أجل بقوم أسوي الشاي
أشوي إلا دق الجرس
ندى تفتح:هلا خالتي
أم راكان:ياهلا بيك
ندى:تفضلو
ريم تتكلم مع ندى:ماراح تروح المستشفى
ندى:والله مدري,يلا تعالي
أم راكان تسلم على أم عبدالله وتجلس
جوري:هلا خالتي شخبارك
أم عبدالله بتعب:الحمدلله
أم راكان:إلا ماراح تروحين المستشفى
أم عبدالله:ودي بس مافي احد يودينا
أم راكان:يلا قومي جهزي أخلي راكان يودينا
أم عبدالله تقوم:يلا أجل
أم راكان:ندى وين أختك أمل خليها تروح معنا
ندى:تسوي الشاي
أم راكان:كان ماتعبت نفسه,روحي نأديها تروح معنا
ندى:أن شاء الله
أم راكان:أنتوا خلكم مع بنت خالتكم
نور:طيب

.•.°.•?•\missDooDooay\.•.°.•?•
راكان:هلا خالتي , شحبارك أحين أن شاء الله أحسن
أم عبدالله:الحمدالله
راكان:خلاص محد بجيء
أم راكان:لا ,خلاص

ـــــــــــــــــــــــــــــــــ في المستشفى ـــــــــــــــــــــــــــــــ
راكان يدخل مكتب عبدالله:أهلين بطبيب العائله
د ـ عبدالله:هلا والله
راكان:شوف من جاء معي
د ـ عبدالله:أااكيد الشباب الطيبه
إلا تدخل أم عبدالله
د ـ عبدالله:"ياربي,أمي عاد شنوأقولها على عزيز...يلا أمشي الحال بالاول
أوديها لبوي وبعدين لعزيز...وأمري لله"
راكان يصرخ:عبوود أمك تكلمك
د ـ عبدالله:هاه .... آسف سرحت اشوي
أم عبدالله:طمني على عزيز
د ـ عبدالله:لاتطمني بخير
أم عبدالله:وأبوك
د ـ عبدالله:لاصحتها علي العال
أم عبدالله:الحمدلله والشكر على النعمه
أم راكان:شفتي أقولك هدي ومايصير إلاالخير
د ـ عبدالله:أوه الخاله هنا
أم راكان:توالناس
د ـ عبدالله:يسلم عليها,آسفين
أم راكان تمزح معه وتضربه على كتفها:مسمووح
د ـ عبدالله:وين الباقي
أم راكان:بعدين يمكن يجون
د ـ عبدالله:آهاااا.....أجل أمشو نشوف أبوي


.•.°.•?•\missDooDooay\.•.°.•?•
[COLOR="blue"][SIZE="5"]في بيت بوعبدالله جوري طول الوقت جالسه وساكته
ونور تطالع التلفزيون وريم كل بين حين تنأظر في الساعه
ندى:يؤ شفيكم كنكم جالسين في عزاء
جوري رفعت عينه ورجعت نزلتهم
نور لسا عيونه في التلفزيون
ريم: ـــــــــــــــــــــــــــــ
ندى:وأنتي ريوم شفيك بعد
ريم:مدري كنا أمي تأخرت
ندى:لاتأخرت ولا شيء
ريم:اهااا
في بيت عمهم بوفهد ــــــــــــــــــــــــــــــــ
أم فهد:خلود قومي شوفي أمل اذا بيرحون المستشفى نروح مع بعض
خلود تأخذ التلفون:طيب
رن التلفون.....
ندى وأخير بلقى أحد يكلمني عدل ورفعت
ندى:ألووو
خلود:هلا ندوي
ندى:هلا
خلود:شخبارك يامرة أخوي
ندى تضايقة من كلمة خلود:هلابيك
خلود:وين أموول
ندى:في المستشفى مع أمي
خلود:مين وداهم
ندى:ولد خالتي
خلود:أجل لحالك بالبيت
ندى لامعي بنات خالتي
خلود:احنابنروح أحين,تروحي معنا
ندى:أي ياليت
خلود:أوكي تجهزي وبنمرعليك وقولي لبنات خالتك بعد
ندى:طيب,أخبرهم أحين
صكت ندى
ريم:مين اللي كلم
ندى:بنت عمي,تقول تجهزوا بنروح أحين
ريم:مين بيودينا
ندى:مدري يمكن عمي
ريم:أوكي روحي تجهزي أحنا جاهزين
ندى:اوكي
خلود:يلا يمه خلصت
أم فهد:وديمه مابتروح
خلود:لا,مااتوقع
أم فهد:يلا روحي حق أبوك في المجلس
خلود:اووكي .... وهي ماشيه
فهد يطلع في وجه:وووين
خلود:بنروح حق عمي في المستشفى
فهد:اهمممم
خلود:تر ندى بتروح
فهد مشى وماعطى خلود فيس
خلود:شفيه هذا
بوفهد يطلع:يلا جهزتوا
خلود:ايه يلا
طلعوا من البيت
خلود:يمه السياره ماتكفي بنات خالته معها
أم فهد:روحي حق اخوك يروح بسيارته
بوفهد:هو أشوي ونازل
خلود:بيروح!
بوفهد:أيه
نزل فهد ومعه خالد
بوفهد:يلا أنت عليك تأخذ البنات اللي هناك
فهد:طيب
وقف جنب البيت خلود تكلم ندى:يلا أحنابرا
ندى:..................
وسكرت
طلعوا البنات
خلود:جوري تعالي هنا والباقي يروحون مع أخوي
جوري تركب وتصك الباب
إما ندى وريم ونور راحو هناك
وصلو المستشفى ــــــــــــــــــــــــــــــــــــــــــــــــــ ـــــــــــــــــ
دخلت أم فهد والبنات :السلام عليكم
الكل:وعليكم السلام
أم فهد:تعدلوا بوفهد يبقي يسلم على بوعبدالله
بوفهد يدخل مع فهد وخالد:السلام عليكم
الكل:وعليكم السلام
بوفهد:خاطك السوء يابوعبدالله
بوعبدالله:الله يسلمك
فهد:شخبارك عمي أحين
بوعبدالله:الحمدلله
إما خالد متعمد ينأظر في أمل وأمل تسوي روحه ماتشوفه
خلود تضرب خالد بدون مأحد يشوفها:هاي شتسوي ليه ماتسلم على عمي
خالد:ماتشوف شر عمي
بوعبدالله:الله يسلمك
فهد:يلا أستأذن بروح أشوف عبدالعزيز,خالد تعال معي
خالد:يلا
بوفهد:يلا جأي وياكم
الكل جلس يسلم على بوعبدالله ويتحمدله السلامه
ريم تهمس لندى:أبقي أشوف عزيز
ندى:طيب تعالي
ريم وندى طلعوا شافوا في وجهم عبدالله
عبدالله:وين
ريم تعدل لثمتها
ندى:امممممم .... نبقي نشوف عزوز
عبدالله:هوأحين نايم ماتقدرون تكالمونه
ندى:مافي مشكله وتغمز لريم
عبدالله يمشي إلا شاف فهد في وجه
فهد:هلللا
عبدالله:ياهلا فيك
عبدالله:روح قدام وتشوفون الغرفه
ندى:طيب
ريم يمكن هذاي الغرفه
ندى:ايه ودخلوو
ندى تنأظر في أخوه وحاطه أيدينها على فمه


.•.°.•?•\missDooDooay\.•.°.•?•
أم عبدالله:وين ندى
أمل:راحت مع ريم
أشوي الا دخلت ندى ومعه ريم
أم راكان:وين كنتوا
ريم:اااااا.....في دورت المياه
عبدالله يدخل:آحم آحم
أم عبدالله:تفضل ياولدي
عبدالله:أخبارك أحين أنشاء الله أحسن
بوعبدالله:لاأحسن من أمس
عبدالله:لااليوم خروج
بوعبدالله:أحسن مأحب جلسة المستشفيات
عبدالله يضحك:وليه بس عشان صحتك
أم عبدالله:يعني ماتعرف أبوك أنت
عبدالله:الا"زين شكل الخاله مع السوالف نست سالفة عزيز"
يلا أنا أستأذن
أم عبدالله تقوم بعده:عبدالله ... عبدالله
عبدالله:يلتفت هلا يمه
أم عبدالله:أبقي أشوف عزيز أحين
عبدالله:"لا شكلك مانسيتي"بس حالته ماتسمح أنك تشوفينها
أم عبدالله:يعني فيه شيء
عبدالله ماعرف شنو يقول لامه
أم عبدالله:أحين توديني له
عبدالله:طيب يمه هدئي بوديك


.•.°.•?•\missDooDooay\.•.°.•?•
•.°.• أنتهى البارات •.°.•

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 22-05-2010, 08:06 PM
صورة آخرلحظه الرمزية
آخرلحظه آخرلحظه غير متصل
©؛°¨غرامي متألق ¨°؛©
 
الافتراضي رد: دخيل الله شكثر حبه / بقلمي


•.°.• البارات السادس •.°.•

.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


أم عبدالله تنأظر في ولده وتصيح,وعبدالله يهأديه
عبدالعزيز حس بأمها وفتح عيونه بكل تعب
أم عبدالله:عزيز ...عزيزيمه
عبدالله:شفتي يمه مافي شيء
أم عبدالله:لازام أدخل له
عبدالله:أمي روحي أرتاحي وبكره تشوفينه
أم عبدالله:ـــــــــــــــــــــــــــــــــــ
عبدالله:يلا يمه تعالي معي

ّّّ ـــــــــــــــــــــــــــــــــــــــــــّّّ
أم راكان:أمل قومي شوفي أمك تأخرت
أمل:أن شاءالله
خلود:أستني لي بقوم معك
أمل وخلود طلعوا برا وشافوا فهد وخالد وراكان
خالد:على وين
خلود:بنروح نشوف مرة عمي ومشت
أمل:وين تتوقين نلقى أمي
خلود:أاكيد مع عبوود
أمل:أمشي نشوف

.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


سعود يدخل البيت
أم سعود:ها بشر أن شاء الله عبدالعزيز صار أحسن
سعود:والله حالته ماتطمن
أم سعود:لاحول ولاقوة إلا بالله
شوق:أبقي أروح أطمن على خالي
أم سعود:خلاص أحين نروح ...سعود توصلن
سعود:الوقت متأخر بكره الصبح على خير أوديكم
أم سعود:طيب
سعود:يلا عن أذنكم..وراح
شوق:خايفه على عبدالعزيز لان هو عنده مرض القلب
أم سعود:لاأن شاء الله خير
شوق:أن شاء الله
ّّّ ــــــــــــــــــــــــــــــــــــــــــــــــــ ــــــــــّّّ
خلود:أمول موكنا اللي واقف هناك أخوك
أمل:أي هذهوا تعالي نشوفه
عبدالله:شعندكم جاين هنا
أمل:أمي تأخرت كثير قلت أقوم أشوفه
عبدالله:يلا تجهزوا بنروح البيت
أمل :يلا بروح أقول لاندى....ومشت
خلود:شفيه أخوك كذا!
أمل:مادري...ّ!
خلود تدخل وبعده أمل
أم راكان:ها وينه أمك
أمل:مع أخوي عبود,يلا ندى بنمشي
أم راكان:مع مين بتروحون
أمل: أخوي عبود بيودينا
أم راكان:الله معاك
أمل وندى طلعوا .......... فهد ينأظر في ندى
ندى تهمس لأمل:وينه عبود
أمل:هذا هو جاءي مع أمي
عبدالله:يلا شباب يعطيكم العافيه
راكان:رايح للبيت
عبدالله:أي بروح أريح
راكان:أوكي
عبدالله:يلا مع السلامه,,, وطلع
خالد:أحين وين راح أبوي
فهد:سلم عليه .... راح ينام
خالد:اهااااا
فهد:يلا أمش أحنا ليه نجلس بعد
خالد:يلا بنأديهم
راكان:نأدى أمي بعد
خالد:طيب..آحم آحم
أم فهد:أدخل
خالد:يلا قاموا
أم فهد:أبوك وينه
خالد:راح من مساعه
أم فهد:يلا قايمين
خالد:يمه ,,قولي لأم راكان بعد تطلع ولده ينتظرها
أم فهد:طيب
أم راكان:يلا يابنات تجهزوا أخوكم برا
نور:طيب
جوري:أصلن أحنا جاهزين
أم راكان:أجل يلا طلعوا
جوري:يلا ريوم
ريم:يلا
أم راكان تسلم على أم فهد:يلا مع السلامه...وطلعوا
أم فهد مع خلود طلعوا
فهد:عمي نايم
خلود:ها تقول أشوي وينام
فهد:أنا داخل أسلم عليه
خالد:بسرعه لاتتأخر
فهد:أنت تأمر كم خلود عندنا
خالد:أااكيد وااحد
خلود:ياوااااااااثق
خالد:طالع على أختي ويغمز لها
أشوي إلا طلع فهد..... ومشوا
ـــــــــــــــــــــــ في السياره ــــــــــــــــــــــــ
خلود:أجل متى بتخطبون ندى
أم فهد:بعد مايطلع عبدالعزيز بالسلامه
خلود:آهاااا


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


ـــــــــــــــــــــ بعد أسبوع ـــــــــــــــــــــ
طلع بو عبدالله من المستشفى بأحسن حال
وبعده بيومين طلع عبدالعزيز.....
أمل:وآخير خلص الاسبوع على خير
ندى وأنتي الصاجه البيت مايفضى ساعه
أمل تضحك:إلا عمتي سارا ماشفتها اليوم
ندى:مدري
أم عبدالله تجلس:عن أيش تسولفون
أمل:عمتي اليوم ماشفتها
أم عبدالله:سارا
أمل:أيه
أم عبدالله:تقول عنده دوام بكره
أمل:ايوااا
دخل عبدالله:السلام عليكم
الكل:وعليكم السلام
عبدالله:وين أبوي
أم عبدالله:راح يرتاح
عبدالله:زين ... وعزوز وينه
أم عبدالله:نايم ماجلس
عبدالله:أحسن عشان مايتحرك كثير
أمل:الله يكون في عونه
عبدالله:أي زين تذكرت قبل لاأروح أنام
بكره تجهزوا بجيء فهد يشوف ندى وراح
ندى:ــــــــــــــــــــــ
أم عبدالله:حياهم الله
ندى قامت
أم عبدالله:قومي شوفيه
أمل:أن شاءالله....وقامت
أمل دخلت غرفة ندى: ندوي شفيك
ندى:ولاشيء
أمل:صحيح
ندى:أي
أمل:يابعدعمري متوتره على بكره
ندى:واللي يقولك مومهتمة
أمل:ولسا ماغيرتي رأيك
ندى:لا
أمل:أوكي ...براحتك,,وطلعت
ــــــــــــــــــــــــ في الصباح ــــــــــــــــــــــــــــ
سارا صحت على صوت المنبه
سارا:يؤ تأخرت على العمل,وامت بسرعه وأخذت شور
واتصالت على السواق يجيء يأخذه...
ّّــــــــــــــــــــــــــــــــــــــــــــــــ ــــــّّبوسعود يجلس:بتروحين اليوم بيت بوعبدالله
أم سعود:والله تعبانه,ماودي أروح
بوسعود:طيب وشوق ماراح تروح
أم سعود:لاأكيد بتروح,ملكت بنت خاله
بوسعود:أي روحي معها
أم سعود:خلاص أشوف,عشان أم عبدالله ماتحط في خاطره
بوسعود:خلو سعود يوديكم
أم سعود:هونايم,أشوفه اذا رضاء يجلس
بوسعود:يالله من رخصتك
أم سعود:الله وياك
شوق تنزل من تحت:صباح الخير مرة عمي
أم سعود:صباح النور والسرور,الفطور جاهز هناك روحي تريقي
شوق:لامومشتهيه
أم سعود:الله يهديك بس
شوق:كن عمي طالع بدري اليوم
أم سعود:مدري عنه,تعرفين عن شغل الشركه
شوق:الله يكون في عونه
أم سعود:أجمعين
شوق:مرة عمي بتروحين خطوبة ندى
أم سعود:أي بروح
شوق:طيب مين بيوصلنا
أم سعود:أشوف سعود إذا رضاء
أشوي إلا رن التلفون
شوق ترفع:ألووو
جوري:.............
شوق:هلا بيك
جوري:.................
شوق:الحمدالله تمام
جوري:...................
شوق:الحمدلله هذاي جنبي
جوري:..................
شوق:أي بروح وأنتي
جوري:.....................
شوق:يمكن سعود
جوري:...............
شوق:أوكي,نشوفك هناك
جوري:...................
شوق:باي...وصكت
أم سعود:هذاي جوري
شوق:أي تسأل اذا بروح ولا
أم سعود:آها


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


سارا دخلت:السلام عليكم
فاتن:وعليكم السلام,غريبه مو من عادتك تتأخرين؟
سارا:والله تعبانه
فاتن:أجل لكان جيتي
سارا:لاعاد تبقين المدير الفله يلقي علي ملاحظه ماتنتهي إلا بعد أسبوع
فاتن تضحك:على العموم هو جاء وساءل ليه متأخره
سارا:أف أحين سمعي الفلسفافه اللي بيلقه علي
(طبعا فاتن زميلة سارا في العمل .....متزوجه )
ـــــــــــــــــــــــــــــــــــــ في بيت بوعبدالله ــــــــــــــــــــــــــــــــــــــــــ
ندى صحت وجلست على اللبتوب
دخلت أمل:ياربي عليك اليوم خطوبتك وجالسه متأخره
وبعد جالسه على اللبتوب......يالله على روقانك
ندى:أمول مو فاضيه حق ملغاتك
أمل:بلا سخافه قومي تجهزي مافي وقت
ندى:ــــــــــــــــــــــــــــــــــــ
أمل:يالله بروح أخذ شور وبجيء لك يوليك ان ماقمتي
ندى:أوف روحي بلا هذره زايده
أمل:أنزين طلعنا.......وطلعت
أم فهد:شفيك مع أختك
أمل:لاولاشيء
أم فهد:يلا روحي تجهزي
أمل:أن شاء الله,,,وراحت
أم عبدالله تدخل على ندى:ندى ماقمتي تتجهزين
ندى:توالناس يمه
أم عبدالله:لابس أنتو يالبنات يبقي لكم 10ساعات على ماتتجهزين
ندى:شدعوه يمه
أم عبدالله:بناتي وأنا عارفتكم
ندى:طيب دقايق وقايمه
أم عبدالله:الله يوفقك وييسر أمورك
ــــــــــــــــــــــــــــــــ في الليل ـــــــــــــــــــــــــــــــــ
أم فهد تدخل وتسلم على أم عبدالله
أم عبدالله:حياكم الله ,,تفضلو....تومانور البيت
أم فهد:منور بوجودكم
أم عبدالله:تفضلوا يابنات أحين يجون بنات عمكم


بوفهد دخل مع فهد وخالد
بوعبدالله:ياهلا ....تفضلوو
بوفهد:زاد فضلك
فهد وخالد:هلا عمي
بوعبدالله:ياهلا والله,,تفضلووو
عبدالله يدخل:السلام عليكم
الكل:وعليكم السلام


أمل تدخل غرفة ندى:ندوي ماقمتي سمعت صوت مرة عمي تحت
ندى ببرود:أي وشنو صار يعني
أمل:ندوي بلا غباء شلون تبقين فهد يشوفك كذا
ندى:خلاص بعد أشوي بقوم بس أنقلعي
أمل:أوكي .... أنا نازله..... وطلعت
أمل تنزل على الدرج
أم فهد:ماعرستنا وصلت
أم عبدالله:لاهذاي أمل
أمل تسلم على أم فهد
أم فهد:ما شاء الله ....وش ذا الجمال وين مخبيتها عنا
أمل بخجل:تسلمي مرة عمي
خلود:هلا والله
أمل:هلا بيك
خلود:وش ذا ياأمووول
أمل:بسك عااد,وتسلم على ديمه
ديمه:وين معرستنا
أمل:أحين تجهز وتنزل
خلود:أقول كان قلتي له بلا دلع وتنزل
أمل تبتسم:بشوفك شنو تسوين لوكنتي مكانه
خلود:هههههه
أمل:مسكتك من الأيد اللي تألمك
ديمه:أي عدل ماتسوين
أشوي الا دخلو
خلود:ماشاء الله فكوا روحوهم وجاءوا كلهم مع بعض
أم سعود:السلام عليكم
الكل:وعليكم السلام
ديمه:أجل وين شوق
أم سعود:مع جوري هناك
أم راكان:السلام عليكم
الكل:وعليكم
أم راكان:شخباركم بنات
البنات:الحمدالله بخير
خلود:خالتك وناسه حليوه
أمل:أاكييد ,,,أنا طلعت عليه
خلود:إلا مول
شوق مع جوري:مساء الخير
البنات:ياهلا ...مساء النور
نور:السلام
البنات:وعليكم السلام
نور:كيف حالكم بنات
الكل:تمام
أمل:اللي يقول أمس موشايفينها
نور:ماتجوزين عن سوالفك
أمل:هههه..وين ريم
نور:راحات فوق حق ندوي
أمل:شدعوه عاد ماتجيء بالاول تسلم
نور:لابالأول تسلم على حبيبت قلبه
أمل:أقول لنا الله
خلود:شدعوه قلبي أنا جنبك
أمل: فديتك
أم عبدالله تنأدي أمل
أمل:نعم يمه
أم عبدالله:روحي شوفي أختك ليه تأخرت
أمل:أن شاءالله,,,, وراحت
ريم عند ندى:ياقلبي طالعه قمر كذا مو مساعه
أمل تدخل:اووو ندووي وش ذا !!!
ريم:وش رأيك أنا اللي منسقتها
أمل:تسلم أيدينك والله
ريم:ولوووو
أمل:يلا ندوي أمي تقول نزلي
ندى:نزلي وأنا بنزل مع ريم
أمل:يلا لاتتأخرون
أشوي وأنزلت ندى الكل أنعجب بفستانه الوردي الفاتح اللي مطلع
نعومة جمالها....وسلموا عليه
أشوي الا رن جوال أم عبدالله:هلا عبدالله
عبدالله:.........................
أم عبدالله:أقول له أحين,,وسكرت...ندى يلا قومي فهد يبقي يشوفك
ندى:أن شاء الله
ديمه تهمس لخلود:مأحس ندى متوتره
خلود:اممممم
ديمه:شكله مايقول أنه متوتره
خلود:لايمكن ماتبقي تبين
ديمه:يصير
ّّــــــــــــــــــــــــــــــــــــــــــــــــ ــــــــــــــــــّّ
ندى دخله عبدالله في الغرفه الموجود فيه فهد
عبدالله:يلا خذو راحتكم أنا طالع
فهد:أوكي"ماشاءالله عليه .... عن جد أنا محسود أني بأخذ هالقمر"
ندى جلست:بدون مقدمات أنا مجبوره عليك
فهد انصدم:شنو!!
ندى بملل:مثل ماسمعت,ومالا داعي أجلس أنا طالعه
طلعت وهي مبتسمة على اللي سوتها,شافتها أمل
أمل:أااكيدأعجبك
ندى بثقه:لاطبعاً,بس قلت له إني مجبوره عليه
جأله كف قوي......"من أمل!!! ...........لامن أبوها"
ندى شهقت:تجبرني وزياده عليه كف..مشكور
وراحت وهي مدمعه عيونه
خلود كانت بتشرب ماي وشافت كل اللي صار
فهد يدق على أمه:إذا خلصتوا يلا طلعوا
أم فهد:ماطولت في الجلسه
فهد:مره ثانيه أن شاءالله
أم فهد:يلا نطلع لك أحين..وسكرت
أم عبدالله:توالناس
أم فهد:من عمرك.بس فهد بيروح يرتاح
أم عبدالله:أجل براحتكم
أم فهد:يلا سلمي على معرستنا
خلود:"بلاك ماعرفتي وش صار"
وطلعوووا
أم عبدالله:وين أختك
أمل:فوق
أم عبدالله:عسى عجبها ولد عمه
أمل قالت حق أمه اللي صار
إما عند بيت بوفهد ــــــــــــــــــــــــــــــ
فهد:عن أذنكم بروح أنام
أم فهد:أذنك معاك
ديمه:إلا وش فيه أخوي,ليكون ماعجبتها العروس
أم فهد:لابس تعبان أشوي
خلود:أنارايحه غرفتي....
خلود:ممكن أدخل
فهد:تفضلي
خلود:أنا شفت اللي صار
فهد:وإذا
خلود:عمي بوعبدالله عطى ندى كف
فهد:ليه؟
خلود:سمعها وهي تقول حق أخته عنك
فهد:آها .. أنا بطلقها
خلود:لاتصير غبي
فهد:شسوي له طيب,هي ماتبقناي
خلود:لا ندى تفكيرهاطفولي ..في أمل أنه تتقبلك
فهد:أنتي تقولين كذا
خلود:أي... وأنا بساعدك على الافكار
فهد:أوكي
خلود:نبدأ ... أحين تأخذ رقمه وترسل له رساله بالاول
فهد:شنو أكتب
خلود:يلا أكتب


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•


ندى تفتح الرساله وتقرأها,,,,أشوي الايرن جوالها ورفعت
ندى بصوت مخنوق:هلا
فهد:كيفيك ألحين
ندى:الحمدلله
فهد:موقصدي أسبب لك الآذى
ندى:صار خير
فهد:أجل خلاص أقدر أجي لك بكره
ندى بعد صمت:طيب
فهد:أوكي باي
ندى بدون نفس:باي
ــــــــــــــــــ اليوم الثاني ـــــــــــــــــــــ
فهد دخل المجلس
وأشوي الا جاءت ندى
فهد:أي خد عاطك عمي كف
ندى أشرت على خدها اليمين , وفهد بأس خدها , ونزلت رأسها
فهد أبتسم:يالبي الحياء اللي فيك
ندى تجلس:يسلمو
فهد:المهم أنتي تبيني أطلقك صح؟
ندى:أي صح
فهد:بعد أسبوعين بطلقك بس بشرط
ندى:"بعد في شروط , أهم شيء يطلقني" شنو هي الشروط
فهد:خلل الأسبوعين طلبي إللي تبينها بس بشرط تبوسين خدي
بعد مأسوي إللي تبينها
ندى:لالالالا
فهد:شنو اللي لا
ندى:لا, بس ماتوقعتك تطلب كذا
فهد:ها تبين ولا
ندى بعد تفكير:طيب.. موافقه
فهد:أوكي نبدأ من بكراً
ندى:أوكي
فهد:يلا أنا طالع
ندى:طيب........ راحت لغرفته وهي تفكر
"أحين اقدر أطلب اللي أبقيها مناً....واللي أبوي ماسوها لي"
فهد دخل البيت وبروقان:سلام
خلود:وعليكم السلام
فهد:وين أمي
خلود:نامت
فهد يجلس:وديمه
خلود:توه رايحه
فهد:وأنتي ليه ماقمتي
خلود:أستاك أبقي أشوف النتيجه
فهد:لاأعتبريها أنجحت
خلود:كويس
ــــــــــــــــــــــــ اليوم الثالث ــــــــــــــــــــــــــ
فهد على الباب ويدق على ندى:يلا أنا برا
ندى:طيب... وطلعت له
فهد:يلا شنو تبقين
ندى:أبقي أروح الملاهي
فهد:"نفس ماقالت خلود"أوووكي
في الملاهي ـــــــــــــــــــــــــــــــــــــــــ
فهد مستغرب ماخلت لعبه إلا ولعبته,طبيعي يعني اذا
هي ماراحت الملاهي ولا مره ...
بعد ماخلصو.........
رجعوا البيت
ندى نزلت ونزل بعد فهد
فهد يأشر على خدها :يلا أنتظر البوسه
ندى مستحيه:فهد خلها بعدين
فهد:لالالالا..يلا بسرعه
ندى بأستها وسرعة بيتهم
فهد يبتسم ويركب السياره


.•.°.•?•\missDooDooay\.•.°.•?•
and...
.•.°.•?•\missRoOoRo\.•.°.•?•



•.°.•أنتهى البارات •.°.•

الرد باقتباس
إضافة رد

دخيل الله شكثر حبه / بقلمي , كاملة

الوسوم
.•!•دخيل , الله , حبه•!• , شكثر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 10:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1