غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-07-2010, 05:52 AM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي هذا الغرام يا صاحبي اللي يقولون ؟ و إلا هذي لعبته ؟ / بقلمي


السلآم عليكـم أيها المنتدى الراقي العزيز
هذي أول روآية لي أتمنى اشوف رآيكم لي مدح او نقد
لان مدحكم يشجعني ونقدكم ينبهني ويعلمني ويساعدني لاتحرموني:)
روايتي تتكلم عن اشياء كثيرة:الحب..الخيانة..الجرح..الرجة..الموت..ألخ...
أن شاءالله تعجبكم
بنزل بارت واذا عجبتكم راح أكمل ان شاءالله
))


*تنبيه :
مااسامح ولـآأحلل ولـآأبيح..من نقل او بينقل روـآيتي بدون ذكر اسمي والمصدر
اسمي\نورا بنت فهد..المصدر\منتدى غرام


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-07-2010, 06:13 AM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام ياصاحبي اللي يقولون؟ولا هذي لعبته؟/بقلمي


البارت ""1""

دخلت البيت تمشي بشموخ بهيبه وبنظره قويه رافعه راسها كأنها تقول انتوا ولا شي:للحين صاحين؟
ام متعب وقفت بعصبيه:وتوك ترجعين؟
أميرة بتطنيش وتصعد الدرج:لاتوي اجي
ام متعب تمشي صوبها:تعالي تعالي ياقليلة الخاتمه (وتمسك اذنها) انا لما اكلمك ماتعطين قفاااك
اميرة تضحك:امزح والله اني امزح لاتنقطع اذني والحلق يمه يمه تكفين
(اميرةبالجامعة هذي عـآآدد مززلبه بالكل رايقة دايم تحب تنكت وتضحك
شعرها طوييل وأسوود موبيضا مره"قمحيه"نحيفه بس مو مره ملامحها كيوت .. حساسه)
نورا:هههههههههههه احسن مسويه داخلتن نافشتن ريشك ههههههههههه
آخر العنقود بهالعايله نورا:عمرها 18 فيها ملح وجماال مو طبيعي جسمها يشبه لعارضات الازياء بس هي احسن مو نحيفة مره مثلهم ملامحها قوية ومهتمه كثير بنفسها تحب تسسسرح وحتى لو مخها فاضي سرحآنه..!
ساارا قامت بشويش صوب اميرة تطالع اذنها بتركيز:موكأنه حلقي ولا مشبهه
سارا:عمرها 25متخرجة من الجامعه طيوووووبه مره مملوووحه حدهـآآ شعرهاا أسود بس تحب تصبغه تهتم بأمور الموضه اهتماماتها كثيرررهـ ..مدمنه نت..
أسلوبها يجذبك غير أنها هي اصلا جذابة
اميرة تنحت:هـآه
سارا تعلي صوتها:اقووول مو كأن هذا حلقي
اميرة بتصريف:هو بتسريحتك بس مدري حقك ولالا
سارا تخبط راسها:انا والله اللي بقطع اذنك مو امي
اميرة :اااي راسي
سارا:ياجعله الكسر
اميرة:وش فيكم علي والله اني مسكينه
نورا:ياجعلك السكيكينه توك تجين وحنا نحاتيك
اميرة تطالع متعب بعيون كلها براءه:وانت بعد معهم؟
متعب منسدح ع الكنب: تستشورين شعري اصير معك؟
اميرة تأِشر على عيونها:من عيوني واحط لك شباصه بعد
متعب قام... واميرة ماعاد تشوف الا غبرتها
نورا:يالله اجل انا بروح اوف وراي بكره مدرسة
متعب واقف:يالله طسي انتي بعد
نورا:خخخخخ تصبحون ع خير
الكل:وانتي من اهله

في صباح يوم السبت الساعه 5ونص والنـآآآس اللي نايمه واللي مررررررره محتآآآسه ببيوتها
في بيت أبوعبدالعزيز الكل ناااااااايم والجو ظلام وبرد ع الفجر ...!
صوت منبه الجوال بغرفة من الغرف ..يرن ويرن.. تنمد ايد ناعمه وتضغط ع غفوة ..تمر خمس دقايق..ويرجع يرن الجوال .وترجع اليد تبي تاخذ الجوال
بس يطيح الجوال..!
ويرن ويرن ويرن..
ريم:مشاااااااااااااااااعل يالتبنــــه خلاص وجع قوومي وش ذنبي أنا طيب؟
هذي ريم اكبر البنـات بعايلة ابو عبدالعزيز:عمرهـآ 20 حسسسآسه بقوة وعلى اي شي دمعتها طايحة بالجامعه.شعرها طويل واسود مفحم وكثير ..!
مشاعل وكشتها طايرة ومخرعه:بسم الله علي وش صاير ..!
أختـهـآ الوحيدهـ مشـآعل:عمرها 18تدرس ثانوي اخر سنة قسم علمي مغرورة وفيها رزةومـآخذهـ هالغرور والرزة من أخوها عبد العزيزوهي شعرها كثير وأسود وحواجبها صوااريخ طبيعيه بدون تعديلات ونمص والجمال والغنج مقطعها لهاغمازات تهبل بالواحد ..
ريم:قومي طفي ذا الغثى
مشاعل نايمه وماتدري اصلاوش تقول :وينه؟
ريم تنافخ:شوفيه طاااااح جعله الكسر
مشاعل وترجع تتقلب:اوه خلاص
ريم:طيب خلاص قومي صلي وبعدين يالله العالم مدارس ودوامات
مشاعل توخر البطانيه بشوووويش:وجع وش تقولين انتي؟
ريم:الحمدالله والشكر قومي بس ..اليوم اول يوم مدرسة لك
مشاعل تقوم بكسل:يوووه تصدقين نسيت..!
ريم:يالله قومي يالله يمديك تصلين وتجهزين عمرك
مشاعل قامت تخش التواليت:ياربيه اوف مومصبرني عليها الا خوياتي هالبقر..
وريم ترجع تناام لانو مو وقت جامعتها ..
دخلت أم عبدالعزيز وعيونها ع طول ع سرير مشاعل وتشوف السرير مشاعل موعليه :ايه زين بعد احسب مابعد قامت ..وطلعت "
طلعت مشاعل تصلي ولما خلصت ..لبست مريولها وتمشط كشتها وتعدلها ضبطت شعرها بحركه هااديه لان شعرها خلقه مدرج وحطت كم كحله خفيفه وقلوس ع شفتها حركات البنات يعني!..
مشاعل وهي تلف على ريم:ريم ريم ريم شوفي شكلي حلو.؟
ريم لاحياة لمن تنادي..
مشاعل:ريم ياربيه تكفين ردي علي شوفيني يالله بنزل بسرعه
ريم وهي باقي مافتحت عيونها وحاطه ايدها عليها :هاه ياعله يامزعجه ياقلق وش تبين ؟
مشاعل:ياربيه وش اقول من اليوم شوفيني حلوه اقصد حلو شكلي .؟؟؟
ريم ترفع راسها شوي:الحمدالله والشكر ..تجننين ياربيه اقري على نفسك بس وروحي طفي النور وسكري الباب وراااك يالله..
مشاعل:هين يالنذله اوريك..
مشاعل تنزل *عبدالعزيزنازل وراها بالدرج ويسرع عشان يمديه عليها
أكبر العيال عبدالعزيز :عمره 25 جسمه يهبل عيونه دعج لون بشرته خمرية على بياض وأدعج كل البنات منهبلات عليه وهوولا ملقي لهم بـآل مغروور حده
عبدالعزيز يطل عليها بثقل :وش هالقمر اللي طالع بعز الصباح؟؟
مشاعل:ياربيه مين تكلم تكلمني ادري ادري انا ؟؟
عبدالعزيز:لااكلم القمر اللي قدامي
مشاعل تطالع بعيونها يمين ويسار بتكبٌر :والله مااشوف الا انا اكيد انا
عبدالعزيز يضربها بكتفها:يحق لك يحق لك
مشاعل تمشي تنزل :أكيد يحق لي مو أنا أخت عزووز >حطت رجلها
عبدالعزيز:اجل عزوز هاه تعالي تعالي "يركض يخوفها بس ولا لو يبي فرشها"
مشاعل تركض وتضحك وشعرها يتناثر وراها:ماقلت عزوز ماقلته
أم عبدالعزيز معصبه:وين كل هذا تأخير تأخرتي يالله يمديك تاكلين لك لقمه
مشاعل تجلس:يمه حرام عليك باقي مابعد بدا الطابور باقي عليه كثير
أم عبدالعزيز:سمي بس وكلي وانتي ساكته..
مشاعل مو عاجبها كلام امها: زين
عبدالعزيز:ميشوو انا برا انتظرك
مشاعل :اوكيه



في بيت أبو متعب
نورا تغني و تضبط نفسها بالمرايه :عشششيري كل مامريتـ...هـ آآ...
أم متعب مفتحه عيونها:نوير للحين ماخلصتي؟؟؟؟
نورا:لامامي اللحين نازله
أم متعب :يالله بسرعه ساعه تتكشخين رايحة مدرسةانتي مو زواج
نورا:اوف ياربيه اروح بخياسي لهم وكشتي
أم متعب وهي تطلع معصبه:اقول استعجلي
نورا تلف تكلم سارا :اوف امي وش تحس به صراخ على هالصباح ياربيه بس
سارا: اقول لايكثر طسي بس من جد تأخرتي
نورا:كش عليك بس يالله باي
سارا:هيه تعالي تعالي
نوراخايفه:هاه وشو
ساراوش هالخيااااس يقالك متكشخه اللحين
نوراترجع للمرايه :شنوو شنو فيني ..فيني شي غلط؟
سارا:ههههههههههههههههه
نورا:سوير قولي
سارافاطسه:مخفة انتي تصدقين امزح تطيحين الطير من السماء بس يالله ترا امي بتقوم عليك
نوراتطلع بسرعه:يالله بايو
سارا:بايووو"وترجع تتنح ع النت
نورابالدرج تغني :ياويلي ياويل حالي هذا اللي عديته غالي تركني والقلب مجروح وهوا اللي دايم في بالي
وصلت للصصاله
ومتعب وامها ع الطاوله"
الولد الوحيد مـتعب:بالجامعه شعره لحد كتفه وتحت شوي أسود ويصبغه يخليه غزالي" ودايم ع وجهه نعوووم حده طويل جسمه مو مره نحيف ولا هو سمين ولا حتى مليان>>برى..مملوووح الملح ينقط منه لون بشرته "فاتحه"حياته أغاني وروقان عيونه ناعسه ..
نورا:صباحو صباحو
متعب:صباحك ميتووو
نورا:احلى صباح
أم متعب :بلاهرج زايد وافطروا بسرعه تأخرتي
متعب:وش فيها الحلوه معصبه اليوم؟؟؟
أم متعب ترفع راسها وتبتسم : ماتجوز عن حركاتك
نورا:يازينك يمه وانتي مبتسمه وربي يرتاح قلبي
أم متعب : انتي لاتتكلمين بس يالله بسرعه خلصي
متعب يضحك ضحكته الناااعمه:ههههههههه ياعومري يالنوري فشلتك مامي
نورا ماكلت شي بس تبي تقوم: ع تبن بس ..يالله خلصت انا
متعب يبي يسوي منذله:انا باقي ماخلصت"يرفع عيونه يبي يشوف ردة فعلها"
نورا:ميتوو تكفى بسرعه من جد تأخرت
متعب:توك حسيتي ع عمرك
نورا مستعجله ومعصبه :ايه بس يالله بسرعه يالله يمديني اشوف البنات
وطلعت نورا على بااال مايطلع متعب..


في بيت ابو عزام الجو هادي على متوتر
أبو عزام وهو يعدل شماغه:جوري وين خواتك..وعزام
أبو عزآم : حيـآته دايم برى البـيت بس له هيبته ..يخاف على عياله بقوة لدرجة انو حاط حرس على البيت لآنه دايم مشغول عنهم ويخاف ويشك دايم ...
الجوري بالصاله:فوق باقي مانزلوا
أكبر البنات الجوري:بالجامعه لها هيبتها ومتمسكه شوي ماتحب حركات هيك وهيك وشعرها طويل لحد ظهرها مملوحه
وبيضا ..طويله عيونها وسـآع
أبو عزام:موكأنهم متأخرين..
الجوري تصرف: لايبه عادي باقي بدري --تقول بنفسها:(بلا باشكالكم )
أبو عزام طالع:زين بس ولو عجليهم يالله انتبهي على نفسك مع السلامه
الجوري:الله معك
رغد نازله ووراها لجين:لجين تكفين ارجعي جيبي شنطتي
رغـد :عمرها 18 ملامحها غربيه وبريئه وكأنها ططفله هوايتها الرقص الغربي لون بشرتها "برونزي" حبوبه فرفووشه وبشوشه دايم شعرها اسود حرير لفوق كتفهامرجوجه ورقيقه ونعومه وقويه وبأوقات ضعيفه قصيره مو طويله حياتها كلها ركض مشيتها كانها ترقص من زود ماهي تحب الركض والرقص ....عنيده بشكل مو طبيعي
لجين:ياربيه رغد هذا وقته
لجين:عمرها 15 تدرس بالمتوسط ..هذي عاد مثـل اختها رغد وتشبه لها كثير بملامحها بس انها افتح لون بشره واطول خشم من اختها حتى بحركاتها تشبه لها وتحب الرجه كثير والهياط مثل اختها ومرجوجه بمعنى الكلمه.
رغد:تكفين لجونه حبيبتي نسيتها
لجين :اووه ..طيب خلاص اصلا انا بعد ناسيه شي وبروح اجيبه اووف
رغد: فديتها ياناس انا اللي تسمع الكلام
لجين :اقول لايكثر لااشوتك
رغد:عيب عيب مااتفقنا ع كذا
لجين ترقى الدرج:لايكثر بالله
جوري تتريق:لالا تعبتي يوم انك نزلتي كان تأخرتي شوي باقي فيه وقت كثير
رغـد: وش اسوي ياربيه لزوم الكشخه
جوري: ماله داعي انتي رايحه تتعلمين وترجعين
رغـد: يعني هناك مافي بشر بقابلهم ..برستيجي مايسمح لي اقابلهم هيـك
جوري:لايكثر يالله تريقي بسرعه
رغـد:مابي شي مو مشتهيه
جوري:بكيفك ..!
لجين تنزل بسرعه :رغد يالله السايق برا مسوي ازعاج ماسمعتي ..ياويلنا والله يعلم ابوي
رغـد : لااااا..اقول بس يالله هاتي و خلينا نطلع
لجين تطلع:مع السلامه الجوري حبيبتي
الجوري:الله يحفظكم


في بيت ابو عبدالرحمن كان الكل رايق الا امهم
أم عبدالرحمن:يالله فطوم الله يهديك استعجلي
أم عبدالرحمن:متوترة دآيـم وتحب تروح وتجي وتسير على معارفها بأاي وقت ..
فطوم"وعبدالرحمن جاي": انا جاهزه بس انتظر دحيم
آخـر العنقود البنت التي مرجوجه فطوم : عمرها 18 مرجوجه بقوة طول الوقت منهبله وصح انها هبله يس خجولة وتخجل بسرعه شعرها بوي وغجري >>تحط حنا .. ملامحها ملفته للانتباه ..!!!
عبدالرحمن:كم مره اقول لك لاتقولين دحيم.؟!
عبد الرحمن:الولد الوحيد عمره 19 اول سنة له بالجامعه يحب يستهبل ويرفع الضغط ملامحه هاديه وخشمه طويييل يهتم بنفسه كثيـر..
فطوم:اقول لايكثر انا اذا كنت معصبه بقول دحيم وماعلي منك
عبدالرحمن يعدل بالتي شيرت:جربي بس تقولينها
فطوم بغباء:يالله دحيم انا طالعه وانتظرك
عبدالرحمن يجلس ويبتسم بأنتصار:يالله يادحيم طقيها رجليه للمدرسه
فطوم تترجاه شوي وبتصيح لانها تأخرت من جد ويالله يمديها تسلم على البنات وتسولف معاهم: تكفى عبدالرحمن توبه توبه والله تأخرت
عبدالرحمن يوقف:امشي امشي غصب عليك اصلا..
فطوم مقهوره:ايه ايه غصب بس يالله....وطلعوا
أم عبدالرحمن :الله يهديهم الناس يكبرون يعقلون وهذول يكبرون يستخفون
حنين نازله:مين يمه؟
حنين : عمرها 23 آخر سنه لها بالجامعه رايقة دآآآيم وتحب الرجة شعرهـآ بني محمر مو طويل مرهـ وفيها ملح يذووب عيونها رماديه
ام عبدالرحمن مخترعه:يالخبله خرعتيني..
حنين تبوس راس امها: بسم الله عليك يالغاليه ..
أم عبدالرحمن: ايه من بعد عبدالرحمن وفاطمه
حنين تضحك:ادعي لهم بأن الله يهديهم..
أم عبدالرحمن: الله يرضى عليك يابنيتي الا وش فيك نازله بدري باقي كثيرر
حنين : مافيني نوم قلت انزل معك
أم عبدالرحمن : اهاا الله يسهل عليك
وجلسوا يتريقووون



بالمدرسة بالدخول إإأإأإزعـــآج عند المدخل اللي هلاااااااااوالله واللي اشتتتقت لك حيل واللي ياكلبه وينك واللي تضحك واللي تضم
كانت مشاعل اول من وصل وجلست بساحة المدرسه اللي داخل لحالها.
نورا تمشي وكأنها تدور أحد ومتحمسه ...
مشاعل تررركض:نووووويرررر هلااااااا والله اشتقت لك يالدوبه "وتضمها"
نورا مخترعه:يمه بسم الله علي توك شايفتني قبل كم يوم
مشاعل ضامتها :كذا الناس يستقبلون يالدوبه
نورا:طيب طيب هلابك وانا اكثر اشتقت لك ياقلبي.. يالله بس فكيني خنقتيني..
مشاعل تبعد عنها:وجع هذا جزاي مشتاقة لك
نورا:ادري ياقلبي وانا بعد مشتاقة لك
مشاعل تحرك شعر نورا:الله وش هالزين وانتي ماتملين كل شوي قصه.؟طبعا نورا قاصه شعرها طبقات كثيره حبت تغير وتستهبل
نورا وموعاجبها اصلا شعرها :لا ماامل ..المهم بس وش رايك مو حلو صح؟
مشاعل :لاحلوو
نورا بغرووور:اصلا انا الحلوه ...الا وين باقي البنات وينهم مااشوف احد
مشاعل تتفرج ع المدرسة بتملل:باقي ماجو السخيفات.
الا وفطوم مقبله عليهم وكأنها تبي تكفخ احد
نوراتصارخ : هلا بـ (أم الشبااااب)ياهلا(نك نيم لها لانها عربجيه بقووووة بس مو بويه)
فطوم تعدل لياقتها:هلا هلابك
مشاعل تضمها بقوه
فطوم تقول الرحمه:وخري بموت
مشاعل تبعد:كش عليك يالشينه
فطوم مسويه زعلانه: مالت بعد مالت كل هالزين وتقولين شينه
نورا تتحمد عليهم:اقول مافي الا انا شيخة الزين ويالله خلونا نروح عند الباب نستقبل الباقي
فطوم:حسيت اننا بمطار مو بمدرسة
مشاعل+نورا :ههههههههههه اقول أمشي
وراحـوا عند الباب وهم ماشين
وحده خاشه ومابعد شالت طرحتها وكلهم يطالعونها شوي وبياكلونها
فطوم:رغــــــــــــــــــــــــد
نورا+مشاعل بفهاوه:ايه والله
رغـدبأبتسامه وعاضه ع اسنانها:اهليييييييييين بنات
نورا تروح بتسلم عليها:هلا حبيبتي
رغد:هلا بك ياقلبي
مشاعل+فطوم يدفون نورا:وخري وخري دورنا>>اصلا ماسلمت عشان يجي دوركم
رغد:بشويش ماني طايره انا وبعدين ترا طفشت من خششكم
نورا:اصلا طيري مانبيك
رغد:وجع يانوير
نورابجديه وهي تسلم :يوجع عدوووي
فطوم:آآمين وعدوي
شوي وبنت جايه من بعيد وتنط عليهم:بـــــــــخ
نورا تلف:عماااااااااااااا يعمـيك
عيوش تضحك
نورا:هلايالشينه الشقراء الصفراء(الشقرا الصفرا-نك نيم لعيوش لانها بيضا بس ع صفار)
عيوش:ماخليتي فيني شي
عيوش:هلابكم حبايبي والله انا الحمدالله ..!!
الكل:هههههههههههههههههههههههه
نورا : من سألك بالله؟
عيوش"هي اسمها عايشه بس محد بعمره سماها عايشه وماترد على اللي يناديها بعايشه
"عايلتها"..؟
أبو عبدالله((كان عنده ولد اسمه عبد الله لكن توفى وهو صغير وكان عنده ضيق بالشرايين )):عمره50 عنده شركة ومره مضغووط من عمله بس مهتم مره بمستقبل بنته وموفر لها كل شي
أم عبدالله:عمرها 41 طيبه مررره ومدلعه بنتها مرررره بس دلع صح لانها وحيدتها
عيوش: عمرها 18 لون بشرتها"بيضا ع صفارجسمهـآ مليانه وتحب الحرية تروح وتطلع محد يسأله وين
*المهم البنات قاموا اللي تعاتب واللي تنكت واللي سرحانه
شوي وتجي وحده وكلهم قاموا :هلاااا والله ياهلا وش فيك متأخره ؟؟
نهـى ترمي شنطتها وهي تتأفف:يعني ماتعرفونه؟؟
نـهـى:توأم لهشـآم .. بتعرفونه..عمرها18 بيضاءعيونها نعسانه ولونها غريب ومميز وفيها لمعه خشمها طووويل سلة سيف
. ..نسخه من عيون أخوها(هشام)شعرها بني "بندقي"مو طويل مره ومدرج وتحب تكدشه والكدش لااايق عليهاا
مشاعل :مين؟
نهـى:في غيرَه؟
نورا :هشام؟
نهـى :ايه التبن..
فطوم:غريبة انتوا توأم وكذا اجل لو مو توأم قد تذابحتو
عيوش :مـــن جججد
نورا:ماعلينا منه روقي انتي بس
مشاعل:ايه والله وش اخبارك
نهـى:تمام
فطوم+عيوش+نورا+مشاعل:دوم
نهـى :لاتقولون صفرت
نورا:صفرت وبنجلس نسولف معك كذا؟
"وماامداهـم الا صفرررت"
نهـى:وجـع كنهم سمعوني
والبنات وهم يمشون:ليتك ماقلتيه يالسامجه..



في بيت أبو متعب
سارا:أميرة
أميرة:......
سارا:أميرووهـ
أميرة :نعم نعم ياربييييه
سارا :قومي جامعتك ولامنتي رايحه بعد؟
أميرة :لاماني رايحه
سارا:لا مافيه بتروحين..!
أميرة:وانتي وش عليك؟
سارا:ياغبيه روحي شوفي جدولك..!
أميرة تقوم:اوف ياربيه
سارا بإزعاج ولعانه:قومي يالله
أميرة:اللحين انتي وش تبين ماتشوفيني اقوم؟؟
سارا بحماس :يالله يالله قومي
أميرة تقوم تمشي :سويره مالي خلقك ترا والله
سارا تضحك:طيب خلاص اسفين (وترجع تصارخ )بس قومي قووومي يالللللله
أميرة تلتفت:كللللللللي تبن
سارا :هيه ياهوه تراني اختك الكبيره
أميرة:طيب كبيره خلاص كبري عقلك مثلك ياكبيره
سارا:كبير لاتخافين بس هو يصغر لاشاف احد قدامه صغير ولاعقله صغير امممم ..مثلك يعني ..!
أميرة:تراك ترفعين الضغط ماتلاحظين؟
سارا :لاماالاحظ
أميرة تدخل التواليت تغسل وجها:اجل لاحظي
سارا ترفع صوتها:طيب طيب ماطلبتي شي
أميرة تغسل :وش عندك رايقه اليوووووم؟؟؟
سارا:مافيني شي حرام اروق
اميرة تنشف وجها وتطلع:لاموحرام بس مو كذا
سارا:طيب طيب بس يالله والله بتتأخرين مثل نورا
أميرة:ايه صح نورا راحت اليوم؟
سارا:ايه ومتحمسه
اميرة:غريييبه!(مشت اميرة تدور لها لبس)


في بيت أبو مشعل قريب من وقت الخروج
هشام:يمه يمه يمه يمه يامااامي
هشـآم:عمره 18 أبيضآني عيونه نعسانه مثل اخته نهى^ ولونها غريب ومميز وفيها لمعه خشمه طوييييل سلة سيف يحب يتهاوش مع الكل ماعنده تفاهم ابدااا ويستهبل ويلعب ع البنات ..رومانسي شويات..بس دافور بدراسته..!
أم مشعل:هلا وش تبي يالله صباح خير
أم مشعل: ربة منزل سنعه متزوجه من أبو مشعل وهي صغيره عن قصة حب ..وعشان كذا تحبه مره وصابره عليه
هشام:وين مشعل؟""مشعل يدرس بكندا بس جاي لااهله زيارهـ""
مشعل:الكبيرعمره 22 يدرس خارج المملكه..طويل وجسمه رزززهـ وخاصة بالثوب والشماغ ..! شعره بني غـآمق ...ثقيل جـآآد بحياته
أم مشعل :طلع وش تبي فيه
هشام:يوووه ياربيه ابي سيارتي ليش ياخذها
ام مشعل:لابعد ومير احسن انه طلع بها
هشام:وش على بالك بدق عليه اللحين
أم مشعل:الله يهديك بس وين بتروح له بهالصباح
هشام:اي مكان يعني اجلس بالبيت مثل البنت
ام مشعل:ووش فيها البنت ؟
هشام:مافيها شي بس مابي اجلس
أم مشعل :بروح اقوم اشوف وش غداكم احسن لي
هشام يرفع الجوال ويكلم عمره:هين يامشيعيل اوريك

عند متعب بالسياره
متعب:هلاوالله ..اركب اركب
عبدالرحمن وهو يركب:هلابك .وش فيك تأخرت
متعب:وصلت النوري للمدرسة
عبدالرحمن بخبث:اهااااااااا.. النوري..
متعب:ايه النوري وش تبي انت
عبدالرحمن:بسم الله ماقلنا شي
متعب:طيب طيب ماعلينا منها وين نروح اللحين
عبدالرحمن:الجامعه وين يعني
متعب:لادحوووم اول خلينا نروح كافي ولا نتريق
عبدالرحمن:اوك اللي تبي
متعب :اوووكيه بس بنمر هشام أول
عبدالرحمن :ليش؟
متعب منهمك بالسواقه:مشعل ماخذ سيارته ..
عبدالرحمن:اها
متعب:اقول دق عليه خليه يطلع
عبدالرحمن :وانت؟
متعب:مافي جوالي شحن
مروا هشام وتريقوا..وبعدها وصلووه للسكول وراحوا لجامعتهم..


في جامعة البنات
ريم: احم احم نحن هوناااا
أميرةتلف على مصدر الصوت:ياهلاااا والله وغلا
ريم تقرب تسلم عليها:ياهلا فيك كيفك وكيف الأهل
أميرة :كلوو تمام وانتوا كيفكم
ريم:تمام بس ناقصنا سؤالكم
أميرة:اللحين حنا اللي مانسأل ولا انتوا كلن يناظر الناس بعين طبعه
ريم:يوووه يالنصابه
أميرة:اقول اقول اصلا انتي ناسيه وش اسمي
ريم:اميروه وش هالكلام اقول عاد بس لاتخليني اقلب عليك
أميره:هههههههههههه أمزح بس مشتاقة لك يالدوبه
ريم:ادري ماجبتي شي جديد
أميره:واثقه
ريم:من حقي اوثق اصلا انتي انتي بلسانك قلتيها انك مشتاقة لي وغيرك كثير قالو لي
أميره:واللي يرحم والديك اسكتي وقسم بهالشنطه بخشتك
ريم:جربي بس انتي
أميره:وجع
ريم:ياحبي لك ههههههههه
أميره:لايكثر بس
ريم:يؤ يؤ زعلتي
أميره:لا بس استزعل
ريم:وش ذي استزعل
أميره:الحمدالله والشكر يعني اسوي نفسي زعلانه
ريم:قومي قوووممممممممي عني لايجيك شي
أميره:هههههه خلاص خلاص توبه
ريم:اقول ماتحسين
أميرة بحماس:وشو
ريم:انك صايره اسمج من اول؟
أميره:الا انا حاسه بس لاتعلمين احد
ريم:اقول امشي امشي
أميره وهي تقوم:ههه ياالله
قاموا على جية ياسمين صديقتهم ولكن اقرب لريم موووووووووووووت


بالمدرسة طبعا هالوقت كل البنات بعد الفسحه يعني بالفصول
ياحصة تطفش يااستاذه تتفلسف
فطوم:وش يحسون به هالعالم ترا اول يوم ارحمووونا
نورا تضحك:وااذااول يوم؟انتي كبرتي خلاص بثالث ثانوي وعلمي بعد تحملي ههههههههه
فطوم :ياكبيره انتي اقول والله من الدفره اللي فيك
نورا:والله مو دفره ولاشي بس عادي اصلا تعودنا من زمان
مشاعل بلقافه:ايه صادقه نورا يعني اول مره يصير كذا خلاص تعودنا
فطوم باقتناع:اممممممممم ايه صح بس مو لهدرجه
عيوش وهي مره نعساانه: اقول لايكثر انتي واياها سالفتكم حدها غبيه
فطوم:يالله سولفي علينا اطربينا
رغد:الا على طاري الطرب سمعتوا اغنية جستن
نورا وهي ترفع يدها:رغد رغد تكفين فكينااااااا
عيوش بتأييد وهي مره نعسانه:من جد فكينا
فطوم:ايه صادقين فكينااا
مشاعل:ايه والله فكينا
رغـد بتريقه:فكينا فكينا اللي يشوفني ماسكتهم بكهرب ترا بس سألت سؤال كلتوني يمه بسم الله علي
مشاعل تضحك:ههههههههه ايه احسن انتي ويا اغانيك مدري وش يقولون اصلا
نورا:يازين راشد بس
فطوم:ولا ماجد
عيوش:يالبييييه
رغد:الحمدالله والشكر من زينهم
نورا:هيه حدك لاتغلطين اصلا بالله يمديك تغنين معهم هههههه؟
رغـد: ليش وش قالولك طايحين من عينك.؟
نورا تنرفز رغـد:ايييييييه طايحين من عيني
مشاعل:لاحرام عليك امسكيهم لايتعورون
نورا:انتي امسكيهم ماني فاضية لهم
مشاعل:طاحوا طااحوووا امسكيهمممم
نورا:لاه لاه ياربيه تكفين انا مابي انتي امسكيهم
فطوم:هيه انتي واياها اللحين نضحك مثلا؟
نورا:محد قال لك اضحكي ومن قال احنا ننكت؟
مشاعل:ايه ايه من قال
رغـد:اف استغفرالله..تدرون؟؟؟عطيتكم وجه..
عيوش:تكفين ياام الوجيه عندك وجه زياده هههههه
رغـد :اوف تراني عصبت
فطوم:وش نسويلك طيب؟
رغـد تقوم :كش عليكم
البناات هههههههههههه
رغـد معصبه: خير تضحكون
نورا:اقوول اجلسي يقالك معصبه مايليق
رغـد:انت تعصبون اللي مايعصب
فطوم :طيب اسفين بس اجلسي
وجلست رغد مصيرهااصلا تجلس..وصارت باقي الحصص هيك سوالف وضحك ولَا تجيهم استاذه ترفع الضغط وتعليقات وسب فيها
"طلعوا من المدرسة كل وحدة رجعت لبيتهم الا نورا راحت لبيت خالتها مع نهـى(تتوقعون نورا ليش راجعه مع نهى)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-07-2010, 06:39 AM
"أحلى من القمر بشوي" "أحلى من القمر بشوي" غير متصل
عضو موقوف من الإداره
 
الافتراضي رد: هذا الغرام ياصاحبي اللي يقولون؟ولا هذي لعبته؟/بقلمي


قمممة الابدـــآآع

بانتظار البارت القادم


اتوقع نوورآ تحب هششآم وبينهم قصة حب حلووهـ <~ متآثرهـ الآخت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-07-2010, 03:35 AM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام ياصاحبي اللي يقولون؟ولا هذي لعبته؟/بقلمي


أفآ محد رد الا انتي فديتك وفديت طلتك مشكورهـ

بس وين الباقي ولا محد قراها ولا قروها وماعجبتهم:(
بنزل بارت ثاني اجرب(


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-07-2010, 03:45 AM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام ياصاحبي اللي يقولون؟ولا هذي لعبته؟/بقلمي


البـآرت ""2""

في بيت أبو عبدالرحمن
فطوم:يماممي ماماااا يمه يمه
حنين وهي تنط بوجها: بــخ ..
فطوم::لاهـ خفت تصدقين؟
حنين:اصلا انتي متى خفتي؟
فطوم :اللهم لاحسسسسد
حنين:لايكثر امي بالمطبخ روحي غيري وانزلي تغدي
فطوم:طيب



في بيت ابو مشعل
نهـى وهي تصارخ :السلام عليكم دار قوم مؤمنين
نورا:خير انتي وش فيك تخيلي امك نايمه
نهـى:اذا نايمه تصحى
نورا:وجعه
نهـى:امشي فوق بس
نورا:يالله
وصعدواا تروشوا ولبسوا وقامت كل وحده تعدل بنفسها نورا تتكشخ ونهـى تكدش شعرها زياده لانو مع الحر بالمدرسة رجع يطيح
نورا:يالله خلاص كافي نهى خلينا ننزل
نهـى:انزلي انتي واللحين جايه
نورا:طيب مشعل وهشام موجودين؟
نهى:مااتوقع
نورا:طيب لاتتأخرين
نهـى :طيب
نورا بنهاية الدرج يعني وصلت للصاله شافت الباب ينفتح
نورا تكلم روحها:ياربيه لايكون مشعل وش واسوي حسبي الله عليك يانهى يالنذله
وراحت تررركض للصاله وتخبت ورا كنبه من الكنبات
هشام:يمه يمه يمه
نورا قلبها بيطلع من كثر مايدق
هشام:وينكم؟؟
الا نهى حست ع عمرها ونزلت تفححححححط
نهـى:خير انت ماداومت؟
هشام:وش عليك انتي وين امي بس؟
نهـى بلقافه:ووش تبي فيها
هشام بهدوء بس معصب:وانتي وش عليك
نهـى :طيب خلاص اكلتني
هشام ويروح يجلس بالصاله ع نفس الكنبه اللي وراها نورا
نورا هنا لاتدورونها تصب عرررررررق من الخوف وكأنها هربانه
نهـى وتذكرت انو نورا جايه معاها:ايه صح وينها
هشام:منهي زوجتي؟والله اللحين هي عند اهلها تدلع شوي وشكلها تتوحم
نهـى:من كلمك انت ..بعدين تعال فضحت عمرك متزوج من وراناااا ولابعد تتوحم
هشام:الحمدالله والشكر
نهـى:لاعاد جد وينها
هشام:ياشيخة قلت لك عند اهلها
نهـى:ياابن الحلال وش تبي انت
وراحت نهـى تدورها بالمطبخ ودورتها بكل مكان ورجعت لهشام
هشام:وش فيك انتي تدورين بالبيت مجنونه ولانسيتي بيتنا؟
نهـى بفهاوه:لاادورها
هشام :والله انا اللي بنجن ..وش طيب بدورها معك
نهـى:لا وش تدورها معي عيب
هشام :وش عيب ؟ومير احسن اقعدي دوري لحالك
نورا تبي تقول لنهـى انا ورا الكنب بس خايفه هشام يلتفت قعدت تصيح وتسب بنهـى بنفسها .ٌقررت تطل براسها يمكن انها تشوف نهـى وتأشر لها
ولا شي بس بلا فايده
نهـى:انالله والله لو انها ابره
هشام:تراوالله عورتي لي راسي
نهـى:انااللي عورني راسي
هشام:قولي وش تدورين صدقيني بساعدك
نهـى متردده لانها تعرف حركات اخوها:اممممممممم نورا
هشام نطت عيونه يوم سمع اسم نورا حبه من الطفوله: نورا؟؟
نهـى خافت:ايه؟؟بنت خالتي نجلاء
هشام:امااااانه .. واللحين هي ضايعه في بيتنا هههههههه
نهـى : اوف ياربيه سامج ترا
هشام مشتاق لها من زمان عنها:لاجد عاد .؟ خلينا ندورها
نورا هنـآ ماتت مالها خلقه
نهـى:هيه انت وش تدورها اقعد بس
هشام:عادي يعني باكلها
نهـى:ايه بتاكلها
هشام خلاص بكيفك دوري لحالك اللي يشوفك اول مره اشوفها
ارتاحت نورا شوووي
نهـى بتهور:لالا دورها معي مالقيتها اخاف صاير لها شي يمكن طايحه بمكان
نورا تدعي ربها يارب لايدور معها يارب يطس يارب
هشام:يالله يالله وراي ادورها
نهـى تصارخ: نووووووورا
نورا بنفسها:انا هنا ياوجع خلي اخوك يطس
هشام يبي يضحك :من جد مسخره وين بتروح هذي
نورا طفشت وتبي تسوي شي بس ماتدري وشو
هشام: وين بتطس يعني
نهـى:يمكن بالحديقه
هشام:توني داخل مافيه احد
نهـى:بمكن خلينا نطلع نشوف
هشام:خلاص انتي اطلعي وانا بصعد فوق ادورها
نهـى:طيب
نورا حست باب الفرج انفتح لهااا
تطلع نهـى ويرقى هشام
وبسرعه طلعت وتوجهت صوب الباب لااجل تروح لعند نهـى بالحديقة
وتوها بتمسك عروة البابــ
هشام مو مركزعلى اللي قدامه : نهى لقيتيها؟"كانت نهـى ونورا مطقمين باللبس يستهبلون بس ماكانت نورا مكدشة؟؟..."
نورا انشلت ماتعرف وش تسوي وتقول بنفسها ليتني جلست احسن بس انها صارت ذكيه وافتحت الباب وطلعت تررركض ..
هشام:هيه الحمدالله والشكر لو انها كنز
نورابالحديقة تركض:نهــــــى نهــى "وتنااادي"
نهـى كأنها لاقيه كنز: نورررررا لقييييييتك
نورا تعبانه من الركض:احلفي بس انتي
نهـى:وش فيك تركضين؟
نورا:هشام هشام
نهـى:طيب؟؟؟
نورا:وراي وراي
نهـى:ههههههههههه
طبعا نورا انخشت ورا نهى عشان ما يشوفها هشام
هشام:نهـى مالقيتها صدع راسي
نهى:خلاص لقيتها
هشام لمحها وسوى نفسها انه ماشافهااوهو وده يشوفها :طيب زين
نهـى تهمس لنورا:غريبة ماقام يستهبل ولا يسلم عليك؟
نورا منهبله ع شكله وهو يدورها ومتحمس :هههههههه
ومشى قدام ووراه نهـى ونورا ويدخلون البيت
هشام صعد فوق غرفته لانه كان دااايخ ويبي ينام ..
أم مشعل مخترعه :بسم الله
نورا:هلا خالتي
أم مشعل:من وين طلعتي
نورا تأشر ع الباب: من برا
ام مشعل: ادري اقصد متى جيتي
نورا:جيت مع نهـى ..خالتي وش فيك ماتبيني؟
أم مشعل :لالالا بس مخترعه طلعتي لي بوجهي الله يهديك
نورا تضحك ومنحرجه منها:معليش
نهـى:يمه وين مشعل؟
ام مشعل: طالع .ليه؟
نهـى:اها لابس أسأل فاقدته
نورا:ياحركات اللي تفقد اخوها
نهـى:اقول ع تبن انتي
نورا:افا افا انا ؟
نهـى:ايه انتي
نورا مسويه بتصيح وبريييييييييئه:خالتي شوفي بنتك تأكلني تبن
أم مشعل تضحك ع شكلها:وانتي أكلتيه طيب؟
نورا وخلاص كأنها بتصيح:بس ليش تأكلني وتقول كليه
نهـى :ياآلله ياآلله تدرين شكلك ينرحم ياعوومري بسسس
نورا:اقول لايكثر..خالتي انا قوعااانه
أم مشعل:ابشري دقايق والغدا جاهز



في بيت ابو عزآم
رغـد ولجين بغرفتهم
لجين:يااه المدرسة تعب
رغـد:من جد
لجين:انتي وينك ماشفتك اليوم
رغـد:جالسه بالكلاس مع البنات
لجين:مدري وش تحسون به
رغـد:اجل مثلكم مبزره تطلعون من تصفر كن احد خارشكم
لجين:لاياقلبي بس نطلع نشوف العالم مو متوحدين مثلك انتي وياهم تقولين نفسيات
رغـد:لايكثر بالله
لجين :المهم انا بنزل
رغـد:انزلي انا بنام
لجين:براحتك ..عوأٍفي
رغـد:الله يعافيك ..طفي النور وسكري الباب
لجين سوت اللي قالته اختها ونزلت..

عزآم بالصاله
عزآم:صباح الخير ياقلبي
عزآم:عمره 19بالجامعه وساحب عليها طووييييل مره نحيف ومكدش مزاجي مـره يحب المغازل والبنات يموت على شي اسمه بنااات "مغزلجي"
هوايته التفحيط والهجوله..
...:صباح؟اي صباح اللحين الدنيا ظهر
عزآم:مو مشكله ظهر صباح كلهم نورك ..كيفك؟
...:تمام وانت؟
عزآم: اذا انتي تمام انا تمام
...:دوم يارب
عزآم :دمتي لي.. قلبي انا توي صاحي لاصحصحت بكلمك
..:عوأٍفـي طيب انتظرك هاه
عزآم:طيييب انتبهي لروحك باي
وقفل الجوال
عزآم وعيونه طايره:بسم الله علي من متى وانتي هنا
لجين:من دمتي لي ..
عزآم:ومن سمح لك
لجين:والله انت مو جالس بغرفتك ومسكر عليك الباب
عزآم:لايكثر بس
لجين:وش فيك معصب لايكون مزعلتك هي
عزآم:هيه عيب ماتصلح لك هالسوالف
لجين:عادي ياخوي صحيح اني مابعد جربت هيك حركات وصغيره عليها بس اعرف لها
عزآم:ولااااا مفكره تجربين
لجين:وليش انت تجرب وانا لا
عزآم عصب:انا ولد انتي بنت وعيب عليك
لجين بحرقه:ووبنت الناس اللي تكلمها وتحبك؟؟
عزآم بسخريه:ماهي بنت ناس لو انها بنت ناس ماتسوي كذا وماتحبني
لجين:قاسين انتوا ليه
عزآم بتريقه مو بوقتها:حنا!!!مافي الا انا بالصاله
لجين متنرفزة:انا اقصد انتوا يالرجال ليش قاسين ؟؟
عزآم:مو قاسين بس مافي بنت متربية تهز ثقة اهلها
لجين:بس هي هزتها عشانك
عزآم:وعشان غيري
لجين:وليش عشان غيرك
عزآم:اللي تكلم واحد بتكلم عشر
لجين:وش هالتفكير
عزآم:والله هذا تفكيري"كان عزآم يكلم اخته وكأنها كبيرة مو وحده مراهقه لانو اول مره احد من اهله يتناقش معه بأهتمام "
لجين:لازم تغيره ..أنا بنت مثلها واعرف وش تفكيرها
عزآم:اصابع ايدك مو سوى يالجونه هي مو مثلك
لجين وهي تطالع اصابعها الناعمه:اممممم صحيح مو سوى بس تتشابه "وترفع لااخوها اخوها"
عزام :صحيح بس قليل الللي مثلك
لجين:البنت اذا حبت حبت واحد ومن قلبها ولو انها ماتحبك صدقني مابتكلمك وتصرفك او بتقول انا مرتبطه او بتقول خلها فريند بس
عزآم منبهر بأخته كل هذا عندها وهي صغيره:اختي ذي كبيرة وانا مدري ..
لجين:ترا انا اتكلم جد من جد تضايقت لااجلها وانت تلعب عليها بهالكلام ياقلبي ومدري ايش اذا ماتبيها اقطع علاقتك معاها ولاتعلقها بسراب
عزآم يسلك لها:خلاص طيب قفلي ع الموضوع
لجين:اسفه اني تدخلت فيك بس انت اخوي ومابيك تصير كذااا
عزآم: طيييب خلاص لجون
لجين: الحين انا اتكلم من جد وانت تسلك لي
عزام عصب:لجين انقلعي عن وجهي احسن لك ..بزر وتتفلسف
لجين :تذكر كلامي زين عشان ما تندم بعدين
عزام :ايه طيب طيب
لجين حست انه مافيه منه امل وطلعت وتركته
عزام فكر يتركها لانه بدا يمل منها كل مايطلبها يشوفها تقول لا


في بيت فيصل زوج وعد يحبها ويموت عليها ومتزوجها من اربع سنوات وماجابت اطفال وماخلى دكتور الى ووداها وفي الاخير وعدحست انه يبي اطفال هي تحبه
لكن تسوي اي شيء عشانه وقالتله يتزوج وهو رفض وعصب وقال انه مادامه معها مايبي شيء ثاني
وعد محضره الغداء وتنتظر فيصل
دخل فيصل
وعد:يعطيك العافيه حبيبي
باس جبينها
فيصل:الله يعافيك قلبي (يشم ريحه الطبخ)اممممممم الله على الريحه الحلوه
وعد:انت روح بدل ملابسك وانا احط الغداء



في بيت أبو عبدالعززيز
الكل جلس يسولف على طاوله الاكل ينتظرون ابوهم على الغداء
أم عبدالعزيز:امي عبدالعزيز ماودك افرح بعيالك؟
عبدالعزيز حس بالم بقلبه (يالييييل وش جاب الطاري الله يهديك يمه):لايمه توي صغير باقي
ريم:لا مو صغير خلاص انت كبير اللي مثلك عنده عيال
عبدالعزيز وهو يضرب ريم:لايابنت الحلال توي صغير
مشاعل متضايقة:لاعزوز لاتتزوج
عبدالعزيز يضحك يخفف على قلبه المجروح :ههههههههه كويس احد معي بس ليه مااتزوج؟
مشاعل:بعدين تاخذك مننا وماعاد نشوفك
عبدالعزيز:وليش انا بنت بروح لبيت اهلها لو اتزوج بأعيش عندكم
مشاعل: اشوا اجل تزوج هههههه
عبدالعزيز:يؤ قلبوا علي مافي احد معي
ريم بجديه :ايه اكيد محد بيجي معك
أم عبدالعزيز:صادقين خواتك عندك بنات خالاتك وش كثرهم كمل دينك ياولدي وخلني افرح قبل مااموت
عبدالعزيز :بعد عمر طويل
تركي بلقااافه:اقول يمه هو نص مسلم ونص كافر يوم انك تقولين كمل دينك؟
الكل صار يضحك ههههههههههههه
مشاعل:مايضحك هههههه
أبو عبدالعزيز دخل عليهم "حده تعبان بس يجامل :وش عندهم الحلوين مجتمعين.؟
أبو عبدالعزيز :عمرهـ 50يحب عيـآله ومدلعهم لآخر شيء بسس شديد عليهم جبل مايهزه ريح..
عبدالعزيز يبوس راس ابوه:ياهلا والله
ابو عبدالعزيز:الله يرضى عليك ياوليدي
مشاعل:هاااي بابي
أبو عبدالعزيز ومسوي انو مافي شي:وش فيك يابنيتي سلمي زي الناس واتركي عنك كلام الغرب
ريم:شوفي كذا كذا... السلام عليكم يبه
ابو عبدالعزيز:ايه كذا.. وعليكم السلام والرحمة
تركي:يبه وين كنت؟
ريم تهمس لتركي:مابتترك لقافتك؟
ابو عبدالعزيز:خليه يسأل كنت بالشركه وطلعت للمحل اشوفه واشوف وضعه
ام عبدالعزيز:الله يهديك وش له تتعب روحك عندك عبدالعزيز يفهم بهالامور خله يروح عنك
عبدالعزيز:ايه يبه انا عندك وفاضي خل المحل علي
مشاعل:حركات يمه تخافين على ابوي
ابو عبد العزيزسفهها :لا عبدالعزيز كفاية الشركة عليه ..ببدل ملابسي وانزل
صعد ومتحمل آلام اللي فيه يكابر باللي يحس به...


**تتوقعون نورا تحب هشام ولا عادي ؟؟ وهل راح يصير شيء بعدين؟؟وأبو عبدالعزيز وش فيه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-07-2010, 04:58 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: هذا الغرام يا صاحبي اللي يقولون ؟ و إلا هذي لعبته ؟ / بقلمي


,’



بسم الله
و عليكم السلام و رحمة الله



يعطيك العـــافية
موفقة إن شـــاء الله



https://forums.graaam.com/238622.html


,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-07-2010, 09:20 PM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام يا صاحبي اللي يقولون ؟ و إلا هذي لعبته ؟ / بقلمي


الزعيـ A.8K ـمه :: مشكوره ع المرور منوره الصفحة ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-07-2010, 10:34 PM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام يا صاحبي اللي يقولون ؟ و إلا هذي لعبته ؟ / بقلمي


البــــــــــــــــــارت ""3""

الساعه 2 بلليل
نورا ونهى ع السرير يدردشون
نورا:تصدقين ودي افضفض بس لشخص ضامنه انه يموت وماقال لااحد
نهى شالت مخده وبوجه نورا:وانا وين رحت
نورا:آيي ييي يادوبه انتي موجوده بس انا ابي شخص لاقلته اطيحه ببير ومستحيل يطلع
نهى:انا عندك قولي وصدقيني ماراح يطلع لأحد
نورا:يقولون السر مايكون سر اذا كان بين ثلاثه
نهى:ومن قال فيه ثالث انا وانتي بس
نورا:ووين قلبي؟ احلى شي خلي الكلام بيني وبين قلبي بكذا اضمن مايطلع لااحد
نهى :براحتك بس شوفيني اقول لك انا موجوده ويمكن اضمن من قلبك اللي بيوم يمكن يخونك (انقلبت من الجهه الثانيه)
نورا تنحت وش تقصد نهى اوف ياربيه ..

عزام جالس بغرفته طفشان ويدور بالاسماء على مين بيدق وقرر يدق على خويته
بصوت ناعم يملاااه النوم:الو
عزام راح فيها من صوتها الحلو:يالبى هالصوت يسعد لي هالصوت
:هلا حبيبي
عزام:صحيتك من النوم؟
:لا عادي حبيبي اقوم على شانك
عزام بداخله(ايه هين لا يكثر):شكلك طفشانه وتبين تنامين اخليك انا
:okحياتي
عزام (الكلبه تبيها من الله ):يالله مع السلامه
قفل منها يتافف طفشان وماجاه النوم وعلى كذا طفشته اكثر

بييوووم جديد ..بالمددرسه
مشاعل:بنات ليه نورا ونهى غايبآت؟؟!
رغد :مادري انا ماكلمتهم ولا قالو شيء
فطوم :ايه وانا نفس الشيء
عيوش : اقول بنات ماكانها صفرت
رغد:الا من زماااااان
ونفس الحاله حصه ورا حصه وطفش وقرف مع الحر
وبعدها رجعت كل وحده على بيتها

نورا صحت ونزلت ببجامتها الشورت الحمراء وبشعرها المنفوووش
تمشي وتحرك شعرها فتحت الثلاجه وعيونها تدوور وتدوور تدور شي يسليها سكرت الثلاجه ورفعت راسها طيرت عيونها رجعت تفتح الثلاجه تتخبى
والرجال متنح وماتحرررك
نورا من ورا الثلاجه:ممكن توخر اطلع؟
هشام:آ..أأ
نورا ترفع صوتها بضيق:ممكن؟
هشام:معليش (طلع)
نورا سكرت الثلاجه بقوة وبصوت مسموع :تافه هالمريض
طلعت من الباب الثاني ع الحديقه

بالشركه عبد العزيز جالس بمكتبه طفشان وقدامه الاوراق
راح لمكتب راكان ولد عمه
طق طق طق >>يطق الباب
راكان:تفضل
راكان:عمره 25 ابوه شريك بالشركة مع ابو عبدالعزيز
عزوز:سلااااامو
راكان يبتسم:هلااا
عزوز:وشرايك تقوم معي
راكان يرجع ينزل عيونه ع الاوراق الكثيره اللي قدامه:عندي شغل
عزوز:لااااااحووووول انت ماتطفش من اول يوم وانا طفشان.. احسك لزقت بالكرسي هع هع هع
راكان بطبعه ثقيل لكن وقت الاستهبال ماتعرفونه :هه بايخ وضف وجهك او اقعد وانت ساكت
عزوزجلس على الكرسي ويتأفف
طق طق طق >>
عزوز:تفضل
راكان:خير وانا مو موجود
عزوز:عادي ياman >يارجال .وكمل . كلنا واحد
مشاري اعز صديق لراكان وعزوز:سلااااااااااااااااام شباب
مشاري:خويهم بقوة (هالثلاثي مع بعض)ابوه كان صاحب ابو عبدالعزيز وابو راكان بس توفى الله يرحمه
راكان:سلاااااااام
عزوز:جيت وجابك الله
مشاري:وش صاير؟؟
عزوز:ياخي هالانسان معقد اقوله قوم نطلع نتمشى نغير جو يقول لااا
مشاري يقوم:ماعليك منه انا بخليه يقوم
عزوز:يله ورنا شطارتك
راكان منزل راسه ويوقع الاوراق
مشاري راح من وراه ويأشر ويغمز لعزوز وعزوز فهم عليه وابتسم بخبث وراح لراكان من قدامه على طول
راكان:هييييه انتوا يالمهابيل نزلوني ..
عزوز:مافيه عشان لما اقولك تطلع معنا تطلع
مشاري:هههههه تستاهل
(عزوز ومشاري شايلين راكان من ايده ورجلينه والشماغ طايح والكشخه خربت وحالتهم حاله)
وراحوا لعند الباب وراكان يدفهم لكن قدامهم ماقدر وكلهم معرقين ويضحكون عليه
راكان:شباب تكفون البرستيج لا يخرب قدام الموظفين
عزوز:اقول روقنا خلقه مخترب امش..امش
طلعوه من المكتب والموظفين اللي رايحين جايين وقفوا مصدومين راكان اللي ثقل ورزه وبرستيج ومايعطي وجه بهالشكل شايلينه عزوز ومشاري
..وراكان (نوكومنت)وجهه احمر خربوا البرررستيج وقاعد يلعنهم بداخله وهو ماشيين ومكملين قابلوا ابو راكان
ابو راكان واقف مصدوم:انتوا وش تسوون يالمهابيل هاااه رجَـَال طول بعرض وتستهبلون؟؟
طبعا مشاري وعزوز على طول رموا راكان
راكان بداخله(والله لارد الحركه)راح ورا ابوه مثل البزر اللي خايف )
ولا اهتم للموظفين ..
راكان:شفت يبه يبون يخطفوني
عزوز مفتح عيونه:شنو.. شنو نخطفك على ايش ياحظي مالت عليك
مشاري ساكت منحرج من ابو راكان
ابو راكان:صدق بزران مادري متى بتعقلون
راكان:انا مالي دخل جالس بمكتبي وقاعد اشتغل وهم جو شالوني..آآآ اقصد خطفوني
عزوز يناظر فيه بحقد:كذاب عمي هو اللي قال شيلوني>ام الكذب<.. شفت ياعمي ولدك يتبلا علينا (ويدق مشاري )صح مشاري
مشاري ساكت
ابو راكان عصب :اقول لايكثر هرجكم وكل واحد على مكتبه
راكان يضحك عليهم ويطلع لسانه
عزوز:هين والله اردها لك
ورجع على مكتبه ومشاري على مكتبه
راكان يعدل شكله ويناظر للموظفين اللي يضحك واللي مستغرب
راكان يصفق بهيبته:احم ..احم يله شباب كل واحد على شغله
الكل كملوا شغلهم وراكان راح لمكتبه يضحك
عزوز بمكتبه شاف جواله فيه 5 مكالمات من ابوه خاف عليه وتوه بيدق عليه
دق جواله
ابو عبد العزيزتعبان ومعصب:.الو
عزوز :هلا بيه
ابو عبدالعزيز: وينك ادق عليك ماترد ؟؟
عزوز:ماعليش يبه بس ماكنت موجود امر
ابو عزوز:مايامر عليك عدو .. اسمعني انا الحين رايح البيت برتاح شوي ...
عزوز قاطعه بخوف:ليه يبه سلامات فيك شيء؟؟
ابو عبد العزيز: لا بس شويه تعب يله اخليك وانتبه على الشغل
عزوز:انشاء الله
وقفل من ابوه وهو خايف عليه صار له كم يوم مو على بعضه


مر كم أسبووع
((***البنات بالمدرسه دراسه واستهبال مو صاحي وبدور انقلت عندهم مع بنت عمها مرام وكلهم تعرفوا عليها انصدموا من شكلها بس بعدين تعودوا وصارت مره قريبه من رغد وصاروا مع بعض دايما ****
*** ابوعبد العزيز يوم عن يوم يزيد تعبه والكل ملاحظ وقالوله يروح المستشفى لكن هو رفض بحجة انه شويه تعب ****
***هشام وحبه لنورا ونورا اللي ماتدري عنه وعن هوا دارهـ***
***فيصل ووعد حب لاينتهي وكل يوم احلى من الثاني ****
***عزام والبنت اللي يكلمها قرر يتركها لانه طفش منها وهي تحبه وتموت عليه***))

يوم الاربعاء كل الشله مستانسين على اخر يوم ...
مشاعل :بنات اليوم الاربعاء
بدور باسلوب ولد: وش نسوي لك؟
مشاعل:صفقوا
نورا:ايه صح اليوم عندنا السهره يابناات
مشاعل:اوكيشن بنات وبسس!!
فطوم:لايكثر مصدقه اذا فيه جمعه فيها حريم ورجال وشباب
نورا:بجد قرف
رغد:يعني مابناخذ راحتنابيوم الاربعاء اوف استغفرالله
مشاعل:من زمان هالنظام تعودنا..اقول نورا مالي شغل ابي دوره بفرستك
نهى:يوووه الله لايوريك صايرة فرستها كلبه ركبها مره هشام وطيرته وقسم تكسر
نورا تذكرت هشام:احسن راكب ولا بعد يطق فيها ويلعن ويسب انا وهي تعرفني لازم ادلعها واطبطب عليها
نهى:لو تشوفونه يابنات متحمس وبالاخير طار بس والله ياما حلمت اني اطير بدون طياره
وهو تحقق حلمه بسهوله
البنات ههههههههههههههههههههه
عيوش: بنات انا يمكن مااجي اليوم لاتقولون ليه عندي اشغال
نورا:ايه صح شركتك من زمان عنها
عيوش:تتطنزين؟
نورا:لاابدا ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-07-2010, 11:23 PM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام يا صاحبي اللي يقولون ؟ و إلا هذي لعبته ؟ / بقلمي


بـآك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-07-2010, 11:26 PM
صورة ●• نورا بنت فهد •● الرمزية
●• نورا بنت فهد •● ●• نورا بنت فهد •● غير متصل
©؛°¨غرامي فعال ¨°؛©
 
الافتراضي رد: هذا الغرام يا صاحبي اللي يقولون ؟ و إلا هذي لعبته ؟ / بقلمي


بالمغرب
فيصل جالس مع وعد يتفرجون
أكبر البنات بعايلة ابو متعب وعـد:عمرها 27شعرها نص ظهرها كثيف ولونه اسود على لمعة بني
مدرسة رياضيات (ثانوي)على انها متزوجه بس تحب تجلس كثير بجلسات البنات واستهبالاتهم
فيصل :اقول حبي
فيصل:زوج وعد يحبها موت .مااقدر اوصفه لانه حلووو وسيم ماعليه كلام...
وعد:لبيه
فيصل:مااشوفك تكشختي عشان نروح
وعد:اللحين بس بتأكد هي ببيتنا ولالا
فيصل :اوكي وياليت تكون بالمزرعه والله احسن
وعد:بسألها واشوف



مشاري جالس مع اخته ليلى يتقهوون(طبعا هم ايتام امه وابوه توفوا في حادث وكان عمر مشاري 20 وراحوا عاشوا ببيت عمه وزوجه عمه اللي كانت قاسيه عليهم بعد ماتوظف مشاري مع راكان شرا له بيت يسكن هو واخته لحالهم )
يسولف مع ليلى دق جواله رقم غريب مارد مشاري
رجع ودق نفس الرقم رد مشاري بنفخه:آآلوو
بصوت يملأه الحقد:انت مشاري فهد ال............
مشاري مستغرب:ايه نعم منو معي؟؟!!!
:مولازم تعرف بس اللي ابيك تعرفه اني راح اخليك تندم على اللي سواه ابوك فااااااااااااهم
مشاري:انت..........طووووط .....طووووط
نزل مشاري الجوال وهو يناظر بجواله يكلم نفسه(وش السالفه منو هذا ..شقاعد يقول ووش دخل ابوي؟؟؟!!!!!)
ليلى:وش فيه وجهك منقلب من كنت تكلم
مشاري:لا ولاشيء بس واحد داق يستهبل
ليلى:ايه حركات الاستهبال ياشينهم
كملوا سواليف ومشاري مو معها ابدا يفكر بالشخص اللي داق عليه الله يستر بس!!


نهى بكشختها:هشام وين رايح؟
هشام لف عليها وبسخريه:ليه زوجتي ولا امي تساليني؟؟
نهى :لا اختك..لا لأ جد وين رايح
هشام:بروح لخالتي نجلاء
نهى:بجي معك
هشام:لا مابيك تعالي مع امي يالله مع السلامه
نهى:اوف مع السلامه


ما يطيق الصبرا يا مل قلبٍ ما يطيق الصبرا نحت أنا له وبرا نوح الحمامه نحت أنا له وبرا
يانظير عيوني ودعتك الله يانظير عيوني عبروا مضنوني يا اهل المراكب عبروا مضنوني وان رجع مظنوني نذر عليّا وان رجع مظنوني ثم أعيد شهرا واصوم عامين
ثم أعيد شهرا للحبيب وساده حطيت زندي للحبيب وساده عن اهلي سلاّني حب الحبيّب عن اهلي سلاّني
نورا قاعده ترقص وتستهبل على اغنيه الزيلعي ولابسه فستان بنك ناعم وفاكه شعرها وشكلها مره كييييووووووووووت
قطع على وناستها صوت التليفون
راحت ترد ونفسها منقطع:الو
وعد:هلا نورا
نورا:هلا
وعد:شفيك كأنك جايه من امريكا
نورا:ههههه لا بس (وتبلل شفايفها)كنت ارقص ومتحمسه
وعد:متى بتعقلين انتي
نورا:اذا تزوجت
وعد:اجل عز الله ماعقلتي
نورا:بسم الله علي شقصدك يعني بعنس
وعد:انتي قلتيها
نورا :ايه صح لايكثر شتبين
وعد:شف قليله الادب هيه تكلمي زين (فيصل يسمعها)ودخل عرض يكلم نورا: هههيييه انتي لاتغلطين على وعودتي ما ارضى
نورا :لا ياشيخ مسوي يدافع
وعد:اقول اليوم وين الجمعه؟
نورا:ايوه ايوه غاطسين بالعسل
وعد:اوف وين
نورا :بيتنا
وعد:اوك
نورا:حياكم الله
وعد:تسلمين يله اخليك الحين
نورا:طييب ومره ثانيه ادبي زوجك وقوليله لايرفع صوته على عمته(فيصل ولد عمهم واخو نورا من الرضاعه كانت عنده اخت كبر نورا بس توفت مع امه وابوه بحادث ع الطريق)
وعد:اقول مصختيها تغلطين على حياتي
فيصل اخذ السماعه ويرفع صوته :هيه انتي وش مفكره نفسك
نورا:اولا انا مو هيه ثانيا احترم نفسك
شوي يدق جرس الباب
نورا:لحظه لحظه
فيصل يكلم وعد:شوف الخايسه تقولي لحظه
نورا :ميري ..مييييييييرييييييي تعالي افتحي الباب
وتكمل :ايوه شكنت اقول
فيصل :لا والله اقول يالبزر احترمي حالك
ويدق الجرس
اميره من فوق:وجع نورا فتحي الباب
نورا :وجع وين طست ميري...اقول فصيييييييل بروح افتح الباب يالله باي
وتسكر بوجهه
فيصل مصدوم لف على وعداللي تناظره ببرائه:الخايسه سكرت بوجهي السماعه
وعد:ههههههه هذي حركات نورا
فيصل بزعل:تضحكين علي لاتكلميني انا زعلت
وعد تقرب منه لا:حبيبي هههه لا تزعل مني تدري اني ما اتحمل
فيصل :طيب عطيني بوسه
وعد:طيب اهم شيء ماتزعل
وتعطيه بوسه ع خده
وراحت تتجهز

عند نورا
راحت تفتح الباب
افتحت الباب بدون ماتقول مين دف الباب هشام وهو داخل يفكرها ميري
:غبيه انتي وين كنتــــ..........
ساكت مصدوم الله امنيتي تحققت قاعد يطالع نورا ولاكأنها بنت خالته
نورا بعصبيه:انت وين داخل استح على وجهك
هشام حس على عمره ونزل عينه:اناآآآ.....
دخلت نورا البيت معصبه مين هوعشان ينافخ علي وقاعد يطالعني بوقاحه
دخل هشام وجالس بالصاله ويفكر بالقمر اللي شافها قطع عليه تفكيره صوت متعب يرحب فيه
متعب:هلا والله بهشووم
هشام:هلا فيك
متعب:خلنا نطلع للخيمه نشوف كل شي جاهز
هشام:يالله

نورا طالعه للغرفه تتحلطم
ساره جالسه على النت شافت نورا معصبه:وش فيه الحلو زعلان
نورا:ولا شيء اقول ترا خالتي فهده بالطريق وانتي للحين ببجامتك
سارا:اوه طيب
نورا طلعت الحديقه تشم شويه هواء على مايجون وتستقبلهم..


توقعـآتكم:: وش بيصير بهالجمعة اللي الكل متحمس لها؟**ومنو هذا المزعج الفاضي اللي دق على مشاري وش يبي منه ولا فاضي؟**.)) انتظركم حبايبي

هذا الغرام يا صاحبي اللي يقولون ؟ و إلا هذي لعبته ؟ / بقلمي

الوسوم
لعبته؟/بقلمي , اللي , الغرام , ياصاحبي , يقولون؟ولا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
على اعتاب قراءاتي إيمان علي المقهى الأدبي نبض الحروف 1126 16-02-2012 05:20 PM
أسير الغرام / بقلمي ذايبه بعيون مغليها أرشيف الروايات المغلقة - لعدم إكتمالها 72 15-10-2010 05:18 PM
بحر الغرام %عيون المجد% خواطر - نثر - عذب الكلام 11 13-06-2009 03:14 AM
يقولون •• { خ ـيــِـِـِآل ~ مواضيع إسلامية - فقه - عقيدة 11 07-01-2009 11:21 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 02:53 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1