اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 18-07-2010, 07:44 PM
صورة سرمديــہ الرمزية
سرمديــہ سرمديــہ غير متصل
♥––––•«أُنْثَى مُشْتَــــعِلة إِحْتـــــــرَاقاً»•––––♥
 
رد: روايتي الثالثة : أسطورة الموت / بقلمي‏


السلام عليكم ورحمة الله وبركاتة.

مشكوره يالغلا على هيكـ أبداع ماشاء الله عليكـ دايم اناملك الذهبيه ماتكتب الأ الأبداع والفن الراقي والأفكار الغير مسبوقه بجد فرحة كثير بكل حرف سطرتيه لنا بهالروايه الممتعه والمعبره .كونكـ انكـ تكتبين عن عقوق الوالدين اللي للأسف في وقتنا الحاضر منتشر بشكل كبير وبشع تقشعر منه الأبدان هذا بحد ذاته عامل ايجابي ينتسب لك وماتدرين كم بنت راح تقراء اللي كتبتيه ويفتح الله الهدايه في قلبه وربي حتى اللي باره بوالدينها راح تقف مائة وقفه وراح تعاتب نفسها وتوبخها على موقف قد يكون عابر قد فعلته بوالدينها. وخصوصن انكـ سم الله عليكـ مدرجة ومدعمه الروايه بأيات قراءنيه عضيمه ومؤثره لنفوس هذا هو الأدب والفن العالي اللي يقراء للعبره والأستمتاع . الى الأمام يالغاليه والله يوفقك اينما كنتي وتأكدي اننا معك ومتابعينكـ على الدوام ومشكوره على البارتات الطويله بأنتضاركـ يالغلا................

محبتكــــــ:
احساس دلوع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 18-07-2010, 10:49 PM
صورة سـ بنت ولاكل البنات ـوما الرمزية
سـ بنت ولاكل البنات ـوما سـ بنت ولاكل البنات ـوما غير متصل
©؛°¨غرامي فعال ¨°؛©
 
الافتراضي رد: روايتي الثالثة : أسطورة الموت / بقلمي‏


سلامو ديوم وربي اول ماشفت رسالتك جري فتحت الرواية وانا مش مصدقه
اول شي في شيئين مني فاهمته الاول انتي كاتبه اسم زوجته مرفت بعدين كتبتي سعاد اش اسمها
\وتاني شي مو ليلى اكبر من عمر والبارتات خميس واتنين ولا اتنين وتلوت وسلام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 19-07-2010, 05:25 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
الافتراضي رد: روايتي الثالثة : أسطورة الموت / بقلمي‏


اهلين دموش
روووووووووووووووووعه وش اقول وش اخلي
بس فعلا تأثرت بقوه لكن الروايه ما تتفوت لازم اتابعها بإذن الله
سبحان الله صالحه ظلمت اخوها وربي استجاب لدعوته
دعوة المظلوم مستجابة
وعمر هذا إنسان كريه يذكرني بواحد اعرفه << الله لا يذكره بالخير
الرواية جوناااااااااااااااان وربي ابدعتي
بإنتظار الجزء الثالث يا توقبريني
دمتي بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 22-07-2010, 08:46 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: روايتي الثالثة : أسطورة الموت / بقلمي‏


السموحـة
بس اتأخرت بتنزيل البارت ليوم الأثنين
لإن الفترة هذي أجازات و افراح و طلعات و دخلات يعني صار تواجدي قليل بالنت

و عذرا إني ماقدر ارد على كل عضوة ردت على روـآيتي
بس اقول جزاكم الله خير و كلامكم جد اسعدني و انبسطت بحكم انكم قريتو رـأويتي

والحين بنزل لكم البـآرت اممم الثالث
قرأة موفقة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 22-07-2010, 08:56 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: روايتي الثالثة : أسطورة الموت / بقلمي‏


" الجزء الثالث "



و شـــاء ت الـأقدار



أن نكـون تحت مصير القـــدر

لا مفر منه..

يلعب فينا كما يشاء

و يقلب كما يشاء

و يدور كما يشاء







تتغير الـــأيام



و تتبدل الساعات



و تمر الشهور


و لكن نحن ضحايا .. بلعبة القدر

ضحايـــــا

مسيرين و ليس مخيرين











فتح نبيل كتيب البرتقالي " لحصن المسلم "

لبعد صلاة الفجر


كان أمس متوتر و متضايق

لكن بصلاة الفجر و قرأة القران

حس براحة تسري بعروقه

من الوريد للوريد



اليوم عنده " off " بالجامعة

و راح ينام حتى ما يشبع

لان ماعنده سيارة تودية في الصباح

إذا كان عنده مشاوير أو المستشفى عند ابوه

لإن عمر راح ياخذ " الونيت " و يروح كليته عشان يستلم الشهادة

و بطاقة رخصة للعمـل في الشؤون الصحية




أصبحنا و أصبح الملك للــه و الحمد الله , لا إلـه إلا الله وحده لا شريك له

له الملك و له الحمد وهو على كل شئ قدير

رب أسألك خير مافي هذا اليوم و خير مابعده

و أعوذ بك من شر مافي هذا اليوم و شر مابعده

رب أعوذ بك من الكســل و سـوء الكبر

رب أعوذ بك من عذاب النار و عذاب القبر





اللهم بك أصبحنا , و بك أمسينــا ,و بك نحيا , و بك نمــوت

و إليك النشـــــور


طلع عمر من غرفته و براسة المنشفه و الملابس بيده


شاف امه ماسكة " اللي " و تصب الموية في الحوش

و فوزية وراها تمسح بالكرافـة

وقفوا لأثنين من شغلهم وهما يناظرو في عمر

قال وهوا يتجهة عالحمام الوحيد في البيت والكل يشترك فيه

: بنت قومي سويلي الفطور و الشاي بسرعة



وقفت الكرافة بيدها وهي تتكئ عليه .. وبكل برود تتكلم

تعرف أنه برودها ينرفزه بشدة : بس انا بساعد امي في تنظيف الحوش


عمر بأنتقاد : ويعني !! لمن أقلك كلمــة لازم تنفذيها و بسرعة

ترى انا مشغول و لازم أروح بدري عالكلية



فـوزية وهي ترجع تمسح الأرض و تتجاهل نظرات أمها المترجيه

مسكت خشمها لانها مصابة بالزكام :الحين الساعة 5 و نص لسه بدري

و بعدين انت تروح عالساعة 7 يعني بقــ...


بخطوات سريعة مسك شعرها و شده بالقــــوة وهوا يهزها بعنف: انــتي

زي الحمـــار ماتجي الا بضرب, حتى البهائم تفهم و تستوعب

اللي ينقال لها بس انا اعرف كيف اكسر راسك اليابس


صالحة تركت " اللي " بالأرض و الموية تنسكب وهي تعرج و تفك عيالها

و تقول : خلاص اتركها يا عمر الله يخليك لا تشد راسها

انا راح اسوي الفطور الحين



عمر بعصبية وهوا يضرب في فوزية بالقوة :لا انا قلت فوزيــــة يعني فوزية ,

هذي البنت مدلعة وادلعت زيادة و الشئ بسببك انتي منتي راضية تخليهم حريم

يحترمو أخوانهم و لا يحترمو نفسهم بعد و يتواقحو مع اللي اكبر منهم

انا اخوهم الكبير و لازم غصب عنهم اللي يبغى و لي مايبغى

يحترموني ســـــواء كنت حاضر أو غايب



صالحة بتعب .. تعبت من جد من عمر العاصي العاق :خلاص ياعمر كفاية

اللي عملته امس فيها

الله يخليك اتركها و اتعوذ من شيطان


عمر :مني متعوذ من شيطـان الحين تسويلي فطـور جاهز

خلال ثـواني و تخرج جزمتي وتنظفها كويس

ولا و اللــه ثم و الله بخيوط العقــال على ظهرهــا

وانتي لا تتدخلي بيني و بين الملسـونه



جلست فوزيــة عالـأرض وكانت تصيح وهي تمسك رقبتها

و تمسح في مكان الألم

و صالحة تمسح دمعتها بطرحتها وهي تستغفر ربها

مالها حيلـة و لا لها قوة على عمــر


عمر واقف وعاكف إيدينه و يناظرها : ترى ما أحب الوقوف و الأنتظـار

يله بسرعة فزي وخلصي أكلي


قامت فـوزية وهي تمسح دمعتها بخوف و راحت عالمطبخ تشغل

الكفتيرا بالنار عشان تسوي الشاي


دخل نبيــل البيت وهوا يقفل باب الشارع: السلام عليكم و رحمة الله و بركاته


التفت و لقي امه واقفة تمتم و تغطي وجها بالطرحة وهي تجلس بجوار الحمام

وتحط يدها بوجها و جسمها يهتز بسبب الصيـــــاح


و عمر دخل الحمام و قفل الباب بكل هدوء

راح عند امـه و باس راسها و اتنهد بتعب: السلام عليكم يايمة

صباح الخير يا وجهه الخير


ماردت امـه وهي تدفه لبعيد و بصوت مكتوب: أتركني لحالي يا نبيل

أنا مكتوب علي الشقة بحياتي


نزل راسـه نبيل و دخل على غرفته و ثواني طلع وهوا بيده

البطانيـة حقته


حطها بالـأرض و سحب يد امه و جلسها عالبطانية و قال لها : أجلسي يايمـه

و ارتاحي هنا ترى مايصير تجلسي عند الحمام


بتريقة قال وهوا يخفف عنها: مشتهيه جني يدخل فيكي

عشـان يونسك


مسحت وجها بطرحتها و قالت بتنهيدة و هي تناظره بنص عين : أشوفك مروق

و تنكت على راسي . روح بس أتجهز لجامعتك


نبيــل وهوا يجلس قبالها و يتربع : اليوم ماعندي جامعة, يعني راح اطفشك

و تتطفشي من وجهي


التفت حولينه وهوا يقول : فين البنات ما أشوفهم اليوم ؟


جات فوزيـة و وجها محمر بسبب الصياح و الضرب : هذا انا جيت و معاي

الفطور تبغى شئ يا سيد نبيـل


نبيل أتجاهل شكلها و قال بتريقة : اشوف وجهك اليوم محمر لا يكون بتقلدي

السوريات اللي في باب الحارة و لي خدودهم حمرة من ربي

أو حابة تكوني تركية أو إيرانية على غفله


حطت الفطور عندهم وهي تفرد السفرة و توزع الصحون و تقول: لا أنا سعودية

و من أهل الغربيــة بعد و الجمال تلاقيه

في المدينة مو في سوريا و خرابيطك


نبيـــل وهوا يشمر ثوبه و يقطع العيش بنص و يعطية لامه: طيب يا بنت

السعودية ممكن عالغداء تتطبخي اكله سعودية

ولا هاا راح اكل ورق العنب و التبوله و الحمص السورية


ضحكت فوزيـة و قالت بفخر: و لا يهمك عالغداء راح يكون

السليـق وجبه اليوم الرئيسيـة


عض شفايفة نبيل بحمـــاس: سلــــــيق !! و الدجاج معاه و زيت فوقه

ياااااااسلام شهيتيني يا فوزية



_: خير أن شـاء الله اشوفكم جالسين عند فطـوري!!



التفتو كلهم للخلف وهما يناظرو عمر يخرج من الحمام

و يمسح شعره بالمنشفة


قال نبيـل بتريقة وهوا يخفف من التوتر: فطــــوري !!

هذي الكلمة قديمة يا عمر رجاء لا تعيدها مرة ثاني

لإنها تذكرني بطفـولـه


جلس عمر معاهم و سحب السفرة لعنده بالقوة و قال وهوا يفطر

و يأشر لفوزية تصب له الشاي: شئ طبيعي مو كانت طفولتكم حلوة و ايامكم

حلوة و انتم حولين امكم و ابوكم مو أنـا اللي طفولتي أعتبرها مـأسـاة



صالحة بضيق قالت : ليش أنا خليتك تترك الدراسـة و تشتغل متسول في

الشوارع و لا أعطيتك علب موية و طلبت أنك تبيعها عند الرصيف

أنا بس بأفهم ايش معنى طفولتك مــأساة ؟



قال نبيــل بتريقة : لا كنت أشوفك في كــورنيش ينبع جالس في البسطة

و تبيع طراطيع و مناشف هههههههههه


كتمت ضحكتها فوزية وهي تعطيه الشاي


بجدية قال عمـر وهوا يسحب الشاي من يدها بالقوة و يقول : ماله داعي أنكم

تتريقو و تضحكـو على وجهة الفجر

المهم أنا بفتح لكم موضوع مع انه مو وقته ابدا

و راح أشوف تعارض منكم

لكن حبيت أعطيكم الخبر



مسكت قلبها صالحة .. خافت تسمع شئ من فم عمر

هذا عمر ماله امان ابدا

ينخاف منه.. و الشر بعيونه

سكتت و مافتحت فمها و تنتظر عمر يتكلم



فوزية كانت تناظر امها و اخوها نبيل..

لكن لقتهم متوترين و ينتظرون

ايش عنده عمــــر؟؟!!

رمشت عيونها مرتين و ما فتحت فمها


ناظرهم عمر لثانية .. شافهم ساكتين

معناته انهم موافقين مبدئين أو متحمسين بالموضوع

اعتدل في جلسته وهوا يشرب الشاي و يقول: انا فكرت اننا نسكن في المدينة


بوجها الصامت و ملامحها ما اتغيرت عن قبل : لـــأ


رفع حاجب عمر.. عالطول اعطته " الجواب " ماتبغى تسأله

أو تحقق معاه : و ليش لأ ان شاء الله انتي عجبك و نحنا ساكنين في البر

و مقطوعين عن العالم و الناس

إذا الكهرباء بتنقطع كل بعد يومين و المويه توصل عندنا بالقوة

و اذا ابويه تعب راح نضرب مشوار للمدينة بساعة أو ساعتين

كأننا بنسافر





مستحــــــــــيييل تخرج من هذي القرية

هنا اتزوجت.. وهنا عاشت نص عمرها مع زوجها عمر

و هنا كملت النص الثاني مع عبد الحكيم

و هنا عمر اتولد و بعده نبيل و فوزية و زينب

و اتربــو بتراب القريــــــــة



قامت بتعب وهي تروح عالغرفتها : تبغى تروح تسكن في المدينة روح

انا مراح اتحرك من بيت ابو عيالي


عصب عمر للأخر.. حق ايش متمسكة في الخرابه

ايش عاجبها هنا..

هي ماتحس بالتعب لمن نضرب 400 كيلو في اليوم

و مراح تحس الا لمن يصير فينا حادث

لان الطريق كله حجار و مطبات


لف على أخوانه و قال بنرفزة : ايش فيها امكم !!



ماكمل كلامـــــه إلا شاف فوزيـة تقوم من الارض

و تدخل على الغرفة و تصحي زينب


و نبيل يشيل السفرة و الصحون و يدخلها المطـبخ

قام من الأرض و راح عند غرفة امه


.


.


.


جلست عالطرف السرير و اطراف يدها صارت بيضة

ضمتهم لبعض و قالت وهي تناظر بملابس زوجها

اللي كانت تبغى ترتبهم : هذا كلامي و قلته

مافي كلام ثاني معاك



عمر وهوا واقف عند الباب و اللبانه بفمــه

يعشق شئ اسمه لبانـه و يحب يمدغها

وهوا يناظر للناس بستهزاء و بسخرية

كأنه يعطي لدنيا وما ياخذ منهم شئ




" بوجهة نظري الخاصة

أكــرة الرجال اللي يمدغو اللبان بفمهم

أحسهم مو رجال

" خكــــــــآرة "

لانه بنظري انه الرجال رجــــــــــل

مو مرأة عشان يحرك فمه و يمدغ اللبان "





نفخ اللبان و رجعها بفمه بكل سرعة:اعطيني سبب مقنع انك

ماتبي تخرجي من هنا !!


قرب منها و جلس بطرف سريرها و عينه مانزلت عن امه و قال:

أمكن بكلامك راح اقتنع و اوافق على رأيك

و اجلس معاااكي في البــر ههههههه



بلعت ريقها صالحة وهي تشغل نفسها بملابس زوجها

و تشم ريحته.. دائما عمر يلعب بذيله

لمن ابوهم يتعب و يترقد بالمستشفى

: مو لاازم و هذا البيت شالك انت و اخوانك و ان شاء الله عيالك بعد


صفق عمر بستهزاء و قال:أوووووه وكمان متعشمة العجوزة انه عيالنا

يعيشو هنا و تشوفيهم منشرين بعد


ناظرها بسخرية و بداخله حقد كبير.. لازم امه توقف في طريقة

هوا لو يبغاهم ينقلو للمدينــــه

راح ينقلو وفمهم مقفل

و امـــــــــه عجوز مالها رأي أو شـور


بس هوا بيدرس و بيخطط على مهله كل شئ يجي بالقناعة و الرواقة

كل شئ يجي بهدوء و الـأقناع

يا عمر..

خليك ريلاااااكـس

و اذا امك ماقتنعت مصيرها راح تقتنع بأمور ثانية



رجع نفخ اللبانه و قال:جد كل قوي في اللي اقوى منه

أنتهى لعب السلطة و الجبروت و القوى



رفعت عيونها بصدمة صالحة

مـييين يقصد بهذا الكلام !!!

لا يكــون انا يدقني بالكلام !!


هذا عمر بيخربط بالكلام كثييير

وما تحب تجلس معاه

لان كلامه يسد البدن

كأنه افعى يلدغ اللي حولينه

كأنه عقرب

ابرة سامــــــــــــة




برتجاف قالت و عيونها اجتمعت بالدمــوع : مممين تقصــد !!


بلا مباله قال عمر وهوا ينفخ اللبانه و يرجع يفقعها :انا مااقصد احد

بس نحنا عيالك المفروض تتمني لنا الأفضل

لا تعيدي الموال القديم و لي طفشت منه



سكت و ناظرها بنظره طبيعية وهوا يتكلم ببساطة

و بأسلوب عادي و مقنع

عكس امــــــــــه

: انا انتظر الوظيفة عشان العروسة تكون بطريق

تبغي اهل العروسة يخرجو من المـدينة

ويجو لأخر العالم عشان خاطر هالبيت الشعبي

مو بحقنا حلوة و الجماعه ماترضى انه

يزوجو بنتهم على رجال حتى مجلس ماعندهم

يعني تجلسيهم بالحوش كانهم جيرانك



كلامـــه معقول و عين بالعقل

بكرة اذا بتزوج عيالها

فين تدخل الجماعة و الضيوف

هي عندها 3 غرف و حوش تستقبل الجيران على هواء الشمس

و برودة المطـر



عمر وهوا يمط اللبانه باصباعه و يقول : عاجبك حال بنتك فـوزية

جالسة عندنا من شهر و تاركة زوجها و عيالها في البيت

حتى خلت أهل زوجها ياكلونها بكلامهم

بنتك انطـــــوائية و مريضة نفسيه

ترى ماهي حلوة بحقنا .. نحنا ماعندنا بنات يتركو رجالهم و يجلسو هنا



بحدة قالت صالحة.. كل شئ عندها ولا عيالها

و خصوصا البنات : أحترم نفسك هذي اختك كيف تقول عنها كــذا

و هي ماتركتهم الا لمن شافت انه زوجها يخونها

هذي اختك يا عمر المفروض توقف و تدافع عنها


عمر: اعدل المعلومــة .. مو اختي تصير اختي من امـــي فهمتي

و عالطاري الخيانه.. و الله هوا ما خانها إلا انها مقصرة بحقه

و مقصرة بشؤون بيتها و عيالها و الرجال مايدور على الحرمة

إلا اذا ماشاف شئ من حرمته.. و المفروض انتي السبب

عارفة ليشل إنك مانصتحيها و لا .......

و لا ...............

و لا................



صالحــة نزلت دموعها على خدها .. ليش عمر يحسسها باللوم و الذنب

ليش يعاقبها و كأنها مقصرة معاهم ..


:أنا مالي ذنب ولا اختك لها ذنب


عمر وهوا يقاطعها: عارف عارف بس خلينا نرجع لموضوعنا الأصلي

ترى الطريق للمدينة ماله امـان

و الواحد صار يخاف من نفسه و من حياته

و خصوصا سيارة ابوي " الونيت " كل شئ تخرب و تتصلح



حطت يدها على راسها وهي تصيح و قالت:طيب ايش تبغاني اسوي

يا عمر انا تعبانه و صرت حرمة كبيرة

المفروض بهذا السن اعيش مرتاحة لكن الشقاء و العناء وراي و راي



عمر بستهزاء.. الحين امه ضعفت وهوا اللي يتحكم فيها بكل سهوله

: و راح ترتاحي لمن نستقر في المدينة و كل شوي عندك

سوق قباء الكبير اللي عند المسجد يبيعو تحف و اواني منزليه

وهوا قريب من مسجد قباء يعني برجولك تروحي و ترجعي

وفيه اسواق البدر و مجمع شبرا

واذا طفشتي انتي و بناتك بأمكانكم تروحو على منتزة ابو طربوش

اللي بشارع الملك عبد العزيز

وعندك حي السلطانه فيه اسواق و مطاعم تجنن

هناك تنبسطو و تشوفو الناس و العالم

و تحسي انك بوسط الناس و العالم

يعني لمن تموتي تلاقي احد يحس فيكي

مو هنــــــــــــا مافي احد يناظر بوجهك



شهقت بصياح و قالت :ايش قصدك بأخر كلامك يا عمر؟



بكل برود قلبه .. انسان عنده بدل القلب حجر : بكرة انا بتزوج

و نبيل بيتزوج و فوزية بتروح عند عيالها و زوجها

و ابويه مراح يعيش طويـ......


صرخت بوجهه و جسمها ينتفض بسبب الصياح و الرعشة : فال الله و لا فالك

انت ماتعرف تتكلم تبغى تجيب اجل الرجال

قبل أجله لا يجي


عمر:المهم هذا كلامي و فكري فيه عدل انا رايح عالكلية

و بشوف اوراقي


مسحت دموعها و قالت بضعف: بس ابــوووك اخاف مايـ...



وقف على طوله و قال وهوا يناظرها بطرف عينه و يمدغ في اللبانه : و من متى

هالشيبة له كلمه عالكل.. هوا مايدري عن حولينه

هو حياته بس عايش بالغرفة و بس



مسكت يده بترجي و قالت : طيب انت تروح بالسيارة ابغى توصلني

عالمستشفى عند ابوك

هنا مافي تاكسي عشان نبيل يوديني عالمدينه


دف يدها و مسح ايدينه الاثنين بطريقة تعبر عن القرف و قال

: انا مشغول و حايس عالوظيفة و لازم اكون

عند باب المدير عالساعة 8 صباح


رجعت دموعها للنزول : طيب مين يوديني عنده ؟؟


رفع كتفه بلا مبالــه و قال :يعني ايش تسوي عنده.. ترى هالشيبة ما فيه و لاضربة

بس بيتغلى على قلبك

ههههههههههه



بحده بصوتها الضعيف.. مستحيل يشوف طعم السعادة و الراحة

وهوا عاق وعاصي على امه و ابوه :عمر هذا ابوك و احترم لسانك

أو احشمني عالأقل انا تعبت منك و انا اذكرك باللي تسويه

الدنيا دواااره و بكرة بعيالك


بملل قال عمر .. حس بصدع من ثرثرة امه :اسمعي لا تكثري هرج

انا رايح عالكلية الحين

و ادعيلي بالتوفيق ترى دعوة الام مستجابة

انتي امي و لازم اتوفق و اشوف مستقبلي



قاطعها صوت فــــــوزية وهي تدخل و بيدها جوال عمر و تقول

:عمر جوالك من اول يدق


أخذ الجوال .. هذا واحد من اصحابه.. ايش يبغى منه بهذا الوقت

لايكون صار شئ بالوظيفة أو كلمهم الدكتور

:الـووو هلا ناصر


فتح عيـــــــونه بدهشة : نعـم !! ومي نقلك أأقصد من فين سمعت

أنه اسمائنا في الجرايـــــد ؟؟

متأكد من السكرتير حقه ؟؟

و المدير و ينه ؟؟

أمممممم كويس اجل كم يوم راح يكون مسافر

و اللـــــــــه عسى مايشم ريحة العافية هههههههههه

يلــه انا جاي بطريق جهز المقهى و التعسيلــــــة

مع سلامة



انصدمت فوزية و ناظرت بأمها وهي تأشر

على عمر

ايش يقصد بكلامة

مقهى

تعسيلـــــــة ؟؟؟؟؟؟؟


هما التدخين عندهم شئ محرم في العائلة

هذا نط بالقوة و يستخدم التعسيلة !!!؟؟؟؟؟؟؟؟



قفل الخط و جاوب على سؤالهم قبل لا يسألوه: تعسيله شئ حلال

ماهو مخدارت و لا حشيش ولا هروين

وبعدين هذي حركات الشباب العصرين

المهم انا بروح عند الشباب عشان اسمائنا نزلت بالجرايد



قامت صالحة وهي تجيب عبايتها : طيب على طريقك ارميني عند ابوك

منت مشغول بشئ



دفها عمر بخفه و طاحت عالسرير و قال وهوا يمشي : خلاص قلت بعدين يعني

بعــــــــــــدين و بعدين مني فاضي اشيلك

و اخذك و ارجعك مرة ثاني



بتردد قالت .. لأخر امل متمسكة فيه : والدواء



بضجر قال عمر وهوا يمسك كتف فوزية و يدفها عند امه : انتي ماتفهمي كلامي

فوزية كلمي امك خليها تستوعب

امكن تفهم من عندك و انا اشك انها تفهم

انا مشغوول عندي شباب ينتظروني

و الدكتور مستحيل يترك العجوز يصارع الموت





% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 22-07-2010, 08:57 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: روايتي الثالثة : أسطورة الموت / بقلمي‏


بشارع حزام

و بوسط الشقة المتوسطـة الشبه قديمة

صلحت راس المعسل وهي تعسل بهدوء

و تنفث الدخان بشرهة بحولين الصالة

و صحباتها معاها يشاركوها

موضي وهي مرتخية في الأريكة و العود بحضنها

تدق عشاوئي : أقول ليلى ترى في ناس طلبونه بقويقعه بعشرة الالف
ترى الناس بطرانه , و سمعتك وصلت في نجد
ايش قلتي؟؟؟




ليلى وهي تعسل بتفكير .. تحس مزاجها يتمخمخ بمعسل
يروقها صح ..

: حاليا بكون مشغوله خلال الأسبوعين عارفين نقل البيت
و نبيع العمارة و ابويه راح عند المشتري و المحامي
عشان يبعو العمارة ومنها يقسموا لورث
مع ولد عمتي

الجوهرة بجسمها المليان وماخذة مساحة الكنب لحالها
تاكل من الفصفص و تقول: ولد عمتك !! عمـر
على اخر اخبار هذا الأدمي متى نسمع خبر زواجكم


ليلى وهي تحني جسمها للطيران و تشيلها عشان تدق : ان شاء الله قريب
راح ارسلكم بطاقة زواجي ..

بدئت الفرقة تدق في الطيران و الطبول
و اصوات الجيتار و البيانو عالي جداا جدااا


قالت ليلى بخبث وهي تدق في الطيران .. قبل لاتغني : بس أول شئ يكون عمر مثل الخاتم بأصباعي
زي الخروف يركض وراااااااااااي
ههههههه هههههههه



يا منيتي ياسلام خاااطري

و انا أحبك يا سلام

ليش الجفاء
ليش تهجرني
و انا احبك

أحـبببك


ياســــــلاااااام






% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %


مسكت كيس " العيش " الناشف

و لبست نقابها و عباية الراس


وطلعت من البيت وهي تتوجه على الـأغنام و الجمال

الموجـودة في القريـة

رمت الكـيس بالأرض وهي تشوف الأغنام تجري عندها و تجتمع حولينها

و تاكل من العيش الناشف وهي تدور على لقمة العيش





ربتت على كتف الغنمة الصغيرة و هي تدخل بينهم تدور على لقمة عيشها

سحبت الكرسي الخشبي وهي تروح عند الناقه

جلست و بدئت تحلب من صدرها

عشان تخذه و تصنع فيه الزبدة و الجبن و تبيعه عن الجيران


كانت تحس بألم شديد و فراق فضيع

و هي قررت بإنها راح تترك القريـــة

هي ماقرررت ..!!

لكن مع عمر تكون مسيرة لا مخــــــيرة

.


.


.


الشئ المميز بأهل المدينة المنــــــــورة

بإنهم يعملو السبوسـة بالعجينة

عكس المناطق الثانية اللي يعملوها بـ الرقاق

كانت السبوسة بالعجينه هي طريقـة المشهورة

عند أهالي المدينـــــــة


فردت الشـرشف الـأبيض في غرفتها و رشت عليه الدقيق

وهي تفرد في العجينه بالفرادة

و تمسكها وتحطها بيدها

و تلفها بحركات سريعة من يدها ليدها الثانية

مثل الطباخين المشهورين

و العجينه كل مالها تكبر و تكبر

حتى حطتها عالـأرض براحة و مسكت السكين و قطعتها مستطيل

وهي تحط الدجاج المفروم و تلفها بمهارة عاليــة

الكل كان يسمي عليها من أهل زوجها خاصة

و عامــة أهالي " حفر الباطن " و يذكر عليها برحمان

كانت طباخة ماهرة

و كان نفسها بطبخ مرة يشهي

و اكلها يفتح النفس





هـ...

هـ ....

هـا ...

هـاتشـــــــــــوووووووووووو.............




سحبت علبه المناديل و مسحت خشمها المزكم

و رمته بجوارها مع كومة من المناديل اللي أستخدمتها


تحس راسها ثقيل كأنه حجر بداخل جمجمتها

بدئت السخونه ترتفع بجسمها

وعدت نبيل انه على الظهرية راح تتطبخ له السلــــــيق

بس الزكام و الصداع مو مخليها تخلص السبوسة

طلعت من غرفتها و راحت على غرفة امها

فتحت علبه النيدو و طلعت بندول

بلعت حبتين بدون ماتشرب المويه

رجعت مرة ثاني لشغلها

كان ودها تصحي زينب عشان تساعدها

لاكن زينب من امس نايمة و اذا قامت تكون جالسة بفراشها

و امها وصتها بإنها ماتشيل و لاتنظف شئ


ماتعرف كيف خلصت من شغلها بسرعة و مدت رجولها بالطول

و انسدحت في الـأرض

الشمس قويه و مسلطة عليها و بيدها مروحة الخسف تهوي وجها

و تريح جسمها شوي



" حسبي الله عليك يا عمر

مبهدلني و مكسر جسمي

و إلحين الـأنفلونزة دقت بابي

ياربي خذه لعندك و ريحني منه "



سمعت صوت الباب ينفتح .. بدون ماتلف راسها و تستدير

أكيد بيكون نبيل طالع غرفته


فز نبيل من فراشة و فتح باب الغرفــــــة

لف يمين و يسار

مـاشاف امــــــه


أفتكر أنها تخرج في القرية و تحلب النياق و تأكل الـأغنام

لقي فوزيـة مسدوحة بالـأرض و جسمها مصفر

راح عنده و سـألها بتردد : فــوزية امي متى ترجع؟؟


فتحت عيونها فوزية و حاسة انه صوتها راح بسبب الـأنفلونزة : امكن بعد

شوي .. تبغى شئ منها ؟؟؟


نبيل بتردد سكت.. مو عارف ايش يقول لها

: ترى زوجك أتصل و قال لي العيال يبغوكي و قاعدين يبكو


جلس بالـأرض وهوا متردد من الكلام اللي يقوله لها

فوزية انسانه بارده جدا و هي تعبت كثير بحياتها

و خلق لها شخصية جدا باردة مثل الثلج

: فوزية مو عارف ايش اقلك

بس لازم ترجعي لعيالك مو لازم عشان زوجك و اهله

ترى العيال يحتاجوكي

و هذي امه و اخواته طنشيكي منهم

انتي كبيرة على حركاتهم

لااا تخربي بيتك بسببك



رفعت عيونها فـوزية للسماء بهدوء

و جلست وهي تحط يدها على راسها

كل مرة و الحرارة تزيد على جسمها

مثل النار الهائج .. هي تعبانه ومالها خلق لأحد و مزاجها بطرف خشمها

بهدوء قالت وهي تعطس : انا بقعد هنا حتى اسمع انه مساعد صار يشيل مسؤولية

عياله و يدور على شغل





أتغير وجهة نبيل.. ايش هذي المصيبة .. هذي عندها قلب زي باقي الأمهات

ماتحس انه لها عيال يحتاجوها : لا ياقلبي اذا حابه اكلم مساعد شخصيا

و افهمه بإن اللي يعمله غلط مستعد بـ...


قاطعته فوزية بسخرية: قبلك كلمو ابويه و امي تعبت وهي تكلمه

و انت اذا كلمـته يعني راح يسمع كلامك و يقتنع

نبيـــــل ممكن تتطـير من وجهي مالي مزاج

اكلم احد أو اسمع حس أحـد




أختفت ملامحــة نبيـــــل

وماعلق على كلامها

دائمـــــــا فوزيـة باردة و لاغية وجود الكل

مايهمها احد

وهوا الصغـــير المسـؤول على اخواته و على امه و ابوه الكبار

و يهتم في البيــــت

كأنهم ولي امرهم

و يداري عليهم و يخفف على احزانهم

و يفرحهم بأبسط الـأشياء


بضيق كتمت عبرتها فوزية

بلاك ماتعرف عن مساعد يا اخوي

زوجي خانني خيــــــانه قويه

ولا اشتكيت لك

انا انسانه ضعيفة و سلبيه

استاهل كل شئ

انا السبب

بس مالي الا الله هوا اللي يعرف انه زوجي نسونجـــــي


% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %



و قف عند المقهى وبيده علبه " غندور "
طلع حبتين و رماها بفمه يمدغها
دخل المقهى وهوا يناظر الكل بتعالي
كأنه عايش في هذي الحياة لحالـــــه

شاف أصحابة مجتمعين عند الطاولة
وعلى وجيهم الـأبتسامة و الفرح


" اليوم نزلت اسماء المقبولين بالوظائف "

رفع خشمة بتكبر .. هوا متأكد انه من ضمن المقبولين
و متأكد انه اسمه بأول الصفحة

حي ان اليوم خير عليه

قبلو بالوظيفـــــة
و العمارة تنباع
و 2 مليون بيده


ليش ماتكون ايامه حلوة مثل هذا اليوم
و يكون باب الحظ مفتوح بوجهه
دائما

و صل عند اصحابة و سحب الجريدة من طاوله
وهوا يسمع اصوات اصحابة و أهاليهم يباركو من الجوالات
و ضحكات و النادل و الشباب الموجودين في المقهى يباركو

نزل عينه عالعنـوان جريدة " عكـــاض "

"أسماء المقبولين السعودين بالوظـــــائف الصحية بمنطقة المدينة المنـورة
لعام 1425 هـ "


أحمد سعيد الـ......
أسامـه محمــدالـ.....


نقل عينه على الصفحة الثانيه
هذولا أسمائهم ماشيه بالأمجدي
وهوا اسمــه بأخر الصفحـة

ع........

ع........

ع.......





عمر سليمـان الــ ####

لا مو هذا اسمـــــــــــه

عامــر محمد بن ابراهيم الـ ######


ولا هـــــــذا اسمه ؟؟؟؟؟؟؟؟؟؟؟


؟؟؟؟؟؟؟؟؟؟؟؟



فيصـــــــــل الـ#####



عالطول على الحرف الـ " ف "


فين اسمــــــــــه ؟؟؟؟؟؟؟

رجع دور على اسمه في القائمـة

مستحــــــيييل اسمه مايكون من ظمن اللي قبلوهم


فين

عمر بن عمـر الـمدني





اسمه ماكان موجود ؟؟؟؟؟؟؟؟؟؟؟

وزارة الصحة ماقبلت عمر انه يشتغل في صيدله


اصحابة مبسوطين و يضحكو

كل اصحابة انقبلو


كلـــــــــهم

ماعدا هوا ؟؟؟؟؟؟؟؟؟؟؟


و ايش معنى هوا الوحيد اللي ما انقبل



جلس عالـأرض مصدوم ... مراح يلاقي وظيفة

ليلى راح تتطير من يده ؟






ليش تنصــدم ياعمر ليش ؟؟؟؟؟؟

ربي مراح يحقق لك لا حلم و لا مستقبل

و لا خطوة ناجحة بحياتك

دام انك عاق ومنت راضي على امك


رضى الله من رضى الوالدين




% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 22-07-2010, 08:58 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: روايتي الثالثة : أسطورة الموت / بقلمي‏


بمكان ثاني


رفع عيونه المحامي من الملف و قال لصالح اللي كان يناظر في ساعته

و ينتظر المشتري و عمر : ودك بشاهي يابو ليلى ؟


صالح وهوا يطلع من جيبه بخاخ الربو و يستخدمه: لأ بس ابغى موية


فتح الباب عمر بدون استذان و جلس عالكنب وهوا يحط رجل على رجل

و يمدغ في لبان .. كأنه يمسك أي شخص قباله و يقطعه بأسنانه

متنرفز و مقهور من حظـة


ماانقبل بالوظيفة .. و المشتري رفض العمارة .. و سيارة ابوه اتعطلت

و الحين جاء عندهم بتاكسي بعد مااتصل على الوينش

عشان يشيلو السيــــارة

إلحين عشم امه من الصباح و اقنع فيها عالأساس انها توافق و تسكن في المدينة
و الحين مين راح يوافق يشتري العمارة

ضاعت من بلمح البصر الـ 2 مليون
بدون مايمسك منها ريال

انحنى جسمه لقدام و مسك راسه بيده

حاس بصدااع بسبب الحقد و القهر

كل شئ انسلب منه برمشه عين

وهذولا مثل البلهاء مبسوطين ينتظرو المشتري



لييييييييش !!!
يصير فيني كـدا !!!
انا ايش سويت اليوم !!!!!






أنتهى الجزء الثالث على خير
معليش عالتأخير
ديما القطبي


% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 22-07-2010, 09:29 PM
صورة مشـآعر طفلهـْ . . ~ الرمزية
مشـآعر طفلهـْ . . ~ مشـآعر طفلهـْ . . ~ غير متصل
• عَمَرِيْ مَآرَآحْ «َأَنَـڪسِرْ» ✿
 
الافتراضي رد: روايتي الثالثة : أسطورة الموت / بقلمي‏


يسلمووو ع البـــــــــآرت الحلووو

وزيييين الي صااار ليهـ عمـر
عشـآن يعـرف .. كيف إن الله حق ..
فووزيهـ من جد حزنت عليهـآ بالحيل !
ربي يعينهـآ

تحيـآتو ..
مشـآعر طفه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 23-07-2010, 01:08 AM
صورة ∫←«•• پڼٺ ٱڶڜڕڨۓﮧ ••»→ الرمزية
∫←«•• پڼٺ ٱڶڜڕڨۓﮧ ••»→ ∫←«•• پڼٺ ٱڶڜڕڨۓﮧ ••»→ غير متصل
صَمّتيْ هُوّ شموخيْ وَ گَبـريآئيْ . . ꜟ
 
الافتراضي رد: روايتي الثالثة : أسطورة الموت / بقلمي‏


يـسسسسسسسسسسسسسسسسلـمـووو يـآـإحــلوه عـلـى ـآ آلـبـآإرت


وو

هـذيـ ليلى نفسسسسسسسي أتوطـى ـآ ببطنهـآإ


ننـتـظركـْ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 23-07-2010, 02:01 PM
صورة copy twins الرمزية
copy twins copy twins غير متصل
©؛°¨غرامي مجتهد¨°؛©
 
الافتراضي رد: روايتي الثالثة : أسطورة الموت / بقلمي‏


روعهالقصه
تتضمن مشاكل كتير
الجحود
عقوق الوالدين
اااااه عقاب ربنا
قصه في منتهي الحساسه
ننتظر المزيد


الرد باقتباس
إضافة رد
الإشارات المرجعية

روايتي الثالثة : أسطورة الموت / كاملة

الوسوم
أسطورة , الموت , الثالثة , بقلمي‏ , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6811 28-11-2017 09:13 PM
هجرك أبد ما هز قلبي دام الشموخ مني و فيني / كاملة روح زايــــد روايات كامله - يتم نقل الرواية هنا بعد اكتمالها 96 28-03-2017 10:27 PM
روايتي الأولى : رشوا على قبري من دموع عينه / كاملة على شاطئ النسيان روايات كامله - يتم نقل الرواية هنا بعد اكتمالها 896 24-02-2016 01:07 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
الخوف من الموت gold berg مواضيع إسلامية - فقه - عقيدة 13 19-06-2008 09:06 AM

الساعة الآن +3: 04:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1