غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 06-09-2010, 07:50 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


(( البارت السادس ))



عبد الله : البنت إلي كنت اكلمها بالمكتب كانت أختي غلا و (( حذف التلفون على سمر ))إذا مو مصدقه أتصلي على غلا أو على أمي أو على المكتب سأليهم
و ثاني شي أنا مو جذاب كان عندي اجتماع بره الشركه و سألي أبوي
هذا بدال ما تريحيني تشكين فينا و الله برافو

سمر دموعها تنزل وما تكلمت
عبد الله : و الحيين أنتي متوقعه إني بخونج مثلا توني أدري إني متزوج ياهل حبيبتي إذا كنت بخونج مو خاينج و إحنا تونا مالجين إذا بخونج بخونج يمكن بعد الزواج

سمر بقلبها (( يعني بيكحلها عماها بعد الزواج أهئ أهئ أبي أمي موقف لا أحسد عليه صج لما قالت أمي عني إني مطيوره (( يعني تتخذ قراراتها بدون لا تفكر )) أبي أمي الحين شلون بتأسف الله يعني شكله وايد معصب ))

عبدالله : ليش ساكته يا حرمي المصون ما تقولين شي

سمر : أنا (( تبلع ريقها )) أهئ أهئ ما أدري و الله خفت عبدالله أنت مو حاس بالنار إلي كانت بقلبي لما أفكر إنك مع وحده غيري و إنك ما تحبني و قاعد تخوني و تونا مالجين

عبدالله يقرب منها و يضم إيدينها : سمر حبيبتي حطي في بالج إني مستحيل أخونج فاهمه (( يطقها على راسها ))و ياليت قبل لا تسوين أي شي تفكرين مو تصيرين هبله و ما تفكرين

سمر تبتسم : عبدالله

عبدالله : عيووونه

سمر : أنا آسف إني شكيت فيك بس أنت تعرف الغيره

عبدالله : تدرين أنا مو زعلان أنا حدي مستانس

سمر بقلبها (( الحمد لله و الشكر في واحد مرته تشك فيه و يستانس الحمد لله على نعمة العقل ))

عبدالله : ههههههه أكيد الحين تقولين شنو هالمينون

سمر : هههههه إي

عبدالله : ويعيه تدرين لي مستانس لإني عرفت إنج تحبيني وايد بس مو أكثر مني هههههه

سمر : هههههههه الله لا يبين غلاتك

عبدالله : الحين ياليت تتعظين من هالدرس و مو بأي شي تشكين مالت

سمر : تووبه خلاص آخر مره

و تلم سمر عبدالله و تحط راسها على صدره
ستوووووووووووب فاصل و نوااصل ههههههه

خلووهم على راحتهم بعد الفاصل نردلهم

في بيت سمر

الأم : يلا يا حمد بروح لبنيتي اسم الله عليها كفايه أمس ما خليتوني أروح لها

حمد و هو نازل من الدري : هههههه بنتج قطوه بسبع أرواح

الأم : يمممه منك أذكر الله

حمد : ههههههه ترى ما قلت شي و الله سمر ما فيها شي و عبود عندها الحين يلا مشينا بس وين عبير

الأم : عبير بالجامعه ما تقدر تغيب توها راده من الإجازه تقول بتمرها هي و نوال بعد الجامعه

نوال من فوق : هههههه لا تنطرني لإني اليوم غايبه

الأم : بسم الله الرحمن الرحيم

نوال تنزل و هي لابسه بتروح عند سمر : ليش يمه لا يكون شايفه ينيه قدامج

حمد : ههههههه تبين الصج إي

نوا ل :هع هع هع موتني من الضحك

الأم : يا الخايسه و ليش ما رحتي الجامعه ليش هالإستهتار

نوال : ماما شفيج أختي بالمستشفى و تبيني أدوام بالله شلون أركز مع الدكاتره

الأم : أقول بس بس

حمد : أنا إلي أقول يلا مشينا

و يروحون الأم و حمد و نوال عند سمر


في الجامعه و بالتحديد غرفة الدكاتره

عبير توها داخل : أففف شنو هالحر الكلاس ما فيه تكيف خربان

طلال : هههههه عساج على القوه

عبير : تسلم

طلال : شلونج بعد طلعت أمس

عبير: هههه الحمد لله طلعت سليمه و عاهدت نفسي ما أروح مع ساره و بنتها مكان

طلال : هههههه و الله بنتها عوبا ما تخاف تتمشى و تسولف مع كل الناس و عادي حتى و هي ضايعه

عبير : الحمد لله إنك كنت موجوده و لقيتها و الله لو مو لاقينها جان استخفت أمها

طلال: هههههه لو أحد ثاني لاقيها جان سوى نفس الشي

عبير :هههههه بس صج عوبا و ما تخاف

طلال بهدوء : بس مو نفس سميتها سميتها هاديه و ما شفت مثلها

عبير بحياء مخفي : تسلم دكتور طلال (( قالت دكتور عشان تنبه إنهم بالجامعه و هي وحده غريبه عنه ))

أكيييييييد الفضول ذابحكم تبون تعرفون شنو صار أمس بالأفنيو تدرون حتى إحنا يلا خلونا نتذكر بس بشرط تغمضون عيونكم >> هههههه شلون تقرون ما أدري

((أمس راحت عبير و صديقتها ساره و بنتها عبور الأفنيو يتمشون و يتغدون

ساره: يممه خلاص و الله راح أبجي حرام عليج عبوره تعبت و حدي يوعااانه أبي أكل و حتى خاله عبير يوعانه

عبير: ههههههه و ربي شكلج إنتي و بنتج تــــحـــفـــه

ساره : إي ضحكي إن شاء الله ربي يرزقج بنت نفس بنتي و أكثر شطانه

عبير : لا حبيبتي البنت تطلع على أمها و بنتي بتطلع مثلي هاديه أما بنتج طلعت نفسج و لا نسينا ها ساروه منو كان يكفخ عيال الفريج بالصخر و ربي كنتي عربجيه

ساره : أقول يا تقولين خير يا تسكتين بلييز ما أحب أحد يذكرني بماضي الأسود

عبير : ههههههه هو أسود بس إلا أسود و يخوف

ساره : أقول أمشي أمشي بس ترى إذا ما رحت أكل باكلكم

عبووره : هههههه ماما خبله ثلون تاكلينا ما تقدرين

عبير : ههههههه أمج من زمااااااان خبله

ساره : طيب إنتي و ياها ........ و تمشي و تخليهم

عبير : عبووره بسرعه خلينا نروح نراضي ماما ترى ماما زعلت

عبور : ههههه يلا

و يروحون للمطاعم و يتغدون و لما خلصوا راحوا يتمشون و عبوره استغفلتهم و راحت تتمشى بروحها تقول لي أنا صرت كبيره بروح أشتري لي ملابس

ساره : عبير شوفي هذا واايد حلو

عبير : إي حده حلو

ساره : خلاص بشتريه لعبوره بس خليني أشوفه عليها إلا وين عبور

عبيرتتلفت : أمبيييه وينهي

ساره : يمه ابنيتي وين راحت

عبير : اهدي شوي الحين نلقاها امشي ندورها

ساره : يلا الله يستر و يحفظها

أما بصوب ثاني عبوره النزغه مو هامه حالة الإستنفار إلي مسويتها عبير و ساره قاعده تتمشى و لا
عليها من أحد بعد ربع ساعه حست بفقدان أمها و خالتها عبير فجأه تلقى واحد مع وحده يتمشون

عبور : لو سمحت
الريال ينزل لمستواها: هلا حبيبتي
عبور: وين أمي
الريال يشيلها : ههههه ليش إنتي منو يابج
المره إلي مع الريال : حبيبتي إنتي يايه مع ماما
عبوره : إي يايه مع ماما و خاله عبير
المره : و وين ماما و خاله عبير
الريال : وين خليتيهم
عبور : ما أدري كانوا بمحل و أنا رحت عنهم بروح أشتري لي ملابس
الريال و المره: ههههههههههههههه
الريال : إنتي تعرفين رقم ماما
عبور : لا
المره : أوكي خلينا نتمشى و ندورهم تبين أيسكريم
عبور : إي
الريال : أمشي نشتري

عند عبير و ساره

ساره : عبير راح استخف مو لاقيتها

عبير جذبها شي كانت تطالعه من فوق : ساره شوفي تحت هذا مو طلال معاه وحده

ساره بدون اهتمام : عبير هذا وقته بنتي ما أدري وينه و إنتي تقولين طلال

عبير بشهقه : ساره شوفي عبور مع طلال

ساره تلتفت : وين وين
عبير : شوفي تحت
ساره تشوفهم : يلا يلا بسرعه خلينا ننزل
عبير :يلا

طلال : ها حبيبتي إنتي شسمج
عبور : اسمي عبير الحلوه
المره : و شنو اسم أبوج
طلال : هييييه إتي شكو باسم الريال
جنان : يا الغبي لازم نعرف اسم أبوها و عايلها
طلال : إي صح
جنان : مالت و هذا و إنت دكتور بالجامعه
طلال : ههههه طوفي بس
عبور: طلال ماما
طلال: وين
ساره : عبور يمه حبيبتي وين رحتي
تركض عبوور و تضم أمها
عبير : السلام عليكم
طلال: و عليكم السلام أهلين دكتوره عبير
عبير : هلا فيك
طلال : لا يكون عبور تصير لج
عبير : إي بنت رفيجتي
ساره : مشكوورين إنكم لقيتوها
جنان : ولو أختي
ساره : أكيييييييد أزعجتكم بنتي و أعرفها
جنان : لا وين فديتها هاديه و عسل
عبير : ههههههه هالنزغه هاديه اقص إيدي إذا مو طول الوقت تسولف .... بقلبها (( أمووت و أعرف هذي منو و شنو علاقتها بطلال))
طلال : دكتوره أعرفج أختي جنان جنان أعرفج الدكتوره عبير
جنان : واااااااي هذي عبير إلي كله تسولف عنها
عبير استحت : تشرفت
جنان : الشرف لي و الله إنتي ما تدرين أنا من زمان ودي أعرفج من سوالف طلال عنج حبيتج
عبير : تسلمييين يا قلبي
ساره: يلا عن أذنكم و مشكوورين مره ثانيه و تشرفنا بمعرفتج

جنان : ولو حبيبتي و الشرف لي
عبير : يلا عن أذنك
و ردوا الكل البيت ))



نعود الأرض الواقع >> حلوه صح

طلال : إلا دكتوره عبير نوال ليش اليوم غايبه عسى ما شر

عبير بصدمه : غااايبه

طلال : إي ليش إنتي ما تدرين

عبير : لا اليوم لما دخلت عليها قالت لي روحي أنا أخلي السايق يوديني الجامعه شكلها سوتها و راحت المستشفى

طلال : المستشفى عسى ما شر

عبير : الشر ما يجيك بس أختي سمر مسويه حادث بسيط و بالمستشفى

طلال : لا الحمد لله على السلامه ما تشوف شر
عبير : تسلم




(( التوائم ))


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 06-09-2010, 08:26 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي



بالمستشفى بالتحديد غرفة سمر

الأم : اسم الله عليج يمه عين ما صلت على النبي

نوال : ههههههه سمر طافج أمس أمي اول ما سمعت الخبر طاحت و قامت تبجي

حمد يطقها : و هذا شي يضحك مع هالويه

نوال : آآآآآآآآخ

سمر : فدييتج يمه ما فيني شي بس شوي رضوض و إن شاء الله باجر أطلع

الأم : إن شاء الله إلا شلونك يمه عبدالله و شلون الأهل

عبدالله : الحمد لله بخير خالتي يلا انا أستأذن بروح أتسبح و أبدل وأمر الشركه و بعدين أرد لج أوكي

سمر : أوكي بس لا تطول

عبدالله يغمز : من عيوني الثنتين


سمر : و دير بالك على نفسج و سوق شوي شوي

حمد : طاع منو يوصي إلي أمس مسويه حادث و سايقه بسرعه بس الله ستر عليها (( يقلد صوتها )) سوق شوي شوي

عبدالله : ههههههه أقول وخر عن مرتي (( يلتفت لسمر ))همن من عيوني الثنتين

يقرب من سمر و يبوس جبينها : يلا سلام

الكل : سلام


في بيت عبدالله

كان عم عبدالله و بنته نور موجودين

بدر (( أبو نور )) : إلا وين عبدالله أمس ما حضر الإجتماع و الحين مو موجود

الأم : خلوني أروح أشوفه يمكن نايم

و تروح الأم غرفة عبدالله

أبو عبدالله : بنات اليوم ليش مو مداومين

ساره : أنا اليوم مالي خلق أداوم و أخذت مرضيه

نور : و أنا بداوم بالشركه العصر الصبح ساره دقت علي و قالت تعالي

غلا : و أنا آخر سنه و ما عندي محاضرات

ساره : غلا بليز لا تعيدين السنه خلاص أتوقع أخذتي خبره في هالمجال

غلا : هع هع هع إن شاء الله ماما

في هاللحظه يدخل عبدالله عليهم

عبدالله :السلام عليكم

الكل : و عليكم السلام

يروح عبدالله و يسلم على عمه و أبوه

عبدالله : شلونك عمي

العم : الحمد لله بخير و إنت شلونك

عبدالله : بخير عساك بخير ... شلونج نور

نور بدلع : تمااااام

عبدالله : دوووووووم إن شاء الله

الأم تدخل و ما تنتبه لعبدالله

الأم : يمه ولدي مو موجود و الفراش مثل ما هو عبدالله ما بات بالبيت

عبدالله يقوم و يضم أمه و يحب راسها : انا توني ياي يا الغلا

الأم : يا هلا و غلا بوليدي وينك يمه خوفتني عليك

عبدالله يتنهد : آآآآآآه
الأم : اسم الله عليك يمه

الأب : وين نمت عبدالله و وين كنت

عبدالله : كنت بالمستشفى

الأم تحط إيدها على صدرها : يمه شفيك ليش بالمستشفى شنو صار

الأب : منو بالمستشفى

العم : عسى ما شر يا وليدي

عبدالله: سمر أمس مسويه حادث

غلا تشهق : شنووووو

الأم : يا ويل قلبي شفيها يمه و شلونها الحين

عبدالله : الحمد لله بخير أمس كنت عندها و ما خليتها إلا لما صحت بس رضوض بسيطه باجر تطلع

الأب و العم : الحمد لله على سلامتها

عبدالله : الله يسلمكم يلا أنا باخذ شاور (( أتسبح )) و أبدل و أمر الشركه

الأم : مو رايح لسمر

عبدالله : إمبلا بروح عقب ما أخلص من الشركه

الأب : عساك على القوه

عبدالله : تسلم طويل العمر هههه يلا عن أذنكم

الكل : أذنك معاك

نور بهمس : عساها بالحال و أردى إن شاء الله ما تقوم

ساره : آمين

غلا : ويعه إنتي و ياها الحمد لله إن ما صار فيها شي (( تعمدت تقول )) و لا عبدالله استخف

نور : و ليش يستخف اسم الله عليه

غلا : لإن سمر روح عبدالله و عبدالله ما يحب غيرها

ساره : أقول ممكن توريني عرض أكتافج

غلا: صج سخيفات و عقولكم أسخف

و تروح غلا عن السخيفات و تقعد مع أمها و أبوها و عمها تسولف

نور : آآآآخ ياليتها ماتت

ساره قهر بس لازم نسوي خطه غير إلي كشفها عبدالله

نور : أكيييييد بس غلا لا تدري

ساره : أكيييد عشان تفتن

نور : بس شنو شنو فكري

ساره : أمشي فوق نفكر

ساره : عن أذنكم بروح أنا و نور فوق

الكل : أذنكم معاكم

و يروحون فوق و يفكرون شلون يخلون عبدالله يطلق سمر

تبون تعرفون الخطه
الخطه إنهم يروحون لسمر و يسولفون معاها و يقولون لها إن عبدالله مغصوب عليها و إنه يحب نور و ما يستغني عنها بس أمه هي إلي اغصبته و قالت إذا ما تزوجت سمر أنا متبريه منك و مع بهارات زياده و طبعا سمر إذا اسمعت هالكلام بتطلب من عبدالله الطلاق و بجذي قدروا يفرقون بين سمر و عبدالله

بس الله يستر على سمر من الخبيثات


بالغرفه نور و ساره قاعدين يفكرون بس قطع عليهم تلفون نور

نور : أففففف

ساره : شفيج منو المتصل

نور : هذا بسام السخيف

ساره : إنتي لحد الحين تكلمين شباب

نور : شسوي بيتنا ملل فأقضي وقتي بالسوالف مع الشباب

ساره : الله يهديج لازم تتركينهم إذا كنتي تبين عبدالله

نور : أحاول المهم هذا مو سالفتنا خلينا نفكر بخطه

ساره : أوكي


بالمستشفى عند سمر طبعا الخبر انتشر و الكل موجود عند سمر

ندى : يممه اسم الله عليج ياليت حمد إلي مسوي حادث مو إنتي

حمد : و عمى بعينج إن شاء الله إنتي مو أنا

ندى : لا إنت

حمد : لا إنتي

الأم : بسسسسسس

الكل سكت
باللحظه يدخل الجد و الجده و الخال ماجد و مرته و الخال سليمان و مرته

الجد : الحمد لله على السلامه يا الغاليه

الجده : اسم الله عليج عين ما صلت على النبي

ماجد : الحمد لله على السلامه يا الحلوه

ساره زوجته : الحمد لله على السلامه حبيبتي

سليمان : ما تشوفين شر حرم عبدالله

حلا زوجته : الحمد لله على السلامه يا قلبي

ندى : يلا منو باقي..... يوه واحد واحد مو كلكم مره وحده يلا سمر حبيبتي ردي عليهم

سمر : ههههههه الله يسلمكم من كل شر

الجده : و ليش هالسرعه ها ما تقولين تبيني أخلي هالعصا تيبب على ظهرج

نوال : عز الله رحتي فيها ما دام السالفه فيها عصا أنا ما أعرفج ترى سمر

حلا : هههههههه يمه منج أمحق من أخت

و قعدوا يسولفون و يضحكون و صارت المستشفى لويه

في بيت سليمان الخال

شهد توها قاعده من النوم اليوم غايبه و السبب إن رفيجتها غايبه (( سبب سخيييفه )) و جوري من قالت شهد أنا بغيب قالت أنا بعد بغيب

شهد :كولا يا كولا >> اسم خدامتهم (( أمانه محد اشتهى كولا إحنا اشتهينا ))

كولا: يس شوشو

شهد : سويلي كابتشينو و هاتيه لي بالصاله

كولا : أوكي

راحت شهد للصاله و هي تفكر باسم خدامتهم >> فاضيه عن جد
شهد بنفسها (( ليش اسمها كولا شكله عشان كل ما أناديها اشتهي كولا لازم أقول لإمي تغير اسمها

يت كولا و عطت شهد الكابتشينو

شهد : ثاااانكس

يدخل بندر الصاله

بندر : السلام عليكم

شهد : و عليكم السلام

بندر :ليش اليوم غايبه

شهد : رفيجتي اليوم بتغيب أنا شنو يوديني

بندر : لا و الله ليش إذا رفيجتج غايبه المدرسه ما تدرس

شهد : يوووووه عاد اشتغل أخ بندر تطنز

بندر : شدراني عنج شنو غايبه عشان رفيجتج غايبه

شهد : إلا وين أمي و أبوي ما أشوفهم العاده هالحزه قاعدين بالصاله

بندر ياخذ الكابتشينو من شهد و يشربه

شهد : يا حمار مالي قول لكولا تسويلك

بندر : أولا مالي خلق أنطر و ثايا أمي و أبوي عند سمر

شهد بصدمه : سمر ليش

بندر : سمر أمس مسويه حادث بسيط و الحين هي بالمستشفى أنا رايح لها الحين بتروحين معاي

شهد : يممممممه إي أكييد يلا مشينا

بندر : إي صح مشينا بس ممكن طلب

شهد : أكيييد آمر
بندر : ممكن تقومين تغيرين ملابسج شكلج ناويه تنذبحين بتروحين في هالبجامه

شهد تطق راسها : يووووووه و الله هالخبر لخبطني يلا أنا بقوم ألبس

بندر : أوكي أنا ناطرج بالسياره

شهد : أوكي

نرد للجامعه آخر الدوام

عبير : أففف خلاص تعبت

طلال : ههههه أكييد بتتعبين مو إنتي تعودتي على الراحه

عبير : إي و الله

طلال : دكتوره عبير بطلب منج طلب

عبير : هلا آمر دكتور

طلال : أبي أوريج صور لمجموعة دبل أبيج تختارين لي وحده لإن قررت أتزوج و ما أعرف في هالسوالف و إلي أبي أخطبها نفس ذوقج

عبير بصدمه : بتتزوج

طلال : إي

عبير تحاول تكتم عبرتها : ألف ألف مبرووك


طلال : الله يبارك فيج يلا هذي الصور ممكن تختارين
عبير : أكيد ورني

لا تسألوني عن حالة عبير تعرفون لما تنطعنون من شخص تحسين معاه بالامان هذا حالة عبير مو قادره حاسه إنها مختنقه

عبير : هذي واايد حلوه و ناعمه

طلال : أكييد يعني راح تعجبها

عبير : إي واايد حلوه

طلال: مشكووووره دكتوره عبير أكيييد راح تعجبها لإنها إنساانه ذوق و حبوووبه و حلوه

عبير : تحبها (( انتبهت على نفسها )) سوووري على هالسؤال

طلال ك لا عادي أنا مو بس أحبها أمووت فيها

عبير : الله يوفقك يلا أنا ماشيه مع السلامه

طلالـ : مع السلامه

عبير أول ما ركبت السياره حست نفسها منهاره
ليش ليش الإنسان إلي أحبه يتزوج و يخليني أنا رفضت كل إلي تقدموا لي عشانه ياليتني سمعت كلامج يا ساره لما قلتي لي هو مو حاس فيج وخريه عن بالج و تزوجي ياااااااااا ليييييت آآآآآآآآه يمه تعبااانه

شغلت عبير السيااره و دموعها كانت صديقتها في هاللحظه كانت تواسيها بالطريج شغلت عبير أغنيه
تشرح حالتها و المصيبه إلي حاسه فيها و الخيانه إلي يتها من حبيبها



ضاقت عليك وما لقيت الا انا تقول وش رايك في محبوبي الجديد
تبغى تعنيني وانا ناقص عنا اموت واعرف بس انا وش تستفيد

مستكثر اني عشت بعدك في هنا ولا سمعت و ضايقك اني سعيد
احس لما قلتها لي واكيد انا دقات قلبي وقتها قامت تزيد

حاولت اجرب وانهي اللي بيننا بس العواطف راسها دايم عنيد
انا على حطت ايديك هذا انا ما اكذب عليك ان قلت فرقاك عيد


ط¶ط§ظ‚طھ ط¹ظ„ظٹظƒ | ظ†ظˆط§ظ„ ط§ظ„ظƒظˆظٹطھظٹظ‡

آآآآآآآآآآآآآآآآآآآآآآآآآآآآآه

بيت عبدالله

الأم : يلا حطيت الغدا أمشوا تغدوا

الأب : يلا إلا وين عبدالله

غلا : بابا عبدالله قال بيمر سمر يقعد عندها

الأب : و الله هالولد ما أدري شفيه ما صدق يملج كله لازق فيها ههههههه

ساره: أكيد مسويه له سحر

الأم : أوص و قص إن شاء الله

الأب : ساااروه إن سمعتج تتكلمين جذي مره ثانيه ما تلومين إلا نفسج فاهمه

ساره عصبت و راحت غرفتها تكلم السخيفه نور و تشتكي لها

الأب : الله يهديها

الأم و غلا : آآآمين
الأب : إلا راكان وينه ما قمت أشوفه بالبيت

الأم : راكان كله مع عيال الييران

الأب : خليهم ينادونه عشان يتغدى

الأم: إن شاء الله



(( التوائم ))


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 06-09-2010, 09:25 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي



بالمستشفى

الكل راح من عند سمر ما عدا ندى و حمد و الأم و نوال و بندر

عبير تدخل : السلام عليكم

الكل : و عليكم السلام

عبير تقرب و تبوس سمر : الحمد لله على السلامه حياتي ما تشوفين شر

سمر : حياتي الله يسلمج من كل شر

عبير : شلوونكم شباب و صبايا

الكل : بخير و الحمد لله

عبير : ههههه قاعدين بالمدرسه

حمد : هههه إي و المدرسه فطووم

الأم تطق حمد : ويعه هذا يزاتي إني أنصحكم

ندى : و الله يا عمتي الحلوه تدرين إن كل النصايح تدخل من الإذن هذي و تطلع من الإذن الثانيه

الكل : هههههههههههه

الأم : ماااالت إنزين

ندى تقوم و تبوس راس عمتها : آسفه يا الغلا توبه ما أعيدها

بندر : تكفين عمه لا تسامحينها

الأم : و أنا أقدر ما أسامحها إلا عبير يمه شفيج ليش ويهج مصفر و تعبانه

عبير بارتباك : لا يمه إنتي عارفه أول يوم أداوم بعد إجازه أكيد راح أتعب

الأم : يا قلبي روحي أرتاحي بالبيت

عبير : لا بقعد معاكم شوي

نوال : آآآآه متى يصير الخميس

بندر : ليش

نوال : لااا مو ناقصه غباااء تكفى

بندر : جب جب

ندى : هههههه أخوي من زماااان غبي

حمد : إذا أخوج غبي فتأكدي إنتي أغبى منه

ندى :فطووووم شوفيه

الأم : فطوم بعينج

ندى : ههه سوووري عميمه شوفيه

الأم : ما عليج منه هو محتر منج

ندى : أحم أحم

سمر : أقول ممكن تتفضلون بره

نوال :كأنها طرده غير محترمه

ندى : كأنها بس مو أكييييييد

سمر : برره عبدالله بيي

نوال : اها خايفه عبدالله يشوفني و يعجب فيني و يطلقها و يخطبني

الكل : ههههههههههههه

سمر : هع هع هع بره إنتي خصيصا

الأم : يلا يا عيال خلونا نرد البيت العصر نمرها سمر يمه أنا رايح البيت أريح و العصر بيي ترى عمامج و عماتج بيون العصر و خالتج أم عبدالله بتيي بعد العصر مع البنات أغراضج حطينها هني بالشنطه إنزين

سمر : مشكووره ماما حبيبتي

عبير : سمر يمكن ما أيي العصر أحس نفسي تعبانه

سمر : لا يا قلبي عادي حتى انا حاستج تعبانه

الكل : يلا مع السلامه

و طلعوا الكل و خلوا سمر بروحها تنطر عبدالله

بعد شوي دخل عبدالله

عبدالله : السلام عليكم

سمر تبتسم : و عليكم السلام

عبدالله : شلون حبيبتي الحين

سمر : حبيبتك الحمد لله بخير بس مشتااقه لك واااايد

عبدالله : يا حياتي و أنا مشتااااق لج وااايد الواايد

سمر : ههههه شنو سويت اليوم بالشركه

عبدالله : يتني حبيبتي الشركه و سولفت معاها و بستها

سمر : يوووووووه عبدالله صج قاعده أتكلم

عبدالله : هههههه شنو سويت أشتغلت بس

سمر :هههههه

عبدالله : منو كان عندج اليوم

سمر : خوالي و عيالهم و أهلي و بس

عبدالله :أها

سمر : عبدالله تغديت

عبدالله : إي أكلت الحمد لله

سمر : وين

عبدالله : بالشركه

سمر : عبدالله أنا مستغربه ما أشوفكم وايد تتكلمون عن راكان ما أحس له وجود بالبيت

عبدالله : ههههههه راكان هذا ما أحسه أخوي ما أشوفه كلش إذا سألت عنه قالوا مع عيال الييران

سمر : هههههه يا حليله

عبدالله : منو بيي عندج اليوم العصر

سمر : عمامي و عماتي و خالتي أم عبدالله إلي هي أمك و بناتها إلي هم خواتك ههههههه

عبدالله : هههههههههه خلاص عيل لما يروحوت اتصلي علي

سمر تقرب من ويه عبدالله : من عيوني

عبدالله يبوس عيونها : تسلم لي عيونج


بالبيت و بالتحديد غرفة عبير

عبير : آآآه يا ساره راح خلاص طلال بيتزوج خلاص

ساره : هدي يا عمري و لا تبجين خليني أفهم

عبير : طلال اليوم قالي إنه يبي يتزوج و خلاني أختار له الدبله لها و قالي إنه يحبها و يموت فيها أهئ أهئ

ساره : يا بعد عمري هدي و نامي و العصر أنا يايه لج إنزين

عبير : إنزين

سكرت عبير التلفون من ساره و قامت تفكر بكل إلي صار بحياتها
و فجأه تذكرت شخص كانت هي و سمر متعلقين فيه و كان هو الشخص إلي يحل مشاكلهم و يدافع عنهم و لا
يرفض لهم طلب و كان الملجأ لهم و كان الصديق لهم
بس الموت ما خلاهم يعيشون معاه و حرمهم منه و هم صغار و محتاجين له تدرون منو أبوهم كان وايد متعلق فيهم و يخاف عليهم من نسمة الهوا بس الموت ما يرحم
أخذت عبير صورته و قالت : يبه وينك و الله محتاجه لك يبه الدنيا قاسيه يبه تعبت و الله تعبت

و حاولت عبير تنام لين نامت

بالسعوديه

متعب : يا يمه ما أقدر الحين حدي مشغول

الأم : وش أقول لبوك

متعب : قولي له عنده شغل

الأم : بس أبوك تعرفه بيقول الشغل مو أهم من عمامه

متعب : و الله عمامي على عيني و على راسي بس اليوم عندنا شغل كثير مره

الأم : خلاص أمري لله بقوله بس لي رديت أنا مالي شغل

متعب : خلاص يلا يمه فمان الله

الأم : فمان الكريم

سكر متعب من أمه و هو يتنهد

ناصر : عسى ما شر متعب

متعب : ما شر بس الوالد نفس كل مره

ناصر : هههههه و الله يا متعب ما أشوف فيها شي روح الغدا و الله جمعة الأهل ترد الروح

متعب : الحمد لله و الشكر و الله ودي بس شقول و مديرك حاجزنا

ناصر : يووووه راح عن بالي يلا خيرها بغيرها

متعب : و الله كان ودي أقعد مع العيال بس يالله

ناصر : ألا متى سفرتكم للكويت

متعب : يوم الخميس إن شاء الله

ناصر : و الله مو مصدق عطوك إجازه ثلاث شهور

متعب : أنا عمري ماخذت إحازه إنت إلي شهريا لازم إجازه

ناصر : هههههه و الله مو بيدي

متعب : مو بيدك أجل بيد منو

ناصر : بيد نفسي هي إلي تامرني تقول لي خذ إجازه

متعب : أحلف يا شيخ ههههههههههه

ناصر : ههههههههههههه

بالكويت العصر بالمستشفى

كانوا عند سمر نوال و أمها و حمد

سمر : ههههههه خلاص حمد و الله بطني عورني

نوال : ههههههههههه و الله إنك خطير

حمد : هههههه لا تشوفون يدي و ربي تموتون ضحك يلحقني أنا و الخبل بندر بالعصا و الله تبون الصج خفت

الأم : تستاهلون و الله جذي تسوون بأبوي مالت عليك إنت و بندر

نوال : غصون الجنه إن شاء الله

حمد يقرب من نوال و يبوسها : فديييت إلي تدافع عني

نوال : بس أنا ما دافعت بس قلت غصون الجنه

سمر : هههههههههههه لقط ويهك شوف خشمك يركض لحقه بسرعه

حمد : هع هع هع و الله ضحكتوني مالت عليكم من خوات

الأم : ما عليك منهم يمه محترين منك

حمد يطلع لسان و يحرهم : موتوا حره

نوال : ياهل و ربي ياهل

حمد : ما راح أرد عليج تدرين ليش

نوال : ليش

حمد : لإنج نفس تخصصي

نوال : ههههههههههه

سمر : إلا بسألك حمد إنت الحين تخرجت متى ناوي تشتغل

حمد : و الله قدمت على كذا مستشفى أنا و بندر بس لحد الحين

نوال : حمد إلا شنو تخصصك دايم أنسى

حمد : تخصص جراحه

نوال : نفسي عزوز

حمد : منو عزوز

نوال : عمي عبدالعزيز

حمد : إي بالضبط

سمر : ليش ما تقدم بنفس المستشفى إلي يشتغل فيها عزوز

الأم : و عمى إنتي و ياها شنو عزوز قولوا عمي

الكل : ههههههههههه

بعد شوي يدخل اليد أبو ناصر و اليده و معاهم عزوز هههه قصدي العم عبدالعزيز

اليد يقرب و يبوس سمر : الحمد لله على سلامتج يبه

سمر : الله يسلمك يا الغالي

اليده تلم سمر : و الله خوفتيني عليج

سمر : يا قلبي يا يمه ما فيني شي بس رضوض و باجر بطلع

عبدالعزيز : الحمد لله على السلامه يا الحلوه

سمر : الله يسلمك عزوز

عبدالعزيز : عزوز بعينج قولي عمي

سمر : و الله ما يصير إنت كبري

عبدالعزيز : هههه هني ما أقدر أقول شي

تسلم الأم على اليد و اليده و تسلم نوال على أهلها و يسلم حمد على اليد و عزوز

عبدالعزيز : إلا شلونك يا حمد

حمد : الحمد لله بخير إنت شلونك ما قمت تبين

عبدالعزيز : أنا بخير عساك بخير و الله الشغل حارمني من كل شي

نوال : عزوز تدري كنا نتكلم عنك قبل لا تدخل

عبدالعزيز : أولا أنا أسمي العم عبدالعزيز

نوال : و ليش سمر تقول لك عزوز

سمر : لإنه نفس عمري و قبل كنا نلعب مع بعض و لا كأنه عمي

عبدالعزيز : بالضبط إلا شنو كنتوا تقولون عني

نوال : و لا شي حمد نفس تخصصك و قلنا له قدم بنفس مستشفى عمي عبدالعزيز جذي زين

عبداالعزيز : إي زين و الله فكره قدم عندنا

حمد : إن شاء الله

و بعد شوي يدخل العم جاسم و مرته جوري مع بناته سلوى و ميساء و تدخل العمه سحر المحبوبه
و يقعدون يسولفون و يضحكون بعدين الكل استأذن و طلع و ما بقى غير نوال و الام عند سمر


بالبيت بغرفة عبير

ساره : الحين ممكن بتيي تقعدين يمي و تقولين شفيج

عبير : لحظه خليني أقول للخدامه تييب شي تشربينه

ساره : أنا مو يايه أشرب شي انا يايه عشانج

عبير تبجي : طلال يبي يتزوج

ساره : شي كنت متوقعته يعني بيظل الريال عازب

عبير : و انا

ساره : إنتي لازم تنسينه

عبير : ساره طلال حب حياتي شلون أنساه

ساره : الحين ممكن تقولين لي كل إلي صار

عبير : أوكي كنت قاعده بالمكتب ...................... و قالت لها كل إلي صار

بيت عبدالله

الأم : يلا يا بنات تأخرنا

غلا : أنا خلصت

ساره أف و اناا بعد

الأم : يلا مشينا


و وصلت أم عبدالله و بناتها المستشفى و راحوا غرفة سمر و يطقون الباب و يدخلون

أم عبدالله : اسم الله عليج يمه عين ما صلت على النبي (( تقرب و تبوسها )) الحمد لله على السلامه

سمر : الله يسلمج يا الغاليه

غلا تلم سمر : يا الخايسه خوفتينا عليج الحمد لله على سلامتج

سمر : هههه يا حياتي إنتي الله يسلمج

ساره ببرود تسلم على سمر : الحمد لله على سلامتج

سمر : الله يسلمج يا قلبي

و ما مداهم يقعدون إلا ينطق الباب و تدخل عمة عبدالله حصه و معاها مرة أخوها نواف اسمها روان و بنته نوف

حصه : الحمد لله على السلامه يا مرت الغالي

سمر : الله يسلمج يا الغاليه

روان : الحمد لله على السلامه حبيبتي و ما تشوفين شر

سمر : الله يسلمج حبيبتي

نوووف : الحمد لله على السلامه إن شاء الله كان بعدوينج و إلي يكرهونج

أول ما قالت نوف هالجمله غلا طالعة ساره و ضحكت و ساره انقهرت من نوف

سمر : الله يسلمج نوفي

نوف تسلم على الموجودين و لما يت بتسلم على نوال طقتها

نواال : آآخ ليش عاد

نوف : لا و الله ليش غايبه اليوم لا تقولين عشان أختي اليوم الدكتوره عبير مداومه ما أشوفها غابت

نوال : يمه أكلتيني بلسانج كيفي عاد مالي خلق أداوم اليوم و لقيت هالحجه

نوف : مره ثانيه قولي لي عشان أغيب مو أقعد بروحي

نوال : و ليش ما قعدتي مع الشله

نوف : أقول طيري إنتي و الشله متفقين تغيبون كلكم

نوال بصدمه : الشله كلها غايبه

نوف : إي من حظي مره ثانيه تكفين تكرمي على و بلغيني إنج بتغيبين

نوال : ههههه إن شاء الله

و بعدين طلع الكل من عند سمر و ياها عبدالله و قعد عندها

اليوم الثاني طلعت سمر من المستشفى و أمها سوت لها عشا و حظرالعشا عمامها و خالها و أهل عبدالله
و مر الأسبوع عادي بس عبير كانت تتحاشا طلال و نوال انتظمت و صارت تداوم و سمر عبدالله كل يوم عندها أو يدق عليها إلا أنا حان وقت وصول أهل المملكه أهل الطيب و النخوه لأرض الكويت

بالمطااااار
بليز لا تشوفونه العايله الكريمه كلها موجوده كأنهم بيستقبلون شخصيه مهمه

نوال : ندووي و عمى ترى حدي متوتره

ندى : و ليش بالله متوتره

نوال : من زمان مو شايفه لمووو و مشتااقه لها موووت

ندى : الحمد لله و الشكر

عبير : أوص إنتي و ياها أصواتكم عاليه

ندى : وين سمر

عبير : قاعده تكلم عبدالله

ندى : لاااااا بعد هني حرام عليها ما ملت منه

نوال : هييييه إنتي لا تحسدين أختي

ندى : لا تخافين عيوني بارده

في هاللحظه وصلت الطياره القادمه من دار بو متعب

و وصلوا نوف و عيالها إلى الكويت و كان باستقبالهم العايله

نوال تلم لمى : آآآآه و الله مشتااقه لج لموووو

لمووو : و أنا أكثر يا قلبي

و طبعا سلموا على الكل و استانسوا و ردو البيت و أم حمد حلفت إنهم يسكنون عندها حاول معاها بس هي مصره تقول زهبت كل شي الغرف و كل شي

راحوا الكل بيت أم حمد

اليده تبجي : و الله يا نوف مشتااقه لج يا بنيتي

نوف تبجي و تضم امها : آه يا أميمتي و الله لو ألف الدنيا مالي غير حضنج أرتاح فيه

و قعدوا يسولفون و يضحكون و خبال لي حزة الغدا

بغرفة نوال كل البنات متجمعين فيها

شهد : أقول ترى ما راح تردين السعوديه خلاص بزوجج بندر و جنى بزوجها صلوح شرايكم

لمى طالعت نوال و قالت : لا أنا ما أبغى بندر ما أحبه

جنى: خلاص أنا راضيه بصلوح باخذه و أربيه

الكل : هههههههههههه

جوري : جنو أمشي نتمشى بالحديقه

جنى : أوكي بس بلبس الملفع و النقاب

ندى : أقول قطي النقاب عادي

جنى : لا مستحيل أنا جيت من السعوديه لابسته ما راح أقطه

لموووو: وي يا لبى هالويه تكفين لا تخلين أحد يشوفه بعدين يخترع

جنى : مااااااالت عليك

و طلعوا جنى و جوري للحديقه يتمشون و شافوا الشباب قاعدين إلي هم حمد و بندر و متعب و سالم و مشعل

جنى : منو هذول

جوري : شوفي هذا ................ و قالت لها الموجز عن الشباب

جنى : مشعل مرره حلوه

جوري : هههه راح عليج مشعل يحب شهود أختي بس شهد كل تعصب عليه و هو دايم يطفرها

جنى :ههههههه حسافه

أما عند الشباب

حمد : و الله توو مااا نورت الكويت

متعب : منوره بأهلها

بندر : عاد اليوم ما راح تقعد بالبيت بتدوج معانا

متعب : هههههه خلاص صار

سالم : إلا شرايكم نكلم يدي عشان طلعت المزرعه

مشعل : ههههه حمد قال ليدي قبلك

متعب : إلا متى الطلعه

حمد : عقب باجر

مشعل : حماااااس

الكل: ههههههههه

حمد : انا رايح أشوف الغدا

بالغرفه عند البنات

لمى : أنا عطشاانه أبغى مويه

نوال : روحي المطبخ

لمى : لا و الله حلفي يا شيخه أمشي معاي

نوال : مالي خلق

سمر : أمشي انا أروح معاج لمووو

لمى : يلا و إنتي هين ( تأشر على نوال ) بس لحظه بلبس العباه و الملفع و النقاب

سمر : لا عادي ما فيه أحد تحت و الله الشباب كلهم بالحديقه

لمى : بس

سمر : لا بس و لا شي بنروح نشرب ماي و رادين

لمى : يلا أمري لله

و كان بالمطبخ بالحزه حمد يقول للخدامات يستعجلون بالغدا و باللحظه أدخلت لمى و سمر المطبخ و ما انتبهوا لحمد إلي انصدم من القمر إلي واقفه يم سمر


تتوقعون شنو راح يصير ؟؟

و شنو راح يكون موقف لمى ؟؟

و شنو سر نظرة لمى لنوال لما قالت لها شهد بزوجج بندر ؟؟

و سمر و عبدالله هل من جديد ؟؟

و متعب و ندى شنو راح يصير بينهم ؟؟

و طلعت المزرعه شنو راح يصير فيها ؟؟

و عبير انخطبت منو هو إلي خطبها و حبها ؟؟



(( التوائم ))

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 06-09-2010, 11:10 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


إن شاء الله يعجبكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 06-09-2010, 11:20 PM
صورة ~ وردة خجولة ~ الرمزية
~ وردة خجولة ~ ~ وردة خجولة ~ غير متصل
©؛°¨غرامي فعال ¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


بصرااحة كل باارت احلى من الثااني
يسلمووووووووووووووووووووا
والله مشكوورة قليلة
ماقصرتي والله 3 باارت نزلتي
في مرة وووحدة
مشكووووووووووووورة
رواية تجنننننننننننننن

انا معاك الى الاخر
واصلي بانتظارك

~ وردة خجولة ~ ( الجميلة2009 )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 07-09-2010, 12:40 AM
نسيتكك يآآ سبب آلمي . نسيتكك يآآ سبب آلمي . غير متصل
©؛°¨غرامي مجتهد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


ررررررررروعه لاطولي

نتظرك ق1ق1

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 09-09-2010, 02:37 PM
صورة التـــوائـــم الرمزية
التـــوائـــم التـــوائـــم غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


يا قلبي فديييتكم مشكوورين على متابعتكم للروايه
و إن شاء الله مو مطولين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 11-09-2010, 04:16 AM
بنوتة طعمة بنوتة طعمة غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


هاااااي
ياقلبووو مرسي علي البارت
اول رد لي في روايتك كنت اتابعك من خلف الكواليس بس قلت لازم ارد علي روايك الجونااااااااااان
وكل عاام وانتو بخير ياتوائم
بنتظاارررك البارت
بنوتة طعمة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 11-09-2010, 03:01 PM
كـنـدوووشـه كـنـدوووشـه غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


يآآآآآآآآآآآآآآآآآآآآآي من جد أبدآع تآبعي يالغلآ واحنا معكـ<<هع هع حسيت اننآ بحرب هع

مرررهـ نآيس ننتظركـ <<< لي بآكـ للشخصيآت اللحين صآكهـ فيني النووومهـ هع هع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 13-09-2010, 12:56 PM
كـنـدوووشـه كـنـدوووشـه غير متصل
©؛°¨غرامي جديد¨°؛©
 
الافتراضي رد: يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي


وآآآآآآآآآآآآآآآآآآآو ابدعتو يالتوين مرررهـ روايهـ نايس آآمممم

عبورهـ فديتهآ وطلآل بيفأجئهآ بخطبتهـ لها<<<ويآرب يكون صح

سمورهـ وعبود هع ثنآئي رووعهـ

آآممم حمد وآآآآهـ بص جنآن موررهـ

ننتظركـم ياعسووولآت ويآريت البآرتات تكون طويلهـ ...~


يبا تكفى دخيلك ليه تخليني يبا بنتك بعد موتك يتيمة و ما لها غيرك / بقلمي

الوسوم
أرجو , الثقيل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
طفلة بساحات الحرم بقلمي وحدااااااااااني خواطر - نثر - عذب الكلام 8 24-07-2010 10:45 PM
إنتفض قلبي بغزال منصوري ( يصعب فتح الموضوع ) حبيبة دمعه مخنوووقه ارشيف غرام 16 08-05-2009 03:25 AM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM
دخيلك لا تخليني ( دلوعه الطائف) خواطر - نثر - عذب الكلام 26 16-09-2008 06:18 AM

الساعة الآن +3: 04:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1