دلوعه من زمن الماضي ©؛°¨غرامي جديد¨°؛©

اهلين كيفكم طبعا رح انزل اول روايه لي واهي(محتاجه ضمة حبيبي تدفيني)للكاتبه(مبتسمه رغم حزنها)طبعا الروايه سعوديه واتمنى الاقي التفاعل الي استحقه ماأبغى مجاملات ابغى رايكم صدق....
طبعا روايتي هذي تعيش قصة حب لكن الحب يكون بين مين ومين؟ هل رح يكون الحب والعذاب الي يعيشونه بكل مأسيه بين البنت وولد عمها مثل مانقرا بأكثر الروايات؟ ولا بين مين ومين ؟ومين يعيش قسى الحرمان ؟ مين؟ مين يعيش قسى الحرمان من كلمة................مارح اطول عليكم بالمقدمه رح اخليكم تعيشونها مع ابطالنا رح اخليكم تحسون بالي يحسونه هم رح اخليكم تزعلون معهم وترضون معهم وتفرحون معهم وتبكون معهم .......... (طبعا اذا قدرت اوصل لكم الفكره عدل )
بسم الله نبدأ
(البارت الاول)
رح اعرفكم عالابطال بيت اهل بومهند.........الابوتركي اب طيوب بمعنى الكلمه وزوجته نوره كمان طيبه وتحب عيالها موت مثل كل أم تخاف على عيالها وتحبهم ..........
مهند عمره 24سنه ويشتغل مهندس حاسب .........وبعدين تجي بعده اخته بدور وعمرها 22سنه متزوجه ولد خالها عبد العزيز وعندها ولدين سعود ومحمد....وتجي بعدها بنت اسمها ليان وعمرها 18سنه في ثالث ثانوي علمي ويجي بعدها نواف عمره 16سنه في اول ثانوي كيوت وشوي عيار (يعني نصاب)
بيت عمهم بوجلال الابو سعد مارح اوصفه لكم بعدين انتوا وصفوه من احداث القصه ودلال زوجته مسكينه ومالها دخل بزوجها لاعصب يعني حبيبه الكبير جلال وعمره 25سنه متزوج من وحده اسمها مريم عمرها 24سنه وتوهم متزوجين مااخذوا فتره طويله من تزوجوا ويشتغل مع ابوه بالشركه ...يجي بعده اخوه بندر عمره 23سنه حبوب لكنه في بعض الاوقات عصبي وماينتواجه اذا عصب...ويدرس في الجامعه سنه ثالثه تجي بعده ورده وعمرها 18سنه في ثالث ثانوي علمي (زعووووووووله) تجي بعدها هيام والي هي الحين في اول ثانوي عمرها 16سنه حبوبه لكن دوم (غيوره )واخر واحد خالد وهو في سادس ابتدائي عمره 12سنه.........
بيت عمهم بوحسين الابو محمد وهو ماعليه من حد يعني ماله بالقيل والقال وماله بالخناق يعني هو على الله حبوب وطيب مره وزوجته سحر كمان نفسه وولده الكبير حسين وعمره 22سنه مهندس ديكور وخاطب بنت خالته نوف...يجي بعده فاضل الي عمره 18سنه في ثالث ثانوي علمي (مملوح وشكله جذاب)وبعده التؤام ريان وندى ريان عمره 16سنه في اول ثانوي (نكوتي لكن احيانا يزودها )وندى اخته التؤام مالها بحيات البنات موبويه(يعني ولد)بس مو مهتمه بنفسها مثل باقي البنات واهتماماتها اهتمامات اخوانها............
يمكن الابطال كثار بس رح تتعودون عليهم ان شاء الله مع سرد الاحداث ورح تحبونهم وتحفظون اسمائهم كمان ...........
بسم الله ابدأ
اليوم اول يوم للعيد وطبعا الكل جلس بدري وتجهز وراح بيت الجد وطبعا اشكال الكشخه والوناسه في بيت الجد في بيت بومهند العم تركي في غرفة ليان ليان جالسه تكشخ علشان تروح بيت الجد لانهم كلهم راحوا وباقي هي ماراحت صفاتها هي بيضه شعرها لنهاية ظهرها كستنائي كثيف وناعم جسمها حلو مره ولها خصر مره حلو ومتناسق مع جسمها الضعيف وجها طويل طوله حلو مره انفها طويل وحلو وشفيفها صغار نعومين يعني كلها على بعضها نعومه مره ....كان لبسها للعيد بلوزه ورديه كوكتيل عليها جاكيت كمومه بالنهايه مزموم وتنوره قصيره للركبه بيضه على لون الجاكيت وفي التنوره كسرات مره حلوه وكانت لابسه بوت(وانتوا بكرامه )يوصل لحد الركبه وكان مكياجها مره ناعم وحلو ورشت لها من عطرها المفضل الارن جوالها...
ليان. .(وهي مبتسمه)هلاوغلا والله عاش من سمع هالصوت .
ورده. .هلافيك وينك فيه ؟ ليه لحد الان ماجيتي بيت جدي؟ (علاقتها مره قويه مع بنت عنهاليان)
ليان. .ليه؟ رحتوا؟
ورده. .ايوه ليه حظرتك ماجيتي؟
ليان. .يلا كاني جايه
ورده. .امك وابوك جاوا ليه ماجيتي معهم؟
ليان. .كنت البارح سهرانه مع مهند والعيال ومانمت الا متأخريلا الحين اخلي السواق ياخذني لكم ...
ورده. .يلا تعالي تراني طفشت بالحالي.
ليان . ليه محد من البنات جا؟
ورده . الا جاو بس تدرين ماحب الاجلستك يلا عاد تعالي..
ليان . يلايلامسافة الطريق بس وانا عندك
ورده . لا تتأخرين
ليان . okعلى حسب راجو اذا مانام بالطريق انا عندك خلال نص ساعه ..
ورده . هالمفهي سواقكم ليه ماتغيرونه؟
ليان مفهي ويدل احسن من صاحي ويعل..
ورده وانتي الصادقه يلا يلا بلا بربره وتعالي انتظرك .
ليان . ان شاء الله باي
ورده . باي
خذت ليان شنطتها الورديه الناعمه من على التسريحه وعبايتها الي كانت معلقه عالشماعه وطلعت من غرفتها الا شافت بطريقه مهند طالع من غرفته كان لابس ثوب شتوي لانهم بالشتاء لونه اسود مع شماغ احمر طالع مره رزه جسمه حلو من ناحية الطول والضعف يعني مو ضعيف ضعيف بس حلو جسمه عيونه نايسه(نعسانه)وملامحه تشبه شوي من اخته ليان قربت منه ليان وهي مبتسمه ليان. .كل عام وانت بالف خير
مهند(وهو مبتسم سلم عليها وباسها )وانتي بخير وصحه وسلامه شالكشخه ؟
ليان . (ستحت ونزلت راسها )
مهند. .(وهو مبتسم )ليه مارحتي بيت جدي؟
ليان. .ماصحيت الا الحين توديني على طريقك؟
مهند. .افا كم ليونه عندنا ؟ وحده لكن معي واحد بالسياره ركبي ورى .
ليان . ok..جلست تلبس عبايتها وهي تنزل الدرج مع مهند وطلعو للشارع ركبت ليان بهدؤورى اخوها بالسياره حست بالاحراج رن جوالها وطنشته وماردت خلته سايلنت طبعا ورده الي كانت داقه وصلوا لبيت الجد نزلت ليان ومشى اخوها مع صديقه دخلت ليان البيت طبعا دايم مايكون في مدخل الصاله مرايه كبيره شلحت ليان العبايه ولبست الكاب (قبعه)الا بدخلة بندر مدخل الصاله شاف هذيك الي جالسه ترتب نفسها وتتعدل ولا بحاسه بالي حواليها واقف عجبته جد لكن مين هذي ليان الي الكل يحلف براسها؟ ولا مين؟ استغفر ربه وطلع مهما كان مايصير يناظرها من غير شي يسترها وطلع بس بعد ايش؟ بعد ماكتفى من شوفها؟ المهم دخلت ليان الصاله وسلمت على الحريم وبعدين البنات واخر وحده ورده الي معصبه منها بالحيل ومن تطنيشها لمكالماتها مدت ايدها ليان تبغى تسلم على ورده وهي مبتسمه ورده بدورها تكتفت ولفت للجهه الثانيه معصبه
ليان . (وهي مبتسمه )وش فيه القمر زعلان؟
ورده . (ماردت)
ليان . ياربي ايش اسوي ؟ مو السواق الي جابني هذا مهند وكان معه صاحبه
ورده . (ماردت)
ليان. .يدعيك قلبك تحقريني؟
ورده . يدعيني ليه مايدعيني؟ مثل مادعاك قلبك تحقريني
ليان. .(مسكت كتف ورده وجلستها جنبها)ياربي قلت لك اني ماقدرت اكلمك كان صديق مهند معنا بنفس السياره وانتي تدرين اذا كان أي حد مع مهند بالسياره مارد.
ورده . اخر مره اسامحك المره الجايه مارح اطوفها بس لان قلبي طيب طوفتها لك ..
ليان. (وهي مبتسمه)فديت راس الي يرضون بطلعة الروح
ورده . لاتخليني ازعل منك مره ثانيه
ليان. .خلاص سكتنا الا شالكشخه بتغطين علي الليله
ورده . مشكوره انتي الي اليوم طالعه روعه
ام مهند(من بعيد توجه الكلام لليان )يمه ليون ؟ دقي على بدور شوفيها ليه تاخرت
ليان . ان شاء الله (طلعت جوالها من شنطتها ودقت على رقم دلوعة عزوز )الو هلا.بدور وينك
بدور . هلا فيك يلا الحين جايه بالطريق .
ليان . يلا لاتتأخرون
بدور . okباي
ليان . باي (وسكرت)كاهي مامي بالطريق تقول.
في مجلس الرجال....
بومهند (يوجه الكلام لبو جلال)شرايكم نروح البر بكره مع ذالجو الزين؟
بوجلال. .في هالبرد ؟
بومهند. .حلاته بهالبرد
بوجلال. .العيال بيمرضون علينا ياخوي وتونا ببداية العيدبدال البر خلنا نروح المزرعه عالاقل هناك في غرف يدفون فيها العيال ولا وش قولك؟
بومهند . والله زين ماخترت ياخوي ولا وش رايك يبه؟
الجد . خوش راي بعد نغير جو ومن زمان عن المزرعه .زين ماخترتوا
اما من جهه ثانيه جسم معهم وروحه وعقله للملاك الي من شوي شافها
جلال . يابو الشباب وين رحت؟
بندر . (ستعدل بجلسته وكانه توه صاحي من حلم مره حلو)معك خير؟
جلال . وين معنا؟ من اول مادخلت وانت ساكت وهذا مو من عوايدك انك تجي مكان يجتمعون فيه الشباب ماتقول سالفه من سوالفك او تتطنز على حد وش فيك؟
بندر لا ولاشي بس ودي اروح اعايد على أخوياي
جلال . الحين؟
بندر . وش فيك استغربت؟ عادي توه الوقت بدري.
جلال . ماعتقد ان الشياب بيرضون انك تطلع بهالوقت وخصوص انه عيد ويبغوا يجلسوا معك .
في جهه ثانيه بين فاضل ووجده
فاضل . جدي؟ ليه ماتطور المزرعه؟
الجد . (قطب حواجبه)وش قصدك من اني اطورها ؟وش زينها
فاضل . القصد ياجدي من انك تطورها تغير الاثاث والصبغ لانه قديم
الجد(بتنهيده نابعه من االقلب)هذي المزرعه الي تتكلم عنها قضيت احلى ايام وسنين عمري بكل زاويه وبكل ركن وبكل مافيها ريحة جدتك الله يرحمها تبغاني الحين بعد ماراحت الغاليه وصارت ريحتها بكل مكان اغيرها؟
فاضل . (تأثر من كلام جده)اسف ياجدي ماكان قصدي زعلك وانك تتضايق من كلامي.
الجد . (مسح على كتف فاضل)ماصار الا كل خير (يلتفت لجهه ثانيه )وين مهند؟ لساته مارجع من صديقه؟دق عليه يانواف خله يجي بيحطون العشاء وهذا لساته ماجا
نواف . ابشر ياجدي.(رفع جواله ودق رقم مهند)هلا مهند.
مهند . هلا بك وش فيك ؟ صاير شي؟
نواف . جدي معصب ويقول ليه ماجيت ؟
مهند . افا بس جدي يعصب ومين عليه علي انا ؟ ولا يهمك قل لجدي مهند مساف الطريق وتلقاه جنبك..
نواف . لاتتأخر.
مهند . ماشي سلام
نلف مسافه كبيره ونروح نتعرف سوا على عايله علي الي هو صديق مهند له دور حلو بالقصه
في الصاله كانوا خالات علي مجتمعات هم وبناتهم وكلهم مو ناقصهم جمال وكانت الاقرب للجين اخت علي امجاد بنت خالتهابنفس عمرها وتحب علي كثير لكنه يعتبرها اخته المهم.. نجي بالمهم
بالحديقه جالسين امجاد ولجين جنب النافوره
امجاد . قولي لي كيف علي بالشغل؟
لجين . هذي المره الميه الي تساليني نفس السؤال وانا اجاوبك نفس الجواب الحمد لله تمام
امجاد . (قامت من على كرسيها وجلست تتمشى في الحديقه)لجين بصراحه مدري وش اقولك يمكن رح تعتبرين الكلام الي بقوله لك جرأه وقلت ادب بس صدقيني (وهي مو عارفه تعبر عن الي بداخلها)مدري مدري وش اقولك
لجين . (قامت لعندها)لاتقولين انك تحبينه؟
امجاد . (وهي تناظر الارض)انا ماقلت كذا بس
في هالحظه دخل علي البيت امجاد غطت وجها بالطرحه الي كان مليان مكياج..
علي . السلام.
الكل . وعليكم السلام
ودخل الصاله على خالاته وسلم عليهم وجلس شوي وبعدين قام صعد غرفته
تحت بالصاله.
ام امجاد . ماشاء الله عليه كبير ويعتمد عليه من بعد المرحوم الله يرحمه الله عوضك خير
ام علي . (بغصة حزن على زوجها الي توفى ماخذ كثير )أي الله يرحمه ويخليه لنا والله شايلنا شيل ومو معتمدين من بعد الله الا عليه الله يخليه ويحرسه
ام امجاد . الا مو ناويه تزوجينه؟
ام علي . لو علي زوجته اليوم قبل بكره لكن اهو مو راضي يقول حاليا مايفكر بهالشي.
اليوم الثاني...في بيت بوجلال العصر الساعه اربع ونص الكل جاهز لروحة المزرعه ورده جلست من النوم على صوت الازعاج الي معبي اركان البيت
كانت لابسه بيجاما ورديه وكان شعرها لنهاية رقبتها كانت قاصته فراوله وصابغته خصل بالاشقر والعسلي طالعه عليها روعه طلعت من غرفتها مزعوجه.
ورده . وش هالعفسه ؟ وش عندكم؟
هيام . (انقزت في وجها)للحين ماجهزتي؟ باقي نص ساعه على الروحه للمزرعه..
ورده . توه بدري ليه هالعجله هذي كلها؟
هيام . لا عجله ولا شي بس انتي عارفه ان المزرعه مو من قربها يعني يبغى لنا نطلع بدري علشان نوصل قبل الاذان انتي ليه ماجهزتي؟
ورده . اوف نتجهز الي يقول الحين مايحتاج كلها لبسة بدله وطالعين
هيام . (بستغراب)غريبه مو متحمسه مثل كل مره
ورده . لاني طفشاااااااانه ومالي خلق نعسانه...
هيام . ول ماشبعتي نوم؟
ورده . تحسبيني اول ماصعدت نمت؟
هيام . (بستغراب)ليه ؟ وش كنتي تسوين ؟
ورده . تفرجت على سنوات الضياع الاعاده وبعدين فلم انما ايه خيااااااال
هيام . (تضربها على كتفها معصبه )ليه ماقلتي لي؟ تدرين اني احب الافلام صدق نحيسه .
ورده . مالي خلق اقوم من مكاني علشان اناديك..
هيام . طيب وش نوعه؟
ام جلال . (تقرب منهم معصبه)للحين ماتجهزتوا ؟ وش تنتظرون ؟
ورده . (ترمي هيام على امها )خذي بنتك عني تراني مالي خلقها على وجه الصبح
ام جلال . (وهي معصبه وتصرخ)صبح في عينك ماي خلق ملاقتك وخلصيني يلا لبسي..
ورده . (وهي تسكر باب غرفتها)ابشري يمه بس لا تعصبين انتي.
مريم تطلع من جناحها وكانت لابسه الكتافيه ومتحجبه و قربت لخالتها
مريم . خالتي لاتعصبين البنات بهالسن يسوون كذا واكثر يشيبون اهاليهم قبل حينهم بس اهدي انتي ولا تعصبين ياخالتي
ام جلال . بيذبحوني هالبنات من تصرفاتهم عقولهم موعقول كبار حمود وسعود عقولهم اكبر من عقول هذول.
هيام . يمه ماصارت كل هذا فينا ؟ بس لان حنا جلسنا نسولف جنب الباب؟
ام جلال . ذلفي انتي ذلفي.
هيام . (تنحاش من امها وهي تضحك)
مريم . (وهي مبتسمه)هونيها ياخالتي وتهون.
في بيت بومهند ليان كانت جالسه بالصاله وخلاص جهزت لروحة المزرعه سحبت جوالها ودقت على رقم ورده لقته مسكر دقت عالبيت وكان الاقرب للتلفوون بندر
بندر . هلا والله.(هذا كان اسلوبه اذا كان مروق حتى لو كان حد داق بالغلط)
ليان . (بحيازايد)وين ورده؟
بندر . مين يبغاها؟(وش هالقافه بندر؟)
ليان . ليان
بندر . (تعدل بجلسته وكان حاس بحراره تسري في جسمه)شخبارك ليان؟(بندر؟ كانك فليتها شوي؟)
ليان(استغربت من جرأته وماردت )
بندر . (حس انها منحرجه وعلشان كذا هي ماردت)(نادى ورده بصوته العالي)ورده؟ ورده؟
ترد عليه ورده وهي من فوق
ورده . خير؟
بندر . تلفون.
ورده . (وهي تنزل)مين ؟

بندر . (وهو ماد السماعه لها )ردي وتعرفين.
نزلت وقربت لبندر وخذت السماعه
ورده . (وهي مستغربه)الو؟
ليان . حلفي لا وحلفي بقوه كمان عمى ساعه على ماتردين؟
ورده . (جلست جنب بندر وهي تتابع نظراته لها بأهتمام وفي نفس الوقت كانت خايفه منه )ليه مادقيتي عالجوال؟
ليان . كيف تبيني ادق عليه وانتي حظرتك اكيد مو شاحنته عارفتك زين.
ورده . (وهي تضرب جبينها بايدها اليسرى بخفه)اوووه نسيت ماشحنته .
ليان . ثاني مره شحنيه .
ورده . اووه ليون قلت لك نسيت يعني الواحد ماينسى؟
ليان . طيب متى بتمشون ؟
ورده . لما يخلص البابا من الشاور
ليان . يعني رح تتأخرون؟
ورده . مارح نتأخر شكله البابا قرب يخلص لانه من زمان داخل يتروش
ليان . طيب خليني امر اخذك معي رح نتسلى بالطريق
ورده . مين بتروحين معه؟
ليان . البابا
ورده . غريبه ماقلتي مهند؟ وش الطاري؟(ونظراتها متسلطه على بندر)
ليان . ليه ؟ ماتدرين انها مو عائليه؟
ورده . (بستغراب)ليه ؟ مين رح يجي؟
ليان . مدري بس هي مو عائليه.
ورده . اوف يعني مارح ناخذ راحتنا
ليان . ليه؟ حنا وش لنا فيهم ؟ نروح الجناح حقنا وننبسط هناك...
ورده . ليون ؟ تدرين اني ماني متحمسه زي كل مره؟
ليان . (باستغراب)ليه؟
ورده مدري.
ليان . انا كان حاسسني قلبي انك فيك شي وش فيك ؟ علميني؟
ورده . (وهي تناظر بندر)okليون اشوفك بالمزرعه شكله البابا خلص اخليك الحين (تضيع السالفه لان بندر جنبها)
ليان . okباي
ورده . باي(سكرت السماعه)
بندر . وش فيها؟
ورده . (بستغراب)مين تقصد؟
بندر . ليان
ورده . مافيها شي بس حابه تسولف (بعد لحظات من الصمت لفت لبندر)بندر؟
بندر . (لف عليها من دون مايتكلم)
ورده . صدق العزيمه بالمزرعه مو عائليه؟
بندر . (يهز راسه بالايجاب)
ورده . يعني مين الي رح يجي؟
بندر . (وقف)ليه كل هالقد مهتمه؟
ورده . (بارتباك)أأأأأأأ مجرد سؤال سألته.
بندر . (وهو ماشي ناحية باب الصاله لانه بيطلع)كل جماعة جدي.(وطلع)
ورده . (بكره وهمس)يعني رح يجي فهد؟
س . الروايه وش رايكم فيها من جد؟ ماأبغى مجاملات
س . وشو التطورات الي رح تصير ؟
س. .فهد...مين فهد هذا الي تكرهه ورده ؟ وهل له دوربالقصه ولا ضيف من ضيوف الروايه ؟
انتهى البارت الاول وانتظروني بالبارت الجاي ...مارح احدد يوم معين انزل فيه البارت انا متى مالقيت نفسي فاضيه حتى لو نزلت اثنين بالاسبوع مو مشكله عندي بس اهم شي الردود الي تبرد خاطري...........

الزعيـ A.8K ـمه δЯέαмş
مستشــ¸.·* غرام *·.¸ـــاري

,’




بسم الله


يعطيك العـــافية
موفقة إن شـــاء الله


http://forums.graaam.com/238622.html



,’

دلوعه من زمن الماضي ©؛°¨غرامي جديد¨°؛©

اهلين من جديد هذا البارت لجل عيونكم
البارت الثاني
الكل وصل للمزرعه الحريم دخلوا الصاله شكل الصاله من داخل الكنبات بنيه على لمعة الذهبي والمخدات ذهبيه والستاير الذهبيه مع التطريزه البنيه وفي الوسط طاولة زجاج عليها اشكال للصناديق الزينه الصغيره بكل الاحجام طبعا عليها فرشه حلوه بنفس لون الكنب
المهم البنات شلحوا العبايات وجلسوا بعيد عن الحريم ورده اول ماوصلت هادئه ومالها خلق حد وماتتكلم وكأن الجماعه بوادي وهي بوادي ثاني حست فيها ليان
ليان . (حطت ايديها الثنتين على ايد ورده اليمنى لانها جالسه يمين ورده وهي مستغربه )ورده؟ فيك شي؟
ورده . (بهدؤ)لا ليون مافيني شي
ليان . والله ان فيك شي وش فيك؟
ورده . (وقفت ومسكت إيد ليان وخذتها معها بره)
(صعدوا لجناحهم)
الجناح مكون من ثلاث غرف بمطبخ وحمامين وصاله وكان الجد مسويه على حياة الجده فإذا ملوا البنات يكون هذا ملاذهم الوحيد
ليان . يلا تكلمي....فيك شي؟
ورده . (بكره)فهد
ليان . (بستغراب)مين فهد؟
ورده . يعني مين فهد بظنك؟
ليان . وش فيه؟ خليه بحاله
ورده . (بعصبيه)هو مخلينا فحالنا ؟ آه ياليون متى هالانسان يفكنا ويبعد عنا.
ليان . وش سوا هو؟ والله مذكر سوا شي ضرك كل هذا بس علشان انه يجي بعزايمنا وش لك دخل فيه؟ جدي راضي
ورده . مين هو ؟ علشان جدي مسوي له كل هالأهميه؟ كلها واحد من الجماعه لاراح ولا جا
ليان . حسبت ان عندك سالفه طلعت غلطانه لاعندك لاسالفه ولا شي.
ورده . (بإنفعال )ابغى اعرف ليه كل هالدفاع على واحد لاهو من اهلنا ولا شي؟ ليه ياليان ليه؟
ليان . لان كرهك له ماله سبب
ورده . مو علشان كذا وبس (وسكت)
ليان . اجل وشو؟ وشو الي يخليك كارهته كذا ؟ عطيني سبب ثاني يخليني ممكن مادافع عنه
ورده . (سكتت وبعدين )مو بالعته مدري ليه كارهته ؟ مورا ضيه ابلعه.
ليان . اجل تقبليه لان مافي سبب يخليك تكرهينه
ورده . المحبه من الله والكره كمان من الله مقدر احبه والله اكرهه مع ان ماسوى لي شي بس اكرهه.
ليان . طيب حاولي انك تنسينه او تناسيه على الاقل لما نخلص من هالعزيمه
ورده . (بتنهد)بحاول.
ليان . طيب خلينا ننزل.
ورده . ok
(بناحيه ثانيه عند الرجال)
الشباب جالسين بجهه والشياب بجهه والصغار بجهه
بندر . (كان لابس قميص احمر كمومه طويله مع بنطلون ابيض جينز مع كاب ابيض)طيب وش رايكم في هالإجازه الي كم يوم نسافر لنا يومين؟
مهند . (وهو لابس ثوب شتوي اخضر غامق من دون شي على راسه)من جدك تتكلم؟
بندر . عادي وش فيها؟ نروح لنا سوريا ولا البنان ناخذ لنا سياحه يومين كتمه هنا
مهند . كل هالبرد ؟ وكتمه؟
بندر. .اقصد بكتمه لاطلعه بالمجمعات بلحالنا دوم عوايل عوايل ماتاخذ راحتك الا بره كل مكان ليت بس بالمجمعات
علي . (صديق مهند)(وهو مبتسم)وظنتك الشياب بيرضون ؟ من ناحيتي عزموا وانا جاهز
بندر . (بهمس)ننحاش وإذا وصلنا خبرناهم نحطهم امام الامر الواقع
مهند . (ببتسامه)كان ينجلطون انت عادي عندك مو متعود تجلس شهر من دون ماتسافر ياشيخ الجامعه.
بندر . والله انت الصادق من ناحية شهر شهر بس والله مكتوم وطفشان قوموا نسوي شي
مهند . وش تبغانا نسوي؟
بندر . والله ودي برقصه..
مهند . مهبول ؟
بندر . وش فيها؟ لا ودبكه كمان (ووقف)قوموا
مهند . وين نقوم؟ اجلس بس
بندر . مهند انا طفشان لا تعكر علي مزاجي انا بروح ارقص دبكه وابغى حد معي (يلف على علي)تقوم؟
علي . . (بتردد)والله انا ودي بس ...........
بندر . بس ايش ؟ قوم
مهند . (يضحك عليه )من جدك انت؟
بندر . لا ومن جد جدي كمان يلا عاد قوموا خلونا ننبسط
مهند وبندر وعلي قاموا جلال من بعيد يكلمهم
جلال . وين العزم؟
بندر . انت تعال كل ماصار اكثر كل ماصار احسن
علي . (يضحك عليه)ويعزم ابو الشباب
في جهه ثانيه
بدور . ايش الي بقى بشقتكم وتنتهي؟
نوف . المطبخ وغرفة النوم
بدور . طيب وش لون الشقه ؟
نوف . (ببتسامه)خليها مفاجئه لبعد الزواج تشوفوها.
بدور. .طيب ومين الي اختار الالوان ؟ انتي ولا حسين؟
نوف . ثنيناتنا تبادلنا الاراء بس طبعا هو الي دوم يختار من دون مايعطيني خبر على قولته سبرايز اقوله يمكن مايعجبني يقول بثقه واثق انه بيعجبك
بدور . )ببتسامه)ااموت عالواثق..
بدور . طيب ومتى حددتوا الزواج؟
نوف . لييه كل هالعجله؟
بدور . حرام عليك متى تبين يصير زواجك؟(ببتسامه)خذتي ثلاث سنوات وش تبين اكثر؟
نوف . (بحياء)توه بدري.
بدور . مالله عطاك مني ست شهور وزوجوني.وانتي ثلاث سنوات وماهي كافيتك؟
نوف . نبغى ناخذ على بعض اكثر.
بدور. .ماتعودتي عليه؟
نوف . لا تعودت عليه بس مااتخيل نفسي معه ببيت واحد او بغرفه وحده.
بدور. .كلنا كذا بس حاولنا وتعودنا.(وتضحك بنعومتها المعتاده)ولا مين يقول اني انا الي كنت ماأبغى اخذ عبد العزيز اكون معه بمكان واحد.
نوف . لييه ؟ ماكنتي تبينه؟
بدور . (وهي مبتسمه)كنت خايفه منه حتى لو كان ولد خالي كان له هيبه بدخلته عند الرجال وش رح يكون حالي وانا توني بنت ويدخل علي كذا من دون مايكون معي حد .
بجهه ثانيه.
هيام . تدرين رح يجيبون الاربعاء سنوات الضياع حلقات الاسبوع كله؟
ندى . (بملل)اوف ماعندك غير سيرته ياشيخه تكلمي بشي ثاني
هيام . (بإستغراب)الكل يشوفه موبس انا الحالي .
ندى . تركتي عنك كل السوالف الي تجذب وماتمسكتي الا بهالسالفه؟
هيام . طيب وش تتفرجين عليه ؟ اذا هذا مايعجبك
ندى (تعدلت بجلستهامن حماسها)المصارعه.
هيام . (بإستغراب)وشو؟
ندى . المباريات
هيام . (قامت مشمأزه)انا جالسه مع ولد مو مع بنت .
ندى . لاني ماتماشيت معك بكلامك صرت ولد ؟ولان برامجي غير صرت ولد؟
هيام . (بإنفعال)اصلا كلك على بعضك ولد
ندى . (وقفت وصارت تناظر هيام بإستهزاء والامبالاه.وراحت)
هيام . (تنرفزت من حركة ندى وجلست معصبه)
بجهه ثانيه جنب الرجال من بعد مانبسطوا الشباب برقصتهم جلسوا جنب الشياب لانهم تعبوا
دخل فهد بكشخته الثوب الاسود والشماغ الاحمر والسكسوكه المضبوطه بشرته حنطيه (قمحيه)جسمه معضل وعيونه الرماديه النايسه(النعسانه)
سلم عالكل بس في من الموجودين يغلي من القهر ووده ينفجر في.........في مين؟
مهند . وش هالقطاعه فهد؟ من متى ماشفناك؟
فهد . (ببتسامه)في هالدنيا والله الدنيا مشاغل الواحد لاهي بشغله
مهند . لولا عزيمة جدي ولا ماشفناك.
فهد . اعذرني مهند الواحد ملتهي بهالدنيا.(وكان فهد يناظر شخص وكان وده يقوم ويسلم عليه ويعايده لكن القدر حتم عليه يظل جالس مكانه نزل راسه)
مهند . الاوين قلت لي تشتغل ؟
فهد . شركة الاتصالات
مهند . اييييييي
جلال . فهد ودي اسألك سؤال بس مدري خايف تتضايق ولا شي.
فهد . (تعدل بجلسته وكأنه فاهم وش يبغى يسأل عنه جلال)تفضل
جلال . لك كم مره تجي بزواراتنا وعزايمنا وعمري ماشفت حد من قرايبك جا
فهد . (ماستغرب السؤال لانه كان عارف ان حد من هالجماعه رح يسأل سواء كان الحين ولا بعدين)والله مدري وش اقولك جلال بس انا اهلي كلهم ماتوا وموعايش الا مع جدتي
جلال . (تضايق وكان وده ماسأل هالسؤال بس كان عنده الفضول انه يعرف وخصوص ان فهد يجي بعزايم الجد اذا عزمه وعمره ماشاف حد من قرايب فهد جا معه)
انا اسف ...............
فهد . (بإبتسامه)ماصار الاكل خير
جلال . وتزوجت؟
فهد . لا.
جلال. .طول هالفتره وماتزوجت؟ لايكون خاطب وماتبغى تقول؟
فهد . لا عادي بس .......مالقيت الانسانه الي اضمن حياتي معها.
عبد العزيز . (وهو يضحك)وين حنا فيه ؟ بأمريكا؟
فهد . (ببتسامه)قصدي ان جدتي للحين مالقت لي البنت الي اقدر اعيش معها.
عبد العزيز . (بإبتسامه ومزح)انت عزم والبنت علينا)
فهد . (يرد له الابتسامه وبمزح)مين بتزوجني ؟ اخت زوجتك؟
بندر . (عصب في داخله وقام طلع بره)
جلال. .(حس فيه وحاس ان وراه شي لانه موطبيعي من امس)
مهند . (دخل عليهم لانه كان بره)تفضلوا العشاء جاهز.
الشياب قاموا طلعوا بره والعشاء رح يكون بالنسبه لهم جنب القفص الي يكون فيه جميع انواع الطيور يحب الجد يكون جنبهم اذا جا المزرعه ويحب ياكل جنبهم.
في ثانيه عند البنات
ورده . (وهي تاكل بريد بالحم)تصدقين انه ماباقي الا ثلاث ايام عالمدرسه؟
ليان . هذا وقته تذكرينا؟
نوف . شدوا حيلكم هذي ثالث كل وحده فيكم تجيب نسبه حلوه
ورده . بدت النصايح اكره مأكره النصايح ماحبها وخصوص عن الدراسه
نوف . هذا جزانا نخاف عليكم وعلى مصلحتكم ؟
ام جلال . جيبي لهم أي طاري الا عن الدراسه.تشوفيهم يتحمسون له
ورده . (ببتسامه)ياحبي لك مامي فاهمتنا.
ام جلال . لواني مو فاهمتكم كان عليتوني زود.
ام بدر(عمة البنات )والله يادلال البنات مافي ازين منهم لكن كل شي وحدوده (وتناظر بناتها)
عبير. .يمه ؟ شقصدك؟
ام بدر . يعني وش قصدي ؟ اكلوا وانتوا ساكتين.
البندري . (اخت عبير)يعني ياعبير مافهمتي امي وش تلمح له؟
عبير . لا وش تلمح له؟
البندري . (وهي تضحك)على سالفة امس.
عبير . (تتذكر وتضحك)
ام بدر . (تخلي نفسها معصبه)وعاجبكم يابنات ام بدر ها؟
ام جلال . (ببتسامه)وش فيهم البنات ياأم بدر؟
ام بدر . هالي مايستحون تخيلي امس وعليا عليه بدر داق عالمطعم يجيبوا له عشاء وكان الوقت متأخر وجاي من بره تعبان يبي ياكل وينام قال على ماروح اتروش الا جابوا العشاء (وتلف على بناتها الي لساتهم يضحكون)رقيه وسبيكه يخلون؟ اول مارن الجرس استولوا عالاكل وقالوا له ينتظر بدر يدفع له وراحوا كلوا اكله.
عبير . يمه بس خذنا حقنا (وتحط ايدها على كتفها)
ام بدر . والله يبغى لكم اكثر ويبغى لكم تكسير راس مو بس ضرب.
عبير . ليييييييييييه ؟ وين ؟ وين الي من شوي ؟ البنات وش زينهم؟
ام بدر . نسيتي ؟ اني قلت كل شي وحدوده؟
ورده . (وهي تضحك)بالله وش كان شكل بدر ؟لما عرف انكم كلتوه
عبير . (وهي تتذكر شكل بدر تقوم تضحك)والله مسكين كان متأمل انه يلقى اكله جاهز بس كيفه محد قاله يصير نحيس ومايحسبنا معه دخلنا عليه وكان لساته يتروش قلنا له المطعم وصل بسرعه روح له واهو بالحمام محتاس يبغى يلبس بسرعه علشان راعي التوصيل مايروح لبس أي قميص على شورت بالله تخيلي شكله قميص مع شورت .
ورده . وانتوا وش عرفكم ؟ مارحتوا تاكلون؟
عبير . ماحبينا يفوتنا الفلم لازم نشوفه اصلا لما راح له كان مصروع وصار يصارخ لنا (ينادي)وحنا دخلنا الغرفه وصرنا ناكل اكله تصدقين ماكنا جوعانين بس كنا نبغى نسوي له نذاله بس والله(وهي تحط ايدها على كتفها الثاني)عوضنا اضعافه.
ورده . (وهي تضحك)كيفه الي يستولي على حق غيره
جنب الحريم.
ام حسين . أي الحريم دوم كذا إذا ماعجبتك البنت ظاهريا ماتاخذها لولدها طيب اخلاقها كويسه لا الولد مايبغاها.
ام جلال . وهالكلام صحيح الولد هو الي يختار البنت وش مواصفاتها وانتي ادرى بهالشي وحسين لما حب يخطب ماقال وش كانت المواصفات الي يبغاها؟
ام حسين . لا والله ولدي ماقال ولا تكلم ابغى هالمواصفات ومابغى هالمواصفات كل الي قالي ابغى نوف بنت خالي.
عند البنات
سمعو الكلام
ليان . (ببتسامه)ياعيني ياعيني اثاري في قصص حب من ورانا وحنا ماندري.
نوف . (بحيا)اقول كل وحده تكرمني بسكوتها.
بعد ثلاث ايام الظهر.
الساعه وحده الظهر في بيت بوجلال في غرفة ورده وهي مريحه على السرير توها بتغمض عينها الا رن جوالها
ورده . (بتافف)(ردت)نعم.
ليان . (وهي تضحك)وش فيك ؟
ورده . هذا نتي ليون؟هذا وقت الواحد يدق؟
ليان . لا هذا موقت الواحد يدق لكن جالسه احاتي اختبار الانجليزي بكره وموفاهمه شي فيه.
ورده . (تعدلت بجلستها)يوووه ليه ذكرتيني؟ على الاقل عندك احد يفهمك مهند مو انا؟
ليان . بس اعتقد ان بندر يعرف انجليزي
ورده . ايوه يعرف لكن إذا محد فهم عليه وعلى شرحه يعصب ومايحب حد يطلب منه انه يشرح له.
ليان . طيب وش بتسوين؟
ورده . والله مدري.
ليان . طيب تعالي يشرح لك مهند معي مارح يقول شي.
ورده. .(بإنفعال)روحي زين مستحيل.
ليان . وليه مستحيل ؟ مهند بحسبة اخوك ولا انتي تعتبرينه غير؟
ورده . لا والله احسبه اخوي اكثر من انه ولد عمي بس روحي استحي ولاتغصبيني على شي
ليان . ورده ؟ انتي بهالكلام تزعليني منك.
ورده . خلاص انا اقول لبندر يشرح لي
ليان . بس انتي قلتي انه بسرعه رح يعصب
ورده . معليش رح استحمل وش نسوي بعد اتحمل طيب ليون انا بتركك الحين ابغى انام علشان اخلي بندر العصر يشرح لي
ليان(فقدت الامل)طيب باي.(سكرت من ورده)
طلعت من الغرفه وتوجهت لغرفة مهند دقت الباب
مهند . (من داخل الغرفه)نعم؟
ليان . (بره)مشغول؟
مهند . دخلي
دخلت عليه وقربت جنبه كان جالس على مكتبه على الاب توب يكلم علي خويه
ليان . فاضي اليوم؟
مهند . (لف عليها)بغيتي شي؟
ليان . ابغاك تشرح لي انجليزي.
مهند . ابشري انا كم ليونه عندي؟ بس استني شوي لحتى ماخلص من الي بيدي.
ليان . (وهي تناظر بشاشه الاب توب)مين تكلم؟
مهند . علي خويي.
ليان . امممم طيب بتتأخر؟
مهند . لا ليه هو طويل؟
ليان . لا جزئيه بسيطه بس اصعب جزئيه بالمنهج.
مهند . نص ساعه واخلص الي بيدي.
طلعت ليان من غرفة مهند نزلت تحت جلست بالصاله شافت اخوها نواف يتفرج الtvومخليه على حيلهم بينهم على فنون.
ليان . من متى بادئ؟
نواف . من عشر دقايق تقريبا.
ليان . (مشمأزه)ياثقل طينة هالممثله ماطيقها غير القناة حط على شبابيك هذا وقته
نواف . بس انا ابغى اتفرج على هذا
ليان . هذا توه بادئ قوم شوفه بغرفتك .
نواف . انا ماني ناطور كل ماجيتوا تشوفون شغله قلتوا لي روح غرفتك ترى مثل.........
ليان . (عصبت من كلامه الي موراضي يخلص وقامت)اوووووف خلاص اسكت ماخلصت كلام؟ اوف
للحين ماعرفنا فهد وتظنون له دور بارز بالقصه؟
ومين الشخص الي كان يناظره بالمجلس بغيض وعصبيه؟
ومين الشخص الي ناظره فهد وكان وده يروح له؟ وهل له علاقه بفهد؟
انتظر ردودكم

دلوعه من زمن الماضي ©؛°¨غرامي جديد¨°؛©

هذا البارت الثالث ........
في بيت اهل علي (خوي مهند)
في الصاله
لجين (اخت علي في ثالث ثانوي ادبي مملوحه وحليوه)كانت جالسه تذاكر أدب وجالس جنبها اخوها فيصل عمره 4سنوات صغنون شحلاته إذا برطم جالس ياكل ربيان القطري ونور اخته جالسه جنبه عمرها 8سنوات جالسين عالارض يتفرجون على سبيس تون
طلعت ام علي من المطبخ
ام علي . يمه لجين روحي نادي اخوانك الغدا جهز
لجين . ابشري يمه (وقامت وراحت تصعد لهم تناديهم)
نور راحت قربت لأمها
نور . ماما؟
ام علي . عيون امك خير يمه تبين شي؟
نور . بابا من زمان مسافر ليه ماجا؟ ماشتاق لنا؟
ام علي . (تجدد حزنها ودموعها ملت عيونها وحست بغصة فراقه تعصر قلبها حنت تبيه اشتاقت لحضن زوجها الدافي اشتاقت لضحكته لبسمته لخفة حركته وعذوبة كلمته آه ياحمد وينك فيه ؟بنتك تسأل عنك حنت تبيك وش تبيني اقولها ؟ وينك ياسندي بهالدنيا ؟ وينك؟ )(ابو علي متوفي له سنتين كان عنده القلب والعصبيه والزعل مومن صالحه فدوم يزعل والزعل مو زين عليه فيزعل دوم من الموظفين الي كان يشتغل عندهم وكان يحمل في قلبه لحتى ربي خذ امانته )(نرجع في المهم)(حطت ايدها على كتف نور)بابا ياحبيبتي راح بعيييييييييد ومايقدر يجي
نور . ليه ؟ ليه مايقدر يجي؟ طيب حنا نروح له بالطياره إذا كان هو بعيد حنا نروح له انا مشتاقه لبابا.
امها . مايصير ياماما مايصير نروح له
نور . ليه مايصير (وبدا صوتها يتهدج )ليه مانروح له ؟ ماما انا ابغاه النصف الاول ماشاف شهادتي والحين كمان مارح يشوف شهادتي؟(تقصد المستوى)(وبدت عيونها تدمع)
الام . (لمت نور بحضنها بقوه)(حتارت وش تقول لها )
علي +لجين+دانه لحقوا على كل شي من الاول لكن ماحبوا انهم يخربون عليهم بس مهما كان بيجي اليوم الي تعرف نور فيه موت ابوها لجين دمعت عيونها تأثرت بالموقف ضمها علي بحضنه ومسح على راس دانه الي حست بلوعة فراق ابوها نزلوا دانه راحت خذت فيصل وحملته وراحت جلست على الارض لان سفرة الغداء رح تكون عالارض
علي . يلا يمه
قامت امه مع نور وجلسوا جنب بعض الام انسدت نفسيتها عن الاكل لكن العيال ماتركوها
دانه . (تبغى تضحك امها)في حول من دخل على زوجته ماكلمها ليه؟
لجين . (وهي تكح)قديمه وبايخه حسبها جالسه مع اختها
الكل . (ضحك والام بتسمت بس)
دانه . يكفي بس اني انا الي قلتها يكفي .
لجين . مقدر عالواثقه.
دانه . ليه ماكون واثقه؟ إذا هذي امي وعلي اخوي اكيد رح يطلع مني كل شي رهيب
علي . (ضحك على مناقر خواته)طيب ماتعرفون تاكلون وانتوا ساكتين؟
دانه . تدرون وشو اكره شي بالعالم؟
لجين . وشو؟
دانه . ان الواحد يسكت إذا جا ياكل .
في بيت بوجلال العصر الساعه أربع الا ربع.
تحت بالصاله
جالسه مريم وخالتها ام زو جها وكان عمها يسمع الاخبار بعيد عنهم شوي رن التلفون
كانت الاقرب له مريم
مريم . الو نعم؟
ليان . اهلين مريوم؟
مريم . هلا والله فيك كيف الحال؟
ليان . تمام الاوين الدبه؟
مريم . (بستغراب)مين تقصدين؟
ليان . في غيرها ؟ حديقة الورد هذي؟
مريم . (ضحكت عليها)والله اعتقد انها نايمه.
ليان . إذا ماعليك كلافه معليش تنادينها ؟ لانها دبة النوم هذي مو راضيه ترد على جوالها
مريم . (ببتسامه)ان شاء الله (قامت علشان تصعد تناديها)
قربت لغرفة ورده ودقت الباب مره ومرتين وماردت فتحت الباب بشويش قربت لورده
مريم . (وهي تندسها)ورده ؟ قومي ليان تبغاك
ورده . (لاحياة لمن تنادي)
مريم . (راحت سدلت الستاير وتسربت اشعة الشمس ناحية عيون ورده)
ورده . (وهي تتقلب بالفراش)مين هالمزعج؟
مريم . صدق دبة نوم قومي ليان عالخط تبغاك
ورده . وش تبغى توني من شوي مكلمتها
مريم . (مسكت ايد ورده )يلا قومي يمكن تبغاك بشي ضروري
ورده قامت وهي من الاساس ماتبغى تقوم
ورده . اغسل وجهي وانزل
مريم . ولا ترجعين تنامين؟
ورده . (ببتسامه)ok
طلعت مريم خمس دقايق ونزلت ورده مسكت السماعه
ورده . الو؟
ليان . (بعصبيه)حشا كل هذا نوم امداني نمت غفوه وصحاني مهند ولساتك مانزلتي.
ورده . (تضحك ).محد قالك تدقين في وقت الواحد نايم.........ها بغيتي شي؟
ليان . وش سويتي مع بندر؟
ورده . (وهي تتثاوب)في وشو؟
ليان . البنت رايحه فيها اقول في سالفة الانجليزي.
ورده . استني ليون..........(توجه الكلام لامها)ماما وين بندر؟
امها . ماهو موجود .
ليان . (سمعت )مافي الا انك تجين عندي يلا بلا مصاخه وتعالي
ورده . صدقيني مقدر
مهند اخذ السماعه من ليان
مهند . كيف حالك ورده؟
ورده . (كل الدم تجمع في وجها منحرجه مووت مو عارفه وش تقول)
مهند . (ببتسامه)ورده؟ معي عالخط؟
ورده . (بحيا)معك.
مهند . سمعت انك ماتبين اشرح لك هالكلام صحيح؟
ورده . (بهمس ويالله ينسمع)أأأأأأأأأأأأمممممممممم أنا فاهمته
مهند . (ببتسامه)والله؟ انا استصعبتها وحسيت يبغى لها شرح وليون تبغاني اشرح لها تشرحين لي الحين علشان افهمها؟
ورده . (توهقت وش تقول؟ )معرف افهم حد.
مهند . ورده؟ انا ولد عمك ليه كل هالحيا؟ اعتبريني اخوك رح تنحرجين مني انا اخوك؟او انك تعتبريني غريب اكيد تعتبريني غريب عدل؟
ورده . (بردة فعل لاإراديه منها)لا والله حشا ماعتبرتك غريب (بعدين حست على نفسها )(وسكتت وعضت على شفتها)
مهند . (ببتسامه)مارح اشرح لليون الا إذا جيتي ok؟
ورده . (بهمس)ok.
سكرت ورده الخط وهي منحرجه بالحيل
في بيت بوحسين
فاضل جالس بالصاله يلعب بلاي ستيشن مع اخوه ريان نزل حسين وجا جلس جنبهم بس على الكنب لانهم جالسين بالأرض مسك حسين جواله وصار يرسل لنوف مسجات شوق ووله وهي بدورها ترد عليه بمسجات أحلى
في جهه ثانيه في بيت بومهند
في الصاله وهم جالسين على الكنب طبعا ليان وورده يمين مهند وقدامهم طاولة زجاج وعليها كتاب انجليزي وقلم ودفتر
مهند . )وهو ماسك القلم)ها ؟ فهمتوا؟
ورده . (استصعبت القاعده وحست ان يبغى لها مره ثانيه شرح علشان تفهمها عدل بس ماتكلمت والتزمت السكوت)
ليان . ايوه الحين فهمتها .......(وتلف على مهند وهي مبتسمه)لو انت الي تجي تدرسنا انجليزي كان احسن من منالو ابد ماتعرف تشرح (وتلف على ورده)الا شرايك ورده؟
ورده . (التزمت السكوت وهي منزله راسها مستحيه من مهند وطبعا كاشفه عن وجها كون انه مثل اخوها )
مهند . (وهو مبتسم)هاورده؟فهمتي علي؟ ولا تبيني اعيدها لك مره ثانيه؟
ورده . (مستحيه بالحيل منه )لا مايحتاج ........أنا فهمتها.
مهند . (وهو يناظر ورده وحس انها مافهمت عليه )خلاص انا بعيدها مره ثانيه علشان تفهمونها عدل.......هي صحيح صعبه شوي ورده؟ إذا مافهمتي علي عادي قولي اعيدها لك مره ومرتين وثلاث مافيها شي ولا تستحين .......(ويبتسم لها)مو أنا مثل اخوك؟
ورده . (وهي منزله راسها هزت راسها من دون ماتتكلم)
ليان . (وهي لافه على ورده)ورده؟........ليه ماتتكلمين إذا كنتي فهمتي ولا لا؟ تبغين تخبصين بكره؟ (ووقفت)انا بروح اجيب لي عصير
ورده . (وهي تناظر ليان بصدمه شفيها هذي بتقوم وتتركني بالحالي مع مهند استجنت هذي ولا شفيها؟)
مهند . (حس ان ورده توترت من حركة ليان )ليان معليش خلي عصيرك لبعدين انتي نسيتي ان وراك انجليزي كيف تتركينه وتروحين؟
ليان . بس انا فهمت ورده الي مافهمت
مهند . ليان العصير ماهو طاير اجلسي علشان تفهمين
ليان . (اجلست معصبه الا تبغى تكون قصة حب بين اخوها وورده متأثره بالحيل من الروايات الي تقراهم )
رن جوال مهند
مهند . (رد)هلا والله .
علي . هلا بيك ...وينك فيه؟
مهند . والله في البيت
علي . مانت جاي؟
مهند . لا والله انا الحين مشغول.
علي . وهالشغل مايخلص؟
مهند . لا بس انا الحين جالس اشرح للاهل دروس (ويبتسم)مالك شغل فيها .
علي . (وهو يبتسم)اكيد في السالفه بنات عم.
مهند . الله يقطع شرك يابن الحلال .....يلا يلا انا بسكر
علي . (وهو يضحك )الله يهنيك.
مهند . (وهو يبتسم)والله انك منسم
علي . (وهو يضحك)منسم في عينك يلا يابن الحلال لنا الله.
مهند . ماتشوف شر (وهو يضحك عليه)
علي . يلا طيب سلام
مهند . (وهو مبتسم )وعليكم السلام (وسكر)
ورده . (وهي منحرجه بالحيل )أنا ..........اسفه........مهند.........عطلتك معي.........
مهند . شش.......شدعوه هذا واجبي يابنت العم واقل من واجبي
ورده . (خلاص لوتشوفوها شوي ويغمى عليها من الاحراج)
في بيت بوجلال في غرفة بندر كان بندر جالس على مكتبه وجالس يكتب خواطر واشعار للبنت الي صادفها بمدخل بيت الجد يكتب ويمزع وهذا حالته من يوم ماشافها
فتح صفحه جديده وكتب
رساله حب اكتبها من دموعي على المنديل
إلى حضرة جناب سيدي الغالي
وبعده ازكى تحياتي إليك الشرح والتفصيل
وهذا الخط يالمجمول يشرح لك عن احوالي
انا من يوم فارقتك عيوني ماتنام الليل
ولا ادري ولا اعلم متى الايام تصفالي
ولا يخفي عليك اليوم انا مشتاق لك بالحيل
ولا تنسى عن حالي إذا ماجاك مرسالي
اهوجس يالطيف الروح واسهر في ظلام الليل
انا اللي شفت في دنيا الاحبه كل الاهوالي
سكر الدفتر بندر . (بهمس)الله ياليان بهالسرعه خليتيني أحبك؟ (ويتنهد)أنا لازم اكلم امي وأخليها تخطبك لي ........انتي لي ياليان انتي لي
في جناح جلال ومريم (في الصاله )
جلال . مرايم؟
مريم . (وهي مبتسمه)عيون وقلب مرايم .
جلال . وشرايك ياعمري لو نعزم عمي وعمتي عندنا بالبيت ؟من زمان ماعزمناهم؟
مريم . انا ماعندي مانع حبيبي بس........لاتنسى ان لازم نعطي عمي وخالتي خبر مو العزيمه رح تكون عندهم؟ ......وعلشان كذا يالغلا.......لازم نعطيهم خبر قبل لانعزمهم
جلال . (وهو مبتسم ويبوس راسها )الله لايحرمني منك ياشمعة الدار
اليوم الثاني الصباح الكل راح للمدرسه عدا ليان امرضت وماقدرت تروح مهند راح لشغله على مكتبه دخل علي عليه
علي . السلام
مهند . وعليكم السلام
علي . (جلس جنب مهند)امس الجلسه بدونك ماتسوى .
مهند. (وهو يتعدل بثقه)عارف عارف من دون ماتقول لي.
علي . (وهو يبتسم)اقول ياكلمه ردي مكانك .....(ويغمز له)وش صار امس؟
مهند . (وهو يبتسم)يعني وش صار ؟ .......شرحت لها وراحت للبيت.
علي . (ويغمز له)علينا هالكلام؟
مهند . يعني مثلا وش بيصير؟
علي . (وهو يلتفت للجهه الثانيه )انت أفهم
مهند . انت امس لو شايف اختي كانت بتسوي مقلب للبنت
علي . (وهو يبتسم)وليه ؟ وش كانت بتسوي؟
مهند . قامت جات بتروح وتترك المكان
علي . (وهو منشد للسالفه)أي وبعدين .؟
مهند . (ويلتفت لشغله)ولا قبلين خليتها تجلس وتنطق مكانها.
علي . ليه ياحظي؟ .........هذا جزاها بتترك لك المكان علشان تاخذ راحتك؟
مهند . (يلف على علي)انت لو شايفها كيف انقلب لونها من الخوف والصدمه انها بتجلس جنبي بالحالها قلت ياشيخ ارحمها وخل اختك تنطق مكانها.
علي . الله يهداك كان الحين انخلى لك الجو معها.
مهند . علي؟ وش هاللفظ ينخلي لي الجو معها؟ هذي بنت عمي مستحيل اسوي لها شي يضرها.
علي . انت مافهمتني انت وين عقلك راح ؟........انا اقصد انك تفاتحها باللي فقلبك ........هذا الي قصدي....
مهند . افاتحها؟........(ويتنهد)(ويلف على شغله)انا بالنسبه لها مثل اخوها
في بيت بومهند
في غرفة ليان كان لبسها عادي بدله سبورت وناعمه ورديه وكانت جالسه عالنت وهي تكح رن جوالها ردت
ليان . (وهي تكح)هلا وغلا.
ورده . (وهي معصبه)ليه حضرتك ماجيتي؟
ليان . (ببتسامه وتعب)ليه مو باين علي التعب؟
ورده . (مبرطمه)الا......بس يالدبه مكانك فاضي بالمدرسه.
ليان . (وهي تكح)يلا خيرها بغيرها .........ها؟ وووش سوويتي؟
ورده . (وكأنها تتذكر وتعصب )تعالي ............الحين ليه كنتي امس بتقومين وتخليني بالحالي؟
ليان . (وكأنها تذكرت الي صار)(ببرائه)يعني وش صار ؟ مو اهو؟ مثل اخوك؟ وثانيا أنا عطشت حبيت اشرب شي.
ورده . (ومامشت عليها خرابيط ليان)وماعطشتي الا بهذاك الوقت ؟ .مرت الخدامه ليه ماقلتي لها تجيب لك شي؟
ليان . يوووووووه ورده خلاص خلاص تحقيق
ورده . ايوه كم مره ومره توعديني ماتسوين شي يزعلني وتحنين لمقالبك وخرابيطك .
ليان . الله صارت الحين مقالب وخرابيط؟ طيب طيب ياحديقة الورد انتي؟ الوعد مو الحين الوعد بعدين.
ورده . اولا انا مو حديقة ورد ......ثانيا .....اشوفك قمتي تهددين حضرتك..
ليان . (وهي تكح)ورده؟ بليز مالي خلق خناق.
ورده . (وشوي هدت)ليون؟
ليان . (وهي تبتسم)ها؟
ورده . ليون؟ اوف والله طفشانه ياشيخه
ليان . تعالي عندي البيت.
ورده . وانا كل مره رازه الخشه وجايه لك ؟ ليه حضرتك مو انتي الي تجين؟
ليان . (وهي تكح)
ورده . خلاص خلاص عرفنا انك تعبانه ......بس مارح اجي لك
ليان . ليه؟
ورده . واي والله فشله
ليان . من وشو؟
ورده . من كل شي.واوله الي صار امس.
ليان . وش صار امس؟
ورده . ليوووووووووون؟
ليان . (وهي تضحك)والله ماصار شي وش فيك انتي؟
ورده . مالت عليك انتي وخشتك........المهم ليون انا بنام الحين باي.
ليان . تعالي وين بتروحين؟
ورده . وين بروح يعني ؟ بنام.
ليان . ماقلتي لي وش سويتي اليوم بالاختبار سهل؟
ورده . غلطت بفقره.
ليان . ليه صعب الاختبار؟
ورده . لا مو صعب غلطت بالمحادثه
ليان . اهاااا.
ورده . يلا ليون ضفي خليني انام.
ليان . (وهي تضحك)okباي.
ورده . باي.
في بيت بوجلال نزلت ورده شافت بندر جالس على الكومبيوتر الي بالصاله موجود وجلست جنبه على الكنبه
ورده . ليه موجالس عالاب توب؟
بندر. .اجلس وين ماجلس وش حارق رزك؟
ورده . (وهي منزله راسها خايفه منه)لا بس كنت ابغى اشوف ردود رواية ليان
بندر. .(لف عليها بسرعه )ليه؟ هي........تكتب؟
ورده . (وهي منزله راسها)ايوه........هذي الثالثه لها
بندر . وش اسم روايتها؟ (وبتسم لانه عرف شي عن ليان )
ورده . (وهي لازالت منزله راسها خوفا منه)(..........................)
بندر . (كتب اسم الروايه بالقوقل وطلعت له منزله بكذا منتدى ولف على ورده الي واقفه جنبه)
ورده . (اشرت له بالمنتدى الي تبغى تشوف الردود فيه)ابغى هالمنتدى هو الي يكتب ردود لها ويشجعها.
بندر . (دخل عالمنتدى وطلع الروايه وقام ينزل بالماوس علشان يوصل للردود)(وصار يقرأ)روايتك حلوه ونستنى الجديد (ونزل مره ثانيه)اسلوبك عجبنا وسارعي بكتابة البارت (ونزل وقرأ جميع الردود بعد مانتهى)
ورده . والله الردود تشجع
بندر. .(لف عليها)من متى وهي تكتب؟
ورده . (وهي منزله راسها)لها فتره مو قصيره اقولك هذي الثالثه يعني خذت تقريبا وقت طويل
بندر . اهااااااا بسم وشو؟
ورده . مبتسمه رغم حزنها.
بندر . ليه كل هالكأبه ؟
ورده . هي تكتب لقبها حسب مشاعرها إذا كانت رايقه تكتب لقب رايق وإذا كانت متضايقه تكتب لقب كئيب على قولتك .(وتروح عنه)
بندر. .(يلف عالشاشه وهو مبتسم وبهمس)شوي واعرف عنك كل شي.
في بيت بو حسين كانت ندى جالسه بغرفتها وريان نايم وحسين يتفرج ع tvوجنبه فاضل رن التلفون وكان فاضل الاقرب فرد
فاضل . الو نعم؟
نوف . (بإحراج)هلا فاضل كيف حالك؟
فاضل . هلا والله الحمد لله
نوف . (تعض على شفتها)أأأأأأأأمممممم جنبك.........
فاضل . (عرف مين وماحب يحرجها)طيب لحظه(ويلف على حسين ويمد له السماعه)
حسين . (بإستغراب)مين؟
فاضل . (يأشر على قلبه)قلبي الي نسيته وصارلك مده كاشت فيه (جلس يتبكبك)ماتخاف على قلبي يتأذى من هجرك؟
حسين . (صار يضحك على اخوه وخباله )شفيك ؟ منسم؟ ومين عالخط؟
فاضل . (وصار يعلي صوته شوي من التبكبك )وشفيك؟ ياخاين الحب؟ تنسى قلبي وتحرمه من سماع صوتك (وقام يشاهق في البكي)(وطبعا بالمزح)
حسين . (وهو يضحك على شكل اخوه)هات السماعه والله انك منسم والكلام معك ضايع (ولما خذ السماعه من فاضل)الو؟
نوف . (بإحراج)كذا تحرجني مع اخوك ؟ كان خذيت السماعه من دون كل هالطواله.
حسين . هلا هلا نوف اسف حبيبتي كنت ناسي الجوال فوق
فاضل . (يدق كتف حسين بمياعه)(ويقلد صوت البنات)لاتنساه حبيبي مره ثانيه ok؟لانسيك عمرك فاهم؟ (وقام ولما قام يمشي بدا يحرك خصره يمين ويسار في المشيه بدلع )
حسين . (ماقدر يمسك نفسه من الضحك على اخوه وخباله)
بعد ثلاث ايام في بيت بوجلال في الصاله كان بندر جالس عالاب توب حقه ويقرا في رواية ليان
بندر . (بهمس)والله مانتي سهله ياليان من وين تجيبين كل هالاحداث؟سكر جهازه وقام صعد غرفته وريح على فراشه يفكر ياترى ليان وش تسوي الحين قام وجلس على مكتبه وفتح دفتر اشعاره
وصار يكتب
البارحه واجهتني في منامي
زولك تصور لي مع طيف الاحلام
مديت يدي في سواد الظلامي
وفزيت لك واقف على روس الاقدام
وقلت ياعين الشقا بس نامي
هذي حلوم الليل جابت لي اوهام
لا والذي له حجنا والصيامي
رب المقام الي يزوره الاسلام
ماأنساك لحظه وانت سبة هيامي
ولاجلك كتبت الشعر واتعبت الاقلام
سكر بعدين الدفتر وفي وسطه القلم وبعدين سند راسه على الكرسي وغمض عيونه
بندر . آه ياليان لحتى متى؟ بظل كذا ؟ .............انا لازم اكلم امي
وقام من عالكرسي وتوجه لباب الغرفه وطلع الا بالصدفه طلعت امه من غرفتها
بندر . (قرب لها)يمه؟
امه . ها يمه ؟ بغيت شي؟
بندر . (وهو متردد )والله يمه .........بغيتك بكلمة راس
امه . (استغربت)خير يمه؟ فيك شي؟ ناقصك فلوس؟
بندر . لا لا يمه مو ناقصني شي .......بس بغيت اكلمك في موضوع.
امه . (وهي متوجهه للدرج)طيب
بندر . (مسك كتف امه)معليش يمه؟ .........ابغاك بالغرفه.
امه . (استغربت )طيب.
وراحوا للغرفه
جلست الام بالكرسي وهو بالسرير
امه . (وهي تناظره)كأنك قلت ان عندك شي تبغى تقوله
بندر . (وهو متردد ومنحرج )يمه أنا ..........أأأأممم ......(وهو يناظر الارض)
أمه . قول ........وش فيك ساكت؟
بندر . أأأأأأمممم أنا قررت .....(وعيونه بالارض)قررت اكمل .........نص ديني ........واتزوج.
امه . (وقفت بصدمه)انت من جدك تتكلم؟
بندر. .(ناظرها بستغراب)يمه؟ كأنك موموافقه على زواجي.
امه . اكيد ........اكيد ماني موافقه انت من جدك تبغى تتزوج ؟ الحين؟
بندر. .(استغرب انفعال امه)اعصابك يمه وليه كل هذا معصبه ؟ بس لاني قلت لك ابغى اتزوج؟
امه . ايوه يابندر .............ولا تفكر حاليا بهالشي.
بندر . (بعصبيه)ليه يايمه ؟ في أم ماتبغى عيالها يتزوجون؟
أمه . (غيرت ملامحها وهدت وجلست)مو هذا قصدي يابندر.
بندر . اجل وش قصدك يمه ؟
أمه . بندر انت لساتك تدرس مين هذي الي اهلها بايعينها علشان تتزوجك وانت لساتك ماشتغلت ولاكونت نفسك ؟
بندر . هذا ردك يمه لي؟ مين الي اهلها بايعينها لي؟
امه . لاتاخذ الموضوع من هالجانب انت قبل لاتتزوج او تفكر مجرد تفكير انك تتزوج لازم تفكر بالمسؤليه بالسكن بالشغل وهو الأساس مو من هنا والطريق ابغى اتزوج.(وقامت توجهت للباب وقبل لاتطلع)فكرة الزواج شيلها من بالك ولا تفكر مجرد تفكير انك تتزوج قبل لاتخلص الجامعه وتشتغل (وطلعت)
بندر . (بعصبيه)(رمى الابجوره عالارض )يلعن هالحظ ليه يايمه ؟ ليه ؟ ليه تسكرين الباب بوجهي وتقطعين اخر امل ممكن يجمعني معها.(ومسك جواله ودق على رقم جلال)
جلال . هلا بندر.
بندر . قريب؟
جلال . (حس صوته متغير )ليه ؟ بغيت شي؟
بندر . إذا موجود ابغاك ضروري.
جلال . لا والله بندر انا طالع
بندر . إذا رجعت دق علي.
جلال . طيب بندر
بندر . سلام.
جلال . وعليكم السلام (وسكر)
مريم . خير جلال ....بندر فيه شي؟
جلال . والله مدري بس حسيت من صوته انه متضايق.
مريم . طيب خلنا نرجع
جلال . ليه ؟ ماعجبتك الطلعه؟
مريم . (وهي مبتسمه)حتى لوتوديني البر كمان بتصير الطلعه حلوه يكفي اني قريبه منك (ومسكت إيده)واتنفس هواك.(وعضت على شفتها)
جلال . (وهو مبتسم)ياويل حالي .....قلت لك بلاها هالطلعه انتي الي اصريتي.
مريم . (وهي مبتسمه)ليه كنت ناوي تخنقني من جلسة البيت؟
جلال . (وهو يمرر إيده ناحية خدها)وانا وين اروح لاقدر الله واختنقتي؟
مريم . مريم بدالها مريم
جلال . والقلب بداله قلب؟القلب واحد عمري ماشفت ان واحد يقدر يستغني عن قلبه
مريم . (وهي منزله راسها من الحيا)طيب خلنا نمشي .......اكيد بندر يبغاك بشي ضروري.
جلال . (وهو مبتسم)ياسرع ماتضيع المواضيع بحياها.(وقرب ناحية خدها وباسها)
مريم . (بدلع)جلاااااااااااال؟
جلال . (وهو يضحك)وش سويت أنا الحين؟
في بيت (علي)في الصاله كانت لجين لابسه وجاهزه علشان الطلعه الي وعدها فيها علي
في الحوش دخل علي ومعه مهند
علي . حياك البيت بيتك
مهند . الله يحيك (ودخل المجلس)
علي . خلك هنا وأنا راجع (طلع من عنده راح لأخته)لجين ؟ أنا اسف مقدر اطلعك اليوم.
لجين . (بقهر)ليه كمان؟
علي . خويي داخل ومايصير نطلع ونتركه بالحاله هنا.
لجين . وخويك مالقى يجي الا اليوم؟
علي . خلاص لجين خيرها بغيرها.
لجين . أنا المفروض اعرف انك مارح تطلعني كم مره تنوي تطلعني ويجي واحد من اخوياك ؟ كأن عمد (وهي تناظره بنص عين)أنا اشك إذا ماكنت أنت الي تقولهم انهم يجون علشان ماتطلعني
علي . (وهو يضحك)حرام عليك أنا اسويها؟
لجين . يجوز كل شي وش معنى يعني مايحبون يجون الا في اليوم الي توعدني فيه بطلعه؟
علي . (وهو مبتسم)سبحان الله صدفه.
لجين . سبحان الله صدفه ها؟
علي . (ويدق جبينه بخفه)يووووه كلا منك منك خليتيني انسى الرجال جوه ..........لجون ؟ سوي قهوه.
لجين . (وهي تتخصر)ياسلاااااااام يقطع طلعتي ؟ واسوي له قهوه؟ يحلم الا إذا قلت لي أسوي له سم أنا حاضره
علي . (وهو يبتسم)لجون؟ بلا مصاخه وسمعي كلامي
في بيت بو جلال في المجلس بالذات
بين جلال وبندر)
جلال . أعتقد عندك شي تبغى تقوله يابندر.
بندر . (وقف)عندي وعندي وعندي لكن مين رح يحس فيني ويسمعني؟
جلال . (وقف قدامه)ومين هذا الي مو حاس فيك يابندر؟
بندر . (بإنفعال )جلال بربك قولي لو ماصار الحادث وانكسرت رجلي انا وش حالي الحين؟
جلال . بهالكلام بوشو ودك توصل له ؟
بندر . غلطت ياجلال لما طلبت من الوالده تخطب لي؟
جلال . (ببتسامه)بربك تتكلم جد؟
بندر . انا غلطت لما قررت اكمل نص ديني؟
جلال . بندر؟........انت مو صغير علشان اقولك ايش الصح وايش الخطأ او أو أوجهك للطريق الصح انت كبير وفاهم .........وأعتقد ان فكرة الزواج المفروض ماتفكر فيها حاليا.
بندر . ليه ياجلال؟ ليه ؟ لاني بالجامعه؟ أعتقد وانت بعمري خطبت مريم وظليت شهرين وتزوجت وشو الغلط الي أنا سويته علشان تمنعوني من حقي؟
جلال . (حط إيديه على كتوف بندر)اولا يابندر انا مادرست في الجامعه بسرعه استلمت الشغل عند ابوي يعني كونت نفسي بسرعه وثانيا انت يابندر تدرس وموبالسهوله الي تظنها رح تلقى وظيفه تناسب ميولك وتخصصك.
بندر . (بخوف)أخاف ياجلال أنها تروح مني.
جلال . (بتنهيده)ومين هذي الي انت خايف تروح منك؟
بندر . ليان..........ليان بنت عمي تركي.
جلال . (بستغراب)لكن............انت وش عرفك فيها؟
بندر . اول يوم العيد شفتها فبيت جدي عبد الله وهي تتعدل فمدخل الصاله بالصدفه شفتها جلال؟ والله ماخلت لي عقل جننتني طول الوقت وأنا افكر فيها لابالجامعه مخليتني ولا بالمحاضرات غابت عني وحتى بالنوم شغلت تفكيري والله مو قادر انساها
جلال . (وهو ينزل راسه )استغفر الله كيف سمحت لنفسك يابندر تناظر وحده من دون شي يسترها؟ هذي مو من اخلاقنا يابندر.
بندر . احلف لك برب الكعبه انها صدفه .......ولحظتها ماقدرت ارفع عيني عنها
جلال . استغفر الله استغفر الله........طيب يابندر......وش خلاك متيقن انها بنت عمي تركي؟
بندر . والله مدري ياجلال ........هي الانسانه الوحيده الي خطرت فبالي ممكن تكون اهي
جلال . طيب يمكن تكون عبير ولا البندري ولا ندى
بندر . لاتنسى ياجلال ان كانوا حسين وبدر موجودين الا مهند مويمكن بهذيك اللحظه وصل اخته ومشى
جلال . هذا مو سبب يقنع ويخليك تجزم انها بنت عمي تركي.
بندر . حتى لو ماتكون هي بنت عمي تركي انا حبيتها حبيت بنت عمي تركي حب على ظلال انسان ثاني
جلال . المهم يابندر لاتفاتح ابوي هالايام هذي .
بندر . (بستغراب)ليه؟
جلال . اوضاع الشركه ماتسرك متلخبطه شوي وبيعطيك محاضره لها اول مالها تالي واظن انك ماتبغى تسمع لك وحده من هالمحاضرات
بندر . ومتى في ظنك تتحسن أوضاع الشركه؟
جلال . الله العالم
بندر . (يعني يبغى لها شهر شهرين؟
جلال . قلت والله مدري متى ماشفت ابوك مروق كلمه.
س . وش رايكم بالاحداث؟
س . بندربيخطب ليان ؟
س . وش سالفة مهند؟ تظنون يحب ورده؟وبتنجح ليان في تكوين قصة حب لهم؟
خلص البارت الثالث
ان شاء الله يعجبكم البارت ولجل عيون الي ينتظرون روايتي هذاالبارت طولته علشانكم..
مع خالص ودي اختكم(المااااسه)

دلوعه من زمن الماضي ©؛°¨غرامي جديد¨°؛©

البارت الرابع
في بيت بومهند في الصاله
ليان . (بصدمه)وشو؟
ام مهند(نوره)ليان؟ هو رجال ولد رجال وسمعته بين الناس طيبه
ليان . (تكتفت)انا مومستعده أتزوجه يمه؟ تكفين فهميني .........انا حياتي مومهمه بالنسبه لك؟
ام مهند . الي نعرفه احسن من الي مانعرفه يكفي انه خوي مهند ورجال يشهد له المجلس بأخلاقه الطيبه واهله ناس معروفين وطيبين.
ليان . اخلاقه لنفسه مو لي وثانيا.انا........ابغى اتزوج عن حب.(مو قلت لكم متأثره بالحيل من الروايات الي تقراهم؟)
ام مهند . عن هالمصاخه الي تتكلمين عنها كلنا تزوجنا زواج تقليدي وتكون الحب على قولتك من خلال العشره.
ليان . (بزعل )يمه ؟ ...............تكفين لاتضغطين علي تكفين.
ام مهند . انا ماضغط عليك انا افهمك واعقلك.
ليان . (بزعل وضيقه)يمه؟............بليز فهميني ماأبغى اتزوج ماأبغى
ام مهند . (قامت)فكري عدل وتركي عنك الخبال ويباسة الراس(وراحت عنها)
ليان .( جلست معصبه)اووووف ليه يمه ماتفهميني؟ليه؟(تبغى تفضفض لشخص يفهمها ويحس فيها خطرت على بالها اختها بدور سحبت سماعة التلفون ودقت رقم البيت)
(دقيقتين)
عبد العزيز . الو؟
ليان . (وهي منحرجه)كيف حالك عبد العزيز؟
عبد العزيز . هلا هلا ليان تمام انتي كيفك ؟ وكيفك مع الدراسه؟ شدي حيلك باقي هالترم وتدخلين الجامعه جيبي النسبه الي ترفع الراس
ليان . (تهدج صوتها)ان شاء الله .........عبد العزيز؟.........وين بدور؟
عبد العزيز . لحظه............(.وصارينادي بدور بصوت عالي)
بدور . (طلعت من المطبخ)هلا عبد العزيز بغيت شي؟
عبد العزيز . ليان عالخط تبغاك.
بدور . (بستغراب)ليان ؟.........غريبه وش تبي هالوقت داقه؟ (وقربت من عبد العزيز وجلست جنبه وخذت السماعه منه)الو؟
ليان . هلا بدور
بدور . (وحست بصوتها انه متغير)ليان ؟ فيك شي؟
ليان . (برجاء)بدور الله يخليك تعالي
بدور . وين اجي؟
ليان . الله يهداك يعني وين؟ بيتنا تكفين تعالي.
بدور . ليان؟ وش فيك؟ انا مقدر اجي الحين الوقت متأخر ومقدر اجي.
ليان . يعني وين بتجين؟ بيت اهلك مو بيت غرب علشان تقولين مايصير ولا ماتقدرين تكفين يابدور تعالي.
بدور . ليان ؟......انتي اهدي الحين وفهميني وش فيك؟
ليان . (شوي وتبكي)مقدر اقولك بالتلفون ابغاك الحين جنبي معرف اقولك كذا.
بدور . ليان؟ خوفتيني قولي وش فيك؟
ليان . ياربي.
بدور . تكفين فهميني والله وترتيني.
ليان . ابغاك تجين
بدور . خلاص ليون وعد من بكره الصباح وانا عندك.
ليان . وعد؟
بدور. .ايوه وعد
ليان . طيب باي.
بدور . باي.
عبدالعزيز . (بستغراب)وش فيها ليان عسى ماشر؟
بدور . والله مدري مارضت تخبرني بالتلفون تقول تبغاني اروح لها ........حبيبي ابغاك بكره من صباح ربي على طلعة الشغل تاخذني بيت ابوي
في بيت بوجلال (في الصاله كانت جالسه ورده على جهاز الكومبيوتر لأن ماعندها لاب توب وهي تتكلم بالشات)
غروري معذبهم . الحلم حلو عدل؟
عايش في احضان المجهول . وش فيها لو قلتي لي عن اسمك؟ بينقص شي؟ بقدر اوصل لك يعني؟
غروري معذبهم . احلم ياشيخ الحلم حلو يكفي انه لساته ماصار بفلوس.
عايش في احضان المجهول . بس اسمك ................ مافيها شي.
غروري معذبهم . . ولا الجنسيه
عايش في احضان المجهول . إذا على الجنسيه عارف انك من الهند.
غروري معذبهم . سخيف.
عايش في احضان المجهول . زعلتي؟
غروري معذبهم . مافي حد يستاهل ازعل علشانه.
عايش في احضان المجهول . لا شكلك زعلتي.
غروري معذبهم . يلا انا تأخرت بطلع.
عايش في احضان المجهول . طيب بتشبكين بكره؟
غروري معذبهم . لا ماأظن.
عايش في أحضان المجهول . طيب انا ابغى اكلمك كيف؟
غروري معذبهم . انا اصلا غلطانه اني كلمتك من البدايه
عايش في أحضان المجهول . لا انا ابغى اكلمك كلام عادي مارح يتطور.
غروري معذبهم . كلكم تقولون كذا وبعدين تقولون للبنت انكم تبغون تتواعدون تراكم مكشوفين
عايش في أحضان المجهول . اصابعك موسوا.
غروري معذبهم . وكمان هالكلام تقولونه لها تطمنونها وتاخذون الثقه منها وبعدين تنكشف نيتكم الخبيثه.
عايش في أحضان المجهول . كل هذا تضنينه في الكل؟
غروري معذبهم . طبعا كل هذا فيكم .
عايش في أحضان المجهول . اجل انتي غلطانه ..........لاتحكمين على الكل من أغلاط غيرهم في منهم الزين وفي منهم الشين في منهم الطيب وفي منهم الخبيث
غروري معذبهم . لحتى وين تبغى توصل؟
عايش في أحضان المجهول . ابغى اصلح نظريتك.انك ماخذه عن الكل فكره مو زينه.
غروري معذبهم . شاب يتعرف عالبنت عن طريق الشات........وش يبغى منها؟
عايش في احضان المجهول . ترى كمان السؤال موجه للبنت.
غروري معذبهم . (عضت على شفتها)(وماعرفت تجاوبه)قلت لك انا غلطانه من البدايه اني كلمتك.خلاص انا بطلع الحين.
عايش في احضان المجهول . ماأبغى اعرف اسمك ولا شي عنك بصراحه عجبتيني.وابغى اظل اتواصل معك.
غروري معذبهم . (حست بالخوف)انت مجنون؟ في عقلك شي؟ انا قلت لك أني غلطانه لما كلمتك وماأبغى اكلمك ثاني.
عايش في أحضان المجهول . تكفين وربي أنا موقصدي ........اكذب عليك او استغلك.
غروري معذبهم . (حست بالخوف)اجل وش تبغى؟
عايش في أحضان الموت . بصراحه أنا ماعندي خوات وودي تكونين انتي اختي.
غروري معذبهم . (جات لها الضحكه)كذبه جديده منكم يالشباب؟
عايش في احضان الموت . (ماعرف كيف يفهمها ان الشباب كلهم مو سوا)والله ياأختي انا مدري كيف افهمك ان الكل موزي بعض.
غروري معذبهم . (بتردد)طيب .......يعني وش تبغي مثلا؟
عايش في احضان المجهول . (ببتسامه)ماأبغى منك شي.
غروري معذبهم . قول وش تبغى؟
عايش في أحضان المجهول . قلت لك ابغاك تكونين زي اختي.
غروري معذبهم . وانتوا تاخذون البنات خوات من النت؟
عايش في احضان المجهول .( ضحك عليها )لا مو الكل او اقصد البعض ياخذونهم تسليه
غروري معذبهم . (خافت )وانت.
عايش في احضان المجهول . (بتسم)قلت لك أبغاك تكونين أختي.
غروري معذبهم . بس أنا خايفه.
عايش في أحضان المجهول . من حقك تخافين.
غروري معذبهم . طيب.
عايش في احضان المجهول . طيب عطيني إيميلك.
غروري معذبهم . ((بتردد)خايفه.
عايش في أحضان المجهول . بس أنا أبغى اكلمك.
غروري معذبهم . صدقني خايفه وثانيا أنا ماعرف عنك شي.
عايش في احضان المجهول . (ببتسامه)كان قلتي هالكلام قبل.
غروري معذبهم . (ساكته ماردت)
عايش في احضان المجهول . ٍأسمي فهد.
غروري معذبهم . وانتوا ماعندكم غير هالأسم؟
عايش في أحضان الموت . (مافهم عليها)كيف يعني؟
غروري معذبهم . يعني كل ماحب واحد يكلم وحده يقول لها أنه اسمه فهد كأن مافي الا هالأسم.
عايش في أحضان الموت . (يبتسم)وانتي وش عرفك؟ صارلك شي؟ من قبل ؟ولا انتي وش عرفك؟
غروري معذبهم . لاتغلط............. مو أنا الي أسلم نفسي للذياب.
عايش غي احضان المجهول . (بتسم)تعجبيني يابنت.
غروري معذبهم . تحسب كل بنات السعوديه ملحوس عقلهم ويضيعهم كلام الحب الزائف؟
عايش في احضان المجهول . تعجبيني بابنت اهلي.
غروري معذبهم . ليه ؟ انت سعودي؟
عايش في احضان المجهول . ايوه سعودي.
غروري معذبهم . (تنتبه للساعه ))انا تأخرت وبطلع.
عايش في أحضان المجهول . طيب عطيني إيميلك.قبل لاتطلعين.
غروري معذبهم .أسفه مقدر.
عايش في أحضان المجهول . ليه؟ صدقيني مارح اضرك
غروري معذبهم . (بتردد)ليه ماتفهمني؟ السالفه موسهله.
عايش في أحضان المجهول . والله اني فاهمك ومقدرك ومحترم خوفك .......بس اختي ومقدر اكلمها؟ انتي ترضينها؟
غروري معذبهم . طيب رح اعطيك رقمي.
عايش في أحضان المجهول . لا ماأبغى رقمك ابغى اكلمك بالإيميل.
غروري معذبهم . أنا ماأشبك على طول بالنت.
عايش في أحضان المجهول . طيب من قلبك ولا ؟
غروري معذبهم . مع أني خايفه.
عايش في أحضان المجهول . محترم خوفك ........وان شاء الله مارح تندمين انك وثقتي فيني ..
غروري معذبهم . **********هذا رقمي.
عايش في أحضان المجهول . أن شاء الله أكون قد هالثقه.
غروري معذبهم . خلاص انا بقوم تأخرت كثير
عايش في احضان المجهول . طيب أستني بعطيك رقمي علشان لو كلمتك اودقيت عليك تعرفين اني أنا.
غروري معذبهم . (بخوف)خلاص فهد انسى رقمي.
عايش في أحضان الموت . اختي؟ انا قلت لك صدقيني أني مارح أضرك بشي.هذا وعد مني.وعد رجال
غروري معذبهم . انا اصلا جلستي بالنت غلط وكلامي معك غلط أنا مدري كيف سمحت لنفسي اني اخطي هالخطوه
عايش في أحضان المجهول . الغلا... طبعا رح أسميك كذا لأني معرف أسمك .....الغلا؟ انا أنسان واقعي وربي ماررزقني خوات او بالمعنى الاصح اني مقدر أشوفهم أو اتعايش معهم مثل باقي الناس ربي رزقني خوات بعد ماأخذ ربي امانة امي وتزوج ابوي وحده ثانيه وتبرا مني تعرفين يعني كيف الابو يتبرا من ولده وهو في سن المفروض يكون جنبه ويكون قدوته في اوقات هو محتاجه فيها ؟ تعرفين كيف يحس الواحد بالظلم من أقرب الناس له واهو ابوه ظلمني من حقي ظلمني من أني اقول يبه ظلمني من ان يكون عندي اخو واخت ظلمني اني اتعايش معهم مثل باقي الناس
غروري معذبهم . (خايفه انه مختلق هالقصه علشان تثق فيه )(وسكتت ماردت)
عايش في أحضان المجهول . اكيد رح تضنيني أنسان أختلق قصص علشان تثقين فيني بس موأنا اللي ربي خلقني علشان أسلب البنات شرفهم
غروري معذبهم . طيب ليه ماتروح لأبوك وتطالبه بحقوقك أو روح عند حد من أهل ابوك وقل له أنك ولده.
عايش في أحضان المجهول . مين بيصدقون ؟ أنا يالغريب؟ ولاأخوهم؟بس ربي كريم جدي يعرف بكل شي علشان كذا يعزمني بالمناسبات حتى لوكانت صغيره.
غروري معذبهم . ربك كريم
عايش في أحضان المجهول . ها؟الحين انتي مصدقتني ؟ولا تماشيني؟
غروري معذبهم . تدري ؟ حسيتك انك غير عن كل الشباب الثانيه بس أتمنى أني ماأنصدم فيك يوم.
عايش في أحضان المجهول . إذا انصدمتي فيني وجرحت ثقتك يوم عرفي أن ربك مارح يضيع حقك ورح ياخذ حقك مني سواء بالدنيا أو بالاخره.
غروري معذبهم . (حست أنها وثقت فيه )طيب فهد أنا تأخرت بالحيل وبكره وراي مدرسه
عايش في أحضان المجهول . **********وهذا رقمي علشان لاتستغربين لو دقيت
غروري معذبهم . طيب فهد انا تأخرت تصبح على خير
عايش في أحضان المجهول . وأن شاء الله اكون قد هالثقه تصبحين على خير.
كتبت رقمه بجوالها وسكرت النت بسرعه لأن الساعه الحين وحده ونص الليل طبعا قامت واهي بتصعد الا صادفت بندر بالدرج (الوحش المرعب )
بندر . (وهوإيده يمررها ناحية ذقنه بشكل يرعب وبهدؤ الي يسبق العاصفه)الحين انتي ماوراك مدرسه؟
ورده . (منزله راسها خوفا منه وتتنفس بسرعه وقلبها يدق )
بندر . (وهو شوي ويرفع صوته)ماتردين؟
ورده . (وهي تناظر الأرض وتبلع ريقها)الا.
بندر . (بعصبيه)ليه حضرتك جالسه عالنت؟
ورده . (ساكته)
بندر . (وهو يناظرها رفع ذقنها بأطراف اصابعه)(وبهدؤ)(يمه يخوف)إذا جيت أكلمك ردي.
ورده . (وهي لساتها ماتناظره حتى لما رفع راسها)اخذني الوقت وماحسيت بالساعه.
بندر. .(بهدؤ)تقولين أخذك الوقت ..........طيب إذا شفت حد منكم أنتي ولاهيوم ولا خلود مقرب ناحية الجهاز لايلوم الا نفسه حدكم الاربعاء والخميس والجمعه.(ويقرب ناحية اذنها ويهمس لها)فهمتي؟
ورده . (وهي تبلع ريقها)(هزت راسها)
بندر . (بعد عنها)
ورده . (أول مابعد عنها وتركها ماتشوفون ألا تراب رجولها)(وصلت غرفتها بسرعه وسكرت الباب وسندت راسها عالباب وصارت تنافخ من الخوف وحطت إيدها على قلبها )اووف اوف ليه؟ يسوي كذا يعني محسووب لنا أخو كبير يسوي لنا كذا ؟ ياربي ........(وتسحب جوالها من بنطلونها وتناظره)الحمدلله أنه مالقاني وأنا أكلمه أو أسجل الرقم كان رحت فيها (وراحت لفراشها وريحت عليه وصارت تفكر بالي صار وكلمات فهد وصارت أسئله كثيره أستحوذت فكرها وعقلها مدري فهد صادق معي مدري الكلام الي قاله عن أبوه صحيح وأنه صحيح متبري منه ؟ يووه وصارت تتقلب بالفراش )
(اما من ناحية فهد قام من عالنت وراح دخل غرفة جدته طبعا من بعد مادق الباب )
فهد . (قرب لها وباسها)يمه؟ انتي لساتك صاحيه ؟
الجده . (وهي تتعدل بجلستها)أيوه يمه ماجاني النوم وحبيت اني أستغل هالشي في تسبيح ربي.
فهد . الله يتقبل منك يمه.
الجده . الله يتقبل من الجميع.....(وتناظره بستغراب)ها يمه؟ حسيت أن فيك شي.
فهد . (وهو مبتسم)مافيني الا العافيه يمه بس ابغاك تطلبين لي أن الله يسهل علي
الجده . (وهي رافعه كفينها ناحية السما)يارب نوّل ولدي مايتمناه ولا تضيع حقه من الظلام ..........وسهل طريقه يارب
فهد . (يقرب من جدته ويبوس كفينها ويقرب لراسها ويبوسه)الله يخليك لي يالغاليه ولا يحرمني منك يارب....انتي الي مصبرتني على مابلاني ربي.
الجده . الله مايضيع حق حد ياولدي ....وبيجي اليوم الي الكل يعرف انت مين ولده
فهد . (ينزل راسه وحس بالحزن حس بالقهر كون ان الكل مايعرف هو ولد مين مايقدر يقول لأي حد هو ولد مين غير الاهل والجيران القريبين بسبب الوالد الي تبرا من ولده وعارفين القصه )
الجده . (وهي انتبهت على ملامح فهد المليانه حزن ومسحت على راسه )لاتنسى ياولدي ان في معبود مايضيع حق المظلوم ولو باقي يوم من حياته.
فهد . (بتسم ونزل راسه وغمض عيونه وباس إيد جدته الي تمسح على راسه)
اليوم الثاني الساعه خمس ونص الصباح
في بيت بوجلال بغرفة ورده جلست على صوت المنبه طبعا صوت المنبه الي هي حاطته ازعاج يصحي البيت كله لأن نومها ثقيل ويبغى لها زي هالمنبهات علشان تصحيها نرجع للمهم خطر على بالها فهد ودها اول مكالمه لها معه تصبيحه
سحبت جوالها ودقت رقمه تحسفت بغت تسكر الا...........
فهد . الو؟
ورده . (وهي عاضه على شفتها من الاحراج)صباح.........الخير
فهد . (تعدل بجلسته لأنه كان نايم وحاول يصحصح شاف الجوال طلع الغلا)هلا هلا الغلا صباح النور.
ورده . (وهي منحرجه وقلبها يدق طبول من الخوف والإحراج )
فهد . الو؟
ورده . (مو راضيه ترد خايفه موت وفكرت انها تسكر في وجهه)
فهد . (بستغراب شاف الجوال لساتها ماسكرت او قطع الخط عرف انها منحرجه وبتسم)الو؟..............الو؟مايصير ماأسمع صوت أختي من صباح ربي
ورده . (بتردد)أأأألو؟
فهد . (بعد ماسمع الصوت ياربي وش نعم هالصوت )هلا الغلا وش فيك؟ لاتكونين خايفه؟
ورده . ببببصررراحه ميته من الخوف.
فهد . (ببتسامه )ولاتخافين يالغلا وأنا أخوك فهد
ورده . أنا بببسكر
فهد . (ببتسامه)احلى صباح وربي.
ورده . الاخو يقول كذا لأخته؟
فهد . إذا كان يحبها ليه لا؟
ورده . (حست بالغلط من كلامه)باي
فهد . الغلا؟
ورده . نننعم؟
فهد . خايفه؟
ورده . (بخوف)طبيعي لأن أنا غلطانه بالي سويته.
فهد . طيب ماتبغيني ادق عليك اوأكلمك؟
ورده . هذا غلط مني أني أكلمك.
فهد . والله عارف .......بس..........يمكن ربي رح يعوضني فيك
ورده . (بستغراب)إيش قصدك؟
فهد . يمكن ربي يبغى يعوضني بالأخوه عن طريقك (ويتنهد)وتصيرين لي أخت (وينزل راسه)وإذا تبغين مني أنسى الي صار وكأن ماصار شي (ويتنهد)أنا مستعد
ورده . ولاكأن شي صار؟ وتنسى كل شي؟ وماتدق على هالرقم مره ثانيه؟
فهد . (وهو يتنهد)ايوه
ورده . وإذا قلت لك .................(وهي تغمض عيونها)رح أصير ..........لك..........ألأخت .........اللي ماجابها ابوك ولاحتى أمك.
فهد . (ببتسامه شوي ويطير من الفرحه )
ورده . (خايفه أنها تسرعت بهالقرار بس ودها توقف معه وتفرح معه وتزعل معه وكأنها من جد أخته)اخوي؟
فهد . (وهو فرحان بالحيل وموعارفه كيف اوصف لكم فرحته )آآآآآآآآآآآآآآه ويني عن هالكلمه الي عمري ماسمعتها ؟ ويني عنها؟
ورده . (وهي مبتسمه)رح تسمعها مني وأنا أختك
فهد . تدرين الغلا ........هذي ثاني نعمه ربي أنعمها علي أنك تكونين أختي
ورده . (بستغراب)ومين الاولى؟
فهد . هي الي خلتني أقدر أعيش وأقدر أكمل مشوار حياتي من دون أبو
ورده . أقدر أعرف مين ؟
فهد . طبعا أكيد يالغلا..........جدتي.
ورده . تصدق فهد .......ودي أشوف جدتي.
فهد . ليه؟ جدتك ماتت؟
ورده . (وهي تبتسم)لا
فهد . اجل وين؟
ورده . (ببتسامه)عندك.
فهد . (وهو يضحك)
ورده . نسيت أني أختك ؟ وأن جدتك هي جدتي؟بس تدري وش الي قاهرني؟
فهد . وشو؟
ورده . مارح اقول أن أبوك هو أبوي من الحين كرهته.
فهد . هو ماسوى لك شي ليه تكرهينه؟
ورده . يكفي انه أذى أخوي وحرمه من حقه
فهد . (بتسم)أجل وش تقولين عن حياتي عايشها للحين من دون أبو ومقدر اكرهه.
ورده . الله يصبرك ياأخوي على مابلاك.....(تنتبه للساعه)فهد ؟ أنا لازم اسكر تأخرت عالصلاه والمدرسه.
فهد . طيب كلميني إذا جيتي.
ورده . okطيب فهد أخليك الحين قوم صّلي.
فهد . أن شاء الله
ورده . باي.
فهد . باي.
في بيت بومهند قربت ام مهند لغرفة ليان ودقت الباب
أم مهند . يمه ليان؟ اصحي الله يصلحك الساعه الحين سته وربع
ليان . (فتحت ليان الباب وهي مبرطمه وزعلانه من كلام أمها لها أمس )
أم مهند . (بستغراب)وش فيك؟ ليه عيونك حمره؟ مانمتي؟
ليان . (بزعل)لا.
أم مهند . وليه كل هذا؟
ليان . ماجاني النوم.
أم مهند . طيب ليه ماجهزتي لحد الأن؟
ليان . وليه أجهز؟
أم مهند . والمدرسه؟
ليان . مالها داعي المدرسه إذا كنت بتزوج.
أم مهند . بلا هالمصاخه والدلع الي عودك عليه أبوك وخلصيني أجهزي لاتتأخرين على المدرسه ربع ساعه وأنتي تحت.(وراحت عنها)
ليان . (بتأفف دخلت غرفتها)
تحت على طاولة الاكل
أبو مهند . (بستغراب لف على زوجته)نوره؟ وين ليان ؟ ليه مانزلت لحد الأن؟كل هذا نوم؟
أم مهند . مانامت البارح
أبو مهند . (بخوف)عسى مافيها شي؟ لاتكون تعبانه ؟ ولا تشكي من باس؟
أم مهند . مافيها الا العافيه لاتخاف عليها.كل هذا دلع منها لاتخاف .
ثواني ونزلت وفي إيدها عبايتها وإيدها الثانيه شنطتها كان لونها ورديه حطتهم عالكنب وقربت لأبوها
ليان . (باست راس أبوها)صباح الخير بابا.
تركي . صباح النور والسرور (بستغراب)فيك شي يبه؟
ليان . (وهي تناظر أمها)لاتشغل بالك يبه مافيني شي.
تركي . (مسك إيدها وجلسها على الكرسي الي جنبه)يبه أنتي دلوعة ابوك مو أي وحده قولي وش فيك ؟ وش الي مضايقك ومعكر مزاجك؟
نوره . الله يهداك ياتركي وش فيها كل هذا دلع بنات
تركي . الله يخليك يانوره لاتتدخلين بيني وبين بنتي.
نوره . يعني ماهي بنتي مثل ماهي بنتك؟ ولا بنتك على قولتك مكانها أكبر من مكاني بقلبك؟
تركي . من جدك يانوره تتكلمين كذا كأنك بزره الله يهداك؟.انتي الوحيده الي تدرين وش مكانتك بقلبي
ليان . (وقفت )تأخرت على المدرسه وأنا لازم اروح .......مع السلامه.
الاثنين . في وداعة الله
راحت ليان تلبس عبايتها علشان تروح المدرسه.
على مكتب مهند.
علي . ها؟ ماردت أختك؟
مهند . (وهو جالس يشتغل)كأنكم معطيينها فرصه سبوع؟
علي . خايف ياخوك ترفضني ......والله ياخوك اني شاريكم وشاري نسبكم
مهند . الله يكتب الي فيه الخير ياخوي.
علي . يعني ماحسيت أنها رافضتني؟
مهند . علي؟(ويلف عليه)ترى وراي شغل.
علي . طرده؟
مهند . الله يهداك من جلست خايف ترفضني وخايف ترفضني أهجد ياخوك أن شاء الله مايصير الا الي يسرك.
علي . (قام من عند مهند بيطلع)
مهند . (وقف)علي؟ لاتزعل مني .
علي . (بتسم)شدعوه ياخوك . مستحيل أزعل منك وأنا كمان حسيت اني مصختها.
مهند . (ببتسامه)طيب أنا ان شاء الله رح أعرف رايها اليوم... وش تبغى أكثر من كذا؟
علي . (بتسم)لا عطوها راحتها
مهند . موكأنك ناشب فيني من صباح ربي تبغى تعرف رايها والحين غيرت رايك؟
علي . لا عطوها راحتها أخاف تقول وهذا ماعطاني وقت علشان أفكر عدل.
مهند . كيفك
في بيت بومهند رن الجرس طلعت بدور
دخلت وراحت تسلم على أمها
نوره . (بستغراب)بدور؟
بدور . (وهي تبوس راسها)صباح الخير يمه
.نوره . صباح النور يمه(بستغراب)عسى ماشر جايتني من الصباح؟
بدور . (بزعل مزح)افاااا يمه ماتبغيني اجي؟
نوره .حياك الله بأي وقت بس غريبه جايتني اليوم من الصباح وش طاري عليك؟
بدور . خلينّاأول نجلس يمه
راحو جلسوا على الكنب.
بدور . (بعد ماجلست)ولا شي يمه كل السالفه أن أمس ليان داقه علي وكانت زعلانه وعلشان كذا جايه أعرف وش فيها؟
نوره . آه من هالبنت مدري مين بالعيله طالعه عليه بيباسة راسها
بدور . عسى ماشر يمه؟ وش صاير؟
نوره . مثل العاده متقدم لها واحد.
بدور . المفروض يمه تقولون لهم ماعندنا بنات للزواج كون أن ليان ماتبغى تتزوج
نوره . من جدك أنتي وأقطع بنصيب هالبنت؟ آه منها أبغى أعرف على مين طالعه عليه هالبنت ؟
بدور . ومين هذا كمان الي متقدم لها؟
نوره . خوي مهند أسمه علي ويشتغل معه بنفس المكان لا وأهله ناس معروفين بأخلاقهم الطيبه
بدور . ليه هالمره رفضت؟
نوره . على قولتها تبغى تعيش قصة حب.....لعنبوها وين بتعيش قصة حب وحنا بالسعوديه؟ بتذبحني هالبنت.
بدور . (وهي تضحك على أمها وأنفعالها)وش بتسوين طيب؟
نوره . انتي كلميها.
بدور . أنا بكلمها بس إذا مانفع
نوره . بخلي أبوك يكلمها يتفاهم معها يمكن يليّن هالراس اليابس.
بدور. .من جدك يمه ؟ أصلا إذا بيكلمها أبوي مارح تقدر تقول شي.
نوره . وهذا الي أبغاه.
بدور . لا يمه حنا نبغاها توافق موتنغصب.
نوره . صراحه مارح أخليها تفرط بهالأنسان بصراحه ماينتعوض خصوص أنه معه أخوك مهند وأهله نعرفهم لو مانعرفهم قلت يمكن بس نعرفهم مومخليتها ترفضه .
بدور . (ماعرفت تقول شي أمها مصرّه شكلها هالمره ومافي أمل أنها ترفضه زي الباقي)
في بيت بوحسين الظهر الساعه ثنتين وربع في غرفة ندى توها بتنام الاتسمع صوت دق الباب
ندى . (قامت بتأفف من السرير )(وفتحت الباب)
ريان . اليوم بيجي نواف ورح نلعب كره نبغاك الحكم تلعبين؟
ندى . وليه بالله الحكم؟
ريان . أجل وش تبغين؟
ندى . أبغى العب.
ريان . بس أنتي المره الي راحت لعبتي وخسرتيني وبصراحه أنتي ماتعرفين تلعبين؟
ندى . أعرف ألعب الحين وثانيا خل نواف هو الي يكون الحكم ليه كل مره أنا أكون الحكم؟
ريان . نواف مايرضى يكون الحكم وحمدي ربك ان حنا بنخليك تتشاركين معنا باللعبه لو امي تدري نتفت شعرك أنهبلتي أنتي تلعبين معي انا ونواف؟
ندى . وليه بالله قلت لك أخركلام وماعندي غيره أما أنكم تخلوني ألعب معكم ولادوروا لكم حكم غيري.
ريان . خلاص لما يجي نواف يصير خير
ندى . قول لنواف ندى مارح تكون الحكم.
تحت بالصاله (بين حسين وأمه)
سحر . هايمه ؟اشوف انّ خطوبتك طولت منت ناوي تتزوج؟ورى ماخلصت شقتك؟
حسين . يمه مو باقي فيها شي ترتيبات بسيطه وتجهز
محمد . أجل ياولدي نخلي زواجك بالإجازه ؟
حسين . بخبر نوف يبه وأن شاء الله مابيصير الا الخير.
في بيت بوجلال (في غرفة ورده كانت لابسه بدله مريحه فوشيه وكانت رافعه شعرها خيالي وكانت مريحه بالفراش )
ورده . (وهي تضحك)فهد والله؟
فهد . (وهو مبتسم)أخوك ماهو سهل
ورده . مقدر أتحمل وش هالثقه؟
فهد . حلوه انّ الثقه تكون في محلها وأظن اني مو ناقصني شي ولا أنتي وش تقولين ؟
ورده . (وهي مبتسمه)مقدر أقول شي أخوي كل شي يقوله صح.
فهد . (وهو يضحك)والله حلوه كلمة أخوي طالعه من فمك
ورده . فهد؟ وش قلنا حنا؟
فهد . وش فيك؟ أنا قلت شي غلط؟
ورده . خلاص فهد أنا الحين مضطره أسكر
فهد . متى رح تكلميني؟
ورده . مدري أنا بس الحين بسكر لازم عاد أختك ترتاح من جيت وأنا أكلمك .
فهد . (وهو مبتسم)والله ماني عارف أسكر سوالفك مره حلوه وتجذبني.
ورده . (وهي مبتسمه)علشان تعرف أن أختك ماهي سهله
فهد . ياعيني عالثقه.
ورده . (وهي تبتسم)طالعه على أخوي.......(سمعت دق الباب)يلا يلا فهد باي
فهد . باي.
ورده . (سكرت)نعم؟
هيام . (فتحت الباب)عمى طول هالمده وش تسوين؟
ورده . نعم؟ خير؟ وش تبغين ؟ كل هذا حب؟ماتقدرين تفارقيني ؟
هيام . (بستهزاء)ناظر من يتكلم ؟ اقول ماخذه في نفسك مقلب وش هالثقه؟
ورده . (بتتكلم بثقه نست نفسها)طالعه على أخوي.......(وذكرت وسكتت)
هيام . (تناظرها بغرابه)وليه سكتّي ؟مين اخوك هذا؟ الي ماخذها معه مقلب في نفسكم؟
ورده . آآآمم بندر.أيوه بندر.
هيام . (بهمس )مالت عليك وعليه.
ورده . مالت عليك أنتي ليه تقولينها بصوت واطي؟ علشان مايسمعك؟ يالخوافه.
هيام . عادي خاف تسلم.
ورده . مالت عليك وش تبين؟
هيام . أي صح الغدا.
ورده . امدا الغدا برد وأنتي توك تنطقين يامال الي ماتنطقين
هيام . أحترمي نفسك ياأم السعف واليف يازكيه زكريه يا...
ورده . (تقاطعها)اكلي تبن يالعنز
هيام . مالعنز الا انتي
ويدخل بهالحظه الموت المفاجئ
بندر. .(بعصبيه)يمال العمى وشفيكم كأنكم خبول منهدين من مستشفى المجانين يامال العمى الي ياخذكم مدري أمي كيف متحمله هالخبول عندها.(وطلع)
هيام . (بخوف)يمه من وين طلع هذا ؟
ورده . من المصباح السحري يعني من وين؟ من الباب.
هيام . وربي وقف الدم عندي وش فيه هذا كأن مايخلينّا نعيش حياتنا وسنّا أوف.
ورده . الله المستعان
هيام . يلايلا خلينّا ننزل لا يطب علينّا مره ثانيه مالي خلق عوار راس
ورده . (وهي تأشر لها ناحية الباب)تفضلي.
وطلعوا.
خلص البارت الرابع
س . وش توقعاتكم ؟
س . بندر وش رايكم بشخصيته؟
س . وش رايكم بتصرف ورده؟
س . وش تظنون يصير بالأحداث الجايه ؟

دلوعه من زمن الماضي ©؛°¨غرامي جديد¨°؛©

بصراحه تخيلت هالمنتدى يرد بس لقيت العكس ومافي اي تشجيع وعلشان كذا أعذروني مقدر أكمل لكم الروايه .......

عشرة عمر ©؛°¨غرامي مشارك¨°؛©

لا فديتج

رواايتج مره حلوه كلمني ننتظرج يالغلا

الاميره ديآنآ ©؛°¨غرامي جديد¨°؛©

الروايه مرره روووعه بلييز

ننتظرج وربي يالغلا .....

حبك عذاب والم ©؛°¨غرامي مشارك¨°؛©

روايتك رووووووووووووعة بليز كملييييها

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1