| هل البنت مجبوره تضحي بحبيبها عشان مجاملات عائليه؟؟ بغض النظر عن طريقة الحب ولكن هل فعلا مجبوره تضحي بحبها وسعادتها وحلم حياتها عشان تجامل ام العريس الللي ياما وقفت مع اهلها او تضحي عشان العريس قريب لها وصعب ترفضه عشان مايزعل خالها والاعمها؟ او....او....او....؟ غلط يجبرونها على شخص ماحبته او ماتبيه عشان فلان اوفلانه.. غلط يجبرونها عشان قريب ماحبته اومارتاحت معاه.. هنا متنفس لكل من يقف مع الحق .. ابي ردودكم.. الموضوع كتبته من قصه حقيقيه لوحده من صاحباتي انجبرت عشان مجامله لابو العريس.. أخليكم مع القصيدة غصب عنها زوجوها وسلموهـا للغريـب مجبوره ماشاوروها قصدهم شرع العفـاف مادروا إن البنيـه مغرمـه ولهـا حبيـب جهزوها وهي تبكي وترتشف دمع إرتشاف وخبروها إن موعـد الفـرح منهـا قريـب مالقت أحدا" فهمها وهمهـا ناظـر وشـاف إن حكت باللي سكنها مالقت الهـا مجيـب وكانها هـي وافقتهـم جرعوهـا الزعـاف حالها من فعل أهلها صار محزن ومريـب والحفل قرب وقامت ترتجف خوف إرتجاف كل يوم تقول باكر الفـرج بـإذن الرقيـب باكر يمكن يفهمون قصتـي بآخـر مطـاف جا باكر ثم عدا وجـا بعـد باكـر عطيـب وعلقوا عقد الإناره وإحتشـد فـرد وآلاف أيقنت إن الجـرح جرحهـا مالـه طبيـب وإنها لازم تطيع أمرهم وترضـى الجفـاف جو لها والدمع يغرق جفنها الحلو الرطيـب قالوا ياالله إلبسـي ثوبـك اللـي للزفـاف كفنوها وفـي نظرهـم زوجوهـا للأديـب فرشوها الهم دايـم والأسـى لهـا لحـاف ياحسافه دخلوهـا والحشـا يغلـي لهيـب وأحكموا قيـد البنيـه وإسجنوهـا بإلتفـاف وادعتهم وهي تقول حسبـي الله الحسيـب رحلتي ماهيب طويله ورجعتي بعد القطاف سافرت عن دار أهلها وقلبها خطر وصويب سافرت مع منهو خطفها من أمانيها الضعاف خايفه مستوحشه والعـرق منهـا صبيـب وقلبها ينبض بذكرى ماضيه فيهـا إختـلاف |
| الزواج قسمه ونصيب واذا الولد ولد حلال واخلاق ليش ترفضه اهم شي الستر للبنت وحبيبها عادي بكرا يتزوج وينساها والحب يجي بعد الزواج واهم شي التفاهم والود والزواج فرصه اذا جاها المناسب توافق على طول لان الفرصه اذا راحت ماتتعوض |
| مشكوره على الرد منوره.. |
| أدوات الموضوع | البحث بهذا الموضوع |
| طريقة العرض | |
.png)
النمط المتتابع
