روح المملكة ©؛°¨غرامي جديد¨°؛©

الجناح رقم 9

رجعت لكم بعد غياب طويــــــــل بعد رواية بقايا رماد مع روايتي الجديدة بعنوان جناح رقم 9
الرواية خيالية اكثر من ان تكون واقعية تتكلم عن سوالف البنات داخل المدرسة وعلى الماسنجر
وتتكلم عن الظاهره ((( اعجاب البنات بالبنات ))) وتتكلم ايضا عن انواع البنات فيها تشويق وفيها حزن وفيها تعجب واستفهام كثيـر ؟
انا ارى الظاهره بمدرستي وخارج المدرسة ....... فحبيت اكتب عنها لسببين
يمكن نتوصل بالرواية عن اسباب الظاهره
والسبب الثاني يمكن نحد من هذه الظاهر ... مجرد مجموعة قصص تترجم حروفها بنفسها
واعتقد ان معظم البنات يفهمون مقصدي بالرواية بدون تعب روايتي مشوووقه لكن ان شاء الله ماتكون فقط للتسلية .........




اعرفكم على شخصيات الرواية واتمنى تحفظونها من البداية

رتال << بنوته نعومة نحيفة طولها متوسط وسمراء شوي وشعرها طويل ولونه اسود

ارام <<< بنوته نعومه حيل ونحيفة شوي طويله وبيضاء وشعرها لين كتفها ولونه اسود

عرين << بنوته نعومه وشعرها قصير وتميل للسمار شوووي ولون شعرها اسود

درر<< بنت عربجيه ,,, حركات اولاد .. حلوووه بس مسويه حالها ولد

مجدولين <<< اسمها مركب مجد ولين <<مع بعض مو مجد لحالها ولين لحالها
بنوته حلوه شعرها اسوود طويله دائما مع درر


رانسي : نتعرف عليبها مع احداث القصة

ماما ..ماما .......
الوالده : نعم خير ؟ وش فيك

رتال : مامي .. قطعتوا لي التذكرة ؟

الوالده : اييييه صح ... ملزمه تروحين ؟

رتال : ماما .. كيف مااروح مافيه القسم اللي ابي الا بالريااض

الوالده : والله خايفه انك تروحين لحالك هناك

رتال : لا قلت لك معاي صديقاتي ونسكن بالسكن مع بعض

الوالده.: ايييه ان شاء الله ..ألمهم ذكريني اقول لاخوك يقطع لك التذاكر

رتال : ان شاء الله <<<وراحت لغرفتها

رتال : الووووووو موجوده ارام ؟

الخدامه : من انت؟
رتال :: انا صديقتها
الخدامة : لحظه شويه
<<<بعد مرور دقيقه

ارام : ايووه؟

رتال : كيفك ارومتي ؟

ارام : اها هلا رتال تمام كييفك انت ؟

رتال : بخير .. اقول ارام قطعتي التذكره ؟

ارام : ايوه ..رحلتي الاربعاء ان شاء الله الاقلاع 6 الصباح من الجوف ونوصل للرياض على سبعه ونص

رتال : ومن تعرفين معانا ؟

ارام :: اعرف عرين تعرفينها ؟

رتال : اممم اللي كانت بثالث (ج)

ارام : ايووه

رتال : ايه .. والله انا خاايفه

ارام : واانا بعد .. بس ان شاء الله نقدر نتأقلم على السكن

رتال : االله يسمع منك


ام رتال : رتاااااااااااااااال

رتال : طيب ارام مع السلامة ماما تناديني

ارام : الله معاك

رتال <<قفلت السماعه :: هلا ماما

امها : اخوك الحين فاضي .. بيروح يقطع التذكره ..انت معاك رقم الحجز ؟!

رتال : ايوه معاي لحظه الحين اجيبه<< راحت وجابت رقم الحجز اعطتها اخوها


مر اليوم عاااااادي وجاء الليل

جوال رتال يتصل
تناظر الشاشه رقم ماتعرفه اعطت الجوال اخوها

اخوها : الوو

المتصل : السلام عليكم
اخوها : وعليكم السلام
المتصل : جوال رتال؟
اخوها : ايوه من معاي
المتصل : صديقتها
اعطاها اخوها الجوال

رتال : هلا ؟

المتصل : هلا رتال؟
رتال : معاك امري من معاي؟

المتصل : انا عرين اخذت رقمك من ارام

رتال :ياهلا والله

عرين : هلا فيك ..بس حبيت اسألك انا اروح بنفس رحلتكم انت وارام من يوصلكم للسكن ؟

رتال : امم تصدقين مافكرت فيها .. بس وش رايكم نجيب لنا سواق؟

عرين : كيف يعني ؟

رتال : يعني مانقدر كل مره نركب تاكسي واحنا بنات .. نجيب سواق ويوم ناخذ الماكافأه نعطيه

عرين : فكره حلوه بس ناخذ راي ارام ؟

رتال : ايوه اكيد

عرين : طيب انا بقفل واسفه على الازعاج

رتال : لاازعاج ولا غيره تشرفنا

عرين : تسلمين مع السلامة

رتال : فمان الله





ييوم الثلاثاء الساعه 9:30

ارام: ماما بكره اسافر
الام : ان شاء الله
ارام : ماابي ارووح
الام : وشووو؟
ارام : اخاااف
الام : كيفك لاتروحين وخلي خوفك يفيدك
ارام : ااااااااااااااه



عرين : ماما بكره اسافر

الام : تروحين وترجعين بالسلامة

عرين : لازم ارووح ؟
الام : الاقسام اللي تبونها انت وصديقاتك مو هنا

عرين : الله يعين





رتال : ماما بكره اسافر
الام : والله وكبرنا وعرفنا نسافر
رتال : يصير مااروح
الام : اقول وراء ماتسكتين .. خلاص خليك قويه شويه ..





مر يوم الثلاثاء ورتال وارام وعرين بحالة خووف وتردد وسهر طول الليل


يوم الاربعاء 5 فجرا


عرين تتصل على ارام :الوووو ارام بالله قومي ترى الحضور الحين

ارام : من يقول اني نمت انا صاحية وجاهزه بس انتظر السواق يجي

عرين : طيب تتصلين على رتال ولا اتصل ؟

ارام : لاانا اتصل مع السلامة



ارام <<اتصلت على رتال : رتال صاحيه ؟
رتال : ايووه صاحية انتظر اخوي الاقيك بالمطار؟

ارام : ايوه السواق جاء فمان الله





الساعه 6 الا ربع وصلوا المطار كل وحده لحالها



عرين سابقتهم وجالسه بالانتظار

رتال وارام تلاقوا عند الباب ودخلوا مع بعض

خلصوا اجراءات السفر وجلسوا بغرفة الانتظار كلهم


عرين : بنات خايفين ؟

رتال : لالالا مو خايفين

ارام : رتالوه بلا كذب

رتال : والله عاد خايفه بس نلعب على انفسنا شوي

عرين : ليش نخاف كلنا مع بعض

رتال وارام : ايوه صح

ارام : ليتنا بس نتأقلم مع السكن والبنااات


طوووووووووووووووووووط نعلن عن الرحلة رقم 316 المتجهه بأذن الله الى مطار الملك خالد الدولي في الرياض نتمنى لكم رحلة سعيدة .. طوووووووووووووووط


عرين: يالله بنات

ارام : بسم الله الرحمن الرحيم

رتال : انتبهوا ليكون نسيتوا شي


ودخلوا الطيارة

عرين ورتال مع بعض وارام مقعد لحالها


رتال : Excuse me

المظيفه: Yes

رتال : Possible to go back three seats because we needed to be together(( ممكن نقعد بثلاث مقاعد؟ لازم نكون مع بعض ؟ ))


المظيفة : Just a moment please (( لحظه من فضلك ))

بعد مرور دقيقة المظيفة : If the endurance to go seat No. 44 (( لو سمحتوا اذهبوا للمقعد رقم 44 ))


اجتمعموا كلهم عند بعضهم

عرين : اخ مانمت زين
ارام ورتال : ولا انا

وكلهم : هههههههههههههههههههههههههه

مر الوقت >>> عرين نامت

وارام ورتال يقرأون مبيعات الطيارة

وبعد مرور ساعه ونصف

((طووووووووووووووط تعلن الخطوط الجوية السعودية عن موعد هبوط الطائرة في مطار الملك خالد الدولي في الرياض

نتمنى ربط الاحزمه ))


ارام : نصحي عرين ؟

رتال : خليها لين توقف الطيارة

ارام: طيب اربطي حزامك
رتال : طيب

وتهبط الطيارة بسرعه وتطيح عرين من الكرسي على ارضية الطيارة وبقوووووووووة <<لانها مو رابطه الحزام ورتال وارام ماانتبهوا

وتبكي عرين ويقمونها ومايدرون هم يضحكون ولا يسكتونها وقوموها بسرعه
ونزلوا من الطيارة بعد ماوقفت تماما

وعلى طول توجهوا لدورات المياه عشان يشوفون عرين وش صار عليها
ووفتحت غطوتها الا راسها مفتوح شووووووي ويركضون لقسم الاسعاف بالمطار بعد ماسألوا مليون هندي وبالموت يفهمون عليهم

وربطوا راسها وتوجهوا للدور التحتي وقفوا تاكسي

رتال : جامعة نورة بنت عبدالرحمن لو سمحت

صاحب التاكسي : طيب 50 ريال

رتال : مافيه مشكله يالله بنات اركبوا

وركبوا السيارة وعلى اعصابهم وخايفين

وصلوا الجامعه

.................................. انتظر الردود حتى انزل الجزء الثاني ...................................

 جـہـروح نـہـديہ ©؛°¨غرامي فعال ¨°؛©

شكلهآ حلوة

كمليهآ بسرررعه حمآآآآآس

^,^

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله



يعطيك العــافية
موفقة إن شـــاء الله


http://forums.graaam.com/238622.html


,’

روح المملكة ©؛°¨غرامي جديد¨°؛©

بكملها ان شاء الله خيتو بس لين اشوف حماس يعجبني
ومروركم اسعدنــــي

arrogance • أنٓثىٰ غٌزلِتْ مِنّ خِيوُطْ الٓقَمرْ •

بدايه موفقهـــ ...
بأنتظاركّّّّ

روح المملكة ©؛°¨غرامي جديد¨°؛©

اسعدني مرورك ريماس

ضياء دنياي ©؛°¨غرامي جديد¨°؛©

شكلها حمااااس

بالتوووفيـــق ...

روح المملكة ©؛°¨غرامي جديد¨°؛©

الجـــــــــــــــــــــــــــــــــــــــــــــــ ــزء الثـــــــــــــــــــــــــاني

وصلوا الجامعه

توجهوا لأحد الغرف

تكلموا معهم

رتال : كلمناك قبل كذا وجاكم د \ فلان بن فلان

ردت عليهم وحده : ايوه عرفناكم ملفاتكم وصلت قبل اسبوع حياكم الله

غرفتكم جاهزه وهذا المفتاح لكن بكره يوصولن ثلاث بنات لكم ان شاء الله تتأقلمون

رتال : يعني فيه معنا بنات غيرنا ؟

<<ردت عليها : طبعا

رتال : طيب شكرا

وصعدوا لجناحهم

دخلوا الجناح فيه غرفتين كل غرفه فيها ثلاث اسره وصاله وتلفزيون <<يعني حلوو


عرين : ابي اناااااااااااااااام

رتال وارام : بخخخخخخخخخخخخخخخخخخخخخخخخخخخ

عرين : وش اللي يضحك

رتال : ولا شي يالله ننام تعبااااااااااااانه

ارام : انا ابي السرير اللي اخر واحد هناااااااااااااااك

رتال : اجل انا بالوسط

عرين : سكووووووووووووت

رتال تصد: وانت عرين ؟



الا عرين بتاسع حلم على الكرسي

رتال : ياروحي هي تعبانه تعالي نشيلها ارام

ارام : سكوووووووووووت

الا هي بعد نايمه على سريرها

رتال :: يمماااااااااااه لحالي قوموااا

راحت رتال تسحب بعرين لين وصلتها لسريرها وراحت هي بعد تنام




خمسة العصر

عرين : بنااااااااااااااااااات يالله قوموا ماتنامووون بعدين بالليل

رتال : اممم شووووي

ارام : جوعاااااااااااااااااااااانه

رتال وهي تقوم : واانا بعد

عرين : طيب قوموا ندبر لنا اكل

رتال : وش نعمل ؟

ارام لحظه

وتمسك تليفون الجناح وتضغط صفر

الوووو

ارام : السلام عليكم موجود مطعم قريب؟

اختي انزلي تحت موجود مطعم قريب من المبنى رقم 3

ارام : شكرا

قفلت السماعه
بنات يالله اخلصوا شغلكم عرفت مكان المطعم

ولبسوا وتكشخوا ويالله ارام وصلينا



ويمشووون هم البمنى رقم اثنين ويدورن على ثلاثه

ويمشون ويدورون ويرجعون لنفس مكانهم مو عارفين الطريق

رتال : ارام قولي امين

ارام : لا تدعين علي

رتال : وين اللي تعرف

عرين : طيب نسأل ؟

رتال :: طيب

رتال : لو سمحتي

البنت : خيررررر

رتال : الخير بوجهك المطعم وينه ؟

البنت : هههههههههههههههههههههههههه روحي اسأليه

رتال : هاهاها ماتضحك

ارام : رتال امشي

البنت : لحظه رحمتكم امشوا وراي

ويمشون وراها ووصلتهم

وقعدوا وطلبوا اكل وقعدت معهم وقالت اطلبوا لي برجر

ويناظرون بعض البنات وهم خافين وقالوا لها طيب

وطلبوا لها وياكلون وهدوء يناظرون بالبنت اللي ماتستحي


وفكت لثامها وقامت تاكل وهم فكوا لثامهم وياكلووون

وبعد ماخلصت اكل طلعت من جيبتها علبة دخان

عرين : هيييييييييييييي

البنت: وش اسمائكم ؟

عرين : دخان .. اااء قصدي عرين وانت ؟

البنت : اسمي نوره

عرين : ايه نووره احسب اسمك انور

نوره وترفع حاجبها : تعرفين تنكتين هاه ؟

عرين : لا بس امزح <<خافت

اما رتال وارام << بحاله يرثى لها من الخوف والضحك


نوره : انتم أي مبنى

رتال : ماادري

نورة : اقول اسكتي مااحد وجه لك كلام

انت ياعرين ؟
عرين : مبنى رقم << وغمزت لها رتال يعني لاتقولين
عرين : رقم ماادري

نوره : رقم جديد هذا

وقاموا البنات وخلوها

نوره لحظه بنات

ووقفوا نورة: اليوم صديقاتي مجتمعين عندي بنحضر مباراة الهلال والنصر تجون ؟

عرين : ايه انت أي غرفة ؟ واي مبنى ؟

نوره : جناح 8 مبنى 2

عرين : بنفس مبنانا

نوره : انتم مو مبناكم رقم ماادري
عرين تفشلت ووججها كل الالوان

ومسكوها رتال وارام وراحوا يمشون

وصلوا جناحهم

رتال: عرين وش فييييك
عرين : مافيني شي

رتال: وش تبين بنوره هذه

عرين : تضحك طلبتكم نروح نحضر عندها المباراة

ارام : لالالالالالالالالالا

رتال: من جدك انت ؟

عرين : اماااااااااانه

رتال : مسـتحيل

عرين : كيفكم انا ارووح

رتال وارام : ياويلك

عرين : تروحون معاي ولا كيفكم

رتال : ارام شوفي هذه وش نعمل فيها

ارام : مانقدر نخليها لحالها نروح معها وعلى الله

رتال : امممم يصير خير


جاء الليل وعرين تكشخت وكلهم لبسوا وطلعوا يطقون باب رقم 8


انتظروا الجزء الثالث ان شاء الله اختكم : روح المملكة

 جـہـروح نـہـديہ ©؛°¨غرامي فعال ¨°؛©

هههههههههههههههههههههههههههههههــ

عجبتني نورة معلمتهم آلآدب هع

يسلم يآ قمرآيه ~

● BήoǾotą ● ©؛°¨غرامي مشارك¨°؛©

هههههههههههههههههههـ ..

آلـروـوآأإإأآيـه روـوعـه ..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1