غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 31-07-2010, 03:44 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
B10 رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


هاااااااااااااااااااااااااااااااااااااي
البارت الثاني

سوري على التأخير بس حبيت أحط لكم الشخصيات راح نبدى بعائلة سمر و عبير نوال
الأعمام طبعا أول شي الجد
الجد أبو ناصر العمر 77 سنه
الجده أم ناصر العمر 69 سنه الأولاد راح اذكرهم مع عائلاتهم الأول
أبو عبير الأسم ناصر متوفى
زوجته :أم عبير الأسم فاطمه العمر 41 سنه الوظيفة متقاعده من وظيفة معلمة لغة عربيه

الأولاد
عبير سمر نوال طبعا ذاكرتهم بأول القصه

الثاني
جاسم أبو محمد العمر 40 سنه محامي الوظيفه

زوجته جوري أم محمد العمر 35 سنه الوظيفه دكتورة اسنان

الأولاد
سلوى العمر 27 سنه الوظيفة محاسبه في أحد الشركات متزوجه من ولد خالها و عندها بنوته قمر سمتها على اسم أمها جوري


ميساء العمر 26 سنه الوظيفة معلمة رياضيات مو متزوجه تقدموا لها وايد بس كله ترفض و عذرها ما لقت إلي يفهمها
محمد العمر 20 سنه بالجامعه تخصص ادارة اعمال
فيصل العمر 10 سنوات بالابتدائي

الثالثه
سحر 28 سنه الوظيفة مهندسه ديكور
الزوج بدر العمر 30 سنه الوظيفه مهندس معماري
لم يرزقوا بأولاد
الرابع
عبد العزيز العمر 25 سنه غير متزوج الوظيفه طبيب جراحه


خلصنا من الأعمام نروح عند الخوال
الجد محمد العمر 76 سنه
الجده 71 سنه عبير

الأولاد
الأول
الولد ماجد العمر 45 سنه الوظيفه مهندس بترول
الزوجه ساره العمر 40 سنه الوظيفه ربة منزل

الاولاد سالم 20 سنه طالب جامعي تخصص هندسه
مشعل العمر 17 سنه طالبة ثانويه
صالح العمر سنتان
الثانيه
الأبنه فاطمه العمر 40 سنه الوظيفه متقاعده
الزوج ناصر متوفي
الأولاد سبق و ذكرتهم

الثالثه
الأبنه لمياء متوفيه هي و زوجها طارق بحادث سياره

الأولاد
حمد العمر 25 سنه طالب يدرس بالخارج تخصص طب ببريطانيا و المشكله عاد السنه مره و الحين ماخذ سنه نقاها على قولته هو و الرجه بندر
الرابع
الأبن سليمان العمر 34 سنه الوظيفه شرطي
الزوجه حلا العمر 33 الوظيفه محاميه بس طبعا إتركت المحاماه لعيون سليمان لإنهم أخذوا بعض من بعد قصة حب
الأولاد
بندر العمر 25 يدرس مع حمد تخصص طب أيضا

ندى العمر 25 – سنه توأم بندر طالبه بالجانعه تخصص ادارة اعمال

شهد العمر 17 سنه طالبه بالثانويه

جوري العمر 15 سنه طالبه بالمتوسط


الخامسه
نوف : عمرها 30 متزوجه سعودي و ساكنه بالسعوديه
زوجها أسمه وليد عمره 38 سنه و يشتغل أعمال حره

الأبناء
متعب : عمره 25 طبعا هذا ماله شغل بحمد و بندر كله مع عيال عمامه يشتغل بالشرطه يعني بالمختصر المفيد ضابط >> ههههه شرايكم فينا على اللغه العربيه نفلح فيها

لمى : عمرها 19 كبر نوال و هذي توأم نوال بكل شي
بس لمى على قلة أدب جريئه بدرجه مو طبيعيه و ما تسكت عن حقها و لسانها طويل ما أدري ليش قاعده أقول هالكلام عنها يمكن لأنها ما تعرف شي أسمه حيا ههه يمكن

جنى : عمرها 15 سنه طالبه بالمتوسط كبر جوري

يمكن بعض الشخصيات ما راح نذكرهم واايد و لا نتكلم عنهم بس حبيت أعطيكم خبر عن الأهل هههههههه و بس















ِندى بصدمه : هذا عبد الله هو إلي خاطبج
سمر : شنو عرفج بأسمه
ندى : سمر نصيحه لا توافقين عليه
سمر بصدمه قويه : ليييييييش



ندى : ما أدري شنو أقولج بس
سمر بخوف : بس شنو
ندى :...................
سمر بعصبيه : تحجي
ندى : سمعيني عدل يا سمر ترى أففففف و الله ما أدري شنو أقول
سمر تبجي و تتكلم بعصبيه : قوووووووولي خلصي
ندى : سمر إنتي حبيتيه
سمر بصوت متقطع من البجي : إ ي أ ح ب ه
ندى : مسرع توج شايفته
سمر : الشي إلي ما تعرفينا أنا أحب عبدالله من قبل لا يخطبني ( معلومه أم عبدالله و أم عبير جيران و صديقات حيييل )
ندى : شنوووووووو و ليش ما قلتيلي لو مو نوال قالت لي أسوي هالمقلب جا................
سمر تخز ندى و تقول : شنو كملي
ندى قامت تضحك بتوتر : ها مافيه شي ههههههه
سمر : يا ال حرام عليج ليش تسوين فيني جذي تعرفيني بسرعه أصدق أهئ أهئ أهئ
ندى قامت من مكانها بسرعه تروح عند سمر و تقعد عندها و تضمها
ندى : سمره حياتي و الله كان مقلب خلاص و الله مو قصدي أخليج تبجين هذا كلها من ألهبله نوال هي صاحبة الفكرة وهي بعد قالت لي كل شي عن هالعبدالله و الله ما أخليها
سمر بصوت متقطع : ح ر ا م ع ل ي ك م
ندى : خلاص حبيبتي
سمر : و الله قلبي بغى يوقف قلت بعد كل هالحب يطلع إلي أحبه راعي بنات
ندى : ههههههههههههههههههههههههههه
سمر : جب بعد تضحكين إنتي و ويهج
ندى : هههههههه خلااااص ههههههههه راااااح هههههههه اسكت
سمر : بسسسسسسسسسسس
ندى عقب ما هدت : هههه أوكي خلاص يا روحي
سمر : هههههه إي تسنعي
ندى بخبث : إلا تعالي شنووو سالفة الحب و العشق و الهيام ههههه بعبود
سمر تطقها : عبود بعينج محد يقوله عبود إلا أنا فاهمه
ندى : أقول لا يكثر هذا و إنتي ما وافقتي عليه
سمر بحياء : أصلا أنا موافقه بس بصلي صلاة استخاره عشان أتطمن
ندى : أها المهم يلا قولي من منى تحبينه
سمر : من كان عمري 17 سنه
ندى بطلت عيونها : : شنوووووووو
سمر : هههههههه إي كنت دايم أشوفه لما يطلع و يجي كنت أموووت فيه و كل بنات المدرسه يحبونه هههه تدرين كنت أغار منهم بس الشي إلي يونسني لما يقولون إنه ما يعطيهم ويه هههه يعني يقال عنه إنه ثقيل :
ندى تغني :يا يمه حبيته يا يمه حبيته قلبي تعلق فيه زفوني لي بيته
سمر هههههههههههههههه
ندى : فديتج سموره و الله و كبرتي و راح بروحين لبيت ريلج ههههه
سمر : إي صح تذكرت شي
ندى باهتمام :شنو
سمر أخذت المخده و أحذفتها على ندى
سمر : تذكرت إني ما أخذت حقي من بعد هالمقلب
ندى : ياهبله و الله تعورت
سمر تضحك : ههههه أحسن تستاهلين و الدور ياي لنوالوه




الحين خلونا نهد سمر و ندوي يسولفون براحتهم هههههه


و نروح ا لمكان ثاني بعيد عن البيت كانت عبير و نوال طالعين للسوق يتسوقون و كانت نوال تشتري للجامعه

عبير نوال ما لاحظتي شي
نوال لا شنو فيه
عبير في واحد ما يستحي على ويه قاعد يلحقنا وين ما نروح
نوال هههههههههههههه اشعليج منه إي شفته بس كيفه ما علينا منه بس تبين الصراحه يهبل صح
عبير تخز نوال و تقول أقول استحي أحسن لج ترى و الله اعلم أمي يلا ألحين جدامي خلينا نرد البيت
و لما وصلو للبيت و كانت ندى مو موجوده راحت يت سمر و تطق نوال بالمخده ههههههه شكلهم مو صج بس عبير راحت غرفتها و كان واضح إنها مو مستانسه و بعدين راحو نوال و سمر عند عبير و فرفشوها و ضحكوها



و بهد مرور أسبوع ياه وقت الصج هههه أم سمر أو خلونا نقول فطوم مثل نوال نادت سمر عشان تشوف القرار النهائي إذا موافقه أو لا

الأم سمووور حبيبتي أنا ما راح أغصبح على شي و إنتي فاهمتي أبيج تعطيني قرارج النهائي بالموضوع
سمر تستهبل على أمها : شنو الموضوع و هالقرار النهائي لا يكون قاعدين ببرنامج من سيربح المليون
الأم : موضوع خطبتج يا حظي على عبد الله
سمر أمممم و تستحي و تدنق راسها : موافقه
و بعدين تركض ليه غرفتها و تغرق في أحلامها مره ثانيه و ثالثه و رابعه و خامسه و سادسه شكلى بطول هههههههه إنتوا كملوا بدالي
ام سمر ما صدقت إلي سمعته و طارت من الوناسه وحده من بناتها بتاخذ ولد رفيقة دربها على قولتها
على طول أخذت السماعه و دقت على أم عبدالله
التلفون الحين ترى قاعد يدق إنوا من قاعدين تسمعون بس أنا و أختي حره ههههههه يلا خلونا نرد
فاطمه ( أم عبير ): السلام عليكم
غلا ( أخت عبود ) : و عليكم السلام
فاطمه : شلونج يا بنيتي منو إنتي غلا و لا ساره
غلا : لا غلا خالتي
فاطمه : يا هلا و غلا بحبيبتي شلونج يمه
غلا : ها فيج خالتي أنا بخير إنتي شلونج و شلون البنات
فاطمه : كلنا بخير عساج بخير و البنات يسلمون عليج
غلا : الله يسلمكن من كل شر
فاطمه : وين أمج القاطعه
غلا : ههههه موجوده خالتي لحظه خليني أناديها
فاطمه : أي ناديها بسرعه
غلا : إن شاء الله خالتي
في بيت أبو عبدالله كانت أم عبدالله بالمطبخ كل العاده تسوي العشا لأبو عبدالله لإنه ما يحب ياكل من إيد الخدامه
غلا تدخل المطبخ و تصارخ عشان أمها تنتبه لها لإنه أمها مشغله الخلاطه
غلا : مااااااماااااا
شوق ( أم عبدالله ) و لا داريه عنها
غلا بصوت أعلى : مااااااااااااااماااااااااااا خااااالتي فااااطمه على التلفووووووووووووون
شوق ( أم عبدلله ) انتبهت إنها غلا تكلمها فسكرت الخلاطه و ألتفتت لها
أم عبدالله : خير يمه شفيج
غلا : زين عبرتينا و عطيتيني ويه
أم عبدالله : إخلصي شنو تبين
غلا : خالتي فاطمه تبيج على التلفون
أم عبدالله حسبي الله على ابليسج مخليه المره على التلفون و قاعده تهذربين و توج تقولين أقول مناك خليني أطوف
غلا : طوفي أحد ماسكج و ترى أنا ضعيفه يعني بسرعه تطوفين
أم عبدلله راح تكلم أم عبير
أم عبدالله : يا هلا و غلا بفاطمه الغاليه
أأم عبير : هلا فيج يا وخيتي
أم عبدالله : شلونج و شخبارج و شلون الأهل و البنات
أم عبير : الحمد لله بخير عساج بخير إنتي بشريني عنج و عن الأهل
أم عبدالله : الحمد لله كلنا بخير
أم عبير : أبشرج
أم عبدالله : خير يا وخيتي
أم عبير : سمر موافقه و قانت تبجي و قالت أخيرا حلمنا تحقق و سمر بتاخذ عبدالله مثل ما كنا نتمنى
أم عبدالله و هي تبجي : و الله من صج تتكلمين الله يبشرج بالجنه يا الغاليه و قامت تصيح و تقول : و أنتي الصاجه أخيرا تحقق هالحلم
أم عبير : الله يتمم كل شي على خير
أم عبدالله : آميييييييين إلا أقول فاطمه
أم عبير : هلا
أم عبدالله : شوفي ترى باجر أناو أبو عبدالله و عبد الله راح نييكم و نحدد موعد الملكه و العرس
أم عبير : يا هلا و غلا فيكم البيت بيتج يا وخيتي
أم عبدالله : عيل أتفقنا
أم عبير: إي خلاص حياكم الله باجر
أم عبدالله : الله يحيج
أم عبير : يلا أنا أخليج و سلمي على الأهل
أم عبدالله : يوصل يا الغاليه و إنتي بعد سلمي
أم عبير : يوص إن شاء الله يلا مع السلامه
أم عبدالله : مع ألف سلامه

لما سكرت أم عبدالله من أم عبير قامت تبجي و تلولش
كان عبدالله توه نازل م الدري لما شاف أمه تبجي بسرعه راح لها ركض
عبدالله : يمه فديتج شفيج شنو صاير الوالد صار له شي
أم عبدالله : ألف ألف ألف مليون مبروك يا وليدي
عبدا لله استغرب : الله يبارك فيج بس على شنو
أم عبدالله : سمر وافقت
عبدالله : حلفي
أم عبدالله تطق عبدالله على راسه و تقول : وجع إن شاء الله أصغر عيالك أجذب و تعال من متى أنا أجذب روح يا عساك إلي منيب قايله
عبدالله قام يضحك و متشقق من الونااسه قام حب راس أمه و قال /: السموحه يا الغاليه بس و الله من الونااسه ما أصدق خلاص راح أترك خبال العزابيه و كان يقصد رفيجه تركي
غلا توها داخله الصاله
غلا شنو صاير بالبيت لا يكون أبوي صار فيه شي تكلموا عبدالله ليش أمي تبجي
عبدالله من الونااسه شال غلا و قعد يدور فيها لين حست إنها راح ترجع (( يعني تستفرغ )) كل إلي أكلته
غلا : ههههههههههههه عبود ههههههه خلاص و الله ههههههههههه توني ماكله ترى راح أرجع عليك ههههههههههههههههههههه
عبدالله بسرعه نزلها : ويييييع حسبي الله على بليسج شنو هالقرف
غلا : ههههههههههههههههه شسوي لك توني ماكله ههه و إنته الحمد لله و الشكر أول ما شفتي شلتني و قعدت تدور فيني ههههه
عبدالله : غلاوي باركي لي
غلا : أبارك لك على شنو عبود
عبدالله: أول شي سمر وافقت و ثاني شي لا تقولين عبود بس سمورتي تقول لي عبود فاهمه
غلا : أحلف
عبدالله طقها مثل ما طقته أمها: أصغر عيالج عشان أجذب و لا الموضوع يتحمل جذب
غلا : كلوووولووووليش كلووووواووويش ألف ألف مبرووك يا أخوي و الله تستاهل و سمر بنت ما عليها كلام كامله و الكامل الله
عبدالله : الله يبارك فيج حبيبتي
غلا : متى إن شاء الله راح تروحون و تحددو موعد الملجه و العرس
عبدالله : إي صح يمه متى
أم عبدالله تبتسم : إن شاء الله بكره
غلا : ماما بلييز بروح معاج
أم عبدالله : لا وين تروحين
غلا : عبود تكفى أقنعها
عبدالله : أنا شنو قلت محد يقول عبود إلا سمر
غلا : خلاص عبدالله تكفى أقنعها
عبدالله : أول شي قولي عمي و تاج راسي عبدالله أقنع أمي
غلا تتخصر : لا و الله أحلف بس ما راح أقول
عبدالله : خلاص ما راح أقنعها
غلا عصبت و طلعت و هي تتحلطم
غلا خلاص إذلف و عني ما رحت مالت عليك و على سمر فوقك إنزين
عبدالله و أم عبدالله ماتو ضحك على خبال غلا
غلا وهي صاعده الدري رايحه لغرقتها شافت ساره بالطريج
ساره : شفيج معصبه
غلا : هذا عبدالله مالت عليه أقوله أقنع أمي أروح باجر معاها و قعد يذلني
ساره : وين بتروحين معاها ما خبري تحبين تروحين مع أمي للحريم
غلا : إي صح ما قلنا لج سمر وافقت على عبدالله و باجر بتروح أمي يحددون متى الملكه و العرس
ساره بصدمه : شنوووووووووووووو
غلا بخوف : بسم الله الرحمن الرحيم شفيج
ساره بعصبيه : ليش حرام أنا قلتلهم إني ما أبي سمر
غلا تتطنز : ما خبري إنتي إلي بتتزوجين عبدالله إلي يبي يتزوج و يبي سمر
ساره : و نور شفيها يعني أنا قلت لها يخطبها ليش يعاند و ياخذ وحده تافه
غلا : ساره استحي على ويهج أظن أنا و إنتي نعرف سمر و خواتها عدل و كلهم ما شاء الله حلوين و متعلمات وسمر مو مثل ما تقولين تافه أوكي
ساره : غلووو ذلفي عن ويهي أحسن لج
غلا : بالطقاق و الله كل هالعصبيه عشان نور
ساره : غلا أحسن لج ذلفي و لا تنسين نور بنت عمج
غلا : و أظن عبدالله أخوج و عبدالله ما يبيها
ساره : و ليش نور حلوه و أحلى و أصغر من سمر هذي و متعلمه و ذكيه و كفايه كل عيال عمي يحبونها بس هي تحب عبدالله و الكل يدري
غلا : تدرين ليش عبدالله ما يبيها
ساره تستهزأ : أكيييييد سمرووووه مسويه له سحر
غلا : لا لأنه نور قليلة أدب و ما تستحي على ويها و ما تتغطى عن عيال عمامي عادي عندها و كل ما شافت عبدالله قامت تتميلح عنده
ساره : أشوف سمر مو متحجبه ما قال لها شي
غلا : كاج إنتي قلتيها مو متحجبه اما نور متحجبه و تكشف و تطلع عادي قدام عيال عمامها و إن شاء الله عبدالله بيكلم سمر عن سالفة الحجاب
ساره : أقول نقطيني بسكاتج و ذلفي عن ويهي و لا أقول أروح غرفتي أحسن
غلا : إي و الله أحسن
طبعا ساره راحت تكلم نور و تشتكي لها و نور ما قصرت صارت تبجي و تقول مالي نصيب و قعدوا يخططون على سمر >> تتوقعون شنو راح يسوون لسمر
و غلا راح غرفتها زعلانه على عبدالله و منقهره من ساره ياها عبدالله و راضها و قال لها أقنعت أمي أنج تروحين معاها
و أم عبدالله كلمت أبو عبدالله و اتفقوا على كل شي
( خلوا نتكلم عن عايلة عبدالله أول شي عبدالله عمره 27 سنه شخصيه جذااابه و حنوووون لدرجه مو طبيعيه و خاصه على خواته و جسمه جسم رياضي و الكل يحبه عنده أختين و أخو ساره عمره 24 سنه مدرسة رسم و غلا22 سنه تدرس تصميم أزياء و راكان عمره 16 سنه طالب أمه هي وحيدة أمها و أبوها يعني ما عندها أخوان و لا خوات ز أبوه عنده أخت وحده إلي هي عمته حصه عمرها 30 مطلقه و عندها ولد واحد اسمه خالد و عمره 28 سنه و عمين عمه بدر عمره 45 مرته متوفيه و هي تولد بنته

و بنته اسمها نور > أكييييد عرفتوها
عمرها 24 و تشتغل بشركة العايله و أبوها مدلعها على الأخر و كل طلباتها أوامر
و عمه الثاني اسمه نواف عمره 42 سنه و مرت اسمها روان عمرها 40 سنه ما تشتغل
عندها نايف عمره 29 مو متزوج و يشتغل بالشركه
و فواز و عمره 27 و يشتغل طيار
و و نوف و هي آخر العنقود عمرها 19 تدرس طب تعرف نوال
في اليوم الثاني يت أم عبد الله و اتفقت مع أم سمر إن تكون الملجه بعد اسبوعين و بتحديد يوم الخميس
و في يوم راحو كلهم للسوق عشان يتجهزون حق الملجه في السوق كانت نوال و سمور رايحين لمحلات فساتين طبعا كانت نوال هي إلي تنقي حق سمر الفستان و سمر المسكينه كل ما عطتها نوال فستان راحت قاسته عليها و بعد شوي دخلت سمر غرفة القياسات جان تطلع تلفونها و تدق على عبير عبير : ألووو هلا سمر
سمر لحقيني عقدتني نوال هذا ثامن فستان ألبسه
عبير ههههههههه كاني ألحين بيي و بعد دقايق يت عبير و أمهم أول ما شافو سمر انهبلو كان الفستان إلي لابسته روعه بصير لعينه و ماني واصفته إلا بلحظة الملجه ههههههههههههه
عبير: واو عجيب اينن
الأم ما شاء الله سمر إنتي محليته
سمر : استحي
نوال : هههههههههههه ويع الفستان مو حلو
عبير : محد طلب رايج
سمر : هههه لقطي ويهج يلا بسرعه شوفي خشمج راح بعيد يركض
نوال بعصبيه كيفكم
سمر : ههه خلونا نرد على الفستان إي بس يبيله تعديل
الأم : ما يخالف عادي يتظبط

ومرت الأيام و كل يوم يعدي تزيد مخاوف سمر و في يوم الملجه بالتحديد كان الكل معتفس بس أكثر وحده معتفسه هي سمر طبعا يحقلها ملجتها
قامت سمر من النوم من الساعه 7 الصبح خايفه و معتفسه
نزلت تحت لقت أمها قاعده تتريق راحت و حبت راس أمها
سمر : صباح الخير يا ويه الخير
الأم : صباح الورد يا العروس
سمر : أفففف
الأم : شفيج يمه عسى ما شر
سمر : يمه حدي خايفه
: الأم عادي حبيبتي كل البنات بملجتهم يصير فيهم جذي إنتي بس لا تحاتين
سمر : الله كريم
زن جرس البيت و راحت الخدامه تبطل الباب
الأم : منو ياينه من صباح الله خير
سمر : الله أعلم
و دخل شيخ الشباب إي هو حمد طبعا متذكرين حمد هو ولد خالة سمر خالتها لمياء الله يرحمها
سمر أول ما شاااااافت حمد طيرااااااااااااااااااان
راح تضمه و تبجي و يت أم عبير و تضمه و أفتحوها مناحه
حمد : خلا ص عاد ياليتني ما رديت لو قاعد هناك مو أبرك خلاص لا تبجون سمووره حياتي اليوم ملجتج تبي عيونج تنتفخ من البجي ترى بعدين عبدالله يطلقج و تطيحين بجبدنا
أكيييييييد مستغربين سمر تضم حمد شكو و ليش خلوني أقول لكم سمر و حمد إخوان بالرضاعه أم سمر رضعة حمد بعد ما ماتت أختها لإنه أختها ماتت بعد ما ولدت حمد ه بشهرين
سمر : حمد و الله أشتقت لك و الله كنت خايفه إنك ما تحضر
حمد : و أنا أقدر ما أحظر ملجت توأم روحي و حبيبتي
سمر : قامت تبجي مره ثانيه : فدييييتك حمود
أم عبير : حمد يمه شلونك شخبارك
حمد يقرب منها و يبوس راسها : بخير يا الغاليه إنتي يمه طمنيني عنج
أم عبير : أنا بخير دامني شفتك قدامي
حمد : يا بعد قلبي يا يمه
و بعدها قامت عبير و نوال على الإزعاج و أول ما شافوا حمد استخفوا و قاموا يصارخون و كل وحده نركض تبي تضم حمد أول وحده
وظلوا يسولفون لي الساعه عشر بعدها راحت سمر تريح شوي عشان تروح الصالون
بعدها راحت سمر للصالون
في بيت سلمان أبو بندر
كان سلمان و مرته حلا قاعدين يتقهووين و ندى قاعده تحن على أبوها عشان يوديها الصالون عند سمر
وكانت واقفه و معطيه الباب ظهرها فجأه ضمها واحد ههههههه تدرون منو هو بندر توأم ندى
ندى صرخة و بعدها التفتت على بندر و أول ما شافت بندر انصدمت
ندى : بندر
بندر: روحه و قلبه و توأمه
ندى ضمت بندر و قامت تبجي
بندر : هههههه خلاص وصختي دشداشتي ( يعني ثوبي أو كندورتي )
ندى : أهئ أهئ و الله وحشتني
بندر : يا قلبي و الله حتى إنتي واحشتني وااااااايد
ندى باستغراب : لحظه ليش ما تسلم على أبوي و أمي و متى وصلت
الأب : ههههه بندر واصل من الصبح و إنتي خامده
ندى : انزين ليش خامده قول نايمه أحلى
بندر : ههههههه صج رايقه
ندى : انزين الأهبل الثاني بعد رد
بندر : منو
ندى : في غيره حمد
الأب صارخ : ندى استحي على ويهج و لا تتكلمين عن الريال فاهمه
ندى : أففففففف عادي حمد مثل بندر يعني ما أتذكر حمد و هو صغير 24 ساعه عندنا و كنا نلعب مع بعض أنا وياه و بندر و سمر
الأب : الحين غير الريال كبر و لازم تحترمينه
ندى تلوي بوزها : أففف انزين
قعد بندر يسولف عن سفرته و دراسته و الحمد لله هو و حمد ماخذين الشهاده من سنه>> مثل ما قلنا هالسنه ماخذينها نقاها
ندى : بندر
بندر : هلا
ندى : طلبتك
بندر : خيييير
ندى : بندر قول تم
بندر : ههههه مو تم
ندى : بندر عاد
بندر: إذا كنت أقدر عليه تم
ندى : ودني الصالون عند سمر و الله من اليوم و هي تدق تقول تعالي الحين
بندر : تم يلا قومي لبسي عباتج
راحوا بندر و ندى للصالون
(( ملاحظه : ترى بنات عمام سمر و عبير و نوال و بنات خوالهم متحجبات إلا سمر و نوال و عبير متحجبه أمهم ما حبت تضغط عليهم فخلتهم على راحتهم و طبعا القرار هذا عارضوها خوال و عمام البنات بس ماكو فايده



وبالصالون رن تلفون سمر يتها مسج ولما فتحت لقد المسج من رقم غريب كان مكتوب بالمسج "" من كثر ماأحبك وصلت لحالة الإدمان!!
إدمان صوتك وشوفك وطاريك..

العفو ماأحبك،،،
أنا فيـــك هيمـــــــــــان!!
يعني:
أحبك..
وأعشقك..
وحيــــل أغليك..

من زوجج عبدالله
سمر من قرت المسج و هي طايره من الفرحه و منحرجه بنفس الوقت
طبعا نوال بلقافه : منو دازلج المسج
سمر : يعني منو حبي وروحي و ريل المستقبل عبد الله
نوال شنو كاتب و من وين ياب رقمج
سمر تعطي نوال التلفون نوال من قرت المسج: يا بختج يا سمر الله يرزقني بواحد مثله بس اقول منتي دازتله شي
سمر : ما عندي مسجات و أشعار حلو كله عاديه نوال دقايق تطلع تلفونها و تدور حق سمر شعر حلو
نوال اشرايج بهذا لو جمعت عطفي وشوقي ولهفي ودقة خفوقي
يطلع الناتج أحبك..أحبك ماكذبت وربي فوقي
الله عجيب خليني أطرشه حق عبوود
نوال ههههههههههه الله على الدلع




بالسعوديه و بالتحديد الرياض

في بيت أبو متعب
كل العايله مجتمعه الأب و الأم و متعب و لمى و جنى
لمى : و الله حرام عليكم كان ودي أروح ملكت سمر حراام ترى هي بنت خالتي
متعب : حلفي متأكده بنت خالتك
لمى : يوووه متعب وش تحس فيه و الله حدي منقهره
الإب : يعني وش إلي بيدي قدمت إجازه و مارضوا و متعب ما يقدر وش نسوي
لمى : ما أدري بس و الله أشتقت لخوالي و بنات عمامي سخيفات
الأب يصارخ على لمى : وجعه في وحده تتكلم عن بنات عمامها جذي
لمى و العبره خانقتها : وش أسوي إذا هم ما يحبوني
و راحت لمى غرفتها و لأول مره أهلها يشوفونها ضعيفه و تبجي متعودين على لمى القوي إلي ما فيه شي بالدنيا يبكيها
الأم : الله يهديك يا وليد تعرف البنت صارلها سنه مو شايفه خوالها و اليوم ملكت بنات خالتها إلي تحبهم حيل
الأب : بسس مو توصل إنها تغلط هلي بنات إخواني
متعب : يبه حرام أنا مصدوم أول مره لمى تبكي أكيييد السخيفات مسوين لها شي
الأب : بندرررررر أسكت لا تخليني أغلط عليك و إنتي كبير
بندر : ترى بيه لمى كبيره
جنى : بابا ترى لمى صاجه دايم يتطنزون على لمى و يسبون خوالي و يقولون إنه لمى عربجيه يعني مسترجله و الله حرااااام بس عشان إنها ما تبجي قدامهم و لسانها طويل و ما تسكت عن الحق أففف
و قامت جنى تبجي و راحت عند لمى
الأب : استغفر الله
بندر : يلا أنا طالعه مع خويي تامرون على شي
الأب و الأم سلامتك الله يحفظك
نروح لغرفة لمى
كانت لمى تكلم توال و تشكي لها من بنات عمامها السخيفات دخلت عليها جنى و هي تبكي
لمى : لحظه نوال
نوال : أوكي
لمى : حبيبتي جنى شفيك من زفك و ليش تبكين
جنى : بابا ليش يصارخ عليك صج بنات عمامك سخيفات بعض المرات أتمنى إنو صديقتي تكون من بنات عمامي أحس بنات عمامي غير عن بنات السعوديه هم سخيفات و بنات السعوديه حبوبات ليش الله قردنا بي هالعمام
لمى : خلصتي أولا عيب عليك تتكلمي عن عمامك جذي و ثانيا أكيييد بابا بيعصب لإنهم إخوانه
جنى : بس هم دايم يقولون عنك عربجيه و مستحيل يخلون إخوانهم يتزوجونك
لمى : ههه شدعوه أنا ميته عليهم على قولة الكويتيين
جنى : لموووش لا تزعلين
لمى : يا حياتي أنا مو زعلانه يلا حرام نوال مخليتها على الخط
جنى :و الله سلميلي عليها
لمى : أوكيييشن
طلعت جنى من الغرفه و راحت لمى تكمل سوالف مع نوال
لمى : إي خلينا نكمل
توال : عطيهم سكب و لا تردين عليهم و الله إنج أحلى منهم والغيره راح تذبحهم
لمى : ههههه أصلا هم ما هموني إلا إنتي خلصتي
نوال : إي أنا خالصه و ناطره سمر و عبير يخلصون
لمى : يلا عيل أخليج
نوال : أشوفج تتكلمين كويتي
لمى : ههههههه لا تنسين هي بعد ديرتي
نوال : ههههه أكييييد
لمى : إي و لا تنسين تصورين لي كل شي
نوال : أكيييييييييد و أصلا قاعده أصور من الحين
لمى : ههههه يلا مع السلامه
نوال : مع ألف سلامه و سلمي على خالتي و جنى
لمى : يوصل و على فكره جنى قبل لا تطلع قالت لي أسلم عليج
نوال : الله يسلمها
لمى : و إنتي بعد سلمي على خالتي و عبور و سمر و قولي لسمر التحقيق راح يبدي بلليل
نوال : هههههه أكيييييييد و يوصل
لمى : باااااي
نوال : بااايااات

وباليل كانت العايله الكريمه مجتمعه عشان الملجه و كان الكل مستانس و رقص و حالتهم حاله و سمر كانت قاعده بغرفتها و كاشخه هذا فستانها شوفوه

و طبعا كانت معاها ندى تهديها و كانت لابسه ندى هالفستان

و نوال هذا

ا و عبير هذا

و غلا هذا
اضغط على الصورة لرؤيتها بحجمها الطبيعي
و ساره هذا
اضغط على الصورة لرؤيتها بحجمها الطبيعي
و فجأه يت اللحظه الحاسمه >> حلوه صح
حمد نادى سمر عشان نوقع
حمد من بره الغرفه : سمرره حبيبتي تعالي عشان توقعين
سمر : ها
ندى : وجعاه تقول ها
حمد : ههههههه ندى يا سخيفه حدج على أختي ترى أعلم بندر
ندى : هههه مالت عليك و على بندر
حمد : هين كل هالكلام واصل لبندر
ندى عادي لو طقني و تألمت أكيد الغبي هو راح يتألم لإني توأمه
حمد : هههههه يا سخيييفه أقول سمر يلا حبيبتي تعالي وقعي عطلنا الشيخ ههه
يت أم عبير عند سمر و أخذتها عند حمد عشان توقع لما وقعت سمر كل الحريم بدوا يلوولشون و البنات يرقصون و قالو الحين بتدخل سمر و دخلت سمر و يو الحريم يسلون عليها و ندى قالت لي الدي جي يحطون أغنية في منتهى الرقه و قالت قولي هذي اهداء من خوات العروس و بنت خالها و قامت ندى و نوال و عبير يرقصون و استخفوا و سمر كانت تضحك على خبال ندى و نوال و بعدها قالو المعرس بيدخل يلبس العروس الشبكه سمر الشبكه و لما دخل استخف على سمر و تمنى ياخذها لمكان هو و هي فيه بس
و بعدها أم عبدالله و أم عبير أخذوا عبدالله و شمر ودوهم لغرفه عشان ياخذون راحهم بالكلام و يت المصوره تصورهم و بعدها راحت
و بالغرفه
عبدالله : أحم أحم مبروك سموووره
سمر بحياء : الله يبارك فيك
عبدالله: انزين ما فيه مبروك لي
سمر ماتت من الحيا : مبروك
عبدالله : ههههههه الله يبارك فيج حبيبتي
عبدالله :انزين ليش قاعده بعيد حبيبتي
سمر :ههه لاعادي
سمر تمنت الأرض تنشق و تبلعها من كلمت حبيبتي
و فجأه


أنتظرو البارت الثالث


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 31-07-2010, 04:14 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


بغيييييييييييييييييييييت تقيمكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 31-07-2010, 04:46 PM
صورة جنان حبك الرمزية
جنان حبك جنان حبك غير متصل
××غّرّورّ القّلّبّ××
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


هلا وغلا .. بدااايه مووفقه ياحلووات ^_^
برب لي باك من بعد القرأءة ^_^



,,,جنان حبك,,,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 31-07-2010, 04:49 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


تسلمييييين قلبووووو صج اسعدني مرورج قلبوووووووو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 01-08-2010, 12:21 AM
صورة aphnan الرمزية
aphnan aphnan غير متصل
©؛°¨غرامي مشارك¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


روعة روعة
موفقة قلبو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 01-08-2010, 12:27 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


يسلمووووو قلبوووووو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 09-08-2010, 06:19 AM
صورة همسات شجوني الرمزية
همسات شجوني همسات شجوني غير متصل
©؛°¨غرامي مشارك¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


يعطيكي ربي الف عااافيه من جد رووووعه



يسلموو الانامل يااارب


لبه قلبك
استمري حنا ننتظرك .....

لاتتاخري علينا .... موفقه بكل خطووه ان شاء الله

لكي ودي وحترامي

اختك ...

همسات شجوني



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 09-08-2010, 06:21 AM
صورة همسات شجوني الرمزية
همسات شجوني همسات شجوني غير متصل
©؛°¨غرامي مشارك¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


تستحقي احلى تقيم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 09-08-2010, 01:17 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


تسلمووون قلبوووو على مروركم و اهتمامكم بالقصه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 09-08-2010, 01:19 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


و احب اعتذر لإني ما نزلت بارت يوم السبت لإني كنت مسافره و توني اليوم واصله بس بإذن الله راح انزل بارتين عن قريب تحياتي لكم

يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي

الوسوم
أرجو , الثقيل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
طفلة بساحات الحرم بقلمي وحدااااااااااني خواطر - نثر - عذب الكلام 8 24-07-2010 10:45 PM
إنتفض قلبي بغزال منصوري ( يصعب فتح الموضوع ) حبيبة دمعه مخنوووقه ارشيف غرام 16 08-05-2009 03:25 AM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM
دخيلك لا تخليني ( دلوعه الطائف) خواطر - نثر - عذب الكلام 26 16-09-2008 06:18 AM

الساعة الآن +3: 02:34 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1