غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-07-2010, 08:02 AM
صورة قلب يآآسر الرمزية
قلب يآآسر قلب يآآسر غير متصل
©؛°¨غرامي جديد¨°؛©
 
رواية إنت لمين ؟ / بقلمي







مرحبا

كيفكم ان شاء الله بخير

انا دااايم اتاابع بصمممت بس من كثر ما اقرا روايات

كتبت روايه والى شجعني انزلها هنا

لما شفت الاقبال والتشجيع منكم

ويااارب تعجبكم

اذا شفت تفااعل راح اكمل كتاابه

يلا ما راح اطووول عليكم اتركم






رواية انت لمين

حبك وجع بعدو معي
حبك حلم هربان
من قلب قلبي انسرق وبكيت ع غيابو
مطرح ماكنا نحترق صار الجمر بردان
والعطر عندو وفى اكثر من اصحابو
وحدي بدونك ماقدرت
ما اصعب الحرمان
تركوا الندم عندي عيونك وغابو
مجروح قلبي وصرخ عم ينداهك ندمان
محروم طعم الهنا عغياب احبابو


)) أنت لمين انت الي
قلبي الك منو الي
انت ملاك قلبي هواك يالي
بحلاك عمري حلي((


أحم أحم
اول مره اكتب رواية وياليت تعجبكم
والرواية عني :$
وعن حبيبي وقلبي وروحي وعمري يسوري
أإآأإأه الله لا يحرمني منه
وه فديته بس:$

خلاص خلاص ماراح اطولها بدخل في الراوية :$


الابطال
بيت ابو فيصل
ام فيصل
عبدالعزيز : عمره 50 سنة رجل اعمال اعتمد ع نفسه من وهو صغير حنون و يحب زوجته وعياله يسافر كثير عشان شغله

جواهر : عمرها 38 سنة حبوبه بس بسرعة تعصب مثقفه كانت مدرسه بس تركت التدريس
عندها :
6 بنات
و ولدين

اسيل : اكبر وحده عمرها 23 سنة تدرس بكلية الطب اسنان
نحيفه ومره نعومه
شعرها قصير واسود
وجسمها خقه شوية عليه قولو ماشاء الله :)

أميرة : الثانية عمرها 19 سنة تدرس بالجامعه ادارة اعمال بشرتها بيضا شعرها طويل واسود ع بني شوي ماصبغته لونه الطبيعي
مو نحيفه مره زي اسيل

فيصل : عمره 17 سنة ثاني ثانوي بس الى يشوفه يقول عمره 22 سنة
احلا واحد بالعائله
يشبه ملحم زين ينادونه مخقق البنات
وه فديته اخوي

نجد : عمرها 15 سنة ثالث متوسط
نحيفه شعرها مره قصير (بوي)
مرجوجه تحب الضحك وكل وقتها استهبال ومالها في الدارسه طموحها ام وربة منزل

ابرار : عمرها 13 سنة اولى متوسط خربتها نجد ولا كانت دافوره اهم شي شكلها شعرها لحد كتوفها واسود
مره نحيفه

ذوق : عمرها 11 سنة خامس ابتدائي و فهده : عمرها 9 سنين ثالث ابتدائي

خالد : اخر العنقود عمره سنة يمشي و يطيح (يددنن) ومزعج ومتعلق با اخته أميرة


بيت ابو عبدالعزيز
اخو ابو فيصل الى اصغر منه
كمان ام عبدالعزيز اخت ام فيصل

عبدالله : 47 سنة يشتغل مثل اخوه بس مايهتم لشغله كثير
اهم شي بحياته النت والنوم

لوجين : 36 سنة حامل و تخاف كثير على عياله وكل تفكيرها عليهم وماتبي ينقص عليهم شي

عندها
3 بنات
4 اولاد

ريناد : 19 سنة صديقة أميرة الروح بروح يعني )) توام روحها (( مع بعض من كانو صغار
وتدرس بنفس قسمها بالجامعه
بيضا شعرها لحد نص ظهرها لونة غجري نحيفه وبنفس طول أميرة

رنا : 17 سنة هادية وما تحب تتكلم كثير قصيره و نحيفه بيضا شعرها زي لميس في مسلسل سنوات الضياع

رانيا : 16 سنة قوية والى براسها تسويه وما تخاف من احد
سمرا و طويله مثل عارضات الازياء اهم شي عندها جسمها ورشاقتها

عبدالعزيز : 14 سنة هادي بس اي شي يسمعه من اصحابه ع اطول يطبقه ))يحب يجرب(( مدمن نت يحب يصمم
وكمان عنده منتدى
وطموحه يكون )) هكرز ((

راكان : 10 سنين ملقوف و يحب اميرة دايم يقول بتزوجها اذا كبرت و يرسل لها رسايل حب << مايلعب

تركي : 7 سنين ملقوف وما يعجبه شي ابد
احمد : 4 سنين

ــــــــــــــــــــــــــــــــــــ

راح ابدا من هنا والباقي نتعرف عليهم بعدين

أميرة : رانيا وش هذي العبه الى مسجله فيها

رانيا تناظر الاب و منسجمه تكتب رساله

رانيا : اممم هذي ترافيان

أميرة : حلوه وكيف تلعبين فيها مافهمتها

رانيا : يب رهيبه هذي طلعين لك قرية و تطورينها عندك قمح و حديد و طين شوفي قريتي زي كذا

أميرة : اهاا تيب ابي اطلع قرية
من بدت العطله واحنا بالبيت طفش ابي شي اشغل نفسي فية

ريناد : والله فله سجلي قسم يضيع وقتك وانتي عليها

أميرة : تيب ما اعرف سجليني

رانيا : اي سيرفر تبين ؟

أميرة : ابي معك

رانيا : انا عندي في 18 و20
اي واحد تبين

أميرة : امممم خلاص 18

رانيا : يلا تعالي حطي النك نيم وايميلك

أميرة بعد ما خلصت تسجيل
طيب كيف انضم لتحالف

رانيا : انتي طوري وطلعي لك سفاره بعدها دوري لك ع تحالف وارسلي رساله للمدير عاد هو يا يوافق يا يرفض

سمعو صوت احد يصارخ تحت

اسيل : ريناد رانيا أميرة يلا جا العشا

ريناد : يلا أميرة رانيا جأ العشا

رانيا : انا ما ابي

أميرة : ليييش ؟؟

رانيا : وزني زايد نص كيلو

ضحكو عليها ريناد وأميرة و نزلو يتعشون

ـــــــــــــــــــــــــــ

ع العشا بيتزا هت

رن الجوال و نغمة اصاله توك ع بالي

أميرة : وهي اطلع جوالها من جيبها
يؤ هذا فهد وش يبي

ام فيصل : ردي ع ولد عمتس شوفي وش عنده

أميرة : لا مالي خلق اذا يبي شي ضروري يرجع يتصل او يتصل ع اسيل

ام فيصل : يؤ ردي عيب عليتس

أميرة : ما ابي احسن انقطع خلاص

ام عبدالعزيز : دور لنا طلعه بكرا يا بنات
ما طفشتو من البيت

اسيل : خلاص وش رايكم نطلع استراحه ؟

البنات بصوت واحد
اية اية تكفون نبي نطلع استراحه

ام فيصل : خلاص نشوف خالتكم اذا استراحتهم موجوده ولا استجرنا لنا استراحه
قولو لعمانكم و عماتكم اذا تبونهم

اسيل : خلاص انا بتصل عليهم

اتصلت اسيل ع بنت عمتها مي
وخبرتها وكلمت بنت عمها العنود
و كلهم عجبتهم الفكره

اليوم الثاني :

أميرة وأسيل جالسين يلبسوون

أسيل لبست بنطلوون جينز وتيشرت بيج

وكوتش اسود

وحطت كحل ومسكارا وروج بيج

وتركت شعرها ع رااحته


وأميرة نفس الشي بنطلوون جينز غامق وع الجوانب خط احمر

مع بدي احمر وجاكيت جينز بس كت

وكوتش احمر

ورفعت شعرها بشكل عشووائي لن شعرها مره طوويل ماتحب تخليه بدوون ما ترفعه

وحطت كحل خفيف ع حد الرمووش بس ومسكارا

وبلاشر وروج فوشي وقلوس شفاف

طالعت شكلها بالمرايا وكاان شكلها خقه


الساعه 5 المغرب
الكل جاهز

رن الجرس

فتحت الخدامه وكان فهد و فارس اخوه

فهد : رمله يلا نادي مدام يبي يمشي
قولي فهد عند الباب

رمله : تيب الحين يجي

بعد 5 دقايق
طلعو البنات
وركبو السيارة وكان الجمس زحمه

جت اميرة بتركب الجمس
بس سمعت صوت فارس يناديها : وين أميره نادوها تركب معنا

أميرة : هلا فارس اخبارك؟
في مكان معك ؟

فارس : تمام
وانتي ؟
يب في مكان انتي تعالي بس معنا

اسيل : اوخص حركات
طالبها بالاسم وش عندك هاه لا يكون تحب اختي بس هاه هاه جاوب ؟؟

أميرة تضحك انحرجت من كلام اختها :$ وفارس بعد يضحك

فارس : يب عندك مانع

أميرة : لا والله اقول انقلعي انتي وياه بس

الكل جلس يضحك حتى جدتها
لنه واضح انها عصبت

ركبت السيارة وسلمت ع جدتها و على مي و سناء

وطوال الطريق رقص وضحك واستهبال

قبل الاستراحه بشوي الطريق ظلام ومافي احد طلعو البنات
مع الشبابيك السيارات وكلهم صراخ وضحك وطبعآ بدون عبايات
والاغااني ع اعلى شي

فهد مشغل akon (ايكون) وفارس مشغل سلمان حميد



فجأه وقفتهم سيارة شرطه
وما كانو شايفينها لنه ظلام والسيارة مطفى نورها

دخل الشرطي بسيارة فجأه عليهم لدرجه كانو راح ينقلبون بس الله ستر

نزل فارس معصب وفهد نفس الشي

البنات كلهم دخلو وسكرو الشبابيك بخوف

الشرطي : السلام عليكم

فارس وفهد : وعليكم السلام

الشرطي : ايش المهزله هذي
انتم عارفين ان جنبكم مستشفى و كله مرضى

فارس بعصبيه : طيب ايش المطلوب بعدين احنا وين والمستشفى وين ؟

فهد ما يقل عصبيه عنه : انت عارف اننا كنا بنموت بسببك
3 عائلات كنا بنقلب

الشرطي : لو سمحت لا تنافخ لا افضي ذا الرشاش براسك

فارس : احلف بس جرب اشوف انا بس ابي اعرف من عينك هنا ؟؟
وكمل بعصبية اكبر مع سخرية
اظاهر انك ما تدري انت تتكلم مع مين ؟
بس اذا انتقلت من مكانك وانحبست يومين عرفت

الشرطي بخوف بس يحاول ما يبين له : ومن حظرتك ان شاء الله
بعدين انا بس اقوم بشغلي لا اقل ولا اكثر
وابي اعرف ليش جايين هنا ؟؟

فهد : والله مالك شغل ليش ؟

الشرطي : لا بس خفت انكم ارهابيين او مجرمين وسويت معاكم كذا خفت ع المستشفى

فارس : يلا فهد تعال بس طنشه

ركب فهد السيارة وفارس نفس الشي

البنات بعد مافهمو السالفه
فتحت سناء الشباك

سناء : يا حيوان انقلع

فارس لف عليها بعصبيه : وجع ان شاء الله من سمح لك هاه ؟

سناء بخوف : انا سمحت لنفسي قاهرني

الكل ضحك ع خوفها
حتى فارس جلس يضحك

وصلو الاستراحه وكان عيال عمهم موجودين



ــــــــــــــــــــــــــــــــــــــــ

الكل سلم ع الثاني
وضحك واستهبال

ملاحظة : )) البنات ما يتغطون((

بعد القهوة قامو البنات والعيال للجهه الثاني من الاستراحه جنب المسبح

اسيل جالسه جنب فهد : فهد اشوف جوالك عندك اغاني حلوه

فهد : يب يب الى تبين عندي
بس لا تدخلين الفديو و الصور

اسيل : ليش في مقاطع وحركات ))وتغمز له((

فهد يبي يقهرها : لا صور خويتي

أميرة تضحك ع تعاابير وجه اسيل : ههههه ابي اشووف فهوودي بليز

فهد : لا اسيل اول تشووف

اسيل : يلا اشوف اكيد انها شيفه وتخووف

فهد : هههه تيب تعالي شووفي

تجمعوو كل البناات يبون يشووفون

فهد: لالا بدوور بعدين بزارين ما ابي

يقصد أميرة وسناء وعليا ونوره

عليا : مالت عليك عاد من زينك يا المصري

أميرة : مصدق نفسك يا الكبير لصقت مع الكباار خلاص صدقت ترا بس بيني وبينك سنتين

فهد : هههههه ليش عصبووتو خويتي ولا خويتكم

أميرة : تعالو بس بناات ما نجلس مع خروووف
ضحكة وقالت امااانة فهوود كم مره شحنت لها

الكل جلس يضحك


شافت اسيل المقطع وطلعت عيووونها

اسيل : وجع يوجعك ان شاء الله جالس مع البنت كذا

فهد : ههههههه ايه خويتي عاتي

جا عبد الملك اشووف اسيل

بسرعه فهد سحب الجوال منها : لالالا انت مافيه

عبدالملك يضحك : شكله ذاك المقطع الى ركبته لك

فهد : تخسي اي مقطع بلا نصب

عبدالملك : طيب اشووف

جت عليا وسحبت الجوال بسرعه
عبدالملك خذ

خذا الجوال منها وشاف المقطع جلس يضحك ساااعه

فهد طااح وجهه

عبدالملك وهو يضحك : تعالووو اوريكم المقطع وانا معااها بعد

اسيل وهي ميته ضحك : هههههههه ومسووي خووويتي وانا اقول من الى امها دااعيه عليهاا تخااويك

فهد وهو يسحب جواله وبعصبيه : مالت عليكم بس انقلعوو

الكل ماااات ضحك ع شكله

أميرة : مي كم السااعه

مي : السااعه 11الا 5 دقايق

أميرة : يؤ يؤ الحين بيجي عبدالرحمن الزيني بروح انتظره

مي : بجي معك طفش هنا

اميرة : سناء تجين

راحت وحطت ع قناة نجوووم وجلست تنتظر ومعااها مي وسناء وعليا

في الجهه الثاانيه فهد وعبدالملك وفارس واسيل و فيصل ونجد والعنود ونوره وعبدالمجيد يلعبوون كورة طائره

الصغاار جالسين فوق السطح فجاء شاف واحد منهم سيارة توقف عند الاستراحه

ويشوف 2 شباب نزلو من السيارة وشكلهم غرب المشكله

باب الاستراحه ما كان متسكر ...............

وبـــــــــــــــــس

ــــــــــــــــــــــــــــــــــــــــــــــــــ ـــــــــــــــــــــ

بكتفي لحد هنا واذا شفت تفااعل بكمل الروايه

ياآأإأآآإرب يآأإإأآرب تعجبكم

تحياتي اختكم
قلب يسوووري :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-07-2010, 08:33 AM
صورة سسمو جنوني =) الرمزية
سسمو جنوني =) سسمو جنوني =) غير متصل
©؛°¨غرامي فعال ¨°؛©
 
الافتراضي رد: رواية انت لمين رواية الاولى قلب يآسر


بدايتها مره روعه
كمليها
بانتظارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-07-2010, 08:38 AM
صورة .رصہآصہہ آلہرحمہ. الرمزية
.رصہآصہہ آلہرحمہ. .رصہآصہہ آلہرحمہ. غير متصل
©؛°¨غرامي مشارك¨°؛©
 
الافتراضي رد: رواية انت لمين رواية الاولى قلب يآسر


بديتها مره حلوه واتمنا تكون الخاتمه حلوه وننتظر جديدك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-07-2010, 08:35 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية انت لمين رواية الاولى قلب يآسر


,’



بسم الله



يعطيك العـــافية
موفقة إن شـــاء الله



https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-07-2010, 09:17 AM
صورة قلب يآآسر الرمزية
قلب يآآسر قلب يآآسر غير متصل
©؛°¨غرامي جديد¨°؛©
 
الافتراضي رد: رواية انت لمين رواية الاولى قلب يآسر


اقتباس:
المشاركة الأساسية كتبها دموع الالماس مشاهدة المشاركة
بدايتها مره روعه
كمليها
بانتظارك

فديتك خيتوو

انتي الرووعه ياقلبك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-07-2010, 09:19 AM
صورة قلب يآآسر الرمزية
قلب يآآسر قلب يآآسر غير متصل
©؛°¨غرامي جديد¨°؛©
 
الافتراضي رد: رواية انت لمين رواية الاولى قلب يآسر


اقتباس:
المشاركة الأساسية كتبها .رصہآصہہ آلہرحمہ. مشاهدة المشاركة
بديتها مره حلوه واتمنا تكون الخاتمه حلوه وننتظر جديدك

فديتك انتي الحلووه

ان شاء الله يااارب
:$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-07-2010, 09:21 AM
صورة قلب يآآسر الرمزية
قلب يآآسر قلب يآآسر غير متصل
©؛°¨غرامي جديد¨°؛©
 
الافتراضي رد: رواية انت لمين رواية الاولى قلب يآسر


اقتباس:
المشاركة الأساسية كتبها الزعيـ A.8K ـمه مشاهدة المشاركة
,’



بسم الله



يعطيك العـــافية
موفقة إن شـــاء الله



https://forums.graaam.com/238622.html



,’

يسلمووووو

الله يعافيك

شررف كبير لي تواجدك بصفحتي :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-07-2010, 09:26 AM
صورة قلب يآآسر الرمزية
قلب يآآسر قلب يآآسر غير متصل
©؛°¨غرامي جديد¨°؛©
 
الافتراضي رد: رواية إنت لمين ؟ / بقلمي




الباارت الثااني












الصغاار جالسين فوق السطح فجاء شاف واحد منهم سيارة توقف عند الاستراحه

ويشوف 2 شباب نزلو من السيارة وشكلهم غرب المشكله

باب الاستراحه ما كان متسكر

واحد منهم يحااول يدخل يبي يشووف من الى جوا الاستراحه

الاول دخل وشااف جنب الباب غرفه دخل بسرعه وهو يطل

شاف البناات والشباب يلعبوون كوره

وهو جالس يراقب ومبسوط

جت اميرة : انا انا ابي العب معاكم

عبدالملك : تعالي في فريقي

توهم بادين لعب الا جا واحد من الصغاار يركض في شباب دخلو الاستراحه

محد عطااه وجه ولا احد سمع له

أسيل : اوووف فهد انت اطفش ما تخلينا نلعب زي النااس

فهد : هههه عشاان انا بطل واعرف العب واطول منكم انقهرتي

أميرة : انا بطلت طفففش فهد ما يعطي احد الكووورة

وكل واحد سحب نفسه وما بقى الا فهد وماسك الكورة

رما الكوورة ع الارض بناات انا بطلع اهجول بسيارة من يجي معي

الكل اناا

فهد : لالالا مافيه من شوي كارهيني والحين جيتوو تتمصلحوون

عبدالملك يبي يقهر فهد
بناات من تجي معي انا بطلع بعد وبفحط فيكم تعااالو

فارس وانا بعد يلا تعالوو

الكل طلع برا الاستراحه

العنوود واسيل ونوره ورنا مع فهد

ومي ونجد وعبدالمجيد و ريناد مع عبدالملك

أميرة وسناء وعليا وابرار ورانيا وفيصل مع فاارس

مع ان فاارس ضاابط بس جالس يفحط وابطل واحد فيهم

أميرة : فارس افتح الشبااك ابي اطلع

طلعو عليا وسناء ورانيا واميرة

وكلهم يشجعوون فاارس بطول بالعرض فاارس يهز الارض

وهو مكيف ومبسوط

وكل ما شجعو زااد تفحيط

فارس بناات ادخلو بمشي ع كفرين

سناء خاافت فاارس وقف وقف بنزل

فارس : اوك انزلي بس ادخلي بسرعه الاستراحه خطر تجلسين لوحدك

سناء نزلت وهي رايحه تدخل الاستراحه

حست بشخص يسحبها لفت شاافت واحد وجلست تصاارخ با اعلى صووتها

الحريم كلهم جو ركض

ع صرختها كان رائد تووه داخل من البوابه الثاانيه وجا يركض

الشاب اول ما سمعها تصاارخ راح يركض وطلع برا

رائد يركض وراه

فاارس شااف سيارة جت وقفت عند باب الاستراحه

وجا واحد يركض وركب بسرعه

حتى ركب والسيارة كانت تمشي ع خفيف

فارس دز وراه وعبدالملك بعد وفهد

والبناات كلهم يصاارخون وخايفين

فارس راح مع طريق ثااني

وفجاه طلع بوجه السيارة

وقفت السيارة نزل فارس معصب

وفهد وراه

الشااب الاول حرك اصدم السياارة الى قداامنا

الشااب الثاني خاايف :

لالا ما تشوف السياارة كلها بناات والله ان يموتون

فتح الباب وهو معصب انزل ياكلب انزل

نزل الشاب الاول

انا اسف والله ما كنت ادري

ما حس الا بكف ع وجهه وفارس نزل فيه ضرب

جا فهد يقول لثااني انزل

الثااني نزل مستسلم للامر

والله يا اخووي انا مالي ذنب هو الى نزل انا جالس بالاستراحه الثاانيه

عبد الملك حس ان الولد صاادق وماله ذنب بس جا عشاان ينقذ صديقه :

فهد خلاص اتركه شكله صاادق

وعبدالمجيد يبعد فارس عن الولد

عبدالمجيد : خلاص اتركهه يارجال بيمووت في يدك

فارس وهو يتفل عليه : تفوو عليك كلب والله احس اني ما بردت كبدي بااقي

فارس ركب السياارة وحرك ومعصب

عبدالمجيد : خذ خوويك ولا عااد نشووف وجهك هنا سمعت

الشاب : ان شاء الله

الكل رجع ودخل الاستراحه

أميرة : يمه وش فيها سناء تبكي

ام فيصل : خاايفه ..... اقري عليها يا ام فارس

ام فارس خايفه ع بنتها : وجلست تقرا عليها لحد ما هدت وناامت

عليا تهمس لاميرة با اذنها وش السالفه؟؟

أميرة :علمي علمك

الخداماات خلصوو من شوااي الدجاج

حطو السفرة

يلا بناات تعالو تعشوو

أميرة : يع ما ابي

جدتها : وجع لا تقولين ع الاكل وع

أميرة : قاامت وراحت فووق السطح وجلست ع الحاافه وتفكر

وتلعب بجووالها

يعد ربع ساعه جت ريناد : أميرة وش فيك؟

أميرة : مافيني شي

ريناد : ليش ما جيتي تاكلين ؟؟

أميرة :انتي تعرفين ما احب الدجاج

ريناد : طيب في اشياء غير الدجاج في حمص ورق عنب و متبل بطاطس مقلي

أميرة : مالي نفس

رينااد : اها وش الى مضاايقك من اليووم احس في شي بخااطرك قولي

أميرة: لا والله مافيني شي

شووي الا جت نوره : انتم هنا وانا ادور عليكم

جا بعدها فهد : اميرة ليش ما اكلتي ؟.؟؟

أميرة : اللهم طولك ياروح اووووووووووف مالي نفس

فهد : طيب طيب لا تعصبين لا ارميك من فووق

أميرة : اتحدااك انقلع بس

جا فهد وبسرعه دفها

بس كان ما سكها من يدينها وباقي جسمها في الهواء

أميرة تصاارخ والدمعه نزلت : يمممممممممممممممممممممممه يا حيووان ارفعني

جاا عبد الملك وعبد المجيد بسرعه

وجت اسيل

البناات يصاارخوون

اسيل : يمه اختي ارفعها يا غبي

عبدالمجيد : يؤ يا حماار ارفعها

وجا يبي يسحبها من يدها بس دفه فهد

وبعده عنه

فهد : خليها تتأدب عشاان ما تهاايط مره ثانيه

عبدالملك : الله يلعنك انت مريض ارفع البنت لا تنجن

اميرة وهي تبكي : خلاص فكني ابي امووت

عبد المجيد بعصبيه اكبر : بعد بعد يا كلب

جا وسحب يدها منه

ورفعها فووق هو وعبدالملك

أميرة تبكي : اكرهك يا كلب انت لازم تدخل مستشفى الامراض النفسيه

فهد ضااق صدره هو ما كاان يقصد بس كان يستهبل عليها

فهد : والله أميرة اسف كنت امزح والله

عبد المجيد : تمزح والبنت لو فكيت يدك طااحت وماتت

مسكها من كتفها وسحبها معاه

ونزل معاها السلم

عبد المجيد يهديها : خلاص أميرة قولي بسم الله

أميرة تبكي وتشهق: بـــ..ســم الله

جاب لها كاس مويه

والبنات نزلو وراهم وجا

عبدالملك يحاول يضحكها : اميرة ما توقعتك خووافه كذا كنت اقوول أميرة هي ابطل البناات بس شكلي بغير رايي

أميرة : بضحكه لا انا ابطلهم بس خفت :$

الكل ضحك عليها

اذن الفجر والكل راح يصلي

عليا : انا بتوضى اول وحده

أميرة تحاول تسبقها : انا انا قبلك

وقوفو عند باب الحمام )) وانتم بكرامه ))

عليا : وخري انا اول

أميرة : اقول بعدي انا الى وصلت اول ولا اقول خلاص في غسااله هنا بغسل قبلك وبصلي اول ... قالتها وهي اطلع لسااانها

عليا : انا بسرعه بخلص

توضت أميرة وراحت تصلي
بعدها بكم دقيقه لحقتها عليا

طلع الصبااح

جاابو العيال السكتونات وكل واحد صاار يقنص له حمامه

عليا : انا فهد عطني بجرب اصيد

فهد عطا عليا

عليا وهي تصووب ع الشبك حق الحمام

ططططخ وجاابتها في الحديده

الكل جلس يضحك

أميرة : ههههه هذا والحمام كله قداامك ما عرفتي اجل لوحده وش سويتي هههه

عليا تمد لها الساكتون خذي اشووف يا القنااصه

أميرة خذته بكل ثقه : بس انا ما اقنص كائن حي
شووفي جيبي لي كااس ولا قارورة موويه وشوفي

راحت عليا وجاابت قارورة مويه وحطتها ع الطاوله

عليا : يلا ورينا شطاارتك يا ست أميرة

أميرة وهي تحاول تركز طخخخ وجاابت القاروره

جلست تنطط وتغني ساعه اهاا اوووه يااااه اهاا اووه ياااه

عبدالمجيد : اوخص ما تلعبين

أميرة بثقه وتبعد شعرها عنها : اكيد انا ميمي مو حي الله

شووي الا سمعوو صوت جدتهم تنادي : يلا يلا بنمشي طلع الصبااح

ــــــــــــــــــــــــــــــــــــــــــــــــــ ـــــــــــ

الكل ركب سياارته

وبنفس الترتيب

فارس : وش رايكم نفطر بعدين نرجع البيت

الجده : ايه والله ياولدي جوعانين

مي : خلاص بتصل ع فهد اقوول له عشاان يجوون معنا

ــــــــــــــــــــــــــــــــــــــــــــــــــ ـــــ

وصلو المطعم والكل نزل وزحمه واستهباال وضحك

مي : بناات شووفو هنا اللعاب البزارين بروح العب

لحقتها نوووره : وانا ابي العب معك

أميرة تصوورهم بالجوال وهي ميته ضحك ع اشكاالهم

فاارس : يؤ وش تحسوون به يلا ترا جا الفطوور

ــــــــــــــــــــــــــــــــــــــــــــــــــ ــ

بعد الفطور ركبوو السياارة

بعد 10 دقايق

وصلو البيت

أميرة وهي تفصخ عباايتها : اووووووف ابي شااور سريع واناام احس اني تكسرت

أسيل : لا انا مافيني بناام ع اطول

أميرة : يع احس النمل يمشي ع جسمي

خلصت شااور ولبست بجامه كحلي مع وردي وعليها صورت بنت

جلست ع السرير

وفتحت الاب توب

دخلت ترافيان وطورت قريتها ودخلت شووي المنتدى وردت ع كم موضوع

و بعد ما خلصت سكرت وانسدحت

وتووها مغمضه

الا جوالها يرن نغمة نور الدنيا

بنت المملكه يتصل بك

ردت وصوتها كله نوووم

أميرة : الوو

ريناد : ناايمه؟؟

أميرة : لا خلاص صححيت

ريناد : امممم فاتك اليووم عبدالملك وش قال لي ؟؟

أميرة وهي تقووم ع حيلها : وش قال ؟؟

ريناد تبي تلعب با اعصاابهاا : ولا اقوول خلاص ناامي واذا صحيتي اقول لك

أميرة فهمت خطتها : اهاا اوك قلبي براحتتك يلا بدك شي

ريناد بسرعه : لالا بقوول

أميرة تضحك : ههههه ناس ماتمشي معاهم الا العين الحمرا

ريناد : ع بالك الموضوع عني بس وانتي بعد معي

أميرة تحمست : وش الساالفه بسرعه قووولي ؟؟؟

ريناد : امس انا كنت راكبه معه بسياارة صح

أميرة : ايووووه

ريناد : وبعد ما نزلو البناات جيت بنزل
بس قالي خلك ابي اكلمك بموووضوع

أميرة : خلصيني

رينااد : آأإأآأإه اخيرا يا اميرة
اخيرا اعترف انه يحبني

أميرة بفرح : جد والله ؟؟

رينااد : اييه تخيلي انا معد
عرفت وش اقوول

أميرة : وبعدين ؟ انا وش دخلني بساالفه ؟؟

ريناد : اييييه اصبري الحين اقول لك جا بعده عبدالمجيد وسال عنك
وقال لي عبدالملك ان عبدالمجيد يحبك

أميرة مصدوومه : مستحييييييييل يع يع اكرهه ثقيل دم

ريناد : هههههههه المشكله اني راحمته

أميرة : اووف الله يقرفك بسببك طاار النووم
يلا يلا سكري بس برووح انام احسن لي

ريناد وهي تضحك : من جدك ما تحبينه ؟؟

أميرة : شووفي ما اكرهه بس ما اتخيل اني احبه
او اكوون زوجته
ثقيل دم
ويلا ترااك طوليتها برووووووح انااام

ريناد : تيب خلاص نوووم العاافيه اشك انك بتناامين

أميرة : الا بناام لا تخاافين
يلا باااي

ريناد : هههههههه باااي

تتقلب تحااول تنام بس مو قادره

واخيرا بعد سااعه ناامت

ــــــــــــــــــــــــــــــــــــــــــــــــــ ـــــــــــــــــــــــــ

طيب بووقف هنا شوي عشاان اعرفكم ع البقيه

فارس ضابط و ولد عمة أميرة عمره 26 سنه اسمر وقصير بس حبوب

فهد اخووو فارس عمره 21 سنه طويل وعريض وينادونه المصري
دااافور ويدرس حاسب

عبدالملك ولد عم اميرة عمره 20 سنه يشبه جاد شويري
يدرس انجليزي

عبدالمجيد اخو عبدالملك عمره 19 سنه ومايشبه له ابد يشبه براد بيت
يدرس ادارة اعمال

مي وسناء خووات فارس
مي بعمر اسيل بس تكرها وتغاار منها
وتدرس شريعه

سناء 17 سنه اولى ثانوي
وتحب أميرة بس بعض الاوقاات تغاار منها
و تحب عبدالملك

عليا والعنوود خوات عبدالملك

العنود 23 سنه ما تدرس صديقة اسيل ومي
قصيره وملياانه شووي وتحب ولد عمتها رائد

عليا 17 سنه اولى ثانوي نحييييفه ولساانها متبري منها
تحب فهد

ــــــــــــــــــــــــــــــــــــــــــــــــــ ــــــــــــــــــــــــــــــــ

بعد اسبوع

في غرفة ريناد

أميرة وهي معصبه : رانيا أهئ أهئ في واحد يهجم علي

رانيا : قولي لرائيس التحالف تبعك

أميرة : ما عندي تحااالف :(

رانيا : دوري تحالف يقبل
عدد سكانك وارسلي للمدير رساله

أميرة : تيب ..... اية لقيت واحد شكله فله
برسل له اشووف

ريناد : بكرا الاربعاء بتروحون المزرعه

أميرة: اهئ لا تذكريني ماااا ابي ارووح

رانيا : ليش والله فله

أميرة : لآ سخاافه و حر اكره المزارع

ريناد : والله ونااسه بس انتي
من تجين ع اطول تناامين

أميرة : يع ما احب عشاان كذا اروح انام
بخااطري نساافر زي السنه الى فاتت
جد انبسطت

ريناد : امي تقوول على العيد نساافر

أميرة : ان شاء الله
كم السااعه ؟؟

رانيا : 12:29 دقيقه

أميرة : يؤ عبدالرحمن الزيني حطي نجوووم بسرعه
الحمدالله اني مسجله الحلقه في البيت

وجلسوو يطاالعووون التلفزيوون

ـــــــــــــــــــــــــــــــ

ننزل تحت عند ام فيصل وام عبدالعزيز

ام فيصل وهي تكلم جوال: هههه ايه تعالو لنا بكرا
في المزرعه قلت لحصه وقلت للطيفه ايه ايه تعالي من الصبح اذا تبين
خلاص يبلغ ان شاء الله
مع السلامه

ام عبدالعزيز : ما طفشتي وانتي كل يووم عزاايم

ام فيصل :يا اختي احسن من الجلسه لحالنا

ام عبدالعزيز : انا عن نفسي ما راح اجي

ام فيصل : وراه ؟؟ وش عندك ؟؟

ام عبدالعزيز : مافيه بس ما ورا ذا الجمعات الا المشكاال
وذا البناات مع الشباب ولا ندري وش يسوونوون او يسولفوون فيه

ام فيصل : والله هم مو بزارين وعادي كلهم عيال عمهم وعمااتهم
وابهاتهم راضين

ام عبدالعزيز : والله اني مدري بفكر وبششووف

ام فيصل : بتجين غصب ... بس خلصينا وش بتعشينا متنا جووع

ام عبدالعزيز : الى على بالك اختااري على كيفك

ام فيصل : اسالي البناات وش يبوون

ام عبدالعزيزوهي ما سكه جوالها
وتتصل على ريناد عشاان تنزل تحت :
الو يا عروسه انزلو تحت

ريناد : تيب ... بناات امي تقول انزلو تحت يلا

ــــــــــــــــــــــــــــــ

في نفس الوقت

وهو داخل البيت سمع صوت صرااخ و احد يبكي

ركض لصوت

شااف ابووه يضرب اخته مي

فهد : يمه ابووي وش فيه ع مي

ام فارس وهي تبكي : تكفى بعد ابوك عنها بيمووتها

فهد راح يهدي ابووه : يبه وش فيك خلاص اتركها بتمووت في يدك

ابو فارس : خلني ما بردت حرتي فيها
الله يسوود وجهها
خانت الثقه الى عطينها اياها

فهد مصدوم من الى يسمعه : ليش وش سووت ؟؟

مي تبكي وتحااول تتخبى ورا فهد وابوها يسحبها

ابو فارس : تعالي يا الكلبه الله ياخذك
انتي وامك الى ما عرفت تربيك

فهد وهو يبعد ابووه : طيب فهمني وش الساالفه

ابوو فاارس : خل امك تفهمك سواد وجه بنتها

فهد عصب : بسرعه احد يتكلم

ابووه مشى وطلع برا البيت

مي : يمه تكفين لا تقولين لفهد شي

فهد عصب اكثر : ترا للحين ماسك اعصاابي تكلموو

ام فارس وهي تبكي : ابوك مر من جنب غرفت اختك وسمعها تكلم جوال

فهد : طييييييييييييب

ام فارس : كانت تكلم واحد

فهد مصدوم اخر شي توقعه ما عرف ايش يسووي

من الصدمه طلع برا البيت

ركب سياارته وصاار يمشي بسرعه جنونيه

يمشي من غير ما يشوف

فجاه شااف شي اسوود طاار بالهواء وطااح بنص الشاارع

نزل بسرعه من السياارة

شااف بنت طاايحه وامها جاات تركض وتصاارخ بشاارع

ام البنت : بنتي أأإآأإأآآأإه بنتي ماتت احد يطلب الاسعااف

فهد من الصدمه معد يستووعب : انا قتلتها انا السبب
شال البنت بسرعه وركبها بسياارة وامها ركبت معاه
ورااح فيها على المستشفى

ـــــــــــــــــــــــــــــــــــــــــــــــ

في نفس الووقت

أميرة تحكي تيلفوون : متى بتجين الريااض يادبا

حياة صااحبة أميرة : والله مدري متى ما اخذ عبدالله اجاازه

أميرة : اووف خليه يجيبك الاربعاء
ويرجع لوحده بس اسبوع بعدها ارجعي جده
ما راح يمووت لو جلس لووحده اسبووع

حياة قصرت صوووتها : أميرة

أميرة : لبيه

حياة : ما قلت لك

أميرة استغربت من تقصيرت الصووت : وشو

حياة بخجل : انا طلعت حاامل

أميرة بصدمه : جد جد جد والله ؟ّ!!

حياة : ايووه والله طلعت حاامل

أميرة : مبرووووك مبرووووك وربي احس نفسي بطير

حياة بضحكه : طيري وتعالي عندي

أميرة دمعتها نزلت غصب عنها : والله بخاطري اشووفك

حياة : يؤ ليش تبكين ؟؟

أميرة : مبسوووطه الله يتمم لك ع خير في في شهر؟

حيااة : االشهر الثااني توني داخلته

أميرة : اسمعي من الحين اذا بنت اسمها أميرة

حياة : لالا انا قايله لكم من اوول اسم بنتي شادن

أميرة برطمت : لآ تكفين سميها أميرة

حياة : يا قلبي انتي رحمتك بس مافيه اول وحده شادن

أميرة بزعل : طيب خلاص الى تبين

حياة : ههههههه امووت ع الى خذت بخاطرها
خلاص الثاانيه اسمها أميرة

أميرة : لالا ما ابي لا تسمينها اميرة

حياة : ليييييه؟؟؟

أميرة بضحكه : فاضيه اجيب لك السماااوه

حياة : ههههههههههه انتي بخيلات على قولت رمله

أميرة : ههههههه يب بخيلات عندك ماانع

حياة تسمع باب البيت انفتح : اموورة انا عبوودي جا بروح اشووفه

أميرة : تيب قلبي انتبهي لنفسك

حياة : وانتي بعد سي يوو

أميرة : سي يوو


ــــــــــــــــــــــــــــــــــــــــــــــــــ ــــــــــــــــــــــــــ

وصل المستشفى

قسم الطوارى

نزل فهد يركض وشاال البنت وهو يصرخ : دكتوور ابي دكتوور




بوووقف لحد هنا
يلا ابي تفااعل بليييز :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-07-2010, 09:35 AM
صورة ! MESK ! الرمزية
! MESK ! ! MESK ! غير متصل
♥قـ ـلـ ـبـ ـي♥ شكى مهموم منك ترى محروم
 
الافتراضي رد: رواية إنت لمين ؟ / بقلمي


روووووعه بدآآآيتك

رواية إنت لمين ؟ / بقلمي

الوسوم
آمين , الاولى , يآسر , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية الله يرحم حبنا اللي قتلتيه / بقلمي ، كاملة خجول الـورد روايات كامله - يتم نقل الرواية هنا بعد اكتمالها 179 08-09-2019 05:28 AM
رواية دنيا الاقدار/ بقلمي t3abt ashky أرشيف الروايات المغلقة - لعدم إكتمالها 43 10-05-2013 12:20 AM
رواية يا نعيش مع بعض حبيبي .. يا نموت إحنا الإتنين / بقلمي JoDa ^_^ أرشيف الروايات المغلقة - لعدم إكتمالها 23 22-12-2012 02:10 AM
رواية يرحم أمك يا ضيقه الصدر طسي لغيري / بقلمي ڪبرياء الغواليـﮯ أرشيف الروايات المغلقة - لعدم إكتمالها 453 30-04-2012 06:45 PM
رواية بنات فلة مسوين شلة / بقلمي » نمڵــۃ ڵاٻــسھـ ڪعب « أرشيف الروايات المغلقة - لعدم إكتمالها 2472 29-09-2010 01:16 AM

الساعة الآن +3: 10:11 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1