حكايا طفله ©؛°¨غرامي جديد¨°؛©

بسم الله الرحمن الرحيم

انا اول مره اكتب روايه .. وبصراحه كنت متردده انزلها ولا لا...بس اتمنى تعجبكم وما تخيبون املي

اترككم مع البارت الاول..

((عطيتك عشق من قلبي وسلمت لغلاك رقاب وغيرك يحترق قلبه ولا يقدر يحاكيني))
غدير:كنت ابغاها ترقص معاي..

نداء:ما لقيتي احد يرقص معاك غير جودي..؟

غدير:ليه وش ناقصني؟

نداء:جودي لو تموت ما ترقص..وقدام كل هالمعازيم ؟..احلمي انها بس تفكر ترقص

غدير:طيب ما تدرين وينها؟

نداء:اعتقد انها حايسه مع الصغار تعرفين بعد شوي زفه الاطفال

غدير:طيب وين ممكن القاها؟

نداء:تعالي اوديك..

راحت بنت عمتي غدير مع نداء

اماني:مو كأنو طلبها غريب؟

ميساء:من ايت ناحيه؟

سناء:انها جالسه تدور على جودي؟

اماني:ادري انها تحبها وتحب جلستها بس اول مره تدور عليها كذا..

ميساء:قومي نشوف

اماني:ايش نشوف؟

ميساء:نشوفهم

سناء:استريحوا اهيه نداء جت

اماني:..........

ميساء:نداء وين جودي وغدير؟

نداء:تبغون بالتفصيل ولا اختصر؟

ميساء:لا اختصري

سناء:لا ايش اللي تختصر قوليه بالحرف الواحد

نداء:طيب..سألتها واحنا راحين ايش تبغي فيها؟...قالت:بسلم عليها..بصراحه ما اقتنعت باجابتها..ما تحسوها غريبه اليوم؟

اماني:الا... فيه شي بينها هي وجودي..كملي

نداء:المهم لقينا جودي عند الحمامات تكلم وحده من الحريم..قامت غدير قالت لي : خلاص روحي انا بروح لها لوحدي..

سناء:يعني صرفتك

نداء:ايه وباسلوب بايخ

ميساء:لو انا مكانك لأنشب بحلقها واجلس معاهم..

نداء:هذا انتي مو انا..

ميساء:طيب كان استنيتي شويه على الاقل كان شفتي كيف كان لقائهم..

نداء:طيب روحي شوفي دام الموضوع لهالدرجه هامك...بس ليه كذا الملقفه ذابحتكم؟

اماني:لانو هذا مو من طبع غدير..

سناء:ايه..غدير عمرها ما دورت على احد .. على قولتها اللي يبيني يجيني

نداء:بصراحه حتى انا مستغربه...بس تفتكروا لمن جت عندنا وجلست هي وجودي يسولفون وراحوا لدنيا ثانيه؟

ميساء:متى؟

نداء:مني فاكره متى بس كانوا يتكلمون عن الحب ومالحب..قامت جودي قالت انها ما تحب ولا تبغاى تحب..فقالت غدير:لا الحب احلى شي بالدنيا والحب والحب..الخ........بعدين اخذتها على جنب وجلست تحكي لها عن الحب وعن حبيبها الاهبل..اللي جودي مو راضيه تقولي مين هوه

ميساء:اه تذكرت..معقول يكون هذي المره نفس السالفه؟

سناء:يمكن....شوفوا شوفوا

نداء:ايش؟

سناء:هذيك اللي جالسه ترقص ولابسه اسود واحمر..

اماني:تعرفيها؟

سناء:لا ما اعرفها...بس رقصها يضحك..ما تعرف ترقص..

اماني:ارحمينا يا ام الرقص الحلو...

سناء:طيب الحين اوريكم اني اعرف ارقص..

نداء:سناء ترقص؟..من متى؟


سناء:من يوم خلقني ربي..

راحت سناء وهي واثقه بنفسها..

ميساء:ههههههههههههههههههه

نداء:ايش فيه؟

ميساء:تتذكروا لمن كانت على كل اغنيه تقوم ترقص فشلتنا ما تعرف بعدين جت جلست جنب جودي قامت تبرت منها مو عشان رقصها بس خافت احد يقول ارقصي واذا قالت ما اعرف يقول عادي شوفي خويتك..
واحنا على بالنا انها متفشله منها زينا...بعدها بطلت ترقص..

نداء:طيب ايش اللي يضحك؟

ميساء:تخيلو لين الحين ما تعرف ترقص

نداء:اما عاد..لا ما اعتقد لو ما تعرف مارح تقوم

اماني:سوتها قبل ايش يضمن انها ما رح تسويها مره ثانيه..

نداء:الحين هي كبرت وفهمت..

ميساء:بصراحه هي اخذت دروس في الرقص بس لا تقولو اني علمتكم؟ والله تذبحني..

.......:يا بنات مين بتدخل في زفه القهوه؟

اماني:ايش؟

جودي بصراخ:زفه القهوه......مين بيدخل فيها؟

ميساء:انا...

اماني:يالله عليك تعلمي كيف ترفعي صوتك

جودي:داخله ولا لا؟

اماني:لا
جودي:نداء؟

نداء:انتي داخله؟

جودي:اييه

نداء:طيب...اسمعي..وين غدير؟

جودي:مدري

نداء: ما كلمتك؟

جودي:لا

اماني:علينا؟

جودي:والله ما كلمتني ولا شفتها

نداء:غريبه..

جودي:نداء تعالي شوي

نداء:ايش فيه..؟

جودي:ابغاك تشوفين اذا هديل واقفه هناك..ولا لا؟

نداء:طيب ليه؟

جودي:جت عندي وقالت لي روحي ارقصي

نداء:اما؟

جودي:والله ..انا كنت مشغوله مع الاطفال يعني وقتها مره غلط..

نداء:وايش قلتي لها؟

جودي: قلت لها والله انا مشغوله الحين..وعموما انا ما اعرف

نداء:وصدقتك؟

جودي:لا..ليكون انتي قايله لها اني اعرف؟

نداء:لا والله ما قلت لاحد..

جودي:انتي الوحيده اللي تدرين

نداء:بصراحه يا جودي مالك داعي

جودي:ليه؟
نداء:يعني ما شاء الله كشخه وتعرفي ترقصي وكمان حلوه ..طيب ليه تخافي.؟ليه منتي واثقه بنفسك؟

جودي:سيبيك من هالكلام الحين..

........:ما بتسلمي علي؟

جودي:............

نداء:اهلين..كيفك؟

......:الحمد لله....هاه ياجودي ما عرفتيني..؟

جودي:لا والله ما عرفتك..مين؟

نداء:هذي عمه داليا..

جودي:اه..سامحيني والله ما عرفتك بالمره تغيرتي ..من زمان عنك

داليا:هذي حال الدنيا..الا وين امك وخالاتك؟

جودي:والله مدري بس تلاقيهم حايسين هنا وهناك..

داليا:مين العروسه؟

جودي:ما تعرفيها؟

داليا:بس قالوا لي ان خالك سالم هو العريس عشان كذا حضرت..

جودي:العروسه تصير بنت عمي سميه..

داليا:يا الله كيف كبروا افتكر خالك ذا وهو صغير يلعب في الشارع مع العيال..يا ما انضرب وضرب ما خلا احد ومحد خلاه

جودي:ههههههههههه..شوفيها اهيه ماما..

داليا:يالله مره ما تغيرت ..

جودي:مين تطلع ذي؟

نداء:عمتي..

جودي:عمتك؟..ماعمري شفتها ولا اتذكرها..

نداء:ايه صار لها عشر سنين برا السعوديه..ورجعت قبل شهر

جودي:افف ثرثاره ما بغت تسكت

نداء:هههههههه هذا الشي الوحيد اللي ما تغير فيها...........جودي ؟امك مسويه عزيمه بكره

جودي:ادري..بصراحه احس مالها داعي..وبعدين هيه عازمه العيله اللي كل خميس نقابلهم مدري ايش تغير؟..

نداء:بس هالمره اعمامي وعماتي جايين

جودي: قفلي عالسالفه غدير جت

غدير:السلام عليكم ...كيفك جودي؟

جودي:تمام وانتي؟

غدير:الحمد لله...اقلك بغيتك بكلمه راس..

جودي:تفضلي

غدير:لا لوحدنا..

جودي:طيب بس بعد الزفه..لاني داخله فيها

غدير: اوك

نداء:ايش تبغا فيك؟

جودي:الله اعلم..
×××××××××××××××××××××
جودي:غدير بغيتيني؟

غدير:اه ايه ... بالاول اعرفك..هديل ...

قاطعتها:اعرفها ..وسلمت عليها كمان

غدير:بالله؟

جودي:ايه

غدير:شويه واجيك يا هديل

هديل:خذي راحتك

طلعنا برا الصاله وجلسنا بمكان شوي معزول عن اللي حولنا..

غدير:كيفك؟

جودي:تمام الحمد لله..ادخلي في الموضوع بسرعه..ما احب المقدمات وانتي تعرفيني

غدير:تفتكري الموضوع اللي تكلمنا عنه اول؟

جودي:ايت موضوع؟

غدير:عن حمد

جودي:اه..ايه

غدير:كلمته..

جودي:لا تقوليها!!مو سالتيني وقلت لك لا ؟

غدير:..........

جودي:طيب وايش اللي صار؟

غدير:..........

جودي:غدير ايش صار؟

غدير:قلت له انا احبك..

جودي:لحظه لحظه..كيف كلمتيه؟..مسن ولا جوال؟

غدير:جوال..

جودي:هيا عاد؟

غدير:والله..

جودي:طيب وايش رد عليك

غدير:قلي انتي بنت عمتي ومكانتك فوق وغلاتك من غلات عمتي بس اذا كنتي تتوقين مني ابادلك نفس الشعور فانا اسف..

جودي: من جده ذا؟وبعدين ايش صار؟

غدير:قلت له:يعني انا ما اهمك؟..قلي:يابنت الناس افهمي انا احبك واغليك واعزك بعد..بس انتي مجرد بنت عمه لا اكثر ولا اقل..يا غدير انا احب..قلت له مين؟..قال لي:هذي خصوصياتي وانتي مالك دخل فيها..قلت له :طيب ايش اسوي؟..قال:انتي ما تحبيني وانا عارف انتي تحبين شكلي وتحبين اسلوبي بس..لكن انك تحبيني؟لا..انتي ما تحبين الا شي واحد..قلت له ايش؟..قال:نفسك..

جودي:وانتي من جدك تناقشيه؟..

غدير:طيب لو انتي مكاني ايش بتسوي؟

جودي:بصراحه انا ماقد عشت احساس الحب يعني ما حبيت لكن لو حبيت مارح ادق عليه واذا مره وصلت فيني المواصيل اني ابغا اوصل له احساسي ألمح له واذا افترضنا اني سويتها ودقيت عليه مارح اقله انا احبك كذا بالصريح..

غدير:اجل؟

جودي:يعني مثلا اقول له انت تعني لي الكثير او أي شي زي كذا..بس احس احبك كلمه قويه وفي هذا الزمن صعب تتصدق..وبعدين لو قال لي اذا كنتي تتوقعين ابادلك نفس الشعور فانا اسف..وقتها رح اقفل بوجهه ولا رح افكر مجرد تفكير اني ادق عليه ما يكفي اني نزلت قدري ودقيت عليه؟

غدير:بس انا احبه

جودي:لو كنت مكانك وصار لي كذا وما قدرت انساه بخليه يحبني..واخليه هو اللي يجري وراي..

غدير:كيف..؟

جودي:مثلا حمد...رزين يبيله وحده مهويه مو مره بس شويه يبيله وحده تجننه تعلمه اصول الحب .. تعلمه كيف يشتاق ويحن ويحترق عشان نظره منها..يا غدير موكل شي ينقال في اشياء نسمعها بس مو شرط بالكلام..انتي اخترتي الحل السهل ودقيتي وشوفي ما جاك؟..ايش تتوقعين فكرته عنك الحين؟ترى العيال مو زينا افكارهم تختلف تماما..تلاقيه الحين يقول هي رمت بنفسها علي يا شيخه احمدي ربك انه ما اخذك مهزله ولعب فيك

غدير:ولد خالي كيف يلعب فيني؟

جودي:مافي شي اسمه ولد خالي وبعدين لقبك غير لقبه يعني شرفك ما يمسه..الانسان لازم دايما يتوقع اسواء الامور عشان لا ينصدم..والحمد لله ولد خالتي واحمدي ربك انه مو من ذي النوعيه..ولا كان انتي الحين رايحه وطي..

غدير:انتي تحبيه؟

جودي:مين؟

غدير:ولد خالتك؟...حمد؟

جودي:ايه احبه بس زي ما هو يحبك..يعني ما يتعدى كونه ولد خالتي.. وبسألك سؤال لنفترض لا سمح الله صار له حادث واحتاج دم وتشوه وجهه وانشل الله لا يقولها...بتتبرعي له بالدم؟..بتضلي تحبيه؟؟؟

غدير:اا..

قاطعتها:لا تجاوبيني ما احتاج اجابتك بس اسالي نفسك هالسؤال..عن اذنك الحين تنزف العروسه..

تركتها وهي محتاره بكلامي..بصراحه هي مشكلتها مغتره بنفسها ولا تحب تتنازل عن أي شي تعتقد انه من حقها ادري انها تفكر بحمد مو على اساس انه شخص له مشاعر و كيان هي تفكر فيه على انه شي..شي يخصها غدير ما تعرف تحب هذا اساس الموضوع..

نوال:جودي اطلعي معاهم

جودي:لا يا خاله ما ابا

نوال:يا شيخه اطلعي وانتي ساكته .. شوفي البنات كلهم هناك

كانوا بنات خالاتي وخيلاني كلهم صافين جنب بعض ويحركون اياديهم سوا..طالع شكلهم مره حلو..وقفت جنب وجد بنت خالتي ..

وجد:وينك من اول ما شفتك..

جودي:كنت مع غدير

وجد:رجولي توجعني

جودي:ههههههه......................

بعد ما وصلوالعرسان للكوشه

...........:اخوان العروس داخلين..

نداء:تمزحون؟

جودي:اصصص لا تسمعك سميه..

جلسنا والكل تغطى بستثنائي لانهم يصيرون اخواني بالرضاعه دخلو وصاروا يمشوا بسرعه ههههههه..من جد عيال .

اماني:خلوها زفه عالسريع...

الكل:هههههههههههههههههه

سلموا على اختهم وعلى خالي بعدين فتحوا لهم دق خليجي وصاروا يرقصو..ويستهبلو
***************************
عايله ابو هيثم...
الاب (ابو هيثم)عمر...طيوب وحنون وشديد شوي اهم شي عنده جودي..بنته الغاليه
الام (ام هيثم)هدى...طيبه تحب الاسواق والزواجات وفري مره..تحب تجلس مع عيالها
هيثم:23سنه مرجوج ويحب المقالب لكن هالشي مع العيال اما في البيت هادئ ولا يتكلم ..يعشق اخته جودي ولا يرفض لها طلب ..
طويل وشعره اسود مايل على البني وعيونه زرقاء غااامق بشرته قمحيه ومعضل ..
جودي:20 سنه هادئه تحب تتفلسف الكل يحب يتكلم معاها..
طولها متوسط وشعرها اسود مره كانه مصبوغ وكثيف وطويل لخصرها وعيونها زرقاء وكحيله وبشرتها بيضا مهي مره نحيفه بس جسمها حلووووو..
***********************

عايله ابو مهند..
الاب..معيض:مزوح ويحب الضحك بس عنده الجد جد..مدلل عياله بس بحدود...واذا قال كلمه ما تتثنى
الام..نوال (اخت هدى):لسانها يقطر عسل وتعتبر الكل عيالها يعني بمعنى اخر هي الام الحنون للكل..
مهند:24سنه عصبي لكن حبوب
طويل شعره بني وعيونه عسلي وبشرته مايله للسمره معضل شوي
نداء:20 سنه اجتماعيه وتحب الفله وتعشق شي اسمه جودي هي تؤم روحها..
طولها تقريبا زي جودي يعني متوسطه الطول وشعرها كستنائي لنص ظهرها وعيونها عسلي وبشرتها مايله للقمحي اكثر منه البياض نحيفه مره ...
اسيل:16سنه عايشه حياه المراهقه على اصولها ومرجوجه مره..
مايله للقصر وشعرها بني شوكولاته لكتفها وعيونها بنيه وبشرتها بيضاء ومتختخه شوي
عبد الرحمن ..والمعرووف بدحمون..14سنه كل همه بليستيشن وكوره
متوسط الطول وشعره بني وعيونه بني وابيض ونحيييييف
***********************
عايله ابو حمد..
الاب..اسماعيل..تقدرو تقولو بزنس مان ملتزم واغلب وقته سفريات..بالعربي ما يدري عن عياله..
الام..عايشه..(اخت هدى ونوال):ومن اسمها عايشه حياتها تحب الفله والضحك وكل شي عندها الا عيالها واللي يبونه اوامر
حمد:26سنه رزين وعاقل يميل للجديه والحزم..
طويييل وشعره بني غامق يميل شوي للاسود وعيونه سوداء وهو قمحي ومعضل..
اماني:21سنه تحب الفله زي امها ومرجوجه وثرثاره شوي..
طويله وشعرها خفيف وقاصته لرقبتها ولونه بني وعيونها بنيه وبيضاء وجسمها حلوو
علاء:19 سنه طيوووووووب حييل بس اذا عصب عصب ولا يرفض لاحد طلب..وقلبه ابيض
طويل وشعره بني فاتح وعيونه عسلي وبشرته بيضاء وهو معضل
منيره:16سنه انانيه شوي وتحب تكون الاضواء عليها
طويله بزياده وشعرها لخصرها بس انه مايل للخشونه ولونه اسود باهت وعيونها سوداء وبشرتها بيضاء ونحييفه..
اياس:14سنه يحب يجلس مع الرجال واكثر شي مع هيثم..ويعتبر نفسه كبير..
متوسط الطول وشعره طويل لرقبته ولونه بني فاتح وعيونه عسلي وابيض ومعضل...(ياخذ من علاء كثيير)
**********************
عايله ابو سامر..
الاب .. عبد الرحمن:طيوب ويحب يرفع ضغط اللي حوله ملتزم وفالها بقوه
الام .. عواطف(اخت هدى ونوال وعايشه):تعشق بناتها وتخاف على ولدها مرره .. وملتزمه ..
سامر:24سنه يحب يلعب كوره وما يعترف باخواته مرره ودايم مع الشباب
متوسط الطول وشعره اسود..وعيونه سوداء وهو اسمراني من الشمس اللي حرقته وهو معضل شوي..
وجد:16سنه انطوائيه وماتحب تجلس مع البنات كثير..تفضل تجلس مع وحده..بس
قصيره وشعرها اشقر بس مو اصفر لا يعني اشقر غامق وعيونها بني فاتح وبيضاء وجسمها حلوو
اريام:11سنه تحب اللعب وفالتها على اخر درجه ....
متوسطه الطول وشعرها اسود باهت وقريب للرمادي وعيونها رماديه وبيضاء ونحيفه بس مو مره..
***********************
عايله ابوعادل..
الاب..عبد الله...طيوب مره ومن مشجعي الكوره المتعصبين لكنه حازم مره مع عياله..
الام....منى(اخت الشله اللي فوق):تحب الجمعات والسهرات وراخيه مع عيالها بعكس بناتها اللي ضاغطه عليهم..
عادل:25سنه يحب اخواتو ويخاف عليهم وهو طيييوب مره
طويل..وشعره كدش بس بطريقه حلووه لونه اسود وعيونه سوداء وهو اسمر ونحيف..بس معضل..يعني جسمه حلو
عماد:23سنه زي ابوه متعصب للكوره ونقدر نقول محافظ شوي..
قصير وشعره اسوود وعيونه سودا واسمراني ونحييييييييييف مره
عامر:15 سنه اجتماعي وخدوووم مره وهو المضطهد في بيتهم عشان كذا دااااايم في بيت عمه
طوله متوسط وشعره اسود وعيونه سوداء وابيض وجسمه شوووووييي معضل..
ميساء وسناء:توأم 20سنه مرجوجات ومتهورات مره ما همهم باحد
متوسطات الطول بيييض ووشعورهم سوداء وعيونهم سودا وميساء نحييفه مره وسناء مربربه شوي..
*******************
عايله ابو وليد..
الاب..خالد(اخو شلتنا الكريمه)..شبابي مره وعايش حياته ويحب السهرات والطلعات واغلب وقته يا بدوام يا طالع مع اخوياه..
الام..شذى:صغيره في العمر وتعشق بنتها وتحب الجمعات وتعطي نفسها اكبر من عمرها الحقيقي..
يارا:11سنه تحب السوالف والرجه ودلووعه ابوها..
قصيره شعرها اسود وقاصته ولد وعيونها سودا وهيه سمرا وجسمها حلو..
****************
عايله سالم..
سالم..(اخو خالد والشله الكريمه)حبوب وفالها ويكره الدلع الزايد ويحب الخرجات
سميه..البنت شبابيه مره وتحب تجلس مع الصبايا اللي فوق ..وعايشه عمرها..
***************

تعليقاتكم حبايبي..

جنان حبك ××غّرّورّ القّلّبّ××

الصراحه روايتك رووعه .. ابدعتي .. احس انه جودي ه البطله .. تسلمين ياعمري .. فديتج

نرجسيهه ©؛°¨غرامي مشارك¨°؛©

ابدعتي خيتووو ننتظر تكملت الروايه لاتطولي

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله


يعطيك العـــافية
موفقة إن شـــاء الله


https://forums.graaam.com/238622.html


,’


رهوووفا ©؛°¨غرامي نشيط¨°؛©

يسلمووغناتي
بداااايه مرررره حلوه بقوه
يا ريت تنزلي بارت اليوم>>>متحمسه
بانتظااارك....

حكايا طفله ©؛°¨غرامي جديد¨°؛©

هذا البارت الثاني لعنونكم

((عطيتك عشق من قلبي وسلمت لغلاك رقاب وغيرك يحترق قلبه ولا يقدر يحاكيني))


....:يلا يلا قومو..

......:وبعدين معاك يا اماني خلينا ننام..

اماني:جودي قومي بس ..ناسيه انو اليوم العزومه..

جودي:آآآه والله مكسره..

اماني:"ياربي هالبنت شكثر تعجبني" قومي وانا حخطبك لاخوي..

جودي:اجل مني قايمه..

اماني:مالت عليك ..احمدي ربك اني فكرت فيك لاخوي ..قومي بس

نداء:بس يا قلق...والله ما امدانا نستوعب النومه

ميساء:هههههههههه...حلوه...

سناء:اخمدووووووووووووو

ميساء:بسم الله علينا...ايش مصحيك؟

سناء:هوه نفسه اللي مصحيك..

ميساء:صدق انه ما يستحي

سناء:مين؟

ميساء:اللي مصحيك..خخخخخخخخخ

اماني:اقول بلا ثقاله دم انتي وياها....منيروه قومي..

نداء:اماني ايش رايك تشتغلي في حرس الحدود...ترى تنفعي

اماني:هاهاهاهاي بايخه....

جودي:مالت عليكم....الواحد ما يمديه يتهنى بنومته ..

×××××××××××××××××××××××××××××××××

نروح للعيال....(ولاول مره)

ابو هيثم..:هيثم قوم..قوم وانا ابوك

هيثم:طيب...

- بعد خمس دقايق..

ابو هيثم:قووووووووووم

هيثم:طيب طيب....

ابو هيثم:وروح لبيت عمك وخلي عياله يجون يساعدونا..نبي واحد يروح يشرف على الذبايح

هيثم:يبه

ابو هيثم:نعم؟

هيثم:العيال جايين بعد شوي امس تواعدنا...فما يحتاج اناديهم

ابو هيثم:المهم انو نص ساعه و اشوفك انت وعيال عمك عندي...

هيثم:ان شاء الله...

اخذ له دووش ولبس ثوبه وتكشخ وطلع لبيت عمه..اللي كان جنب بيتهم..

هيثم:الو؟

عبد الباري:هلا والله..

هيثم:اهلين فيك ... يلا انا عند الباب..

عبد الباري:وليه جاي بالسياره ؟..البيت ما يحتاج له..

هيثم:يلا انزل بمر على اولاد خالتي...نقشعهم معنا

عبد الباري:طيب يلا خمس دقايق..

**********************

عند الشباب ...بس في بيت ثاني..

عامر:عادل قوم ...

عادل:انقلع عن وجهي

عامر:يا حمار قوم

عادل:والله ان قمت ما يصير لك خير..

عماد:فكونا ... عامر خلاص سيبه بحاله....

عامر:عاااااااااااادل قوم ...ابغا جوالي يا حيوان

فتح عينه وهو ميت نووم ومسك شعر اخوه اللي كان منزل راسه ويدور
الجوال..

عادل:كم مره اقول لك حل عن سماي..

عامر:يا كلب سيب...

عامر رفس عادل برجله...

عااادل:اه يا حيوان...

ابو عادل...:ايش فيه؟

عادل وعامر هجدو...

عماد:ولا شي..

ابو عادل:عادل ايش منومك بغرفه عامر؟

عادل وهو مبتسم:احم احم..بس كنت سهران عنده امس ونمت

ابو عادل:طيب البس بسرعه وروح لبيت خالتك شف يحتاجون شي؟

عادل:الحين يمرني هيثم ونروح سوا..

ابو عادل:اجل قوم البس وانا ابوك

×××××××××××××××××××

ولكن في بيت اخر كان الوضع جدا مختلف...

علاء:حمد انت مانمت؟

حمد:لا..

علاء:سلامات فيك شي؟

حمد:لا مافيني شي..بس انت صحي اياس...الحين بنروح بيت خالتي هدى

علاء:اياس صاحي من زمان..

حمد:طيب انا انتظركم في السياره..

علاء:ما بتفطر؟

حمد:لا مني مشتهي

ام حمد:ايش اللي منت مشتهي؟..لازم تفطر..

حمد:يمه الله يخليك والله مالي نفس..

ام حمد:يا ولدي شف كيف نحفان هاليومين..

حمد: خلاص بفطر عند خالتي هدى

علاء:ايااااااس..يلا شمينا..

اياس:جاااااااااااااااااااي

حمد:عن اذنك يمه...

كانت عيونه تحكي عن الكثير ..بعكس شفاته اللي ما تعودت تشكي لغير
ربها..

حمد:اياس ... ابيك بشغله...

اياس:عارف ما يحتاج تقول...وابشر من عيوني

حمد:تسلم

علاء:ايش فيه؟

اياس:لا تتدخل في امور الكبار..

علاء:بالله اسكت..

×××××××××××××××××××

مهند:دحمون قووم قامت قيامتك

دحمون:قيامتك قبلي يا حيوان..

مهند:لا تغلط لا ادعسك

دحمون:اصبحنا واصبح الملك لله....انا ليه دايم اتصبح بوجهك هاللي يقصر العمر....اعوذ بالله...

مهند:الو هيثم...لا تمرني انا بجي بسيارتي

*******************

هيثم:الو سامر..انا عند الباب..

سامر:يلا انا نازل..........يمه يبه مع السلامه

ام سامر:بالله شف اخواتك محتاجات شي اجيبه معاي وانا جايه بالليل؟

سامر: ان شاء الله..

.......في السياره

سامر:عادل وين عامر وعماد.؟

عادل:جايين بسياره عماد..

سامر:طيب خلونا نمر نفطر انا ما فطرت..

هيثم:الفطور في البيت...وبعدين تعال هنا..كم الساعه؟..

سامر:ثلاث العصر..

هيثم:فيه فطور الساعه ثلاثه؟

سامر:والله توي صاحي...

هيثم:استغفر الله...الله يهديك...الله يهديك

سامر:ليه متى صاحيين؟

هيثم:اوووه من زماااااااااان

عبد الباري: كذاب ..توه صاحي

*************************

نرجع للبنات..

نداء: وين عدساتي؟

جودي:مدري

اماني:جودي عندك عدسات زرقاء؟

جودي:..................

اماني:عندك ولا لا؟

جودي:تبين افك عيوني واعطيك؟

اماني:خخخخخخخخخ....مانقول لا

جودي:يا بنات مالي خلق للعزومه..

ميساء:حتى انا...وقتها مره غلط

سناء:ميسااااااااااااااااااااااااااااااااااء

ميساء:خيييييييييييييييييير

سناء:وين الكحل الاسود؟

ميساء:مدري

سناء:الله ياخذك ما قلت لك حطيه في الشنطه؟

ميساء:ياخذك قبلي..

جودي بهدوء:خلاص عندي كحل اسود في الدرج

اماني:يا بروووودك

ابتسمت ابتسامه راااايقه ونزلت للمطبخ

ام هيثم:صباح الخير..

جودي:صباح النور لاحلى ام في الدنيا...

ام هيثم:ليه اصواتكم طالعه؟

جودي:تعرفين دام ميساء وسناء مع بعض لازم فيه مشكله...

ام هيثم:وهالمره على ايش؟

جودي:هههههههه...كحل اسود..

ام هيثم:بدري..لا تلبسون الحين..

جودي:لا بس يجهزون..

ام هيثم:وانتي جهزتي؟

جودي:لا وقتها بطلع لي أي لبس وخلصنا...مهي مشكله..تبين مساعده؟

ام هيثم:لا تسلمين..

جودي:هيثم وينه؟

ام هيثم:الحين جاي مع اولاد خالاتك....

جودي:والبابا؟

ام هيثم كالعاده في مكتبه..

راحت لمكتبه بهدوئها المعتاد وابتسامتها الرقيقه الرايقه ..

جودي:اخبار البابا؟..

ابو هيثم:..............

جودي:بابا..ابي منك خدمه صغنونه..

ابو هيثم:..........

جودي:معليش يعني..بس ممكن تسيب اللاب وتطل فيني؟

ابو هيثم: هلا...

جودي:هلا بيك...اممم

ابو هيثم :اطلبي يا دلوعه بابا؟

جودي:ااا بعد العزومه ابا ارووح عند نداء

ابو هيثم:لا..

جودي:ااا...تحت امرك

ابو هيثم:مره ثانيه طيب؟..لا تزعلين..بس اليوم لا

طلعت من مكتب ابوها زعلانه اول مره يرفض لها طلب..
كانت منزله راسها وماشيه بأقل من مهلها..

نداء:جوووووووووووووووووووووووووووووودي

سمعت صوت توأم روحها..وراحت لجهه الدرج تجري..

×××××××××××××××××

هيثم:حمد الله لا يهينك..تلاقي امي في المطبخ...قلها تكلم الخدامه تجهز لنا
فطور..

حمد:وحظرتك ليه ما تقووم؟

هيثم:شايفني مشغوول

حمد: مره بايين......"يلا يمكن اشوفها"

سامر:اجي معاك؟

حمد:لا ما يحتاج..

اياس:ان ابجي..

حمد:الله ! وين رايح انا؟..ترى المطبخ قريييييييب

اياس:ادري بس ابيك بهرجه

حمد:طيب امش

طلعو من المجلس..وحمد يطالع بـ إلياس ومنتظره يتكلم...

اياس :.......

........:آه

مسكها قبل لا تطيح..

حمد:الله يهديك ما تشـ....

اياس:صار لك شي فيك شي...انا ادري فيه صخر مو بشر..

جودي:لا لا..حصل خير..اسفه ما شفتك..

بعد يده عنها..

اياس:جودي!..انتي ناسيه ايش لابسه؟

جودي:ايش؟..اوه

وطلعت من الدرج تجري..>>>>>يا ناس عليها مستحيه

اياس:استغفر الله غض بصرك..

حمد:انقلع عن وجهي..

وضربه على راسه ..

××××××××××××××

نداء:ايش فيك؟..ساعه على بال لا تجي؟

جودي:يا شيخه سمعتك وجيت جري..بس صقعت في حمد عند الدرج..

نداء:اما؟؟؟؟؟؟؟؟؟؟

جودي:والله مسكين انحرج..والغلط علي انا..انا اللي ما انتبهت...لا وتخيلي
جلست اقله اسفه والغلط علي..وانا بهالحاله..لا غطى راس ولا يحزنون

نداء:ههههههههههههههههههههههههههههههه...

جودي:ايش فيه؟

نداء:اتخيلك وانتي تصقعي فيه.؟...بس بالله ما انحرجتي؟

جودي:عادي ..يعني استحيت شوي بس

اماني:يا برووودك....بالله فيه احد يشوف هالحليوه اخوي ومايدق قلبه

جودي:والله انا قلبي يدق دااااااااااايم

اماني:هبله..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ارائكم يا حلوووووين....

رهوووفا ©؛°¨غرامي نشيط¨°؛©

باارت رووعه جنااان

تسسلمـ يدكــ ابدعتي في هذي الرواايه الخطييييرهــ

رهوووفا ©؛°¨غرامي نشيط¨°؛©

بانتظااارك.....

حكايا طفله ©؛°¨غرامي جديد¨°؛©

اعتذر عن التأخير .. بس تعرفون اختبارات وكذا .. المهم حبيبتي رهوفا يمكن اطول كمان في البارت اللي بعدو اعذريني بس الاسبوع هذا زحمه مواد..

حكايا طفله ©؛°¨غرامي جديد¨°؛©

((عطيتك عشق من قلبي وسلمت لغلاك رقاب وغيرك يحترق قلبه ولا يقدر يحاكيني))
جوّ الحريم..والبنات في غرفه جودي محتاسات ...

وجد:اريام..جبتي البلشر(احمر خدود)

اريام:هاه؟

وجد:البلشر؟

اريام:لا..ما جبت المكياج..قلت ماله داعي

جودي:ايه ماله داعي..تلاقي كل مكياجي فأول درج..

اماني:جودي...

جودي:هلا..

اماني:ااا..لبسي تمام؟

جودي:ايوه..بس ارفعي شعرك..

اماني:ارفعه؟

جودي:ايوه ..تعالي اسويه لك..

نداء:جودي...انتي خلصتي..؟

جودي:من زمااااااان..

نداء:طيب سلمتي؟

جودي:لا مامتي..قالت ننزل سوا

ميساء:سوا ولا موبايلي؟

سناء:لا زين..خخخخخ

اماني:انتو الاثنين عليكم ثقاله دم مي صاحيه..

ميساء:ارحمينا انتي وخفه دمك..

سناء:اصلا انتي غيرانه..انا عارفه..

اماني:ومن ايش يا حسره؟

سناء:من دمنا الشربات..
××××××××××××××××××××

هيثم:حمد..بالله دق على جودي قلها تجي الصاله

حمد:انا؟

هيثم:ايه ..انا ما عندي رصيد..وبعدين انا مشغول مع تركي وابوه..

؛؛؛؛؛؛؛؛؛؛؛؛؛؛؛؛؛؛؛؛؛؛؛
............وهنا اعزائي تطلع لنا عايله جديده...وهي عائله ابو تركي..
الاب..حسن (اخو معيض):عصبي واغلب وقته في العزايم يا يعزم يا ينعزم ..
الام..:حبوبه..وطيبه ومره فري ..تحب تجلس مع عيالها وتسمع لهم
تركي:26سنه مرجوج وقلبه ابيض ورومنسي بالحيل..
طويل وشعره بني لنص رقبته..عيونه سوداء..وهو اسمر ومعضل
هديل:24سنه هادئه ..منطويه..
متوسطه الطول ..وشعرها بني وقاصته فراوله وعيونها عسلي وهي سمرا ونحيفه مره
يزيد:19سنه فله ويحب يستخف دمه
متوسط الطول وشعره بني فاتح وعيونه بني واسمر وشوي معضل..
؛؛؛؛؛؛؛؛؛؛؛؛؛؛؛؛؛؛؛؛؛؛

مسك الجوال وقلبه صار يدق طبول>>>>>>خخخخخخ عشقان

........:الو؟

.......:الو..السلام عليكم ..

........:وعليكم السلام

........:ايوه حمد فيه شي؟

حمد:اااا..لا بس هيثم يقلك انزلي للمقلط..

جودي:ليش؟

حمد:والله مدري عن شي..

جودي:طيب نازله..بس هوه موجود؟..يعني بيكون يستناني؟

حمد:لحظه اساله.........هيثم..هيثم..

هيثم:نعم؟

حمد:تقول لك...بتكون هناك تستناها؟

هيثم:هات خلني اكلمها...ايوه جودي..يلا بسرعه..انزلي ..ايوه استناك...خذ

رجع الجوال لحمد اللي كان مو فاهم شي
×××××××××××××××××××××××××

نزلت بسرعه..ولقيت امها..

ام هيثم:وين رايحه..؟..قلت لك لاتنزلي

جودي:ليش؟..كل البنات نزلو ..ليش انا لا؟

ام هيثم:خلاص لا تناقشي قلت لا يعني لا..

جودي:هههههههههه..امزح بس هيثم دق علي يقول يبيني في المقلط..

ام هيثم:بالله؟..طيب روحي لا تتاخري عليه

جودي:"ايش فيهم اليوم؟"..

دخلت وشافته واقف عند الباب

جودي:انا جيييت...

هيثم:ادخلي..

جودي:ايش فيه؟

هيثم:انتي ادخلي بس

دخلت قام سكر الباب وراها..

وتفاجأت برجال غريب جالس يطل فيها

رجعت على ورى وصقعت بهيثم..التفتت له تترجاه يوخر.

هيثم بأبتسامه:اهدي..واجلسي هنا..

جودي بصوت خانقته العبره:مين ذا؟

هيثم:طيب اجلسي وانا افهمك الموضوع

جلست وهي منزله عيونها وترجف ...

هيثم:هذا تركي اعتقد تعرفيه..

هزت راسها بـ(لا)..

هيثم:يصير ولد عم نداء..المهم جاء وخطبك..وطلب يشوفك من غير لا تدرين..والعزومه اليوم بمناسبه خطبتك..

رفعت راسها وشافته ..: خلاص اروح؟

هيثم طل فتركي وقال:هو يبي يكلمك فموضوع..

جودي:...........

رجعت نزلت راسها ..

تركي بصوته الحنون الهادئ:كيف حالك؟"ياويلي تذوب هيه وعيونها الزرقاء"

جودي:..............

تركي:اسمعي انا ... يعني مدري ايش اقلك بصراحه..بس كنت دايم اسمع نداء تتكلم عنك..انتي ما عمرك سمعتي عني؟

جودي:.....(بعد صمت)....لا

تركي:شي يبشر بالخير..ههههههه.....طيب بصراحه ما عندي شي اقوله بس كنت بسمع صوتك..

جودي:يعني اروح؟

هيثم:ايه خلاص
ما صدقت على الله وخرجت بسرعه..

نداء:وين كنتي؟...صار لي مليون سنه ادور عليك..

جودي:.............

نداء:ليه ترجفين؟...صار شي؟

جودي:تركي...تركي...ولد عمك...ليه ما عمرك جبتي لي طاريه؟

نداء:لانه كان دايم يجلس ساكت ويسمع للي اقوله يعني ما يتكلم مايسوي اكشن...ليه؟

جودي:خطبني..

نداء:نعمممممممممم!

جودي:العزومه اليوم بمناسبه خطبتي..

نداء:هيا عاد؟...وليه ما قلتي لي..

جودي:بلا ذكاء توي عرفت..

نداء:طيب امك تبيك
××××××××××××××××××

دخلت للحريم..

ام تركي:هلا والله...تعالي تعالي..

جلست جنبها وهي مستحيه

ام تركي تهمس لها..:ايش صار معاك؟ شفتيه؟

جودي ابتسمت:..........

ام تركي:...........

داليا:جودي..تعرفي تطبخي؟

كل الحريم سكتو....

(داليا:اخت معيض وحسن متزوجه لها عشر سنين وكانت طول هالعشره سنين برى السعوديه لكن الله ما كتب لها تخلف..)

جودي:اااا..يعني شوي

ام تركي:مو مهم تعرف ولا لاء...اهم شي حلوه

نداء واللي كانت جالسه جنب جودي:خفي عليها يا عمه البنت راحت فيها

ام تركي:هههههههههههههههههههههه
×××××××××××××××××××××

هيثم:وين كنت؟

حمد:واحد من اخوياي بغاني بشغله ... فيه شي فاتني؟

اياس:تعال تعال بسرعه ...

حمد:ايش فيه؟

اياس:ابيك برا بسرعه..

طلعوا للحديقه...

حمد:ايش فيه؟

اياس:تركي خطب...

حمد:بالله ؟ الله يوفقه..مين؟

اياس:...........

حمد:نداء؟..ولا وحده ما نعرفها؟

اياس:.............

حمد:انا ايش دخلني؟....

جاء يدخل للمجلس

اياس:جودي..

وقف مكانه..

حمد:ايش؟

اياس:خطب جودي...اليوم العزومه كانت خطبتها..

حمد:تمزح..

اياس:لا والله ...وقبل شوي دخل شافها..

حمد:.............................

اياس:وين رايح تعال..

حمد: عندي شغله اخلصها واجي

هيثم:ايش فيه؟...وين راح؟

اياس:مدري..

هيثم:طيب دحمون يدورك

اياس:وش يبي هالبزر؟

دحمون:انا بزر؟

اياس:اوووه انت هنا؟

دحمون:تراني اكبر منك..

اياس:اسفين يا عمي..امش بس

دحمون:الا اقول خلنا نروح عند البنات

اياس:ايه يلا امش

دحمون:انا طالع عند جودي

اياس:وانت ايش عرفك انها فوق

دحمون:انا طالع وبس

اياس:طيب انا طالع معاك

دحمون:ليه؟

اياس:ابيها بشغله

دحمون كشر ومشي

لقيوا البنات مجتمعين وصراخ وضحك وهستره

اياس:ي...

دحمون:اصصصصصصص

اياس بهمس:ليش؟

دحمون:خلينا نشوف ايش يسوون

اماني:الفففففففففففف مبروك..

ميساء:ااااه ادعولي الله يزوجني

سناء:ويزوجني معاها قولو امين

يارا:من جد ما عندكم سالفه... من زين الزواج عااد

اسيل:ترى اعلم دحمون..

يارا:علميه واذا؟..بخاف منه يعني..تراها ما همني

اسيل:نعم نعم؟....احمدي ربك واحد مهتم فيك يا عبده يا تكرونيه

يارا: انا عبده؟!

اسيل:شاكه بهالشي؟

يارا:اصلا انتي غيرانه..

اسيل:وعلى ايش يا حسره؟

نداء:يارا بس خلاص ...

اماني:اصلا ايش مجلسك هنا..اطلعي برا

يارا:مني طالعه

جودي:يا بنات خالي خالد وينه؟ غريبه ما جاء؟

يارا:بابا مو فاضي لكم

جودي:يارا حبيبتي ليه تتكلمي كذا؟...ما تحسي انو بأسلوبك هذا محد حيحبك؟

يارا:ههههههه...اصلا الكل يحبني

اماني:انا عن نفسي ما اطيقك

منيره:ولا انا

نداء:اسلوبك شوي جارح

ميساء:كلامك صواريخ

سناء:قنابل

وجد:هوه بصراحه انتي يبيلك تتادبي شوي

اسيل:انا كنت ارايعك صراحه بحكم انك بزره..بس صراحه زودتيها

يارا:وانتي يا اريام؟

اريام:انتي ......... انتي مغروره مره..وهذا الشي مو حلو

يارا:وانتي يا جودي؟

جودي:انا احبك بس يبيلك تتغيري..ما يصير كذا

يارا:اصلا انا اكرهكم..

دحمون:احم احم

اياس:السلام عليكم

اماني:من متى انتو هنا ؟

اياس:من....

قاطعه دحمون:من قبل شي..

اماني:من قبل شوي؟..بنقالي قدامي؟

منيره:ايش تبغون؟

اياس:انا بكلم جودي...

دحمون:وانا ببارك لها

نداء:من وين نزل عليكم الحب؟

دحمون:هيه بنت..وخري

يارا:ما ابا

دحمون:اقول وخري..

جلس مكانها وصار يطالع بجودي

جودي:ليش تطالع فيني كذا؟

دحمون:ايش احساسك؟

جودي:امممممم ... ايش هذا السؤال ؟ يعني كيف بيكون احساسي؟

دحمون:طيب شفتيه حلو؟

جودي:بس ترى استحي

اياس:جودي بكلمك بموضوع

جودي:تكلم؟

اياس:لا ابيك لوحدك

منيره:ايش يعني ننقلع؟

اياس:لا لا ..

طلعو على البلكونه اللي فغرفتها..وسكر اياس الباب

جودي:ايش فيك..تراك خوفتني..

اياس:لا ما في شي..بس كنت بسالك انتي كنتي عارفه انه خطبك؟

جودي:لا اليوم عرفت اصلا تركي ذا ما عمري سمعت فيه

اياس:طيب ابيك ترفضيه

جودي:ارفضه؟...ليه

اياس:كذا..انتي ما تعرفيه وما تحبيه خلاص ارفضيه..

جودي:صاحي انت؟...الولد ما عليه زود ليه ارفض؟..

اياس:.............

جودي:فيه شي مخبيه عني؟

××××××××××××××××××××

تتوقعون اياس بيقول لها؟


وحمد ايش صار فيه؟


يارا..بتقتنع انها لازم تتغير..؟


بليييييييييز جاوبو عالاسئله...

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1