غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-05-2010, 02:24 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رواية حلاة الحب / بقلمي


السلام عليييكم

بسم الله الرحمن الرحيم

احببت بأن اشاركم روايتي الاولى بعد عناء طويل و الحمدالله تم انزالها

ان شالله تعجبكم




حلآة الحبـ

الكآتبة :الأسيره




الجد حمد "ابو محمد" أسس شركة كبيرة الحين يديرونها عياله واحفاده .. زوجته اسمها اليازي "أم محمد"عنده 3اولاد وبنت علمهم على الصبر و الاعتماد على النفس كبروا و جابوا عيال وصاروا اجداد:
__________________________________________________ ___________________
1-محمد"بوماجد" متزوج سلوى"أم ماجد" من30سنة عندهم:
_ماجد:30سنة .. >عاقل وثقيل وحبيب امه ويشتغل في الشركة<...متزوج لطيفه:27سنةعندهم: ريان:4سنين،ريناد:3سنين
_زياد:26سنة...>مثقف وشوي ثقيل دم يشتغل مهندس ديكور< ...متزوج رغد:24سنة..عندهم:يوسف:7شهور
_زينة:25سنة..>تحب الحياة وفرفوشة عندها دار للأيتام<....متزوجةاخو رغد حمد:30سنة..عندهم:حنين:6سنين،علي:سنة و4شهور
_روان:18سنة..>حبوبة <



2-مريم"أم عبدالله" متزوجة سلمان"ابو عبدالله" من32سنة عندهم:
_ريم:28سنة..>فررري وستايل<..متزوجة سعيد:29سنةعندهم:نورا:8سنين
_عبدالله:25سنة..>حساس ويحب يثبت نفسه يشتغل في الشركة<
_ليال:22سنة..>مزيونة وتحب الشعر تدرس تصميم<
_سيما:19سنة..>مرحة وجريئة وتدرس طب بيطري<
-خليفة:17سنة..>طيب بس ملقوف<
-دانة:14سنة...>طويلة لسان<
_ماريا:7سنين..>دلوعة البيت


3-جاسم"بو خالد"متزوج عايشة"ام خالد" من27سنة عندهم:
_خالد:25سنة..>حنون وعصبي ومتهور<
_بيان:15سنة..>تحب الرسم وايد<
_نواف:3سنين..>ذكي ويجنن<
__________________________________________________ ___________________4-وليد"بو بندر"متزوج ميس"ام بندر"من24سنة عندهم:
_بدور:23سنة..>مغرورة<..مطلقة عندها:راكان:سنتين
_بندر:20سنة..>يحب الهبال والضحك<
_هنادي:17سنة..>اجتماعية وعلى نياتها<


الجد ابو محمد عنده اخو متوفي اسمه عيسى وحتى زوجته متوفية عنده ولدين وبنت:
1-علي "ابوحمد" متزوج فاطمة ام حمد" >ابو حمد كثير قريب من عمه و يعزه مثل ولده واكثر< متزوج لولوه من30سنة عندهم:
-حمد:30سنة (زوج زينة بنت بوماجد) .....>حنون وطيب مع خواته<
-فهد:28سنة ..>ودود ويستهبل كثيير<..متزوج مشاعل: 27سنة من 6سنين والله ما رزقهم بعيال
-سعد:27سنة..>ظريف وينحب بسرعة بس يكره الزواج<
-رغد:24سنة ( زوجة زياد اخو زينة)..>صريحة واللي في قلبها على لسانها<
-شهد:18سنة...>خجولة ورومانسية<


2-عيسى "بوجراح" ساكن في السعودية زوجته متوفيةمن 10سنين عنده:
-جراح:23سنة
-فواز:19سنة
فوز:11سنة

3- فاطمة:26سنة.(امها يابتها بعد 18سنة من ولادة عيسى بعملية قيصرية لأن امها كانت كبيرة في السن وتوفت بعد ولادتها على طول وبعد 5سنين مات ابوها وعاشت عند اخوها علي وزوجته)..>حليوة وشباب وقريبة من بنات علي<..متزوجة مساعد:27سنة عندهم: عبد العزيز: 5 سنين، بدر: 5 شهور..
__________________________________________________ __


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-05-2010, 02:27 PM
صورة حنطاويه عسل الرمزية
حنطاويه عسل حنطاويه عسل غير متصل
©؛°¨غرامي مشارك¨°؛©
 
الافتراضي رد: روآيــة حــــــ~ـــلاة الحب :بقلمـــــــي


بنتظاااااااااااااااارج ياالغــلا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-05-2010, 02:53 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رد: روآيــة حــــــ~ـــلاة الحب :بقلمـــــــي




البــــــــــــــــــــــآرت الأول:


((~ابيك وماأبي غيرك واحبك فوق تصويرك

مدام انت الهوى والماي

كيف اعيش من غيرك ~ ))


في المدرسة ...شهد كانت خايفة ومتوترة من الامتحان ....

.شهد بتوتر:خايفة يكون صعب...
البندري ببرود:لا تخافين ذي وانتي شاطرة تقولين جذي عيل شلون احنه....
دانة:ههههههه اي والله انتي من امس مارفعتي عينج عن الكتاب...شهد:لا تنسون احنه آخر سنة لازم نتعب عشان النتيجة ولا شرايج ملوك؟...ملاك :ها...شنو؟...جود:شفيج سرحانة؟...ملاك بندم:مادرست عدل...شهد شهقت:ليش؟...البندري:عااادي حسبالي عندج سالفة ...جود:انا درست بس بعد احاتي..البندري:شباب خلكم ريلاكس..شهد:ههههه اوكيه بنكون ريلاكس مثل ما تقولين.
بيت بوحمد...أم حمد رايحة ياية...مشاعل:يمه شفيج تحاتين ذي الا امتحان عيل شلون اذا بتطلع النتيجة شبتسوين..أم حمد:يا بنتي ذي اصعب امتحان عندها..مشاعل:لا تخافين شهودشاطرة ..تعالي نروح حق امي نتتظرنا.


في قاعة الامتحان..شهد خلصت الامتحان ما عدا سؤال واحد...شهد للبندري اللي جدامها:خلصتي؟...البندري:افا عليج اول وحدة خلصت...سهـــــــل...شهد:شيلي راسج باشوف الورقة..شهد:مالت عليج يا ام سهل ولا شي صح..وعلمتها كل شي...شهد بسرعة اشرت لآمنة اذكى بنت بالصف..وعطتها الجواب...خلص الامتحان طلعوا الشلة من القاعة..شهد بابتسامة:سهل..البندري:الا اسهل منه مافيه ..شهد:انه زين اللي لحقت عليج ولا جان انتي راسبة بالمادة...دانة :ليش ماحلت شي صح؟....شهد:ليش اهو بس شي مو صح الا الاجوبة كلها غلط البندري:عااادي..شهد:يله خلنا نروح
__________________________________________________ __________

بيت حمد... ( ابو حمد عنده حوش كبير ورا البيت... و لما تزوج حمد سواله فيه بيت و قال مرة وحدة سوا شقق حق فهد و سعد ... لين ما يبنون لهم بيوت بروحهم) ... زينة في المطبخ كانت تحضر الغدا..و كانت تغني... فجأة لقت أحد ماسكها من خصرها صرررخت... حمد: اشششششش سويتيلي فضيحة... زينة: ليش ياي ما عندك دوام؟... حمد: افااا يعني ما تبيني .. و كان بيضمها ... انفتح الباب دخلوا حنين و علاوي... حنين: يله يوعانة.... حمد : يوا المخربين... زينة ضحكت و راحت تحط الغدا....

بيت بو ماجد....

ردت ليال من الشركة....دخلت بتعب وانسدحت على الكنبة بعبايتها.... أم عبدالله طلعت من المطبخ: يمه ليال روحي بدلي ثيابج و بعدين نزلي... ليال صعدت بتكاسل : اوكييه.... دخل عبدالله و اهو يدندن اغنية يا قلب: يا قلب و ين تروح عني معاهم ... يا قلب مالك في المجفييين مربوح تعلن على العصيان و تتبع خطاهم ما كنهم قبل امس خلوك مذبوح... اوووب مافي احد في الصالة .... راح المطبخ.... عبدالله و اهو يفسخ نظارته :السلام ....أم عبدالله : وعليكم السلام.... شفيك شكلك تعبان ؟؟...عبدالله و اهو يمسح جبينه من العرق: حرررررررررررر.... يمه ... تسبحت عرق.... ام عبدالله روح اخذ لك شاور .... عبدالله ضحك: يمه شنو قلتي؟... ام عبدالله على نياتها: خذ لك شاور.... عبدالله: ههههاي .... ام عبدالله: في شي يضحك.؟... عبدالله: لا و لاشي... راح خذ جيك ماي بارد و صبه على راسه.... ام عبدالله بعصبية: حسبي الله عليك انا ما قلت تسبح في المطبخ... الارضية كلها ماي... اطلع يله اطلع... عبدالله طلع و هو يضحك .... دخلوا بو عبدالله و ماريا اللي يات من المدرسة... بو عبدالله: السلام عليكم... عبدالله: و عليكم السلام... بو عبدالله راح غرفته... عبدالله : وين دانوه؟... ماريا و اهي مالها خلق: ويا هنادي... عبدالله: شفيج تكلميني جذي؟... ماريا: اووووه عبود انت واييد تسأل.<<<< ترفع الضغط<<<.... عبدالله رفع حواجبه باستنكار: حتى اليهال صاروا يردون..


بعد اسبوع......


بيت بو حمد..الثامنة صباحاً..غرفة شهد..

ام حمد: قومي يالخبلة شوفي النتيجة..شهد و اهي شبه واعية:لاحقين لاحقين ما بتطير...أم حمد: شفتي نتيجة السهر .. قوووومي يله يا يمه... سعد دخل الغرفة: صباح الخير يمه..باس راسها..ام حمد: صباح النور يالغالي.. شوف اختك ما تبي تقوم حق النتيجة ...سعد: والله يمه انتي وايد تحاتين بس باراويج فيها... أم حمد: تعامل معاها بروح أجهز الريوق.... راح سعد وتقرب من أذن شهد و صرخ:قووووووووووووووووووووومي ....شهد فزت و ركبت فوق السرير واهي تصارخ...سعد:ههههههههههههههههه صج هبلة...شهد بخوف: يا حمار قلبي طاح في بطني...سعد: شيليه و رديه مكانه...شهد بسخرية: هاهاهاها بايخة...سعد حذف عليها المخدة: مثل ويهج...شهد تحك راسها: قول شعندك خلصني خربت علي نومتي... سعد ببرود: اليوم نتيجتج...شهد:لاااااااااااااااااااااااااا... و ركضت الحمام.. سعد نزل تحت و اهو يصارخ: دقيقتين و بامشي ...بعد دقيقتين بالضبط.... شهد تراكض ع الدري و اهي تصكر عبايتها: يييييييت ... سعد ياكل: صبري باخلص اكلي.... شهد بضيج: يله بسرعة... و يات أم حمد: قعدي تريقي... شهد باست راس امها: لا ما شتهي قبل ما اتطمن... أم حمد : الله يوفقج يا يمه...سعد نط لهم: و انا ولد البطة السودا مالي دعوة...
أم حمد: هههههه كلكم عيالي.. الله يهديك و ترضى تتزوج... شهد: و انا بعد ابي أتزوج...أم حمد عطتها طراق ع راسها: صج قوية عين ما تستحين شرايج بعد نخطبلج...سعد يضحك عليها:ككككككككككك حصلوا طراق...شهد مبوزة: ما يسوى علي تكلمت...سعد : يله قومي السيارة ... في السيارة.... سعد: ليش ما تشوفين النتيجة في النت... شهد: عشان اشوف ربعي مرة وحدة... سعد يطالع الطريج: اهاااا رايحة عشان تشوف الربع..




في المدرسة... الشلة تجمعوا و راحوا يشوفون النتيجة... وطالعوانتايجهم: شهد:93.2.. دانة: 87.25..البندري: 90.. جود:95.8.. .. و قعدوا يسلمون على ربعهم .... شهد شهقت: نسيت سعد ينتظرني عند الباب ... البندري: خليه ينقع... دانة: ويييييي حتى انا راشد ينتظرني....شهد و دانة طلعوا عشان ما يذبحونهم اخوانهم... شافوا سعد و راشد يسولفون... التفتوا صوبهم...سعد معصب: ليش ماتأخرتوا بعد ..... شهد: بعد قعدنا نسلم على البنات... سعد رافع حواجبه: ساعة الا ربع تسلمون... راشد كان يطالع دانة بنظرات نارية... راشد: يله ركبي خلصيني وراي دوام.. و كل واحد ركب سيارته... في سيارة سعد... سعد: ها شهووود بشري ... شهد مبوزة: 92.... سعد بوناسة: مبروووووك لج مني هدية وحفلة.... شهد بفرح: ياااااااااااااااااي مشكور يا أحلى أخ ... و باسته على خده.... شهد: عطني تلفونك شوي....عطاها اياه.. شهد ضحكت... سعد: شفيج؟... شهد: امي متصلة 18 مرة.... سعد: ههههههه تحاتي و انا كنت ناسيه عالسايلنت... شهد اتصلت بأم حمد اللي شالته من أول رنة...شهد: يمه باركيلي.... ايه ..... يبت 92... ابييي هدية... سعد كان حاطه سايلنت...ههههههههه... يله باي... و سكرت...شهد: يحليلها امي.....و صلوا البيت نزلها عند الباب و راح... شهد ضربت الجرس.. و فتحوا لها الباب... في الحوش يلعبون عيال حمد... دخلت الصالة ... وابتدت أم حمد بالزغاريط و لمتها .... وكانوا هناك رغد و مشاعل... باركوا لها.... شهد: سوري بس حدي تعبانة....أم حمد: روحي ارتاحي فدييتج بعدين بنتغدى في البيت العود... .... يوسف مد يده لها و شالته... ما تقدر تتجاهله.. وركبت فوق.. خلته يحوس في الحجرة واهي راحت في سابع نوووومة...و كل شوي يجي يكفخها و يسحب شعرها ...
__________________________________________________ ____
... الساعة 11 الظهر .... صحت شهد على صوت علاوي: يله بنلوح ( بنروح) .... شهد: اففففف اليوم ولا تهنيت في نومتي... راحت تجهزت لبست بلوزة فوشية كم طويل و جينز اسود وتنورة قصيرة سودا... و قعدت تعدل شعرها خلته ويفي مع كرستالة صغيرة على جنب... خذت العباية والشيلة.. و نزلت... راحت المطبخ... كانت أم حمد تحضر حلويات ... شهد: يمه متى بنروح... ام حمد التفتت لها: شهالكشخة ماشالله ... شهد:هههههه انزين يمه وين الباقي....ام حمد عطتها تقرير مفصل: ابوج من الصبح راح المزرعة و يا فهد ... و سعد في الشركة الحين ياي.. و زينة تلبس علاوي...و مشاعل راحت الحديقة تجيب ياسمين حق امي اليازي .... و رغد سبقونا ... شهد: انزين يله خلنا نروح... ام حمد: انزين يله الحين بنروح روحي لبسي العباية...شهد راحت تلبس العباية و الشيلة و تحط روج... دخل فهد.. بارك لها ... شهد: ابي هدية...فهد ياشر على عيونه: من عيوني...شهد لوت عليه: تسلملي عيونك يا أحلى أخ... فهد: وين شعولة؟... شهد تغمز له: اشتقت لها؟... فهد: اليوم كله ما شفتها...شهد: تكرف و يا امي في المطبخ..الا وين ابوي....فهد:راح يسوي ذبيحة حق نجاحج. .. انتوا ليش مارحتوا البيت الأبيض....شهد:هههههههه سميته البيت الابيض الحين بنروح شرايك انت توديني؟... فهد: افففففف حتى في السيارة ما افتك منج.. روحي انتظريني في السيارة.... شهد: اوكيه...و طلعت ........ فهد راح المطبخ... فهد: هلا يمه.. احنه الحين بنروح... وين مشاعل..؟. ام حمد: راحت بيتكم... فهد: اوكييه يمه تعالي ويانا... أم حمد: لا بنتظر ابوك .... فهد: اوكيك...و ركب فهد سيارته..و يت مشاعل و راحوا ....
--------------------------------------------------------------------------------------

بيت بو بندر... ام بندر تلبس راكان ملابسه...و بدور تعدل شعرها... بندر: يله يمه بنتأخر... أم راكان: يله مشينا شيل الولد و روحوا السيارة وانا الحين يايه... هنادي تلبس عبايتها: ابوي وين؟... أم بندر: في الشغل كالعادة...بدور: يمه انا ماني يايه ... أم بندر: ليش؟ يدتج بتسأل عنج... بدور:باروح حق رفيجتي يات من شهر العسل...أم بندر معصبة: انا مالي شغل كيييفج... يله هنادي...و راحوا... بدور: أصلاً هناك ملل و ازعااج...
.................................................. .................................................. ......


في بيت ام محمد.....شهد و مشاعل قاعدين و يا ام محمد... و بو محمد في المسيد و يا فهد... أم محمد: يمه شهد روحي هاتي البخور دخني الصالة...شهد: حاضرين...مشاعل: يدتي ليش ما تجووون كم يوم عندنا انتي ويدي؟... أم محمد:هههههه لا فديتج ما قدر اخلي بيتي .... مشاعل: عشان تغيرون جو...أم محمد: الا وين العيال بيسافرون هالصيف؟.......مشاعل: والله مادري يمكن تركيا... أم محمد : شلكم بها؟ انتوا كله رايحين البلاد الغرب..مشاعل: هههههههه يدتي بعد عشان نكتشف البلاد الثانية...يدتي انتي وين سافرتي؟.... ام محمد تتذكر: رحت قبرص مرتييين .... و رحت المغرب...و الخليج...و بس بعدين كله وياكم..ماليزيا و هاي شسمها... ايه لندن....و الله انتوا شلكم بهالدول... يابت شهد البخور... ام محمد: وايييد تاخرتي...هاتييه...الله وايييد حلوة الريحة هذا نوع يديد... انتي شنو حطيتي؟... شهد: شفت نوعين و خلطتهم...مشاعل: والله تعرفين تبتكرين...دخلوا أم عبدالله و ريم و ليال و دانة و سيماو ماريا ونورا...سلموا... ماريا قعدت في حضن ام محمد...ام عبدالله: ها يمه شخبارها ريلج؟...أم محمد: الحمدالله صارت أحسن... سيما: يدتي ماباركتيلي النجاح.... أم محمد: ويييييييييي فديتج تعالي عندي و الله للكل هدايا... شهد: متى بتوزعينهم؟... ام محمد: العصر انشالله.. انتي جم نسبتج؟... شهد: 92... أمح محمد: زيين ابيج جذي على طول... شهد: يدتي خلاص انا طلعت رايحة الجامعة... أم محمد بنص عين: ادررررري قصدي فالجامعة يمه منج توقفين ع الوحدة...... سيما وشهد راحوا الصالة الثانية يسولفون عن المسلسل الللي يتابعونه.... دانة: يدتي حتى انا نجحت ..... أم محمد:ههههههههه و جم نسبتج؟.... دانة: 82... أم عبدالله: ما شدت حيلها السنة خلها تتتلعب بعدين بتندم... أم محمد: لا تعصبين على حفيدتي بتيييب احسن السنة الياية صح؟... دانة: افكووورس...أم محمد: يمه دانووووه روحي غرفة الأكل جهزي السفرة.... و اذا يات بيان بطرشها لج... و راحت دانة غرفة الأكل الكبييييرة تجهز السفرة.....مشاعل و ريم و ليال يسولفون... أم عبدالله راحت تسوي الشاي حق الريايل لين يوا من المسيد....أم عبدالله: يمه مشاعل أمج مب ياية ؟.... مشاعل: اكييد بتجي لازم... ام محمد مبتسمة: حياهاالله و فاطمة؟... مشاعل:و حتى فطوووم يايه... دخلوا أم حمد و زينة و اليهال و وراهم أم بندر و هنادي و راكان....و خالتهم أم ناصر(((( أخت أم حمد >أم مشاعل< متزوجة عبد الرحيم بو ناصر..عندهم: مشاعل: زوجة فهد- ناصر:24 سنة- مرام:19 سنة- في: 3 سنين)))))) و يا مرام و في...و فاطمة و عيالها... و سلموا... أم محمد: ويين بدور؟... أم بندر: رايحة بيت رفيجتها... أم محمد: اهي واييد متغيرة من عقب وفاة ريلها و طلاقها من هالشايب... احنه عاذرينها و ما نبيكم تضغطون عليها...شخبار شغل بندر؟... ام بندر: ما في شي يديد للحين يدور... أم محمد: هالعنيد ليش ما يشتغل في الشركة عيل ليش بو محمد سواها عشان عياله و احفاده يشتغلون فيها ... لطيفه: لا يدتي اهو تخصصه غير مثل تخصص ليال.... اليهال قعدوا يراكضون جنب البخور.... أم بندر: يا بنات سحبوا اليهال فوق ... قاموا ركبوهم....شهد: افففف و الله حالة... و نزلوا تحت.... سيما: مادام تييبون عيال و تخلونهم شحقة تيييبونهم.... شهد: اييه عيل هالكثر يهااال... أم محمد حذفت شنطة ليال عليها: قوووولي ماشالله و الله انتوا كنتوا جذي و كبرتوا و زاد ينونكم.......و وصلوا بيت بو ماجد و بو خالد.... و سلموا....و بعد شوي وصلوا الريايل ...و دخلوا سلموا..... أم محمد: ويين خالد؟.... بو خالد: طرشته الشركة يخلص شوية اوراق.. أم محمد: حرااام عليييك من يا من لبنان و انته مب مخلييه يرتاح... قعد نواف في حضنها.. ام محمد: يحليله كبررر يشبه اخوه... سولفوا الريايييل و دخلوا الميلس..... البنات سيماو شهد و هنادي و روان طبعاً فوق.... يسولفون..... هنادي تغمز حق سيما: شخبار الحبيب.؟... احمرويه سيما: عذاااااااااب....شهد+هنادي+روان:هههههههههههه..... شهد: شصار هالمرة...سيما: سكتوا.. يبي يكلم ابوي... صرخوا البنات.....شهد تصفق: يا عيني ع الحب......( شذى تكلم واحد اسمه سيف ع المسنجر تحبه و و يحبها لكن هل بيستمر هالحب ؟ و شنو نهايته ؟ بنشوف....)
ركبت لهم نورا: يله يقولون نزلوا الحين غدا..... و نزلوا تغدوا في غرفة الحريم ...و خلوا العباية و الشيلة لأنه الريايييل بعيييدين...

و بعد صلاة العصر.... أم محمد: ريااان... ريااااان تعال... ريان: نعم...... ام محمد: روح قول حق الريايييل يدخلون قوللهم في هدايا.... ريان: انشالله....أم محمد: مااااريا فديتج في أكياس بنية في غرفتي جيبيهم.... راحت و جابتهم... أم محمد: قولي حق البنات ينزلون....نزلت شهد شايلة بدر و هنادي و سيماو روان ....أم محمد: جيييبيه فديته... شهد عطتها بدر... أم محمد: ماشالله عليه يشبه عمه عيسى في شعره و خشمه..... دخلوا الشباب ... أم عبدالله: ويين الشياب...الكل ضحك...سعد: يلعبون شطرنج... عبدالله قعد عند أم محمد: يله يدتي وييين هديييتي؟...... أم محمد: اصبر... انا بانادي بالاسم... عبدالله: لييش انتي بتعطيينا بيوت... أم محمد: اسكت انته....و عطتهم هدااايا... الشباب عطتهم موبايلات يديدة ... و البنات عطتهم عقد او سوارة او خاتم ذهب... و اليهال ألعاب ......و قعدت تغلس شوي على خليفة اللي رسب..... الكل مستانس. و جااابوا كيييكة كبيييرة كبر الطاولة على آيس كرييييم <<<يمي بصرااحة اشتهيييتها تخييلوا كبيييرة المهم نرجع لقصتنا <<<.... شهد كانت بتروح الحمام... شافت حنين زعلانة... شهد: حنوووون شفيج؟... حنين: ما خذت هدية... شهد:صج؟... يله قومي نروح حق يدتي نسألها.... ردت شهد للصالة و ماسكة حنين اللي دافنة راسها في بطن شهد ما تبي احد يشوفها و بصوت عالي: لييش ماعطيييتوا بنت اخوي هدية؟؟؟.... الكل:هههههههههههههههههه ..... أم محمد: تعااالي يمه هديتج في الحفظ و الصون ... و حطتها في حضنها و مسحت دموعها.....بعد صلاة المغرب.... نادت أم محمد خليفة لغرفتها...و قعدت تسولف وياه عن وايييد اشياء..... و طلع راح مجلس الريايييل .... الكل مستانس و أم محمد و أم حمد راحوا غرفة بعيدة قعدوا يخططون حق شي و بعدين سكتوا و طلعوا<<< الله يستر يايببييين مصيبة <<<


12ليلاً ..... بيت بو حمد.... شهد تسبحت و لبست بيجاما فستان قصير أصفر... و نزلت شافت ابوها و امها و سعد و حمد عند التلفزيووون يتابعوون فيلم... قعدت معاهم... بو حمد: شهد باجر انا و امج بنروح السعودية حق عمج تعبان و في المستشفى... شهد شهقت: شفيه؟... ام حمد: الكلية تعبانة... حمد: امي تقول باجر بتسويين حفلة لربعج ... شهد: لا بس هونت.... بو حمد: بتسويينها و احنه بعد كم يوم بنجي البحرين.... شهد: حاضر... و ركبت فوق... شهد تفكر: مسكيين عمي ما يستاهل وااايد طيب وياي .... مساكيين عياله مالهم غيره و خصوصاً بنته الصغيرة فوز اللي توفت امها لما كان عمرها سنة ... عمي واييد توهق معاها و أمي حاولت تربيها لكن عمي انتقل و راح الدمام ... نامت شهد ...


بيت بو عبدالله... عبدالله يشوف الفيلم اللي يشوفونه بيت بو حمد ههههههههه سبحان الله.... نزلت دانة اللي لابسة بيجاما حمرة على بنوتة.... و قعدت تشوف الفيلم...عبدالله: امي و ابوي رقدوا.؟. دانة واهي منتبهة على الفيلم: اييه اييه ... اسكت ابي اسمع.... جا صوت ماريا من فوق: عبوووود... عبووود..... عبدالله: اففففففففف يااات النتفة الحين بتأذيييني....ماريا قعدت على الدري لابسة بيجاما مرسومة فيها سندريلاو تسحب وراها دبدوبها: عبووود... في شبح تحت سريري.... عبدالله: هههههههههه ..... دانة: ماريا حبيبتي قومي فوق انا باشوف أصلاً مافي اشباح... ماريا بعناد: فيييييييي اشباااح ... انتي مابيج لنج خوافة انا ابي عبود البطل.... عبدالله: هههههه و ركب وحملها وداها غرفتها الوردية المليانة العاب اهي دلوعة البيت و بو عبدالله سوا لها غرفة برووحها ... اما دانة كانت ترقد ويا سيما قبل لما كانوا صغااار.... عبدالله شاف تحت السرير: ما في شي... ماريا بدلع: انزيين قوللي قصة.. عبدالله داعب خشمها: أيا الخبيثة ... اوكييه بقولج عطييني كتاب... و قرا قصة ... و لما وصل النص شافها في سابع نومة.... تجنن لما تكوون ناييمة حدها بريئة .... (تشبه اختهم ليال في عيووونها الخضر اللي تقول عنهم ام محمد طالعيين على ابوها <<< لوووول سوالف عيايز<<<.... الكل يستغرب لما يعرف انه ليال و ماريا خواات سيما و دانة اللي ملامحهم بدوية و فيهم سمااار و شعورهم ثقييلة عكس شعر لييال البني الخفيف).... عبدالله باسها على راسها... و سكر الليت و طلع... راح غرفة ليال شافها قاعدة ع اللاب توب.... انتبهت له: رقدت الفصعوونة.؟.. عبدالله : اييه رقدت... تصبحيين على خيير ... ليال ابتسمت: وانته من اهل الخير.... عبدالله نزل تحت لقا دانة و انضموا لها خلييفة و سييما... شافوا الفيلم وة بعديين كل وااحد على غرفته

الساعة 11 الصبح ... راحوا بو حمد وام حمد السعودية.... شهد صحت تغسلت و نزلت لقت حمد و زينة و العيال و سعد و فهد و مشاعل قاعديين... زيينة: اليوم بنتغدى برى جهزي عمرج... سعد مبتسم: على حسابي... شهد تناطط :ياااااااي من زمان ما طلعت من ايام الامتحانات.... راااحت تلعب ويا حنين ةوعلي في الحدييقة >>>لوووول تبي تسترجع ذكريااات الطفولة هههههههه<< الساعة وحدة ونص طلعوا عشان ما تتاخر شهد على حفلتها.... و تلاقوا ويا زياد و رغد هنااك.... الساعة 3 العصر رجعوا شهد تجهزت لبست فستان ليلكي لنص الساق ...كت و حزاام ع الخصر و العقد الذهب اللي من يدتها و حطت تاج بلون الفستان... مستانسة لأن البيت خلا لها...نزلت شيكت ع الأكل و السيديهات والستيريو و البالونات و الزيينة و رششت عطر.. وصلوا البنات ..اعضاء الشلة: البندري-جود-دانة-حصة ... و باقي ربعها من المدرسة و جوا روان و هناادي و سيما اللي ربعها يعرفونهم و صاروا ربعهم اهم بعد...و طبعاً ربشة و صرااخ و ضحك و هبااااال و سواالف و اغاني ورقص و سعد جاب الكيكة و عطا الخدامة و حطوها و قطعوها....(((( البندري لبست برمودا جيينز و بلوزة برتقالية ... و دانة لابسة بلوزة بيضا و تنورة قصييرة سودا.. و جود لابسة فستان رماادي ... سيما لابسة قميص فوشي و استرتش اسود ...... والباقي نسيييت بصراحة خخخخخخخخخ شلون نسييت و هاذي قصتي؟))))....المهم بعض البنات راحوا و بقوا الشلة بس....سمعوا طرق ع الباب ... سكروا الاغاني...شهد: افففف منو هاذا؟... البندري: روحي شوفي.. جود: ايه صج روحي شوفي يمكن احد من اخوانج عنده شي... شهد بملل: يعني من حمد و فهد في بيت عمي و سعد عند ربعه... سمعوا صراخ سعد: بطلي الباااب... البنات ضحكوا... فتحت شهد الباب ... شهد بسرعة و حاطة ايدها ع خصرها: نعم... شنو تبي؟... سعد: اخذي ربعج و روحوا فوق وياي خالد يبي يدخل... شهد: اخذه الميلس... سعد: فالمجلس في رياييل وانا ابيه في موضوع خاص.. نقلي حفلتج فوق.... شهد : اوكيه لحظة شوي.... شهد: بنات انتقلت الحفلة فوووق سعد بيدخل رياييل هني... البنات: اوكيك.... ركبوا فوق... قعدوا يتجسسون و أولهم شهد... تحت... دخل خالد و استغرب المكان حوووسة يدل على و جود حفلة ......شهد بهمس: مو قاعدة اسمع شي... جود: ايه والله ولا صوت..البندري: لا شهوود الحيين بدوا يتكلمون... شهد: اييه والله ... سيما و دانة و روان قاعديين يضحكوون عليهم... و هنادي تشوف التلفزيوون... جود تعثرت بعتبة الدري...و طاحت على البندري و شهد اللي طاحت 8 درجات يعني تشوفهم و يشوفونها ... انصدمت باللي صار و سعد و خالد منصدمين اكثر منها ... شهد ذاااااااابت لما شافت خالد... و خافت لما شافت سعد معصب... لحظات معدودة بين انجذابهاو بين خوفها... انتبهت و شالت عمرهاو ركضت لفوق بسرررررعة .... صعدت للبنات... جود بخوف: شهود احنه ندري انه حطيناج بأسخف موقف في حياتج بلييييز لا تعصبين.... البندري هزت راسها بالايجاب و اهي حايسة بوزها.... شهد بحبور: بالعكس انتوا بغبائكم حطيتوني في احلى موقف في حياتي.... اندهشوا البنات... البندري: ليش شصار لج تحت؟.. قالت لهم عن خااالد و الموقف اللي صااار تحت... البندري بحماس: ابي اشوفه... جود: اييه حتى انا... شهد باستهبال: بتشوفونه...سيما: شلووون؟... شهد: بنوقف عند الدريشة و بنننتظرهم... تحت الوضع محرج ... خالد مذهول من اللي صار انخبل على عيونها السودا الصغيرة و شعرها الاسود الطوييل... سعد و اهو مفتشل: هذي شهوود الخبلة... خالد في نفسه: حتى اسمها رهييب و لايق عليها .... سعد يلوح بوجه خالد المرتبك: خاااالد... خلووود ... خالد: همممممممم... سعد: آسف ع اللي صار... خالد بجدية: حصل خير نرجع لموضوعنا.... و بعد نقاش و تخطييط طويل.... وصل سعد خالد عند البوابة .... فوق عند بلكونة من البلكونات البنات ينتظرون....و شافوهم بس من ورا.... البندري: اووووهووو ما شفناهم عدل... صرخت سيما بحمااس: واااااي شفته اكييد هذاااك اللي متسند ع السيارة حلوووووو..... البنات التفتوا لها باستغراب... دانة بخبث: شهد كانت تتكلم عن اللي وياه .. هذا سعد اخو شهد.. شفيج خرفتي؟.... البنات كلهم :هههههههه ...... البندري تهمس في اذنها
: من احلى اهو و الا سيف؟.... سيما بدلع: الثاني..... البنات كلهم فهموا:ههههههههههههههههههه... شهد: بنات خلنا نروح الحديقة.... البنات : اوكيي.. نزلوا و راحوا الحديقة الخلفية كان الوقت ليل بس الانوار اللي في الحديقة قوية شوي ... البندري و جود و سيما و روان يلعبون كورة... و دانة و هنادي و شهد قاعدين ع الكراسي... دانة بارتياح: ااااااه.... ما صدق افتكينا من الدراسة و المدرسة... شهد: اييه و الحين بتيينا جامعة يعني محاظرات و عوار راس... هنادي : بس احسن من المدرسة... دانة : انا على طول غياااب.... شهد:هههههه .... طلعوا علي و و ريان و نواااف الحديقة.... شهد : بسم الله من وين طلعوا هذول؟... ويي ايه تذكرت راقديين عند علوي و حتى عزووز كان بييي بس لأنه حرارته ارتفعت ما جا.... سيما: ريااانو بعد هني.... الصبيان وقفوا بطالعون البنات يلعبون... و لما خلصوا... البندري: ماشالله انتوا كل شبابكم كيوووت... روان: هههههههههه ..... دانة حطت علي في حضنها : هاذي ريلي..... البنات: هههههههههههههه.... البندري: لا و الله؟ عيل انا هذي ريلي... و سحبت ريان: كيوووت هالأجنبي ..... روان خذت عزيز.. و شهد خذت نواف: تعرفنون من اهو؟.... الشلة : لا... هنادي: اخو اللي طاحت و شافته........ الكل: ههههههههههههههههههههههههههه.........و كملوا سوالف و بعدين كل وحدة على بيتها....تمت شهد و روان و سيما... شهد: سيووم رقدي عندنا اليوم... سيما: لا ماقدر والله عندي شغل... روان: خلاااص انا بارقد.... شهد : اكييد انتي واعدتني من يومين... الساعة 12 بالليل طلع عبدالله من عند الشباب و اخذ سيما وياه... شهد و روان و سعد شغلوا الدي في دي و سهروا على فيلم ...... و رقدوا... قاموا ... الساعة 9 الصبح... شد لبست بلوزة برتقالية نص كم و تنورة صفرة قصيرة و رغد لبست قميص احمر كم طويل و بنطلون اسود ... نزلوا تحت ... روان : وين امج و ابوج..شهد: شفيج نسيتي؟ راحوا السعودية حق عمي عيسى مريض...روان: ايه صج الله يشفيه... شهد بخبال: رووون شرايج نروح حق زينة بالدار... روان: فكرة يله ..... لبسوا عباياتهم... شهد مسكت موبايلها... اتصلت في شامبو<<< السايق اسمه شامبو لوووووول <<< ... راحوا الدار و على طول لمكتب زينة ... زينة تفاجأت ابتسمت: هلا و الله ... قعدوا... يسلفون و يخربطون قطع عليهم سوالفهم طرق خفبف ع الباب... زينة: تفضل... دخلت بنوتة صغيرة ما تتجاوز الأربع سنين ... الطفلة : ماما زينة ابي حلاوة... زينة بحنان طلعت من الدرج و عطتها... روان : كييوت شنو اسمج يا حلوة؟... الطفلة:مريم... شهد خذتها بحضنها: حلو اسمج مريوومة.. شهد: تعالي نروووح الحديقة.... شهد حملتهاو راحت الحديقة ...
.................................................. ...................................

في عااااااااااااااااااالم ثاني......

دخلت متلهفة و متحمسة راحت صوب غرفته... اليوم اتصلت فيها الممرضة و قالت انه قاعد يتحسن و يتجاوب مع العلاج... شافته من ورا الزجاج المطل على غرفته ... كالعادة فاقد الوعي و الوايرات على جسمه و الكمامة على وييهه... نزلت دموعها: آآآآآآآآه يا اخوي شلون متحمل هالوضع ؟؟؟؟.... الله يخليك لا تخليني بروحي صير زين انا مااااااااالي غيرك ...... الله يخليك عصام اصحى .... قطعت عمرها بالصياح و فجأة اغمى عليها...

__________________________________________________ ___________________

روان و شهد طلعوا من الدار ...... راحوا شقة فاطمة<<< اخت بو حمد الصغييرة <<<
رنوا الجرس فتحت لهم المربية سوزان: اهليين مدام شهد ...شهد: جهزي اليهال بناخذهم بيتنا.... سوزان: حاضر مداام.....خذوا عزوز و بدر الصغير و راحوا بيت أم محمد تغدوا عندها... و طلعوا.... شهد راحت البيت ... اتصلت في البندري ما ترد: شفييها هاذي اكيييد رايحة بسابع نومة ...



......نهاية البارت الاول....

يا ترى موقف شهد و خالد رح يمر عااادي و لا رح يصيير شي بينهم؟؟؟.....

أم محمد و أم حمد على شنو ناوييين؟.......

و من البنت الللي اغمى عليهاو شنو قصتها؟؟؟...

العم عيسى راح يتشافى و لا لا.؟؟؟؟؟


انتظرووووووووووووونا في البارت الثآني ........


اختكم : الأسيرهــ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-05-2010, 03:20 PM
صورة فديت اسمي الرمزية
فديت اسمي فديت اسمي غير متصل
©؛°¨غرامي متألق ¨°؛©
 
الافتراضي رد: روآيــة حــــــ~ـــلاة الحب :بقلمـــــــي


وااااصلي والله يوفقك

انتظر البارت الجديد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-05-2010, 02:23 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رد: روآيــة حــــــ~ـــلاة الحب :بقلمـــــــي


اقتباس:
المشاركة الأساسية كتبها حنطاويه عسل مشاهدة المشاركة
بنتظاااااااااااااااارج ياالغــلا
يسلموو عالتشجييع اختي.. منوورة متصفحي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-05-2010, 02:25 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رد: روآيــة حــــــ~ـــلاة الحب :بقلمـــــــي


اقتباس:
المشاركة الأساسية كتبها فديت اسمي مشاهدة المشاركة
وااااصلي والله يوفقك

انتظر البارت الجديد

تسلميين ع المروور اختي .. منورة متصفحي

انتظرواا البآرت الثآني يوم الثلاثاء 10 / 5 باذن الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-05-2010, 04:37 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية حلاة الحب/ بقلمي


,’



بسم الله


يعطيك العــافية
موفقة إن شــاء الله


https://forums.graaam.com/238622.html


,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-05-2010, 05:46 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رد: رواية حلاة الحب/ بقلمي


اقتباس:
المشاركة الأساسية كتبها الزعيـ a.8k ـمه مشاهدة المشاركة
,’



بسم الله


يعطيك العــافية
موفقة إن شــاء الله


https://forums.graaam.com/238622.html


,’
مشكورة عالمرور اختي .. منورة متصفحي .. وسبق ان تطلعت على القوانين .. ماتقصرين ^_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-05-2010, 06:10 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رد: رواية حلاة الحب / بقلمي


~البارت الثاني / الجزء الأول~



[ الصمت ] ماقول لك شئ .. !!
خل الشوق عني يقول بعض المشاعر
يموتها .. [ قصور الكلام ]


الساعة ٧المغرب ..بيت بوخالد..غرفة بيان ..

بيان قاعده على الماسنجر ..تكلم دانة ..

بيان نكها:ياويل ويلي والعمر كله اشبآح $ولا احد مع الايام فهمني.
دانة نكها:[]ياصاحبي ماهي حكايه كرامة حنا خسرنا بسبتك ناس غاليين [].




ياويل ويلي والعمر كله اشباح $ولا احد مع الايام فهمني:

دانوه متى بنسافر؟

[] ياصاحبي ماهي حكايه كرامة حنا خسرنا بسبتك ناس غاليين[]:


الحكومة للحين ماقرروا

ياويل ويلي والعمر كله اشباح $ولا احد مع الايام فهمني:

ههههههه خوش مسمى

ياصاحبي ماهي حكايه كرامة حنا خسرنا بسبتك ناس غاليين []:

اوك بيون انا طالعه الحين راسي يعورني

ياويل ويلي والعمر كله اشباح $ولا احد مع الايام فهمني:

اوكي سي يو

------------------------------------------

بيت بوحمد..غرفة سعد
سعد بعد ما صلى العشا ..راااح في سابع نومة..وغرفته البااده و الظلام والدفا تحت اللحاف <جو يشجع ع النوم ..
شهد متملله بكل معنى الكلمة ..من شوي كلمت امها اللي مابيرجعون الا بعد اسبوع..راحت غرفة سعد وفتحت الباب شافت الوضع شلون عرفت انه مستحيل يقوم وخصوصا ان نومه ثقيل ..اتصلت ببيت حمد....

تينا:هالو

شهد:الو تينا وير از ذا كدز؟

تينا:بلانيغ بلاي ستيشن اند ذا بيبي از سليب

شهد : جف مي مداد زينا؟

تينا:شيز نوت هير ..وينت تو سر ابو ماجد هاوس

شهد:اوكي ثنكيو

وصكت التلفون وراحت غرفتها.. فتحت الماسنجر..يمكن تلقى البندري اون ..بس كانت اوف..اتصلت فيها بس مافي ارسال..لقت ١٠اون:سيما/عبدالله ولد عمتهم مريم /بيان/هنادي/جود/حصة/والباقي بنات من المدرسه..
طلعت لها وندو ..

عبدالله نكه:عبودي الحسآس
شهدنكها:شقاوة طفوله~


عبودي الحسآس:
hi

شقاوة طفوله:
هلا عبود

عبودي الحسآس:
بشتري سياره يديده

شقاوة طفوله~:
!!!..ماصار لك شهور من شريت البورش!!

عبودي الحسآس:
صدقتي يالغبيه انتي ..لا سيارتي حبيبتي لايمكن استبدلها

شقاوة طفوله~:
انزين عبود اقولك

عبودي الحسآس:
آمري يالشيخه

شقاوة طفوله~:
شهالنك الي حاطه ..ناوي على وحده هههاي تر اعلم ابوك

عبودي الحسآس:
ذلفي..ليش ما عندي احساس انا؟

شقاوة طفوله~:
لا محشوم .. انت كلك احساس

عبودي الحسآس: حط فيس خجول << خخخخخخ

طلعت لها نافذة ثانيه.

سيما نكها:علمتني الدنيا الصبر على فراق الاحبه .لكن علمني الوفا ماانسى اللي احبه:
هلا شهود

شقاوة طفوله~:
هلا فيج ياقلبي

علمتني الدنيا الصبر على فراق الاحبة .لكن علمني الوفا ماانسى اللي احبه:
بقول لج شي مهم و اكششششن

شقاوة طفوله~:
(فيس رافع حاجب )قولي

علمتني الدنيا الصبر على فراق الاحبة .لكن علمني الوفا ما انسى اللي احبه:
بطلع مع سيف.هع هع محتاارة و خاييفة


شقاوة طفوله~:حطت ١٠فيسات معصبه:
بتبرا منج .انتي غبيه اي يقوله تقولين ايه

علمتني الدنيا الصبر على فراق الاحبه.لكن علمني الوفا ماانسى اللي احبه:
انتي ماتفهمين اهو يحبني ليش ماتقدرين اللي يحبون . ليش تحسسيني ان الحب حرام؟؟؟؟

شقاوة طفوله ~:
بالعكس الحب مو حرام بس الحب العفيف الصادق مو العلاقات و الاضافات و النت . انتي اللي تتكلمين عنه مو حب هذا وهم اصحي يا سيما. قبل لاتضيعين نفسج بيدج

علمتني الدنيا الصبر على فراق الاحبه.لكن علمني الوفا ماانسى اللي احبه:
انتي مو فاهمتني

(شهد صج عصبت من سيمااللي تمادت من شات لمسنجر لتلفون لمواعيد والله يستر بعد شنو تاليها)

عبدالله ارسل لها تنبيه..عبودي الحسآس:
وينج ياثوورة؟

شقاوة طفوله~:
الثورة اختك

عبودي الحسآس:
اختي ثورة من زمان هع

قامت شهد حطت عبدالله وسيما بان فايت
شقاوة طفوله~:فكوني اثنينكم يامهابيل
و
قعدوا يكلمونها ماترد
شافت بيان تكلمها

ياويل ويلي والعمر كله اشباح $ولا احد مع الايام فهمني:
هاي شهد

شقاوة طفوله~:
هايااات،

وقعدوا يسولفون مع بعض..


-------------------------------------
يوم السبت.. ٩ الصبح
صحت .. قعدت تتلفت حولها باستغراب.تحاول تتذكر شصار لها.دخلت

الممرضة مبتسمه:صباح الخير

البندري: صباح النور..ليش انا هني؟

الممرضه:اغمى عليج..

البندري:متى؟

الممرضه:من امس..الحمدالله على سلامتج ..الحين الدكتور بيي يتطمن عليج.

البندري :اوكيه

دخل الدكتور مشعل مبتسم:صباح الخير يالبندري

البندري:صباح النور

الدكتورقعد يشوف تقارير حالتها وقال :لا مشالله اليوم واييد احسن

البندري تطالعه:ليش اغمى علي ؟

الدكتور مشعل:سوء تغذيه ومافي نوم..لازم تهتمين بنفسج.

البندري: انزين متى اقدر اطلع؟

الدكتور مشعل:بعد يومين
البندري اخذت تلفونها اللي جنبها على الطاوله..و ضغطت على رقم..و بعد ثالث رنة رد الطرف الآخر..

البندري:الو

شهد:هلا والله بالقاطعه وينج يومين مالج حس وحشتيييني؟

البندري بتردد: انا تمام بس باقول لج شي

شهد باهتمام:قولي

البندري:انا فالمستشفى

شهد شقهت : فالمستشفى لييييييييييش؟

البندري بضيق: اغمى علي بس

شهد : انزين انا يايه الحيين
البندري بس ماصكت التلفون . سندت راسها على السرير بتعب

. شافت مشعل للحين موجود ويطالعها ..البندري ارتبكت وعدلت

شيلتها ..:دكتوور؟ دكتوووور؟...

مشعل بسرعه نزل راسه باحراج..

البندري:مشكور تقدر تتفضل الحين

مشعل متلعثم: اي..اوكيه..يله ماشي..بعدين بمرج..

البندري بنفسها:والله نشبه كل شوي بتمر.. قالت: اوكيه.

طلع مشعل و البندري انسدحت على السرير تفكر.
،
----------------------------------------------

شهد اخذت عبايتها و هي تراكض على الدري..جافت سعد يشرب كوفي وشكله بيروح الشركه..

شهد تلهث: سعوود ودني المستشفى

سعد تفاجأ وشرق بالكوفي :لييش من مريض؟

شهد وهي تلبس الشيله :صديقتي شوي تعبانه

سعد:اوكي يله نروح

بالسياره..شهد اتصلت في دانة و جود و قالت لهم عن البندري..
شهد كانت متوترة لنها تعرف البندري زين و تدري ان سبب هالطيحه نفسي و ان البندري نفسيتها تعباانه .


---------------------------------------
بيت بوعبدالله...غرفة سيماودانة..اللي نايمات..دخلت ليال المتعودة تقوم من الصبح...

وفتحت الستارة..

سيما انزعجت لان اشعة الشمس بوييهها..

ودانة رفعت راسها و ردت انسدحت..

ليال بأعلى صووت عندهااا:قوووووووموا....

سيما:لييييش؟...

ليال :نبي نطلع...

دانة نقزت من السرير:وييييين؟...

ليال:نرووح ناكل بمطعم....
دانة:باروووح..
ليال:انتظرج تحت..وانتي؟..
سيما:لا روحوا استانسوا انا مالي خلق..

ليال نزلت تحت,,شافت عبدالله وبندر يتكلمون..حمدت ربها انها لبست العباية و الشيلة قبل ماتنزل..

ليال:السلام عليكم..
بندر+عبدالله:وعليكم السلام..
بندر طاار من الفرحه يوم شافها[بندر يحب ليال من سنين ولو انها اكبرمنه،بسنة الا ان قلبه ماعشق غيرهاولكن للاسف هالحي من طرف واحد]...

ليال:شخبارك بندر؟...

بندر بابتسامة عريضة:بخير دامكم بخير...انتي شخبارج؟...

ليال:الحمدالله..

عبود يشرب كوفي ولاهي بالجريدة...نزلت دانه بسرررعه..

دانه:السلااااام..

الكل:وعلييكم السلام..

.بندر:اوووه هلا بدنووونة
دانة :بخييير بس لا تناديني بهالدلع مو حلووو

..عبدالله:هههههههه اعصاابج ماتنعطيين ويه ..

ليال:اوكي مع السلامة احنا طالعين..

بندر بدون مايحس:عل وين؟تو النااس,,

عبدالله استغرب بس مشاها له وقال:ايه صج وين؟...

ليال منحرجة من بندر:نطلع شوي نتمشى ..

عن اذنكم..وطلعوا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-05-2010, 06:12 PM
صورة الأسيرهـ الرمزية
الأسيرهـ الأسيرهـ غير متصل
©؛°¨غرامي مشارك¨°؛©
 
الافتراضي رد: رواية حلاة الحب / بقلمي


___________________________

شهد عند البندري بالمستشفى..من اول مادخلت والبندري قعدت تصييح..

البندري بصوت مبحوح:انا تعبااااانه ياشهد تعبااانه..قلبي تعبااان ماعندي اهل يحسون فيني..

شهد ضمتها:لاتعورين قلبج عل احد مو هامه...خلج قوية مثل مانعرفج..

غطت ويهها:انتي ماحسيتي مااحساسي..
تحسين انج تايهه وضاييعه بهالعالم؟...
تحسين انج يتيمة واهلج عايشين..
تقدرين احساس ان اغلى الناس عل قلبج،الي هو اخوج الصغير عزوتج و راس مالج و سندج..نايم تحت رحمة هالاجهزة...تحسين انج عاله على من حولج...تحسين ان محد يحبج بهالحيياة محد...آآه ليييش؟..


شهد حاولت تهديها بس ماقدرت و يت الممرضة تعطيها مهدئ

وهدأت..صارت شبه واعيه وتهذي بكلام مو مفهووم..ليين ما صج ناامت..

____________________

بيت بوعبدالله العصر..غرفة سيما
تكلم سيف..<< الله يهديها

سيما:حبيبي والله اخاف احد يشوفنا,,

سيف:لالا بنروح مطعم مغلق.صدقيني محد بيشوفج

سيما:ماادري

سيف:يله عااد مشتاق اشوفج

سيما بققت عينها:ليش انت وين شايفني؟

سيف:هههههه شفيج خفتي قصدي متلهف اشوفج..

سيما:مادري بفكر

سيف:بكيفج..انا مارح اغصبج على شي

سيما:وهذا المحببني فيك

سيف:يابعد كلي والله..زين سيومه

سيما:لبيه

سيف:لبى قلبج..امي ع الخط الثاني بعدين اكلمج..

سيما:سلم لي على خالتي

سيف:الله يسلمج

و صكت التلفون و حضنته و هي غرقاااانة بعالم الاحلام و الاوهااام..وصلها مسج من سيف..ياحبي له

_________________
المغرب...قامت البندري..
و يوا البنات جود وحصة و دانة ..وقدرت تطلع من جو الكآبه ..وقعدت تضحك وياهم...قطع ضحكهم..صوت ع الباب..

شهد:تفضل..
دخلت الممرضه بيدها باقة ورد حمرا و حطتها عند البندري..

البنات استغربوا..
حصة مدت يدها للكرت المحطوط فيها وقرته بصوت:الى البندري الحمدالله.على سلامتج ماتشوفين شر...الدكتور مشعل..

جود تحرك حواجبها :من دكتور مشعل؟
دانة تسووي نفس الحركة :ايه من؟

البندري ضحكت غصب من اسلوبهم بالكلام..بس كانت مستغربة من هالحركه..ليش يهديها باقه..شقصده من هالحركه..

البندري: الحمدالله والشكر مهااابيل

شهد : شيقصد من الباقة؟؟

حصة تاخذ وردة من البوكيه : شفييكم انتوا مايقصد شي دكتوور و يهدي مريضته

البندري طالعتها: ناديلي اياه

شهد وحصة طالعوا بعض

شهد : انا برووح

جود: عااد بندروو لا تهاوشييينه ادري فييج مااااافي اسلووووب ابد


البندري: خخخخخ

وراحت شهدمكتبه..مشعل كان يفكر بتقبل الورد و لا بتزعل.. اهوو اصلا مايدري لييش سوا هالحركة

..سمع طرق ع
الباب..

مشعل بجديه:تفضل

شهد دخلت:السلااام دكتور البندري تبي تشوفك اذا ممكن




ارتبك: ان شالله خير ياي الحين

راح وراها...ودخل الغرفه ..:السلام..

البنات:وعليكم السلام

البندري بابتسامه:بس حبيت اشكرك ع الباقه الحلوه..

البنات ينقلون نظرهم بين الاثنين..

مشعل:لا شكر على واجب..مشالله مبين الصحه احسن عن الصبح.
البندري: بفضل الله وفضلك

مشعل: ماسويت شي هذا واجبي

عن اذنكم


و طلع ..

جوود تسوي انها بيغمى عليها:يينن والله رهيييب ابوسكسوكة..ذبحتني النظرات..
حصه بحسره:اي والله ياحظ بعض الناس فيهم..
شهد طالعت البندري الي تضايقت والتفت عليهم : اففففففف انتوا ماتتوبوون من حركااات التفااهة ذي

جود عطتها بنظرة تقهرررررررر

و ضيعوا بالسوالف ...
___________________________


يتــــــــــبع / البآرت الثآني


رواية حلاة الحب / بقلمي

الوسوم
:بقلمـــــــي , الحب , حــــــ~ـــلاة , روأيــة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية دنيا الاقدار/ بقلمي t3abt ashky أرشيف الروايات المغلقة - لعدم إكتمالها 43 10-05-2013 12:20 AM
رواية تعلمت أزين ضحكتي و القلوب أسرار على إني بخير بعين من يجهل أحزاني / بقلمي مشاعر حاكاها الزمان أرشيف الروايات المغلقة - لعدم إكتمالها 95 03-03-2013 11:32 PM
رواية يرحم أمك يا ضيقه الصدر طسي لغيري / بقلمي ڪبرياء الغواليـﮯ أرشيف الروايات المغلقة - لعدم إكتمالها 453 30-04-2012 06:45 PM
رواية بنات فلة مسوين شلة / بقلمي » نمڵــۃ ڵاٻــسھـ ڪعب « أرشيف الروايات المغلقة - لعدم إكتمالها 2472 29-09-2010 01:16 AM
دقني الزمن دقات قوية خلاني لخلان أضرب تحية / بقلمي ارجوان @ والقمر @ بان ... أرشيف الروايات المغلقة - لعدم إكتمالها 20 12-05-2010 05:56 AM

الساعة الآن +3: 03:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1