غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-07-2010, 03:21 AM
details details غير متصل
©؛°¨غرامي جديد¨°؛©
 
الافتراضي بدي ارجع بنت صغيرة على سطح الجيران / بقلمي




السلام عليكم ..
صباحكم || مساءكم ورد
اليوم اقدم لكم روايتي || بدي إرجع بنت صغ ــيرة على سطح الج ــيران || ~
أحداث الرواية تتكلم عن 5 بنات في سن المراهقة ..
و نواجه من خلال هالروايه بعض مشاكل البنات السائدة في مجتمعاتنا ، و روايتي تتميز بنوع من الجرأة
لكن ما حبيت إني أتعدى الخطوط الحمراء أو أكتب بجرأة أكبر !!
أتمنى إن الرواية تحوز على رضاكم و تنال إعجابكم
* ملاحظة / يرجى ذكر المصدر + اسم الكاتبة
* تابعوني :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-07-2010, 03:38 AM
details details غير متصل
©؛°¨غرامي جديد¨°؛©
 
الافتراضي رد: بدي ارجع بنت صغيرة على سطح الجيران / بقلمي


البارت الــ 1 /
صباح جديد على البطلات الحلوات .. و طبعاً معاناه عشان يصحون الساعة 6 الصبح ^.^
^
^
^
ماري / شهد يلا قومي الساعة 6 و نص هلأ بتتأخري
شهد / طيب 5 دقايق و اقوم
ماري / يلا .. مجهتزلك الفطور تحت
شهد / اففف .. خلاص قمت
ماري / بسرعة لا تتأخري
قامت شهد بكسل لإنها نامت متأخر .. و أخذت شور سريع و لبست مريولها و اكسسواراتها الرجولية و حطت من عطرها الرجالي و اخذت شنطتها و نزلت ..
و هي طالعة قالتلها ماري / مارح تفطري ؟
شهد / لأ ، يلا باي
* ماري هي مربية شهد و هي لبنانيه *
و ركبت مع السواق الي كان منتظرها بره .. وو صلت المدرسة كالعادة آخر وحدة
و قابلت صحباتها " الشلة " و قعدوا يسولفون لين ما رن الجرس معلن بداية الحصة الاولى
دخلت عليهم ابلة اميرة تدرسهم دين ( تفسير)
وكانوا كلهم جالسين جنب بعض في الجانب الايمن ..
شوق كانت قاعدة تسولف مع شهد على طلعتها امس ، و جاتهم ابلة اميرة و قالت و بعدين معاكم من اول الحصه و انتوا تسولفون و انا قاعدة اشرح لمين ان شاء الله ؟!
شهد / اففف
ابلة اميرة / شهد انا استاذتك لما اكلمك تكلميني باحترام مو تقعدين تنافخين ؟!
شهد طنشتها .. و ابلة اميرة سكتت لانها تدري انها مافي فايدة منها و ما راح تتعدل
و المديرة ما تقدر تسويلها شي .. لانها من عايلة غنية و معروفة .. و أعطت شوق كلمتين مثلهم و كملت حصتها و طلعت .. و مرت باقي الحصص بنفس الروتين الممل
و في الفسحه / كانوا الشلة قاعدين مع بعض و يسولفون /
" شوق – شهد – ريما – أروى – أماني "
أروى / بنات انا اليوم عازمتكم عالفطور ، شتبون ؟
شوق / انا مسوية رجيم
أروى فااتحه عينها عالآخر / هذا و انتي وزنك 40 اجل لو وزنك 100 شبتسوين ؟!
شوق معصبة / فال الله و لا فالك ، لا تصكيني عين و بعدين و انا لازم اهتم بشكلي و جسمي
أروى / خخخ و الحلوات يبون عزيمة ؟!
شهد / انا ابي بيبسي
اماني / جيبيلي مويه مرررررره عطشانة
اروى / و انتي ريما شتبين ؟
ريما / مابي شي حبيبتي تسلمين
أروى / اوك .. و راحت تتطلب
شوق / بنات امس رحت زارا و شفت بلوزات تاخذ العقل ، بس يوسف الله يرجه ما عطانا وقت نشتري و لا نسوي شي
أماني / كان جلستي ذاكرتي أحسنلك
شوق / و انتي أهم شي عندك المذاكرة ،، ترى ملل انتي ما تطفشين ؟
أماني / عالاقل شي ينفعني في مستقبلي
شوق / طيب بكرا لا كبرتي بنشوف منو بياخذك عشان هالشهادة
أماني / الشهادة راح تفيدني فاشيا ثانية ، و بعدين انا دراستي و شغلي اهم من اي شي
شوق / حبيبتي احنا بنات يعني آخرتنا بنقعد ببيوتنا
أماني / انا ممكن استغنى عن زواجي عشان اكمل دراستي و اشتغل
شوق / مالت عليك
اماني عصبت / شوق خلاص عاد مصختيها
شهد بدفاشه / انطموا شوي كبر راسي ،، و قامت تتشمشى لحالها
و ريما ساكته لانها ما كانت معاهم و كانت سرحانه ..
و بعد شوي .. جت أروى و هي معصبة من الزحمة / اففف انتوا خلكم قاعدين و انا اروح اجيبلكم كاني خدامة عندكم
أماني / هههه مو انتي الي عازمتنا ، يعني محد ضربك على يدك و قالك قومي
أروى بزعلها الطفولي / يعني هذي جزاتي ؟! طيب امون اوريك
اماني تضحك على هبالها / هههههههه خلاص مشكورة ما تقصرين
اروى / العفو .. اي صح وين شهوود ؟!
ريما / ما ندري عنها .. شكلها قامت تتمشى لحالها
أروى / طيب بروح اشوفها ،، و اخذت البيبسي معاها
-
في جهة اخرى //
كانت شهد جالسة لحالها و حاسة انها مخنوقة و كانت قاعدة تفكر بحالها ، هي امها و ابوها عايشين بس يتيمة ، عندها فلوس بس فقيرة ، مبسوطة بس حزينة
من اول ما انولدت و هي بين الخدم و لا مرة اخذتها امها في حضنها .. او تكلمت معها او حتى قعدت معاها مثل ما اي ام في هالدنيا تسوي ..
و ابوها على طول مشغول و ما يسأل عن بنته ولا يدري عنها و متزوج 3 غير امها
بس كل شهر يرسلهم المبلغ الفلاني و غير حسابهم بالبنك ، و ما يزورها الا مرة بالسنة
و هي تبي تحس ان عندها ام تحبها و تخاف عليها و تنصحها ، أو أب يخاف عليها و يوجهها لما تسوي شي غلط ، بس هم ما يدرون عنها اساسا هم يجيبون لها الفلوس و الهدايا وبس !!
و أمها تقعد بالبيت يوم واحد ، و تسافر باقي الشهر و تروح لندن و باريس و دبي ... الخ
و ترجع لبنتها بفساتين و اكسسوارات ، و هي ما تدري اصلا ان بنتها بوية
تحسب انه ستايل و بيتغير مع الايام ..
نرجع لأرض الواقع / ...
أروى / شهد وين رحتي
شهد / مارحت مكان ، بس كنت سرحانة شوي
أروى / صارلي ساعة أكلمك
شهد / ...
أروى / شهود شفيك ؟
شهد / مافيني شي ، و تغير السالفة / أقول و ين البيبسي لا يكون شربتيه ؟!
اروى / هذا هو ، تعالي نجلس مع البنات
شهد / يلا
و جلسوا يسولفون شوي .....
نهاية الدوام //
ريما / بنات يلا مع السلامة السواق بره
البنات / الله معاك
و مر اليوم و كل بنت رجعت لبيتها .. الي نامت ، و الي قعدت تذاكر ، و الي قعدت عالنت و ...الخ هالروتين يتكرر يوميا ..
و طبعا الايام كلها متشبابهة ما فيها شي جديد يُذكر .. حياتهم مو مختلفة عن حياتنا
يوم حلو و يوم مر يوم سعيد و يوم حزين ..
-
انتهى البارت الأول ..
و أتمنى أشوف ردودكم + توقعاتكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-07-2010, 05:58 PM
details details غير متصل
©؛°¨غرامي جديد¨°؛©
 
رد: بدي ارجع بنت صغيرة على سطح الجيران / بقلمي


البارت الــ 2 /

خلينا نوقف شوي و نتعرف عالشخصيات أكثر في هالبارت ^.* //
*1 شهد / بوية و قصتها راح تتطور في الاحداث الجاية تحب ينادونها ( فهد ) .. حنطاوية و نحيفة و طولها متوسط و مملوحة و شعرها اسود و قاصته بوي ، 14 سنة ..
*2 شوق / رومانسية و تهتم بالموضة ، بيضا و شعرها اشقر و عيونها عسليه
و جسمها حلو .. امها اصلها لبناني ، 14سنة ..
*3 أروى / دايما تحس انها صغيره و تحب هالاحساس ^.* ،، بس رغم كذا عقلها كبير ^.^ بيضا و شعرها بني فاتح و عيونها بنية و بيبي فيس ^.^ ، 14سنة ..
*4 أماني / مجتهدة ، و اهم شي عندها دراستها و شغلها و تطمح انها تكون دكتورة اسنان ، متوسطة البياض و شعرها اسود و ناعم يوصل لين كتفها و عيونها سودة ومكحلة و جسمها متناسق ، 14سنة
*5 ريما / داشرة .. و تكلم شباب و ما يهمها غير وناستها، بس هي طيوبه بغض النظر عن اي شي ،، بيضا و عيونها عسلي و شعرها بني و مملوحة ^.*
-
و يعرفون بعض كلهم من الابتدائي و صديقات مرة و ما يفترقون ، حتى لو زعلوا يتصالحون بسرعة ..
و * للعلم * هم الحين بثالث متوسط ^.^
-
و جت الاختبارات و طبعا كلهم متوترين الي ذاكرت و الي ما ذاكرت ..
اكيد تعرفون الشعور الي يجينا ايام الاختبارات ^_^ .. و ما يحتاج احكيلكم شلون ايام الاختبارات كانت ..
في آخر يوم اختبارات عزمتهم شهد على بيتها .. لان امها و ابوها مسافرين و اخوانها ما يقعدون بالبيت كثير، و اتفقوا ان العزيمة تكون بعد الشهادات ..
نسبهم كانت / ..
أماني / 99 %
أروى / 97 %
ريما / 92 %
شوق / 95 %
شهد / 90 %
و كلهم استانسوا على نسبهم *.^
-
يوم العزيمة /
الساعة 6 كلهم كانوا يجهزون عشان يوصلون بدري و يقضون اليوم مع بعض ..
شوق / كانت لابسة سكيني جينز و بلوزة طويلة لونها أحمر ، و شعرها كان كيرلي و حاطه كحل ^.*
أماني / كانت لابسة سكيني جينز و بلوزة بني رسمية و جزمة بني كعبها عالي شوي ،
و شعرها كانت ماسكة نصه بمشبك صغير ، كان شكلها بسيط و انيق ^.^
أروى / كانت لابسة تنورة جينز قصيرة و بلوزة كت برتقالية فيها طيات من عند الرقبة و الصدر والقبة صينية و ضيقة على جسمها و لابسة صندل زهري ناعم و كانت حاطة روج وردي ، و كان شكلها كيوت ^.*
ريما / كانت لابسة فستان قصير لونه فوشي ،، و شعرها مسشور و الغرة على جنب و
حاطة كحل و روج وردي ^.*
شهد / كانت لابسة بنطلون جينز طيحني و قميص شبابي و رافعة الكول و مسوية شعرها سبايكي و لا بسة شوز رياضية ، و طبعا مو حاطة مكياج ..
و الساعة 7 إكتمل العدد في بيت شهد و كانو مقضيين الوقت سهر و رقص ووناسة
و طلبوا من مطعم دومينوز بيتزا و قعدو ياكلون و يطالعون الفيلم الرعب ..
و يسولفون ^.*
و شهد خلت السواق يروح يجيبلهم آيس كريم من كون زون ..
و قعدوا يسولفون / ..
أروى / بنات نبي السنة الجاية نكون مع بعض ، مو كل وحدة تروح مدرسة
شوق / احنا يمكن نروح الدمام
اروى / جد ؟!
شوق / مادري يمكن مو اكيد
أروى / و انتي شهد ؟
شهد / عادي انتو بس سجلو و انا معاكم
ريما / احنا تونا مخلصين ليش مستعجلة
اروى / لا بس قاعدين نتفق ، و ان شاء الله كلنا بنفس المدرسة
بعد 4 ساعات من " السوالف " و " الوناسه "
ريما / بنات يلا انا بمشي
شهد / وين رايحة تو الناس ، الساعة 11
ريما / معليش شهود بس ابي انام مو قادرة اجلس
رن جوالها .. يلا بنات السواق برا .. و سلمت عليهم و مشت
شوق / بنات وين راح تسافرون ؟
اروى / احنا بنروح لبنان نقعد فيها اسبوعين
شوق / والله ؟! ، عاد لبنان تجنن
اروى / اي حلوة رحتها مرتين و انا صغيرة
اماني / احنا بنسافر الامارات ، اهل ابوي قاعدين هناك
شهد / والله ودي اروح الامارات
شوق / وين بتروحين ؟
شهد / مادري يمكن البحرين عشان امي تحب تروحها
شوق / امك على طول من بلد لبلد ، شتسوي ؟
شهد / شدراني !! ، لا وترجع بفساتين و مدري شنو ههههه مسكينة امي
شوق / شتسوين فيهم ، اكيد ماراح تلبسينهم ؟!
شهد / لا وين البسهم .. موجودين بالدولاب
اروى / شهد ممكن اسالك سؤال ؟
شهد / شنو ؟!
اروى / انتي ليش صرتي بوية ؟
شهد ما توقعت هالسؤال / ممم مادري بس احس ان كذا احسن
اروى و هي مو مقتنعة / اهااااا
شوق / اقول شهود وين الـ onu ؟
شهد / فوق بغرفتي
شوق / طيب انا طالعة اجيبها .. و طالعة بسرعة عالدرج وصدمت في شخص ؟!!!
شوق وجهها صار الوان !!
شوق / ا ا ا انا آسفة .. و ركضت لغرفة شهد و جابت الأونو و ظلت بالغرفة شوي و بعدين طلعت ..
و لما خلصت و نزلت //
شهد / شفيك طولتي ؟
شوق / هااا ؟! لا بس رحت اشرب مويه و رجعت
شهد / طيب يلا وزعي الورق خلينا نلعب
و لعبوا و فازت شهود ^.*
اماني رن جوالها / ..
أماني / هلا عمي
عمها / هلا اماني يلا اطلعي انا برا
اماني / طيب 5 دقايق .. و سكرت
اماني / يلا بنات انا طالعة .. و سلمت عليهم
و بعد شوي راحت شوق .. اروى
و الساعة 2 بالليل / ..
شهد كانت في غرفتها .. طق الباب
خالد / ممكن ادخل ؟
شهد / هلا خالد ادخل
خالد / للحين صاحية ؟
شهد / الحين بنام تبي شي ؟
خالد / مممم اقول شهود منو البنت الي كانت لابسة بلوزا حمرا ؟
شهد استغربت / هذي شوق ، كيف شفتها ؟
خالد / كانت طالعة عالسلم و صادفتها
شهد / ليش انت ما كنت برا ؟
خالد / لا انا كنت نازل و لقيتها بوجهي
شهد / انزين شتبي فيها ؟
خالد / احم احم .. ابيك تخطبينها لي
شهد / ههههههههههه
خالد / ليش تضحكين قلت نكتة انا ؟!
شهد / و الله مدري عنك ، انت تمزح ولا تتكلم جد ؟
خالد / لا اتكلم جد ، بتخطبينها ؟
شهد / انزين ما تشوف ان تو الناس .. يعني هيا ما دخلت الثانوية حتى
خالد / عادي انطرها بس عالاقل تصير خطيبتي
شهد بابتسامه و ترفع حواجبها تبي تقهر اخوها / خلود .. هذا الحب من اول نظرة ؟!
خالد انقهر منها / خلي عنك هالسوالف ، بتخطبينها ؟
شهد / ان شاء الله .. بشوف الوقت المناسب و اكلمها
خالد / طيب يلا تصبحين على خير
شهد / و انت من اهله
-
اما عند شوق كانت قاعدة تفكر مع نفسها و هي بالسرير / ..
هذا اكيد اخوها .. بس اي واحد فيصل و لا خالد ؟
الصراحة شكله يخقق !!
هذا الي بالجامعة و لا الي يشتغل ؟
يا ترى عجبته ولا لا ؟
و اسئلة كثييييييييير تدور فبالها ، لين ما غلبها النعاس و نامت ..
-
و عند اماني / ..
اول ما وصلت بيتها رتبت اغراضها الي بتاخذها معها المزرعة .. و نامت عشان بتصحى بدري و تروح مع اهلها المزرعة يقضون كم يوم هناك ..

-

انتهى البارت الــثاني
أتمنى إن البارت ينال إعجابكم و رضاكم
و حبيت أنزل البارت الثاني و يكون طويل حتى تتضح الرواية بشكل أكبر و أسمع ردودكم و توقعاتكم في البارتين الأول و الثاني من الرواية ..
* أنتظر ردودكم و توقعاتكم ،
و نلتقي على خير بإذن الله في البارت الثالث


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-07-2010, 06:02 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: بدي ارجع بنت صغيرة على سطح الجيران / بقلمي


,’





بسم الله



يعطيك العـــافية
عنوان الرواية مُميز :)
موفقة إن شـــاء الله


https://forums.graaam.com/238622.html




,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-07-2010, 11:13 PM
صورة غــ نويرة ــلا الرمزية
غــ نويرة ــلا غــ نويرة ــلا غير متصل
©؛°¨غرامي مجتهد¨°؛©
 
الافتراضي رد: بدي ارجع بنت صغيرة على سطح الجيران / بقلمي


نآآآآآآآيس ,
ونتريآ آلبارت 3

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-07-2010, 11:28 PM
P!nk rose P!nk rose غير متصل
©؛°¨غرامي مشارك¨°؛©
 
الافتراضي رد: بدي ارجع بنت صغيرة على سطح الجيران / بقلمي


يسلموووووو ع الراااوية ننتظر البارت الياي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-07-2010, 05:36 PM
details details غير متصل
©؛°¨غرامي جديد¨°؛©
 
الافتراضي رد: بدي ارجع بنت صغيرة على سطح الجيران / بقلمي


اقتباس:
المشاركة الأساسية كتبها الزعيـ A.8K ـمه مشاهدة المشاركة
,’





بسم الله



يعطيك العـــافية
عنوان الرواية مُميز :)
موفقة إن شـــاء الله


https://forums.graaam.com/238622.html




,’
الله يعافيك ..
نورتي الصفحة بردك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-07-2010, 05:38 PM
details details غير متصل
©؛°¨غرامي جديد¨°؛©
 
الافتراضي رد: بدي ارجع بنت صغيرة على سطح الجيران / بقلمي


اقتباس:
المشاركة الأساسية كتبها غــ نويرة ــلا مشاهدة المشاركة
نآآآآآآآيس ,
ونتريآ آلبارت 3
مرورك بعد " نايس "
شاكرة انتظارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-07-2010, 05:39 PM
details details غير متصل
©؛°¨غرامي جديد¨°؛©
 
الافتراضي رد: بدي ارجع بنت صغيرة على سطح الجيران / بقلمي


اقتباس:
المشاركة الأساسية كتبها P!nk rose مشاهدة المشاركة
يسلموووووو ع الراااوية ننتظر البارت الياي
الله يسلمك ،، نورتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-07-2010, 06:00 PM
details details غير متصل
©؛°¨غرامي جديد¨°؛©
 
البارت الــ 3 //


البارت الــ 3 //
~
يوم جديد و صباح جديد ^.*
صحيت شهد على صوت امها و هي مستغربة ..
امها / يلا شهود قومي
شهد قامت بسرعة مو مستوعبة / صاير شي ؟!
امها / لا حبيبتي انا توني راجعة من السفر و بنطلع نتغدا مع بعض
شهد و للحين مو مستوعبة / اي ان شاء الله !!
امها و هي نازلة تحت / يلا لا تتاخرين
شهد قامت و اخذت شور سريع .. و قاعدة تكلم حالها و تفكر مع نفسها !!
غريبة امي تصحيني ؟
اذكر كانت تصحيني زمان من 7 سنين .. لا و بعد بنطلع نتغدا برا ؟!
لالا في شي صاير اليوم .. و لبست و خلصت ..
طبعا ستايلها بوي .. كانت لابسة طيحني و تيشرت اسود عليه كلام بالانجليزي و فاتحة العباية و مو متحجبه .. و طبعاً اكسسواراتها الرجولية ..
و نزلت تحت / ..
فيصل عقد حواجبه / شهد شهاللبس كانك ولد
شهد / هذا ستايلي و عاجبني و لو سمحت لا تتدخل مرة ثانية
فيصل / شهد انا اخوك الكبير ، شلون اشوف اختي لابسة كذا و اسكت ؟!
شهد / ليش و ش لابسة يعني ؟
فيصل بعصبيه / شهد لا تستهبلين ، طالعي نفسك لابسة طيحني و بلوزة ما فيها اي انوثة
شهد / يوووه عاد فيصل انا حرة ، هذا ستايلي و الي مو عاجبه كيفه
فيصل يصارخ عليها / لا مو حرة و ...
ام فيصل قاطعته / خلاص عاد و بعدين معاكم احترموا وجودي عالاقل و بعدين شفيك فيصل على اختك ؟!
فيصل عصب / يمه شوفي شنو لابسة
امها / هذا ستايل و بيتغير مع الايام .. صح شهد ؟
شهد تسكت امها / ان شاء الله
ام فيصل / طيب يلا نطلع .. بس وين خالد ؟
فيصل / طالع
ام فيصل / ياربي هالولد بيجنني .. قلتله لا تطلع بنطلع مع بعض
خالد وصل البيت ،،
شهد / وصل خالد
ام فيصل / انزين يلا خلينا نطلع نتغدا .. و اتغدو و استانسوا برة و رجعو البيت
ام فيصل / خالد – فيصل – شهد ابيكم شوي
شهد / انا بغير ملابسي و نازلة
خالد / و انا بعد
فيصل راح جلس مع امه و قعد ينطرهم
ام فيصل / فيصل ليش ما غيرت ملابسك ؟
فيصل / طالع
ام فيصل / وين بتروح ؟
فيصل / بروح اقعد مع خوياي فـ كافيه
و نزلوا شهد و خالد ..
و شهد عندها فضووول تعرف السالفة ، لانها من اول اليوم مستغربة حال امها ..
خالد / ها يمه شعندك ؟!
ام فيصل / انا جيت اليوم عشان اخبركم اني بتزوج
شهد / شنو ؟ و ابوي ؟!
ام فيصل / ابوكم طلقني من اسبوعين و انا قررت اتزوج
شهد عصبت / طبعا انتي ما صدقتي اصلا تطلقين من ابوي عشان تسوين الي تبين و تروحين و تجين على كيفك لا و بتتزوجين بعد وو ..
قاطعتها ام فيصل بعصبية / شهد انا امك ولا نسيتي ؟
شهد بصراخ / توك تتذكرين انك ام ؟ كيف ام و احنا ما نشوفك الا مرة و لا مرتين بالشهر؟
و ابوي الي تركنا و عادي عنده ابي اعرف انتوا ليش قلبكم هالكثر قاسي ؟ لييييش ؟
و طلعت فوق غرفتها قبل ما تسمع ردها حتى ! ^.^
*
شهد – فيصل – خالد / مو مستوعبين سالفة ان ابوهم طلق امهم عشان يستوعبون الفاجعة الثانية ان امهم بتتزوج !! و خصوصاً شهد الي ما ذاقت حنان الام و لا حب الاب ،، و كانت كل يوم تحلم بــ " غد " افضل وسط جو عائلي ،، و لانها بنت و بالذات بهالسن كانت كثير تحتاج لامها و ابوها و تحتاج وجودهم معاها !! ^.^
و خالد و فيصل شباب و معتمدين على نفسهم و السالفه مو " فاجعه " عندهم مثل شهد ^.^
-
في المزرعة .. عند اماني /
نورة ( بنت عمها ) بابتسامة / امون كم نسبتك هالسنة ؟
اماني بادلتها الابتسامة / 90.90 %
نورة / ماشاء الله مبروووك السنة الجاية 100 ان شاء الله
اماني / الله يبارك فيك ، ان شاء الله .. عن اذنك .. و راحت تشوف امها كانت تناديها عشان تساعدها في المطبخ
جت اخت نورة ( نوال ) .. / يؤؤ مغروورة مدري على ايش
نورة / حرام عليك اماني مرة حبوبة
نوال / لا حبوبة ولا شي بس تتصنع
نورة / اففف مادري متى بتبطلين تحشين في الناس و تحقدين عليهم .. و مشت و خلتها و راحت المطبخ تساعدهم
نوال / مالت عليك ..
نورة سمعتها بس طنشتها ..
-
في بيت ريما / ..
كانت نايمة من التعب امس ..
امها / يلا ريما حبيبتي اصحي الغدا جاهز تحت
ريما / ماما ابي انام
امها / حبيبتي ابوك تحت يستناك
ريما / طيب خلاص بقوم ، و دخلت الحمام اخذت شور سريع و نزلت تحت ..
ابوها / هلا و الله بالحلوين
ريما راحت باست راس ابوها و سلمت عليه ^.*
طالعت فيها لينا ( اختها الصغيرة ) بزعل ،
ريما / شفيها الحلوة زعلانه ؟
لينا بزعل / عيوش مو راضية توديني السوق اشتري ملابس
ريما / خلاص حبيبتي اليوم انا وانتي نطلع كم لينا عندي ؟
لينا و ترفع اصبعها الصغير / واحدة بس
ريما بابتسامة / فديتك
و اكلت و طلعت فوق غرفتها..
بعد شوي .. جتها لينا /
لينا / ليما مو وعدتيني بتوديني السوق ؟
ريما / اي بس بعد المغرب
لينا / طيب انا بنزل اسال ماما
لينا / ماما ريما بتوديني السوق اليوم بعد المغرب
امها / طيب بس لا تتأخرون
لينا بفرحها الطفولي / هيييييييييييييييه بنلوح السوق ، و صارت تردد هالجمله و هي طالعة الدرج و ريما استانست لما شافت اختها مبسوطة ، و قعدت تلعب معاها ..
-
انتهى البارت الثالث ،، و أتمنى انه يعجبكم
توقعاتكم و ردودكم تهمني ~
و أحاول هالأيام إني أنزل أكثر من بارت عشان تصير أحداث الرواية واضحة و تتحمسوون
و البارت الرابع بنزله قريب ما راح اتأخر بإذن الله ..


بدي ارجع بنت صغيرة على سطح الجيران / بقلمي

الوسوم
بدي،ارجع،بنت،صغيرة،على،سطح،الجيران , رواية . بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جميع أنواع الكبسات الدرة المكنونه مطبخ حواء - أكلات - معجنات - حلويات 19 08-03-2010 08:08 PM
وجبات المطاعم السريعة ووصفاتها السرية ابو شروووق ارشيف غرام 1 14-08-2008 12:12 AM
ملف الطبخ المغربي أمير الأطلس ارشيف غرام 2 27-05-2008 05:16 PM
كتاب الوصفات السريه للمطاعم Medᴓ مطبخ حواء - أكلات - معجنات - حلويات 17 30-03-2007 04:35 PM
وداعا للوجبات السريعة في المطاعم نفذيها بالمنزل شمس و قمر ارشيف غرام 20 13-08-2006 05:36 PM

الساعة الآن +3: 12:27 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1