غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 04-08-2010, 05:57 PM
صورة • Ņṩєэṫ aήśảқ « الرمزية
• Ņṩєэṫ aήśảқ « • Ņṩєэṫ aήśảқ « غير متصل
©؛°¨غرامي مجتهد¨°؛©
 
الافتراضي رد: حكايات مأساتي / للكاتبة : سحر الإحساس


تســــــلمين يأإعســـوـوله ..

بدـأإيـــــه وأإيـــــــــــــــد حلوـوهـ ..

يعطيك ـأإإلف عأإفيــــــه يأإرب ..

بأإلتوـوفيق لك حبيبتــــــــــي ..

متأإبعـــــــه لك ..

ـأإنتظـــــرك بـ كل شوـوق ..

،’
،’

وـودي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 05-08-2010, 12:33 AM
صورة بسمة آلزهر الرمزية
بسمة آلزهر بسمة آلزهر غير متصل
©؛°¨غرامي نشيط¨°؛©
 
الافتراضي رد: حكايات مأساتي / للكاتبة : سحر الإحساس















حرآآآآم آللي يصير ل سندس وسحر
لو مآتزوجو رعد وجآسر أحسن

شكلهم بيتطلقوون

مشككوورة حبيبتي ع آلبآرت

وبإنتظآرك


دمتِ ب حفظ آلله

















  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 05-08-2010, 02:19 AM
صورة يوجين28 الرمزية
يوجين28 يوجين28 غير متصل
©؛°¨غرامي فعال ¨°؛©
 
الافتراضي رد: حكايات مأساتي / للكاتبة : سحر الإحساس


مشكوووووووووووووووووووورة
ياالغــــــــــــــــــــــــــــــــــــــلاالروا ية روووووووووووووووعة
لوسمحتى حبيبتى متى ينزل البارت الجاي""

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 08-08-2010, 03:08 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس


منورين الروايه حبااايبي


الفصل التاسع

(دموع الانكسار)



الساعة ١٢:٥٠ المساء:

بصوت كسير:كنت مرات كثيرة أشك بحركاته وبتصرفاته..بس ما كنت أبي أخرب حياتي معاه لمجرد شك وأنا ما عندي دليل..
لكن لما سمعته وأنا مارة من غرفة النوم ومن دون ما يحس يواعد وحدة بالجوال..انصدمت كثير..
وقررت أسكت وأنفذ الفكرة اللي جات برأسي..وبعدها أستأذن على أساس أنه بيطلع لمشوار مهم..
ولما طلع..لحقته..لحد الفندق اللي كانوا متوعدين يلتقون فيه..وكان قريب من فندقنا..
غمضت سندس عيونها بألم وكملت بألم أكبر..وتقابل معها باللوبي..وما شفت البنت اللي معاه زين لأني كنت أراقبهم من بعيد..
وكانت صدمتي أكبر لما شفته يدخل وياها بنفس السويت..وربي يا سحر حسيت أني بنجنن..
أخذت أضرب الباب عليهم بجنون..ما كنت حاسة باللي أسويه من صدمتي فيه..ولما فتح رعد الباب انصدم فيني..
وأنا على طول هجمت عليه أضربه..لكن هو قدر يقيد يدي وسحبني على طول لبرى الفندق..وأخذني لمكان بعيد عن عيون الناس..
وكان يحاول يكلمني وهو ملتبك(مرتبك)ومتوتر..لكن أنا ما أعطتيه فرصة أنه يتكلم..
أخذت أسب فيه وأن ما عنده ذرة رجوله وكنت أحاول أجرحه بكلامي مثل ما طعني بخيانته..
لكن سكتني بصفعة من أيده على خدي..وكمل هو الثاني بكلام يجرح أكثر..وهنا اعترف أني مجرد لعبة يتسلى فيها..وأنـ..

ولا قدرت تكمل..وأخذت تبكي بصوت عالي..ضميتها أهدي فيها لكن كانت مو راضية تهدئ..
بعد فترة هدت ونامت..غطيتها..ورجعت لمكاني..
وأنا مقهوررة من رعد وخيانته وكلامه الجاااارح..أختي مجرررروحة مكسورة بسبته..والدليل دموعها..سندس دمعتها غاااااالية عليها..وما نزلتها ألا أن أكيد جرحهاااا عميق..
الجرح أذا كان من شخص غريب يووووجع..فما بالكم أذا كان من شخص غاااااالي..
أخ يا رعد ما تستااااهل هالحب والغلا اللي بقلب سندس..
التفت على سندس النايمة..وأعتصر قلبي لما شفت الكحل مالي خدها من دموعها اللي بكتها..


& & & & & & & &


الساعة٩:٥٠ الصباح..

وقفت قدام المراية أعدل جلابيتي الوسيعة وأنا أقول لسندس المتربعة ع السرير:ما راح تنزلين..
سندس:لا بجلس..ما لي مزاج أنزل وأشوف هالعلة رعدوه..أمس يالله استحملت شوفته لما نزلت..وكملت بقهر..كلما طاحت عيني عليه حصلته يطالعني..أقهرتني نظرااااته..
سمعنا ضرب ع باب الجناح..وطلعت أشوف مين..
فتحت الباب وحصلتها مشرفة الخدم:هلا رانيا بغيت شيء..
رانيا:الأستاز رعد بيريد المدام سندس..
:أوكي ألحين أقولها أن شاء الله..
دخلت عند سندس..
:سندس هذي رانيا تقول أن رعد يبيك..
سندس وبقرف:وهذا وش يبي..
:وأنا وش يعرفني..
سندس وهي تكتف أيدينها:ما راح أنزله..
:أوكي بكيفك أنا نازلة..
وأخذت شالي وطالعت من جناحي..شفت رعد طالع من الإصنصير..
طنشته..لكن وقفني صوته:سحر..
التفت وأنا نفسي أصفعه:نعم..
رعد:ممكن تنادين لي سندس..
قلت بقهر:سندس ما تبي تشوفك..وأظن اللي شافته وسمعته منك كافي..
رعد:بس أنتو..
وقطع كلامه لما شف عمته النايفة طالعة من غرفتها..
ورجع قال بصوت واطي:ع العموم قولي لسندس وربي أنها فاهمتني غلط..
ومشى عني..يصبح على عمته..


& & & & & & & &

كنت طول جلستي مع العايلة وفكري مشغول بجملة رعد..قولي لسندس وربي أنها فاهمتني غلط..فاهمة غلط بأيش بخيانته الواضحة وألا كلامه الجارح..
انتبهت لصوت عمتي الجوهرة:سحر..
:هلا عمتي..
العمة:جاسر ما قال لك بكرة متى بيوصل أن شاء الله..
ارتبكت وأنا أقول:ها..أيه..ما أدري ما كلمته هالأسبوع..

تنهدت بصوت واطي..الله يهديك يا جاسر ليش تخليني طول هالسنتين أكذب على أهلك وأقول أنك بين كل فترة وفترة تتصل علي وتكلميني..وأنا ليش سمعت له وكذبت..
انتبهت لأريج وهي تقول:يا قلبي عليه جسوري مشتاقة له كثيرر..
رعد:حتى أنا والله..الدب سنتين ما فكر يزور السعودية..تزوج الحبيبة وسحب علينا..
يالله كلما قرب موعد رجوع جاسر يمتلكني خوف أكثر..


تذكرت أخر موقف حصل بينا..
كنت بطلع من غرفتي..وأنا أمسح نظارتي قبل ألبسها..لكن دخل بسرعة وصدمت فيه..ارتبكت ورجعت وراي..ورفعت رأسي..جات عيوني بعيونه القرررريبة..استحيت ولبست نظارتي..وأنا أقول بتوتر:هلا جاسر..بغيت شيء..
جاسر ما رد علي..كل اللي سواه قرب مني..ورفع يديه..عقدت حواجبي وش فيه هذا..رفعها لعند وجهي..ارتعبت..
سحب النظارة..ونزلها:عيونك حلووة ليش تخفينها ورى هالنظارة..
ارتبكت بالمرة:مـ..ـا أشـ..ـوف زيـ.زـن بـ..ـدونـ..ه..ـا..وكملت أغير الموضوع..المهم جاسـ..ـر بغيـ..ـت شيء..
جاسر:أيه..جاي أسلم عليك قبل ما أسافر..
نزلت رأسي بحزن:تروح وترد بالسلامة يا رب..
جاسر وبارتباك:سحر أنا عارف أنك زعلانة علي..عشان زواجي وليش أني بسافر مع عالية وأتركك..بس عـ..
قطعت كلامه:جاسر صدقني أنا مو زعلانة عليك..لا لأنك تزوجت علي..لأني ما اعتبرك ألا كأخو..وما في أخت تزعل ليش أن أخوها تزوج الأنسانة اللي يحبها..ولا لأنك بتتركني..أنا أصلاً ما أبي أروح لأني ما أبي أسبب لك مشاكل مع زوجتك..كافي المشكلة اللي حصلت أمس عشاني وأنتوا ماصار لكم ألا يومين متزوجين..
جاسر:أتمنى تعذرينها يا سحر..هي طبعها كذا..غيورررة كثيرة..ما تدرين شكثر تعبتني في أيام ملكتنا بسبب غيرتها..
ابتسمت:لا تشيل هم أنا ما زعلت عليها..ولا تلومها على غيرتها..هذا أكيد من حبها لك..
جاسر وبضيق:سحر لا تعتقدين عاجبني هالوضع اللي أنتي فيه..لا أنا اللي أعاملك كزوجة تحبني وأحبها..ولا أنا اللي طلقتك عشان تشوفين حياتك مع واحد غيري يقدر يسعدك ويعطيك الحب اللي ما حصلتيه عندي..بس شسوي أنتي عارفة وصية أمي شيخة الله يرحمها..بس مثل ما اتفقنا الأيام قدامنا حتى نتقبل بعض أن شاء الله..وكمل بأمل ضعيف..وما ندري يمكن يجي اليوم اللي نتبادل فيه الحب..
ابتسمت وأنا مو مهتمة بكلامه وخاصة جملته الأخيرة..لأني وبكل صراحة وضعي هذا مع جاسر تقريباً مريحني..قلت بابتسامة أعرض:لا تهتم يا جاسر..سافر ولا تفكر وتشغل بالك علي..أنا الحمد لله مرتاحة هنا..أحسن من أيامي عند عمي الله يهديه..
جاسر وهو يشد على أيدي:سحر والله لولا وصية أمي شيخة ولولا ماضي عمي اللي خايف عليك منه كان طلقتك..ولا أني أترك مثل المعلقة..
حاولت أسحب أيدي بهدوء..وأنا نفسي أقول..بالعكس أنا ما أبي أتطلق..صحيح كنت رافضة الزواج منك بالبداية..لكن أنا ألحين مرتااااحة..وأحمد ربي أن أمي شيخة طلبت من عمتي تزوجنا أنا وسندس لكم..ووصتها ما تتركنا نعيش عند عمي..
التفتنا أنا وجاسر..لما سمعنا باب الجناح ينضرب..
راح جاسر يشوف من عند الباب..ولما فتحه كانت عالية..
عالية وبصوت عالي شوي:ما شاء الله أنا انتظرك من وقت تحت..وأنت عند ست الحسن والدلال..مو أنت تقول ما أخذتها ألا عشان جدتك وش جابك عندها..
حط جاسر يده على فمها:أششش قصري صوتك لحد يسمعك..والله عالية أن قلتي هالكلام مرة ثانية ما تلومني غير نفسك..وسحبها لبرى جناحي..


ومن بعدهاللحظة ما عاد شفته..وحتى صوته ما كلمني ألا مرتين..ومن بعدها ما عاد صرت أسمع أخباره ألا من عمتي وأريج..
أذكر لما اتصلت عليه مرة..اتصلت في وقت حاجتي له وياليتني ما اتصلت..انتظرته حتى يرد لكن انقطع الخط ولا رد..
جتني بعدها رسالة..فتحتها..وكان مضمونها..سحر أنا عارف أنك بتقولين هذا أكيد نساني لا يتصل ولا يسأل علي..بس صدقيني يا سحر أنتي دايما على بالي..لكن مكالماتي معك تسبب لي مشاكل مع عالية..فعشان كذا ما عاد صرت اتصل..وياليت ما تتصلين أنتي بعد..
وبلحظة نسيت كرامتي لأني كنت محتاجة له..محتاجة حد يسمع لي..طيب أنت لا تقولها أنك تكلمني..جاسر محتاجة لك كثيرررر..
رد..سوري سحر أنا مقدر أخلف بوعدي لعالية وأنا مواعدها أني ما أكلمك عشان بس تكف عن مشاكلها..
تذكرت كيف لحظتها انهرت وبكيت..


حسيت باختناق وأنا أتذكر هالذكريات المؤلمة..واختنقت أكثر وأنا جالسة أسمعهم يتكلمون عن جاسر..وطلعت لجناحي بسرعة..

& & & & & & & &


حطيت يدي على مقبض الباب ولما فتحت باب جناحي..سمعت صوت رعد..
:سحر لحظة..
التفت وشفته جاي مع الدرج..ويتنفس بسرعة..شكله طالع الدرج مستعجل..
رعد:سحر أرجوك أبي أكلم سندس ضروري..
:بس هي ما تبي تشوفك..
رعد وبخجل:طيب ممكن أدخل عندها الجناح أتفاهم معاها شوي..
ترددت بالبداية..أخاف سندس تزعل علي..لكن بالأخير فتحت له الباب..
وطلعت لعند شيوخة..وحصلت مربيتها تلاعبها..أخذتها منها ألاعبها..
يا عمري عليها كلها شهرين وتكمل السنة أن شاء الله..تذكرت أمها وأبوها وكيف أن حياتهم بدت تتغير..بعد ما أكون أحلى اثنين عايشين الحب بهالقصر..
بعد فترة طالعت الوقت..امممم مرت نص ساعة أكيد طلع من عندها..طلعت لجناحي..ولما دخلت سمعت شهقات سندس بغرفتي..دخلت وشفتها جالسة بجنب السرير وساندة ظهرها عليه وجهها على رجولها اللي مقربتها لصدرها..


& & & & & & & &



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 08-08-2010, 03:09 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس


الفصل العاشر

(لقاء العيون)




جلست بجنب سندس..
مسكت يدها:وش صار يا سندس مع رعد..
رفعت سندس رأسها وقلت ودموعها تنزل بهدوء:أنا ظلمته يا سحر ظلمته..
عقدت حواجبي وباستغراب:كيف..
سندس:اللي قابلها بأسبانيا ما كانت ألا أخته أماني..
لكن غيرتي أعمتني وتركتني أظن أنها حبيبته لأني ماشفتها زين..
وكانت تبيه بموضوع ضروري..وطلع يشوف وش هو..
لكني باللي سويته ماتركته يعرف وشفيها أخته..وأخذني لمكان هادي..
عشان يحاول يتفاهم معي..وكان مو عارف يتكلم لأن صورة وجه أختها المليان كدمات في باله..
وأنا بوقتها جرحته بكلامي اللي ما أظن في رجال يستحمله..
وهو قال كلامه هذا عشان يجرحني مثل ما جرحته..
سحر رعد قال أنه صحيح بالبداية لما شافني بالملكة أعجب فيني وقرر يتزوجني كتسلية بس لجمالي..
لكن بعد فترة من ملكتنا تعلق فيني وحبني مثل ما تعلقت أنا فيه..
وهو حلف بربي أنه عمره ما حب غيري..واعترف أنه كان يكلم بنات..لكنه فترة وتركها بعد ما تزوجنا..
ابتسمت وأنا أقول:يا عمري عليه أجل ظلمناه..
سندس وبغيرة طفولية:لا تقولين له يا عمري..أنا اللي أقول له يا عمري وبس..
ضحكت وقلت بعدها:أوكي..بس ليش تبكين ألحين..
سندس:ما أدري يمكن ليش أني مقهورة لحد الآن منه..يكفي أنه صار له يومين ما قالي الحقيقة..وقالت تقلد صوت رعد..هذا بس عشان أأدبك وأدب لسانك المعسول يا قمر..قهررني جد..
:أهم شيء أنكم تصالحتوا الحمد لله..ونط عرق اللقافة فيني..بس تعالي أماني ليه وجهها مليان كدمات وش صاير فيها..
سندس:كانت متهاوشة مع زوجها ليش أنه رجع لها سكران وضربها وبعد ماشبعها ضرب طلع..وعلى طول اتصلت على رعد لأنها عارفة أنه بأسبانيا كانت تبيه يتفاهم معاه ويبطل هالسم..وطبعا حلفته ما يقول لعمي..لأنها خافت يطلقها من عبد العزيز وهي ما تبي هالشيء..
حسيت بإشمئزاز من جابت طاري الشراب..عن جد قررررف وشلون يستحملون هالقرف:طيب وش سوى رعد معاه..
:طبعا بعد ما رجعني للفندق..اتصل عليه يتفاهم معاه..وبصراحة ما حبيت أتدخل وأسأله شصار..
تنهدت:سبحان الله ما في حد مرتاح بهالدنيا..

& & & & & & & &

طالعت ساعتي..كله دقاااايق وراح يوصل أن شاء الله..
أخذت نفس وأنا أفكر كيف بيكون لقاءنا بعد هالمدة..
وكيف بينعش هالأسابيع اللي بيجلسها عندنا وزوجته غيوررة كثيرررر..هو بيجلس تقريبا ًثلاث أسابيع..لأن عنده أجازة الايستر..وبعدها بيرجع..
سمعت صوت بواري سيارات..طليت من الشباك..وشفت ثلاث سيارات داخلة..
سيارة رعد وسيارة منصور وقدامهم سياااارة وكان يسوقها السواق..
وقفت السيارات عند باب مدخل القصر..
نزل السواق علي ونزل يفتح الباب اللي ورى..وهنا أخذت دقات قلبي تززززيد..
دقات خوف مخالطها شوق..نزل من السياررررة..ونزلت قبلها دمعة عتب..
على خوفي من حضوره ولقاءه ألا أني وربي مشتاقة له كثيرررر..
كان لابس بدلة سوداء مع قميص أبيض من دون كرفته..بس ما قدرت أشوف ملامحه زين..
ابتعدت عن الشباك..ومسحت دمعتي..
وسميت بالله ونزلت تحت..وأنا أحس بحرارة بيديني من كثر توتري..

& & & & & & & &

انفتح باب مدخل القصر..وحسيت بدوخة..ومسكت يدي سندس اللي جنبي..
سندس:سحر وش فيك..
هزيت رأسي:ما فيني شيء بس أحس أني متوترة شوي..
دخل رعد ومنصور ومعاهم جاسر وزوجته..
خلااااص رجولي مو قاااارة تشيلني..رصيت على أيدي على سندس..وكأني أطلب منها الأمان..
العم عبد الرحمن:هلا بجاسر هلا بالغالي..
جاسر وبصوته المبحوح الثقيل:هلا فيك يباه..
صووووته حرك فيني مشاعرررر غريبة..مشاعرر كأنها خامدة وبلحظة انفجرت مثل البرااكين..
شفته وهو يقرب مني..كأن نفسي بهاللحظة بس أعااااتبه على غياااابه..
مد أيده يسلم..رفعت يدي بصعوبة وهي ترتجف..
ولما وصلت لأيده واحتضنها..ضغط عليها وكأنه يهدي من ارتجافها..
جاسر:كيفك سحر..
قلت بتوتر ملحوظ:الحمد لله بخير..وسحبت يدي منه..
وبعدها قربت مني عاااالية وسلمت من دون نفس..


& & & & & & & &


الساعة٦:٣٠ المغرب..
طلع جاسر للصلاة مع العم عبد الرحمن وأخوانه وعمه..
نزلت عالية عبايتها وطرحتها..تبون الصراحة كاااانت عن جد محلووووة كثيرر..
أمتلكني شعور بالقهرر..ليش أنها أهي السبب في بعد جااااسر عني..
وحسيت أني مو متحملة شووفتها..وأستأذنت أطلع أصلي..
وبعد ما انتهيت من صلاتي..نزلت شرشف الصلاة..وانتبهت لباب الغرفة اللي انفتح..
وانصدمت لما شفته جااااسر..وقفت جامدة..وأما هو وقف عند الباب..
لما كان تحت ما شفته زين..لأن الشال كان علي..
كان مسوي عوارض خفيفة(يعتي ديرتي فيس) بس أنا ما احب اسميها بالاسم..وكان تارك شكله مر حلو..وشعره طايل لحد نهاية رقبته ومبعثر بشكل أحلى..صحيح ما يعجبني الشعر الطويل لرجال..بس كان على جاسر رووعة..
انتبهت لنفسي كيف أطالعه..ونزلت عيووني خجل خوف توتر..
قرب مني وقال بهمس :اشتقت لك..
رفعت عيوني بصدمة..وتعلقت بعيووونه بعد غيااااب طويل..
تركنا عيوننا هي اللي تعبر..
تواااالت علي بهاللحظة الذكريات..

جاسر وهو ماسك لجام الخيل:ما راح تركبين يا سحر..
هزيت رأسي:خايفة..
جاسر وبصوت صادق:ما دام أني معاك لا تخافين من شيء..وسحب يدي..يله ركبي..
وساعدني أركب على السرج..واستحيت وتوترت لما جلس وراي..ومشى الخيل فينا..
جاسر:سحر أبي تحطين في بالك..أن مادام جاسر معاك مافي شيء راح يأذيك أن شاء الله..



كنت جالسة ع طرف المسبح..وألعب برجولي بالموية..
وما حسيت ألا بشخص يسكر على عيوني..حطيت يدي على الأيدين اللي على عيوني..
وابتسمت:جاسر..
جاسر وهو يجلس بجنبي ع ركبه:شفيك جالسة لوحدك..
حركت كتفي بملل:طفشاااانة سندس طالعة مع رعد..وأريج عند وحدة من صديقاتها..والنايفة وعمتي طالعين لحفلة استقبال..
جاسر:وليه ما حضرتي معاهم..
:ما أحب أحضر حفلات وأختلط بالناس..
جاسر وهو يقرص خدي:طيب ممكن يا حلوة تقومين تتجهزين ألحين..
عقدت حواجبي:ليه..
جاسر:عازمك على العشاء برى..ولا تقولين ما أبي كالعادة..هالمرة بتمشين غصب عنك..
قلت بدلع عفوي:لا ما في شيء يمشي غصب على سحر..
جاسر وبحنان أخوي وهو يوقف:فديت اللي يتدلعون..يله أنا طالع أنتظرك..أذا تأخرتي راح أجيك بنفسي وأشيلك..
نقزت واقفة:لا خلاص ألحين بتجهز..
ضحك جاسر وابتعد..وأما أنا رفعت يدي لوجهي ولأول مرة ما أتوتر من لمسة أيده..
رجعت لواقعي على صوته..
& & & & & & & &

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 08-08-2010, 11:59 PM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
الافتراضي رد: حكايات مأساتي / للكاتبة : سحر الإحساس


البارت ياخذ العقل



مادري عندي احساس

انه جاسر ماهو

مرتاح

مع

مرته عاليه

واعتقد انه فيه

شي من

المشاعر

بقلبه

تخص

سحر
oooooooo
رعد

الله

يهنيه

بسندس

oooooo
ومشكوره

تأكدي
انا

بأنتضارك

ودي............................................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 09-08-2010, 12:54 AM
صورة بسمة آلزهر الرمزية
بسمة آلزهر بسمة آلزهر غير متصل
©؛°¨غرامي نشيط¨°؛©
 
الافتراضي رد: حكايات مأساتي / للكاتبة : سحر الإحساس
















عآلية كرهتهآ من آلبدآية
وحآسة أن حب جآسر ل عآلية
بدأ يقل ، لأنهآ أنآنية
ف كرههآ

يآ عمري عليهآ سحورة
تعور آلقلب

مشكورآ حبيبتي ع آلبآرت آلحلو
وبإنتظآرك
















  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 11-08-2010, 01:08 AM
صورة يوجين28 الرمزية
يوجين28 يوجين28 غير متصل
©؛°¨غرامي فعال ¨°؛©
 
الافتراضي رد: حكايات مأساتي / للكاتبة : سحر الإحساس


مشكـــــــــــــــــــــــــــــــــــــــــــــــ ـووووووووووووورة
ياالغـــــــــــــــــــــــــــــــــــــــــــــ ـــــــــــلا الروايه رووووووعة
لوسمحتى ياقلبووووو حددى مواعيد البارتات%

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 14-08-2010, 12:57 AM
صورة نَـقَـآءْ ! الرمزية
نَـقَـآءْ ! نَـقَـآءْ ! غير متصل
»•سَيِدةَ حَنيِنكَ •«
 
الافتراضي رد: حكايات مأساتي / للكاتبة : سحر الإحساس


مشكـــــــــــورهـ
الروايـــــــــه جنآآآآن
يسلمـــــــــــــووويآلغ ـــــــــلآآآ
بآنتظــــــــــــــــارك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 18-08-2010, 08:38 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس


منورين الروايه




الفصل الحادي عشر
(لحظات اشتياق)


:سحر..
نزلت عيوني عن عيونه:هلا..
رفع وجهي بأنامله:شكلك مو مصدقة أني مشتاق لك..
لفيت بوجهي أبعد عن أيده وقلت بعتااااب:وأنا أيش بالنسبة لك عشان تشتاق لي..
ابتعدت عني وقطعت فيني..ورديتني وأنا بعز حاجتي لأحد يسمعني وتقول مشتاق لك..
وألتفت ودموعي اجتمعت بعيوني..لكن أنا عارفة أنا أيش بالنسبة لك..
أنا مجرد متطفلة دخلت حياتك..ومو عارف كيف تتخلص منها..
جاسر مسك زنودي بقووة:سحر وربي أني ما أكذب..أنا جد مشتاق لك..
سحر أنا عمري ما نسيتك..وأنا ما قطعتك ألا لأسباب..
وأنتي عارفة هالأسباب ما يحتاج أقولك وش هي..
وبدون وعي باللي أسويه رميت نفسي على صدره..ونزلت دموعي اللي ما فيني أمنعها:جااااسر وأنا بعد اشتقت لك كثيرر..
بس أنا كنت محتاجة لك..ليش ابتعدت..أنت الوحيد اللي كان مالي علي حياتي بعد أمي الله يرحمها..
تصدق لما ابتعدت يا جاسر هالمدة حسيت وكأني وحيدة بهالعالم الكبير..
جاسر أرجوك أرجع لجاسر اللي عرفته في بداية زواجنا أرجوك..
جاسر وهو يمسح على شعري:وجاسر اللي عرفته ما تغير يا سحر..
:كيف ما تغير..وهو قدر يبتعد عني سنتين..
جاسر:سحر أنا مو لازم أعيد وأكرر سبب ابتعادي عنك..خلااااص أنسي اللي راح..
وصدقيني أنا من اليوم ورايح ما راح ابتعد عنك مرة ثانية أن شاء الله..
ابتسمت بحزن ورفعت رأسي له..ولما شفت وجهي قريب منه..انتبهت لحالي وابتعدت متوترة..
وقلت بتوتر:أوكي خلينا نزلنا ألحين..أهلك مشتاقين لجلستك معاهم..
جاسر:طيب أنتي لحد الآن شايلة بقلبك وزعلانة..
:جاسر أنا عمري ما زعلت عليك..والكلام اللي قبل شوي تقدر تقول أنه عتــــاب..
جاسر سحبني لعند الصوفا:أوكي تعالي أنا مشتاق أسولف معك..وجلس وكمل..قولي كيفك مع الدراسة..
جلست وقلت:بعد بكرة راح تطلع النتايج وأن شاء الله أجيب معدل حلو..
جاسر وبشرود بعيوني:سحر تصدقين وش أكثر شيء أشتقت له فيك..
:أيش هو..
جاسر سحب النظارة من على عيوني:عيوونك..
حسيت بخجل فضيع..وابتسمت بحياء..
رن جواله..ورد:هلا رعد..لا أنا موجود..أوكي ألحين أنا نازل أن شاء الله..مع السلامة..
التفت علي وقال:أنا أستأذن سحر..هذا رعد يقول أن عيال أعمامي جاين يسلمون علي..
وبعدها نزل وأنا بقيت مكااااني أحاول أستوعب اللي صار بينا..


& & & & & & & &


نزلت تحت بالصالة الرئيسية وحصلت عمتي والنايفة وأريج وسندس ومعاهم عاااالية..
:السلام عليكم..
الكل:وعليكم السلام..
جلست بجنب أختي سندس ونظرات عاااالية تحرقني..بس ما اهتميت وطنشتهاااا..
أريج:تصدقين نيو لوكك وستايلك الجديد يا عاالية مرة روعة ما شاء الله..
ابتسمت عالية وقالت بميااااعة:هذا من ذوقك يا عمري..
أخذت أطالع لبسها وشكلها..وأقارن بين نفسي وبينها..
أنا الميك آب زمااااااان ما حطيته..وشعري ما عمري قصتيه نفس قصات بنات هالأيام..
لأن جدتي الله يرحمها ما كانت تتركني أقصه ليش أنه طويل..
عشان كذا ما تعودت على قصه..بينما هي شعرها قاصته على الموضة..
وهي قصة فكتوريا وعاملة ميك آب لبناني مناسب لبشرتها البرونزي الذهبي..
وأناقتها بلبسها حلوة كثيرة..وحصلت فررررق كبير بيني وبينها..
وللأسف كانت هي الأجمل بهالمقارنة..


كانوا اللي حولي يتكلمون..وما كنت معاهم كنت أفكر بهالمقارنة اللي بيني وبين عالية..
ما ألوم جاسر أذا أحبها..جمال ودلال ودلع وبنت عز..
وشدني كلام عمتي وهي تقول:صحيح دريتوا أن ثامر بيتزوج..
النايفة:مبروك..ومين راح يأخذ أن شاء الله..
العمة:وحدة من قريبات أمه ليلى..وملكتهم الأسبوع الجاي أن شاء الله..
صدمني الخبر..وتمنيت أصررررخ..وأقوولهم كااااافي..
كاافي تراكم تقطعون قلبي كذا من دون ماااا تحسون..
آآآآه يا قلبي عليك ما لحقت تفرح برجعة غالي ألا وتنصدم بزواج الأنسان اللي حبيته..
ومن دون ما أنطق بكلمة انسحبت بهدوء لفووووق..


& & & & & & & &


أسندت رأسي ع الشباك وأنا عاقدة أيدي على صدري..ودمعاتي تنزل بهدووووء..
المفرررروض تنسيناه يا سحر..ثامر عمره ما كان لك بيوم..
وبعقلانية فكرري..أنتي خلااااص ارتبطتي بجااااسر..وجاسر لو شنو صار ما راح يطلقك..
وحتى(لو تطلقتي)أنتي أكيد ما راح ترتطبين في حد ثاني بثامر أو بأحد غيره..
عشان كذا كان لاااازم تنسيناه وما تعبين عمرك بالتفكير فيه..
تنهدت بتعــــــــــــــب..هو اللي يقدر ينسيني ثاااامر وحبه بعد الله..جااااسر..
جاسر هو الوحيد اللي يستااهل أعطياه قلبي وحبي لأنه زوجي..
بس جااسر ما يعتبرني ألا كأخت..وبعدين أخاف أحبه ويبتعد عني مرة ثانية وينساني..
لا لا لا أنا مو لازم أتهور وأتقدم لهالخطوة..
أخذت نفس عميييق..ورجعت بظهري أتسند عليه..
الأيام قدامك يا سحر عشان تنسيه أن شاء الله..



& & & & & & & &


ومرت الليلة بسلام..وجاسر ماااا شفته من طلع لعيال أعمامه..ألا بعد ما جات الساعة عشر ونص..
جلسنا معانا شوي ثم أستأذن وطلع لجناحه هو وعالية..
والكل بعدها طلع لغرفته ينام..


& & & & & & & &

الساعة٨:٣٠ الصباح..
نزلت تحت ولا حصلت حد..شكل ما حد صحى غيري..جلست بالصالة وناديت رانيا..
رانيا:نعم مدام سحر..
:ياليت تقولين لهم يجهزون لي الفطور..
رانيا:حاضر مدام..
شفت جاسر نازل وهو لابس بنطلون جينز وقميص أسود..
قال بابتسامة:صباح الخير سحر..
رديت له الابتسامة:صباح النور..
جلس جنبي وهو ثاني رجله ع الصوفا والثانيه منزلة ع الأرض:الحلوين صاحين بدري..
ابتسمت من الخاطر وأنا أحمد ربي أن ما تغير أسلوب جاسر معاي:أنا أصلاً متعودة دايما أصحى بدري..
جاسر رفع يده لخدي:يا حلو ابتسامتك يا سحر..وربي فقدتها كثير..
توترت من لمسة أيده..
وبنفس هاللحظة..طلع عساف من الإصنصير وبيده اللاب كوت..
وعلى طول بعدت وجهي عن أيد جاسر وتغطيت بالشال اللي على كتوفي..
ما أدري ليه كررررهت نفسي بهاللحظة..
عساف يحبني..وأكيد تألم من منظرنا كذا..
كيف له يشوف الأنسانة اللي حبها مع زوجها بهالجلسة وما يتألم وخاصةً أن زوجها ولد أخوه..
أنا حاسة فيك يا عساف..وعارفة مدى الألم اللي تحس فيه..لأني مثلك متألمة من حب أساسه غلط بغلط..
قرب عساف وبصوت والله واضح متألم:السلام عليكم..
جاسر:وعليكم السلام..عمي أشوف اللاب كوت معاك طالع للدوام..
عساف وهو لسى واقف:أيه والله طالع..متأخر بالمرة..
جاسر:طيب تعال..ما راح تفطر معانا..
عساف:لا بفطر بالدوام..مع السلامة..
وطلع بسرعة..والتفت علي جاسر..
جاسر:سحر..
:هلا..
جاسر:الجو اليوم روعة..وش رأيك نطلع نتمشى..
فتحت عيوني بصدمة:بهالووقت..
جاسر وقف:أيه مشتاق أتمشى بالرياض زماااان عنها..يله روحي ألبسي عبايتك وأنا بنتظرك بالسيارة..
:طيب خلينا نفطر بالأول..
جاسر:لا خلاص نفطر برى..
ناديت رانيا تجيب عبايتي وبعدها طلعت مع جاسر..


& & & & & & & &



بأحدى مطاعم الرياض..
ما أدري ليه ألاحظ لمحة حزن بعيونه من لما رجع..ترددت أسأله بالبداية..
لكن قويت نفسي وسألته:جاسر ليش أحس أن في شيء مضايقك وأشوف الحزن بعيونك..وش اللي فيك يا جاسر..
تنهدت جاسر وكأني جبتها ع الجرح..
وبعدها قال:آآه يا سحر أنا تعباااان كثير..حيااااتي مع عاالية ما تنطاق..تووقعت لما أتزوجها راح أكون سعيد..
وللأسف كل يوم أكتشف أني أساءت اختياري لمن حبيتها وتزوجتها..عاااالية غيرتها متعبتني كثيرر يا سحر كثيرر..
من لما أجي من الجامعة وهي بس جالسة لي تحقيق..من تكلمت معاه من مشيت معاه ومن ومن..مو قادر أستحملها يا سحر..
تجرأت ومسكت يده أهديه:معليش يا جاسر هذا أكيد من حبها لك وخوفها أنها تخسرك وتروح لغيرها..
جاسر وهو شاد على أسنانه:للأسف هي بهالطريقة قاعدة تخسرين..وغمض عيوونه ورجع رأسه على ورى..
أنا والله أحبها يا سحر وما أبي أخسرها..وخايف من كثر غيرتها يجي يوم وأضيعها من بين أيدي..
قلت وأنا حاسة بمعاناته:طيب حاول تكلمها وتصارحها بأنها تخفف من غيرتهاااا شوي..
جاسر:كلمتها وحكيتها بهالموضوع..بس ما فاد يا سحر ما فاد..
هزيت رأسي بأسف:الله يهديها يا رب..
جاسر:آسف يا سحر ضايقتك بهمومي..
ابتسمت:لا تقول كذا يا جاسر ترى أزعل منك أذا قلت هالكلام مرة ثانية..ما في أخت تتضايق من أخوها..
ضحك جاسر ضحكة قصيرة بسخرية وقال:أنتي لحد الآن عاجبك هالوضع..وأني أعاملك مثل أختي..
خفت كثيرر..وقلت بتوجس:وش قصدك..
جاسر وقف وسحب مفتاحه وجواله اللي على الطاولة وقال:ما أقصد شيء يله مشينا..


& & & & & & & &



وصلنا القصر ولما دخلنا شفنا عالية جالسة بإحدى الصالات..
بلعت غصتي خوف..أكيد ألحين ما راح تتركني بحالي..
تقدمت لنا وهي تقول وعيونها باين فيها الشر:وأنا أقول شعنده صاحي بدري..كله عشان يطلع مع بنت الفقر..
وكملت بغيررة واضحة..وين كنت طالع وياها..رد علي..
انحرجت كثير لما قالت بنت الفقر..طالعني جاسر وقال:سحر طلعي فوق..
مشيت وأنا أسمعه يقول لها:أولاً شيء احترمي حالك يا عالية وبلاش هالألفاظ بنت الفقر وما أدري أيش..
وثانياً أذا كنت معاها ما أبيك تدخلين وين طلعنا وين رحنا أظن أهي زوجتي مثل ما أنتي زوجتي..
عالية:لا ما شاء الله توك تتذكرها..مو أنـــــــ..
وما سمعت بقية كلامهم لأن الأصنصير تسكر..


& & & & & & & &


سمعت الباب ينضرب ورحت أشوف مين..
ولما فتحته شفت عالية..
قلت باستغراب:عالية..
عالية:أيه عالية..شوفي أنا جاية أقولك..ابعدي عن جاسر ولا تفكرين تأخذينه مني..
وألا ما تلومين ألا حالك يا بنت الفقر..وأتمنى ما تنسين حقيقة زواجك من جاسر..
وكملت وهي تضرب خدي بخفيف بأصابعها..أوكي يا حلوة..
ومشت عني..سكرت الباب وأنا خايفة جد..أنا أبداً مو قدها..
عالية شخصيتها متسلطة عنيدة..عن جد أنا أبداً مو قدها..تنهدت وأنا أدعي ربي يصبرني..



& & & & & & & &









حكايات مأساتي / للكاتبة : سحر الإحساس

الوسوم
مأساتي , للكاتبة , الإحساس , حكايات
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مأساتي في سطور الماضي / للكاتبة : ام لسانين ، كاملة ليل الغرباء روايات كامله - يتم نقل الرواية هنا بعد اكتمالها 106 06-12-2019 01:41 PM
مزاجية ومغرورة يالجود لكن مشكورة / الكاتبة : عليا المهيرى ، كاملة omrykolo روايات كامله - يتم نقل الرواية هنا بعد اكتمالها 170 06-07-2013 10:32 PM
حكايات من خلف الجدران / للكاتبة : فتاة بلا ألم hajer_7015 ارشيف غرام 20 26-06-2010 10:29 AM
أمانة لا تجي منك مواقف تجرح الإحساس / بقلمي بسمة طفلة أرشيف الروايات المغلقة - لعدم إكتمالها 370 03-05-2010 06:30 PM
ياما حاولت / للكاتبة : فراولة وردية آحسآس صآمت أرشيف الروايات المغلقة - لعدم إكتمالها 320 20-01-2009 04:20 PM

الساعة الآن +3: 08:11 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1