غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 22-08-2010, 07:04 AM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
رد: حكايات مأساتي / للكاتبة : سحر الإحساس


السلام عليكم.......

مشكوره يائلبي علىـا البارت الحلو...

رغم قصره بس ممتع سراحة..

يعطيك العافيه انتي والكاتبة..


نجي للشخصيات:


سحر و جاسر$$$ ماعجبتني سراحه سلبيتها ودي

انها تدافع عن حقها.. مع عاليه وأشكالها

ماينفع معاهم الا القوة ..المفروض تبدىـا ـأول بقلبه
تحاول تنزع حب ثامر نزع من قلبها.. ثم تبتدي تغير من جواتها

تحاول تتجلد بالقوة والسيطره مع أعدأها.. طبعا ما لازم
تقضي علىـا طيبتها بالعكس طيبتها كثير محليتها بعيون اللي يحبونها..

وبعدين تحاول تصلح وتسد الفجوة اللي بينها وبين جاسر.. تحاول تحبه بقد ماتقدر

عشان يروح ثامر من حياتها.. وتغير من شكلها الخارجي

رغم ان الجمال جمال الروح بس ولو الرجل يبي اكثر من جمال الروح
...ولازم تحترس من عالية

وتحاول تتغلب عليها ..وأنشاء الله نشوف جاسر نافي هاالعاليه من حياته..

عشان يفضاء الجو لسحوره

رعد وسندس$$$بأنتضارهم.............


عساف$$$ الله يكون بعونه..
ودمتي بسلام................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 12-09-2010, 02:05 AM
صورة يوجين28 الرمزية
يوجين28 يوجين28 غير متصل
©؛°¨غرامي فعال ¨°؛©
 
الافتراضي رد: حكايات مأساتي / للكاتبة : سحر الإحساس


مشــــــــــــــكوووووووووووووووورة
ياالغالية البارت روووووعة عندى سوال ا لرواية كاملة عندك حددي مواعيد للبارتات؟؟؟
#وكل عام وانتى بخير#

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 16-09-2010, 05:07 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس


منورين الروايه

يوجين28 الروايه مب كامله اخر بارت منزلته الكاتبه 17





الفصل الثاني عشر
(غيرة مشتعلة)



كنت جالسة ع الصوفا وساندة رأسي ع ورى ومغمضة عيوني..
وأفكر بكلام عالية..ليتني أقدر أوقفها عند حدها..بس أنا ما أبي تحصل مشاكل
أنا في غنى عنها..وأصلاً أنا ما عندي الجراءة أسوي هالشيء أبداً..
طاحت دمعة من عيني غصب عني..ليش أنتي كذا يا سحر..
ليش ضعيفة..لمتى هالضعف..
وبعدين ليش خايفة منها..هي أصلاً ما تقدر تسوي شيء..
بتذبحك يعني بتقتلك..كلي اللي بتقدر عليه بتطول لسانها وبس..
وأذا تمادت وطولت لسانها أنتي طول لسانك عليها بعد..
بس لا أنا مو كذا..مو أنا اللي تدور ع المشاكل..
أنا ما فيني ألا أحاول أكون بعيدة عن جاسر..كلها شهر تقريباً
وبيرجع لبريطانيا أن شاء الله..أيه أنا لازم أكون بعيدة..
مو أنا تعودت على بعده ثلاث سنين..
تنهدت من أفكاري هذي..ورفعت يدي أطالع ساعتي..حصلتها عشر ونص..
اممم أكيد عمتي صحت من النوم..خليني أنزل تحت..
نزلت ومثل ما توقعت عمتي صاحية و جالسة بالصالة ومعاها العم عبد الرحمن وجاسر وعالية..
مشيت لعمتي وحبيت رأسها:صباح الخير عمتي..
العمة الجوهرة وبابتسامة حلوة:صباح النور..
وبعدها صبحت على عمي عبد الرحمن..ثم جلست..
جاسر:ها يالغالي وش قلت..
العم:الأجواء هالأيام حلوة وما حد يفوت طلعة المزرعة فيها..
جاسر:خلاص أجل اليوم العصر بنطلع المزرعة وش رأيكم..
العمة:لا نطلع بداية الأسبوع الجاي أحسن..بعد بكرة الخميس ملكة ثامر..
جاسر وباشمئزاز:ومين هذا اللي وافق يزوجه بنته لواحد مثله..
العمة بعد ما لاحظت نبرة الاشمئزاز:جاسر ترى ثامر ولد خالك..وبعدين الولد أحس
أنه صار له فترة متغير..وما شاء الله هذا هو صار له مدة بين كل فترة وفترة
لازم يمر يسلم علي..بدل ما كان قاطع فيني وما أشوفه ألا مرة وألا مرتين بالسنة..
جاسر وما زال يتكلم باشمئزاز:معقولة ثامر يتغير بيوم..من كان عمره١٨وهو حياته كله لعب
وشرب وبنات..يعني تقريباً عشر سنين وهو على هالحال..ما أظن بيترك خرابيطه..
العمة:الله يهديه ويصلحه بس..
كنت أتمنى كلام عمتي صحيح وأن ثامر بدأ يتغير..يا ما تمنيت أن ثامر يبتعد عن هالطريق
وكنت دايما أدعي له ربي يهديه..
بس لحظة أخاف أنه عشان يتزوج بس..وبيرجع لها مرة ثانية بعد ما يضمن وحدة تقبل فيه..



& & & & & & & &


الساعة١١:٣٠ الصباح..
ترددت بالبداية أتصل على هند..أحس الوقت مو مناسب..
امممم اتصل ولا أخليها وقت ثاني..بس أنا ما عندي صبر..
تنهدت وأنا أفكر لو اتصلت أيش بقولها عشان أعرف أخبار ثامر..امممم أيه صح أباركلها أول شيء على خطبته وشوي شوي أسحبها بالكلام..
ضغطت على الأسماء وصرت أدور على رقمها..اللي كنت مسجلته باسم رفيقة دربي..
ما أدري ليه دمعت عيوني لما قريته..
هند فعلاً كانت رفيقة دربي..كانت أقرب لي حتى من سندس ووجدان..
بس للأسف كانت..هند بعد ما تزوجت وجابت توأم بنات أنشغلت بحياتها مع زوجها وبناتها..
وصارت علاقتنا مع الأيام والسنين تتغير..وألحين العلاقة ما بينا نوعا ما رسمية..
رميت الجوال ع الصوفا بعيد عني وأنا متضايقة..ليه أحس الكل من حولي يبتعد..
آآه الأنسانة اللي احتوتني بحضنها بحنانها بحبها..رررررحلت..وما أظن يا سحر في شخص من
بعدها يعطيك مثل ما أعطتك..أصلاً أنا السبب في بعدهم عني..أنا أنسانة مملة..
كله منطوية على نفسي وكله بغرفتي..حتى كلامي وحكي قليل..
وما عندي مواضيع أفتحها وأتكلم فيها..وحتى بالمدرسة قليل جداً اختلاطي بالطالبات..
تنهدت وأنا أضغط على رأسي..بس يا سحر كاااافي كاااافي تفكير..



& & & & & & & &


مر الوقت وأنا أنتظر الوقت المناسب عشان اتصل على هند..
ولما جاء العصر على طول اتصلت..
هند:ألو..
:هلا هند..كيفك..
هند:الحمد لله بخير..أنتي اللي كيفك وشخبارك..
قلت بغصة:بخير..أنا اتصلت حابة أباركلك خطوبة أخوك ثامر مبرووك..
هند:الله يبارك فيك..عاد لازم تحضرين الملكة يوم الخميس..
:أكيد أن شاء الله..ثامر أخوي كيف ما أحضر ملكته..وقلت بعد تردد كبير..امم هند أهو شخباره..
هند وبعد تنهيدة:ما أدري وش أقولك يا سحر مرات أشوفه متغير وأقول خلاص هذا راح يبطل الحياة الضايعة اللي عايشة..ومرات يرجع مثل قبل وأردى..
:لا حول ولا قوة ألا بالله..
هند:أنا مو كاسر خاطري ألا هالبنت اللي بتزوجها..الله يهديها أمي..
أقول لا تزوجينه وهو على خرابيطه..لكن ما اهتمت لكلامي وقالت
الزواج بيعقله أن شاء الله..
من جابت طاري البنت اللي بيتزوجها ثامر وأنا أحس غصتي زادت..
قلت والدمعة عالقة بالهدب:وش اسمها اللي بيأخذها أخوك..
هند:لبنى..وهي تقرب لأمي من بعيد..لكن جد الله يعنيها على أخوي..
والله لولا حلف أمي أني ما أحاول أفركش هالخطبة..كان دقيت على أهلها
وقلت لهم حقيقة ثامر..
:أهم ما سألوا عن ثامر..لأنهم لو سألوا كانوا أكيد بيرفضون..
خاصة وأنا سمعة ثامر بين الجيران مرة مو حلوة..انتبهت لزلة لساني..
آسفة هند ما كان قصدي..
هند:لا عادي يا قلبي..أنتي ما قلت ألا الحقيقة..وبعدين اللي مأخذها عايشة عند خالها..
وشكل خالها يبي الفكة منها والدليل أنه وافق على طول من دون ما يسأل عن ثامر..
وبعد ما تكلمت معاها عن تجهيزاتها لملكة ثامر سكرت منها..
كانت طول ما هي تتكلم عن تجهيزات الملكة وقلبي أحسه يتقطع..
ودمووووعي متحجررررة بعيوني..غمضت عيوني وأنا أحاول أن دموعي ما تنزل..



& & & & & & & &


الساعة١٠:٤٠..
كنت جالسة قدام التلفزيون..وأتابع أحدى البرامج..
انتبهت للباب اللي انفتح..وشفت جاسر وهو يدخل وهو راسم على وجهه ابتسامة..
بادلته الابتسامة بأحلى منها..
جاسر:السلام عليكم..
رديت والابتسامة ما زالت مرسومة:وعليكم السلام..
جاسر:ها الحلو لحد الآن ما نمت..
:بعد شوي بنام..
جلس بجنبي ع الصوفا ونزلشماغه وعقاله..وقال بتردد:سحر ممم ياليت ما تزعلين ع اللي صار اليوم الصبح مع عالية..
تحولت ابتسامتي لابتسامة باردة..توه يذكر بس زين منه اهتم بمشاعري..
:لا عادي جاسر..أنا أصلاً نسيت..
جاسر:طيب ممكن يا حلوة تجبين لي مخدة وغطاء ألحين..لأني بنام الليلة عندك..
فتحت عيوني بصدمة..عالية عشان طلعة ما أتركتنا بحالنا..قلت بتوجس:وعالية زوجتك..
جاسر:أنا راح أنام ليلة عندك وليلة عندها عشان أهلي ما يشكون بوضعنا..
قلت بحيرة:طيب عالية تدري..
جاسر:وعالية شدخلها..أنام عندك وألا عندها..
ورن جواله..رفعه ورد:هلا عالية..لا أنا ما طلعت أنا عند سحر..
أيه الليلة راح أنام عندها..أووووه عالية خلاص كافي هذي مو حالة..وسكر وهو معصب..
بلعت غصتي بخوف من ملامحه المعصبة..ووقفت وقلت بسرعة:أنا بروح أجيب فراشك..
دخلت غرفتي وتسندت ع الباب وأخذت نفس..يا ربي أكيد عالية بكرة ما راح تتركني بحالي..الله يصبرني ويعنيي عليها..



& & & & & & & &


أعطيت جاسر مخدة ولحاف..وأخذها جاسر وعدلها بعدها ع الصوفا..سمعنا ضرب ع الباب..
وراح جاسر يشوف مين..لما أفتحه انصدمت..
جاسر:عالية..
عالية وبصوت باين عليه أنه كانت تبكي:أنا تعصب بوجهي وتسكر الجوال عشان من عشان هذي..
وأشرت علي باستحقار..عشان بنت الفقر..وبعدين أنت مو قلت أنك تعاملها مثل أختك ليش أجل تنام عندها..
انصدمت أكثر أنو عارفة عن علاقتنا بعض..ونزلت رأسي بأسف..
جاسر وهو صاك ع أسنانه وبعصبية مكبوتة:عالية أنا ما أبي أهلي يشكون بوضعنا..
أنتي عارفة أن ما في حد يعرف بعلاقتنا غيرك..
عالية وبصوت شوي عالي:أنا ما يهمني أهلك شكوا بوضعك أو لا..
أهم شيئ سحر ما تنام عندها..وكملت بتملك وغيرة..أنت لي لوحدي يا جاسر وما أسمح لوحدة غيري تأخذك مني..
وسحر ما أبيك تقرب منه..حتى لو كان أساس تعاملك معها مبني ع الأخوة..
جاسر وبعصبية أكثر من قبل:لا أنتي خلااااص ما تنطاقين..أنا تحملتك وتحملت غيرتك ما فيه الكفاية..
ومشى باتجاه الصوفا..وسحب شماغه وعقاله..
جاسر وبنفس العصبية:أنا طالع أحسن لي..أحسن أني بختنق..
وطلع من الجناح..
عالية ألتفت علي وبنظرات حاااادة:جاسر من شاف وجهك وهو قالب علي..
بس هين يا سحر أنا ما رويتك شغلك ما أكون عالية بنت سعود..
تجرأت وقلت وأنا أحاول أبين أني مو مهتمة لكلامها..وألا أنا من داخلي خايفة من نبرة التهديد اللي بصوتها:أعلى ما بخليك أركبيه..
وقربت من الباب وسكرته بوجهها..لكن بسرعة انفتح مرة ثانية..
عالية:أنا أنا تسكرين بوجهي الباب بهالطريقة..
وشدت شعري..شهقت بصدمة من ردة فعلها اللي كنت ولا واحد بالمية توقعتها..
عالية وبغيض:يا حقيرة يابنت الفقر..
حاولت أبعد يدها عن شعري وأدفعها عني..وأنا مافيني أكتم صرخاتي المتألمة بسبب شدتها لشعري..
حسيت بظل طوووويل من وراي..وحسيت بيده على شعري وهو يحاول يبعد أيدين عالية..



& & & & & & & &

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 16-09-2010, 11:12 PM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
الافتراضي رد: حكايات مأساتي / للكاتبة : سحر الإحساس


السلام عليكم....

حرام عليهـــــــــا سحر$ وش هالسلبيه اللي فيها...

المفروض تدافع عن نفسها..وتاخذ حقها بيدهـــــــــــــــا... ماتستنىـا

أحد يأخذه لــــــها...

بس عندي أحساس انها راح تحس علىـا نفسها شوي... وتطور من شخصيتها...

المهزوزه...
وبكذا انشاء الله بيحس فيها جاسرأكثر... ويكتشفهــــــــا أكثر....

ويالله بأنتضار سحر الجديده......

عاليه$لا تعليــــــــــــــــــــــق.........

والشخص اللي بيفك سحر من ايدين العقربه عاليه


هـــــــــــــــــــــــــــو



عســــــــــــــــــــــــــــــــــــــــــاف.... ....

وبأنتضار البقيه.........

ثانكيو روح زايد عــ النقل.......


مودتي~~~~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 02-10-2010, 06:58 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس


منورين الروايه حبايبي


الفصل الثالث عشر
(دموع الكره)

حسيت بظل طوووويل وراي..وحسيت بيده على شعري وهو يبعد أيدين عالية..
وبصووت عاااالي قال وبنرة تررررعب:هيا أنتي وين أحنا عايشين بعدي يديك..
على صوته طلعت النايفة اللي غرفتها قريبة من جناحي..
النايفة:وش هالصراخ وشـ..وقطعت كلامها بشهقة..لما شافت اللي قاعد يصير..
وأما أنا من تحرر شعري من أيدين عالية..ركضت داخل لغرفتي..وتركتهم عند باب الجناح..تسندت ع باب غرفتي..وقلبي يررررجف من اللي صار..وجلست ع الأرض وأنا أحاول أجمع أنفاسي..اللي ضايقني بالمرة أنو عساف والنايفة شافوني بهالضعف..أنا بإمكاني أدافع عن نفسي وأضربها..بس من قوة الصدمة ما قدرت ألا أني أحاول أفك نفسي منها..
سمعت صوت عساف وهو يقول بتهديد وبحزم:أن شفتك مادة يدك عليها مرة ثانية راح أكسرها تفهمين..
عالية وبكل وقاحة وبصوت عالي:أنا ما راح أتركها..ألا أذا أبتعدت عن جاسر..جاسر ما تزوجها ألا مجبور عليها ومن أول ما تزوجها وهو ما يعاملها ألا مثل أخته..يعني واضحة الرجال ما يبيها..لا تقعد تتلزق فيه..وتبعد عنه أحسن لها..
سكرت أذوني ما أبي أسمع الباقي..وأنا أهز رأسي بــــــــلا..وكأني أنكر اللي سمعته..ودمووعي نزلت بسرعة..
ما كنت أبي حد يعرف شيء عن علاقتي بجاسر..أنا متألمة ليش أن عالية عرفت..ألحين بعد عساف والنايفة..ابتعدت عن الباب ورميت نفسي ع السرير أبكي..
وبكيت وبكيت وبكيت حتى حسيت أني أبكي بدل الدمع دم..
مين اللي ترضى أن الكل من حولها يعرف أنها انفرضت على واحد ما يبيها ومجبور عليها..
وترضى يعرفون أن علاقتها معاه اللي دامت ثلاث سنين مبنية ع الأخوة وبس..ما أظن وحدة بترضى بهالشيء..
سمعت ضرب ع الباب..قعدت مفزوعة ليكون عالية وتبي تكمل هواشها معاي..
لا ما أظن عاليه لأنو لو هي بتدخل بدون احم ولا دستور..استمر الضرب ع الباب..
وقلت بصوت مبحووووح من البكي:مين..
:النايفة ممكن أدخل..
مسحت أثار دمووعي بقوة وقلت:تفضلي..
دخلت النايفة لحد ما جلست جنبي..نزلت رأسي عشان ما تشوف عيوني المحمرة من البكي بس للأسف شهقاتي فضحتني..مو قادرة أوقف بكاءي..
النايفة وهي تمسح على شعري:خلااااص يا سحر لا تبكين..وعالية ما عليك منها هذي متخلفة وعقلها صغير..لأن التصرفات اللي سوتها ما يسويها عاقل..
رفعت رأسي أطالعها..وللأسف شفت نظرة الشفقة بعيوووونها..وهذا اللي ما أبيه..ما أبي حد يشفق على حالي وعلى انكساري وضعفي..
صديت عنها وقلت وصوتي ما زال مبحوح:النايفة ممكن تتركيني لحالي..
وقفت النايفة وهو تقول بطيبة قلب:أوكي أنا بتركك بس أذا حابة تتكلمين وتتفضضين لحد تراني موجودة..أنا حاسة من عيونك أن في كلام كثير جواتك ودك تحكيه..
ومشت باتجاه الباب..
:النايفة..
النايفة التفت وبابتسامة:هلا..
قلت بخجل:أنا آسفة بس أنا جدا متضايقة وحابة أجلس لحالي..
النايفة:لا عادي يا قلبي..
ومشت عني..وأما أنا رجعت رأسي ع المخدة..
وتركت دموعي هي اللي تعبر عن اللي فيني..
بعضهم يعتبر الدموع ضعف..ويحاول قد ما يقدر دمعته ما تنزل عشان ما يكون ضعيف..
لكن مرات الدموع تكون وسيلة لتفريغ ما في القلب من هم وحزن..
يعني في نااااس ما يحبون يفضفصون لحد عشان ما يبان ضعفهم وانكسارهم..و تكون الدموع هي الطريقة لفضفضتهم..تشوفونهم ينفردون لحالهم ويبكون ويبكون ويبكون لحد ما يحسون نفسهم ارتاحوا..
وأنا منهم..وفعلاً الدموع تريح أحياناً..بس اللي يجلب للنفس الراحة هو أني ألجاء لربي..أناجيه وأشكي له ما فيني..فما أجمل المناجاة مع خالقنا..
قمت من السرير رايحة للحمام(وأنتوا بكرامة)..عشان أتوضىء..

& & & & & & & &

الساعة ١٢:١٥..
كنت حاطة رأسي ع المخدة..وأنا أفكر بالكلام اللي ناوية أقوله لجاسر أذا رجع أن شاء الله..الموقف صح كسرني..لكن فتح عيوني على أشياء كنت غافلة عنها..
طول هالثلاث السنين وأنا أكبت الحقيقة..وكلام الناس عن سفر جاسر وزواجه..
أذكر مراات لما تصر عمتي أحضر حفلات وزواجات العايلة..أسمع الناس يتهامسون عني..مسكينة زوجها تركها وهي عروس شكله مجبور..يمكن ما عجبته وألا مل منها ولا هو قادر يطلقها ليش أنها بنت خاله وبعدها عروس..أنا سمعت أن أخلاقها ما هي زينة..غريبة زوجها ليش تزوج عليها البنت والله حلوة وباين عليها طيبة..شكلها عقيم عشان كذا تزوج..
يمكن ما ناسبته وقال أتزوج بوحدة من مستواي أحسن..أنا سمعت أنه يحب اللي تزوجها..
وفعلا كان بعض كلااااامهم صحيح..لكني كنت أكبت هالشيء بقلبي..وأوهم نفسي بغير هالكلام..حتى جد صدقت نفسي بهالكلام..
تذكرت لما جاسر فتح موضوع سفره في بداية زواجنا..
جاسر:سحر أنتي عارفة أني بعد كم أسبوع راح أسافر لبريطانيا أن شاء الله..لأني أبي أكمل ماجستير أدارة أعمال بجامعة مانشستر..وأنا أبي أعرف رأيك أذا تبين تسافرين معاي..أو تجلسين..وكمل بتوتر خفيف..مع أني أشوف أنك لو تجلسين أحسن لك..لأني بكون مشغول عنك بدراستي..وما راح أكون فاضي لك..فتجلسين هنا أحسن..
ابتسمت وأنا فرحاااانة أنه موافق ع فكرة أني أجلس..لأني من عرفت أنه بيسافر وأنا متضاااايقة ما أبي أسافر معاه لوحدنا..
:أنا بصراحة ما أبي أروح يا جاسر..تعرف نفسيتي كيف من بعد وفاة أمي شيخة الله يرحمها ما فيني أتغرب..
جاسر وبفرحة باينها بصوته:أوكي برااااحتك..
رجعت لوااااقعي وأنا ابتسم بسخرية..كان واضح على جااااسر ما يبي يأخذني معاه..
والدليل فرحته لما قلت له أني ما أبي أسافر..
انقلبت ع الجهة الثانية..وأنا لسى بأفكاري..
للأسف طول الثلاث سنين أخدع نفسي وأقول أنا اللي ما أبي..مع أني عارفة أنو أصلاً هو نفسه ما يبي..
حتى زواجه علي..كانوا اللي حولي معارضين أول ما عرفوا
أن جاسر يبي يتزوج..بس لما شافوا أني راضية..كفو عن تدخلهم..كنت أقول لنفسي أهو يحبها ليش اعترض..وهو بنفسه قال لي ليلة زواجنا أنه راح يتزوجها بعد فترة من زواجنا..وأصلاً أنا ما أحبه وما أعتبره ألا أخوي ليش أغير وأعترض..وبلحظة نسيت كوني عروس ما دار عليها ألا سنة..والناس أكيد بتتكلم عني..وهو للأسف ما فكر ألا بنفسه..ولا هم كلام الناس عني..
قال خلينا نتعامل مثل الأخوان..وقبلت هالشرط وأنا جد فرحانة..ولا أذكر مرة أنه انجذب لي بكلامه أو بنظراته..ما أذكر أني شفت نظرات الإعجاب بعيونه..كان جد يعاملني مثل أخته حتى وأنا امتدح فيني شيء يكون بحدوود..وهذا يدل على شيء وااااحد..وهو أنك عاااادية جداً يا سحر..
قمت من السرير..ومشيت لحد المرااااية..وقفت قدامها..وأخذت أمشي بأصابعي على ملامحي..بس ملامحي نااااعمة وحلوة..لكن ملامح عاااالية أحلى..
وتذكرت عاااالية لبسها أناقتها دلعها..وكااااان في فرق شاسع بينا..
تنهدت بتعب ولفيت راجعة ع السرير..
أظن أني خلااااص وصلت لمرحلة الانفجار من كثر ما كبت وكبت وكبت ما عاد فيني أتحمل..
في كل مرة أنكر الحقيقة وأتوهم بأشياء ثانية بس عشان أنكر الحقيقة..
وشكلي من كثر الكبت تحولت عندي من وسيلة أدفع عن نفسي الحقيقة المرة وأنكارها لوسيلة هجومية..وشكل هالانفجار والهجوم بيكون من نصيب جااااسر..
انتظرت جاسر وانتظرت وانتظرت حتى خذاني النوم..


& & & & & & & &

الساعة٩:30 الصباح..
طلعت من غرفتي وحصلت جاسر نايم ع الصوفا..
ابتسمت باستهزاء وأنا أمشي لحد عنده..
هزيته:جااااسر..جااااسر..
جاسر صد عني للجهة الثانية وغطى وجهه باللحاف..
سحبت اللحاف:جاسر قووووم..
جاسر:يووه سحر أتركني أنام..
:تبي تنام كمل نوووومك عند حبيبتك..وأخذت اللحاف..
جاسر فتح نص عيونه:سحر بلا استهبال عطيني البطانية..
قلت وأنا أحاول أكتم غيضي:أنا ما استهبل معاك..تبي تكمل نومك روح لعند عاااالية..
جلس جاسر وهو يقول:سحر وش قصتك..وش فيك علي على هالصبح..
:جاسر أظن ما له داعي تنام هينا..مو أنت نايم عندي عشان أهلك..خلااااص أهلك عرفوا عن علاقتنا..يعني ما له داعي تنام هنا..
جاسر وبحواجب معقودة:أنتي وش جالسة تقولين..
قلت بسخرية وأنا أعقد يدي ع صدري:الحبيبة فضحت عن علاقتنا عند عمك عساف وعمتك النايفة..واليوم أكيد بتكملها عند أمك وأبوك..
جاسر وبانفعاااال وهو يوقف:كيف وشلون..
قلت بقهر:رووح أسألها هي بتقولك..ودمعت عيوني..أنت أصلاً ليش تقولها..أحنا مو اتفقنا أن هالأمر ما يطلع بينا..حسيت بغصة بحلقي لكن كملت..مو كافي أنك قلت لها أيام ملكتكم أنك متزوجني عشان أمي شيخة ببعذر أنك ما تبيها تصر وتزن على رأسك على سالفة طلاقي..بعد تقولها عن اللي بينا..نزلت دموعي بهدوء..تدري أنك كذا يا جااااسر جرحت قلبي..مين اللي بترضـــــ..
ولا قدرت أكمل..وحطيت يدي على فمي أمنع شهقاتي..
جاسر وهو يهز رأسه وحواجبه ازدات تعقيد:أنتي وش جالسة تخربطي عنه..
ناظرته بأسف:أنت ما تحس..كل هالكلام ومو حاسة فيني..قلبك من أيش يا جاسر..أخذت نفس أقوي نفسي..جااااسر أرجووك خليك بعيد عني..أنا ما فيني أتحمل زوجتك عالية..أهي يومين وحسيتها بطلع روحي ما فيني أتحمل أكثر يا جاسر..تصدق جاسر تمنيت أنك ما رجعت من بريطانيا..وبقيت بعيد عني..
جاسر قرب مني..مديت يدي لصدره:جاسر أرجووووك..خليك بعيد عني..أنت ما تحبني ولا أنا..ولا أظن في يوم أقدر أتقبلك كزوج وحبيب..ولا أظن بعد أني راح أكون حبيبتك في يوم..فعشان كذا ياليت كل واحد يعيش حياته بعيد عن الثاني..يعني حتى معاملتنا كأخوان ما أبيها..كل واحد بطريق..
جاسر وبحاجب مرفوع:ما فهمت ياليت توضحين أكثر..
:واضحة..يعني ما كأن في حياتك وحدة اسمها سحرررر..ولا أنا اعتبر أن في واحد بحياتي اسمه جاسرررر..
جاسر وهو يميل فمها بسخرية:وهذي كيف تصير..أهلي الناس بأيش أبرر لهم هالتصرف..
:شووف أنا من فترة بسيطة سمعت من عمتي تقول أنك تفكر تبني قصر لك وتستقر فيه بعد ما تنتهي من دراستك..صحيح..
جاسر وبملل:أيه..المهم في هالكلام ..
قلت وأنا أرفع عيوني له بخجل:وأكيد بتأخذني معاك..
جاسر وبستعباط:لا بخليك هنا..أكيد بأخذك أن شاء الله..
:حلو..يعني بهالأسابيع اللي بتجلس فيها بالسعودية..ما نتكلم مع بعض ألا قدام أهلك وأذا كان بشيء مهم..وبس نطلع فوق كل واحد منا ينسى الثاني..علاقتي فيك مجرد ولد عمتي وبس..وأنا بنت خالك..لا أخو ولا أخت وغيره..وليلتك عندي أنا متنازلة عنها لعالية..وأهلك ما راح يهتمون متى ليلتي وألا ليلة عالية..يعني أن شاء الله ما راح يلاحظون..هذا أذا ما دروا عن علاقتنا من عالية..وبعد ما ترجع راح نعيش بعيد عن أهلك..وبهالوقت تنساني بالمررة..وعالية اللي بتكوون معانا بتكون عارفة عن علاقتنا..أصلاً أن ما أبي هالشيء ألا عشان أفتك من شرها..
جاسر:وأنتي ترضين طول عمررك تظلين كذا مثل المعلقة..
هزيت رأسي:ولا أني أفرض نفسي على واحد مجبور علي..وكملت باستهزاء..وأتلزق فيه..
ومشيت لغرفتي وأنا أحبس دموعي..كافي الدموع اللي أنزلت قدامه..
استوقفني صوته:سحر..
:نعم..
جاسر:أتمنى ما تزعلين علي ليش أني خبرت عالية بعلاقتنا..ياليت تعذرني..أنا أنــــ..وارتبك وتوتر وكأنه مو لاقي عذر مناسب يبرر اللي سواه..
التفت عليه:ما له داعي تعتذر وتبرر..لأن ما عاد يهمني أصلاً..خلاص شيء وصار..
دخلت غرفتي..وأنا ما أدري اللي سويته صح وألا خطأ..
تنهدت..ع الأقل بتخلص من مشاكل عاااالية..


& & & & & & & &

مر يوومين وجاسر ما حاول يتقرب مني..وهالشيء كان كثير مريحني..وعالية كذلك كانت كافة خيرها وشرها عني..
وأما النايفة فكنت أتجنب نظرااااتها..اللي كانت تحمل كل معااني الشفقة..نظرتها تكسرني تحسسني بضعفي..
فعشان كذا أحاول أتجنبها..
واليوم هو ملكة ثامر بأحدى استراحات الرياض..
طالعت بفستاني الناعم واللي كان عبارة عن كاروهات باللونين الأسود والأبيض..وشعري مسوية فيع تسريحة كيرلي..والميك آب ناعم وبسيط..
لبست عبايتي وأخذت شنطتي..سمعت باب الجناح..
فتحته وحصلت رانيا..
:نعم رانيا..
رانيا:المزمزيل أريج بتنظرك مع المدام النايفة وتقول ليتك تستعكلي بسرعة..لأنهم راح يطلعو هلا مع السواء..السواق..
:أوكي هذا أنا خلصت..

&&&&&&&&

نزلت تحت ومشيت باتجاه باب المدخل عشان أطلع وانفتح الباب وكان عساف..رجعت وراي عشان أسمح له يمر..مر عساف..لكن فجأة وقفني صوته:سحر..
وقفت مستغربة وش يبي مني:نعم..
عساف وبنبرة وكأنها تحمل شفقة وباين فيها توتر:أذا كان جاسر مضايقك بشيء قولي لي وأنا را..
قطعت كلامه مقهورة من نبرة الشفقة هذي وبقسووة غريبة علي:ياليتك يا دكتور ما تدخل بحياتنا أنا وجاسر..لأني أشوف ما له داعي تدخلك..
وطلعت بسرعة بعد ما استوعبت الكلام اللي قلته..صدقوني ما أدري كيف طلع هالكلام مني..يمكن ليش أن نبرته أقهرتني..
شفت سيارة السواق قدامي والبنات فيها ينتظروني ومشيت لهم..


& & & & & & & & &

دمعت عيوني..وأنا أشوف لبنى تنزف..وحسيت أني باختنق ومو قاااادرة أتنفس..نزلت عيوني..وأنا أتذكر مواقفي الطفولية مع ثامر..


ومنها هالموقف..
الجدة:وش فيك تبكين يا سحر..
رفعت عيوني لها وبضيق قلت:عندي اختبار قواعد بكرة..وفي قاعدات صعبة مو فاهمتها..
الجدة:خلاصي روحي عند خالتك ليلى تعلمك..
:لا يمه خالتي ليلى كله تضربني أذا ما حليت زين..وبكيت..وش أسوي يا يماه ألحين..
سمعنا ضرب الباب..
الجدة:يماه سحر هذا أكيد ثامر..جاب الأغراض اللي وصيته عليها..روحي أفتحي له..
مسحت دموعي وأنا أقول:أن شاء الله..
ركضت أفتح الباب..
وفتحته ودخل ثامر وانتبه لعيوني..
ثامر:سحوري أنتي كنتي تبكين..
لويت فمي وهزيت رأسي بأيه..
ثامر:ليه..
:بكرة عندي امتحان قواعد ومو عارفة أذاكره..
ثامر:خلاااص أن أذاكر لك ألحين..
قلت بفررحة:جد ثامر..
ثامر وبابتسامة:أيه جد..يله أنا ألحين بدخل أعطي أمي شيخة الأغراض وأنتي روحي جيبي كتابك..
:أن شاء الله..
بعد ما سكر ثامر الكتاب:ها خلاص ألحين فاهمة القاعدات..
هزيت رأسي:أيه..
ثامر:أوكي أنا ألحين بمشي..
قلت بكل براءة طفلة ما تعدى عمرها ١١سنة..قلت وأنا ما أعي بمعنى الحقيقي للكلمة..قلت وأنا قصدي أقرب لمعنى الأخوة:ثامر أحبك كثيرررر..
ابتسم ثامر وطلع..


رجعت لواقعي على أصوات الزغاريط..لما جلست العروس..آآه أكيد بعد شووووي بيشوفها ثامر..حسيت أني مو قادرة أمسك نفسي..وطلعت لدورة المياه(وأنتوا بكرامة)..لكن شفت بنت تكلم بالجوال..وشفت غرفة فاضية دخلتها..وكانت هالغرفة تفضل بين قسم الرجال عن قسم الحريم..وأجهشت ببكاء مرير..حسيت الباب الثاني ينفتح اللي من عند الرجال..رفعت رأسي وانصدمت وتجمدت بمكاني..
ثامر واللي كان يكلم بالجوال:ها يماه أنا ألحين..قطع كلامه ونزل الجوال..وهو الثاني يطالعني بصدمة..
وقفت بسرعة عشان أطلع..لكن حسيت بأيده تلفني قبل ما أحط يدي على مقبض الباب..
ثامر بعد ما لفني مسكني بزنودي بقووة وأخذ يطالع فيني وكأنه يقول مشتااق لك..وقال بصوت يالله ينسمع:سحــــ..
لكني قطعته بررررعب فضيع وصور الماضي ترجع لي بتوالي:أتركني يا حقير يا حيــــ....لا تلمسني..ابعد عني ابعد..
ثامر وهو معصب من كلامي وهو يهزني بأقوى ما عنده:تدرين يا سحر أني أكرهك أكرهك أكرهك وكرهي كل يوم يزيد..أنتي السبب في ضياعي يا سحر أنتي السبب في تمسكي بالحيااة اللي عايشها..ليش تزوجتي جااسر وتركتيني..أنت ما قلتي لي أنك تحبني..ليش خدعتيني ليش..أكرهك كثر ما حبيتك..أكرهك..
وسحب أيدينه..وضرب بيده الجدار..
طالعته بصدمة وكلمته صداها يتردد في أذني:أكرهك أكرهك...
لف ثامر بوجهه علي..ودموعه متجمعة بعيونه وكأنه دموع كره..
انتبهت لحالي وطلعت بسررعة وشفت بطريقي غلا..
غلا باستغراب لحالي:سحر بسم الله وش فيك..ليش هالدمووع..
طالعتها وأنا أحاول أضبط رجفاني:ما فيني شيء يا غلا..بس أحس بصدااع غريب ذابحني..أنا بطلع ووصلي اعتذاري لخالتي ليلى وهند..ما أقدر أجلس أكثر..

& & & & & & & & &

رميت شنطتي ع الصوفا وجلست..وغطيت وجهي أبكي..كلاااام ثاااامر صدمني كثيرررر..
تذكرت كلمته أكرهك أكرهك..وهالكلمة كفيلة بأنها تمحي الحب اللي بقلبي لك يا ثامر..

& & & & & & & &

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 09-10-2010, 08:03 PM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
الافتراضي رد: حكايات مأساتي / للكاتبة : سحر الإحساس


السلـام عليكم...


يعطيك الرضاء والعافيه ياقلبي.......

ويالله بأنتضار سحر والشخصيه تبعها الجديده^^

ودمتي بود^^
$$$$$$$$$$$$$$$$$$$$$$$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 16-10-2010, 05:51 PM
صورة عسل مخلوط شقاوة الرمزية
عسل مخلوط شقاوة عسل مخلوط شقاوة غير متصل
©؛°¨غرامي فعال ¨°؛©
 
الافتراضي رد: حكايات مأساتي / للكاتبة : سحر الإحساس


مرا الرواية رووعة ومم اتوقع عمهم يكرهم لانو كان يحب امهم بس اخوو اتزوجها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 24-10-2010, 08:32 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس




الفصل الرابع عشر
(هدوء ما قبل العاصفة)



ما أدري كم مر من الوقت وأنا على حالتي لامة نفسي ع الصوفا وأبكي..
حسيت أني بختنق أذا طولت على هالحالة..
وقمت أغسل وجهي..وقررت أمشي شوي بالحديقة بدل هالخنقة..
طلعت من الجناح وشفت عمتي الجوهرة ورعد وسندس رادين من الحفلة..
ولما شافتني عمتي جت لعندي..
العمة:سحر يا بنتي يقولون أنك طلعتي من الحفلة تعبانة..اتصل عليك ما تردين..وش فيك حبيبتي..
:لا تخافين عمتي بس حسيت بصداع..والحمد لله أخذت حبة بنادول وألحين أحسن..
العمة:سلامتك حبيبتي..يله أنا بطلع أنام ألحين..تصبحين على خير..
حبيبت رأسها:وأنتي من أهله..
فرحت لاهتمام عمتي فيني وخوفها علي..بس بسرعة تكدرت من سندس اللي ما كلفت نفسها تطمن علي..وطلعت ورى رعد لجناحهم..



& & & & & & & &


جلست بالجلسات الموجودة بالحديقة..
ونزلت شالي على كتوفي..وسحبت الشباصة من شعري..تاركة خصلاته تطاير مع الهواء..وأخذت أفكر بكلام ثامر..أنا شاللي يدخلني في تمسكه بالضايع اللي عايشه..أنا ما ضربته على يده أهو بنفسه ضيع نفسه..تذكرت جملته أكرهك كثر ما حبيتك..يعني كان يحبني..يا ترى من متى..تذكرت وهو يقول أنت ما قلتي لي أنك تحبني ليش خدعتيني ليش..أنا أصلاً ما عمري قلت له أحبك ألا مرة..وما كنت فاهمة ومدركة معناها الحقيقي..
غمضت عيوني لما حسيتها بتدمع..بس ألحين يكرهك يا سحر..لكن دمعتي نزلت بالرغم مع أني مغمضة عيوني..
أنا أصلاً غبية كيف ما زالت أحب من هو دمر سعادتي..من هو تركني أسيرة للخوف..فتحت عيوني ورفعت رأسي وأنا أخذ نفس..انصدمت فيه وهو واقف عند بلكونة غرفته ويطالع فيني..
انتبه علي وصد داخل لغرفته..نزلت رأسي وأنا أرفع شالي على رأسي بعد ما لميت شعري..
حسيت الضيقة زادت بسبب نظرة العشق اللي شفته بعيونه..على بعد المساااافة بيننا..ألا أني شفتها..
صحيح قهرني لما أخذ راحته يطالع من دون ما أدري بس حزني نظرااااته..لأني ما أظن قلبي بيحس فيه..أذا كان زوجي ما حسيت بأي مشاعر حب اتجاه..فكيف بعسااف..
وأنا فعلاً حسيت بمشاعر إعجاب بجاسر وما أنكر هالشيء بس حب لا..حبي كان لثامر وبس..وللأسف الموقف اللي حصل الليلة كفيل بأنه يمحي هالحب..



& & & & & & & &


الساعة4:15 العصر يوم الأحد..
بمزررعة العم عبد الرحمن..
كان الجو مررررة حلو..لأننا بنهاية الشتاء..
وكانوا البنات كلهم مجتمعات بالمجلس مع عمتي..والرجال في بيت الشعر..
النايفة:سحر الجو حلو وش رأيك تطلعين تمشين معاي..
ابتسمت وأنا أقول:أوكي ليش لا..



& & & & & & & &


النايفة وبتردد:سحر أنا نفسي أسئلك عن حاجة بس أخاف تزعلين..
حسيت بتوتر لما شكيت للحظة أن السؤال يتعلق بجاسر..تصنعت لي ابتسامة وأنا أقول:لا تخافين حبيبتي ما راح أزعل..
النايفة:صحيح اللي سمعته من عالية..أن العلاقة بينك وبين جاسر مجرد أخوة وبس..
نزلت رأسي محررررجة..وبحركتي هذي كأني أأكد كلامها..
النايفة:أنا عارفة أني جالسة أتدخل بشيء ما يخصني..بس أذا كان هالشيء مضايقك أنا راح أكلم جاسر..
تكلمت بسرعة:لا لا لا..أصلا أنا راضية على هالعلاقة..وكملت بضيقة..جاسر يالنايفة مثل ما قالت عالية هو ما أخذني ألا لأنه مجبور علي..وحتى أنا انجبرت عليه..عشان كذا اتفقنا تكون علاقتنا مبنية على هالأساس..
النايفة:لحد متى..
رفعت رأسي مو فاهمة عليها..
النايفة:قصدي هالعلاقة لأي حد راح تنتهي..
:لحد ما نتقبل بعض..بس أنا أبداً ما عندي استعداد أتقبل جاسر كزوج أو حبيب..وحتى هو مو ما تقبلني..
النايفة:أنا بصراحة يا سحر استغربت كثير لما عرفت بهالشيء..ثلاث سنين صار لكم متزوجين وعلاقتكم مع بعض مثل الأخوان..بصراحة بحالكتم هذي أحس ما فيه ألا الطلاق..يعني أنتي من حقك تعيشين حياتك مثل ما جاسر عايش حياته مع عالية..
تنهدت وأنا حاسة براحة في الكلام مع النايفة:وصية أمي شيخة الله يرحمها لعمتي أنها ما تتركني أنا وسندس نعيش عند عمي..هي اللي مانعته..جاسر أذا طلقني راح أرد أعيش عند عمي..وطبعاً صعبة أبقى عند عمتي الناس وش تقول عايشة بيت طليقها..عشان كذا جاسر ما يقدر يطلقني..
النايفة:وأمك الله يرحمها ليش ما تبي تعيشون عند عمكم..
:النايفة عمي عمري ما شفت من وراه ألا النكد والمشاكل..عمري ما شفته يعاملني بحنية..عمري ما سمعت منه كلمة طيبة..ما كنت أسمع منه ألا الكلام اللي يسم البدن..وكملت بسخرية وأنا أرفع كم يدي اليسار وأراويها الجرح اللي جاي على طول زندي..شفتي هالحرق..هذا منه الجرح كان أكبر من كذا..بس مع الأيام والسنين بدأ يختفي وما بقى ألا هالأثر..
النايفة بعد شهقة من اللي شافته:معقوووولة في عم يسوي كذا..
:وأكثر..تدرين ليش حرقني..لأنه يكره ملامحي..بعد وفاة أمي شيخة الله يرحمها سكنت أنا وسندس عنده لأنه أجر الدوراللي كنا نسكن فيه..وكان دوم يرفض شوفتي أنا وسندس..حتى أنه يرفض نشاركهم أكلهم كنا أنا وسندس لما نتغدى أو نتعشى..نأكل بالمطبخ لحالنا مثل الخدم..ولما مرة شافني..أخذ يصرخ علي من دون سبب..وبعدها سحبني للمطبخ وأخذ له سكين وحماها عالفرن..وقربها لوجهي وهو يصرخ بكرهه لملامحي ليش أني أشبه لها وأنا مو عارفة من يقصد..وكنت أحاول أبعد أيده اللي ماسكة السكين وأنا مو مصدقة اللي قاعد يسويه عمي..والحمد لله ليلى زوجته شافت الموقف وحاولت فيه يتركني ولأول مرة أشوف ليلى تدافع عني..وبعد محاولات منها تركني..وتهدج صوتي وعيوني تدمع بسبب هالذكرى..وبس عشان يشفي غليله مني حرقني على أيدي..
النايفة وهي الثانية تحاول ماتدمع عيونها من قسوة هالعم:وعمك لي يكرهك كل هالكره..
أخذت نفس عشان ما أبكي وكملت:أنا نفسي مو عارفة..بس أمي شيخة قبل ما تموت الله يرحمها سمعتها تقول لعمتي..أنو عمي ما نسى الماضي..الماضي اللي بسببه عمي كارهني أنا وسندس..الماضي اللي خايفة أمي منه علينا..خاصة أنا لأني أشبهها..لكن مين هذي اللي ملامحي شبه ملامحها..واللي عمي يكرهني بسببها..للأسف مو عارفة ولا عارفة خبايا هالماضي..وجاسر عارف بهالماضي لكن عمره ما قالي وما ينصحني أبداً أني أعرفه..
النايفة وهي تمسك يدي بحنية:يا عمري كل هذا تعانينه وساكتة..
تنهدت وأنا أقول بقلبي..مو بس هذي معاناتي يالنايفة..
ابتسمت لها وأنا أقول:النايفة أنا فتحت قلبي لك..ليش أني ارتحت لك كثير..أنت ليش ما تفتحين قلبك لك..أنا حاسة أنك أنتي بعد تعانين..لأني ما أظن في حد مرتاح بهالدنيا..
النايفة وهي تنزل عيونها ع أيدها:ما أدري شأقولك يا سحر..بس أنا جد أبي حد يسمع لي..مليت وأنا أعاني بصمت..
:أحكي يالنايفة أسمعك..
النايفة وهي تتنهد:سحر أنا تعبت وأنا أمثل على الكل أني ما أبي بدر طليقي وعايفته..وأنا من داخلي أمووت فيه..أنا نفسي نجتمع أنا وياه ونلتم من جديد..بس أنا ما أبي أظلمه معاي..
رديت باستغراب:وليش هالكلام يالنايفة..
النايفة:سحر أنا حبيت بدر من صغري وأهو بعد..ومن كنا صغار والكل يقول أنتوا لبعض..لأنهم يعرفون عن حبنا الطفولي..ولما تخرجت من الثانوية تزوجنا وعشت معاه أجمل وأحلى أيام عمري..
من بعد مامر سنة ونص من زواجنا يا سحر اللي حولي بدو يتكلمون ليش تأخرت بالحمل وكثر الكلام عني..وللأسف لما طلعت أنا وبدر المستشفى عشان نشوف أيش سبب التأخير..طلع العيب مني يا سحر..كملت النايفة ودموعها تنزل بهدوء..ما تدرين يا سحر أشكثر تحطمت وانصعقت بهالخبر..حسيت أنو سعادتي مع بدر انتهت..لكنه بدر أعطاني الأمل..وعشت أربع سنين وأنا أتنقل من دولة لدولة عشان أتعالج..عشت بهالأربع سنين ما بين ألم جسدي ونفسي..تعبت من هالعمليات اللي ما تكللت بالنجاح..وتعبت نفسيتي أكثر وأكثر..وبدأت خالتي أم بدر تزن على بدر يتزوج..لكن بدر كان رافض أنه يتزوج علي..ولما شافت خالتي أنو ما في أمل من ولدها..بدأت تسبب المشاكل بيني وبين بدر..وتتهمني بأني أفتعل المشاكل معاها..وبدر في كل مرة يهزأني عشانها أسكت لأني ما أبي المشاكل تكبر بينا..وفي اخر مشكلة حصلت بينا بسبب أمه كان معصب بالحيل مني..وجرحني لما قال أنتي تحمدين ربك أن في حد مستحمل وحدة ما تجيب عيال عقيم..هالجملة أطعنتي بالصميم يا سحر..وزعلت بعدها من بدر ورجعت لعند أخوي عبد الرحمن..لكن ما جاء اليوم الثاني ألا وجاء يراضيني..وأنا طبعا رجعت لأني أحبه..رجعت وأنا في قرارة نفسي أني أقنعه يتزوج..لأني خلااااص وصلت لمرحلة يأست فيها أني أجيب عيال..وكلام بدر خلني أدرك أن بدر متشوق لطفل يحمل اسمه..وبدأت محاولاتي بأقناعه يتزوج لكنه رفض..وقال مو هامة لو نعيش طول عمرنا بدون أولاد..ولما عرفت أنو ما في أمل يتزوج..فكرت أني أطلب الطلاق ليش أحرمه من أنه يشوف عياله..بس أعرف مو بسهولة راح يطلقني..وبديت أفتعل بنفسي المشاكل..وغير كذا أجرحه بالكلام وأمثل له كرهي له ..ومرت شهور وحياتنا من تدهور أسو لأسو..وبديت بعدها أزن على رأسه يطلقني..وهذا اللي حصل..لأن بدر ما فيه يتحملني..والكل من حولنا كان مصدوم لأنهم يعرفون أيش قد حبينا بعض..كانــــ..وما قدرت تكمل وغطت وجهها تبكي..
أبعدت أيدينها عن وجهها:النايفة أمسحي دموعك..المفروض يكون أملك بالله كبير وما تيأسين..وهذا بدر صار له سنين يحاول يردك..لو كان بيتزوج..ما جلس خمس سنين وهو رافض يتزوج بعد طلاقك..
النايفة هزت رأسها:لا أنا لأني أحبه يا سحر سويت كذا..
:النايفة الطب تقدم وتطور..تصدقين صديقتي وجدان تقول أن وحدة من قريباتها حملت بعد معاناة عشر سنين..وهذا أمي الله يرحمها تقول أمي شيخة أنها خذت ١٢سنة ما جابت حد أول ما تزوجت بأبوي..وسبحان الله أحملت فيني بعد هالمدة..والطب أول ما كان مرة متقدم..فما بالك ألحين بعد ما تطور وتقدم..
النايفة وهي تطلع منها شهقات:سحر لا تحاولين أنا رافضة أرجع له..ومقتنعة كثير جواتي أنا اللي أسوي أهو اللي صح..
فجأة سمعنا صوت رجولي..
النايفة وهي تمسح دموعها وبابتسامة:هذا صوت جاسر جاي من الاسطبلات..أمشي نروح لعنده..
كنت راح أعترض..بس النايفة ما أعطتني فرصة مسكت يدي وسحبتني معاها..



& & & & & & & &


جاسر وهو يمسح على ظهر خيله:ها يا الجامح ما شتقت لي..
النايفة:أهلين جاسر..
جاسر وهو يلتفت:هلا عمتي..
النايفة وهو تضربه بمزح على كتفه:كم مرة وأنا أقول لك لا تقولي عمتي..ترانا نفس العمر..
جاسر وبابتسامة:أن شاء الله النايفة..
النايفة:أيه كذا برافو عليك..المهم سحر نفسها تركب الخيل..
طالعتها مصدومة..أنا متى قلت لها أنا أبي أركب خيل..
جاسر وهو توى ينتبه لوجودي:أوكي تعالي..
وسحبتني للمرة الثانية لحد الخيل..وأنا مو قادرة أتكلم وأعترض مصدومة..
مسك جاسر يدي وهو يقول:يله تعالي أساعدك تركبينه..
بلعت غصتي بتوتر..وركبت الخيل..
النايفة وبمكر:جاسر ترى سحور مو نفسها تركب الخيل وبس أهي نفسها تكون أنت معاها بعد وتمشي فيها ع المزرعة كلها..
عرفت أيش مقصد النايفة من هالشيء..تبي تقربنا من بعض وخاصة وأنا حاسة أنها ملاحظة علينا أنا وجاسر كيف ما نتكلم اليومين اللي راحت مع بعض..
طلع جاسر الخيل من الاسطبل وركب وراي..وصار الخيل يمشي فينا..وأنا عن جد مقهورة من النايفة اللي أستأذنت ترجع للفلة بعد ما حطتني بهالموقف مع جاسر..



& & & & & & & &


نطقت بهدوء:جاسر نزلني..
جاسر:ليه أحنا تونا نمشي..
:أبي أرجع أحس رأسي بدأ يصدع..
رن جواله..وسحبه من جيب بنطلونه..
جاسر:ألو..هلا عالية..لا خلاص لا تجين الأسطبل أنا معاي أخوي منصور..أوكي أذا راح اتصلت عليك أن شاء الله..
توترت لما سمعت اسمها وقلت مرة ثانية:جاسر خلااااص نزلني..
جاسر وحسيته يبتسم من دون ما التفت له وأشوفه:نوو ما في لحد ما نأخذ دورة كاملة ع المزرعة..
استغربت أصراره..
:جاسر أحنا وش اتفقنا عليه..
جاسر وباستعباط:أي اتفاق تتكلمين عنه..
:جاسر بلا استعباط..مسرع نسيت كلامنا اللي قبل كم يوم..
جاسر:أها تذكرت..
:طيب دامك تذكرت..ليش ما تنزلني..
جاسر:بس أنتي اللي تبين أركب معاك ونمشي حول المزرعة..
:لا أنا ما أبي..بس النايفة قالت كذا أظن عشان تقربنا من بعض لأنها عارفة علاقتنا..ما تدري أنو مو تقبلينا بعضنا كلش..
جاسر وبروقان:طيب وأنا أقولك نزلة ما راح أنزلك..لحد ما أخذ لك دورة ع المزرعة..
انقهرت منه..وأنا أحاول أنزل نفسي..مع أني ما أعرف أنزل من الخيل ألا بمساعدة..وكنت راح أطيح..لكن جاسر مسكني مع يد وحدة بذراعي..
جاسر:أنتي غبية..كنت راح تطيحين نفسك..
:طيب نزلني..
ضرب جاسر الخيل برجله..وصار الخيل يسرع في مشيته..صررررخت وأنا أتمسك بشعر الخيل:يا مجنوووون وقفه..
سمعت ضحكاته تعلى وتعلى وكأنه يبي يحررني..



& & & & & & & &


سحبت يدي من جاسر بعد ما نزلني من الخيل..ومشيت عنه وأنا حدي مقهوررررة منه..
دخلت الفلة وشفت النايفة جالسة مع عمتي والبنات..طالعتها بنظراااات توعد..وأما أهي كانت تطالعني وفيها الضحكة..
العمة:سحر وين كنتي..
كان اسم جاسر على طرف لساني..بس تذكرت وجود عالية..مو رايقة لمشاكلها:كنت أتمشى لحالي شوي بالمزرعة..
وجلست بجنب النايفة..وقلت بهمس:ليش سويتي كذا..وربي أحرجتيني مع جاسر..
النايفة بنفس همسي:ليش تنحرجين هذا زوجك أقصد..وقالت بصوت غريب..أخوك عادي..
سكت وأنا مو عارفة أرد على جمتلها ونبرة صوتها الغريبة..



& & & & & & & &


الساعة١١:١٠المساء..
كنت جالسة ع الصوفا..وأنا أفكر بجاسر..وأنا معاه حسيت بشوق كامن جواتي..ما أدري ليش حسيت بلحظة ندم باتفاقي معاه..لأني كذا قاعدة أبعد جاسر عني أكثر وأكثر..
سمعت ضرب ع الباب..ووقفت عشان أفتحه..وحصلتها النايفة..
:هلا النايفة..
النايفة:بتنامين..
:لا ما فيني نوم..ليش بغيت شيء..
النايفة:أبداً بس حابة أسهر معاك..
ابتسمت:أوكي تفضلي..



& & & & & & & &


النايفة:تصدقين سحر جلستي معاك اليوم خلتني اكتشف أنك أنسانة طيووووبة وحبووبة كثير..
رفعت حاجبي وبمزح:لا والله وأول أيش..شريرة يعني..
ابتسمت النايفة:لا مو كذا قصدي..بس أنا صار لي ثلاث سنين من تزوجتي جاسر يعني..وأنا ألاحظ أنو علاقتك مع الكل سطحية..وأنا حاولت كذا مرة أتقرب منك بس ما حسيت منك أي قبول..فعشان كذا بصرراحة يعيني كنت أحس أنك مغرورة وشايلة عمرك..بس اللي شفته اليوم غيرررر..
ابتسمت بحياء:كثير يظنونني كذا حتى بالمدرسة اللي أدرس فيها..لكن أنا عمري ما اغتريت ع حد ولله الحمد..بس يمكن ليش أني أنسانة خجوولة وأنطوائية شوي وما أحب اختلط كثير بحد..وكملت بابتسامة ذبلانة..وبعدين لو بغتر على أيش يكون غروري..لا جمال ولا مال..
النايفة وبحواجب مرفوعة من الصدمة:أنت مو جميلة..بالعكس ما شاء الله ملامحك حلووووة كثير ونعوووومتك عجيبة..
قلت من دون وعي للي أقوله:بس مو أحلى من عالية..
النايفة:شوفي صحيح عالية حلوة ولا أنكر هالشيء..لكن ما توصل لحلاك وجمالك..
طالعتها باستغراب:جد..
النايفة:جد الجد..أنتي ما عندك ثقة بنفسك وشكلك..
قلت بضيقة:لو عندي هالثقة ما كان قلت كذا..الظروف اللي مريت فيها يالنايفة دمرت شخصيتي وثقتي بنفسي..
النايفة:وأي ظروف هذي يا سحر تعدم ثقة الأنسان بنفسه..
ارتبكت ولسى انتبه لزلة لساني..نزلت عيوني وسكت وأنا بصريح العبارة مو عارفة أرقع كلامي..
النايفة:قصدك ظروف زواجك أنت وجاسر وعلاقتكم بعض..
هزيت رأسي بأيه..
النايفة:سحر أنتي ليش ما تحاولين تتقربين لجاسر..
:النايفة أنتي عارفة أنو ما في حد منا متقبل الثاني..وسبق قلت لك هالكلام..
النايفة:سحر خلينا نتكلم بصراحة..معقولة ثلاث سنين ما حسيت بأي مشاعر لجاسر..
:تبين الجد..مشاعري اتجاه جاسر عمرها ما كنت أكثر من حب أخوي..
النايفة:سحر أنا اللي فهمته من كلامك العصر أنو جاسر ما يقدر يطلقك..يعني معقولة بتمين راضية طول حياتك معاه بهالعلاقة..سحر ما في بنت ما تتمنى تلقى الأنسان اللي يحتويها بحبه لها بحنانه بعطفه عليها يغار عليها حتى من نسمة الهواء الطاير..سحر أنتي وجاسر خلاص بتظلون طول عمركم مرتبطين بعض ليش ما تحاولين تكسبينه..
طالعت بالفراغ وأنا أفكر بكلامها..بس عالية ما راح تخليني بحالي..عاااالية مو سهلة..
النايفة:سحر..
انتبهت لها:هلا..
النايفة وبابتسامة:وين سرحتي..
تنهدت:بكلامك..
النايفة:وأن شاء الله أقتنعتي بكلامي..
هزيت كتفي:ما أدري..بس بفكر..



& & & & & & & &

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 24-10-2010, 10:49 PM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
رد: حكايات مأساتي / للكاتبة : سحر الإحساس


السلـام عليكم...

يعطيك العافيه يامشرفتنا المتميزه....

فعلاً الروايه كل مالها تحلـا أكثر واكثر...

وهذا كثير ملحوووووووووض...

بس الكاتبه الله يهديها كثيييييييييير تتأخر علينا بالتنزيل ...

لدرجة اني انسا البارت السابق فأضطر اني اقراه قبل ما أقراء الجديدد....

ا تمنىـا أعرف سياستها هذي بتطول لي نهاية الروايه؟؟؟!!!!

لـأن الروايه كثييييييير رووووووووووعه وتستاهل الـأنتضام بوقت محدد لتنزيل ومايكون بعيد....

لتمنىـا تنقلين كلـامي لها يا روح....

نجي للـأحداث :


أممممممممممم فعلاُ النايفه بتترك بصمه خطيره وحلوه بحياة جاسر وسحر....

لو تضل تقنع سحر وتزيد لها من المدح بشكلها وأطباعها كان خلـاص سحر بتصير وحده جديده ...

تمتلك الثقه بالنفس... وتطور اكثر من حياتها..

ياحبني لها هالنايفه طلعت بوقت خطييييييييير....

وجاسر باين أنه فيه من جهته ميلـان وقبول لسحر...

بس خاااااااااايف من ردة فعلها .....


وسندس للـأسف مضاهر الحياة ورعد نسوها وأشغلوها عن أختهـــــــــــــــا....

بوقت الضيق تدور علىـا الـأخت ووقت السعه والراحه تنساها ولـاتعبرها....

أتمنىـا انها تراجع نفسها كويس وتعرف قدر أختها وغلـاها قبل مايفوت الفوت...
بعدها بجد ماراح ينفعها الصوت....

وعساف الله يكون بعونه..

سحر مستحيل تفكر فيه ولـا راح تصير له بيوم من الـأيام.....

المفروض يتلـاحق عمره ويدور علىـا بنت حلـال ..

تسعده وتنسيه سحر....

بالـأخير أشكرك يالغلـا علىـا مواصلة التنزيل...

وبعد أشكر الكاتبه علىـا هالقلم الرائع.....

بالتوفيق لك وللجميع...

كوني بخير...

ودمتي بود~~~~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 17-11-2010, 03:14 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حكايات مأساتي / للكاتبة : سحر الإحساس


الفصل الخامس عشر
(عاصفة مدمرة )



طول ليلي وأنا أتقلب مو قادرة أنام كلام النايفة محيررني..أنا نفسي أكسبه..
لأني جد محتاجة له..محتاجة لحنيته وخوفه علي
اهتمامه لي..محتاجة له وخاصةً بهالفترة لأني أحس أني مكسوورة من كلام ثامر..
وبحاجة من يلملم قلبي المكسور..ويجبر خاطره المجروح..
بس مترددة لهالخطوة..لأن الخطوة يترتب عليها أشياء أنا ما أبيها..
ومنها أني راح أخوض في مشاكل مالها أول ولا تالي مع عالية بسبب غيرتها اللي لا تطاق..


& & & & & & & &


الساعة تسع الصباح..
نزلت تحت وحصلت عمتي الجوهرة..
حبيت رأسها:صباح الخير عمتي..
العمة وكأنها متضايقة من حاجة:هلا سحر صباح النور..
جلست بجنبها:عمتي فيك شيء..
العمة وهي تنتهد:ما فيني شيء يا بنتي..بس قبل شوي كلمتني أماني وصوتها متغير..
ولما سألتها وش فيه صوتها كذا..قالت تعبانة شوي بسبب البرد اللي حاشها..
أنا حاسة أن بنيتي فيها شيء وما تبي تقول لي..
تنتهدت بداخلي..أكيد عبد العزيز مكدر عيشتها دامه طلع يشرب الله يهديه يا رب..
:لا تخافين عمتي أن شاء الله ما فيها ألا العافية..أهي متى راح ترجع..
العمة:تقول أنها بتسافر لفرنسا وبعدها لبريطانيا يعني تقريباً شهر بالكثير
وبعدها بترجع للسعودية أن شاء الله..
:ما شاء الله عليها أماني ما تمل من هالسفريات..
صار لها بالمغرب أسبوعين وبعدها بأسبانيا شهر..وبعدها ما ملت..
العمة:بنتي أماني من صغرها وهي تموت بالسفر..
انتبهنا لدخول عالية وجاسر الفلة..وكانوا يتكلمون ويضحكون وحبهم لبعض واضح بعيونهم..
جاسر وعالية:السلام عليكم..
..وعليكم السلام..
العمة:ها يا عالية أن شاء الله انبسطتي في استكشاف المزرعة..
عالية وبابتسامة:بصرااحة مرة روعة المزرعة..وخاصة المشاتل جناااان ما شاء الله..
وكملت وهي تطالع جاسر بنص عين..ولو أني مقهورة من جاسر
لأنه ما فكر يفرجني عليها ألا متأخر..
جاسر:أمس كنت راح أخذك أفرجك عليها بس كنت منشغل بالأسطبل..
وكمل وبنبرة مكر ما فهمها ألا أنا..مع أخوي منصور..
رفعت عيوني له..وطالع فيني بابتسامة..
نظرااااته ابتسامته حركت وفجرت فيني مشااااعر عجيبة غريبة وعلى غرابتها ألا أنها حلووة..
يمكن تفكيري بكلام النايفة أمس بدأ يأثر فيني..
صد جاسر بنظراته يحاكي عمتي..وتمنيته ما صد وتم يطالعني..
تنهدت بداخلي وصديت أنا الثانية عنه وانتبهت لنظرات عالية وكأنها تحذرني..
شكله لاحظت نظراتي أنا وجاسر..


& & & & & & & &


الساعة٥:١٥ العصر..
لبست عبايتي وأعطيت الخدامة شنطتي..اليوم بنرجع للرياض أن شاء الله
لأن دوامات المدارس والجامعات بدأت..نزلت تحت..
وطلعت برى الفلة شفت سيارة سواق عمي وألا كان معاه عمي وعمتي ماشي..ووراها توقفت سيارة سواق النايفة واللي كنا جاين معاه أنا والنايفة وأريج للمزرعة..
وكنت راح أركبها لكني شفت سيارة جاسر وهو جالس فيها ومشغول بجواله..
وشكله ينتظر عالية..خطرت ببالي فكرت..امممم ترددت بالبداية..
أخاف يفشلني ويردني..بس لما تذكرت كلام النايفة..
وتذكرت نظرات عالية اليوم اللي تقهر..مشيت وأنا معزمة ع اللي بسويه..
ركبت السيارة وأنا أقول بكل هدوء:السلام عليكم..
جاسر باستغراب:سحر..وعليكم السلام..
تندمت بسرعة ع اللي سويته..شهالغباء اللي فيني..أنا ألحين لما أفكرت أخليه يميل لي..
على طول رميت نفسي عليه..أنا كان علي أكبسه بالتدريج..مو كذا..
صحيت من تفكيري على صوت جاسر:سحر..
وقلت أحاول أصرف حركتي وأرقعها وأنا أنزل:آسفة جاسر كنت جاية بقولك عن حاجة مهمة..
بس شكل وقتي غلط مرة..أذا وصلنا أن شاء الله أقولك..
وفتحت الباب وكنت راح أنزل رجلي اليمين ع الأرض..
لكن حركة جاسر أصدمتني لما مسك أيدي..
جاسر:سكري الباب..
فتحت فمي بفهاوة أطالعه..
مد جاسر يده لبابي وسكره..وحرك سيارته..أنا هناااا جد بلمت..
وطلع جاسر جواله واتصل وبصوت كاتم غيضه:عالية رجعي مع سواق الوالد وألا مع البنات..
أنا مشيت..وكمل وكأنه يغايضها..وقولي للبنات أن سحر معاي لا ينتظرونها..
أتوقع أنو جاسر سوى كذا عشان يقهر عالية شكلهم متهاوشين..
حسيت أني شريرة لما ابتسمت بانتصار..أكيد ألحين تحترق غيرة..
أحسن على الأقل يبرد قلبي شوي..تجرأها وضربها لي وكلامها عن علاقتنا أنا
وجاسر قدام عساف والنايفة لحد الآن يقرقع بقلبي..
جاسر وبعدما طلع من المزرعة:وش الموضوع اللي كنت تبيني فيه..
توترت ارتبكت ماني عارفة وش أقول..
جاسر:اشفيك ساكتة..
قلت أغير الموضوع..وكان واضح تهربي:جاسر كم بتجلس بريطانيا أذا سافرت..
جاسر:تقريبا ست شهور وأنتهي من دراستي أن شاء الله..المهم ما قلت لي أيش موضوعك..
قلت وأنا مو أعرفة أصرف:امممم خلاص ما أبي أقول تراجعت..
جاسر وبلامبالاة:كيفك..
وبعد صمت طويل رن جوال جاسر..ورفعه ولما شاف الاسم حطه سايلنت وتركه بجنبه..
ورجع الجوال يرن..لكن جاسر طنش..
:جاسر رد يمكن حد يبيك ضروري..
جاسر:هذي عالية..أنا مو فاضي لها..كافي اللي حصل اليوم..
:وأيش حصل مو كنتوا حلوين الصبح..
سكت جاسر وهو يطالع قدامه وكأنه ما يبي يتكلم..
حسيت على نفسي:آسفة على تدخلي..
جاسر وبملامح جامدة تم ساكت..شكله فاير دمه بسبب عالية..وبدوري أنا سكت..


& & & & & & & &


دخلت الجنااااح وأنا حدي تعبانة من جلسة السيارة..نزلت عبايتي..
وطلعت بعدها أخذ لي شور..
أنتهيت من لبسي..فرشت سجادتي ولفيت شرشف الصلاة علي وصليت المغرب..وبعدها أخذت أقرأ القرآن..وبعدما انتهيت من قرأت القرآن..اتجاهت لسرير أنام لي ساعة..حدي تعباااانة..


& & & & & & & &


جلست مرتعبة من صوت التفي اللي بجناحي..قمت من السرير باتجاه الصوت..
وعقدت حواجبي لما شفت جاسر نايم ع الصوفا بشكل مبهذل..رأسه مايل ورجله ع الأرض..والتفي مشغل..
غريبة ليش نايم عندي مو أحنا متفقين قبل على هالشيء..طالعت الساعة وكانت ثمان..
أخذت مفرشه وعدلت نومته لأنه بجد كسر خاطري طريقة نومه..وغطيته..وسكرت التلفزيون..
ورجعت لغرفتي أصلي العشاء..
وبعد ما انتهيت بقيت على سجادتي..أقرأ القرآن..
وسمعت حد يضرب باب الجناح..رجعت مصحفي بمكانه..
ونزلت شرشف صلاتي ومشيت أشوف مين..
شفتها عالية..
:نعم..
عالية:جاسر عندك..
لويت فمي وأنا أقول:أيه..وهو نايم ألحين..
عالية دزت الباب عشان تدخل..بس سكرت عليها بأيدي..
طالعت عالية يدي باستحقار..
لا ياقلبي مو كل مرة بعديها لك..
قلت بسخرية وأنا رأسي راكبه شر:ياليت ترجعين وراك لأن مش ممسوح لك تدخلين..
ولا تظنين أني سكت عنك كذا مرة أني ضعيفة..لا حبيبتي أنتي ما عرفتيني زين..
عالية رفعت حاجبها بعصبية ونظرااااتها عن جد ترعب بسم الله علي..
عالية:أراويك يا بنت الفقر..أنا ما خليتك جاسر يطلقك ما أكون عالية..
وطالعتني بنظرات تهديد وتحدي..
ابتسمت برود من دون ما أتكلم وكأني أقول عادي سوي اللي تبينه..
طالعتني من فوقي لتحت بنظرات تحدي..وصدت ماشية لجناحها..
بصراحة توقعت بتتضارب معاي مو تمشي وتعديها..بس شكلها نااوي شر..


& & & & & & & &


قربت من جاسر وبهدوء:جاسر جاسر..
جاسر:هممم
:جاسر أصحى عشان تنزل تتعشى..
جاسر:عالية قلبي ما لي نفس..أتركيني أنام..
ما أدري ليش حسيت بغيرة..
وقلت بغيض مكتوم:أنا سحر مو عالية..
جاسر وهو يفتح عيونه بكسل ويطالع حوله:أنا وش اللي جابني هنا..
قلت بقهر:أسأل نفسك..أنا مو متفقة معك أنو ما تنام هنا..
جلس وحسيت أنه بدأ يصحح قال وبرود:ياليت تنسين هالاتفاق..لأنه اتفاق غبي
ودخل الحمام وأنتو بكرامة..
عصبت من تطنشيه ونزلت تحت..


& & & & & & & &


الساعة ١٠:١٥ المساء..
طلعت عند النايفة بجناحها..
:النايفة..
النايفة:هلا..
:شفيك اليوم كله أحس أنك مو على بعضك..فيك شيء..
النايفة:لا حبيبتي ما فيني شيء..
:كيف ما فيك وأنتي كله سرحانة..أنا متأكدة أن فيك حاجة..
بس أذا مو حابة تتكلمين شيء راجع لك..ما راح أضغط عليك..
النايفة:أختي المها يا سحر..
قلت باستغراب:المها وش فيها..
النايفة:صار لي مدة أحاول أتصل عليها ولا هي راضية ترد علي..
واليوم اتصلت على الهنوف عشان أعرف ليش ما ترد..
وللأسف تقول الهنوف أنها زعلانة علينا ليش أن أخواني رفضوا اللي تقدم لها..
أنا أيش دخلني أذا أخواني رفضوا..بس أكيد هذي أمها أم سعود قالبة رأسها علينا..
أمها دايماً من كنا صغار وهي تحرضها أهي والهنوف علينا..وأكثر وحدة تسمع لها المها لأنها متعلقة في أمها كثير..
:وأم سعود ليه تسوي كذا..
النايفة:الحكاية وما فيها أن كان لي أخو اسمه عبد الإله توفى من عشرين سنة الله يرحمه
وكان متزوج بنت أم سعود واسمها فهدة من زوجها الأولي..
وعبد الإله كان مدمن مخدارت..وللأسف أخوي الله يرحمه سحب فهدة لهالطريق..
وصارت مدمنة مثله..ومحد كان يدري عنهم هالاثنين..وبعد وفاة عبد الإله
اكتشفت أمها أنها تتعاطى مخدارت وطردتها..ورجعت فهدة لعند أبوها اللي أهو
الثاني طردها وفي الأخير جت عند أخوي عبد الرحمن اللي سفرها خارج السعودية
عشان تتعالج وللأسف اكتشفو أنها مصابة بالإيدز وعلى ما أظن أن السبب كانت
أبرة هيروين ملوثة..وتوفت بعد سنة ونص من مرضها..وأم سعود تندمت لأنها طردت بنتها..
وكانت تشوف أحنا السبب لإنا زوجنا عبد الإله بنتها وهو مدمن..
مع إنا أحنا ما كنا نعرف عن إدمانه..
:يالله حزتني حكاية فهدة..
النايفة:سحر يا ليت محد يعرف عن هالقصة ترى ما في حد يعرف أدمان عبد الإله وفهدة الله يرحمهم..ألا أنا وأخواني وخواتي..
:ولا يهمك حبيبتي..وبعدين لا تضايقين عمرك..المها طيوبة وزعلها أن شاء الله ما راح يطول..
النايفة:سحر اللي متقدم للمها..ولد صاحبة أمها وأخته صديقتها وهي معجبة كثير فيه من زمان
وحتى هو مثل ما تقول أخته..بس ما تقدم لها ألا متأخر..
لأنه كانت خايف ينرفض من أخواني لأنه خضيري..بس ما أدري كيف تجرأ ألحين وخطبها..
:المها كان من البداية ما فكرت فيه..
النايفة وهي تأشر على قلبها:بس اللي هنا مو بيدينا يا سحر..
تذكرت ثامر..وكرهه لي..حاولت أقنع نفسي بأن حبه بقلبي مات..
وللأسف رغم أني دايماً أقنع أني عمري بهالشيء ألا أنو في شيء جواتي يغليه..
النايفة:سحر سحر وين رحتي..
انتبهت لها:هلا معاك..
النايفة:أي معاي وأنا صار لي مدة أناديك وأنتي كلاش مو معاي..
وقفت وأنا أصرف الموضوع:النايفة أنا أستأذن ألحين بروح أنام..تصبحين على خير..
وقفني صوت النايفة :سحر..
ألتفت لها:هلا..
النايفة:أن شاء الله فكرتي بكلامي أمس زين..
ابتسمت بابتسامة باهته حزينة:راح أحاول أكسبه مرة ثانية أن شاء الله كأخ..
بس زوج وحبيب..هزيت رأسي بلا..ما أظن يا النايفة..
ومشيت طالعة من جناح النايفة..


& & & & & & & &


رديت من المدرسة وأنا حدي فيني نووووم..
دخلت القصر وشفت عمتي وعالية بأحد الصالات..
:السلام عليكم..
العمة وعالية:وعليكم السلام..
حبيت رأسي عمتي..وخذت عمتي تسألني شسويت اليوم بالمدرسة..
يا عمري عمتي تذكرني بجدتي..وأستأذنت بعدها أطلع فوق..
بدلت وأخذ شاور..وبعدها رميت نفسي ع السرير وعلى طوول نمت..


& & & & & & & &


جاسر وبعصبية مش طبيعية:سفر وبتسافرين معاي غصب عنك فااااهمة..
رفعت عيوني المليانة دموع و بغيض مكبوت:وأنا ما أبي أسفر معاك أنت ما تفهم..
جاسر ومازال بعصبيته:ليه عشان يفضى لك الجو مع حبيب القلب..
قلت بقهرررر:جاسر احترم نفسك..وألزم حدودك..
جاسر وهو يقرب مني ويسحبني مع معصم يدي بقووة ألمتني:أنتي اللي أحترمي نفسك..
بالأول ثامر وألحين عساف وبكرة مين تخطيطين عليه منصور أخوي..
رفعت يدي الثانية من دون شعور كنت أبي أصفعه عالأقل أرد صفعتي..
لكن جاسر مسكها ولوها..وتألمت كثير..
وبصوت كله ألم وانكسار:جاسر أرجوك بتكسر أيديني..
جاسر وبغضب:وأكسرك كلك..أنا جاسر عبد الرحمن آل..تجي وحدة حقيرة مثلك
تحاول تمد يدها علي..
ورماني للمرة الثانية ع السرير:بس ما أكون ولد أبوي أنا ما عد تربيتك من جديد..
قلت وكلامه يمزق قلبي:أنا متربية أحسن تربية يا جاسر..وأنت اللي محتاج من يعود
تربيتك من جديد ويعلمك الاحترام..
مسكت خدي اللي أصفعه جاسر للمرة الثانية..وأنا حاسة أنا خدي شاب نار من قوة الصفعة..
جاسر وبنظرات مليانة غضب:من ألحين تتجهزين لإنا مثل ما قلت بنسافر الليلة
لجدة أن شاء الله..وما راح يحصل لك خير أذا رجعت وما حصلتك جاهزة..وبصراخ..فاااااهمة..
سكت وأنا مو قادرة أتكلم..بسبب الغصات اللي تجمعت بحلقي..
جاسر:فااااهمة..
ما قدرت ألا أني أحرك رأسي بلا..
شد جاسر شعري بقووة..من قوة شدته شهقت وحسيت بروحي كانت بتطلع مع هالشهقة..
جاسر وهو صاك على أسنانه:مو بكيفك تسافرين أو لا..
وترك شعري وطلع وهو حدددده معصب..
أما أنا غطيت وجهي بالمخدة أبكي..
آآه يا جاسر مو حياتنا كانت الأيام اللي راحت هادية وحلوة..أيش اللي حاصل
وليه تتهمني هالاتهام..أنا عمري ما فكرت ألفت انتباه عمك عساف لي أو حتى ثامر..
ليه تقول كذا..ليه..
جلست وأنا أمسح دموعي بقوة..كافي دموع يا سحر..والضربة اللي ما تذبح تقوي..
يا سحر لا تكوني ضعيفة..واللي حصل اليوم صفعة جاسر لك قدام عالية واتهامه لك بكلامه الجارح..
لا تضعفك أكثر خلك قوية ووقفي بوجهه جاسر هالحقير..ولا تخلينه يغلط أكثر عليك..
كافي الكلام الجارح اللي سمعتيه اليوم منه..


& & & & & & & &


الساعة11:10 المساء..
دخل جاسر علي وهو يفتح الباب بقوة ونقزت مرتعبة من السرير..
جاسر:أنا مو قلت أرجع وحصلك جاهزة..راح نمشي بعد شوي..
تصنعت البرود:وأنا قلت مو راااايحة..
سحبني من السرير وكنت راح أطيح من قوة سحبته..وأخذ عبايتي..
قلت وأنا أبعد يد جاسر عني:جااااسر خلاص أتركني..بغسل وببدل
وبطلع معاك بس لا تجلس تسحب فيني..
وتركني جاسر وهو يطالع بشرار:معك عشر دقايق وأنا تأخرتي بسحبك بشعرك..
وطلع وسكر الباب بقووة خلتني أنقز بمكاني..


& & & & & & & &


فتحت البلكونة وتسندت ع الباب الزجاجي وأنا أطالع البحر وأمواجه اللي تلاطم على بعضها..
تمنيت لو أقدر أخذ همومي وأحزاني وأرميها فيه..غمضت عيوني وأنا متسندة ع ظهري بالباب..
وأتذكر كل حرف من كلام جاسر الجارح..كله من عالية النسرة..
سكوتها لمن منعتها تدخل جناحي ما كان مطمئن..كنت حاسة أنها بتجيب لي مصيبة..
وفعلاً هذا اللي حصل..
سمعت صوت جاسر العالي..طليت من البلكونة وشفته مع عالية وشخص أول مرة أشوفه..
رجعت وراي قبل ما ينتبه علي الشاب اللي معاهم..وشفت عالية وأنا راجعة أدخل تطالعني..
تنهدت ودخلت غرفتي..جلست ع السرير ملاااانة وطفشانة..
انفتح الباب بقوة وكان جاسر..
وعلى طول جاسر من دون ما يتكلم معاي راح لعند باب البلكونة وسكرها..
جاسر وبتهديد:أشوفك تتجرأين مرة ثانية وتطلعين للبلكونة..
وقفت مقهورة وأنا أحرك يدي منفعلة:جاسر مو كافي مانعني أعتب باب الغرفة..
جاسر وهو يقرب مني:يعني مو كافي اللي سويته بالرياض..
وألا عاجبك نواف أخو عالية وحابة تلفتين انتبه..
قلت بنفاذ صبر:جاسر..
جاسر:شوفي سحر أنا جاي هينا لجدة..عشان ما تمادين في قذارتك
وتفضحيني عند عمي بفعايلك..مع أني فكرت أرد لبريطانيا..
بس لأني واعد خالي مساعد أحضر زواج ولده حبيب قلبك الأولي ما قدرت..
وما لقيت ألا أني أجلس بجدة لحد زواج ثامر..وبعدها نسافر على بريطانيا..
وبسخرية كمل..تدرين عشان أهلي ما يشكون بشيء وش قلت لهم قلت أبي أطلع لجدة
عشان عالية تشوف أخوها قبل ما نرجع لبريطانيا..وقلت بأخذ سحر معاي تغير جو..
مو عارفين أني خايف على عمي منك ومن وقاحتك..
ما عاد فيني أتحمل كلامه واتهاماته..وقلت بعصبية وأنا أبكي:جاسر أنا مو مثل ما أنت مفتكرني..
صد جاسر عني طالع وكأنه ما يبي يسمع من شيء..
تلمست خدي المليان دموع..ليه يا سحر مو أنت واعدة نفسك تكوني أقوى من كذا..
أخذت أمسح دموعي وأنا حاسة باليأس يمتلكني في أنو يسمع لي..


& & & & & & & &


حسيت بشخص جالس عند رأسي ويمسح على شعري برقة..
كنت بقوم وأصرخ من الخوف لكن وقفني صوته الواطي اللي عرفته على طول:ليه يا سحر
تسوين كذا ليه..عمري ما توقعتك تكونين بهالدناءة وبهالمستوى..
تنهد جاسر بصوت واطي وكمل:لولا وصية أمي شيخة لأمي كان ما خليتك عندي كان أنا مطلقك زماااان يا سحر..
فتحت عيوني وطالعت بعيونه الذبلاااانة وبهدوء:جاسر صدقيني أنت ظالمني..
سحب يده مرتبك ووقف وهو يبتعد عني من دون ما يتكلم..
آآه يا جاسر لا تعقدين أكثر..كافي العقد اللي فيني..
جاسر أنت بأسلوبك وبحنانك وبتعاملك كسرت شوي من حاجز الخوف أتجاهك
وأتجاه أي رجل ثاني..لا ترجع وتزيد هالحاجز..أني أبي أعيش مثل أي بنت تتمنى تتزوج
حد يحبها يعشقها يتمنى قربها دوم..ومو معنى أني متعقدة من الرجال..خلاص مشاعري ميته..أن بشر لي مشاعر لي أحاسيس..
رجعت غمضت عيوني بهدووووء..وأنا أتذكر المشاعر والأحاسيس اللي اجتاحتني الأيام اللي راحت اتجاه جاسر..
تذكرت كيف كانت حياتنا أنا وياه بالايام هذي هادي وحلوة..لكن العاصفة اللي صارت حطمت هالهدوء..وحطمت معاها أجمل مشاعر حملته لجاسر..


& & & & & & & &

انتظروني قريبا أن شاء الله..
مع الفصل السادس عشر..
(نقطة تحول)


حكايات مأساتي / للكاتبة : سحر الإحساس

الوسوم
مأساتي , للكاتبة , الإحساس , حكايات
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مأساتي في سطور الماضي / للكاتبة : ام لسانين ، كاملة ليل الغرباء روايات كامله - يتم نقل الرواية هنا بعد اكتمالها 106 06-12-2019 01:41 PM
مزاجية ومغرورة يالجود لكن مشكورة / الكاتبة : عليا المهيرى ، كاملة omrykolo روايات كامله - يتم نقل الرواية هنا بعد اكتمالها 170 06-07-2013 10:32 PM
حكايات من خلف الجدران / للكاتبة : فتاة بلا ألم hajer_7015 ارشيف غرام 20 26-06-2010 10:29 AM
أمانة لا تجي منك مواقف تجرح الإحساس / بقلمي بسمة طفلة أرشيف الروايات المغلقة - لعدم إكتمالها 370 03-05-2010 06:30 PM
ياما حاولت / للكاتبة : فراولة وردية آحسآس صآمت أرشيف الروايات المغلقة - لعدم إكتمالها 320 20-01-2009 04:20 PM

الساعة الآن +3: 08:42 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1