منتديات غرام روايات غرام أرشيف الروايات المغلقة - لعدم إكتمالها روايتي الأولى : تعتقد إن قلبي يلين بعد كل هالعذاب ؟
غ ـروري روحي ©؛°¨غرامي جديد¨°؛©

.. (( بسم الله الرحمن الرحيم )) ..

اهليين اعضاء المنتدى ..
هذي روايتي الأولى (( تعتقد إن قلبي يلين بعد كل عالعذاب )) ؟؟

اسمي ألحين بنوتة مرجوجة ،، قريباً وانا قدمت طلب تغير الإسم إلى

(( شتاء الدموع )) ..

يعني راح انزل الرواية بهذا الإسم .. إليين ما يغيروون اسمي ..

(( لا أحلل أن يتم نقل الرواية بدون ذكر إسمي بنوتة مرجوجة ،، شتاء الدموع ،، وإسم المنتدى
غراام
))

سلآم .. لي باك ..

بنوتة مرجوجة ،، قريبا شتاء الدموع ..


غ ـروري روحي ©؛°¨غرامي جديد¨°؛©

أود أن تخط لكم اناملي ..
روايتا من نسيج افكااري ..
روايتا تتشاطرون مع أبطلها

الفرح والحزن ..
السعادة والكآبه ..
اللقاء والفراق ..
الراحة والعذاب ..

روايتي الأولى " تعتقد قلبي يلين بعد كل هالعذاب ؟ "


********* ********** ***********

& البارت الأول .. الجزء الأول &

طق .. طق .. طق ..

رنيم وهي تلبس الإكسسوارات : مننن ؟

....... : انا رهف ..

رنيم : تفضلي رهوفة ..

رهف : يووه رنيم أخرتيني .. يلا ابي اروح البارتي ..

رنيم : يعني عادي اختك رنيم الكوول .. تروح وهي مو مرتبة ..

رهف : أكيد لأ ..

رنيم : أجل خليني ألبس واننا مروقه ..

رهف : اوكي ..

رنيم : خلاص خلصت ..

رهف : يلا السواق مسكين من فترة ينتظرنا ..

رنيم : يلا نمشي ..

" تحت بالتحديد في الصالة "

الجازي : يا سللام وين رايحين ؟

رهف : ماما .. اليوم بروح البارتي صديقتي مسوتنه .. باخذ معاي رنيم ..

الجازي : وجنان اختك .. ليش ما تاخذينها ..

رهف : سألتها وقالت لأ .. وثانيا حتى رنيم اختي ..

الجازي : ومن إن شاء الله قال لتس إنا رنيم اختس ؟

@@@@@@@@@@@@@@@@@@
stooooooop
سوري بس ضروري اكلمكم شوي عن الشخصيات ..
اولا البطلة $ رنيم $
عمرها 17 سنة .. طيوبة تحب الكل .. وعلى نياتها .. ملامحها : شعرها اشقر على كستنائي طبيعي .. عيونها زرقاء .. وبشرتها بيضاء على شوي احمر .. وشفايفها منتفخين كأنها مسويه نفخ .. لون شفايفها كرزي .. ملامحها بريئة .. وقوية تملك خاذبية وجمال من امها .. اصولها امريكية من ناحية الأم .. تخصصها في الثانوي .. علمي .. تحلم تكون دكتورة علاج طبيعي ..
******************

رهف .. اختها من ابوها .. طيوبة تحب رنيم كثير .. شخصيتها حلوة وجريئة .. ملامحها : عيونها وساع لونهم بني على عسلي .. شعرها اسود طويل إلى نص الظهر .. فيها جاذبية وجمال طبيعي .. طالعة على ابوها .. في الثانوية العامة .. عمرها بعد 17 .. تخصصها ادبي .. تحلم تكون مدرسة إنجلينزي ..

+++++++++++++

جنان .. اخت رنيم كمان من ابوها .. توأم رهف .. مغرورة ومتكبرة .. انانية تبي كل الأضواء والجمال إليها .. تكره رنيم كثير لأنها احلى منها .. ملامحها : مثل رهف بالضبط .. بس جنان حنطاوية ورهف بيضا .. وإلي يفرق بينهم البشرة و نوح الحبة الصغيرة السوداء الكل يعرفها بس مدري شنو يسمونها .. إلي موجودة في خد جنان .. طبعا الشامة مجملتنها .. ثانوية عامة كمان .. تخصص تجاري ..

++++++++++++++

غيث .. عمره 24 .. يحب رنيم ويكره انانية جنان .. يتمنى جنان تكوون بطيبة رنيم اخته .. ملامحه مكس من الأبو والأم .. عيونه وساع .. سوداء اللون .. رموشة كثيفة .. جسمه جميل ومعضل .. داخل في الجامعة طب ..

@@@@@@@@@@@@@@@@@@
رهف بعصبية : والله رنيم اختي غصبا عن الكل .. " وهي تطالع رنيم " يلا رنيم نمشي ..

" رنيم طول الوقت منزلة راسها .. وحابسة الدمعة داخل عيونها .. فما ردت على رهف .. ومشت وياها للسيارة "

" في السيارة رهف جلست جنب رنيم "

رهف بحنية : يلا رنيم .. بس خلاص لا تصيحين .. عشاني ..

رنيم بصياح : أنا ما اصيح عن شي .. بس اتساءل ليش يكرهوني معني احبهم ..

رهف إتأثرت : ومن قال أنهم يكرهونك .. كلنا نحبك ..

رنيم : تصرفاتهم .. محد يحن علي غيرك إنتي و غيث .. ابوي مع خالتي وجنان .. يكرهوني .. بس ما اقول إلا الله يسامحهم ..

رهف في قلبها " والله يا رنيم إنا قلبك كبير .. الله يهني إلي يتزوجك .. وإن شاء الله
يعووضك عن إلي منحرمه منه ألحين .. "

+++++++++++++

" مطار الرياض يعلن إستقبال وريث راشد الضاري الوحيد .. "

جريدة ال ( ... ) السؤال المطروح الآن .. هل هامور السوق راشد خلف وراءه هامورا آخر .. أم سمكة .. ؟

قناة ( .. ) اخيرا .. عاد ابن البطل الذي خسره السوووق .. عاد وريثه .. لكن هل سيعود ويكون مثل والده البطل .. ام لا ؟

++++++++++++++

** يتبع **


pink queen ©؛°¨غرامي مشارك¨°؛©

ودي والله اقراء روايتك!!!

بس والله الحين اقراء 3 رويات بوقت واحد احس انلحس مخي ..

بس اخلص منهم ابداء معك .. عشان لااحوس ..

عموما بدايه موفقه


غ ـروري روحي ©؛°¨غرامي جديد¨°؛©

يسلو خيوتي .. والله شجعتيني ..

اني اليوم في الليل بنزل تكملة الجزء ..
وأي نقد قولوه لي .. واتمنى اشوف ردود وتفاعل ..

تحياتي : ) ..


a7la 3yo0on ©؛°¨غرامي جديد¨°؛©

جنـــــــــــــــــــــــــــــــــــأإأآنــــ ..~|] تقبلي مروووووووريــــ ابدااااااااااااعــــ إلى الأنـــ ؛:]]][[[:؛؛××

P!nk rose ©؛°¨غرامي مشارك¨°؛©

بدااااااية موفقة حبيبتي

ننتظــــــر البااااارت الجاااااي ______^
تحييياتي لج حبوبة ...

ميرديانا ©؛°¨غرامي فعال ¨°؛©

بدايه رائعه وموفقه وبانتظارك بالبارت الجاي

غ ـروري روحي ©؛°¨غرامي جديد¨°؛©

احم اعضاء اسمي ما راح يكون شتاء الدموع ..
راح يكون ::

غ ـرور روحي ..

سووروي على الخربطة ..

غ ـروري روحي ©؛°¨غرامي جديد¨°؛©

مشكورين كلكم ع المرور ..

تكملة الجزء ألحين بنزلها

برب .. : )


غ ـروري روحي ©؛°¨غرامي جديد¨°؛©

" سيارة رهف و رنيم عند باب بيت صديقتاها "

رنيم تكلم صديقتها : أسرار حبي اني عند الباب .. بسررعة طلعي ..

اسرار : دخلوا حياكم داخل ..

رنيم وهي تضححك : يعني اتكيت .. شكرا .. تبين رهف تذبحني ..

اسرار : ههههههه ..

رهف وهي تسحب التلفون من عند رنيم : سراروووه .. يلا طلعي مستعجلين ..

اسرار : هههههههه .. اوكي ..

" شوي إلا اسرار داخلة السيارة "

اسرار : السلام ..

رهف : وعليكم السلام .. " مدت إيدها إلى اسرار " مبروك ..

اسرار مستغربة : مبروك .. على شنو ..

@@@@@@@@@@@@@@@@

سوري مرة ثانية .. احم ضرووري اعرفكم على احدى شخصيات روايتي وعائلتها ..

اسرار .. صديقة رنيم الروخ بالروح من ايام الإبتدائي .. تحب رنيم تمووت عليها .. ملامحها : عيونها واسعة لونها بني غامق مايل للأسود .. شعرها كستنائي .. بشرتها قمحية .. مرحها وطريقة كلامها .. يضيف جاذبية عليها ..

+++++++++++++++

امها اسمها سمر .. واابوها ميرزا .. عندها اخوين .. سيف 23 .. وهشام 25 .. واختها هناء 15 ..
@@@@@@@@@@@@@

رهف : على البيضة إلي طلعتينها ..

اسرار مو فاهمة شي .. بس رنيم ميتة من الضحك ..

اسرار : اي بيضة ..

رهف : ما اقول إلا الله يخلف عليك .. اقول لك إنتي متأخره شنو تسوين .. اكيد تبيضين .. عشان كذا انا قلت لك مبروك ..

اسرار تضرب رهف : سخييفة ..

رهف : ما طلبت رايك ..

" طوول الوقت رهف واسرار يتهاوشون .. اما رنيم فهي في عالم ثاني "

اسرار تكلم رهف بصوت واطي : فيها شي .. من يوم دخلت لاحظت إنا وجهها متغير ..

رهف بأسى : امي ..

اسرار بتأفف : شنو سوت ..

رهف قالت لأسرار كل إلي صار ..

++++++++++++++++++

" في بيت ابو رنيم "

جنان نازلة من غرفتها : هاي مامي ..

الجازي : هايات ..

جنان : ماما بروح بيت صديقتي مدى ..

الجازي وهي تقرء مجلة الأزياء : اوكي .. بس متى بترجعين ..

جنان : والله مدري ..

الجازي بدون اهتمام : اوكي ..

جنان بفرح : باي ..

الجازي : باي ..

جنان تكلم السايق : إسلام يلا مجمع الظهران ..

إسلام : حاضر ..

" تلفون جنان يرن .. "

جنان من قرأت الإسم نعمت صوتها : ألو ..

...... : يا هلا بأحلا ألو ..

جنان بدلع ماصخ : بيشو بس خلاص ..

بشار : تدلعيني بعد .. خلاص انا اموت بس ..

جنان : ههه .. لا يومي قبل يومك .. اوكي بشار .. انا الحين في الطريق إلى المجمع .. تعالي لي ..

بشار : اوكي .. اهم شي كاشخة ..

جنان : هههه .. اعجبك .. اليوم بطيحهم كامل ..

بشار: تطيحينهم إي .. بس تروحين ليهم لأ .. ترى اغار ..

جنان : كلشي ولا بيشو ..

بشار : إذا وصلتين إتصلي لي ..

جنان : اوكي ..

+++++++++++++++++

" رهف والبنات وصلوا إلى البارتي "

اسرار بدهشة : ياااي بيتهم كشخة ..

رهف بفخر : أكييد هذي غلاي لين ..

اسرار : إلي يشوفك يقول مادحتك انا مو مادحة بيت البنت ..

رهف : انا ولين واحد ..

" رنيم ابد مو معاهم "

اسرار تأشر قدام عيون رنيم : يووه .. ريني .. وين رحتي ..

رنيم اخيرا حست : هااه .. لا ولا محل ..

رهف تنقز رنيم بكوعها : إلي ماخذك منا يتهنى ..

رنيم : اووف .. يلا خلونا ندخل ..

اسرار مستغربة بس نست كل شي يوم دخلت بيت لين ..

اسرااار وعيونها بتطلع : واااااو .. نحنا مو فقرا بس بيتنا ما يوصل لهلمستوى ..

رهف : صلي على النبي ..

اسرار : اكرمينا بسكوتك .. إلي يقول بيتك .. مالت ..

رنيم : يااي .. حلو بيتهم .. يلا رهف وين نروح ..

رهف وهي تأشر على ملحق كبير : هناك ..

" اول ما دخلوا استقبلتهم لين بفرح .. "

لين وهي تحضن رهف : وحشتيني يا الدبة..
رهف : إنتي بعد يا بومبا ..

لين : هههه .. اوه نسيتيني ما سلمت عليهم ..
رهف وهي تأشر على رنيم : هذي أختي رنيم ..

لين وهي تسلم عليها : تشرفنا ..

رنيم بإبتسامة : وإنتي اكثر ..

" لين أول ما شافت رنيم .. صلت على النبي .. وعجبها شكلها وادبها "

رهف تأشر على اسرار : هذي اسرار صاحبت رنيم ..

لين : أهلين ..

اسرار : هلا بيك ..

لين : تفضلوا شيلوا عبايتكم ..

كل وحدة فسخت ععبايتها ..

رنيم كانت لابسة فستان ابيض بدون كمووم يبتدي من تحت الرقبة يعني ولاشي من فوق .. يوصل إلي نص الركبة .. وفي الوسط حزام .. ولابسة بووت اسود فيه نقشات لونها ابيض .. والإكسسوارات مكس ابيض واسود .. والميك آب خفيف مو حاطة إلا قلوووس احمر صارخ .. مع مسكرا وكحل جاف وسائل .. بس ..

رهف .. كانت لابسة فستان احمر حفر الكموم .. فوق الصدر بشوي .. يوصل إلى فوق الركبة .. مع جزمة راقية لونها احمر .. و الميك آب .. فخم على بسيط ..

اسرار .. ثيابها عادية بس راقية .. لابسة فستان اسود بسييط موديل امريكي .. طبقات وشعرها مثلهم عادي مفتوح .. ومكياجها بس قلوز مع بودرة وكحل ..

لين اخذت رهف على جنب : رهف انتي ما تكذبي .. صح .. هذي اختك ..

رهف بفخر : يس اف كوورس ..

لين : يوووه تاخذ العقل .. ملامحها اجنبية ..

رهف : لأن امها اسبانية ..

لين : يوووه يعني اختك من ابوك بس ..

رهف : إيي .. يلا خلينا نتمشى ..

قعدوا البنات ردح وررقص ..

رنيم وهي تاخذ نفس : آآه .. تعبت من الرقص ..

اسرار ميته من الضححك على ومجه رنيم إللي صاير احمر : ههههههه .. ههههه .. لسه كذا لو وجهك ..

رنيم بغرور : هه .. يحصل لك وجهي ..

اسرار : سوري .. عندي إلا احلى منه ..

رنيم : هه تحلمين ..

اسرار بحسن نية : اهم شي سعودي كامل ..

رنيم إنجرحت من داخل بس ماحبت تبين : بروح الحمام ضروري .. تعالي معي ..

اسرار : لأ ..

رنيم : مالت ..

++++++++++++++++++

جنان في السيارة مع بشار ..

جنان : بيشو .. نسيت أسألك اليوم .. في وين ..

بشار : بشالييه يعجبك ..

جنان : اوكي ..

" وبعد عشر دقايق وصلوا الشاليه "

جنان مستانسة : يوه اليوم واجد ناس ..

بشار : إيي .. يلا روحي إستانسي ..

جنان : إييه اسالك مدى موجودة ..

بشار : إيه من امس ..

جنان : آها .. اوكي ..

" دخلت جنان الشاليه .. وكان مزحوم .. شباب وبنات .. والأكثر شباب .. "

فسخة جنان عبايتها وكانت لابسة طبعا ..
فستاان سهرة اخضر .. عااري الصدر نصه طالع .. والظهر كله طالع .. وفستانها قصير يوصل إلى نص الفخد ..

اول ما دخلت الساحة إلي الكل موجود فيها .. كل الشباب طالعوها .. معجبين بجراءتها ..

طلال مقرب من جنان وفي إيده كاس الويكسي : يا هلا بالمشمش ..

جنان بدلع : يا هلا .. معاك غزال ..

طلال وهو مقرب منها : هلا بأحلى غزال .. معاك طلال ..

جنان وهي ماسكة ازاري قميصة : يا هلا طلولي ..

طلال وهو سكران : يا حلو .. ترقص لي ..

جنان : انا ..

طلال : يا أغلا انا .. إي إنتي ..

جنان تسوي تستحي : استحي ..

طلال : برقص معاك ..

جنان وهي تسحبه : يلا ..

ركبت جنان المسرح وطلب بشار إنهم يشغلون مصري ليها .. واخذت الشال .. وقعدت ترقص مصري وتهز هز ..

طلال ذايب عليها : يا حلو تعال جنبي ..

جنان : عطني اول ..

طلال يعطيها ألفين : بس عشان ربع ساعة ..

جنان : الربع ساعة .. كلها انا لك فيها ..

" طبعا جنان تسوي هالشي وهي ما تدري إنه غلط .. لأن صديقة السوء جرتها إليه .. طبعا الأم ماتدري عن شي .. بس متى تدري .. يوم لا ينفع الندم .. "

++++++++++++++++++++

نهاية الجزء الأول من البارت الأول ..

توقعاتكم .. وتعليقاتك .. ورايكم ..

تحياتي ..

++++++++++++++++


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1