غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-06-2010, 07:37 PM
ورقاء ورقاء غير متصل
©؛°¨غرامي جديد¨°؛©
 
الافتراضي رواية عيون طفلة


السلام عليكم

هذي اول رواية تكتبها اختي ,, وحبيت اكتبها ليكم

وإن شاء الله كل يوم جزء تنزله ..


الجزء الاول

تحديت الزمن مرات ,,
وهل يا ترى ببـجي ؟!
بجيت ولا لقيت إلي يلملمني
حزنت ودمع عبراتي ..
تألمني تألمني ,,

.................................................. .......
بطـلتنـآ في القصهـ .. { مهـآ } ..
آم مهـآ : مب كبيره وايد .. واكبر عيالها طلال عمره 24 خاطب شيخه (22).. وحابنـآ عن طريق الانترنت .. طويل وبشرته افتح من اخوته الباقي لكنه اقل جمال منهم ..
ابو مها : توفى قبل ولادهـ آخر العنقود بشهرين ,,
ويلي طلال.. طارق عمره 22 .. واحد مرجوج لكنه ستايل .. شعره بني مطوف رقبته .. اسمر وعينه كبار ..طويل وجسمه مليان .. بشكل عام وسيم..
لكن فيه عيب واحد مغازلجي ويكلم اكثر من بنت وحدهـ
وتليهم " مهـآ " البنت الوحيده في البيت .. عمرها 19 سنه .. عينها كبار ولونهم اسود .. بشرتها صافيه وعاديه اللون .. " حنطيه " شعرها ناعم حيل ولونه اسود ويوصلها لين جتوفها .. طولها متوسط ورشيقه .. نقدر نقول عنها جميله ..
وبعدين يليها عبدالله .. ينادونه عبود او العبد .. عمره 17 آخر سنه في الثانوي .. وعلى ابواب التخرج ويتجهز الى الدخول للجامعه ..
طويل واغمق واحد فيهم من حيث البشره .. عيونه وساع ماشاء الله عليه .. وشعره اسود ومدهن ..
وآخر العنقود " هادي" ينادونه هدوي .. عمره 6 سنوات ومدلع بالحييل لأنه الفتره بينه وبين عبود طويله .. ومتخرعين ابه .. ودايم يغار منه طارق ..


.................................................. ......................................
نبدي بأحداث قصتنـآ ..
وباقي الشخصيات راح تعرفونهـا مع السرد ..
.................................................. ........................................
في الصاله هدوي يحاول يكتب واجباته بإشراف من الوالدهـ ..
هدوي : يمه صدقيني الاستاذ قال لنا ما نكتبها والله والله والله
ام طلال وهي معصبه : تعايي من انت تراك عورت راسي اخر زمن انت تعلمني ,, يلا اكتب بس اكتب
هدوي وهو يتحلطم : تعلميني غلط انتي بتجوفين بكره لين الإستاذ عاقبني بقول له منج انتي
ام طلال : زين زين ,, الي يعاقب وليدي اكسر ايده
هدوي وهو مبرطم .. : ما احاجيج يمه تعلميني غلط
ام طلال : رووح زين بس
في هاللحظة يدخل طارق وهو يتكلم بالتلفون
طارق : والله ما اجذب كنت هناك
ام طلال: كنت وين ؟
طارق يأشر لأمه انه ما يكلمها ..
ام طلال : آنه لو بس ادري تكلم من طول هالوقت .. اذووونك بس لا تنبط
طارق : اوكي اشوفك بعدين ,, معاي الأهل ..
ام طلال تتحلطم : معاك الاهل عيل
طارق وهو يعدل شعره : يمه شفيج علي تدرين ولدج بزنز والكل يحبه خبرج بعد واحد من الربع زواجه وشسمه يبي ياخذ رايي في البدله والديزاين وخبرج يعني امور شبابيه ماتعرفون لها ,,
ام طلال : مانعرف ويهك انت بس,, وشدعوووه انت منسق حفلات على غفله وآنه ما ادري ,, شكو ياخذ رايك .من زين رايك عاد
طارق : يمه ترا احسج تغارين مني ومن شعبيتي ومن شهرتي ..
ام طلال وهي تكلم هدوي : اقول اكتب انت ولا تسمع هدره اخوك الي مالها فايده ,,
طارق يطالع على جنب : احنا وهالهدووي كل شي هدوي هدوي هدوي ,, باقي شوي تبيعين هدومي على شان هدويج هذا ,, شكو مايسمع كلام اخوه الكبير شكوو ,, يعني مثلا اعلمه اشياء مو زينه انا ولا انا مانا كفوو اعلمه السنع
اصلا هذا لو ولدي ,, ( يضحك طارق ضحكه نذاله ) جان عرفت شلوون اسويه ريال مب بناتي يدلعوونه
مها تدخل الصاله : شصاير شهالرجهـ الي راجينهـآ انتو !؟!
طارق : شوفي اخوج المصون شقاعد يسوي
مها ومرسومه علامات التعجب والاستفهام على ويها : يكتب ؟
طارق وهو ناقز من على الكرسي : لالالالالالالالالالالالالالا
مها : عيل شيسوي ؟؟؟؟؟؟؟؟
طارق : ياكل فاصوليا !!
مها : سخيف حدك انت وشعرك هذا
طارق : ياربي الكل يغار مني في هالبيت !!
ام طلال وهي متقدمه من الممر : وش احط الغذا ؟
طارق : لا انا اسوي رجيم ,,!
مها : تسوي رجيم ؟؟؟؟؟؟؟؟
طارق : احس نفسي سمنان !!
مها : تراك مصدق حالك وايد ,, ليكون بتسوي دعايه فطور الصباح واحنا ماندري ؟
طارق : اي فطور اي خرابيط .. انا طالبيني شركه لوكس وسانسيلك
ومنتجات غيرهم بس اقول لهم ,, لالا j عندي اخت اخاف تموت من الغيره لا درت ,,
مها وهي تطق جتف امها : يمه لا يوم لقيتي ولدج هذا مقتول لا تشكين في احد غيري ,,
طارق : يمه وش الغذا ؟
ام طلال : توك تسوي رجيم
طارق : احس نفسي وصلت الوزن المطلوب حطي لي غنجتين خبرج الرجيم هلكني ,,
ام طلال تضحك على ولدها : حاضر
مها : يمه ابي اتغذا بغرفتي اذا ماعندج مانع
طارق : يمه ماعليج منها هذي بدايه الادمان على الوحده ومرض التوحد والانعزال ,,
ام طلال : اسمله على بنيتي ,,
مها وشكلها معصبه : شفيك انت دايم تبي تسوي المشاكل اذا تفكر نفسك تضحك تراك وايد مصختها ,, واصلا انت لك عين تتكلم ترى حساباتي وياك لي اللحين ماخلصت ,, وعلى فكره سوالفك هذي اليمين واليسار هذي الي راح توصل الى امي مو كلامك هذا السخيف الي ماله معنا

ام طلال وهي تهدأ بنتها : شفيج يمه ترى الموضوع غشمره وانه ماصدقته صلي على النبي وهدي اعصابج ,,
طارق فهم شتقصد مها فسيده طلع من البيت من غير ما ينطق بأي كلمه ,,

ام طلال استغربت شلون عصبت بنتها على سبب تافه ,, وفكره ان صج بنتها تحس بضغوطات او شي وصايره عصبيه اكثر من اللزوم ..
طارق توجه الى الديوانيه ,, المكان الي يتيمع اهو وربعه فيه ,,

لقى هناك محمد صديقه الأقرب ,, مثل عمره ,,
طارق : هلا محمد
محمد : هلا بيك شيايبك هالحزه
طارق : شكو طرده اهيا ؟
محمد : لا بس مستغرب ,,
طارق : بس انت الموجود
محمد : لا
طارق : من هنا
محمد : جم يني ( جني ) وكم طيف
طارق وهو يبتسم : تصدق عاد
طارق : تصدق احس اختي بدت تهددني ,,
محمد : تهددك ؟ على شنو عاد تهددك
طارق : انا كنت امزح وياها فجأه عصبت وتقول حساباتي وياك ما خلصت
محمد يطق جتف طارق : ماعليك منها اصلا ماعندها الجرأه انها تتكلم بالموضوع
طارق : خايف يا محمد
محمد : منو الكبير فيكم
طارق : انا !
محمد : خلاص ليش خايف ! طراقين وتسنعها
طارق: تدري انها اختي الوحيده ,وولايمكن امد يدي عليها
وثاني شي مدلله هي ,, ولو ابوي يدري اني طقيتها احتمال يطردني برا البيت
محمد يضحك : والله حالتك صعبه ,, اقول انسى السالفه واعتقد مابيصير الا الخير..
طارق : الاوضاع ماتبشر بالخير !!
محمد : استعيذ بالله يا طارق ,,
طارق : اعوذ بالله من الشيطان الرجيم ,,

............

في هاللحظه كانت مها على سريرها .. وحاطه المايك بأذونها وتسمع اغنيه " عادل محمود – كثرت اعذارك"
كانت تفكر في طارق ,,
حست بالندم شلون كلمته .. خصوصا انها ماتعودت تكلمه بهالطريقه او يكون بينهم زعل
لكنها بعد حاسه بالضيق منه ,,
اكتفت انها تضغط على طرف السرير وهي تقول " ليش يا طارق ليش "



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-06-2010, 07:38 PM
ورقاء ورقاء غير متصل
©؛°¨غرامي جديد¨°؛©
 
الافتراضي رد: رواية .. عيون طفلة,, بقلم اختي


تكملة الجزء ..,,
طقت الباب امها ,,
ام طلال : يمه يصير ادخل
مها غارقه بالتفكير وما سمعت كلام امها .. وخصوصا انها حاطه المايك وتسمع ,,
ام طلال ترفع على صوتها : يمه مها بدخل
مها اللتفتت الى الصوت : هلا يمه تفضلي
دشت وهي مستغربه : يمه مها شفيج ؟؟
مها وهي مستغربه اكثر من امها : شفيني يعني ؟ مافيني شي !
ام طلال : حبيبتي ليش قاعده بروحج تعالي معانا اكي هني شيخه وطلال تحت بالصاله تعالي سولفي مع زوجه اخوج
مها : مو مشكله يمه ,, اسبقيني راح انزل
ام طلال : الله يعطيج العافيه ,,

.. في الصاله ..
ام طلال : اللحين بتنزل مها
شيخه : اي ننتظرها والله لها وحشه ,,
طلال : كأن صار لج دهر ماجفتيها ,, ماصار يومين
شيخه وهي تضحك : والله سواليفها حلوه
ام طلال وهي تبتسم .. مريحنها كلام زوجه ولدها .. : والله انتي الحلوه
شيخه : شدعوه عمتي ,,
بهاللحظه تدخل مها وهي لابسه فانيله كت .. لونها وردي وبنطلون جينز فاتح.. رابطه شعرها على ورا .. وكانت من جد طالعه بريئه وحلوه ..

طلال وقف : الله اختي يا أمووره ,, هلا بج يا هلا ,, شلونج
مها : زينه , بس شصاير بالعادهـ تطحن ,,
طلال يضحك : قلنا مانبي ناكل زفه مثل طرووق .. يقولون صايره عصبيه
مها تغيرت ملامح ويها ودارت لأمها
طالعتها بنظره عتب وكأنها تقول لها .. ليش قايله لهم !!
مها : تعرف امي وايد تبالغ وانت بعد تعرف ثقاله دم اخوك
طلال وهو يضحك : في هاي انتي صدقتي :p
مها وهي تعدل نفسها : في كل شي انه اصدق هههه
طلال : ايوووه ,,
مها تسلم على شيخه وتقعد يمها
شيخه : شخبار الجامعه وياج
مها : ماشي الحال
شيخه تبتسم
مها : بس صاير البيت بدونج ملل وينج يا القاطعه
شيخه : خبرج تجهيزات العرس
مها وهي مستغربه : العرس ؟؟؟
شيخه وهي مرتبكه : ليش ماقال لك طلال !
مها : شنو بتعرسون قريب
طلال : اي نعم
ام طلال : في اي وقت احنا مستعدين اصلا وهذي الساعه المباركه يا وليدي ,, وزين انكم بتستقرون
مها وهي تحرق اخر حبل امل في فكرها : على البركه اخوي ,,
بس مو كأنكم استعيلتون وايد
ماصار لكم ثلاثع اشهر من الخطوبه .. احس فتره مو كافيه تتعرفون فيها وايد

شيخه : لا عادي ..
طلال : وثلاثه اشهر قليله يعني ., ثاني شي صح كلام امي ابي استقر خلاص
مها : ووين راح تسكنون !!
أم طلال مستغربه من بنتها : وشعليج انتي ؟؟ من قله غرف البيت ولا بيقعدون على حلقج !
طلال وهو يضحك : شفيها يمكن تفكرني بفارقها لا يبه انا ماراح اترككم ,,
مها تبتسم وهي قايمه : زين ..
ام طلال : على وين ؟
مها : بنام تعبانه
ام طلال : تعالي سولفي معانا
شيخه : عمتي خليها براحتها
مها : سمعتي ,,


مها ركبت غرفتها ,,
وانسدحت على السرير ,,

هذي ثاني صدمه ,, بالاحرى وش صاير اليوم ,,
كل شوي اذكر شي ..
والله تعبت خلاص ,, مالقيت تتزوج الا اللحين مالقيت تتزوج !!
قهر قهر قهر !!!

نامت مها وهي مقهوره على اخوتها الكبار ,,




الى هني ننهي الجزء الأول ,,


بس يا ترى ليش مها زعلانه بزواج اخوها ومقهوره من هالزواج ,,؟؟!


وعلى شنو كانت تهدد طارق .. وحمقانه منه ,!؟!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-06-2010, 07:40 PM
ورقاء ورقاء غير متصل
©؛°¨غرامي جديد¨°؛©
 
الافتراضي رد: رواية .. عيون طفلة,, بقلم اختي


الجزء الثاني


مها تصحى على صوت عبوود بالممر
عبود : الله يغربلك يا الغبي .. ليش مسوي هاللون !!
هدوي وهو خايف حيل منه : والله العظيم اخر مره
عبود : شكوو آخر مره يوم خربت اللعبه يا الي ماتستحي
هدوي وهو يبي يروح لغرفه امه : عند امي تصرخ علي
عبود وهو يجره من فانيلته : شوف انت هالحركات مب عليي يعني شنو بتسوي امي لك ,, يا الشاطر ,, يعني عبالك لأنك اصغر واحد الدنيا تمشي لك سيدا لا يبه
هدوي : انا مو فاهم وش تقول لي لكن عند امي تسبني
عبود وهو ينط من العصبيه وصوته موصل اخر الفريج : الله ينعل اليووووم الي خليتك تلعب فيها الله ينعلك وينعل شكلك يا الغبي شكوو مو فاهم كلامي ,, شكوو شلون انا اتكلم وياك ليكون فرنسي وانا ما ادري
هدوي يبي يصيح وويهه صار احمر والعبره طالعه في صوته :
ليش تصرخ اسف انا ,, " وبدا يبجي "
طلعت مها وويهه كلا نوم : شصاير شهالصراخ آخر الليل
عبود وويهه لي اللحين مبين عليه معصب : هذا اخوج الغبي خرب البلي ستيشن ,,
مها : وخير يا طير يعني ليكون بفلوسك انت الي حمقان ,,
مها راحت لهدوي وحضنته : خلاص حبيبي خلاص .. لا تبجي ماعليك منه
هدوي وهو يبي يشرح : انا ماخربتها فجأه انطفت مدري شصار ..
مها : خلاص حبيبي
عبود وهو يبتعد ويطنز عليهم : خلاش حبيبي خلاش حبيبي ,, مالت عليج وعلى اخوج الغبي ,,
مها : والله حالهـ , ناس فاضيهـ ,,
هدوي : انا احبج انتي بس ماحب طارق وعبود
مها : انه بعد احبك بس اكيد بعد تحبهم
هدوي : لا هم مايحبوني
مها : لا يحبونك بس يخافون عليك
هدوي : لا يخاف على البليستيشن مو عليي انا
مها تضحك : يغربل ابليسك تعال نطالع تلفزيون شرايك ؟
هدوي : انا يوعان
مها : ماتعشيت ؟
هدوي : بلى بس بعد بطني يقول هو يوعان
مها : وش تعشيتوا ؟
هدوي : اممممم شي مو وايد ابي بعد
مها تضحك : زين زين بتاكل بعد بس قول وش اكلت ؟
هدوي : امم اكلت دياي مشوي وتبوله واكلت ورق عنب وبعد وبعد
مها : وتقول مو وايد ؟
هدوي : واكلت بعد حمص واكلت بعد تكه حلو
مها : بعد !!
هدوي : وش دراج بعد اكلت سندويجه
مها : اقصد بعد على الاكل يالله زين اعترفت انك اكلت سندويجه
هدوي وهو ميود بطنه : يوعان
مها : والله إنك بالوعه اكل كل هالاكل الي اكلته وبعد يوعان
اكو انه ما اكلت شي ومو يوعانه
هدوي : انا في بطني عصفور ياكل عني
مها : وايد متأثر بكلام الوالده هههههههههههه
هدوي يضحك ,,

راحت مها المطبخ وسوت شي ياكلونه ,, وبعدين راحوا يطالعون تلفزيون ,,
دخل طارق البيت ,,
طارق : السلام عليكم يا شعب
هدوي : طارق اللعب معاي اونو
طارق : اكي وياك مها خلها تلعب وياك انا تعبان
مها ولا كأنها تشوفه ,, : هدوي حبيبي شفيك ؟ تكلم من ؟
طارق انحرج من اخته وتقدم نحو الدرج يبي يركب لغرفته ,,
هدوي : اكو طارق ماتجوفينه
مها : اي طارق ؟ مااشوف احد
هدوي يحضنها : يماااااه انا جفت يني انا جفت يني
مها : لا ماجفت شي
عبود ينزل من فوق ..

عبود : من وين راجع
طارق : تعرف امك ؟
عبود : تصدق ماعرفهـآ !!
طارق : على العموم ,, هي ما تسألني انت تسألني ليش ! يلا شقلب ويهك
عبود : والله إني خايف عليك
طارق : خاف على نفسك أول وخاف على دروووسك بعدين لو سمحت خاف علي لو على احد ثاني ,,
عبود: على العموم سعيد لرؤيتك ,,
طارق : وانا تعيس لرؤيتك !!
عبود نزل ومد يده لهدوي ,,
عبود : سامحتك
هدوي : انا ما سامحتك ليش تصرخ علي
عبود : طاع هذا خلاص شف الي يكلمك
هدوي : خلاص سامحتك
عبود ابتسم ,,
هدوي : تلعب اونو ؟
عبود : تعرف انت تلعب مع ويهك ؟
هدوي : اي ودايم اغلب مها
مها تنط : هي هييي تراني اشفق عليك واخليك تفوووز
هدوي : ماعليك منها افوز انا افووز انا قوي
عبود : يلا نشوف من القوي ,, ييب خلنا نلعب ,,

مها انه بوزع الاوراق ,,
عبود وهو يهز راسه بالنفي : لالالا , لا يبه حركاتج بالغش معرووفه شكوو تحطين لج آكآلات وسحآبـآت وآحنا تعطينـآ حرآقات عشان تطيح بجبدنـآ لالا انا بوزع ,,
مها تضحك : تقسم بشرفك ماتغش هههههههه
عبود : انا بريء مب نفسج ,,
مها : يلا وزع وبلا هدره زايده ,,

اول قيم ,,
هدوي وهو مب عارف يمسك الاوراق وكانت كل اوراقه مكشوفه

يضرب على ظهره عبود : ها يا القوي من بدايتها مبين انك قوي
مها تضحك : اييه ويقول يفوز علي
عبود : اظاهر يلعب على المكشوف هذا ,, هههههههههه
هدوي : انا بفوز عليكم انا بفوز
كان دور عبود وكان الورقه الملعوبه سته خضرا ,,
عبود ماعنده لو اخضر ولا عنده رقم سته ,,
حط رقم تسعه ازرق
صادته مها
مها وهي تضرخ : هي هي علينـآ يا عبدوووه ههههه يا الهندي يالله شيل الورقه عبالك عميان حاط تسعه وتبي تمشيها
عبود يضحك : ههههههههههههه والله إنج محترفه غشش شلون صدتيني ماادري
تصحى ام طلال على صوت العيال
ام طلال : يمهـ شمقعدنكم لهالحزهـ
مهـآ : انه توني صاحيهـ
ام طلال : يالله هدوي قوم نام وراك مدرسه بكره
هدوي : بكره اليمعه خليني اقعد مافي مدرسه
مها : خليه يلعب
ام طلال : هدوي يلا نام
عبود ساكت
ام طلال : انتون قعدوا سمحت ليكم " وهي تضحك "
عبود يتكلم على خفيف : حتى لو قلتين قوموا ناموا ما بنام
مها تضحك : ههههههه يغربلك
مها وهي تقط الاوراق : خلاص خلاص اللعبه صارت ماصخه من غير هدوي
عبود : ليش ؟ مو مالي عينج مثلا
مها: مايصلح اثنين بس يلعبون اونو
عبود : اي صح ننادي طروق
مها تغير ويهها : تبي تلعب وياه اللعب انه مابي اللعب
عبود : ليش؟ متهاوشه معاه ؟
مها : لالا مو عشان شي
عبود : عشانه هو بيلعب ؟
مها : لا تعبانه
عبود : اها زين ,, بالرغم ان كلامج مادخل راسي
مها : ليش في راسك حفريات ههههههههههه
عبود : ههههههههههه اظاهر جذي,,

في هالحظه يرجع من برا طلال وشكله مبين تعبان
عبود : منووور طلوولتي
طلال : طلولتك طل بعينك ,,
عبود : اقوول بتلعب اونو ؟
طلال : اذلف مناك الاونو لليهال اشكالك
مها : عدال
طلال : اووو هلا مها القمره
مها بكل برود : هلا
طلال : شهالسلام البارد !!
مها : مادريت انه بارد , شكلي مطلعته من الثلاجه وانه مادري
طلال : شفيج
مها وهي قايمه : على العموم ان كان بارد لهالدرجه تقدر تحطه بالمايكرويف,,

طلال ميت ضحك : صج صج تعالي ليش مب متحمسه بفكره زواجي ,,
عبود ينط : بتتزوج ؟؟
طلال : اي نعم بتزوج ,, احم احم
عبود : مسرع
طلال : مسرع ,, اقول بلا حسد
مها : اي وايد مستعيل صراحهـ مب مرتاحهـ لهالزواج ابداً
طلال خايف من كلام اخته : شقصدج مثلاً
عبود : قصدها الي قصدها
طلال : اسكت انت ماكلمتك اكلمها ..
مها : لو تتمهل شوي احسن
طلال : ليش ؟
مها : وليش تبي تتزوج ؟ ليش؟ يا طلال
طلال : شكو ليش ابي اتزوج ابي استقر
مها : صار لكم بس 3 اشهر واقل بعد يعني مافهمتها انت عدل ولا هي فهمتك عدل
عبود : صح كلامها اوافقها الرأي
طلال : هي انت يا الهندي ,, بتسكت ولا طراق على خشمك ,,
ويدور الى مها : وضحي اكثر
عبود يتحلطم : والله إني مظلوم مع لون بشرتي الكل يسميني الهندي على لون بشره حلوه .. واسمر اسمراني ,,
مها : انت فاهم قصدي ,,
طلال : على العموم زواجي بعد اسبوعين ,,
مها : فكرت بعد شهر!!
طلال : لا بعد اسبوعين
مها : طلال ممكن كلام إنفرادي !
عبود : يعني طرده ؟
طلال : افهمها مثل ماتبي
عبود : مانا طالع
طلال : خلاص مو مشكله
مها تعالي غرفتي
مها : مو مشكله اسبقني ,,
عبود : مشكل ,, ليش انا ماافهم l

وقفت مها حذال باب غرفه اخوها متردده تدخل اولا ,, اصلا مو عارفه وش تقول له ,,
فجأه تبطل الباب ,,
طلال يخزها: ليش ماخشيتي !
مها وهي توخره عشان تدخل الغرفه : ماادري شلون ابدي وياك الموضوع ,,
طلال : مابي مقدمـآت ,, الزبدهـ وخلصيني ,,!!
مها تطالع السقف ,,
طلال : مها اذا مو عاجبتنج شيخه ,,
تقاطعه مها : لالا مو هذا القصد طلال ,,
طلال : عيل ؟!
مها : بسألك وجاوبني بصراحه يعني لو جذبتون راح تنكشفون
طلال مستغرب : على شنو بجذب ؟؟!
.......
في هاللحظة يطلع طارق من غرفته ,, يشوف عبود حاط راسه على باب غرفه طلال ,,
طارق يطقه على ظهره : شتسمع يا الزين ؟؟
عبود ماسك صدره : لعنبو دارك خرعتني عبالي الوالده اللحين بتنعل يومي ,,!
طارق يضحك : شتسمع
عبوود : اووووص اسمع وانت ساكت
طارق يفكر عبود يسمع حديث بين طلال وشيخه: خل الريال وحرمته وتعال عنهم
عبود : لالا مها تبيه على انفراد
طارق حس قلبه بيتجمد من الخوف لما سمع اسم مها ,,
طارق : وشتبي هذي ؟؟
عبود : الله العالم تراك خربت جوّنا ,,
عبود: زين جذي ماندري شقالوو,,
.....
طلال : خلصيني مها تراج تخوفيني !!
مها : ليش تبون تتزوجون بسرعه ,, شيخه حامل صح ؟
طلال : وش تقولين ؟؟
~
طآرق بس سمع هالجمله ومشا ,,
طارق : العبد كلام خاص ممكن تتباعد
عبود مستغرب : خلاص بمشي
~
طارق نزل الحديقه ,, وعبود رجع يطالع تلفزيون ,,
.....
طلال يقاطع مها : لالا انتي وشتقولين ,, لالا مب حامل
مها : متأكد ؟
طلال : شدعووه ,متأكد اصلا مستحيل وثاني شي من وين يايبه هالكلام ,, صج انج غبيه ..
مها : عيل الحمدلله
طلال : روحي زين بس وش قالت قالت حامل
مها وهي متوجهه عند الباب : زين ,, تصبح على خير
طلال : وانتي من اهل الخير,,

طلال انسدح على السرير وهو يفكر ,, ليش مها ماكله هم زواجه .. اكيد في سبب يخليها مو مقتنعه او تعارض هالزواج .. وليش ما تكلمت من ايام خطوبتهـ ,,,

طـآرق كـآنت حآلتهـ مثل حآله آخوه ,, مرتبكـ ومتحيـر من آمر مهـآ وشيخهـ .. الي يفكرهـآ حآمل ,,
طـآرق يكلم نفسهـ : يعني معقولهـ حآمل شيخهـ ,,
طارق منقهر وبنفس الوقت من قهره يضحك : لهني وصلت القصه لهني وصل التحدي يا شيخهـ ,,!!

مها طلعت من غرفهـ طلآل ,,
ورآحت فتحت دفتـرهـآ الوردي ,,
كان مليان من الخواطر والأشعآر الي تكتبهمـ ,,
آخذت القلم

كتبت
~ إلى هنـآ وقفت ,,
هنـآ سوف آتألم أكثر ,,
أمنكِ أنتي ايتهـآ الدنيـآ؟!
أم من حآل هاذان الغريبـآن ,,
سحقاً لآ آدري كيف آصحح هذهِ الأخطـآء,,
سحقـاً أرى أخي الأول يندمـ ,,
والثاني قريباً ..~

سكرتهـ
مسكت التلفون
شدعووه لا مسج ولا مس كول ولا اي حاجه ,,
ضحكت وغمضت عينـهـآ تبي ترد تنـآم بس مو يايهـآ نوم لأن توهـآ صاحيهـ

الى هني نختمـ الجزء الثـآني,,
والى اللحين .. في تساؤلات ..
وش قصهـ طآرق ؟! وشنو قصهـ مهآ الي خافيتنـهآ ومتألمهـ منهـآ ؟!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-06-2010, 02:59 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية عيون طفلة


,’



بسم الله
و عليكم الســـلام و رحمة الله



يعطيك العــافية
موفقة بـ نقلك إن شـــاء الله


https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-06-2010, 03:09 AM
صورة جنان حبك الرمزية
جنان حبك جنان حبك غير متصل
××غّرّورّ القّلّبّ××
 
الافتراضي رد: رواية عيون طفلة


يعطيك العافيه ع النقل .. والروايا من بدايتها حلووة .. تسلم ايد اختج

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-06-2010, 09:15 AM
ورقاء ورقاء غير متصل
©؛°¨غرامي جديد¨°؛©
 
الافتراضي رد: رواية عيون طفلة


يعافيكم ربي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-06-2011, 12:28 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية عيون طفلة


وعليكم السلام

موفقه ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-06-2011, 05:16 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: رواية عيون طفلة


بداية جيـدة
و يعطيكِ العافيـة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-06-2011, 11:19 AM
صورة مشكلتي دلعي) الرمزية
مشكلتي دلعي) مشكلتي دلعي) غير متصل
©؛°¨غرامي مشارك¨°؛©
 
الافتراضي رد: رواية عيون طفلة


بدايه موفقه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-06-2011, 11:41 AM
صورة ماسه تحب الوناسه الرمزية
ماسه تحب الوناسه ماسه تحب الوناسه غير متصل
©؛°¨غرامي مشارك¨°؛©
 
الافتراضي رد: رواية عيون طفلة


بدايه موفقه
بالانتظار ياااآآغ ـــلااا
البااااارت مـــره روووع ـــهه

رواية عيون طفلة

الوسوم
اختي , بقلم , رواية , عيون , طفلة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
بين أحضان رواية Shadow Girl خواطر - نثر - عذب الكلام 22 07-08-2010 06:35 PM
مجلس الروايات للإستفسارات والطلبات ؛ الزعيـ A.8K ـمه روايات - طويلة 4012 21-06-2010 03:30 PM
رواية عرسنا في الجنة سُكر حياتي ارشيف غرام 1 23-05-2010 12:28 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 09:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1