غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-05-2010, 05:50 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رواية آه لو تدري عن حالي صرت مجنونة بحبك / الكاتبة : إحساس بنت ، كاملة


الروايــة بحرينيـــة \ رومانسية \ جريئـــة \ خيالية

بقلـــم الكاتبة \ إحساس بنت

.
.
.


آهـ لوتدري عن حــآلي .. صرت مجنونة بحبــك


الجزء الاول




العصــــر الساعة 4
ترررررن ترررن >>> صوت تيلفون البيت
... : الو
نور : حوووماارة >> حمارة .. صار لي ساعة ادق ومحد يرد
امل : خير ياطير ودقيتين .. عسا لو عشرين مرة .. وش بتسوين يعني
نور: اعصابج .. اقول عن الكلام الزايد وتعالي البيت ضروري
امل : افـــكر .. بشوف مواعيدي
نور: جب جب وتعالي
وسكرت في وجهها بدون ماتسمع ردها
امل : ايـــا الكلبة اراويـــــج .. زفتة وحدة
ركبت امــل غرفتها .. واخذت شـــاور ع السريع واختارت لها ثياب ناعمة
عبارة عن بنطلون سكيني احمر وبدي اصفـــر .. وحطت لها شوية كحــل وروج وتعطرت واخذت عبايتها ومشت .. نزلت تدور على امـــها في الصالة
امل : يممممممممة يممممة
ام جاسم : وصمممممة نعم خير وش هالازعاج
امل : بروح بيت نووورووو ضروري
ام جاسم : ممنوع انرزي مكانج
امل : يممة عاااااد عاااااد .. وشوية وتصيح
دخل عليهم اخوها جــاسم
( بشرتة بيضة وشعرة حرير وملامحة قوية وعمرة 22 )
جاسم : خير وش عندها البطة تحن .. اكيد تبي شي
ام جاسم : تبي تروح بيت رفيقتها وانة مو راضية
جاسم : وانتي ماتقعدين في البيت .. يبي يقهرها .. ليش بتروحين ؟ ترا سوالف البنات وايد سخيفة وان سولفتون ماراح تخلصون
امل معصبة : اوووف حاشر نفسك ليييش .. اقول انقلع عن وجهي
جاسم : انقلع هااا اووكية اللي يوصلج عيل
امل : لالالالا خلاص تووبة والله توبة مااعيد كلامي
جاسم فية الضحكة : امممم بشرط
امل بملل : قول
جاسم : استعير الدي في دي محتاجة ..
امل بعجلة : اوكية اوكية يلا مشيانا . بيباااي مااموووو
وصلت امل عند نور .. وامل كانت منقهرة من نوررر
طاحت فيها ضرررب لين ماقالت بس .. وبعدها قعدو يسولفون
نور : اموولة تذكرين النادي اللي نروح لة
امل : وش فيـــة ؟
نور : يرتبون حق رحلة الى ايطاليــا لمدة شهرين
امل متحمسة : ياااااي حلفي والله لو يطلع كلامج صح اقعد ابوس فيج ليل نهار
نور : يييييع .. مابي بوساتج .. اتصدقين انة متحمسة اروح بس في مشكلة
امل : ادري بتقولين الاهـــل .. سكتت شوي .. اقول نورو شلون نقنعهم
نور : مادري ياحوووبي والله مافي اروح يعني اروووح ..
( نور وامل اعمارهم 19 .. اصدقاء الروح بالروح من ايام الدراسة حركاتهم وتصرفاتهم فيها هبال وجنون والاكثر من جذي فيهم حنان مو طبيعي .. و الاخلاص عنوانهم )
امل بعد تفكييير عميق : اقول نور ليش مانتصل على باقي الربع ونروح نتعشى في مطعم
نور : اي والله فكرة حلوووووة .. خليني ادق عليهم
دقت نور على فاطمة وجنان واتفقو على المكان والوقت وسكرت
امل : يووووة لازم اخبر مااامووو .. تدرين انها مارضت اجي .. لو ماجاسموو انقذني
نور من سمعت اسم جاسم ارتبكت : هــا اية جاسم زين زين
اتصلت امل حق امها وبعد حنة ورنة وطحة وصرااخ وافقت >> الله يعين
..................................
حمد : اووووف اووووووف والله اني مليت من لعب البليارد .. ميت جوووع
ودوونا مكان ناكل فية ..
راشد جا وضربة على راسة : توك ماكـــل مداك تجووع
حمد حاط يدة على راسة : يااخي ماصار كاكو اللي جبتة لي بطلعة من بطني
والله اني جووعان ارأف بحالي ..
فهد : هههههههههههه ارأف بحالة ياراشد .. وخلنا نروح مطعم سنع نسد جوعنا .. ترانا من زمان نلعب
راشد : عيل تدرون خلني ادق على النحس فيصلووو يمكن يجي ويانا
طلع تيلفونة من جيبة واتصل
فيصل نايم : هممممم
راشد : وانت ماتشبع نووم .. اقول فز من مكانك ربع ساعة وبجي لك
فيصل : هممم هــا تجي .. ليش >>> النوم مأثر علية
راشد : ماادري الحين اطلع لك من التلفون واذبحك .. قوم بس قم مجهزين طلعة حلوة انا والشباب يلا قوووم لا اسويك قووطي
فيصل توة مستوعب : اها اووكية وسكر الخط .. قام الحمام اخذ شاور وتجهز
......................
نور : امــــــــــل يلا ماجهزتي صار لج ساعة عند المنظرة
امل تعدل اخر لمسات كشختها : يلا جهزت .. قلتي لأمج
نور : اية يلا
كانت نور لابسة بنطلون وفانيلة نعوومين باللون الوردي وفوقهم العباية
وامولة استعارت ثياب من عند نور عبارة عن بنطلون جينز ازرق وبدي ابيض وفوقة العباية
ركبت نور وامل السيارة ومرو على فاطمة وجنان
( طبعا فاطمة عمرها 18.. وجنان عمرها 19خوات .. ناعمين وبشرتهم سمرا وفيهم هدوء يعني مو مثل امل ونور مرجوجين خخخخ )
.....................
بعد ما مر راشد والربع على فيصل وصلو للمطعم المطلوب واخذو لهم طاولة
حمد : والله اني متحير وش اخذ .. ابي شي دســـم
فيصل : ههههههههههه يااخي سد حلقك اذيتنا انت ويا بطنك .. ماادري اقوم اعطية بكس واخلية يسكت
الكل : هههههههههههههههههه
فهد : حمدو كل جووعان والمشكلة انة يطحن ولا يمتن .. وهذا اللي قاهرني
حمد : ههههههههه طق راسك بالطووف مو فاضي لك لاني جوعان خخخخخ
راشد : مالت بس .. وقبل لا يكمل كلامة بطل عيونة ع الاخــــر
بدخلة البــــنات المطعم >>> ياعيني
امل : هذي الطاولة اوووكية
نور : يلا ناخذها بسررررعة .. وتروح تركض لها خخخخ
قعدو البنات ع الطاولة وطلبو عشـــــا وقعدو يسولفون لين ما تجي الطلبية
........................
راشد : اااااااخ ياقلبي .. فديتها اللي قبالي
فيصل : ياويل حـــالي انا .. رشوود اشوة انك مريت علي .. والله انجان طافني هالمشهد ..
راشد سرررحان : ...........
فهد وعيونة بتطلع برا : اقول انتو .. اول مرة تشوفون بناااات .. يلا تراني ميت جووع .. وقـــز البنات وحدة وحدة >> الاخ داخ من الجمال اللي يشوفة
حمد : يسلم لي هالجمـــال بس .. ونســـا جوعة والاكل
فهد سرحاااااان : ...........
..................
نور : يووووماه شوفو ذووولة .. عيونهم بتطلع براا
جنان : هههههههههه اكيد بتطلع شايفين قماررة ع الطاولة
الكل : ههههههههههههه
وصل العشا وقعدو ياكلون الا امل ونور انتبهت عليها
نور : امولة ليش ماتاكلين
امل : ماعرف والله هذا ابو وجة القوطي اللي لابس كاب مو شايل عينة ..
صج وقح ..
نور : ههههههههه يمكن معجب .. شوفية شكلة الاخ مشــــير
الكل : هههههههههههههههه
فاطمة : وصلكم خبر النادي صوووح >>> بصراااخ
نور بفرح ممزوج بيأس : يب يب وصلنا ونبي نرررووووح اهئ اهئ >> بدلع
امل : افا عليكم نروح يعني نروح ماافوووت .. بس خلنا نفكر بطريقة نقنع بها اهاليـــنا
جنان : آي عليج اوووم الافكار ياخطييييرة .. اعتمد عليج حوووبي
امل بخبث : خخخخخ بتشووفين ..
بعد الاكل استأذنت امل وراحت للحمام ( الله يكرمكم ) تغسل يدها
كان الحمام بعيد شوي عن الطاولات .. بعد ماطلعت من الحمام لقت مثل الشاب اللي كان يطالع فيها .. وواقف في الممر
امل : لو سمحت ابي اطوف
راشد : واذا قلت لا
امل شوية وتصيح : ابي اطووووف
راشد في قلبة ( اخ بس .. بمووت انة قمر والله قمر ) : واذا ماخليتج تطوفين
امل هالوقت قامت تصيح : ياقليل الادب .. اقول بعد عن وجهي
ومشت بسررعة لكن ايدة كانت اسرع ومسكها
امل منصدمة ومتجمدة مكانها وتصيح : ا ا اقـ ــو ل ا ا تـ ـ ـرك يدي
لما شافها راشد منهارة ترك يدها ومشى عنها ..
امل رجعت للحمام تغسل وجهها وبعدها راحت للبنات
جنان : اشفيج تأخرتي صار لنا ساعة ننتظر نبي نمشي
امل مرتبكة : هــا اية بس كنت مضيعة الطريق
نور حست بأن امل فيها شي بس سكتت : ........
وراحو يدفعون لحساب وطلعو
................
فيصل : يالكللللللب اكيد رحت وراهـــا
راشد سررحااانة يطالعها وهي تطلع : ...........
فهد : هي انت راشدووو وش سويت بالبنت شكلها تصيح وحالتها حالة
راشد : هــا .. اوووف اسكت بموووت انة عليها .. اخذت عقلي هالبنت
حمد : ههههههههه غبي .. الحين وحدة اول مرة تشوفها تاخذ عقلك صج غبي
فيصل : خخخ بس اتصدق .. باين عليهم بنات محترمات يعني مااشوف عليهم حركات وسخة مثل باقي البنات ..
راشد : وهذا اللي مجنني .. ابيها بس تطالعني لكن للأسف ماعطني حتى نظرة
فهد : اااااسمع من يتكلم .. تنزل روحك على حساب بنت لاراحت ولا جات
راشد وفيصل : تخسى
الكل : ههههههههههههه
وطلعو وهم يضحكوون ..
.....................................
في السيارة كان الصمت سيد الموقف .. وصلو فاطمة وجنان
نور : اموولة وشفيج من رجعتي من الحمام وانتي ساكتة
امل في حالة صمت شديد : .........
نور : احاجيج .. اموووووووول
امل : ها شنو اذوني صمختيها
نور : شسوي فيج سرحانة ..
امل تذكرت الموقف ودمعت عينها .. حطت يدها ع رقبتها وتذكرت ان القلادة مو موجودة امل بخووف : نور نور وين قلادتي .. مو علللي ياويلي بتذبحني امي
نور : يمكن نسيتيها ..
امل تصيح وتدور شنطتها : لا لا .. ماادري ياااربي .. اخاف تضيع
نور : بكرا مندور عليها بس انتي هدي بالج ومايصير الا الخيــر ..
وصلت امل بيتهم وودعت نور ومشت .. توها بتدخل ولفت انتباهها سيارة سودا واقفة بعيد شوي .. هني امل حست بخوف ولفت نظرها واحد من الشباب يشرب جيكارة وشكلة سكران .. خافت وركضت داخل البيت وقفلت الباب وركبت غرفتها بدلت ثيابها وناااامت
.......................................
في هذا الوقت شبابنا كل واحد رجع بيتهم ..
دخل راشد بيتهم ولقى اختة منى جالسة في الصالة تطالع tv
راشد : هاااااي منووووو
منى : اهليين ..
راشد عفية اختي الغاليــــة حبيبتي انتي
منى : اخلص وش تبي
راشد : ههههه كاشفتني انتي .. بس مابي اكلف عليج ابي كاس مااااي عطشااااان
منى : اووكية ..
( طبعا منى جامعية مثقفة عمرها 21.. ماعندها سوالف هبال وهرار .. وربعها قليلين .. هادئة ونعومة .. ضعيفة .. اهم شي عندها دراستها )
رجعت وعطتة كاس الماي
راشد : مشكوورة اختي .. سكت شوي .. الة اقول ماوراج دوام بكرا
منى : نو .. ماتشوفني قاعدة الى هالوقت .. يعني ماعندي شي
راشد : اها اوكية .. يلا تصبحين ع خير
منى : وانت من اهلة
وصعد غرفتة ومن كثر التعب حط راسة ع المخدة وعلى طووول ناام
..................................
نور : لالالالا الله يخليك .. اتركها
..... : ابيها يعني ابيـــها .. دخلت مزاجي
نور تصيح : واللي يسلمك اتركها .. لا تأذيهاا
... : عندج مهلة من الحين لي بكرا .. اذا ماخبرتيها راح تشوفين شنو بسوي >> يهدد .. وسكرر الخط
جلست نور على طرف السرير تصيح .. مو عارفة شنو تسوي
......................


توقعاتكم
من الشاب اللي اتصل على نور ؟؟ وشنو يبي .؟
راح تقدر امل انها تقنع اهلها بالسفر مع النادي ؟



.
.

اذا شفت في تفاعل راح انزل الجزء الثاني .. ~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-05-2010, 05:53 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رد: رواية : آهـ لوتـدري عـن حــآلي .. صرت مجنونة بحبــك \\ بقلــم إحساس بنت.. ~


الجزء الثاني ..



الصبح الساعة 6
قعدت نووور مفزوعة من سريرها ودخلت الحمام بسرررعة اخذت لها شاور ولبست ثيابها وعبايتها وطلعت على جامعتها ..
............................
في الجامعة امل تدور على نور ومو لاقيتها صار لها ساعة تنطرها .. وادق عليها بس ماترد .. بعد فترة لمحت نوور من بعيد وراحت لها
امل معصبة : يووووه نووور صار لي ساعة ادور عليج .. ودقيت عليج وبعد ماتردين
نور مرتبكة وخايفة : هــا اية مانتبهت يمكن كان تيلفوني سايلنت .. اسفة تأخرن لان البارحة مانمت زين ..
امل بأهتمام : ياقلبي ليش مانمتي ؟
نور خايفة على امل : امل ابيج في موضوع ضروري
امل : الساعة 8 عندي محاضرة والحين الساعة 7 ونص .. خلي كلامج الى بعدين
نور : عفية اموولة ترا والله الموضوع ضروري .. ومايتحمل التأجيــل
امل سحبت نور وجلسو ع الطاولات بعيد عن الناس والفوضى
امل : يلا اسمعج تكلمي
نور خايفة : ا ا ا مـ ــل تـ ـرى في واحــ ـد دق علي البارحة ويـ ـقول يبـ ـي يكلـ ـمج
امل مستغربة : ومنو هذا ؟
نور بأرتباك : مادري ياامل والله اني خايفة عليج .. قعد يهددني .. وجلست تصيح
امل : يووة نور اشفيج تصيحين .. ماعليج منة هذا واحد يلعب .. وتلقينة فاضي وماعندة سالفة .. ومشت عنها
..................................
في مكان ثــاني في بيت ابو فيصل الـ ....
نزل فيصل بعد ماجهز نفسة للشغل ولقى امة وابوة في الصالة
( طبعا فيصل وحيد امة وابوة .. طويل وجسمة رياضي ويلعب حديد اسمراني وملامحة تهبــــل .. وسيم وعمرة 23 ) .. نزل وباس راس امة وابوة
فيصل : صباااح الخير
ام فيصل وابو فيصل : صباح النور
ام فيصل : تفضل يمة اجلس افطر
فيصل : لا يمة تأخرت على الشغل .. لازم اروح
ابو فيصل : ياولدي ترا الشغل لاحق عليــة .. مو طايــر اجلس ويانا شوي وبعدين روح
فيصل بأبتســامة : ان شاءلله يبة
.....................................
حمد : يابو مازن قلت لك ترا الاسعار ثابتة .. ومانقدر نغيرها
ابو مازن : والله السعر غالــي وماعندي امكانية ادفع اكثــر
حمد : اسمح لي يابو مازن والله لو بيدي خفضت سعر قطعة الارض .. بس انت تدري هالايام الاسعار مرتفعة وموبيدي الشي
ابو مازن بأستسلام : خلاص ياولدي وقع .. بشتري الارض
حمد : ان شاءلله بس تعالي لي بكرة المكتب وانا راح اخلص الاجراءات .. والف مبروك عليك الارض مقدما
ابو مازن : مشكور الله يبارك فيــك ..
............................
طلعت امل من المحاظرة وجلست تنتظر نور.. بعد نص ساعة
نور : اسفة تأخرت
امل : لا عادي بس خلينا نفطر تراني ميتة جوووع
نور : ههههههههه افا عليج .. يلا مشينا
دخلو البنات الكافيتيريا واخذو اللي يبونة وجلسو في الزاوية عند الزجاج .. ~
................................
راشد : ههههههههه يااخي والله انك مصختها
فهد : حط فيها ملح ههههههه
راشد يبي يقهره: سخيف ماتضحك
فهد تضايق: انا غلطان يوم جيت عندك في المكتب اروح احسن لي
راشد : اجلس يااخي وش فيك صاير حساس زيادة عن اللزوم .. ماقلنا شي .. اذا النادي بيروح رحلة روح وياهم .. ليش مكدر روحك
فهد يفكر : لا شنو اروح بروحي .. ابيكم وياي
راشد يحوس في الكمبيوتر : انت تدري احنا كلنا مشتركين في النادي عشان نكون وياك .. بس احنا مودايم نروح .. يمكن مايقبلونا
فهد : وانت وش دراك يااخي .. خلنا نروح نسجل اسامينا .. ترى اذا صار فــل ماراح نحصل مجال بعدين
راشد يفكر : ليش مانأجل الموضوع الحين .. لازم نكلم فصوول وحمد ونسمع رايهم ..
فهد وهو يقوم : اي اوكية .. يالله نلتقي .. سي ياااا >> ومشى للباب
لا تنسى هاا
راشد : لا اووكية اتطمن ماراح انسى .. سي يا حبيبي
...............................
نور : يوووة نسيت علي محاظرة الحين .. تأخرت >> وقامت وهي مفزوعة
جلست امل لحالها .. جا في بالها موضوع الرحلة .. وجلست تفكر بعمق شلون تقنع اهلها .. وفجأة
....... : مســاء الخير
امل : مساء النور .. نعم ؟
.......: انتي امل ؟
امل مستغربة : ايــة .. خيرررر
.... : هذي رســالة لج من عند الشاب اللي واقف عند الباب
امل تدور تطالع الباب : ومنو هاذ ؟
... : والله لا تسأليني قال لي اوصلها لج .. واللي علي سويتة .. باي >> ومشى عنها
امل : اوكية مشكور
فتحت امل الرسالـــة وهي خايفة من الكتوب فيــها .. وجا في بالها كلام نور عن الشاب اللي اتصل لها .. بعد لحظات جلست تقرا الرسالــة
( هلا ومرحبا بالغاليــة اموولة .. حبي هذا رقمي ×××××× وابيج اتكونين موجودة في المكان ..... والوقت 8 الليل ..راح انتظر واذا ماجيتين راح تندمين)
امل من خوفها طلعت من الجامعة مباشرة .. بدون ماتخبر نور .. ورجعت بيتهم
......................
العصــرر الساعة 5 ..
رن تيلفون فاطمة اللي كانت نايمة
فاطمة : هممممم
جنان : وانتي للحين نايمة يلا ياختي جهزي نفسج
فاطمة تقعد وتبعد الفراش عنها : ولييييش ؟
جنان : حبيبتي اليوم راح نزوح الى امل .. تقول تبي تطلعنا
فاطمة : يوووة خســـارة >> شوي وتصيح .. ترا عندي بكرة امتحان وماقدر اجي وياكم
جنان : اممم اها .. اهم شي دراستج اختي .. هالله هالله ابيج ترفعين الراس
فاطمة : ولا يهمج .. روحي انتي وانبسطي وياهم ..
جنان : عيل تدرين راح اخلي السايق يوديني هناك مباشرة .. لاني قلت بمر عليج .. بس مدام ماراح تجين راح اروح على طووول
فاطمة : اووكية ..
سكرت فاطمة التلفون ونزلت في الصالة .. وتذكرت امها وابوها وجلست تصيح
.. ام وابو فاطمة وجنان متوفيين من سنة في حادث .. وعندهم جد وجدة ساكنين معاهم في البيت ..
شافت جدتها جالسة في الصالة وراحت باست راسها
فاطمة : مرحبووو جدووو
الجدة : اهلين بالغالية ..
فاطمة : اقول جدة .. عطوج الخدم الدوا ؟
الجدة : اية يابعدي مايقصرون والله .. يعطوني الدوا في وقتة
ابتسمت فاطمة : ايــة .. الله يخليج يااحلى جدة
الجدة بأبتسامة مافارقت شفاتها : ويخليكم ياحبيبتي
..............................
على الليل الساعة 7
وصلت نور وجنان بيت امل .. ودخلو المجلس
نور : امل وشفيج اليوم العصر تكلميني في التيلفون وانتي خايفة .. ومو عارفة تتكلمين
امل جالسة تحوس في تيلفونها : ايــة ابيكم تجون وياي الليلة
جنان مو فاهمة شي : وين بتطلعينا ؟
نور : نجي وياج ؟ .. ويـــن .. سكتت شوي .. اموولة تكفين عن الالغاز ترا والله نفذ صبري
امل بخوف ممزوج بدموع : نـ ــو و ر اللي اتصل لج داز واحد يوصل لي رساااالة ..
نور منصدمة : هـــا ا ا .. وينها
جنان : وش صاير .. خبروني
وقالو الى جنان باللي صااار .. وراحت امل تجيب الرسالة وقروها ونور اكثر وحدة منصدمة ..
نور معصبة : وانتي بتروحين لة الليلة ؟؟ ..
امل بتردد : ايـ ــة .. يانور اخاف يسوي شي .. وانة مو قد المشاكل
نور وقفت معصبة وصراخها وصل للباب : وانتي مجنووووونة .. شلووون تروحين الى واحد ماتعرفينة .. خايفة لانة قام يهدد .. في الطقاق خلية يولي
بس انج تروحين .. ماراح اسمح لج
جنان بتفهم : امل اللي قالتة نور صح .. ماراح نسمح لج تروحين .. نخاف يسوي فيج شي ..
امل : وهذا من وين طالع لــي .. وش يبي .. ؟؟ وشلون عرفني
نور : حبيبتي اموولة .. ماعليج منة .. ولا تفكرين ولا تكدرين نفسج خلية يولي .. احنا عندنا موضوع اهم من هذا .. لازم نقنع اهلنا بالسفررر
امل منزلة راسها : ايــة .. نور واذا مارضو
نور : حبيبتي لازم في طريقة تخليهم يرضون .. وراح نفكـــر
جنان بحزن : لو كانو اهلي عايشين .. وسكتت
قامت امل وحضنت جنان بكل حنااان : جنوون احنا اهلج وكل شي .. بس اهم شي لا تفكرين بهاي الطريقة .. واللي راح راح .. وهذا اللي الله كاتبة
جنان تصيح : ونعم بالله
امل : اية عفية .. ابي اشوف جنون النشيطة الحلوة ..
نور بأرتبــاك : امل الساعة 8
امل قامت وهي خايفة : هــا اية وش فيها يعني .. يلا دقايق وراجعة بجهز نفسي
صعدت امل غرفتها تتجهز .. ونور وامل في المجلس ينطرونها
..............................
فيصل تعطلت سيارتة في الطريق .. اخذ تيلفونة واتصل الى راشد
راشد : هلا والله بفصوووووول
فيصل تعبان : ياهلا بيـــك رشووود
راشد : سلامتك اشفية صوتك
فيصل : ابد .. بس سيارتي تعطلت في الطريق وصار لي ساعة انطر احد يساعدني بس مافي فايدة
راشد : افا .. واحنا وين رحنا يالغالي .. يلا انت وين
فيصل : انا عند الشارع ......
راشد : دقايق وواصل لك
.......................
امل : تأخرت ؟
جنان : لا .. يلا مشينا
نور : امول انتي بتسوقين ولا اخلي السايق يودينا ..
امل : لا خلية يودينا .. تعبانة ومالي خلق اسوق
نور : اووكية .. الا وين منروح
جنان : خاطري اروح المجمع اخذ لي شوية اغراض .. وش رايكم ؟
امل : اي اوك .. بس مانبي نتأخر
..........................
وصل راشد عند فيصل
راشد : سلامات يالغالي .. شخبارك
فيصل تعبان : وش تشوف يعني صار لي ساعتين واقف .. وهذي هالكلبة وقتها تخترب علي .. اووووف
راشد : هههههههه افا عليك نصلحها ونمشي .. ولا تدري خلني اتصل يجون ياخذوها ويصلحونها .. يلا اركب سيارتي وانا بتصل
ركب فيصل السيارة وراشد اتصل وخبرهم بمكان السيارة ومشو
......................
وصلو البنات المجمع .. ودخلو المحلات ياخذون الاغراض اللي يبونها .. وبعد ماخلصو قررو انهم ياخذون لهم عشا ويروحون عند البحر ..
في الطررريق
جنان : والله اني احب البحــــر .. اموووت علية
نور : البحر ملجأ للهمووووم
وفجـــأة رن تيلفووون نور ..
نور بأرتباك واااضح : امل .. امــــــل .. لحقي علي
امل انتبهت عليها : وشفيج
نور ترتجف : يتصـ ـــــل .. يتــــــ ـ ـصل
امل بخوف : عطيني تيلفونج .. برد علية
واخذت التيلفون : نعم
.... : ياهلا بهالصووت
امل مرتبكة : خير وش تبي ..
.... : انا عطيت رفيجتج مهلة .. ووصلت لج رسالة وانتي مانفذتي اللي فيها
يعني ياحووبي .. انتظري اللي راح يجيج ..
امل بأستهزاء : هه في ستين داهية >> وتسكر الخط
جنان والخوف واضح عليها : امل الله يستر منة .. شكلة ناوي على نية شينة
امل شوي وتصيح : وش تبيني اسوي .. والله مادري من وين طالع لي .. مااذكر اني سويت حركات او شي يلفت ..
نور : ..........
وصلو عند البحر .. وجلسو يسولفون وبعدها كلن رجع بيتة
........................
في المقهى
فيصل : اقول راشد
راشد : آمر
فيصل : انت من صجك تبي تسافر مع فهوود
راشد : فصول ترا مااقدر ازعل فهد .. وانت تدري تراه حساس .. ولا تنسى احنا مسجلين في النادي عشان مايكون بروحة
فيصل بتفهم : ادري بس وايد شهرين .. مدة طويلة .. ورانا اشغال وحالة
راشد : شوف ترا انة فكرت وقررت اروح وياه .. واذا انت حاب تجي حيااك لاني مستحيل اخلية بروحة
فيصل : لا حبيبي .. ترا رجلي على رجلك .. وياكم اكيد .. وش راي حمد
راشد : والله مادري اتصدق للحين ماقلت لة ..
فيصل : حمد يحب السفر ومتأكد انة بيجي ويانا ..
راشد : ان شاءلله
فيصل : يلا قوم وصلني البيت .. تعبان ابي ارتاح
راشد : تامر امر يلا
وكلن راح بيتة


.
.

توقعاتكم ..

انتظروني في الجزء الثالث


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-05-2010, 06:46 PM
صورة }{!Karisa!}{ الرمزية
}{!Karisa!}{ }{!Karisa!}{ غير متصل
©؛°¨غرامي مجتهد¨°؛©
 
الافتراضي رد: رواية : آهـ لوتـدري عـن حــآلي .. صرت مجنونة بحبــك \\ بقلــم إحساس بنت.. ~


عنـــــــوووان الروايه مره حلو و جذبني ^_^

ما اقدر اتوقع الحيــن من قله الاحداث

بس ان شاء الله البارت الجاي

لا تطـولين و بالتوفيق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-05-2010, 08:50 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رد: رواية : آهـ لوتـدري عـن حــآلي .. صرت مجنونة بحبــك \\ بقلــم إحساس بنت.. ~


الجزء الثالث



‘عــًلمتنـٍي فـٍي لــًح‘ــظة آلضع‘ــًف مـًآ آبـگــٍي
ۋگــًآبـًرت بـٍفـًرآآقـٍگ مـًع ـآإنـّـٍي تآألـًمت
ۋع‘ــًلمتنـٍي فـٍي سـًآآع‘ــًة آلضـٍيق مـًآ آشـگـي
ۋآلـًيـُوومْ ضـًآآقـًت بـًس ـآأنـًآآ مـًآتـگــًلمـٍت
لآ دمــًع فـٍي غ‘ــيـًآآبگ ۋ لـٍسًآن يـًح‘ــگـي
بـًع‘ــدگ إذآ ضـآآقـٍت ع‘ــًلـٍي دنيـٍتـٍي

في بيت ابو جاسم
امل : حبيبتي امي .. القمرررر >> تتحايل
ام جاسم : خلصي وش عندج
امل : خاطري اسافــــر .. وبما اني مجتهدة في النادي وحاصلة على مراكز عالية يعني .. قررو انهم يودونا رحلة
ام جاسم ترفع الشاي : وانزين .. وين هذي الرحلة
امل متحمسة : مادري والله كأن قالو الى ايطاليــا او بريطانيا ماادري يعني
ام جاسم : خبري ابوج .. ليش جاية لعندي
امل : يمممممة .. انتي تدرين ان ابوي مشغوول و موفاضي ..
ام جاسم : بس بعد .. لازم تخبرينة وتشوفين شنو يقول لج
..........................
في هذا الوقت كان حمد توة قاعد من النوم .. دخل الحمام واخذ لة شاور سريع
وجلس على مكتبة يخلص اوراقة .. وبعدها نزل تحت الصالة
حمد : قووووة يمممة
ام حمد : الله يقويك
حمد : يممممة الة وين عبدالله
ام حمد : توة طالع ياوليدي ..
( حمد انسان هادئ في بعض الاحيان .. طويل ضعيف وعمرة 23 )
حمد : ية وانا خاطري مرة اشوفة جالس في البيت
ام حمد : يممة لا تظلم وليدي .. خلة على راحتة .. وبعدين هو توة طالع من البيت
حمد : ماقلنا شي بس لازم ينتبة الى دروسة ..
وبدخلـــة رشا اخت حمد
رشا : وش عندة الفيلسوف قاعد يعطي محاظرة
حمد : هي هي هي ماتضحكين
رشا بدلع : ها ها ها يوووة شكلي قلت نكتة وانة مادري
( رشــا دلوعة .. عادية .. جمالها متوسط .. عمرها 15 )
( عبدلله .. انسان طايش .. مايحب يسمع نصايح .. جمالة عادي .. وعمرة 17 )
رشا : يمممة وين ابوي .. اهو وعدني انة يوديني الملاهي
حمد : بس وهذا انتي .. ياحبج للتنقز
ام حمد : وبعدين وياك ياحمد .. ماتخلي اختك في حالها
حمد يقوم و ياخذ الماي ويرشة على رشا : ههههههههه تستاهلين >> وركض لعند الباب يخاف اختة تلحق وراة وتضربة وقال وهو يضحك : ههههه سوري ماي سستر
رشا معصبة : حمدووووو ياكللللب .. اوررريييك .. يمممة شوفي وش سوا فيني
ام حمد : ههههههه
.......................................
في غرفة امل .. كانت امل تذاكر للأمتحان بكرا .. لدرجة انها ماكلت زين .. خوفها كل من الامتحان .. لان بالنسبة لها هذي اصعب مادة ..
............................
دخل جاسم البيت وكان يغني وشكلة فرحان ومرتاح ع الآخر .. صعد فوق الى غرفتة وشاف باب غرفة امل مفتوح منة شوي
جاسم قرب من امل وهي ماتدري : بوووووووه
امل تصارخ : ووووجع .. قول اميييين
جاسم يضحك : هههههههههههههاااي .. وش عندج اشوفج مانتبهتي لي وانا داخل
امل تعدل جلستها وهي متضايقة : وش اسوي بكرا عندي امتحان لازم اذاكر زين ..
جاسم : تعالي الة بسألج .. صح اللي سمعتة من امي ؟
امل مو منتبهة : شنو ؟
جاسم قرب اكثر وجلس على السرير : سالفة السفر مع النادي
امل بتردد : هــ ــا ايـ ــة هههههه يقولون .. عاد انة قلت الى امـ ــي
جاسم : وان شاءلله ناوية تروحين معاهم ؟
امل تدور بالكرسي : امممم اية ..
جاسم : هه تحلمين تروحين .. اصلا ماراح اخليج .. وابوي ماراح يرضا
امل بتصيح : لا لاتقول جذي .. حرام عليك خاطري اروح وياهم .. ماني
جاسم : ممنوع يعني ممنوع .. شنو تروحين .. وبعدين منو اللي بينتبة لج ومنو بيداريج .. واذا صار فيج شي لاسمح الله منو بيتحمل فيج .. هناك غربة وبتقعدين شهرين .. وهني احنا بنحاتيج .. وخصوصا امي وابوي بتجيهم حالة توتر ..
امل : بس ماراح اكون بروحي .. ربعي كلهم بيروحون .. وبعدين المسؤولين راح يكونون ويانا .. وهم بيتكفلون بكل شي .. بس اللي علينا ندفع حق التذكرة .. اما السكن عليهم .. والاكل الفطور عليهم .. والغذا والعشا علينا
جاسم يفكر : امممم بس بعد .. مافي امان ماتفهمين
وقام وهو متضايق وطلع عنها .. وترك امل بحزنها وصياحها بالغرفة
..............................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-05-2010, 08:51 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رد: رواية : آهـ لوتـدري عـن حــآلي .. صرت مجنونة بحبــك \\ بقلــم إحساس بنت.. ~


يوم ثاني ..
شمس تشرق من جديد ..
وامل جديد .. واحداث جديدة ..
ركضت امل على جامعتها .. تخاف يفوتها وقت الامتحان .. توها بتدخل بس المراقب منعها من الدخول ..
امل : لو سمحت انة في هذي القاعة >>> وتأشر على كرسيها
المراقب : اسمج لو سمحتي
امل : امل الـ ....
المراقب : انتي ممنوعة من الامتحان
امل منصدمة : لا لا لو سمحت تأكد مرة ثانية .. شنو ممنوعة
المراقب : لو سمحتي المكتوب مكتوب .. وانا ماراح اجيب شي من عندي ..
امل تصيح : بس انة ماسويت شي مخالف .. وليش ممنوعة من الامتحان
المراقب : اذا عندج شي روحي للأدارة ..
ركضت امل وهي تصيح وفي حالة صدمة الى الادارة .. واستفسرت عن الموضوع .. ولقتة صج .. وانها ممنوعة من الامتحان .. حاولت تقنعهم بأنها تدخل القاعة .. بس محاولاتها فشلت .. في هذا الوقت
رن تيلفونها
امل : الـ ــو
... : ههههههه شخبار امتحانج ياقمر ؟
امل تصيح : وانت وش تبي فيني .. حراام عليك .. ليش ليييييش
.... : انا قلت لج بتندمين .. لانج مانفذتي اللي طلبتة .. وهذا شي قليل اللي سويتة لج .. والجايات اكثر ههههه
امل تمسح دموعها : وش تبي .. وبعدين من وين ماخذ رقمي
..... : مايهمج .. اهم شي اني اعرف شلون اوصل لج .. واي حركة ثانية .. بخليهم يطردونج من الجامعة بكبرها .. هههههه >>> وسكر الخط
امل في قلبها ( انسان وقح .. مريض نفســيا .. ياربي وش اقول الى اهلي اذا درو .. وش هالورطة) وجلست تصيح
انتبهت لها نور اللي كانت طايفة مع صديقاتها .. واستأذنت منهم وراحت الى امل
نور : اموولة ياقلبي وش فيج تصيحين
امل تزيد صياح : لحقي علي يانور >> وتحضنها .. حرمني من الامتحان
آهـ .. وش اسوي في عمري
نور مو فاهمة شي : امل هدي وبعدين فهميني .. سكتت شوي .. تعالي شربي ماي .. واخذتها للكافيتيريا وعطتها ماي ..
نور : يلا الحين قولي لي وش السالفة
امل منزلة راسها: لاني مارحت لعندة ذاك اليوم .. وحرمني من الامتحان
نور فتحت عيونها ع الاخر : معقووووولة ؟ .. امبية شكلة هذا مركزة عالي وعندة ظهر قوي .. بس شلون يسوي جذي .. انتي مالج ذنب بشي
امل : .............
نور : تدرين .. قومي نروح مكان نغير جو .. انة خلصت وماعندي شي .. وانتي حالتج ماتسمح لج تحظرين محاظرة
امل بيأس : يلا
.......................
.... : والله لأخليها تندم
محمد : يا فارس كفاية .. اذيت البنت وحرمتها من الامتحان .. وش بتسوي بعد
فارس : مشكلتي انها دخلت مزاجي .. وانة أأمر وينفذون .. مب هي اللي تتحداني
محمد : الله يهديك .. ترا ماتستاهل .. كفاية اللي صار لها
فارس : هه .. اسمعني ابي منك خدمة
محمد : قول
فارس : بعطيك ظرف ابيك توصلة بيتهم
محمد : وش فية هالظرف
فارس بمكر : فية صور لها
محمد مغلوب على امر : ان شاءلله
( محمد وفارس من عائلة غنية .. اصدقاء من الطفولة .. يحبون شي اسمة مشاكل .. بشرتهم بيضا . وتقريبا لهم نفس الجسم .. وملامحهم حلوة واعمارهم ..25 )
............................
في النادي
فيصل : اشفيك ياحمد .. من جيت وانت ساكت
حمد : هـ ـلا لا ولا شي .. بس افكر
راشد : يلعن ابو التفكير اللي مخلنك جذي ..
فهد : هههههه ترا كلها كم اسبوع ونفلها
راشد : هههه اي والله .. محتاج اغير جو
حمد : حجزتو لي وياكم
فهد يبي يقهره : لا ماحجزنا .. وماندري انك بتجي ويانا
حمد قام وهو معصب : شلون يعني ماتحجزون لي .. يعني انا الطوفة الهبيطة
فهد ماسك ضحكتة : اشفيك عصبت يااخي اي حجزنا لك .. افا احنا ننساك .. مانقدر على زعلك
راشد : حمد اترك عنك العصبية .. يعني معقولة نحجز لنا وننســاك .. شغل مخك يالذكي
حمد : هههههههههههه
.............................
نور : تعالي جلسي هني
جلست امل على الكرسي عند البحر وحطت راسها بين رجلينها .. وقعدت تصيح .. مو مصدقة اللي صار لها ..
نور : خلاص ياامل .. صياحج مايفيد الحين .. بسج والله قطعتي قلبي
امل مخنوقة : قـ ــولي لـ ــي وش سويت .. هذا امتحان صعب ويحرمني منة ..
وبعدين منو هذا وشنو يبي .. الله لا يوفقة
وقفت امل وتذكرت انها مسيفة رقمة في تيلفونها .. دورت على رقمة وجلست ادق عليــة .. ماتحملت تشوف صديقة عمرها محطمة وتعبانة جذي .. فقررت انها تحط حد حق السالفة
فارس : هلا بهالصوت
نور : تهلهلت حنوجك قوووول اميييين .. ياقليل الادب ياللي ماتستحي على وجهك
فارس بخبث : اعصابج .. ليش كل هالعصبية يبة
امل : انت وش تبي منها .. ليش حرمتها من الامتحان ..
فارس : شوفي والله اللي سويتة بمزاجي .. وكيفي .. وقولي لها في مفاجأة تنتظرها في بيتهم اذا راحت .. ههههههه
نور خايفة : نعم .. شنووو ؟
فارس : اللي سمعتية .. ولا جاج صمخ
نور : لو سمحت مانبي مشاكل .. اتركها في حالها ترا والله نفسيتها دمااار .. واخاف يصير فيها شي ..
فارس : نبهتكم من البداية بس انتو ماسمعتو الكلام .. عاد خلها تتحمل اللي بيجيها .. والله لأخليها تبوس رجليني >>> وسكر الخط
في هذي اللحظة نور تجمدت من الخوف .. وخايفة من المفاجأة .. ومب عارفة تقول الى امل .. امل حست عليها
امل ترتجف : هـ ـــا وش قال
نور منقهرة : امـ ــل يقول في مفاجأة في بيتكم .. ياربي مادري وش جايب لنا من مشاكل
بخوف ودموع حاولت امل توقف على رجلينها وتمشي لعند السيارة .. استسلمت للأمر الواقع .. ركبت نور وفي الطريق كان الصمت سيد الموقف .. ولما وصلو البيت
نور : امل بجي وياج .. ماقدر اخليج بروحج
امل بخوف : لا تحاتين خيو .. ان شاءلله مافي الا كل خييير .. وسكرت باب السيارة ونزلت
في هذي اللحظة كان ابو جاسم ينتظر امل عند الباب ومن شافتة امل وقلبها نقزها وحست بخوف شديد .. ولمحت من بعيد جاسم وامها واقفين من بعيد ونظراتهم كلها تهديد
ابو جاسم معصب: من وين جااية ؟
امل بخوف : هااا من الجامعة بعد من ووووين
ابو جاسم قرب منها ويعطيها كف على وجهها .. ومن قوة الكف طاحت على الارض وجلست تبكي : يبة وش سويت ليش تضربني
زادت عصبية ابو جاسم : ايا قليلة الادب .. احنا اللي ربيناج احسن تربية وعلمناج الحلال من الحرام .. وآخرتها تسوين فينا جذي تنزلين راسنا في الارض
امل تصيح بقوووة : بس وش سويت .. والله اني ماسويت شي غلط
تقرب جاسم اخوها ورما في وجهها الظرف .. ومن خوفها فتحتة بسرعة وشافت صورها في كل مكان .. وكل حركة تسويها كانت مصورة
جاسم اخذها رفعها من ثيابها وهو معصب ورماها على الارض واخذ يضرب فيها بعصاية وهي تترجاه يتركها لين مااغمي عليها .. وسحبها لغرفتها ورماها على الارض وقفل عليها الباب
.................................
دخل عبدالله بيتهم وهو طفشان .. كان متهاوش مع واحد في الطريق واخلاقة مقفلة .. وعلى طول جلس على الكنبة وشغل tv
رشا : يادافع البلالا .. الناس تسلم اذا دخلت ..
عبدلله : جب
رشا : يجبك
عبدلله : بتسكتين ولا احط الحرة فيج .. ترا والله مصختينها
رشا تقوم : وي عشتو مالت عليك >>> وتركض غرفتها
عبدلله : صج ياهل
........................
جنان : ياربي ادق عليها بس ماترد
فاطمة : يمكن مشغولة او شي ..
جنان : بس مو من عوايدها ماترد .. حاسة ان في شي
فاطمة : ليش ماتتصلين الى نور
جنان : اي صح .. >> وتضرب جبينها .. شلون نسيت .. ودقت
نور : الوووو .. عاش من سمع هالصوت
جنان : هلا والله تسلمين حبيبتي ..
نور : شخبارج حبيبتي
جنان : الحمدلله بس جايني توتر .. ادق على امل بس ماترد
في هذي اللحظة نور تذكرت .. وخافت ان امل صار فيها شي
نور : اقول جنون لا تحاتين مافيها شي .. واسمحي لي تذكرت شغلة ولازم اقفل
جنان : اي عادي خيوو .. بس طمنيني اذا وصلتج اخبار عنها
نور: ان شاءلله يلا باي >> وسكرت الخط
وعلى طووول تلبس عبايتها وتروووح طياري لعند بيتهم .. دقت الجرس مرة ومرتين بس ماحد يرد .. وفي المرة الثالثة شالتة ام جاسم : مييين
نور : انة نور ياخالة
فتحت لها الباب ودخلت
نور : السلالام عليكم خالووو
ام جاسم متضايقة : وعليكم السلام يابنتي
نور لاحظت ان في شي : خالتو الا وين امل .. صار لي ساعة ادق عليها بس ماترد
ام جاسم والعبرة تخنقها : بنتي آآه يابنتي .. ماادري عنها من ضربها ابوها واخوها وانة مادري عنها .. جاسم مقفل عليها الباب ولا ادري وش حالتها
نور تبي تستوعب اللي سمعتة : خالو يصير اصعد اتطمن عليها
ام جاسم : روحي يابنتي بس ماراح تحصلين نتيجة
صعد نور لغرفتها ولقتها مقفلة .. حاولت انها تكلم امل بس مافي نتيجة .. دورت على شي تبي تفتح الباب ولقت حديدة طويلة ضعيفة في المخزن وحاولت تفتح الباب بالحديدة .. وبعد نص ساعة من المحاولات قدرت تفتح الباب .. وانصدمت من المنظر اللي شافتة .. شافت امل على الارض مغمى عليها والدم يطلع من فمها .. ركضت لعندها
نور مفزوووعة تصيح : امـــــل اموووولة تكفين لا تروحين وتخليني امل >> وقعدت تهز فيها وتضرب خدها تبيها تصحى
ام جاسم سمعت صراخ نور وقامت وهي مفزووعة وخايفة على بنتها اللي ماتدري عن حالها .. وشافت منظرها اللي يعور القلب ..
ام جاسم تصيح : يمممة بنتي حسبي الله عليك ياجاسم ... حراام عليك اللي سويتة في بنتي
نور تصيح : خاالة لازم نوديها المستشفى ضروري ..
ام جاسم تقوم : يلا يابنتي الله يعطيج العافية .. بسرررعة اخاف يصير فيها شي
وقامو حملو امل بمساعدة الخدامة ووصلوها لعند السيارة وركبت ام جاسم مع نور الى المستشفى
.......................................
فارس كان جالس في سيارتة عند البحر ويفكر في امـ ـــل .. حط يدة على راسة وتذكر قسوة عمة عليييية .. لما كان ابوة في المستشفى .. وتذكر امة الحنونة واختة الصغيرة .. فارس في نفسة ( الحمدلله ان ابوي طلع بالسلامة وتشافى .. والله فكنا من هذا العم اللي مايعرف الرحمة ) وررن تيلفونة
فارس : هلا
محمد : هلا بييييك
فارس : هاا بشر وش الاخبــــار
محمد : اتصل اللي عينتة انة يراقب بيتهم .. وخبرني بأن في بنت مع حرمة كبيرة حملو امل وودوها المستشفى
فارس فرحان : حلووووو .. اي مستشفى
محمد حزنان : الـ ..... .. والله كاسرة خاطري .. ابعد عنها
فارس متحمس : مو شغلك اوكية بروح اشوف الوضع بنفسي .. >> ورجع وركب سيارتة ومشى متوجة للمستشفى .. وقول الى الرجال اللي عينتة مراقب انة يبعد عن البيت .. خلاص انتهى شغلة .. وعطة فلوس وانة بعدين بتفاهم ويااك >> وسكر الخط
................................
وصلت نور المستشفى ونادت على السسترات اللي جو يركضون .. ودخلوها الغرفة وعملو لها فحوصات وام جاسم قاعدة على اعصابها تنتظر النتيجة .. في نفس الوقت وصل فارس المستشفى وشاف نور وام جاسم وعرف ان امل في هذي الغرفة .. جلس بعيد عشان مايحسون فيــة >> يبي يتطمن عليها


انتظروني في الجزء الرابع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-05-2010, 08:54 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رد: رواية : آهـ لوتـدري عـن حــآلي .. صرت مجنونة بحبــك \\ بقلــم إحساس بنت.. ~


}{!Karisa!}{


الله يسلمج خيو ..

ان شاءلله تعجبج الرواية
وبصراحة قريتها والكاتبة تكتب في البارت الاخيــر
رواية وايد حلوة


كوني بالجوار اختي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-05-2010, 08:59 PM
صورة قُـوتْ آلهَوىْ ـآإ ! الرمزية
قُـوتْ آلهَوىْ ـآإ ! قُـوتْ آلهَوىْ ـآإ ! غير متصل
©؛°¨غرامي متألق ¨°؛©
 
الافتراضي رد: رواية : آهـ لوتـدري عـن حــآلي .. صرت مجنونة بحبــك \\ بقلــم إحساس بنت.. ~


يعطيك العوافي خيتو روووعه

والف شكر لك وبأنتظارك ,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-05-2010, 02:38 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية آه لو تدري عـن حالي صرت مجنونة بحبك / الكاتبة : إحساس بنت


,’




بسم الله



يعطيك العـــافية
موفقة إن شـــاء الله بـ نقلك


https://forums.graaam.com/238622.html




,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-05-2010, 03:29 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رد: رواية آه لو تدري عـن حالي صرت مجنونة بحبك / الكاتبة : إحساس بنت


منورين على تواجدكم

انتظروني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-05-2010, 03:32 PM
عذبني صمتي عذبني صمتي غير متصل
©؛°¨غرامي مشارك¨°؛©
 
الافتراضي رد: رواية آه لو تدري عـن حالي صرت مجنونة بحبك / الكاتبة : إحساس بنت


الجزء الرابع
(الفصل الاول)


يامعذبني ترا زادت جروحي
واخاف اشكي والقى جروحي تنزف
وينــك ياحنان فاقدتة من زمـــان
ابيـــك قربي .. ليتني اقدر اشفي جروحن لازمتني

بعد انتظار طويل .. وام جاسم تصيح على حالة بنتها وماتدري اذا هي عايشة او ميتة .. ونور اللي ذابحة نفسها من لصياح خايفة على صديقة عمرها .. واذا راحت منو بيبقى لها في هالدنيـــا .. لمنو بتشكي وبتضحك مع منو ..
وفارس كان يطالع منظرهم وحزنان على الوضع وحس بندم على اللي سواه فيــها ..
.................................
بعد ماانتهت من مذاكره دروسها .. قررت انها تاخذ راحة تنزل تحت الصالة وتجلس تستريح .. وخصوصا انها هي الايام وايد اتعب نفسها في المذاكرة بسبب الامتحانات الطوووويلة .. نزلت الصالة وماشافت احد قررت انها تدخل المطبخ تسوي لها شي يسد جوعها .. فتحت الثلاجة ولقت فيها مربى وفول
اخذتهم وسوت لها سندويشة واخذت لها عصير برتقال .. وبعدها رجعت الصالة
وشافت اخوها ياسر جالس يقرا مجلة
منى : بسم الله .. متى نزلت من غرفتك
ياسر : توني .. >>> يناظر فيها اقوول منوو
قعدت قبالة : همممم
ياسر : شخبار دراستج ..
منى : اووكية .. >> تتقرب منه منى وتاخذ ايدة وتبوسها
ياسر عفية اخووي انت تعبان ولازم تروح غرفتك تستريح
قام وتمدد على الكنبة : آهـ تعبت وانا طول الوقت جالس في غرفتي يامنى حسي فيني .. محتاج اغير جو .. المرض يذبحني اكثر واكثر .. احس نفسي مخنوق
منى تحط يدها في فمة : سلامتك لا تقول جذي .. ان شاءلله تتعافى وترجع لنا مثل اول واحسن
هني حس ياسر بأن اختة منى تتعذب بسبب حالتة الصحية اللي ماتسمح لة يطلع برا البيت ..
رجع ابو ياسر من الشغل وشافهم جالسين في الصالة
ابو ياسر : اوووه ماشاءلله اشوف الصالة منورة اليووووم ..
ياسر : النور نووورك يبة تسلم
ابو ياسر : شخبار صحتك ياوليدي اليوم ؟
ياسر يتنهد : الحمدلله على كل حال
ابو ياسر : الحمدلله >>> وناظر منى .. يبة وين امج
منى : اكيد فوووق
ابو ياسر : روحي ناديها الحين
منى قامت : ان شاءلله
صعدت فوق ونادت امها اللي كانت ترتب اغراضها ونزلت معاها
ام ياسر : ماشاءلله متجمعين ولا تقولون لي
ياسر : افا يممممة
ام ياسر : فديتك ياوليدي .. عساك على القوة ان شاءلله
ابو ياسر : ها ام ياسر متى الغذا ان شاءلله .. تراني ميت جوع
ام ياسر : تامر امر انت .. الحين اخلي الخدم يحطوونة
راحت ام ياسر للخدم عشان يحطون غذاهم ورجعت ولقت راشد عند الباب يسولف في التيلفون .. راحت له وسحبتة من اذوونة
رااشد : آآآي آآي يمممممة حراااام علليج والله اذوووني اهئ
ام ياسر : وانت وين كنت طوول اليوم
راشد ماسك اذوونة : يمممة حرام عليج .. لازم تدلعيني مو تسحبين اذوني
تدخل الصالة ويمشي وراها : انت واحد طايش .. اعقل ويلا روح بدل ملابسك وتعال تغذى
راشد انتبة الى ابوة وباس راسة وسلم على اخوة ياسر وقعد جنب منى
منى معصبة : وانا مالي رب يعني ..
راشد : ههههه سوووري منو يالقمر انتي الكل في الكل
ابو ياسر : راشد ياوليدي .. اخوك عندة موعد اليوم عند الدكتور .. اذا ماعليك امر ودة
راشد : ان شاءلله يبة >> يدور الى ياسر .. شلوونك يالغالي .. >> يغمز لة .. اتصدق انك وحشتني مووووت
ياسر يضحك : هههههه وانت اكثر ياقلبي ..
راشد في نفسة ( آهـ ياخوي وانت تتألم تحاول ماتبين لنا انك متألم .. ليت انك بصحة وتعيش حياتك مثل الناس .. ) وتنهد وهو سرحان
انتبة لة ياسر وحط يدة على كتفة : اشفيك ياخوي .. احسك متضايق وشايل هموم الدنيا كلها فوق راسك ..
رفع راسة راشد وشاف اخوة يبتسم له تقرب منة وحضنة : الله لا يحرمني منك ياخوي والله حالتك متعبتني .. ادعي لك ليل نهار عشان ترجع صحتك
طاحت دمعة من عين ياسر : اللي الله بيكتبة بيصير ان شاءلله .. لا تفكر ولا شي اكاني قدامك والحمدلله
راشد بضيق : الحمدلله >> وقف وساعد ياسر على الوقوف وراحو يتغذون
( ياسر اكبر من راشد عمرة 30 .. مو متزوج بسبب صحتة )
.......................................
نرجع حق امل في المستشفى ..
بعد ساعات .. طلع الدكتور من غرفة امل ومن شافتة نور ركضت لعندة
امل بخووف : ها بشرررر دكتور .. امل اشفيها
الدكتور : انتي اختها
نور : لا صديقتها
الدكتور : مافي احد من قرايبها هني
نور تأشر على ام جاسم : هذي امها اللي جالسة في الزاوية
راح لها الدكتور : ياام امــل .. انا الدكتور اللي عاينت حالة امل وبنتج وايد تعبانة .. عندها نقص في التغذية والكدمات اللي في جسمها يبي لها وقت عشان تتشافى منها
ام جاسم تدمع عيونها : يعني شنو يادكتور
الدكتور : يعني الحمدلله .. مافي شي خطير بس البنت تعبانة وانا كتبت لها نوع الاكل اللي لازم تاكلة .. اهي محتاجة الى رعاية وراحة كم يوم .. يعني راح نخليها عندنا كم يوم لين نتأكد من انها شفيت
نور : دكتور يصير نشوفها ؟
الدكتور : يصير .. بس لا تطولون عندها لانها تعبانة ومحتاجة للراحة
راح الدكتور .. وفارس كان واقف قريب وسمع كل الكلام وحس بضيق .. وقرر انة يزورها بعد مايروحون اهلها
دخلت نور الغرفة وشافت امل نايمة على الفراش الابيض وفي ايدها المغذي
ام جاسم : آهـ يابنتي .. الله يقومج بالسلامة يااارب
نور : ان شاءلله
امل اللي مو حاسة بشي من كثر التعب .. تقربت منها نور وباسة جبينها
نور : يلا خالة .. قعدتنا مالها داعي .. لازم نمشي وانتي لازم تخبرين ابوها
ام جاسم تتنهد : وش اقول لة .. اقول لة بسببك انت وولدك رقدتون بنتي في المستشفى .. >> مسحت دموعها وتوجهت للباب
ام جاسم : يلا يابنتي مشينا .. وبكرا ان شاءلله بنزورها
نور : يلا
بعد ماطلعت ام جاسم ونور من الغرفة .. توجة فارس الى الغرفة وهو في حالة توتر شديد .. دخل الغرفة وشافها على السرير ماتحس بأي شي .. تقرب منها واخذ يتأملها .. اول مرة يقرب منها جذي .. وان الفترة اللي طافت كان يراقبها من بعيد .. شاف الجمال والنعومة والهدوء على وجهها .. تقرب اكثر ومسك ايدها وحس ببرودتها ( شلون مافكرت من البداية .. انة ليش تصرفت جذي معاها .. على انها عجبتني اقوم اعذبها .. ) وتذكر عنادها وتحديها وتغيرت ملامحة وطلع من المستشفى مثل النار معصب ولو على ودة يكسر كل اللي حواليــة ..
.....................................
تأكدت بان جدتها نايمة .. بعد ماعطتها الدوا ودتها لغرفتها .. وراحت المجلس اللي كان فية جدها جالس يقرأ كتاب .. باست راسة وصعدت لغرفة اختها ..
دخلت ولقتها نايمة باسة جبينها وعدلت فراشها وطلعت وسكرت الباب وراحت على غرفتها .. دقت على نور
جنان : مساء الخير نووور
نور حاسة بتعب شديد وصوتها ماينسمع : مساء الخيرات جنووون
جنان : اشفية صوتج ..
نور : ابد بس افكر في حالة امل
جنان : امل ؟؟ سكتت .. وش فيها امل
وقالت لها نور بالسالفة .. وقررو انهم يروحون مع بعض بكرا لعندها ..
...................................
طلع راشد وساعد اخوة ياسر .. عشان يروحون للموعد .. وصلو المستشفى
والدكتور اخذ التحاليل وعاين حالتة ..
راشد : ياسر اجلس هني بروح اشوف الدكتور وبرجع
ياسر : اوكية
توجه راشد لغرفة الاطباء .. وجلس مع الدكتور اللي كان فرحان من تقدم صحة ياسر .. وبشــرة بأنة مع مرور الوقت راح يتعافى بأذن الله وان ماعلية اي خوف .. وراح يرجع طبيعي مثل الناس .. ابتسم راشد .. وارتاح من هالخبـــر
راح وبشر اخوة اللي كان يصيح من الفرحة .. مو مصدق بعد كل هالسنين من المعاناة يراح يتشافى بأذن الله ..
رجعو بيتهم وبشرو الاهل .. ولو اوصف لكم حالت الام .. الفرحة مو شايلتها مشتاقة تشوف ولدها يعيش مثل الناس .. الاب كان يشكر ربة انها جت على جذي
....................................
يوم ثاني
صباااح جديد .. ~
امل قعدت وشافت نفسها على الفراش الابيض واستغربت .. وخصوصا ان صار لها فترة ماتدري عن شي .. وتذكرت ان جاسم ذبحها من الضرب بسبب فارس .. حاولت تقوم بس ماقدرت وبصعوبة قامت دخلت الحمام (الله يكرمكم) غسلت وجهها .. وطلعت حست براسها يدور وشوي وتطيح الا وايد تمسكها قبل لا تطيح .. لفت وراها وشافت شخص غرريب اول مرة تشوفه .. حست بخووف
امل ترتجف : اخوي انت غلطان بالنمرة لو سمحت يصير تطلع برا
فارس : لا مو غلطان >> ابتسم لها
امل تبعد ايدة عنها : يصير تبعد عني
فارس حس بنفسة وبعد عنها .. وحاول يساعدها تجلس على السرير بس هي تصد عنة .. وهو من الداخل منقهر بس متمالك نفسة
فارس : اسف ع اللي صار لج بسببي
امل خايفة وكل شوي ترفع الفراش على وجهها : منو انت .. >> رفعت راسها والتقت عيونها بعيونة .. اطلع براا
قرب منها ومسك ايدها وسحبها لعندة : واذا ماطلعت .. بتظلين تعاندين يعني
امل حاسة بجسمها كلة يألمها .. خصوصا ان الكدمات للحين ماتشافت منها عدل : خلني .. مجـ ـــنو ون ا انـ ــت ..
(آهـ لو تدرين عن حالـــي .. قلبتين كياني مدري وش سويتين فيني .. )
امل بصراخ : فــك ايدي ياقليل الادب .. >> حاولت تبعد عنة بس ماكو فايدة هو اقوى منها وكل ماجا لية يضغط على ايدها اكثر واكثر ..
بدموع وشهقات قوية : ا اذا مـ ــا بعـ ــدت عـ ـني بـ ـصار رخ وبـ ـخلي الكـ ـل يتجـ ـمع عليـ ـ ــك
ضحك ضحكة سخرية : ايوا وبتجمعين الكل ها .. سحب المغذي من ايدها وهي منصدمة من اللي يسوية المتها يدها بس اكتفت بالدموع اللي عبرت عن الالم .. ومو عارفة منو هالانسان اللي يتصرف بغرابة .. وكأنة ينتقم من شي ..
فارس : عندج مهلة خمس ثواني البسي عباتج وطلعي برا انتظرج
امل بخوف : لالا ماابي ماابي .. رووح عني
فارس : قلت كلمة وحدة .. واذا عاندتين اكثر بسحبج بالقوة .. >> وطلع برا
جلست على الارض تصيح بحرارة .. ماتدري اهلها يدرون عنها انها في المستشفى .. وحزنت اكثر لانها ماشافت احد من اهلها موجود .. وش الحل مو عارفة اتصرف ياربي .. مصيبة طاحت فوق راسي .. لو يجون اهلي ومايشوفوني وش بيكون حالهم .. ومنو هذا وش يبي فيني .. دخل الغرفة وشافها على الارض سحبها بالقوة ولبسها عباتها وطلع وهو يسحب يدها ..
امل حالتها حالة من التعب مو قادرة حتى تفتح عيونها .. استسلمت للأمر الواقع لانها محتاجة علاج عشان ترجع صحتها .. دارت الدنيا براسها وتذكرت كل اللي صار .. حاولت انها تهرب بس للأسف ماقدرت .. ركبها فارس في سيارتة السبورت ومشى متوجة لشقتة اللي جنب البحر
.....................................


الرد باقتباس
إضافة رد

رواية آه لو تدري عن حالي صرت مجنونة بحبك / الكاتبة : إحساس بنت ، كاملة

الوسوم
مجنونة , لوتـدري , بحبــك , بنت.. , بقلــم , حــآلي , رواية , إحساس
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية خلنا نرد روح و جسد طول العمر أحباب / الكاتبة : BRoNZ GiRL ، كاملة إحسااااااااس طفله روايات كامله - يتم نقل الرواية هنا بعد اكتمالها 28 29-07-2013 12:02 AM
إحساس مؤلم ليلة الميلاد خواطر - نثر - عذب الكلام 5 06-05-2010 06:47 PM
إحساس مؤلم مـ ع ـاً لنضي الكون مواضيع إسلامية - فقه - عقيدة 21 31-05-2009 10:26 PM
إحساس مؤلم.. aftoon ارشيف غرام 1 17-05-2007 08:20 PM
إحساس مؤلم الزهرة البنفسجية ارشيف غرام 2 13-05-2007 02:22 PM

الساعة الآن +3: 09:26 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1