اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 09-05-2010, 07:41 PM
صورة **رسمتك"حلم** الرمزية
**رسمتك"حلم** **رسمتك"حلم** غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


في المستشفــــى
لميس طلعت من الحمام وتحس بملل وطفش"أف متى يجي العصر تجي ريم والله إنهاحبوبه حبيتهاكثير"
تمشت في الجناح لأن أبو رعد مارضى إلا تكون في جناح خاص
سمعت صوت الباب ولفت لقت ريم ومعاها ورغد دخلوا:السلام عليكم
لميس ابتسمت بفرح:وعليكم السلام
ضمتها ريم:كيفك اليوم
لميس:تمام الحمد لله
ريم :ليش قايمه من السرير
لميس:طفشت منه
رغد:إحم،،إحم،نحن هنا
ريم ضحكت:سوري،نسيت أعرفك هذي رغد
لميس ابتسمت وسلمت عليها
دخل فيصل:إحم،،إحم،السلام عليكم
لميس ابتسمت لماشافت فيصل لأنهالماتشوفه تشوف عمرها اللي فقدته(رامي)
جلست ع سريرها وجنبها ريم
فيصل:كيفك اليوم
لميس:تمام الحمد لله
رغد جلست ع الكرسي:إجلس فيصل ليش واقف
ابتسم:لا سوري عندي كم شغله لازم أخلصها،،،تامرون ع شئ
ريم:سلامة قلبك
فيصل بضحكه:والله لو عارف إني لماأجيبك للميس يطلع منك كل هالكلام الحلو كان جبتك كل ساعه
ريم تخزه:أجل ضف وجهك
فيصل:هههههه هذي ريم اللي أعرفها
ضحك وطلع ولميس ورغد ضحكوا وريم إغتاضت
سولفوا مع بعض وانبسطوا لميس انبسطت مع رغد لأنها تنحب مثل ريم بس رغد خجوله وثقيله شوي مو مثل ريم راعية استهبال
بعد وصول أبو رعد والباقي طبعا غير رنا طلعت لميس معاهم للبيت
****************
انبهرت لميس من روعة البيت وتصميمه وذوق الرائع في ترتيب الأثاث واختياره
دخلت غرفة ريم وعجبتها الغرفه لونها وردي وكبيره أثاثها فخم وراقي وفيها غرفة ملابس مفتوحه ع الغرفه وحمام
ريم:ها إن شآءالله عجبتك غرفتي
لميس بابتسامه:روعه
ريم:عاد اللحين صارت غرفتنا خذي راحتك فيها
لميس:بس أخاف أثقل عليك
ريم:لا تقولين كذا إنتي بنت عمي وفي عيوني وأنا أبغاكي تشاركنيي فيها علشان ننبسط مع بعض
ضمتها لميس بصوت مخنوق:Thank you Reem
أبعدتها ريم عنها:هذا وقت أفلام هنديه(وبتهديد)وترى شوفي إذابتقضينها معاي أفلام هندي ترى برجع في كلامي
ضحكوا وجت عندهم الخدامه تخبرهم ينزلوا تحت
دخلت لميس للحمام تاخذ شور ولماطلعت لقيت ريم مجهزه لها ملابس من ملابسها انحرجت لأنها ماتقدر تلبس ملابسها اللي كانوا عليها ومامعاها غيرهم أخذت اللبس وشافت فيه الإسكترات يعني اللبس جديد لبستهم وكانوا تنوره لنص الساق بنيه مكسره وبلوزه بيضاء عليها كتابات بنيه بأكمام طويله استحت تنزل وجلست ع السرير
دخلت ريم:واو و و و يهبل عليك
لميس باحراج:مشكوره ريم بس أنا إبغى أروح لبيت أم هدى بجيب ملابسي وأغراضي مابغى أثقل عليك زياده
ريم فهمت عليها:ترى بزعل منك إذا عدتي هالكلام هذا وإذا على أغراضك نروح نجيبها ولايهمك ويالله ننزل أبوي تحت
نزلوا تحت في الصاله وكان الكل موجود ماعدا فيصل
سلمت رنا ع لميس ببرووود وجلست
أبو رعد بحنان:كيفك اللحين
لميس بخجل:تمام الحمدلله
أبو رعد:إن شاءالله ترتاحي هنا
وترى البيت بيتك
لميس بخجل رفعت راسها تطالعها:ماتقصر ياعمي الله يطول في عمرك
أبو رعد لف وجهه لريم:ريم اليوم روحي للسوق مع لميس وخليهاتشتري اللي ناقصها
لميس باحراج:لا ياعمي أنا.....
قاطعها أبورعد:هذي فلوس أبوكي من حقك
ريم:ماعليك يبه بنروح إن شاءالله
عادل:ههههه والله وأخذتي الجو كله يالموس
رنا بهمس:مو هذا اللي تبغاه
سمعتها لميس وانحرجت لأنهاتقصد إنهاداخله عندهم ع طمع بس هي ماتبغى فلوس تبغى تكون وسط أهلها
أبورعد خز رنا بنظرات سكتتها وقام وطالع ساعته:يالله مابقى شئ ع الطياره لازم أمشي
سلم عليهم وطلع
رنا طالعت لميس وأشرت عليها بسخريه:مو هذي تنورتك ياريم ليش لابستهاماعندهاملابس تلبس من ملابسك
لميس جرحتها كلمتها وانحرجت
عادل وريم طالعوا رنا بعصبيه
لميس حاولت تجمع قوتها وبثبات:أيوه ،حلوه علي صح أنا وريم واحد مافيه فرق بيننا
رنا انقهرت توقعتها تبكي تقوم وتترك المكان تسكت لكن ماترد عليها بثقه ولاكأنها قالت شئ
رنا:عادي قولي ماعندي ملابس ليش مفتشله
لميس ماسكه غصتها بالقوه خصوصا إن أم رعد ساكته وتتفرج
ريم بعصبيه:رنا إنطمي أحسن لك
لميس قامت:عن إذنكم
طلعت من الصاله وقابلت فيصل وماقدرت تطالع فيه علشان مايشوف دموعها اللي حابستهم مرت من عنده من غيرلا ترد ع سلامه وصعدت فوق
فيصل استغرب ودخل للصاله
فيصل:السلام عليكم
ماحد رد عليه غير أم رعد
فيصل:وش فيكم
ريم قامت معصبه:إنتــــي ماعندك قلب ماتحسين ترمين الكلام ولاتتمنينه
فيصل عرف إنهاتقصد لميس وعصب:وش فيـــكـم
ريم بقهر تطالع رنا اللي تطالعها ببرود ولا كأنها قالت شئ:إسأل الأخت رنا
طلعت من الصاله وفيصل لف ع رنا:رنا وش سويتي
رنا قامت:أففففف مالك خص
طلعت وطلعت وراها أم رعد اللي عجبها كلام رنا لأنها ماتبغى لميس
عادل ماحب يقول لفيصل شئ وقام وطلع
فيصل جلس محتار بس اللي متأكد منه إن رنا ضايقت لميس بكلامها حس بالشفقه ع لميس بس مايقدر يسوي شئ
****************
لميس سمعت دق خفيف ع باب الحمام ووصلهاصوت ريم:لمييس
غسلت وجهها وافتحت الباب مبتسمه: هلا
ريم:أنا آسفه ع اللي صار رنا هذي طبايعها
لميس ابتسمت :لا ماصار شئ
وقالت بتغير الموضوع وهي تطلع من الحمام:رغد ما جات
دخلت رغد الغرفه:سمعت إسمي مين اللي يحش فيني
لميس ضحكت :هههههه لا مانحش فيكي بس أسألها إذا جيتي وإلا لا
رغدسلمت عليها:الحمد الله ع السلامه نورتي البيت
ابتسمت لميس:منوره باصحابها
ريم بتريقه:كان جيتي معانا مولازم يتعب نفسه عمور ويوصلك بنفسه
رغد جلست:وش عليك
ريم:بتنامين عندنا
رغد دلع:لا عموري مايقدر ينام من غيري
ريم:يا ا ا ا ا ي ع الحب
لميس بضحكه:وشفيك غيرانه خلاص بقول لعمي يدور لك ع عريس
رغد ضحكت:هههههههههههههههه
ريم دلع:لا توني صغيره بزوجك إنتي قبل علشان أرقص في عرسك
لميس:ليه يعني إذا متزوجه ماترقصين
ريم بدلع ترفرف بعيونها:أيوه لأن زوجي بيغار علي أرقص عند الناس
رغد ولميس:ههههههههههههههههههههه
دق جوال ريم وقفزت فوق السرير أخذت الجوال وتربعت وردت:آلــــو
أمل:هلا ريامي
ريم:أهلين أموله
أمل:أقول عطيني بنت عمي أسلم عليها
ريم:وش دعوه قولي كيفك أخبارك مو ع طول سحبتي علي
أمل بعناد:مثل ماسحبتي علي ولاحتى بمسج أنا بسحب عليك ويالله عطيني لميس
ريم تمثل الصدمه:وللللللل كل هذا في قلبك
أمل:وأكثر،ويالله عطيني لموس حبيبتي
ريم :وجع أمداكي تحبينها وأنتي مابعد شفتيها
أمل:أيوه كيفي،عطيني أكلمها
ريم:طيب طيب
مدت ريم الجوال للميس:خذي كلمي أمل بنت عمك ناصر
أخذت الجوال وهي خجلانه:hello ‎
أمل:هلا ببنت عمي كيفك
لميس ابتسمت:تمام إنتي كيفك
امل:تمام،الحمد لله ع السلامه وسامحيني لأني مازرتك في المستشفى
لميس ضحكت:ههههه الله يسلمك،معذوره
أمل:بس ولا يهمك بزورك أن شآءالله بكره
لميس:حياكي
سولفت معاهاشوي وسكرت
ريم أخذت الجوال:وشرايك فيها
لميس:شكلها حبوبه بس كم عمرها
ريم :في مثل عمرنا سنه وعندها خوات (تعد بأصابعها)رهف وعمرها في مثل عمر رغد وزواجها قريب
وسار سنه وعندها إخوان شباب خالد ورائد والصغير ياسر
لميس ابتسمت:ماشاءالله
ريم نزلت من السرير وجلست جنب رغد ع الكنب:لميس تعالي اجلسي بكلمك
راحت لميس عندها وجلست:تفضلي
ريم متردده:امممم أناسمعت إن عندك أخ متوفي صح
لميس تغير وجهها بحزن:أيو في عمر فيصل تقريبا
ريم:في حادث سياره مع امك
لاح قدام لميس صورة رامي محترق غمضت عيونها تبغى تطرد صورته من راسها كان شكله يروع جثه سوداء من الحريق نزلت دموعها وغطت وجهها بإيدها تبكي
انصدموا البنات ورغد ضمت لميس وتطالع ريم بنظرات توعد
:خلاص ياقلبي أهدي
ريم تلعثمت ماتدري وش تقول ماكانت عارفه إن ذكرهم يبكي لميس كان متوقعه إن هالشئ مارح يأثر فيها متوقعه إنها تعايشت مع الأمر لأنها ماكانت عارفه إن موتهم بالصوره البشعه هذي موحادث سياره
ريم :أ...سوري لميس ماقصدت أبكيك آسفه
لميس ابعدت عن رغد تمسح دموعها:I'm Sorry ‎
ريم تحاول تغير الجو:تعالوا ننزل للحديقه وش رايك لميس
قامت لميس:ok بغسل وأنزل
دخلت للحمام وريم ورغد نزلوا ورغد تلوم ريم وريم تبرر إنها ماقصدت تضايقها
في غرفة رنا
رنا تكلم دلال و جالسه ع كرسي المكتب تدورفيه وتضحك
: هههههههه لوتشوفين شكلها تموتين ضحك عليها أحس ودها الأرض تنشق وتبلعهامن الفشله
دلال:تستاهل
رنا بتوعد:ولسى ماشافت شئ مني
دلال تضحك بخبث:الله يعينها عليك
***************
نزلت لميس للحديقه وشافت ريم ورغد جالسين ع الكراسي
وفهد يلعب بالكره عندهم
راحت لهم تبتسم من ترحيب ريم اللي ترحب فيها
جلست علكرسي معاهم وسولفوا شوي قطع عليهم فهد اللي وقف جنب لميس ببراءة الأطفال:عارفه لميس بدخل للمدرسه
لميس تمثل الدهشه:والله يعني فهودي خلاص صار رجال وكبير
فهد انبسط:يعني بصير مثل فيصل وعادل ألبس ثوب وشماغ
لميس:هههههه أيوه وغتره كمان
فهد انبسط وراح يلعب في الكوره
ريم:غريبه تعرفي الشماغ والغتره وانتي عايشه في بريطانيا
لميس ضحكت:yah suor أممم رامي كان يلبسه with his friends في اليوم الوطني في بريطانيا and also my dad ‏ لما رجعنا للسعوديه
ريم:آها ههههه ماشاء الله أخوكي وطني ياحليله والله لو أخوي عادل كان نسى السعوديه بكبرها
رغد:ههههه عاد عادل مايحب يلبسه
لميس استغربت:whay بالعكس حلو أحسه يعطي السعوديين رزه وكشخه وشخصيه
ريم:هههههه عاد من يسمعك أخواني مايحبون يلبسونه إلا في المناسبات
لميس باستغراب:غريبه كنت أظن السعوديين يحبون يلبسونه ومايلبسون البناطيل والبدلات
إلا نادرا
رغد:هههههه لا صححي معلوماتك اللحين الشباب يحبون يلبسون البناطيل والبدلات وأماالثياب يلبسونها في المناسبات
ريم تذكرت شئ:أيوه صح لميس سجلتي في الجامعه
لميس:No لأن خالتي أم هدى مارضت
ريم:ولايهمك أكلم أبوي يسجلك معاي في الجامعه
لميس:تسلمين،،،but أبغى أروح لبيت خالتي بجيب أغراضي
ريم تطالع الساعه:أوكيه نروح اللحين وكمان في وقت نمر السوق نتسوق
رغد:أنا مارح أروح معاكم عمور بياخذني للبيت بعد شوي
قاموا البنات ودخلوا داخل يتجهزون
******************


رنا جالسه بغرفتها مقهووره أول مره أحد يمد إيده عليها وعلشان من علشان وحده فاجره أنا أوريها بنت ال...... إذا مادفعتها ثمن مد فيصل إيده علي ماأكون رنا بنت مشاري ال...... هين
دقت ع دلال تبغى أحد تقضفض له وماعندها غير دلال اللي مثل خباثتها كلمتها وحكت لها اللي صار
دلال مستغربه:غريبه فيصل حبوب مايسويها لو رعد كان قلت أيوه لأنه عصبي بس فيصل نو وي مستحيل
رنا متنرفزه ومقهووره لآخر حد:سااااحرتهم الساحره تخيلي أخواني قلبوا علي علشانها
رنا بخوف:أخاف بعد تسوي لرعد شئ
رنا:تخســــى أخوي رعد تعرفينه ماحد يقدر عليه
رنا بشوق:فديــــته
رنا مو لم حالميتها مقهوره:قاهرتني يادلال ودي أذبحها
دلال:يكون أحسن
****************
صحت لميس ومالقت ريم في الغرفه قامت وأخذت شور سريع ولبست تنوره بيضاء لنص الساق وبلوزه حمراء وفكت شعرها الكستنائي على أكتافها بأريحيه حطت كحل داخل عيونها زادها جمال وروج أحمر خفيف طالعت شكلها في المرايه وابتسمت تحس إنها رجعت لميس الأنيقه من جديد
ولون بشرتها الأبيض الصافي المشرب بحمره رجع وأشرق ووجهها بعد ماكان ذابل وأصفر من العذاب اللي شافته أخذت جوالها ونزلت
دخلت للصاله:السلام عليكم
عادل فتح فمه:يا حلو و و و و و
لميس انحرجت وجلست جنب ريم
ريم بنص عين:أقول سكر فمك لاتدخله ذبانه
رنا اللي مقهوره من مدح عادل للميس بسخريه:ع إيش ياحسره
لميس طنشتها ولا عطتها وجه
رفعت عيونها شافت فيصل يطالعها ابتسمت تطالعه"ياربي مثل نظرات رامي وابتسامته حست إنه رامي واللحين بقول لها باعجاب:قــــمــــر يالموسي ياحظ اللي بتكوني من نصيبه طالعه ع أخوك قمر"
ابتسمت بحزن وفيصل استغرب لما شاف الحزن في عيونها يبغى يعرف ليه كلما طالعته ابتسمت وسرحت وانقلبت ملامحها حزينه
ريم تحاكي لميس:وش رايك نطلع نتمشى
لميس انتبهت لها:Now
ريم:أيوه
لميس:بس أمل راح تجي اللحين
ريم توهاتتذكر:أيوه صح
فيصل ابتسم "يا الله وش كثر إشتقت لها ولهبالها"
قطع تفكيره صوت جوال ريم
ريم ردت:ياهلا ........هههههه.... طيب طيب باي
لميس: who
ريم بضحكه:أمل تقول عند الباب ياويلي منها معصبه عاد من حينها حاقده علي
نادت الخدامه وقالت لها تفتح الباب
قامت رنا بغرور وطلعت من الصاله
عادل قام:يالله تشاو
طلع وبقى فيصل حط نفسه منشغل في جواله مايبغى يقوم
دخلت امل معصبه بعد ما أعطت الخدامه عبايتها
دخلت للصاله معصبه:ريــــمــــو و و و و و و وه
لماشافت فيصل بوجهها بغى يغمى عليها لأنه شافها ورجعت بسرعه
البنات ماتوا من الضحك ع الموقف وفيصل بغى يقوم يرقص "أخيرا شفتها بنت اللذين تغيرت إحلــــو و و و وت وإلا شعرها البني الحرير يذ ذ ذبح" ريم ميته ضحك:هههههههههه ف فيصل هههه قوم لا تطلعك بالجزمه هههههه
فيصل ضحك وطلع مبسوط يتذكر شكل أمل كانت لابسه بنطلون أسود وبلوزه كت ورديه وشعرها البني مفتوح
دخلت أمل للصاله ووجهها طماطم من الحمره مسكت ريم تكفخها بقهر:يــــا حمــــا ا ا ا ا ا ا ا ا ا ا ا ا ا ا ا اره يــــا زففففففففففففتــــه ليش ماقلتي إن فيصل موجو و و و ود
ريم مو قادره تبعدها من الضحك:ههههههههههههه يادبه ابعدي ههههههه آ آ آه فضحتينا عند لميس
أمل تذكرت لميس وابعدت عن ريم ولفت ع لميس ووجههالسه أحمر انصدمت لماشافتها ماتوقعت تكون بالجمال هذا ولابالخيال
أمل مصدومه أشرت عليها:إنتي لميس
لميس ابتسمت:ايوه
أمل ببلاهه:احلفــــي إنك لميس وسعوديه بعد
ضحكت لميس :هههههه لهدرجه شكلي بريطاني موسعودي
ريم باعجاب:بســــم الله عليك
ماشاءالله
لميس ضحكت وسلمت عليها ضمتها ريم فجأه :ياهلاوالله ببنت عمي
جلسوا ولميس تطالع أمل كانت بيضاء ناعمه ع رجاجتها شعرها بني ناعم لتحت أكتافها ومقصص عيونها كبار وبنيه وانفها حلو نحيفه وطويله شوي شكلها نعووم
سولفوا وكانت أمل حبوبه بس مرجوجه يعني غريبه نعوم وتصرفاتها فيها رجاجه عكس نعومتها
ريم طالعت الساعه:يالله بنات ماتبغوا نروح للسوق
أمل شهقت:ياويــــلي ليش فهودي نايم كذا
لفوا البنات توهم ينتبهوا له نادت ريم المربيه وقالت لها تشيله لغرفته وتجيب عباياتهم
دقت ريم ع السواق:آلو راج وينك ....إيش...طيب طيب
سكرت منه بخيبه:مع أمي
أمل بخيبه:خساره فاتنا المزيون
ريم ضربت كتف أمل:وجع تراه سواق للحين منهبله
أمل تسوي نفسها دايخه:ياويلي مزيو و ون ماكد شفت هندي بالشرقيه حلو غير اللي بالأفلام
غيره
ريم:أقول جب بس مالك إلا سعودي
أمل:عارفه والنعم فيهم والله عيال أبو متعب
لفت ع لميس:أقول لموس ماعندك خال بريطاني مزيون
لميس ضحكت:لا
ريم ضربت كتف ريم:وجع وين اللي تقول (تقلد صوتها)والنعم فيهم عيال أبو متعب
أمل:هههههه لا بس بحسن النسل السعودي
ريم تخصرت:لا والله وش فيهم السعوديين وش حلاتهم أكبر مثال(وبغرور)أخواني
أمل بصدق:أيوه عاد أخوانك يهبلو و و و ن وإلا أخوك رعد(حطت إيدها ع قلبها)يذ ذ ذ ذ ذ ذ ذ ذ ذ ذ بح
ريم بغرور:قولي ماشاء الله
وفصولي بعد حلو وعدول
أمل كشرت:وع ع ع رعد أحلاهم
لميس ضحكت:أقول دبروا لنا أحد يوصلنا بدل مسابقة الجمال السعودي اللي مسوينها
أمل وريم:هههههههههه
لميس:دقي ع السواق الثاني
ريم:محمد مسافر في إجازه
أمل بقرف:وع وع ياكرهه
لميس:ليه ههههه موحلو
أمل بقرف:ياكرهه كذا ماأحبه
لميس وريم:ههههههههه
أمل:يالله مين يوصلنا
لميس تذكرت شئ:لحضه السواقين كلهم هنود أجل مين وصلني لماجيت هنا أول مره مو سعودي
ريم:لابس راج والباقي سعوديين
لميس مستغربه:كم سواق هنا
ريم تعد بصابعها:واحد سواق أبوي الخاص وكل واحد فينا له سواق خاص
لميس:حلوه هذي مجلستنا وفيه أكثر من سواق
ريم ضحكت:أحب أروح مع راج علشان أرفع ضغطه هههههه وبالمره أتمرن ع اللغه الهنديه
أمل:طيب قومي خلي السايق يجهز السياره بسرعه
ريم قامت وطلعت ومعاها جوالها تدق ع السايق
نزل فيصل وسمعها تحاكي السايق
فيصل بعد ماسكرت ريم:أنا بوصلكم
ريم مستغربه:خلاص دقيت ع السايق
فيصل طلع جواله:لا أنا أوصلكم في طريقي
حط الجوال عند إذنه:ألوسامر جهز سيارتي ....لا سيارتي الخاصه
دخلت ريم ع البنات:يالله اجهزوا

لبسوا وطلعوا شافوا سيارتين وحده بي إم دبليو سودا والثانيه همر أسود
لميس مستغربه لماشافت رجال لابسين بدلات سود ونظارات سود ومعضلين وعلى أذنهم سماعه بيضاء واقفين عند الهمر
عرفت إنهم البدي قارد واستغربت لماشافت سيارة فيصل ال بي إم دبليو
امل مسكت ريم معصبه ل:لا مارح أركب مع أخوك
ريم كانت عارفه إنها مارح ترضى بعد اللي صار
علشان كذا ماقالت إنه هو اللي راح يوصلهم
ريم سحبتها:أقول امشي لا يعصب
أمل معصبه ومنحرجه من الموقف فكت يدها منها بعصبيه:قلت لك مارح أركب لو أشوفك فاطسه هنا ابعدي برجع
فيصل سمعها وماسك ضحكته من عصبيتها ومصطلحاتها
علا صوته:يالله بسرعه
أمل تحاول تفك إيد ريم ومن بين أسنانها تتكلم:إبعدي والله أركب مع البدي قارد ولا معاه فكي يدي
أمل ركبت مجبره لما سحبتها ريم والبدي قارد فتح لهم باب السياره
مشى فيصل والحرس وراه ع الهمر
وطول الوقت أمل ساكته
رفعت عيونها وطالعت فيصل
كان لابس بنطلون جينز رصاصي غامق وبلوزه نص كوم سودا ونظارات سود
أمل تطالعه مبهوره"مالت علي هذا وع صدق ماعندي ذوق إلا يهبل"
وصلهم لمجمع الراشد وراح
كان يبغى ينزل بس صاحبه بسام دق عليه يبغاه
تمشوا البنات في المجمع ومعاهم اثنين من الحرس
ودخلو محل عطور سمعت لميس صوت رجولي:ياحلو أنا بدفع بس إنتي آمري ياقلبي
التفت شافت الشاب واقف قريب من أمل اللي شكلهاشوي تنفجر بس تفاجأة لماسمعت صوت أمل بنعومه:أوكي
الشاب باين إنه انبسط وماصدق دفع لهم وعطا أمل الكرت وأخذت منه تحت أستغراب لميس
لما طلعو من المحل قطعت أمل الكرت وهي تضحك
ريم بضحكه:كنت عارفه إنك بتسوي كذا
امل رمت قطع الكرت:هههههه خليته يدفع لنا لعبت عليه
ريم :ههههه بصراحه رحمت شكله يطالعك مصدوم وانتي تقطعينه
أمل وهي تمشي:مابقى إلا هالأشكال بعد ترقم وع ع خليه المره الثانيه يختشي ولا يغازل خلق الله
لميس:ههههههههه ياخطيــــره

رجعوا للبيت ورتبوا أغراضهم ويعلقون ع تصرف أمل
بعدها نزلوا للحديقه
طلع عليم عادل شكله توه راجع من برى وتغطت أمل
عادل يطالع أمل:أمول عندنا ياهلا والله بالحلوه
لميس ضحكت"ياحليله شكله متعود ع الإستهبال "
أمل ابتسمت:هلا عدول كيفك
عادل:تمام.....ها جبتوا لي شئ معاكم عطر ساعه شئ
البنات ضحكوا:هههههه لااا
عادل كش عليهم بايده:مالت عليكم وأنا أقول مارح ينسوني
ريم:أقول يالله بس طرار ويتشرط باي ضف وجهك
عادل:حا ا ا ا ا ضر طال عمرك ...تشاو
راح عادل ودخل داخل وبعد ساعه طلعت أمل
*******************

دخل عادل غرفة ريم شاق الإبتسامه :السلاا ا ا ا ا م
ريم جالسه تحط مناكير:وعليكم السلام،أيوه
عادل:رعد بيرجع بكره
ريم قفزت من ا لكرسي:واللــــه
عادل:أيوه توني مكلمه يقول الساعه ثمانيه عندنا
ريم تنط في مكانها بفرحه:يــــا ا ا ا ا ا ا ي رعودي بيرجع بشوفه وا ا ا ا ا ا اي
عادل ضحك يعرف ريم دلوعة رعد:ههههه وأمي مسويه عزيمه كبيره
ريم وقفت:يو و و وه لازم أروح للسوق
لبسوا وطلعوا للسوق
*****************
دلال بفرحه:والله رعودي بيرجع
رشا أختها:أيوه أمي تقول توهاخالتي مكلمتها
دلال بفرحه:أخيرا بشوفه إشتقت له
رشا بحماس :تخيلي بكره حفله كبيره في قصر أبو رعد متحمسه عاد حفلاتهم شئ بس كيف يجهزوا للحفله وتوهم يعرفون إنه بيرجع
دلال:هههه ياقلبي هذولا عيال مشاري بن خالد ال.....
اللي فلوسهم تغطي الشرقيه كلها هذا إذا ماغطت السعوديه كيف مايقدرون يجهزون لها
رشا:أيوه صح هذولا يلعبون في الفلوس لعب
دلال بغرور تطالع المرايه :وقريب بتكون هالملايين لي أنا
رشا ضحكت:إيوه صح (سكتت)بس أخاف هالميس تقلب مخه خصوصا إنهم يقولون إنها ملكه
دلال بحقد وغرور :مستحيل تكون أحلى مني تلاقيهاولاشئ عندي
(دلال مملوحه عيونها واسعه وسودوشعرها لتحت رقبتها أسود ومليان جسمها بس مو دبدوب وبيضا حلوه بس ماتجي ربع جمال ونعومة لميس بس ثقتها بنفسها مخليتها تشوف إن مافيه أحد أحلى منها يعني من شاكلة رنا)
لفت لرشا:وأنا مارح أخليه يرفع عينه عني بخبله بجمالي
دلال ماتتغطى عن رعد تقول خطيبي ليش أتغطى عنه والكل محتقرها ع قلة حياها
*****************
في يوم وصــــول رعــــد
نزلت لميس للصاله شافت الدنيا مقلوبه فوق تحت ناس داخله وناس طالعه وأم رعد واقفه على روسهم وتعطي أوامرها اللي ينظف واللي ينقل الأثاث من مكان لمكان وشافت طاولات وكراسي ماكانت موجوده
كانت واقفه مبهوره من اللي تشوفه
سمعت صوت رنا المغرور:شفتي كيف الناس عايشه مو مثل عيشتك الفقر
لميس ماردت عليها شافت خالتها جايه ناحيتهم
لميس :خالتي تبغي أساعدك
رنا ضحكت بسخريه:ههههههههههه هههههههههه
أم رعد عاقده حواجبها باشمئزاز وعصبيه:اسكتي لايسمع حكيك أحد إنتي ناسيه إنك بنت ال...... وعمك مشاري ال...... وإلا للحين تفكرين نفسك عايشه بالفقر قالت بتساعد .لا تفشلينا عند الناس
رنا بسخريه:يمه لا تلومينها عايشه خدامه وأكيد نست نفسها إنها في بيتنا
لميس جرحتها كلماتهم ماكان قصدها شئ إلا إنها تحاول تحسن علاقتها مع خالتها زوجة عمها أم رعد بس جرحها حكيهم عنها ينعتونها بالخدامه موذنبها ولا اختيارها كانت مجبوره حست بالذل والإهانه للمره الألف طلعت من الصاله وصعدت فوق للغرفه ناويه ماتنزل إلا إذا وصلوا الضيوف
كانت ماسكه دموعها دخلت للحمام وغسلت وجههاتمنع دموعها من أن تنزل طلعت من الحمام وجلست عند التلفزيون ضامه المخده ومو لمه سرحانه
دخلت ريم الغرفه وشافت لميس سرحانه ابتسمت بخبث وقربت منها قربت من إذنها:بــــــــو و و و و و و و و و و و
قفزت لميس من الروعه ولماشافت ريم تضحك انقهرت:سخيــيـــيــفــه‎
ريم تضحك:هههههههههههههههههه
لميس:مبسو و و و وطه الأخت
رمت ريم نفسها ع الكنت:آ آ آ آ آ آ آ آه بطير من الفرحه ماأصدق إن رعودي خلاص بيرجع مشتا ا ا ا ا ا اقه له مو وت
لميس ابتسمت:شكلك تحبيه أكثر من فيصل وعادل
ريم:أيوه رعودي غير ماتصدقين وش كثر أحبه
لميس بضحكه:الله يهني سعيد بسعيده
ريم ضربتهابالمخده:هههههههه
بعد ساعه قاموا البنات يتجهزون للحفله
******************
دخلت أمل ع البنات في الغرفه:السلا ا ام عليكم
شهقت:لميس للحين ماخلصتي
لميس جالسه تختار طقم من طقوم الألماس اللي مهديها إياها عمها بحيره:لسى باقي شوي
طالعت صورة أمل المنعكسه ع المرايه:ماشاء الله ايش الحلاوه هذي طالعه قمر
أمل ابتسمت:تسلمين والله
أمل لابسه فستان من قطعتين لونه أسود بذهبي نعوم وشعرها فاكته ومسيحته وحاطه ع جنب كريستال أسود بذهبي ومكياج أسود بذهبي
طلعت ريم من غرفة الملابس تلبس حلقها:إنتي جيتي
أمل زفرت:أشوى إنتي مخلصه
ريم وقفت عند المرايه تعدل فستانها:أيوه خلاص
كانت لابسه فستان أصفر طالبته من لبنان قصير من قدام وطويل من ورى مخصر ع جسمها وشعرها رافعته بعشوائيه ومثبته فيه ورده صفرا
مره ستايل شكلها ومكياجهاناعم أصفر
أمل :ليه ماجبتي المصففه تخلصكم بسرعه
ريم:مسافره ع لبنان أنامعطيتها إجازه من الإسبوع اللي راح ماحبيت أرجعها وبعدين مصففة أمي قامت بالواجب
انفتح الباب ودخلت رغد:السلام
الكل :وعليكم السلام
رغد:يالله بنات انزلوا أمي تقول وينهم
ريم:أنا خلصت خلاص
رغد:يالله امشوا بسرعه
أمل:يالله..لميس إذا خلصتي انزلي
طلعوا وتركوا لميس تكمل لبسها
***************
نزلت لميس وقلبها يرقع من الخوف والإرتباك طبيعي بتشوف ناس أول مره تشوفهم وهم أهلها أخذت نفس عميق ودخلت تيبست في مكانها لماشافت الصاله مليانه حريم
الحريم فتحوا فمهم مبهورين بالملاك اللي قدامهم
ريم قامت للميس المرتبكه :تعالي لميس
لما شافت ريم حست بالراحه
تقدمت لها ريم وقالت للحريم:هذي لميس بنت عمي عبد العزيز
راحت لميس وسلمت ع الحريم
وجلست جنت ريم وأمل وقلبها يرجف من الخجل خصوصا إن الكل يطالعها
ريم عرفت لميس ع عماتها وخلاتها وبناتهم
دلال للحين مصدومه ماتخيلت لميس بالجمال والرقه والنعومه هذي كانت ولا في الخيال وأحلى منهابمليون مره حست بالغيره والقهر تقتلها
العمه حصه:كيفك يالميس الحمد لله ع السلامه يا بنتي
لميس بحياء:الله يسلمك ياعمه أنا بخير
العمه ليلى بعيون مغرقه:إن شاء الله مرتاحه
لميس:الحمد لله
بكت عمتها ليلى وحصه لأنهم تذكروا أخوهم عبد العزيز
والحريم يهدونهم
لميس تضايقت وعيونهادمعت شافتها رغد وبسرعه قالت:روحوا يابنات اجلسوا في الصاله الثانيه وخذوا راحتكم
البنات فهموا إنهاتبغى تبعد لميس من الجو الكئيب وقاموا
********************
في الصاله الثانيه جلسوا البنات ولميس جلست جنب ريم وأمل
سميه بنت عمتها ليلى:لميس أنتي أي قسم في الجامعه
لميس ابتسمت:إدارة أعمال
داليا بنت خالة ريم أم محمد:يو و و و ه الله يعينك صعب
ريم:عادي أنا بعد دخلت معاها
سميه:ههههههه أبشرك أجل راسبه من اللحين
ريم:وجع لا تفاولين علي وش شايفتني
أمل بدفاع:ماأسمح لك تفاولين عليها بعدين ترسبيني معاها لأني أكيد بصير مثلها
الكل:هههههههههه
دانه أخت داليا:بنات جهزتوا لزواج رهف
ريم:لا أنا لسى ماوصل فستاني من لندن
أمل:ليه طالبته من برى كان فصلتي هنا عند المصممه جولي
ريم:حبيت أغير وأنا شفته في الكتالوج وعجبني وطلبته
رنا بغرور:أنا أكيد مجهزه وخالصه مفصلته عند مصممه وراح يطلع الإسبوع الجاي
البنات يطالعونهم بحسد ع العز اللي هم فيه حتى فساتينهم يطلبونها من برى عند أحسن المصممين ودلال مقهوره وغايره
داليا:ياحليلها رهف مومصدقه إنها بتتزوج
ساره :الله يعينا بنفقدها كثير
رنا بغرور:ما أظن بنفقدها
ساره صدت عنها وسفهتها
سميه باحتقار:احكي عن نفسك
رنا كشرت وقامت عدلت فستانها الأخضر وطلعت بغرور
رشا :عقبال ما نجهز لفرحك يادلال
دلال ابتسمت بغرور:ثانكس
ريم تحاكي لميس:أيوه صح هذي دلال بنت خالتي وخطيبة أخوي رعد
طالعتها لميس كانت دلال تطالعها بغرور ورافعه أنفها بتكبر"الله يعينهم عليها هذي شايفه نفسها ومغروره": مبروك
رنا دخلت عليهم:دلول رعد وصل
دلال بفرحه قامت:والــــله
مشت بغرور بفستانها القصير مرره وظهرها مكشوف كله وسيور ألوانه متداخله وشعرها الأسود رافعته بتسريحه ومكياجها ثقيل ألوان الفستان
وسبقتها ريم اللي قفزت ركض لماسمعت إن رعد وصل
البنات أخذوا غطاهم وطلعوا محتقرين دلال ولبسها الفاصخ مره
دخلوا لقوا الحريم يتحمدون لأم رعد بسلامة رعد
ريم بلهفه:وينه متى راح يدخل
سميه :الدب مشتاقه له
استغربت لميس تطالعها سميه بنت عمته كيف تقول الحكي هذا عند دلال
سميه فهمت عليهاضحكت:ههههه أنا واختي سديم خواته بالرضاع رعد متربي معانا هو كبر أخوي ماجد
لميس ابتسمت:يعني بس رعد اللي أخوكم وفيصل وعادل لا
سميه :أيوه
دخل فهد يركض مسكته ريم:فهودي رعد وينه
فهد:اللحين يدخل يسلم ع الرجال ويجي
جت لهم أم خالد أم أمل:أمل خذي الجوال خلي وحده من الخدم تشحنه ناسيه أحطه ع الشاحن
أمل أخذته:أوك
لميس ابتسمت:عطيني آخذه معي أنا بصعد فوق أجيب جوالي
أمل:لا خلي وحده من الخدم تروح
لميس :لا عادي أصلا مليت من الجلسه بتحرك شوي
راحت لميس فوق وشافت الشاحن مشبوك في الصاله بعد رغد لأنها كانت حاطه جوالها يشحن بس دخلت الغرفه لماسمعت صوت جوالها راحت له وردت عليه:hello
هند معصبه:يادبه يابايخه وينك يالقاطعه وإلا من شاف أحبابه نسى أصحابه
لميس ضحكت:هههههه سوري ياقلبي والله انشغلت اعذريني
هند:عذرناك بس مو كل مره
لميس:هههه لا آخر مره،،كيفك
******************
دخل رعد البيت :السلام عليكم
وقفت أم رعد بلهفه:رعــــــــد
مشى رعد بخطوات سريعه لأمه وباس راسها وضمها:كيفك يالغاليه
ام رعد تبكي:الحمد لله ع السلامه يمه
ريم راحت له مشتاقه وضربته ع كتفه بعيون مغرقه:يابو الشباب عطنا وجه
ابعد رعد عن أمه ولف ع ريم اللي ضمته بقوه وبكت:رعــــد
رعد ابعد عنها وهمس:لا تبكين لاتخربين كشختك(طالعها باعجاب) أمو و و و وت ع الأصفر
ريم ضحكت بين دموعها :ههههههه الحمد ع السلامه
سلم رعد ع عماته وخالاته
سميه بطفش:ياهو و و و ه نحن هنا
رعد ابتسم وسلم عليها:هلا سوسو
البنات يطالعونه خاقين ع وسامته وابتسامته الذباحه
داليا ماسكه قلبها:ياويلي يذ ذ ذبح من وين جايب الوسامه والجمال كله
ساره :اسكتي لاتسمعك دلال تذبحك
داليا ذايبه:والله خساره فيه هالدلال وش جابها لحلاته
(رعد كان وسيم بكل ماتعنيه الكلمه أحلى شباب العايله ابيضاني وطويل عيونه كبار عسليه ناعسه فيهاسحر رباني وشعره أسود وكثيف مقصص بطريقه حلوه نازل على جبينه
أنفه طويل وحاد له سكسوكه سودا خفييفه منفصله مو متصله مع الشنب يعني ملكيه نحيف بس جسمه روعه كان لابس بنطلون جينز أزرق وبلوزه نص كم سودا ورافع نظاره‎ ‎أرماني سودا ع شعره )
دلال واقفه مع رنا:ياويلي أخوك حليان يذبح
رنا ابتسمت بخبث:ترى بعلمه
دلال تبيها من الله:عادي

دانه تحاكي ا لبنات:ياعليه جسم وكشخه خبال
ساره:بسكم عاد ذبحتوا الولد قز
داليا:والله ماحد قاله يصير وسيم كذا
رعد همس في إذن ريم بشئ وابتسمت:أوكيه تعال
سوت له طريق وصعد فوق يبغى ياخذ شور ويبدل ملابسه
*****************
صعد فوق وسمع صوت ناعم ورقيق جاي من الصاله استغرب ودخل للصاله تجمد مكانه من الحوريه اللي قدامه
جسم رشيق وناعم بفستان أحمر بذهبي قصير لتحت الركبه وشعر كستنائي كيرلي لامع للكتف مثبته فيه ورده حمرا بنعومه تمشي في الصاله برشاقه ونعومه ودلع باستقامه وأناقه ولا عارضة أزياء تحكي في الجوال بصوتها الناعم والرقيق:أوكيه أحاكيكي بكره إن شاء الله أنا مشغوله اللحين ،،،،سلمي ع الوالده باي
فصلت الشاحن وأخذته لفت واشهقت لماشافت رعد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 09-05-2010, 11:01 PM
صورة jo0ore الرمزية
jo0ore jo0ore غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


بلييييييز كملي البارت بليييييز بلييييييز
روووووووووووووووووووووووعهههههههههههههه
يعطيييييك اف عافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 09-05-2010, 11:44 PM
صورة جنان حبك الرمزية
جنان حبك جنان حبك غير متصل
××غّرّورّ القّلّبّ××
 
الافتراضي رد: رواية جرحني و صار معشوقي / بقلمي


رووووعه رووعه متى بتنزللين البارت الجااي صدق صدق متحمسسسسسسسة .. اكرههههههج ياادلال ورنا :$بس دامنج كاتبتها انتي .. حلوووو ة مررة :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 10-05-2010, 12:16 AM
صورة ميرديانا الرمزية
ميرديانا ميرديانا غير متصل
©؛°¨غرامي فعال ¨°؛©
 
الافتراضي رد: رواية جرحني و صار معشوقي / بقلمي


بلليز كملي الروايه بجد روعه بانتظارك بالبارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 10-05-2010, 02:04 PM
صورة • Ņṩєэṫ aήśảқ « الرمزية
• Ņṩєэṫ aήśảқ « • Ņṩєэṫ aήśảқ « غير متصل
©؛°¨غرامي مجتهد¨°؛©
 
الافتراضي رد: رواية جرحني و صار معشوقي / بقلمي


مشكوـوـوـرهـ ..
ـآلبآرت مرهـ روـوـوعــ’ــــــه ..
يعطيك ـآلعآفيـــ’ـــه يآرب ..
بآنتظــ’ـــــآرك ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 10-05-2010, 02:35 PM
صورة الريـــــف الرمزية
الريـــــف الريـــــف غير متصل
©؛°¨غرامي جديد¨°؛©
 
الافتراضي رد: رواية جرحني و صار معشوقي / بقلمي


كمليها باسرع ووووقت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 10-05-2010, 02:54 PM
صورة ڪْـيان طفلــﮧ الرمزية
ڪْـيان طفلــﮧ ڪْـيان طفلــﮧ غير متصل
©؛°¨غرامي جديد¨°؛©
 
الافتراضي رد: رواية جرحني و صار معشوقي / بقلمي


وااااو بارت مره روعه
بس من جد حسيت بكره ناحية رنا ودلال
واتوقع ان رعد بيحب لميس ودلال تعرف وتخرب بينهم
يعطيكي العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 10-05-2010, 03:59 PM
صورة **رسمتك"حلم** الرمزية
**رسمتك"حلم** **رسمتك"حلم** غير متصل
©؛°¨غرامي مشارك¨°؛©
 
الافتراضي رد: رواية جرحني و صار معشوقي / بقلمي


صعد فوق وسمع صوت ناعم ورقيق جاي من الصاله استغرب ودخل للصاله تجمد مكانه من الحوريه اللي قدامه
جسم رشيق وناعم بفستان أحمر بذهبي قصير لتحت الركبه وشعر كستنائي كيرلي لامع للكتف مثبته فيه ورده حمرا بنعومه تمشي في الصاله برشاقه ونعومه ودلع باستقامه وأناقه ولا عارضة أزياء تحكي في الجوال بصوتها الناعم والرقيق:أوكيه أحاكيكي بكره إن شاء الله أنا مشغوله اللحين ،،،،سلمي ع الوالده باي
فصلت الشاحن وأخذته لفت واشهقت لماشافت رعد
رعد فتح فمه بذهول لما شاف وجهها الملائكي
انتبه ع نفسه لما ركضت لميس للغرفه
رعد "اهذي بشر وإلا ملاك "

طلعت لميس لما سمعت صوت باب يتسكر وطيران لتحت كان وجهها أحمر من الإحراج
ريم :وينك إنتي
لميس مرتبكه:ها(رفعت الشاحن بايدها)رحت أجيب هذا
أم أمل تبغاه
رنا طلعت من الصاله:ريم وين رعد
ريم:صعد فوق ياخذ شور
لميس بلمت"يعني اللي شفته فوق رعد )
أمل جت تمشي:لموس جبتي الشاحن
أخذته من لميس وأعطته أمها

رجعوا للصاله وجلسوا مع البنات
سميه تحاكي لميس تبغى تقهر رنا اللي ذبحتهم وهي تمدح رعد وتدلع في كأنه زوجها موخطيبها:لميس شفتي رعد
لميس ارتبكت بس مابينت:لا
سديم:لو تشوفينه تخقين
دلال تناظر لميس نظرات قويه بغيره:وليش تشوفه لاهو زوجها ولا خطيبها
ريم :ولد عمها ولا عندك إعتراض
دخلت أم رعد :ريم
ريم:هلا
أم رعد:روحي جيبي من البخور اللي في غرفتي
(أم رعد ماتترك الخدم يدخلون غرفتها وإذا بغت شئ تطلب بناتها)
ريم قامت:أوكيه
لفت ع لميس بتقهر دلال لأنهاتعرف إن رعد فوق:لموس تعالي معاي
دلال بقهر:وليش تروح إنتي ناسيه إن رعد فوق
ريم ماردت عليها وطلعت مع لميس
دلال انقهرت تحكي مع رنا:شوفي أختك تاخذ لميس معاها ورعد فوق
رنا:عادي أصلا لميس ماتتغطى إنتي ناسيه إنهاجايه من بريطانيا ولاتعرف الغطى
دلال انقهرت وجلست ع أعصابها

عند الدرج لميس مارضت تصعد فوق :لا ماأبغى
ريم:ليه
لميس :لا مالي خلق مشاكل مع دلال روحي إنتي

راحت ريم ولميس دخلت للمطبخ كانت أول مره دخلت انبهرت بشكله كبير وواسع ومليان خدم فتحت الثلاجه وطلعت جيك المويه وصبت لها بكاس ،،دخلت منيره بنت خالة ريم وأخت عمر زوج رغد:لميس وش تسوين
لميس ابعدت الكاسه عن فمها:أشرب مويه
منيره ابتسمت:كان خليتي وحده من الخدامات تجيب لك
لميس ابتسمت :لا عادي
منيره حكت الخدامات وطلعت
لميس خافت تقول لأم رعد وتهزئها "أففففف طيب أنا طفشانه أبغى أتمشى "

طلعت لميس وشافت ريم نازله
لميس:جبتيه
ريم:أيوه
عطته الخدامه تعطيه أمها
ريم قربت إيدها لأنف لميس :شمي الريحه
لميس:إممم حلوه
ريم تشم إيدها:مره حلو مارح أغسل يدي عاجبتني ريحته
طلعت عليهم أمل:إنتو هنا
ريم باستهبال:لا هناك
أمل:بايخه
لميس:ههههههه
أمل ضحكت:هههههههه فاتكم شكل دلال لماطلعتوا مقهو و و و ره
ريم بقرف:أحسن شايفه نفسها ع إيش مادري تفكر أخوي ميت عليها
استغربت لميس:ليه رعد مايبغاها
ريم بلا مبالاه:أتوقع خلينا منها وامشوا ندخل
دخل فهد يركض:ريم
ريم:أيوه
فهد:وين رعد الرجال ينتظرونه
أمل تستهبل:ليه معرس هههههه
فهد عفس وجهه:ماتضحكين
مدت أمل لسانهابشكل طفولي وفهد عفس وجهه بقرف
ريم ضحكت لماشافت شكل فهد:هههههه بس عاد ياأمل كنك بزر ياحبك لمعانده
أمل مسكت خدود فهد:لأني أحبه هههههه
فهد أبعد إيدها عنه:وأنا ماأحبك
وراح يركض
لميس :هههههههه
أمل:وجع أخوك ماينحب
ريم:مو توك تقولي أحبه
أمل لفت تمشي للصاله:غيرت رأيي
دخلت للصاله ووراها لميس وريم
ريم دق جوالها:هلا
رعد:سوي لي طريق بنزل
ريم :أوكيه
طلعت ومالقت أحد ودقت عليه نزل رعد لابس ثوب أبيض وغتره بيضاء وجزمات سود وريحة عطره القويه تسبقه
ريم تصفر:يا ا ا ا ا ا ا اعذا ا ا اب
رعد ضحك ويداعب أنفها باصبعه:هههههه مو أحلى منك
ريم حطت إيديها ع خدودها:يو و و و و ه ترى أستحي
ضحك وطلع للرجال
******************

عند الرجــــال:
دخل رعد بهيبته وشخصيته اللي تفرض ع الكل احترامه للمجلس
وجلس جنب أبوه اللي رافع راسه بولده قدام الكل
رائد يهمس لرعد:كيفك وكيف جين
رعد ابتسم:تسلم عليك
رائد فتح عيونه:صدق
رعد:مادري عنك
رائد:هههههههه يعني بتفهمني إنك ماشبكت مع ولاوحده من الشقر
رعد :لا أنارايح ادرس ولا أشبك معاهم
رائد:هههههههه ياعيني ع الثقل
رعد:قل لا إله إلا الله مو مثلك ماخليت بنت في السعوديه إلا وشبكت معاها
ماجد دخل عرض:طحت عليكم وش تحشون فيه
رعد ضحك:للحين إنت مدفوش
ماجد:وإلى الأبد بس أعجبك
رائديستهبل:نحش في جين الأمريكيه
ماجد :لا صدق
رعد:هههههههه قصده جون
ماجد:هههههههه
*****************
خلصت الحفله والكل طلع بيته مابقى إلا أم عبدالله وبناتها وأم ماجد وبناتها
سميه دخلت :يمه ماجد يقول يالله
أم ماجد قامت:يالله أجل مع السلامه ياأم رعد والحمد لله ع سلامة رعد
طلعوا ودخل رعد عليهم:السلام عليكم
الكل:وعليكم السلام
رعد:خالتي ترى عبد الله برى ينتظركم

طلع وراح بيصعد الدرج سمع صوت ريم:رعــــد
لف وشاف ريم جايه له:بتنام
رعد:أيوه أحس إني تعبان وبريح
ولما لف للدرج شاف لميس تنزل لميس لماشافته صبغ وجهها اللون الأحمر وكانت بترجع بس لماشافها مافيه مجال ونزلت منزله عيونها للأرض
ريم:تعالي لميس سلمي ع رعد
رعد يطالعها تنزل من الدرج
بكل رشاقه ونعومه بقامتها الطويله "هذي لميس هذي قمر مو بشر معقوله في نعومه وجمال كذا"
وقفت لميس جنب ريم بخجل:الحمد لله ع السلامه
رعد خق ع صوتها الناعم والدلوع ماقدر يشيل عينه عنها:الله يسلمك كيفك
لميس:تمام
دخلت دلال :رعــــد
لف رعد وطالعها وعرفها بس تضايق من لبسها الفاصخ
دلال بدلع مايلبق:الحمد لله ع السلامه كيفك
رعد :الله يسلمك
استأذن وطلع فوق
لفت ريم ع دلال باحتقار:إنتي لما تطلعي ع رعد لاتطلعي فاصخه كذا سامعه لأن رعد مايحب هالحركات
سحبت لميس معاها وصعدوا فوق ودلال انقهرت وانقهرت أكثر لما لاحظت رعد يسترق النظر للميس كرهتها بقو و و ه
***************
في اليوم الثاني صحت لميس وأخذت شور ولبست ونزلت تحت
لقت الكل موجود باستثناء رعد وأبو رعد
جلست ع طاولة الطعام وتحاول تتجنب رنا
ريم:وين رعد
عادل:نايم
بعد الغداء جلسوا في الصاله
دخلت عليهم رغد:السلا ا ام
الكل:وعليكم السلام
ريم:غريبه وش عندك جايه الظهر
رغد جلست:عمر بالعمل وقلت اجي عندكم
فيصل:وش أخباركم بعد الحفله
ريم:حلوين
فيصل:ياشينك إذا تميلحتي
ريم ترمش بعيونهاوتضحك
فيصل رفع الشوكه:ترى بالشوكه ع عيونك
ريم:ههههههههاي انقهر
رغد:بس عاد إنتودائما كذا
لميس:هههههه وأكثر بعد
فيصل يحاكي لميس:هي اللي تبدى صح
لميس بعناد :لا إنت
فيصل:مالت عليك وأنا أقول لميس مع الحق
ريم:ههههههه ياويلي
عادل:قسم بالله بزارين
ريم:لا يالكبير ههههه
لميس تطالع ريم مستغربه من هبالها ع الظهر:ريم إيش ماكله إنتي عندك جرعات نشاط زايده
عادل بتريقه:أكيد مو حبيب القلب موجود
الكل:هههههههههه

في غرفة ريم
ريم منسدحه ع السرير وماسكه بطنها:يو و و و ه شكلي كثرت أكل
لميس جالسه ع كرسي التسريحه تربط شعرها:إلا من الضحك
ريم غمضت عيونها:شكلي بناام
دقت لميس ع هند وسولفت معاها
لميس:هندوده وش رايك تجين عندنا
هند بتردد:أخاف أضايق اهلك
لميس:لا ماعليك تعالي المغرب
هند:خلاص أحكي مع بدر يوصلني عندك
لميس بفرحه:أوكيه سي يو
هند:باي
سكرت من هند ولفت ع ريم:ريم هند راح تزورنا المغرب
ريم فتحت عيونها:والله
لميس:أيوه عادي
ريم جلست:أكيد هذابيتك (وبحماس)متشوقه أشوفها من كثر ماتحكي عنها
****************
المغرب نزلوا لميس وريم بعد ماجهزوا وقابلتهم رنا تصعد الدرج طالعت لميس من طرف أنفها:ع وين
ريم ماعجبتها طريقة رنا مع لميس:بتزورنا صاحبت لميس
رنا باحتقار:وصرتي تعزمي في بيتنا ع كيفك كمان
ريم :بيت عمها وبيتها
رنا باستخفاف:متى ماشاءالله صار بيتها وإلابعد تخطط تستولي ع كل شئ من جد وقاحه قاعده ع قلوبنا وبتجيب صاحباتها كمان
رمت كلامها وراحت لميس انجرحت من حكيها واندمت إنها أخذت راحتها في البيت واحساسها إنها صارت من أهل البيت وانتمت لهم
ريم نزلت:ماعليك من حكيها تعالي
راحت لميس معاها وهي تحس إن ريم متعاطفه معاها
"أنا عارفه إني جالسه عندهم وهم مايبغوني بس هم أهلي "حاولت تنسى حكي رنا وتنبسط لأن صاحبتها بتجي وتشوفها

وصلت هند ولمادخلت حضنتها لميس:i i i i miss so much
وبكوا مشتاقين لبعض كثير
ريم:إحم إحم
لميس بعدت عن ريم تمسح دموعها وابتسمت:هذي بنت عمي ريم
سلمت هند ع ريم وجلسوا في الحديقه
هند تطالع لميس بتمعن:يادبه محلوه وش عندك
ضحكت لميس:هههههه النفسيه لهادور
سمعوا صوت خطوات جايه من المدخل وتغطت هند إحتياط
طلع عادل وشافهم وراح لهم شاق الإبتسامه:هــــا ا ا اي
ريم بغيض:وش جايبك
عادل:بسم الله،،،بسلم ع الحلوين
لميس ابتسمت:الله يسلمك
عادل:إحم إحم عرفونا ع الحلوه اللي معاكم
ريم عصبت:وأنت وش عليك
عادل :وجع أكلتيني
لميس:ههههه هذي my best friend ‎‏ هند
عادل ابتسم:هلا هنوده كيفك
ريم بتريقه:لا عطها الرقم أحسن
عادل :بسم الله علي سكنهم مساكنهم
ريم عصبت وعادل حط رجله وطلع
هند إكشفت:هههههه شكل أخوك خفيف دم
ريم:إلا مايستحي

رنا:هــــا ا اي
لميس لماشافتهاواقفه بغرور ورافعه أنفها خافت ترمي ع هند من حكيها الزفت
جلست وحطت رجل ع رجل
وبغرور:ماعرفتونا
لميس:صاحبتي هند
رنا عفست وجهها:هند يا ا اي إسمك موحلو قديم
انحرجت لميس من تصرفها كانت عارفه إنهاجايه علشان تحرجها مع هند وتستهزئ فيها
هند ماعجبها غرور رنا وقالت بغرور:والله عاجبني وهذا المهم
رنا تطالعها باحتقار:شكلك مثل لميس بيئه
لميس ماقدرت تستحمل حكيها:لو و و و سمحتي رنا عن الغلط
قامت بغرور وتأشر باحتقار:أف أناكيف نزلت نفسي وجلست مع ناس مثلكم أنا مستواي أرقى من أشكالكم
ودخلت داخل بكبر
ريم مفتشله من رنا:سوري هند
هند حست بريم وقالت بلا مبالاه:لا عادي ماصار شئ
لميس صرفت الموضوع واندمجوا بالسوالف بعدها استأذنت هند تحت إلحاح لميس إنهاتجلس شوي بس ماقدرت وطلعت
*****************
الدنيا حولها ظلا ا ا ام تلفتت حولها بخوف تدور ع بصيص نور تخاف من الأماكن الظلمه شافت نور بعيد وركضت باتجاهه لمازاد النور عرفت إنها قربت تطلع من الظلام فجأه شافت المكان كله يحترق قدامها سمعت صرخات تعرفها صرخات رامي وأمها
ركضت باتجاه النار والنار تبعد عنهاركضت وركضت بكل قوتها تحاول توصل للنار وتنقذ أهلها شافت رامي ماد إيده يستنجدها صرخت بكل صوتها:را ا ا ا ا ا ا ا ا ا ا ا ا ا ا ا ا ا مــــي
ما ا ا ا ا ا ا ا ا ا ا اما ا ا ا ا ا ا ا ا ا
فجأه إختفوا داخل النار صرخت وصرخت تناديهم تركض :لا ا ا ا ا ا ا ا ا ا ا ا را ا ا ا امــــي لاا اتتر ر ركني ما ا ا ا ا ا ما ا ا ا ا ا
شهقت مرعوبه وتطالع الغرفه وترتجف وتردد داخلها"حلــــم حلــــم"
غطت وجهها تبكي وترتجف حاسه بخوف مخنو و وقه
طالعت بريم نايمه جنبها قامت من السرير وطلعت برى الغرفه
نزلت تحت حفيانه تمشي ع الرخام البارد ومو حاسه ببرودته من الحراره إلي تحسها داخلها
دخلت للمطبخ وكان فاضي خالي من الخدم فتحت النور ومشت للثلاجه فتحتها وطالعت المويه وصبت لها
مع أنه فيه فوق كاونتر كبير بس من الخوف والرهبه ماكانت قادره تفكر
*****************
رعد كان متمدد ع السرير والابتوب في حضنه حاول ينام ماقدر من فرق التوقيت طفش وسكر الاب وحطه جنبه طالع في غرفته الواسعه والفخمه بملل قام من سريره وطلع من غرفته لغرفة فيصل يمكن يلاقيه صاحي ويجلس معاه يوسع صدره فتح الباب وكانت الغرفه ظلا ا ام وبا ارده شاف فيصل غرقان في النوم إبتسم لما شاف وضعيته في النوم رجل شرق ورجل غرب وإيده طايحه برى السرير واللحاف نصه برى السرير والنص الثاني متجمع تحت رجله نفس الوضعيه ماتغيرت إبتسم وقرب منه وغطاه كويس
وطلع مامر ع عادل لأنه أكيد نايم نزل لتحت واستغرب لماشاف نور المطبخ "معقوله في أحد من الخدم صاحي لهالوقت"دخل ووقف مكانه وهو يطالعها تشرب مويه وشكلهاسرحانه مانتبهة له تأمل شكلهابالبيجامه الورديه ووسط بلوزتها دبدوب سماوي وبنطلون البيجامه طويل وفي من فوق خيط مثبت البنطلون شعرها الكستنائي الامع مفتوح ع أكتافها ولابسه طوق وردي
خق ع شكلها كأنهاطفله بالوردي اللي عليها
لميس لماشربت المويه انتبة برعد واقف عالباب شهقت وطاح الكاس منهاوتكسر ع الأرض
رعد لماشاف عيونها الزرقا المفتوحه برعب بردت أطرافه و
عيونه مثبته ع عيونها"أويلا ا اه ع هالعيون الذباحه"
رعد ابتسم وهمس:سوري فزعتك
لميس تلعثمت مرتبكه ماتوقعت تشوفه هالوقت :i ‎.i‏ أنا
ماقدرت تتكلم وطالعت في حطام الكاس تحتها ماتدري وش تسوي
رعد ابتسم وهويطالعها شكلها المرتبك والخايف ورجولها الناعمه حفيانه:ابعدي عن الزجاج لا يأذيكي
بعدت عن الزجاج ورفعت عيونها تطالعه كان لابس بيجامه سودا وشعره مبهذل واضح إنه لاعب فيه
رعد مشى للطاوله وسحب كرسي وجلس فيه رفع عيونه وتأمل بشرتها البيضاء الصافيه وخدودها الناعمه وفيها حمره خفيفه عيونها الواسعه الزرقا بلون البحر فمها حبة الكرز وأنفها الحاد والناعم جميله شويه عليها إرتبك:ليه صاحيه
هالوقت
لميس بلعت ريقهاتحس شكلهاغلط واقفه قدامه في البيجامه وعيونه تتأملها حمرت خدودها وقالت بصوت خجول فيه بحه من البكى:بغيت أشرب مويه
رعد همس وهو يتأملها:كنتي تبكين
لميس انصدمت كيف عرف إنهاتبكي وصوته الهامس أربكها
:آا... لا
رعد ابتسم واضح إنهاكانت تبكي أنفها وردي وعيونها واضح فيها أثر دموع وصوتهامبحوح
لميس قالت تبغى تبعد نظراته عنها:وإنت ليه صاحي
رعد ابتسم :فارق التوقيت
لميس تبغى تطلع من هالمكان تحس بخنقه وحراره في المكان مشت وطلعت من المطبخ ساكته
ورعد يراقبها بعيونه لين طلعت ابتسم من قلب وطالع حطام الكاس وضحك لماتذكر شكلهاالبرئ والخايف كانت جذا ا ابه
قام وطلع من المطبخ مبتسم
**************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 10-05-2010, 05:00 PM
صورة ڪْـيان طفلــﮧ الرمزية
ڪْـيان طفلــﮧ ڪْـيان طفلــﮧ غير متصل
©؛°¨غرامي جديد¨°؛©
 
الافتراضي رد: رواية جرحني و صار معشوقي / بقلمي


رسمتك حلم
صراحه انتي ابدعتي بطرحك الي جذبني لمتابعت الروايه
واتمنى من كل قلبي انك تحافظين على مستواكي
وانك ماتتخارين في طرح البارتات
تمنياتي لك بالتوفيق والى الامام
...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 10-05-2010, 05:12 PM
صورة ميرديانا الرمزية
ميرديانا ميرديانا غير متصل
©؛°¨غرامي فعال ¨°؛©
 
الافتراضي رد: رواية جرحني و صار معشوقي / بقلمي


قمه بالروعه والجنان بانتظارك بالبارت الجاي

الرد باقتباس
إضافة رد
الإشارات المرجعية

رواية جرحني و صار معشوقي / بقلمي، كاملة

الوسوم
الرواية , الرواية جدآ رآئعة , رواية جرحني , رواية خقاق , رواية روعة , صار معشوقي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 04:44 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1