اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 08-05-2010, 11:27 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية جرحني و صار معشوقي / بقلمي


مشكورة ياقلبي على الرواية الجنان وعن جد محمسة وتستحق المتابعة وانا اتابعها في المنتدى الثاني بس مارديت وان شاء الله برد عليك هنا بعلق على كل بارت بدون مااحرق الاحداث لانو البارتات حلوة وتستحق الردود وخصوصا انها مليئة بالشخصيات وكل واحد وله دور مشوق ,,,,,,,,,, في انتظارك وفي انتظار مفاجأتك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 08-05-2010, 07:00 PM
صورة **رسمتك"حلم** الرمزية
**رسمتك"حلم** **رسمتك"حلم** غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


مساء الورد**

أحب أشكركم على تفاعلكم معاي وحماسكم الرائع**

وأرجوا من البنوتات اللي قروا الروايه في المنتدى الثاني ما يحرقوا الاحداث او يصرحوا
فيها..

علشان مايفقدوا اللي يقروها اللحين حماسهم وتفاعلهم**

وما يعني انكم تحرموني من ردودكم الحماسيه والرائعه**

يسلموووو يا حلوين**

تحياتي المعطره**


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 08-05-2010, 07:01 PM
صورة **رسمتك"حلم** الرمزية
**رسمتك"حلم** **رسمتك"حلم** غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


بورعد انشل لسانه من الصدمه ماقدر يتكلم
الموظف يطالع أبو رعد مستغرب:لوسمحت
أبورعد انتبه:آ أيوه أيوه
دله ع الغرفه وراح يركض ووراه ريم اللي مستغربه من أبوها
وصلوا للغرفه وشافوا هدى جالسه ع كرسي لماشافت أبو رعد وقفت مستغربه من شكله
أبو رعد:لميس كيفها
هدى بأكبر علامة إستفهام:ماأدري الدكتور في راح مع أمي
أبو رعد راح وسأل عن الدكتور ودخل لمكتبه:السلام عليكم
سفاجه انصدمت لماشافته ووقفت بخوف وتحس نهايتها قربت
أبو رعد:لو سمحت دكتور لميس كيفها
الدكتور:إنت قريبها
أبو رعد:أنا،،،،أنا عمــهـــــــــــا
الدكتور:تفضل
جلس أبورعد وكلمه الدكتور عن حالة لميس
ابورعد منصدم:إيش
الدكتور:أنا طلبت الشرطه للتحقيق
أبورعد التفت لسفاجه اللي خافت من نظراته المرعبه
صرخ فيها:رااااااح تدفعين الثمن غالي يا.........واللـــــــه لأخليك تتحسري ع اليوم اللي مديتي إيدك فيه على بنت عبدالعزيز ال......
أم هدى غمضت عيونها ميته خوف
حضرت الشرطه وحققت في الموضوع وتبين إن أم هدى هي اللي تعرضت لها بعد ماعترفت بكل شئ من الخوف والغضب
انفجرت تصرخ في أبو رعد بحقد:أيـــــوه أنا اللي عذبتها ،،،،عذبتها مثل مااااعذبني أبوها علشان أمها أخذت حقي منهم كلــهـــــم أكررررررهها وأكره أبوها وأمها تستاهل اللي فيها
طلعت الشرطه مع سفاجه وابو رعد
هدى لما شافت أمها مع الشرطه قامت بسرعه:يمه وين بتروحين،،،لا تخليني علشانها
أبو رعد بقسوه:أمك تستاهل اللي فيها وأكثر علشان ماتحط راسها في راسي
لفت هدى تبكي:وأنت مين علشان تتدخل
أبو رعد بقسوه:أنا عم لميس،،،،
واللي يحط راسه في راس أبو رعد وأهله يتحمل ماجاه
انصدمت ريم وشهقت وإيدها ع فمها
هدى إنصدمت:ع ع عمها
صرخت تبكي:حسبي الله عليك يالميس أكررررهك كله منك أكرررهها
راحت الشرطه مع سفاجه وبنتها اللي لحقتها
أما ريم كانت واقفه مصدومه من اللي تسمعه"لميس بنت عمي شلــــــون وكيــــــــف"
جلست جنب أبوها:يبه وش صاير فهمني
أبو رعد يتنهد:بعدين ياريم لمانرجع للبيت
قام ودخل في الغرفه شاف لميس منسدحه ع سرير أبيض وشعرها الكستنائي مبعثر ع المخده وفي أجهزه عليها جلس جنبها يطالع وجهها الأصفر ويتحسر لأنه ترك بنت أخوه ولا سأل فيها وصار كل هذا فيها نزلت دمعه منه ومسحها باس جبينها وهو يمسح ع شعرها
طلع من الغرفه ودق جواله شاف المتصل أم رعد
رجع للبيت مع ريم اللي تحس نفسها تايهه ومصدومه

في قصــــــــــر أبو رعد:
دخل فيصل للبيت مع رغد كان متغدي عندها وأخذها معه
دخلوا يضحكون وإختفت ضحكتهم لماشافوا أمهم تدور في الصاله معصبه
فيصل:يمه وش فيك
انتبهة لهم معصبه:مافيني شئ سكت فيصل ماحب يكلمها وهي معصبه
فيصل يهمس لرغد تعالي نجلس ونشوف وش صاير
دخل أبو رعد مع ريم:السلام عليكم
أم رعد معصبه:الحمد لله ع السلامه
أبو رعد جلس ع الكنب ونزل شماغه جنبه وريم جلست ساكته
فيصل ورغد خافوا وحسوا إن صاير شئ من أشكالهم
أم رعد تكلم ريم:وأنتي سويتي اللي في راسك وأنا مانعتك
فيصل:يمه خلينا نفهم وش صاير
نزلت رنا لما سمعت صوت أمها:وش فيكم
أبو رعد:اجلســـــــــوا واسمعوني زين
جلس الكل وهم يطالعون باستفهام
أبو رعد يكلم رنا:عادل وفهد وينهم
رنا:عادل نايم وفهد بغرفتي
أبو رعد:روحي ناديهم بسرعه
قامت رنا وصعدت فوق
والكل يتسائل من الإجتماع المفاجئ
دخلت رنا غرفة عادل
وراحت عند سريره تهز كتفه:عاااادل،،،،عدول إصحى
عادل :إمــمــمــمـــم
رنا تهزه بخوف:عادل إصحى أبوي يبغانا كلنا تحت
فتح عيونها وقام جالس:ليش وش صاير
رنا بخوف:ماأدري بس شكله مايطمن فيه شئ صاير بسرعه قوم
قام عادل بسرعه وغسل وبدل ملابسه ونزل
دخل للصاله لقى الكل موجود:السلام عليكم
جلس يطالع فيهم باستفهام
أم رعد:يالله قول وش صاير
أبو رعد بعد صمت:،،،،،،،،،أم رعد تذكرين لما طلبت منك إنك تسألين عن اسم أبو لميس
أم رعد:أيوه
أبو رعد:لما رجعت من السفر ذاك اليوم شفتها في الحديقه حسيت إني أعرفها وإن ،،،،فيها شبه من (سكت شوي بعدين كمل)من أخوي عبد العزيز
انصدم الكل ماكانوا يعرفون إن عندهم عم غير عمهم ناصر
فيصل:يبه إحنا لنا عم غير عمي ناصر وإحنا مانعرف
أبو رعد هز راسه:أيوه،،،،،،لما كنا في مثل عمر رعد أخوك أو أكبر عمك عبد العزيز سافر لبريطانيا لعمل ولما رجع تفاجأنا إنه متزوج من هناك وجدكم غضب عليه مايبغى ولده يتزوج وحده أجنبيه وكافره وخاف من كلام الناس خصوصا إن سمعته في السوق كبيره
فيصل:زوجته كافره
أبو رعد:لا مسلمه بس جدكم ماقتنع وطلب من عمكم يطلقها بس عبد العزيز مارضى لأنه يبغاها وعند ولد منها ولما هدده جدكم إنه يتبرى منه عمكم أوهمه إنه طلقها وأجبره جدكم إنه يتزوج بنت صاحبه وشريكه وكانت مطلقه وعندها بنت تزوجها عمكم علشان يرضي جدكم الله يرحمه ولما اكتشف صاحبه إن عبد العزيز ماطلق زوجته البريطانيه غضب وفك الشراكه بينه وبين جدكم لانه إنخدع وحاول يطلق بنته من عمكم بس مارضت وجدكم غضب ع عمكم وطرده من بيته ومنعنا من الإتصال فيه أو شوفته وبعد وفاة جدكم الله يرحمه بحثنا عن عبدالعزيز وسألنا عنه بس ما عرفنا عنه شئ وبعد كم سنه عرفت بالصدفه إنه توفى وحاولت إني أبحث عن زوجته وولده وعرفت إنهم توفوا في حادث(سكت لأن مايبغى يقولهم إن البيت إحترق فيهم بعدين كمل)والأهم إني عرفت إن عنده بنت
أم رعد بذهول:ولميس هي بنته
أبو رعد هز راسه نعم والكل انصدم
رنا وقفت:مستحيل هذي تكون بنت عمي
أبو رعد عصب :وليش مستحيل هذي بنت عمك غصب عنك
رنا بقهر:لااا مستحيل أعترف إنها بنت عمي أناااا تكون وحده مثل هذي بنت عمي
فيصل عصب:رنــــــــــــــــــا
أحترمي أبوي واسكتي أحسن لك
رناطلعت معصبه"مستحيل تكون اللي أكرهها وماأطيقها بنت عمي كيف"
فيصل بهدوء:يبه ليش ماقلتوا لنا إن لنا عم اسمه عبدالعزيز
أبو رعد:أنا عارف أحنا غلطانين لان ماقلنا لكم بس الحين إنتو عرفتوا
قام أبو رعد:أنابروح للمستشفي وبخبر عمكم ناصر والعصر القاكم هناك
فيصل قام:إن شاء الله يبه
طلع أبو رعد ولحقته ريم:يبه يبه
أبورعد وقف ولف لها:نعم
ريم:بروح معاك،،،الله يخليك يبه
أبورعد ابتسم:يالله أنتظرك في السياره
لبست ريم عبايتها وطلعت معه

عائلـــــــة العم ناصر"أبو خالد"
"خالد" عمره سنه دكتور في مستشفى
"رهف"عمرها سنه مخطوبه
"رائــــد" عمره سنه يدرس إدارة أعمال
"ساره"عمرها سنه
"أمل"عمرها سنه
"ياسر" سنه

الكــــــــــــــــــل تفاجأه باللي صار واجتمعوا العائله في المستشفى عند لميس
بعد يومين
لميس تحس راسها بينفجر وسواد يلف حولها حركت إيدها وحاولت تفتح عيونها تحس إنها ميته فتحت عيونها ببطئ وسكرتها بسبب النور اللي ماتعودت عليه عيونهافتحتهم ببطئ ودارت عيونها ع الغرفه"أنا وين"
دخلت الممرضه ولماشافتهاعرفت إنها في المستشفى
الممرضه ابتسمت:الحمد لله ع السلامه
طلعت من الغرفه تخبر الدكتور ورجعت معاها الدكتور
الدكتور:الحمد لله ع السلامه يالميس
حاولت تتكلم بس تحس ريقها ناشف طلعت الكلمات منهابصعوبه:أ،،،بغى،،،مو،يه
شربتها الممرضه مويه
الدكتور:كيفك اللحين إن شاءالله تمام
لميس:أ ،،أنا شفيني
الدكتور:إنتي كان عندك غيبوبه والحمد لله إنتي الحين بخير
لميس:غيبوبه،،،،من متى
الدكتور:من ثلاث أيام ماتذكرين اللي صار لك قبل
هزت راسها لا
الدكتور:ع العموم طبيعي إنك مارح تذكرين بسرعه اللي صارلك بعد الغيبوبه إن شاء الله بتكوني بخير إنتي إرتاحي ولا تتعبي نفسك
كتب ملاحظات في أوراق معاه وطلع مع الممرضه
غمضت عيونها تحاول تتذكر اللي صار لها
بعد ساعات كانت لميس جالسه على السرير وممدده رجولها ومتسنده ع المخده
سمعت صوت الباب ينفتح وشافت وحده دخلت متغطيه واكشفت
شافتها لميس وعرفتها
ابتسمت ريم:الحمد لله ع السلامه
ضمت لميس وجلست على طرف السرير:كيفك اللحين
لميس ابتسمت ومستغربه من وجودها:الحمد لله بخير
ريم بابتسامه:أنا ريم تذكريني
لميس:أيوه
ريم:خوفتينا عليك بس الحمد لله إنتي اللحين أحسن
لميس باستغراب:خوفتكم
انفتح الباب ودخل أبو رعد
لميس شافته واستغربت وجوده
أبو رعد:الحمد لله ع السلامه
نزلت راسها منحرجه وساكته
أبو رعد وقف عندها:إرفعي راسك لعمك يالميس
رفعت راسها مصدومه: عمي
حكى لها كل شئ وهي تسمعه مصدومه مو قادره تصدق معقوله بعد السنوات هذي كلها يطلع لها أهل وهي ماتدري تجمعت الدموع في عيونها ماقدرت تمسك نفسها أكثر وبكت ضمها أبورعد لصدره بحنان:سامحينا يالميس سامحيني يابنت الغالي
لميس"آ آ آ آ آ آه من زمان أتمنى هالحضن اللي يحن علي ويحميني وينسيني العذاب اللي عشته(ضمته بقوه)مو مصدقه في يوم وليله أصحى وألقى نفسي بين أهلي آ آ آ آه)
ريم بكت من الموقف وأبورعد ترك لميس في حضنه لين هدأت وأبعدها يمسح دموعها:خلاص حبيبتي علشان خاطري لاتبكين
مسحت لميس دموعهااللي موقادره توقف
ريم ابتسمت وهي تمسح دموعها:شوفي خليتيني أبكي
ابتسمت لميس وجلسوا عندها عمهاوريم وقالوا لهاإن أهلها بيجون يزورونها
توترت لميس مع إنها متشوقه تشوف أهلها وتتعرف عليهم

المغـــــــــــرب:
دخل عمها أبو خالد:السلام عليكم
الكل:وعليكم السلام
لماشاف لميس راح لها وحضنها:الحمد لله عالسلامه يابنتي
أبو رعد:هذا عمك ناصر
ضمته لميس وبكت وأبو ناصر يهديها
أبو ناصر:كيفك يابنتي إن شاء الله أحسن
لميس:الحمد لله ياعمي
سمعوا دق الباب ودخل الدكتور :السلام عليكم
الكل:وعليكم السلام
أبو رعد وأبو خالد مااستغربوا لما شافوا لميس ماتحجبت لأنهم توقعو إنها ماتتغطى لأنها عايشه في بريطانيا ومتعوده على نمط الحياة هناك
الدكتور إبتسمت: لا الحمد لله فيه تحسن في صحتك يالميس
لميس منزله راسها:الحمد لله
أبو رعد:متى تقدر تطلع يادكتور
الدكتور:راح تبقى عندنا إلى أن نتطمن عليها وبعدها بإمكانها تطلع
أبورعد:مشكور يادكتور
الدكتور:العفو هذا واجبي
استأذن الدكتور وطلع
بعد دقايق سمعوا دق ع الباب
أبو رعد:تفضل
دخلت أم رعد وفهد:السلام عليكم
الكل:وعليكم السلام
أم رعد:كيفك ياأبو خالدوكيف الأهل
العم ناصر:تمام الحمد لله وشخبارك
أم رعد:بخير الله يسلمك
قربت من لميس وسلمت عليها:الحمد لله ع السلامه،،كيفك؟
لميس بحياء:تمام الحمد لله ،،كيفك ياخاله
أم رعد جلست بعيد:الحمد لله
أبو خالدقام:أنا أستأذن
وطالع لميس:ماتشوفين شر يابنتي
لميس:الشر مايجيك ياعمي
باس جبينها وسلم وطلع
أم رعد:العيال برى يبغون يسلمون
أبو رعد ينادي:فيصل عادل تعالوا
استغربت أم رعد لأن لميس ماتغطت وطالعت أبو رعد اللي فهمها بعيونه وسكتت
دخل فيصل وعادل منزلين روسهم
ولميس حست بارتباك وإحراج ونزلت راسها
فيصل ويناظر الأرض:الحمد لله ع السلامه يابنت العم
لميس بصوت مخنوق من الحيا:الله يسلمك
عادل يطالع لميس بجرأه منهبل:الحمد لله ع السلامه ياحلوه
استحت لميس من جرأته ولاردت عليه
ريم بغيض:عيــــــــب البنت تستحي
عادل ضحك:هههههههه ليش تستحي هي مثل أختي عادي
أبو رعد:عادل بلا رجاجه
عادل بضحكه:إن شاء الله طال عمرك
ابتسمت لميس "شكله خفيف دم "
وأثناء حديثهم رفع فيصل راسه وفتح فمه بذهول لما شاف لميس"تهبـــبـــبـــبـــبــل بنت اللذين وش هالجمال"
عادل لكزه بكتفه وهمس:سكر فمك وجع لا تفضحنا
فيصل انحرج ونزل راسه
عادل يهمس :بس والله إنها خقق ،ياعمري بنات عمي راح يتحطمن ،والله عمي نشمي حسن النسل
فيصل ماسك ضحكته من هبال أخوه وريم طالعتهم بنص عين:خير وش عندكم تساسرون
فيصل "الله يفضحك"إبتسم بغيض:سلامتك
ريم تكلم لميس :خليني أعرفك عليهم
أشرت بصبعها على فيصل:هذا فيصل(وبغيض)عدوي اللدود ودلوعة البيت
فيصل شهق:عدو
الكل:هههههههههههه
ريم:اسكت خلني أكمل(أشرت ع عادل)وهذا عادل مرجوج وبلا فخر مثلي
عادل باستهبال:شهاااده ووسام أعتز فيها
ريم:وهذا فهد آخر العنقود سكر معقود ودلوعة فيصلوه
فيصل بتوعد:ريم ورى ماتسكتين أحسن
ريم تحط إصبعها على راسها:
كيفي بعرفها ع كل واحد فيكم علشان تعرفكم
عادل:أجل أنا بعرفها عليك(يكلم لميس)هذي الله يسلمك(يأشر ع ريم)أرج وحده في البيت وأحيانا أحس إن ماعندها عقل ريموه
ريم بدلع:مخليه العقل كله لك
أبو رعد:رنا ليش ماجت
فيصل ارتبك:تعبانه و نايمه
لمس عرفت من إرتباك فيصل إنها ماتبغى تجي لأنها تكرهها وماتبيها(يالله الكل أجسه متقبلني إلا رنا وزوجة عمي اللي جالسه بعيد وقالت شى من جلوسها ولا حتى تطالعني الله يعيني)
ريم:وعندنا أخت ثانيه هي الكبيره ومتزوجه من ولد خالتي عمر وإسمها رغد عمرها
فيصل بضحكه:ماشاءالله مابقى الا توصفينهاعطيتيهاالموجز كله عنها
ابتسمت لميس تطالع فيصل فجأه إختفت إبتسامتها
"معقووووله ياربي شلون توني انتبه يمكن لأني توني أطالعه زين"
فيصل استغرب لماشاف لميس تطالعه ووجها مصدوم
انتبهت لميس لفيصل ونزلت راسها ووجههاأحمر
ريم:وأخوي الكبير رعد يدرس في أمريكا وتخرج السنه هذي وبيرجع قريب
عادل مد لها كاسة مويه:تفضلي اشربي تلقين ريقك نشف من كثرالكلام حشى ولا إذاعة لندن
ضحك الكل وريم عصبت:تتطنزإنت وذا الخشه
أبو رعد:خلاص اسكتوا حشى البنت توهاشايفتكم تتهاوشون عندها
عادل بنذاله:بنتك هالريم في البيت تتشطر ع فيصل وبرى علي
فيصل:صح لسانك
ريم إغتاضت منهم:يبه شف عيالك كلهم علي
أبو رعد يمثل العصبيه:خلاص عاد كلش ولا ريامي خلوها
ريم طالعتهم بنص عين ترفع حواجبها:سمعتوا
طنشوها ولاردو عليها
لميس تطالعهم بحزن"وينــــــــك يارامي تشوفني بين أهلي وينك يبه تشوف عمي وأولاده تشوف عمي اللي خبيت عنا وجوده كيف محتويني بين أهله وينك يارامي تفرح معاي "
دمعت عيونها بحزن وماسكه نفسهابالقوه
ريم لاحظت إرتجاف لميس:لميس وش فيك
الكل سكت يطالعها رفعت راسها تحاول تمسك نفسها وتبتسم طاحت عيونهاع فيصل اللي يطالعها بخوف وتسائل وكان فيه شبه من رامي وتذكرت رامي ماقدرت تسيطر ع دموعها ونزلت دموعها غطتها وجهها بيدها تبكي الكل انصدم
من بكائها المفاجئ وفيصل يطالعها باستغراب لماطالعته وانصدم لماشان دموعهاتنزل وتبكي "ليش وشفيهابكت"
ضمها أبو رعد يهديها:لميس حبيبتي وش فيك أهدي
ريم مسكت إيد لميس:لميس ياقلبي أحد ضايقك
هزت راسهابلا وتدفن وجههافي حضن عمها صعب إنك تكون عايش بضياع ووحده وفاقد الصدر الحنون اللي يحويك وفجأه تلقى نفسك بين أهلك وفي أحضانهم
لما هدت لميس رفعت راسهاوكنهاتذكرت شئ بصوت مبحوح:عمي وين خالتي سفاجه
الكل تفاجأ من سؤالها عنها
أبو رعدعاقد حواجبه:ليش تسألين عنها بعد اللي سوته فيك
لميس:طيب وينها
ابو رعد:الدكتور بلغ الشرطه لماشاف آثار الضرب اللي في جسمك والشرطه حضرت وحققت وإعترفت إنهاهي اللي سوت فيك كذا وأخذوها
بعدت عن عمها تترجاه:لا ياعمي الله يخليك طلعها علشان خاطري
الكل يطالعها مصدوم من طلبها حتى عمها مستغرب
حتى لميس انصدمت من كلامها "المفروض إني ماأسامحها ع اللي سوته فيني بس ماأدري ليش قلت كذا يمكن لأني ماأبغى هدى تعيش معاناتي مع أني أكرههها "
أبو رعد تغير وجهه:ليش تبغين أطلعها بعد وحشيتها معك
(وبحزم)مستحيل أسامحها
لميس مسكت يده تترجاه:الله يخليك ياعمي صحيح أنا أكرهها لكرهها لي وتصرفاتها معاي هي وهدى بس هدى وحيده ما أبغاهاتعيش العذاب اللي عشته الله يخليك ياعمي
انصدم الكل من لميس وأم رعد ماتوقعت إن لميس تسامح أم هدى وبنتها واللي صدمها أكثر إصرارها ،،فيصل وعادل وريم يطالعون بعض مستغربين
أبو رعد:خلاص راح أشوف الموضوع بس مارح أطلعها اللحين خليها تتأدب وتعرف إنتي مين ومن بنته وبعدين أطلعها
ريم:يبه متى راح تطلع لميس من المستشفى
أبو رعد :إن شاء الله لماتتحسن حالتها
****************
في قصــــــــر أبو رعد:
دلال بغرفتها تكلم دلال
رنا:تخيلي لميس تصير بنت عمي
دلال بصدمه:إيــــش،،،،،وانتي مين قالك
رنا:أبوي ولابعد شكلها بتعيش عندنا وأهلي فرحانين فيها
دلال بغل:نعــــم
رنا بقهر:مقهــــوووووره يادلال ودي أذبحها ولا أقابل وجهها ليل ونهار
دلال:لاتعطينها وجه
رنا:أف راح أطفشها من البيت لين تنقلع لبيت عمي ناصر

ريم جالسه في الصاله مع رغدوماقصرت قالت لها كل شئ عن لميس
رغد:ياقلبي كل هذا فيها
ريم بقهر:ولابعد اللي قاهرني إنهاسامحة زوجة أبوها وابوي طلعها بس بعد ماقطنت هناك وليتها استحت ع نفسها لا جلست تتوعد وتتحسب
رغد :ووووجع ،،،مين قالك
ريم :أبوي،،المهم بنروح لها العصر (زمت شفايفهابتفكير)بس شكلي مارح اصبر بروح لها اللحين
رغد:والله شكلهاتنحب ،بروح معاك وأهلي يروحون العصر وش رايك
ريم انبسطت:أوكيه
قطع عليهم صوت التلفون وردت رغد:آلو
رعد:هلا رغوده وش عندك عندنا ع الظهر
رغد ابتسمت لماسمعت صوته:هلارعد،كيفك؟
رعد:تمام وانتي كيفك وكيف عمر
رغد:كلنا بخير
سحبت ريم السماعه بلهفه:هــــلا رعــــد
رعد:بسم الله الرحمن الرحيم،ماتجوزين إنتي من طبايعك
ريم ضحكت:هههههههه ياحلاتها بعد
رعد:مادح نفسه كذاب
ريم بحماس:رعــــد عندي لك خبر بمليو و و و ون ريال
رعد يقلد حماسها:واللــــه وشــــو
ريم تستهبل:حزر فزر
رعد تحمس:وش أحزر داخلين فوازير احنا،،قولي اللي عندك بسرعه
ريم :إيـيــيـيه صح ع طاري الفوازير يقولون السنه الجايه في رمضااان،،،،،،
قاطعهارعد:ريــــيــــيــــيــــم
ريم ضحكت:هههههههه خلاص بقول
رعد بملل:قولي خلصينا
ريم تمط كلماتها:تتخيييللل طلععع عندنا ا ا ا ابنننت عممم
رعد ضحك باستخفاف:ها ها ها هاياقدمك أدري إن عندي بنات عم وش هالغباء محمستني ع الفاضي
ريم:لا لا لا هذي بنت عمي عبد العزيز
رعد بصدمه:هــــا
ريم:والله طلع عندنا عم اسمه عبد العزيز
رعد بعدم تصديق:إنتي وش قاعده تقولين
ريم حكت له كل السالفه ورعد منصدم :من صدقك إنتي
ريم:واللــــه العظيم واسمها لميس وراح تسكن عندنا
رعد عاقد حواجبه:لميس
ريم:أيوه،،(وبحماس) إسمها حلو صح
رعد عصب:وأنا وش علي من إسمها،،اسمعي ترى ياويلك إذا كان كلامك هذا إستهبال
ريم عصبت:اللحييييين أحلفلك تقول إستهبال إسأل أبوي إذا أنت مانت مصدقني
رعد بتفكير:طيب طيب باي
سكرت ريم تضحك:ههههههه
رغد بضحكه:حرام عليك جننتيه
ريم:ههههههه فديته والله
رغد ترفع جوال ريم من الطاوله وترميه في حضنها:مو وقتك تدلعين دقي ع السواق يجهز السياره
دخل فيصل:ع وين
ريم قامت :جابك الله،،،خذنا للمستشفى
فيصل يناظر ساعته:بس لسى مو وقت زياره
ريم:لالا ولايهمك الدكتوريعرف أبوي وراح يسمح لنا ماعليك
فيصل :أوكيه يالله
رغد ترفع جوالها:اصبروا بدق ع عموري استأذن منه
ريم:يالله بسرعه دقي ع عمورك
ضحكت رغد ودقت ع عمر واستأذنت منه
دخلت ريم معاها عبايتها:ها وش قال عمورك
رغد:أكيد وافق
ريم تلبس عبايتها:أيوه قلتي له من الكلام المعسول وتبينه مايوافق
رغدحمر وجهها:قلييييلة أدبب
ريم:ههههههه
فيصل:أقول ترى بمشي
رغدقامت بسرعه:لحظه بلبس عبايتي
فيصل وكأنه تذكرشئ وقف ولف:ريم تعالي لميس وين بتنام
ريم تستهبل:يعني وين معك في الغرفه
فيصل فتح عيونه وريم ضحكت:أقول شوي شوي لاتطلع عيونك
عاد تبيهامن الله
فيصل انحرج:أقول انطمي أقصد بتنام معك وإلا أبوي بيحط لها غرفه
ريم:لا بتنام معي لين يحط لها غرفه
فيصل:طيب يالله امشوا
*******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 08-05-2010, 08:36 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية جرحني و صار معشوقي / بقلمي


مشكورة ياقلبي على البارت انا اول ماقريت الاحداث تفاجأت انو ابو رعد يصير عم لميس وانبسطت اكثر لما ريحها من عذاب زوجة ابوها والله يعين لميس على الاحداث الجاية

لا ياقلبي اكيد مابنحرق الاحداث علشان الباقي يتحمس ويتوقع وزي ماقلتي انا بعلق على البارت الي ينزل لانو ماعلقت من قبل

في انتظارك يالغلا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 09-05-2010, 04:00 AM
صورة كروزهـ الرمزية
كروزهـ كروزهـ غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


روآيه روعه بجد ..
تسلم اناملك وبانتظارك غلاتو ..
ودي وتقديري لذاتك .. كروزه ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 09-05-2010, 06:15 AM
صورة بنوتة كيوت تاكل توت الرمزية
بنوتة كيوت تاكل توت بنوتة كيوت تاكل توت غير متصل
©؛°¨غرامي متألق ¨°؛©
 
الافتراضي رد: رواية جرحني و صار معشوقي / بقلمي


بارت جناااااااااااااااااااااان

اتوقع فيصل ولارعد واحد منهم بيحب لميس

ياااااااااااي متحمسه للبارت الجاي لاتطولي علينا فديتك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 09-05-2010, 12:53 PM
صورة ڪْـيان طفلــﮧ الرمزية
ڪْـيان طفلــﮧ ڪْـيان طفلــﮧ غير متصل
©؛°¨غرامي جديد¨°؛©
 
الافتراضي رد: رواية جرحني و صار معشوقي / بقلمي


وااااااااااااو
حمـــــــــــآآآآس
ننتظر البارت الجاي على احر من الجمر
ويعطيكِي العافيه يا الغلا ما قصرتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 09-05-2010, 03:01 PM
صورة غراااامي حزين الرمزية
غراااامي حزين غراااامي حزين غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


روووووووووووعه
اتوقع فيصل يحب لميس

اما رعد
يكفي عليه دلال وهدى هههههههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 09-05-2010, 04:03 PM
صورة قُـوتْ آلهَوىْ ـآإ ! الرمزية
قُـوتْ آلهَوىْ ـآإ ! قُـوتْ آلهَوىْ ـآإ ! غير متصل
©؛°¨غرامي متألق ¨°؛©
 
الافتراضي رد: رواية جرحني و صار معشوقي / بقلمي


فديييييتكـ غلاتـــــــــي روايتــــكـ بجد رووووووعـــهـ ,,,

ننتـــــــــــظركـ ..

بالتوفيــــــــق ,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 09-05-2010, 04:59 PM
hhanaa hhanaa غير متصل
©؛°¨غرامي فعال ¨°؛©
 
الافتراضي رد: رواية جرحني و صار معشوقي / بقلمي


اقتباس:
المشاركة الأساسية كتبها بنت عز بنظرتها تهز مشاهدة المشاركة
وااااااااااااو
حمـــــــــــآآآآس
ننتظر البارت الجاي على احر من الجمر
ويعطيكِي العافيه يا الغلا ما قصرتي
ممكن تحددى متى موعد البارتات

الرد باقتباس
إضافة رد
الإشارات المرجعية

رواية جرحني و صار معشوقي / بقلمي، كاملة

الوسوم
الرواية , الرواية جدآ رآئعة , رواية جرحني , رواية خقاق , رواية روعة , صار معشوقي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 04:32 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1