غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 08-08-2010, 09:11 PM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: يمسح الدمعة بشكوى / للكاتبة : هدوئي





آفف جد آغبيـــآإء هالشبآب ..
وش يبووون من سعد ونآيف اللي مخلينهم للحيـن عندهم ..!!
ينتطرون لين تطب عليهم الهيئة مثلآً ..!!
مآلهم إلا يبلغوون عنهم ويفتكون منهم ومن بلآهـم ، نآس مثلهم مآ يجي من ورآهم خير ..

آششوى عمر بدى يحس على دمه شوي ويتحرك ..
آن شــآإء الله يقدر يسآعد رآيد ، ولو يتزووج مريـم منهـآ يحل مشكلته بالوحدة ومنها يجنب مريم المشآكل اللي فوق رآسهـآ مسكينة ..
آحس آن عمتهم مستغلتها صح في الشغل ..

~

يعطيك العآإفيـــة مللووووكة ..
و كل عــآإم وآنتي بخير فديتك ^_^ ..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 08-08-2010, 09:35 PM
صورة ஐ றάℓόỠόķά ஐ الرمزية
ஐ றάℓόỠόķά ஐ ஐ றάℓόỠόķά ஐ غير متصل
©؛°¨غرامي مجتهد¨°؛©
 
الافتراضي رد: يمسح الدمعة بشكوى / للكاتبة : هدوئي


اقتباس:
المشاركة الأساسية كتبها ♫ معزوفة حنين ♫ مشاهدة المشاركة



آفف جد آغبيـــآإء هالشبآب ..
وش يبووون من سعد ونآيف اللي مخلينهم للحيـن عندهم ..!!
ينتطرون لين تطب عليهم الهيئة مثلآً ..!!
مآلهم إلا يبلغوون عنهم ويفتكون منهم ومن بلآهـم ، نآس مثلهم مآ يجي من ورآهم خير ..

آششوى عمر بدى يحس على دمه شوي ويتحرك ..
آن شــآإء الله يقدر يسآعد رآيد ، ولو يتزووج مريـم منهـآ يحل مشكلته بالوحدة ومنها يجنب مريم المشآكل اللي فوق رآسهـآ مسكينة ..
آحس آن عمتهم مستغلتها صح في الشغل ..

~

يعطيك العآإفيـــة مللووووكة ..
و كل عــآإم وآنتي بخير فديتك ^_^ ..




يعآفيك ربي

وآنتِ بخ’ـــير .. يآجعلك بخير

فديت عيونك الحلوهـ ..

ومبروك عليك الشهر ..



،/

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 08-08-2010, 09:52 PM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
الافتراضي رد: يمسح الدمعة بشكوى / للكاتبة : هدوئي


السلام عليكم


عمر هالولد نكته تعجني تقلبات مزاجه

بس عجبتني شهامته اللي طلعت بموقف رايد

والله يعين اميمته عليه



ياقلبي عليه رايد بجد حزنت بقوه عليه

مشكلة لصارو الوضعاء مثل نايف وسعد

يستغلون الأطفال المتشردين

رايد نموذج مصغر من هالنماذج

اللي نتمنىـا زوالها من مجتمعاتنا

العم" حسبي ربي على كل واحد علىـا شاكلته"

مريم كان الله في عونها صعبه علىـا بنيه توه طالعه على الدنيا

تحمل مسؤلية اطفال والله يسوقله عمر عشان ينتشله من

احزانه وينقض اخوانه


مشكوره ملوكه

تستحقي الرد والتقييم والمتابعه

الىـا الأمام

وتأكدي اننا بأنتضارك.........................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 09-08-2010, 08:05 AM
غلاي روحي غلاي روحي غير متصل
©؛°¨غرامي جديد¨°؛©
 
الافتراضي رد: يمسح الدمعة بشكوى / للكاتبة : هدوئي


بصـــــــــراحــه ابداع واصلي ابداعك ياعسل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 09-08-2010, 02:26 PM
صورة خفوقي يحبك الرمزية
خفوقي يحبك خفوقي يحبك غير متصل
©؛°¨غرامي مشارك¨°؛©
 
الافتراضي رد: يمسح الدمعة بشكوى / للكاتبة : هدوئي


روووووووووووووووووعه ابداع× ابداع

تابعي حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 11-08-2010, 08:07 AM
غلاي روحي غلاي روحي غير متصل
©؛°¨غرامي جديد¨°؛©
 
الافتراضي رد: يمسح الدمعة بشكوى / للكاتبة : هدوئي


القصه بتتكمل ولا وشلون

ياليت تحديد يوم لتنزيل

تحياتي
ياليت ماتطولين علينــــــــــــا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 11-08-2010, 08:23 AM
صورة ஐ றάℓόỠόķά ஐ الرمزية
ஐ றάℓόỠόķά ஐ ஐ றάℓόỠόķά ஐ غير متصل
©؛°¨غرامي مجتهد¨°؛©
 
الافتراضي رد: يمسح الدمعة بشكوى / للكاتبة : هدوئي


اقتباس:
المشاركة الأساسية كتبها غلاي روحي مشاهدة المشاركة
القصه بتتكمل ولا وشلون

ياليت تحديد يوم لتنزيل

تحياتي
ياليت ماتطولين علينــــــــــــا
والله آنـآ مآلي شغل ..
آنـآ مجرد نآقلهـ فقط لـآ غير ...!


وآظن آنه قبل يومين الكآتبهـ منزله البآرت الثآمن ..

آصبري يومين ثلـآثهـ آالـآ والبآرت مسدوح ..

وإذآ كنتِ مآقريني روآيآتهـآ غموض خـآلد .. إقريهـآ .. من جِد آليمه..
روآيهـ رآئعه بحق .. آنصحك فيهـآ ..


يعطيك العـآفيهـ ..



،/

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 15-08-2010, 10:48 AM
صورة ஐ றάℓόỠόķά ஐ الرمزية
ஐ றάℓόỠόķά ஐ ஐ றάℓόỠόķά ஐ غير متصل
©؛°¨غرامي مجتهد¨°؛©
 
الافتراضي رد: يمسح الدمعة بشكوى / للكاتبة : هدوئي




* الجـزء التـاسع *










































* رايد *





نايف = رح رايد رح بسرعة قبل يروح الرجال لعمله



فجأة هجم عمر على نايف وطرحه بالارض وجلس على بطنه



شوي وهجم سعد على عمر .. وصاروا الثلاثة فوق بعض يتهاوشون



شهقت وابعدت عنهم .. هم اجسامهم اكبر مني وما اقدر افرق بينهم



شفت سعد يضرب عمر مع ظهره بقوة وبعدها طرحه بالارض بجنب نايف



جلس نايف معصب وهجم على عمر وركب فوقه



نايف بصراخ = وش دخلك انت ... متى مارسلناك تكلم ( ورفع يده وعطى عمر بكس )



التفت سعد لي وقام وقرب عندي



سعد = يله يارايد رح



طالعته بخوف ... اخاف اذا قلت لا يهجمون علي مثل ماهجموا على عمر



رايد بخوف = مـ .. مـ .. ماعندي سيارة



سعد معصب = اوهوووووه ياذا السيارة البلشة ... ياخي رح على رجليك



التفتت لعمر ولقيته يحاول يطرح نايف على الارض



رجعت وطالعت سعد بخوف



رايد = طيب انت ونايف معيين تعطوني سياراتكم



سعد = ياخبل افهم ... كم مرة اقولك سيارتي وسيارة نايف انساها ... دبر لك سيارة والا رح على اللموزين ... معطينك الفين ريال ... دبر عمرك .. بسررررعة رح



وراح لنايف يساعده على عمر



نزلت راسي .. ياربي وش هالورطة ... ودي اخذ الالفين بس خايف من عمر ومنصور و الهيئة كلهم يهاوشوني والصراحة اخاف اذا عصيتهم و رحت يطردوني من الاستراحة .. واذا مارحت اخاف من سعد ونايف يهجمون علي مثل ماهجموا على عمر



يعني رحت والا مارحت راح انضرب



رفعت راسي ولقيت سعد ونايف واقفين ويطالعون عمر المتمدد على الارض



التفت نايف لسعد



نايف معصب = ما حد يسلم منه حتى وهو مسخّن ( وانحنى على عمر ومسك فنيلته ) قسم بالله ياعمر اذا تدخلت بيننا وبين رايد اخليك تعرف من هو نايف



سعد = مسويلي فيها ( والتفت لي ) انت لهالحين هنا



خلاص ماني رايح ... ودي اعطيهم الالفين وافتك من هالسالفة .. بس خايف وشلون اقولهم مب رايح



نزلت نظري لعمر ولقيته متمدد وصدره يرتفع وينزل ... توني انتبه انه ماعليه الا ملابسه الداخليه ( سروال وفنيلة )



شهقت ... صح امس عمر طوال اليوم وهو نايم وحرارته مرتفعة ... حتى ماسهر مع الشباب كالعادة



انتبهت على نايف يمسك ذراعي ويجرني



نايف = رح خلصنا .. فاضيلك حنا .. ورانا جامعة



سحبت ذراعي من نايف ورفعت نظري له



رايد بخوف = خلاص مب رايح ... آآآ .. ماعندي سيارة ( وطلعت الالفين من جيبي الامامي ومديتها عليه )



التفت نايف لسعد شوي وبعدها التفت لي معصب وعطاني كف خلاني الف حول نفسي وطاحت الالفين من يدي



نايف بصراخ = مالك كلمة انت .. احيان تقول ابروح واحيان تقول مب رايح .. شايفنا لعبة عندك



مسكت خذي بألم وانا امسك دموعي ماتنزل ... كلهم يعطوني من هالكفوف .. اول عمر والحين نايف ... اذا قلت ابروح عطوني كف واذا قلت مب رايح عطوني كف ثاني .



رديت عليه وانا اجاهد دمعتي



رايد = لا تضرب ... ماني خدام عندك



سعد وعيونه علي = امش نايف امش ... لا تضيع وقتنا مع واحد ماله كلمه ( وانحنى واخذ الالفين من الارض )



نايف بصراخ = كااااان موااافق ... كله من عمر ( وراح لعمر المتمدد وهجم عليه مرة ثانية وجلس على بطنه ) ياكلب خربت الولد علينا ...



عمر بتعب = آآآ ... قم عن بطني ( ومسك يدين نايف يدافع عن نفسه )



جا سعد وابعدهم عن بعض



سعد = امش نايف ... خلنا ندور واحد من الشباب غير هالبزر .. لي يومين عنه وراسي مصدع ... قم خلصنا انت الثاني قم



قام نايف وراح وهو يتوعد عمر ويهدد



وراحوا اخيرا



التفتت لعمر ولقيته على وضعه متمدد ... وصدره يرتفع وينزل من الحمى ويئن



قربت عنده ونزلت نظري اطالعه وانا واقف



انتبهت ان رقبته عليها دم .. عرفت ان واحد منهم خانقه وقت الهوشة .. وبرطمه الفوقي ينزف دم



جلست وحطيت يدي على جبهته ... حرارته مرتفعه مرة



رايد = عمر



فتح عيونه وطالعني شوي وبعدها تلفت يدور نايف وسعد



رايد = راحوا



طالعني عمر وبعدها غمض عيونه مرة ثانية



رايد = عمر ( وحطيت يدي على صدره اهزه ) عمر خلاص انا ماني رايح



عمر وهو مغمض عيونه = الشرهه على اللي يجيب بزر عنده ( وفتح عيونه ) رح هات جوالي



سكتت بزعل ... ماني بزر .. انا رجال .. ويوم من الايام راح اثبت لكم هالشي



قمت ودخلت غرفة التلفزيون ورحت لثوب عمر المعلق بس مالقيت الجوال بجيوب الثوب ... تلفتت ادوره ولقيته على الطاولة الصغيرة اللي بجنب الكنبة اللي ينام عليها عمر



اخذت الجوال وطالعت الساعة



6 الصباح



رجعت لعمر ولقيته على وضعه ماتحرك



عطيته الجوال ... ضغّط فيه شوي وبعدها حطه عند اذنه



عمر بتعب = الووووه .. مشعل تكفى خذلي عذر من الدكتور محمد ... اليوم هو عندنا وهذي اخر محاضرة لي اذا غبتها حرمان على طول ... تكفى رحله وخذ عذر منه ضروري ......... لا مشعل تعبان ماقدر اجي ....... ايه الحرارة مانزلت ... احتريك مشعل اتصل علي اذا كلمت الدكتور محمد ... طيب مع السلامة ( وسكر الجوال ومدد يده بتعب )



رايد = قم رح للحجرة



مد عمر يده لي عشان اقومه



قومته وراح يترنح لغرفة التلفزيون ورحت وراه



انسدح عمر على كنبته وانكمش على نفسه بردان



عمر = لحفني رايد برررد



تلفتت ادور لحاف ... انا وعمر بالعادة ننام بدون لحاف اصلا الجو حار ومانحتاجها



لقيت ثلاث مناشف للشباب فارشينها على ظهر احد الكنبات ... اخذتها ولحفت عمر فيهن



انتبه عمر عى المناشف



عمر بتعب = جايبلي مناشف حق سباحة تلحفني فيها ..



رايد = مافيه لحاف



مارد علي .. غمض عيونه وسكت



رحت وجلست على الكنبة بحزن ... وحطيت يدي على خدي ... الكل يضربني .. لأنهم عارفين اني يتيم ومستقوين علي ... ودي اعتمد على نفسي ... ودي اتوظف



اخذت اكثر من ساعتين وانا مهموم وافكر بحالي فجأة قطع علي رنين جوال عمر



قعد يرن الجوال ويرن و عمر مايرد .. شكله نايم .. قمت والقيت نظره على الجوال



مشعل يتصل بك



رايد = عمر جوالك يرن ... عمر قم



سكت الجوال ورجع يرن مرة ثانية ( مشعل يتصل بك )



احم ... بما انه مشعل انا ابرد عليه



رايد = الووو



مشعل = عمر الدكتور محمد



قاطعته يوم شفت مشعل مانتبه اني رايد



رايد = انا رايد



سكت مشعل شوي



مشعل = رايد ! وين عمر ؟



رايد = نايم



مشعل = هو الى الحين تعبان ؟



رايد = ايه



مشعل بتنهيده = عنده محاضرة مايقدر يغيب عنها ... قومه رايد وقله مشعل يقول لك الدكتور محمد عيا يعطيك عذر يقول اذا غبت عن هالمحاضرة راح يحرمك من الامتحان



رايد = اقومه الحين يعني ؟



مشعل = محاضرته الساعة 11



ابعدت الجوال عن اذني اشوف الساعة ورجعت احط الجوال عند اذني



رايد = بس الساعة الحين 8



مشعل = امممم قومه الساعة 9 ونص وعطه بندول يخفف عنه شوي وعلى بال مايصحصح ومسافة الطريق تكون الساعة وصلت 11



رايد = فيه بندول بالاستراحة ؟



مشعل = لا طبعا مافيه ... رح للصيدليه وجيبله



رايد = ماعندي فلوس ولا سيارة عشان اروح



مشعل بملل = الحين ماعندك الا عمر ... خذ من بوكه ومفتاح سيارته ورح .. يله عندي محاضرة الحين مستعجل مع السلامة



وسكر بوجهي



التفتت لعمر ولقيته الى الحين نايم ويئن من الحرارة



طلعت ورحت عند المسبح .. ابنتظر لين الساعة 9 ونص واروح للصيدلية وبعدها اقوم عمر















* عمر *





انزعجت من رايد وهو يقومني وفتحت عيني ولقيته واقف قدامي ومعه كيسه وكوب ماء



انسدحت على ظهري بتعب وطالعت رايد



عمر = وش تبي خلني انام



مد رايد علي كيسه وكوب الماء



واضح من الكيسة انها من صيدلية ورفعت نظري له



عمر = وش هذا ؟



رايد = جبت لك من الصيدلية بندول .. اتصل مشعل على جوالك يقول الدكتور محمد عيا يعطيك عذر وانه راح يحرمك من الامتحان اذا ماجيت



تأففت من هالدكتور ... مابقلبه رحمه اعوذ بالله



جلست بتعب.. مديت يدي واخذت الكيسه من رايد واكلت البندول



جلس رايد بجنبي على الكنبة وهو ساكت



فجأة مد علي بوك ومفتاح



طالعتهم مستغرب واخذت شوي عشان استوعب وطالعت رايد



عمر = هذا بوكي ومفتاح سيارتي ؟



هز رايد راسه باية



التفتت للبندول وبعدها التفتت لبوكي اللي بيد رايد وبعدها طالعته وعصبت بس مالي حيل اصارخ عليه



عمر = ليه تاخذ من بوكي بدون ماتستاذن



رايد = مشعل قاللي خذ من بوك عمر واشتر بندول



سكتت لان مالي حيل ارادده



عمر = مافيه وقت لازم اروح للمحاضرة الحين



قمت بصعوبة ولبست ثوبي واخذت اغراضي وطلعت بتعب وانا اتأفف من هالدكتور الزفت







الساعة 12 ونص الظهر



طلعت من الجامعة بعد مارتحت شوي بالكفتريا



ركبت سيارتي وشغلتها بس شفت منصور يمشي طالع من البوابة



ضربت البوري عليه عشان ينتبهلي وفعلا انتبه لي وجاني بس لاحظت براس ثاني التفت لي.. وندمت وقتها اني ضربت البوري يوم شفت معاذ وقف و يطالعنا



منصور بابتسامة = هلا والله عمير ... وشلونك مع الحرارة



فتحت الدرج واخذت صورة كرت العايلة الخاص لاهل رايد و نزلت من السيارة



عمر = الحمد الله طيب .. اخذت بندول قبل اجي للجامعة واحس احسن الحين ..( التفتت لمعاذ ومن وقفته شكله يحتريني اخلص من منصور .. اففف ياليتني ماضربت البوري .. مالي خلق لمعاذوه الحين .. التفتت لمنصور مرة ثانية ) آآآ .. منصور ممكن خدمة



منصور مستغرب = آمر



مديت عليه الورقة



عمر = اليوم مالي حيل اروح و ابيك تروح عني للضمان الاجتماعي وتسأل الموظف الاسماء اللي هنا مسجلين بالضمان والا لا ؟



اخذ منصور الورقة مني وفتحها



منصور = هذا كرت عايلة رايد اللي معنا بالاستراحة ؟



هزيت راسي بأية وركبت السيارة يوم حسيت بتعب الوقوف



سكتت منصور وهو يقرا الورقة



منصور = اهاا طيب ... ابروح العصر .. الحين يمديهم سكروا



طالعت معاذ ولقيته الى الحين واقف



عمر = اوكي .. مشكور



راح منصور وشفت معاذ يمشي متوجه لي يوم شاف منصور راح



ريوست بالسيارة قبل يوصل معاذ مالي خلق له بس لسوء حظي وصل قبل ابتعد



معاذ = وقف وقف



وقفت وانا اتأفف



عمر بضيق = افففففففففف وش تبي



دخل معاذ راسه بدريشتي وسكت يوم انتبه للخدوش اللي بوجهي



عمر معصب = وش تطالع ... اخلص علي ابروح



ابتسم معاذ بسخرية = شكلك متهاوش مع احد ... شري ياولد العم مايسلم منك احد



التفتت عنه متضايق



عمر = مالك دخل ( التفتت له و دفعته عن دريشتي ) وخر



حركت السيارة وطلعت من المواقف وعند الاشارة القريبة من الجامعة وقف بجنبي معاذ بسيارته ... عرفت وقتها انه بيروح لبيت جدي



حطيت نفسي اني مانتبهتله ...



صح على طاري جدي مب رايح عندهم اليوم وانا حرارتي مرتفعه وش يفكني من جدتي بعدين



ولعت الاشارة خضراء وحركت ومعاذ يمشي بمحاذاتي ويقرب سيارته لي يعاندي



اذا قللت سرعتي قلل سرعته واذا اسرعت اسرع



قربنا عند المنعطف اللي بعدها هو يلف يمين لبيت جدي وانا اروح سيده لبيتي



اسرعت عشان معاذ يسرع ويلف وافتك من وجهه..



فجأة لف معاذ بسيارته كأنه بيصدمني



انا من الفزعة و المفاجأة .. لفيت الدركسون بقوة ومع السرعة انقلبت سيارتي



حطيت ذراعي على وجهي يوم شفت القزاز الامامي تكسر وصارخت باعلى صوتي يوم حسيت بشي دخل فخذي



مسكت الدركسون بقوة بيديني الثنتين اثبت نفسي على المرتبه .. و حنيت راسي على الدركسون احاول اغطي وجهي يوم شفت قزازة دريشة الراكب تكسرت ... حمدت الله ان دريشتي وقتها كانت مفتوحه























= عمر ... رد علي ... عمر انت بخير ... عمر تكفى رد .. ماكنت اقصد



انتبهت على صوت معاذ يكلمني ويهزني ... رفعت راسي عن الدركسون ... وتلفتت احاول استوعب



لقيت سيارتي واقفة فوق الرصيف الجانبي .. والتفتت لمعاذ وانا الى الحين مفزوع



وقلبي يضرب بقوة ...



معاذ بخوف = عمر .. الحمد الله على سلامتك .. وشفيك ياخي كنت امزح معك



نزلت نظري اطالع صدري وبطني احاول استوعب انا الى الحين حي والا مت



تجمعوا بعض المارة .. واسمع اصواتهم .. طلعوه طلعوه



رفعت راسي للمتجمعين وانا الى الحين مفهي



فتح معاذ الباب بصعوبة بمساعدة واحد ثاني ...



معاذ = اطلع عمر ... ثوبك مليان دم ... تكفى والله ماقصدت



شفت حظني مليان قزاز وثوبي من عند فخذي مليان دم



نزلت بصعوبة من السيارة وانا ماسك فخذي اللي تعورني



عمر بألم = رجلي رجلي ( وجلست بالارض على الرصيف )



جلس معاذ عندي



معاذ = عمر شكلها دخلت فيها قزازة



رفعت راسي اشوف المسافة بين اول مانقلبت الى وقوف السيارة في الرصيف



مسافة قصيرة ... شكل السيارة انقلبت مرة وحدة واعتدلت فوق الرصيف ..



تنهدت احاول اهدي نفسي ... الحمد الله على سلامتي



سمعت احد المتجمعين



= ابتصل على الاسعاف



نط معاذ فازع ورد عليه بخوف



معاذ = لا لا مـ .. مـ .. ماله داعي ... اسعاف ... آآآ .. انا ابوديه للمستشفى



طالعت معاذ وانا ساكت



جلس واحد بجنبي من الجهه الثانية



= الحمد الله على سلامتك ... كنت وراك وشفتك يوم تنقلب ... الحمد الله جت سليمة .. خلني اشوف رجلك ونعالجها لين يجي الاسعاف



التفتت للرجال



عمر = لا مشكور ... ابحتري الشرطة ( والتفتت لمعاذ وكملت ) نتحاسب



معاذ بخوف = عمر .. ماله داعي تكبر السالفة .. خلنا نحلها بيننا ... اذا تدخلت الشرطة تدخلوا ابوي وجدي



ابتسمت كنت عارف انه خايف من ابوه ... ملاحظها على معاذ من زمان وتوني تأكدت



عمر = بس انا كذا والا كذا ابعلّم عمي ( ومسكت فخذي بألم ) آآآخخخ



شفت معاذ رافع جواله لاذنه شوي وجاه رد



معاذ = مصعب تعال تكفى عند الطريق العام للجامعة .......... انت تعال وتعرف بعدين ...



قام معاذ وشكر المتجمعين وطلب منهم كل يروح بطريقه



راحوا وبقى انا ومعاذ جالسين على الرصيف



معاذ = قم عمر اوديك للمستشفى



التفتت لمعاذ احاول اذله



عمر = هات شماغك عشان اوقف النزيف



معاذ = وشماغك وينه ؟



عمر = مدري يمكن بالسيارة بس مابيه يمديه مليان قزاز .. ابي شماغك



ناظرني معاذ شوي وبعدها نزل شماغه وعطانياه ... حطيت شماغ معاذ على فخذي



ما اقدر اضغط على الجرح اكيد داخله قزازة



معاذ = الحين وش قاعد تحتري انت ... قم اوديك للمستشفى



عمر = احتري الشرطة



معاذ بترجي = تكفى عمر خلنا نحلها بيننا



سكتت ومارديت عليه



عشر دقايق وجا مصعب مفزوع يوم شاف سيارتي على الرصيف متكسرة ونزل من سيارته يركض متوجه لنا



مصعب = عمر انت طيب ؟



عمر = اسأل اخوك ... مدري وش كان يقصد يوم لف علي



معاذ = والله ماكنت اقصد شي ... كنت ابي اخوفك بس



جا مصعب وجلس قدامي



مصعب = الحمد الله على سلامتك ... طار قلبي يوم شفت السيارة من بعيد



معاذ = قم عمر خلنا نوديك المستشفى ... قبل تمر شرطة والا شي ... وسيارتك خلها علي انا انقلها بالسطحه



التفتت لمعاذ مستمتع باهانته



عمر = بس انا ابي الشرطة تتدخل وتقيم الخساير



معاذ = سيارتك ماهي متضررة مرة ... تصليح القزاز والسقف شوي متهشم واشياء ثانية بسيطة .. ماله داعي الشرطة



سكتت شوي افكر بطريقة استغله هو واخوه



عمر = طيب اباخذ سيارتك لين تخلص سيارتي



معاذ = طيب مثل ماتبي بس قم



عمر = اممممم طيب وتصليح سيارتي من يدفع خسايرها



معاذ = انا ابحاول اخذ من ابوي واصلحها لك ... تقريبا يبيلها 3000 ريال



التفتت له ...



عمر = وش 3000 ... تصليحها يكلف اكثر واذا كنت مانت مقتنع خلنا نجيب الشرطة تقرر



معاذ = لا لا لا .. ماله داعي الشرطة ( وتنهد ) عمر ماعندي الا مكافأتي... وابوي وجدي الصراحة مابيهم يتدخلون ... عمر تكفى خلنا ندخل سيارتك الورشة ونصلحها على شوي شوي



عمر = ياسلام ... لا سيارتي ابيها تطلع بسرعة ( وسكتت شوي افكر ) طيب شف ... انا عندي اللي يصلح سيارتي واقدر ادخلها الحين وتطلع بوقتها وماراح اقول لعمي وجدي بس بشرط



معاذ = وش



عمر بابتسامة = تعطيني مكافأتك ومكأفاة مصعب كاملة كل شهر ... لين تخلصون اللي عليكم



طير مصعب عيونه فيني



مصعب = وانا وش علي تاخذ مكافأتي ... قسم بالله توني جاي ... ما أذيت احد



معاذ = وكم اللي علينا



عمر = اللي عليكم قيمة تصليح سيارتي ... نوديها الورشة ونشوف كم تكلف طبعا مع الصبغ وقطع الغيار والقزاز وكللللللل شي



معاذ بترجي = طيب خذ نص المكافاة ... ماهي حلوة امد يدي لبوي يصرف علي وعلى سيارتي



عمر بعناد = كل المكافأة ... حقتك وحق مصعب



سكت معاذ وهو منقهر



الفتتت له وابتسمت اغيضه



عمر = وابي سيارتك لين تطلع سيارتي .. صح على فكرة عطني 100 ريال الحين عشان السطحة تاخذ سيارتي للورشة



معاذ معصب = ماني معطيك شي الحين .. انا ابتصل على السطحة



عمر بابتسامة = لا حبيبي لازم انا اشرف على تصليحها بنفسي واشوف كم تكلف



معاذ معصب = بسيطة ياعمر ... قسم بالله لاردها لك ( وقام )



رفعت راسي له



عمر = لك وجه تهدد .. مدري من اللي غلط علي قبل شوي



مارد علي معاذ وراح لسيارته وجاب المفتاح وحذفه بحظني



معاذ منقهر = يله مصعب مشينا



عمر = وين المية



دخل معاذ يده بجيبه وهو معصب وطلع بوكه .. حذف علي المية



والتفت لمصعب



معاذ = يله انت امش



التفت مصعب لاخوه وبعدها التفت لي



مصعب = قم عمر اوديك المستشفى



صارخ معاذ عليه



معاذ بصراخ = خله يذلف... يكفي اللي اخذه



طالعني مصعب شوي وقام متوجه لاخوه وراحوا



قمت بصعوبة واخذت الاغراض المهمة من سيارتي و ركبت سيارة معاذ ورحت للمستشفى













الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 15-08-2010, 11:11 AM
غلاي روحي غلاي روحي غير متصل
©؛°¨غرامي جديد¨°؛©
 
الافتراضي رد: يمسح الدمعة بشكوى / للكاتبة : هدوئي


الباارت روعــه يعطيك العافيه

ننتظرك على احر من الجمـــر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 16-08-2010, 05:23 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: يمسح الدمعة بشكوى / للكاتبة : هدوئي




شكلي فهمت على عمر ..
آظنه شآك آن آبوبندر مسجل عيآل آخوه بالضمـآإن ويآخذ هالفلوس ويحطهم بجيبه ..
علشـآإن كذآ يبي منصور يتآكد له ..
آمممم بس ممكن يتبلغ عنه ، آو يشتكي عليه ..!

قهرني معـآذ ..
السيآرة مآفيهـآ مزح ولآ لعب ، هذي فيهـآ آرواح !!
آمآ عمـر مآ عليه شرهة خخخخ ..
من عرفنآه وهو فيه نذآلـة زآيـدة ، ومحموم بعد !! يعني كملت ..

/

يعطيك العآإفيـة ملوووكة ..

----------------------- ( ) ---



الرد باقتباس
إضافة رد

يمسح الدمعة بشكوى / الكاتبة : هدوئي ، كاملة

الوسوم
أنصآف , الأجمل , الجمعة , بشكوى , يمسح , يصلي , غموض خالد , [ لـ تحميل الرواية كاملة على ملفي وورد & تكست صفــ19ــحة / حنوو ] , هدونى
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
رواية يمسح الدمعة بشكوى / للكاتبة : هدوئي ودي آطير ارشيف غرام 3 09-08-2010 10:07 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
لا تبكي الميت اذا مات؟ وابكي يوم الجمعة اذا فات حور الجنان مواضيع إسلامية - فقه - عقيدة 10 26-10-2007 10:16 PM
يوم الجمعة عطر الألماس مواضيع إسلامية - فقه - عقيدة 9 23-01-2007 03:34 PM

الساعة الآن +3: 04:46 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1