حُلم ||~ ©؛°¨غرامي جديد¨°؛©

مسآئكم / صبآحكم ورد جوري .. ~


هذه اولى محاولاتي الادبيه بعض ماجآء فيها احدآث حقيقيه
والبعض من مخيلتي ....
ربما تكون متواضعه ,, ولكن تلك هي بدايه النآجحين دومآآ
اتمنى ان تستمعو بقرآئتها وارآئكم سواء كانت ايجابيه ام سلبيه تهمني
فأنا مازلت في بدايه مشوآري ،،


آترككم لقرآئتهآآ








(البـــــآآرت الـــــــآول ))



من احد بيوت العاصمه الريآض
تبدأ احدآث روايتنا ،،

كنآآ توونا ببدايه العطله الطويله ...

قمت من النوم وانا احس ان جسمي متكسر

رحت للحمام (وانتو بكرامه )اخذت لي شاور ع السريع



وصليت الفجرونزلت للصاله مالقيت فيهآ احد

ياربي نفسي اقوم والقى احد قاعد !!

رحت للمطبخ سويت لي عصير
واخذت شيبسي المفضل (ليز بالنكهات البحريه )

جلست ع الكنبه اقلب بالقنوات لين لقيت لي مسلسل
معجزه مسلسل هالوقت قعدت اطالعه لين خلص
طالعت الساعه كانت 5 ونص
يؤؤ بدري انا ووجهي شمقعدني هالحزه


قمت بملل وصعدت لغرفتي بمحاوله للنوم ولكن بآئت بالفشل >> ما اتحمل الفصحى انا هع

فتحت البلكونه حسيت بالهوا يلفح على وجهي بكل خفه وكأنه يداعبني ابتسمت يالله ياحلاه الشروق
ياكثر ماقمت عشان اتأمله
ما امل منه احسه كل يوم غير !

طرت على بآلي آسومه يآترى وش تسوي اللحين
اكيد بسآبع نومه ومادرت عني هههههه
رحت عند المرآيه وقررت ابدع بشعري
لين آخترع لي تسريحه جديده >>الطفش ومايسوي


استشورت شعري ولفييت كل خصله على داخل بعدين رجعت لفيتهم على برآ وماعجبتني السالفه
طلعت المقص وقصقصت شعري بطريقه عشوائيه وصار لين تحت رقبتي بشوي
ورجعت استشورته ومسكت قذلتي (الغره)
وقصيتها بشكل مايل من فوق لتحت

وطلع شكل شعري رووعه
سمعت الباب يطق
....




نور : وئد ماما فيه يقول انزل تهت

وعد بنفسها امووت واعرف شدراها اني قاعده اكيد سمعت صوت الاستشوار هههه

وعد :طيب دقايق وبنزل



وعد: عمرهآ18 سنه اصغر خواتها وتحتها ولدين وجههآ مدور وطفولي حييل
بيضا خشمها صغير وفمها نفس الشي
عيونها عسليه فيهم لمعه حلوه تبين لما تضحك رموشها سود وطوال وكثيفه جسمها حلو طويله شوي
شعرها بني غامق طويل لين نص ظهرها بس خفيف لكن ناعم حيل ماشاءالله فيها جاذبيه وملامحها كأنها سوريه
مخلصه ثنوي وهالكورس راح تسجل بجامعه الامام سعود تخصص انجلش بحكم عشقها لهالتخصص من يوم كانت صغيره


شخصيتها : طيوبه وقلبها ابيض متواضعه
مرحه لابعد الحدود عصبيه ماتحب تضايق احد
لكن اللي يغلط عليها ياويله

تحب المغامرات وماتتردد بأتخاذ قرآرآتها ...
اجتماعيه.. مضحيه لمن تحب حساسه شوي ...
رومانسيه لكن واقعيه

يعتمد عليها صح مرجوجه شوي
لكن وقت الجد جد عندهآ ..




(( وكل الشخصيات راح اسردها لكم حسب ظهورها بالاحدآث ))




وعد تقول بقلبها خليني اروح اوري ريوومه شعري عقبه انزل تحت لمامي ...
وعد وهي تفتح بآب غرفه ريم :ريموش قووومي
ريم ما ترد .......

وعــد وهي تهز ريم : ريييييم قوومي وجع حشى ميته ....
ريم وهي مغمضه عيونها وشبه نايمه : اقول تدلين الباب؟

وعد: لا والله ما ادله يله قومي بس بوريك شي وراجعي انخمدي يلللللللله
ريم وهي مفووله من وعد ومسكت المخده تبي تقطها على وعد وانصدمت : يالمجنوونه شمسويه بشعرك انتي ؟؟؟
وعد بأبتسامه : شرايك حلو صح ؟
ريم : حرام عليك وين حلو والله الطويل احلى عليك
وعد : لا بالعكس كذا احلى وبعدين انتي شعرفك ارجعي كملي النومه لاتطير



ريم : اخت وعد الكبيره عمرها 23 سنه
تدرس بجامعه الامام سعود تخصص علم نفس سنه ثالث
تشبه وعد الى حد كبير يعني اللي يشوفهم يعرف انهم خوات علطووول
طويله شوي جسمها رووعه شعرها اسود فحمي وطويل لين آخر ظهرها وكثييف
بيضآآ ووجههآ بيضاوي وعيونها عسليه
وخشمهآ سله سيف ودقيق حيل سبحان خالقه وفمهآ وسط فيهآ غمآزه على خدها اليمين تجنن يعني بشكل عام متوسطه الجمال

شخصيتهآآ : طيبه وحبوبه بس عيبها انها عنيده حييل
غامضه شوي ...مرحه لكن رزينه
تفكر بعمق قبل لاتقدم على اي خطوه بحياتها
هاديه وتحب النووم كثيير
تمووت بأختها وعد وتعتبرها اختها وصديقتها وكل شي بحياتها ...





طلعت وعد من الغرفه ونزلت تحت ولقت بوجهها
نور قاعده ترتب الصاله
نور وهي مفهيه (فاتحه فمها ) : الله ماماشعر انته مرااا هلوو
وعد تقول بقلبها اخيرا حصلت لي مدحه على هالصبح : ثانكس نوور .. ماما وين ؟؟
نور : ماما فيه يروح بيت ماما ام عبدالله
وعد وهي منقهره : لااا ليش ما استنتني كنت بروح عند اسموووش صج قهررر
نور : ماما فيه ينطر انتاا نص ساعه بعدين فيه روه
وعد بأحبآط : زين انا برجع انام اذا جت امي قوليلها اني نايمه طيب؟
نور : طيب
راحت وعد تكمل نومتها


دخلت ام احمد البيت ع الساعه 11 الظهر
ام احمد ( نوره) عمرها 44 سنه


شخصيتها : عصبيه شووي لكن بسرعه تهدا وتنسى كل شي صاار..طيبه ومتواضعه ومحبوبه من الكل
حقانيه وماترضى بالغلط
عنييده >> وريم طالعه عليها بهالصفه

نوره : نووور
نور : نعم ماما
نوره : وين البنات ؟
نور : كلو فيه نوم
نوره : طيب وعد وينها انا اذكر انها قاعده
نور : وعد فيه ينزل تحت مايلقا انته انا فيه قول انتا روح عند ماما الجازي هوه فيه يزعل ويقول قولي لماما انا فيه نوم
نوره : زين خلاص روحي كملي شغلك



نروح لمكآن ثآني ..........



على طآوله الآكل ,,

الجآزي : يمه اسماء اذا خلصتي فطور
روحي ناديلي اخوك عبدالله ابيه شوي

اسماء : ان شاء الله يمه


ام عبدالله ( شيخه ) عمرها 46 سنه
هاديه ورزينه وقلبها طيب وتحب عيالها حيل
وتدور سعادتهم مثلها مثل اي ام



اسماء اكبر خواتها عمرها 19 سنه اولى بجامعه الامام محمد تخصص دراسات اسلاميه
سمرآ سمار حلوو ووجههآ دآئري خشمهآ صغير وفمها مرسوم رسم عيونهآ بني غامق
ضعيفه شوي طولها وسط

شعرها لونه نحاسي على بني قاصته الفراوله
ووجهها مملوح حييل وضحكتها تجنن
نعوومه مرره بس مرجووجه فيها شويه غرور

بنت عم اسماء بس هي اكبر منها بسنه


قامت اسماء وراحت تنادي اخوها عبدالله
اسماء : عبوود امي تبيك تحت

عبدالله : وش تبي ؟؟
اسماء : شدراني انزل وشوف....

نزل عبدالله عند امه

عبدالله آكبر اخوانه وخواته عمره 20 سنه
مخلص ثنوي ويشتغل بمكتب عقاري فاتحه له ابوه
طوويل وجسمه رزه ومعضل شوي
لونه قمحي وعيونه كبآآر لونهم عسلي فاتح
ورموشه كثار ومكحله مزيوون بشكل مو طبيعي صووته روووعه ...
قلبه طيب وحبوب رزين ويعتمد عليه
هاادي شوي شخصيته قويه وله هيبه
يحب بنت عمته ريم من يوم كانو صغار

بس هي مو منتبهه لهالشي وهو ماكان يبين لها


عبدالله : هلا يمه آمري

الجازي : ياوليدي بغيتك بسالفه
عبدالله : سمي يمه وش السالفه ................



ــــــــــــــــــــــــــــــــــــــــــــــــــ ـــــــــــــــــــــــ

"آنتهـــــى البــــآآرت "


توقعاتكم //

وش تبي تقول ام عبدالله لولدها ؟

هل هالشي يتعلق بريم بنت عمته ؟؟

هل راح يصارحها بمشاعره ؟؟





ردودكم تهمني "



((اعتذر عن قصر البارت ))










"ان شاء الله كل ويك آند بنزل بآرت او حسب الضروف "












اختكم // مـــآلي شبيه !!











دمتم بــــ خ ـــــير

غلا نفسي مكفيني ©؛°¨غرامي مجتهد¨°؛©

مراحب يالغلا
يعطيك العافيه
بدايه موفقه
وش تبي تقول ام عبدالله لولدها ؟
اكيد خطبه او شي واتوقع بياخذ وعد ليه ماطري بس يارب ياخذ ريم

هل هالشي يتعلق بريم بنت عمته ؟؟
يارب يسمع من بؤك ربنا

هل راح يصارحها بمشاعره ؟؟
امممممممممممممممم يمكن
بنتظارك يالغلا
ياليت تحطين البارات مرتين بالاسبوع
دن دن..

حُلم ||~ ©؛°¨غرامي جديد¨°؛©

"غلآ نفسي مكفيني "







مرورك اسعدني


وان شاء الله كل اربعا وخميس راح انزل بارت




بأنتظآآر البقيه




تعليقاتكم تهمني ...

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله


يعطيك العــافية
موفقة إن شــاء الله


http://forums.graaam.com/238622.html


,’

فتاة ميلان ©؛°¨غرامي فعال ¨°؛©

خيتوو

البداايه حلووه

وعبودي احلى هههههههههههه

بس بغيت اسال اذا هي عندك كاملله

اسطوره ! ©؛°¨غرامي ماسي ¨°؛©

يعطيكي العافيه يا عسسسل

موفقه

~

عازفة ناي الامل ©؛°¨غرامي جديد¨°؛©

بدايتك حلوه يالغلا رغم قصر البارت لكن عجبتني طريقتك في وصف الشخصيات

اتمنى لك التوفيق

بانتظار البارت القادم

تائهة في عالمي ©؛°¨غرامي فعال ¨°؛©

مرحبا البدايه روعه ننتظرك^_^

رهوووفا ©؛°¨غرامي نشيط¨°؛©

البدايه روعه

جود الدنيا ©؛°¨غرامي فضي¨°؛©

بداية موفقة

بانتظار البارت القااادم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1